|
Re: يا ملاسي علييك الله أشرح لي حمزة سليمان قال شنو؟؟ (Re: Salah Abdulla)
|
غايتو من الرش و الرش المضاد الحاصل وعبر الرايش إتوضحت لي عدة حقايق منها أنو أولاد قلبا ديل عاملين فيها شفوت لكن عندهم هوس بالسفنجات!!! وإنو توفيق مكي لو دخل هنا عادي بيطلعم أولاد ضهاري ساكت وإنو النيران الصديقة أحيانا تكون مقصودة وإنو اللي قال الصديق وقت الضيق ما عندو صديغ بوردابي
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: Musab Osman Alhassan)
|
Quote: طبعا ماقادر اتذكر الحصل شنو في المنتدى داك، لكن متذكر انو طقطقناك وشيلناك سفنجاتك واحدة في يدك والتانية فلعناك بيها وانت طالع وطردناك شر طردة :) |
هههههاي قلت لي طردناك ياخ الناس ديل شدة ما فرحوا وحسوا بالنقلة النوعية الحصلت لمن دخلت البورد داك انقر ما بقوني الادمن العام طوالي وحااات الله وكتاب الدين دا الحصل قال فلعناك !! لا جرحتوني واللذيذة في البداية صدروا لي اكتر اتنين عندهم شجاعة ادبية في بوردهم داك واحد منهم خالد دا والتاني شلاقة دا قبل ما ادجنهم في تلاتة مداخلات ومنها شلاقة كتب بوست قال اساسي اللجنت او الاسطورة بتاعوا اما خالد دا فما شفتوا تاني رافع راسه الا هنا
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: اساسي)
|
تصدق يا صلاح وعمر امس كدا قاعد بيني وبين نفسي افكر في موضوع المواهب دا ، تصدقوا فعلا اكتشفت انه انا من ربنا خلقني ما عندي موهبة يقولوا عليها ياخ اكتشفت انه شخصيتي كانت باهتة جدا ، بس النصيحة لله الحاجة الوحيدة الميزتني طيلة حياتي اني كنت انسان مهذب جدا وقليل الكلام طبعا دا وانا صغير لمن كبرت بدل مهذب بقيت زول محترم جدا وديسنت جدا ولا احب الثرثرة والكلام الفاضي
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: HAMZA SULIMAN)
|
الاخ عمر
ما قدمته هنا من حوار أعتقد انه يصب فى المستوى الحسى فى الاستماع قصدت ان تخفف عنك متاعب الحياة و قصدت ان اكون معك من خلال ما كتبت لا من خلال ما نويت ( جلغمة) انت قصدتها ، و انا ما فاهم المصطلح دة معناه شنو ( جلغمة) غايتو كلمة بتكتبها لكن حقيقى ما متذكر حروفها كيف . والى الان لم تكتب ما طلبته منك طلب فى غاية البساطة عمر الفاروق قبل وبعد سودانيز اون لاين دوت كم فى (النقد) تسميه او الكتابة عن المنتوج الغنائى لان الخلفية التى اوردتها هنا لا تؤهلك بانتقاد او كتابة مـــــــــــــــــــــــــــــــــــــــــــــــــــــازورة خلى استاذ الموصلى يشرح ليك مازورة يعنى شنو
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: HAMZA SULIMAN)
|
Quote: عمر الفاروق قبل وبعد سودانيز اون لاين دوت كم فى (النقد) تسميه او الكتابة عن المنتوج الغنائى |
بـ"تطويــل " غير مخل بسيرته الفنيــة والنقدية والكتابية والابداعية :
عمر الفاروق قبل سودانيز اونلاين .. : تلميذٌ نجيب كان بيغني في طابور الصباح بالـ"متوسطة " لدرجة انه بنات المدرسة الجنبهم بيتلبو بالحيطة..
عمر الفاروغ بعد سودانيـز اونلاين .. : فقّاع بيـض بيتوهم انه تسجيله لـ"كوبلي كشيّال او مصفقاتي " بشريط فنان مغمور قد توجّ كل احلام يقظة طفولته بان يصبح نسخة من محمود عبد العزيز كفنان مشهور تتلب الحسان بحيطة فيسبوكه ..
اتمنى ان تكون هذه النبذة كافية ووافية :) :)
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: محمد حيدر المشرف)
|
الأخ حمزة ..
الكلمة إن قد فهمتك فهي جغلومية .. وهو عدد أكبر من الترليون بحوالي الكم كده ما عارف...المهم هو رقم كبير جداً والحقيقة ببطن الشاعر..
المحييرني ومجهجه أفكاري الجاب سيرة النقد الفني في البوست ده شنو ؟؟ ياريت لو كنت إخترت المكان المناسب لمناقشة قصة النقد الفني دي وممكن وقتها نجاوبك .. لكن في بوست يتكلم عن الشتارة في المداخلة الهاتفية فده ممكن أييي زول يعملوا ما عندو علاقة بالنقد الفني.. فااا شنو إنتظر لمن يوم يجيبو ليك حلقة لايف كده وانت بتغني في سامحني يا عابدين شرف وأعفي لي يا بقالة النتيفة ..وقتها ينظر ويفاد في قصة نقد ما قبل وما بعد سودانيز ..
Quote: ومتذوقين بصورة كبيرة وهؤلاء يهتمون بالتعبير الموسيقى |
مبدئياً كده الجملة دي رييحتني في كنكوجي ..
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: محمد حيدر المشرف)
|
Quote: ثم ولن يعدم من الاصدقاء في السعودية من يعمده ناقدا أعظم أو فنانا شاملا او كاتبا مجيدا .. |
ليس كل السعودية هكذا .. يا دكتور محمد المشرف.. بل يمكنك ان تقول " تحديداً " المنطقة الغربيـــــة من المملكة .. ولو اضفت من اهل منطقة جدة يكون اسلم فأهل الشرقيــة ووسطها لا يعرفوا لا سمعوا بشئ اسمه الفنان الصاروخي عمر الفاروق.. واظن اهل جنوب المملكة انترنت زاتو ماعندهم عشان يكونوا قروا الشناف البيسميهو نقد دا في سودانيزاونلاين..
اهم شئ تخصيص مكمن الـشرمة البيدخل منها هواء الفاروغ.. :)
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: HAIDER ALZAIN)
|
وليد يا حبوب .. شكلو حمزة ده أبداً ما قدر يفهم كلامك .. إنت قلت ليهو كلام زي الدهب لكن للأسف هو إستهتر بيهو أو ما فهمو أو إستكترو علينا .. والغريبة مصصر يمشي في الدرب الما ح يوصلو لي نتيجة ده .. يلا وليد تعال نوريهم إنت كنت قاصد شنو ..
سأل الأخ حمزة سؤال إستعراضي يدل على القوة والتمتع بالأكاديمية العالية في فهم الموسيقى ..بل وذهب لأبعد من ذلك أن حدد أن إجابة السؤال سأجدها عند الأستاذ الموصلي فكان السؤال فيشكل معلومة تقول :
Quote: مـــــــــــــــــــــــــــــــــــــــــــــــــــــازورة خلى استاذ الموصلى يشرح ليك مازورة يعنى شنو |
يلا إتخييل معاي يا وليد إنو انا مشيت قوقل القلتها ليهم فووووق ديييك تتذكرا؟؟ أها من أووول صفحة وفي أووول سطر لقيت الإجابة .. يلا إتخييل معاي إنو انا أقوووم أتصعلق ليك على حمزة ده وأشييل الكلام ده من النت وأقوووم كده أسودنو ليهو وبي شفتنتي المعهودة ك ود قلبا أقوم أقول ليهو الكلام ده من عندي وأوهم عزيزكم القارئ بي فيض المعلومات الموسيقية اللي ح تطلع ليكم حمزة ده ضييع مستقبلو ساااي في علم مشرووور في النت ..زييو زي باقي علوم الدنيا ..
