جميلة الروح ماجدة عوض خوجلي وانت طيبة ..كل سنة تمر وانت تتمتعي بالصحة العافية والروح تزيد في الجمال تألقى
وكانت الطامة يا ماجدة عندما كتبو الجواب عاوز يقول أنسى العذاب وهل الفراق يريح ضمير لو كان صادق فعلا ما اعتقد يا ماجدة الحب الصادق عند الفراق الخسارة لا محال لكل طرف لكن عندما يكون طرف صادق وطرف يتسلّىهذه هي الطامة الكبرى التي حملت جُل شعراءنا لكتابة قصيد حلو نحدو به الفيافي ونتغنى عله يشفي ولو زرة في رمال
وكل سنة وانت أجمل يا ماجدة وتشكرات على المرور المحفوف بهذه الصيدة الجميلة يا ذات الذوق الرفيع
01-10-2013, 12:43 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: شبه الأريّل البتمامّا .. والمتبور قديمو حمامة عينّي للدموع جمامة ملكة ودرعوّلا زمامه ( مرات يقال : ملكة وشبلولا زمامه )
الأريل : فصيل من الغزلان البتماما الذي يختال في مشيته تبخترا
متبور القدم : اي يكسوه اللحم ويغطي العرقوب وهي سمة جمال في المرأة الجمامة : هي حفر تحفر قرب النهر لكي تجم الماء الصافي للشرب وتسمى جمامة ويجم الماء فيها عن طريقة الرشح كأنها تنبع ( لكن في الاصل يترب الماء الذي ارتوت به التربة قرب النهر للحفرة )
ملكة ودرعولا زمامة الزمام معروف وهو في شكل الخاتم ويلبس في الأنف ويكن من الذهب أو الفضة درعوّلا اي ألبسوها . ويقال يا جنى أدرع ليك هِدم اي ألبس ليك ملابس واحياناً يقال ( ملكة وشبلوّلا زمامة )
01-10-2013, 05:04 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: يا ابــ أحمد شكيتلك عذر من تفاح جناين الخُدري السبب المضيع عمري نسام الضُحي البدري ( لكنها في أصل الأغنية : دخان الضُحي البدري )
قال : السبب المضيع عمر دُخان الضحي البدري
وهذا هو الأصل في القصيدة .. لكن الياء حمل البشرى جاد السيد ليقول نسام الصُحي البدري والضحى وقت العمل وكل الرجال في أماكن عملهم وهو انسب لوقت للنساء يقمنَّ بعملية الكبريت والدُخان
وإشتهيتك ... ومن عيونك طلّو أطفال المدارس والمغنين الهواجس والفرشات الأنيقة والبحارات والنوارس وإتحاد طيراً مهاجر هبَّ في موسم قياما وقفتني الإبتسامة وإرتجيتك .. يا امانينا الرفيقة يا حُلم بي بكرة صاحي ضوُّ في منفاي .. مصابيح الحقيقة وإصطفيتك يا عريقة يا تفاصيلي العميقة وقفتني الإبتسامة
01-10-2013, 06:47 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
قدر ما قلتَّ أنسى هواك وأغادر مرة دُنياكي .. أ÷اجر لي بلاد تانيات وأغيب لو بقدر أنساكي تسوقني اللهفة لي عينيك وأعود من تاني أطراكي وأشد أوتار غُناي هيمان وفي كلماتي بلقاكي .. كتير بسأل عليكي الناس وصمت الليل وساعاتو وأهم وكتين يجي الميعاد وأشارك قلبي آهاتو ... وتنزل نجمة تبكي حِداي تنسّي الليل حكاياتو وأصبّر روحي كيف ترتاح وكت فتر الصبر ذاتو ..
01-10-2013, 06:55 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
مـــن زمان قُبال أريدك فيني مقدور الكتاب .. لي ديار حبك أوالف ومرة أبحــر في السراب والمصير أمشيهو دربك لي قدر شايل الغياب تجدي إيه الحســـرة تاني وللفرح مـــأ لقيتو باب
01-10-2013, 07:17 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ومـــأ زلنا نغوص في خضم بحر الشاعر أسماعيل الإعيسر وفي حروفه ملاذ لكل عاشق هده طول البعاد وهجر الحبيب بعض علاج لشجون تكسي القلوب التي قاست المرين غربة وغربة .. وصحيح الريد قسم
خلينا نـــشوفك
لو هامنِّك لسّع نحن طوّعي بس لو مرة ظروفك لو القلب هداكي علينا ولّا الشوق إتجاوز خوفِك أطري الحُلم السوا عشناهو ولو لحظات خلينّا نشوفك غريبة .. شنو النساكي دروبنا ونحن العشنا نغنّي حروفك وشالنا حماس الفحة وراكي وقلنا نهاية الرحلة جروفك وطاحت بينا رياح الحسرة لا لِقيناك .... لا شُفنا طيوفك ....
