|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
يا الماسك الدريب طلّش ديل ناس رحمة لا تنغّش ليهو المو فشار ضربنا جُملة مو بالرش شن جاب الحديد لي القش ليهو المو فشار خايلا الملكة فوق مختار ليهو
ماسك الدريب تقصد بها اي اللذي نويت ان تمسك دربيهم ودا طريق صعب ما بتقدر علي البسوو فيهو من كرم وشهامة وشجاعة وكل خصلة طيبة يا ماسك الدريب طلّش طلّش طلّش اي فارقت الدرب ديل ناس رحمة لا تنغش واسم عيلة مختار هم ولاد رحمة ناس بربر والعبيدية وضربنا جُلة مو بالرش وشن جاب الحديد للقش الجُلة هي زخيرة المدفع الرش هو بارود السلاح الخفيف مسدس بندقية
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
يا الماسك الدريب طلّش ديل ناس رحمة لا تنغّش ليهو المو فشار ضربنا جُملة مو بالرش شن جاب الحديد لي القش ليهو المو فشار خايلا الملكة فوق مختار ليهو
ماسك الدريب تقصد بها اي اللذي نويت ان تمسك دربيهم ودا طريق صعب ما بتقدر علي البسوو فيهو من كرم وشهامة وشجاعة وكل خصلة طيبة يا ماسك الدريب طلّش طلّش طلّش اي فارقت الدرب ديل ناس رحمة لا تنغش واسم عيلة مختار هم ولاد رحمة ناس بربر والعبيدية وضربنا جُلة مو بالرش وشن جاب الحديد للقش الجُلة هي زخيرة المدفع الرش هو بارود السلاح الخفيف مسدس بندقية
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كلمات أغنية ضرع اليتامى
من بعد الله راجينك خَلق بتحرو يا ضرع اليتامى الما غرز يوم درّو
شباع الجِياع يل توب شِتاهم وقِرّو بتكسر جبرة العديلو ليكا بِقرّو ماك رِعديد ويوت لي الله أهلك إفرّو يا كاشف هجعة الليل البتعرف سِرّو ...
راجنّك تعابة وكت زمانن إضيق وزي القبلي هَطّال لا بتكل لا تفيق سليل الكِندي ياالبيك التليد وعريق بيت الحِكمة بيتك لا بتضر لا تعيق
ماسك دربو لا ضلَّ الطريق لا تاه وكامل يا أبـ كمال إلا الكمال لله من تبيت مشيت في بيت قبيلة وجاه فيك هيبة وجلال فوخة الملوك والشاه
ياود القداسة وقفتَّ ملك الحيرة خليت بي وراك بذرة وتساب ودميرة لا خوف من قواسي ولا مِحن بضيرا لحدك في الجِنان بستان وروضة نضيرة
الخفــــيف
كُل البلد هابو يا قاصدين تزابو مابتعرفو لي طرايقو صدر الكور حِمي وفوقكم طلق نارو
الليلو أبـ كريق فوق القيوف سدّر بلعب بي المخاضّى لِقاها ما بتبخل زرعوك يا العُشاري تجرو وفضل وياجبل المِلكي رحل الكُحل سطل وياحجر الزلط كُل البباينو نعل
يا رحل الكُحل الغلب الجِمل بي الشيل ويا إيد الحَسْين اللي هداو يسيل وكت الهجعة جاتو إنتَّ بتعدل الميل ولي الجار والعشيرة فاقداك هويدتا الليل
إنتَّ يا الخزين داخراكا لي أولادي يامطر السواري الصبَّ مترادي إن جاهو العشير ما بصدّو لي غادي وبتدخل وليتّو في بيتو ما بحاجج
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
من بعد الله راجينك خَلق بتحرو يا ضرع اليتامى الما غرز يوم درّو
بدأ أو بدت الشاعر / الشاعرة كلمات القصيدة بالتوحيد أن الله هو الرازق وهو العليه التوكل وكل شئ لله لكن الله لا يرزق من اليد إلى اليد إنما يجعل السبب عن طريق أحد من خلقه يسخره والذي يسخره الله هو الكريم الذي يعطي وبلا خوف من فقر
فتقول أن الممدوح من بعد الله كل الناس ترجى فيه وترجى عطائه ومدته من بعد الله راجينك خلق بتحروا بتحروا : اي يحروا شئ منه يقول ليك حاري لي منو شئ اي منتظر منه شئ يعطيني له ويقولك : ما متحري او ماني حاري منو يعني ما متعشم منه شئ وتقول له : ياك ضرع اليتامى الماغرز يوم درّو وانت كالضرع لليتامى من فقدوا والدهم ولا معيل لهم غيرك والضرع معروف هو ثدي البهيمة التي تحلب حليب ( لبن ) غرز : اي انقطع من اللبن يقال غرزت البهيمة اي انقطع الحليب منها وينقطع الحليب من ضرع البهائم بعد ولادتها بفترة تطول وتقصر حسب النوع وفي الحقيقة يبدأ اللبن يقل إلى أن تغرز لكن الممدوح ما بنقطع درو ( در اللبن في الضرع )
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
من بعد الله راجينك خَلق بتحرو يا ضرع اليتامى الما غرز يوم درّو
بدأ أو بدت الشاعر / الشاعرة كلمات القصيدة بالتوحيد أن الله هو الرازق وهو العليه التوكل وكل شئ لله لكن الله لا يرزق من اليد إلى اليد إنما يجعل السبب عن طريق أحد من خلقه يسخره والذي يسخره الله هو الكريم الذي يعطي وبلا خوف من فقر
فتقول أن الممدوح من بعد الله كل الناس ترجى فيه وترجى عطائه ومدته من بعد الله راجينك خلق بتحروا بتحروا : اي يحروا شئ منه يقول ليك حاري لي منو شئ اي منتظر منه شئ يعطيني له ويقولك : ما متحري او ماني حاري منو يعني ما متعشم منه شئ وتقول له : ياك ضرع اليتامى الماغرز يوم درّو وانت كالضرع لليتامى من فقدوا والدهم ولا معيل لهم غيرك والضرع معروف هو ثدي البهيمة التي تحلب حليب ( لبن ) غرز : اي انقطع من اللبن يقال غرزت البهيمة اي انقطع الحليب منها وينقطع الحليب من ضرع البهائم بعد ولادتها بفترة تطول وتقصر حسب النوع وفي الحقيقة يبدأ اللبن يقل إلى أن تغرز لكن الممدوح ما بنقطع درو ( در اللبن في الضرع )
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
شباع الجِياع يل توب شِتاهم وقِرّو بتكسر جبرة العديلو ليكا بِقرّو ماك رِعديد ويوت لي الله أهلك إفرّو يا كاشف هجعة الليل البتعرف سِرّو ...
