|
|
 Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
أنا قولي ليكا وجيب
شدو لي وركب
وفي شباحو أديب
مو لُقاط طرف
وجلسنّلو البنات
قفنلو بي الترتيب
وعشمانة الكريم
رجايا فيك ما يخيب
مو لُقاط طرف ....
تقول له انا لو قلت ولو شكرتك يا اخوي قولي فيك واجب علي إت أخوي
شدو ولي ركب
وفي شباحو أديب
وكما ذكرنا الشباح جاي من شبحة ( شبح خطأ أو رفع رجله بخطوة ) ويقال فلان شباح اي سريع في مشيته أو ركضه )
الشباح قد يقصد بها الرِكاب في سرج الفرس ( وهو حديدتين فيها فتحة تتيح للقدم ان تستقر فيها وتثبت ) وفائك الرِكاب او الشباح يثبت الفارس على ظهر الفرس لكي لا يسقط ويكون الشباح أو الرِكاب مثبت على سرج الفرس بطريقة محكمة حتى يضمن ان يكون من يركب على ظهر الفرس ثابت فيه ...
في شباحو اديب تريد ان تقول انه كان كامل الأدب وحتى عندما يشبح ليركب الفرس يركب بكل أدب يليق بمقامه بين الناس
وأيضاً يستقيم المعنى لو أخدنا الشباح هو بمعنى شبح اي رفع رجله لكي يركب ويستعين بالرِكاب ليستقر على ظهر الفرس
ويكون انه وحتى شبحته ليركب كانت مؤدبة وبأدب
وجلسنّلو البنات
قفنلو بي الترتيب
كان عادة البنات في بيوت العرس أو الختان في الحفل الجلوس في سباتا
وهنا تقصد أن أعناق البنات كلهن تتشابا للفوز بأعجابه فوقفن مترصات في الثباتة
ولسان حالهنيقول يا رب أنا الأقع في عينو
وعشمانة الكريم
رجايا فيك ما يخيب
ثم تعود وتتمنى أن لا يخيب رجاءها في الكريم الله جلَّ في شأنه أن يكون أخاها كما تمنت له
الغريب في الأمر في قناة الشروق
كتب على الشاشة مرة ان هذه القصيدة من كلمات الشاعر الجاغريو
لا علم لي من شاعرتها لكن المفردة تدل أنه قول أمرأة وحتى لو كان الجاغريو فأنه كتبها على لسان مرأة
والشئ الثاني الأغنية قديمة جداً
والجاغريو عاش في الستينات والسبعينات وظهرت شاعريته
ليس هدفنا من هو شاعر الأغنية لكن لو كان هناك من هو متأكد ليؤكد لنا المعلومة
أنا الذي يهمني تجريد المفردة من التعقيد ليسهل فهما
| |
  
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
ويا سعدة اللوقتين
أبواتك رُجال
الفي الأصل بينين
مو لُقاط طرف ...
وجدك بدخل الوكرة
السلاحا سنين ...
وود العز أخوي
المنسوب من الجهتين
مو لُقاط طرف ....
سعدة اللوقتين اي انه كان محظوظ طلع من اسرتين كريمات
اسرة ابيهواسرة امه كانت من الأسر الكريمة ذات المكانة الاجتماعية العالية
واهلك من ابوك واهلك من جهة أمك كانوا رجال بمعنى كلمة الرجولة وكانوا ظاهرين يشار لهم بالبنان
وجدك كان فارس يدخل ويتعمق في وكرات الحروب بين الصفوف التي تشب مها سيوف الفرسان والسيوف سنينة وماضية وتاخد
الراس بي صفحيتو لكنه كان يشقها ويخترقها وهذا هو حال الفرسان
وترجع وتقول له انت ولد عز وعزك قديم جايك من الجهتين ابوك وامك
اعمامك واخوالك
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: وضاحة)
|
Quote: والله يا مك انت لذيذ
لقيتك كمان ناقش في رقيص البنات هههههههه |
هههههههههههههههه كنا بنتاوق في بيوتات الاعراس
وعشان تقتنعي
هاك دي
وجيت مارا بي بيتو
وبي حرفو ناديتو
شغالتو بيكتو
وحنني خليتو
ويا الله للدكتورة من العملية
أعملي حسابك البنج شوية
والليلة ما جا حبيب ريدي
مالو ما جا .....
حـــــبـــــيــــبـــي تعال
تعال نلتم
ما دام الريد إختلط بالدم
تسلمي يا ملكة جيلة
وتكوني احلى لو زودتي الجرعة حقنتين في اليوم هههههههههه طماع موش كدا
طماع أيوا وفي زول نعزو الطمع جايز
مودتي الشديدة وتحياتي
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: يا خالد ياخى البت دى بشتنت الاغنية ياخى
شوف حن يا قمر دى بغنيها فرفور كيف
وحن يا قمر دى عندها واقع خااااص في نفسي بتذكرنى الحبايب |
صدقتي يا شمس المشارق
لم اسمع هذا الفيديو من قبل
أول مرةمرة أعتر فيهو ولك الشكر
فعلاً ترنم فرفور وأجاد الأداء ولا أبالغ لو قلت هو احسن من أجاد سمعتها من عاصم وغيره وم يعجبني إلا أداء
الموهوب عليه رحمة الله الزين كلس عندما يتوه حاضن الرق وهو يغنيها
وكذلك اعجبت بها من الفنان فرفور
ذكريني قصة فرفور أحكيها ليك عشان المسنوح ما يسمعها
الكيوريظتي تأكل حشا
لك الشكر الجميل على الجمال الذي تنثريه في هذا البوست
مودتي وتحياتي
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: لاحظ في هذا الفيديو
عرضت الأغنية
الفارقت ما لقيتا للشاعر محمد عوض الكريم القرشي
وهذا ما لايدع لمجال فيه للشك أن هذه القصيدة وقصيدة وين يا سمير ما جيتا
شاعرتهما
الشاعرة : الملكـــة بت حاج أحمد
من شندي
زوجة اليوزباشا : بشير بادي
نظمتهما في زوجها
حملتهما للفنان عثمان الشفيع في زمان كان صوت المرأة مكتوم
وحملت الشفيع أمانة أن لايذكر اسمها
وقد كان الوفاء من الشفيع عليه رحمة الله ورحمة الله لهم كلهم
الشفيع .. الملكة .. بشير بادي |
أ/ خالد علي تحياتي ياحبوب
من أروع بوستات المنبر اول مرة أشاهدة رائع حقا
وكمية من المعلومات الشعرية والفنية الموثقة ...
مشكور وتقبل تحياتي ...