01-10-2013, 07:28 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ومافي داعي تقولي مافي يا الربيع ... في عطرو دافي ... لهفة الشـــوق ... في سلامك ... في كلامك .... سر غرامــــــك ... ماهو خافي .... مــــافي داعي ... إرتعاشاتك بتحكي قصة أحلامك معايّا كلُّ خفقة في قلبي نغمة ... تحكي ليك .. شوقي وهوايّا وأنتِّ في بهجة شبابك وحبي ليك من غير نهـــــاية
وعشم الخاطر الإعيسر
وبس شايلك ... عشم خاطر ... في جيتك لا صدق ظني ولا عنك سرح ... خاطر ... وأنا الواعد السنين بالريد .. حِداي قعد العُمر فاتر... وبينك والبحر ساحات وبينك والمطر .. ستر وبينك وبيني يا أسفار براح لا مراسي لا آخر محلّق بي جناح أشواق وضامرك في مخابئ الروح فرح غامر ... وبـــس رايدك عشم وخاطر في ريدتّك .. لا كِبر حُلمي .. ولا صحّى الزمن خاطر
الريد جوّا قلبي بي حبك بدا يا طيبة حياتي ويا قَطر الندى ما كان في خيالي تتنكر كِدا أيامنا الجميلة ليه بتنكدّا وجربتَّ هواهم .. وقليبي إنكوّى تاريهم جاروا ما صانوا الهوى
حاولتَّ اسيبك وأتناسى المضى أيامك معايّا ساعات الرضى المكتوب عليَّ أنا قلبي إرتضى يا ريت الليالي عطفو يعوضّا
قبل تشيلي دروب الريد كنتي تعرفي مشاعرك حقّو وما تستعجلي رحلة وُدِّك لما جوانحك هاجو ورقّو وعهد القلب الرادك باقي وباقي عزيز وكبير بي حقّو وأنا كلمتّك لما بدينا بمشي مداكي لآخر حِتّه وشلتك فيني شروق وسواحل وبيكي حقايق الريدة عِرفتَّ ورغم الشوق الظلَّ يتاور لا بدلتَّ هواك لا فتَّ
01-10-2013, 09:19 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وما بين اللهفة لشوقي في عينيكِ بنسى الروح الدابت فيك وبرضو بحبك رغم جفاك يا نسياني وساليا هواك .. وارجع تاني واحبك وحب قدري معايا وفي جويّاوكل يوم زايد محبة وحنان دافئ لأغلى حبيبة
01-11-2013, 03:49 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ظالمني شوف من كم سنة وبعدين معاك يا هواي ودّرتو فيك أملي الكبير ورميتني في قيف النّوى وسنيني كِملت بي وراك شايل دريباتك جوّي والغربة بيقولو عنك للقلوب أنجع دوا ... من بدري صافيتك أنا وكتبت فيك أحلى الكلام أشعلت في ديرك الشموع حرّمت فيك كلمة ملام... ووهبت ليك باقي العمر من حبّي سميتك هيام وجزاي منك كان شقا يا محبة يا ريد ياغرام
01-12-2013, 06:44 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
مـــا حصل دربك سلكتو وإلا قالدني الضياع لا لِقت سُفني المراسي ولا لمح حِسّي الشراع برضي فيك بفنى وبقاسّي وبشقى شان باقي المتاع وياني محتاج لي عيونك تبقى لي سُفن القلاع !!!
01-12-2013, 06:47 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
خلاص ما ضاعت الآمال شنو الفضل يخافو علي بعزّك كنتَّ جد بهواك وقلبي فتحتو ليك تقري قايلك إنتي صادقة معاي وحبّك صنتو يوت أسقي وقلتَّ أجوب مدار ريدك ولي آخر العمر أمشي كتيتك في القمر عنوان وشلتّك للبيوت أفراح أكوسك في شِراع مشدود وأحسك في مساري براح بدسك كنتَّ في حسي وفي لُب الخلايا سماح وفتّي الليلة وإحتارت معاك شتلة غُنايا الراح
خلاص ما ضاعت الآمال شنو الفضل يخافو علي بعزّك كنتَّ جد بهواك وقلبي فتحتو ليك تقري قايلك إنتي صادقة معاي وحبّك صنتو يوت أسقي وقلتَّ أجوب مدار ريدك ولي آخر العمر أمشي كتيتك في القمر عنوان وشلتّك للبيوت أفراح أكوسك في شِراع مشدود وأحسك في مساري براح بدسك كنتَّ في حسي وفي لُب الخلايا سماح وفتّي الليلة وإحتارت معاك شتلة غُنايا الراح
أغيب يا حلوة عن دُنياك .. أعيش في الدمعة والآهة أباري وراك خطاوي الشوق أحي بالدنيا تواها أعود للناس وأفراحهم عشان أحزاني أنساها ألاقي الناس غريبة علي وألاقي الدُنيا ما ياها
ليل الفرقة لمّا يطل وراك يا حلوة زي حولين ... أذوب في الذكرى والأشواق أعيش الصبر بي صبرين عزاي دمعة مسافر ليل يحلم بي لِقى الغايبين حنانك يا زمن طاوعنّا كفاية نعيش وراك تايهين
خلاص أنا برضى بي بعدك مادام ما أصلو مقسوم لي إلا بخاف علي عيونك تصبح يوم غريبة علي لما أعود وما ألقّاك شايل قلبي بين إيدي بسلّم أمري للأيام .. أموت والدمعة فوق عيني
لو قلبك رجع عاود وأشتاق الغرام تاني ولو عينيكي عاشت صاح معنى عميق وجوّاني كنتَّ بغفر ليكِ جُملة وأشتلك زهرة وأغاني إلا بِعتي ودادي أرخص لي زمن باع المعاني !!
01-12-2013, 09:25 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
عشـــان أهلك بخليّكِ أشيل في جُرحي ماضيّكِ أحاول وبرضي ماقادر عشان أنسى وأنسيّكِ لا لا وألف لا لا ...