عاين الإجابة يا وليد ..علييك اله في أووضح من كده ؟
Quote: المازورة الموسيقية هى جزء من الجملة اللحنية .. فالعمل اللحنى بأكمله يتكون من مجموعة من الموازير المتساوية حسب الزمن الموسيقى الذى يسير عليه اللحن .وهى المسافة بين الخطوط الرأسية التى توضع على المدرج بتساوى |
لكن بيني وبينك يا وليد .. التعريف ده أداني إحساس إنو لاسؤال ما كان عن الموسيقى لالالا أداني إحساس إنو السؤال كان عن فريق المريخ .. خصوووصاً لمن قريت الحتة بتاعت مجموعة من الموازير ديي.. غايتو يا حمزة انا بعرف مازورة واااحدة إسمها وارغو ..بتعرفو ؟؟
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
حيدر الزين : ما عايزين قينان ؟؟؟
Quote: تسجيله لـ"كوبلي كشيّال او مصفقاتي " بشريط فنان مغمور |
طبعاً عارفك قايل عثمان محي الدين ده فنان بيغني وده فعلاً بيأكد إنو مغمور طالما حيدرا شخصياً ما سمع بيهو ..وانا متأكد تمااماً إستخدامك لي كلمة فنان قاصد بيها مغني عشان ما بعدين تقول كنت قاصد الفن بجميع ضروبه .. بس عموووما كده عثمان محي الدين ده بيعزف كمنجة ساااي كده ..ما فيها غنا .. سمح أبوي انا؟؟؟ اااي عليك الله أنزل البص ده ماشي الدايات ..
Quote: بل يمكنك ان تقول " تحديداً " المنطقة الغربيـــــة من المملكة .. ولو اضفت من اهل منطقة جدة يكون اسلم فأهل الشرقيــة ووسطها لا يعرفوا لا سمعوا بشئ اسمه الفنان الصاروخي عمر الفاروق.. |
عجبتني مطّتك لي الغربية دي يا حيدرا..ياخ والله أشكرك شدييدون جدددنون جدددنون كونو تصل افاق شهرتي المنطقة الغربية وانا مقيم بالمنطصة الوسطى ..فهي لعمري نعمة من كريم .. وأفيد عزيزي القارئ أن ما بين المنطقة الوسطى والمنطقة الغربية زهاء ال ألف كيلو ..فتخييل عزيزو القارئ كيف وصلت شهري ارجاء نجد بل وتللّبت إلى أرض الحجاز ... حيدرا مش قلت ليك البص ده ماشي الدايات ؟؟؟ إنت لسة قاعد؟؟ أجججي يا بنات أمي؟؟
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: HAIDER ALZAIN)
|
آ حيدر أخوى !!.. "المجانية" دي تعبير مرعب جدا وفكره الم تلجمها جيدا, وقعت حتما في حبائلها .. قد يشفع لي تخصيص البعض من الاصدقاء في السعودية .. الا أنو المسأله لا تخلو من مجانية إرتكبتها في حقكم ..
المجانية يا حيدر .. المجانية فكرة تانيه, حتما , بجانب الاسترخاص !! ولو لاحظت التعبرين الاتنين يتحدثان عن القيمة ؟!! يا سبحان الله !!
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
Quote:
ليس كل الناس على مستوى واحد من الإدراك للموسيقى. وهذا يعني بالنتيجة اختلافهم بمستوى الاستمتاع بها. ولكي يقترب الجميع للمستوى الاعلى من الاستمتاع، من الضروري التوسع في فهم ماهية الموسيقى وتفصيلاتها. هناك ثلاث مستويات للاستماع لدى الناس: 1ـ المستوى الحسي 2ـ المستوى التعبيري 3ـ المستوى الموسيقي الصرف 1ـ المستوى الحسي وهو الاستماع للموسيقى دون تفكير بها ، أي لمجرد التمتع بالاصوات ذاتها. وعادة ، يصاحب هذا النوع من الاستمتاع قيام الشخص بتأدية عمل من الأعمال كالقراءة أو غيرها . وفي هذه الحالة يستسلم بعض الناس حين سماعه للموسيقى الى عالم مثالي ينسوا فيه أنفسهم. وهم يتعمدون ذلك ليهربوا من متاعبهم اليومية ، وهو أدنى المستويات و أقلها استمتاعاً بالموسيقى وإستفادة منها . إذ أن للمستوى الحسي أهمية في الاستماع ولكن ليس كل شئ فيه . ونجد هذا المستوى من الاستماع لدى بعض الناس إذا كانت الموسيقى مصاحبة للشعر [ الغناء] . وهو المستوى الأكثر شيوعاً لدى المستمع العربي والاكثر تشجيعاً من بعض الأوساط الإعلامية المرئية منها خصوصاً .
2ـ المستوى التعبيري : أي التفكير فيما تعبر عنه الموسيقى خلال الاستماع لها . إن هذا الأمر كان وما يزال مثاراً للنقاشات وللآراء المختلفة . فمنهم من يؤكد على إمكانية الموسيقى على التعبير الواضح ، ومنهم من يجدها مطلقة التعبير . والحقيقة ، أن هنالك سؤالان : الأول ، هل هناك معنى للموسيقى ؟ والجواب طبعاً هو [نعم] . والثاني ، هل يمكننا تحديد هذا المعنى ببضع كلمات دون أن يخبرنا بها أحد مسبقاً ؟ . والجواب لذلك هو [ لا ] . والرأي الأرجح هو أن للموسيقى معنىً عاماً تحدثه لدى المستمع ، ولكن لا يمكن أن يترجم إلى كلمات محددة . ومن الخطأ أيضاً البحث عن معنىً مادياً محدداً للموسيقى . إذ يكفي أن يرسم الإنسان في ذهنه الإطار الشعوري العام الذي يحسه. وما زلنا نتكلم عن التعبير الموسيقي ، أود أن أسجل الملاحظة التالية ، وهي أن كثيراً من ملحني الأغاني العرب ، لا يهتمون بهذه الناحية ، وأقصد بها الناحية التعبيرية للموسيقى . فنجد نماذج غنائية كثيرة جداً يبتعد فيها التعبير الموسيقي عن معاني كلمات الأغنية ، وهو خطأ كبير .
3ـ المستوى الصرف وهو إدراك كيان الموسيقى الناشئ عن نغماتها الموسيقية نفسها ، واسلوب معالجة هذه النغمات . ومعظم المستمعين لا يشعرون بهذا المستوى شعوراً كافياً . فعندما يستمع شخص إلى لحن ما ، فأنه يتذكره حسب إمكانياته ، بعد أن يحكم عليه إذا كان جميلاً أم لا . ويأتي الإيقاع في المرتبة التالية من إنتباه المستمع . أما الهارمونية [ تعدد الأصوات ] والطابع الصوتي ، فهو يسلم بها تسليماً ، وقد لا يستطيع إدراكهما تماماً . أما الأمر الذي لا يخطر ببال المستمع فهو النموذج البنائي للموسيقى . ولكي نزيد من استمتاعنا بالموسيقى ، من الضروري إدراك المواد الموسيقية وما يحدث لها . فنستمع الى الميلودية [اللحن ] والإيقاع والهارمونية وألوان الأنغام . وفوق هذا ، إن أمكن ، أن نعرف شيئاً عن قواعد بناء النماذج الموسيقية . ورغم تفصيلنا الاستماع لثلاث مستويات ،إلا أن ما نحتاجه في الواقع هو الاستماع بالمستويات الثلاث في وقت واحد . وهو ما يحدث عندنا بالغريزة دون مجهود عقلي نبذله ، وعلينا فقط أن نزيد من معلوماتنا عن الموسيقى لكي يكون استمتاعنا كاملاً . ويمكن مقارنة ذلك عند مشاهدتنا للمسرح . ففيه نرى في آن واحد الممثلين والملابس والمناظر والحركات والاصوات . وهو ما يولد عندنا المستوى الحسي للمسرحية . أما المستوى التعبيري فيتولد من ما يحدث على المسرح بما يثير فينا شعوراً بالمرح أو الهياج أو الحزن من خلال كلام الممثلين [ الحوار ] . أما ما يقابل المستوى الموسيقي الصرف فهو الدراما المسرحية وتنميتها وأسلوب المؤلف في إبتكار الشخصيات ومعالجة المواضيع . إن المشاهد للمسرحية يدرك كل هذه الأشياء في آن واحدة كما المستمع للموسيقى ،لكن الإلمام بما يحيط العمل الفني من الداخل والخارج هو الطريق الأمثل لاستمتاعنا الأفضل .
