|
|
|
 Re: tmbis (Re: عمر الفاروق)
|
يا عمر ياهو معاز الفكي
زول لطيف جدا يا عمر
انا نزلت معاه في بيتو مرتين .. وهو من اولاد كاردف الفاعلين ... شفت الدينا دي كيف ... من سنجة لي كاردف
دي دورة كانت هناك يا عمر .. ايام انا جيتهم
لعبت معاهم وصحبك معاز كابتن الفريق
جينا التواني غلبونا ناس لندن خرخرة
اخوك شال كاس احسن حارس
هاهاهاهاهاهاهاهاهاهاها
عليك الله اسالني عن زول تاني
عشان ارفع صور تاني
هاهاهاهاهاهاهاهاهاهاها
| |
  
|
|
|
|
|
|
|
 Re: tmbis (Re: وليد محمد المبارك)
|
ح اسألك يا مان عشان تتجدددع ..
الزول ابو سيوتر ده أخو معاذ الصغيير قرا النيلين ..
أها ارفع لينا ليهو صوور بالله معاهو ..
| |
|
|
|
|
|
|
|
|
 Re: tmbis (Re: عمر الفاروق)
|
والله انا برضو يا وليد مفكر اسالك ..
لكن ماف مشكلة انت نزل الصور وبعدين السؤال بجي تلقائي براهـو 
| |
|
|
|
|
|
|
|
|
|
Re: tmbis (Re: عمر الفاروق)
|
قصدك معتذ
ساكن مع معاز في نفس الشارع لكن في بيت مختلف لانو متزوج
هاك هاك
اسال عن اي حاجة تخطر ببالك .. لافته .. عربية .. حيطة
اسال ولا يهمك
| |
|
|
|
|
|
|
|
|
|
Re: tmbis (Re: عمر الفاروق)
|
غايتو شهادة لله كدا...
ناس أمدرمان لا يفوقهم فى حبها إلا ناس أمدرمان !!!
ولهم أن يفخروا ونحن زاتنا معاهم
لكن المحير فى الموضوع كلهم يموتو موت ويقطعوا(الكبارى) دى !!
موت عدييييييييييييييييييل كدا!!
الفهم شنو يا أخوانا,,
وبالله يا شباب ما تنسوا لينا موضوع جدلية أولاد قلبا لسة ما رسيتونا على بر!!!
والواثق من نفسو شديد ومتأكد ممكن يقول لينا أنا ود قلبا عشان ما ناكل حقو ساى ,,
حتى ناس حلة تحت ديل لو فى واحد قال هو ود قلبا ممكن يشارك مافى مشكلة المجال مفتوح واااااسع,,
أهو نستفيد من البورد دا شوية كدا ونقدر نطلع بمعلومة مفيدة ومنها نقول لاقينا وشفناأولاد قلبا..
وافر الإحترام أولا وآخرا,,
| |
|
|
|
|
|
|
|
|
|
Re: tmbis (Re: أيمن الطيب)
|
هههههههههههه
طبعا شهادتي في أبو عمير الفوق دا مجروحة دمها النازف يشرشر شر .
لكن للحق عمر الفاروق دا كان لما يجىنا نحن أهل العوض الما بنشتري فرش معجون للناس الجايين من هناك زي ما قالت الأستاذة
كان يومو كلو بعديهو في زريبة الغنم واقف مستغربا في هذه الكائنات الغريبة التى تأكل في باقي الكسرة وما تيسر لها من عليف.. وكان ما
أخاف الكضب وان لم تخنى الذاكرة الخربة كانت الغنم دي تبادلوا نفس الاستغراب وربما بطريقة أشد لدرجة أن بعضها كان يهز رويسو ذات
اليمين وذات الشمال مدهوشا من هذا المخلوق الواقف أمامها وكأنه كائن من سكان المشتري وليس من الخرتوم التى وفد لها غريبا ثم إستقر في
أزقتها وعملا حقتو عديل .. غير أن ما كان يلفت النظر في ناس أبو عمير الجايين من هناك ديل هو حبهم الشديد للخروج في الشارع بالفنلة الداخلية والنكس
مع شبط جديد لنج وكأنو أشتروهوا هسع دي .. وبعد دا الشوكة قاعدة تطعن الواحد فيهم لغاية ما يطير فوق ويدق الواطة التقول ضربو ضريبي وليس مجرد
شوكة صغيرة بريئة كنا نتعمد نحن أهل العوض أن نطأ فيها بوحشية حتي تتكسر في كعوبنا الخشنة المشققة لنتلذذ في النهاية ونحن نسلها سلا مستفدين من شوكة زيها
وحديدة نلويها و نستعملها كمنقاش .
إن الشوكة حقارة لا تطعن إلا ولادة الخرتوم أصحاب الشبط الجديد لنج، كما أن الحياة تختلف حقا من نواحي إلى نواحي أخري وتنزه الله .
| |
|
|
|
|
|
|
|
|
|
Re: tmbis (Re: طلحة عبدالله)
|
والله انا برضو يا وليد مفكر اسالك ..
لكن ماف مشكلة انت نزل الصور وبعدين السؤال بجي تلقائي براهـو
____________
يا تامبا نحن اخوان ياخ
اقول ليك شي انا حا اتخيلك سالتي واجاوب
الزول ده ياهو محمد همت ذاتو .. اي همت برضو قرا النيلين
ياخ الدنيا ضيقة شفت كيف يا تامبا
| |
|
|
|
|
|
|
|
|
|
Re: tmbis (Re: طلحة عبدالله)
|
اسفل شنو يا طلحــة .. وصابون ابو فيل بتاع منـو ..؟
ياخ صابون الفنيك .. ولابريق والظهرة ام فيل ومعجون فرح ابوردة ,, دا تسال منو طوالي اساسي بتاع معرض الخرتوم داك ..
نحن ما قاعدين نغسل للناس بي الابريق
اقوليك حاجة ..؟
نحن ما قاعدين نغسل زاتو .. المناديل والبشاكير دي من الله خلقنـا بتلقاها مجدعـه ..
ومن ناحية البشاكير والمناشف والست حق الصفرة دا احب اضيف انو الفارة بتاع المعرض دا بعدما فتشوهو ..
وحيات ابتسامتك يا طلحــة .. قعد في التربيزة قدامي ونحن قاعدين في اللوبي .. اللوبي يا طلحـة ما تمشي تقراها لينا لوبـا شفته كيف ..؟
قاعدين في اللوبي صاحبك بتلفت زي مروحـة الطربيزة ..
طلبت ليهو حاجة كدا عشان تروق دمـو ، ترم ليهو عضمو .. وتريحو من التوتر بتاعو دا ..
جبت ليهو عصير برتقال فريش .. مش عادي زيو وزي اي عصير برتكان ..؟
زييييييييييطك رقد ليك بالكبايـة شربـه واحده قرطعك قرطعك قرطعك .. بعد شويـة لقى الاستراو جمبو مكفنــه بالورق قالي القصبة دي بتاعت شنـو ..؟
قلت ليهو عادي بكونو نسوها هنـا الجماعة الكانو قاعدين قبالك ..
يعني اقعد اشرح لي متين يا طلحـة ..
بعد شوية جابو ليهو .. موفــن مع كيك انقليزي فضلة خيرك .. اها الموفـن والكيك الانقليزي ديل يا طلحـة عاملات كدا زي مديدة الحلبــة ومديدة التمر بس علي ناشف .. وبي الجمبة كدا شويـة باريز بودنج مع صلصة الشوكولا على شويـة سوفليه بارد ..
صاحبك دا قعد يحوقل .. زي حوقيلك دا
انا طبعا بحب المغارز .. قلت الليلة الفورة الف .. قمت منو بعدما استاذنته .. قلت ليهو ثواني بس برجع ليك ..
تخيل بتاع المعرض دا عش ليك الحاجات دي بي ايدو عادي جدا ..
بعدما رجعته قلت ليهو ياخ مفروض الشوكة والسكين والحاجات دي .. قالي دي حركات بتاعت اولاد امدرمان ساااي
تأمل ..؟
عليك الله شوف الزول دا متحسس قدر كيف ..؟
ياخ انا ما قلت ليهو حاجة ولا سالتو ..
لكن في الحتة دي طلع شفت .. انا ذاتي اشدته بيهو ..
لانو لو كان دخل نفسو في حته بتاعت معافرة للمنيو دا مع التيبل ست .. كان راح فيها ..
