|
Re: دفتر احوال ضابط الشرطة المناوب (Re: Adil Hamza)
|
Quote: الاقتباس اعلاه من بوست مجاور و الكلام عنك يا سيد عنتر من الاخ محمد يس خليفة تشكر لكرمك الفياض و وقفتك المشرفة انت و زوجتك مع هذه المجموعة من زملاء المنبر
|
اخي عادل الشكر موصول لك وللاخ محمد يس والله ما عملنا الا الواجب.
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
سم الله الرحمن الرحيم قال تعالى :"يا ايتها النفس المطمئنه ارجعي الي ربك راضية مرضية فادخلي في عبادي وادخلي جنتي".
بقلوب ملأها الحزن والاسي،ينعي ال دارفور وأصهارهم وقبيله أما "النيمانج" بصفه عامه رمزهم وعلما من أعلام الوطن الحبيب
الفريق عوض سلاطين دارفور
ويخصون بالشكر السيد مدير عام الشرطه ونائبه ومساعديه في هيئه الشئون الماليه و هيئه التدريب و هيئه السجل المدني والجوازات و هيئه التوجيه والخدمات وجميع مديري الشرطه السابقين واتحاد ضباط الشرطه المتقاعدين و مديري شرطه ولاية الخرطوم والجزيره وجنوب دارفور وسنار والنيل الأبيض ونهر النيل وشمال كردفان وجنوب كردفان ومدير دائره المرور السريع و مدير اداره الخدمات الاجتماعيه بالشرطه ومدير اداره التأمين بولايه الخرطوم و شرطه محليه جبل أولياء وشرطه محليه شندي و شرطه محليه شرق النيل و شرطه جوازات امدرمان و شرطه جوازات امدرمان و جوازات مطار الخرطوم و اداره جناح طيران الشرطه و ضباط الشرطه الدفعه 49 و ضباط و ضباط صف معهد تدريب الرتب الأخري و اداره المرور السريع بولايه شمال كردفان ...
و الشكر أجزله لمدير الخدمات الطبيه و أسره مستشفي الرهد و مستشفي الشرطه بالابيض و أسره مستشفي الشرطه المركزي و مستشفي ساهرون و أطباء مستشفي دار الفؤاد بالقاهره و مدير و أطباء مستشفي الشيخ زايد بالقاهره و أسره منتجع دار المني بالقاهره الذين وقفوا باهتمام بالغ و سهروا علي علاج الفقيد
ويمتد الشكر والتقدير لزملاء الفقيد خريجي مدرسه حنتوب و أسره المكتب الاقليمي لسودانير بالقاهره، و السفاره السودانيه بالقاهره و أهالي منطقه شندي، مدني، سنار، كوستي، الأبيض...و جميع الأهل و الأحباب بمحليه الدلنج و كادقلي و كل من أرسل و إتصل هاتفيا من السعوديه، الامارات، سلطنه ومان، البحرين، قطر، مصر، ليبيا، اليمن، كينيا، ماليزيا، بروناي، الولايات المتحده الأمريكيه، كندا، السويد، النرويج، فرنسا، هولندا ، بريطانيا، بروناي ، سنغافوره، اندونسيا، أستراليا سري لانكا و الهند ...والاخوه بشركه الاتصالات الماليزيه، والاخوه بموقع سودانيس أونلاين الالكتروني
والشكر أجزله للاخوه عمر عثمان عبدالحفيظ حسن، ابراهيم الرشيد عبدالرحمن وراق, عبده عوض، علي سرالختم ، عاطف نورالهدى الطاهر، على جويلى، عادل حمزة ، أسامه الكرور "اوصلت التعازي لعمي عبد الرحمن "
و كذلك الشكر لزملاء و أصدقاء و طلبه الفقيد بكليه الشرطه ..و نخص بالشكر ذلك العدد المهول من الذين توافدوا و غبروا اقدامهم بالتدافع لمواراه الفقيد الثري بمثواة الأخير بمقابر البنداري و الشكر أجزله لجيران الفقيد بالمايقوما الذين كان لهم الأثر الكبير في تخفيف المصاب بتواجدهم الدائم طول أيام المأتم ...
أثاب الله الجميع خيرا
اللهم أجعل خير أيام عوض سلاطين يوم أن لقى وجهك الكريم اللهم ارحمه واعف عنه واغفر له ..اللهم نقه من الذنوب والخطايا كما ينقى الثوب الابيض من الدنس..اللهم آنسه في قبره..اللهم إننا نحبه فيك.. اللهم اسكنه فسيح جناتك ياعفو يارحيم.
::.وانا لله وانا اليـه لراجعون.::
| |
|
|
|
|
|
|
Re: دفتر احوال ضابط الشرطة المناوب (Re: الصادق عوض)
|
Quote: اللهم أجعل خير أيام عوض سلاطين يوم أن لقى وجهك الكريم اللهم ارحمه واعف عنه واغفر له ..اللهم نقه من الذنوب والخطايا كما ينقى الثوب الابيض من الدنس..اللهم آنسه في قبره..اللهم إننا نحبه فيك.. اللهم اسكنه فسيح جناتك ياعفو يارحيم.
::.وانا لله وانا اليـه لراجعون.:: |
اللهم صبر اهله وذويه واعنهم على تحمل المصيبة .. وعظم الله اجركم اخى الصادق ..