كتير الدمعة فوق عينيك تشوفيني وتخبيها تخافي علي أشيل همك عيونك تحكي بي الفيها وقَدُر ما يقولوا ليك عني عشان ريدتنا تنسيها تداري الآها بي البسمة وريدتك لي تزيديها ودايماً دا المبكيكي وعشان أهلك بخليّكِ
غريبة نعيش زي الأغراب وما نتهنّى بي الريدة وكل ما نشتل الأفراح تجي الأقدار تمد إيدا تشيل أمل العُمر كلو تبكّي عيوني يوم عيدا صحي القالوهو في الريدا بتعرف كيف ظُلم سيدا وأنا شقيان برضيّكِ وعشــان أهلك بخليّكِ
سنيني الله أنا ... سنيني أنا أنا سنيني وين أنا ؟ سنيني ضاعت أنا وسنيني انا انا سنيني العشتها في ريدك حرام لا خُنتَّ لا خُنتك أغيب منك سنين وسنين ألاقيك أنتِ بس انتِ وقَدُر ما يلووموك معايا عشاني اللوم كتير شلتي وقَدُر ما يقيفو في دربي أشيلك دمعة في صمتي وبس مجبور أقول لِيكِ عشان أهلك بخليّكِ اشيل في جرحي ماضيّكِ أحاول وبرضي ماقادر عشان أنسى وأنسيّكِ
01-13-2013, 07:05 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
إنتَّ وأنـــا من حقّنا نفرح نطير زي الفَراش لمكان بعيــــــد ما زارو زول قَبلنا
إنتَّ وأنــا من حقّنا.. نلملم باقي الذكريات كان الذكرى تاني تلمنّا عافنو ظُلم الهوى .. كم غَبن قلوب وأحزنّا يومنا .. الفرحنا مع الخيال قلنا الفرح من حقّنا بشرنّا بي فال الفراق زي ما حَرم عُشاق كتير قَبلنا
إنتَّ وانــا من حقنا ... نبقى عشاق للأبد .. نشيل الغرام في دمنا لا إنتَّ تنسى ..ولا أنا
الحب يملك القلوب ويستفحل نمواً .. ولا تحكمه القلوب وتحجمه عندما يطرق الحب القلوب ... يدخل ولا يستأذن فهو يدخل خفيف وينمو ويا ويل العاشقين إذا نما.. وكرم الحبيب يفعله الحبيب مدفوع بحبه كريم من يكرم
كل الدروب تظل ترسم خيالك ومـــا أحر من الفراق ولحظة والوداع
يا روحي لك أنا كُلي تمنيت لو أن الحب لو صار مجسم حتى تري قدر حبي لك
طفلة تغنت لبعدها عن الوالدة ( أمها ) فرتب أهل البرنامج لقاء أمها يوم أن تغنت .. فهل يرتب لنا المولى من فوق سماءه أن نلقى الحبيب يوما ونحن العُشاق نتغنى لبعد حبيب أختار البعاد ونأى وليت الذكرى تصيب من ألم ولو قليل ( شفاء وبلسم )
01-13-2013, 08:47 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وأسأل لو سؤالي يفيد وكيف غاب القمر ؟ عن موعد بزوغه مبتدئ هلالا ليكمل الدورة بدرا وأنا أرغبه وكيف ينفصل الجسد عن الروح ( هذا هو النفوق والموت ) روحي أنا كم أنا تعب لمجرد شبح الفراق الذي طاب لغمامه المكوث ورفرف حمام الموت فوق رأسي
اؤسائل عنك أزارا رياحين وأزهارا جبالاً في بلادي كُنت أعرفها وأشجارا نقشنا في جزع فروعها نقشاً وتذكارا وذقنا حولها قبلاً أحالت شوقنا نارا تبارك من سقاها في الشتاء الماء مدرارا وأنبت حولها الأعشاب والأعناب والغارا
اؤسائل عنك ... نيسانا وازارا وايارا شهور ربيعنا الفتان يكسو الأرض نوارا داراً كُنتي فيها زهرة فيحاء معطارا إذا شُهدتي واقفة جذبتي إليّكِ أنظارا وحيرتي القلوب .. تفيض أعجاباً وتكرارا
اؤسائل عَنكِ ما أبصرت في الافاق أطايرا لعل لها هُناك .. في فروع دَوحكِ أوكارا ولعلها أبصرت في بلادك قبل مجئها الدارا أو حُظت بصخرتنا ضُحى لتسن منقارا...
اؤسائل عَنكِ ما أبصرت طائرة وطيارة وكل مواطناً ... غريباً كان أو جارا أنداداً وأصحاباً وزوارا وجوهاً من حِسان البقعتين خُلقنا أقمارا اؤسائلهم لعل لديهم صوراً أخبارا
اؤسائل عَنكِ كُل الناس اخياراً وأشرارا .. رغم تساؤلي هذا !! فما أفشيت أسرارا أنتِّ على أمتداد العُمر أغلى الناس مقدارا وأسمك في فمي .. مازال اغُنية ومزمارا وحُبك لم يزل في القلب عاصفةً واعصارا .. احيهي بأشعاري إذا ما حييتُ الدارا
01-14-2013, 06:09 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
اؤسائل عَنكِ كُل الناس اخياراً وأشرارا .. رغم تساؤلي هذا !! فما أفشيت أسرارا أنتِّ على أمتداد العُمر أغلى الناس مقدارا وأسمك في فمي .. مازال اغُنية ومزمارا وحُبك لم يزل في القلب عاصفةً واعصارا .. احيهي بأشعاري إذا ما حييتُ الدارا
01-14-2013, 07:19 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا قلبي هي الأيام في الحِسبة باقيات كم ؟ شان تخسر اللحظات وتقضي الليالي ندم خَلّي الأمل يرتاح يحلم قدرُ يحلم يفرد أماني فساح يرحل بعيد الهم ===========================
وما خلاص .. قلبي أصبح من عذابك في أسى وهجير شديد وجعاتو ماشافن مساء يوم ألقى إبتسامتك والصباح ويوم يحيّا في عُمقي الجِراح والعطف منك يا سمـــاح إتلاشى راح ... عاد أقبل وين ؟ وأحكي الوجعة ... ياتو خِديد يشيل الدمعة وياتو حنيّن إجيب الراح أشيل كِليماتك وأسافر أذكر بِسيماتك وأساهر خلي طيفك يبقى هاجر وخليني في مزحة حزنما بتنطرح ما زي وجيهك كل يوم يصبح سمح ... إموت جرح ... وتجيبي جرح وقليبي .... لا مات لا فرح ..