كان الممدوح قوت الجعان ولقمة هنية لي الجوعان كان مأوى الصرمان وخاتي الدرب ضهبان كان جقمة موية ندية للظمئان وكان فوق ذلك توب غطاهم في عز البرد ( القُر ) والقُر هو البرد القارس وهذا هو : شباع الجِياع يل توب شِتاهم وقِرّو
وكان كذلك حامي حماهم وناصر مظلومهم بتكسر جبرة العديلو ليكا بِقرّو يكسر الظلم ويأخذ منه الحق للمظلوم
وكان ماسك درب الله فوق درب اهله وكباره ... ماهو السكير العربيد وناس حازوا الفضائل وتزينو بها ومضوا وليتنا نتمثل بالقليل من صفاتهم السمحة
ماك رِعديد ويوت لي الله أهلك إفرّو
وانظر للبلاغة في قولها لي الله أهلك يفرو اي يركضوا ركض لمرضاة الله
يا كاشف هجعة الليل البتعرف سِرّو سر الليل يعرفه العباد الخاشعين والناس نيام اللذين تتقلب جنباتهم من المضاجع وينهضوا لمرضاة الله يتضرعون رافعين الأكف طلباً ورحمة من العلي القدير في أوقات السحر ( وهذا هو السر ) والذي قال فيه المولى دعوني أستجب لكم عندمايتنزل للسماء الدنيا في الثلث الأخير من الليل وهذا سر الليل الذي نعرفه ومن عرفه وقام له فاز ونجى
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
ماسك دربو لا ضلَّ الطريق لا تاه وكامل يا أبـ كمال إلا الكمال لله من تبيت مشيت في بيت قبيلة وجاه فيك هيبة وجلال فوخة الملوك والشاه
تقول ان ممدوحها الذي مدحت وشكرت فعايلو كان ماسك درب الله وماسك الدرب الذي مشوا فيها أبائه من قبل وكامل جامع للكل الفضائل لكن الكمال لله وحد تفرد به وخذَّ به نفسه وهنا أيضاً تظهر القمة في التوحيد الصحيح للشاعر رغم أنها أمية
من تبيت مشيت في بيت قبيلة وجاه فيك هيبة وجلال فوخة الملوك والشاه ومنذ نعومة أظافره تبَّ ونشئ في بيت كله عز وجاه وبيت من قادوا وأحسنو القيادة وكانت له هيئة وهيبة في نفسه وقوامه مثل هيبة الملوك والشاه
وملك وشاه وأمير وشيخ هي ألغاب لحكام
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
ياود القداسة وقفتَّ ملك الحيرة خليت بي وراك بذرة وتساب ودميرة لا خوف من قواسي ولا مِحن بضيرا لحدك في الجِنان بستان وروضة نضيرة
وتستمر في حمده وشكره وتقول يا ود القداسة وقفت وفعلت ما فعل ملك الحيرة من قبلك الذي أمن من بعده حياة كريمة لقومه وخليت بي وراك بذرة : محاصيل تزرع وينبت منها البذور للزرعة الجاية وهذا عادة المزارعين مثلاً عندما يزرع برسيم بطلع منه تقاوي اي يترك البرسيم لما تشيل ورده وتستوي وبعدها يقطع ويجفف وتستخرج من الزهرة حبوب التقاوي ومنها يضمن جودة تقاويه ( البذور ) ومن ناحية وفرة أن يشتري تقاوي من برا ( السوق ) وهنا الشاعرة كانت من بلاغتها لم تقل أنه له انه كان يملك المزارع الحقول بل قالت خليت بي وراك بذرة وتساب ودمير اي ترك المحاصيل وبذورها لتزرع مرات ومرات سنة عُقب سنة والخير واجد يقي الناس سنين التساب ( التساب هو الفيضان الكبير للنيل ) وتؤرخ سنين التساب مثلاً تساب سنة 1946 يقال فلان ( ود شيقوق ) مولود سنة تساب 46 التساب : ارتفاع منسوب فيضان النيل بنسبة كبيرة والدميرة : هو الفيضان العادي وعادة في هذه الفصول : (التساب الدميرة يقل الأنتاج نسبةً لان مياه النيل تغطي الكثير من الأراضي الزراعية وتطمرها وتظل لفترة وتخرب الزرع ) لكن انت تركت المدخور الوافر من محاصيل ( قالت البذور ) والمراد هو المحصول لانو الماعندو محصول وافر ما بعمل منو تقاوي إلا إذا كان تجار ومقصده التقاوي والممدوح ليس تاجر بل مزارع وتقول له امنت أهلك وناسك من القواسي والمحن في السنين المحل وهنا ايضاً اشارة أنه كريم ويساعد الناس
ثم دعت له أن يرتاح في قبره وقالت : لحدك في الجنان بستان وروضة نضيرة
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كُل البلد هابو يا قاصدين تزابو مابتعرفو لي طرايقو صدر الكور حِمي وفوقكم طلق نارو
والآن الخفيف وهي أغنية أخرى وأيضاً تعدد محاسن وفضائل شخاً ما
ويقول فيها الشاعر أو الشاعرة كل البلد بتهابو اي تخافه خوفاً من شدته ورجاءً في حاجتهم له للمساعدة وقت الزنقة والشدة واستغفر الله إن خلطنا كن نحن نعبد الله خوفاً من عذابه ورجاءً في رحمته وإجلالا لكن الممدوح تهابو كل البلد خوفاً من شدته ورجاءً في عونه وتوجه كلامها لاعدائه اللذين يتشبهو به ( يا قاصدين تزابو اي تتشبهو به رفقة ) لكن طريقو شائك ومشقة والبدور يبقى زيو بتعب دا متل صدر الكوور اي فوهة التنور او فوهة البركان يتخرج منها النار عندما يحمى ويتطاير اللهب منه شن بسوي بحرقكم وببشتن بي حالكم صدر الكوور حِمى وفقكم طلق نارو
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كُل البلد هابو يا قاصدين تزابو مابتعرفو لي طرايقو صدر الكور حِمي وفوقكم طلق نارو
والآن الخفيف وهي أغنية أخرى وأيضاً تعدد محاسن وفضائل شخاً ما
ويقول فيها الشاعر أو الشاعرة كل البلد بتهابو اي تخافه خوفاً من شدته ورجاءً في حاجتهم له للمساعدة وقت الزنقة والشدة واستغفر الله إن خلطنا كن نحن نعبد الله خوفاً من عذابه ورجاءً في رحمته وإجلالا لكن الممدوح تهابو كل البلد خوفاً من شدته ورجاءً في عونه وتوجه كلامها لاعدائه اللذين يتشبهو به ( يا قاصدين تزابو اي تتشبهو به رفقة ) لكن طريقو شائك ومشقة والبدور يبقى زيو بتعب دا متل صدر الكوور اي فوهة التنور او فوهة البركان يتخرج منها النار عندما يحمى ويتطاير اللهب منه شن بسوي بحرقكم وببشتن بي حالكم صدر الكوور حِمى وفقكم طلق نارو
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
الليلو أبـ كريق فوق القيوف سدّر بلعب بي المخاضّى لِقاها ما بتبخل زرعوك يا العُشاري تجرو وفضل وياجبل المِلكي رحل الكُحل سطل وياحجر الزلط كُل البباينو نعل
تشبهه بي التمساح واي نوع من التماسيح شبهته بالتمساح ابـ كريق وهو اسم يطلق على تمساح لونه اسود وكبير وله حراشيف في ظهره ابـ كرق وفوق القيوف سدّر اي ظهر وبان او قد يكون ظهوره سدر الناس وأبعدهم من جانبي النيل وهو يتمخطر بلعب في المخاض والمخاض تطلق على المكان القريب من طرف النهر لانه يمكن ان يخاض فيه مشياً ولا يحتاج لعوم لانه ليست بعميق
وتقول له انت زرعوك اي في اي مكان يضعوك تفلح وتنجح تجروا وفضل اي باعوا منك وفضل الباقي دائماً موفي وزائد في وقت الحاجة والشدة وانت كالجبل ( جبل الملكي ) ثابت في الأرض وثبات وقت الشدة ومثل رحل الكحل والكحل حجر وتقيل وزنا وحجر الزلط معروف انه قوي إن وقع فيه بشر لا محال معوق وتقول له في نهاية الشكر كل الذي يخت راسو معا راسك ما كسب خير وإتلعن قطع شك وسموه حامل كفنو وحافر قبرو بإيدو
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
