|
|
|
 Re: يا ملاسي علييك الله أشرح لي حمزة سليمان قال شنو؟؟ (Re: Elmosley)
|
Quote: أمين سليمان ..
سلمك الله من كل شر ..ورمضانك كريم ..
عارف ..بالجججد كنت عايز أجاوب ليك ليك بي كلام الجكس داك لأنو فععلاً بيعبر عن الإجابة ..
" أكيييد ما قاااصد " ... :)
طبعاً لأ .. ولأ شدييدة .. مع إني أترددت كمم مرة من إنو أرد ليك مباشرة ..لأنو السؤال في حد ذاتو كده الإجابة عليهو بتدي مساحة أكبر من الموضوع..
بس يا أمين إحساسك أبداً ما صاح .. ولااا أنا البتهمو الشهرة ..وما تشووف الفرفرة البعملا معاكم هنا دي..انا زول لااامي حاجاتو ولاااامي روحو ..تفتكر شهرة بعد العمر ده ممكن أسوووي بيها شنو؟؟
وأشتهر لي منو؟؟؟ ويشهرني منو؟؟ ولييي؟؟؟ وعشان ح أصل لي شنو ؟؟
بالججد بالغت معاي يا أمين ..
وصدقني ما كلام زعل بس حتتتى الناس اللي بتشوفني بستهدف فيهم ديل والله ووالله ما حصل فكرت في إنو بتعامل معاهم كمشاهير ..
يعني حمزة ده مثلا إختفى من خارطة الشهرة البتتكلم عنها دي قرابة العشرة سنوات وبقا زول أكتر من عادي وهو ما من النوعية اللي شهرتو بتمتد حتتى لو غاب عن الساحة فصدقني الاسة بيستفيد من الكلام ده حمزة زاااتو ما انا..
لو بتفتكر شروق ابو الناس من المشاهير فبرضو محتاج تراجع نفسك..
استاذنا الموصلي هرم كبيير ماف كلام وانا ما بستهدفو ورغما عن كده الموصلي برضو اختفى من الساحة لي ربع قرن فالشهرة إندثرت معاهو ..
أووعا تقول لي عاصم البنا ... أججججي ؟؟
أكيييد ما قاصد .. :) |
شكرا يا عمر على الرد الهادي، و اسمح لي - من وجهة نظري طبعا - اوريك المشكلة وين :
واضح انك زول بتفهم في قصة الغناء دي و عندك وجهات نظر الناس بتتفق و تختلف معاها، الاشكالية في طريقة نقدك و قسوتك الما مبررة مع البتختلف معاهم من ((الشخصيات الاعتبارية)) بحسب حبيبنا أساسي، خاصة و انك بالسليقة كدا زول ساخر جدا، المسألة دي ما بتخلي فرقة لاي نقاش صحي و بتخت ((الشخصيات الاعتبارية)) الأعضاء معانا هنا في حته ضيقة جدا : يردو ليك تواصل في سخريتك ... ما يردو ليك ولا ردهم ما يعجبك توصموهم بالفوقية و التعالي !!
بالنسبة للبوست ده، فموضوعو ذاتو عدم موضوع !!
شنو يعني زول إتصلو بيه و تلعثم ولا تمتم و كان معلي التلفزيون و باقي كلامك ده ؟!! ياخي ده بحصل في أرقى العائلات و بصورة يومية !
لو عندك كلام عن مداخلة الأستاذ حمزة سليمان، كان تنتقد قصة (( اللحن قبل الكلمات )) اللي هي ال bottom line بتاع رأيو لكن جنوحك للشخصي و السطحي في الموضوع ما بخلي الزول يحسن الظن في جدوي نقاشاتك ...
--------------
طلحة يا حبنا، سلام يا رجل و لعلك بخير
Quote: عايز أقول ليك اتا عارف انو عمر الفاروق الهنا دا هو مجرد مستمع أو متلقي عادي لديه اهتمام بالفن والموسيقي وما إلى ذلك ويطرح وجهة نظرو
وفق ذائقته واحساسه الخاص ولكنه ليس متخصصا ولم يدرس النقد لا عالمي ولا محلي ولا أقليمي وعليه عندما تخرج عليه
لتخاطبه من بلكونة المتخصص بمصطلحات مثل
Quote: التكوين اللحني والقالب اللحني
فدي فيها ريحة فوقية وتعالي وإرهاب فكري عديل كدا بما يمكن أن يحسب عليك وربما قاد لردود فعل لا تتمناها بالتأكيد .. |
اتفق معاك إنو ((عمر الفاروق الهنا دا هو مجرد مستمع أو متلقي عادي لديه اهتمام بالفن والموسيقي وما إلى ذلك )) لكن اختلف معاك في إنو رد الموصلي فيهو (( ريحة فوقية وتعالي وإرهاب فكري )) ... و كلامي الجاي ده ممكن تعممو على معظم بوستات عمر الفتحها ((للشخصيات الاعتبارية)) دي ...عمر هو البمارس الأرهاب الفكري لانو بجي ببل و بسخر من الناس دي و لمن يقولو ليه إنت بتعرف شنو في الموسيقى ولا يجيبو مصطلحات علمية لشرح وجهة نظرهم، تقولو دي (( فوقية وتعالي وإرهاب فكري)) !!
فيا طلحة ياخي عمر ده شكلو زول موهوب بالجد في حتة الغناء دي، من حقو ينتقد الفنانين و غناهم و أي شئ طالما كان النقاش في عضم شغلهم، لكن قصة فلان تلعثم و تمتم و كان رافع صوت التلفزيون دي - في تقديري - ما صاح ...و قسوتو و سخريتو الزايدة على من ينتقدهم برضو ما صاح ... و نقدو ده مفروض يتم بصورة تخلي في أرضية صالحة للنقاش عشان كلنا نستفيد !!
| |
  
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: اساسي)
|
أستاذنا حمزة سليمان ، السلام عليكم ورمضان كريم..
أول مداخلة في هذا البوست كانت مني، لأنني فعلاً لم أفهم الكثير مما جاء في كلامك، إنت كنت عايز تقول كلام
كتير في زمن قصير وقد كفاني أساسي مؤنة التفكير فيما تريد أن تقول وتوّصل، حينما ذكر إنو عندك آراء كتيرة
عن الموضوع وخزلك الزمن في إنك تقولها كلها فظهرت مداخلتك مبهمة..
مداخلتي لم تكن تريقة أو إقلال من شأنك ( حاشا لله ) ولكنها كانت استفهامية ، أو ممكن تكون إستغرابية،
فأنا كغيري أعرف من هو حمزة سليمان ، لذلك استغربت من مداخلتك غير المفهومة دي..
وعمر كذلك ، وهذا ليس دفاعاً عن ما قاله، فهو ما محتاج يدافعو عنو ولا يتكلموا نيابة عنو، ولو رجعت
لكلامو بتلقاه إنو محصور في عدم فهمو لمداخلتك، كشأننا جميعاً..
وممكن جداً تزعلك الطريقة الإتناول بيها عمر الموضوع، ممكن تكون مستفزة، مستهترة .... الخ ، وده حقك..
يا حمزة من حق أي مستمع أن يكون عندو رأي فيما يسمع، وما شرط أبداً إنو يكون متخصص !! معظم الغنا
الخالد والسمح ، وصل للمرحلة دي من خلال ملاحظات وآراء المستمعين العاديين ( الجربندية ) الزيّنا ديل..
طلبك للسيرة الذاتية بتاعت عمر كانت ممكن تكون مقبولة الى حد ما إذا كان عمر اتناول تجربتك الفنية..
وحتى لو حدث ذلك، فده معناهو يا عمر لو ما دارس نقد ما تجي تتكلم !!! وده غلط .. ومعناها برضو إنو نسمع ونسكت..
معقولة بس!! المفروض الفنان يأخذ بكل الآراء البتتقال ، سلبية أو ايجابية ويستفيد منها..
يا أستاذ حمزة إنت أصبحت شخصية عامة منذ أن أصبحت عضو في مجوعة عقد الجلاد ، وبالتالي أصبحت عرضة للنقد،
هسي لو المكالمة دي كانت من (المستمع أو المواطن) صلاح عبدالله ، هل كان عمر ح يفكر مجرد تفكير إنو يسأل
الزول المتصل ده قاصد شنو؟؟
طبعاً لا ، لأنو صلاح ده زول من عامة الناس، وما في زول عارفو ، ولا يهم ما يقول، بعكس حمزة سليمان الشخصية
الموسيقية الفنية المعروفة ..
قول لي واحد في السودان من محبي عقد الجلاد من بيحب وحافظ فارس الحوبة ، أو ما بينتظر دورك في أولاد المدارس !!
وعشان كده اتوقعنا إنو مداخلتك تكون أحسن مما كانت...
المهم إنو رأيك الكنا عايزين نعرفو في موضوع الحلقة عرفناه، وهو أن اللحن هو الأساس ، ودي متفقين معاك فيها،
مهما حاول الشعراء ومشايعيهم القول..
كتير جداً من الغنا السوداني ( الخالد) كلماتو ركيكة ، لكن الخلود جاهو من اللحن الجميل، لكن ما سمعنا أغنية
كلماتها جميلة وقوية ، ولحنها ضعيف عاشت أو خلُدت..
نعم هناك بعض الآراء المشاترة التي وردت في البوست ده، كانت ما صحيحة وخارج الموضوع، وأخدت منحى قد يكون شخصي،
وهي يمكن تجاوزها وعدم الرد علبها، وبعضها مكاواة وونسة بين الأخوان، ودي ( ملح ) البوست، ولا بد منها، ولو مافيشة ،
أنا شخصياً ما كنت عتبّت البوست ده..
