بعد أن توقفت لزمن ليس بالقصير عن فتح البوستات، هذا الحدث الجلل سيعيدني مرة أخرى، بوست فيه مفاجأة من العيار الثقيل ستخيب معها كل توقعاتك يا (عزيزه) القاريء الكريم مفاجأة دونها تسجيل الارجنتيني ميسي في كشوفات الوصيف المتقشف .. تابعونا .. .. على .. .. صفحات هذا المنبر
جقر كبير ليهو غوفة غايتو البوست داك ح يكون فيهو تقنية جديدة في الرش الله لا وراك ليها .. .. أبو حسين خليك قريب البوست المعني بوست خطر شديد ووجةدك ضروري !!
05-01-2013, 10:17 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: يا زول أديني مواعيد علشان أجهز نفسي كويس ...
والله يا ابوحسين لحدي هسي ما في مواعيد واضحة كدا لسه بجهز في الصور والكاريكاتيرات والشمار المصاحب يا زول اقول ليك جقــــر كبير ليهو ضل .. لازم نحتفي بيهو احتفاء كبير يليق بتاريخو المشرف خخخخخخخخخخخخخ
05-01-2013, 10:35 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
شيخ بدرالدين بقت بتاع رش بس ما جمكسين اللهم كن في عون أهل السودان الحبيب وهبه تحياتي يا مخضرم مششتاقين أرجوك العفو عن هذا الجقر ال######ان الجقور ديل القصة عاملين قلق جقر دا ضل الطريق وأكل شوية جبنه معليش أنت الكبير وخليك منو أنت القوة الضاربة للأهم أنشالله متعك ربي بالعافية لكم تحياتي
05-01-2013, 11:40 PM
هشام كمال عبادي
هشام كمال عبادي
تاريخ التسجيل: 10-30-2010
مجموع المشاركات: 2166
ذكرتني قصة قديمة حكتا لي المرحومة أمي "رحمة الله عليها "
الصيدة التي تغني لها الفنان محمد ميرغني "حلوة حلوة الصيدة " .. كانت من اجمل النساء في حي القوز أو الديم لا أذكر الحي بالضبط .. كان لك في نهايات السبعينيات ايام عصر البرنسات .. كانت البرينسة هي وسيلة المواصلات المعهودة في الخرطوم .. فكان ان كانت مع جارة لها في البرينسة متجهة إلى السوق الشعبي .. فقام احد الركاب برفع حاجبه دلالة على الإعجاب .. فقالت " واااااي هو بعملوهو كدة ؟ وقالت وهي تغمز بعينها له " بعملوهو كدة " فطأطأ اخونا هذا رأسه خجلا .. فقالت قولة مشهورة " تعرف يا ختي في البوكس ده في كبرة جقر " فما كان من صاحبنا إلا ان نزل في المحطة التي تليها ..
اها والله يا وهبة البورد دا فيهو كبرة جقر ..
عايز ليهو شبكة مش شرك ..
------------------------ البرينسة لمن لا يعرفها كان عبارة عن بوكس مغطى بالكامل يستخدم كوسيلة مواصلات ..
05-01-2013, 11:52 PM
محمد جبره
محمد جبره
تاريخ التسجيل: 01-12-2013
مجموع المشاركات: 940
افتكر الاسبوع الجاي مناسب مافي كور اوربية ولا اى انشطة ترفيهية أو ثقافية تذكر !! بوست فاتحو وهبة شخصياً اعتقد انه سيكون علامة فارقة في تاريخ هذا المنبر
05-02-2013, 06:22 AM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
Quote: اجهز القهوة واجي اقعد اعلاه كتبه العوقة ود الباوقة ... انت بس بيلقوك في الحاجات دي يا ارزقي في المديدة حرقتني زيك وزي الما بيختشي الفاتح البوست (عوض السيد زاتو) وانا حاوريك المساسكة كيف يا عوقة... عبدالوهاب اخوي ارجو ألا تستجيب لما يدعوك له هذا البدرالدين ... انت اكبر من من كده ... انا واحد متابع المنبر من 2003 وبعرف انت هو من من بحري . تحياتي
Quote: الصيدة التي تغني لها الفنان محمد ميرغني "حلوة حلوة الصيدة " .. كانت من اجمل النساء في حي القوز أو الديم لا أذكر الحي بالضبط .. كان لك في نهايات السبعينيات ايام عصر البرنسات ..
الأخ هشام كمال عبادي سلام
الكلمات هي للشاعر المرحوم عثمان خالد والبنت هي ع . م . ع جارتهم في الحي ....ودنوباوي جنوب ( حي الشيخ الجعلي ) ..... . . تحياتي لكم ولصاحب البوست وضيوفه الأكارم .
بوست ينم عن خواء أو لصرف نظر ما ومن المزعج ان يصدر عن شخص يلبس الادارة الاستراتيجية عباءة وسمعت له حديث عن الشباب وامانات الشباب.. أيمكن ان يكون هذا التناقض مبررا ؟ وماذا عن برامج الشباب الان عرفت لماذا الشباب ضايع ... الدكتورة الموقرة نجاة : هل تعي معني " بستلة حايمة في الحلة" بمعناها الحقيقي؟ تحياتي للجميع
05-02-2013, 08:20 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
هو انت يا بدرالدين طرحت اي افكار (خاوية) او ما خاوية ونحن نا شفناها ولا شنو ؟
Quote: بوست ينم عن خواء أو لصرف نظر ما
الغريبة عنوان البوست واضح حتى لمتوسطي الذكاء فما دون بدر سأل زول معين مذكور في العنوان سؤال محدد ،وجاء الزول المعين دا رد ليهو وقال ح يفتح بوست منفصل للرش المنتظر دا، وبعدين جوا ناس تانيين اتداخلوا، فيها شنو دي ؟ تقوم انت تجينا ترفع لينا في نضاراتك وداير تعمل لينا فيها الناظر ؟ المهم زي ما اديت نفسك الفرصة كاملة ووصفت البوست بالخواء (بدون) ما تفهم مقاصد البوست وما سيتمخض عنه، انحنا برضو بنصف مداخلتك بالغباء انت قايل المافي شنو ؟ قوم لف بلا خواء بلا علقنة معاك راجل وهم ..