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: محمد عبد الله الامين)
|
Quote: أ/ خالد علي تحياتي ياحبوب
من أروع بوستات المنبر اول مرة أشاهدة رائع حقا
وكمية من المعلومات الشعرية والفنية الموثقة ...
مشكور وتقبل تحياتي ... |
أبن عمي وخالي محمد عبدالله الامين
لك التحية والتقدير
وين يا راجل مختفي
هناك يا أبن عمي حقائق لابد أن تعرف ونشير لها الشاعرة حبوبتك الملكة بت حاج أحمد
كانت شاعرة لها باع طويل في الشعر وقالت في خالك بشير بادي عبدالرحمن الكثير من الشعر
لكن للأسف بقى منه ماهو محفوظ في الصدور ( شتات ليس كامل ) عند الوالدة عليها رحمة الله بت بادي
وعند الجمري بادي وإن بدأ يتفلت منه لكن نراوغ ونغتنم الثواني عندما نلتقيه لكي نخرج منه بعض من درر
وهو مرجع للكثير من فن المنطقة
وهناك الكثيرات من لهنَّ شعر لكن لم يدون في منطقة شندي
وأعطيك مثال وقد تكون لاتعلم هذه الحقيقة
جدتك ( بت عبدالرحيم ) كان لها الكثير من الشعر سمعت الوالدة عليها رحمة الله تتندر به وتنشده في أوقات
ضحويتها وهي بتجهز في الخضار للطبخ في برندتها التي كانت مكان جمعتها مع الأحباب لشراب كباية شاي كانت ام قهوة بعد الفطور وفاطمة بت عبدالرحمن ( المشهورة بت فضل الله ) .. وغيرهنَّ كُثر وثم نور بت أحمدونة وكان لها من الشعر الكثير واخواتها عشة ونعمات وخالتهنَّ مريم الفاضل ... ومريم وعشة ونعمات الفاضل لهنَّ من الشعر الفصيح كذلك
نترحم على من فارقت حياة الدُنيا وندعوا الله بالصحة والعافية للأخر
وهاك أبن عمي لكي تعلم ســــر الدلوكا
لا أعلم لكن أقول دوماً أن للدلوكا سر كبير في تهيج مشاعر الناس من طرف
شوف كيف يتحرك الشعب والذي يوصف بأنه جامد أمام كاميرات التلفاز
الدلوكا يا أبن عمي بتنهش في مشاعرك وترفع جسدك لتعبر عن ذلك بي عرضة بي هزة بي صوقيرة وشبال
تذكر يوم عرس عبودي
وكيف كانت الضحوية دلوكا حلوة
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: جدتك ( بت عبدالرحيم ) كان لها الكثير من الشعر سمعت الوالدة عليها رحمة الله تتندر به وتنشده في أوقات
ضحويتها وهي بتجهز في الخضار للطبخ في برندتها التي كانت مكان جمعتها مع الأحباب لشراب كباية شاي كانت ام قهوة بعد الفطور وفاطمة بت عبدالرحمن ( المشهورة بت فضل الله ) .. وغيرهنَّ كُثر وثم نور بت أحمدونة وكان لها من الشعر الكثير واخواتها عشة ونعمات وخالتهنَّ مريم الفاضل ... ومريم وعشة ونعمات الفاضل لهنَّ من الشعر الفصيح كذلك
نترحم على من فارقت حياة الدُنيا وندعوا الله بالصحة والعافية للأخر |
نسال الله لهم الرحمة والمغفرة
طبعا الوالده كلمتني كتير عن حبوبتي بت عبد الرحيم
وانها كانت شاعرة ولديها مقولات كتيرة حتي في اولادها .... والله اسي نسيتها
Quote: تذكر يوم عرس عبودي
وكيف كانت الضحوية دلوكا حلوة |
اووو والله كان يوم ما بتنسي بطاااان صااااح ودلوكة تحرك الجماد
طبعا انا مصورو فديو وصور وكل فترة بستمتع جدا بي مشاهدتها
واصل ياود العم والعمة كلامك سمح بالحيل ...
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: جب جب هههههههههههههههههههههه
هااااااااااااااك جاك شبال تانى يا مك أقبض
الشبال دا عندى بمناسبة خلتى فرحااااااااااااااااااانة
انا اليلة معنويااااااات فوووووووووووق |
والله لينا من عنب الجنية
ونحن إنكوينا
تعالي أديني شبالك
والكينة الدُنيا دايمالك
يا بر ديماً معنوياتك فوق
ونحن عندنا كم وضاحة ماهي واحدة وخلي العزول ينكوي كي
وهي من أغاني رقيص العروس القديمة خالص رقصو بيها حبوبة ود شيقوق في خلا البردانية
النعمنو عربن دول مابعرفو يسوحو ههههههه
ومن فريع البان
البسوح نديان
منو يا سلااام
قلتا أشرب مُر
شربت مر في مُر
الليالي تمر
يا الله زيدنا عمر
منو يا سلام
قلتا أشرب راح
علَّ قلبي إرتاح
لا طبيب جراح
لا جاب شفاي ولا راح
منو يا سلااام
وزي فريع ياسمين
عايمة كالوزين
الرسول يا عريس
تشهد الواقفين
منو يا سلاااام
لك كل التقدير وانت تغتسي وتقلعي بالجميل فنا
فوقك النبي كلما تجدي الفرقة أغتسي وامرقي لينا درة من جمال الكلم
نبحر معها
لك التقدير والمودة يا بت ملوك النيل
فريع البان
بصوت البلابل زمان قُبل ما تولدي يا وضاحة
| |
|
|
|
|
|
|
|
|
 Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
أهلك يا ولد سند البعيد والداني
تشهد كرري يوم حيرو البريطاني
مليون ميل بلادنا ومافي متلها تاني
نحن النيل أبونا والأصل سوداني
بنات النيل حليل لون الخدار والحنا
والفرع البميل بي النسيم إتنّى
أنا طاري الحفلة يوم غنايا هايش جنَّ
والخالات محضر جِرتقن لي الحنة
بنات النيل حليل نواحي بلدنا
وحار سوط الفراق جرح قلوبنا جلدنا
لوكناهو الصبر وفوق مرو إجلدنا
وياحليلو البغمر كَرفو يوم قالدنا
أهلاً لينا يا ريح جيبيلي أخبارم
قالت لي مبسوطين ونعمة ديارم
حليكم كتير البضارو من شين جارم
وبعد الهجعة للضيفان بتوقد نارم