|
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: وليد محمد المبارك)
|
Quote: لكن بيني وبينك يا وليد .. التعريف ده أداني إحساس إنو لاسؤال ما كان عن الموسيقى لالالا أداني إحساس إنو السؤال كان عن فريق المريخ .. خصوووصاً لمن قريت الحتة بتاعت مجموعة من الموازير ديي.. غايتو يا حمزة انا بعرف مازورة واااحدة إسمها وارغو ..بتعرفو ؟؟ |
حي انا هسع عليك الله انت السنة الفاتت كهلال شاطب ليك كم مازورة ؟
ياخ انت رئيس ناديك زاتو اكبر مازورة بنعرف الفريق يسجل لاعب مازورة لكن بسجل رئيس نادي مازورة وبالانتخابات
يطرشني
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: وليد محمد المبارك)
|
Quote: لكن بسجل رئيس نادي مازورة وبالانتخابات |
عصام الحاج ده مازورة 10 بوصة ..ولا هي الموازير بيقيسوها بي شنو ؟؟؟ ياخ استاد المريخ معروووف إنو بقا ما بيمسك موية المطرة لأنو التصريف فيهو بقا فففل الفل بي سبب الموازير الفيهو ..
تخريمة : تعال ننظر ليهم يا عمك.. انا ما بتستبعد يكون تسمية الموازير دي جاية من موزارد ..:) :) أو كما يقال عن لاعب أرسنال القصيير المكيير موزارد الشرق..:)
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
هاهاهاهاهاهاهاهاهاه
يا معلم الحق
مازورة طلع معناها حاجة كده زي ماسورة
Quote: وكلمة "مازورة" أصلها فرنسي (Mesure) ومعناها المقاس، وتعني هذه الكلمة في الموسيقى التقسيمات الزمنية المتساوية التي تعترض السطر الموسيقى الذي يتكون من خمسة سطور أفقية، وتحتوى كل مازورة على وحدات متساوية من النبض الإيقاعي المتكرر. |
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: وليد محمد المبارك)
|
الاخوان الكرام شايف الفاروق في حتة ما جاب سيرة حافظ والسمندل للاستدلال على عدم شعبية اللحن مقارنة بالكلمة طيب النقول لك حاجة انا بطحاني يمكن تجيب لي ربابة بس وتدقها بدون غناء 10ساعات والله دارتك ما تنقطع من العراضة والمصوقرين وما برانا انا متاكد انه في قبائل تانية زينا زي الشكرية مثلا ، يعدين يا عمر من الله ما خلقنا ما سمعنا بجيمس لاست بغني ليهو في غنية وكان لما يعمل حفلة تذاكرها بتكمل قبل الحفلة بشهور!!!! اعتمادك على السمندل وحافظ ما مقياس، شوف ليك مراقة غيرهم ينصر دينك يا اساسي، شايل كلاش واعمي واطرش
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: محمد عمر الفكي)
|
يا ود الفكي .. برااك قلت جيمس لاست وبرضو عندك تسجيلات لي ياني ولي ولي ولي ..كتااار.. لكن في السودان السمندل وحافظ هم اللي انا شوفت ناس بتدفع عشان تسمع مزيكتهم .. انا ما بتكلم عن الموسيقى العالمية انا بتكلم عن العقلية السودانية .. وأسسسة دي يا اخوي انا مني البروشورات أديني إسم بتاع الربابة بتاعكم ده وانا بعمل ليك الحفلة وبحجز ليكم نادي الضباط وتعالو أعرضو وانا متنازل ليك عن الدخل ..بس بعد ما تدفع منو إيجار النادي وحق الساوند والتصاديق سمح؟؟
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: اساسي)
|
Quote: انا ما بتكلم عن الموسيقى العالمية انا بتكلم عن العقلية السودانية .. وأسسسة دي يا اخوي انا مني البروشورات أديني إسم بتاع الربابة بتاعكم ده وانا بعمل ليك الحفلة وبحجز ليكم نادي الضباط وتعالو أعرضو وانا متنازل ليك عن الدخل ..بس بعد ما تدفع منو إيجار النادي وحق الساوند والتصاديق سمح؟؟ |
شوف يا عمر عشان الاسس تكون واضحة انا معرفتي بالموسيقى دي زي معرفتي بعلوم الفضاء مجرد سماع ثانياً بالنسبة للمقتبس انت خطابك دا موجه لنخبة معينة من الشعب السوداني ولا السودان بكل مكوناته؟ انت ما قادر تصدق انه لمة ربابة ممكن يكون عادي فيها اكثر من 5 او 6 الف شخص؟ المهم تصدق في فنانة اسمها اكرام بت العز بتغني بالربابة والناس بريدوا غناها وبشتروا شرائطها وتلقاهم هايشين ويعرضوا وهم بيسمعوا في غناها لكن من الله ما خلقني ما سمعت بطحاني يترنم باغنيتها القماري يا غناية!!!! تصدق؟
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حمد عبد الغفار عمر)
|
يا ود الفكي .. تفلق وتداوي..
Quote: المهم تصدق في فنانة اسمها اكرام بت العز بتغني بالربابة والناس بريدوا غناها وبشتروا شرائطها وتلقاهم هايشين ويعرضوا وهم بيسمعوا في غناها لكن من الله ما خلقني ما سمعت بطحاني يترنم باغنيتها القماري يا غناية!!!! تصدق؟ |
أهو ده برااااك قلت بتغني .. يا زول خلي ناسك القلتهم ديل يشترو شرايط الربابة ساااي وإكرام دي تقعد في بيتا.. ده كلامي .. لمن ناسك ديل توصلهم مرحلة تعمل ليهم حفلة بي الربابة كده حاااف وتجيب زولك عازف الربابة ده يطمبر لمممن الله يغفر ليهو واشوف الناس قاطعة تذاكر لي الربابة في روحا بصدقك.. لكن تقول لي ربابة بي غنا يبقا جيتني في كلامي..
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
يا حمد حبل شنو ورقبة منو .. أييي سؤال أييي إستفسار ما واضح ليك في أييي مصطلح موسيقي قولو لي وانا ليك علي أجيب ليك معناهو .. بس خلي بالك انا تخصص موسيقى بحتة يعني بالله جيب لي مصطلحات عالمية متفق عليها ما تشبكني بعامات و عدادات و و و.. الله يخلي لينا عم قوقل إضافة لي إنو ربنا حباني بي مخ نضيييف بفهم والله .. كونك انت يا حمد قد تعاني في الطولية والعرضية فياخ ما كل الناس حمد :):):):)
| |
|
|
|
|
|
|
رد (Re: عمر الفاروق)
|
بتصدق يا عمر انه اكرام ما عندها اي علاقة بموضوع الربابة ال 10 ساعات؟ انا جبتها ليك مثل بس تقوم تلصق فيها؟ ههههه ربابة البطاحين والشكرية كنحاس الجموعية يمكن يشتغل اسبوع وناسو تعرض دون الحاجة لفنان او فنانة ربابة اكرام بغناها لزوم ما لا يلزم هههههه
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: طلحة عبدالله)
|
Quote: ياسر طيفور .. كيفك وكيف كيفك آ زول ..