يا رحل الكُحل الغلب الجِمل بي الشيل ويا إيد الحَسْين اللي هداو يسيل وكت الهجعة جاتو إنتَّ بتعدل الميل ولي الجار والعشيرة فاقداك هويدتا الليل
الكحل هو ذاك الجر الأسود الذي يستخدم في كحل العيون بعد سحنه وحجر الكحل ثقيل جداً ولا تقدر على حمله العواتي من الجمال وكلمة أو مفردة تقيل أو قول فلان تقيل تعني تقيل في وزنه وتعني انه راسي ورزين ومالي مركزو فقالت له : يا رحل الكحل الغلب الجِمل بي الشيل
ويا إيد الحَسْين لهداو يسيل اي ان الممدوح كان وزنه بين اهله كبير وكذلك كان راسي ورزين وحكيم في مقاله وانه كان محسن ويدو تسيل وتفيض خير لاهله وناسه ويساعدهم ويعينهم
وكت الهجعة جاتو إنتَّ بتعدل الميل ولي الجار والعشيرة فاقداك هويدتا الليل الهجعة : هي الوقت الذي يكون فيه الناس نيام هاجعين في مضاجعهم في ذلك الوقت ترى المحسنين بطلعوا يتفقدوا خلق الله ويمدو لهم ما تجود به ايديهم وبختاروا ذلك الوقت خوفاً أن يراه الناس وهو يساعد فلان وعلان ولسببين ورع للحسنة لكي يتقبلها الله وستراً للذي يساعدوه أن لا يراه الاس يستلم المساعدة وهنا قمة الإحسان والورع تقوى تعدل الميل اي الحال الأعوج بتعدلو وترقعو وهنا ترثيه وتقول يا حليك يا صاحب الهجعة فقدك العشير ( الأهل ) والجار ومن مناحي الكلام في هذه القصيدة انها كانت رثاء في شخص ( مناحـــة ) واغلب شعر السودان القديم كان مناحات ( رثاء )
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
إنتَّ يا الخزين داخراكا لي أولادي يامطر السواري الصبَّ مترادي إن جاهو العشير ما بصدّو لي غادي وبتدخل وليتّو في بيتو ما بحاجج
إنتَّ يا الخزين داخراكا لي أولادي
الخزين : كلمة تطلق على الإنسان الذي يرجى منه أهله كل الخير وهو حقيقة سنداً وعون لهم يشبهوه كأنه المخزون لوقت الحاجة ( قد يكون مال .. دهب .. محصول )والمخزون له قيمة وقت الحاجة له تقول له أنا دخرتك لي أولادي ( وهنا يتضح لنا أنا هذا الرثاء أو هذا القول ان الشاعرة كانت أخته والله أعلم ) لو كانت أمه لقالت له ( داخراكا لي أخوانك ) لو كانت زوجه لقالت ( داخراكا لي أولادك ) وكلمة الخزين والدُخري كثيراً ما تستخدمها النساء في وصف عزيز لهنَّ
يامطر السواري الصبَّ مترادي وهنا تصفه أنه كان في كرمه وفيضه للمحتاجين كفعل مطر السواري البتعم البلد مياه ومطر السواري : اسم لمطر غزير ذو رعد وبرق وكما قلنا دوماً المطر مهما كان فهو خير وفي عاميتنا السوانية اسماء كثيرة للمطر أذكر منها على سبيل المثال الطرفة السماك الضحوية والصباحي الساري وغيرها
إن جاهو العشير ما بصدّو لي غادي
العشير من الأهل او اي ضيف ولما يجي مابصدوا وبكرم البقصدوا ويجو
يصدو : يصده
وبتدخل وليتّو في بيتو ما بحاجج
اي من اجي الضيف بدون كلام وليتو اما زوجه أو بنته أو من يعول من النساء تدخل لي تكلا ( مطبخها ) لتعد طعام الضيوف وماعندو حجة وجوطة مع نسائه وبناته رجل موزون واخو بنات
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كلمات القصيدة الأولى
ولدة وصحّت ... وزي مطر السعد ... زرقّن سحابا ######ّت .. ود الناس أخوي ...
ماهو الحنسّو .. لآمن حلوقم بحّت .. وماقام سندّو .. ركز الجبال إن زحّت ..
البحر الطمح .. خلّا الرِجال إتنحّت دا مطمورة الغلاء دُخري السنين الشحّت
سموهو الصلاح ... إسم الصلاح يفخربّو .. دا أبـ بيتن سبيل .. إفضّى وإتملي وإتعبّو ..
الأسد القرح ... يرتّا ويميز ضربو .. دا ماحداهو ميس ... كضب البقصقص دربو ..
مك من جدو مك .. في دار جعل بينين .. وما سكوهو سك .. ماقال تعال بعدين ..
الخاتي الشكك ... ولداً بكيل العين .. مرواد الفكك ... حلّال غلبتَّ الدين ..
هولك من قديم فوق دار جعل سعداب .. بابك ما إتفقل .. ما تحاوشنّو كــ لاب ..
في اللقّى العدم لا طبلة لا كـــ لاب تتباهّى وتخيل فوقك كلمت أرباب
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
الأغنية الأخيرة برضة خفيف في نفس الفيديو
أبوي الليلة يا الهداي وينو الزين سديد الرأي
دا والدي للريق هادي تملي الفي القبب ضواي وكان للزين دوام هداي ولي حدود الله مو نسّاي
يا حليلو الكريم البي مكارم صال في وادي المحاص الدُخري خوجل وجال هو البيت الكبير السمكو ما بنطال هو الضحوي الضرب حدب العقب هطال
غني وحكمّي الأوزان ولي الموزون وما بنضلّا لي ميزان رضاي الرباعـــة تاية الخِلان جبار الخواطر ما بيرد صرمان
غني وشكري الليلة يا ريلة مو شاحد يمين الشكرة حاقيلّا الزين الحليم ايامو يا حليلّا وياحليل الدميرة الما إنقرع سيلّا
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
ماهو الحنسّو .. لآمن حلوقم بحّت .. وماقام سندّو .. ركز الجبال إن زحّت ..
هناك بعض الناس الواحد فيهم وقت الشدة ووقت الحاجة بحتاج لي لزّا ( يحنسو عشان يسوي ) والمثل بقول ( فلان جلدو حلو ) ودا الما بن(.........) ولا بتلز وفلان ( جلدو حار ) يعني بسوي بلا يقولوا سوي ويحنسو فالممدوح كان من النوع الهميم وبعرف متين يتحرك وما بنتظر تحنيس من أحد لآمن حلوقم بحّت اي صوتهم راح من كترة الحديث معه ( تحنيس ) ولما يقوم بهب تابي حفيان وهبة الكريم والشجاع معروفة هييييييييع حبوب القارح ما دلّا ولداً ما ختالّن زلة شن قولك في ولما يهب بهب وبركز للشديد القوي وما بزح وثباته ثبات الجبال واحتمال تزح الجبال لكن يزح هو ما ظنيت ركز الجبال إن زحّت الثبات هيبة الرجال والقلوبهم محدثاهم المؤمنين بقول الصقر إن وقع كتر البتابت عيب اي الثبات هو الواجب لما تدخل في شدة ولو ركزت بترقد ليك وكان بطبطّا بترقد ليك لي جنى الجنى
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
البحر الطمح .. خلّا الرِجال إتنحّت دا مطمورة الغلاء دُخري السنين الشحّت
طمح البحر عندما يفيض ويكسر ماءه خارج المجرى ويغطي البر في الزراعة وق يصل لي الأحياء ( الحلّلال ) وهنا تستخدم كناية أنه الموصوف كريم وكرمه فائض مثل البحر عندما يفيض ..
خلّا الرِجال إتنحّت اي كرمه لا يضاهى وتتنحى الرجال الكرماء في جاه كرمه الفيلض ويتنحو ويخلو لي الكرم والكرم سيدو برا
دا مطمورة الغلاء دُخري السنين الشحّت
المطمورة : هي حفرة كبيرة تحفر ويحفظ فيها الغلال ( حبوب المحاصيل ) لوقت الحاجة لها وتغطى من عوامل الطبيعة من جفاف ومطر ورياح وغيرها من الآفات وهنا تستخدم المطمورة كناية انه كان مؤنة الناس في وقت الحاجة مثل مطمورةالغلاء ( وهنا تقول الغلاء وتقصدالغلال )
الدخري سبق وشرحنا معناها انه المدخور لوقت الحاجة السنين إن شحت : في سنين الجفاف وفيها الناس تأكل من مخزونها
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
سموهو الصلاح ... إسم الصلاح يفخربّو .. دا أبـ بيتن سبيل .. إفضّى وإتملي وإتعبّو ..