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
دابي السار الرسى يا ليلة
فوق أبـ دربن قِسى يا ليلة
هناك عدة قصص حول هذه القصيدة في من قيلت ؟؟
هناك من ذهب أنها نظمت في عمر ابن المك نمر وفي أعتقادي هو رأي غير صائب
لاني سمعت أن من نظمها هي ( الحميرا فنانة كبوشية المعروفة ) في واحد من احفاد السعداب ويعتبر نمر له جد اسمه عمر
وقد ذكر لي اسمه بالكامل لكن نسيته وانا أرجح هذا القول .. ومن شاعرها الأرجح أن صح القول الثاني ان تكون الحميرا هي من نظمتها والله أعلم
لانه من سياق الكلام تقول أبو داؤود ( نسأل من هو هو أبوداؤود ؟ ) لو كان في عمر ود نمر
يظل من هو أبوداؤود المقصود
فالأرجح انها في عمر أخر
وكما ذكرت سابقاً أن الذي يهمني هو كلمات القصيدة ومعانيها العميقة
الدابي معروف وهنا تقصد به الثعبان
السار : هو الكبار من الصخور في طرف النيل أو صحراء والدابي البعيش قرب المياه بكون خطر وسام وقطع شك تقصد دابي السار والصخور قرب النهر
الدابي الراسي أخطر لانه في فترة راحته لو حس اي خطر عليه يهاجم والحيوانات عامة ليس من طبعها الهجوم أو ان تضر لكن هي تتخيل قرب الإنسان منها أنه يريد أن يؤذيها لذا تبدأ هي بالهجوم
وقال الخيل
مين يقوم يتهور
يبرى القيف هناك
تحتو الدابي كوّر
كوّر اي إنطوي في شكل كورة
وقالت
فوق أبـ دربن قسى
هناك ماهو مستتر حيث كامل وليس ضمير
والقول
اقول حمدي وشكري ومدحي فوق
أبـ دربن قسى
اي ما وصل من مقام في كُل صفاته يصعب ويقسو على غيره أن يصلوا إليه
ودربو الماشي فيهو ( أفعاله ) قاسي على غيره أن يمشيه
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: السيسبانة وضاحة شمس المشارق
وإنت خلي يختلط بالدم وعنو ما يتفرز من الدم وعيشي مع حبك
وعيشي معاهو حنان وأنسي كل السنين لكي تحظي بأجمل أيام
والناس تحب والحب سمح وليت كل أيامنا كلها حُب وحنان وفي أجمل من كدا |
حباب المك الحياة من غير حب وحنان واحترام ايش تسوي
الحب هو اكسير الحياة
ويا زاهية قلبي الشلتى جيبي
Quote: الريد بختلط بالدم والريد يفرح ويعذب وهاك يا سيسبانة شوفي الزول قال شنو في القاطعة قلبو
ونحن كدا
نقيف في مواقف نستبسل
وعند رؤيا الحبيب حالاً
نقيف في مواقف نتوسل
التوسل للحبيب ديدن الشرفاء اللذين لا يتطأطؤن راسهم لاحد غير الله ويتوسلون لرضاء الحبيب |
هاك شوف دى قالت شنو
إلي رجل هزمنى بحبه وهو يسكن ها هنا ..... بين شوقي لحضوره وتعبي في غيابه ..
بين حبّي لعيونه ولهفتي لعتابه .. إلي من غادر ولم يترك لي غير زكري
الوّع بها هذا الجسد بين شتاء وآخر
ما أتعسها الكلمات وأنت بعيد فأنا أغنّيها من دون صوت في يوم حزين
لم يصدح فيه الآذان ولم اسمع فيها اصوات العصافير تغرد ليوم جديد
هكذا هي أيامي من دونك..
ألجأ لنافذتي أسترقّ النظر لأشياء التى كنت رسمتها لك فى مخيلتى والتى كانت لنا وكنت لي فيها بلسمآ من كل جراح
إحترفت فيها فنون العشق الأفريقي ووله الجاهليّة ..
مارست فيك جنون إمرأة غجريّة ضاقت بها الأماكن وضمّاها مكانك
امراة
جعلت منها ترابآ وزرع .. وبيوتآ من شعر ... ونهرآ من شبق
تاهت الغجريّة فيك ..أخذت حقائبك ملوّحآ لي بعينان
لو أموت فيهما لن أبعث مرّة أخري .........!
أخذني لمدن من الصمت وحدائقآ من الإشتهاء
فقطفنا من الثمر أنضجه وأحلاه .. أسكرني طعم الفاكهة
يا رجلآ يتقن فنّ الهمس ... وذوبان اللمس وكل أغاني الإستعمار ...
ما أحوجني اليوم إليك .. كيّ تتلو عليّ خبر لقاءنا الأوّل وإستشهادنا الأوّل
وتحكي لي عن جنّية صغيرة كانت أنا فأراني أجمل النساء في كلماتك
أين أنت لتطفئ هذه الحرائق في جوفي .. كيّ أخبرك كم من ليلة عانيت فيها
وإمتطيت فيها خيل السهر ...أشتاق لكلّ التفاصيل بيننا...لضحكنا البرئ
ولدمعنا حين نحكي قصص الدنيا حينما تجور...
ولا جور كبعدك عنّي ..فلمن سأحكي ولمن سأدمع ..
حمّلت أشواقي لجناح الفراش ولبساط الريح ..
أسمع صوتك فتنام كلّ نداءات الطفولة في داخلي وتصحوا إمرأة مجنونة
في حبّك فينبض كل شريان بالشغف وتتدفّق كل أوردة الرغبة ويتقلّص القلب
من صقيع أيامه وأنت بعيد ويبكي هذا الجسد فراق أحضان غادرت مخدعها
ينشد الدفئ فيغذل من طيفك عاذلآ ضدّ الحرارة ودفئآ ضدّ الظنون
لم أكن أعلم بأن الروعة تكمن في الألم كما في وجودي معك
أحبّ حضورك وكلّ لحظة أرتعش فيها من فرط توقي إليك وحاجتي لحنانك
أشرب من ماء الجنّة حين أقبّل تلك الشفاه وأسمع بكاء الروح
من أجل احاسيس نتبادلها
وكلمات نتمتمها
وجنون نستمتع به
لأجل أشياءنا الأخري ولأجل تلك الرعشة .. تعال وأنهي فاصل الحزن هذا...
شوقك قاسي وقد وعدتني يومآ بأن لن تقسوا عليّ فأين أنت من ذلك الوعد ...
شكرآ لأنك جعلت من حياتي سببآ لهطول المطر ومجئ الربيع .....
وتذكرة لروحي بمحبّتي للألم
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: وضاحة)
|
Quote: إلي رجل هزمنى بحبه وهو يسكن ها هنا ..... بين شوقي لحضوره وتعبي في غيابه ..