01-14-2013, 08:28 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
عشـــان عيونك إنتَّ إتغربّتَ .... وعشتَّ بين الناس غريب إمضي ليلي بلا نجوم وألثم النسمات سَموم يب إمضي ليلي بلا نجوم وألثم النسمات سَموم خليتني باكي ... باكي .. باكي .. علي اللفاتني وما دِريت
رغم إنو عيونو جافية أقضي ليلي على خيالا أبكي من جوّايا ريدك وتكتب الدَمعات مقالا ليك وهبتَّ العُمر كلو أصلي مــا يوم قلتا لا لا إنتَّ الليلة تبخل ... من وقتك بي رسالة
أنا البغازلك صورة صورة عشان بدورا .... في خيالي أميرة إنتِّ أميرة داخل صورة .. وفي قصورة .... أميرة ديمة علي حنينة وعلي غرامي هي الغيورة وفي غربتي يوم تظلم الليالي تكون بْدورا وهي البَدورا
عشـــان عيونك إنتَّ إتغربّتَ .... وعشتَّ بين الناس غريب إمضي ليلي بلا نجوم وألثم النسمات سَموم وبَرْضي راضي .. راضي راضي راضي مِنك بالقليل ... بعدتَّ عشان عيونك .. في بلاد كُل السنين مني بتشيل ... فارقتَّ كل الكانوا جنبي صديقي.. ودمعي يكب يسيل فارقتَّ أنا كل البوادي فارقتَّ يابا .. فارقتَّ يما وفارقتَّ نيــــل .. وبي هواك مرضان بهاتي مرات عليل ومــا عليل في بلاد كل النوادي تغني قالت يا بلادي ومــا بشوف ... غيرك جميل .......( ويا جميل ) إلا ظرفي خاني .. قاسي وغير فراقّك ما لقيت بديل بعدما كان يهل صباحي علي عيونك بقت بينا ألف ميل والعليِّ شافوهو ظاهر بادي ... بادي مــأ داير دليل .. وعشانك إنتَّ .. فارقتَّ يما .. فارقتَّ يابا وفارقتو نيــل رغم اني بهدفي عايش وبرضو راضي بالقليل فارقتَّ عزة بلادي ... لآزمني إحساس البخيل
بريد عْينيكا يا إنســان لإنها منبع التحنان .. زغاريد في عِرس بلدي وسيرة وزفة في أم درمان عزة عازة بت النيل عزيمة أهلي في السودان نجوم نايمة في جِدار الليل ولوحة تحيّر الفنان حروف منقوشة في منديل دموع الفرحة في الحِّبان فراشات حايما في توتيل طيور بتغني في الأفنان جبالاً شامخة في " كُرفل " وسيف الصخرة في " أم حيطان " تراثنا الغالي في البركل جهود الخلوة في الحيران سماحة مُقرن النيلين وضحكة تبدد الأحزان حلاوة البسمة في السمحين جمال فجراً وديع نعسان زهور نديانه فوق القيف وزول سوداني هادي عفيف تناديني وتقول لي أقيف عيــونك إنــــتَّ يا إنســـان !!!
01-15-2013, 05:45 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ونَّستَ عيونك ... أمبارح ..... قالن لي عنّك كم حاجة ... تاتيني في قيف البهجة سعيــــد.... أديني مداخل وهّاجا لِدُنيا بتفتح باب العيد حنستَ ميعادك بـــس ما جا .....