سموهو الصلاح الأسم كثيراً ما ياخد من صفات المسمى قالت أنتَّ سموك الصلاح قد يكون أسمه صالح ( غالباً ) أو صلاح او مصلح وأنا أرجح ان اسمه صالح واسم الصلاح يفخربّو والأسم كان مفخرة له اسم ومسمى به ( تشابه ) اسمو صالح وهو صالح لفعل الخير مع ربه وخلقه وتستمر تمدح فيه بكرمه وقالت لي : يا بيتن سبيل إفضى ويتملي يتعبو وتقصد ان بيته ملئبالضيوف دوام يفضى ويتملي من تاني ناس مارقين وناس داخلين كأنه سبيل البيل هو الصدقة الجارية لابن السبيل ( الجابوا الدرب ) الكرم ورثة ويجري من الإنسان مجرى الدم فيه جينات الكريم ولد كريم وقد يشذ ولكل قاعدة شواذ
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
مك من جدو مك .. في دار جعل بينين .. وما سكوهو سك .. ماقال تعال بعدين .. وكان نظام العمودية وكل الألقاب تورث اب عن جد فالممدوح اخيعا تقول انه مك ابن مكوك
وكلمة مك لقب مثلها مثل كلمة امير وباشا وغيرها من الألقاب مك من جدو مك اي سلالة مكوك وحوش جاه وحكام في دار جعل بينين اي اسرة معروفة في دار جعل ولها شأن أسرة مكوك وأصحاب كلمة وفوق دا كلو كان شجاع ما بسكو ويجري يقدم ولا يفر وكل ضربة فيه رقدت وسم كانت في مقدمة جسده لا في مؤخرة جسده وهذا يعني انه يقدم ولا يفر ويضرب من الخلف
ماقال بجيك بعدين وكت الكوع أحر الكاينة تقع بنتهي منها يا غالب يا مغلوب وفي الغالب غالب وما بقول لي البعادي خلاص امشي وبجيك بعدين بقضى في محلو وأول باول الخـ واف هو البقول لما يتزرا بجيك بعدين طالعني لو انت راجل
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
هولك من قديم فوق دار جعل سعداب .. بابك ما إتفقل .. ما تحاوشنّو كــ لاب ..
هولك من قديم : يعني ان اصلك معروف وكل الناس تعرف ذلك انك من دار جعل يعني جعلي وفي الجعلين ( سعداب ) والسعداب : بطن من بطون الجعليين وهم أهم أهل المك نمر
بابك ما إتفقل .. ما تحاوشنّو كــ لاب هذين البيتين فيهما بلاغة عالية وتعني انه كريم وفي كرمه بابه مفتوح لضيوفه مشرع والكـ لاب تمنع الناس من الأقتراب من البيت وما بربي الكــ لب إلا بخيل وزول ما بحب الناس يجو عندو
الكريمبيتو بكون سبيل للغاشي الماشي ودلّا الشيل للولد العابر ودربو طويل عموم الناس وكـــ لاب الحر وبنات النيل بيت سبيل للضيوف تدخل تكرم وتذهب ويجي غيرهم الدوكا ما بتنطفي والحلة ديمة في النار تجقجق
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
متواضع كريم .. بيهو الكرم سميتو .. سيد عِزاً قديم .. في الحارا مو داب بيتو .. التواضع وخفض جناح الزل لخلق الله من جّم سمة فاضلة ولا يتصف بها إلا العينو مليانة وزي ما قالوا لو وجدت إنسان يترفع على خلق الله فأعلم أنه مهجوم وزي ماقالوا أهلنا زمان الما بتشوفوا في بيت أبوك بهجمك وبطلع فوق الكفر مستجد النعمة تجده اول ما يبدأ به يتكلم من طرف نخري
لكن الأصيل سمته التواضع لو كان فقير فهو عزيز ولو كان غني فهو يعلم أنه مال الله إإتمنه عليه يمتحنه به فلا يغير من حاله وتراه بين الناس يمشي بالفضل والخير جود وكرم وعون مساعدة وهذا كان حال الممدوح في قصيدتنا التي بين أيدينا متواضع كريم بيهو الكرم سميتو نرى الشاعر مشت لابعد من وصفه بكريم وقالت بيهو الكرم سميتو اي الكرم سميّى عليه وهذا قمة في الوصف اي سميّى به الكرم
سيد عزاً قديم في الحارا مو داب بيتو اي انه ود عز ونشأ وتربى في بيت عز وجاه والعز حارسو وعينو مليانة ووقت الحارة تراه يعين الكل ويحمي الكل مو اب أهلوا (( التي رمزت لها ( داب بيتو ) اي يده تعين الكل ))
الحارا هنا تعني بها وقت الشدة ووقت يكون الناس محتاجة له
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
يتباشر يقوم .. في الهجعا كان ناديتو .. يديك مِنبسط .. متل التقول أديتو ..
ما بنادي في هجعة الليل إلا محتاج الحاجة بتزل الرجال لكن من ينادي ينادي رجل كريم تعطي يمينه دون أن تعلم يساره رجل يسترك كان يجيب نداء المحتاجين وقت الهجعة والنداء هنا ليس من المحتاج لكن نداء يهاتف قلبه أن هناك فلان او فلانة محتاجة فيهب لداره او دارها ليلاً والناس نيام وقت الهجعة ويعطي في ذلك الوقت فرح مسرور كأنو هو الذي قبض وليس هو الذي دفع المال عزيز وما بطلع المال إلا من وهبه الله صفة الكرم الرجل الذي يحس أنه المؤتمن على المال وليس المالك والذي يحس ان المال مال الله هو الذي ينفق ويعطي ويكون فرح مسرور بعطيته لانه أدى حق الله وفي وقت السحر ومافي شخص عرف انه أعطى
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
أبـ وشاً صبوح ... ماهو المكشِر عابس .. ود ناساً كُرام ... مشوّا الفضيلة مدارس ..
الوش : هو الوجه والطلعة التي تطل بها بها على الناس يقال فلان وشو صبوح أي لو قابلك كأنه الصباح بزغت شمسه مطلة ترنو للدنيا بطرفٍ ساحرِ وكما هناك وجه صبوح يبشر بالخير والبركة هناك وجه مشكر عابس كئيب يجلب يقطع الخميرة من البيت في ناس كدا الواحد ديمة مشكر بي سبب وبلا سبب وغاب عليه قول الكريم رسولنا عليه ألآف الصلاة والتسليم تبسمك في جه أخيك صدقة أطرحها والدنيا نهايتها كوم تراب فوصفت أخيها أنه وجهه صبوح يفرح ويسر من يقابلوه وأنه كريم أبن كرام مشوا بالفضل بين الناس وأصبح ديدنهم مدرسة يغتدى بها بعدهم ويتمثل بهم
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
[B]إرجامك مِنطرح .. ما بقابلك جالس كم حلّحل شبك ... وإتفضلوهو مجالس ..