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
More actions ‹ Newer 3 of 26 Older ›[alfatihgabra - الفاتح جبرا : 81] بالقديم وللا بالجديد InboxX
بالقديم وللا بالجديدالفاتح جـــبراـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ11/10/2010 عنوان المجموعة البريدية للفاتح جبرا http://groups.google.com/group/alfatihgabra عندما كنا فتياناً صغاراً كان الوقت يمر فى مهل وبشكل طبيعى وكنا نحس بحجم اليوم كاملاً .. نستيقظ الصبح نجهز أنفسنا ثم نذهب إلى المدرسة .. طابور الصباح ...حصتان طويلتان تكفيان لإلقاء الدرس الجديد ثم إعادته ثم الإجابة على أسئلتنا ثم نسخه فى الكراسة قبل أن يسأل الاستاذ سؤاله الروتينى (فى زول عندو سؤال؟) قبل أن يخرج من الفصل.! بعد الحصتين تأتى فسحة الفطور .. نتزاحم أمام البوفية فترة من الوقت ثم عندما نتحصل عليه نجلس لإلتهامه ثم يا حبذا كوباً من الشاى الساخن يبدأ بعده فاصل من الألعاب التى كانت بالمدرسة (أيام كان فى ألعاب) ثم بعد أن (نفتر) من اللعب والجرى نتجه صوب (الحنفية) لنتشطف ونصلح هندامنا متجهين إلى الفصول وحينها يدق جرس إنتهاء الفسحة .. ثم ثلاث حصص أخرى .. ثم فسحة .. ثم حصتين وينتهى اليوم الدراسى لنعود إلى منازلنا مشياً على الأقدام مستغرقين زمناً مقدراً من الوقت .. نصل إلى المنزل .. نستريح قليلا من المشوار ثم نتغدى .. نقوم بحل الواجبات .. (يرسلوك كم مشوار) ونجى نستريح تاانى مسافة من الزمن وعند العصر يبدأ تمرين (الكورة) الذى يستمر طويلاً حتى تنهك قوانا وتبدأ الشمس فى الزوال فنعود إلى المنزل لنأخذ (دش) ونلبس إستعداداً للذهاب إلى السينما (الدور الأول) لمشاهدة الفلم الذى ما أن ينتهى حتى نخرج قاصدين أحد الدكاكين (لتظبيط البوش) وبعد عودتنا إلى (الحلة) نجلس تحت أى من أعمدة الكهرباء نعيد أحداث الفلم معلقين عليها ونتسامر فترة من الوقت قبل أن ندخل إلى المنزل (ده لو ما كان يوم خميس وكتلنا لينا حفلة) بعد داك .كان اليوم يكفى لكل ذلك بل أكثر فما بال هذه الأيام التى تمر كسرعة البرق ؟ لا شك أنكم توافقوننى بأن الوقت أصبح يمر بسرعة شديده غير طبيعيه ، لا ادري كيف ذلك , الساعه لم تعد كما كانت سابقاً , اليوم كذلك , الاسبوع , الشهر , السنه , لدرجة أن الإنسان أصبح لا يتذكراحداث الاسبوع الذى يمضى ناهيك عن الشهرأو العام السابق .. أصبحت الإحتفالات بالسنة الجديدة تأتى كل (نص سنة) والدليل هو أنه لم يتبق إلا شهرين ويهل العام الجديد مع أن أحتفالات قدوم هذا العام 2010 (كأنها أمبارح؟)هل هنالك تفسيراً علمياً لما يحدث؟ أم أن هذا الشئ الذى نحسه ونلاحظه مجرد أوهام وتخيلات ليس إلا ؟ هل زادت سرعة دوران الأرض حول الشمس؟ وماذا لو أنها زادت بشدة حتى أصبح اليوم ثمانية ساعات مثلا (النهار أربع ساعات والليل مثلهن) ؟ هل سينام الناس (اليوم كلو) بإعتبار أن الثمانية ساعات هى أصلاً الساعات التى يحتاجها الإنسان لينام ؟ أم سوف يتأقلمون على المسألة وينامون تلات ساعات إلا شويه؟ تعالوا معى نقرأ بعض التداعيات فى حالة حصول ذلك: 1- تداعيات العمل :سوف تكون ساعات العمل الرسمية ساعة ونص فقط ! وهى المسافة الزمنية التى يستغرقها الموظف فى (الفطور) و(الشاى) و(صلاة الضهر) وعلى بيتهم طواااالى ! 2- تداعيات رياضية :سوف يصبح مده مباريات كرة القدم 30 دقيقة (يعنى نص ساعة) كل شوط 15 دقيقة ! مما يعنى أن الزمن الإضافى سوف يصبح خمس دقائق يعنى كل شوط (دقيقتين ونص) وبالتالى (الماتشات) كووولها ح تكون (درونات) صفر-صفر (مش لاعبننا ديل عاوزين ليهم سنه عشان يدخلوا ليهم قون) 3- تداعيات عدلية :سوف تأخذ القضايا فى مرحلة المحاكمة فترة أطول فبدلاً من أن يموت الشاكى قبل البت فى قضيته سوف يصبح من العادى ان يموت جميع أفراد الورثة 4- تداعيات فنية : حيث أن الحفلات تبدأ عادة حوالى الساعة التاسعة وتنتهى قبل ساعة من منتصف الليل معنى ذلك أن الحفل سوف تكون مدته عشرون دقيقة فقط وهى تعادل بالضبط المدة الزمنية التى تستغرقها المطربة (عوضية بلاغات) فى أصلاح مكياجها قبل أن تظهر للجمهور . 5- تداعيات سياسية : سوف تتقلص خطب المسؤلين فى الإحتفالات إلى بضع دقائق فيجد المسئول نفسه أمام خيارين يا إما يقول الكلمتين بتوعين الخطبة يا إما يهتف (هيا لله .. هيا لله ) 6- تداعيات طبية : سوف يكون من العادى أن تسمع بأن المريض دخل العملية يوم السبت وطلع منها يوم الإتنين (طبعن ده لو طلع وكده) ! 7- تداعيات مرورية :حيث أن اليوم سوف يختزل إلى التلت (8 ساعات بدلا عن 24) وبالتالى تقل (الغرامات) فسوف يتم زيادة رسوم المخالفات حتى يتحقق (الربط المطلوب) 8- تداعيات إعلامية :سوف يصبح متوسط زمن البرامج الإذاعية والتلفزيونية خمس دقائق فقط ..( يعنى .. فى الحقيقة .. أصلو .. فى الواقع والبرنامج يخلص) ! 9- تداعيات إستيرادية : سوف يقوم (أحدهم) بإحتكار إستيراد (الساعات الجديدة) أم تمانية ساعات (يعنى أم أربعة أرقام) ! 10- تداعيات إستياردية تااانى :سوف يقوم أحدهم (آخر) بإحتكار إستيراد (الساعة الموازية) وهى التى تعطى معادل الوقت بالنسبة للنظام الجديد . كسرة :ونبدأ تااانى فى حكاية أجيك الساعة خمسة بالقديم وللا بالجديد
| |
|
|
|
|
|
|
Re: دفتر احوال ضابط الشرطة المناوب (Re: عبدالحفيظ حسن)
|
Quote: رسلت ليك كم رسالة....وين راحت؟؟!!