بين حبّي لعيونه ولهفتي لعتابه .. إلي من غادر ولم يترك لي غير زكري
الوّع بها هذا الجسد بين شتاء وآخر |
حيناً نختار مايخالف من أجل الخلاف
وحيناً تقدر لنا مشيئة الله قدرا
ونقول هذا وذاك بمشيئة الله وأن اختلفت الأسباب
نزرع الورد وفي نيتنى أن نجني الشوك ثمرا
نحن قوم يعشق العذاب حينا
وكم المسافة شاسعة بين الشوق والغياب
والغياب قد يكون حلو مذاقه لو حاطته الحنية والمودة شوقاً لساعة اللقاء
ويصبح مر المذاق علقم لو أيقنا أن الفراق قد يكون من لقاء وميعاد أخر
العيون تحكي ما بدواخلنا وتعكس كل ما نضمره في سراري النفوس
قد تبقى الذكر
ذكرى ننداح بين طياتها لنذكرها في لحظة صفاء وصدق مع النفس
وذكرى تنبش الجرح القديم وتصحي مشاعر كنا ايقنا أنها ماتت
لكن حس مشاعر الحب لا يموت أبدا
وإن اقنعنا العقول
ويبقى الحب دوما لو صادق وعفيف
ولي عودة لان هذا الكلام اعجبني كثير وهو متدفق من مشاعر صادقة مرهفة وكان لابد من التعقيب عليه
لك الشكر والتقدير مودة يا شمس المشارق على هذه الفسحة
وزي ما قلت قبل ما فض الله جرابك وفاك قولا
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
فوق أبواتي أنا بجر
حديثاً صُح مو فشر
أبو داؤود صافي حُر
ركاب العتمة ام بَصُر
وحبت تأكد الشاعرة اصلهم وإن أمتدَّ لفوق أب من جد وإن على
فقالت انا في ابواتي وتقصد ابوها وابيه وجد ابيها
كلام وحمد مدح وشئ صُح ما فشخرة فوق الفاضي
ابو داؤود يظهر انه أحد أجدادها او ابيها
صافي حُر
في رأي ان الحر هو ذو الصفات الحميدة وكل من شابته صفة ذميمة فهو غير صافي
الصفاء ليس بلون أو جنس
السماحة أخلاق
وخُلق البني آدم هو الذي يميزه بين خلق الله
ركاب العتمة أم بصر
العتمة هي الليلة المظلمة وكان جدها ابو داؤود يركب ويفزع فيها وما بخاف
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
Quote: ألجأ لنافذتي أسترقّ النظر لأشياء التى كنت رسمتها لك فى مخيلتى والتى كانت لنا وكنت لي فيها بلسمآ من كل جراح
إحترفت فيها فنون العشق الأفريقي ووله الجاهليّة ..
مارست فيك جنون إمرأة غجريّة ضاقت بها الأماكن وضمّاها مكانك
امراة
جعلت منها ترابآ وزرع .. وبيوتآ من شعر ... ونهرآ من شبق |
كلم أعجبني
اهجتي يا شمس المشارق مشاعر لم تمت لكنها كانت في حالة كمون وبيات شتوي نزلت عليها حبيبات من رزاز هذه المشاعر فنفضت الغبار عنها مشاعر فينا لحبيب غاب واختار البعاد لشئ في نفسه وتركناللسهاد والألم
ومن شوقك اشتقنا لذاك الحبيب وكان فينا ولم يزل
ومن خلال ما خطه يراعك نناجي الحبيب البعيد وقريب باسم مشاعر ملتهبة لمرأة غجرية ألهبها الشوق والفراق وهي تعرف كيف تعبر عنه ولا تخبئ
يا غالية
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
تغني ليك جدية الزرع
وليك يا الما بتنخدع
وكت الموت والسجع
سريع الكف لي الصقع
تغين وتشكرك يا جناي جدية الزرع ( الجدي هو الغزال ) ويطلق على الحسناء السمحة جدية
وتغني ليك يا أبـ قلباً راسي ومافي زول بخدع يا الحصيف
وانت الفارس وسند القبلية المعروف وضربك في الحرب مجيه وبتعرف كيف تضرب وضربك صقع اي مثل الصاعقة
بنزل علي العدو
أنا غنيت لي الهُمام
لي الصاقعة أم زِحام
وكتين خِرب الكلام
بخوجل شايل أبـ قيام
وانا فيك قولتا شكري وقولي قبلك غنيت لي جدك الهمام ( نمر )
نمر الزي الصاقعة ينزل كلمة وقول وفعل
نمر وكتين خرب كلام ود الباشا كان يخوجل اي يقدل وشايل سيفو
أبـ قيام هو السيف المتدلي داخل جفيره
والجفير هو غمد وبيت السيف الذي يوضع فيه
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
يا بلالي الليل ليلي أنا
يا بلالي الليل ليلي أنا
البريدو إبرا من الشقا
يا بلالي اللول لولي أنا
ساتر حالو فوق عدمو ولقّى
يا بلالي .....
البريدو طوّل مننا
يا بلالي ...
يا حورية سوي المقدرة
يا بلالي ......
والمحلي داخل عطبرة
يا بلالي ....
الكشافة يا قطر المساء
يابلالي ....
تور القوز أبو بت المِنى
يا بلالي .....
البلال عجب عيني جا
يا بلالي ....
يا وزينة عومي الموج رسى
يا بلالي ...
