|
|
 Re: tmbis (Re: فيصل نوبي)
|
| Quote: و...بالله عليك مورتا ما بالغ .....آهو نهاية قعاد السعودية |
مورتا انتهى يا اميرنا, مورتا بقى بحضر أفراح أفراح بالعصر و بنتظر الإعادة بالليل 
---
غايتو القصة واقفة لي في حلقي لكن برشها ليكم على ضمانتك انت و عمرالفاروق :)
قال ليك واحد من مدني شغال بتغالط مع واحد من ام درمان
بتاع مدني قال: اولاد ام درمان كلهم ( نفس النقط نقط بتاعة ابوالسيوف) و من شدة ماهم (نقط نقط) الواحد بتخطف من الشارع عادي
بتاع ام درمان رد عليه:خليك من ده انا اول مرة في حياتي امشي مدني و ما كنت بعرف زول هناك, و فجأة اتعصرت بولندا عاينت لقيت عمود كهرباء مشيت جنبو طلعت العدة كده العمود طوالي دنقر
| |
 
|
|
|
|
|
|
|
 Re: tmbis (Re: حسبو عكاشة)
|
هههههههه دا شنو ياحسبو الله يهدّيك ..ماقلّنا ليك كان مزنووووق ومامشفرة كبّها في بوست البقرة
| |
|
|
|
|
|
|
|
|
|
Re: tmbis (Re: حسبو عكاشة)
|
Quote: سلامات يا عزيزى عزيز..
Quote: السنة الماضية عزمني أخي وصديقي ورفيق طفولتي والشباب دكتور الصديق عمر الصديق عشاء في برج الفاتح.
الروابط فيه ما يهمك,,
Re: مستوى متدن للغاية لكتابة رئيس شعبة اللغة العربية بجامعة الخرطوم
Re: فضيحة: سقوط فاحش لرئيس شعبة اللغة العربية بجامعة الخرطوم
لم يخيب ظنى فيك وعنك أبدا,,
وشكرا جزيلا على إنعاش الذاكرة والمعلومات القيمة عن توتى والخرطوم وتفاصيل سقطت من كثير من الكتابات رغم أهميتها,,
دروس ومحاضرات غاية فى المتعة,,
تحياتى,, |
الاخ الكريم أيمن الطيب يا طيب
لك التحية والحب
أولا والله رددت عليك بأخذ إقتباس سؤالك لي إن كنت من توتي ولكن كتبت سهواً إسم الأخ وليد وكنت انت المقصود بالمداخلة..
دكتور الصديق من أخير الناس وأعلمهم وأنطقهم باللغة العربية وله إشراقات كثيرة غير الذي يعرفه عنه طلابه وزملائه نحفظها منذ عهد الصبا الآول فله ولك التحية والحب..
لتوتي سحر وعبق ولتوتي كما ذكرت أنت خصوصيتها والقها الذي يبهر كل من ربطته بها علاقة أو صادق اهلها..
تعرف يا أيمن مع أن الكبرى طفرة ونقلة نوعية في تاريخ توتي إلا أنه له مساوى كان أهلنا الكبار أحكم منا في رؤيتهم.. كانت المعدية البنطون أو الفلوكات عبارة عن جريدة حائطية على مر ثواني اليوم
نعلم عن بعضنا بعضاً من المريض الذى أخذ للطبيب أو المستشفى ومن حضر من السفر ومن سافر ومن رزق إبناً وأكيد من توفي لتصل للعزاء قبل ان تصل منزلك.. الآن تلاشت هذه الحميمية لأن الكل في سيارته يطلق لها العنان رافع الزجاج من الغبار!!
أصبح الجميع يعلم الأخبار بعد مرور أيام وقد تطول لشهور من ما يخلق الجفوة بين الأهل..
نحن بتوتي نفخر بأننا قرية داخل عاصمة كنا أساسها..
تسلم يا أيمن وما نقلته من معلومات عن توتي هي إجتهادات لأباء وأساتذة وأخوة أجلاء مازالوا يوثقوا لتوتي وأهلها..
تقبل محبتى والأمنيات
عبدالعزيز خطاب
| |
|
|
|
|
|
|
|
 Re: tmbis (Re: طلحة عبدالله)
|
Quote: يا حسبو .. بوست ما ودتو نقاط سيف مساعد وشيطان تحويل الأقواس للخور صدقني تاني مااف شي بيوديهو الخور..
أكتب ساااي يا اخوي الحبببة ما بتجيهو .. :) |
أكتب يا حسبو أكتب
أب صلعة زاتو بيكون قاعد يجي يكشف هنا و يضحك و يمشي ينوم قرير العين ياخ
سيف مساعد كتابتو كلها يا اقواس يا شخبتة
أب صلعة كان عمل لماها ليهو تعمل ليهو عنقريب مكرب من عشر طبقات
| |
|
|
|
|
|
|
|
|
|
Re: tmbis (Re: عمر الفاروق)
|
تعرف يا ايمن حوارك البدا ياخد منحى انساني وحنيتك علي عمر الفاروغ دي ما مريحاني , ودي حتودي البوست لحتة مجاملات ما حبابها , الفكرة الرئيسية الخلتني احول بوسط طمبس دا من سكسك مناضلين الي رش اولاد امدرمان رغم انه البوست كاتبه المتواضع نوبي وحولته ليهو بمزاجي انه ادي عيال امدرمان ديل حقهم كاش عشان يعرفوا قيمتهم وانه اولاد قلبا الجد ما بيهتموا بترديد الحكاية دي لانها جزء اصيل في تكوينهم وبتعكسها تصرفاتهم وما حاجة بشيلوا ليها مكرفون في كل حفرة او منحدر يقعدوا يلعلعوا بيها انحنا اولاد قلبا وانحنا عيال سنترا , زمان واحد حكي في البورد دا انه كان معاهم واحد في الجامعة عنده قميص وااااحد بيجي بيهو كل يوم اها يوم واحد مشي معاهو بيتهم لقي الود مرتاح راحة سنينك وفتح ليهو الدولاب لقى دستتين من نفس القميص بس لانه ما داير يحرج الاولاد المعاهو باللبس البعقدهم ولانه مطمئن انه دي مشكلة اصلا بتميزه قصة اللبس دي , ودي بترجعني انا ذاتي لي واحدة من حنياتي العجيبة الان دخلتها في حياتي واخدت فيها تسعة صفر بتذكر كنت بقرأ في الخرطوم القديمة من تانية ماشين تالتة امتحان شهادة وكدا , اها كان الزمن داك في وهمة الكورسات الصيفية وكدا , كان في معهد عبدين في بري اكيد بتعرفوا , سنة تلاتة وتزعين كنت بقرأ فيهو كورس صيفي اها كان معانا ود طيبان ومسكين حلفاوي اها بحكم اني كنت ساكن في امتداد ناصر كان الود دا بيمشي معاي كونه ساكن في الرياض , اها المشوار اليومي دا خلانا نتصاحب , النصيحة الود مسكين وطيب ومتواضع للدين الامر الاداني احساس بانه حالته المادية بسيطة واخوك كان وضعهم متوسط الحال فكنت بحن عليهو لشنو ما عارف , وكنت علي يقين جواي انه ابوهو شغال حارس عمارة في الرياض من العمارات البيبنوها هناك لانه وضعه العام ما بيشئ بانه من اولاد الرياض البرجوازيه , كونه بيمشي معاي المشوار دا كداري وانه بسف صاعوط وما بيشرب سجاير سمة الناس المرتاحة , المهم يوم كدا الظروف خلتني امشي معاهو الرياض بيتهم نجيب مزكرات او نحو ذلك ما متزكر , اها مشيت معاهو وبصراحة طول الطريق انا كنت متحسس انه قد يحرج مني عند رؤية وضعهم المتواضع , اها شفت في الرياض شارع صبعطاشر اجعص فيلا هناك , ايوة فيلا ما عمارة بس , اجعص فيلا واقفات قدامها اربعة عربات من خير ما انتجته التكنلوجيا الالمانية ذلك الوقت من المرسيدس كانت واقفة قدام الفيلا. قام ككرب فتح الباب بي مفتاحه , انا قلت جواي اكيد ود الغفير , زولك فتح باب الفيلا الداخلية وقال لي ادخل ياخ ماف غير ابوي الايامات دي, وناس امي واخواني في لنضن , وانا فاغر فاهي بالدهشة , ودخلت الفيلا من جوة , شفت البيوت البتتخيلها في الجنة ديك ؟ ما حقت الدنيا اجعص بيت بيصل ليهو خيالك؟ بس اقل من بيتهم دا شوية , ياخ بهو الفيلا سقفه الدور الرابع ونازلة نجفة اكبر من حقت جامع السلطان زايد من السقف بتاع الدور الرابع في البهو دا , طبعا ما ممكن اقول علي الحتة ديك صالة لانه البهو يكون كيف لو دي صالة , المهم كراسي الجلوس معمولة علي ما اعتقد بي ريش النعام دا اصلا لو كنت بعرفوا زاتو , المهم لو قلت ليك الود طلع ود راحات واهله اثرياء بكون ظلمته , الود دا تقريبا كان ممكن يشتري حلتنا كلها بي الفرن والتعاون والمسجد وميدان الرابطة والزرايب الجمبه بحق النجفة النازلة من السماء دي,اها كان ندمت علي حاجة في الوقت داك ما بيكون ندمت علي حاجة علي حنيتي الاثرت بيها الود دا وما استاثرت بيها لي نفسي , بعد شوية الود بعد اخدنا المزكرات قال لي اطلعاكا وانا نص ساعة بكابس في اليقومني من الكرسي الغرقت فيهو دا , اها طلعنا كدا علي اساس اني حاشتت بيتنا قال لي اركب بي الباب التاني وفتح المارسيدس , انا لبدت جنس لبدة وعملت غمران كلو كلو والامر عادي , ياخ اظن ديك اول مرة اركب فيها عربية غير بص الاهالي بتاع بري , وجعصت ليك في المارسيدس الشبح الاول مرة اشوفها زاتو الوقت داك وفوووووووو صحبك طلع العمارات فورتي ون نزل ليك اسكريم وداك اول مرة يحصل لي الشرف باسكريم فورتي ون والله دقيت الاسكريم دا زي الباكل في ضلع ما بلعتو بليع بل قعدت الوك فيهو عشان ما تفوتني منه حاجة في الطعم الاول مرة يحصل لي لساني , اها بعد داك فووووو علي امتداد ناصر ونزلني قدام بيتنا , والله لو لا الحياء كنت داير افاصله ينزلني في راس الشارع لكن للاسف هو كان شاف بيتنا المسكين , اول ما نزلت من العربية كان نفسي اقيف جمب الحيطة واجعر بطول حسي علي رقة حالي , في المشوار الصغير دا اكتشفت انه الود اصلن ابوهو سفير وانه بيمشوا لنضن وباريس وعاشوا في فينا وما تعرف لوكسنبورج ودول كدا انا اول مرة اسمع بيها .
المهم الداير اقوله ليك انه يا ايمن انه الزول الواثق من قلبه وعارف قيمة نفسه وقيمة الحاجة العنده ما محتاج يجاهر بيها كل شوية ويقد بيها الناس .