|
قمندان عبد الحفيظ..... نعلك طيب
وصلت الرساله والحمد لله... ورسلت ليك الشروط
عن طريق ال ايميل... السرعه مطلوبه عشان الزمن
لكل من يرغب الايميل موجود... حظ اوفر للجميع.....
| |
|
|
|
|
|
|
Re: دفتر احوال ضابط الشرطة المناوب (Re: عاطف نورالهدى الطاهر)
|
علمت بوفاة ابن دفعتى فرانسيس شول لانق الذى فارق دنيانا قبل عدة ايام اثر علة لم تمهله طويلا كان الفقيد حلو المعشر لا تمل مجالسته ابدا...كان دائما ينثر البهجة و الضحك بيننا بتعليقاته المضحكة التى تدل على خفة دمه نسأل الله له الرحمة و المغفرة و ان يلهم أله و ذويه و معارفه الصبر الجميل و انا لله و انا اليه راجعون
عادل عبدالحميد
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
الف رحمة ونور على روحه الطاهرة , التعازى الحارة لأسرته ولك أخى عادل ولبقية الزملاء , انا لله وانا اليه راجعون .
اليوم استلمت رسالتك البريدية , لك كثير شكرى وتقدير ما عدمناك يا عادل , ربنا يحفظك وأسرتك الكريمة من كل شر .
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
Quote: علمت بوفاة ابن دفعتى فرانسيس شول لانق الذى فارق دنيانا قبل عدة ايام اثر علة لم تمهله طويلا كان الفقيد حلو المعشر لا تمل مجالسته ابدا...كان دائما ينثر البهجة و الضحك بيننا بتعليقاته المضحكة التى تدل على خفة دمه
|
التعازى الحارة لأسرته ولك أخى عادل ولبقية الزملاء من الدفعة 56 ..
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
Quote: علمت بوفاة ابن دفعتى فرانسيس شول لانق الذى فارق دنيانا قبل عدة ايام اثر علة لم تمهله طويلا كان الفقيد حلو المعشر لا تمل مجالسته ابدا...كان دائما ينثر البهجة و الضحك بيننا بتعليقاته المضحكة التى تدل على خفة دمه نسأل الله له الرحمة و المغفرة و ان يلهم أله و ذويه و معارفه الصبر الجميل و انا لله و انا اليه راجعون
|
نسال الله له الرحمة والمغفرة احر التعازى لاسرته و لكم أخى عادل ولبقية الزملاء من الدفعة 56
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
عادل حمزة يا صديق , ياخ دى صور جميلة جدا , وقادر أتصور حجم السعادة التى غمرتكم عند هذا التلاقى الحميم , فى العام الماضى التقيت الاعزاء مجدى خليل وهشام يوسف وعلى سر الختم , بعد انقطاع استمر لعشرين عام متواصلة , ويشهد الله ان تلك الأيام التى قضيتها فى رفقة أؤلئك الزملاء عوضتنى حرمان 17 عام من الغربة المتواصلة , ربنا يديم المودة بيننا ويجمعنا بمن نحب , تحياتى لزوارك وأسرهم.
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
عاده من السودان سعاده القمندان حمدى الصائغ
بعد ان تلقي العزاء في وفاه والده تغمده الله بواسع رحمته
ويخص بالشكر كل من شاركه الاحزان والعزاء........
تخريمه : مجدعين يا عادل حمزة ربنا يديم التواصل والمحبه بين جميع الزملاء .. يارب....
| |
|
|
|
|
|
|
Re: دفتر احوال ضابط الشرطة المناوب (Re: عاطف نورالهدى الطاهر)
|
الحبيب عادل حمزة تحية احترام وتقدير لضيوفك الاعزاء الذين تكبدوا مشاق السفر حتى يتم هذا اللقاء الاسرى الجميل .. ومجرد التواصل بين الزملاء يعد مكسبا للجميع لما فيه من اجترار لزكريات الكلية والعمل وتواصل للاجيال وتنفس هموم الغربة وغيره الكثير الذى لمسناه فى تجمع اوهايوا ..