مقابله المضيوف لضيوفه شئ مهم كتير كيفة اللقاء والترجيب بهم هي التي تترك الأثر الكبير والضيف لو ما أرتاح ما برتاح فلو كانت المقابلة بشوشة وبوجه منطرح تجد الضيف يطيب له المقام ويرتاح نفسياً واللممحدوح قالت شاعرتنا يلقى ضيوفه بل يراجهم في خشم الحوش منطرح اي منبسط السريرة وسريرة الإنسان دواخله ( السر ) وهذا ينعكس كلمات وهوشة وتبة في مشيته وهو يستقبل الضيوف ووفوق كرمو كان رجل يحلمشاكل الناس وهناك أناس يسعون دوماً في حل مشاكل الناس مهما إستعصت وصعبت ولا يرتاح لهم بال ويروا الخصام بينهم في أقرب الناس وأبعدهم وفضل المجالس ما لي الناس من طرف ويفضل في المجالس حسن الخلق سيرة .. الكريم .. الشجاع .. حلّلال المشاكل .. حامي الحمّى .. ولكن حين تنقلب الوازين يفضل في المجالس خائب الرجاء ( مسؤول الحيكومة )
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
يا حليلو الكريم البي مكارم صال في وادي المحاص الدُخري خوجل وجال هو البيت الكبير السمكو ما بنطال هو الضحوي الضرب حدب العقب هطال
وتستمر في شكره وحمد بجمال الخِصال وتقول : وتربط بين صفتين مهمات في الرجل الكرم .. الشجاعة ( فارس ) يحليلو الكريم البي المكارم صال صال وجال : اي مشى بين الناس كريم وعرف بينهم انه شجاع فارس لا يقارع وهذا هو ديدنه وعادته وكانت زمان تطلق اسماء على اللذين أتصفوا بالكرم مثالا عوج الدرب اي قام من كثر كرمه انه حوّل طريق السير لكي يكون أمام بيته للمارة حتى يراهم ويكرمهم المنشتح: إنشتح بالعامية تعني بسط رجليه بطريقة اكبر ليحجز مكان اكبر وهذا انشتح ليحوذ اكبر عدد من ضيوف الحي ثم ذكرت مباشرةً حالهو في ساعة الحروب ( المحاصة ) وسميت المحاصة لانه فيها يمحص الشجاع والجبـــ بان وفيها تمتحن القلوب ثباتا في وادي المحاص الدُخري خوجل وجال
الدخري : المدخور لوقت الحاجة فزعا خوجل : الخوجيلة : هي القدلة اي انه في الحرب القلوب زاحفة من مكانها تجده يقدل بين الصفوف يخوجل وجال: من صال نفس المعنى صال وجال
هو البيت الكبير السمكو ما بنطال هو الضحوي الضرب حدب العقب هطال
وهنا نرى استخدامها الكناية بلاغةً هو البيت الكبير هو الضحوي الضرب تعقصد أنه مثل البيت الكبير ذو الحائط العالي صلابة وقوة هو في كرمه مثل مطر الضحى والبيت الكبير السمكو مابنطال : لا يستطيع أحد أن يطول ويصل له لسمك حوائطه ( الجدران والحراسة ) وهو مثل الضحوي الضرب : وضرب هنا بمعنى نزل وهطل حدب العقب : الحدبة هي الجزء المحدب من مكان عالي ( هضبة او نحوها ) والمطر عندما ينزل على مكان محدب يسيل لاسفل ليشمل القاعدة وانا اعتبره تعبير عميق من شاعرة امية والعقب : العقبة هي المكان الوعر حجري يعيق مسار المياه في وادي او في جبل يقال هذا المكان عقبة : اي مكان يعيق في شئ ولا يجعل السير سالك بل يكون في السير سواء لبشر او ماء او غيرها بمشقة
وهنا تقول كان رجل كريم وكرمه فياض وكان شجاع رجولته يضرب بها المثل
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
غني وحكمّي الأوزان ولي الموزون وما بنضلّا لي ميزان رضاي الرباعـــة تاية الخِلان جبار الخواطر ما بيرد صرمان
وهنا تحدث نفسها وتقول لها غني وحكمي الأوزان الاوزان تعني بها اوزان الشعر بحورا وقلي فيه قولاً يليق به مقاما وانت التي لا يضلها الشعر ولا يعصى عليها وتجيد القول ينزل منها كما ماء سلسبيلا متتابع ولا غلبك وزن البيت شعرا ( وهنا تخاطب كما قلنا نفسها )
رضاي الرباعـــة تاية الخِلان جبار الخواطر ما بيرد صرمان غني للذي يرضي رباعته( اصدقائه ) ومن كلمة ربع اي رفاق والتاية هي مكان يكرم فيه عابري السبيل وفيه يكون أيضاً انس وكل الربع والاصدقاء تاية الخلان والخليل هو الصديق القريب خلا
جبار الخواطر يجبر الخاطر اي يرضي قلوب الاخرين مابيرد صرمان يرد: يصد ويرجع الصرمان : المعدوم الفقير الذي يتحرى مساعدة
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
غني وشكري الليلة يا ريلة مو شاحد يمين الشكرة حاقيلّا الزين الحليم ايامو يا حليلّا وياحليل الدميرة الما إنقرع سيلّا
وتطلب من الريلة ان تغني لاخيها والريلة هي اسم وكان يطلق على البحسناء الجميلة وتشبيهاً بالجدي ( الريلة ) غني له يا ريلة وهو يستحق الشكر والقول السمح وما بشحدوا لي زول عشان يشكرو ويستحق الشكرة ويا حليل ايام الزين الحليم عايش ويا حليلو الذي ما كان له شبيه في كرمه غير سيل الدمير عندما يكسر من مجراه ما بحوشو ترس وحاجز إنقرع : صدَّ السيل هو ماء المطر لكن عادة ماء المطر عندما يسيل للبحر ويزيد ماء النيل وبكون في ايام الفيضان وفيها لا محال البحر كاسر كاسر وهيييييع وحليل الرجال البترسو البحر
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كلمات القصيد في محكر الديوان
في محكر الديوان وثابت يا أبـ قَلُب تُقابة لي النيران وين مِتل الحسن
الحسن يا الحسن أنا غَنيتا ليك بي قياس ... ياك مطر السواري ياماك هبوب ورُشاش في الضيق للولاية ولي الدموع قشاش سيد زيناً قبيل قبل الناس تعرف الناس سيد أصلاً قديم هيل الحمزا والعباس
الحسن يا الحسن أنا ولفتَّ ليك نمّا ياك دود الكواني الحجر مشارع ألمّا يا ولادة النجاح ما بتلدك البلمّى ود ضبعة التساب الفوق البلد عمَّ
الحسن يا الحسن أنا ولّف بغني لِيك تمساح دار جعل زي الشرار عِينيك خبر البُندقية القالوا دي بترمي تلب يا الصقر جفل الرخم مني
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
اغنية الحســن ود ضبعة في محكر الديوان
الحسن ود ضبعة هو ابن بيت عمد الجوير ناس ود ضبعة هم بيت العمد في قرية الجوير غرب شندي تلك القرية الحالمة والوديعة التي ترقد قبة الشيخ سلمان ود العِوضية تحرسها
لهذه القصيدة قصة والله أعلم في صحتها لكن نجد ما يثبت صحة الحكاية أن الشاعرة ذكرت ما يشير إلى تلك القصة أو الحكاية