تعرف !!! في فرق كبير جدا بين ابداء الرأى والتقييم والنقد .. النقد - سمعت الكلام ده في البي بي سي الليلة - عملية تعليمية .. لا يقول رأيا وتقييما للعمل الفني وحسب .. بل ويقدم, كذلك, للمتلقي, وبصورة مباشرة او غير مباشرة , الادوات والمفاهيم و الأسس المنهجية لمقاربة العمل الابداعي .. لذلك المسأله لا يمكن أن تكون مرهونة للجربندية .. واتحدث عن النقد بالتأكيد .. |
ود المشرف يا صديقي العقلية السودانية، في عمومها، عندها مشكلة مع النقد، لو رجعت للنقاد الدارسين وتجاربهم في هذا المنبر، إنتهت معظم تجاربهم النقدية إلى خصام وقطيعة، العقلية السودانية يا حيدر تريد نقداً يظهر المحاسِن، لا نقداً يظهر العيوب، حتى في هذا البوست، إن جاز لنا تسميته نقدا، وجاء عمر وقال: "يا سلام يا حمزة سليمان، مداخلتك كانت جميلة وحاسمة للحوار."، لرأيت حوار مختلف.
الرواية، على سبيل المثال، نقدها في حدهِ الأدنى يقوم به من إطلع عليها، وقد لا يكون دارس للنقد، وتأتي القصة القصيرة ويزيد عدد المطلعين عليها، ويوسع دائرة النقد، والقصيدة إلخ، فكلما صغر العمل الفني كلما زاد عدد المطلعين عليه، وكلما زاد عدد النقاد. الرؤية النقدية هي رؤية فردية، تتفق أو تختلف، تضعف أو تقوى، الدراسة تضيف للمنتج وللناقد ولكن لا تسلبه حق الإنتاج والنقد. أما الأغنية لسهولة الإطلاع عليها، والتأثير المباشر لها، كل حسب أذنه وذائقته، يستطيع أن يكون رأياً ناقداً لها، قد يسمعها طفل عمره أقل من سنتين ويتمايل معها، وأغنية كلماتها "بلغة اللاوُندي" ونتمايل مع لحنها وصوت المغني، الاستجابة وعدم الاستجابة الفطريان للأغنية هو النقد الحقيقي -الخالي من آراء مُسبقة-. وشيء آخر المُنتج ذاته مرات كثيرة ينتج شعراً ولحنا من غير دراسة، وقد يكون أمي، فلماذا نقده يتطلّب الدراسة؟ __ صلاح عبد الله يا حبيبنا عزفك للعود براهو يضعك في مقدمة فنانين كثر، فالقننا وضاربننا "عين شمش" من كترة الطلة في القنوات.
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: محمد حيدر المشرف)
|
يا ود الفكي مااالك عايز تتوور نفسي معاك برااهو متوور.. يا اخوي شغل الحفلات وشغل الطهور وشغل السماية ده ممكن يحضروهو الحلة والحلال المجاورة وبدل ال العشرة ألف بيحضروهو مية ألف.. كلامي ليك بسيييط.. بكرة دي أمشي أعمل ليك بوستر وعلقو وقول يا ناس الحلال هوووي بكرة في حفلة بي الربابة يحيها الفنان النعمنو ود عطا .. وفئة التذاكر خمسة ألف جنيه .. وتعال بعد داك أحكي لي يا حبوب .. تمام؟؟
نفففس الناس ديل دق ليهم إعلان بتاع يا ناااس هووي إكرام بكرة في نادي الضباط فئة التذاكر 20 ألف .. وشووف
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
يا حمد Quote: والله الشرح كان زي شرح مازورة دي أحسن لينا نقعد نتخيل ساي |
ما عشااان كده قلت ليك انا ربنا أداني فهم ومخ كويس.. وبعرف أشيل شنو من قوقل وأكتبو .. شكلك زي الشافع الكان بيقرا عن حالة مرضية وأعراض تشابه حالتو فقام مشى للدكتور ووصف ليهو حالتو وبقا كمان يتكلم عن العلاج والبيناسبو شنو وفي نهاية الحديث قال للدكتور انا شايف لو شلتو لي الرحم ح أبقا كويس ..
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
Quote: هههههههههه ...
تعرف يا أساسي ذكرتني شلة بتاعت بنات في الجامعة كانت فيهم واحده كا ما يجيبو سيرتي في القطيعة تقول ليهم: برريييي دمو تقيل
يا حليلن ياخ .. ويااا حليلها هي بالتحديد !! |
شنو يا دكتور انت اضايقت قصدي افلست
اي عليك الله خلي الواحد يكتشف الجانب الانثوي الفي شخصيتو اصلا عمر الفاروغ شايفه عادي ماخد راحتو ومرات كتيرة بتكلم بكل اريحية عمر الفاروغ ما احسن مني في حاجة
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
Quote: وها هو عمر الفاروق في غمرة حماسه الغامر لرأيه غير السليم يطلع مقطوعات برعي دفع الله وبشير عباس وغيرهم كيييييت فقط كي يقول بان الموسيقى حافية لا تقوى على الصمود والغريبة انو السمندل اعتمدت كثيرا في برامجها على مقطوعات برعي على سبيل المثال عمر أخوي لا تجعل التمسك بالرأي وسيلة لمسخ حقائق التأريخ |
بس عليييك الله الخلقك ده يا موصلي جيب كلامي الككووتو ده تاني ووريني ويين طلعت برعي وبشير عباس كييت .. مع إنو الغريبة وحكمتو بالغة الناس الطلعو بشير عباس كيييت قاعديين وفييي المنبر ده والأرشيف قاااعد أجييبو ليك؟؟؟
بس برجع وبقول ليك يا موصلي لا بشير عباس لا برعي لا الجن الأحمر من فطاحلة الموسيقى عندنا قدر ينتزع جمهور ويعمل ليهو ولو ربع حفلة من حفلات ياني .. اسسسة دي خلي بشير عباس ده يعمل ليهو بكرة خفلة في النادي القبطي وبدون رعاية زين والسمؤل خلف الله وتعال وريني الناس البيحضروهو كم.. نفففس البشير عباس ده في نفففس النادي أعلن ليهو لي حفلة مع البلابل .. ما تلولو كلامي ساي يا موصلي انا فهمي لي اي شي الجمهور ..عندك جمهور فكرتك وصلت..عندك نخبة وشريحة معينة ما تفلق راسنا بي إنك كده وكده .. والحاجة دي انا شوفتها في السمندل وحافظ وما بي الشكل المطلوب بس أهو الكحة ولا صمة الخشم ..
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
Quote: هههههاي قلت لي طردناك ياخ الناس ديل شدة ما فرحوا وحسوا بالنقلة النوعية الحصلت لمن دخلت البورد داك انقر ما بقوني الادمن العام طوالي وحااات الله وكتاب الدين دا الحصل قال فلعناك !! لا جرحتوني واللذيذة في البداية صدروا لي اكتر اتنين عندهم شجاعة ادبية في بوردهم داك واحد منهم خالد دا والتاني شلاقة دا قبل ما ادجنهم في تلاتة مداخلات ومنها شلاقة كتب بوست قال اساسي اللجنت او الاسطورة بتاعوا اما خالد دا فما شفتوا تاني رافع راسه الا هنا |
لاحظ انت الجبت سيرة المنتدى داك وسيرة الحصل فيهو
المهم المعلومة العايز اقولها ليك وبتكون انت ماعارفها، انو المنتدى داك فيصل نوبي رجعو تاني واسي شغال وارشيفو قاااعد دحين يا اوزن كلامك، يا جيب اللنكات :)
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: خالد عبدالوهاب)
|
Quote: دحين يا اوزن كلامك، يا جيب اللنكات :) |
يا خالد دا كلام شنو؟
مافي حاجة اسمها " يا جيب " كخيــار .. هنا يا تجيب يا يجيب اللنكات.. واساسي كل المنبر يشهد " عليهو " مابيوزن كلامه .. دحين اقهمو باللنكات طوالى ..كف كرررف نزلها ليهو هنا خليهو يمشي يعمل عمرة :)
تحياتي لك ومنتظرررررررررييييييييين يا حنين
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: usama Babiker)
|
حيدر قيــــنان.. لكن والله عجبتني المطّة بتاعت الغربيــــــــــــــــة .. إنت عملتها كيف عليك الله؟؟؟ بيدوسو شنو عشان يمطّــــــــــــــــــــو الحرف كده؟؟ قلت لي الوســــــــــــــــــــطى ؟؟ يا حليلك يا كاظم الساهر ونزار قباني .. لا توجد منطقة وسطى ما بين الجنة والنار.. يا الغربية يا الشرقية ..صناعة بلدي مييية الميية .. لأ وفرحاااان أووووي!!!! ياخ عليييك الله إختار ليك رقم؟؟ إنت فوزت معانا بجائزة ... إختار من 1 لي 7 وما تختار اربعة لأنو إختارو متصل سابق.. مبرووووك حيييدر فوزت معانا بي كرتونة شعيرية وكتاب رياض الصالحين ..
