|
Re: tmbis (Re: Salah Abdulla)
|
يا صلاح .. يعني انا كده خلاص إنتهيت مني؟؟؟ والله كان كده يا علاء الدين ووليد فلتمددو رجيلنكم ساااي.. ياخ والله يا ناس الخرطوم كورتكم حبببة شديد..
| |
|
|
|
|
|
|
Re: tmbis (Re: عمر الفاروق)
|
يا عمر ، ياخي نسوي ليكم شنو ، كان بتلعبوا لينا باصات (حلوة). تخلونا نفّك أم دُر ونمسك في (أولادا).. إنتو مش (لسان حالا)!! عشان نثبت ليكم إنو أم درمان (جديدة) وتاريخا سطر ونص وسُكانا، اللي هم إنتو، جُداد..
وبعدين ديل يمددوا رجلينهم من هسي ويتجهزوا كمان؟؟ إنتو نسيتو أساسي ده واللا شنو..
وصيهم يبلوا روسينهم الغُلاد ديل، لحدى ما نرجع ليهم بكرة.
| |
|
|
|
|
|
|
Re: tmbis (Re: Salah Abdulla)
|
أ ميين ؟؟ أساسي بي الخا ؟؟؟ ياخ ده شفقنا عديييل اليوم داك والواحد فينا شال هم مشية البحر .. طبعاً دي عادة أصيلة ما بتعرفوها متعلقة بي مشي ود الطهور للبحر .. ها الزول ده شبكنا ليك ح ااجيب توباز وح اجيب معاها الفوطة والجوطة وال وال وال .. في النهاية طلع ما فارز (بحري) من (بري) ..وعشان ما تفهموني غلط دي ما أسامي مدن بقصد البحر والبر.. والله يا صلاح ما عشان الجماعة ديل أولاد حلتي لكن وليد وعلاء الدين ساقوكم سواقة من لا يخشى السواقة..
| |
|
|
|
|
|
|
Re: tmbis (Re: عمر الفاروق)
|
Quote: وليد وعلاء الدين ساقوكم سواقة من لا يخشى السواقة.. |
أمي في الحالات الزي دي بتقول ( قَدُر سواقتم) .. فهسي ( قَدُر سواقتم)..
ما تحلف، عارفين ما عشان أولاد (حلتكم) ..
| |
|
|
|
|
|
|
Re: tmbis (Re: وليد محمد المبارك)
|
Quote: يا صلاح انتو كنتو ساكنين في زريبة جدكم ! ولا كان عندكم بيت زي حلق الله؟ |
Quote: لو ساكنين في زريبة جدكم .. خير وبركة ولو عندكم بيت بالله وصفوا لينا في الصورة الجبناها قبيل ديك |
يا ولّي، خلي روحك رياضية يا ود قلبا.. أنا ح أعترف وأختار (خير وبركة) واني كنت مربوط مع سخيلة جدي في وتد واااحد.. أها يلا بعدالإعتراف ده، ورّي عصام علي بيتكم كان وين..
| |
|
|
|
|
|
|
Re: tmbis (Re: فيصل نوبي)
|
انتو الفورة كم؟؟!!
بالله يا ولاد أم درمان أساسي الكيشة دا ياخد منكم الزمن دا كله؟؟
مالكم؟؟ ماكلين فتريتة؟؟
| |
|
|
|
|
|
|
Re: tmbis (Re: جدو)
|
يا جدو انت اصلك ما لعبت دافوري ؟!
موش مرات وكت تغلب الناس 5 صفر بدري بدر .. بتقوم بتوقف الاقوان وترجع تلعبها باصات في ملعبك
عشان ما يزهجوا ويفرتقوا الدافوري
اها لو فرتقوا الدافوري نعلب مع منو نحن تاني ؟
| |
|
|
|
|
|
|
Re: tmbis (Re: وليد محمد المبارك)
|
الإهداء لطلوح و من لفه لفه من ناس واطات جدي
Quote: حظائر خمس نجوم ..!! _____________________ ** وهذه حكاية أخرى، ونهديها للدكتور مصطفى إسماعيل أيضاً.. بتاريخ أغسطس 2004، قررت حكومة الجزيرة تنظيم ملتقى الإستثمار العربي الأول بعاصمة ولايتها، ثلاثة أيام فقط لاغير.. تم توزيع رقاع الدعوة لبعض المستثمرين بالسعودية والإمارات والأردن والكويت والبحرين ومصر وغيرها، فلبوا الدعوة حسب برنامج فحواه : اليوم الأول عرض الخارطة الإستثمارية للولاية ومناقشة فرص الإستثمار، واليوم الثاني زيارة لمشروع الجزيرة ومشاريع أخرى، واليوم الثالث للتوقيع على عقودات المشاريع التي تم الإتفاق عليها في برنامج عمل اليوم الأول ..!!