وزي ما شايف الموضوع كلو محصور في عدم فهمنا لمداخلتك والتي كنا نتوقع أن تكون أفضل مما كانت ، ولا شئ غير ذلك،
عشان كده أرجو أن تأخذ الموضوع من ناحيتو الإيجابية ، وتترك الزبد، وصدقني (الونسة) دي ممكن كلنا نستفيد منها معاك ..
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: Salah Abdulla)
|
Quote: كان عندنا جارنا لطيييف جدا اسمو حسن جردل وهو عازف طبلة مع فنانين كبار
اها بيحكي مرة قام اتشوبر في عرس في قاعة الصداقة وعزف مع ود اللمين
اها الفاصل الاول كلللو شابك ليك ظررررك كرررر كرررك كوكوكو
اها قال اووول ما الفاصل انتهي ونحن قاعدين قام ابو اللمين كورك
يااا الفاتح حسيين .. حسن جردل ده اتعشى؟؟؟
الفاتح قال ليهو. ايووة يا استاذ
ابو اللمين قال. لي للفاتح :حاااسبووو حاسبووو:-):-)
اها يا حبيب ألبي انت اتعشيت؟؟ :) :):):) |
ماشي يا عم الحاج
أنا بعتبرك بستفتني وطقطقتني وما طالبك حساب
مداخلتي كانت لله والوطن
المهم إني وصلت الحاجة العايز أقولها بالضبط .
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حبيب نورة)
|
لاتحزن ياحبيب نورة
الشلة دي اصلا نظامهم كده, يمسكو الزول يبستفوهو ويطقطقوهو ويغلبوهو عشرة صفر!!
شفاتة ومفتحين من امدرمان، اولاد قلبا
يناقشوك في الموسيقى, لو جبت ليهم سيرة المصطلحات الموسيقية يقولو ليك ماتطنقع علينا!!
طيب يناقشوكم في الموسيقى كيف من غير مصطلحات موسيقية يا اولاد قلبا ؟!
| |
|
|
|
|
|
|
|
|
 Re: يا ملاسي علييك الله أشرح لي حمزة سليمان قال شنو؟؟ (Re: Salah Abdulla)
|
Quote: لاتحزن ياحبيب نورة
الشلة دي اصلا نظامهم كده, يمسكو الزول يبستفوهو ويطقطقوهو ويغلبوهو عشرة صفر!!
شفاتة ومفتحين من امدرمان، اولاد قلبا
يناقشوك في الموسيقى, لو جبت ليهم سيرة المصطلحات الموسيقية يقولو ليك ماتطنقع علينا!!
طيب يناقشوكم في الموسيقى كيف من غير مصطلحات موسيقية يا اولاد قلبا ؟! |
إقحام المصطلحات الموسيقية في نقاش مع أولا قلبا أمر غير مبرر
يا صديقي تاني الواحد يشتغل بي تكتيك الجناح ودّيهو الجير ويسوق الكورة لغاية خط ستة ويعمل كسرة يا أبو علي
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: محمد حيدر المشرف)
|
| Quote: شنو يعني زول إتصلو بيه و تلعثم ولا تمتم و كان معلي التلفزيون و باقي كلامك ده |
يا امين مالك عايز تزعلني منك واشيل منك حسن النوايا؟؟
ويين انا قلت تمتم ؟؟
انا قلت حمزة قال كلام جايط ..كلام ما مفهوم...عاس الابري بي الحلو مر..
تلعثم ما قلتها ..قلت غلط في أغنية وقالا غلط ولمن ما تماها قال في ما معناه المهههم ..
باقي كلامي اللي ما تميتها دي هي كلامي الاساسي..فما تتجنى علي ساي يا امين ..
التمتمة ما انا البسخر منها ..عيب تقول في حقي كده ..صاح في نظرك بتاع مشاكل لكن ما للدرجة دي يا امين ياخ ..
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: اساسي)
|
Quote: دخول المشرف للبوست ينذر بالرتابة والملل والمعط
اتمني انها تكون اخر مداخلة ليهو في البوست |
ويتساءل الناس عن هجرة الاقلام الجيدة عن هذا المنبر ؟!!
سيأتي اليوم الذي لا يكون في هذا المنبر الا أساسي والشله و ملاسي وهذه النوعية من البوستات ..
لا حبيب نوره لا حمزه سليمان ولا الموصلي ولا أميننا ولا أنا
والله صحي ؟!!
فتناكم بعافية ..
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: محمد حيدر المشرف)
|
ولا كان مصنف رقبتك اقلام جيدة ما عارف
طيب منو الاقلام الرتيبة البتقطر ملاا؟
بعدين انت قايل شنو!! الموصلي وحمزة اصلا ما كتاب عشان يكونوا جيدين ولا رتيبين ديل فنانين والعاوزهم شرايطهم مد الافاق
حبيب نورة دخل جابتر تو من حياته وبقت الكتابة ليهو مهنة تقريبا فالبشتاق ليهو بيلقي معروضاته في المكتبات دا غير انه متوفر في الفيس اكتر من روزنبيرغ او اين كان
يبقي ما فاضل الا انت وليك علينا نلحقك سفنجاتك في خشم الباب بس انت اتنفض واتفكفك
البقية الذكرتهم ديل هم العمود الفقري للبورد وهم كتابه المجودين والمجيدين
بورد بدون ملاسي والفاروغ واسئس والشفت وابتفة ووهبة ... الخ ما بورد زاتو
امين نوتة دا حقنا ما تتسلبط فيهو ساكت
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: Salah Abdulla)
|
الاخ صلاح عبد الله
رمضان كريم
اعادة لما كتبه سابقا فى هذه الصفحة
ـــــــــــــــــــــــــــــــــــــــــــ
انا مازلت على ان يكتب الاخ عمر سيرة ذاتية
اذا سألتنى ليه ؟
الجواب
اى نقد فنى لى اغنية ، لى فنان ، لى فنانه ، لى مقدم برامج ، لى برنامج ،
كان وراه عمر الفاروق
وحقيقى انا دايرو يعرفنى بى نفسو ربما كان موهوب فى النقد الفنى دة من زمان
وعشان ارد ليه من منطلق معرفته لا من منطلق انطاعيته تجاه الغنا ما ح اقول الثقافة،
وبعدين ما صادفنا نقد كتير جدا ايجابى وسلبى حصل قلنا لزول انتقدنا ورينا سيرتك الذاتية فى النقد شنو؟
لان عمر الفاروق طارح نفسو ناقد فنى وله رأى مكتوب فى سودانيز اون لاين من زمن.
اهتمامه بالنقد دة كان بعد او قبل سودانيز اون لاين ... سؤال؟
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: HAMZA SULIMAN)
|
كل عام و انتم بخير يا شباب
تحية خاصة للاستاذين الموصلي و حمزة
في وجهة نظري المتواضعة جدا انو حمزة لو ما قدم للوسط الفني غير لحن اغنية (كلم الزهرة) لكفاه
لو اخذنا كلمات اغنية سيرة الحب مثلا لأم كلثوم :
طول عمري بخاف من الحب وسيرة الحب وظلم الحب لكل أصحابه
وأعرف حكايات مليانة أهات ودموع وأنين
والعاشقين دابوا ما تابوا
طول عمري بقول لا أنا قد الشوق وليالي الشوق ولا قلبي قد عذابه عذابه
وقابلتك إنت لقيتك بتغير كل حياتي
معرفش ازاي حبيتك معرفش ازاي يا حياتي
من همسة حب لقيتني بحب لقتني بحب وأدوب في الحب أدوب في الحب وصبح وليل علي بابه
ماذا كانت ستعني هذه الكلمات بدون لحنها الخالد؟
و لو اخذنا موسيقي فلم الكاوبوي القديم The Good, The Bad and The Ugly
موسيقي فقط بدون كلمات نجدها قد اصبحت شعار لمعاني التحدي و ارتبطت بكل دلائل افلام الغرب الامريكي و ما زالت تستخدم حتي الان للتعبير عن تلك المعاني
و من وجهة اخري و عودة لام كلثوم فقد كانت حريصة ايضا علي اختيار كلمات تعبر عن مواقف و اراء معينة تاريخية و سياسية و قومية. و لكن حرصها الاكبر كان في اختيار ملحن قدير
يمكنة توصيل التعبير الحرفي عبر الموسيقي لاسباغ صيغة الخلود، فان الناس تدندن و الدندنه هي لحن.
الموضوع بالفعل كبير جدا و يحتاج لمساحة نقاش و لن يستطيع اي انسان ان يلخص راية في دقايق عبر برنامج علي الهواء. كل العذر لحمزة و لكن مداخلتة كانت موفقة جدا.
لكم جميعا كل الود
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: محمد حيدر المشرف)
|
شكرا جزيلا وحميما لكل المتداخلين
اعجبنى الحوار جدا
الاخ عمر
لا اعتقد انو الشفتنة هى المؤهل الحقيقى لكتاباتك ربما انت كتبتها إصطلاحا
ياخى انا طلبت انك تكتب عن نفسك ... ايعقل انك تستطيع تكتب عن الناس ولا تستطيع الكتابة عن نفسك
ياخى تكلم لا عرفك
وحتى الان فى انتظار كتاباتك عن نفسك ... بس اذا كنت بتكتب عن الناس بى شفتنه
رجاء اكتب عن نفسك ما بى شفتنه
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: HAMZA SULIMAN)
|
الاخ اسامه فضل الله والله اسعدتني جدا ..