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: usama Babiker)
|
Quote: أساسي هوووي انا بعععرفك لمن تقوم للأريحية .. ما بستبعد بكرة تجي طابي لينا شنطة دهبية وتمطق في اللبانة والوش يتراقش بي اللماع اللهم إنك صايم :):):) |
هي لكن يا عمر اساسي ح يفطرنا بالطريقة دي نحن معشر المساكين !! :) ينصر دينك يا عمر ياخ, عندي نكته واقفه لي و ما لاقي حته مناسبة اقولها فيها, و كلامك ده حمسني المهم اسمح لي و اللهم اني صايم قال ليك واحدة فييي نهار رمضان جات ماشه في الشارع و اللبس ضيييق خالص خالص و الخطوة واااسعة و نفس اللبانة, الجماعة وقفوها و سألوها: ليه عاملة كده في نهار رمضان ؟؟ ردت ليهم : والله الشيخ قال لي فطري ستين مسكين :)
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حسبو عكاشة)
|
حســـــــــــبو ...الشتت قصبو.. خليك قرييب طوااالي.. وأيييي نكتة واقفة ليك في حلقك بجيب ليك ليها المناسبة .. :):):):):):):) بس خلّي بالك أساسي مااا ظنيتو يفطر مساكين..أساسي ده شيييخو قال ليهو عتق رقبة عديييل..فعشان كده ما تستبعد تلقاهو واقف في دكان ميّســــــر بيعمل ليهو في خلطة :):):) اللهم إننا فطرنا..
وبي مناسبة الفطور دي هاك عولاق الواتس أب.. المسطول سأل نفسو : نحن بننتظر اذان المغرب عشان نفطر... يااا ربي ناس المغرب بينتظروا اذان السودان عشان يفطروا ؟؟؟
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
Quote: بس عليييك الله الخلقك ده يا موصلي جيب كلامي الككووتو ده تاني ووريني ويين طلعت برعي وبشير عباس كييت .. مع إنو الغريبة وحكمتو بالغة الناس الطلعو بشير عباس كيييت قاعديين وفييي المنبر ده والأرشيف قاااعد أجييبو ليك؟؟؟
بس برجع وبقول ليك يا موصلي لا بشير عباس لا برعي لا الجن الأحمر من فطاحلة الموسيقى عندنا قدر ينتزع جمهور ويعمل ليهو ولو ربع حفلة من حفلات ياني .. اسسسة دي خلي بشير عباس ده يعمل ليهو بكرة خفلة في النادي القبطي وبدون رعاية زين والسمؤل خلف الله وتعال وريني الناس البيحضروهو كم.. نفففس البشير عباس ده في نفففس النادي أعلن ليهو لي حفلة مع البلابل .. ما تلولو كلامي ساي يا موصلي انا فهمي لي اي شي الجمهور ..عندك جمهور فكرتك وصلت..عندك نخبة وشريحة معينة ما تفلق راسنا بي إنك كده وكده .. والحاجة دي انا شوفتها في السمندل وحافظ وما بي الشكل المطلوب بس أهو الكحة ولا صمة الخشم .. |
والله ياعمر انت زول مريح جد ولا تعبتني ولا حاجه اسي اجيب كلام ياهو ردك علي بقول نفس الراي بدون اسماء بل وذكرت الاسماء ياراجل ياني شنو وجيمس لاست شنو "هو ديل سودانيين؟؟؟" نحن بنتكلم عن السودان انت مالك ومال ياني ياخ هسع ايقاع 8/7 العملو ياني ده اصولو اغريقيه ولا شايقيه؟؟؟؟ اها دي في قوقل مابتلقاها وانت لو مابتعرف قيمة مقطوعات برعي بتشيد بالسمندل ليه ماقلنا ليك السمندل عزفت برضو مقطوعات برعي في حفلات موسيقة بحته ولقت قبول كبير من الجماهير وده لانهم بحبوها وسمعوها وعشقوها عليك الله ماتركب راسك ساكت ياعمر براحه براحه
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: Elmosley)
|
استاذنا الموصلي.. إنت فاهمني ولا عايز ساااي تألب علي الناس؟؟؟ وتقوولني كلام ما قلتو ..أو تقولني كلام حسب فهمك.. انا ما قلت الناس ديل ما عباقرة ..وحاشاااهم ..مع إنو لو ما خانتني الذاكرة إنت كان عندك إحتكاك سخخخن مع بشير عباس عبر وسائل الإعلام أعنف من كلامي الاسة ده .. الناس دييل عباااقرة في وضع الألحان وتوزيع موسيقاهم و و و و و وكككل ما تراه إنت كموسيقي متخصص وانا كمستمع عنقالي.. لكن انا قلت ليك خلّي الناس ديل أسسسة دي ينزعوا ألحانهم دي من الأغنيات ويطلعوا هم يعملوا بيها حفلات ويجيبو بيها جمهور!!! بس اااز سيمبل ااااز ذات.. أهو بشير عباس عندو تجربة بتاعت نزع ألحانه من البلابل ..مااا فات شي خليهو يجيب العبقريات بتاعتو دي ويحي حفلات بي العود والفرقة الموسيقية ..ونشوف جمهوره قدر شنو.. وخلي البلابل يعملو معاهو حفلة في نففففس اليوم بي الطار والغنا الحلفاوي ونوف جمهورهم بيكون كيف.. الراحل برعي ما بنقدر نخليهو يعيش التجربة فالرجل بين يدي ربه ..وصالح الدعوات ليهو .. لكن أهو ولدو عااايش زرياب خليهو ينفض الألحان بتاعت أبوهو دي ويعمل حفلات .. لمن قلت ياني وجيمس لاست ما عشان موسيقانا السودانية وموسيقاهم الاجنبية ..لالالا عشام ما يخييل لي ياني اعتمد في مقطوعاته على إنو غناها ليهو مايكل جاسكون وويتني هيوستن ومريم ماكبا ومحمد عبده وشاكيرا و و و و .. لالالالا في كل رحلات وحفلات ياني المسارح بتكون مكتتتظة بالحضور عشان تسمع مزيكا ما تسمع غنا.. ولا ألحان لي اغاني.. السمندل في مقطوعات كتيييرة لقت قبول لأنها برضو إستعانت بي الحان مغناة وكسبت ود الجمهور عشان تمرر أجندتها في الموسيقى البحتة .. النصيييحة يحسب لي حافظ دووون كللل الموسيقيين السودانيين إنو دخل قلوب المستمعين بي حقققو أكتتتر من حق الناس.. قهمتني يا موصلي ولا لسة ح تواصل في تقليب كلامي ؟؟؟
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
والله يا عمر كلامك واضح
وكلامك بكمل الكلام الفات عن الاغنية .. اهم عناصرها الموسيقى ؟ ولا الكلمة ؟ ولا صوت المغني ؟ ودى كلها اعتقد اشياء جدلية ما عندها جواب .. لانها بتعتمد على ذائقة المستعمين واهتماماتهم
.... وانا عن نفسي بتفق معاك انو .. الحفلات الموسيقية البحته .. ما عندها جمهور عريض فى السودان (حسب معرفتي) وحتى المقطوعات المحببه (لى انا) بتكون المقطوعات حقت الاغاني .. واذا قارنا الوضع ده بالموسيقي العالمية بنلقى فى اختلاف ثقافات وممكن تكون الموسيقى البحته عندهم ماخده مكانتها لكن عندنا .. لا .. اها السبب مننا ولا من الموسيقيييين ؟!؟ ممكن يكون من الاتنين .. و برضو كتير من الناس واضح انها بتحب بعض المقطوعات العالمية المشهوره ... وبتلقاها بى كثره هنا فى المنبر ومقطوعات حافظ عبدالرحمن برضو لقت قبول كبير على ما اعتقد .. مما يعني فى استعداد لقبول الموسيقى فقط فى الحفلات
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: وضاح عبدالرحمن جابر)
|
يا للسذاجه !!