05-02-2013, 08:05 PM
بدر الدين اسحاق احمد
بدر الدين اسحاق احمد
تاريخ التسجيل: 03-29-2008
مجموع المشاركات: 17127
فيما يلي بعض الصفات التي تمتاز بها الفئران والتي تجعل من مقاومتها أمراً صعباً:
1- حساسة جداً, فلديها قدرات هائلة على تمييز الأصوات والروائح وملمس الأشياء وذكية جدا في تقدير الخطر من خلال ذلك.
2- تستطيع النفــاذ من خلال فتحات ضـيقة جداً لا تتعدى قـطر قطعة النــقود المعدنية من فئة نصف ريـال ( 2.5 سم ) و الفأر المنزلي يستطيع الدخول من فتحة أضيق من تلك بكثير.
3- البعض منها لها القدرة على تسلق الجدران والحوائط والقفز لأعلى ارتفاع يصل إلى متر, وله قدرة فريدة في المشي على الأسلاك.
4- بعضها ماهر في السباحة, فله القدرة على السباحة في المصارف والمجاري العامة.
5- الفئران مخلوقات حذرة جداً , فلا نتوقع رؤيتها في النهار , ولهذا فإن عدم رؤيتها نهارا لا يعني انعدامها من المكان بالضرورة . ومن جهة أخرى فان ظهورها نهارا يدل على وجودها بأعداد كبيرة جدا في المنشأة .
6- يمكنها أن تحفر منافذ إلى المنشأة إن كانت الأرضيات أو الأبواب من مواد تسمح بذلك .
7- الفئران تلوث كمية من الغذاء تفوق أضعاف ما تأكله .
05-02-2013, 08:07 PM
بدر الدين اسحاق احمد
بدر الدين اسحاق احمد
تاريخ التسجيل: 03-29-2008
مجموع المشاركات: 17127
شوف ياوهبة ابو لسان زفر انت متخيل كل الناس يقل عندهم الحياء زيك انا متابع تماما ماتكتب واتحاشي ان اتداخل معاك لانك وبسرعة بتنزل الي مستوي متدني وانت لو قريت في مدرسة فيها ناظر كويس ماكان ده لسان حالك حقو تحترم سنك .. وعلقنة دي كتيرة شوية ومشكلة الانترنيت يتساوي فيها الناس جميعا من خلف الستار .. والكل يكتب .. واخرين يكتب لهم والبعض الاخر ينقل بالحرف الواحد كتابة الغير ... شوف الحكاية جايطة كيف ..
05-03-2013, 06:57 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
Quote: انا متابع تماما ماتكتب واتحاشي ان اتداخل معاك
تصدق يا ابراهومة انا كلمتو؟ وقلت ليهو بالنص ( الحكاية جااايطة يا وهبة وابراهومة دا قاعد يتابعك ومتحاشي يتداخل معاك فاعمل حسابك ) ولا هبب يا سي ابراهيــم ولا اشتغل بي ومشي يقبض في الجقور التقول ما قرا في مدرسة مافيها ناظر.. وزي ما شايف دي النتيجة..! عموماً يا حضرة سي ابراهيـم حسين انت عارف زول متابع وكارب زيك حا يبقي حضوره تاني ونزولو من بلكونة المتابعة مهم عشان يقوم يفرز لينا الحاجات دي : والكل يكتب .. واخرين يكتب لهم والبعض الاخر ينقل بالحرف الواحد كتابة الغير لانه زي ما قلت انت الحاجات جايطة ولابد لها من فرّاز.. فلازم مقبل الاسبوع القادم تجي بالله تفرز لينا هل كتب الكل .. ام الاخرين كتبوا للبعض ..ام الواحد نقل كتابة واحد بالحرف ..ام الجوطة في شنو.. اوكي سي حسين!! بس ما كلمتنا عن حال ديك المسلمية الان .. أنا شايف انه بصلتو خلاص اتكشنت وجهزت.. لكن ما شايفو هو بيعوعي.. ياربي خلى العوعاي يكون مالو
Quote: انا متابع تماما ماتكتب واتحاشي ان اتداخل معاك لانك وبسرعة بتنزل الي مستوي متدني
دكتور ابراهيم تحية
كما تعرف يا دكتور هذا البورد في معظم الاحيان حلبة صراع ..بين الذكور والاناث مثلا ( لا اريد القول الضكور والاناتي) لأن كلمة انتاية تسبب مشاكل وتدخلنا في متاهات..خلينا مع الفصحى ، بعض الذكور قد (يتقيأ) عنفا لفظيا مع انثى فتصيح (وامعتصماه) فيطلع عشرات المعتصمين يرددون تبا له وسحقا لاشكاله...مش كل الاناث يقولن وامعتصماه، فالبعض منهن يحتاج الذكر في مواجهتهن للقول (وامعتصماه)...جد والله.