(عدل بواسطة اساسي on 06-17-2013, 11:19 AM)
| |
|
|
|
|
|
|
|
|
|
Re: tmbis (Re: حمد عبد الغفار عمر)
|
| Quote: اولاد قلبا الجد ما بيهتموا بترديد الحكاية دي لانها جزء اصيل في تكوينهم وبتعكسها تصرفاتهم |
يمين بالله يا أساسي وما طالبني حليفة، قبل يومين بس وفي اللمّة بتاعت مقابلة ولدنا دينق
واحد قلبا عدييييييل مش ود قلبا، كلامك الفوق ده رصاه بي ضبانتو..
يا سلالالام، كأنك بتوصف في بيتنا في الديم
بس الفرق إنو نحن كان عندنا (حديقة ) بتاعت أغنام أليفة ، للزينة وكده..
| |
|
|
|
|
|
|
|
|
|
Re: tmbis (Re: اساسي)
|
Quote:
المهم الداير اقوله ليك انه يا ايمن انه الزول الواثق من قلبه وعارف قيمة نفسه وقيمة الحاجة العنده ما محتاج يجاهر بيها كل شوية ويقد بيها الناس . |
غايتو خليتك لى الله كان عايز تجبرني أقول ليك كلامك صاح .. حكيم انا زول حقاني جدا لكن ما تنفعك يا أساسي يا متخرتم ..
| |
|
|
|
|
|
|
|
|
|
Re: tmbis (Re: طلحة عبدالله)
|
يا حسبوف دقستا خالص وأديت الفرصة للوفود الجاية من الفيافي والشايلة السيل عبر الوديان ديل يغيروا مجري البوست إلى الخور
ليطمسوا معالم الهزيمة التى حاقت بهم من أهل الجلد والرأس .
| |
|
|
|
|
|
|
|
|
|
Re: tmbis (Re: طلحة عبدالله)
|
Quote: يا سلالالام، كأنك بتوصف في بيتنا في الديم
بس الفرق إنو نحن كان عندنا (حديقة ) بتاعت أغنام أليفة ، للزينة وكده.. |
بالأضافة يا أب شنب لــ أسومينغ بول..ولاّ أنت كنت قلت جاكوزي؟ في بيت أخوكم الكبير
يعني وليد بعد دا ما بحتاج يمشي دبي ويعمّل دايفينغ
ـــ
ماتفهمو أبو عمير دا غلط يا جماعة ..لا طنقعة لا شتيّن دي حاجة عادية ..
رغم تحفظي على أسم المجلة الشهرية القال إسمها التفاحة دي
| |
|
|
|
|
|
|
|
|
 Re: tmbis (Re: أمير محي الدين محمد)
|
Quote:
يا وليد توتي يسأل منها الخبير عزيز .
انا اُسأل عن معرض الخرطوم الدولي بس |
صاحبي الدبلوماسي أساسي
ياخ ليك وحشه والله كيفك والحلوين؟؟
اخوك والله بقى جار معرض الخرطوم الدولي لزم .. يعنى أي كلام تردم بيه آل مربط جنود المهدية أشريكنى فيه معاك
ورمضان ده الصيام في برى والعيد كمان.. ياريت نعيد ذلك اليوم الرمضاني في رحاب كرمكم..
مودة تعلمها يا صاحب
| |
|
|
|
|
|
|
|
|
|
Re: tmbis (Re: أمير محي الدين محمد)
|
مرة عندنا واحد ملقوف زييك كده يا أساسي والمشكلة عامل فيها بيصاحب المرطّبين بس ..
أها مرة قام مشى لي ناس أحمد الريح (اااي احمد الريح الواااحد بتاعنا بتاع سودانيز ده) .. أها ناس أحمد ديل أظن بيتهم النوع السطوح داك وفيهو سلم ومضروب بوهية على غير عادة البويت :)
أها جاني ليك ونظااام مهجوووم وإنو الليلة مشيت ناس أحمد الريح وطلعوا مرطبييين يا عمك ..
قلت ليهو كيييف عرفتهم مرطبين ؟؟؟
قال والله دييل من شدة ما مرطبين جابوا لينا الجبس* بدون عيش ..
_____________________
*الجبس يا ناس فروق الوقت هو البطاطس المحمرة
| |
|
|
|
|
|
|
|
|
|
Re: tmbis (Re: طلحة عبدالله)
|
وهنا لا يفوتني يا طلحة أن أحكي ليك عن صدمتي في صلاح اخوي الزول البعتقد فيهو كواحد من أهرامات الرقي في هذا الكون ..
إجازتي القبل الفاتت ونظام الجو أسري وكده قررنا إنو نجيب العضة من برة .. أها دوورت العربية وسوقت معاي أختي الصغيرة ..
أها يا شابة تاكلوا شنو ؟؟ انا شخصييياً جنني بيرقر وطرحي وااضح لكن إنتو أجيب ليكم شنو ؟؟
نحتت راسا كداا كداا وكدااا وبتفكككر قامت قالت لي ياخ جيب لينا الإسمو شنو داك؟؟؟
قدر ما حاولت اساعدا في إسمو غلبني ..
قالت لي ياخ الدجاج خالي عظم داااك.. عندو إسم ياخ ..صلاح طوااالي بيجيبو لينا ..
أشيل وأنجر ليها في الاسماي وهي ما عرفت .. في النهاية اشتريت ليهم معاي بيرقر ورجعنا اليبت ..
أها قاعدين بنتونس كده قووم يا صلاح قوول ياخ كان تجيبو لي كريسبي!!!
قووومي انتي يا اختي اتهجمممي وقولي لي بببببس ايوااا كريسبي دي الانا قاااصداها ..
قبلت لي صلاح أخوي وقلت ليهو معليش يا صلاح كريسبي دي ترجمتها شنو ؟
قال لي يعني دجاج خالي عظم!!!
قلت ليهو والله يا صلاح لو بطلت طنقعة وقلت لي جدااد خالي عضم بقبلا منك .. لكن كمان بي طنقعة ولغة عربية فصحى دجااج خااالي عظم!!!؟؟؟
تقول لي شيبس؟؟؟ هاااك الكريسبي الخالي عظم ده .. :)
| |
|
|
|
|
|
|
|
|
|
Re: tmbis (Re: طلحة عبدالله)
|
| Quote: والله يا أساسي انت مدمرة اسفيرية رأسا عديل |
ااي يا حمد اطريني ياخ , ماف احلي من الاطراء المستحق
بمناسبة وافد دي عندي صحبي في امتداد ناصر قريب الود دكين دا كان اخوهو الكبير مصاحب ليهو واحد اسمه معتصم , اها معتصم دا حبوبته مولودة في توتي حقت حبيبنا عزيز دا , اها اصحاب حفيدها ديل كانوا اشقيا جدا , اول ما يجو لي معتصم في البيت ويدقوا الباب تقول هي بتحس بيهم وجنها وجن معتصم دا يطلع معاهم اها اول ما يدقوا الباب بتجي تفتحوا هي بالحاسة السادسة , اول ما تشوفهم
الله لا كالكم ولا جاب عَقَابكم من البلد ...غوروا من هنا
فزي الداير تقول لي الله لا جاب عقابكم *
ــــــــ
تقرا عقابكم بالدارجية السودانية بما يعني باقيكم
| |
|
|
|
|
|
|
|
|
|
Re: tmbis (Re: اساسي)
|
حبيبنا عزيز
معلوم يا صاحب , ما يحتاج زي ما بيقولوا جماعتنا السعاودة
بمناسبة بري , ياخ الشقق النزلت تفاصيلها زمان ديك اظنك حسب مداخلتك الفوق دي بقيت من ملاكها
يا اريت لو تديني شوية تفاصيل وهل ما تزال متاحة للان لانه نصحت بيها زول هنا علي حسب كلامك و كلفني اسال ليهو منها
| |
|
|
|
|
|
|
|
|
|
Re: tmbis (Re: طلحة عبدالله)
|
أسة اعتمد ابو عمير ولا عواليق باشا ..:)
طلعت زول راقي يا طلحة :)..
زييها زي جامع فاروق والجامع الكبير :)..
| |
|
|
|
|
|
|
|
|
|
Re: tmbis (Re: عمر الفاروق)
|
ما عايزك تحرجني مع أساسي دا يا أبو عمير باشا .. لانو أنا أكدت ليهو وليهم انك ليك عود في ام درمان .
| |
|
|
|
|
|
|
|
|
|
Re: tmbis (Re: طلحة عبدالله)
|
| Quote: انا لبدت جنس لبدة وعملت غمران كلو كلو والامر عادي , ياخ اظن ديك اول مرة اركب فيها عربية غير بص الاهالي بتاع بري , وجعصت ليك في المارسيدس الشبح الاول مرة اشوفها زاتو الوقت داك وفوووووووو صحبك طلع العمارات فورتي ون نزل ليك اسكريم وداك اول مرة يحصل لي الشرف باسكريم فورتي ون والله دقيت الاسكريم دا زي الباكل في ضلع |
كنت شايل معاك كيس طبعا مش كدا ؟؟
انا لما قلت ليكم جاني شايل لي كيس والجماعة شكو فيهو ودقو فتاشة ما صدقتوني . طلعتوني كافر عديل كدا 
ما ياهيندي النوعية ذاته القلت ليكم لف بيها باب الهيلتون وهم ماشين بي وراي ..
تخلعو مارسيدس ونجفـة في نص البيت في بداية التسعينات .. وفي الفين واطناشر يجيك داخل شايل ليهو كيس ..
يعني اطلاقـا اطلاقا ما استفاد .. يتخلع من ايسكريم واحد واربعين ومارسيدس المانية الصنع وباب بيفتح بي ريموت كنترول ..
والله اخير ناس طلحـة البشركو للطير والقمري في طرف الترعـة ولا داسنها ولا ايتها حاجة ..
..
اها يا صلاح عبد الله ود امي وود ناس بيتنا .. اهو زولكم طلع من ناس اللمبــه اوقدت
لحدت الآن يا ابو الصلح انا بتعامل معاك كزول شفت وممكن نعمل ليك تعديل شوية كدا وتصعيد تبقى معانا في سرج واحد ..
عليك الله اعمل لينا نقد ذاتي .. اكتب ما يفيد انو فارة الرزق البخاف من المارسيدس دا ما تبعك .. شان نعرف نتفاهم معاك ..
زول يقوليك الاسكريم عمل لي (شقيقة) دا تثق فيهو كيف ..؟
ياخ نحن لما كنا شفع .. اصغر من ولد الثانوي او المتوسطة دا .. في احتفالات عام الطفل الدولي .. كان بابا نميري في قصر الشباب بجينا ونحن في الصالة الداخليه .. والواحد بدوهو خمسة انواع من الايسكريم غير البسكويتات والشوكولات .. والواحد بكون لابس جزمـة رسمية ولادي سايز وشرابات لحدت الركبــة وننشد للعلم مع البيانو ..
مش قلت ليكم الزول دا بكون حايم وعندو (قوبـه) وابعديلات الوكت داك .. وبسكو فيهو سك للحمام ..؟
اها كلامي مشى وجا ..