هناك عمل فني يدعى بالاغنية ... يتكون من كلمةات+ لحن + أداء وهناك عمل فني يدعى بالمقطوعه الموسيقية .. يتكون من لحن + أداء
العمل الفني الاول رائج وسط الناس باكثر من العمل الفني الآخر
هذا لا يعني طرح الاول من التاني = كلمة .. اذن الكلمة اهم عامل في الاول !!! المسألة ليست كذلك مطلقا.. والا لرأينا جمهورا غفيرا في الليالي الشعرية !! لانو مضطرين امام بؤس هذه الافتراضات ان نقول للشاعر ياخ هاك كلماتك امشي اعمل بيها حفلات راس سنه في المريديان !!!!
لا اتفق أن الموسيقى اهم عوامل الاغنية السودانية .. ولكن من خلال منظور آخر يتمثل في أن موسيقانا فقيرة أو ليست ثرية ذلك الثراء الشديد.. وأن تأريخ الأغنية كان الى وقت قريب يتمحور حول الكلمة (شعراء الحقيبة وأغنية الوسط السائده) .. مما أدى لارتبط المزاج السوداني بالكلمة بأكثر من الموسيقي في الاغنية السودانية .. هذه العلاقة الفريدة أدت لتطور الأغنية من ناحية الكلمات لانها كانت مجال التنافس الحقيقي .. وتأخر الاهتمام بالموسيقي لغاية ظهرت عبقريات الكاشف وعثمان حسين الخ .. الا أن الشاهد في الموضوع .. ان أغنية الحقيبة ما زالت تحتل مساحة كبيرة فى الساحة السودانية .. وبالتالى تأثيرها ما زال قائما
دي زاوية شوف زول شارع ساي في موضوع الموسيقي والغناء ..
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: محمد حيدر المشرف)
|
Quote: لا اتفق أن الموسيقى اهم عوامل الاغنية السودانية .. ولكن من خلال منظور آخر يتمثل في أن موسيقانا فقيرة أو ليست ثرية ذلك الثراء الشديد.. وأن تأريخ الأغنية كان الى وقت قريب يتمحور حول الكلمة (شعراء الحقيبة وأغنية الوسط السائده) .. مما أدى لارتبط المزاج السوداني بالكلمة بأكثر من الموسيقي في الاغنية السودانية .. هذه العلاقة الفريدة أدت لتطور الأغنية من ناحية الكلمات لانها كانت مجال التنافس الحقيقي .. وتأخر الاهتمام بالموسيقي لغاية ظهرت عبقريات الكاشف وعثمان حسين الخ .. الا أن الشاهد في الموضوع .. ان أغنية الحقيبة ما زالت تحتل مساحة كبيرة فى الساحة السودانية .. وبالتالى تأثيرها ما زال قائما
|
فسر الماء بالماء واتهم غيره بال ...
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: وضاح عبدالرحمن جابر)
|
ود الفاروق رمضان كريم يا أخي الشهادة لله انك لحد هسة وخلال الاربعتاشر صفحة ممشي حالك في البوست بالصح وباللخ جزء من راسك وجزء من قوقل والحاجة الفائتة عليك انك عايز الناس تناقشك من خلال الكلام الانت طرحته في البوست دة بس والناس مصرين يستصحبوا شخصية عمر الفاروق المنجض الناس بالآراء المشاترة وتقرا نقدا علي قولة ملاسي في بوستات الأغاني وأقرب حاجة اغاني وأغاني 2013 الهسة لايف دة فياخي حل الأشكال دة وادي الناس الفرصة في الشمولية عشان الحاجات ما تكون مبتورة لكن الحاجة اللقيتك ضهبتها وجئت ماشي فيها سايرين موضوع القمصان ما عارف ود البشري مشاها ليك كيف بالسهولة دي
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: محمد حيدر المشرف)
|
Quote: الكلام طلع غلط ولا شنو يا وضاح .. خلاص معليش ..
.. بس ياهو ذاتو .. اتهام الناس واسترخاصهم وممارسة السخف مسألة سخيفه مش كده ؟!!!
شايفك حايم من بعيييييد كده بي موضوع البطل .. ياخي لو عندك حاجه تعال اكتبها بي وضوح كافي .. عاااادي جدا يا حبيب ورمضان كريم ..
|
ههههههههههه يادكتور كل سنه وانت طيب ورمضان كريم العفو ياخى ما عندى حاجه .. وان شاء الله ما يكون عندى اى حاجه بتدسه بمناسبة الكلام ابدا .. كلامك ماشى مع تفسير عمر ومداخلتى .. انو السطوة فى الاغنية السودانية للكلمة والموسيقى (حتى الان) ما قدرت تفرض وجودها بالشكل الواضح طبعا ده ما بلغى كل الابداع الموجود فى بعض الاغاني او المقطوعات عشان كده استغربت لكلمه - يا للسذاجه - الابتدرت بيها مداخلتك
بمناسبة الحوامة من بعيد وبعد قريت مشاركتك (المقصوده) جا فى بالى طوالى المقارنه بين الموضوعين واعتقد انو فى وجه مقارنه .. ويتمثل فى : - شخص مشهور قام بفعل معين (كتابة او مشاركة هاتفية) - اعضاء او عضو فى المنبر انتقد الفعل حق الشخص المشهور - ردود الافعال المتباينه حول ... احقية النقد والمؤهلات والاغراض والنوايا والاستهداف ووووووو
فاذا انا فهمت مشاركتك صاااح لقيتك متبنى موقف .. يخالف موقفك الاتبنيتو فى موضوع البطل
تحياتي واحترامي
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: Elmosley)
|
سلام يا محمد حيدر المشرف ورمضان كريم
Quote: الا أن الشاهد في الموضوع .. ان أغنية الحقيبة ما زالت تحتل مساحة كبيرة فى الساحة السودانية .. وبالتالى تأثيرها ما زال قائما |
فعلا أغنية الحقيبة تحتل هذه المساحة الكبيرة ولكن لم يستمر هذا الإحتلال إلا بفضل التجديد والتوزيع الموسيقي لألحان هذه الأغنيات
يعني بدور القلعة وجوهرا بصوت محمد الأمين ممكن حاليا تطرب شاب عمرو 18 سنة ولكن نفس هذا الشاب لن تطربه بصوت عوض الجاك بالرق والدربكة والشيالين
بنفس القدر قسم بمحيك البدري بصوت وردي وعلى ذلك قس أغاني كتيرة إذن اللحن الموسقي بمصاحبة الآلات الموسيقية والأداء هما عاملان مؤثران يتطور تأثيرهما بتطور الأجيال
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حمد عبد الغفار عمر)
|
بالتأكيد يا حمد .. في الواقع تحدتت عن أغاني الحقيبة في نسختها الاولي .. وقلت الموسيقى الزمن داك لم تكن شديدة الثراء .. وانو الكلمة كانت مجال التنافس الاول .. وراجت حتى الحكايا الكثيرة عن الشعراء ومناسبات القصائد ..
هذا التأثير مستمر .. (ساهم الاعلام في استمراريته) وعلقت بالحان الحقيبة شيئا من الحلى الموسيقية ان جاز التعبير .. الا أن المزاج العام ما زال يميل لترجيح الكلمة كعلامة فارقه في الاغنية .. وده صورة مقلوبة لما ينبغى ان يكون عليه الحال .. وده تفسيري للصورة المقلوبه ..
تحياتى ومودتي ..