والبورد حلبة صراع بين اليسار واليمين ( تقيدم اليسار على اليمين مجرد تقديم تكتيكي لكسب قلب اليسار، زي لما مسئول مصري يجي السودان ويقول في اجهزة الاعلام السودان ومصر) صراع منذ منتصف الاربعينات ..اكلنا من وراه هواء..على حد قول الخليجيين.. واجارك الله احيانا يقولون اكلنا من وراه (خواء) بعد تكسير رأس الواو وترك باقي جسمها سليما
وصراع الكورنجية بين الاحمر والازرق وهو صراع تعود جذوره لفترة الثلاثينات يتوارثه هؤلاء القوم كابر عن كابر والصراع جاب تدخل دولي برشلونه وتشيلسي فغنى المغني شببيهة الليمون يا المسكتك زقلونة انت بس في قلبي ومعاك برشلونة والمشكلة ان هذا (الخاوي) وهبة، غطس الله حجره - يضع راية زرقاء في بروفايله مستفزا بها المعسكر الآخر..انصح المعسكر الآخر نصيحة لوجه الله الا يضع احدهم راية حمراء لتدل علي انتمائه، لأن الرايات الحمراء لها في الجاهلية قصة غير محمودة العواقب، فلا تقعوا في الفخ الذي نصبه لكم هذا الرجل الداهية.
وفي خضم هذه الصراعات يأتي (الرش) وما تراه انت (خواء) قد يكون معركة في حرب طويلة الأمد، فيا دكتور (تيك ات ايزي) وخفف الوطء ، فان كنت ترى في المتداخلين هنا دهماء وغوغاء و( Mobs) و شذاذ آفاق كما قال سيدي الرئيس - مع حفظ حقوق التأليف لود الباوقة - نقول لك بكل احترام دع ما يريبك إلى ما لا يريبك مع تحياتي.
Quote: ومشكلة الانترنيت يتساوي فيها الناس جميعا من خلف الستار
والله صدقت، فعلاً الأماكن العامة بتلم !! ممكن تلمك مع زول عبي زيك كدا ما فاهم اي حاجة ... كنا حنحترمك ونقدرك لو انت احترمت نفسك وجيت زي الناس الفوق القالوا (فكوا التشفير) كنا شرحنا ليك الحاصل وشكرناك على المرور لكن تجي فاكي لينا زرايرك وداير تهمل لينا فيها الود صعلوق بخم ليك كلامك وبحشرو ليك في حتة ما بتتصورها شايف ؟.. انت زول برلوم ولسه بتتلمس طريقك ما في داعي تعرض نفسك للمواقف الزي دي ةعداوات انت في غنى عنها !! وعلى العموم ما اي حاجة بتتكتب في البورض مفروض تفهمها .. البوست البستغلق عليك شوف غيرو من غير قلة ادب.. .. ورغم ذلك يا زول البوست دا رد على بوست اتكتب هنا قبل سنتين يحمل نفس العنوان مع اختلاف الاسم المذكور في فيه، وسيترتب عليه بوست آخر ولما تقراهو (لو حبيت) الكلام كلو بقع ليك ... فياخ البورض دا مكان للدواس الاسفيري لو عاجبك كدا اقعد واذا ما عجبك وشايف نفسك داير تستفيد أمشي شوف ليك جامعة !!!
______________ وبالمناسبة اسخف الناس هنا هم الناس العاملين فيها دايرين يستفيدوا وهم 3 اعضاء وممكن نعتبرك الرابع ... بلا يخمكم جمبعاً !!
05-03-2013, 10:36 AM
بدر الدين اسحاق احمد
بدر الدين اسحاق احمد
تاريخ التسجيل: 03-29-2008
مجموع المشاركات: 17127
- شكرا الاخ بركات علي التوضيح. - شوف ياوهبة انا لما قلت خواء - ومصر عليها - حكمت بما يكتب وحتي الان شنو المحصلة بتاعتك ؟ - هل انت بتقيس الانسان انو برلوم ولا سينير بدخوله سودانيز اون لان ز اذن انت برلوم كل شخص التحق بالموقع 2007-2003 - الظاهر انت عندك مشكلة بتاعت زكاء وانا ماغبي ياابوالزكاوة انت ومافي داعي الواحد اتكلم عن نفسو .. وذكائي معروف علي مستوي منطقة امدرمان يا"عنقالي" انت ولو داير اثباتات نرسل ليك في حاجة اسمها شهادة سودانية واوائل شهادة ومدارس لما كان السودان بخير وهناك مجانية تعليم قبل ما اجي زمن اغبر ادي زول زيك فرصة يتبجح علي خلق الله بحجة النضال والموالاة . - كان انت كان ناس التشفير اكتب اسمك في قوقل واكتب اسمي حا تعرف الفرق .. اول مرة اعرف انو الشغل في الجامعة اساءة ... - من الغباء انك تتشطر علي الناس اسفيريا .. الدواس الاسفيري ما اجبنه لانو ممكن الولد اكتب باسم بنت علي انو وديع وممكن بنت تكتب علي انها الاشجع. - حاول انت تجلس مع نفسك لانو البعتمل فيهو كان بقي وظيفة حقو ماتأكل من البذاءة وسب الناس .. واحنا كان اتلاقينا نشوف كان نشوف دخيل الكلام في الحتات المابتعجب صحي ولانفخة اسافير.. - وسأكون اكثر تهذيبا كلما زادت اساءتك .. لانو الاسافير بتغطي الوجوة وبتحمي اجبن خلق الله ومابتدي فرقة للدواس ...
05-03-2013, 02:48 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
بالمناسبة انا شايف واحد فوق قال ليك يا دكتور بس اوع تكون طبيب، لأنو دا بفسر لينا بوضوح اسباب ارتفاع نسبة الوفيات في الخرطوم قلت لي الاوائل وقريت زمن مجانية التعليم اها انا قريت في القيس القسم الدبلوماسي رايك شنو ؟
Quote: زكاء
Quote: الزكاوة
Quote: اذن
هههههههههههه سلم لي على مجانية التعليم ايام كان السودان بخير ياخ انت بعضمة كيبوردك قلت "متابع ما اكتب ولا تتداخل" يعني بلغة مشاهير امدرمان (عاوز لكن ملاوز) شفت كيف يا دكتور ؟ وانا بتاع القبس دا لي يوم الليلة ما عارفك انت بتكتب فيما يتعلق بشنو .. واول مرة اشوفك واقرا قلة ادبك الليلة دي بس تجي تقول لي اكتب اسمك في قوقل ؟ يقوقلك ذو اليد !! بالله شوف النكرة الوهم دا ؟ هههههههههههههههههههههههههههههههه اذهب يا (مشهور في ام درمان) فأنت من الطلقاء قال زكاء قال العيب ما منكم العيب في بكري البخم ويردم لينا في الخبوب والوهم أفففففففففففففففففففففف لقد سئمنا !!