ولحين ميسرة
01-15-2013, 05:52 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
يا زين الرجال غيّك برد سلام وطبعك في الوصف ما خلّى لينا كلام يا سيف النصر مسلول وضربك سام ومُهرك في الدُاس ما ببقى غير قدام
أهديك اخي وصديقي العزيز فيصل محمد خليل هذه الأغنية للفنان ( Mikiyas ) كان قد أحيى حفل في دبي في مارس سنة 2011 وحضر معي الحفل أحمد وأعجب بهذه الأغنية شديد وأشترى DVD مخصوص عشان هذه الأغنية واشتريت انا واحببت هذا الفنان وهذه الأغنية خاصة لحب أحمد لها اهديك هذه الاغنية انت وأحمد الحبيب شديد ( وصاحبك يومها فرك فرك شديد رقيص حبشي مع الحبش وطلعوا البنات في المسرح
01-15-2013, 08:36 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ألم يعتصر القلب وأنا احتضر قول أني احببتك .. وحبك ملئ قلبي الكليم شوق ولوعة .. يهتز لها وتحسه أن يبرح مكانه .. قد نال الأمل يوما وسحب البساط قبل الهناء والسعد مسكين يا قلبي جوة الحنايا سكن حبك توسد القلب الحزين وسادة براحة ريش النعام نعومة ودثرته الأضلع حماية فكان حب بطعم كل جميل لكنه ولّى وذهب قبل السعد وهل يعود وليته يعود آهي من آه والآهة تشجي وتسعد والسعادة عندما تتألم لشخص أحببته
01-15-2013, 08:56 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
إن شاء الله عام سعيد وعمر مديد وربنا يحفظ ليك صديقى أبوحميد وأم أبوحميد,,,
ياخ دى تباريح شديدة خلاس والمحارب شكلو تعبااااااااااااااااااااااان,, قام سوالو حائط مبكى,,
الحاصل شنو يا اللخو؟؟ خليتك كويس آخر مرة,,
صديقي الحبيب أيمن ود الطيب وأنت طيب يا جميل والأسرة الجميلة كلها بخير احمد صاحبك ما زال محتفظ بكل الصور مع أولادك بتافخر بيها بين المجريين أن عندو أهل سمر وجمليين ما تشيل هم أخوك طيب وشديد وحاضر قلبي ماهو مغيّب
اعطيت رغم تلفونك لصديق عزيز من اولادنا ان شاء اتصل بك اسمو حسام عامر جمال الدين تحياتي للأسرة
01-16-2013, 05:41 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
بت الخير يجيك الخير . . وصل جوابك الكاتباهو للولد الحِتالي وكان الظن ترسلي لي هين هينين من البركاوي داك الطعمو حالي ولو بالجملة... شخاليب دوم... هنا والله ني ومسيخ وغالي سؤالك يمة عن احوالي كان شفتيها تغنيك عن سؤالي انا اتوكرت في قلب البنادر زي غريب شرقان مدلدل في الدوالي جات شايلاني حرّة جوف انا اتحديت مجالا مو مجالي مصايب الجامعة اكبر من جميع الشفتو ولا سمعتو في ايام الخوالي قعاد الكرسي ورم ساقي زي سيد الزلالي اقلب في الدفاتر من صباحا بدري لامن تمسي ما بنسي انشغالي اسوق الليل تحت ضوء الكهارب وديمة هارب من فراشي ةهادا ياهو حالي ده كلو عشان اجيب نمرا انافس بيها واستر بيها حالي والله عاد حالة ما بتسر البال ومن يوم ما فتّك ما انسر بالي سلاطين العلم يايمة قاسين.. قاسين ينسوا العشرة في فد يوم يدفروك بره زي دفر الطبالي وخايف من اجيك مرفود وهادي الفكرة من ما جيت معشعشه في خيالي واخير افتح اضانك قبل ما تلقي فوق اضني ملويات حبالي وكان حصل القدر يايمة لا تلوموني ... لومي علي البنادر نورا اقوي من احتمالي بناتا فيها رويانات جسومن بالدهون تلصف بلا جلود السحالي سبيبن ديمة بالحزم الكبار مبهول مردم فوق قفاهن.. وا حلالي .... صدورن طامحة زي موية الدميري الهايجي تكشح في العوالي كتوفاً مابقول عكف السروج لكن بشوف فوقن مخالي عيونن واسعة تبلع مية زي ولدك ..... تشرك للموحد والضلالي وحاتك ضُمّه ما بقدر عليهن ساعة اقيف قدامن انكس راسي بي قدري وجلالي مشيهن سوا زي سرب الغزال لكن نفورن مو غزالي عدادن مابخبرو .... إلا وين ما امشي ألقاهن قُبالي وقصاصن ينقّر بي عصاتو ومايفرّق دريبهن من بين دريبات القماري بخورن في سماء البندر يدوخ متل مسك العشاري رقيصن ينهزنّلو بلا الفلو الأماتو غابن منو في ضل الضهاري
يجمّع في قفاهو وينطرح يتمطّى تتحتحت مفاصلو وده ياهو الفاك جباري دلالكين تجيب الضلّ علي متاهات الضهاري غناين اصلو ما سمعنابو كنت بقول ليكي إلا هسع ما ني طاري وطنبورن مبرقع وحسو فاقع لا في كنتر لا ودع فوقو بيراري عشوقن في الرقيص يتلوي متل سيد المغص يوم يبقي في حالة طواري والمداين ديمة فايري زي وحوشا في البراري والمـآسي كتيرة حاصلة والمكضب يلاقي بوليس السواري عاد دي حالتا بقدر انستر معاها خلاف احاكي الناس واجاري؟ وانتو راجيني يوم اجيكم بشهادتي وينبسط أهلي وكباري وبرضو خايفين من اجيكم بي غربية وفي خجل قايد صغاري والقدر بي غادي كاتب ليَّ شيتا لاني حاري ولا ني طاري
