'الطرائــــــــــــــــــــــــــــــــــد: جرائـــــم القذافي الجنسية

Quote: آدم صيام إزيك ... علك طيب بصراحة أنا لا قادر أصدق كل ما جاء في الكتاب ولا قادر أكضب كل ما جاء في الكتاب من المؤكد أن كثير من الأحداث والتجاوزات المذكورة قد حدثت بالفعل ولكن هناك وقائع ذكرتها الكاتبة يصعب على التصديق أو على الأقل هذا رأيي الشخصي .. ياخ دي مصورة الراجل كأنه عبارة عن آلة جنسية همو الأول والأخير وغايتو في الدنيا دي الجنس والجنس بس معقولة بني آدم مهما كان مريض نفسي ولا مهوس ليلو ونهارو ما عندو شغلة غير الجنس طيب أمور الحكم والدولة دي كان بيصرفها متين؟ .. والأغرب من كده إنها ذاكرة زوجات رؤساء دول وشخصيات مشهورة مروا على فراش القذافي .. عشان إيه؟ عشان فلوسو بس .. في حين إنو لو شفت زوجات الشخصيات المشهورة دي كلهم ما بقلوا عن القذافي ثراء .. وبالتالي ما محتاجين لفلوسو عشان يمارسوا معاه الجنس .. وكمان قالت الزول ده دفع في فنانة لبنانية ملوين يورو عشان ليلة واحدة !!! غايتو لا ببرئ القذافي لا بصدق الكتاب كلو سلام