** قبل يوم من موعد الملتقى، وصلت وفود المستثمرين إلى الخرطوم، بعضهم بطائرات دولهم والبعض الآخر بطائراتهم الخاصة، وإستقبلتهم مراسم الجزيرة ثم إستضافتهم في هيلتون الخرطوم لحين ترحيلهم إلى ود مدني ..عند الخامسة مساء، تحركت عربات الكنفوي بالوفد، تتقدمهم مواتر شرطة المرور وعرباتها بصافرتها لزوم ( الأهمية).. هناك، عند مدخل ومدني، إستقلبهم الوالي عبد الرحمن سر الختم شخصياً، وكذلك رجال الطرق الصوفية وفرق الإنشاد وحشد من (الهتيفة)..أكرمهم الوالي في قصر الضيافة بالعشاء الفاخر وخطب الترحاب وبعض الإنشاد والمدح، ثم أمر المراسم بتوزيعهم في ثلاثة فنادق بالمدينة..هم يسمونها بالفنادق، ولكنها في الأصل (لوكندات)، كتلك التي بوادي حلفا وأرقين وسواكن، حيث ينام فيها الرعاة ليلة تصدير مواشيهم إلى مصر والخليج..!!
** لم يعجبهم حال الفنادق وغرفها، ( سرير حديد، مرتبة قطن، ملاية حمراء مرسوم في نصها وردة كبيرة، مروحة سقف ذات أزيز مزعج، صبارة موية بدون غطاء، وطوبتين فوق كل شباك لزوم تثبت النوافذ عند فتحها)، أوهكذا كانت غرف فندق إحدى مجموعات الوفد.. خرجوا من غرفهم، وقرروا العودة إلى هيلتون الخرطوم، وكانت الساعة تجاوزت منتصف الليل، وعادوا.. صباح اليوم التالي، وقبل بداية جلسات الملتقى، قرر أحدهم إنشاء فندق خمس نجوم بالمدينة، بحيث يكون مقاماً يليق بضيوف الولاية وسواحها والمستثمرين و(ملتقياتهم)..طلب من الوالي تخصيص قطعة أرض للمشروع بأي مكان بأرض الولاية..(عاجلاً غير آجل)، خصصت له حكومة الولاية أرض وزارة الأشغال المقابلة النيل (27.000 متر مربع)، فالوزارة ملغية ومبانيها غير مستخدمة..دفع المستثمر قيمة الأرض وما عليه من رسوم، وإستلم الموقع، وغادر البلاد ..!!
** ومن هناك، أرسل الفريق الهندسي والإداري وخرائط المشروع ورأس المال، للتنفيذ .. وبالمناسبة، أثبتت دراسة الجدوى أن إسترداد رأس مال فندق خمس نجوم بودمدني بحاجة إلى فترة تشغيل لايقل مقدرها عن ( 25 سنة)، ومع ذلك قرر التنفيذ إكراماً للولاية وتحسباً لمتاعب (تلك الليلة)..شرع الفريق الهندسي في التنفيذ، وهدم مباني الأشغال القديمة، فجمعت وزارة المالية نوافذها وأبوابها وعرشها و(باعتها في دلالة)، لصالح خزينة الحكومة ..وعند تنزيل تصاميم الخرائط على الأرض، تفاجأ الفريق الهندسي والعمال بأبقار وعجول وحظائر على أرض المشروع..مواطن يدعي ملكية جده الرابع للأرض من (زمن الإنجليز).. نعم، لاترفع حاجب الدهشة، مواطن يدعي ملكية أرض وزارة حكومية عمرها بعمر السودان ..المهم، خاطبوا الحكومة بالحدث، فرد عليهم محمد الكامل، وكان وزيرا للمالية، بالنص: ( إتصرفوا معاه) ..!!
** لم يفهموا معنى التصرف، فشرح لهم المعنى، فدفعوا له - شخصياً - ما أسماه بالتعويض، (280 مليون جنيه)، في العام 2004..فغادر المواطن بأبقاره وعجوله وحظائره أرض المشروع ..وشرع الفريق الهندسي في التنفيذ، ولكن تفاجأ بمواطن آخر وأبقار أخرى وعجول أخريات وحظائر جديدة على أرض المشروع، وبذات الإدعاء ( دي كانت ارض جدي في زمن الانجليز).. فعادوا إلى وزير المالية أيضاً، فخاطبهم بالنص : ( إتصرفوا معاه برضو)..فتصرف المستثمر، ولكن لم يدفع لهذا المواطن عبر وزير المالية، أو كما فعل في الحادثة السابقة، بل قرر (إلغاء المشروع)، ثم الهروب بجلده ..ولاتزال بأرض المشروع، منذ ذاك العام وإلى يومنا هذا، أبقار وعجول وحظائر ( خمس نجوم) ..فالإستثمار في بلادنا ليس بحاجة إلى السلام فحسب، بل إلى (النزاهة أيضاً)..!! |
| |
|
|
|
|
|
|
Re: tmbis (Re: فيصل نوبي)
|
ضحكنا واتونسنا، وطقطقنا واتطقطقنا، وقلوب صافية.. الشهادة لله ، عمر طلع فعلاً شفت !! في كل الأحوال ثاااااابت ، روح رياضية ألف ، زولي والله.. والليلة طبعاً أول مرة أشوف صورتو الكملّت (الصورة) عنو، خذلني والله، كنت قايل شكلو النوع الفارة داك، لكن طلع أصلي، وشكلو واثق من حاجاتو وما بيدعي، الصورة بتوحي إنو ود قلبا ود قلبا ، وهذه شهادة منا بذلك.. يا عمر نصيحتي ليك، اتخارج، يا تجي قطر ، يا تمشي الإمارات، أسمع الكلام..