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: Elmosley)
|
Quote: لكن في السودان السمندل وحافظ هم اللي انا شوفت ناس بتدفع عشان تسمع مزيكتهم .. |
ده مش كلامي الإنت جبتو وكووتو عشان تقوولني كلام ما قلتو يا موصلي؟؟؟ أسة فيييي ذمتك يا موصلي الجملة دي بتشبه جملتك بتاعت ماف زول غنااااي غير ود المأمون وأحمد حسنين جمعة؟؟؟ كلامي الفوق ده تاااني بكررو ليك ومااا بنكرو ولااا بتذاكى فيهو لكن إنت المااا تتذاكا.. كلامي يفهم كالتالي : في السودان يدفع الجمهور للدخول لمشاهدة حافظ والسمندل لكن لن ولن ولن يدفع الجمهور بإستمرار لسماع برعي و بشير عباس .. مش كده كلامي بيلفق وبيكون صاح؟؟ ما زي كلامك اللي انت نجرتو وحورتو وبقا كالتالي: في السودان السمندل وحافظ هم اللي شوفتهم بتدفع ليهم الناس عشان تسمع مزيكتهم لكن بشير عباس و برعي ديل مااا بيعرفو مزيكا وشغلهم ضااارب ومااا بيلحنو كويييس ولااا شتتتين..
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
يا وضاح رمضان كريم ياخ
البوست دا ما زي بوست البطل ولا حاجة
البوست دا عرق بطيخ مشرور بدأ بحبة رماها عمر الفاروق في أرض سودانيز الخصبة دي وأهو مشى
وهسة رمى ليهو قريب 500 بطيخة و 14 فرع وبقى متعدد الأغراض وأي زول بونسو غرضو
العايز يقصر نهار رمضان فيهو والعايز يقدم معلومة فيهو والعايز يشاغل فيهو وهكذا
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حمد عبد الغفار عمر)
|
Quote: يا وضاح رمضان كريم ياخ
البوست دا ما زي بوست البطل ولا حاجة
البوست دا عرق بطيخ مشرور بدأ بحبة رماها عمر الفاروق في أرض سودانيز الخصبة دي وأهو مشى
وهسة رمى ليهو قريب 500 بطيخة و 14 فرع وبقى متعدد الأغراض وأي زول بونسو غرضو
العايز يقصر نهار رمضان فيهو والعايز يقدم معلومة فيهو والعايز يشاغل فيهو وهكذا
|
رمضان كريم يا حبيب
فعلا البوست متشعب وياهو البوست الوحيد تقريبا المونس الناس وعندى رد فوق مقارنة بين البوستين
تحياتى
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حمد عبد الغفار عمر)
|
حمد يا عبد الغفار.. إكزاااتلي يا حبيب.. كلامك صاح ..وبالمناسبة كللل بوستاتي بتممنى وبتعمممد تمشي بالمنوال ده .. ما بحب الفكرة الواحدة والناس تقعد تلوووك وتلوووك وتبحححت وتقوووم تااني ترجع لي إسكوير زيرو فيها.. لكن بقبل إنو تلوووك وتلللوووك في حاجات مختتتلفة وبعديين لمن الناس تنتهي ممكن نرجع نسأل هو الموضوع زاااتو كان شنو ؟ :):):)
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
موصلينا .. إنت جاااادي؟؟؟؟؟ لأ وكمان بتقول يوجد المزيد من النماذج إن أردتم؟؟؟
انا عندي تلاتة شرايط لي حافظ ده حالياً فيهم شرايط مخصصة لي عزف وتوزيع اغاني الغير .. وسمعتها كلللها مليون مرة..وحضرت مليون حلقة لي حافظ ..فياخ ما ممكن أكون للدرجة دي كمان .. حافظ من الناس العملوا العكس يا موووصلي.. الناس حبببت موسياقه هو ودخلو يسمعو مقطوعاتو هو .. عن نفسي كللل الشرايط الفيها عزف لي أغاني ما حبيتا بقدر مقطوعات حافظ .. واعتقد ناس كتااار بيوافقوني في الرأي ده ..
ياخ انت مش بتعرف زرياب يا موصلي؟؟ الرسووول فيك كان ما قلت ليهو امشي شيل الحان ابوك دي واعمل ليك فرقة مخصصة لعزف مقطوعات برعي اللحنية دو غناء .. وتعال احكي لي عن التجربة دي ..سمح؟
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: محمد البشرى الخضر)
|
ود البشرى ياخ نرجع لي موضوع القمصان.. حيييرتني ياااخ ..انا ما جلّيتك ويكفي إنو قلت ليك عندي قمصان كمان من نوع قمصان وحيد سيف ديك :):):):) يا قريبك انا عموووما كده ما من أنصار كايرو جلابية ..وما بتذكر لبست جلابية في العيد بتيين..زييي وزييي الشفع يوم العيد بمشي أشتري ليي ولي أولادي هدووم عييد بنطلون وقميص .. بالنسبة لل إختيار فياخ زوول شناااف كده معقول يكون بيقع في فخ الإنتقاد اللبسي بي سهوولة كده؟ :):):):) يا قريبك القمصان دي بتدينا ماينس 10 سنين لي ورا ونحن لسسسة عاملين فيها جيل العشرينات وكككده ..النصيييحة العييب الوحيييد قصة القمصان مع الكرش دي..واللذيذة بشتري القميص ضييق نظاام بووهم روحي إنو ده تحدي عشان أخفف واتريييض و و و وفي النهاييية خاتمة القميص بتكون بي إنو بيترمي في الدولاب لأنو بيطيرو منو تلاتة زراير .. السنة الفاتت جييت بلدكم دي ..أها خشيت محل في دبي عجبني قميييص موبااالغة ..وما رككزت فيو شديد في تفصيلتو عجبني لونو والخامة ..أها خشيت أقييسو قوووم يا القميييص حدددك الرقبة بس وبعد داك بقييت أجااابد وأجاابد ..ما لفق..قمت شلتو ومشيت لي البت الواقفة في المحل قلت ليها عليك الله ده في منو XL؟؟ قالت لي يا عمممك ده زااااتو ال XL الشايلو ده لكن يا قرييبك ده قمييص إسسسليم ..وادتني نظرة كده باااايخة .. قلت ليها طيب ما مشكلة جيبي لي منو XXL سكتت سااااي وخشششت الممستودع جووة وجات مارقة لي بي واااحد مكتوب فيهو 4XL وقالت لي ياااخ ده مااا ح يخش فييك خلييك من الدبل إكس.. وقد كااان يا عمك ..وفي النهاية رسينا علي فنيلة مانشستر يونايتد وبقيت مارق ..
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: Elmosley)
|
يااا موصلي اسة القال برعي ما استاذ الناس دييل منو؟؟؟ والقاااال برعي ما عبقري منو؟؟؟؟ غايتو لو انت عايز تقوول قووول لكن انا ماااا بقول.. بالمناسبة لو خييروا كل او معظم محبي حافظ ان يعزف الايام الخالدة او يعزف ليهم اييي اغنية من الحان برعي او بشير عباس لاختار الجمهور الخااالدة دووون تردد وده ما لانو ديك الحان سيئة...لأ...لسة ح تصصصر تقوولني قصة برعي وبشير ما بعرفو شي؟؟
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: Elmosley)
|
والله يا موصلي مرات بتديني إحساس إنو عندك حاجات روووحك محرقاك فيها و أراء في ناس زي حافظ بس خجلان ساي تقوولا بالدرب العديل بتقوم ترميها فيني انا المسكيين ده .. يعني أسة عليييك الله أشتر كلامك إنت عن حافظ ولا كلامي انا عن برعي؟؟ أسة تعبيير زي ما عايزين نقسو على الفنان الحلو حافظ دي يفسروها كييفنها عاااد؟؟ طبعاً لو فسرتها بي نظريتك بتاعت البحييت وما تحت وما بين السطور فطواااالي كان بقول تعااالوا ألحقو يا جماعة الموووصلي طلللع حافظ عبد الرحمن أييي كلام ..صاح؟؟ يا موصلي تاااني بقول ليك برعي تاج راسنا من فوق لكن قصة ما تجو جمبو دي ما عجبتني .. ما عشان لغة التهديد لالالا والله أبداً لكن عشان نحن بنتكلم عن حاجات حافظ تفووق فيها على برعي .. ما قلنا الابداع الموسيقي ولااا قلنا التأليف ولا ولا ولا .. نحن بنتكلم عن حاااجة واااحدة .. أيهما نجح في الترويج للموسيقى البحتة في أذن المستمع السوداني.. أيهما أرتبط أكتر بي الموسيقى البحتة والتلحين والاداء الغناءي؟؟ هل إرتبط حافظ بي تلحين وعزف الاغنيات أم بترديد وعزف مقاطعه و مؤلفاته عند المستمع السوداني؟؟ هل إرتبط برعي بمؤلفاته الموسيقية البحتة في ذاكرة المستمع السوداني أم بي ألحانه وجلوسه خلف الفنانين قائدا لفرقة موسيقية غنائية ؟؟ ااااز سيييمبل ااااز ذااااوووووووت ..
