|
|
|
 Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: بعدين سيرة وضاحة ما تجيبها في خشمك ( الخشيم بالسيف الدُكري )
دي ملكتنا وملكة ست جيلا
ودي شعراً ماعندك لي رقبة هههههههههه
هي الملك
وعايزين تكون ملك
وملك عظيم يا زول
فوق لي زحل سكونا
والزيك بس تعاين بعيونك زي شوفك للهلال والقمر أربعطاشر
عاين وإتكرش كرشة غنماية مجربة فوق حيطة هههههه
لكن أنا الككو الفجخ الطين
لي وضــــــاحة هديـــــــة النعمأني زعلان منها لكن كيتن فيك بهديها البتستاهلو من قول وحديث |
شكرا يامك والله ما تزعل انت عارف ظروف الحياة والشغل
ههههههههههههههههه المسنوح دا لما يجى ما طيروا سيبوا هههههههههههه
| |
 
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
| Quote: خلاص يا سجم الرماد علبوها وسووها فسيخ كمان ههههههها |
انت لو كنت معاي قبل اسبوعين كان مت
لما جاءت الملكة لدبي
ههههههههههههههههههههههه
نور علي نور
اتصلت بيك عشان نكلمك مع بعض لكن خزلك تلفونك يا قمير
لكن انا برضو قلت الحمد الله تلفونك الكان خارج الخدمة لانو لما تسمع صوتي
وبعده صوت وضاحة من نفس التلفون كان وقعت
وكان لموك في قفة وودوك البردانة
اكلنا KFC
البتحبوهي .... زي حبك لي انت لي العصيدة بي ملاح والويكاب يا عرريب
عليك الله اتصل بي ولا اعطيني تلفونك اوجعك
| |
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: خلاص يا سجم الرماد علبوها وسووها فسيخ كمان ههههههها
انت لو كنت معاي قبل اسبوعين كان مت
لما جاءت الملكة لدبي
ههههههههههههههههههههههه
نور علي نور
اتصلت بيك عشان نكلمك مع بعض لكن خزلك تلفونك يا قمير
لكن انا برضو قلت الحمد الله تلفونك الكان خارج الخدمة لانو لما تسمع صوتي
وبعده صوت وضاحة من نفس التلفون كان وقعت
وكان لموك في قفة وودوك البردانة
اكلنا KFC
البتحبوهي .... زي حبك لي انت لي العصيدة بي ملاح والويكاب يا عرريب
عليك الله اتصل بي ولا اعطيني تلفونك اوجعك
عيييييبك
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: شبعانة في الاكل الافرنجي
بتكون ممسخة فاقدة الهواميك بس |
هههههههههههه
يا أخوي ها
اكل شنو البتقول علي
اول شي في التبادي بعد تلفون منها من غرفتها في الهوتيل
جاني الصوت همساً .. قتّا من تلفوناتها المسنوحة الما بتعرف ليها أول ولا أخر ديك
قالت لي أنا في دبي
قلت ليها ما بصدق
قالت والله
وين نازلة
افتكرت تقول لي في هوتيل في ديرة ( هوتيلات ناس ود العدامة )
قالت في . ( address hotel ) دا يا أخوي اظنو 15 نجمة
جدعت بنطيل الجينزغادي ومرقت بدلة لقيت باني فيها العنكبوت نفضتها وبخيتا بي شوية موية ما نفع
شلتها وجريت علي المغسلة
قتّا ليهم دراي كلين في خلال ساعة الدايرنو بديكم لي
البنغالي صاحبي ههههههههه جيهني
قشرت ومشيت
بعد قشرتي دي ناس الفندق افتكروا اني طاشي
قالوا آزول ها شن بدور
قتّا ليهم بدور بنية اسمها وضاحة
الهندي مال التش قال لي : هي بتعرفك
قتّا لي بالحيل
ردا علي : I don't think so
قربت انط في رقبتو
قتا لي من جبل ام علي من أهل لينا غادي ونحن كلنا عيال الشيخ حامد
أبـ عصا
قال لي :اسمك
أديتو اسمي وقلبي علي دم بدور انطحو براسي
اتصل بيها في الغرفة
وبعدها تغير مجرى حديثه ومعاملته
قال لي : sorry sir come with me
وجاب لي ليموناضة جميت بيها حيلي
وانا في انتظار ظهور الشافعة ويافعة ( ريقي ينشف وأبلو بي حبة ليموناضة )
فجاءة خرجت من الأصانصير ( خرجت شنو انبلجت دهمة من لهب يحرق البتهابل )
اخوك إتشهد وقام والكرعين يضربن فوق بعض
اخليك هنا لانو تفاصيل الحديث بدور ليها تلفون
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
بنم علي الأشوّل
في حكرة الديوان
قلبك شجيع ما بضل
قدام البواشّا
الربطو ما بنحل
بنم علي الأشوّل
بنم اي بجر القول شعرا نمَّ اي انشد ابيات من شعر بلحن
الأشول : اي شخص ايسر يقال له او يعرف باسم الاشوّل
ويظهر ان الممدوح كان يعرف باسم الأشوّل
في حكرة الديوان
قلبك شجيع ما بضل
كما أسلفنا من قبل محكر الديوان بجلس فيهو ذوي المكانة الاجتماعية الراقية
وما بجلس فيهو إلا راجلن مالي مكانو شجاعة وكرم وشهامة وجامع لكل صفات الرجل
مكان جلوس هولاء بكون في صدر المجلس ولهم زمام الحديث قولا
قدام البواشّا
الربطو ما بنحل
البواشا : جمع كلمة باشا ( باشا : لقب تركي تعطى للحاكم القاضي في امر الناس ايام الاستعمار التركي )
لكن الأشول كان رجل له كلمة وحتى الباشوات يعملوا لها ألف حساب وتقدر
ربطو ما بنحل
اي رأيو ما بقع واطا ويأخذ به حتى الحكام لو أدلى به
لما قالت ربطو ما بنحل
الراي اهلنا بقول يعقد عقد مثل الحبل
الراي السديد ربطو ما بنحل واستخدام مجازي ربط وعقد الرأي
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
ندهتَّ لي القيوم
التمساح العُشاري
الحجر مشارع العوم
بي سيفو بنسف المضوم
دا أبـ زيطاً طلع
شقق بلاد أقسوم
نده اي إستنجد ودعى
ندهت لي القيوم : اي دعاء لله لله تضرعاً ان يكون ما أحب له ان يكون
وهو في قوته مثل التمساح العُشاري وهو أكبر نوع من التماسيح عرف في بلادنا
التمساح العُشاري : وسميى بهذا الاسم لانه تقريباعشرة أقدام تقريباً
لانو عشرة امتار كثير شديد وما أظن ان يكون هناك حيوان بهذا الطول
حجر مشارع العوم
حجر اي منع وحال دون ذلك ويخاف البشر ان يقربوا من المنطقة الموجود فيها رهبةً وخوفا
مشارع : من مشرع مكان آمن فيه يعوم الناس : لانه ما كل مكان في النيل بتعوم فيه البشر
هناك مناطق فيها مكان السواقي القديمة وهذه تكثر فيها الشيمة
والبحر بشيل عوامو والشيمة البقع فيها كان مابقى حريف في العوم بروح فيها وهي اللواية
بتكون في شكل مخروطي رأسه في قاع النيل وقاعدتها في سطح المياه ويلف فيها الموج نازل لمنطقة الراس
في القاع في شكل دائري وبقوة شديدة وعندما فلو دخل فيها من يعوم تراه تحمله الامواج نازل لاسفل
لذا جرى المثل ( البحر بشيل عوامو )
في مناطقنا في شندي ( مناطق زراعة أهلنا ) كانت قديماً سواقي وفيها يكثر الشيم ( جمع شيمة لو صحَّ الجمع ساقطين عربي )
غرق فيها الكثير من أبناء أهلنا
في ذات مرة كان مجذوب ود إبراهيم يسبح هو وبنت عمه وكانت بنت عمه سباحة ماهرة تفوقه في السباحة( ومجذوب عواماً قاطع )
عليهما رحمة الله ماتت هي يومها في البحر وعمر مجذوب لكنه مات قبل سنوات مضت
كانا يلعبان في البحر كل واحد منهم يرمي العُشرة يقول للأخر ( ديك أمك )
اي تحدي ألحق أمك أنقذها فيعوم ويلحق امه ويخرجها ( اي يخرج العُشرة ) وفي مرة كانت البنت تعوم ووقعت في شيمة لم تستطع مقاومتها فغرقت
لحق بها مجذوب وعرف يتعامل مع الشيمة اي لايقاوم ( وهذه هي طريقة مقاومتها ) ويترك للشيمة ان تنزل به لأسفل ثم تقلع به
غطس وارءها لكن لم يجد لها أثر ومكان السواقي اسفل بكون غريق زيادة على ذلك بكون فيها حفر كثيرة مثل الآبار تقريباً
لم يجدها وماتت المسكينة غرقاً وقلع جثمانها بعد ثلاثة أيام
وهذه هي الشيمة وكيف البحر بشيل عوامو
بي سيفو بنسف المضوم
دا أبـ زيطاً طلع
شقق بلاد أقسوم
وهنا تقصد انه كان حاذق في فن القتال
سيفو بينتف المنضوم
ينتف المنضوم : ينتف اي يقطع
المنضوم العقد الذي نظمت حبيباته
وهنا الدقة في ضرب السيف مثالا
زيطو طلع : شاع خبره وعمَّ البلد
شقق اي وصل لحدود جبال اقسوم وهي جبال بعيدة
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: الطيب شيقوق)
|
Quote: خليها تديك تلاجة امصال ثعابين وعقارب - قالوا اليومين ديل الشمالية ثعابين زى الشعيرية بس
سامعة الكلام دا يا ضل الدليب البرمي ضلو في اقاصي الشمال وناسي عولو في جبل ام على ؟ |
ها زووول ها
النار الشفتها دي
ما دايرا ليها أمصال
تمشي هي
لما يشوفها
العيان بطيب
الملدوغ بفرفر ويقوم
حرّم المجنون تطيبو بي حلاوتها دي
قالوا قطعة سُكر
وقلنا أحلى وأنضر
أيه نعومة المخمل
ورائحة عود الصندل
جنبها ...