والله الكيك الانقليزي دا يا طلحـة صاحبك دا كان لحدت الآن يطعن فوقو بي شدو ومنعو ويتفرتق ليهو
هوووي يا وهم .. الكيك الانقليزي ما ببعجوهو كدا دا .. بتعاملو معاهو بي مزيكا .. مزيكا ،
| |
|
|
|
|
|
|
|
|
|
Re: tmbis (Re: tmbis)
|
الموت والحياة ما معروفات والدنيا غدارة يا أخوان وربما عطسة صغيرة تنقلك إلى الحيواة الآخرة وأنت لا تدري ولا حتي مفكر مجرد التفكير في الفناء
عشان كدا وحتي أموت نضيفا وبى ضمير أبيض وأمانة ناصعة وقد أبرأت ذمتي من أيتها أمانة أو قولة حق فقد آن الأوان لاعترف وأقول :
يا ولادة الخرتوم المزعومين الغاشين أنفسكم من لدن أساسي وتامبا وأبو عمير ومن تبعهم بمسكنة إلى يوم الدين .. حقا ..
لقد صنعتوا يومي هذا ويومي السابق وربما يومي اللاحق .. اطال الله أعماركم وجعلكم دوما ممتعين .
| |
|
|
|
|
|
|
|
|
|
Re: tmbis (Re: حسبو عكاشة)
|
وين يا حبسو عشاكة,,
بالشايفو دا بكون أخوك براه الجا لحوار هنا!!!
الباقين ديل عندهم مآرب أخرى,,
شوف جنس البسوى فيهو طلحة دا يسموهو شنو..
الله فى ..
| |
|
|
|
|
|
|
|
|
|
Re: tmbis (Re: أيمن الطيب)
|
اذكر في التمنينات سنة 63 لما طلحة ومن هم على شاكلته يجو داخلين دار الرياضة امدرمان بي جلاليبهم بي باب الملح كنا نردد لهم وبصوت واااحد مغنيين :
أصيييلة حنيية يا امدرمان جمعتي الناس كلل الناس...
لا كلييتي لا ملييتي يا امدرمان ..
| |
|
|
|
|
|
|
|
|
|
Re: tmbis (Re: عمر الفاروق)
|
ياجماعة والله أنا طولت من البتاع ده شدييييييييييد لدرجة إني جيت وقربت أطش شبكة ذاتو
هسي بقلب في الصفحة الأولى من فوق لي تحت ناس عرفتهم وناس ماعرفتهم واللهجة ذاتا بقت لي زي الغريبة كده
فااااااااااا لقيت البوست ده من اربعة صفحات كمان فوالله قريت بعض مداخلات الصفحة الأولى لحدي السيسبان بتاع اساسي على ما أعتقد
وجيت ناطي للرابعة لقيت مداخلة طلحة
فقلت أحسن أخت لي طوبة تضمن لي بعض من صحوبيتكم في الزمن الجميل حيث أنكم من أدخلنا لهذا البراح .
أها وهادي رجعة للصفحة الاولى من هذا البوست الماتع الممراح
أخوكم ودالبطانة الذي دخل الخرطوم في منتصف ثمانينات القرن الماضي، يعني رافع الراية تب.
| |
|
|
|
|
|
|
|
|
|
Re: tmbis (Re: أبوعبيدة محمد الأمين)
|
بعد شوية جابو ليهو .. موفــن مع كيك انقليزي فضلة خيرك ..
*********************************///
يا تمبس موفن ولا مافن عشان الموضوع ده نحن كأولاد امدرمان بيضغط علينا شديد خاااووولص خااووولص
| |
|
|
|
|
|
|
|
|
 Re: tmbis (Re: عمر الفاروق)
|
| Quote: يا تمبس موفن ولا مافن عشان الموضوع ده نحن كأولاد امدرمان بيضغط علينا شديد خاااووولص خااووولص |
اي حاجة يا عمر .. اي حاجة انت زول مفتح ياخ ما طلحـة واساسي ساااي يعني وقفت على الالف دي بس ..؟
ياخ واحد يقوليك ابو عشرين والتاني يقوليك معرض الخرتوم ..
والله ديل يا عمر عنقريب يمشي فيهم ..
..
| |
|
|
|
|
|
|
|
|
|
Re: tmbis (Re: أبوعبيدة محمد الأمين)
|
حسبوف وأيمنوف وابوعبيدوف
الحياة حلوة ككورة شراب ذات يوم والمطرة تنقط والعصافير تشقشق
يحزنني جدا إنو اغلب أغلبية ولادة الخرتوم لم يلقطوا القطن القاعدين يلبسوهو فنلة داخلية يتفشخروا بيها في شوارع حلال أهل العوض
أو يعملوهوا بطانية يتغطوا بيها ساعة ( سقط ) وبالميت كدا يعملوهوا شراب عشان بعد يبقي قديم شوية يحشوهوا قطن برضو واللا دلاقين مصنوعة من القطن
ويلعبوا بيهو كورة بعد المطرة ما تقيف على طول .
ان ولادة الخرتوم المزعومين مساكين والله لأن مأكلهم وملبسهم ومرقدهم بيد أهل العوض وهم في فشخرتهم جاهلين وماشين أمفكو ساي وبيد ومزاج أهل العوض
ان غطوهم أو عروهم ..
أي والله امفكو زي ما الله خلقهم .
| |
|
|
|
|
|
|
|
|
|
Re: tmbis (Re: عمر الفاروق)
|
يا طلحة قطن شنو وتقانت شنو ..
عندنا زميلتنا في الجامعة مرطبين وكده ..اها قامو جوهم ضيوف من شبه (الجزيرة) (العربية) ..اها هم عندهم تلاجة دييب فريزر الفيها تلاتة لمبات احمر واصفر واخدر تحت دييك..
أها الشافعة كانت واقفة جمب التلاجة تعاااين فيها سااااي وجرررري جات جات لي أمها تكوورك ليها :
يمة ..يمة ..يمة ..
التلاجة أوووقدت ...
| |
|
|
|
|
|
|
|
|
|
Re: tmbis (Re: عمر الفاروق)
|
تعال يا وهم .. اسمع الود الفنان حمزة دا قاعد يقول في شنـو ..؟
انت قايل مسالة لعب وفن وهندسة دي ساكت كدا ..؟
تعال اسمع العود دا حمزة دا بيعمل فوقو شنـو ..؟
والله نحن غنا زي دا قاعد يقوم لينا شعر جلدتنا ..
اضف لذلك انو عادي جدا ، عادي جدا غنا زي دا تكون قاعد ليك في اي راس شارع في امدرمان يكون قاعد جمبك واحد بكتب قصيدة حسع دي ، قبال ما تنتهي التاني يقول ليهو خليك كدا بس دقايق ما تتحرك من حتتك دي شبر .. يجري جوه يجي طابي ليهو عود أو ما تيسر من الآت موسيقة (موجودة جدا) في البيت زيها وزي اي حاجة..
يجي يلقاهو تم القصيدة .. (مازورة) منو (مازورتين) من دا .. اتكتبت القصيدة واتلحنت وحسع دي اتضربت .. زيها وزي اي سمفونية في مسرح اغريقي قديم ، او اي كونشيرتو لي تشيلو .. يحجز القنادلة تذاكرو قبال تمنية تسعة شهور لي ورا..
انت قايل بدور القلعــة ، دي كتبوها في السويد ...؟
ما ياهي كتبوها في قلعتنا دي ..
الم ترى وتعرف وتسمع انو الجو في امدرمان بيحمل معاهو ذرات الابداع والثقافة والعلم والحاجات دي ..
الالهام دا انتو قايلو بيجي من ووين ..؟
سمعت ليك فنان بغني بقول بري ومعرض الخرتوم الدولي . . يا اي هتاويل وتهاويم وخرافه زي دي ؟؟
هل ادمانك الخرافـة والاسطورة المتعلقة بي حساسية مفرطـــة تجاه امدرمان هو ما خلق منك هذا الكائن الخرافـة العجيب جدا الذي كلما سالتو يقوليك معرض الخرتوم الدولي احسن من امدرمان ..؟
| |
|
|
|
|
|
|
|
|
|
Re: tmbis (Re: tmbis)
|
Quote: التلاجة أوووقدت ...
|
هههههههههه
والله ليك حق يا أبو عمير تتمسح بالنيفيا ومشتقاتا وتدعي انك ولد الخرتوم الجيتا أول أمس دي من نواحي البادية البعيدة ..