ياخ انا كنت مستا من حكاية انو السودانيين ما شغالين بالعلم المبذول مجاني في النت ده
انا ذاتي دخلت الكورس بتاع الجتار
لكن غلبني اتمو لاسباب تتعلق بالعمل
المهم شوف معاك ده
https://www.edx.org/
ده كمان فيه المعلمين .. ناس هارفرد و MIT واكسفورد وباقي الافيال
لكن الصراحة لي الله .. الناس ديل قرايتهم عضم عديييييييييييييييل كده
لو ما فضيت روحك ما بتقدر
انا لي هسع غلبني اتم ليهم كورس واحد مع اني في كورسيرا وبالتوازي خلصت كورسات كتيرة
بعدين ماف داعي للشكر يا حبيبنا
ماف شكر بين الاخوان
الجيب واحد 
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: وليد محمد المبارك)
|
نموذجي يا ملاسي .. ولا تخيب توقعاتنا ابدا ..
رمضان كريم يا عزيزي وكل عام وانت بخير و ..
دوما نموذجي في استرخاصك الناس .. دونما مؤهلات .. دونما اسهام حقيقي .. دونما شيء على الاطلاق ..
وعلى فكره انا قريت قصه قصيره لك ..
الرجاء اعادة نشرها للناس هنا عشان تقارن بين محاولاتك الابداعية وبين انتاج الخواض الابداعي ..
ولانو ده المجال الانت بتسترخص فيهو الزول ده ..
Quote: غير صحيح .. فالخواض ترك الكتابة هنا لأن بوستاته تغوص سريعاً إذ لا أحد يعبأ به وبما
يكتب |
ده تحديدا البتكلم عنو يا شباب ..
والخواض مثال طرا على بالي ليس الا ..
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: Hussein Mallasi)
|
حسين ملاسي..
<فالخواض ترك الكتابة هنا لأن بوستاته تغوص سريعاً إذ لا أحد يعبأ به>
يالبؤس المعيار...
وهل السخف وطولة اللسان واسترخاص الآخرين..(وِفقاً ل د. المشرف)...سبب في جماهيرية الكاتب؟..
سؤال بالجمبة..عثمان محمد صالح ..كان من الأقلام المقرؤة...ألم يكن لك يد ..(مع آخرين)..في تركه للبورد..؟
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: usama Babiker)
|
شكرا يا ناذر الوحيد العجبتك النكتة..
إن شاء الله صاحبك عمر الفاروق ما يكون زعل فيها.. يقوم ينشبك فيني كمان..
هههه .
شكرا يا عمر الفاروق لإنزال الفيديو..ولإتاحة الفرصة لنا للإستمتاع بهذه الحلقة
على الأقل سمعت أغنية رائعة لشمت..
بعدين ملاسي ده لو قعد يعكلت ويعمل في حركاته دي يا مشرف نادوا ليه أحمد المرضي..
هههه.(الوشوش راحت وين إنتو؟)
تحياتي للعزيز يوسف الموصلي..
كل سنة وإنتو طيبين جميعا..
| |
|
|
|
|
|
|
|
|
 Re: يا ملاسي علييك الله أشرح لي حمزة سليمان قال شنو؟؟ (Re: usama Babiker)
|
Quote: يا حمد للدقة وكدا, ملاسي ما حيّدو حمزة بتثنيته على كلامو
ملاسي جا محايد من قولة تيت |
رمضان كريم يا محمد البشرى تقبل الله
حسين ملاسي ما جا محيد وعمر الفاروق ما ليه علم بحيادية ملاسي
طيب بعيدا عن لب الموضوع ومن ناحية تكتيك فقط
عمر الفاروق خشا المغامرة معتمد على سرعة حسين ملاسي وحبه لبوستات خد وهات دي يعني معتمد عليه كسلاح جو لحسم المعركة وبيني وبينك حسين ملاسي لو سخى لعمر الفاروق كان بجهجو حمزة شوية
لكن حسين ملاسي عارف خطورة حمزة ( لأنو نبه عمر وقال ليهو حمزة ما عاصم البنا) وما حب يدخل نفسوا في حتة ضيقة وقال سيبك بلا فاروق، مية نطة ولا بعبوص واحد وأهو حصل ما حصل من ملاسي من خذلان مبين
يا عمر الفاروق
شايف البوست دا فيهو قسم كمبيوتر
في كلام واقف لي في حلقي وبناقش فيهو كتير مع ناس تانيين وهو
إنو السودانيين ما ممكن تلقى فيهم زول بجضم الكمبيوتر دا للآخر (زي الهنود مثلا)
يعني عادي ممكن تجيب سوداني كمهندس كمبيوتر وتخت ليهو أمريكان وهنود وصينيين يحاضر فيهم نظريا لحدي ما يآمنوا
لكن لو مشى التطبيقات والشبكات تلقاهو احيانا بيض ساي وكلامي دا لأنو في اعتقادي الكمبيوتر عايز زول صبور جدا ومبدع جدا ودرجة توقعاته وخيالو عالية جدا
ودي نحن السودانيين ما عندنا متوفرة
الكلام دا ثبتو لي واحد سوداني جيبناه قبل كم يوم لأجهزة المكتب توصيلها في شبكة مع الطابعات والاسكانرز ومراجعة عمل الأجهزة ياخ دا لخاها لينا لخة خليها في سرك
انا طبعا بقول ليك كلامي وأنا زول دركسون ساي في الكمبيوتر دا ما بفهم فيهو أي شيء
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حمد عبد الغفار عمر)
|
جدّي لأمي الشيخ صديق أحمد العجب إمام وخطيب جامع الخليفة ومصحح راتب الإمام المهدي مع والده الشيخ أحمد عليهما الرحمة رأى رؤية مفادها أن جاءه في المنام رجل صبوح الوجه بهي الطلعة يلبس ثوب أبيض وعمامة بيضاء فقال له ستضع إبنتك مولوداً ذكراً ..هذا المولود عليكم أن تسموهو عمر بن الخطاب..
والدي شيخ الدين محمد أحمد الهادي حكى لوالدتي ليلة المخاض أن جاءه في المنام رجل بهي الطلعة صبوح الوجه يلبس جلباب أبيض ةذكر له بأنه سيستقبل مولوداً ذكراً عليه أن يسميه عمر الفاروق..
حسب روايات أمي كانت صرخة ميلادي يوم الخميس مع صلاة الفجر تماااماً ويومها كانت السماء تمطر (حكمة الله نسوان السودان كلللهن يقولن ليك بيلدن بالليل والمطرة صااابة..أصصصلو ما شوفت لي مرا بتلد بالنهار)....تحكي لي الوالدة متعها الله بالصحة والعافية ما أن أطلقت الصرخة الأولى وخرجت للدنيا إلا وأن ذهبت خالتي لتبشر جدّي بالخبر ووقتها كانت قد لفحت الكلام فقالت لجدي أن قد أنجبت أمي مولودة ..
كانت أوول كلمة قالها جدي (حسب رواية خالتي) أن قال أسموووها عمرية بت الخطاب ( هي لكن مااا بالغت يا جدي؟؟ أسة كان أكون بكتب في البورد بي إسم عمرية؟؟) جاءت الأخبار وتصححت المعلومة لجدي بأنّ المولود ذكر فقال هو عمر بن الخطاب.. وقتها كان والدي متعه الله بالصحة والعافية قد قرر تسميتي عمر الفاروق وعندما تعارضت التسميات حاول والدي أن يبرر التسمية بأن حكي ل جدي سر التسمية وقصة الرجل الذي جاءه في المنام ..وهنا كانت المفاجأة عندما تطابقت الروايات ووصف الشخصية بين والدي وجدي..
وهنا قال جدي أن الأولوية في التسمية لوالدي فكان أن سمّيت عمر الفاروق..
هذا فيما يختص بالميلاد والتسمية .. والرواية حقيقية بدون شفتنة
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
حمد يا حبوب..
تربطني علاقة حقيقية وإسفيرية بحسين ملاسي من زمن طويييل ويكفي إنو هذا الحسين كان أوووول بني ادم مهنئاً بزواجي قبااال ناس البيت والناس القاعدين في الحفلة ..تخييل زول يلاقيك في الاشارة يدق ليك باب القزاز يبارك ليك إنت وزوجتك ويادوووب ماشين على الحفلة :):)
بالرغم من الععرفة طويلة الأمد دي إلا إنو ما حصل انا وملاسي جاملنا بعض وعااادي حسين ممكن يرشك في أي ملف طالما شاف إنو دي وجهة نظرو ..يعني مااا عندو لخبطة الكيمان دي ..
نفس الشي بيتمتع بيهو حبيبنا أساسي ..ونفففس الهو زاااتو عند وليد الشفت فعشان كده يا حبوب ما يصفوهو الجماعة إياهم من إنو تكتل شلليات ما هو إلا في الحقيقة تشابه سلوكيات بتاعت ناس ما بتحب الغتغتة وما بتلخبط الحاجات وما بتجامل .. (أساسي ما تجي ترشني انا في اللحظة دي جادي )..
أها يا حبوب إختياري لي ملاسي تحديييداً لأنو ملاسي من أكتر المعجبين بل المعتقدين في حمزة سليمان ويكفي ملاسي إنو ذات بوست وصف حمزة بأنه أفضل مغني أنجبته حواء السودانية وإستدل بشريط كاسيت وكم أغنية كده ..يومها انا لمممن شكيت في إنو ملاسي ده يا ربي يكون تعاطى فعقر؟؟؟
لملاسي اراء إيجابية جدا جدا في حمزة سليمان فيما يتعلق بفنه وحديثه والحانه و و .. أها إختياري لي ملاسي وعنونة البوست بهذه الصيغة مفادها تعال يا ملاسي شوف زووولك عاس الابري بي الحلو مر..