وآه وووب من الشافعة الشويفعونة ترمي الزووول طب من طولو
وفي الفريق إن دارت تحوم
أول حاجة بتقيف السموم
وينزل الغيث القش يقوم
لي وضاحة وخيالها ماثل امامي
وما فارق
وضل الخير برمي بعيد وقريب
إت أمرق منها
وأبقى عاقل وما تتشالق تقول تشوفا
وحات الله يكون أخر يوم ليك وتاني لابتشوف هندي لا عماني
وحت الدكتر السوا ليك العملية
تاني ما بترى بعينك وبتنحبس أم عبدالله شهور العدة ( حضانة )
وإنفرش صوينان في البردانة وأم أم بدة لي ناس محي الدين جبرين هههههه
ابقى واعي
أنا هسي فاضل لي أجدع
جنيت وجني جنّا
وكيف أعيش وصبري ولّى
مودع ..
وسببي الرُخرخ
القام من صغير متفدّع
هييييييييييييييييييييع أنا ياني الككو الفجخ الطين
إت مع شنو يا جنى البردانة
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
وجاتك شخرة الطنبارى
مشتاقاً يسوى القوق
ونومك طار واتقسم
والرشرش صبح مفروق
واتلفحت نص من توبك الجرجار
على الدلوكة سايق سوق
وتلقى هناك بنات بلدك ولاد بلدك
يعلو الصفقة تقدح فى القلوب الشوق
ونغم الفال ابشرن يا بنات بالخير
لوحة فنان
ولله درك يا ود بادي
يرسم لوحة
لذاك الصبي إتعشى بي لِبينة بي كسرة
ورقد جادع عنقريبو في سهلة واسعة وخاتي عودو المضبب تحت سريرو
وسكينو تكنا تحت المخدة
وفي الطقطاقة السغيرة قدام عنقريبو جدع حقة التمباك ومعاها سجارتين ملفوفات في قصديرة
علبة البرنجي أشتراهن من دكام ود عطا يشربن بكرة بعد كباية الشاي
مع الصباح
رقد متيقن
ويادوب سرى النعاس في حفونو وأخد غِميضة سغيرة
جاتو نمـــة الطمباري
مشتاقاً يسوي القوق
والنوم طار من عينو إتقسم علي الجيران
وصِبح رُشرش عينو مفروق اي تباعدت الرموش من بعضها والنومة راحت وعاد تاني وين إجيهو النوم
والطمباري يسوي في القوق قوق القمري القوق قوق
قام من عنقريبة ودخل علي الديوان يكابس فوق ضلامن دامس إتهبش جاي وجاي
عتر فوق كرسي رفعوا ومشى يلتمس لاقدميه درب الشماعة
معلق فوقا التوب الجرجار وبعدما درع عراقي فوق السروال الطويل إتلفح التوب
لبس مركوبو وقجا ساند عُكازو في كتفو وموسدو اليدين يفك بيهن عصيبات لسة مشموطات من الرقدة
مباري النمة لآمن وصل للدارة
وصل لقى بنات بلدو
ولاد بلدو
ناسو وعقابة وسندو
غُبش وهو منهم وفيهم
والحفلة هايشا
نغم الفال بالعديل والزين
وصوت جناياً قارح تالي ضرعاتو في العرضة
أبشرن آبنات بالخير
ايوا الخير بجي منهم وما بعز بنات بلدو ما بجي منو خير
أبشرن آبنات بالخير
وهي كلمة تقال ولا نرمي لها بال
عندما تقال هذه الجملة تعني من المعاني ذات القيمة معنى
اي أبشرن ونحن فداكن إن عبكت وحمى الدواس
وما بنسوي الشينة وبثبت يا وقعة يا جبنا البفرحكن خير وسرور
ولابسنها حلقة في اضانا ( الصقر إن وقع كتر البتابت عيب وبنثبت ركايز يوم الحارة )
ديل جنيات أماتن كحلنهن بي شطة ويم ولد شبو ابواتم وصوهم الرُجال ما تشوف موطأ كرعيك اي ماتجري
وأقدم وما ترجع لي ورا وخلي الضرب يجيك في مقدمة راسك وجسمك ويجي في قفاك وتبقى طرورة مقرعبا في الحلة
هيييييييييع
دا حديثن بخلي الزول يعضي إيديهو يا شيقوق
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
يعلو الصفقة تقدح فى القلوب الشوق
ونغم الفال ابشرن يا بنات بالخير
والجنيات تطير لا فوق
وكم زغرودة تتفجر
تفور بالناس بعد ما تروق
يعوم الوز صدورو تشابى
للمجهول وما بتضوق
تميل زينوبة زى البان
يمين وشمال تودى الطوق
واخوان ام شلخ
ينكبو جوه الداره
زى صقرا نزل من فوق
مع هيصة الحفل تموج الدارة عندما تهبق الدلوكا
والدلوكا فيها سر عجيب تقدح في النفس شرر تهوش وتغلبك العقدة
إلا تقوم وتعرض .. تصوقّر ..تهز .. تشيل شبال من صبية تشبه الورد مفرهدة
تفوح منها رائح العطر خُمرة تقدح في القلوب الشوق ويداعب مشاعرك مزيج حلو المذاق
بين الحب والشوق وهو النفس غريزة من فعل شمة خُمرة
والجنيات تهوش وترتقي في علو النشوة همة شي عرضة وشي نهري أبشرن آبنات بي الخير
عيونهم حمر يتطاير منها الشرر ضكرة مو شر
وكم زغرودة تتفجر ( تفرطق )
تموج بسي الناس بعدما تروق
للزغرود أثر يزيد فعل هبقة الدلوكا هوشة وتطول الناس لي فوق
يأتيك شعور تحسه انك مرتفع عن سطح الارض تعلو وتسمو بمشاعرك ولا يهدى لك بال إلا لما تعرض أو تجلد بالسوط بطانا
وزينوبة وسط الدارة يلامس الكتف الكفل في رقصتها وينكب الشعر متدلي يتيمم صوب الظهر يغطي الكفل وينزل منه شبرا
وتميل زينوبة زي البان والبان من طبعو الميسان والميل ويكون تبادل القبلات بين وريقات البان محنة وشوق
تميل زينوبة زي البان
يمين وشمال تودي الطوق
والطوق : هو ممسك الشعر وعادة يكون من ( التبخ كما نسمية في بلادنا )
واخوان ام شلخ
ينكبو جوه الداره
زى صقرا نزل من فوق
وكل هذا الجمال فورة
دلوكا تهبق .. زغرودة تتفجر .. رقيص زينوبة
تقدح في قلوب الصبية نار مولعة جمرها أحمر
وينكوا أخوان أم شلخ في الدارة زي صقور خارت على الأرض تلتهم فريستها
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
تميل زينوبة زى البان
يمين وشمال تودى الطوق
واخوان ام شلخ ينكبو جوه الداره
زى صقرا نزل من فوق
ضرب الصوت والركزة بيفرق الناس
عشان زينوبة ما بتحوق
وعاد تتحزم الجنيات
وتتنظم تقيف في روق
وكل واحد يهز ضرعاتو
والحجبات تزح لافوق
جفير الخوسة فايت الكوع
وسيرو مع العضل مطبوق
والطاقية تحت الحاجب المعقود
هدية أم زين وما مشرية من السوق
وإنكبوا أخوان ام شلخ وهذا حديث يطلق علي الصبيان القلوبهم محدثاهم صبيان بهزوا ويرزوا
وبحمواأمات شلوخ ( عروضهم )
وحزم كل واحد منهم جلبابه حول صلبه يضاريه حياءً من النسوة
وأصطفوا في روق
والروق هو الصف المستقيم
وهذه هي من طقوس البطان ان يقف الصبيان في صف
ولما كل هذا
معشعش في عقولهم
أن :
ضرب السوط والركزة
بفرق الناس
عشان زينوبة ما بتحوق
بتحوق : اي تتقسم وتكفي
وتتنظم تقيف في روق
وكل واحد يهز ضرعاتو
والحجبات تزح لافوق
والجنيات بدت تنتظم في روقها ( صفها ) ويا لجمال اللوحة تلك
كل واحد يهز في ضرعاتو أظهار لقوة
وتلك الأية منظر الحِجبات في ضراع كل واحد منهم عندما يهز ضرعاته تنزل ويرفعها لي فوق ترقد فوق العضلة في الضراع
نعم هي لوحة بديعة ولا يتخيلها إلا من رأى وشاف عيان
جفير الخوسة فايت الكوع
وسيرو مع العضل مطبوق
الجفير : هو غمد السكين
جفير الخوسة ( والخوسة هي السكين اسم بلدي لا تسمعه إلا في الاقاليم والقرى )
يقصد جفير الخوسة طويل لما فايت الكوع
وسيرو : والسير هو رباط السكين ويكون اساساً من اصل الجفير جلدا
اسير متجده غائص في لحم عضلة الضراع وهو كناية عن قوة الرجل الذي يلبس السكين
مطبوق : تعني هنا لا تستطع ان تميز السير من عضلة الضراع مطبوق فيها
والطاقية تحت الحاجب المعقود
هدية أم زين
وما مشرية من السوق
وضع الطاقية تحت الحاجب هي من ميزات الشفوت وهي تعبير عندهم عن إنو قاهر
ولا يقدر
والطاقية ما مشتريها الواحد فيهم من سوق الله واكبر لكن .. ( الطاقية ) مشغولة بيد الحبيبة البحبها ميت في حبها
وكل دا عشانا
وما اجمل الهدية من معشوقة
ترتقي لمصاف المقربات في النفس وفيها وبها ومنها الروح تشع ( روح الحبيبة )