ونسة يا شباب ، ونسة ..وبروح رياضية عالية..
| |
|
|
|
|
|
|
Re: tmbis (Re: Salah Abdulla)
|
بس يا صلاح لو إنت وأخوك الفارة التاني داك عملتو لي شيرينق من شنباتكم دي عشان نقفل المساحات الفوق الراس دي تكونوا مااا قصرتو وطوااالي نختم ليكم للخروج من الزريبة وتجو تخشو في حضن الإسلام هناااك في سنترا :) :)
النصيييحة يا صلاح كانت عندي نية الجية لي قطر دي ..لكن بري بري منكم طلع عندكم ناس من شبه الجزيرة العربية شكلهم عايزين يتحرشوا بي ..انا عرب أربجي ديل ما بقدر عليهم يا اخوي .. وليد تمشي قطر؟ بس للضمان عوم من تحت لي فوق وحوض السباحة إلا يكون معمول في باركينق العربات وتنط للدور الأول ..
| |
|
|
|
|
|
|
Re: tmbis (Re: عمر الفاروق)
|
يا عمر ياخ ود الديم في قلب الدوحة تقول لي أربجي!! إتخارج من الدسوعية سكول دي.. وبعدين زريبة شنو، ما تسمع لي كلام وليد الفارة ده ، يعلم الله بي سطوحنا، لاحظ سطوحنا دي ما واحد، يعني (جمع) مذكر سالم مبني على المسلّح.. وولّي ده روحو الرياضية بتخذلو، طوالي (بيطالع) ونحن المطالعة فارقناها أيام سينما النيلين.. نحن شفوت ياخ ما بنفكفك زرايرنا..
------------ أقول ليك حاجة، بس الفارات ديل ما يقروها.. الشنب لو كان بيتحول فوق كنت سترت بيهو عورتي دي ياخ.. لكن (الأثمد) مبالغة، غايتو السنة الجاية زي المواعيد دي أخوك(عريس) تاني، وخلالو في الجيب الورا ده لو ما شقيت شعري (إبراهيم عوض).. أي نعم الصلعة وجاهة، لكن الشعر ما بناباهو..
| |
|
|
|
|
|
|
Re: tmbis (Re: Salah Abdulla)
|
Quote: يا عمر نصيحتي ليك، اتخارج، يا تجي قطر ، يا تمشي الإمارات، أسمع الكلام.. |
نحن منتظرينو فى دبي ياصلاح
| |
|
|
|
|
|
|
Re: tmbis (Re: عصام علي أحمد)
|
عصام يا قول الجكس ..أكييييد ما قاصد !!! دبي ياتا البجيها ؟؟اها انا ما زول سباحة حنكك ح يكون شنو؟ ح تقول لي تعال نلعب بلياردو؟ عصام ياخ قلبي ابااااك..وليد ده مااا بينضم ساي :) :) :) ويا قول أولاد سنترا : ما عندي ليك حاجة ..
| |
|
|
|
|
|
|
Re: tmbis (Re: عمر الفاروق)
|
Quote: وولّي ده روحو الرياضية بتخذلو، طوالي (بيطالع) ونحن المطالعة فارقناها أيام سينما النيلين.. نحن شفوت ياخ ما بنفكفك زرايرنا.. |
شكلك من اولاد الزهور فتحت .. ومتلصق في الديم سااااااااااااااااااااااااااي
| |
|
|
|
|
|
|
Re: tmbis (Re: وليد محمد المبارك)
|
Quote: عصام يا قول الجكس ..أكييييد ما قاصد !!! دبي ياتا البجيها ؟؟اها انا ما زول سباحة حنكك ح يكون شنو؟ ح تقول لي تعال نلعب بلياردو؟ عصام ياخ قلبي ابااااك..وليد ده مااا بينضم ساي :) :) :) ويا قول أولاد سنترا : ما عندي ليك حاجة |
..
ههههههههههههههه
ياربي وليد ده شاف شنو ؟
كدى تعال دبي وخلينا نشوفك
| |
|
|
|
|
|
|
Re: tmbis (Re: وليد محمد المبارك)
|
Quote: بيتكم وين يا عصام علي ! |
فيصل نوبي
نحن اولاد العاصمة اولاد الحضارة والتمدن
شوف ناس المعسكر والباغات ديل بيوتهم وين
| |
|
|
|
|
|
|
|