05-03-2013, 03:09 PM
saidahmed shami
saidahmed shami
تاريخ التسجيل: 01-08-2013
مجموع المشاركات: 2348
- انا بكتب من كيبورد ما فيهو عربي اصلا - منو القال ليك كل طبيب دكتور ياسيد وهبة ؟ - النكرات من يحتمون بالاسافير - I have PhD in MIS كدي قوقل دي عشان زاتو نعرف الخبوب منو ؟ وهذه تفسر لماذا امثال وهبة يتمتعون بالمواقع cyberspace مش الوفيات طبعا كلامي شعرا ماعندك ليهو رقبة ... وانا برضو سئمت الحوار "حجا ام ضبيبينة" .. وامدرمان كانت تحترم العلم - ومازالت- والمنافسة كانت حادة والشهرة تأتي بالجهد والكل بعرفك حتي وان كانت المسافة بعيدة لان المنافسة كانت بالاحياء مش بالمدارس .. الحمد لله بقينا مشهورين بالقراية ما بي حاجات تانية - عموما الاخ الكريم وهبة شكرا لك علي هذا اللقاء الاسفيري الذي علمني الكثير - ملحوظة : عندما تداخلت في البوست في نفس اليوم كنت استمع للاخ بدرالدين في اليوتيوب وجات المداخلة بناءا علي لقاء بدرالدين وحديثه عن الشباب ولقيت فرق كبير .. وأشكر الاخ بدر الذي عنيته ولم يتداخل حتي ولم يسئ الي.. مع كامل التوفيق لك في دواساتك الاسفيرية كوظيفة جديرة بالاهتمام
05-03-2013, 04:11 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
الود الشاطر "الزكي" الـ بي اتش دي هولدر إن أم آي أس، والمشهور بالقراية في امدرمان ما بي حاجة تانية كتب
Quote: - انا بكتب من كيبورد ما فيهو عربي اصلا
وذلك في معرض تبريره لأخطائه الإملائية الفادحة .. ونسى الود الشاطر الزكي أنه أتى بحرفي الزاي والذال في مداخلة واحدة ، نسوي شنو عاد صدقناك !! يعني زول زول عندو بس اتش دي معقول ما تصدقو ؟ ياخ نحن الزول لو عندو (اتش آي في) بنصدقو .. أها يا أخوي آي آم نوط فيمس إنف إن كارتوم باهري.. بط اولسو آي هاف بي اتش دي إن (دي أتش أل)، وبرضو يو كان سيرش اباوت إن قوقل سيرش
______________ Sorry I Don`t have an arabic keyboard kh kh kh kh kh
دكتور ابراهيم ما فهمتا سؤالك ممكن توضح اكثر عشان نفهم ةنتنور وكدا
وهبة ما عافية ليك العمى الانا فيه دا فكو التشفير صور الفيران دي ممكن تشيلوها مع اني من النوع البقول منه الضكور وامعتصماه مافي حاجة بتخوفني وت###### شعرة جلدي الا الفيران
دكتور ابراهيم ما فهمتا سؤالك ممكن توضح اكثر عشان نفهم ةنتنور وكدا
وهبة ما عافية ليك العمى الانا فيه دا فكو التشفير صور الفيران دي ممكن تشيلوها مع اني من النوع البقول منه الضكور وامعتصماه مافي حاجة بتخوفني وت###### شعرة جلدي الا الفيران
بركات شكرا يو ميد ماي دي ما عايز ليك شلة??!
05-03-2013, 09:41 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
هشام أمين يا حبيب .. عمك وهبة ده برش بالنهار .. شغل الليل ده ما بيغطي معاهو .. اشرب جبنك واتكيف وتعال تمها بكرة ..
يا وهبة يا حبيب .. انتا بتطبخ في لحم شنو يا زول في لحم تمساح .. الجمعة دي جليتا قلنا ما مشكلة عليك الله السبت ده عايزين نشوف طابخ شنو .. عارفك ما بتجيبا إلا سمينة .. انا قاعد خاتي لي (بنبر) في المكان ده ..
المهلة سمحة يا دكتورة .. صدقيني انا الهداف وهبة ده بكيفني لما يخت الكورة واطة ويقعد يجبد في الجماعة ..
- الاخ هاشم : تداخلت في البوست مقارنا ماقاله الاخ بدرالدين عن الشباب وامانات الشباب علي اليوتيوب وعن عن عنوان البوست حيث هنالك فرق كبير وتصاف اني استمعت ليهو في نفس اليوم.. وجاء وهبة يحمل كل نكهات البذاءة والتعفيص كالعادة ووصفني بالغباء والاخطاء الاملائية "والصعلقة" وعشان كدا كان لازم أرد ...
- الاخ هارون : أشكرك علي الترحيب بي اول بوست لي بوسودانيز أون.. اذا كان مصطلح الرش في الكورة عادي.. أما الرش وطيارات الرش بحكم القدم علي اسفيرية سودانيز اون لان فلا...