ليك حق طالما أخوك العزيز محمد حامد جمعة جمع الناس ذات يوم ليقول لهم : (نوصي بهولاء للصحافة) .. وهو يقصد أساتذة مخضرمين .. هههههههههه
| |
|
|
|
|
|
|
|
|
|
Re: tmbis (Re: طلحة عبدالله)
|
Quote:
والله ديل يا عمر عنقريب يمشي فيهم |
هههههههههه
أنا غايتو معترف لكن الكلام في صاحبك الشايل ليهو لافتة ومنشورات وواقف بيهم قدام باب معرض الخرتوم داك ..
أنا يتخيل كدا زنقتو وزريتو زرة زرزور في مطرة ولو أنا في محلو كتا طالبت فيصل نوبي يطالب بكري بى سحب البوست دا .
| |
|
|
|
|
|
|
|
|
|
Re: tmbis (Re: فيصل نوبي)
|
هسه يجينا ابو الحسين يشبكنا ليك ود الصايم دا شهاده عربيه وما مفروض يلعب مع اولاد بحري وعبد العزيز دا انطرد تلان مرات ومفروض يقيف كورة زيادة
| |
|
|
|
|
|
|
|
|
|
Re: tmbis (Re: Maawya Hussein)
|
دا شنو يا شفت صوركم دي في المستقبل :)
الّذ لقطة انّو تنظير متصالح جدا مع لقب تنظير و بشاكل فوقو عديل كدا :)
| |
|
|
|
|
|
|
|
|
|
Re: tmbis (Re: محمد البشرى الخضر)
|
Quote: دا ما ياهو البنقول فيهو زاتو من البداية , لكن هل من ليس من بينكم رجل رشيد . ودا برجعنا لي كلامي القبيل عن رقى ايمن ود بري ود الخرطوم ود قلبا الجد وايضا جنابو عمر عثمان ود الخرطوم اتنين محل الارستقراطية الحقيقية لو كنتم تعلمون الاتربو علي الترف الما بتخلعوا لمن يشوفوا عمارة فيها قزاز , عن ناذر الخليفة ود الخرطوم تلاتة الكانو بقضوا العصاري في شارع الجمهورية وما ادراك ما شارعها ايامئذٍ
لاحظتوا معاي انه ابتداء من المستلب تمبس والمخلوع وليد ما جابو سيرة امدرمان في كلامهم ولما حبوا يستشهدوا بانهم اولاد قلبا فعلا لجوا لجديعهم برة السودان , المخلوع تمبس ما مصدق نفسه , لما الشركة بتاعته الشغال فيها نزلته في رحلة عمل في فندق في جدة فيهو واحد بتاع سكيورتي من اخوانا البدو في نواحي جيزان فرحان بالحديدة البتطلع صفارة بتاعة السكيورتي , لدرجة انه بفتش الجرسونات الشغالين في الفندق من الفرحة بسماع صوت الصفارة البتشبه خلعة صاحبنا القاعد في فندق فيهو بتاع سكيورتي , وذا حديث يطول نأتيه في مرة اخرى .
وليد فرحان بالعاديات البيعشها واحد زي اخونا طلحة جرجير , شوف المفارقة كيف بالله هنا , زي اخونا طلحة جرجير الذي من نواحي ود لميض ريفي الحليلة او قوز محمد نور ريفي الشبارقة او اين كان , لما الواحد منهم يجي الخرطوم ويتصور قدام القاعة وجنينة الحيوانات وكبري النيل الازرق ويختمها بصورة تاريخية في شارع الشانزليزيه في معرض الخرطوم الدولي جمب مجسم التمساح , كان بيرجع الحلة بيعملوا ليهو دورة تكريمية بي درقة ويتحوقل حوله رجال وشباب ونساء واطفال الحلة ستة شهور لي قدام وهو يحكي لهم عن فتحه العظيم وزيارته التاريخية المدعمة بالصورة انفة الذكر , اها ذات طلحة ود ريفي الشبارقة دا لما طلع من السودان وعاش في دبي وبقي ليهو عادي حوض السباحة ومكتبه في العمارة المتصور تحتها وليد الشفت دي وبتعامل مع الامر حوله ضمن حياته العادية الاختلفت بمروقه برة السودان وعيشته في دبي او نحوها في الامارات يجي ود قلبها الاسمو وليد يكرر ماساة طلحة الانفة والتجدع بالصور في حوض السباحة وضل العمارات من شدة ما ماسكاهو ام فريحانة في الصورة قرب يحلق فرحا وطربا , ( اخوكم ما مخلوع ومعزور ) اها وليد ما نزل الصور دي هنا لتأكيد شفتنته كونه من اولاد قلبا وحسب , واظنه يطمح في ان تقام علي شرفه دورة تكريمية في القماير ولا الكباجاب علي اسوأ الفروض , عشان لمن نقول ليكم انتو فارات ومخلوعين بتجيبوا دليل ادانتكم بيدكم , انا من قبيل بتكلم عن عادية معرض الخرطوم بالنسبة لي ايمن كونه ضمن الحلة , الحتة الانتو بتشكوا قمصانكم عشان تدخلوها وتحلقوا مارنزي وبانكس تحت الشجر , فمافي اي فرق بين خلعة طلحة جرجير وخلعتكم اللهم الا انه جرجير اتجاوز الخلعة وبقي ليهو الامر عادي الا ان اولاد قلبها , قلبهم مقطوع وبتخلعوا كل ما تيسر لهم ذلك . |
اساسي والله متعة مابعدها متعة
كده الكورة 10 صفر
ناس امدرمان شايفهم عملوها صور
وعلاء يهاجم ويدافع براهو
هنا الخرطوم محل الطيارة تقوم وتقعد بيكم
| |
|
|
|
|
|
|
|
|
|
Re: tmbis (Re: عصام علي أحمد)
|
يا جماعة زمااان زمن العرس بيمشو ليهو بي بص ابو رجيلة أو بص الهيئة العسكرية ..كللل الأعراس اللي بتكون فيها العروس من الخرطوم والعريس من امدرمان أولاد امدرمان عااادي بيفرتقو الحفلة جوووة الخرطوم ..
طيييلة عمري ما حضرت لي حفلة العريس من الخرطوم والسيرة جات فرتقت ليها حفلة في امدرمان ..يدوهم صحن العشا يضربو الطعمية والمخلل والبطاطس ويبقو مارقين ..
| |
|
|
|
|
|
|
|
|
|
Re: tmbis (Re: عمر الفاروق)
|
| Quote: يا جماعة زمااان زمن العرس بيمشو ليهو بي بص ابو رجيلة أو بص الهيئة العسكرية ..كللل الأعراس اللي بتكون فيها العروس من الخرطوم والعريس من امدرمان أولاد امدرمان عااادي بيفرتقو الحفلة جوووة الخرطوم |
والله ياعمر انتو فاكنها فى روحكم ساكت
اولادكم ديل مابقدروا يشقوا الديم فى تلك الايام الخوالى ، قال يفرتقوا حفلة
ماعايز احكى ليك عن برى ونمرة 3 والحلة والسجانة
اولادكم كنا بنجيبهم من غير فيزا ههههههههههههههههههههههههههه
| |
|
|
|
|
|
|
|
|
|
Re: tmbis (Re: عصام علي أحمد)
|
| Quote: اولادكم كنا بنجيبهم من غير فيزا |
الكلام ده ما في صالحك طبعا.. لأنو كده اغراض الجيبة بتكون معكوسة تمااااماً :) :) :)
بالمناسبة ناس الديم تامنها لون ساي ..
| |
|
|
|
|
|
|
|
|
|
Re: tmbis (Re: فيصل نوبي)
|
يا عمر
قلت لي زي وقعت سرداب بيت العرقي دي كانت بقت في ام درمان معناها كان هنا بيت راحة
قوية دي
| |
|
|
|
|
|
|
|
|
|
Re: tmbis (Re: محمد عبد الماجد الصايم)
|
Quote: قال الديم قال
في زول منكم شاف القماير ولا غرب الحارات !