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
ويتقدم عريس السمحة رافع صوتو
كان بسوقوا بيهو النوق
عريس السمحة في البنوت يتقدم وفي يده الحريرة مخروزة بقطعة من ذهب خالص تدقر العين
محصن بي ياسين وعضم الحوت من عين الحسود .. مدلك ونياير نورة الجِنيات زي قول الحبوبات حديثاً فيهو محنة وشوق دفين
الجنيات متحزمة واقفا في روق
زغرودة تتفجر تفور بي الناس بعدما تروق
رقيص زينب يمين وشمال تودي الطوق
يتقدم العريس رافع صوتة حاقب سيفو في كتفو متدلي
السوط مو سوط خمج
سوط عنجاوي
والعنجاوي من احسن انواع السيطان قوة وطري
بعدما يدهن بالقطران سوط استخدم في سياق الابل
والعنجاوى ينزل فوق ضهورن
بس تقول منشحطة فيهو بروق
ويبدأ في جلد الصبيان الواحد تلو الاخر في حركة فيها مخترة وجمال
حركة العريس تختلف من عريس لاخر والعريس الحريف يكون جلده غير مؤذي لكن يؤدي للتعبير المطلوب
وينزل السوط على ظهورهم كأنه بروق لمعت في سماء يوم ممطر تتلاصف من الجروح كأنها البروق
يبدا مجرو بالترقوة ويتحدر
مع الضلع القصار ملصوق
هنا نرى ود بادي قد وصف ضرب السوط وهو ينزل على ظهور الصبيان بالطريقة الصحيحة في الجلد
أن ينزل السوط في جسد الصبي مبتدئ من الترقوة ويتحدر اي ينزل منحدرا مع الضلع القصار
اي اسفل الففص الصدري من ناحية الظهر
واحمر عين يشم الدم
بعد ما يرش بنات
عمو ويزيدن شوق
وثابت حيطة
لا بتهز ولا بتلز
أحمر عين هو الصبي الراكز لي السوط
يشم دمو والدم بهيج
زي ماهو معروف للكل
يقدل متجه ناحية بنات عمو لزم ونسبة
يرشهن بي دمو وصاري جبينو تعبير عن شجاعته وقوته وثباته وصبره على الالم
وثابت زي الحيطة سمنت مكانا
لا بتهز ولا بتلز
وصارى جبينو كلو عروق
وقال بعد العقد طلقانة ما يحجزوهو
إلا يخلو ضهروا شقوق
هناك الحال مغير جد
وهيجة الناس تفوت الحد
وكان حجازو مد الليد بتسمع كع
وصاري جبينو مدعاة لايريد حد يصلو ويقولّو امرق كفاك
ولسان حاله يقول
طلاقانة مرتي بعد عقد وزواج ما يحجزوا ولا يقولولو امرق كفاك
إلا يخلو ضهروا كلو شقوق من ضرب السوط وهي حالة تلبش وانجذاب لا يفهمها إلا من شهد او جرب
هي حالة سمو يحس فيها الصبي انه يملك الدنيا لرضاء المحبوبة تحملاً للأذى
والبركز لي مثل هذا العنجاوي قطع شك بثبت للأمر
وكانت عادة السوط في زمان يدرب فيها الصبية على كل فنون تحمل الاذى وفنون القتال وايامها كانت حروب طاحنة بين القبيلة والاخرى وفي بعض المرات بين الاسر في القبيلة
الواحدة
هناك يا جنى البردانه الحال مغير جد عندنا
وهيجة الناس في تلك الساعات تفوت حد الهيجة
ولو الحجاز مدَّ اليد
بتسمع كع كسر يدين كسر رقبة
وعيييييييك والحال مغير جد
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
ندهتَّ لي الصُلاح
بي عيني بشوف
سيف بريقو اللاح
ابويا الربطو
ماهو بجاح
بارود النصارة
شمَّ الزخيرة وفاح
ندهت لي الصُلاح
الصلاح اي أصحاب الصلاح من محسنين أو ما يعرفوا في السودان أهل القباب والمسيد
وهناك شرك خفي في دعاء غير الله
وقال سبحانه
( دعوني فإني قريب أجيب دعوة الداعي إذا دعاني )
والله أقرب إلينا من حبل الوريد
لكن أهلنا فيهم الجهل كثير تراهم يحلفون بالشيوخ ينذروا لهم يشدوا لهم الرحال زيارة وتبركا
وهذا كله لايجوز في الشرع السمح
ابويا الربطو
ماهو بجاح
بارود النصارة
شمَّ الزخيرة وفاح
تقول ابوي كان صاحب رأي صاحب كلمة وكلمتو ما بتقع واطا ورأيو دائما موقف بتوفيق من المولى عز وجل
بجاح : من الفعل يتبجح ( بالعامية ) اي جعجاع يقول ما لا يفعل
يقال فلان متبجح بتاع فشخرة بس لكن كان جيت في الجد برقد ستا
وأبوي زي بارود النصارى
وكان أهلنا يطلقون كلمة نصراني على كل الخواجات اي زول ابيض نصراني اي مسيحي
ومعنى النصارى ترى دائماً تستخدم في خطأ
النصارى هم الحواريون وهم أصحاب سيدنا عيسى عليه الصلاة والسلام وهم من ناصروه ووقفوا معه
نفوا في بقاع الأرض واقام كل واحد منهم في صومعة ومعبد لوحده يعبد الله بعد أن رفع الله عيسى عليه السلام وشبه لهم أنهم صلبوه
وهم موحدون غيرى مسيحي العالم اللذين يؤمنون بالثالوث ( الله .. عيسى .. الروح القُدس ) وأن عيسى ابن الله
هولاء هم الضالون والمغضوب عليهم هم اليهود
بارود النصارى تعني به سلاح النصارى وفي ذاك الزمان اشتهر السلاح الاجنبي وكان الناس لا يعرفونه
دخل مع المستعمرين ترك ثم أنجليز
فاح : اي انتشر وعمَّ
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
الخفيف عند ود كبوشية ( شينبو )
أنا يا ليل هوي الليلة
الليلة مالي ؟
جني وغباي من ديلّا ...
أنا ياليل من القام مبتّك
طال أذاي من الريحتو جرتق
أنا يل ليل لي التمور معتق
طال أذايّا ولي الجروح مفرتق
أنا يا ليل يافريع الحنة
طال أذايّا شن خللاك قبلنّا
أنا يا ليل شن خللاك قبلنّا
طال أذايّا لجوار أهلنا
أنا يا ليل من الصدرو عالي
طال أذايّا من الطعمو حالي
أنا يا ليل يا حاجبن بِلالي
طال أذايّا يا المالك خيالي
أنا يا ليل في الرقيص مفدّع
طال أذايّا يا أبـ ديساً مجدّع
أنا يا ليل لي الراح وودّع
طال أذايّا للبيناتنا جدّع
أنا يا ليل شجيرة السيسبانا
طال أذايّا تحضري العيد معانا
أنا يا ليل يا كبوش الرُوبا
طال أذايّا لا مسيد لا قبة
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: الطيب شيقوق)
|
وغني وشكريهو
الليلة يا أم كلثوم
لابوي الأصم
فوق ضهرو نحن نعوم
أبويا الما قدل
فوق لوم
دا أبـ زيطاً طلع
شقق بلاد الروم
غني وقولي فوقو الشكر والمحدح يا ام كلثوم
دا ابوا الاصم
الاصم هنا بمعني مصقول لا مسامات فيه
اصم يقال : عندما يكون شئ قوي ما بخر موية وكناية تستخدم للرجل المالي مكانو
قلبوا اصم اي قلبو مافيه الخوف والرجفة
فوق ضهرو نحن نعوم
وهذا تعبير يدل أنني نعتمد عليه بعد الله في كل شئ
وفوق ضهرو مستندين
أبويا الما قدل
فوق لوم
دا أبـ زيطاً طلع
شقق بلاد الروم
غني وشكري ابوي الما مشى فوق لوم ابدا
قدل اي تبختر ومشى مشية فيها زهو وكبرياء
يقال لك أقدل فوق عديلك اي سر والعز حارسك
وقدل فوق لو اي ما مشي في شئ يجيب اللوم ودوام بمشي في الخير للخير قدال
وسيرته وصلت اقاصي البلاد وحتى عمت بلاد الروم العجم
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
حاجبو الله بي حِجابو
دا الخاض النيران
سيف النصر جابو
ابويا إتباشرو أحبابو
يسلم لي سعد
يبقى الدُخري لي عقابو
حاجبو الله بي حِجابو
اي مغطي الله برحمته ورعايته وربنا يحفظ من يحفظون حقه
ابوي إتباشروا احبابو
وقيل من احبه الله حبب خلقه فيه
فأن كنت محبوب بين خلق الله طلعة فأعلم أن الله يحبك وإصطفاك
وكان ابوها اسمه سعد صرحت به في نهاية القصيدة
وقد يكون سعد هذا ابنها حفيد جده
يبقى الدخري اي السند والعون لي عقابو
العقاب هم الاهل وكل من له صلة بك يعرف باسم عقابي ( اهلي )
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كلمات قصيدة
واحـــت أبوي
أغنية قديمة نظمتها مرأة في اخيها علي
وكل فتاة بابيها وأخاها معجبة
لكن من صياغ الكلام نجد أن أباها واخاه كانا ذو مكانة في مجتمعهما عالية
وحات أبوي بمشي
الكي كدي ...