- الاخ المسلمي : ما جيت عشان صراعات ولا أحب العداء ولكن ... ان لعامر قصة كما تعلم " يقال انه تاجر سوداني" .. بكون عامر اذا كنت زبونا دائما يعرف مقاساتي .. عموما سأكون حريفا وأتابع كما تفضلت عسي ولعل نطلع بحاجة مفيدة أوغير مفيدة ... الاحترام للكل
هسلمات دكتور ابراهيم هذا المثل ما عنده اي خلفيات بطالة على الاطلاق ولم اجد اي تفسير له خفي وقد كتبت بحثا ممتازا ابان دراستي للادب الشفاهي الشعبي الذي انا به مولعة عن الامثال السودانية التي اعرفها كلها البستلة هي اناء يحمل فيه السوائل وتنقل من مكان الى مكان وتستخدمها الجارات في نقل هذه السوائل بصورة مكثفة بينهن لاول مرة اعرف ان لها معنى آخر منك انت وانا استخدمه منذ سنوات دلالة على تداول الباسوردات. على العموم حصل خير وشكرا لك على حسن الظن
(عدل بواسطة د.نجاة محمود on 05-04-2013, 10:22 AM)
05-04-2013, 09:16 AM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
Quote: هذا المثل ما عنده اي خلفيات بطالة على الاطلاق
القول ما قلت يا نجاة وكل إناء بما فيه ينضح الكلام عادي جدا ولكن اعتقد ان الزبون دا داير يتعرف على الناس ويسوق نفسو ككاتب وربما يكون شايف نقسو عندو ملكات جيدة وسئم العيش في البورد كشرنقة فيا دكتورة دعي الأشجار تنمو خخخخخخخخخخخخخخ
______________ زول يقول ليك جايبو رب الثقالة في البورد المناضل والشاعر والروائي البحيري منتطرة منو شنو غير هذه الهرطقات... عليكم الله يا جماعة دعوه يمضي ويمر أفففففففففففففففففففف
05-04-2013, 09:40 AM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
فاتني ان أرحب بالاخوة المنضمين حديثاً لليوست، ود الشيخ ود دياب ... ليك وحشة يا رجل ! .. أعفوا لي يا جماعة المسكين البي اتش دي هولدر دا أشاع جو من السخف والملل والبلاهة في البوست.. غايتو نحن هينين، كان الله في عون بنات الاحفاد !! وبابكر بدري إلخ إلخ
05-04-2013, 10:27 AM
Munir
Munir
تاريخ التسجيل: 02-11-2002
مجموع المشاركات: 10496
Quote: مافي داعي يا حبيب للمخاشنة مع الأخ ابراهيم حسين فما عدا المداخلة الأولي أراه في غاية التهذيب ..
والله يا صاحب زولك دا لم ينصلح حالو الا بعد الهرشة الاخدها دي .. في نوع كدا ما بجي الا بالشدة ... على العموم هو زول ساي وما تشغل بيهو بالك
Quote: بالله خليت جضيم الرياضيات وفلفيل المتطابقات
أها هنا انت اختلفت مع البي اتش دي هولدر دا زول يقول ليك وهبة (عنقالي) ... تجي انت تقول متطابقات ؟ يعني انت بتعرفني اكتر منو ؟ ياخ انا ذاتي ما بعرفني اكتر منو !! دا زول بي اتش دي هولدر إن ام بي سي ولا شنو كدا ... يعني زول خطر شديد هسي انت ذاتك ممكن يجي يديك على راسك ... عشان تاني ما تغالط ساي ...
___________ تحياتي للعيال يا عمك
05-04-2013, 03:33 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2691
بس خفف شوية من د. ابراهيم اني واثق اننا سوف نستفيد منه بعد اظلاعي على الكثير من نشاطاته الأكاديمة وتحية له من هناونتوقع ان نلاقيه بينكم ووسطكم في زيارتنا القادمة لوطننا الثاني السودان
05-05-2013, 01:16 PM
garjah
garjah
تاريخ التسجيل: 05-04-2002
مجموع المشاركات: 4702
Quote: ولسة الرش ما بدا؟ الواحد يقوم يطرشق ليكم هنا والا كييييييف؟
قرجة يا حبيب سيبدأ الرش عقب الفراغ من عملية تمشيط واسعة تتم لمكتبة احدهم خلاص هانت ههههههههههههه
___________________ يا ود الشيخ زولك بتاع البي اتش دي دا انا تاني حوا وآدم ما بلموني معاهو جني وجن الزول البتبوبر وهو في نفس الوكت لا يساوي اي شي الزول الفاكيها في روحو الزي دا يا ود الشيخ نحن بنفتش ليهو بالقروش ما لاقنو تصدق نفسيا كدا ما بقدر أسيبو ههههههه منها الواحد ذاتو يشتهر مع زول مشهور زي دا فمعليش اعذرني يا ود الشيخ ويا ريت تطلب مني حاجة تستاهل.. انت راجل عزيز علينا
05-05-2013, 06:32 PM
بدر الدين اسحاق احمد
بدر الدين اسحاق احمد
تاريخ التسجيل: 03-29-2008
مجموع المشاركات: 17127
Quote: ثم ثانيا شايفك استلمت البوست وانا يادوب بشاور فيك .. لقيت ليك الحلة كلها واقفة فى صنقور البوســت ( 3496)
انتو البوست دا في ميدان الرابطه ولا شنو تحبو الرش يا اولاد الشعبية غايتو ذكرتوني كلام ساخر الشعبية الكبير ( التاج شريفه ) حيث قال : الواحد لو رشوهو في امبده قبل ما يتنشف يلاقي خبرو في الشعبية . . .
اقول ليكم شي لاانت ولا هو
Quote: يا وهبــة أرشــو انا .. ولا ترشــو إنت ؟
خلوهو لي . . بالله البوست التقول معول لاولاد الشعبية تحيات يا احباب
05-05-2013, 07:52 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
ههههههههههه عليك الله با ابو دية البورض دا ما بخليك تبقى عالم عديل ؟ هسي شوف زي الوهم البقول ليك انا مشهور دا .. زول ساكن امبدة ويقول ليك مشهور غايتو نحن شايفين اشهر زول في امبدة (سلوى بت الابيض) بتاعة قندهار ومجدي امبدة بتاع الامل عطبرة ومنبر امبدة بتاع الهلال سابقا تاني ما لنعرف زول مش لو بقيت دكتور والله لو بقيت بتدخلها من الكورنر، برضو وهم !! _______ يا كابتن وليد
Quote: حيث قال : الواحد لو رشوهو في امبده قبل ما يتنشف يلاقي خبرو في الشعبية .