اها دي الا تجيها بنمر افراج مؤقت يا عصام علي |
يانوبي ياحبيب
الديم وتفاصيله لايعرفها الا من عاشها واقعا واستمتع بالسكنه
والدعوة موجه ليك ولناس ام درمان ناس الضهاري ، فى الفيسبوك (الديم احلي حته)
تعال هناك بتلقى صلاح عبدالله وعماد عبدالله وطارق الامين وكل الحلوين
بحكوا ليك عن الديم
نوبي قماير شنو !! قوم لف
| |
|
|
|
|
|
|
|
|
|
Re: tmbis (Re: محمد عبد الماجد الصايم)
|
والله ليك حق يا أبو عمير تتمسح بالنيفيا ومشتقاتا وتدعي انك ولد الخرتوم الجيتا أول أمس دي من نواحي البادية البعيدة ..
---
بادية شنو ياطلحة ...عمر الفاروق دا ولدنا ...من محل
(التلاجة اوقدت ) دى ذاتا ....
| |
|
|
|
|
|
|
|
|
|
Re: tmbis (Re: محمد عبدالرحمن)
|
| Quote: دا شنو يا شفت صوركم دي في المستقبل :) |
ودالبشرى الصور دى ملعوب فيها
وليد شنو البمشى لندن
دى مجرد احلام الشفت فيما سيكون فى العام 2025 حسب تاريخ الصورة
| |
|
|
|
|
|
|
|
|
|
Re: tmbis (Re: محمد عبدالرحمن)
|
| Quote: هسه يجينا ابو الحسين يشبكنا ليك ود الصايم دا شهاده عربيه وما مفروض يلعب مع اولاد بحري وعبد العزيز دا انطرد تلان مرات ومفروض يقيف كورة زيادة |
و الله يا معاوية أبو حسين قاعد إتفرج بس ........
المدرب مريحو لي مباراة بحري لأنو عارف لعبهم عنيف ....... و كلهم أصحاب سوابق و لعبهم ما نضيف .....
| |
|
|
|
|
|
|
|
|
|
Re: tmbis (Re: ABUHUSSEIN)
|
يا عصام حكاوي الديم مكررة وممجوجة انا الما من الديم ده اسسة دي ممكن انجر ليك من شاكلة قصصهم دي نوع بنات الديم كانوا بيوصلوا اولاد العمارات بيوتهم بعد الحفلة تنتهي و و ..
والله يا عصام اولاد العباسية يفتحوا ليكم باب حكي وونسة في الاسفير ده الا راسكم يشييب ..
اسة الحالة تمبس مدلعكم بي قصص الموردة اللي هي درجة اقل من قصص العباسية وحي الضباط .. بالله يا تمبس حصل شرطة النظام العام جات حايمة بهناك؟؟
ناس (احساس) جميل زييك كراسييهم برررة بيحضروا في دافوري كورة الشراب .. وصير الكوتش يقول يا غربتي ..
| |
|
|
|
|
|
|
|
|
|
Re: tmbis (Re: عمر الفاروق)
|
محمد عبد الرحمن ..
طبعاً انا مقياسي لي الزول من وين مقياس بسييط جداً ..الا وهو يوم العيد بيكون وين ؟؟
عن نفسي ومنذ نعومة أظافري يوم العيد بكون مستمتع بالعاصمة المثلثة اتجول فيها يمنة ويسرى وتكون البداية من خور ابو عنجة ..بعد اداء الصلاة في جامع الخليفة سابقاً ثم جامع ودنوباوي حالياً ..
طبعاً إنتو الوقت داك بتكونوا بتفتشو في هايس تأجروها عشان تلحقو الصلاة في الضهاري بعد يوم عمل شاق لحدي الساعة 4 صباحاً في التجارة ..
| |
|
|
|
|
|
|
|
|
|
Re: tmbis (Re: saif massad ali)
|
((معشر الكوزن  ))
الناس بفتشو فى أولاد قلبا وأبوالسيوف بفتش فى الكوزّن
ياخ البوست دا دايرين نعرف فيه أصل تسمية وقصص أولاد قلبا !!
حتى لو كيزان وأمنجية ما مشكلة المهم الموضوع اولاد قلبا!!
أرخى بالله....
| |
|
|
|
|
|
|
|
|
|
Re: tmbis (Re: أيمن الطيب)
|
يا عمر وتمبس
مالكم رخيتوني ؟
باقي الصور دي انا اعمل فيها شنو اسع ؟
بعدين انتو بتافعوا عن امدرمان ؟
والله بالغتو
ياخ غنى حقيبة سااااااااااااااااااااااااي نحن فايتين الناس مسافة
امدرمان شنو البتحاولوا تثبتوها وتدافعوا عنها
اسالوني اسالوني ياخ ؟
| |
|
|
|
|
|
|
|
|
|
Re: tmbis (Re: وليد محمد المبارك)
|
| Quote: النجيضة .. أولاد الخرتوم اتطقطقوا بالنوتة!! |
ولســة يا معلم .. صاحبك دا ح نعمل ليهو حفلة في الختام .. وح نجيب ليهو وشاح ودرع ..
اصلو النوعية دي اكان ما اديته وشاح ودرع اصلو ما بتتكيف .. ياخ دا في حفلة العرس لازم يلبسوهو وشاح
..
| Quote: باقي الصور دي انا اعمل فيها شنو اسع ؟ |
.. ههههه يا شفــت ياخ والله عادي المسالة دي ..
اكان اتضايقته خالص .. رش لي ود الصايم .. على الاقل الزول دا كان في امريكيا نعم وايم الحق مشاها قبل الفارات ديل يعرفو ليها درب واحتمال كبير يكون عندو يد .. يدين لحدت الآن وتلاتة آسات على الجمب .. ومقصين ..
عليك الله وجه رسائلك المصورة تجاه ود الصايم .. عشان يجي يمتعنا هو الآخر .. بي صور البحيرات العظمى .. وإلخ إلخ ..
تاني انحنا هنا ح نعمل اعلام وح نعمل تصحيح اوضاع وح نعمل سينما عديل كدا .. طالما اي واحد من الفارات ديل مشى امريكيا وحسع دي حالق لينا صلعة يا شاقي لينـا شعرو .. ولابس ليهو جزمة فيها حديد وحزام بي نجوم .. نحن تاني ما بنسكت ولما ما نسكت والله خشمنا دا إلا يقدر عليهو الله .. يا يقلعو لينا ضرس ..
اضف لذلك .. حسع دي اكان استفزيتوني زيادة وهيجتو اشجاني بقول بنزل ليكم جوازاتي التانية
انا ما عندي ليكم صور .. لكن بتعامل معاكم بي دبلوماسية .. دبلوماسية مفرطة جدا .. شان الناس تعرف حاجة ..
نوريكم الجانب المشرق مننا ومن الحياة ..
| |
|
|
|
|
|
|
|
|
|
Re: tmbis (Re: أيمن الطيب)
|
ارخي انت دا يا ايمــن .. سيف دا وحيات ابتسامتك ما يكون ناقش حرف من الكلام البقولو فوقو الناس دا ..
اقوليك حاجة ..؟
ما يكون قادر يجمع ليهو كلمتين مع بعض في الخمسة صفحات دي عشان يطلع ليهو بي جملة مفيدة
..
اها نوعية سيف دي يا ايمن .. عندنا ليها في سفر سنترا هناك في مرجع الشفوت .. صفحتين وتلاتة سطور ديل خاصات بي زي ناس سيف ديل ..
اها بعدما نخلص من فرش متاع صاحبك بتاع المعرض دا .. احتمال .. احتمال نجي نكرمك بي سطرين فيما يتعلق بي ناس سيف دا .. لطالما انك باحث في التراث
..
| |
|
|
|
|
|
|
|
|
|
Re: tmbis (Re: saif massad ali)
|
Quote: والله يا عصام اولاد العباسية يفتحوا ليكم باب حكي وونسة في الاسفير ده الا راسكم يشييب ..
اسة الحالة تمبس مدلعكم بي قصص الموردة اللي هي درجة اقل من قصص العباسية وحي الضباط .. بالله يا تمبس حصل شرطة النظام العام جات حايمة بهناك؟؟
ناس (احساس) جميل زييك كراسييهم برررة بيحضروا في دافوري كورة الشراب .. وصير الكوتش يقول يا غربتي .. |
لا يا عمر .. لالالالا ياخ ..
ما كمان ما ممكن جري وطيران ..
حسع لو متابع خطوط كنتور البوست دا حسب الرفع المساحي والتتبع الجغرافي .. صاحبك الوهم دا انا سايقه ليهو من القلعة وودرو والمسالة وحي السوق ..