شجاع يا اساسي .. شجاع انت ياخ
| |
|
|
|
|
|
|
|
|
|
Re: tmbis (Re: طلحة عبدالله)
|
يا عمر الفاروق ما تسمع كلام اساسي ده ... بري دي في نصها جم اخر محطة لحدي سنة 1994 كان في كمبو
اي والله كمبو راسو عديل
نحن كان بنمشيه الصباح
منو بنمشي البيتش بتاعهم الظهر ليها في التسعينات داك
اخر اليوم بنلعب معاهم كورة في الميدان الجمب بيت ناس علاء الدين نغلبهم كان 6 كان 7 نرجع حلتنا
| |
|
|
|
|
|
|
|
|
|
Re: tmbis (Re: عمر الفاروق)
|
الغريبة يا عمر الحته الفيها الكمبو دي هسع شفتها
وحياة الله محتار زاتو الملتون بتاع الناس كان ساكن في الحته ديك كيف ما عارف ؟
| |
|
|
|
|
|
|
|
|
|
Re: tmbis (Re: وليد محمد المبارك)
|
Quote:
البشركو للطير والقمري في طرف الترعـة ولا داسنها ولا ايتها حاجة
|
ههههههههههه
اتا الكلام الملان غبار وفيهو خيوت عنكبوتة نتاية دا بتجيبو من وين يا تامبا ؟
يشركوا للطير والقمري ؟؟؟؟؟؟
الله يرحمك يا طهطاوي .
| |
|
|
|
|
|
|
|
|
|
Re: tmbis (Re: فيصل نوبي)
|
تمبس دا يكون اليوم كلو يقرأ ويتضاحك وعامل مافيش، وما بيجي في المحلات الفيها جري، بس يلم له في ( هنة )
يجي قالع .... أيواااااااااا
يا تامبا يا أخوي والله أنا بحترم جداً الزول البيّقر بالهزيمة، فشنو، جماعتك سكيناهم ، وأنا ده بالذات كنت
رحيم جداً شايل لي فرع نيم، وزاتو فرع سغيييير.. (نعلاتهم) فوووق في السماء والعجاجة ما تديك الدرب..
طبعاً لمن الزول يكابر وما يقر بالهزيمة، أنا طوالي كنوع من التشجيع في المحاولة بساعدو، عشان ما يتأثر نفسياً..
فهسي محاولات أولاد قلبا باءت بالفشل الذريع، قدر ما يفتحوا موضوع نطقطقوا ليهم، ونطقطقهم ليك هم زاااااااااتم
أها من النواحي الإجتماعية، والفنية والأدبية زي ناس الكتابة الأدبية الرصينة بتاعت المثقفاتية ديك والشعر والغنا
والعزف، بمناسبة العزف دي ياخ أنا هسي منتظر لي آلة جديدة يخترعوعها عشان أحيّر ليك الإخترعا زاتو
((وأكيد عمر الحقّار ده ما قال ليك إنو أنا في المستقبل ح أطرح نفسي فنان أسفيري، علماً بإنو شايف
(الموسيقار عمر) أسبغوا عليهو لقب ( ناقد فني ) ويُستشار في الغنا الجديد، وهو طبعاً ما صدق طوالي خشة
ليك في الدور وإستلم الدور والمايك (الإثنين على حدٍ سواء) وخلف رجلو وبداها بي ( حقيقتن ) ،،
هسي عليك الله أنا ما أولى من الفارات، يختّ لي ميتين شرط عشان أبقى فنان إسفيري!!!
الشعب السوداني مُحطّم للمواهب الواعدة الصاعدة)) ... المهم، نواصل لما سبق، أها وكمان ماننسى
البصمات الواضحة في بعض المناحي والتي يشهد بيها الشعب السوداني (كللللو) وما عارفين الشغل ده بتاع الديامي
المقرم التفتيحة الشفت التراّس الطقاق السكّاك، المنطاق، المنقطا، أب شنب ، أب (لصعة) أب زرد ، أب كبّاس ، أب عديلات،
أبو الشهيّق، أب لمبة، أبومروة، (الككو الفجغ الطين) وبرضو ممكن أكون (أنا) وأعوذ بالله من كلمة أنا، زي كلام الفارات الما بدورو نهائياً ، ناس الأديب
الأريب الشفيف الرهيف الظريف النضيف، العفيف، الرغيف.. طبعاً الدنيا ديمقراطية ومن حقي إني أشكّر نفسي زي ما عايز..
المهم، يا فارات كلما تفتحو باب تلقوا البعاتي قدامكم، غايتو أنا ده إلا تهنضبوني بالكورة !! أأأأأي الكورة الواحدة دي ، عبدالله ولدي أب تلاتة سنين ده بعرف فيها أحسن مني، لا عايزها، لا بدورا، لا بطيقا، لا بتابعا، لا بتناقش فيها ولا بتفرجا، لا بجالسا، لا بحملها، ولا بسقيها، ولا بشربا، ولا بصنعا، وهي أكعب ( عندي) من أم الكبائر ست الحديث..
فيا ود بيتنا ياخ تعديلات شنو البتسووها لي أنا!! معقولة بس..
أنا مرتين وصيت ولّي ده عشان تجيبوا الكراسات وأهم حاجة البرجل ، عشان قصة التبني وكده..
شوف يا ولدنا أنا بقولها ليك عدييييل كده، الجماعة ديل ح يبيعوك، البيع الواحد ده، أولاَ ولّي ده السفر
غيّر طبعو وده كلو من المشروع، ح يفكك إنت وعمر عكس الهوا، لأنو قصة لندن وجليد وثلوج ناصعة البياض،
ومباني فيكتورية قديم وتقاليد إنجليزية راسخة وضاربة في عمق التاريخ ولكنة إنجليزية، ومطار هيثرو،
ونغمة قابلت في لندن فلان ، وعلاّن عزمنا غدا، وغلبنا ناس لندن في الدافوري، ، وكمان لمن تمشوا تسألوا
منو في البيت الشفع يقولوا ليكم أبوي في لندن، دي كلها عندها تأثير، فأرخوه شوية عشان تخففوا صدمتكم بعدين
وخليني من الأوهام و قصة الأصالة والبتاع والكلام الما جايب تمنو ده .. وعمر ده زاااااتو بعدما بقي
(ميرغني البكري) ح يفتح ليكم الإتنين، بياخدو رايو، وممكن بكرة يصدر جريدة يومية ويسميها البرتكانة
واللا المنقة، تفاح لأ ، شبع منو ( تب ) في الدسوعية..
فيا خوي أحسن ليك ( تتعصر ) علينا ( عاصميين حتى النخاع ) وح ننقلك من إلى.. لكن وبدون زعل كده
( هذا الأمر يخضع لموافقة مجلس وُراّث الخرتوم ، طلحة ، أساسي ، عزيز،أبوحتوت، أيمن، وكل من يأنس
في نفسة الكفاءة)..
هذا ، والأجر عند الله..
| |
|
|
|
|
|
|
|
|
|
Re: tmbis (Re: Salah Abdulla)
|
يا ابو صلاح شنو المجاملات دي
الناس ديل اتطقطقو و اتسيّكوا وحرقوا من الصفحة خمسطاشر, القدامك دا غلاط و خرخرة ساي
لكن دي ما مشكلة, كدا كدا بيناتنا كبري وما في فروقات توقيت بالحيل كدا
الكلام في مجاملتك لتنظير و مدخّلو كواحد من ورّاث العاصمة لا لا لا يا قريبك دي بالغت فيها
زول ما شاف السوق العربي بي عينو ولا فارز الجامع الكبير من المكتبة!! شمال الخرطوم عندو بنتهي في المطار وهو مسافر و اليوتيرن البمسّكو شارع مدني وهو راجع
فا ما تاكل من الزلابية البعوس فوقها دي وناس جدّي وخالي وورثتي, تنظير دا من اصحاب الباغة الشهيرة :)
| |
|
|
|
|
|
|
|
|
|
Re: tmbis (Re: محمد البشرى الخضر)
|
| Quote: كدا كدا بيناتنا كبري |
نا ؟؟؟؟؟؟؟؟؟؟؟
شوفتو شوفتو شوفتو ..
زولكم لقا الشغلانة جاطت وقال براااحة يحشر نون النحل وإعتمد نفسو كواااحد من الخرطوميين ..
بالله يا ود البشرى ما ترفع الكلف .. قول لي صلاح بيناتكم الكبري بنقبلا ..
| |
|
|
|
|
|
|
|
|
|
Re: tmbis (Re: عمر الفاروق)
|
هههههههه يا أبو حتوت طلّعت أمدرمنجي مندس كدا..كدا... قال ليك كدا البحر
بالطريقة دي زاتو الأمدرمنجية شكلهم ح يعادلوها...أساسي بدأ يستعرّض عمل ليهو مداخلة جابت ليهو هواء
وأبو صلاح قلبو رق ووزع الورثة ..وبختك ياطلحة شايف أسمك طلع في التعويضات
وود الفاروق بقى يلعب قشاش بلياقة فل...والشفت صدّ ليهو اتنين في التمنيات
و..تمبس شكلو زعل مني لو تعليقاتي في قصة الحورية زعلتك لك العتبى يا أبوي
ـــ
و...مدني يااااااا....وفير بللي
| |
|
|
|
|
|
|
|
|
|
Re: tmbis (Re: أمير محي الدين محمد)
|
هههههههه دا شنو يا عمر طلّعتني برة الخرطوم!! وديتني وين طيب؟
ما تعمل لي حركات الشفت وتجيب صورة من سنة اسكت
| Quote: و...مدني يااااااا....وفير بللي |
فير بلاي بي وين يا اميرنا تاني مع عمدانكم - الله يكرم السامعين - العاملة كيف كيف دي :)
| |
|
|
|
|
|
|
|
|
|
Re: tmbis (Re: محمد البشرى الخضر)
|
Quote: زولكم لقا الشغلانة جاطت وقال براااحة يحشر نون النحل وإعتمد نفسو كواااحد من الخرطوميين ..
|
ههههههههههه خخخخخخخخ
قلتا لي يا أبو عمير جا طاير تووووووشك بي غنمو ودجاجو .. والله لكن دا نحل طنان البتلقاهو عامل لاندنق في أية حتة جمب أية حتة ..
ياخ جرجير دا حي الله بعرف في الخرتوم دي القومسيون الطبي عشان جا طلع شهادة تسنين ونادي العمال الجمب موقف العيلفون عشان محل
مواصلات الفيافي والوديان البعيدة ..
ولما اتطور شوية بقي يعرف الكوبري الخالعو دا .. أية حاجة تسألوا منها طوالي يجيب ليك سيرة الكوبري .. تسألو شنو ؟؟؟؟ دا لو قلتا ليهو
السلام عليكم يقول ليك والله لما جينا مارين بالكوبري ماشين نطلع شهادة التسنين ..الخ .. يا زول العيد مبارك عليك يقول ليك والله الليلة
كرعينا منملات لأنو قاطعين الكوبري كداري .. يا زول بكرة تعال أفطر معانا في البيت يقول ليك إحتمال الكوبري يكون مقفول .. رمضان السنة
دي صايمو وين يقول ليك لقينا الكوبري الجديد مزحوم مشينا بى كوبري كوبر .. أية حاجة الكوبري .. والله ما فاضل ليهو إلا يقلع رواكيبو القاعدة
في الوادي ديك ويجيبا يركبا تحت الكوبري ويقعد يبحلق فيهو للحول.
يا جرجير الله يرضي عليك وعلينا وعشان تكسب فينا أجر تستفيد منو في آخرتك بطل لقافة .. هو شنو الموضوع ذاتو عشان تخش فيهو بى رأسك
كدا ياخ ؟؟؟؟؟؟
إنا لله وإنا اليه راجعون .
| |
|
|
|
|
|
|
|
|
|
Re: tmbis (Re: طلحة عبدالله)
|
يا أم مؤيد التى هي تحت
بالله رشي لينا معاك الود الاسمو فيصل نوبي دا .. بما انك ست جلد ورأس.