انت حقو تقولها زي ما قالها التاج شريفة البرقص يا ولدي ما بغطي دقنو هههههههههههههههههههه
05-06-2013, 10:48 AM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
وين يا جماعة د.مشهور بتاع الاحفاد ؟ قال انا اشتهرت بالقراية قال ههههههههههه هسي يا دكترة لو دخلناك في تجربة بتاعة شهرة انت من ناحية والنعجة (دوللي بتاعة الاستنساخ) من ناحية تانية ، البطلع اشهر فيكم منو ؟ طبعا اي زول بعرف النعجة وانت حدود شهرتك لن تتجاوز ناس بيتكم وشوية جكس من الاحفاد ودا بالاضافة لفتحي البحيري ... أها يا دكترة النعجة دوللي دي لا بتعرف انجليزي ولا بتعرف عربي ولا صاحبة فتحي البحيري ولا سافرت ماليزيا ولو ختيت ليها قلم وورقة قدامها ممكن تاكلهم ولو بقى القلم فيهو استيكة ممكن يعمل ليها تلبك معوي عديل ... قال قراية قال قُر ينفخك، راجل كرتونة .. .. بالمناسبة يا دكترة امس قليت عقلي وعملت بنصيحتك وقوقلت اسمك (ابراهيم حسين) فضول ساي مني .. نتيجة البحث جاتني كالتالي : 1/ ليه يا شمعة سهرانة (أغنية) 2/ لما الريد يفوت حدو (أغنية) 3/ رحلتوا بعيد نسيتوا (أغنية) خخخخخخخ كلها اغاني ويوتيوب اللخو برضو فنان ولا شنو ؟ غايتو ما عافي ليك زمني الضيعتو في القوقلة دي وصدق المثل البقول : البباري الجداد .. إلخ إلخ !!
عبدالوهاب علي الحاج - كتبت في أول مداخلة لي : خواء أو لصرف نظر ما ومن المزعج ان يصدر عن شخص يلبس الادارة الاستراتيجية عباءة وسمعت له حديث عن الشباب وامانات الشباب.. أيمكن ان يكون هذا التناقض مبررا ؟ وماذا عن برامج الشباب الان عرفت لماذا الشباب ضايع - وجاء قطار شتائمك: قوم لف بلا خواء بلا علقنة معاك راجل وهم -ممكن تلمك مع زول عبي زيك كدا ما فاهم اي حاجة - ... بلا يخمكم جمبعا- نشوف دخيل الكلام في الحتات المابتعجب يعني بلغة مشاهير امدرمان (عاوز لكن ملاوز) شفت كيف يا دكتور ؟- !! بالله شوف النكرة الوهم دا- العيب ما منكم العيب في بكري البخم ويردم لينا في الخبوب والوهم- وذلك في معرض تبريره لأخطائه الإملائية الفادحة سئم العيش في البورد كشرنقة- زول يقول ليك جايبو رب الثقالة في البورد المناضل والشاعر والروائي البحيري- أعفوا لي يا جماعة المسكين البي اتش دي هولدر دا أشاع جو من السخف والملل والبلاهة - الزول الفاكيها في روحو الزي دا يا ود الشيخ نحن بنفتش ليهو بالقروش ما لاقنو- هسي شوف زي الوهم البقول ليك انا مشهور دا - قال قراية قال قُر ينفخك، راجل كرتونة . - الواضح انك ماعندك شغل ولامشغلة ..وثبت كلامي ان البوست خواء والدليل علي ذلك البوست في الصفحة الرابعة وكما علقوا ليك الفيس بوك : هناك جعجعة ولا نري طحينا. - الواضح ايضا انت تتصيد الناس عشان يكونو مادة الي بوستاتك ... ولن أكون منهم .. ولانك ينطبق عليك مقولة الزول ده "عرور" وانت كذلك وشاهدت ليك مقطع بتغني وصورة بالجلابية كل صنوف البلاهة تتمثل في وجهك.. وهذا فسر لي سر اهتمامك بالقراية وعقدتها وانت عرور ودفة تنقاد والدليل اين صاحب البوست بدرالدين ؟ فتح البوست وعارف انت طبعا حا تتولاهو بكامل قواك العقلية المتواضعة - الظاهر انت زعلان عشان ما قلت ليك يا أمنجي ولاقلت لبدر فكي حرامي النت بس انت حوجتني الي ذلك بالسباب الذي لا أستحقه ...ومن هنا أهديك من اليوم : لقب "الشاويش فرقع " ولن أناديك عبدالوهاب لان الاسم هذا يتدبج باسم جميل من أسماء الله الحسني. - من قال ان السكنة والمحل الذي قسمه الله لك معرة يوما ما .. يا ابن الشعبية وما أدراك ما الشعبية... وليعلم الشاويش فرقع اني من سكان حي العرب مربع 2-5 وترعرعت هنالك حيث الكبير يوقر الصغير وتشربنا كل معاني الجمال والحكمة من مشاهير هذا الحي الراقي زهاء خمسة عقود ثم رحلنا الي امبدة وليتك من سكان امبدة وما اروعها من سكن . - عندما قلت مشهور بالقراية دي حقيقة ثتبتها الشهادة السودانية وديباجة الشرف التي نحتت في المدارس التي درسنا بها .. ولولا استفزازك المسترسل لما تطرقت لذلك ولو ما انت قلت في زول قال ليك دكتور ووفيات ما كان قلتا ليك عندي دكتوراة ولو ما شبكتنا عندك اخطاء املائية ما كان وريناك كناباتنا لانك ما بتستوعب كلام نقي فقط مهمتك تجريح الناس ومسكاككتهم في البوستات - للاسف لايتجاوز تفكيرك الناقة وسوقها فقد اضحت لغة التواصل صعبة معاك ولنقل لك