حسع لو بتلاحظ انا عرجت ليهو من نادي الفنانين لحدت محطة الموردة ..
انا سايق الفارات ديل .. زي بريش زمان لما يطعن الكورة بي بوز الكدارة والجماعة يجرو وراهو ..
ياخ انا لسـة يا عمر ما قطعت بيهم الخور ..
تقول لي استنارة وبطيخ .. ياخ احساس جميل زيك يا عمر كان اي حاجة باسكت وتنس طاولة وجمباز وطايرة ومزازيك وكراسي بره لي كورة الشراب ..
ههههههه ..طبعا حسع دي جماعتك بكونو اتضايقو .. عايزين التشفير دا يتفك ليهم .. عشان يكونو في الصورة ..
هوووووي يا وهم .. نحن تشفير ما عندنا .. لكن حنكنا دا بعرفوهو اولاد سنترا ..
يعني نحن نقعد نفتح بيكم .. ونفك ليكم شفرات ونقفل ليكم بلوفـــه ..؟
عليك الله عاين زي ديل .. ؟
| |
|
|
|
|
|
|
|
|
 Re: tmbis (Re: tmbis)
|
((((باقي الصور دي انا اعمل فيها شنو اسع ؟))))
يا وليد ياخ نزل الصور بتاعة لندن وتركيا وأحكى لينا القصص,,
وبعدها عليك النبى خلى تمبس يتم لينا قصة بت البحر الركبت معاه
من الموردة ونزلت ورا مجلس الشعب شبكنا واغ ويغ وعايز ياكلنا
حنك!!! تم القصة يا تامبا ياخ,,
عشان نرجع للموضوع الأساس ..
| |
|
|
|
|
|
|
|
|
|
Re: tmbis (Re: tmbis)
|
ناس الخرتوم ديل كانو بيخافو من الرومان عشان كده ما بيقطعو البحر
<<<<<<<<<<<<<<<<<<<<<<<<<<<<<<<<<<<<<
(الرومان) لا (أهلي مدني) كااااااااااااااااااك
يافيصل زول بقطع بحركم الا يكون ماشي استاد المريخ
أو ماشي الاذاعة يذيع ليهو بيان تاني في شنو .....
| |
|
|
|
|
|
|
|
|
|
Re: tmbis (Re: omer osman)
|
Quote: خلى تمبس يتم لينا قصة بت البحر الركبت معاه
من الموردة ونزلت ورا مجلس الشعب شبكنا واغ ويغ وعايز ياكلنا
حنك!!! تم القصة يا تامبا ياخ,, |
... يا ايمن .. ياخ عليك الله استنى دقيقة . استنى ياخ ، موضوع بت البحر دا كبير جدا .. اكبر من انو يتناقش في مساحة ضيقة زي دي .. .. انت شيل الصبر .. وعليك الله ما تشوش لينا حسع دي خلينا نطقطق ليك الوهم دا وحسع دي انا داخل على الصفحـة بتاعت خور ابوعنجــة
في نص الطقطقـة يا ايمن في الحتة حقت خور ابوعنجـة .. احتمال كبير تلقى ليك بتين زي بتاعات البحر ديل عادي جدا ..
انتانتظربس .. ياخ انت دافع حاجة ..؟
..
| Quote: (الرومان) لا (أهلي مدني) كااااااااااااااااااك |
يا جناو حسع ردك دا زاتو ح يتحسب عليك .. وانا لحدت الآن من ناحية انك (صوليب) موزعك في خانة الشفوت ..
غايتو بديك مهلة رد واحد وعلى شرط تختصرو لي في تلاتة كلمات .. عايز موجز ضافي لمعرفتك فيما يتعلق بالرومـان القاصدم نوبي ديل ..
يا اما كمان ح اسحب منك الشارة الدولية .. ونعاملك معاملة اساسي واحد .. مع العلم انو لحدت الان تصنيفك كويس .. على الاقل بالنسبة لينا.. كشفوت في طور التكوين
| |
|
|
|
|
|
|
|
|
|
Re: tmbis (Re: tmbis)
|
بعدين احب اضيف يا جستابو عمر ..
اي واحد ( بمبـا) عندنا ليهو تقدير وبنحسب ليهو ربع نقطـة من مجموع النقاط الكلي اللي هو سبعة درجات بمقياس رختر ..
التقييم الدرجاتي الرختري دا يا جستابو .. خاص (بالكيس) المتعلق بي انو تعتمد عند اولاد قلبـا واللا لالالا ..
انتو قايلين المسالة سااااي ..
ياخ اي حاجة قلنا ليكم عندنا بي نظام ..
| |
|
|
|
|
|
|
|
|
|
Re: tmbis (Re: tmbis)
|
تامبا يا تامبا,,
((((خاص (بالكيس) المتعلق بي انو تعتمد عند اولاد قلبـا واللا لالالا )))))
آى بالله ركز لينا على الحتة دى,, كدا نحن راجعين للطريق الصاح,,
منو البعتمد والإعتماد على أى أساس وهم منو زاتو البعتمدو ديل ياخ,,,
البحث دا حا يطش بطريقتك دى,,,
ركز وما تجوط الشغلانة وبرّد
نفسك شوية ياخ...
عمر عثمان معدود من الشفوت فى طور التكوين!!! شرنقة يعنى ولا كيف!! البحث محتاج تفاصيل ياخ,,
| |
|
|
|
|
|
|
|
|
|
Re: tmbis (Re: tmbis)
|
يا جناو حسع ردك دا زاتو ح يتحسب عليك .. وانا لحدت الآن من ناحية انك (صوليب) موزعك في خانة الشفوت ..
غايتو بديك مهلة رد واحد وعلى شرط تختصرو لي في تلاتة كلمات .. عايز موجز ضافي لمعرفتك فيما يتعلق بالرومـان القاصدم نوبي ديل ..
يا اما كمان ح اسحب منك الشارة الدولية .. ونعاملك معاملة اساسي واحد .. مع العلم انو لحدت الان تصنيفك كويس .. على الاقل بالنسبة لينا.. كشفوت في طور التكوين
<<<<<<<<<<<<<<<<<<<<<<<<<<<<<<<<<<
هههههههههههههههههههههههههههههههه
ياتمبس عوافي يااااااخ انت قايلني كنت شغال في لاركو والا شنو
اخوك بوليس وفي البوليس بوليس اقسام و*(كرمزية) يااااااخ
-----------------------------------------------------------------------------
* (كرمزية) لغير الناطقين بلغة الرندوك تعني اختصار (للمباحث المركزية)
| |
|
|
|
|
|
|
|
|
|
Re: tmbis (Re: omer osman)
|
يا جنابو إنت أرفع من إنك تبخس الناس أشيائها,,
أم درمان فيها الكثير المثير الخطر ما حقو نختلف
فى الموضوع دا يا حبيب,,
أم درمان المنارة الحضارة والأصالة والعراقة..
حبيبنا ود الضو إنت أرفع يا زول وما عليك..
قدر ما تجى حايم أرفع وما يهمك أنت دافع حاجة,,
| |
|
|
|
|
|
|
|
|
|
Re: tmbis (Re: أيمن الطيب)
|
يا تمبس ايمن ده ما وِلِد ياخ
تم ليه القصة
بالنسبة لي انا يا ايمن ... حكاوي ماف ...صور بس .. وصور زاتها لا فيها نسوان ولا بار ولا قهوة ولا كلوب
عذابة سااااااااااااااااااااااااااااااااااااااااااااااااااااااااااي
تلقاها عن الفارة يا معلم
قال احكي قال
| |
|
|
|
|
|
|
|
|
|
Re: tmbis (Re: وليد محمد المبارك)
|
هو متصور ليكم قدام اتلانتس وغاشيكم لانها برة بلااااااااااااش بس كدي يجيب ليكم صورة من جوا . بيكون ضربا ادفع لي 400 دولار عشان اتصور يلقوها عند الغافل ما ناس فيصل ديل لو قلت ليهم دخلت اتلانتس حيصدقوني هههه. وبتاعت البيتش ديك واقف براهو مالو شكلو ما جاي البيتش لحوار .. لو تاني رفع ليكم صور دبي نادوني ما يغشكم ساي الزول دا ..