يا نوبي والله ذكرتني قصة بلدياتنا مع حبوب الفياجرا .
| |
|
|
|
|
|
|
|
|
|
Re: tmbis (Re: طلحة عبدالله)
|
Quote: ياخ جرجير دا حي الله بعرف في الخرتوم دي القومسيون الطبي عشان جا طلع شهادة تسنين ونادي العمال الجمب موقف العيلفون عشان محل
مواصلات الفيافي والوديان البعيدة .. |
خليت بالك يا عزيز بشاشا القارئ من الحركة الحريفة دي
زلقها كدا في نص الكلام يعني الود بعرف حاجة في الخرطوم غير المطار و المغتربين و ومحل تطعيم الحمى الصفراء!!
اهل العوض ياااا .. حركات ياااا
| |
|
|
|
|
|
|
|
|
|
Re: tmbis (Re: طلحة عبدالله)
|
:)
السنة الفات مشيت عزاء في مدني وجد جد وانا راجع ما عرفتا احزن على المتوفي وللا احزن علي حال مدني اكتر
| |
|
|
|
|
|
|
|
|
|
Re: tmbis (Re: حمد فتح الرحمن)
|
يا جماعة قلنا ليكم حمد كورتو اتصلحت مااا صدقتونا :) :) :)
يا حمد لا تحزن على مدني فبها عواميد تخجل كما الشنو ديلك في خدرهن ولا هي بيقولوها كيف ؟؟
تخريمة :
ما عارف لكن والله فقدت مولانا خدر في هكذا بوست .. الزول ده ممتع لمن يبقا ود حلة ويخلي عولاقو بتاع السياسة داك .. :)
| |
|
|
|
|
|
|
|
|
|
Re: tmbis (Re: عمر الفاروق)
|
يا اخواننا لو سمحتو ممكن سؤال؟
طبعا انا قريت في البيت دا " ود قلبا" وما مشكلة والله ماعرفت معناها
ممكن يكون معناها the sun of her heart
ام the sun who put it up side down
ولا بالمرة شوفو لينا علاء الدين يوسف يشكلها لينا عشان نبدأ نقرا في البوست تاني من اول جديد
اي من المربع صفر
وشكرا
| |
|
|
|
|
|
|
|
|
 Re: tmbis (Re: أيمن الطيب)
|
| Quote: ..تمبس شكلو زعل مني لو تعليقاتي في قصة الحورية زعلتك لك العتبى يا أبوي |
شنو يا امير ..؟
ياخ قلنا البوست دا مفتوح .. بوست ونسـة الله لا جاب الزعـل ياخ ..
عليك الله حسع دي لو ما بوست مفتوح .. البجيبك من مدني .. وبجيب طلحـة من ابو عشـر واللا من ووين ما عارف .. ومحمد البشري من ووين كدا ما عارف .. واساسي من بري يدخلو بي قلبا قوي في بوست لي اولاد سنترا شنو ؟؟
خليك منكم ..
ياخ سيف مساعد جا شايل ليهو زهور عايز يتصور معانا ..
| |
|
|
|
|
|
|
|
|
|
Re: tmbis (Re: أيمن الطيب)
|
| Quote: السنة الفات مشيت عزاء في مدني وجد جد وانا راجع ما عرفتا احزن على المتوفي وللا احزن علي حال مدني اكتر |
أحسن الله العزاء ياحمد...وبالله شفت بعينك الحال اللي وصلنا ليها..
وكانت نتيجتو نجي نتكوم جوار فنانات جنوب الحزام والساون سيستم يومي شارط أضانا
وبعد ما كنا بنوم على صوت عصام محمد نور..تسمع فنانات جنوب الحزام يكوركو فينا
أرح..أرح..أرح ..وأرح أكتر من كدا البقت علينا دي وين تاني ماعارف؟
_
ود البشرى ..عمر الفاروق ...الله يرضي عليكم ما قلنا فير بلاي..و..شكيتك لله يا حسبو
كلاماتكم والعمدان دي أجلوها لمن نصل الفجة بتاعت قاع المدينة* والمسكوت عنو القالو عليه
ــ
* يا طلحة الفجة الجنب قاع المدينة دي ما جنب القمسيون ..ماتقوم توصف بيها
| |
|
|
|
|
|
|
|
|
|
Re: tmbis (Re: أمير محي الدين محمد)
|
يا عمر كورتنا من زمان سمحة ياخ بس انتو حاقرين بي اولاد الاقاليم ساكت والله
تعرف يا امير مدن السودان دي كلها بقت عاملة زي المدن البجيبو صورها بعد الحروب في البرامج الوثائقية ديك ، كمية من الغباشة والبؤس الله يعينا بس
| |
|
|
|
|
|
|
|
|
|
Re: tmbis (Re: حمد فتح الرحمن)
|
غايتو هسة ما عارف لكن مدني دي زمان البجيها كلو بكون مغلوب على الأقل 1/ صفر
الببالغ ويلقى ليهو فريق تعبان بيطلع بـ درون
| |
|
|
|
|
|
|
|
|
|
Re: tmbis (Re: حمد عبد الغفار عمر)
|
| Quote: الببالغ ويلقى ليهو فريق تعبان بيطلع بـ درون |
درون شنو يا حمد ياخ ..؟
اقوليك حاجة ..
زمان لما كنا في المتوسطـة .. وكنا مهتمين بالعمل العام اللي من ضمنو ثققيف اولاد الاقاليم ودا طبعا دورنا الطليعي في امدرمان بالضبط زي ما قاعدين نقوم بيهو في البوست دا
كنا موهومين بالكرة .. من كوننا مراهقين ودي النشاطات العادية ..
فكنا بنمشي نلعب في اي مكان .. من ضمن الاقتراحات .. اقترحو الجماعة نمشي نلعب في مدني .. فقامو اجرو ليهم حافلة وبي ربطـة المعلم كسحـو ..
اها انا القدامك دا قلت ليهم طريقكم زراعي مدني شنو البمشيها انا كمان ؟ الخرتوم القريبة دي إلا يجابدوني مجابده فيها
الجماعة ديل المهم مشو طقطقو ليكم اولادكم طلطاشر واللا كم وعشرين ما عارف وجو راجعين ..
فما كان من اولاد مدني إلا وان طلبو مباراة للرد .. طبعا عشان يجو يتفرجو في العاصمة وفي امدرمان ..
والوكت داك بت الحلة الفنانة حنان بلو بلو في الكفـر ..
المهم جبنا الشباب ديل .. وعندنا بيت واحد من اصحابنا فاضي وكبير جوار بيت ناس حنان .. المهم عملنا ليهم الترتيبات للبرنامج ، وكلمنا الحاوي .. والاكل من البيوت والتحلية .. حنان الله يديها العافية .. قالت لينا ارفعو اياديكم من الناس ديل .. واتكفلت بي العضة بي اكسسواراتها ..
بالليل صادف انو في حفلة في الحلـة وكانت حنان المغنية .. والشباب ديل نحن مدنهم تعليمات واضحة تلزمو مكانكم ما تتحركوا إلا بي دليل سياحي تقومو تروحو لينا هنا يا واحد تضربو عربية تجيبو لينا رقبـة ساااي ..
يا زول لما النقارة دورت ... وحنان بتغني في أول اغنية :
اتغابى فينا العرفـة وانا العشان عينيك كملت فيك اللهفـة إلخ إلخ
جماعتك انتفضوا .. عرفوها ليك حنان .. احتلو ليك الحفلـة وهاك يا (كشــف)
ايوة وحيات ابتسامتكم كلكم .. (كشــف) شديد من نوعية البخت ليك اصبعو الابهام في جبهتو
واحد فيهم هاجت اشجانه بشكل عجيب .. قعد يكورك لي حنان ..
يا حنان .. غني لي اومحمد .. غني لي اومحمد ..
تاني يوم اصحابك اديناهم ليك خمسطاشر .. وفي طريق عودتهم لشبة الجزيرة ودعناهم .. بعد ان كتبنا المسؤول عن البعثـة اقرارا بعدم التوقف في اي مكان داخل العاصة المثلثـة .. من هنا الجزيرة طوالي ..
| |
|
|
|
|
|
|
|
|
|
Re: tmbis (Re: أمير محي الدين محمد)
|
البوست دا الحلقة الاضعف فيهو بالنسبة لاولاد الخرطوم هو جرجير ابو حتحوت الشهير بمحمد البشرى خضر , بقية لاعبي تيم الخرطوم كل واحد فيهم معنوياته في السماء وبراهو بقلب اولاد امدرمان واحد ورا التاني , ابو حتحوت اضعف لينا التقسيمة وانا بصراحة من دخلته معانا ملاوز منه بعد بدأ اللعب بقيت شايل هم انه يقرشها لينا في التمنيات , الان بت علي يقين انه طابور خامس , وشغال نظام طوربيض لي مواهيم امدرمان داخل تيم الخرطوم الفتي الشاب المتجانس , والغريبة اشاع انه نسابته من مدني ليكسب شنو ما عارف وبرغم انها اشاعة ما مظبوطة , وعشان نوريكم بالثابتة انه ابو حتحوت طوربيض في تيمنا
| |
|
|
|
|
|
|
|
|
|
Re: tmbis (Re: أمير محي الدين محمد)
|
هههههههه دا شنو!!
يعني انت قايل يا اساسي انت ساكن بري معناها كل جذورك من برّي فقط
الوليّة اصلها من شندي أو ريفها و أعمام والدتها لازالوا هناك, جدها ابو والدتها استقر في مدني فامها مولودة هناك وحاليا في الخرطوم
اها تقدر تقول عليها من وين
احنا دناقلة جدودنا من حفير مشّو, جا منهم والد جدي واستقر في امدرمان والدي اتولد وعاش حياتو كلها في امدرمان قبل اغترابه, اهل والدتي شاعديناب من نواحي بربر - ما عارف اسم الحلة بالضبط - برضو جو استقروا في امدرمان والدتي اتولدت وعاشت فيها حتى سفرها
أها لمّا جو من الإغتراب ما استقروا في امدرمان فأنا رغم انو اهلي منها لكن ما قمت فيها وعيت على الدنيا في الخرطوم و أمدرمان بالنسبة لي كانت مشوار مزعج كل خميس وجمعة أو أيام عديدة في حال وجود مناسبة, فالوالد و الوالدة روحهم في امدرمان و ما مقتنعين باي حتة غيرها, يعني الوهمة حقة اولاد قلبها و قاطع الكوبري وشن ما عارف دي انا مبري بيها من سادسة ابتدائي ويوميّا
ثم تعال هنا حلقة اضعف بتاع الساعة كم وقت بعتني كدا: تو هيل وذ تيم سبيرت, النديك النجيضة الحاميانا ليها المجاملة من قبيل
انت الحلقة الأضعف وكورتك في الكشافات ولولا الدعم المعنوي مني ومن ابوصلاح الحسم القيم بحتة الثقة وما الثقة دي يمين اولاد قلبها على كورتهم الحبة التاميها الشفت صور دي كان ادوك ليها صايمة:)
يا بتاع ازدردت الايسكريم 
أميرنا .. مدني شنو البتصل النهائي :) عايزين لينا تلاتة اربعة صفحات حتى أثر نكتة حسبو يروح
| |
|
|
|
|
|
|
|
|
|
Re: tmbis (Re: محمد البشرى الخضر)
|
| Quote: يا بتاع ازدردت الايسكريم |
والله الشي البعرفو انو محمد البشى دا .. قرايبو ناس كمال عبد الوهــاب لاعب المريخ السابق .. قرايب لحم عديل كدا ..