وكنت متوقع و مليون في المية ملاسي ح يجي يرشني والغريبة أسة ملاسي حنييين علي حالتو :) فملاسي رجل يقاتل من أجل قناعاته حتى لو كان المواجهة ضد عمك ملاسي الكبيير ابو شنبات داك زاااتو .
فااا شنو يا حبوب ..قصة الحيادة دي اطمممن اخوك واقعة ليهو ...
نرجع لي موضوع الكمبيوتر .. طبعاً وما قصص فكّة وخارفية ووهمات سودانيين لكن انا زاملت لي ناس من جامعة السودان كانوا عبااااقرة كمبيوتر وشوااااذ بي صورة مخيييفة .. في زول إسمو معتز عبد العظيم الشهير بي عزوز ..ده واحد من أفضل مبرمجين العالم وبشهادة مبرمجين عامليين من خلال مواقع عالمية وانا بعرفو كوووويييس الزول ده وربما أيي زول في مجال الكمبيوتر بيكون بيعرفو .. عزوز ده وشوف عييين محّن اليابنيين والكوريين يوم ما كان بيشتغل في سوداتل ..ودي قصص بحكيها ليك ذات لقاء..
في زول إسمو أنس مدني وممكن أي زول من العيلفون في البورد ده يكون بيعرف الإسم ده .. أنس مدني ده حيير الألمان وانا حضور وشهود على حلّه لي مشكلة متعلقة بي كبانيات في سوداتل بكتابة برنامج بلغة الدلفي كانت قد وضعت لها ميزانية من الشركة الألمانية مبلغ وقدره ما بين ال500 الف دولار لي مليون .. حلّاها أنس ده بي مرتب شهري لا يتجاوز ال 500 دولار وقتها اااي خمسمية دولار سااااي كده..
في زول إسمو بكري خالد من أولاد أمدوم وياريت برررضو اولاد امدوم الهنا يحضرونا.. هذ البكري خالد أشفت شفوووت الكمبييوتر ...اذا ده زمااااان كان عامل ليهو لغة برمجة حقتو براااو ..لغة برمجة عديييل كده زيها زي الفيجوال بيسك والباسكال والجافا ..
الاسامي دي كلللها حقيقية يا حمد وأمشي سوداتل اسأل منها ومن مجهوداتها ..لاحظ ديل الانا بعرفهم بس..تعال شوف في كم زول قاري في جامعة تانية بيكون بيعرف ليهو زول زي الجماعة ديل..
يلا لكن أديك الميزة الميزت الناس ديل وفشلنا فيها نحن وغيرنا ..
الشباب ديل عملوا زيييي ما بيعملوا الهنود القلتهم إنت ديل..حددوا هدفهم..وركزوا في شغلة وااااحدة بس ..مااا اتشععبو واتشتتتحو في اييي شي في الكمبيوتر..
مسكوا لغة برمجة واااحدة وجهجهووووها ليك ..
نحن يا حمد هباشيين ..عايزين نعرف شبكات وبرمجة ودلفي وبيسك وجافا ولينيكس وويندوز و و و و و و ..وده بيشتت جهودنا..
الهنود الزول بيمسك فيهم شغلة واااحدة وبيركز فيها..
ياخ انا أديك مبالغة ؟؟ كان معانا واحد هندي في الشغل خبييير في سيستم بنكي ضخم.. الزول ده فاجأني ليك بي سؤال غريب جداً ..تصدق كان عايز يكبر الخط في الوورد ؟؟؟؟؟؟
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
| Quote: الزول ده فاجأني ليك بي سؤال غريب جداً ..تصدق كان عايز يكبر الخط في الوورد ؟؟ |
هههههههههههههههههههههههههههههه
بصدقك ، واحكي ليك حاجة قريبة من الموضوع
انا في ابوظبي في قسم الشئون القانونية بشرطة ابوظبي
معانا لواء شرطة معاش مصري الجنسية وانا نقيب شرطة معاش
شوف الفرق في الرتب كيف ؟ هل تصدق انو الزول ده من ملازم لحدي لواء في ادارة شرطة واااحدة
وانا من ملازم لحدي نقيب اشتغلت في تلاتة او اربعة ادارات شرطة مختلفة !!!!!!!!
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
( جدّي لأمي الشيخ صديق أحمد العجب إمام وخطيب جامع الخليفة ومصحح راتب الإمام المهدي مع والده الشيخ أحمد عليهما الرحمة رأى رؤية مفادها أن جاءه في المنام رجل صبوح الوجه بهي الطلعة يلبس ثوب أبيض وعمامة بيضاء فقال له ستضع إبنتك مولوداً ذكراً ..هذا المولود عليكم أن تسموهو عمر بن الخطاب..
والدي شيخ الدين محمد أحمد الهادي حكى لوالدتي ليلة المخاض أن جاءه في المنام رجل بهي الطلعة صبوح الوجه يلبس جلباب أبيض ةذكر له بأنه سيستقبل مولوداً ذكراً عليه أن يسميه عمر الفاروق..
حسب روايات أمي كانت صرخة ميلادي يوم الخميس مع صلاة الفجر تماااماً ويومها كانت السماء تمطر (حكمة الله نسوان السودان كلللهن يقولن ليك بيلدن بالليل والمطرة صااابة..أصصصلو ما شوفت لي مرا بتلد بالنهار)....تحكي لي الوالدة متعها الله بالصحة والعافية ما أن أطلقت الصرخة الأولى وخرجت للدنيا إلا وأن ذهبت خالتي لتبشر جدّي بالخبر ووقتها كانت قد لفحت الكلام فقالت لجدي أن قد أنجبت أمي مولودة ..
كانت أوول كلمة قالها جدي (حسب رواية خالتي) أن قال أسموووها عمرية بت الخطاب ( هي لكن مااا بالغت يا جدي؟؟ أسة كان أكون بكتب في البورد بي إسم عمرية؟؟) جاءت الأخبار وتصححت المعلومة لجدي بأنّ المولود ذكر فقال هو عمر بن الخطاب.. وقتها كان والدي متعه الله بالصحة والعافية قد قرر تسميتي عمر الفاروق وعندما تعارضت التسميات حاول والدي أن يبرر التسمية بأن حكي ل جدي سر التسمية وقصة الرجل الذي جاءه في المنام ..وهنا كانت المفاجأة عندما تطابقت الروايات ووصف الشخصية بين والدي وجدي..
وهنا قال جدي أن الأولوية في التسمية لوالدي فكان أن سمّيت عمر الفاروق..
هذا فيما يختص بالميلاد والتسمية .. والرواية حقيقية بدون شفتنة )
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وهـــــــــــــــــــــــــــــــــــــــــــــــــذا لا يهمـــــــــــــــــنى
ما أقصده هو مسيرتك فى النقد الفنى ما قبل وبعد سودانيز اون لاين فقط .
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: HAMZA SULIMAN)
|
| Quote: الزول ده فاجأني ليك بي سؤال غريب جداً ..تصدق كان عايز يكبر الخط في الوورد ؟؟ |
اها و كبرت ليه ؟
اتنين من لعيبة الموردة مرة بحكو عن المواقف الطريفة
واحد قال يوم عايز يوري زميله صورة في الموبايل, و التاني زول اربعة في موضوع التلفونات ده
اها سيد التلفون فتح الصورة و قال ليه عاين, التاني الصورة كانت ما واضحة ليه, سأل سيد التلفون : ما واضحة ياخ !!
سيد التلفون رد ليه: كبر كبر بس
التاني رد عليه بصورة جاده: الله اكبر الله اكبر
فهسي يا ابوعمير اوعى تكون كبرت :)
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
يا حسبو انا هللّت عديييل ..
ياخ ما صدقت جاتني فرصة أثبت للزول ده إني بتاع كمبيوتر زيي زييو وطبعاً عملت ليك من تكبيرة الخط دي قصة ..تمشي لي المين مينيو وتفتح وين وتقفل وتاني تديها جرة نفففس طويييلة كده وترجع لي ورا تعاااين للشاشة كده وتجي تاني تمسك الماوس و و و
يا زووول انت قايل تكبير الخط ده سااااي كده ؟؟ :)
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
والله يا جنابو القصة دي معيارها صعب خلاص.. لا تقدر تقول تراكم الخبرات لا تقدر تسميها خبرة سنة مكررة .. وما بتعرف الأحسن ياتو ..مرات التنقل الكتييير ده بيوسع المدارك ومرات بيجهجه ..
باقي لي في تجربتكم إنو والله أعلم إنو إنت أستفدت أكتر من اللواء ده .. ولا شنو ؟؟
يا ريت تشرح..
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
الرائع عمر ..
.
بصراحة شكلك جبــــان وانت بتلف وتدور ..يجوك بهنا تنط بجاي ..يقولوا ليك اهبش راسك تقول أنا ودقلبا ..يقولوا ليك ما تقلب الهويا تقول جدي حلم بي ..أجي
هسة أنت سبت حلقة كاملة ومسكت في دقائق بعد مرور 58 دقيقة .. ؟..كلام حمزة سليمان ما كان مفهوم ..ما قدر يعبر عن نفسه، ما عجبك كلامو .مافهمتو ـفرضاـ أها وبعدين ..هل بتفتكر والبوست ده وصل ال8 صفحات ..عبرت عن نفسك ..ولا الناس فهموك عايز تقول شنو ؟ ..وفي الأخر قلبت سفنجاتك وقعدتا فوقهم ..وعاملة فيها بتتجاهل في حمزة سليمان ..وقت أنت ما شغال بيهو ..مالك مركككككز مع مداخلة صغيرونة ومقوم نفسنا ..