فرقع ايها الشاويش فرقع - لانك ايضا محدود الافق انت لما تتقوقل اسمي بالعربي ما بديك حاجة لانو المجلات اللي بنشر فيها ما بالعربي يا الشاويش فرقع فرقع الله فاخورتك القرعوبة دي قلت النعجة دولي - انت تاعب نفسك عشان تثبت انو فلان سرق من النت وخطف من فلان لعلمك هنالك برمجيات تعطي تقريرا مفصلا بالدقيقة والثانية وسال من منو في العالم مش في السودان واذا عايزني اجرب ليك صاحب البوست في بحوثه ممكن ومن امثلة هذة البرامج TURNITIN - اعلم ايها الشاويش فرقع انا الان افكر بجدية في ترك الموقع - وهذا ليس انتصارا لك- وعلمك ايضا اني كتبت بهذا العام 2004 وقتها علي ما اظن انك تحمل عكازا "مضببا" تهش به الهوام.. وفتحي بحيري الذي تتهجم عليه لو عرفت من التهذيب يحمل هذا الشخص لما تجنيت عليه ولو عملت كم احرز من مجموع 200 للرياضيات البحته والاولية لما تهكمت عليه وحضوري هنا بعد ان طرحت بعض الافكار والبرامج التي ستكون مفيدة مع الاخ بكري ابوبكر واعتقد منحي لكلمة المرور بناء علي ذلك وليس فتحي البحيري - اعتذر للقراء والمرور علي هذا البوست علي اي كلمة لاتليق والمقام ولكن وجدت نفسي مضطرا ... - سؤال ليس للاجابة : امكن تكون عرفتني من البروفايل انا في الاحفاد لاكن امبدة وماليزيا دي قوية - طبعا هنا الشاويش فرقع مسح شواربه البلهاء وجاءته نشوة الانتصار والغريب ان فرقع لايعي من هي دولي وزوجها دلدول - اوصيك يافرقع ان تستثمر صحتك ولسانك فيما يفيد ودع الخلق للخالق وهنا قد تتفتت ذرات الاحترام وتبعثرت حبيبات الود بيننا الا الاعتذار .. ساكون قريبا جدا بالسودان .. ودعك من الدواس الاسفيري والرجال يوم المحاصة مش كيبورد وملاسنات لاتودي ولاتجيب
05-06-2013, 01:16 PM
waleed dawash
waleed dawash
تاريخ التسجيل: 06-04-2007
مجموع المشاركات: 1541
هووووووووووووووي يا وهبة هوي ارعى بقيدك ... رش رشك وانت ساكت . اسي امبدة دي سالتك ؟ بعدين مش كويس لقيت فيها زول مشهور ؟ حتى و لو كان يحمل اسم مدينة اخرى . اها نحن شعبيتكم دي ما بنعرف فيها زول غيرك .. يعني انت و بت الابيض في مقام واحد. ههههههه ـــــــ بالجد كده طولت الموضوع وشحتفت روحنا فحاول انسى المداخلات في البوست ده و ركز في بوست الرش
عبدالوهاب علي الحاج - كتبت في أول مداخلة لي : خواء أو لصرف نظر ما ومن المزعج ان يصدر عن شخص يلبس الادارة الاستراتيجية عباءة وسمعت له حديث عن الشباب وامانات الشباب.. أيمكن ان يكون هذا التناقض مبررا ؟ وماذا عن برامج الشباب الان عرفت لماذا الشباب ضايع - وجاء قطار شتائمك: قوم لف بلا خواء بلا علقنة معاك راجل وهم -ممكن تلمك مع زول عبي زيك كدا ما فاهم اي حاجة - ... بلا يخمكم جمبعا- نشوف دخيل الكلام في الحتات المابتعجب يعني بلغة مشاهير امدرمان (عاوز لكن ملاوز) شفت كيف يا دكتور ؟- !! بالله شوف النكرة الوهم دا- العيب ما منكم العيب في بكري البخم ويردم لينا في الخبوب والوهم- وذلك في معرض تبريره لأخطائه الإملائية الفادحة سئم العيش في البورد كشرنقة- زول يقول ليك جايبو رب الثقالة في البورد المناضل والشاعر والروائي البحيري- أعفوا لي يا جماعة المسكين البي اتش دي هولدر دا أشاع جو من السخف والملل والبلاهة - الزول الفاكيها في روحو الزي دا يا ود الشيخ نحن بنفتش ليهو بالقروش ما لاقنو- هسي شوف زي الوهم البقول ليك انا مشهور دا - قال قراية قال قُر ينفخك، راجل كرتونة . - الواضح انك ماعندك شغل ولامشغلة ..وثبت كلامي ان البوست خواء والدليل علي ذلك البوست في الصفحة الرابعة وكما علقوا ليك الفيس بوك : هناك جعجعة ولا نري طحينا. - الواضح ايضا انت تتصيد الناس عشان يكونو مادة الي بوستاتك ... ولن أكون منهم .. ولانك ينطبق عليك مقولة الزول ده "عرور" وانت كذلك وشاهدت ليك مقطع بتغني وصورة بالجلابية كل صنوف البلاهة تتمثل في وجهك.. وهذا فسر لي سر اهتمامك بالقراية وعقدتها وانت عرور ودفة تنقاد والدليل اين صاحب البوست بدرالدين ؟ فتح البوست وعارف انت طبعا حا تتولاهو بكامل قواك العقلية المتواضعة - الظاهر انت زعلان عشان ما قلت ليك يا أمنجي ولاقلت لبدر فكي حرامي النت بس انت حوجتني الي ذلك بالسباب الذي لا أستحقه ...