وسالت عبد المنعم ود الصول من الحتة دي اللي هو والدتو اخت كمال عبد الوهاب لزم .. وديل في قلب الموردة ..
الملاحظ انو الشبه واضح بين معالم كمال عبد الوهاب وبين ود البشرى ..
انا استغرب ..
انو ود بري والمعرض كيف يتطاول على من له علاقـة دم بي كمال عبد الوهاب العلم المعروف في مجال الرياضة
فعلا السفيه نبذ الباشا ..
معليش يا ود البشرى الما بيعرف حقيقتك يجهلك
| |
|
|
|
|
|
|
|
|
|
Re: tmbis (Re: اساسي)
|
اييييييييييييييييييييييييييييك
رش تقيلة
تقدروا تسمو الخرطوم كده
Quote:
حى الأمراء ،(وكان يسكن فيه قادة جيش الخليفة عبد الله التعايشي وأقربائه)
حي الهاشماب، (يقع غرب دار الرياضة).
حي الموردة - بام درمان
حي الملازمين (وعرف بهذا الاسم لان سكانه كانوا من الجيش الذي لازم محمد أحمد المهدي).
بيت المال (عرفت بهذا الاسم لأن الخليفة عبد الله التعايشي اتخذ فيها أول دار للمال
حي الهجرة (وهو الحي الذي ولد فيه الرئيس جعفر نميري
ود نوباوي (نسية إلى ودنوباوي وهو واحد من قادة جيوش المهدية ويقال انه هو الذي قتل الجنرال تشارلز جورج غوردون. وينقسم الحي إلى : القلعة، وودنوباوي شمال، وود نوباوي وسط، ووود نوباوي، ويقع في الحي مسجد السيد عبد الرحمن المهديأحد أبناء محمد أحمد المهدي ومؤسس حزب الأمة، ومركز شؤون الأنصار (أنصار المهدي)، وجامع الشيخ قريب الله، ومركز الطريقة السمانية، ويشق ودنوباوي شارع الدومة (شارع السيد عبد الرحمن المهدي) وشارع ود البصير ويفصلها عن حي العمدة والركابية شارع الوادي غربا. ويفصله عن حي أب روف وود البنا شرقا شارع الهجرة. ويعد حي ود نوباوي من أعرق أحياء أم درمان وواحد من أهمها حيث سكن فيها كثير من السياسين السودانيين البارزين منهم الرئيس جعفر نميري، والسيد امين التوم ساتي.
حي أبو روف.
حيالقماير (ويقع إلى الشرق من نهر النيل وغرب كلية التربية التابعة لجامعة الخرطوم.شمال مدينة النيل، ويحده من الجنوب حي الدباغة.وسمي بالقماير نسبة إلى "القمير" وهو مكان صناعة الجير الأبيض الذي يستخدم في طلاء الجدران وقد تم تصنيفه كمنطقة أثرية حيث تنتشر فيه صناعة الفخار.
حي العمدة(ويعد واحداً من اعرق احياء امدرمان حيث كان يسكنه عمدة المدينة، وينقسم إلى 4 (أربع) حسب اتجاهاتها الجغرافية، وأكبرها هي حي العمدة غرب، ومن أشهر سكانه العمدة ود المقبول، ومحمد أحمد وشقيقه الطاهر ابراهيم وأبنائهم . تاج السر الشيخ وايضا عائلة الشيخ الزين محمد احمد وحرمه السيده ميمونه الشيخ الفاتح الشيخ قريب الله وأولادهم، وايضا الشيخ ادريس الصادق وخليفته الشيخ صلاح ,والشاعر الكبير عبد القادر كرف وأسرة الشيخ مصطفي الرقيق والشيخ يوسف الخليفة عبد الرحمن.و الشيخ مرزوق الشيخ الحسن صاحب الزاوية التجانية وآل ياسين حمزة محمد وهو من أكبر تجار الجلود.حي العمدة شرق وأشهر سكانه اسرة عثمان صالح، بروفسير أحمد إبراهيم دياب، واسرة عجيب أحمد. وحي العمدة جنوب، ومن أعلامه حسن مصطفى يوسف من أكبر تجار الخيش والحبوب الزيتية, واسرة الشاعر السوداني الشهير التيجاني يوسف بشير، وحي العمدة شمال، وأشهر سكانه آل القاضى الشيخ عبد الله أحمد يوسف الذي كان مفتشاً للمحاكم الشرعية، وكان إماماً لجامع امدرمان الكبير وآل نديم وآل الزبير وآل أحمد خيري.
حي المكي:-(وهو من أعرق أحياء أم درمان ومن أقدمها وبها حوش أبوقمري الذي يعد تراثاً قيماً حيث جاهد أهله مع المهدية)
'حي الشهداءومن الأسر المعروفة فيه ود نكير وعوض كوج وأولاد ياسمين.
حي البوستة ومن أشهر سكانه اسرة حامد حسين قاسم.
حى العرب. من أشهر سكانه اسرة يونس عباس شرف الدين والفنان الراحل إبراهيم عوض والمرحوم حسن عطية كابتن فريق الهلال ويوجد بها مسجد الكوارتة. واسرة الفنوب واسرة قابل والفنان ميرغني المأمون.
حي المظاهر وتقيم فيه عائلات التبيداب و،آل مصطفى يعقوب.
حي المسالمة (سمي بهذا الاسم نسبة للسلام والتعايش الذي كان يسود سكانه المسلمين والمسيحيون وبعض الأسر اليهودية امثال اسرة قنديل وصالح خضر الذين تحولوا إلى الإسلام وتزاوج بعض أفرادها مع أبناء الحي والأحياء المجاورة.ومن الأسر الأخرى أسرة عوض مصطفى يعقوب ومصطفى محمد قسم الله والكتياب وأبومرين وجلال عشري، وجورج مشرقي وشيخ الهدية شيخ طريقة أنصار السنة بالسودان رحمة الله عليه. وتوجد بالحي أكبر وأقدم كنيسة في السودان كما يوجد به أكبر تجمع للأقباط المسيحيين، وتوجد في هذا الحي الكنيسة الكاثوليكية ودار راهبات الكنيسة الذي يضم مدارس الراهبات الكاثوليكية (مدارس القسيس كمبوني).
حي الركابية، وبه جزء يعرف باسم حي الأتراك أو زريبة الكاشف. ومن أشهر سكانه التاجر محمد محجوب النداف.
العباسية، وينقسم الي شرق وغرب وشمال.ومن اشهر سكان الحي في مجال السياسه السيده / فاطمة احمد ابراهيم وشقيقها الشاعر والدبلوماسي صلاح احمد ابراهيم وصلاح عبد السلام وزير شئون الرئاسه أبان فترة الاحزاب الأخيره وفي مجال الفن عديد من الفنانين والشعراء امثال زيدان اراهيم وعبد الدافع عثمان وبادي احمد الطيب والشاعر سيد عبد السيد أبو صلاح وفي مجال التمثيل عوض صديق وفي مجال الإخراج إسماعيل عيساوي والمزيع أبوبكر عوض..
حي ابوكدوك ويحده من الشرق حي الضباط ومن الشمال خور أبوعنجة ومن الغرب غشلاق البوليس ومن الجنوب الدرادر وهو الآن موضع استاد فريق الموردة الرياضى. ويعتبر حي أبوكدوك من أشهر الأحياء التي تشكلت منها خارطة أم درمان بعد أحياء الفتيحاب والجموعية والموردة وأبو روف وحي العرب. ومن أشهر سكان حي أبوكدوك أبناء الشيخ أبوزيد بله بن عبد القادر بن على بن دكين (الذي أطلق اسمه على جزيرة ود دكين الواقعة في النيل الأبيض غرب جزيرة توتى)والذي اتى مع وفود دولة العبدلاب واستقر بالخرطوم في المنطقة الواقعة شرق الساقية عشرين ما بين - فندق هيلتون وجامع الشهيد - وكان معه الشيخ ارباب العقائد الذي ارتضى منطقة جزيرة توتى وكان من معه من أبناء عمومته الشيخ حمد ود ام مريوم وبنت عمه بنت المنى بت فضيل والتي تزوجها فيما بعد وهى شقيقة البطل احمد ود فضيل الذي استشهد في معركة ام دبيكرات ومن بعدها تم ترحيلهم إلى منطقة السلاح الطبى ومن بعدها إلى أبو كدوك وأبناء الشيخ أبوزيدهم الشيخ نور الجليل الشبخ أبوزيد والشيخ احمد والخليفه احمد بن الشبخ نورالجليل وعبدالواحد الشيخ أبوزيد وأبناء الضو موسى بله وأبناء سراج النور وأبناء حسن احمد (حجوج)وبناته الاحدى عشر وكانت هناك علاقه حميمه ما بين الشيخ أبوزيد والامام محمد احمد المهدى والذي اخذ منه البيعة قبل مقادرته إلى غرب السودان لتجهيز جيوشه لفتح الخرطوم ولكن عند عودة المهدى فاتحا وجدالشيخ أبو زيد قد توفى إلى رحمه مولاه فانخرط ابنه الشيخ نورالجليل في صفوف المهدى وقد امره الامام المهدى احدى المجموعات لفتح الخرطوم ومن سكان أبوكدوك أبناءالشيخ على التوم وأبناء حمدحامد وال الحاج ضاحى وأبناء محمد البخيت الملغب بـ(الجاركوك) وأبناء الناير خوجلى حفيد الشيح حمد ودام مريوم وأبناء حامد وعبدالقادر والامين عبد القادر وجابر عبد القادر المشهورين بـ (الصياييق) ولا ننسى أبناء الشيخ اسحق الشيح حمدالنيل صاحب البنية المشهورة بمقابر حمد النيل وأغلب هذه الاسر رحلت لضيف المكان إلى امبده (السبيل منطفة الشياخه الحارة الثامنة) وأيضا من سكان أبو كدوك ال الشقلينى والحضراب كل هذه الاسر كانت تسكن في منطقة السلاح الطبى فبل المهديهة وقدقام المستعمر بترحيلهم إلى منطقة أبوكدوك وقد اتت التسميه نسبة إلى الامير لاى صالح أبو كدوك الذي كان يعمل مدير السجن الحربى وهو والد الجنرال توفيق صالح أبوكدوك (له الرحمة والمغفرة).
حي الضباط.
حي بانت - امدرمان
حي أبو عنجة:- وينسب الاسم لأحد ######## المهدية ولخور يصرف مياه السيول للنيل.
الكبجاب. وهي في المنطقة قبل القماير وبعد الهجرة باتجاه ود البصير
ود البنا. وفيه اسرة البنا المعروفة بالشعر والغناء.
حي العبابدة. تابع للملازمين غرب - الحارة 3 ومن أشهر سكان هذه المنطقة آل البشرى وآل سلوم وآل علي حسن كرار.
حي المستشفى. يقع بين بيت الخليفة ومسجد الأنصار والشهداء وفريق العبابدة ومن أشهر سكان هذه المنطقة اسرة شلقامي.
حي اليهود. تاريخيا كان به يهود اندمجوا في النسيج الاجتماعى أو هاجروا.