قيل ان فرد ( رجل ) من أهل الجوير ضرب بعض الجنود يتبعون ( الأنجليز ) ...وقلع بندقية من واحد من الجنود .. بعدها الخبر أنتشر وبدأ الأنجليز يبحثون عن ذلك الشخص ( وفي الحقيقة يبحثون عن البندقية ) واساساً ما كانوا متأكدين من هو الرجل وصل الخبر للرجل الذي خبئ البندقية في بيت شقيقته تم القبض على ذلك الرجل بالشبه ( غير متأكدين ) فأنكر وظل حبيس قفص السجن ليعترف خافت أخته وفخرجت وقصدت مكان كان يجلس فيه أعيان حلة الجوير وبينهم الحسن ود ضبعة وعندما وصلت قرب مجلس الرجال كشفت رأسها ( انزلت عنه الثوب ) وهذه الحركة لها معاني تعني انها في ورطة وتريد رجل يقوم ويغطي رأسها ومن يغطي رأسها ينجدها من ورطتها ولو كلفته نفسه فداء لها فقام الحسن ود ضبعة وغطى رأسها وسترها وبعدها سألها عن مشكلتها فحكت له فأمرها ان تحضر له البندقية فأحضرتها فأخذ البندقية ورماها في البئر المهم الانجليز وجدوا البندقية وعرفو انو رماها الحسن ودضبعو لكن ما تمادوا في القصة وطفوا الموضوع خوفاً من تأجيج فتنة وهذا هو الحسن المعروف بفروسيتهوابن بيت العمد
لذا ذكرت الحمرا في قصيدتها هذه
خبر البندقية القالوا دي بترمي تلب يا الصقر توّر الرخم مني
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
في محكر الديوان وثابت يا أبـ قَلُب تُقابة لي النيران وين مِتل الحسن
في محكر الديوان الديوان هو غرفة كبير بتكون في حوش الرجال وفيه يستقبل الضيوف وعادة كان ببني الديوان ميسور الحال ( العندو قرش ) مو كل زول ببني ديوان وأكبر ديوان بكون ديوان العمدة وكلمة ديوان أصلها فارسي من كلمة أيوان مكان جلوس كسرى إنيشروان ( كسرة هو ملك الفرس وكان كل ملك يسمة كسرى )
يتحكر : يجلس القرفصاء اي جلسة تنبئ عن عزة وفخر محكر تقصد بها هنا صدر المجلس يتحكر في وتقول الشاعرة ان الحسن ود ضبعة كان فنجري ومجلسه في الديوان في محكره اي في صدره ويجلس في صدر المجلس من هم ذوي مكانة اجتماعية عالية وكان الحسن منهم عشت ردحاً من الزمان في ديار الألبان في ( كوسوفا ) رأيت عندهم الديوان بنفس الطريقة عندنا وفي حوش منفصل عن حوش الأسرة يعرف بحوش الرجال وفيه يستضاف الناس ويجلس كبير الأسرة في صدر المجلس يجلس قربهمن هم محتفى بهم او من هم ذوي مكانة عالية ويكرموا وكان الحسن ود ضبعة سيد محكر الديوان وقالت انت ذاك الرجل ثابت القلب الفارس الشجاع سيد محكر الديوان وثابت با أبـ قلب يا أب قلب تعني بها يا ابو قلباً ثابت وا بزح سندالة سكري
تقابة لي النيران وي وين متل الحسن
تقابة النار هي اول الشرارة التي يوقد بها الحطب او الفحم تسعر النار في القشقاش من الحطب لانه يمسك النار بسرعة ومنها توقد او يوقد بقية الحطب والبتوقد الحطب دي تعرف بأسم التقابة وقد أطلق اسم تقابة على النار التي بتكون مولعة دائماً وهي نار الكريم الذي لا تنطفي النار في بيته ضيوف داخلا وضيوف خارجا وقد اطلق اسم تقابة على نار الخلاوي وين ومتل الحسن اي منو المتل الحسن وبشبهو في صفاته
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
الحسن يا الحسن أنا غَنيتا ليك بي قياس ... ياك مطر السواري ياالماك هبوب ورُشاش في الضيق للولاية ولي الدموع قشاش سيد زيناً قبيل قبل الناس تعرف الناس سيد أصلاً قديم هيل الحمزا والعباس
الحسن يا الحسن استغرب لشعراء وشاعرات بلادي والأميون منهم خاصة تجد في أشعارهم كل ضروب البلاغة من كناية وتشيبهات بليغة وجناس وطباق وغيرها الحسن يا الحسن الحسن الأولى هي أسم الممدوح ( الحسن ود ضبعة ) والحسن الثانيةاي الحسُن الجيد في صفاته غنيتا ليك بي قياس اي قلت في قول موزون مقفى وامجد فيه صفاتك السمحة ياك مطر السوار يا الماك هبوب ورُشاش مطر السواري : مطر غزير والتسمية عامية سودانية بحتة يا الماك هبوب ورُشاش اي مطر عادي خفيف ( رُشاش ) وتقصد ان كرمه فياض مثل مطر السواري الذي يطمج البلد من جم
في الضيق للولاية ولي الدموع قشاش وانت في ساعات الضيق انت الفرج ومزيل الهم من النساء تقش دمعتهنَّ اي تجيب لهنَّ ثأر من قتلوا في حروب سبقت كما قال طه البطحاني يفتحر بنفسه ( بلسان الشاعر العبادي )
أخوك يا ريا أخوك ساعة السيوف إدبكّن أخوكيا السمحة أخوك وكت الرماح إشبكّن أخوك جبل الثبات ساعة القواسي يحبكّن كم بكيت وكم قشيت دموع الببكن اي يقتل من الأعداء فتبكي نسائهنَّ وفي نفس الوقت يكون قد أخذ الثأر لنساء قبيلته فيفشن غبينتهن في الفقد القديم
سيد زيناً قبيل قبل الناس تعرف الناس سيد أصلاً قديم هيل الحمزا والعباس
تقول كل صفة سمحة كل فضل فيك حارسك من جدودك وأنتم تمتد جزوركم لنسب العباس في قريش ( هيل حمزة والعباس ) حمزة والعباس عليهم رضوان الله هما أعمام الرسولعليه أتم الصلاة والتسليم
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
الحسن يا الحسن أنا ولفتَّ ليك نمّا ياك دود الكواني الحجر مشارع ألمّا يا ولادة النجاح ما بتلدك البلمّى ود ضبعة التساب الفوق البلد عمَّ
وتعيد محسناتها البديعية بلاغة الحسن يا الحسن ولفتَّ : ألفت من التأليف النمة : ابيات من الرباعيات ( تعرف باسم الدوبيت ) عندما ننم بها اي نغنيها بلحن ولحن الدوبيت معروف بطريقة معينة كما هو الحال في موال العرب فالموال عندنا أهل السودان هو الدوبيت وكلام الحكمات عندما تنشده
ياك دود الكواني الحجر مشارع ألمّا كلمة الدود عادة يقصد بها الأسد لكن وردت في كثير من أشعار اهلنا يقصدون بها التمساح الكواني : الجزر في البحر حيث يكثر الحشيش وهناك يجدالتمساح مأمنا وراحة لما يكون شبعان ينتظر صدقه الطير ينظف فاه حجر : اي منع الوارد للبحر ألما : الماء وقد ترد بلفظ ألمي أو موية وهنا تعني كناية انه البلد الفيها الحسن لا يتجسر عليها صعلوك أو قاطع طرق أو متعدي حقار يحجر عليهم دياره والديار التي ينزل فيها
يا ولادة النجاح ما بتلدك البلمّى تعني انه كان ولدة وصحت وزي مطر اسعد وبمعنى اخر جِيد لي امك الجابتك وتسلم البطن الجابتك ولد ناجحة وفي ناس نقول لما نشوف عمائلهم ونقول يا ريت ابوك لو قبل رأسو علي الحيطة يومها كان ارتاح واراح خلقه منك وهذه اسوى سبة يسب بها أحد يعني يا ريت لو ما ولدوك البلّمى : المرأة المي قارحة وناجحة وغير فصيحة أبلم اي غير فصيح ( بي كلامنا العامي عـ ـويرة ) ولدة وصحّت وزي مطر السعد التي تسعد كل خلق الله فرحوا بها هكذا كانت الفرحة بمولد الحسن ود ضبعة
ود ضبعة التساب الفوق البلد عمَّ
التساب هو الفيضان الكبير مثل تساب 1946 الذي فاض وغطى كل البلد وأصبح جل اراضي البلد بحرا وهنا تقصد ان كرمه فياض مثل التساب عمَّ انتشر وغطى كل البلد
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
الحسن يا الحسن أنا ولّف بغني لِيك تمساح دار جعل زي الشرار عِينيك خبر البُندقية القالوا دي بترمي تلب يا الصقر جفل الرخم مني