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: Hussein Mallasi)
|
Quote: مسئولين من الخير وين حبيبنا معاوية المدير فاتوا مولد شحمان .رمضان كريم .. |
تسعل مِنّك العافية يا اشرف، ورمضان كريم.
يا اشرف يا اخي أنا ما بفهم في المزازيك، لكن المحيرني !!! البوست عن الفن والمزيكا، ومعنون بإسم ملاسي!!!، ومشتركين فيهو الحيدرانِ اللذآن لا يفقهان التدعك في الفن والمزازيك !!!، وعمر الفاروق يناطح في الموصلي !!!، وريسنا طلع متعمق في الفن !!!، وود المشرف قررررب يدخل لينا الفن في قارورات ويعمل لينا مِنو كبسولات !!!. عليه فالنسيج إتشربك، فيا لفداحة دودة الغز...
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: معاوية المدير)
|
موصلينا :
Quote: انت بي عضمة لسانك ما معناه انو الناس الناجحين في مسآلة المقطوعات هم حافظ والسمندل وهذا يعني لي في الحالة دي يبقي ما عداهم طلع كيت يعني لو في اي زول بفهم لغة كان عربية كان دارجة حيفهم كده |
ده كلامك يا حبوب مش؟ وركّز معاي في كلمتين مهمتين (ما معناه) و (هذا يعني).. واللي إنت قطعتهم من كنكوجك براااك وبناء عليهم أصدرت أحكام ..حلوين؟
يلا عاين إنت قلت شنو :
Quote: بل لو عزف مقطوعة فرحة شعب سيحدث نفس الشئ ياخي ماتخلينا نقسو علي الفنان الحلو البنحبو حافظ |
وانا جيت رديت ليك بي :
Quote: والله يا موصلي مرات بتديني إحساس إنو عندك حاجات روووحك محرقاك فيها و أراء في ناس زي حافظ بس خجلان ساي تقوولا بالدرب العديل بتقوم ترميها فيني انا المسكيين ده .. |
وركّز معاي في كلمة (مرات) و (بتديني إحساس) ..
قمت جيت إنت رديت على الكلام ده بـــ:
Quote: يا عمر بطل التذاكي معاي اولا حافظ ده بحبني جدا وقال الكلام ده في آكتر من مكان وانا بحبو جدا .......................... وحافظ حبوب وما عندنا فيهو اي راى سالب تب زول غايه في الابداع والنشاط
|
يعني يا موصلي إنت تفسّر براااك وتحلّل كلااام الناس بل وتبني عليهو باقي كللل حوارك الأخير ده .. ولمن نجي نحلل ونفسر كلامك تطلعنا بنتزاكى ؟؟؟ علماً بي إنو جملتك إنت عن حافظ وقسوتك عليه ( وإن رقعتها بالحب المتبادل بينكما) أوضح بي كتييير عن جملتي انا عن برعي وبشير عباس!!!
معقولة بس يا موووصلي؟؟؟
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
Quote: يعني يا موصلي إنت تفسّر براااك وتحلّل كلااام الناس بل وتبني عليهو باقي كللل حوارك الأخير ده .. ولمن نجي نحلل ونفسر كلامك تطلعنا بنتزاكى ؟؟؟ علماً بي إنو جملتك إنت عن حافظ وقسوتك عليه ( وإن رقعتها بالحب المتبادل بينكما) أوضح بي كتييير عن جملتي انا عن برعي وبشير عباس!!!
معقولة بس يا موووصلي؟؟؟ |
طبعا تفسيراتك هي الصحيحة والتي "ماتخرش الميه" عمر انني امنت بانك لاتنطق عن الهوى
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عاطف عمر)
|
يا سلاااام يا عاطف ياخ .. ورمضانك كريم ..ومااا تشوفوا شر .. بعدين ياخ خلّي بالك في ناس كده ضربتهم لي من الحتة الفيها الحديدة مريحة أكتر من من ناس تفلقني بي وردة ..وأحسبك ممن نستمتع بحدائده .. يعني خذ مثالاً أساسي ده .. بيريحني في كنكوجي لمن يديني بي الحتة الفيها الحديدة .. طبعاً ناس فليق الورود ما بقدر أقول انا ما بقدر أصرّح .. :)
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
يا عمر يا صديقي خليني نختلف معاك انت قلت مقطوعات زيد وعبيد من الناس في المسيقى البحته ما جايبها حقها ماديا .. ما بدخلو ليها ناس
كويس خلينا نفرتق الغنية لي اولياتها كلمات موسيقى اداء
وخلي كلو زول يقدم حقو لوحده شوف البجيب قروش فيهم اكتر ياتو ؟ بمعني
خلي الشاعر بتاع نور بيتنا يعمل اعلان انو حا يقرا القصديه في قاعة الصداقة حاف
وخلي الملحن بتاعها تاني يوم يقول حا يقدمها مع الفرقة في نفس المسرح
وخلي البلابل يقولوا انهم حا يجوا تالت يوم .. وحا يصرخوا في المكرفونات ... ويقولوا تررلالالالالالالالالالالالالالالالالالالالالالالالالالالالالا .. وااااااااااااااااااااي وووورررررررررررررررررررررروك بدون كلمان وبدون موسيقى ولحن وايقاع
وشوف بعد داك الحا يجيب قروش وجمهور اكتر منو فيهم
انا متاكد انو الموسيقى حا تكسب
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: وليد محمد المبارك)
|
Quote: شكرا ود المدير .. لسه فنانك المفضل قيقـم؟ |
يا اخي دا بعد بقينا نقلد ناس البندر. زمان أكان العكام، بيختفولو دلوكة من أقرب رُكُن وكيزان خميرة من فُرُم عباس لُبّة، وتعال شوف اللِعِب المُو خمج. الصباح عجاج الحفلة بيكون مغتي عين الشمس. فرِد يوم ما سمعنالنا بي زول نقد العكام لا في صوتو، لا في صوت الشيالين لا في صوت الدلوكة، لا الشُتُومة، فـ... شنو؟؟؟، فتحسر...
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: معاوية المدير)
|
أيواااا يا وليد .. هنا لكن برضو خلّيك حريف وأنصف الشاعر الح يعمل الليلة بتاعتو دي ح يقول ياتو قصيدة؟؟ يعني لو القدّال عمل ليلة شعرية عشان يقول فيها المسدار ويقول فيها نحن أهل الفرحة جينا ولو حمّيد رحمة الله تغشاه عمل ليلة وقال اغاني مصطفى وعقد الجلاد فممكن برضو الشعر يكسب ..
انا مع كلام ابوذر تمااماً في إنو الحلقة الأقوى عموووماً هو الفنان .. ومعاكم في إنو لاشغلانة متكاملة بكل حال.. لكن كمان ما يدّو ناس الموسيقى الأساسية المطلقة وإنو بدون اللحن الشغلانة ما بتبقا..
| |
|
|
|
|
|
|
|