يا بلال اللول لول أنا
البلال هو مادة سائلة تخلط وتستخدم في مشاط الشعر قديماً
وهي عبارة عن موية شاي مع قليل من الدهن
وفائدته أنه يطري الشعر في المشاط لانو المشاط بكرب الشعر شديد ويوجع الرأس
ولما يكون الشعر طري بسهل عملية المشاط ويساعد انلا يكون الشعر مشدود
ولما يقال للجنى يا بلالي
تعني يا البيك يهون كُل قاسي فأنت كالبلال تهون وتلين القاسية وخشنة
[red]الكشافة يا قطر المساء
المحلي داخل عطبرة
دول اسماء لقطارات محلية تتحرك من عطبرة للخرطوم وفي أيام معينة ومعروفة بالإضافة لقطر العمال
الذي يتحرك يوم الخميس المساء ويرجع يوم الجمعة المساء من الخرتوم
البريدو إبرا من الشقا
يبرى اي يتعافى ويصح
ويقال إنتَّ تبرى وتستبرى
اي تتعافى وتطيب وإن شاء كلكم عافية وطيبة درت
ساتر حالو فوق عدمو ولقّى
اي بي الدين بسوي الزين
ويستر حالو لو عندو أو ما عندو ما بقصر وبنستر في ضيوفو
يا وزينة عومي الموج رسى
الوزينة معروفة لكن هنا يقصد بها البنت في رقصتها وهي تحاكي الوزين تغتس وتقلع
عومي يا وزينة وموجك راسي وهادئ
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كانت أغنية
قطار الشوق أول الغيث الذي ظهر به حسين شندي
في فضاء ليالي طرب شندي وضواحيها
وهي تلك الأغنية التي حازت على قصب السبق واشتهرت في كل ربوع بلادنا
قطار الشوق
متين توصل تودينا
نزور بلداً حُنان أهلا
هناك ترسى وترسينا
وكان يصدح بها ونسمات نسايم عطبرة الحلوة تهب تعطر فرح الحلة في ليلة الدُخلة
كان حسين شندي في مراحل التعليم المتوسطة عندما بدأ يغني وكان من اهم الأغاني له
قطار الشوق
كان يحبها ويحب الحضور في الحفل السماع لها منه
كان يغنيها مرتين وثلاثة في الحفل الواحد
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كلمات قطار الشوق
تلك الأغنية الرائعة التي جسد فيها الشاعر كل اشواقهللقاء المحبوبة
اكيد القطار كان يسير بسرعة لكن الشوق كان يدفعة أن يدفع القطار ليزيد في سرعته
وقد قال العبادي قبله في سايق الفيات وكان أيضاً في شوق للقاء المحبوبة هُندا
أطوي الأرض وأضرع
ومن افكارنا سيرك
يا الفيات أرسع
اي يريده ان يطوي الأرض ويسرع للوصول لأرض المحبوبة وقال أن افكارنا في شوق لقاء المحبوبة كانت أسرع من مشيك وسيرك يا الفيات وخاطب الفيات والمقصود سايق الفيات
الشوق يحمل الروح على جناح ملك طائر تريد تود أن تصل على بساط ريح
لقطار الشوق عُشاق كُثر ومحبين أكثر
وهذه من الأغاني التي تلبس في كل مرة تسمعها ثوب جديد وكأنك تسمعها لأول مرة
المفردة فيها تهبش كل عصبة مشاعر فينا
ومن منا لا يشتاق للقاء المحبوبة
ومتين ترحل يا قطار الشوق
تودينا
نزور بلداً حُنانأهلا
وتسرى هناك ترسينا
قطار الشوق لمتين
ترحل تودينا
نزور بلداً حُنان أهلا
وترسى هِناك ترسينا
نسايم عطبرة الحلوة
تهدينا وترسينا
نقابل فيها ناس طيبين
فراقم كان مبيكنا
يا قطار الشوق متين نوصل
حبيبنا هناكا راجينا
متين نحضن عِويناتو
متين يسرع يحينا ...
يا قطار الشوق ......
ياقطار الشوق دا ليل
الغُربا فيهو ودار ...
متين تسرع ومتين ....
بتكمل المشور....
عشان مانلقى سيد الناس
ونطفي البينا من النار
نشوف عِيناهو نعسانة
ولونو الزاهي كلو نضار
ياقطار الشوق ...
حبينا هِناك يحسب في مسافاتك
ولو تعرف غلاوة الريدا
كُنتَّ نسيت محطاتك ...
وكان بدرت في المعياد
وكان قللتَّ ساعاتك ...
وكان حنيت علي مرة ...
وكان حركتا عجلاتك ...
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
ماحرسو الجري
وسدرك موشح بالدِمي
وما بخاف
فارس الحديد إن حمي
ويا فارس الألوف
الإنتا كفتن
كبست الدروع
وشلحتا خوداتن
مابخاف
فراس الحدي
إن حمي ....
فارسنا البخيت
التمَّ شكراتن
صديد الخيول
وقمحت رِكباتن
مابخاف
ومن قومة الجهل
ليهو الخوف ولا قسمو
ومدموم في المحاص
وفي الدود كِتر عشمو
مابخاف ...
فارس الحديدإن حمي
تدخل فوق بكانن
النحاس خلف شتمو
ركز البخيت
الفال والنصر ختمو
وما بخاف
ومن قومة الجهل
الخوف ولو كارو
والهوي والشرق
إصنتو أفعالو
وما بخاف
فارس الحديد إن حمي
العوق أبـ صفوف
فالو البخيت شالو
مضروب في الوِجن
وماجاني بي شمالو
وما بخاف
وماحضرو معاك
أخوان كالسلطات
قمزو الخط علي
خيلاً بجن غايرات
ومابخاف ...
فارس الحديد إن حمي
تدخل فوق بكانن
حرابّو منشبكات
وجا مرهون علي
جفونو الدمي سايلات
مابخاف ....
وماحضرو معاك
أخوانك الديدان
وقمزو الخط علي
خيلاً بجن ريقان
ومابخاف ...
فارس الحديد إن حمي
وكت الشوف يشوف
سدرك إزيد إلها
سوالم جهاد حمزه
وعلي وعثمان
ومابخاف ....
فارس الحديد إن حمي
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
ويا فارس الألوف
الإنتا كفتن
كبست الدروع
وشلحتا خوداتن
مابخاف
فارس الحديد
إن حمي ....
فارسنا البخيت
التمَّ شكراتن
صديد الخيول
وقمحت رِكباتن
مابخاف
يا فارس الألوف اي ايها الفارس الذي تقود ألف محارب
كنتَّ كفاهم وقدرهم تمكنت في ردهم وقهرهم
كبست الدروع اي اصبت حتى الفرسان اللذين تردعوا بدروعهم حماية
ورميت كل خودة غطوا بها رؤوسهم حمياة من طعنة رمح او ضربة سيف
يعني بهدلتهم وجردت الفرسان من أعدائك وتكسفوا لك للنيل منهم ضرباً وطعنا
وتقول هو الكان بعفل هذا بالاعداء
فارسنا هو البخيت الذي اكمل القول اي تمتع بأجل الصفات شجاعة وكرم وشهامة واستحق وصفي ومدحي
وهو الذي يصد الخيول يوم الغارة
قمحت ركباتن
تعبير بليغ تقصد به انه ماخلى فارس من الأعداء فوق ركابه اي على ظهر فرسه
اي جندلهم كلهم ورماهم
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
ومن قومة الجهل
ليهو الخوف ولا قسمو
ومدموم في المحاص
وفي الدود كِتر عشمو
مابخاف ...