برمكي العيال
تومي أنا ياعلي
شدو لي الحُصان
الشيوخ بِرو
وين المتلو هو
مين البشبهو
يا ود الرُجال
الجماعة جو
إسلم لي علي
يضوي ساحة أبو
شدو لي المُهر
الغليد قرح
بوب وشايل السيف
وضربو يسوي تح
الفوق مال أبو
ما إتفوجج فلح
يسلم لي علي
لي جر القدح
شدو لي الحُصان
الغليد ملان
لي علي الصميم
فارس أم درعان
راكز يا الخزين
يا أب صدراً ملان
يسلم لي علي
يضوي في الميدان
شدو لي المُهر
مرقوهو العصر
نهمو لي البنات
أخوي سيف النصر
ليل الهجعا قام
جاب لي النصر
أنا يسلم لي علي
خوجل يا صقر
| |
|
|
|
|
|
|
|
|
 Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
تصحيح أو بالأصح قول أخر
والله أعلم ما هو الصح
لكن نذكره للعلم فقط
في فيديو سمعت واحد من أحفاد الحسن ود ضبعة يتحدث عن قصتين رويتهما في مجرى الحديث
عن أغنية سيد محكر الديوان
وثابت يا أبـ قلب
أولاً ذكر أن القصيدة من كلمات شاعر أسمه ود رفاي
وكنا قد ذكرنا
انها من كلمات الشاعرة المغنية الحميرا التي نظمت الكثير من الشعر
وكان مرات قطعها اخدر زي ما بقولوا
وذكر ان مناسبة القصيد
عرف عن الحسن ود ضبعة الشجاعة الفائقة
وانه وحتى لو هو سارح ما بتقدر تخلعو وينط ومع انها ردة فعل طبيعي وحتى
عند الشجاع
والشجاع كما ذكرنا من يثبت قلبه وقت الحارة عندما تبلغ القلوب الحناجر
والموت يكون فرقة رمش العين من العين
هذا هو الشجاع
لكن ود ضبعة قيل عنه وأشتهر ان وحتى لو غافل مابتقدر تخلعو ثابت دوام بادرة وحارة
وبيأكل حارة وما بضوق باردة
سمع المأمور وحبَّ ان يتثبت من هذا
ذهب للحسن في مجمعه بالديوان وقد اوصى أحد جنوده وهو يتكلم مع الحسن ان يطلق طلقة من بندقيته تحت أرجل الحسن
وفعلاً كان في مجرى حديثهم في ديوان الحسن
والحسن مشغول مع الخواجة يسمع في حديثه عمّر العسكري البندقية ووجهها للحسن وضرب الرصاص تحت أرجله
لم يتحرك رمش للحسن وظلَّ ثابت في مكانه
وبعدها عرف الخبر ولما فعل العسكري هذا
المهم كان في المجلس الشاعر ود رفاي
فنظم تلك القصيدة
سيد محكر الديوان
وثابت يا أبـ قلب
حسب رأي ارى هذه الرواية هي التي أقرب للصواب
بدءً منطقية في سردها
وثانياً رواها واحد من أحفاد ود ضبعة
وأهل مكة أدرى بشعابها
ونرجع نقول الله أعلم تكثر الروايات في مثل هذه المعاني وعن الرجال اللذين كان لهم شأن
والخبر لما ينقل بزيد وينقص حسب هوى الراوي
لكن كما ذكرنا سابقاً البهمنا تلك المعاني الرائعة التي تبعث في النفوس الهمة وتزكيها
ولكي نقتدي بفضائل اللذين مضوا ونرجع عشان يقولوا سوداني هذه الكلمة التي أهتزت كثيراً في الايام
الاخيرة بفعل المشروع الحضاري الذي جثم فوق
صدورنا 25 عاما وهو مشروع دمار في الأنفس قبل الاقتصاد
مشروع نسف الفضيلة في نفوس الكثيرين من بنو وطنا وأصبحت كل خصائل الجُرم والفهلوة ديدن لهم
هذا هو مشروع الانقاذ الذي نفذته فينا
زردو حلوقنا
وسرقو حقوقنا
وخربو نفوسنا
فهلا ننظر في سيرة من مضوا للرفيق الأعلى ونقتدي بهم ونلهب تلك الفضائل علها تعود
والخير يتناقص لكن لا ينتهي
يحتاج منّا فقط أن زكي فيه النار فهو كالذهب يزيد لمعانا كلما عرض للنار
واهلنا كلهم فيهم الخير
فهلا نعود سيرتنا الأولى
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
قصة أخرى رواها حفيد الحسن ود ضبعة
وهي أقرب ايضاً للحقيقة من القصة التي رويناها من قبل
كنا قد ذكرنا انه في ايام حكم العمدة عبدالله ود ضبعة عمدة الجوير
أن جاءت بنته وقالت له صادا من حفل بيت عُرس وسألها ليه رجعتي
قالت له الحفل هايص وجايض الرجال مخ########ن مع النساء
فحمل سوطع وعصاها وذهب للحفل ( والحفل كان ضحوة ) الحميرا من شافتو من بعيد والشرر يتطاير من عيونه عرفت
وأوقفت الاغنية التي تترنم بها وبدأت في غنية
سيد محكر الديوان
دخل للحفل وهزا فيها
حكي حفيده هذه القصة برواية أخرى
قال
كانت الحميرا تجي في جناين الجوير وتحي حفلات وباستمرار
ترك البطان زراعتهم وبهائمهم وبقوا مبارين حفلات الحميرا كل يوم
شكت أمرأة للعمد وقالت له
الحميرا دي شغلت الجنون ( اي الصبية ) من زراعتهم وبهائمهم وبقوا مبارين غناها كل يوم
حمل العمدة عصاه وسوطه وذهب للجناين
وجد الحميرا تغني
ومن شافتو قلبت الأغنية
وغنت سيد محكر الديوان
وثابت يا أبـ قلب
دخل العمد وهزا فيها وقال ليها غني غناك وارتعي
أريتـــو بهائم ما اكلت
هههههههههههههه
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
| Quote: انت يا مك العربي دا رجع يقرطع تانى ولا شنو؟ |
ست البلد يا البيك دبي نورت ومازال شعاك باقي كان منك يضوي فيها
كيف حالك
زولك قلبو عاشق يمرق من بدلة ويدخل في بدلة
زمان في واحد مدروش في شندي اسمو عباس
حبَّ في كبرو
قام قال لي العشقها نضمي خلا المرأة أستغربت راجل كبير يقول جنس الحديث دا
قام رمي ليها نمة لما قالت لي دا كلام شنو يا عباس
وقال ليها
كلام عباس عيفك وخليك منو
بقى شايب جقة ومقرعب جنو
كان حضرك زمان جهلو ورباع في سنو
والباقي بتمو ليك لو جيتي دبي تاني وطبقتي اللقاء الجميل كما وعدتي يا ملكة
سمعت قالوا سوو محاية بقى زول عشق وبكي بي نخجيهو الليل كلو في التلفون ينق
سمع أضاني غير تلفونو عشان الناس ما تتصل بي
وينفرد بي الوزة نضمي وإنكراشة
كعب حب الكبر الزول بجيب اخرو
هههههههههههههه
نهدي ليهو حبيبنا شيقو هذه الأغنية
وباجمل صوت نسائي
لك عزيزي ود شيقوق تضامن مع اجمل شئ في الوجود ( الحب )
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
وحات أبوي بمشي
الكي كدي ...