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
الزملاء الأفاضل تحياتي واحترامي كنت في زيارة للأخ بابكر عبد المطلب بعد عودته من ألمانيا
يسألكم الدعاء
لا إله الا الله الحليم الكريم .. لا اله الا الله العلي العظيم .. لا إله الا الله رب السماوات السبع و رب العرش العظيم .. لا إله إلا الله وحده لا شريك له .. له الملك .. و له الحمد و هو على كل شيء قدير .. الحمد لله الذي لا إله إلا هو .. و هو للحمد أهل .. و هو على كل شيء قدير .. و سبحان الله .. و لا إله إلا الله .. و الله أكبر .. و لا حول و لا قوة إلا بالله .. إلهي .. أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً .. إلهي .. أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين .. إلهي .. إني أسألك من عظيم لطفك وكرمك و سترك الجميل أن تشفيه و تمده بالصحة و العافية .. إلهي .. لا ملجأ و لا منجا منك إلا إليك .. إنك على كل شيء قدير
| |
|
|
|
|
|
|
Re: دفتر احوال ضابط الشرطة المناوب (Re: Dr.Mohammed Ali Elmusharaf)
|
Quote: لا إله الا الله الحليم الكريم .. لا اله الا الله العلي العظيم .. لا إله الا الله رب السماوات السبع و رب العرش العظيم .. لا إله إلا الله وحده لا شريك له .. له الملك .. و له الحمد و هو على كل شيء قدير .. الحمد لله الذي لا إله إلا هو .. و هو للحمد أهل .. و هو على كل شيء قدير .. و سبحان الله .. و لا إله إلا الله .. و الله أكبر .. و لا حول و لا قوة إلا بالله .. إلهي .. أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً .. إلهي .. أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين .. إلهي .. إني أسألك من عظيم لطفك وكرمك و سترك الجميل أن تشفيه و تمده بالصحة و العافية .. إلهي .. لا ملجأ و لا منجا منك إلا إليك .. إنك على كل شيء قدير |
أنَّ في الصدقة دواءً للأمراض البدنية كما في قوله صلى الله عليه وسلم: (داووا مرضاكم بالصدقة)، . بالاضافة للدعاء نرجو من الاخوة الزملاء التصدق ولو بدولار من اجل شفاء اخونا بابكر عبد المطلب ..[/g
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
Quote: سوف يشرفنا الزميل الوجيه حسن الكفش واسرته الكريمة بنورس كارولينا خلال الويكند فمرحبا به وبكل الاشلاق الغربى وامين نور الدايم زاتو |
نتمنى لكم قضاء وقت جميل مع ضيفكم حسن الكفش ارجو ان تبلغوه تحياتنا
ـــــــــــــــــــ الفيديو مضحك يا سيد عنتر ...ياخى الزول ده اخطر من ابليس جراهو خمسين و شال الدهب بتاعو
عادل
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
Quote: ..اخونا عاطف عنتر للعلم |
علم ياسعاتك ارجو اخطارنا بزمن الوصول
ومليون مرحب يا ابو علي ....
الاخ عادل حمزه تعرف مع الظروف الاقتصادية الحاصلة
في السودان وزيادة الاسعار والضيق الحاصل خلي السودانيين
اخطر من ابليس زاتو في اللف والاستهبال .....
| |
|
|
|
|
|
|
Re: دفتر احوال ضابط الشرطة المناوب (Re: هشام هباني)
|
*** السلام عليكم ( للأقدم منى فقط ) و عساكم بخير أما الأحدث فأقوليهم : أرنب استعد
*** أسأل الله الرحمن الرحيم أن يرحم كل موتانا و موتى المسلمين و أن يمن على ذويهم بالصبر و حسن العزاء .
*** و أسأله أن ينعم على أخونا بابكر بالصحة و العافية و كل مرضانا . ( و الدعوة دى يا بابكر لغاية ما تبقى كويس بس و بعدها برضو أرنب استعد ) ربي يشفيك يا بكري و ترجع تناطح ... قولوا آمين .
*** أخونا عادل : البلد المافيها تمساح يقدل فيها ..........شايفك لاقينى مافي وتقدل ساااااى بختك
غايتو أجمل ما أضفت إنك وريتنا إنو صاحبك عادل صلاح حى فى الدنيا دى ، الراجل اشتغل معاى فى عطبرة هو ومعاه إتنين تانى من دفعتكم أذكر منهم وليد عثمان ، و أتذكر طلب منى أن أقوم بكاتبة تقاريرهم للتثبيت فى رتبة الملازم أول ، فكتبت عنهم مالم يكتبة مالك فى الخمر . و أذكر أننى كنت أيضا فى زون ترقي ، و طلع الكشف ، لا هم إتثبتوا ولا أنا أترقيت . فذهبوا للمدير مستفسرين ! ( اللواء عبدالله السيد الله يطراه بالخير ) فقاليهم : هو الكتب تقريركم زاتو أنا ما وصيت ليهو بالترقي خلي إنتو ، أمشوا أمشوا شوفو ليكم شغله أقضوها .
*** بى مناسبة الطيب لو لقيتو فى مشكلة يا عادل : أذكر أننى كنت طالع من شغلى فى الجوازات ماشى البيت و أثناء قيادتى للعربية طالع من البوابة كان العميد يحي أبوبكر الله يطراه بالخير بالقرب من البوابة و حدثت مشاده كلامية بينى و بين إحدى الزميلات و كانت أقدم منى حيث طلبت منى النزول من العربية و تسليم العربية فورا للضابط المناوب فتدخل العميد يحي لفض الاشتباك لصالحى إلا أنها أصرت . و بإنفعال شديد حاولت إخراج العربية من الطريق لأجد الكل يجري و يصرخ لا لا لا فنزلت منزعجا فإذا بالسيد العميد طريح الأرض يسبنى و يلعن تلك الحسناء التى كانت إلى جانبى لأننى صدمته أثناء رجوعى للخلف . وتعال شوف الفلم بعداك . لك التحية سيد يحي ولك صديقي عادل و لأسرتيكما.