حاجة واحدة تكون في علمك اني جايي وتاني راجع لي دياري وياني حمّيد القديّم إلا بس فاقد حجابي وراح سواري يمة كتري من رضاكي وسلميّلي علي المعاكي وقولي لي حبوبة زيك نحن شبنا وماك براكي سلميّلي علي جروفنا وحتى وزينا البكاكي سلميّلي علي بناتنا وقولي ليهن ماني ناسي طاري شلاخا مواسي زي شقوق بيتاً سداسي طاري نقشا فوق خدودن بين ضفايرو وشوفو قاسي جسمي في البندر ممدد إلا بينكم بي حواسي سلميّلي علي البكادن والبشتت في التقاوي في الكرب محراتو قالع وصوتو فوق تيرانو عاوي ماحزم بقجة ثيابو وقام فجر لاحق اللواري اخيرو يحفر في جروفو مالو مال حفر المجاري سلميّلي علي الضرايح والفضل من الخلاوي والفقير الفوق حصيرو يكتب البخرة ويداوي مع السلامة ودعتك الله ولي وصيتك ماني ناسي لي شفقتك مافي داعي وابقي عشرة الراعي واعي في بحور اهل البنادر من زمن طالق شراعي كان نحجت بجيك غانم (وكان فشلت بجيك ضراعي)
بت خير هي والدة شاعرنا الجميل محمد بادي .. ( أللهم ان حية عايشة على البسيطة فأعطها الصحة والعافية وأحفظها وان كانت قد فارت الحياة للحياة الباقية فأكرم مثواها الاخير وأجعل الجنة مسكنها ودارها )... جرت العادة بين الصبية والصغار حتى الكبار .. لا يرضى الواحد منهم أن يبيح باسم امه أما جمع من الذكور وحتى لو كانوا يعرفوا اسمها.. هذه عادة غرست فينا كلنا زمان رغم حبنا لها الكبير ..روحها العفيفة التي تجري فينا مجرى الدم فهي يومنا كله نحسها ونحن في حضنها وقت قيلولة ( قلكل امية حية يارب الصحة والعافية لمن فارقنَّ الحياة الرحمة وجنات الخلود ).. نرجع للحقيقة : الأم فخرنا وملاذنا وملاذ افكارنا .. الأم مكمن اسرارنا التي لا نضعها إلا عندها ونبوح لها بما لا نبوح به لغيرها اب واخت واخ وعم وخال وصديق .. الأمكل شئ جميل في حياتنا .. كل نسمة حنان وعطف نسعد بها وهي معنا ونسعد بإجترارها وهي بعيدة عنا .. ما يجب قوله في الأم لو فضلت أعدد لكتبت فيه مجلدات ونكتفي ونحن نعلم أنها كل شئ فينا جميل لو فينا شر فنحن اللذين إكتسبناه بأيدينا لكن الأم تغرس في طفلها كل ماهو جميل وحسن ... نخاف ان يكون نداءنا باسمها بين الاصحاب ونحن أجدر ان ننادى باسمها وقد كرمها العزيز الواحد الأحد ( ان ينادى البشر يوم القيامة باسماء امهاتهم ... نخجل ان يذكر اسمها والأحرى ان نفخر فهي فخرنا وتاج رأسنا الغريب في الأمر حتى بعض الشعوب الأخرى لا تبوح باسم الام مثال : تجد الطفل المجري لو حبَّ يكلم امه ( عندما يكون يعلب مع رفاقه تحت العمارة ) يناديها باسمه ينادي : يا شيقوق ( لو كان اسمه شيقوق ) .. إنقص الشافع المجري دا لو بقى اسمو شيقوق
Quote: وصل جوايك الكاتباهو للولد الحِتالي
طبعاً نظم شاعرنا الجميل هذه القصيدة في السنة الأولى بعد دخوله جامعة الخرطوم ( كلية الطب ) .. وقد يصفدف ان تكون المرة الأولى التي فارق فيها امه لمدينة بعيد .. كان ابناء القرى يدرسون الثانوية العامة والعالي في المدن القريبة من قراهم لكن كل خميس يذهب ليتشبع بحنان امه .. لكن العاصمة تبعد المسافات بينها وبين قراهم .. لذا يحن القلب لشوفتها وكان هي بدورها تقوم بتصبيره بنحو رسالة تحملها كل اشواقها وحنينها وحنين الأم دفاق تحسه في سطور رسالتها .. حقب شاعرنا شنطة ( حقيبة ) ... وقفلا بفقشة جريد يابسي عارضا زي كُشر ( الكُشر هو مقام الترباس او القفل .. عادة يكون في باب الحراز الكبير .. وجاء للعاصمة ليجد الحياة تختلف عن تلك التي عاشها بين أهله وربعه .. وقع ومعنى واحساس
وصلني جوابك يا بت الخير الكتبتي للولد الحتالة والحتالة هو آخر العنقود في الاسرة والكبير يسمى بكر
Quote: وكان الظن ترسلي لي هين هينين من البركاوي داك الطعمو حالي ولو بالجملة... شخاليب دوم... هنا والله ني ومسيخ وغالي
وكان الظن ( اي كان كل المنى والعشم ) ان ترسلي لي هين هينين ( الهين هو ملئ اليدين مبسوطتتان ) البركاوي : نوع من التمور الجيدة ( تمر بركاوي ) الشخلوب عادة يكون في انواع الثمار التي تكون مجموعة في سويقة صغيرة ( مثال العنب .. التمر هندي وغيرها ) الدوم هو ثمار شجر تشبه النخيل في طولها لكن فروعها اعرض من جريد النخيل منشرة تعرف باسم شجرة الدوم
01-16-2013, 07:35 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
عفواً الشاعرة الجميلة عفاف الصادق حمد النيل على التعديل في بعض كلم في قصيدك الحلو .. لا ولم نعدلها لتقصير منك لكن لتوافق معاني نحب طرحها ....