برمكي العيال
تومي أنا ياعلي
أغنية وحات أبوي بمشي الكي كدي
لا أدري من كتب كلماتها
لكن من صيغة المفردة كتبتها مرأة
لكن الأغنية لحنتها وتغنت بها الفنانة ( فنانة الدلوكا ) الحميرا
وهي من الأغاني المشهورة ولها محبين كُثر
وحات ابوي
بدأت قصيدتها في مدح وشكر أخيها علي
بقسم لكنه للأسف قسم لغير الله ( وهذا لا يجوز ) لكن لجهل في أهلنا كانوا ما زالو يقسمون بكل عزيز
والعزيز هو الله
قالت
وحات أبوي
اي أقسم برأس ابوي
بمشي الكي كدي .. اي أمشي بين الناس بعزة وفخر وليه ما أمشي ( كيتن في اللذين لا يحبون لنا الخير
وعزة للذين يحبون لنا الخير ) وانا أخت علي ذلك الفارس المعروف البقول الآن شكرو وحمده
بمشي الكي كدي
برمكي العيال
البرامكا معروفين .. وهو كان بين أنداده برمكي وفنجري وله مكانته
برمكي العيال تومي أنا يا علي
وتومي قد تعني ( توأمي من توأم وقد تعني أخي شقيقي )
وأجمل شئ في القصيدة كان مطلعها
وحات ابوي بمشي
الكي كدي
برمكي العيال
تومي يا علي
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
شدو لي الحُصان
الشيوخ بِرو
وين المتلو هو
مين البشبهو
يا ود الرُجال
الجماعة جو
إسلم لي علي
يضوي ساحة أبو
شدو لي الحصان : اي سرجو له الحصان بكل متاعه من شرج ولجام وركاب وجهزوه بكل زينته وللحصان
زينة يزين بها زينة الحرب وزينة الفرح ( عُرس أو ختان )
تقول شدو لي الحصان
الشيوخ برو
برو : اي تبعو وساروا خلفه وتقصد لمكانته حتى الشيوخ ساروا خلفه وهو راكب على فرسه المزينة
يوم أن طلع
الشيوخ قد يكونوا شيوخ ( عارفين لدين الله الحنيف )
أو شيوخ رجال كبار في السن وجرت عادة أهل السودان أن يطلقوا على أي رجل كبير في السن
كلمة شيخ فلان
وين المتلو هو
مين البشبهو
اي ما له مثيل لا القدرو ولا السابقين له في العمر ( وكل فتاة بأبيها واخاها معجبة )
ومين البشبهو في صفاته وفضله
يا ود الرُجال
الجماعة جو
إسلم لي علي
يضوي ساحة أبو
بعدما شكرته رجعت توجه حديثها لاخيها علي
ونادته وقالت
يا ود الرُجال
اي ابواتك في الأصل بينين الاصل ليس نسب وحسب فقط الاصل هو فضل والفضيلة محمودة وكل من يحمل
الفضيلة فهو مأصل وأصلي
ومرات النار بتخرى الرماد لكن نادراً
عادة البقوم في بيت كرم بكون كريم والبولد في بيت فرسان فهو يشب على الفروسية
والفضل يورث جنياً وما ندر ان يشذ ( برضو بنقول لله في خلقه شئون يخرج من صلب الكريم بخيل ومنصلب الفارس
جبــ ان ... )
وكلو قول لكن هي تعشمت الخير في أخيها لمكانت ابواتو ( وكانوا رجال في كرمهم وحمكتهم وشجاعتهم )
الجماعة جو : تقصد الضيوف واحتمال تكون تقصد الأعداء
بتقول لي لضيوف بتكفيهم ولو أعداء بتواسيهم
والغالب المقصود هنا هم أعداء والدليل ( شدو الحصان ) فهو خارج لمعركة
وكانت متأكدة انه سوف يسر بالها ويدقر عينها ( دقرت عيني ومليتا )
فقالت
يسلم لي علي
يضوي ساحة ابو
اي يرفع اسمه لانهم بقولوا العمل كدا دا علي ود فلان الفلتكاني
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
شدو لي المُهر
الغليد قرح
بوب وشايل السيف
وضربو يسوي تح
الفوق مال أبو
ما إتفوجج فلح
يسلم لي علي
لي جر القدح
شدو لي المهر
مهراً غليد ( كناية أنه كان زول جهامة طول وعرض ) ولا يحمله اي حصان
مهراً غليد وقارح
بوب وشايل السيف
وضربو يسوي تح
لفظ بوب
مثل لفظ حبوب ولفظ ما دلّا كلها ألفاظتفيد ستهلال لشكرة وحديث طيب
يقول لك حبوب حلالي فلان عمل وعمل
او يقول ليك ولداً ما دلّا فعل وفعل
شايل سيفو ضربتو بتسكّن أولاد عمران ( اولاد عمران اسم مقابر في شندي مثل شرفي يا أولاد البندر عندكم )
وضربو تح وبنشف لحظي
الفوق مال أبو
ما إتفوجج فلح
يسلم لي علي
لي جر القدح
الكثير من العيال عندما يرث المال من أبيه تراه يتفوجج به ويعزق ( ما ما ضاربو فيهو حجر دُغش )
لكن علي تقول أخته في مال ابيه ما إتفوجج فلح اي نجح
تسلم يا علي بيتك سبيل وقدحك مجرور للضيفان ولداً قارح ما دلّا
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
شدو لي الحُصان
الغليد ملان
لي علي الصميم
فارس أم درعان
راكز يا الخزين
يا أب صدراً ملان
يسلم لي علي
يضوي في الميدان
شدو لي الحصان الغليد ملان
اي قوي البنية وقوي الحصان كناية انه الذي يركب عليه رجل مانع
وليهو زرد
شدو الحصان الغليد ملان لي علي الصميم اي القلبو ثابت أصم فارس الحرب ام دروع ( ام درعان أسم للحرب )
ومن اسماء الحرب في العامية
المحاص
العركة
الدواس
واسمائها كثر
راكز يا الخزين
يا أب صدراً ملان
يسلم لي علي
يضوي في الميدان
راكز : اي ثابت وشجاع
الخزين : اي المخزون والمدخور لوقت مثل هذا ( ام درعان ويومها )
أب صدراً ملان : اي صدره واسع وصبور على الملمات الشدائد يوم الحرب والعركة
وتسلم لي وتبقى لي سند يوم تثبت وتضوي في ميدان الحرب علماً بارز وبين لكل الخلق
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
شدو لي المُهر
مرقوهو العصر
نهمو لي البنات
أخوي سيف النصر
ليل الهجعا قام
جاب لي النصر
أنا يسلم لي علي
خوجل يا صقر
شدو لي المُهر
مرقوبو العصر
نهمو لي البنات
أخوي سيف النصر
عادت تذكر يوم زواجه يوم ان سار من بيته لبيت شريكة حياته
وكانت ومازال في بعض المناطق يهتمون أن سيرة العريس تكون حسب طقوس قديمة موروثة
بالحصان ويلبس البلدي ويقلد السيف محقوب وشايل السوط في يمينة ومربوطة فوقها الحريرة
وهلال من ذهب يزين شريط مربوط على رأسه الذي علته الضريرة
ومنور زينة يمرق العريس
وسير خلفه الصبايا بدلوكتهن ينشدن
الليلة سار يا عشايا
وشويم شايل الجداية
البندورا لي
نهموا لي اي : نادوا لي
يقال أنهم فلان اي نادي فلانوانده له
وصفته بليل الهجعة والهجة مظلمة والظلام مخيف والظلام بستر الجبال لكن يدخل في النفوس الخوف لذا شبهت به اخيها
جاب لي النصر اي ستر حالي وخلاني امشي بين الناس الكي كدي وتسلم لي يا علي واقدل فوق عديلك كما يخوجل الصقر
بعد أن يمسك فريسته متبختر خيلا
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كلمات أغنية ( مختار )
بالطريقة التي تغنى بها شينبو كبوشية
عرش ود ملوك الدار
ليل .. مو فشار
سمحة وخايلا
فوق مختار
عرش دود مراقد السار
ليل .. مو فشار
سمحة الملكة
فوق مختار
إيدك ما بتشيل البار
إيدك تحقب الغدار
سيد الأحمر الصهال
سيد الأبيض والقرقار
سيد النسمة وسيد الدار
عرش ود ملوك بربر
وفوق الكُرسي إتحكر
دا البي كرمو ما إتفشر
لي ضيفانو ما إتعذر
بتقول النسمة جيد ليّا
وبي ناظر العبيدية
طابق كية فوق كية
وقاعد لي الرُجال كية
وعَرْش متل ابوك يا دود
وأضرب جُلة مو بارود
ود العظمة كُلو عروض
يحسب لي تمانيا جدود
بدي وما بقول أديت
بسوي وما بقول سويت
دا المبروك سراج البيت
كيتّن لي البعاديك جيت
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: عبدالرحمن الحلاوي)
|
الخفيف عند ود كبوشية ( شينبو )
أنا يا ليل هوي الليلة
الليلة مالي ؟
جني وغباي من ديلّا ...
أنا ياليل من القام مبتّك
طال أذاي من الريحتو جرتق
أنا يل ليل لي التمور معتق
طال أذايّا ولي الجروح مفرتق
أنا يا ليل يافريع الحنة
طال أذايّا شن خللاك قبلنّا
أنا يا ليل شن خللاك قبلنّا
طال أذايّا لجوار أهلنا
أنا يا ليل من الصدرو عالي
طال أذايّا من الطعمو حالي
أنا يا ليل يا حاجبن بِلالي
طال أذايّا يا المالك خيالي
أنا يا ليل في الرقيص مفدّع
طال أذايّا يا أبـ ديساً مجدّع
أنا يا ليل لي الراح وودّع
طال أذايّا للبيناتنا جدّع
أنا يا ليل شجيرة السيسبانا
طال أذايّا تحضري العيد معانا
أنا يا ليل يا كبوش الرُوبا
طال أذايّا لا مسيد لا قبة
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: المك خالد
ابو رسوة المشوس وللفقر هراس
بازل فيها من ما قام متين الساس
عطاين سخي فكاك مشاكل الناس
بحراً شر برة وكسر التراس
كية فى المسنوح العرررررررريب |
شمس المشارق يا ملكة
علك طيبة وعافية درت
بغريك سلااام ضمك وإجمك يا المبروكـــــة
زاهية وماكي لاهية والنفوس بدورك
تاما مكملا وشك تنير فوقو بدورك
إن حمتي في الفريق نقيف ونزورك
حولك نطوف الرسوم ترحمي مأسورك
خالد
تحياتي ومودتي
خلي ينفع المسنوح ويموت بي غبينتو
هييييييع
أنا عفن الانديم البنشم
انا الككو ........