*** ود برى قلت ليهو شوف لى شقة فى الخرطوم قال فى واحدة سعرها 250 مليون و عمولة مكتبو 50% من القيمة !!! أخير الإنفصال
*** الأقدم منى : سلام وأرقدوا عافية . و البقية ثابت ولا حركة ،،، إلا بابكر عبد المطلب
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
سياتو الطيب تحية طيبة لو كنت عارف الكلام الشين ده بجيبك لينا كان زدت العيار شوية عشان تجى بسرعة...ليك وحشة والله يا ابو الطيب
Quote: غايتو أجمل ما أضفت إنك وريتنا إنو صاحبك عادل صلاح حى فى الدنيا دى |
عادل صلاح حى يرزق ...مقيم بولاية فرجينيا ...ما بعيد من اهلك المقيمين بنفس الولاية
Quote: أتذكر طلب منى أن أقوم بكاتبة تقاريرهم للتثبيت فى رتبة الملازم أول ، فكتبت عنهم مالم يكتبة مالك فى الخمر . و أذكر أننى كنت أيضا فى زون ترقي ، و طلع الكشف ، لا هم إتثبتوا ولا أنا أترقيت |
بالله كنتو شغالين مع بعض انت و عادل صلاح و وليد عثمان و دايرين تترقو كمان ياخى انتو كلكم بتاعين مشاكل الظاهر عطبرة زمان كانت منفى للضباط البيعملو مشاكل فى الخرطوم
Quote: فنزلت منزعجا فإذا بالسيد العميد طريح الأرض |
ده نفس الشى العملتو فى ود برى فى البوست الشين داك و عشان كده بنذكر الزملاء باخذ الحيطة و الحزر عندما يجدونك طرفا فى اى مشكلة ...عشان ما يندمو انا شفتك طرف فى عدة مشاكل و بكون متابع من بداية المشكلة الى النهاية.. و لا مرة واحدة ما لقيتك مظلوم
Quote: ود برى قلت ليهو شوف لى شقة فى الخرطوم قال فى واحدة سعرها 250 مليون و عمولة مكتبو 50% من القيمة |
ود بري يكون عاوز يشترى ليهو شقتين واحدة ليك و التانية ليهو و تدفع انت قيمة الشقتين.. يعنى يطلع ليهو بى شقة منك
بالله ما تنقطع من الكتابة هنا و خليك مواصل كتابتك لها نكهة خاصة لا تحرمنا منها تحياتى لك و لاسرتك
عادل
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: شكرا للسادة جويلى و فيصل و عنتر لتعليقاتكم الجميلة عن الصور و الزيارة التى قام بها اصدقائى معتز حيدر و عادل صلاح و محمد خلف الله
|
فعلا صور جميلة عادل ولقاء الاخوة الاحباب اجمل بالطبع
وبالمناسبة ياشباب الّلمة الجاية حاتكون وين ومتين ان شاء الله؟ انا عازمكم روشستر نيويورك وكندا قريبة مننّا وشلالات نياجارا اقرب..
اهه رايكم شنو بقه؟
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
Quote: اتقدم الى واحد من رفاقكم اي الاخ الكريم (سعادتو) عاطف نور الهدى (عنتر) والذي كان نعم الاخ المضيف وسودانيابمعنى الكلمة |
الاخ الجسور هشام هباني
تشكر ياظريف علي هذة الكلمات الطيبه
والله ما عملناالا الواجب ، مرحب ومليون مرحب بيك
ونتمنا دوام المشاركة والتواصل معنا...
تخريمة: ودالصايم دخل معنا واديناهو رتبه رقيب اول
وتدرج حتي رتبة فريق شرطة.
اما أنت ياودهباني نديك رتبة مساعد او حضرة الصول الجديد
وتتم الترقية علي مشاركاتك ومداخلاتك معنا يا حضرة الصول الجديد
| |
|
|
|
|
|
|
Re: دفتر احوال ضابط الشرطة المناوب (Re: عاطف نورالهدى الطاهر)
|
Quote: ود بري يكون عاوز يشترى ليهو شقتين واحدة ليك و التانية ليهو و تدفع انت قيمة الشقتين.. يعنى يطلع ليهو بى شقة منك |
** اللهم ارحم السابقين رحمة واسعة . والتحايا والامنيات العطرة لكل الشباب فى المنافى البعيدة لكل الكوكبة النيرة يقيادة صاحب القهوة والافاضل عبدالحفيظ - وفبصل وجوبلى والوجيه عنتر والمختفين .
*** وعادل صورك ضبح (شخبطه) وربنا يديم المعروف بالتواصل وتحياتى اليهم
*** اسامة الكرور ياحبيب الفارهة شغالة بالك ولاشنو .
**** اما الغبيان ده انا قلتو ليه سعر الشقة فى ابراج مكة بالرياض ب 250 الف دولار -- ومائة المليون القال لى والله شقة فى العليفون ماتجيبا.
***** والختام سلام ودبرى
| |
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
Quote: علمت بوفاة ابن دفعتى فرانسيس شول لانق الذى فارق دنيانا قبل عدة ايام اثر علة لم تمهله طويلا كان الفقيد حلو المعشر لا تمل مجالسته ابدا...كان دائما ينثر البهجة و الضحك بيننا بتعليقاته المضحكة التى تدل على خفة دمه نسأل الله له الرحمة و المغفرة و ان يلهم أله و ذويه و معارفه الصبر الجميل و انا لله و انا اليه راجعون
|
لاحول ولاقوة الا بالله ......
فرانسيس الراجل الحبوب الظريف ..... ربنا يرحمو ...
التعازي الحارة لاهله وذويه وكل ابناء الدفعة وبالاخص فصيلة المرحوم الفصيلة الرابعة ...
ياخ حاجة جميلة جداً صوركم ياعادل مع ابناء الدفعة معتز ومحمد خلف الله (الصيني) وعادل صلاح ...