هجر وفراق .. وليس سفر وعودة بإذنه الواحد الاحد فقراقك كان محتوم بعودة لكن فراقنا كان أو قد يكون بلا عودة ورغم أن العود حميد نرجو الاذن ( والله ما بنشوهها )
أقسى لَحظة تمر علّي يوم تقول داير تفارق تبقى هي المرة الحقيقة يوم تقول داير تفارق بستف الحب بين ملابسك شان ألآمسك وكل هدم ترتديه تلاقي فيهو قليبي حارسك ولما تهدّى فوق وسادتك تلقى روحيملت جوانحك ولما يغمد رمش عينك ابقى في نومك أزاحمك ولما تبقى أمام مرايتك تلقى صورتي كست ملامحك وكل موقف من مواقفك أبقى قدرك وأبقى فيهو أنا البشابهك ولما تمرق لي صحابك وكلو زول بي شوق إسالمك تلقى في إيديهو إيدي ولمحة من عيني تصارحك حتى في نغمة كلامو تلقى صوتي مزج كلامو ... تحسا بي أنا البصافحك
وين تفارق مني تمشي وين تقبل مني تجري ياني فيك أنا إمتزجتَّ بي مزيج النفس البيطلع مرة شهقا .. مرة زفرة
أكون الدم في عروقّك وأمشي في شريانك اريدك ومسلك الحب في وريدك فيهو بغرق ومنو بروى .. ياني ندك .. وياكا ندي .. عنك أكتب .. ومنك اقرأ وإلتزمنا بالقضية والتمسك بالمبادئ والحقيقة العندي هيَّ لا مساومة .. لا مساومة في المقاومة بي مداومة إلتزام حق تمام أنا البريدك ووين بتمشي بلايا درباً وكل درباً بتمشي فيهو لي بودي ..... وكل حدود الدنيا عندك هيَّ حدي ... وين ما قبلتَّ تلقى إنك إنتَّ مني ليّا وأنك إنتَّ كُل ماعندي
يا نديدي
يا نديدي بصوت صاحبها سيف الجامعة
01-16-2013, 09:35 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ازيك حبيبنا خالد وحمد لله على السلامة , وألف مبروك لي بدخولي لبوست التباريح , الواحد مبسوط جدا لانو اليوم وبعد سنين يستطيع يشارك مع الناس الجميلة هنا - شيقوق - دكتور أحمد القرشي - وضاحة - فيصل خليل وجميع الذين يشاركون بالبوست لهم اجمل التحية.
01-17-2013, 07:25 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ازيك حبيبنا خالد وحمد لله على السلامة , وألف مبروك لي بدخولي لبوست التباريح , الواحد مبسوط جدا لانو اليوم وبعد سنين يستطيع يشارك مع الناس الجميلة هنا - شيقوق - دكتور أحمد القرشي - وضاحة - فيصل خليل وجميع الذين يشاركون بالبوست لهم اجمل التحية.
يا سلااااااااااااااااام ألف مبروك العضوية أخي الكريم أمير محمد ادريس ( الرياض ) منور البوست بودك الذي العضوية بمسافات زمنية كبيرة وكل المنى أن تنضم إلينا حورية البحر ليكتمل عقد الرماة من الجبل
مسرور أنا بوجودك تَسعّد وتَسعد يا جميل الروح
لك مني التحية والتقدير وهذا من نبلك يا كريم أن نسعد بالمشراكات الأولى لك في هذا المنبر
مودتي
01-19-2013, 07:13 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
القلب يدمع أسى لتساقط حبيبات القعدالواحدة تلو الأخرى طيور غردت أشجتوأفرت وكانت قليل مراهم من عيادة لعاشق فقد حبه .. فرحة تمسح دمعة أسى من قلب حزين .. لهم الرحمة جميعاً شاعر ومطرب وأديب ربنا اسكنهم فسيح جناتك
ولحين ميسرة
01-19-2013, 09:56 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وضاحة يا فجر وشمس المشارق يا بنية طالعة من جوف الحنين وضاحة يا شفق المغارب تكسو البلاد أجمل ألوان الوفاء والصدق...
مرور طيب بطعم طيب خاطرك كلمات الأغنية جميلة شديدوتزيدالأشجان إشتعال
ويا مالي عيني باليقين واليقين هي فكرة خلص لها العقل وصدقها لقلب وعملت بها كل الأجزاء متفقة ومقتنعة ويـــا مالي عيني باليقين
فرق المشاعر الما نِست قــــدر الحبـــيب لا شمتت فيهو الخَلق رغم الحنين والريد بحر والشــــوق بحر وأشواقي من شوقك فرق فرق الحنيــــن من زولاً بريدك بي صِدق كلمـــأ مـــا طِراك بالفرحة يشهق مِنشرق وإت هناك .. لا حنَّ قلبك لا شفق يا مالي عيني باليقين
=======================
صبيـــة العطر يشتهيها أمذنب إذا أنا شتهيت سافرت في عيونها دهوراً فما إرتوت عينيّا وما إرتويتُ جدائل الليل على كتفيها تهدّلت حولي فما أهديّتُ
========================
لو توهّك هم الظنون من اي سكة بتتلحق يا مالي عيني باليقين لو كل عُشرة تهون عليك وما تلقى حاجة بتستحق أمرق يداكا باب المروق لو مرة نقدر نفترق وأدخل بدسّك في عروقي ما أصلو دساس العرق
مودتي وتحياتي وضاحة .. كلام طيب بقدر خاطرك
01-20-2013, 06:20 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
تسألني عن طفلة هواي سِت الجمال كيفنها .. ترسم عيونا الاغنيات يوماتي تسأل عنّها .. وتكوسا في سر القمر وقت الغمامة تضمها وتلون الساحات مشي لو صُدفة لاقت حِنها هي الأغنية المغزولة من قطن الفرح .... يا طفلة أشبه منها هي الأمنية الموعودة بالفال السمــــح .. يا السنحتك من بُنها بسأل عيونك لو تجيب ست الجمال كِفينها وكفينها ......