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
الهميم
كلمات فتح الله إبراهيم
لحن وأداء محجوب كبوشية
ثابت يا الهميم
يا صفوة الأخيار
وثابت يا اللزوم
صقر الخلا الطيار
يا عطية الكريم
يا قبلة الزوار
سموك القدر
إنتَّ القدر دوار
يا كاسر الأسود
العند المحاص التار
تمساح البحر
يا المابتفارق السار
شايل بي اليمين
سيفك سنين بتّار
بتهابو الرجال
الجدري مابندار
في ساعة اللِطام
حاشاكا ما غدار
وكت الشوف يشوف
عينيك بتقدح نار
ثابت يا الهميم
النا بتعرف العار
وراكز لي العِفار
حشاكا ماك هبّار
في عيون الرجال
إنتَّ الرماد الحار
يا حارس الفريق
يااللي الصدور نحار
يا تِعل الخريف
اللبي الخير
دوام بشار ...
وبيتك مضيفّا
والحكمة ماك فشّار
ضيفك مو بطئ
للروح عصم الجار
بتهابو الرجال
الجدري ما بندار
دقوّلو النحاس
قدحن عيونو شرار
حمّر ما ضحك
وكتين بدا المشوار
صفو لي البنات
زي مشتل النوار
دقوّلو الطبول
اللي الخصيم ضَرْار
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
الخفيف
الريدو لي لآهي
لآهي باللهي باللهي
لآهي ولآهي
من جراحتا
ومن دمي المسكوف
خاضبا راحتا
اصلي كُت ساكن
بين ساحاتا
وكم كفرتا علي
أقتراحاتا ...
والله روحاتا
زي ظبية نفور
في براحاتا ..
ستي في خِدورا
تامة راحاتا ..
ومحنّت حُللاً
فاتحا وشحاتا
اين يا الراحل
إنتَّ عيكور
خصمك الماحل
جسمي اصبح
زي خصرك الناحل
إنتّض في بحوراً
ما لِهن ساحل
خصرك الناحل
حين تقوم وتقيف
زي سحاب راحل
اوفي ليّا بين
هواي في الساحل
لي تعيدو ربيع
حظك القاحل...
زينة الحفلة
والجسم لادن
ضامرة منكفّلة
تنشل المعدوم
ديمة منتفّلا
ليها حبي قديم
والله من طفلة
راقية مي رفلة
تدهش الابصار
سادة غير حِفلة
جاتني دون إنزار
فايحا في غفلة
حورا من جنة
وصيدة في الجفلّة
عينا مو زايف
الكفيل يرجف
القليب خايف
طرفو البسمات
حاجة هاي لايف
والبراطم زي
عجوة الطايف
عيني يا اللآهي
ما اظن فد يوم
رمتا إصلاحي
ماذا يا خِلاي
قولي يا صاحي
البشوف خمسين
كيف يكون صاحي
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
ومن الاغاني القديمة
عريس عواتي الخيل
وهي من التقيل
وكما أسلفنا التقيل دائماً يكون يكون في وصف قضائل الممدوح
وعادة ما يكون الممدوح رجل مالي مركز وقلبو محدثو ويستاهل الوصف
وإلا ما وصف زوراً وبهتانا لكن الكل بكون يعرف سيرته
فلو وصف بما ليس فيه سيكون زم لانو كل الخلق بتعرف صفاته الزميمة
لذا كان الشعر يقال في رجال يثبت لو ثليل لما قدموا ولكي يكون مدعاة لكي يتشبه بهم ما جاء بعدهم
وهذا سر فن الدلوكا
لما تهبق ويعدد الفنان صفات الكل يتمنى ان تكون فيه وهي صفات حميدة ترى الرجفة
تسري في الجسد وما يطيب ليك بال إلا تعبر عن هذه الثورة التي تجيش في دواخلك بأي شكل
من انواع التعبير
هزة
عرضة
صوقيرة
سيطان في البطان وهي قمة التعبير عشان ترقد تلك المشاعر التي هبت ثائرة
وهذا سر فن الدلوكا وما يصاحبها من طقوس
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كلمات القصيدة
عريس عواتي الخيل
عريس عواتي الخيل
ودابي الكركرا
صيادي ليك مابشيل
تقيل ياود برنو حر
صاقعة هجايم الليل
أنا غنيت غناي ليهو
شيخ الطريقة تغطيهو
صاقعة هجايم الليل
دا القلبو واطيهو
وحارسو الزي قبيل
من جدو راجيهو
تقيل يا ودبرنو وحر
صاقعة هجايم الليل
أنا ولّف بجر نمّــو
دا فرخ أم زنقرا
صحت بركت أمو
صاقعة هجايم الليل
دا الضاق فرج همّو
حرساهو الفراسة
من الزبير عمّو
تقيل ياود برنو وحر
صاقعة هجايم الليل
ياك سموم القدور الفار
ورثو من رجال
بردوها الدار
صاقعة هجايم الليل
إتحربسو الخيال
لي الجلب الملوك
من برنو لي سنار
تقيل يا ود برنو وحر
صاقعة هجايم الليل
أنا ولّف بجر القول
لي جدو القبيل
الخنقولو التور
صاقعة هجايم الليل
القلبو مو مشغول
دا جدو المِنشتح
ضربو البشق الزول
تقيل يا ود برنو وحر
صاقعة هجايم الليل
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: متابعة وإمتاع لحد الاشباع
اى تعليق منى يفسد روعة
الدهشة حيث دهشتى تتمثل
في امتلاكك نظرة ثاقبة فيما
يريده اويتمناه المتابع حيث
عرض سلس للنصوص مع
نمازج ادائية رائعة.
لك ودى وتحياتى عزيزي خالد علي |
أخي العزيز حاتم
وكانت مداخلتك قد أخذت شئ من طبعك الحاتمي ( اسم على مسمى وما شاء الله )
أخي لك مني الشكر اجزله على هذه الكلمات الطيبة التي تنم عن حسن معدنك ....
لكن مشاركتك صدقني تطلي على ما كتبنا طلاء منقوش بماءٍ من ذهب خالص
ومن المشاركة يتولد الإلهام
لك مني الشكر الجميل يا جميل الروح
تحياتي
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
الخفيف
التاما الجمال والصِبى
الله فوق الفوقي
ماخدا النبأ ...
تلات حمايم الربا
وصافك عظام مطربا
حتى ألفاظك المعربة
زي الشهد لي الشاربا
من الله الجمال
ليك هبة ...
مُدهش للعقول ذاهبا
نارك في الضمير
ملهلبا ..
وخلت عقلي صار كالهبا
إنتَّ لي الخمسين احسبا
دي والله المولى متحسبا
فوق الجيل عموم أنسبا
زي بلقيسا ملكة سبا
وتاني خفيف
صباحو جديد
ومرضي في زيادة
وبحكي لي الاخوان
سببي أنا السادة
شوفا جات عايمة
رقيصا تقيل
شوفا غير تشبه
غير جنى الوزين
سببي انا السادة
القديم مدبور
حكمة الخلّاق
عومي يا الرايقا
وبهدلي العُشاق
سببي أنا السادة
القديم مدبور
والقوام الحور
اللبيب عيان
طالب الدستور
سببي انا السادة
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
ثابت يا الهميم
يا صفوة الأخيار
وثابت يا اللزوم
صقر الخلا الطيار
ثابت والثبات صفة فضيلة في كل
ثابت وقت الشدة والثبات في أوقات الشدة واجب وإلا تصرف الإنسان بطريقة غير صحيحة
تمر بالإنسان أوقات شدة يحتاج فيها أن يكون ثابت حكيم وإلا تهور
وهنا يقول الشاعر للمدوح أنت ثابت وفي نفس الوقت هميم
الهمة واجبة في الرجل
والهميم هو من يحمل هموم غيره وحامل الهم تراه دوام نحيف مثل شيقوق ( قلبو حار ومولع )
الرهيف هميم وبرضو الطرير قد يكون هميم ههههههههههه ماتزعل يا بكري
صفوة : اي مختار اصطفى الشئ اي نقاه من بين كم
وأهلنا في السودان يقولوا نقي أو نقّا عندما يصطفي الطيب من بين كم اي ما كان
وثابت يا اللزوم : اي يا من تلزم اهلك والمحتاج وتقضي له ما يحتاج ولا يهدئ لك بال
إلا إن فعلت ذلك
صقر الخلال الطيار : الصقر رمز القوة وشبهه بالصقر وان هميمة وثابت ولزوم
وكلها صفات حميدة في الرجل
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
عطية الكريم
يا قبلة الزوار
سموك القدر
إنتَّ القدر دوار
يا كاسر الأسود
العند المحاص التار
تمساح البحر
يا المابتفارق السار
وحكم الله في خلقه قد يتأخر الحمل للزوجين
وقد يكونا عقيما لا ذرية لهم
وقد يرزقوا بالضنى
وأهلنا جرت عادتهم أن يطلقو على الجنى أو البنية أن تأخر مولدها / مولده والحمل به / بها
أو ولد المولود بعد فقد ( اي من كان قبله أنتقل لرحمة ربه )
يطلقوا عليه عطية من الله
رغم الكل عطية لكن هكذا جرت العادة عند أهلنا
ويظهر أن المولود ( الممدوح كان عطية من الكريم وهبها والديه )
وولة وصحت وزي مطر السعد وكان بعد أن شبَّ وكبر ما تمنوا له أن يكون
قبلة الزوار: وعادة الزوار يتيمموا ويزوروا من كان غير مألوف في اي شئ مثلاً كريم جواد معطاء
يقصده ذوي الحاجة وكان اممدوح كذلك
وهنا حبّض الشاعر ان يوضح لنا شكيمة وقوة الممدوح وكيده للأعداء
فهو بالنسبة لهم مثل القدر والقدر ما بمّهل كف بشيل
يا كاسر الأسود
العند المحاص التار
تمساح البحر
يا المابتفارق السار
وهنا يشبهه بانه من الشجاعة والقوة في معرفة فنون الحرب كرها وفرها
أنه يكسر الاسود الفرسان الأشاوس في ساحة المحاص التي يمحص فيها الشجاع من الجبـــ ان
وأنه قوي فخوراً بحاله مثل التمساح متمدد منشر في السار عند قيف البحر
محجر شراب ألمي على الناس والحيــ وان
منتظر فاتح خشمو لي البتجي يلهفا كف زي القدر
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
سي سي العوبة بلالّي
وبجر كلام أهلي
والدلوكا وحديثها كلامنا وتجري في عروقنا مجرى الدم
وهي تراثنا وتقدح مفردتها فينا لهب يبق بق
وتخلي الدغور يبقى فحل
أعجبني حديث للشاعر أزهري محمد علي
قال : مفردة فن الدلوكا تسمى بسامعيها لدرجة إنجذاب فينداح سامعها معبر عنما بدواخله
أن يضرب بالسياط ويركز حيطة ما بتلز
جرت لي أم ضمير النم
وكانت أيامها فن الدلوكا تتغنى بها المرأة شعرا وقولا ( لحن )
جرت النم أي قالت تعدد محاسنه وفضله
والجنى كان ينشأ على أن يكون عوج درب ماهو لين يتقصع بين الاصابع يتثنى في مشيته
زي عوين اليومين دول جناياً عيونو حمر داشر مولع نار لهيبو يكوي الريب وبعيد
وسي العوبة بلالّي
كان يربّى وينشأ ان يتحمل الألم ليوم قد يجي والكي بالنار ما برقدلّو إلا من هو قلبو محدثو
وولداً قارح ..