معتز لاقيتو قريب في زيارتو للسودان ومحمد خلف الله قبل كم سنة في ابوظبي والسودان لكن الكارثة عادل صلاح
ده لي منو سنين طويلة منذ ان غادر السودان ........... مرة نحن في الكلية انا عيان مشيت مستشفي الشرطة
المرافق بتاعي كان عادل صلاح وماشاء الله نصيح ما عندوا اى عوجة ....... الدكتور اداني راحة 24 ساعة فقط
الغريبة انو عادل صلاح اقنع الدكتور انو يطلع ليهو اورنيك واخد راحة 72 ساعة وهو المرافق ...
| |
|
|
|
|
|
|
Re: دفتر احوال ضابط الشرطة المناوب (Re: omer osman)
|
السلام عليكم جميعا
الرحمه والمغفره للذين فقدناهم
تعازى الحاره لاسرة الفريق القامه عوض سلاطين
أعتذر عن الغياب القسرى لاسباب يطول شرحها ، فشكرا لكل الزملاء الذين سألوا عنى لهم منى صادق الود ومحبه اصدق
لا زلت رهين ذات الظروف الضاغطه وقاهره ، نسألكم الدعوات الطيبات والعفو والإسماح ومن بعدو الإذن
تخريمه :
أنا زعلان جدا يا معتز حيدر
الظاهر 56 ذادوها مويه
يا سيد فيصل ياخى مشتاقون أديل كده
أمين نور الدايم stay awy ولا بدفر ليك عبده عوض بركه الماعندك عضويه
وفى شهر الثوره والميلاد تحيه خاصه لجيل عبدالله محمد طه حفيد ود جادالله كسٍار قلم مكمايل ورفيق دريبات النضال الماضهب ابوصدام دفعتى
معتز عز العرب وعبرهم لكل الدفعه 52.
تحيه وترحيب متأخر بالسينير احمد نبقه
فارس موسى فروم بابنوسه
أرقدو عافيه .
| |
|
|
|
|
|
|
Re: دفتر احوال ضابط الشرطة المناوب (Re: فارس موسى)
|
Quote: وبالمناسبة ياشباب الّلمة الجاية حاتكون وين ومتين ان شاء الله؟ انا عازمكم روشستر نيويورك وكندا قريبة مننّا وشلالات نياجارا اقرب.. اهه رايكم شنو بقه؟ |
والله يا على السر شغلك ده شغل كيزان عديل كده , نحن مش متفقين أنكم تجونى هنا, أقول ليك كلام انا موافق على الدعوة بتاعتك دى , بس جهز لينا الفيزا.
| |
|
|
|
|
|
|
Re: دفتر احوال ضابط الشرطة المناوب (Re: فارس موسى)
|
الجاب فارس موسى والطيب عثمان يوسف يجيب العقاب , نبق واسامة وعبده عوض ودكتور مشرف ابراهيم الرشيد وبقية العنقود ليكم وحشة يعلم الله ,, اسامة الكرور شايف ود برى قال انك مشغول مع العربية الجديدة ياخ جيبها معاك وقرشها لينا فى نص الدفتر ده لكن ما تقطع القطعة دى كلها . تحياتى ومحبتى وامنياتى الصادقة للعزيز بابكر عبدالمطلب بالشفاء العاجل والعودة القوية لصفحات الدفتر . سعادتو عبدالحفيظ راجع الايميل .
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
Quote: أنا زعلان جدا يا معتز حيدر
الظاهر 56 ذادوها مويه
|
سلام يا سيد فارس لو معتز حيدر ما لاقاك فى زيارتو لفرجينيا يكون اتلوم لوم شديد.. لكن اختو كانت عيانة و اجريت لها عملية فى نفس الايام التى قضاها بفرجينيا
اما موضوع الموية ده فلا يمكن ان يحدث للدفعة 56 ...الدفعة 56 تزداد بريقا و لمعانا كل ما تمر عليها الايام الطيب عثمان يوسف قدم طلب للانضمام للدفعة 56 رفضنا الطلب و برضو تقول لى 56 زادوها موية
عادل
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
سلام تانى
يا عادل حمزه
.. لكن اختو كانت عيانة
هى اختو براهو ما أختنا كلنا ولا محتاج يجى ! ربنا يواليها بالعافيه ويغطى عليها ويحفظا لوليداتا .
السبب المذكور فى رد الإستيضاح غير كافى لدفع المويه عن ممثلى 56 ، واسأل دفعتك القريب منى قول ليهو علموك ترفع التمام كده ؟
أختو عيانه دى لو قلتها لسعادتو كمال محمد سليمان واطاتك بتكون صبحانه ليوم الوقاف ! وتشرب .بحر ازرق وحلة 56 ماتنجض .
المهم على قول المبروك كان بودنا إكرام معتز فكرمو مغرقنا وفضلو علينا لا ينسى والله لا جاب يوم شكرو وانا 52 وبعرف اخد حق اقدميتى كيف .
لييف أمسيج!
بالنسبه لطلب ضم الطيب عثمان يوسف شوف يا عادل حمزه الطيب دا ل 52 ذى لوحة العربيه ما بنفرط فيهو ، مع إنك لوسألت ناس الفصيله
السادسه (حيدر عابدين والبدراوى بدوك يا ومعاهو بابكر عبدالله هواده !!) ياخى ديل كانو منجضين دفعتنا باهويه لا يعلم مداها إلا كمية الإداره
الإنشحطناها بسببم !
الطيب علامه وماركه مسجله ل 52 لا بنفكو ولا بنبيعو ! ومسألة يقعدنا امفكو دى من ما حلقنا اول صلعه .
أسامه الكرور إنت زايغ من مجلس التحقيق بتاع 56 دا ولا شنو دا فيهو فيزتين عمره فى لندن وحجه فى امريكا
أظهر وبان لأنو اول 56 ثقتنا فيهو بقت مغبونه .