تشبه مرة اخرى بتمساح دار جعل وأين حدود دار جعل ؟ حدود دار جعل المعروفة كما وصفها الشاعر حمدان وهو فحل من فحول قول الشعر في تلك المنطقة عاش في منطقة قندتو ثم انتقل للعيش في المتمة قال الشاعر حمدان يمدح ناظر عموم الجعليين حاج محمد إبراهيم فرح قال :
سمعتَّ بيك وشكروك لي وعجبني شَكْرتك صمد المتعافيات الصف تهِزو نهرتك الشنب المبرم شوفتو ليك إتفرتك وا أسفي الشديد من بدري ما عاشرتك من البسري لي السبلوقة حدد دار ابوك يا أبـ رسوة كدّق فوقا الحالاك تسووقو بي سماحة وروقة والكازاك حفرك ليهو لي المخروقـــة
من البسري لي السبلوقة هي حدود دار جعل زمن القبلية كانت متفشية بين الناس وكان كل أناس يعيشون في اراضيهم وكانت بينهم حروب وصلح وتعايش رغم الحروب الطاحنة يجيرون بعض يتناسبون مصاهرة لم تكن متفشية فيهم الجهوية رغم كل قبيلة كانت محتفظة بكيانه من ناحية اراضي وحكم ذاتي جاءت الإنقاذ وغتست حجر الناس في كل شئ وبثت سمها ( الجهوية ترق أبناء الوطن الواحد ) العنصرية صفة يتصف بها الافراد لكن تتصف بها حكومة ترفع شأن وتدلي شأن هذا الغير مقبول العنصرية مرض في النفس قد يصيب أناس وهذا يعالج لكن يصعب العلاج عندما يكون رب البيت بالدف ضارب وماذا نتوقع من أهل البيت ؟ غير الرقص والطرب الله يكون في عونك بلادي حكموك أناس غير مؤهلين لحكم أسرهم الصغيرة
تمساح دار جعل زي الشرار عِينيك
عندما يقال رجل عيونه متل الشرار ( شرار اللهب نارا ) يقصدوا انه شجاع وحار زي النار والشرر يتطاير من عيونه وهذه كناية زي الشرار عينيك
خبر البُندقية القالوا دي بترمي تلب يا الصقر جفل الرخم مني
اي تلك القصة التي ذكرناها في البداية القالوا دي بتجيب خبرو وتكون نهاية مسيرة ود ضبعة تقصد ان يمسكه الانجليز ويهينوه وما يقدر تاني يرفع عينه لكن لم يكن عندما عمل له الانجليز ألف حساب وخافوا لو سجنوه أن تتألب عليهم الناس لوضعه الاجتماعي بينهم وهو حامي الحمى وقالت في نهاية القصيدة وجمعت كل حديثها وشكرها في هذه الكلمات انت الرجل وبقية الرجال ( رخـ ـم ) الصقر معروف رمز للشجاعة الرخم : طائر يصفه أهلنا انه طائر أهـ ـبل والذي يصفوه يا رخـ ـمة تب ما خلو حاجة تلب يا الصقر تور الرخم مني
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
مروي لي وينو الليلة ودابو ني وين يا جاري وكما ذكرنا من قبل نجد فن الدلوكا في الغنا الخفيف دائماً يكون غزل وقلَّ ان تجده في شكر ومدح واظهار صفات ( ما ندر )
وفي هذه الأغنية نجد المفردة البسيطة العميقة المؤثرة التي تفعل بك فعل المفاعل النووي عند سماعها في حفل ( بيت اللعبة ) وكان زمان يعرف بهذا الأسم حين حياتهم كلها جد ووقت لهوهم يسمنوه ( اللعبة ) وايام ما كان الخمر عادة لابد أن يمر بها الكل إلا من رحم ربي وكانوا يتغنون لها أهلنا ناس البسابير كانوا يغنون لها كما تغنى كُثر
الكجانا قوية والبدور سجم أمو اللإجينا عشية
وتغنى لها أهل بري
في أبـ حشيش وسط البراري يلا نشرب عبار الصباح وكان شربنا بنشرب مريسة وهي طاعمة وحلوة ورخيصة تبيعا لينا حلوم بت نفيسة
ولما تغنى له أُخر وقالوا
عرقي العيش ما بنقدر ... لأنو حار ودشر ومُر ... والبدور طولة العمر يشرب من عرقي التمر لآمن ينكفي فالحفل ( او اللعبة ) بجوها الناس طاشين شي شكل وشي عرضة وشبال وشي بطان العيون محوصا زينة الحفل تعلو وتهبط في ناظرهم والعجب العجاب لو كان ضوء الحفل بي الرتاين وعيييييييك الشوف بكون رهاب ( دهم ) لكن برضو كانوا يقضوا أحلى لحظات ثم يعودا لديارهم مرهقين تعبا وهاك يا نومة لما الشمش تجي في راسو الواحد ويقوم من نومو وريحتو تسوي قعدة تاني ويفضل يفتش في البفكها شي قهوة مرة وشي أم فتفت وهاك يا صداع باقي اليوم وتكونترن في راسو اغنية تغنى بها المطرب في الحفل يمشي ويجي فوقها مدورا في الرأس المصدع تزيد الألم نتحا غايتو جنس زمن الحفلة تنتهي الساعة 4 صباحا وفي بعض الاماكن صباحي
مروي لي وينو الليلة ودابو ني وين يا جاري
مروي كأنه الزرع ( اي تريانة ومندية ويافعة شابة مفرهدا ) لي : اي لي أنا ولي أذاي وألمي يوقد في قلبي نارو حباً ولوعة ويقدح كبريت في الشوق
ودابو ني اي صغيرة ولسة ما بلغت سن الرشد بعد بتكون ملالة جمرها حي يا جاري اي ربعي يا صديقي يا خليلي ورفيقي
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
البلور قديمّا حمامة وشبه الأريل البتمامّا عيني لي الدموع جمامة مهرة وشبلّولا زُماما
البلورة : هي قطعة من لؤلؤ أو ماس أو اي حجر كريم وهنا يشبه الصبية بالبلورة لانها جميلة وغالية قديما حمامة : معروف قدم الحمام أو عموم الطيور الصغير .. يضرب به المثل لان الحمام بمشي في الأرض نطيط ما بوطأ في الارض مثل بقية خلق الله مشياً لا تتغبر من أرجله .. ومن ميزات الجمال مشية البنت وكيف تكون والخملة بتتملي رملة الحصيفة وراقية هي التي تمشي الهوينة كما يمشي الوجا الوحلُّ
البلور قديمّا حمامة والريل البتماما اي يتمختر في مشيته الريل معروف من أجمل الحيونات جمال في الجيد والجسد والعيون عيون الصيد وجمالها وشبه الأريل البتمامّا
ومن اشوفها ما عندي غير البكاء والنواح شوقاً لقربها أموت وتديني نظرة يا أبوعلي وجمامة : درارة اي تدر الدموع درا والجمامة اساساً هي حفرة تحفر قرب مورد الماء سواء كان نهر او جدول او بحر أو حفير تحفر بالضبط في طرف الماء في الرمل وتبدأ الماء تدخل لتلك الحفرة عبر المسامات ماء صافي عذب زلال ومن يشرب المزارعين عندما يكونوا في عملهم قرب النهر
عيني لي الدموع جمامة النوح والشقى لينا وهو تايه في نعيمو وما عامل حساب بكرة
مهرة وشبلّولا زُماما والمهرة معروفة والخيل معقود في نواصيها الخير ليوم القيامة والمهرة هي الانثى الصغيرة من جنس الحصان شبلولا اي جعلوا لها الرسن والمقود كما هو الحال للحسان عندما تلبس الزمام ابو رشمة ( حلقة من ذهب في الانف والرشمة تتدلى من فتحة في الأذن لكي تلتقي بربطة في الزمام ويكون متدلي الرشم من الذهب في الخد واصل للانف يربط في الزمام وا حلالي منظر يسر العين ووا جماله والعجب كان لبستو السمحة في البنوت الناس بترقد يومها ستا
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
وكيف الشورة يا ود بلة تومي اللبسو الفرج الله دا البي سديوو عام وإدلّا وحرق قلبي بي نار الله