جرت ليك أم ضمير النـم
عفن الرمــة ما بنشّم
أبـ رسوة الشكرتو علي
وشغلك لي الرُجال خمشّي
يخمش خمش وما بترجّا
دا يوم ولدو أمو كحلتو بي شطة
وأبو قال الرجال ما تشوف راحة رجليك ( اي عيب الفزة أثبت والصقر إن وقع كتر البتابت عيب )
وهيييييييع
سي العوبة بلالّي
بجر كلام أهلي
العرضة
صوقير
تيتيل
كلها تعبير عن مشاعر فائضة عندما تهبق الدلوكا
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
شايل بي اليمين
سيفك سنين بتّار
بتهابو الرجال
الجدري مابندار
في ساعة اللِطام
حاشاكا ما غدار
وكت الشوف يشوف
عينيك بتقدح نار
ويحمل السيف باليمنى إلا إذا حامله أيسر ( أعسر ) فيحمله بيسراه
والسيف سنين بتار اي ماضي
ومن أشهر السيوف في السودان ما عرف بالسيف الدُكري
والجفير سنار من اقوى انواع الجفير وأحسنها صنعة وكذلك السروج سواء للحصان أو الحمـ ار أو البغال
السرج السناري هو الأجود ويرغبه الناس
السرج هو المجلس الذي يوضع على ظهر الدابة ليجلس فيه والسنار جميل ووهيط مريح
بتهابو الرجال
الجدري مابندار
تخاف تخشى منه الرجال وهو فارس لا يقارع
وشبهه الشاعر هنا كأنه الجدري اي تفر منه الرجال والناس أجمع أين ما حلَّ وبالذات في ساحة المحاص في ساعة اللِطام
في ساعة اللطام
حاشاك ما غدار
الغدر من شيم الجبنــ اء والممدوح لا يغدر بعدوه أنما يقابل الفارس
عينك عيني
وحاشا وكلَّ أن يكون الغدر في اللطام من سمات فارس
والعيون الحمر هي صفة من صفات رجال الشدائد الفرسان
يقال فلان عيونو حمر وتقدح نار
دلالة على شكيمته وقوته وبأسه في الحروب وللاحباب هين لين طيع
للعدو كواي مرواد فكك
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
دقوّلو النحاس
قدحن عيونو شرار
حمّر ما ضحك
وكتين بدا المشوار
صفو لي البنات
زي مشتل النوار
دقوّلو الطبول
اللي الخصيم ضَرْار
دقولو : دقو لي النحاس
والنحاس يدق ويضرب في حالات معينة
في حالة وفاة عظيم
في حالة الحرب نفرة
ودقو لي النحاس
قدحاً يعنو شرار ينهر الروح السايما في فداء العرض ودينه
وضحك الرجال تبسم وفي اوقات مجالسهم
لكن سماتهم الهيبة
صفوا لي البنات متل نوار الشدر أو الشدر المنور مزدهر بزهرة نوارته.. والنساء هنَّ البشدن حيال الرجال وقت الحارة
كان ركز زغردنلو
وإن خاب رجع وهن في رجاهو يشمتن فيه
لذا يركز الفرسان وقت الحارة
وقال ليها :
كان زحينا يوم الحارة
قرنك جزي
( اي أحلقي شعر رأسك ) وشعر المرأة هو زينتها
لي الخصيم ضرار : اي يضر بهم شد ضرر اي يقتلهم ويأتم عيالهم
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
من جراحتا
ومن دمي المسكوف
خاضبا راحتا
اصلي كُت ساكن
بين ساحاتا
وكم كفرتا علي
أقتراحاتا ...
والله روحاتا
زي ظبية نفور
في براحاتا ..
ستي في خِدورا
تامة راحاتا ..
ومحنّت حُللاً
فاتحا وشحاتا
الأغنية الخفيفة كما اسلفنا في فن الدلوكا تتغنى لمعاني تخص وصف الحبيبة وصف حب المحبوب لها
وعادة ما تكون مفردتها بسيطة هينة
من دمي المسكوف خاضباً لراحاتا
وأصلي كُت ساكن بين ساحاتا
نلاحظ بساطة المفردة في الخفيف
والخفيف يساعد في الرقصة والعرضة وفيه تهيج وتميجالدارة بي الفيها
نحن ناس فرحنا كُتر
وزعلنا كُتر
ونهرتنا ..
يازول تُر
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: Khalid Saeed)
|
برجع للكما الحبيبين
شمس المشارق وضاحة والحبيب خالد سعيد
في التبادي نكتب كلمات
قمر العشا الضواي
سمعت هذه الأغنية لكن أول مرة أسمعها بصوت حنان النيل
لك الشكر أجزله اخوي خالد سعيد ( حنان أدائها رائع في ساحة اقتحمتها حديث .. حقيبة.. فن دلوكا )
قمر العشا الضــــواي
وكلمات القصيدة مبينة أنه نظمتها مرأة في أبيها
وكما قلنا وبنقول دوماً كل فتاة بأبيها وأخاها معجبة
قمر العشا الضواي
إسلم ابوي ..
اللي الخصيم كوااااي
بقول مسداري وبقول
فوق ابويا المنبور
إسلم أبوي ...
الوقفلّو الطابور
سلمّو سيف النصر
اللي خصيم كواااي
بجر مسداري وبنم
في الأرباب ناظر القسم
إسلم ابوي ......
ساعة الحصام واللطم
قمر السبوع خافي النجم
اللي الخصيم كواااي
شدو ليهو الشلواح
نهموا لي الصُلاح
إسلم أبوي ....
وكت دخل في السلاح
بشوف براق سيفو لآح
اللي الخصيم كوااااي
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: بجر مسداري وبنم
في الأرباب ناظر القسم
إسلم ابوي ......
ساعة الحصام واللطم
قمر السبوع خافي النجم
اللي الخصيم كواااي |
حبيبنا المك خالد .. ليك التحية والتقدير ...
قمر العشاء الضواي شاعرها هو جدي ابو والدي ( ادريس سعيد سعد ) قالها في والده الأرباب سعيد ود سعد قائد جيوش السعداب
ونظم العديد من اغاني الحماسية سوف احاول ايرادها في هذا الخيط الجميل مثل ( العديل والزين انا مناي لي فال الحسن والحسين مرقوا وشدوا لي ) التي لها قصة ايضاً
وغيرها من الأغاني التي تغنت بها الجود ومن بعدها حميراء
تحياتي لك وللجميع
أخوك / خالد الأرباب
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: Khalid Saeed)
|
Quote: حبيبنا المك خالد .. ليك التحية والتقدير ...
قمر العشاء الضواي شاعرها هو جدي ابو والدي ( ادريس سعيد سعد ) قالها في والده الأرباب سعيد ود سعد قائد جيوش السعداب
ونظم العديد من اغاني الحماسية سوف احاول ايرادها في هذا الخيط الجميل مثل ( العديل والزين انا مناي لي فال الحسن والحسين مرقوا وشدوا لي ) التي لها قصة ايضاً
وغيرها من الأغاني التي تغنت بها الجود ومن بعدها حميراء
تحياتي لك وللجميع
أخوك / خالد الأرباب |
يا سلاااام
تعرف أخي خالد معلوماتي في ناحية من قال القصيدة وفي من قيلت أضعف من معلومات أختنا وضاحة في اللغة العربية
ووضاحة أحسن لأنها نمت مقدراتها في اللغة بدرجة كبيرة في خلال السنوات المضت وقربت ن البروف عبد الطيب عليه
رحمة الله منافسة ...
خليك قريب شديد يا أرباب لازم نوثق لهذا الأدب الرصين
فن الدلوكا
ولك مني كل الشكر موصول
ومشكور كتير على أن أسمعتنا صوتك وربنا يخلف علينا باللقاء إن شاء الله
تحياتي ومودتي
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
قمر العشا الضواي
إسلم ابوي ..