على سرالختم ما ترهب بينا ولا خايف تقرب من ابونضلاف يفجغك بلغتو الحارقه ؟
الدواس مؤجل وما بتلغى أنا داير سيد عبد الحفيظ ياخدلو خفيسه واخليليلك بوستو بهناك ميدان اهمر .
فتش لينا هيدر هماد وقولو تراجى مقدور عليها بس تعال
يا ناس 52 التلب وبقية الإقد الفريط لمونا فى التوم كهربا جوالى (هلوا دى) طرف النذير ودخدر
تحيه خاصه لسنايرى الفنان مهمد تياره والولى الكتيابى والحكيم عادل رحال ومعاويه العلم ونيازى الحبوب .
فارس موسى
| |
|
|
|
|
|
|
Re: دفتر احوال ضابط الشرطة المناوب (Re: فارس موسى)
|
.
فارس الفارس,,,,,
أهلا .... بحلاوة العودة....
Quote: الدواس مؤجل وما بتلغى أنا داير سيد عبد الحفيظ ياخدلو خفيسه واخليليلك بوستو بهناك ميدان اهمر .
|
تعليمات....
لقد تم تعيين فارس الفارس مديرا عاما لقسم(بوست) ضباط الشرطة المحالين للصالح العام إعتبارا من اليوم 23/10/2010 .
صدر تحت توقيعى يوم تاريخو....
,
| |
|
|
|
|
|
|
Re: دفتر احوال ضابط الشرطة المناوب (Re: فارس موسى)
|
Quote: والله يا على السر شغلك ده شغل كيزان عديل كده , نحن مش متفقين أنكم تجونى هنا, أقول ليك كلام انا موافق على الدعوة بتاعتك دى , بس جهز لينا الفيزا. |
تعرف يا سيد فيصل كلامك ده ذكّرنى طرفة فى منطقة حلفا وقرى الاسكان قرروا انه كل قرية من قرى الحلفاويين يعيّنوا ليهم شرطى لحفظ الامن والامن عموما مستتب لانو هم ما ناس مشاكل وقد كان ..العسكرى الودوهو قرية واحد لقى ليك معظم ناس القرية بشربوا فى البنقو فقام قال ليهم يا اخواننا لازم تحترموا القانون وانا ماعندى مشكلة بتعاون معاكم بس لمّا تجوا تشربوا البنقو ده امشوا برّة القرية هناك جنب الجبل دخّنوا وتعالوا راجعين..
قالو ليه نحن كتار وانت واحد امشى انت هنااااك جنب الجبل لما ندخّن البنقو ونخلّس ابقى انت تعال راجع يا شيه{يا شيخ}
هسّه يا اخوى نحن كتار هنا تجى انت والله..وبخصوص الفيزا سوف نشرع فى ذلك وعندنا زول هنا غايتو كان كلامو صحى مش نطلّع ليك فيزا احتمال مش تجى زيارة , تجى governer عديل كده.. ولا كيف يا عنتر؟
ان شاالله ربنا يجمعنا جميعا فى ساعة خير
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: على سرالختم ما ترهب بينا ولا خايف تقرب من ابونضلاف يفجغك بلغتو الحارقه ؟
|
دفعتى الكارثة فارس موسى من بابنوسة حمدلله على السلامة يا خوى ابونضلاف نشيلو فى راسناده ولغتو الحارقة ان شا الله تحرّق لينا صلعتنا دى زاتو..نحن لقيناك وين يا حبيب اكتب البريّحك يا دفعة ماعندك اى قشّة مرّة عبدالله محمد طه وعزالعرب ضربوا ليك ؟انا اديتم تلفونك..
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: تعليمات....
لقد تم تعيين فارس الفارس مديرا عاما لقسم(بوست) ضباط الشرطة المحالين للصالح العام إعتبارا من اليوم 23/10/2010 .
|
يا سيد عبدالحفيظ الظابط ده كان مانفذ التعليمات بنختّو فى الايقاف هنا فى فرجينياونعين ليه حرص يا سعادتك وانا عارفو ضنبو رقيق واقسى عفوبة ممكن تدّيها ليه هى حرمان من التاكسى جمعة وسبت.. راسو بجى طوالى..
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: **** اما الغبيان ده انا قلتو ليه سعر الشقة فى ابراج مكة بالرياض ب 250 الف دولار -- ومائة المليون القال لى والله شقة فى العليفون ماتجيبا.
***** والختام سلام ودبرى |
يا ودبرّى والله قطعت مصاريننا بالضحك ..الله يجازى محنك..
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: السبب المذكور فى رد الإستيضاح غير كافى لدفع المويه عن ممثلى 56 ، واسأل دفعتك القريب منى قول ليهو علموك ترفع التمام كده ؟
|
تعرف يا سيد فارس لو فى لوم..تلوم دفعتى الجمبك ده (عادل صلاح) لانو هو المفروض يخطرك بوصول معتز حيدر ...معتز ضيف و ما اظنو عارفك مقيم بفرجينيا..اللوم وجهو لى عادل صلاح و انا زاتى بلومو معاك لانو هو السبب فى تشبيه دفعتنا 56 بانو زادوها موية
Quote: الطيب علامه وماركه مسجله ل 52 لا بنفكو ولا بنبيعو ! ومسألة يقعدنا امفكو دى من ما حلقنا اول صلعه |
ما بتفكو دى عرفناها كدى جرب بيعوهو ...قرش ما بجيبو ليكم
Adil
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
سعادتو عبد الحفيظ
تحيه كاربه مقرونه بإجلال وتقدير عميقين لسعادتكم
كنت كلما سنحت الرقراقات من معافرة الرزق البقى قاسى وصعيب بدى طله من فوق الهيته لبوست الذين تم إقصائهم ومتابع .