صبيـــة العطر يشتهيها أمذنب إذا أنا شتهيت سافرت في عيونها دهوراً فما إرتوت عينيّا وما إرتويتُ جدائل الليل على كتفيها تهدّلت حولي فما أهديّتُ
01-20-2013, 07:41 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الدابي معروف وهو الثعبان السار : هي الصخور الكبيرة رسى : اي أستقر ومكث اي تصف شجاعته وتشبهه بالدابي عندما يجد له وكر في بين الصخور فأنه يستقر بعيداً من مشاكل البشر يمن لتفسه ان لا تقع عين البشر عليه .. حاله حال الممدوح الذي أختار دربن غير .. اختار درب قسى على البشر وهو درب الحروب ورد الظلم التي يبزل فيها الناس ارواحهم رخيصة .. وكلاهما راسي في موقعه الاول بين السار والثاني في ساحة الوغي ( أم لبوس )
Quote: دابي السلار الرسى يا نعيبة فوق أبـ دربن قسى
دقو التور النحاس والبارودوالرصاص مرق الدود لي الدُواس قرم شنكير باقيّلا رأس
يا نعيبة هي جر الموال لكي يوزن اللحن
دقو التور النحاس .. اطلق التور واراد جلده الذي يجلد به النحاس اي دقو لي النحاس البارود والرصاص معروفة
مرق الدود ( الدود هو الأسد ) الدواس المقابلة حرباً او شكلة اي القوي بدوس الضعيف وه ياهو القائد لقرم شنكير التي ما عرفت معناها
01-21-2013, 04:37 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: فوق أبواتي أنا بجر حديثاً صُح مو فُشر ابو داؤود صافي حُر ركاب لي العزما ام بُكر
اي فوق أهلي الكبار ( ابواتي ) وتعني بها ابيها وابو ابيها وان علو وابو امها وابيه وان علو بجر اي بقول الشعر لاصف فارستهم وشجاعتهم وكرمهم ######ائهم في كل شئ وأتنبر ... وكلامي فيهم صحيح وهم أهل شكرة وسمتّا ومستحقين شكرتي ليهم وكلامي ليس فشر اي والفشر هو عندما تقول كلام غير صحيح في شخص يقال لك ما تتفشر ساكت ( اي ساهي ) ابو داؤد واحد من بين اللذين نمت وقالت فيهم الشعر صافي حُر اي : نقي لا تنقصه صفة من الصفات السمحة وهو ركاب للخيول الاصيلة وهذا يعني انه فارس وزول حروب ودواس
01-21-2013, 05:23 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا بنية من شهد العَشيات والمطر مين فهمّك فن التخفي وإنتظار الخيل فجر منك عودّك صمت البراري ولقنّك لغة البحر يا قايمة من جواي قُرى مصرورة في فوطة سفر قدريش عِنادك علمّك تسقي المواعيد الخَدر وتوفري الليل للحلم وتقايطي النيل بالشعر اها إن شاء الله دا كلو يجيب حق مريسة أم زين
انت بس خجلانة شايفك لافا في المنبر زي جرو ود أبـــ راكوبة إلا كراعك تتقل علي تايتنا غشوة ( ومن بعيد لي بعيد ) وهسي عملتي خايفا من السوط الأحرى من الموت نحن منك بس تكفينا نظرة حنينة ما تتعالي .. اعطفي علينا ما تخلينا نرح ونردح وراك
جواي بسيط .. ما بخوفّك تلقيني عَنّك ما غريب خُشيني تلقي مداي رحيــب والحِيرة جد ما بشوفك لو جيتي ماتضِلي لي تلقيني بحكيك للأماسي وللغمامات بوصفِك .. راسم تقاسيمك صباح وأقراكي .. نوتة .. وبعزفّك يا حِتا ما طلاها زول يا كِلمة ماشدوها قول يا طالة مني وبعرفك وجواي بسيط ما بخوفّك
حبيبي تعال تعال نتلم .. مادام الريد إختلط بالدم
01-21-2013, 08:48 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يــا ملك الطيور أرقص وسط الرياض نشوان مــا إنتِّ علمتي الطاؤوسة كيف تختال وعلمتي الفراش يغشى الورود يرشف من طلها بللا وكيف تهون عليك عُشرتنا ؟؟ ونقول يا زمن وقّف شوية وأهدي لينا لحظات هنية وبعدها شيل باقي عمري وشيل شبابي شيل عينيّا
وأطربنا بكلم جميل مذاقها يا إعيسر
عِرفتي من وين ... تدخليني وتمرقي .. وتطوفي زي حُلماً ... بقرّب وما بجي.. زي دُعاشة تعشم الناس بالفرح وفجأة تتبد عنيدة وتختفي أنا منك إتعلمتَّ كيف .. أستنى في نول الحكي لكني ما اتعودت يوم أضعف ولا بعرف شكي لا ببعدك عني البعاد لا فيك بفترني المشي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ماجدة عوض خوجلى
خالد علي محجوب المنسي
الطيب شيقوق
وضاحة
فيصل محمد خليل
أيمن الطيب
أمير محمد ادريس
سلمى الشيخ سلامة
عبيد الطيب
فيس بوك
تويتر
انستقرام
يوتيوب
بنتيريست