______________________
كمان جبتو ليكم خبرا اجانب
ازيك يا ام مؤيد
قلت لمن يرفع صور دبي تاني نادوني
مالك صور لندن ما شفتيها ... هاهاهاهاهاهاهاهاهاهاهاهاها.. ما تجي تعلقي عليها 
المهم وكت ناس تمبس وعمر رخوني
حا اتجدع عن طريقك انت
هاهاهاهاهاهاهاهاهاهاهاهاهاهاهاهاها
والله متعة
دي دبي سنة 2010
ودي الشارق قبال ما يركبو في بحيرتهم نافورة 2010 برضو
اها كمان يا ام مؤيد
ده شارع المشي
عليك الله ما معلم
متجدع
ده البرج يوم 31/12/2011 الساعة 11 وكم وخمسين دقيقة
شفت كيف
اها محل التخفيضات ذاتو عارفو
شفت كيف
خبير يعني
| |
|
|
|
|
|
|
|
|
|
Re: tmbis (Re: أيمن الطيب)
|
يا جنابو إنت أرفع من إنك تبخس الناس أشيائها,,
أم درمان فيها الكثير المثير الخطر ما حقو نختلف
فى الموضوع دا يا حبيب,,
أم درمان المنارة الحضارة والأصالة والعراقة..
<<<<<<<<<<<<<<<<<<<<<<<<<<<<<<<
طبعا يا ايمن زوجتي رغم انها من الخرطوم لكنها امدرمانية الهوى والهوية
وناس جدها من رموز فريق ريد بالموردة ...........
اها زمني ده كلو قبل العرس بنشتري حلاوة المولد من ميدان المولد بالسجانة
بعد العرس قالت لي انت يازول ما سمعت اصلو بحلاوة الطيب سيد مكي في مولد امدرمان
قلت ليها عليك الله خلينا من وهمات ناس امدرمان المهم تحت تهديد السلاح مشينا هههههههه
قال ليك انا تاني فكيت دربو يمين تمشي وتقيف صف عديييل عشان تشتري حلاوة مولد
ولو كمان غشيت شربت ليك ليمون عند بتاع الليمون الفي ناصية سوق الموردة وبعدها تغشي
ناس كافي تشتري الزبادي حقك متعة ماتخلص ...............
امدرمان لذيذة بس بنحب نشاغل اهله ساكت ههههههههههههه
| |
|
|
|
|
|
|
|
|
|
Re: tmbis (Re: omer osman)
|
| Quote: * (كرمزية) لغير الناطقين بلغة الرندوك تعني اختصار (للمباحث المركزية) |
يا جستابو عشان كدا قلنا ليك (بمبــا) واديناك ربع درجــة ..
اقوليك حاجة ..:
حسع زاتو كان ما معرفتنا بي انو المدام من بنات سنترا .. وحيات ابتسامتك كرمزيتك دي احتمال كبير تعمل ليك مشكلة في التصنيف للزول الجابك واداك الربع دا .. عليك الله ما تتلاوى معانا كتير الدنيا لسة صباح .. Quote: طبعا يا ايمن زوجتي رغم انها من الخرطوم لكنها امدرمانية الهوى والهوية
وناس جدها من رموز فريق ريد بالموردة ...........
اها زمني ده كلو قبل العرس بنشتري حلاوة المولد من ميدان المولد بالسجانة
بعد العرس قالت لي انت يازول ما سمعت اصلو بحلاوة الطيب سيد مكي في مولد امدرمان
قلت ليها عليك الله خلينا من وهمات ناس امدرمان المهم تحت تهديد السلاح مشينا هههههههه
قال ليك انا تاني فكيت دربو يمين تمشي وتقيف صف عديييل عشان تشتري حلاوة مولد
ولو كمان غشيت شربت ليك ليمون عند بتاع الليمون الفي ناصية سوق الموردة وبعدها تغشي
ناس كافي تشتري الزبادي حقك متعة ماتخلص ...............
امدرمان لذيذة بس بنحب نشاغل اهله ساكت ههههههههههههه |
هههههههه .. طبعا بتاع الليمون الناصية دا يا جستابو اسمو عمك (الدنقلاوي) يا سلالالالام ياخ .. اجيال واجيال اتوارثت المحل دا وطعم الليمون هو نفس طعم الليمون ماف غش تجاري ماف بيع ذمــة .. لو ما عندك كنجالات تجي تقيف لي عماد ولدو يا اي واحد من الشباب ... تتملي ليمون لمـن الله يغفر ليك ولو عايز كمان يصرفوك بيصرفوك ...
انزل لي تحت شويـة في محل ليمون تاني من الناحية الغربية بفتح في عمارة باعبود عند الناصية حقت الجامع .. اسمو (ضيعووك) لو انت الله رضيان عليك .. تضرب ليك كوز شعير من الدنقلاوي .. وتجي تحبس بي كباية شاي صغيرة بس من ليمون ضيعوك ... صدقني رمضان دا لو لصقوهو تلاتة شهور مع بعض تصومو وتبوس يدك بطن وضهر وتحمد ربك على النعمة دي .
| |
|
|
|
|
|
|
|
|
|
Re: tmbis (Re: tmbis)
|
بعدين احب اضيف يا جستابو...
عليك الله لما تجدع ليك رندوك هنـا .. ما تفك شفرتو .. خليهو كدا دا بس . يعني نحن نقعد نحكي للفارات ونشرح ليهم ونفسحم في امدرمان ..؟
| |
|
|
|
|
|
|
|
|
|
Re: tmbis (Re: omer osman)
|
هاهاهاهاهاهاهاهاهاهاهاهاهاهاها
يا عمر سلم على بتنا
وما عندك مشكلة اولادك بنديهم الجنسية تبعا للوالده
هاهاهاهاهاهاهاهاهاهاهاهاهاهاها
| |
|
|
|
|
|
|
|
|
|
Re: tmbis (Re: وليد محمد المبارك)
|
يا جماعة أيمن الطيب ده شاييت على وين ؟؟؟ انا الناس اللي زي دييل مااا حبابم معاي الواحد ما بيقدر ياخد راحتو في الرد والردم.. :) :) :)
| |
|
|
|
|
|
|
|
|
|
Re: tmbis (Re: عمر الفاروق)
|
تعرف يا جنابو بمناسبة الطيب سيد مكي دي ..
طبعاً انا وكمغترب عااضي يقوم بكل طقوس المغتربين البيض عند العودة لأرض الوطن السعودية فبقوم اشتري الطقم بتاع الجبنة والطحنية وزيت السمسم والفاصوليا وحديثاً تم إدخال بسكويت رويال تبع المواد التموينية .. أها زي كلللهم إتخذت قرار إنو تاني ما اشيلهم لكن الحاجة الوحيييدة الح أشيلا هي باسطة وبسبوسة الطيب سيد مكي ..
أها فعلاً قبل السفر بي يوم زيييطك وقفت ليك جمب المحل ومااا نضمت كتيير بس قلت ليهو أعمل لي 5 كيلو باسطة و2 بسبوسة وبالله خوتهم في كيس قبل الصندوق..
قام قال لي أوووو ناس طيارة السعودية !!!
أنقر زولك ما طلع حافظ الرحلات بتاعت الطيران؟؟؟
قال لي يا عمك يوم كده بتقوم الاماراتية وفلاي دبي ويوم كده طيران ناس ويوم كده ناس اوروبا ويوم كده ناس قطر و و و ..طلع اي مغترب بيمر أول على الجماعة ديل يقطع البوردينق حتى يمشي المطار..
أها بعد داك الونسة جررت وقلت ليهو شايف عندكم فرع في الخرطوم ..
قال لي ياخ داك زاااتو البيمشو يشتور منو أولاد امدرمان ..ثم إنفتحت سيرة الخرطوم وامدرمان وبعد داك تعال شوف المحل ضج كييف وكم قصة اتحكت عن واحد من الخرطوم مرتو من امدرمان وكان بيستبييض فكرة يجي امدرمان ثم تحول حاله للدرجة البقا برنامجو ثااابت في سوق الموردة .. :) :)
| |
|
|
|
|
|
|
|
|
|
Re: tmbis (Re: عمر الفاروق)
|
يا ايمن
نحكي ليك تميز اولاد امدرمان
فردتنا واخوا من دون ذكر الاسم .. من اولاد الثورة الحارة العاشرة .. من اوائل الذين هاجروا الى هولندا وكت الفيز المضروبة ديك .. هسع هو في لندن
المهم طبعا وكت وصل هولندا وقطع الجواز ختوه في معسكر مع باقي الناس .. لحدي ما يدخلوه البلد
اها جا يوم التوزيع
قامو وزعوه ليك مدينة تانية .. ما امستردام
يازول دق ليك جرس وقال ما مارق من المعسكر
الخواجات سالوه مشكلتك شنو ؟
قال ليهم انا ود قلبا في السودان ( امدرمان) .. تودوني قلبا في هولندا ( امستردام ) .. او ما مارق من المعسكر ده
تجيبو الفارات من الضواحي ، مدني ونوري والجنية في اللعوته وتدوهم امستدردام .. انا ود امدر تودوني الاقاليم ؟!