كما قلت لدفعتى على الدواس مادنو صفا بدون أسترح وراجع كان الكريم مد فى الايام .
هنالك مسأله اقلقت مضجعى من زمن ليس بالقليل وشرعت بالفعل فى الكتابه فيها ولكن حتى الان لم انجضها
اعد بالعوده ولو ليوم واحد لانزالها ومتابعة اراء الزملاء .
بالنسبه لتعليماتكم الاتيه :
لقد تم تعيين فارس الفارس مديرا عاما لقسم(بوست) ضباط الشرطة المحالين للصالح العام إعتبارا من اليوم 23/10/2010 .
علم وسأنفذ وارفع التمام .
| |
|
|
|
|
|
|
Re: دفتر احوال ضابط الشرطة المناوب (Re: فارس موسى)
|
بخسوس كلتش 56 إتضح من مهاتفة الصديق عادل حمزه إن المسؤليه تقع بكاملها على عادل صلاح الكارثه
يا عادل صلاح ما تشوت الإستيضاح لندن داك حسابو براهو.
يا اسامه ياخى ألى سرالهتم دا داير كتفك
يا دفعه على
بطل الكلتشات والغتاته بتاعة التكاسى القدام او قدامى التكاسا دى قال عقابو بسيط قال حرمان ويك إند يا مفترى .
الدنيا سبت خلونا نهصل .
| |
|
|
|
|
|
|
امبن يارب العالمين
لكن انا عندى شمار - وكلمات جديدة من الحاضر بشرطة السودان . بعنوان وجوه مشرقة واخرى كالحة
ساقتنى قدماى الى جوازات المغتربين فى احدى المهام العائلية التى تفترض بانى لازالت استطيع انجاز مثل تلك المعاملات . ذهبت متوجسا من اقوال كثيرة . وجدت شبابا كالضياء مهنيا --- شرطيون تخاف عليهم من العين والحسد الذى اصاب الجسد . اكرمونى وقضوا حاجتى دون توجس او ريبة . التحية للسيدالعميد/ الرشيد موسى الزين واركان حربه العقيد صابر الله جابو . اما اخونا العقيد انور محى الدين انشاءالله يوم شكرك مايجى . واخيرا للشمشارات والله نحن الثلج بنكسروا لحاجة واحدة بس . ونواصل ودبرى
| |
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
مداخلة ود برىQuote: امبن يارب العالمين
لكن انا عندى شمار - وكلمات جديدة من الحاضر بشرطة السودان . بعنوان وجوه مشرقة واخرى كالحة
ساقتنى قدماى الى جوازات المغتربين فى احدى المهام العائلية التى تفترض بانى لازالت استطيع انجاز مثل تلك المعاملات . ذهبت متوجسا من اقوال كثيرة . وجدت شبابا كالضياء مهنيا --- شرطيون تخاف عليهم من العين والحسد الذى اصاب الجسد . اكرمونى وقضوا حاجتى دون توجس او ريبة . التحية للسيدالعميد/ الرشيد موسى الزين واركان حربه العقيد صابر الله جابو . اما اخونا العقيد انور محى الدين انشاءالله يوم شكرك مايجى . واخيرا للشمشارات والله نحن الثلج بنكسروا لحاجة واحدة بس . ونواصل ودبرى
|
| |
|
|
|
|
|
|
Re: دفتر احوال ضابط الشرطة المناوب (Re: فارس موسى)
|
Quote: الجاب فارس موسى والطيب عثمان يوسف يجيب العقاب , نبق واسامة وعبده عوض ودكتور مشرف ابراهيم الرشيد وبقية العنقود ليكم وحشة يعلم الله |
وبقية العنقود .. الحاج ياسر عبد الكريم واخونا التلب ..اسامة عبد العزيز اخونا الاديب الاريب النور يوسف لا اسكت الله لك حسا ..
Quote: لقد تم تعيين فارس الفارس مديرا عاما لقسم(بوست) ضباط الشرطة المحالين للصالح العام إعتبارا من اليوم 23/10/2010 .
علم وسأنفذ وارفع التمام ..
|
اخونا العزيز الفارس مرحبا بك جبلا صلبا شامخا لاتهزه' الأعاصير .. ووعد الحر دين عليه ..
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
Quote: اخونا العزيز الفارس مرحبا بك جبلا صلبا شامخا لاتهزه' الأعاصير .. ووعد الحر دين عليه .. |
يا سيد جويلى سلامات وتحياتى عبرك للاسره وكل ناس كارولينا الريحانيه .
متلوم معاك لكنى نايم على فضاءات التسامح والموده الجواك ، اعفى لى .
بالنسبه لتعليمات سيد حفيظ جاى إنشالله برتب فى الكتابه ، الزمن عارفو براك شلهته وكلفته .
تحياتى مره تانيه .
جهدى شحيح ومقل انا فى التدافع والدواس
لا زلت تلميذا فى مدارج الكتابه .
شكرا لك .
| |
|
|
|
|
|
|
Re: دفتر احوال ضابط الشرطة المناوب (Re: فارس موسى)
|
Quote: متلوم معاك لكنى نايم على فضاءات التسامح والموده الجواك ، اعفى لى . |
يا سلام يا فارس ياخى على هذه التعابير المريحة , المترعة بالمودة والزمالة الصادقة احبك واحب جويلى والميدان الاحمر الذى رويناه عرقا ودهنا .
| |
|
|
|
|
|
|
الاعزاء
سلام وتناغم الحروف اجمل وشكرا ولدنا عادل على التدخل ... وربنايديم التواصل .... ودبرى
| |
|
|
|
|
|