العرضة:-(حيث كانت تعرض جيوش المهدية في عهد الخليفة عبد الله) تنقسم العرضة الي شمال ووسط وجنوب ومن أشهر واعرق الاسر فيها اسرة محمد بله الخير ناصر واسرة عبد الجاك مصطفى يعقوب والمرحوم عبد الله السيد.
مسجد النيلين الشهير
احياء ام درمان الحديثة
(وهذه المجموعة تقدر بحوالى 70% من أحياء أم درمان)
حي الدوحه امتداد لحي المهندسين.
حي تعويضات بيت المال وفيها اسر من امدرمان العريقة مثل الشيخ السنوسي والكوارتة وقليل من آل الدعيته.
الحي الاكاديمي.
بانت (مقسمة إلى فرعين غرب وشرق).
والثورة (مقسمة إلى أحياء منها المهدية ومن أشهر اسرها اسرة المرحوم عوض مصطفى يعقوب وآل أبو شورة وأولاد ازرق وناس محمد موسى الناير وأولاد مكاوي واسرة الاتراك العريقة آل البريقدار - " وتعرف بالحارات " من الحارة 1 إلى 63)-الثورة من 1 إلى 101.
حي السكن الفاخر.
حي الروضه.
مدينة النيل.
حي الشاطي.
حي الرياض ومن أشهر الاسر فيه اسرة المرحوم زيادة ساتي سوار الذهب ناس مودة ومحبة.
حي الحتانة شمال وجنوب. ومن أشهر سكانه حسين شندي ومجذوب اونسى والحاج جادين (الحاج أبونخيلة)
حي الواحه شرق وغرب وهو أمتداد لحي الحتانة ومدينة النيل والشاطيء والثورات.
حي المناره.
حي ودالبخيتوفيه جزء من سكان امدرمان القدامى ومن ابرزهم اسرة الجعافرة النازحين من ضيق فريق السوق بجوار منزل (بوابة أبو العلا)' واسرت الطيب إبراهيم الطيب وهو حفيد الشيخ الطيب'.
حي الجرافه وفيه بعض سكان امدرمان القدامى ومن ابرزهم اسرة الجعافرة النازحين من ضيق فريق السوق بجوار منزل (بوابة أبو العلا).
أم بدة:- (مقسمة إلى ثلاثة أنهر وهي أم بدة السبيل، أم بدة الردمية، أم بدة الجميعاب؛ وأيضاً مقسمة هذه الأنهر إلى حارات كل على حدة تصل 50) وكان بها أشهر معسكر للنازحين من دارفور وهو معسكر المويلح.
حي المسالمة من أقدم الأحياء ومعظم سكانة من الاقباط.
أبوسعد (مقسمة إلى عدة حارات).
المهندسين كانت تابعة في العهد المايوي إلى السلاح الطبي.
حي العوده كانت مقسمة لدرجة أولى فقط وهي يقصد بها عودة (نميري للحكم بعد انقلاب العطا).
الفتيحاب:- يقال علي انها من أقدم المناطق في امدرمان وسكانها من عرب النيل الأبيض ومن أشهر واعرق الاسر فيها ((الجموعية)).
حي الشقله.
المربعات.
دار السلام من اعرق احياء السكن العشوائي.
حي الصالحة يقع الحي بالتحديد جنوب امدرمان ويقسم الحي الي قسمين كبيرين هما الصالحة غرب ويبدا من الكسارات في جبل طورية حتى سوق يسمى هجيليجة، والصالحة شرق تبدا من جنوب مبنى جامعة أم درمان الإسلامية حتى مشارف قرية القيعة.
|
| |
|
|
|
|
|
|
|
|
|
Re: tmbis (Re: وليد محمد المبارك)
|
ياولّي في اللستة دي ماشايف لي إي حي مطار
في السبعينيات الفاتت لمن تجي شاقي حي المطار في مدني
وتشوف كميات الأسومينغ بول ..البتهاجر ليها أنت لغاية دبي ..
عااادي ممكن تحلف تقول دي بيرنجهام ..عايز صور؟؟؟
ــ
أقتراح تقلعو يافطة الصالحة وتسموها حي المطار..دا لو المطار قام
| |
|
|
|
|
|
|
|
|
|
Re: tmbis (Re: وليد محمد المبارك)
|
غايتو يا ودى البشرى وقعتك وقعة في بورد من لا بورد له ..
تكتب سياسة يقولو عليك رمادي ..
تتونس جغرافيا وتاريخ برضو يطلعوك رمادي ..
كدى راجع طلحة دا ..
يمكن ـ مش جده أرباب العقائد ؟
| |
|
|
|
|
|
|
|
|
|
Re: tmbis (Re: محمد على طه الملك)
|
يا مولانا انت رمادي بتاعة البورد دا قايله مسبّة!!
ثم الرمادي بمفهومها العام يستلزم وجود ابيض واسود, اسي الله يسألك الأبيض وينو؟ في السياسة الجانبين واحد وسواء شي كذب و شي انحطاط و اظنك متابع فضائح المناضلين و الأسماء المستعارة الأخيرة (اوعى تعمل رايح راجين لينا ادانة قانونية فااهمة ههههههههه)
في الونسة و التاريخ و الجغرافيا وقصة امدرمان دي مافيها رمادية لأنو السودان ما فيه اسود وأبيض من ناحية الأصول, إذا السودان كلّو - أو أغلبو - نتيجة هجرات سواء من الجزيرة العربية أو افريقيا
بعدين ما تصدّق اوهامات تنظير, علاقته بأرباب العقائد ما قراه عنه في النت فقط, بل علاقته مع الباقة المذكورة في النكتة أقوى وأقرب ههههههههه
في زول ما بعرف اسم مسجد جده
| |
|
|
|
|
|
|
|
|
|
Re: tmbis (Re: فيصل نوبي)
|
الصالحة دي مش محل المطار الجديد يا نوبي؟
يعني طرف المدينة يا قول الشفت, ياهو عادي كان كدا
| |
|
|
|
|
|
|
|
|
|
Re: tmbis (Re: محمد البشرى الخضر)
|
Quote: الوليّة اصلها من شندي أو ريفها و أعمام والدتها لازالوا هناك, جدها ابو والدتها استقر في مدني فامها مولودة هناك وحاليا في الخرطوم
اها تقدر تقول عليها من وين
احنا دناقلة جدودنا من حفير مشّو, جا منهم والد جدي واستقر في امدرمان والدي اتولد وعاش حياتو كلها في امدرمان قبل اغترابه, اهل والدتي شاعديناب من نواحي بربر - ما عارف اسم الحلة بالضبط - برضو جو استقروا في امدرمان والدتي اتولدت وعاشت فيها حتى سفرها
أها لمّا جو من الإغتراب ما استقروا في امدرمان فأنا رغم انو اهلي منها لكن ما قمت فيها وعيت على الدنيا في الخرطوم و أمدرمان بالنسبة لي كانت مشوار مزعج كل خميس وجمعة أو أيام عديدة في حال وجود مناسبة, فالوالد و الوالدة روحهم في امدرمان و ما مقتنعين باي حتة غيرها, يعني الوهمة حقة اولاد قلبها و قاطع الكوبري وشن ما عارف دي انا مبري بيها من سادسة ابتدائي ويوميّا
ثم تعال هنا حلقة اضعف بتاع الساعة كم وقت بعتني كدا: تو هيل وذ تيم سبيرت, النديك النجيضة الحاميانا ليها المجاملة من قبيل
انت الحلقة الأضعف وكورتك في الكشافات ولولا الدعم المعنوي مني ومن ابوصلاح الحسم القيم بحتة الثقة وما الثقة دي يمين اولاد قلبها على كورتهم الحبة التاميها الشفت صور دي كان ادوك ليها صايمة |
انا حــــرقو .. ؟؟
ولّا مييين حــــــرقو....؟؟
هـــــــــــذا حـــــــــــرقو ..
تخريمة :
ما عارف لكن في اللحظة دي اتذكرت المشهد بتاع عادل امام في شاهد ما شفش حاجة لمن في المحكمة جا واحد يشرح ليهو يعني شنو علامة مميزة ..وقال ليهو ضربة موطة ..خبطة شوومة .. فما كان من عادل إمام وإلا قلا ليهم : هو الراجل مش معانا ؟؟ ااااه .. وتااااااااح قطع فيهو كف ..
تخريمة التخريمة :
انا افتكرتو دم .. وإنت افتكرتو دم .. أأوعد يا أحمد أأوعد يا أحمد ..
| |
|
|
|
|
|
|
|
|
|
Re: tmbis (Re: عمر الفاروق)
|
Quote: النديك النجيضة الحاميانا ليها المجاملة من قبيل
انت الحلقة الأضعف وكورتك في الكشافات ولولا الدعم المعنوي مني ومن ابوصلاح الحسم القيم بحتة الثقة وما الثقة دي يمين اولاد قلبها على كورتهم الحبة التاميها الشفت صور دي كان ادوك ليها صايمة:)
يا بتاع ازدردت الايسكريم |
هسي دي ما أخير منها شغالين الإتجاهين أو الأقواس و النقط حقت سيف مساعد !
ياخ ده قرب يقول ليكـ إنت عامل زي عمدان مدني
| |
|
|
|
|
|
|
|
|
|
Re: tmbis (Re: فيصل نوبي)
|
عمدان مدني بتخجل ...
اساسي دا قااااهر وعينو قوية ..
تخريمة :
هو ماسك النص الساي ؟؟ بقا يسجل ويشطب ..
| |
|
|
|
|
|
|
|
|
|
Re: tmbis (Re: فيصل نوبي)
|
| Quote: ما ياهو البرنس ماسك نص المريخ زي السلام عليكم |
والله حرقو جدجد يا عمر الفاروق .. لمن جاب سيرة هيثم
| |
|
|
|
|
|
|
|
|
|
Re: tmbis (Re: حسبو عكاشة)
|
هههههههههههه
اتضح بما لا يدع مجالا للشك والغلاط انو أساسي مهنضب ليك ولادة أم درمان المزعومة ( باستثناء أبو عمير ) وخاتي ليهم سن المطوة بالجمب ..
يا أساسي احتمال كبير أعيد النظر في كونك وافد علينا في خرتومنا لو واصلت هيمنتك دي .
جرجير دا زيو وزي صاحبنا ( أبو الدقيق) مرة لقوهو معتكف في الجامع ورافع يديهو يدعو انو ربنا يصيبو بالضعف الجنسي والإرتخاء
ولما سألوه يا زول لشنو كدا .. ؟ قال ليهم عايز أحدد كضب دعايات الفياغرا البجيبوها لينا في التلفظيون دي .. ( القصة حقيقة واقعة
وهي تختلف عن قصة بلدياتنا مع الفياجرا الذكرني بيها الود فيصل نوبي ).
يا تامبا نحن ناس الفنايل الداخلية ديل قاعدين ننزل ليهو من (السقالة) وبى هدوم الشغل نطقطقم ونطلع تاني نبني بنانا .. ودا طبعا بعد ما نجدع ليهم
جردل كركدي (ساااااااااااقط ) ونقول ليهو أعملوا حساب الزلط واتوا راجعين .. شفت الكرم والشهامة ؟
يا أبو عمير شووووووووووووت ياخ .
| |
|
|
|
|
|
|
|
|
|
Re: tmbis (Re: حسبو عكاشة)
|
Quote: هاك يا تامبا استمتع
فينيسيا - ابو عنجة |
.. الله يخدر ضراعك .. والله يا حسبـو متعتني متعة في الدنيا الفانية دي ..
..