كورتك فكت يا كابتن كابو ..
"بت قلبا "
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: داليا حافظ)
|
والله يا بت قلبا انا زااااتي مهجوم في ال 8 صفحات دي .. والكلام ده قلتو لي زول معاااي ومعاكم هنا ونحن بنلعب في الباي إستيشن ..
قلت ليهو انا كتبت لي كلام مفروض ما ياخد أكتر من 9 مداخلات فيهم أربعة مني وواحدة من ملاسي والأربعة التانيات اراء مختلفة ..
بالنسبة لي موضوع النطيط ( يا قول زميلة زوجتي) ..فانا مااا نططت ..كلامي واضح ومفهوووم .. مكالمة مخرمجة من زول ضربو ليهو يعين في الموضوع فبقت عليهو جيتك يا عبد المعين تعيين لقيتك يا عبد المعين عايز تتعان ..
ما إتجاهلت حمزة وأهو شايفاني برد عليهو يعني عااادي زيو زي باقي الناس ..ولا إنتي في مخيلتك إنو قصة ما قبل وما بعد سودانيز دي فرض عيين لو ما رديتا أكون إتجاهلتو ..؟؟
موضوعي ما كانت الحلقة وما أظن مش؟؟ موضوع الحلقة ده جابوهو الناس بعد داك .. انا همتني النقطة دي ولفتت نظري ..باقي الحاجات الفي الحلقة ما كانت ملفتة ..كلام مكرر ونقاش أزلي قديم .. مع إنو لفتت نظري مداخلة وإن كانت أقل مشاترة من الفنان جاويش وبرضو ومع إحترامي ليهو لكن هرطق ليهو بي كلام كده برررضو ما مرتب وجاااط الحاجات والغريبة كنت ح أشير للحتة دي بعد ننتهي من موضوع حمزة ده ..
يا داليا انا من الساعتين ديل همتني المكالمة دي وين المشكلة ؟؟ في ناس فييي البوست ده من الساعتين ديل همتهم اغنيتين لي شمت ويين المشكلة ؟؟ في ناس من الحلقة كلللها طلعو بي قصيدة أزهري محمد علي ..وييين المشكلة ؟؟
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
..
Quote: هسة أنت سبت حلقة كاملة ومسكت في دقائق بعد مرور 58 دقيقة .. ؟.
|
الإجابة نعم.. والصحيح بعد الدقيقة 56 و 32 ثانية تقريباً..
| Quote: كلام حمزة سليمان ما كان مفهوم ..ما قدر يعبر عن نفسه، ما عجبك كلامو .مافهمتو ـفرضاـ أها وبعدين . |
ولا قبلين .. بس..
زييها زي تحضر ليك برنامج كااامل مع زول يقوم في نص الكلام يذل لسانو بي كلمة يا عـــب أو يا خادم مثلاً وتقوم الناس كلللها تسيب البرنامج وتكنكش في الكلمة دي..
أو زي ما إنتو كنكشتو قبل كده في كلام برلماني قال كلام كتيييير من ضمنه عدم ختان البت شي مقرف ..
عاد يا داليا يا بت قلبا كمان عايزاني أكتب بي مزاجك ..؟؟ ولا بي مزاج الناس؟؟؟ إتلووومتي يا اختي ..أنا أشوف الحتة اللي لفتت نظري وأجي أكتب عنها ..بعد داك تصنفوني سطحي ما سطحي اي دونت كييير بي رايكم والله ..
Quote: هل بتفتكر والبوست ده وصل ال8 صفحات ..عبرت عن نفسك ..ولا الناس فهموك عايز تقول شنو ؟
|
Yeeeep يا قول المتخوجنين ..
وبالعربي نعععم فهموني ومن أوووول مداخلة ..لأنو كلامي كان واااضح ..بعد داك البوست أخد منحى تاني فو الله دي أبداً ما مشكلتي وهي ما جديدة على سودانيز ..الفكرة بتتضح وبعد داك بتخش مواضيع جانبية وفي بعض الاحيان بعد الموضوع الاساسي يتحسم الناس بتنساهو وتتونس في حاجة تانية فوين المشكلة انا ما فاهم؟؟
عموما لو فكرتي ما وضحت ليك مع إنو إنتي فوق براااك وضحتيها في أول إقتباس ختيتو ليك فوق لكن ما مشكلة أعيدو ليك تحت
| Quote: كلام حمزة سليمان ما كان مفهوم ..ما قدر يعبر عن نفسه، ما عجبك كلامو .مافهمتو ـفرضاـ . |
فرضاً دي عجبتني ..طيب ما أهو إنتي فاااهمة ...فرضا ماف ليها داعي..وصدقيني كل المتداخلين اذكياء زييك وفهموها كده وبدون فرضاً دي..
ما تغرك ال 8 صفحات دي ..الباقي ده ونسة وبنضييع بيهو باقي الوقت في نهار وليل رمضان فلو ما عايزة تضييعي زمنك فما بنصحك تواصلي هنا فالموضوع اصبح بالنسبة لي محض تسلية من بعد الصفحة التانية ..خصوصا وانو فكرتي وضحت..
اها انتي برضو عايزة سيرتي الذاتية ما قبل وبعد سودانيز يا بت قلبا؟؟
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
حمزة..
Quote: ياخى انا طلبت انك تكتب عن نفسك ... ايعقل انك تستطيع تكتب عن الناس ولا تستطيع الكتابة عن نفسك
ياخى تكلم لا عرفك
وحتى الان فى انتظار كتاباتك عن نفسك ... بس اذا كنت بتكتب عن الناس بى شفتنه
رجاء اكتب عن نفسك ما بى شفتنه |
Quote: وهـــــــــــــــــــــــــــــــــــــــــــــــــذا لا يهمـــــــــــــــــنى
ما أقصده هو مسيرتك فى النقد الفنى ما قبل وبعد سودانيز اون لاين فقط . |
كدي أديني مثال عني مثلا أكتب كيف..عفيتك من تكتب لينا بي مثال عنك قبل وبعد عقد الجلاد ..لأنو عارفك ما لقيت شي تكتبو فربما يبدو أن تجربة نمارق للفنون ليست ذات أثر ومن بعدها تجربة الغناء المنفرد في حفل سودانير ليس ذا فائدة ..
وسامحني يا عابدين شرف..وأعفي لي يا محطة سنادة ..
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
| Quote: لساعتين ديل همتني المكالمة دي وين المشكلة ؟؟ في ناس فييي البوست ده من الساعتين ديل همتهم اغنيتين لي شمت ويين المشكلة ؟؟ في ناس من الحلقة كلللها طلعو بي قصيدة أزهري محمد علي ..وييين المشكلة ؟؟ |
مافي مشكلة, انا مثلا من التمانية صفحات دي طلعت باني عرفت اخيرا معنى "غرودة" العيون ههههههههههه
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
كتب الموصلي :
Quote: طيب ياعمر اوريك علاقتي بالكوره عمليا
1- لعبت في فريق العزيمة الرياضي بالخرطوم غرب "وكنت ضمن منتخب الرابطة"
2- لعبت في فريق المقرن " النجوم"
3. لعبت في فريق النيران رابطة بالسجانة
4. لعبت في منتخب رابطة الديم غرب
5. لعبت في فريق الطليعة ليق الخرطوم
خانتي التخصصية "ديب سنتر فور ورد" |
سلام يا استاذ رمضان كريم
زكرتني ايام .. كنا بنتفرج على رابطة السجانة
فريق حلتنا كان الوادي
الكلام ده 1979/1980/1981 تقريبا ....
النيران والوادى كانت بينهم منافسه شديده على ما اذكر
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: محمد البشرى الخضر)
|
حظظظك يا ود البشرى طلعت ليك بي معلومة وعرفت معنى كلمة ..
عارف انا من زماااان في كلمة بستخدما وما عارف معناها ..أييي زول اسألوا منها يقعد يقول لي هي يعني معناها اقووول ليك كيف..شايف يعني زي ال شنو كده وال يعني حاااجة كده ووو ..اللهم زيي مكالمة حمزة دي مااا بتفهم ليها شي..
الكلمة هي مضمحل ..
مضمحل يعني شنو ؟؟
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
| Quote: ويكفي ملاسي إنو ذات بوست وصف حمزة بأنه أفضل مغني أنجبته حواء السودانية وإستدل بشريط كاسيت وكم أغنية كده .. |
بالله ملاسي قال كدا؟ والله كان كدا احترمك كتير وكان حنين فعلا معاك
لا أنا كنت عارض بره الدلوكة كان كدا
بالنسبة لموضوع الكمبيوتر
يا عمر معقول السودان دا كلو فيهو 3 أو 4 القلت عليهم ديل؟ أنا تاني بخت عليهم قول 20
معقول مع الأهمية الكبيرة للكمبيوتر يكون عندنا بس العدد القليل دا من الناس المهرة؟
انا ما قلت ليك؟ نحن بتاعين مرايس ساي
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حمد عبد الغفار عمر)
|
حقيقى ما شفت اشتراطك اى بان اكتب مساهاماتى قبل عقد الجلاد حقيقى ما شفت الجملة دى
لكن عموما
باختصار
قبل عقد الجلاد
ايام الثانوى كنت بقيم حفلات اعراس واقمت حفلات كثيرة جدا وهذا فى الفترة من 1985
فى الفترة من 1985 وحت عام 1986 تم قبولنا فى معهد الموسيقى والمسرح لكن امتدد قبولنا للعام البعدة
نسبة لمشاكل كانت فى المعهد تخص المقر وفى هذه الفترة قمت بغناء فردى مثلا
المقدمة الغنائية لمسلسل بيوت من نار
المقدمة الغنائية لمسلسل ضحايا المدينة
غنيت فى برامج تلفزيونية مثل برنامج حمدى بولاد ( لا اذكر إسم البرنامج)
اجازة الصوت كانت فى 1987
برنامج غنائى اذاعى مع د. عوض ابراهيم عوض ووقتها لم يكن دكتور.