ومن هنا أهديك من اليوم : لقب "الشاويش فرقع " ولن أناديك عبدالوهاب لان الاسم هذا يتدبج باسم جميل من أسماء الله الحسني. - من قال ان السكنة والمحل الذي قسمه الله لك معرة يوما ما .. يا ابن الشعبية وما أدراك ما الشعبية... وليعلم الشاويش فرقع اني من سكان حي العرب مربع 2-5 وترعرعت هنالك حيث الكبير يوقر الصغير وتشربنا كل معاني الجمال والحكمة من مشاهير هذا الحي الراقي زهاء خمسة عقود ثم رحلنا الي امبدة وليتك من سكان امبدة وما اروعها من سكن . - عندما قلت مشهور بالقراية دي حقيقة ثتبتها الشهادة السودانية وديباجة الشرف التي نحتت في المدارس التي درسنا بها .. ولولا استفزازك المسترسل لما تطرقت لذلك ولو ما انت قلت في زول قال ليك دكتور ووفيات ما كان قلتا ليك عندي دكتوراة ولو ما شبكتنا عندك اخطاء املائية ما كان وريناك كناباتنا لانك ما بتستوعب كلام نقي فقط مهمتك تجريح الناس ومسكاككتهم في البوستات - للاسف لايتجاوز تفكيرك الناقة وسوقها فقد اضحت لغة التواصل صعبة معاك ولنقل لك فرقع ايها الشاويش فرقع - لانك ايضا محدود الافق انت لما تتقوقل اسمي بالعربي ما بديك حاجة لانو المجلات اللي بنشر فيها ما بالعربي يا الشاويش فرقع فرقع الله فاخورتك القرعوبة دي قلت النعجة دولي - انت تاعب نفسك عشان تثبت انو فلان سرق من النت وخطف من فلان لعلمك هنالك برمجيات تعطي تقريرا مفصلا بالدقيقة والثانية وشال من منو في العالم مش في السودان واذا عايزني اجرب ليك صاحب البوست في بحوثه ممكن ومن امثلة هذة البرامج TURNITIN - اعلم ايها الشاويش فرقع انا الان افكر بجدية في ترك الموقع - وهذا ليس انتصارا لك- وعلمك ايضا اني كتبت بهذا العام 2004 وقتها علي ما اظن انك تحمل عكازا "مضببا" تهش به الهوام.. وفتحي بحيري الذي تتهجم عليه لو عرفت من التهذيب يحمل هذا الشخص لما تجنيت عليه ولو عملت كم احرز من مجموع 200 للرياضيات البحته والاولية لما تهكمت عليه وحضوري هنا بعد ان طرحت بعض الافكار والبرامج التي ستكون مفيدة مع الاخ بكري ابوبكر واعتقد منحي لكلمة المرور بناء علي ذلك وليس فتحي البحيري - اعتذر للقراء والمرور علي هذا البوست علي اي كلمة لاتليق والمقام ولكن وجدت نفسي مضطرا ... - سؤال ليس للاجابة : امكن تكون عرفتني من البروفايل انا في الاحفاد لاكن امبدة وماليزيا دي قوية - طبعا هنا الشاويش فرقع مسح شواربه البلهاء وجاءته نشوة الانتصار والغريب ان فرقع لايعي من هي دولي وزوجها دلدول - اوصيك يافرقع ان تستثمر صحتك ولسانك فيما يفيد ودع الخلق للخالق وهنا قد تتفتت ذرات الاحترام وتبعثرت حبيبات الود بيننا الا الاعتذار .. ساكون قريبا جدا بالسودان .. ودعك من الدواس الاسفيري والرجال يوم المحاصة مش كيبورد وملاسنات لاتودي ولاتجيب
05-06-2013, 02:03 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
Quote: ولانك ينطبق عليك مقولة الزول ده "عرور" وانت كذلك
ههههههههههههههههههههههههه لقد حرقه حرقا مبرحاً !! يا زول انت البوست دا استقدت منو واستثمرتو للطيش شايفك فرشت بضاعتك كلها لا خليت احفاد ولا شهادات ولا محل السكن وحتى مكان الاقامة الحالي بس فاضل ليك تنزل لينا صورك الما عرورة وتورينا نوع سيارتك ، وفطرت بشنو ههههههههه يعني زي ما بقول اخونا تمبس فرش متاع كااامل ... غايتو الله نحن من جوافة المناصير نحن الببقينا (كيزان) شنو عشان نشوف ماليزيا للدنيا والزمان خخخخخخخخخخ
________________________________ يا دواش
Quote: هووووووووووووووي يا وهبة هوي ارعى بقيدك ... رش رشك وانت ساكت . اسي امبدة دي سالتك ؟
هههههههههههههههههههههه والله صدقني انا لمن كتبت امبدة ما كنت قاصد الوهم دا والله كتبتها متحرشاً بأبو حسين تصدق ؟ المهم امسحا لي في وشي ... وينك انت طولت ما ظاهر
05-06-2013, 02:53 PM
هشام هباني
هشام هباني
تاريخ التسجيل: 10-31-2003
مجموع المشاركات: 51288
لا تضيع زمنك الغالي مع كائن هرم عاطل متبطل ( خالي مسئولية) يخدم تحت احذية الكيزان ولا يملك موهبة غير (الفارغة ومقدودة) ولا يستطيع ان يفترع خيطا ذا فائدة للمنبر لانه خالي المخ و لا يحمل اي فكرة مفيدة غير المماحكات والمطاردات وهو امر صار واضحا ومفضوحا ويصب بالطبع في مصلحة من يتكسب منهم....فاربأ بنفسك عن هذا المشبوه ولا تتوغل اكثر معه في المماحكات لانها صنعته ويجيدها جدا !
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة