لحظة من فضلك!

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
التحالف الديمقراطي بأمريكا يقيم ندوة بعنوان آفاق التغيير ما بعد هبة يناير 2018
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-10-2018, 05:25 AM الصفحة الرئيسية

مدخل أرشيف الربع الثانى للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
19-04-2013, 01:52 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    وما يحير في المنبر هو كثرة البوستات عن أعزاؤنا الذين يسبقوننا الي دار الآخرة..
    تجدها كثيرة وحزينة الي ابعد درجات الحزن..ويتعدد الحكي في بعضها عن مكانة الفقيد وعظمة فقده...تستمر اياما طوالا تفوت عدد ايام سواد المنبر..
    ثم تتوقف تلك البوستات بإنتهاء العزاء..

    ............
    ............

    وعندما تمر الذكري الثانوية الأولي لهم..لا يأتي أحد بسيرتهم الا فيما ندر!

    رحمهم الله ورحمنا..سنلاقي نفس الموت وقد لا نلقي نفس العزاء..
    وستمر أيام العزاء بنواحها ثم لا شيء بعد!
                   |Articles |News |مقالات |بيانات

19-04-2013, 03:12 PM

شمس الدين ساتى
<aشمس الدين ساتى
تاريخ التسجيل: 14-12-2008
مجموع المشاركات: 2744

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    سلامات منى وجنابو عمر

    مارقريت على النطاق العالمى طبعا مشهورة بمواقفها الصلبة كان ضد الإتحاد السوفيتى سابقا)او فى حربها على الأرجنتين

    وذلك هو الذى أكسبها شعبية داخلية وخارجية فى البداية .. لكن بعد حربها وتقزيمها لإتحادات العمال كرهها أغلبية الشعب

    البريطانى وحتى أعضاء حزب المحافظين كرهوها مما أدى لإستقالتها .. وكان ظاهرا إحتجاج معظم الناس أن تكون جنازتها

    رسمية ومن دافع الضرائب...
                   |Articles |News |مقالات |بيانات

21-04-2013, 10:52 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: شمس الدين ساتى)

    Quote: مارقريت على النطاق العالمى

    لك التحية اخي شمس الدين
    بالنسبة لتاتشر وغيرها من الزعماء الغربيين والشرقيين فان الابقي عندنا من شخصياتهم هو ال image الشخصي .. اكثر من الاثر ..
    فقد خلد في ذاكرة التاريخ النازي هتلر والفاشستي موسولوني والاستعماري تشرشل والبطل القومي ديجول والملكة فكتوريا الاولي
    التي ملات شوارع بريطانيا بدماء النبلاء واللوردات وغيرهم ممن آذوا شعوبهم في ناحية او اخري ولكنهم اعطوا هيبة للحكم وقوة
    للوطن ..

    انا نسيت كما نسي او لم يشهد كثير من البريطانيين ما جري في الحقبة التاتشرية داخليا ولكن بقي في ذهني ما كان من قوة ارادتها
    وطغيان شخصيتها وجرأتها في اعادة شمس الامبراطورية الي حيث اذنت بالافول ....

    وقد علمت ان البريطانيين ودعوها خير وداع .. ولعلهم ايضا احرقوا جثمانها .... سبحان الله

    تحياتي
    عمر علي حسن
                   |Articles |News |مقالات |بيانات

21-04-2013, 10:55 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: شمس الدين ساتى)

    Quote: مارقريت على النطاق العالمى

    لك التحية اخي شمس الدين
    بالنسبة لتاتشر وغيرها من الزعماء الغربيين والشرقيين فان الابقي عندنا من شخصياتهم هو ال image الشخصي .. اكثر من الاثر ..
    فقد خلد في ذاكرة التاريخ النازي هتلر والفاشستي موسولوني والاستعماري تشرشل والبطل القومي ديجول والملكة فكتوريا الاولي
    التي ملات شوارع بريطانيا بدماء النبلاء واللوردات وغيرهم ممن آذوا شعوبهم في ناحية او اخري ولكنهم اعطوا هيبة للحكم وقوة
    للوطن ..

    انا نسيت كما نسي او لم يشهد كثير من البريطانيين ما جري في الحقبة التاتشرية داخليا ولكن بقي في ذهني ما كان من قوة ارادتها
    وطغيان شخصيتها وجرأتها في اعادة شمس الامبراطورية الي حيث اذنت بالافول ....

    وقد علمت ان البريطانيين ودعوها خير وداع .. ولعلهم ايضا احرقوا جثمانها .... سبحان الله

    تحياتي
    عمر علي حسن
                   |Articles |News |مقالات |بيانات

22-04-2013, 07:49 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: شمس الدين ساتى)

    سلامات منى وجنابو عمر

    مارقريت على النطاق العالمى طبعا مشهورة بمواقفها الصلبة كان ضد الإتحاد السوفيتى سابقا)او فى حربها على الأرجنتين

    وذلك هو الذى أكسبها شعبية داخلية وخارجية فى البداية .. لكن بعد حربها وتقزيمها لإتحادات العمال كرهها أغلبية الشعب

    البريطانى وحتى أعضاء حزب المحافظين كرهوها مما أدى لإستقالتها .. وكان ظاهرا إحتجاج معظم الناس أن تكون جنازتها

    رسمية ومن دافع الضرائب...
    ______________________________________________

    مرحب بيك يا شمس الدين..

    طبعا كل البيحيب مارجريت تاتشر في المملكة المتحدة بيكون اساسا ذو ميول رأسماليه..
    القطاع الخاص نما وترعرع علي حساب المواطن..ضعفت النقابات بسبب التصيد ومحاولات التهميش لها..
    وظهرت البطالة بشكل قوي ما زال أثره ينمو حتي يومنا هذا تحت سياسة كاميرون المعجب الكبير بها..
    علي كل حال تاتشر حققت أنجازات علي المستوي الخارجي كما ذكرت انت بالنسبة لوضع بريطانيا في حرب الارجنتين والتي يصر مواطنيها الآ رغم انف ساستهم علي ان يكونوا تبع بريطانيا..
    أما دافيد كاميرون فلم يحقق ولن يحقق غير الدمار الإقتصادي والإجتماعي ولن يكون له نفس مكانة تاتشر..
    يعني جنازتها كرئيسة وزراء لن تتحقق لغيرها في عصرنا الحالي..

    شكرا يا شمس الدين..

    .....................
    .....................
                   |Articles |News |مقالات |بيانات

22-04-2013, 09:10 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)





    موضوع حقوق النساء موضوع شائك وطويل وخاصة عندما يشتمل علي مقارنات محلية وأخري إقليمية
    وتلك العالمية ويود أن ينتهي بشهادة مطلقة بالنسبة لتلك الحقوق وتمييزها الإيجابي للمرأة...
    إذ يتطلب الامر متابعة اقرب ما تكون للأكاديمية ووجود مراجع حتي يكون الحديث في سياقه ومستوي وجوده الحقيقي..
    أري أن حقوق النساء بوجه عام لا يمكن النظر لها بمعزل عن حقوق كل المجتمع ..ولا يمكن معالجتها أيضا الا بمعالجة الكل..
    فإن قلت ان السلطة في السودان تتعرض للنساء بشكل إستهدافي فإن هذه الشهادة هي حقيقة موثقة لكنها ايضا تبدو ناقصة..إذ يجب أن اقول أن النظام يستهدف المواطنين ويستهدف النساء بشكل اكبر..وأن التصدي لتلك الإنتهاكات يتطلب وجود إلتزام بعدم إنتهاك لحقوق كل الوطن أي رجال وأطفال وإحترام لحقوقوق الجميع ..فإن كان الرجال يتعرضون للمهانات فإن النساء قطعا مهانتهن اكتر واعظم كمواطنين وثانيا كنساء..
    والامر هنا يتطلب في نفس الوقت التعامل علي مستويين يكادا يتوازيان في المدن ويتبع احدهما الآخر في المناطق البعيدة من المدنية والتي هي بطبيعتها مجتمعات مغلقة الي حد كبير ولها تركيبتها ذات الخصوصية..

    هذا يعني ان النظر لحقوق المرأة بواسطة المجتمع وما يجب أن تكون عليه في المدن يختلف في الواقع عن النظر لحقوق أختها في المناطق الريفية علي سبيل المثال وذلك لاشياء تتعلق بالثقافات والحراك الإجتماعي وأدوات المدنية الموجوده في المدن اكثر من الريف..وبالطبع الممارسة لهذه الحقوق تختلف ايضا بينهما وتتدرج..
    ولهذا تختلف أهمية القانون وأولوياته بين تلك المجتمعات من حيث النظر له كوسيلة رادعة وبالتالي من حيث التطبيق..

    تلعب الثقافات والعادات والتقاليد والعرف دورا أكثر فعالية من القوانين المكتوبة في المجتمعات الريفية وقد لا يكون للقوانين اي أثر فعال في تلك المناطق..خاصة ان كانت في حالة تناقض مع تلك الثقافات القائمة أساسا علي السلطة الذكورية بشكل مؤسس وقوي..

    نواصل..
                   |Articles |News |مقالات |بيانات

24-04-2013, 11:32 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)


    وكانت مصر المؤمنة قبلة اهل السودان الفارين من جحيم وطنهم..
    الآملين في حياة مستقرة آمنة..
    الا ان مصر اصابها ما اصابها من الدمار الشامل بسبب الإخوان المسلمين
    وهاهو الغلاء يطحن الجميع والفقراء أكتر..
    وهاهم اهلها من القادرين يعانون ايضا ويترحمون علي ايام حسني مبارك ليس حبا فيه
    بل كيدا في نظام غشاهم وسرقهم ودمر حياتهم وهو في شهوره الاولي!

    رحم الله السودان ومصر!

                   |Articles |News |مقالات |بيانات

25-04-2013, 08:45 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: رحم الله السودان ومصر!

    يا خالتو
    هل لهذا الوضع دخل في انخفاض المخزون العالمي من سلعة البرسيم

    عمر علي حسن
                   |Articles |News |مقالات |بيانات

25-04-2013, 10:16 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    وقفنا بفضلكم ومن القليل من فضلنا
    الفاضلة بت خوجلي وسعادة اللواء وبقة الزوار
    طيبين إن شاء الله وعافية درت

    مرور سريع وبنرجع لو مدَّ الله في العمر ثانية
                   |Articles |News |مقالات |بيانات

26-04-2013, 04:11 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    Quote: وقفنا بفضلكم ومن القليل من فضلنا
    الفاضلة بت خوجلي وسعادة اللواء وبقة الزوار
    طيبين إن شاء الله وعافية درت

    مرور سريع وبنرجع لو مدَّ الله في العمر ثانية


    كيف حالك يا خالد...
    خلاص لندن زهورها بدأت مهرجانها السنوي..
    وبعدين اصبح صعب نعرف الفرق بين الزهور والناس من الالوان الفرحانة والتوزع علي الجناين!

    مرحب بالربيع والصيف..
    ........... .
    ..........
                   |Articles |News |مقالات |بيانات

25-04-2013, 11:41 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: يا خالتو
    هل لهذا الوضع دخل في انخفاض المخزون العالمي من سلعة البرسيم

    عمر علي حسن


    أكيد طبعا فبجانب الاستخدام المحلي المعروف..
    ثم ايضا استخدامه في التصدير دون قيمة مادية لدولة شقيقة خالص...
    علي اساس انهم حتتين بيكملوا بعض ولازم مشاعرهم تكون اخوانية شديد!

    .........
    .........

    كيف حالك يا سعادة اللواء..
                   |Articles |News |مقالات |بيانات

26-04-2013, 05:33 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: كيف حالك يا سعادة اللواء..

    فاقدك .. وزي ما فهمت انك في اجازه ... طيب في حد تاني في اجازه برضو ؟

    التصدير بدون قيمه علي ايامنا كان اسمه المعونات .. وهي اما مشروطه او غير مشروطه .. يعني مثلا لو امريكا لقتك جعان
    ترسل ليك معونه قمح .. يعني لازم يكون في سبب .. وبالتالي البرسيم ده برضو عايز سبب .. يعني مثلا يكون عندك تور الله
    وده ما تعرفيه قاعد وين ..