وفى العام 1987، كانت هناك فرقة إسمها الشروق فى معهد الموسيقى غنت بعض اعمال الملحن بابكر سليمان
المؤلف الموسيقى لنمارق ( وهناك تاريخ طويل سأذكرة لك لاحقا).
فى نفس العام عضو فى منظمة نمارق للاداب والفنون وكان اول تسجيل للتلفزيون.
من العام 1988 ، مغنى بمفردى وحتى عام 1989
(وهنا مشاركات كثيرة سأذكرها لاحقا)
انضمامى لمجموعة عقد الجلاد فى العام 1989 - 1990
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ولا أمانع من ان اكتب لك اى شى يطرأ بخاطرك تجاهى
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حمد عبد الغفار عمر)
|
حقيقى ما شفت اشتراطك اى بان اكتب مساهاماتى قبل عقد الجلاد حقيقى ما شفت الجملة دى
لكن عموما
باختصار
قبل عقد الجلاد
ايام الثانوى كنت بقيم حفلات اعراس واقمت حفلات كثيرة جدا وهذا فى الفترة من 1985
فى الفترة من 1985 وحت عام 1986 تم قبولنا فى معهد الموسيقى والمسرح لكن امتدد قبولنا للعام البعدة
نسبة لمشاكل كانت فى المعهد تخص المقر وفى هذه الفترة قمت بغناء فردى مثلا
المقدمة الغنائية لمسلسل بيوت من نار
المقدمة الغنائية لمسلسل ضحايا المدينة
غنيت فى برامج تلفزيونية مثل برنامج حمدى بولاد ( لا اذكر إسم البرنامج)
اجازة الصوت كانت فى 1987
برنامج غنائى اذاعى مع د. عوض ابراهيم عوض ووقتها لم يكن دكتور.
وفى العام 1987، كانت هناك فرقة إسمها الشروق فى معهد الموسيقى غنت بعض اعمال الملحن بابكر سليمان
المؤلف الموسيقى لنمارق ( وهناك تاريخ طويل سأذكرة لك لاحقا).
فى نفس العام عضو فى منظمة نمارق للاداب والفنون وكان اول تسجيل للتلفزيون.
من العام 1988 ، مغنى بمفردى وحتى عام 1989
(وهنا مشاركات كثيرة سأذكرها لاحقا)
انضمامى لمجموعة عقد الجلاد فى العام 1989 - 1990
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ولا أمانع من ان اكتب لك اى شى يطرأ بخاطرك تجاهى
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حيدر حسن ميرغني)
|
بالجد والله يا حمزة ما عارفك جااادي ولا لأ في قصة سيرتك الذاتية دي أو فعلاً إختصرتها شدييييييد يا كمان لاحقاً دي بتكون ملللبد ليك فيها حاجات..
ما تاخد كلامي ده تريقة والله أبددداً بس السيرة الذاتية اللي عرضتها دي سيرة ذاتية عادية وما بتخليك تشترط علي مواصلة الحوار بناء علي ما سأورده من سيرتي الذاتية ..ربما فعلاً سيرتك الذاتية إزدهرت وزادت قووتها بعد الإنضمام لي عقد الجلاد وده يحسب ليك ماااف شك ...
صدقني سيرتي الذاتية ما بتختلف عن ما أورده إنت هنا كتيير بإستثناء قصة الغناء في المسلسلات ودراسة المعهد ..
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: Salah Abdulla)
|
يا حمزة ..
انا واعوذ بالله من كلمة انا اللي ح تتكرر كتييير طالما بوصف ليك في روحي وسيرتها الذاتية ..زول إتفطم بي الغنا ..من هو صغيير قام لقا روحو في بيت يعج بالطرب والمرح ..بيت تتلمذ وتعلم فيهو الكتيير من الفنانين الحاليين الغناء.. قمت لقيت إتحاد غناء الفن الشعبي ده كلللو قاعد في بيتنا ..
قمت لقيت أييي فنان جاي جديد بيجيبوهو صالون بيتنا ده بيفرشو ليهو سرير في الصالون البرة وكان ما أدوهو دولاب بيقعد بي شنطتو لحدي ما يتعلم الغنا ويبقا مارق..
قييل والعهدة على الرواة إنو في زواج أمي الله يديها العافية إنو الحفلات إستمرت 40 يوم بلياليها غناء متواصل .. انا ما عارف جدي ما صدق إنو يتخارج من الزولة دي ولا فهمو كان شنو :):):)..
قمت لقيت البيت الكبير مليان بي الالات الموسيقية بيز جيتار والات شعبية بنقز وطبلة ورق..
بديت الغنا فييي عضمو كده وانا في الصف التاني متوسط وإشتركت في الدورة المدرسية وحققت الكاس بتاع الدورة المدرسية ولاية الخرطوم لدورتين متتاليتين ..ولاكلام ده قلتو قبل كده..كان عندنا فرقة ونحن في المتوسطة مجموعة طلاب أشرف علينا الأستاذ معتز السماني متعه الله بالصحة والعافية أينما كان ..إسمها فرقة الليل الهادئ..
طبلة بيدقها ولد إسمو أسعد كان في سنة أولى ..بونقز بيضربو ولد خطييير إسمو هااني كان أقصر من حبل الكضب..أكورديون بيعزفو ولد إسمو هشام .. وبنستعين بي أورغ من برة..وكان بنغني نحن تلاتة انا السيينير ومعاي إتنين إسمهم منجي وأسعد ..ما عارفهم أسة وين ..
انا كنت المغني الأساسي وغنيت الحفلات الختامية في مسرح قصر الشباب والأطفال ..ويومها كانوا بيخلوني لحن الختام كاخر عمل ..والله يا حمزة انا ما عارف صوتي كان سمح ولا شين لكن المهم بيقولو كان غنانا سمح ..والغريبة كنا بنجيب للمدرسة دخل ..وبقت المدرسة تستخدمنا في إقامة حفلات في مدارس البنات الثانوية ..ومشينا وأحيينا كممم حفلة بي عدااداتها وكانت بتتصرف في المدرسة وحاجيات الفرقة..
كنت معروف في أوساط المدارس الحولنا إني أحسن زول بيغني لي شرحبيل أحمد وسيد خليفة ..كنت مهووس بيهم الوقت داك ..
النصيييحة انا الغنا ما كان اهتماماتي ..والحق يقال انا كنت زول لعاااب جداً جداً ودي بقولا ليك بكل قناعة ..زول حريييف رسسسسمي في الكورة دي ..وده الخلاني أوقف قصة الغنا دي .. اللهم إلا من غنا الرحلات لمن يكون عندنا كورة بغني في البص أو الحافلة ..
في الحلة كنت زييك كده مرة مرة بيفكو بي الحيرة ..وكنت أحسسسن زول بيعمل فعدات ما قبل العرس ..يا جابو دلوكة يا جابو باقة يا جابو طبلة ونقعد كررر كررر نغني ليهم ونبهجهم ..
غنيت بي فرقة موسيقية في حفلات اعراس مرتين بس وبرضو في الحلة ..والوقت داك كنت بديت أتقلبن على محمود فكانوا الشباب بيطلبو مني فرمالتين بيغنيهم محمود بطلع أغنيهم وببقا نازل ..
بالمناسبة أتشوبرت مع صديقي عثمان محي الدين وسجلت معاهو مقطع في شريطو بتاع تغني الكمنجة هو وصاحب الصوت الشجي مبيوع .. قلنا فيهو مقطع واااحد بس بتاع ندمااان اناااا أبدا وحاتك .. ولحدددي أسة ما عارف صوتي طلع كيف؟؟لكن غااالباً بكون ضربت ليكم ياسر مبيوع :):):)
إتغشيت بي قصة قالوا لي ياخ سك الأكاديميات إنت زول شاطر وممكن تبقا دكتور ..أها صدقت الوهمة وبطلت الكورة وفارقت درب الغنا وقلت اسك العلم ..أها ما طلعت دكتور ولا أييي شي ..أسة لو كنت ركزت مع الغنا ولا الكورة كان زحيت ناس أحمد الصادق وطه وموو ديلك طوالي وإن كانت ح تخزلني قصة الجل وبريم الشعر دي لأنو صلعت ..
لاحقاً قريت الجامعة وكنت بغني في كل رحلات إستقبال البرالمة اللي بنقيمها للطلاب الجدد ..ودي كانت سبب لاحقاً بي إنو يتقرر وبتوصيات عليا إنو الزول ده ما تعيينوهو في الجامعة أستاذ عشان بتاع غنا وهجيج ..ويومها إقترح علي الرجل الفاااضل والرجل العلامة البروف عز الدين محمد عثمان مدير جامعة لاسودان إنو يعمل لي قسم كمبيوتر خاااص لي ناس الدراما والموسيقى وقال لي أمشي هناااك غني معاهم غناك وهجج هجييجك بي طريقته الساخرة المعهودة ..:):)
بالمناسبة تلفوني ده مردوووم أسة بي ألحان قاطعا من شبطي وأغاني مؤلفا براااي لييي بت أم روحي دي ...
دي سيرتي قبل سوسدانيز ...وما شايف فيها فرق كتيير من سيرتك قبل عقد الجلاد..