اللي الخصيم كوااااي
قمر العشا
وطلوع القمر عشا وجمال القمر في الليالي الصافي سماءها وحلات الرقد في حوشاً براح
تجدع عنقريبك في نص الحوش وتنطلق بي السروال الطويل بعد عشوة خفيفة ما تتعب بطنك
والقمر عادة يشبه به كل جميل ( صبايا ) لجمال شكله في الليلة الظلماء وحكمة الله القمر
جميل وإن كانت السماء غير صافية متلبدة بالسحب تراه يختفي ويبين طالع من بين السحب
كأنه يرنو للعُشاق ويقول ( أنا موجود إستأنسوا معي )
وهنا قال الشاعر في وصف الممدوح
قمر العشا الضواي
قد يكون التشبيه بمعنى جمال طلعته لكن الذي أخمنه القمر يبث نوره يضئ الكون في الظلمة
والممدوح يضئ للناس طريقهم بالرشد والعون ( مساعدة ) وهنا وجه الشبه الذي أراده الشاعر
وقال إسلم وهذا دعاء وتضرع لله أن يسلمه من كل شر وكل بلاء
إسلم أبوي
اللي الخَصيم كواي
وهذه هي شيمة الرجال الكراف الفرسان لأهله ومحبيه هين لين معاون يسند ويفرج الضيق بيحاء من الله
يزجه زج لكي يساعد ويكون سبب في وصول رزق الله للمحتاج عن طريقه
وهذا هو الرجل الكريم مثل فارسنا الأرباب سعيد
ربنا ما بدي ما الإيد للإيد ويسلط مثل هولاء القوم ليعاونوا ويفرجوا للناس كربهم وكت الهجعة ( دون رئا ومَن )
وتره في نفس الوقت قوي وضربه موجع للعدو اللذي يكايده العداء
حفرو لي لي المخروقة
والبحالي
يسوقّو بحلاوة وروقة
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
الحبيب خالـــد ود سعيد الأرباب
أهداء خاص جداً
قوم يا أبوضراع إتلفح توبك واخد ليك عرضة في أغنية جدك الكبير
الأرباب سعيد
وعليك الله شوف الجنى البتلقب دا ( في ليلة القدر .. الخفيف )
ولداً يدقر العين مادلا وعفارم علي أخو أخوات
ويظهر في الفيديو الرجل الرائع محجوب حسن سعد قائد عام الشرطة السبق الذي ابا ان
يخاوي من اجل الرتبة وأختار التقاعد ولا يوصى ماذا يفعل
وهو رجل ملم بكل تراث تلك المنطقة ويعشق الدلوكا
( محجوب حسن سعد )
التقيل ( الأرباب سعيد )
الخفيف ( ( فراق ناس ليلى طال )
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
منقول من الموسوعة الحرة
(معركة أَبُو طُلَيْح بين البريطانيين وجيش المهدي في السودان في 17 يناير 1885م.
وأبو طليح هي استراحة للقوافل العابرة لصحراء بيوضة بالسودان في الطريق بين مروي والمتمة، وهي على بعد 32 كم شمال النيل من المتمة. وقد انتصر فيها الإنجليز بعد تكبدهم خسائر كبيرة في الأرواح ومنها العديد من كبار الضباط (وضمنهم قائد القوة البريطاني هربرت ستيوارت، والكولونيل إ.گ. برنابي) مما منع الإنجليز من تحقيق الهدف من المعركة وهو الوصول السريع بالقوة كاملةً لنجدة غوردون باشا المحاصر في الخرطوم. خسائر البريطانيين في المعركة اقنعت الإنجليز بالانسحاب من السودان، الأمر الذي فتح الطريق للدولة المهدية.
الشخص الذي قتل القائد البريطاني هربرت ستيوارت هو الأرباب سعيد بن سعد بن سالم بن إدريس ) وهو الجد الأكبر لزميلنا خالد الأرباب والدة جده
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
بقول مسداري وبقول
فوق ابويا المنبور
إسلم أبوي ...
الوقفلّو الطابور
سلمّو سيف النصر
اللي خصيم كواااي
المسدار هي مجموعة ابيات من الشعر درج في نظمها طريقة المعلقات
ان يشد ركوبته قاصداً ديار المحبوبة ( يصف فيها المواقع الجغرافية التي يمر بها حتى يبلغ
مكان المحبوبة .. يصف فيها عادة الحمل الذي يركبه بأجمل الاوصاف .. يتطرق لوصف التوقيت لو كان خريف او محل
أو غيره .. وعادة يكون المسدار طويل وفيه من الجمال روعة في الشعر )
وقال الشاعر
بجر مسداري وبقول
وكلمة منبور تعني في العامية مميز ومافي مثله إتنين
كأنه منقى تنقية ( مصفى ) نقول في عاميتنا نقي من الخضار اي أختار منه الجيد
مو لُقاط طرف الأرباب منقّى تنقية
وصحت بركْت أمو يوم وضعتو وولدا ما ختالّن زلة شن قولك في ( قول ما دلّا )
الطابور هو طابور الشرف وعادة يقف طابور الشرف للعظام
وقصة تسليم سيف النصر هذه كما روى لي الزميل حفيد الممدوح ( خالد سعيد الأرباب )
أن السيف جده دخل في نيران لهبها يلوي أحضره ( وفي معركة ابوطليح كان إستبسل هذا الفارس عليه رحمة الله
وقتل من الضباط الكبار البريطانين نفرا
وكان كما يشهد له أهل تلك المناطق من الفرسان المعروفين
وقد نظمت كما روى الأخ خالد
الكثير من الأغاني
الارباب سعيد ( التي سوف نمر عليها بصوت الفنان البشيرة جاد السيد )
( العديل والزين أنا منايا لي .. فالاً حسن والحسين مرق وشدو لي )
( وقمر العشا الضواي التي نحن بصددها الآن )
وغيرها ما أغاني إندثرت
وكان مكان عيشه قرية المِكنية المعروفة غرب النيل مقابلة لكبوشية بالشرق ( وهو من فرسان المِكنية )
وذاع صيته في كل تلك المنطقة وهو من الشخصيات المعروفة في تلك المنطقة ومجدت سيرته الكثير من أغاني المنطقة
أغاني الدلوكا والحماس
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
بجر مسداري وبنم
في الأرباب ناظر القسم
إسلم ابوي ......
ساعة الخصام واللطم
قمر السبوع خافي النجم
اللي الخصيم كواااي
بجر مسداري وبنم : اي بقول القول شعرا منظوم بلحن النمة لحن أبيات الدوبيت ( الرباعيات )
بجر القول فوق راجلاً فارس أرباب ود أرابيب أباً عن جد ( الارباب لقب خص به السعداب )
وكل سعدابي يطلق عليه أرباب وخاصة الفرسان منهم
السعداب هم بطن من بطون الجعليين وهم حوش المك نمر
ناظر القسم اي حاكم المنطقة ( المِكنية وماجاورها من حللّال صغيرة بويتات لم تعد قرية في ذلك الزمان )
وكانت القرى مراكز معروف ومثال منها وليس حصراً مثل ( المتمة .. الجوير .. كلي .. المحمية .. كبوشية .. وغيرها )
واشتهرت المناطق حسب فرسانها في ذلك الزمان
وهنا يصف ابوه يوم الحر ( ابو طليح ) والنار مولعة
ساعة الخصام واللطم
وشبه ابوه في ذاك اليوم أنه قمر السبوعين الذي عندما يطلع يخفي النجوم والنجوم هم بقية الفرسان
من الجانبين رفاقه وأعدائه
ويسلم ابوي اللي خصيم كواي
الكي بالمرواد الكي حار والبثبت لي قليل
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: Khalid Saeed)
|
باقة حب مرسلة لك الانيق خالد
كلمات شجية
نغمات نقية تضيئ عتمة الظلام
بشعاع ابيض ناصع
ترسل الدفء في اعماقنا
لك الود ونحن معك متابعون
تسلم الحبيب العزيز
حاتم محمد عثمان
من الأسم والصورة نستشف
أنك ولد ختمية
ومن محبي الشاعر الصادق رجل المبادئ ( محجوب شريف )
وأنك إنسان رفيع في المقام شخصا
لك مني النفس يشوبها الحياء على هذا الإطراء الجميل في حق شخصي الضعيف
القصد والمرام أحياء تلك القيم الطيبة
التي مضى أهلها من الرجال
ويحضرني دوماً قول الشاعر
ودبادي العكودابي
حين قال :
كُل فضيلة في الأجداد
أبت ماتبقى في الأولاد
ومسكت في النعوش الطاهر
وإندفنت مع الجُثمان
وكل مكارم العابرين
معاهم راقدة
في شبرين
وليه يا حاتم من نحي فضلهم اللذي ملكوا به قلوب أهل الأرض
وكان لما يقال هذا سوداني الحديث وقف
نعم عهود من ظلم بدلت الكثير
لكن فليذهب كل شئ فينا ولتبقى الأخلاق
خُلق اهلنا الفاتوا
ولك الشكر مرات عدد أخي حاتم وخليك قريب دوماً حضورك يسعدنا سعادة مابعد سعد
تحياتي
| |
|
|
|
|
|
|
| |
وضاحة
خالد علي محجوب المنسي
الطيب شيقوق
عبدالرحمن الحلاوي
حاتم محمد عثمان
Khalid Saeed
فيس بوك
تويتر
انستقرام
يوتيوب
بنتيريست