ما مارق ....!!!!
انقر ما ودوه امستردام
| |
|
|
|
|
|
|
|
|
|
Re: tmbis (Re: وليد محمد المبارك)
|
| Quote: قال ليهم انا ود قلبا في السودان ( امدرمان) .. تودوني قلبا في هولندا ( امستردام ) .. او ما مارق من المعسكر ده |
.. | Quote: انقر ما ودوه امستردام |
عليك الله كلمو تاني يا وليد ..
تاني قوليهو عليك الله
| |
|
|
|
|
|
|
|
|
|
Re: tmbis (Re: tmbis)
|
اختفاء أساسي أقلقني عليه!!
______________
قر قر قر قر قر
يا ود الصايم
خليه
النومة دي بتريحو
هاهاهاهاهاهاهاهاهاهاهاهاااااااااااااااااااااااااااااااااااااااااااااااااااي
| |
|
|
|
|
|
|
|
|
|
Re: tmbis (Re: tmbis)
|
| Quote: قام قال لي أوووو ناس طيارة السعودية !!! |
ههههههههههههههههههههههههههههه
كااااااااااااااااااااااااااكـ بالسمنة!!
| |
|
|
|
|
|
|
|
|
|
Re: tmbis (Re: محمد عبد الماجد الصايم)
|
| Quote: وكم قصة اتحكت عن واحد من الخرطوم مرتو من امدرمان وكان بيستبييض فكرة يجي امدرمان ثم تحول حاله للدرجة البقا برنامجو ثااابت في سوق الموردة .. :) :) |
قر قر قر قر قر قر
ويشرب عصير ليمون ما تنسى
| |
|
|
|
|
|
|
|
|
|
Re: tmbis (Re: وليد محمد المبارك)
|
سبقتني يا عمر الفاروق في استنكار موقف أيمن الطيب و من عندي بضيف جنابو عمر كمان
شنو يا اولاد الخرطوم انتو بايعنها ولاّ شنو؟
ويا ود الصايم ناس بحري أقرب للخرطوم بدليل التلاتة كباري فحقو تدعم الأقربين
ويا شفت هلال مريخ اي نعم في امدرمان لكن في اللحظة دي رؤساؤهم من وين (عارف البرير اصلا من امدرمان لكن حاليا ساكن وين ثم هو زاتو ما عاجبنا كرئيس)
هيثم و العجب من وين؟
قوموا بالله ما تلخمونا ساكت هههههههههههههههه
| |
|
|
|
|
|
|
|
|
|
Re: tmbis (Re: محمد البشرى الخضر)
|
ويا شفت هلال مريخ اي نعم في امدرمان لكن في اللحظة دي رؤساؤهم من وين (عارف البرير اصلا من امدرمان لكن حاليا ساكن وين ثم هو زاتو ما عاجبنا كرئيس)
هيثم و العجب من وين؟
______________
يا ود البشرى
انت قايل الكورة اتدهورت ليه
ما من جنس الكلام الكتبته ده
| |
|
|
|
|
|
|
|
|
|
Re: tmbis (Re: عمر الفاروق)
|
| Quote: انت قايل الكورة اتدهورت ليه |
ههههههه خلاص قمنا على الغلاط
| Quote: غايتو رئيس المريخ من فداسي ...ودي أخير منها الخرطوم .. |
هههه لعناية حعفر بشير و محمد ابراهيم علي :)
يا ناس امدرمان انتو عاملين زي مصر اليومين ديل, تستعدوا في الدنيا كلّها و رقبتكم ممسوكة عند الناس
الكبري لو اتقفل يومين بس يمين طماطم ساي ما تلقوها:)
| |
|
|
|
|
|
|
|
|
|
Re: tmbis (Re: محمد البشرى الخضر)
|
| Quote: يا ناس امدرمان انتو عاملين زي مصر اليومين ديل, تستعدوا في الدنيا كلّها و رقبتكم ممسوكة |
والله نحن اصلن اصلن .. ما استعدينا زول .. قاعدين في حتتنا جا زولك بتاع المعرض دا قال ما معناهو انو عايز ينفجر أو يفتح البلف بتاعو ..
واهو زي ما شايف نحن قفلنا ليهو بلفو قبال ما يفتحو ..
..
قلنا ليكم مية مرة نحن ما قاعدين نهبش لينا زول .. وحاجاتنا حقتنا برانـا .. البجي يتحكحك فينا حكحكة بتاعت عايز يستفيد .. بنديهو الثمرة الفيها الفايده .. عايز يفرفر زي الفاره دا بنختها ليهو .. ولو مفكر يعني يفرفر شوية كدا زي فرفرتك دي برضو بنظبط ليهو ضفيرة زي ضفيرة (بت بتي) .. وحيات ابتسامتك يا ود البشرى ناس كباااار وعراض وماليين مركزم .. يجيبوهم لي بت بتي .. الواحد تربط ليهو ضفيرة سمع اضاني ( طووووط) ويقعد يضحك ..
نحن الواحد لو عمل طوووووووووط ما بنديهو فرصة يضحك .. بنقفل ليهو بلفو في الحال
| |
|
|
|
|
|
|
|
|
|
Re: tmbis (Re: عمر الفاروق)
|
Quote: بعداك اكرمناهم .. اتعشو يا زول عشا حبيبك وفضلة خيرك وحرسو لينا الحفلة لحدت ما الشمش طلعت ..
حسع دي كان بقت حفلة في بري والمعرض .. كان لحدت الآن العريس في (الرج) |
احب اضيف يا شباب انو افراد الطارة دي جايين من جهات الخرتوم .. ناس الديم ، وبري والحلة الجديدة وإلخ إلخ .. ولو اي واحد فيهم حاول يعمل فيها (جووورو) والله كان باقي الليل داك اتحلقت ليهو صلعة (والبزاغ) من عندو
يعنهي بي صورة اوضح .. الحفلة شغالة والنقارة في السما ودا قاعدين يحلقو ليهو .. يعني حلاقة بالمزيكا.. والغريبة انو ما دافع ايتها حاجة من عندو
| |
|
|
|
|
|
|
|
|
|
فى رحلة البحث عن أولاد قلبا,, (Re: محمد البشرى الخضر)
|
((((يا جماعة أيمن الطيب ده شاييت على وين ؟؟؟ انا الناس اللي زي دييل مااا حبابم معاي الواحد ما بيقدر ياخد راحتو في الرد والردم.. :) :) :))))) يا عمر الفاروق يا حبيب أخوك باحث عن أولاد قلبا شايت على وين دى خليها فى الوقت الحالى أخد راحتك بالكامل يازول,,
((((سبقتني يا عمر الفاروق في استنكار موقف أيمن الطيب و من عندي بضيف جنابو عمر كمان
شنو يا اولاد الخرطوم انتو بايعنها ولاّ شنو؟)))) ودالبشرى أنا بالجد بحاول أصل للموضوع
القلتو ليك داك نحن هسه فى حالة سمع والمايك ماسكنو الأمدرمانجية ديل ,,,
خلينا نستمتع ياخ ,,
| |
|
|
|
|
|
|
|
|
|
Re: فى رحلة البحث عن أولاد قلبا,, (Re: وليد محمد المبارك)
|
يا جماعة مرحــب بالشباب من تحت ..
محمد البدري ، مالديني ، أم اياد ، أبو أحمد ، فايقة عكاشة ، سيف .. وهم من نافذة الفيس بوك غير اعضاء .. شكرا جزيلا للمشاركة يا شباب وطالما انو الناس بقت محترمة وبتشارك بي احترام بتجد مننا كل الأحترام كامل غير منقوص .. بعكس الجايين بي اسماء مستعارة بينفذو بيها في اجندة محددة ..