بعد سودانيز اللي إنت وناس كتااار متخيلين إنو سودانيز دي صدقني فهي سيرة أقل من عادية وسودانيز دي غير ما دهورتني فهي مااا أضافت لي ..وسيييبك من الحنك بتاعع كسبت رجال ومعارف و و و داك موضوع تاني محلو ما هنا..
لكن الوهمة المعشعشة في راسكم بتاعت إستهداف الناس (ما بقول المشاهير) لأني ببساااطة ووالله العظيم بتعامل معاكم زيييكم زيينا كده وما شااايف في أيي فرق بيني وبينكم في الوضع الحالي ده ومن المنطلق ده بتعامل معاكم ..فلو القصة دي مضايقاكم أو إنتو شايفين روحكم فوق الكلام ده فوالله دي حاجة حقتكم انتو انا برررة منها ..
أتمنى يكون كده شركك قبض وح تقدر بعد كده تقزقز بي وتقول ااان لأبي حنيفة أن يمدد رجليه ..
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: مرتضى احمد عبد القادر)
|
والله يا مرتضى المعط ده قدر ما زحيت منو ..حمزة أصر علي إلحاحاً إلا أقولو..
فعلا كلامك صاح وتعبيرك في محلو هي عبارة عن معطة كبييرة انا ما كنت حابي أخش فيها لكن بالجد قلت أوولد الناس ديل عشان يقدروا ياخدو راحتهم ..لأنو شايف داليا حافظ زي إضايقت مني كيييف ما أرد لي حمزة وأوريهو انا منو وشنو ..ونحن داليا حافظ دي ما بنقدر على زعلا النصييحة ..فقلت معطة تفوت ولا حد يمووت ..
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: مرتضى احمد عبد القادر)
|
الناس البر الحوش لابد ان يشاركوا
اها شاركي من داخل الحوش
Hazina Ahmed · جامعة السودان للعلوم و التكنلوجيا كلية الدراسات الزراعية
..سيرتي..الذاتيه الفنيه: لما كنت صغيره بلعب في التراب..كبرتا شويه ودخلتا الروضه كنت بقول نشيد الروضه بتاع نخلاتي..كانوا المشرفات بوقفوني قداااام ما عارفه صوتي كان عاحبوهم ولا شنو..المهم في المدرسه كنت بقعد في الكنبه الوراء لأنو عندنا شله كدا بتاعت بهجه وكنا بنغي اغاني السيره..في الجامعه كنت بغني في الرحلات لما نمشي الجبل او جناين الكدرو..المهم..لما فيني ود عمي..حماني الغنا...كما ودعمي دا..كان هسه..بقيت ورده الجزائريه السودان...ممكن أشارك..
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
يا مورتا اديك الصُرة و الخيط
عمر الفاروق حضر حلقة النيل الازرق و اللكانت فيها مكالمة من الاستاذ حمزة سليمان, الحلقة بتنتهي قريب الساعة 2 صباحا
عمر فتح البوست و قال يقزقز شوية لحدي ما يتعشي و يتسحر مع بعض, بستفسر ملاسي عن انو حمزة كان قاصد يقول شنو !!
كان متخيل انو الونسة ما ح تتم نص ساعة مع كم مداخلة منو و من ملاسي لو صاحي و بعد داك الموضوع ينتهي على كده
اساسي جا خاشي شغال شلاليت مرة في عمر و مرة في ملاسي و مرة في الجمهور و لمن فتر قام ادى روحو شلوت على الطاير برضو :)
استاذ حمزة جا خاشي البوست عشان يوضح و انا في رأي ما كان مفروض يتداخل لأنو الموضوع عبارة عن ونسة و برمجة الى حين السحور :)
و الردم الحاصل بين الناس اكتر من الردم الموجه لاستاذ حمزة
وليد جاب سيرة الجيتار طوالي اتذكرتك ههههههههههههه
المهم يا عمك لو عندك وقت فراغ و نهار رمضان طويل عليك تعال ابدأ تاني من الاول
ياخ انا فترتهمن الكتابة تاني اقرا براك ياخي شغلتها لي, و زي عم بتاع دعاية المعجون داك بقول "اشووووفك بكره " :)
-----
غايتو لو ما الاقتباس ده كان قلت عمر دا سايقنا ساااي
لكن حسب كلام "حاتم مطر" انو عمر كان نجم حي الضباط في ذلك الزمان و انو غلطة عمرو انو فكا درب الكفر
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حسبو عكاشة)
|
| Quote: يا مورتا اديك الصُرة و الخيط |
انت يا يابا لا تفوت لا تموت
| Quote: اساسي جا خاشي شغال شلاليت مرة في عمر و مرة في ملاسي و مرة في الجمهور و لمن فتر قام ادى روحو شلوت على الطاير برضو :) |
شلاليتك ما بتفيدك يا اسئس خلاص راحت عليك كنجم اسفيري عمر تفطيس وملاسي سحبو البساط من تحتك
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: مرتضى احمد عبد القادر)
|
| Quote: لكن حسب كلام "حاتم مطر" |
ياااا حسسبووووو يااااخ...
ياااخ اتاااريهو انت فيك من ريحة الحبيب!!!!!
انا أصصصلاً متااابع مداخلاتك دي وجمجرتك دي حاااسي بيييها أصصصلو ما جمجرة زول عااادي..
جمجرة حقققتنا ومنننا وفينا ..أتاريك بتعرف حاتم مطر؟؟؟؟
ياااخ تعااال خش في حضن الإسلااام يا حبيييب...
والله ووالله إني لأحب هذا الكائن بي صورة عجييبة ..
أهم ديل الناس الحقييقيين الواااحد عاش معاهم أجمممل سنين عمرو ..
ياااا سلااام على حاتم مطر ياخ...
عليييك الله قوول ليهو عمر بيقول ليك:
شوووف يا حاتم في نااااس ما عايزين مصلحتك وبيحاولوا يحطموك ويقيفو في طريقك .. وفييي ناااااس تانين بيحبووك وبيعترفو بي موهبتك وعايزنك تمشي لي قدااام... وهههم دييل العصاميين :):):):)
بس إنت قووول ليهو كده وبعد داك قول ليهو عمر قال ليك حوول لي الكلام ده لي رسم في الأرض...
حسبو ..ياخ انا حا أحبك سبعة شهور لي قدام ..وسلم على الامريكي ده وقول ليهو عمر الاجازة الفاتت بحححت عنك لكن عرف إنك قالوا جيت أمريكا نهااائي :)
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: HAMZA SULIMAN)
|
Quote: درست قصر الشباب والاطفال من 1980 وحــــــــــــــــــــــــــــــــــــــــــــــــتى 1984
انت دفعت كم ؟؟ |
حمزة يا أخوي قوم أمشي صلي الفجر يا قولك...
انا وين قلت ليك قريت قصر الشباب والأطفال؟؟؟؟
وأوووعك علييك الله تمشي تجيب لي الحتة بتاعت قلت ليك غنيت في مسرح قصر الشباب والأطفال !!!
يا زوول انا سنة 1980 دي عمري 3 سنوات .. غايتو إلا أكون بجي أقرا في روضة ست فلة ..
طبعا ده ما بيديك الأحقية بتاعت أكبر منك بي يوم والقصص ديك ..وده برضو ما بيمنع إنو أحفظ ليك إحترامك بتاع الفارق وعامل السن ..
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: Salah Abdulla)
|
Quote: درست قصر الشباب والاطفال من 1980 وحــــــــــــــــــــــــــــــــــــــــــــــــتى 1984
انت دفعت كم ؟؟ |
Quote: السؤال وآضح
علاقتك بالنقد الفنى قبل وبعد سودانيز اون لاين دون كوم
فقط اتمنى ان تركز على هذا الخصوص |
ديل سؤالين في مداخلتين ورا بعض .. السؤال التاني ينسخ السؤال الأول..
أها شوفت جنس جوبيكك ده ..هو الخلاني أفتح البوست ده زاااتو ..
ذكرتني الزول القال لي رئيس النادي في إجتماع ..:
يا ريييس أجب بلأ أو نعم... القروش بتاعت النادي دي مشت ويين ؟؟
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: عمر الفاروق)
|
ياخ كفر لاخوك من امس شاداني ليك نزلة وقلبت التهاب ######ة حاجات وهمية كدا بتاعة شفع ما عارف روحي كان فاطر امس والليلة ولا صايم
المهم اكل وشراب عينك عينك ماف لكن قطرة وبخاخات وحاجات من النوع دا ولا بتلفت ليها
فاعذرونا لي بكرة لو ربنا مد الاجل باذنه تعالي نجي نكمل ملخص ما تم نشره
يا صلاح الله يرضي عليك انحنا البوست دا ناوين نكمل بيهو رمضان باذن الله لو ربنا اراد
فشنو ادينا خاطرك
فيهو سفنجات لسع قيد البحث والتسليم وفيهو كم معطة كدا لابد من وضع حد ليها
ياخ انا قصتي حقت الغدا في نهار رمضان في سوق الابيض لسع ما حكيتها تجي تقول كفاية !!
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: HAMZA SULIMAN)
|
يا حمزة ..
انا واعوذ بالله من كلمة انا اللي ح تتكرر كتييير طالما بوصف ليك في روحي وسيرتها الذاتية ..زول إتفطم بي الغنا ..من هو صغيير قام لقا روحو في بيت يعج بالطرب والمرح ..بيت تتلمذ وتعلم فيهو الكتيير من الفنانين الحاليين الغناء.. قمت لقيت إتحاد غناء الفن الشعبي ده كلللو قاعد في بيتنا ..