فارس الحديدإن حمي
تدخل فوق بكانن
النحاس خلف شتمو
ركز البخيت
الفال والنصر ختمو
وما بخاف
من قومة الجهل اي من شبَّ صغير طفل
ربنا عندما قسم الخوفوالخوف فطرة في الإنسان لم يقسم له
وكل قلب يخاف ومافي قلب لا يخاف
والخوف فطرة والشجاع هو الذي يثبت قلبه وقت الخوف ويثبت في المحنة هذا هو الشجاع
النحاس خلف شتمو
النحاس يضرب وقت الحرب
وله ضربات معينة في الحرب
لكنها قالت النحاس خلف شتمو
والشتم يخلف نقرة الدلوكا في فرح وهو حماسي ويقوم صوف الراس
ركز اي ثبت الفال هو المقدر خيراً والنصر معروف هو الفوز
ختمو اي حصل عليه
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
وماحضرو معاك
أخوان كالسلطات
قمزو الخط علي
خيلاً بجن غايرات
ومابخاف ...
فارس الحديد إن حمي
تدخل فوق بكانن
حرابّو منشبكات
وجا مرهون علي
جفونو الدمي سايلات
مابخاف ....
تذكر لبخيت ويظهر انه خاض تلك المعركة التي شكرته ومدحته فيها لوحده ولم يكن معه اخوانه
فقالت له يا بخيت انت ركزت لكن ماحضروا معك اخوانك السلاط
ولو حضروا كان قطعوا الخط على الخل التي كانت تغير عليك
ورغم انك وانا بعرف ومتأكدة انك بتدخل وتشق صفوف العدو وتتوكر في عمقه وتدخل مكان تتشابك الحراب والسيوف
وكنت تخرج من بين صفوفهم وجفونك تدمي من ضرب وقع عليك ولكن بتكون جندلت كم فارس منهم
الجفن هو اسفل العين
وانت الفارس الحديد لو حمي اي ( سخن )
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
وماحضرو معاك
أخوانك الديدان
وقمزو الخط علي
خيلاً بجن ريقان
ومابخاف ...
فارس الحديد إن حمي
وكت الشوف يشوف
سدرك إزيد إلها
سوالم جهاد حمزه
وعلي وعثمان
ومابخاف ....
فارس الحديد إن حمي
وما حضروا معاك يا بخيت اخوي اخوانك ( الديدان ) وتقصد بها جمع دود والدود في عاميتنا السودانية
هو الأسد ( الدود النتر صحّى المرافعين خوف ) و ( عرش دود مراقد السار ) .. وحينا يسموه الدب كما قالت شمّا بت العمدة أبـ جديري ( الدب أبـ هِرش الضارب الوكرة .. تمساح دار كلي بمرق مع الهجعة ) وولبعض الحيوانات في عاميتنا أسماء ما وردت في العربية الفصحى تسميات محلية ابو عفنة والصبرة والضيب وغيرها
اي ماحضروا معك اخوانك الأسود وقطعو الخط اي الهجوم علي خيل بتجي ( ريقان ) والروق هو الصف من اي شئ روق من البشر اي صف من البشر وقالت ريقان معروف في الحرب الفرسان بتنتظم في صفوف للهجوم والكر والفر
وانت الشافو الناس والشفنا سمعاً انت وكت الحارة صبرك بزيد وربنا يلهمك الصبر من عنده ثبات وعزيمة
وقالوا لي وسمعت انك يومها حاكيت في قتالك فرسان قريش صحابة الرسول الكريم عليه الصلاة والسلام
( حمزة عم الرسول وعلي أبن عمه وعثمان بن عفان صاحبه واهله وزوج بنتيه رقية وأم كلثوم )
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
كلمات القصيدة
الشاعرة زينب بت بابكر
عمة الفنان خلف الله حمد من قرية أم مغت
أنا ليهم بجر كلام
دخلوها وصقيرا حام
أنا فوقم بقول تمام
دخلوهاوصقيرا حام
ذكر أبن الفنان خلف الله حمد في حوار تلفزيوني عن سيرة أبيه الفنية
فقال
أنه كان يحب فن الحماسة والدلوكا وأنه كان كثيراً ما يذهب لعماته وهنَّ شاعرات لهنَّ باع طويل
في نظم الكلمة شعرا
وكنَّ يسكنَّ في قرية أم مغت
كان لهنَّ من الأخوان أربعة فرسان
الطيب
موسى
بخيت
عبدالدائم
تغن لهنَّ في كثير من القصائد يشكرنهم ويمدحنا صفاتهم السمحة
هذه القصيدة نظمتها
زينب بت بابكر وهي واحدة منهنَّ
وهناك اثنين أُخر هما
النّور بت بابكر
المقيل بت بابكر
قالت زينب تمد أخوانها الثلاثة
الطيب وموسى وعبدالدائم بهذه الأغنية ( أنا ليهم بجر كلام )
وخصت بخيت بأغنية خاصة
فارس الحديد إن حمي
كلمات القصيدة
الشاعرة زينب بت بابكر
عمة الفنان خلف الله حمد من قرية أم مغت
أنا ليهم بجر كلام
دخلوها وصقيرا حام
أنا فوقم بقول تمام
دخلوهاوصقيرا حام
أنا ليهم اي انا فيهم بقول مدحي وقولي حق وصدق فيهم أخواني
لانهم عندما يدخلوها ( اي عندما يدخلوا في الحرب تأكد من شئ واحد .. سوف يكون هناك الكثير من الجثث قتلا )
وهذا يجعل صقور الجو ( الحِدي ) يحلق في سماه يريد ان يقتات لحوما
يعني لما ترى الحِدي يحلق في سما أعلم أن هناك دواس وأخواني فيه
أين مادخلو حضر الحِدي
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
سم أبـ درق البصقّع
جدري القيح البفقع
والله صوتك مانع بركع
الطيب في شطارتو مبدّع
أبـ درق نوع سام جداَ وخطير من الثعابين ( والثعبان في العامية السودانية يسمى دبيب )
بصقّع صقع يصقع ومنها الصعاقة وهو تأثير على الجسد كشجنة كهربائية
والشحنة عندما تدخل للجسم تهزه هزا والشحنة الكهربائية العالية تحرق وقد تقتل في الحين بحرقها للدم في جسم الإنسان او الحيوان فشبهت سم أبـ درق عندما يسري في الجسم كأنه شحنة كهربائية يصقع
وشبهت أخاه بسم أبـ درق
وهكذا جرت العادة في التشبيه أن يشبه الفارس في منعته بالأشياء الفتاكة المؤذية
وفتكه وأذاه يكون فقط على أعدائه وخصُمه وهين لين على أحبابه وأهله
فهو كسم أبـ درق يصقع ( على أعدائه )
الجدري والجدري هو مرض جلدي يصيب ويظهر في شكل قروح وهو مرض مُعدي وخطير وكان قديما علاجه
تكمد القروح بالرماد والرماد يحتوي على عنصر الكربون وهو حار في الجروح
لذا نجد بنونة عندما بكت أخيها عمارة في مرثيتها قالت ( وهو مات بمرض الجدري )
ما ديارلّك الميتا
أم رماداً شَحْ ..