شكرا يا شباب مرة أخرى .. عظيم الشرف وشكرا على ردودكم ومصاهمتكم في البوست ..
عبد العزيز حسين ، وسلمى الشيخ .. شكرا برضو .. وانتو اعضاء
| |
|
|
|
|
|
|
|
|
|
Re: فى رحلة البحث عن أولاد قلبا,, (Re: أيمن الطيب)
|
ما استعديتوا زول كيف يا تمبس, انتو ياخي قولة قاطع الكبري دي شايفنها نبزة ياخ في حين نفس الكبري دا لو كان موجود لما جيش الإمام المهدي جا كان قطعو بالجيش و استقر في الخرطوم و كنا ارتحنا من الخوتة و الغاغة دي :)
انتو ازرار الردود دي قاعد تمش وين؟
| |
|
|
|
|
|
|
|
|
|
Re: فى رحلة البحث عن أولاد قلبا,, (Re: أيمن الطيب)
|
ما استعديتوا زول كيف يا تمبس, انتو ياخي قولة قاطع الكبري دي شايفنها نبزة ياخ في حين نفس الكبري دا لو كان موجود لما جيش الإمام المهدي جا كان قطعو بالجيش و استقر في الخرطوم و كنا ارتحنا من الخوتة و الغاغة دي :)
_______________
يا ود البشرى امسح الكلام ده
الناس بتضحك فيك والله
انت رسمت غردون في سلم القصر الجمهور ورافعين ليه الحربة دي ما شفتها ؟
ولا القصر الجمهوري كان في امدرمان ولمن كبر مشى الخرطوم براه
امسح امسح الله يرضى عليك
| |
|
|
|
|
|
|
|
|
|
Re: فى رحلة البحث عن أولاد قلبا,, (Re: وليد محمد المبارك)
|
| Quote: ولا القصر الجمهوري كان في امدرمان ولمن كبر مشى الخرطوم براه امسح امسح الله يرضى عليك |
ايييييييييه دنيا
..
اساسي دردق نفسو .. وهاهو شهيد آخــر ..
والله بي صراحـة حقو الخرتوم دي تسموها الجزاير .. بلد المليون شهيد ..
| |
|
|
|
|
|
|
|
|
|
Re: فى رحلة البحث عن أولاد قلبا,, (Re: وليد محمد المبارك)
|
نادى الشرطة زمان وخوفى يكون لى هسه,,,,,
أى عرس وسيرة جاية قاطعة كبرى ولا ضاربة زلط بتبقى القصة متعة,,
خط النزول بتاع الطيارات يقع مباشرة فوق نادى الشرطة تماما,,
الناس لو جايين من أى جيهة من شرق الخرطوم أو سنترا مافى مشكلة,,
وحاتك يا غالى,,
الطيار نزل اساتكو فى راس النادي!!
والصوت هوووووووووووووووووووووووو
اجارك الله كان ما بتعرفو ولا ما سمعتو
أوجاى قرب تعال ولا قاطع كبرى!!!
العروس والعريس وأهل العروس وأهل العريس
بقينا فى التحانيس وعليك الله هاك جزمتك
وكدى أشرب الموية دى ويازول قول بسم الله,,
دى طيارة نازلة المطار ووالله ما وقعت..
يا أخوانا عشان ما ناكل حق الناس ساى,,
إحترام تجربتهم واجب ويصب فى منحى إيجابى
بإتجاه إنك ود قلبا ولا القصة هجصى وعوة
ساى,,هؤلاء الضيوف مساكين والطيارة القايلنها
وقعت دى طيرت ليهم حفلتم فى راسم..
تجربتهم كان ينقصها طيارة على بعد سبعة أمتار,,
وإكتملت يوم الجكة داك ومثلهم كتاااااار,,
الUnderstimation عادة بتكون نتايجو كارثية والله..
أساسى دا لما قال ليكم المعرض القراية دى بتقول
إنو العاصمة كللها جاتو قدام بيتو وإستمتع بالفكرة
كلها,,
غير إنو دباب مقاتل جد جد ,,قصص كتيرة بتكون ما مقسما معاهو
وبشوفا جخ ساى فالزول دا شوفو ليهو قصص ممتعة ومدهشة,,
غير أصل القصة إنو ود برى وتلك رواية أخرى,,
طلع من بيتو اللى هو كان وقتذاك فى شارع الجمهورية الى هو
شارع المعرض مشى إقتحم الجميلة ومستحيلة وصقل المواهب هناك
وعاش جزء من التجارب العريضة,,
ياخ شق الديار علم!!!
هسه اساسى يقدر يجى يغالط وليد فى لندن!!!
خليكم متسقين ياخ..
سنعود,,
وعليكم السلام أخوناالبدرى من نواحى بلجيكا واللوكسمبورغ,,
مش قلت ليكم شق الديار براه علم...
تمبس تم القصة ياخ!!!!!
| |
|
|
|
|
|
|
|
|
|
Re: فى رحلة البحث عن أولاد قلبا,, (Re: أيمن الطيب)
|
Quote: طارة تتحرك من الخرطوم عشان تسأل من تصريح حفلة فى الفتيحاب!!!
الطارة بالغت والله,,, |
لالايا ايمن اقوليك التسعينات .. الوكت دا ك قبال ما نهاجر الفاتيكان .. انت بتقرا بي اضنينك ياخ ..؟
الوكت داك يا ايمن ما عارفك كنت وووين .. لكن الطاره والطوف الليلي كان مخجوج .. معظم البجو طواف ليلي من ابناء الاقاليم وابناء الخرتوم .. عشان يتفسحو في امدرمان ويكتسبو خبرات ..
الاشتغل في الفترة ديك .. بيعرف تماما انو لواري الشرطة والشرطة الامنية .. وإلخ إلخ من الوحدات كانت قبل الساعة اطناشر بتتمركز في حتتين أو تلاتة:
الاولى :
شوايات الموردة .. يجيو يضربو سمك وصير وشيـة وشاي بي لبـن .. وبعداك يجمعوهم بي وراء الشوايات وعلى الوصل معتدا مارش ويوزعوهم على الطواف ..
التانية:
شارع الفيل .. عند ناس حاجة الروضة جادين عليها رحمة الله والخالة مريم تور .. عشان يضربو الكوارع والفول ، ومديدة الحلبة ومديدة التمر وبعديها برضو يتم توزيعهم ..
التالتة:
عند الفاتح الكوتش عليه رحمة الله .. عشان يضربو الصير والكوارع والتحلية المشهورة ( تلاتة في واحد ) ..
| |
|
|
|
|
|
|
|
|
|
Re: فى رحلة البحث عن أولاد قلبا,, (Re: tmbis)
|
عند الفاتح الكوتش عليه رحمة الله .. عشان يضربو الصير والكوارع والتحلية المشهورة ( تلاتة في واحد ) ..
___________________________
عليه الرحمن
يا سلام ياخ
كانؤ بنمشي ليهم بالتناوب هو والجان جمب الشفايعة .. بعربية الترحيل والله من التمرين طوالي وبهدوم الكورة
| |
|
|
|
|
|
|
|
|
|
Re: فى رحلة البحث عن أولاد قلبا,, (Re: أيمن الطيب)
|
يا ود البشرى انت قايل النيل ده جاري بي ميدان عقرب؟؟؟
أوول حتى بيتلاقو فيها النيلين ديل امدمان ..يعني تمبس ده أوول زول بيشرب من موية النيل الجدجد..
والطماطم دي بيزرعا جمب بيتم ..
ياخ نحن كان عندنا شجرة لالوب قدام بيتنا السنة كلها مخدددرة ويوم واااحد في حياتي ما بتذكر اتفتحت ليها ماسورة ولا اتسقت .. بالرغم من انها كانت تبعد عن النيل زي 37 هيكتار :)..
| |
|
|
|
|
|
|
| |
omer osman
طلحة عبدالله
وليد محمد المبارك
عمر الفاروق
tmbis
أيمن الطيب
حسبو عكاشة
أبوعبيدة محمد الأمين
Maawya Hussein
فيصل نوبي
محمد البشرى الخضر
عصام علي أحمد
محمد عبد الماجد الصايم
محمد عبدالرحمن
ABUHUSSEIN
saif massad ali
Abdulrahman Eldaw
حيدر حسن ميرغني
البدري عبد الله
فيس بوك
تويتر
انستقرام
يوتيوب
بنتيريست