قمت لقيت أييي فنان جاي جديد بيجيبوهو صالون بيتنا ده بيفرشو ليهو سرير في الصالون البرة وكان ما أدوهو دولاب بيقعد بي شنطتو لحدي ما يتعلم الغنا ويبقا مارق..
قييل والعهدة على الرواة إنو في زواج أمي الله يديها العافية إنو الحفلات إستمرت 40 يوم بلياليها غناء متواصل .. انا ما عارف جدي ما صدق إنو يتخارج من الزولة دي ولا فهمو كان شنو :):):)..
قمت لقيت البيت الكبير مليان بي الالات الموسيقية بيز جيتار والات شعبية بنقز وطبلة ورق..
بديت الغنا فييي عضمو كده وانا في الصف التاني متوسط وإشتركت في الدورة المدرسية وحققت الكاس بتاع الدورة المدرسية ولاية الخرطوم لدورتين متتاليتين ..ولاكلام ده قلتو قبل كده..كان عندنا فرقة ونحن في المتوسطة مجموعة طلاب أشرف علينا الأستاذ معتز السماني متعه الله بالصحة والعافية أينما كان ..إسمها فرقة الليل الهادئ..
طبلة بيدقها ولد إسمو أسعد كان في سنة أولى ..بونقز بيضربو ولد خطييير إسمو هااني كان أقصر من حبل الكضب..أكورديون بيعزفو ولد إسمو هشام .. وبنستعين بي أورغ من برة..وكان بنغني نحن تلاتة انا السيينير ومعاي إتنين إسمهم منجي وأسعد ..ما عارفهم أسة وين ..
انا كنت المغني الأساسي وغنيت الحفلات الختامية في مسرح قصر الشباب والأطفال ..ويومها كانوا بيخلوني لحن الختام كاخر عمل ..والله يا حمزة انا ما عارف صوتي كان سمح ولا شين لكن المهم بيقولو كان غنانا سمح ..والغريبة كنا بنجيب للمدرسة دخل ..وبقت المدرسة تستخدمنا في إقامة حفلات في مدارس البنات الثانوية ..ومشينا وأحيينا كممم حفلة بي عدااداتها وكانت بتتصرف في المدرسة وحاجيات الفرقة..
كنت معروف في أوساط المدارس الحولنا إني أحسن زول بيغني لي شرحبيل أحمد وسيد خليفة ..كنت مهووس بيهم الوقت داك ..
النصيييحة انا الغنا ما كان اهتماماتي ..والحق يقال انا كنت زول لعاااب جداً جداً ودي بقولا ليك بكل قناعة ..زول حريييف رسسسسمي في الكورة دي ..وده الخلاني أوقف قصة الغنا دي .. اللهم إلا من غنا الرحلات لمن يكون عندنا كورة بغني في البص أو الحافلة ..
في الحلة كنت زييك كده مرة مرة بيفكو بي الحيرة ..وكنت أحسسسن زول بيعمل فعدات ما قبل العرس ..يا جابو دلوكة يا جابو باقة يا جابو طبلة ونقعد كررر كررر نغني ليهم ونبهجهم ..
غنيت بي فرقة موسيقية في حفلات اعراس مرتين بس وبرضو في الحلة ..والوقت داك كنت بديت أتقلبن على محمود فكانوا الشباب بيطلبو مني فرمالتين بيغنيهم محمود بطلع أغنيهم وببقا نازل ..
بالمناسبة أتشوبرت مع صديقي عثمان محي الدين وسجلت معاهو مقطع في شريطو بتاع تغني الكمنجة هو وصاحب الصوت الشجي مبيوع .. قلنا فيهو مقطع واااحد بس بتاع ندمااان اناااا أبدا وحاتك .. ولحدددي أسة ما عارف صوتي طلع كيف؟؟لكن غااالباً بكون ضربت ليكم ياسر مبيوع :):):)
إتغشيت بي قصة قالوا لي ياخ سك الأكاديميات إنت زول شاطر وممكن تبقا دكتور ..أها صدقت الوهمة وبطلت الكورة وفارقت درب الغنا وقلت اسك العلم ..أها ما طلعت دكتور ولا أييي شي ..أسة لو كنت ركزت مع الغنا ولا الكورة كان زحيت ناس أحمد الصادق وطه وموو ديلك طوالي وإن كانت ح تخزلني قصة الجل وبريم الشعر دي لأنو صلعت ..
لاحقاً قريت الجامعة وكنت بغني في كل رحلات إستقبال البرالمة اللي بنقيمها للطلاب الجدد ..ودي كانت سبب لاحقاً بي إنو يتقرر وبتوصيات عليا إنو الزول ده ما تعيينوهو في الجامعة أستاذ عشان بتاع غنا وهجيج ..ويومها إقترح علي الرجل الفاااضل والرجل العلامة البروف عز الدين محمد عثمان مدير جامعة لاسودان إنو يعمل لي قسم كمبيوتر خاااص لي ناس الدراما والموسيقى وقال لي أمشي هناااك غني معاهم غناك وهجج هجييجك بي طريقته الساخرة المعهودة ..:):)
بالمناسبة تلفوني ده مردوووم أسة بي ألحان قاطعا من شبطي وأغاني مؤلفا براااي لييي بت أم روحي دي ...
دي سيرتي قبل سوسدانيز ...وما شايف فيها فرق كتيير من سيرتك قبل عقد الجلاد..
بعد سودانيز اللي إنت وناس كتااار متخيلين إنو سودانيز دي صدقني فهي سيرة أقل من عادية وسودانيز دي غير ما دهورتني فهي مااا أضافت لي ..وسيييبك من الحنك بتاعع كسبت رجال ومعارف و و و داك موضوع تاني محلو ما هنا..
لكن الوهمة المعشعشة في راسكم بتاعت إستهداف الناس (ما بقول المشاهير) لأني ببساااطة ووالله العظيم بتعامل معاكم زيييكم زيينا كده وما شااايف في أيي فرق بيني وبينكم في الوضع الحالي ده ومن المنطلق ده بتعامل معاكم ..فلو القصة دي مضايقاكم أو إنتو شايفين روحكم فوق الكلام ده فوالله دي حاجة حقتكم انتو انا برررة منها ..
أتمنى يكون كده شركك قبض وح تقدر بعد كده تقزقز بي وتقول ااان لأبي حنيفة أن يمدد رجليه ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يا ريت تعيد قراءة ما كتبت عن نفسك
ذى ما تعيد انت قراءة موروثنا الغنائى
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: HAMZA SULIMAN)
|
قم يا طرير الشباب
غنّ لنا غنّ
يا حلو يا مستطاب
أنشودة الجنّ
وأقطف لى الأعناب
وأملأ بها دنّى
من عبقرى الرباب
أو حرم الفنّ
صح فى الرّبى والوهاد
واسترقص البيدا
واسكب على كل ناد
ما يسحر الغيدا
وفجّر الأعواد
رجعا وترديدا
حتى ترى فى البلاد
من فرح عيدا
وأمسح على زرياب
وأطمس على معبد
وأمش على الأحقاب
وطف على المربد
وأغش كنار الغاب
فى هدأة المرقد
وحدّث الأعراب
عن روعة المشهد
صوّر على الأعصاب
وأرسم على حسّى
جمالك الهيّاب
من روعة الجرس
واستدن بابا بباب
واقعد على نفسى
حتى يجفّ الشراب
فى حافة الكأس
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كيف تعيد قراءة هذا اللحن
ذى ما قال الاستاذ الموصلى
يعنى ممكن تكون جنائزية ؟
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: HAMZA SULIMAN)
|
الفاروق يارشاشة ...
سلامات ورمضان كريم عليك وعلي الوليدات .....
عارف ياحبيب .... يمين ده اهيف بوست اتابعه في هذا الربع
ويشهد الله لولا ابداعات اساسي وتجليات ملاسي كان قلته ليك كورتك فكت....
معقولة ياخي الزول ده يجيب كثافتك لدرجة تحكي ليهو سيرة حياتك الفنية.....
ياخي الموضوع بسيييييييييييييييييييييط .......
انت كلامو بالتلفون مافهمتوا... سالت ملاسي الفوكة شنو...؟ مافوكه حاجة ....!!!!!!
يعني حسع انت وصحبك ده ساكننا عشرة صفحات عشان بس يفهمك قال شنو
وانت تفهموا خبراتك في النقد الفني شنو .......؟
يمين البيض يقصر
| |
|
|
|
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: haroon diyab)
|
يا حمزة
قلت للزول اكت سيرة ذاتية
كتب ليك سيرة ذاتيه لبدايات فنية في عمر اصغر من العمر البديت بيه انت
هو انصرف لاشياء اخرى لانه عنده مواهب اخرى
انت ركزت مع الغناء
نرجع تاني انت عاوز تقول شنو ؟
انو الما قراء تحليل ونقد فني .. ما يفتح لينا خشمو
ولا شنو ؟
لانه الكلام ده بشملنا كلنا ما عمر براه
| |
|
|
|
|
|
|
| |
قسم الفضيل مضوي محمد
أمين محمد سليمان
اساسي
حبيب نورة
Hussein Mallasi
Elmosley
محمد حيدر المشرف
عمر الفاروق
HAMZA SULIMAN
سامى عبد المطلب
ناصر احمد الامين
ملهم كردفان
وليد محمد المبارك
محمد محمود محمد
حيدر حسن ميرغني
usama Babiker
أسامة عبد الجليل
حمد عبد الغفار عمر
omer osman
حسبو عكاشة
داليا حافظ
محمد البشرى الخضر
وضاح عبدالرحمن جابر
عبدالحفيظ ابوسن
مرتضى احمد عبد القادر
haroon diyab
فيس بوك
تويتر
انستقرام
يوتيوب
بنتيريست