دايراك يوم لُقا
بي دميك تتوشح
الميت مسولب
والعجاج يكتح
أحي علي ...
سيفو البسوي التح
نجد زينب بت بابكر شبهت أخاه الطيب أنه في فتكه مثل سم أب درق وكذلك هو مرض عضال على أعدائه مثل الجدري
جدري القيح
والقيح مادة سائل في العامية تسمى المدة ( وهو الصديد ) وقروح الجدري فيها يكون القيح
ويقال قديماً ان مرض الجدري عندما تكثر قروحه ينفقع الإنسان من كثرة القروح
ثم تعود نصف فيه صفة من صفات الرجولة
صوته كان جهور قوي إذا تكلم أسمع وإذا ضرب أوجع
وتختم شكرها له وتقول كان أخي الطيب ناجح وقارح وفي شطارته مبدّع اي مبدع
والإبداع قمة الفن في الشئ
الطيب في شطارتو مبدّع
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
سم أبـ درق الجداد
تُكل الجدري البعادي
للخصيم ضربو بيأذي
موسى المُر الحجازي
أبـ درق الجداد
الجدادي :
قد تكون تقصد اللون اي لون ابـ درق والله أعلم
لانو جرت عادة أهلنا يقولوا الحمـ ار الحمامي إذا كان لون خليط من الرمادي والاسود وقليل من البياض
فتغلب عليه سحنة اللون الحمامي اي لون الحمام
والجدادي
هناك نوع من الدجاج لونة منقرط اي فيه نفس الألوان الرمادي والأسود والقليل من الأبيض في شكل دوائر او نقاط
صغيرة وفي عاميتنا يقولون ارقط أو منقرط
فعندما حبت تمدح أخاها موسى قالت انه في فتكه مثل سم اب الجدادي الأرقط
وزي تكل الجدري البعادي
والمعروف أن جرثومة الجدري والجزام تعيش لسنوات عديدة ويستخد الحرق لابادتها وإلا بقت حية
ولماذا قالت تُكل
التُكل هو المطبخ مكان طبيخ الطعام وحيناً يستخدم تُكل للطبخ وأخر للعواسة ( عواسة الكسرة )
جرت عادة الناس قديماً إذا مرض شخص عزلوه في مكان بعيداً عن بقية أهل البيت خوفاً من العدوة
وبالذات في الأمراض الفتاكا
ولما كان حيلة البشر قدر حالهم ماعندهم مكان للعزل غير التُكل بتاع العواسة ويستغنوا منه ويحولوا مكان العواسة في مكان أخر ويستخدم تُكل العواسة كغرفة للمريض لذا تبقى جرثومة مرضه عالقة فيه في حيطانه في سقفه
سم أبـ درق الجدادي
تُكل الجدري البعادي
وكلمة جداد ( هي اصلاً دجاج )
وبالعامية جداد
وبالمناسبة يعد هذا ضرب عالي من البلاغة
وجرت عادة العرب في اللغة كنوع من البلاغة تقديم حرف وتأخير حرف اخر في الكلمة
أو قلب حرف واستبداله بحرف اخر
هذا نوع من البلاغة في اللغة
وعاميتنا السودانية غنية بمثل هذه المفردات
نذكر منها
جداد: دجاج
صاقعة : صاعقة
معلقة : ملعقة
والأمثلة كثيرة في عاميتنا السودانية
للخصيم ضربو بيأذي
موسى المُر الحجازي
الخصيم : هو الخصم والعدو ضربه مؤذي وناجع
موسى المُر الحجازي
شبهت أخاه للعدو كحال المُر الحجازي
والمر الحجازي معروف وهو سائل نباتي افتكر والله أعلم يستخدم في العلاج وهو عند أهلنا علاج لكل مرض
اي شئ يقولوا لك ادو مر حجازي
فموسى كان علاج العداء كلهم مثل المر الحجازي
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
قرقر فوق لي الدرب
وربط الهوي والشرق
كدي ميزولنا الضرب
وجِنياتنا ما بتنغلب
قرقر اي احدث صوت عالي ( الرعد ) فوق لي الدرب
الدرب هو الطريق
الدرب في القرى يكون في طرف الحلة ويظهر انه كان في أم مغت الدرب شرقا قبلي
لانو اقوى البرق والرعد البشيل ناحية القبلة
والقبلي ما بجلي مطرو لا محال نازلا وغزيرة
ربط الهوي والشرق
جرت عادة أهلنا في السودان يقولوا لغرب النيل اي ضفته الشماليه ( النيل ساير من الجنوب للشمال )
فأن وجهت وجهك ناحية المصب شمالاً يمينك شرق النيل وشمالك هوي او غرب النيل
ربط الهوي والشرق اي ترابطّت سحبه الفي الشرق والغرب
كدي ميزولنا الضرب
وجِنياتنا ما بتنغلب
تخاطب الاعداء ان يميزوا الضرب اي مبارزة واحد قصاد واحد
وجنياتنا اي اخواني ما بتغلبو يهزموا
وهنا تشكر موسى اخاها
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
عامر سوقك مبدّر
مجرجر توبك مسبل
الطيب للشر مبدر
مُر يا التُكل المِجدر
ورجعت تمدح وتشكر الطيب
ويظهر ان الطيب كان تاجر
وقالت عامر سوقك مبدر
والمراد قول ان شاء الله عامر ومربح سوقك اليوم
مجرجر توبك مسبل
التوب السابل اي الطويل الذي يفوت العرقوب ومع انة منع ديننا الحنيف من اسبال الثوب والمشي خويلا ( يختال )
لكن كان بين اهلنا مدعاة للجاه والمكانة الاجتماعية ان يلبس الرجل مسبل ( ثوب طويل )
وانت معروف يا الطيب مبدر للشر وتقصد انه يبادر الاعداء فقط بالشر ولا يهاودهم هدنة
وانت يا الطيب مر وما بتتبلع زي الحنضل للعدو وانت مخيف وفتاك مثل التُكل الذي كامنة فيه جرثومة مرض الجدري
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: Mohamed El Sheik)
|
Quote: مساء الخير يا شباب ..
أنا والله متابع هذا البوست من زمااااااااااان .. واليوم فقط تحصلت على العضوية .. فكان لازم أدخل وأبدي إعجابي بهذا المجهود الخرافي من الأخ / خالد المنسي ..