والله يا حسبو الصورة دي حقو الواحد يلم الاقليميين ديل حسع دي يحاضر ليهم فيها ..
يديهم محاضرة في الصورة دي
| |
|
|
|
|
|
|
|
|
|
Re: tmbis (Re: tmbis)
|
طبعاً يا طلحة اساسي ده عندو قصة قديييمة أثيرت في هذا المكان سابقاً فلا يغرنك هذا التجدع في أولاد سنترا .. ولأني كنت شاهد عيان على هذه الواقعة فعشان كده بيديني اعتبار وإحترام خاص ..
نديك مختصر القصة عشان ترجع تقييم اساسي من منظور إنو وجهة نظرك الأولى صحيحة ميية الميية كونو هذا الأساسي ما هو إلا (طرش بحر) يا قول السعوديين ..:)
الزول ده يا طلحة بيقول لي الكاتشب كشطب !!!
اااي والله كشطب ..
ده غير إنو من النوع البتكتشف إنو لابس ليهو شراب مقدود إضافة لي إنو بتلقى جزء من البنطلون داخل في الشراب بي الجمبة ولون الشراب ما عندو أييي علاقة بي اللبسة ..
| |
|
|
|
|
|
|
|
|
|
Re: tmbis (Re: حسبو عكاشة)
|
Quote: هاك يا تامبا استمتع
فينيسيا - ابو عنجة |
فينيسا بتاعت فنيلتك ياحسبو بعد فنستا لينا عمودنا
على قول المثل البتدوروهو تفينسنو ليهو الخور ..وما البتدوروهو تفنسو ليهو العمود*
ـــ
والله أنحنا..والله إنحنا.....آآآخخخخخ.. المانعنا بس وديّة البوست الخور الله يجيبك يا الأرشفة ساي
مدني يااااااا....والله يسامحك ياحسبو السوّيتها اتفنست
ـــ
* المثل دا منجور راااايت ناااو...والعايز يقراهو كمثل سرّي بي جازو
| |
|
|
|
|
|
|
|
|
|
Re: tmbis (Re: وليد محمد المبارك)
|
اها كمان هاك
Quote: يروي التونسي محمد بن عمر في كتابه ''تشحيذ الأذهان في سيرة بلاد
العرب والسودان'' صفحة 379: '' أن السلطان تيراب بعد أنتصاره
على العبدلاب نزل في أم درمان وأخذ يستعد للزحف على سنار فوجد
النيل في طريقه وعرضه 600 متر ولم يكن لديه من المراكب والمعدات
اللازمة لأجتياز النيل فبقى هناك أشهر يدبر الوسائل لأجتيازه فلم
يفلح وبقي في أم درمان حتى مرض فحملوه وعادوا به لدارفور إلا أنه
مات في الطريق |
الكتاب ده بتلقاه هنا : http://www.archive.org/download/Tarsudan/1803.pdf
| |
|
|
|
|
|
|
|
|
|
Re: tmbis (Re: وليد محمد المبارك)
|
Quote: الزول ده يا طلحة بيقول لي الكاتشب كشطب !!!
اااي والله كشطب .. |
هي هي هي هي
الله يخلي السعودية
هسع بقى يقول : سيارة .. وملابس .. وبقالة
| |
|
|
|
|
|
|
|
|
|
Re: tmbis (Re: وليد محمد المبارك)
|
Quote:
من النوع البتكتشف إنو لابس ليهو شراب مقدود إضافة لي إنو بتلقى جزء من البنطلون داخل في الشراب بي الجمبة ولون الشراب ما عندو أييي علاقة بي اللبسة |
ههههههههههه
أنا غلطان يا أبو عمير .. غلطان غلط شديد كوني ختيتك بين قوسين في الاستثناء الفوق دا .. أصلا ما كان مفروض أعمل كدا
لأنو قلت ولادة أم درمان المزعومة واتا حاشاك من الزعومية والادعاء .. اتا ولد أم درمان رأس وجلد وصلب ..
وايم الله لولا حبك لأم درمانك لبقيتك ود خرتوم زينا .. لكن كما قال الشاعر: ما الحب إلا للحبيب الأول وما لجرح بميت إيلام .
بالله شرابو مقدود ولابس ليهو سروال مع البدلة ؟؟ ومعتمر طاقية أم قرنين كمان ؟؟
مالك عايز تحسسني اني ظلمت جرجير دا ؟
| |
|
|
|
|
|
|
|
|
|
Re: tmbis (Re: طلحة عبدالله)
|
يا جماعة البلد دي ما فيها فنانين ..؟
مافيش ناس بترسم .. وتقرا اللوحات ...؟
ماف ناس من اولاد الخرتوم ديل عندهم مساحة بتاعت تشكيل جواهم ، يجو يفتو لينا في درجات اللون الفي الصورة دي .. وتقنيات رسم المنظور ونقاط التلاشي والالتقاء ..؟
ماف زوي يجي يتكلم لينا عن الرصيف دا شويـة .. والمركب دي ؟
.
ويجو يقولو ليك خور ابوعنجــة وشنو وشنو ما عارف ..
الشجرة السادسـة على ايدك اليمين دي .. فيها بيت ناس التوم بيـه .. التوم عبد الجليل ..عليه رحمة الله ..
وللناس الما بتعرف بلبل السودان الغريد .. يعاينو للشجر دا كويس ..
ولو عاوزين من الخور دا والشجر دا اوصف ليكم حتى لو ضيعني ساكن الموردة برضو بوصف ليكم ..
ولو عايزين اوصف ليكم من الخور دا .. خمسة سنين معاك يا زينة الايام ونوارة الحلوين بقدر
ولو عايزين اوصف ليكم اربعة سنين عاشم الحب .. بقدر
ولو عايزين اشرح ليكم واوصف ليكم .. درب حلتنا جابك يوووم وبخاف اسال عليك الناس .. برضو بقدر اوصف ليكم انتو بس اسالوني .. الحشد العجيب دا كلو بس في الحتة بتاعت الخوير الصغير دا
يجي يقوليك طلحـة نحن الجامع الكبير حقنـا .. بينما اساسي يقوليك لما كنته صغير الاسكريم كان بعمل لي وجع راس ..
| |
|
|
|
|
|
|
|
|
|
Re: tmbis (Re: طلحة عبدالله)
|
| Quote: هسع بقى يقول : سيارة .. وملابس .. وبقالة |
طبعاً يا وليد نوع الجماعة ديل هنا راقدييين ..
النحكي ليك دي لكن النصيييحة ما بقدر أتمها ..والنصييحة كمان ما بقدر (أنقطا) مع شيطان البورد وشيطان سيف مساعد..
واحد من أولاد سنترا جا البلد دي وبعدين ما لقا ليهو شغل وقعد عاطل زي شهرين تلاتة وخلاااص زهج.. أها الشباب قاموا لقو ليهو شغل في بقالة وقالوا ليهو دي حاجة مؤقتة بس مشي بيها امورك..
أها هو القعدة في البقالة مزهجااهو واليوم كلو قافلة معاهو ..
أها مرة قاعد كده النهارية في البقالة وخالف رجل فوق رجل يقوم يجيهو ليك واحد من ناس ( الجزيرة )العربية العراقي والسروال والسديري ..ويدخل ليك يدو في جيب السديري ويقول ليهو :
ااا اللخو .. أدددنا فانتا توت !!!
صاحبنا شال ليهو حديدة كانت جمبو وفكّاهو بيهو وهو بيقول ليهو :
توووت يا ............
| |
|
|
|
|
|
|
|
|
|
Re: tmbis (Re: عمر الفاروق)
|
توت يا توت
طلحة ده شابكنا نزل للأسفل نزل للأسفل شكلو متعود علي نزل للأسفل دي - نسأل الله السلامة
يا ود ما تشد حيلك و تقول طلع للأعلي يوم واحد !
| |
|
|
|
|
|
|
|
|
|
Re: tmbis (Re: عمر الفاروق)
|
طبعا با عمر اساسي بكون باشر لبتاع البقالة وبقول ليه اديني الببسي داك
وبكون قاصد ليه مشروب غازي اخر .. باعتبار انو كل المشروبات ببسي
هي هي هي هي
| |
|
|
|
|
|
|
|
|
|
Re: tmbis (Re: وليد محمد المبارك)
|
لو ما عيب في حقي كـ ود خرطوم وعيني ملانة وبرجوازي صغير واتربيت في بيت ابوى علي نسق ارستقراطي , كان الواحد نزل ليكم صور تثبت الحاجة دي زي ما اتخلع فينا وليد بالماشافو في بيت ابوهو وردمنا صور تحت الضللة بتاعة العمارات
لكن ثقة لا تحدها حدود
| |
|
|
|
|
|
|
|
|
|
Re: tmbis (Re: Salah Abdulla)
|
| Quote: أتجدعوا يا فارات . غاب أب شنب . أشوفكم بعد بكره. |
بعد بكرة شنو يا زول ..
نحن لسـة ما فضينا ليك ..
قلنا ليك نصعدك عايز تعمل لينا مجنون ..
خلاص ..
حسع دي حدد لينا الجايبم لينا ديل كلهم ما بياكلونا .. واحد الجامع الكبير سمع بيهو سمع جاي يقشر بيهو هنـا .. والتاني الاسكريم بعمل ليهو صداع بالجمبــة ..
لو ان ماشي ما عندنا مانع بنديك الفاتحة حقت اليومين دي .. لكن كمان ما ممكن نحن نقعد نساكك في الفارات ديل ساي كدا ..
| |
|
|
|
|
|
|
|
|
|
Re: tmbis (Re: tmbis)
|
Quote: غايتو هسة ما عارف لكن مدني دي زمان البجيها كلو بكون مغلوب على الأقل 1/ صفر
الببالغ ويلقى ليهو فريق تعبان بيطلع بـ درون |
قوية يا حمد, و يا اميرنا اخر واحدة بس عليك الله
قال ليك اتنين من اولاد ام درمان بضربو في السجارات جنب البحر, بعد شوية جو اتنين "عمدان" واحد من مدني و التاني من الخرطوم و قعدو على بعد مسااافة منهم و طوالي دورو " الماتش" و الكورة طلعت درون, بعد شوية الشغلانة قلبت ضرب و شكل بيناتهم ... الاتنين بتاعين ام درمان بتفرجو في الفيلم سااااي قام واحد سأل اخوه , انت الجماعة ديل قبل شوية امورهم كانت باااااااسطة مالهم قلبوها شكل !! التاني رد ليه : والله علمي علمك لكن شكلو التعادل بنزلهم الاتنين
| |
|
|
|
|
|
|
|
|
|
Re: tmbis (Re: حمد فتح الرحمن)
|
قصة عجيبة .. !!
الأمندرمنجية عيال كرو كرو .. كضبكو ده ما تخلو ؟!!
تمبس متجدع بالصديري .. و شويتين ح يجينا بالبرتوز و حمالات البنطلون .. !!
و وليد عندو كم صوره كده قادينا بيها في حوض سباحه في راس بيت في دبي .. !!
!!آآه يا وهمات :)
مخلوعين بالـ " حضاره " :)
نفس حركات قدورة لما نزلوهو من اللوري ..
لكن الوروار لغاية الآن ما قادر خشمو يستعدل - زيكم كده :) - يدقس مره مره و يشبكك : العوضه .. الطش .. الوطه .
وطه .. ؟ ..