    اما حكاية حتتين دي انا سمعت انها بقت حته واحده .. انتي ما سمعتي ؟

    النهارده في خطبة الجمعه سمعت الامام بيدعو لسوريا ووين ووين .. ومصر .. مالها مصر ؟

    عمر علي حسن

    (عدل بواسطة عمر علي حسن on 26-04-2013, 05:45 PM)

                   |Articles |News |مقالات |بيانات

27-04-2013, 06:59 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    يا مني
    كانت امريكا ترسل الي مصر فائض قمحها كجزء من المعونة الامريكيه المقررة (لمساعدة) الشعب المصري ولاسكات صوت
    عبد الناصر .. ولما امم القنال وضربوه ثلاثيا لم تكن امريكا طرفا في الموضوع ولكنها تكاملت مع فرنسا وبريطانيا واسرائيل
    فهددته بقطع المعونات ... وقام الفرعون الصعيدي لاعنا ابو جدهم وقال عبارته الشهيره (معونتهم تحت جزمتي) ..

    كانت بواخر القمح قد ابحرت شرق الشواطي الامريكيه ومخرت في عباب الاطلسي فجاءتها التعليمات بتفريغ شحناتها من القمح في
    البحر والعوده .. فوصلت المعونه الي السمك الجائع رزقا حلالا من رب كريم .. ولم يمت الشعب المصري من الجوع .. بل زاد
    انتاج (البتاو) فاكله الغني والفقير واستملحوا طعمه ...

    عمر علي حسن
                   |Articles |News |مقالات |بيانات

28-04-2013, 02:17 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: يا مني كانت امريكا ترسل الي مصر فائض قمحها كجزء من المعونة الامريكيه المقررة (لمساعدة) الشعب المصري ولاسكات صوت عبد الناصر .. ولما امم القنال وضربوه ثلاثيا لم تكن امريكا طرفا في الموضوع ولكنها تكاملت مع فرنسا وبريطانيا واسرائيل فهددته بقطع المعونات ... وقام الفرعون الصعيدي لاعنا ابو جدهم وقال عبارته الشهيره (معونتهم تحت جزمتي) ..






    ده كان زمن اسطوري..
    لما كانت الصرخة القوية في الميناء في إسكندرية..
    صرخة اطلقها جمال..
    إحنا أممنا القناة!

    إنت فاكر ساي؟؟
    إحنا دلوقتي بقي عايزين عبدالناصر مش علشان الإستعمار الغربي..
    إحنا عايزينه قائد يؤدب ويحب ويرعي أبناء بلده..
    ولما يعلن قانون الإصلاح الزراعي يعلن معاه تحريم أكل البرسيم علي كل من البني آدم ومن هو أقرب في تكوينه الجسدي من البني آدم..
    عايزينه يقول للمزارعين وكل المواطنين حقوقكم متشاويه وكل بإستحقاقه..

    تفتكر ممكن؟؟
    غايتو لو ما ممكن ما تدس مني!

    .........
    ..........

    السمك كان محظوظ لكن!

    (عدل بواسطة Muna Khugali on 28-04-2013, 06:32 PM)

                   |Articles |News |مقالات |بيانات

27-04-2013, 12:35 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: فاقدك .. وزي ما فهمت انك في اجازه ... طيب في حد تاني في اجازه برضو ؟

    التصدير بدون قيمه علي ايامنا كان اسمه المعونات .. وهي اما مشروطه او غير مشروطه .. يعني مثلا لو امريكا لقتك جعان
    ترسل ليك معونه قمح .. يعني لازم يكون في سبب .. وبالتالي البرسيم ده برضو عايز سبب .. يعني مثلا يكون عندك تور الله
    وده ما تعرفيه قاعد وين ..

    اما حكاية حتتين دي انا سمعت انها بقت حته واحده .. انتي ما سمعتي ؟

    النهارده في خطبة الجمعه سمعت الامام بيدعو لسوريا ووين ووين .. ومصر .. مالها مصر ؟


    ماهو يا سعادة اللواء النظام كده..
    الدنيا تولع في السودان يقوم ناس الجامع المع النظام يدعو لمصر..
    الدنيا تولع في مصر يقوموا ناس الجامع او الغخوان بالدعاء لسوريا..