وكان الواحدلما يغلبه حب وشوق لصبية يستنجد بأقرب الناس إليه وكيف الشورة يا ود بلة كيف العمل وماذل أفعل في حبها كيف العملمع شافعة ويافعة تومي اللبسو الفرج الله الفرج الله:ه حبة نص جنيه من الذهب وتربطفي العنق بحريرة وفي نص جنيه وفي اكبر ( جنيه ) ولما تكون حبةواحدة تعرف باسم الفرج الله ولما تكون عدة حبات منظومة في تعرف بأسم الشف
دا البي سديوو عام وإدلّا وحرق قلبي بي نار الله
وهنا يحكي أسباب الأذى عندما تنتني وتعوم في رقصتها وعاموإدلّا عوم الوز والوز عوام
ونحنلينا حرقةفي القلوبمن شوق وهجة تشعلها في قلوبنا
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كلمات القصيدة جبل الإكسير
بنم علي الأشوّل في حكرة الديوان قلبك شجيع ما بضل قدام البواشّا الربطو ما بنحل
ندهتَّ لي القيوم التمساح العُشاري الحجر مشارع العوم بي سيفو بنسف المضوم دا أبـ زيطاً طلع شقق بلاد أقسوم
ندهتَّ لي الصُلاح بي عيني بشوف سيف بريقو اللاح ابويا الربطو ماهو بجاح بارود النصارة شمَّ الزخيرة وفاح
وغني وشكريهو الليلة يا أم كلثوم لابوي الأصم فوق ضهرو نحن نعوم أبويا الما قدل فوق لوم دا أبـ زيطاً طلع شقق بلاد الروم
حاجبو الله بي حِجابو دا الخاض النيران سيف النصر جابو ابويا إتباشرو أحبابو يسلم لي سعد يبقى الدُخري لي عقابو
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
من طقوس البطان ان يقف الجنيات للبطان في صف ( روق ) هيئة الشاب يكون عاري في أعلى الجسد وأحياناً يضع عمامته أو الفنيلة الداخلية لتغطي صدره ( حياءً ) احيانا يمسك بيده عصاة يستند عليها ويميل ظهره للخلف ويجعله في وضع منبسط حتى لا يصيب السوط العصب المشدود ( خطير ) من يقوم بالجلد عادةً وهي السارية يقوم بالجلد كبير العيلة أو كبير القبيلة أحيانا .. عمراً ووضع أجتماعي بين اهله وأحياناً العريس ( او اخو العريس ) وفي بعض المرات يكون البطان سداد أن يتحدى شاب زميله وكل واحد يجلد الأخر السوط الذي يستخدم هو سوط العنج ويدهن بالقطران ليكون مرن طيّع غير جاف
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطنبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم الوز صدورو تشابى للمجهول وما بتضوق تميل زينوبة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق ضرب الصوت والركزة بيفرق الناس عشان زينوبة ما بتحوق وعاد تتحزم الجنيات وتتنظم تقيف في روق وكل واحد يهز ضرعاتو والحجبات تزح لافوق جفير الخوسة فايت الكوع وسيرو مع العضل مطبوق والطاقية تحت الحاجب المعقود هدية أم زين وما مشرية من السوق ويتقدم عريس السمحة رافع صوتو كان بسوقوا بيهو النوق والعنجاوى ينزل فوق ضهورن بس تقول منشحطة فيهو بروق يبدا مجرو بالترقوة ويتحدر مع الضلع القصار ملصوق واحمر عين يشم الدم بعد ما يرش بنات عمو ويزيدن شوق وثابت حيطة لا بتهز ولا بتلز وصارى جبينو كلو عروق وقال بعد العقد طلقانة ما يحجزوهو إلا يخلو ضهروا شقوق هناك الحال مغير جد وهيجة الناس تفوت الحد وكان حجازو مد الليد بتسمع كع
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطنبارى مشتاقاً يسوى القوق
في القرى والأقاليم الليل سكونه عجيب تسمع صوت دبيب النمل وسماع حفل طرب تسمعه لا محال ويقلقل نمك إن كنت زولاً تحب الجوطة والحفلات والعجيب أهلنا هناك بس يرخي أضانو وما بضهب من اتجاه الحفلة وين ( فطرة ) عِز الهجعة : نص الليل وقت هجعة الناس نيام الشتم : من انواع الدفوف ( ألة أيقاع ) صغيرة تمسك في اليد ويعزف عليها بقعة من جلد صغيرة أو جريدة نخل صغيرة وفائدة الشتم في الإيقاع يخلف صوت الدلوكا ويخرج لنا أيقاع متوازن جميل فيه تناغم مخنوق وعادة تخنق الدلوكا وطريقة تخنيقها تكون بوضع اليد على سطحها او الاصبع الأبهام والعزف فتخرج لنا الدلوكا صوت كأنه مخنوق ويحب ناس الطرب حنقة الدلوكا ويخلف ايقاعها الشتم
وجاتك شخرة الطنبارى مشتاقاً يسوى القوق الطمباري هو المغني القوق : هو صوت القمري وهنا يقصد به تطريب المغني كأنه يقوقي مثل القمري اُنشودة مشتاق : اي يغني بحنين شديد يطرب ويطرب نفسه وعادة الفنان يحسن الغناء إذا تجاوبت معهالحسنان رقصاً وتميال وحاكن الوز عوما يطرب فيطرب الحضور ...
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: وضاحة)
|
Quote: من طقوس البطان ان يقف الجنيات للبطان في صف ( روق ) هيئة الشاب يكون عاري في أعلى الجسد وأحياناً يضع عمامته أو الفنيلة الداخلية لتغطي صدره ( حياءً ) احيانا يمسك بيده عصاة يستند عليها ويميل ظهره للخلف ويجعله في وضع منبسط حتى لا يصيب السوط العصب المشدود ( خطير ) من يقوم بالجلد عادةً وهي السارية يقوم بالجلد كبير العيلة أو كبير القبيلة أحيانا .. عمراً ووضع أجتماعي بين اهله وأحياناً العريس ( او اخو العريس ) وفي بعض المرات يكون البطان سداد أن يتحدى شاب زميله وكل واحد يجلد الأخر السوط الذي يستخدم هو سوط العنج ويدهن بالقطران ليكون مرن طيّع غير جاف |
حباب اهلى السمحين
نحن اولاد جعل جيشا يلاقيك دافر من هجمتنا يتشهد يصلي الكافر في الحوبات متل بحر الدميره الدافر قولة عوك صببنا يجيك حالا طافر
فرسان دار جعل أهل الشرف والعزه أهل الجود وأسياد النحاس الرزَّ جبالا في المحاص ما فينا زولا فزَّ نتبسم أمام دم الرقاب النـزّ
شوف الصغور ديل يامك نحن الزينا منو
| |
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: الطيب شيقوق)
|
Quote: حرم الواحد يقول يقاطع سودانيز لكن شوفتو لبوستاتك تمسكوا الانكراشة لوضاحة |
قالوا بدت تلقط هههههههههههههههههههه وينك يا مسنوح ؟؟ أتصلت بيك إلف مرة بلهجة فسيل هليل تلفونك خارج الخدمة لو لغيت الرقم ادينا رقمك الجديد مافي زول سأل منك ؟؟ لكن قلتا اتصل اشوف السجم دا وين بعدين سيرة وضاحة ما تجيبها في خشمك ( الخشيم بالسيف الدُكري ) دي ملكتنا وملكة ست جيلا ودي شعراً ماعندك لي رقبة هههههههههه هي الملك وعايزين تكون ملك وملك عظيم يا زول فوق لي زحل سكونا والزيك بس تعاين بعيونك زي شوفك للهلال والقمر أربعطاشر عاين وإتكرش كرشة غنماية مجربة فوق حيطة هههههه لكن أنا الككو الفجخ الطين
لي وضــــــاحة هديـــــــة النعمأني زعلان منها لكن كيتن فيك بهديها البتستاهلو من قول وحديث
| |
|
|
|
|
|
|
|