والله ما شاء الله .. ما شاء الله .. ما شاء الله .. وقريباً سنشارك .. إن شاء الله |
أخي
محمد الشيك الشيخ
أو
محمد الشيخ الشيك
بدءً ألف مبروك الركوب في سفينة بكري
وربنا يرينا فيك إضافة مفيدة للمنبر الذي شحَّ فيه ماينفع الناس بالخير
وبقى كلو مناكفات
نصيحة ركز يا اخوي فيما ينفع
أحذر من المهاترات تنجو بجلدك
شكراً ليك كتير أن تكون مشارك لنا في يومك الأول وهذا شرف لنا كبير
وكل مناي ان نشوفك معنا مواصل
في هذا البوست وتشرق صفحاتنا بك يا رائع
تحياتي ومودتي
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
وعبد الدائم شدَّ هينو
من ولدوهو الشكرة هيلو
الخَصيم ما بهينو
صوتو المجير جبديدو
ثم عرجت لمدح أخاها الثالث
عبدالدائم
وقالت عبد الدائم شدَّ هينو
الهين معروف هو ملئ اليدين مبسوطتين من اي شئ ( وزن )
وقد تطلق كلمة هين للكفين
شدَّ كفوفه ( كفيه إستعداد للحرب والدواس )
ويقال في عاميتنا السوداني آ جنى شد حلك اي ترجل أثبت وهي كلمة تشجعية حيناً
وقد تكون كلمة زاجرة حيناً إذا قام شخص بعمل لا يليق بالرجل
يقال له شد حيلك
من ولدوهو الشكرة هيلو
وقالت أصلو هو من ولدو ايمن ايامه الصغير صاحب شكرة
وبجيب الشكرة لي روحة بفعائلة الحسنة ولداً قارح مادلّا
وعفارم علي
وبالمناسبة كلمة عفارم اصلها تركية وتعني برافو أو أحسنت
الخَصيم ما بهينو
صوتو المجير جبديدو
والعدو ما بقدر علي ومابقدر يهينو وهو معروف بشجاعته
ومانع صوتو لما يهدر زي هدير الميجر
والميجر هو اكبر جدول لري المزارع عندنا في جنوب الشمال نواحي شندي
وعادة أهل الجزيرة يسمون تسميات أخرى للجدوال
لكنها إستخدمت كلمة الميجر جبيدو صوت الماء فيه بجبد جبد ( هدير )
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
وعبد الدائم مع إخوانو
ضافوا البلا في بكانو
السوها قنعوا قاموا
الصف الواقف سِهامو
هو مستعد لي لِطامو
وأنا فوقم بجر كلام
نلاحظ أن زينب خصت كل من اخوانها الطيب وموسى وعبدالدائم بثلاث مقاطع لكل منهما وفي المقطع العاشر الأخر جمعتهم وأخلت نفسها تشد من أزرهم
وهذا المقطع خصت به شُكر عبدالدائم
وقالت هو أخوانه انزلوا البلاء بالأعداء شر بلاء ومحنة وضربهم موجع
كان يقابل الصف من الفرسان وما بهم بلقائهم وهو مستعد لي اللطام ضرب بسيف ورداً بدرقة وهو أهل لذلك
والسمعوا بي أخلو البكان خوفاً من ملقاته وهو الفارس الما بتصاقع
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
أنا نميت جِب غناكم
يا البينين هوي براكم
البدوركم تَراكُم.....
حلّق الطير لي غداكم
الصف العامر رجاكم
إتباشروا لي بلاكم
أركزوا زينب وراكم
وهذا هو المقطع الأخير من الأغنية
وقد جمعتهم فيه تشكرهم
وقالت انا نميت وقلت الشُكر ليكم أخواني
وأنت أعلام ظاهر بينه ( بينين هوي براكم )
وهوي عندنا في العامية أداة نداء مثل اليا
هوي مُحُمد اي يا مُحُمد
براكم : وحدكم
جا برا اي جاء لوحده
البدوركم براكم
اي الذي يقصد الشر معكم
دا حلق الطير اي بتغدو بي الطير عندما تطرحوه مجندل يرفس ميت
إتباشروا : اي ابشروا بالخير وتبسمو للبلاء الماشين لي ( الحرب )
واركزو وأثبتو في الحروب وأنا زينب اشد من أزركم ( وراكم أزغرد ليكم لما تجيبو النصر )
وأركزوا زينب وراكم
| |
|
|
|
|
|
|
|
|
|
Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: خالد علي محجوب المنسي)
|
صورة منقولة من موقع شندي
الغروب في شندي على ضفاف النيل
ويا شبلي هناك شئ بديع وجميل في منطقة شندي
الغروب على سطح ماء النيل أجمل ما شاهدت
وحقيقة أن النيل يتجه من الجنوب للشمال
لكن من منطقة وادي العوتيب او بالأصح من البسابير يبدأ النيل يغير مساره ويلتوي قليلاً قليلا
فيكون عندما يصل مدينة شندي يكون مساره
من الغرب للشرق
وترقد مدينة شندي بين ساعدي النيل يحتضنها في عناق حبيب ألتقة المحبوبة بعد فراق طال
وهنا تكون الروعة في غروب وشروق الشمس في منطقة شندي
ترى أشعتها بطول النيل
ترى كل ألوان الطيف مختزنة في سطح ماء النيل ترسم لوحة تخلب العقول
كنت ومازلت ادمن وقت الغروب قرب النيل بحكم قرب بيوتنا من النيل
الغروب في شندي على ضفاف النيل
| |
|
|
|
|
|
|
|
|
 Re: كلما اخفقنا في حب وكلما عصرونا العسكر نسمع لحناً ... ديل إحنا .. ومالو الله كريم علينا (Re: عماد الشبلي)
|
قبة أبو فراج
وتقع في مربع 7 شمال ويسمى هذا الحي
حلة القبة
واذكر من يسكنوه
رحمة الله وغفرانه لمن مات منهم والصحة والعافية لمن بقى حي
عباس صبحي وكل آل صبحي
كامل ابراهيم
أحمد الماحي فزع
الطاهر حسين
الامين ع########
النِقْي
ناس قريش تجار الفواكه
سرالختم ناصر
حسين عبدالماجد والد صديقنا عمر حسين عبدالماجد
علي جابر
خربت الذاكرة
واعتذر لمن فاتني ذكرهم
وقرب قبة أبو فراج كانت محرقة ولد الباشا وهذا هو الرأي الارجح
الرأي الاخر في قلعة شنان وهذا رأي ضعيف
| |
|
|
|
|
|
|
| |
خالد علي محجوب المنسي
وضاحة
Mohamed El Sheik
عماد الشبلي
فيس بوك
تويتر
انستقرام
يوتيوب
بنتيريست