    لكن علي فكره اتضح انه تور الله عملوا منه نسخ..
    ايوه والله يعني بتلقي منه اكتر من واحد علشان كده البرسيم فيه أزمة..
    سبحان الله تعاين للتيران تتحير من تشابه النظرات فيها!


    قلت لي أمريكا مالها؟؟
                   |Articles |News |مقالات |بيانات

27-04-2013, 10:50 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    ويا حسرتنا علي شباب الوطن وهو يقتل في كل يوم..
    ويا حسرتنا اكتر علي عدم قدرتنا علي التوحد لمواجهته..
    تبكي الخرطوم عند ضربة تصيبها وحيدة..
    تبكي دارفور عند ضربة أخري تصيبها وحيدة..
    تبكي مدن وقري النيل الازرق عند اي ضربة تصيبها وحيدة..
    بكت كجبار وحيدة ومازالت..
    وهكذا حالنا في السودان مدن وقري..
    امس بكت أم دوم ايضا وحيده ..
    بكاء الاسافير لا يمثل الواقع وإن كان احيانا يصور مآسيه..

    !!!!
                   |Articles |News |مقالات |بيانات

28-04-2013, 07:43 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: من جهة أخرى اعلن حسبو الطيب رئيس المؤتمرالوطني بأم دوم انسلاخه من حزب المؤتمر الوطني احتجاجا على العنف غير المبرر الذي مارسته السلطات الحكومية على اهالي أم دوم وهم يطالبون بحقهم بالطرق السلمية على حد قوله ،وحذر مواطنون السلطات الحكومية من الاقتراب من منطقتهم... وحملوا الرئيس البشير مسئولية مقتل ابنهم ... كما روى مواطنون ان ضربا وحشيا واساءات عنصرية من شاكلة (انتم عرب أجلاف ) وملاحقة بالمبمان داخل البيوت ،وضرب للنساء والاطفال والمحتجين المسالمين ،بجانب الاعتقالات التي طالت عشرات من ابناء المنطقة الذين نهبت موبايلاتهم وأموالهم اثناء الاحداث. وقدر اهل المنطقة المصابون بما يفوق الخمس وخمسون شخصا ..اصابة بعضهم خطيرة مثل حمزة علي العطايا الذي اجريت له عملية في الرأس وسيف الدين الذي اصيب اصابة بالغة ادت الى كسر يده .الجدير بالذكر أن اهالي أم دوم قد أقاموا سرداقا للعزاء أمام المشروع .... واعلنوا انهم سيواصلون نضالهم لاسترجاع ارضهم ،وقد ملئت الشوارع بلافتات سوداء كتب عليها ..الأرض لنا أما فوقها أو تحتها .




    الإنسلاخ من المؤتمر ا######## في حد ذاته امر محمود وموقف يشكر عليه السيد حسبو..
    ولكن هل نحتاج لان يعلن الآخر عن مواقفه الوطنية فقط عندما يناله وأهله الأذي؟؟
    هل نحتاج ان تحرق قلوب الامهات في باقي المحليات علي فلذات اكباد ابنائها حتي نحظي ببعض القيادات والمواقف السياسية القوية؟؟
    وهل نثق بموقفها كموقف ثابت يضاف الي معلرضة النظام ام هو موقف واحد وليس من بعده شيء؟؟

    ..............
    ..............
                   |Articles |News |مقالات |بيانات

30-04-2013, 08:16 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    طرد اهل الشهيد بام دوم ممثلي النظام من خيمة العزاء...
    وقبلهم طردتهم اسرة عوضية..
    وقبلهم طردتهم اسر شهداء ابريل رمضان..
    وخلا ل فترة حكم طردتهم اسر كثيرة..
    ولا يهم النظام هذا الطرد ولا ذلك التكاتف المزيف الذي يعلنونه عقب كل إغتيال..
    ولن يتوقفوا عن فعل ذلك مادام كل عزاء يقف له فقط اهل المجني عليه..
    ولن يهم علي الإطلاق عزائهم او طردهم أو يكون له اتر سياسي حقيقي .
    ومادام احساس الفقد لا ينتج عنه عزاءا جماعيا..
    ومادام الطرد لا يتم بكل الجموع!