وطه يا .. الليله وين " لا " وين ؟؟
| |
|
|
|
|
|
|
|
|
|
Re: tmbis (Re: Emad Abdulla)
|
| Quote: تمبس متجدع بالصديري .. و شويتين ح يجينا بالبرتوز و حمالات البنطلون .. !! |
عليك الله يا صلاح قبال ما تمشي اخوك دا امسكو مني .. ما قاعد يسمع كلامي ..
قبل كم يوم حكيت ليك ليهو بي انواع الجبنـة المختلفة المقدده والمبرومـه والمطاولة والمضفورة
كلمناهو عن قصـة شجر العنب .. ولسة ما فتحت فيهو زي الناس .. كنت عايز احكي ليهو عن اللوكازيا .. والستروميريا وإلخ إلخ .. ما انمهل لي ..
يا صلاح انت زول شفـت ونحن حسع دي قاعدين نعملليك في الاختبارات عشان نصعدك .فشنو اخوك دا بجيب ليك رقبـة لي لمتو مع ناس بري ديل ..
| |
|
|
|
|
|
|
|
|
|
Re: tmbis (Re: حسبو عكاشة)
|
ياحسبو ..UT ..ياكمان أرعوي على قول مخضرمي هنا
أنا لسه بحاول أصفي آثار الأولى وبشتت في الكورة وأقول الله يقلب الصفحة النكد دي
بس مادام دي آخر واحدة ما ح أقول ليك الاّ..و...على قولك البنقو لا دين له
ـــ
ناس الخرطوم مسكتهم حنيّة أرستقراطية ..ومالو في لعبهم للدفاع
ياأساسي يا أب شنب الله يرضى عليكم أضربو الــ (........)* وز زاوت ميرسي
وأها يا ود البشرى لو خرطومي أصيل الكلام دخل الحوش ..بقو يشملونا في النهائيات
وياربي البورد دا مافيهو زول غيري من مدني؟؟
.. .وزاتو شكلو بعد فنستك للعمود دا ياحسبو ح يكبرو اللفة من مدني
ـــ
أنحنا الماسكين على جمر القضية ...مدني يااااااا
* (......) ....البتاعة دي سيرفر أريزونا ليه بجيبها كدا..مايشخطها شخيطو العادي
ـــ
ياتمبس قلت لي بهناك قصّة الــ(هناية) الماحورية عاملة لي ورم في رأسي ...لا والله
بس من يوم ما أنت رسمت القصة كلمات ..والأدرينالين ولاّ الأسمو شنو داك ومن يومها لافي عندي عكس
ورأسي بدأ يودي ويجيب و عملت ألف سيناريو وماظبط...ومتشوق أسمع نهايتها ...
آها في اليومين العملو فيها ناس الخرطوم إنسحاب تكتيكي حاول جازفها ينوبك ثواب
| |
|
|
|
|
|
|
|
|
|
Re: tmbis (Re: وليد محمد المبارك)
|
| Quote: و وليد عندو كم صوره كده قادينا بيها في حوض سباحه في راس بيت في دبي .. !! |
احيييييييييييييي
ريحتني في ميتيني يا عمده
معلومة انو حوض السباحة فوق راس البيت دي كايسة لي 23 صفحة عشان اكتبها وما لاقي لي سبب ياخ ؟
مفروض تكون من امدرمان والله
ثم رجع للخلف بالكرسي و تمطى وتمغى ومسح على كرشه مبتسما .. وراضيا
| |
|
|
|
|
|
|
|
|
|
Re: tmbis (Re: وليد محمد المبارك)
|
| Quote: كلمناهو عن قصـة شجر العنب .. ولسة ما فتحت فيهو زي الناس .. كنت عايز احكي ليهو عن اللوكازيا .. والستروميريا |
ههههههههه .. مسح السدُر الفي الفقُر
أو كما قال عوض بشير
| |
|
|
|
|
|
|
|
|
|
Re: tmbis (Re: أمير محي الدين محمد)
|
| Quote: بس من يوم ما أنت رسمت القصة كلمات ..والأدرينالين ولاّ الأسمو شنو داك ومن يومها لافي عندي عكس |
| Quote: آها في اليومين العملو فيها ناس الخرطوم إنسحاب تكتيكي حاول جازفها ينوبك ثواب |
هههههه ..
والله يا أمير حننتني عديل كدا .. قلت لي خلطت ليك الجاز مع الزيت ..؟ هههههه
يا زول ماف عوجه .. بجاسفه ليك
| |
|
|
|
|
|
|
|
|
|
Re: tmbis (Re: أيمن الطيب)
|
| Quote: معلومة انو حوض السباحة فوق راس البيت دي كايسة لي 23 صفحة عشان اكتبها وما لاقي لي سبب ياخ ؟ |
إنا لله,,
معقولة بس!!!
23 صفحة!!
| |
|
|
|
|
|
|
|
|
|
Re: tmbis (Re: أيمن الطيب)
|
أيمن الطيب عارفك مبسوط القصّة ح يتموّها ليّنا
ـــ
الحنك وارد مدني ...و..قليلٌ من إستغلال جو الحنيّة الساد لا يضيع سدىً
| |
|
|
|
|
|
|
|
|
|
Re: tmbis (Re: فيصل نوبي)
|
Quote:
وحاة جدك ياطلحة انا باغاوى زاتى
عشان كدا لو ماانت ياود الصالحين ماكان عرفت انو الجمبرى ياهو زاتو عقرب البحر واللا السرطان
انت دحين ماكان عندكم مرشح رئاسى من ناس شيخنا محمد مالك رحمة الله عليه
شوف اسى كان لينا شنة و رنة وسط المواهيم اهل البنادر ديل
|
التوقيع Abdul Hameed الذي هو تحت ..
يا حبيب يا قريب .. صديق محمد مالك القاضي كان مرشحنا للرئاسة لكن المزة الصحي صحي في عمنا اللواء (م) علم الهدي محمد شريف
ودا انضرب ليهو تعظيم من العميد يومها عمر البشير شخشيا قبل الانقلاب وطلبوا منو يكون عضو مجلس قيادة الثورة لكن لأنو راجل
عندو قناعة ومبادىء راسخة لا تتزحزح حتي ولو تزحزح النيل الأزرق من مكانو أنو العسكرية دي ميري صرف ولا دخل لها بالسياسة
لذلك رفض وأختار النزول للمعاش والاعتقال لمدة سنة ميلادية .. وإلا لكان اليوم ناس تامبا ديل لما يشوفوا اسمنا حايم في أسافير الله
أكبر دي يضربوا لينا تعظيم سلام بالكيبورد قبل ما الواحد ما تواتيه الجرأة إنو يرد علينا .. الدنيا ضيقة يا عبدول لكن ليك علي الكلام
يكتر أكتر من كدا طوالي نجر لى ناس تامبا ديل سبحنا بتاعت اللالوب ونمسخم نبقيهم أية حاجة تانية غير الحاجة الأولانية اللى هم فيها هسع دي .
| |
|
|
|
|
|
|
|
|
|
Re: tmbis (Re: فيصل نوبي)
|
نجيب ليكم ناس وهبة جري
اها دي صورة لي بحري سنة 25 تقريبا
هاهاهاهاهاهاهاهاهاهاهاهاهاهاهاهاه
اخر حاجة كانت المخزنين بتاعين النقل الميكانيكي
هاهاهاهاهاهاهاهاهاهاها
خلا ساااااااااااااااااااااااااااااااااااااااااي
| |
|
|
|
|
|
|
|
|
|
Re: tmbis (Re: وليد محمد المبارك)
|
يا اساسي الصورة دي انا اخرتها مخصوص عشان تكمل فصاحتك وارشك
بعد ده المغرب قرب نجيب اقوان المغربية
هاهاهاهاهاهاهاهاهاهاها
المصدر السابق
تعليق المصدر ( هذه الصوره للخرطوم سنة 1929
,التعليق عليها - كلية غردون ثم كبري بحري ثم ثكنات الجيش الانجليزي(لاحقا جاء مكانها مستشفي العيون وسلاح الاسلحه ومدرسة الخرطوم القديمه والخرطوم التجاريه و وزارة التربيه والتعليم وداخلية البركس) ثم يأتي بعدها البابور مويه (محطة بري الحراريه) ثم حي بري المحس فبري اللاماب )
المصدر : خلي تاني واحد من بحري يشبكني انحنا وانحنا ..كلاكيت تاني مرة
اها السوال يا اساسي القرية البعيييييييييييييييييييدة دي
المتلميات فيها خمسة بيوت جم بعض
دي موش ياها بري حقتكم ولا حاجة تانية
هاهاهاهاهاهاهاهاهاااااااااااااااااااااااااااااااااااااااااااااااااااااااااع
| |
|
|
|
|
|
|
|
|
|
Re: tmbis (Re: فيصل نوبي)
|
يا أمير الما ببسطنى ويضحكنى شنو عليك الله,,
والله صدق حبسو عشاكة البنقو لا دين لأمه,,
الناس ديل سكرو ولا شنو
تمبس قال ليك حا يتمها ليك!!
ماااااااااااا ظنيت..
ياخ إنت من أولاد وين فى مدنى,,
مدنيين موظفين سودانى بريطانى
سنى دردق ود كنان البان درجة
دباغة توتوماتا زمالك إلخ إلخ اللخ
زاتو
دايرك فى شغلة سغيرونة كدا,,,,
| |
|
|
|
|
|
|
|
|
|
Re: tmbis (Re: أيمن الطيب)
|
حارقني شنو يا شفت ياخ ما قلت انت تاميها غلاط ساي
البرنس كان مشى السما الأحمر ياهو سيدها الما بننساه
الحارقني بالجد قصة انكم ضامين تنظير لناس الخرطوم وكمان عاملين ليه شنة ورنة ساي
يا تنظير عليك النبي اسمع كلام سرّكم عبد الحميد من الفيس بووك Quote: بس لو تخلى المحاككة و الجرجرةالكتيرة ووجهت نفسك توجه سياسى كان تترشح المرة الجاية عن الباغاويين ولا نامت اعين كتيرة
عليك الله بس اتخيل منظر الجماعة ديل وخاصة فلان دا حيكون كيف
ياخى دا براهو هدف تهون من اجله اشياء كثيرة
بس تخيييل وانت الكسبان |
اتصالح مع نفسك ياخ وسيب الشلهتة دي :)
تشكر يا عبد الحميد على النصيحة الثمينة دي ان شا الله تقع ليك يا تنظير
حسبو !! نكتة عديلة ما بتحتاج مضايرة ما عندك :)
| |
|
|
|
|
|
|
|
|
|
Re: tmbis (Re: عمر الفاروق)
|
| Quote: الحارقني بالجد قصة انكم ضامين تنظير لناس الخرطوم وكمان عاملين ليه شنة ورنة ساي |
ليه ما نضمو
هسع فرق قرية ناس طلحة .. وبري الفي الصورة الاخيرة الرفعتها دي شنو ؟
ما الاتنين عبارة عن خمسة بيوت متلميات في حته واحدة
زي الشعر في راس الشافع
| |
|
|
|
|
|
|
| |
حسبو عكاشة
عزيز
فيصل نوبي
اساسي
حمد عبد الغفار عمر
محمد البشرى الخضر
عمر الفاروق
tmbis
وليد محمد المبارك
حمد فتح الرحمن
MOHAMMED ELSHEIKH
أيمن الطيب
محمد على طه الملك
Emad Abdulla
فيس بوك
تويتر
انستقرام
يوتيوب
بنتيريست