    رحم الله ابناء الوطن وعوضهم بالجنة!
    ...........
    ...........


                   |Articles |News |مقالات |بيانات

30-04-2013, 08:59 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    وبعد ان قتل المصري زوجته السودانية برميها من الطابق التاسع..
    كان اللوم لها بأنها قد تزوجت من مصري وهذه نتيجة متوقعة!
    ذلك اللوم يقابله انكار للعوامل الأخري..
    ويقابله إنكار لوجود بعض أشكال العنف عند نا كسودانيين..
    وكأننا نقول للعالم بأننا أفضل البشر أخلاقا..
    وكاننا لا نشهد حروب في وطننا تشهد جرائم قتل وإغتصاب وتشريد..
    حروب أهلية ليست من صنع أجنبي..كلها من صنعنا..
    وكان الحكام عندنا ليسوا من السودانيين..

    إن كانت بعض الصحف المصرية غبية في تعاملها مع الحدث وغير حساسة في نقل خبر المآساة بالطريقة التي تم بها..
    لأنها علي الأغلب صحف تفرح بالجرائم وصنع الفضائح للكسب المادي..
    فنحن ايضا لا نقل عنهم غباءا بشتمهم جميعا كشعب!


    مالذي حدث لنا؟؟؟؟
    مازلنا رغم كل تلك الكوارث ونحن نعاني في قلبها غير قادرون علي التعلم والتحليل؟؟

    .............
    .............


                   |Articles |News |مقالات |بيانات

30-04-2013, 03:54 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote:
    إن كانت بعض الصحف المصرية غبية في تعاملها مع الحدث وغير حساسة في نقل خبر المآساة بالطريقة التي تم بها..

    استاذتنا
    جريمة القتل قبل ان نصبح جريمة تحتمل التنظيم كانت في الغالب فعلا فرديا تتحكم فيه دوافع شخصيه كالثار والتنافس والغضب والغبن
    والشجار ومثيلاتها من الدوافع الشخصية التي جعلت الشرطه تصنفها كجريمة من الجرائم التي لا يمكن منعها وهذا تقسيم فني يرفع عن
    الشرطة عبء صرف امكاناتها وقوتها علي محاولة منع جرائم لايمكن التدخل فيها قبل وقوعها او حدوث شرارة تستدعي التدخل لمنعها
    او اتساع نطاقها بينما تبقي الجرائم التي يمكن منعها تحت مسئولية الشرطه لتوفير سبل الوقاية منها كالدوريات والمراقبه ومتابعه
    المسببين واماكن الحدوث المحتمله وابتكار وحسن تطبيق الوسائل الكفيله باحباط خطط المجرم او العصابة لتنفيذ جريمتهم ... ويقاس
    نجاح الشرطة عموما علي قدرتها في منع الجرائم المصنفه في هذا الجانب كمعامل اول بجانب معاملات اخري مهنيه واجتماعية ..

    اذن جريمة القتل جريمة تفاجي الكل بما في ذلك مرتكبها نفسه في اكثر الاحيان .. والرجل الذي قتل امراته بالقائها من شاهق لو اعيد
    له الخيار لما فعل ذلك او لعجز عن فعله .. ولكن الظروف والانفعال الشخصي دفعاه للقيام بارتكاب جريمته بهذه الصوره .. فهو مثلا
    لم يحملها علي كتفه من الطابق الارضي الي التاسع ليلقيها من هناك .. وربما لو حدث هذا علي الارض لما ماتت الزوجه .. كذلك فانه
    لافرق هنا ان يكونا من جنسيتين مختلفتين فلو كانا من جنسية واحده لحدث نفس الشيء .. المعامل المؤثر هنا انهما زوج وزوجه علي
    خلاف بينهما .. ولا غرابة ان يتزوج المصري سودانيه من بين الخمسة ملايين سوداني (كما سمعت) الذين يقيمون بالقاهرة ويشكلون
    جزءا من نسيجها السكاني ..

    لا عجب ان تخوض الصحافة المصرية او السودانية بجهالة في هذا الامر فكلاهما مازال يعتمد الصحفي المستجد او غير المؤهل للعمل
    في صفحة الحوادث والجريمه .. وهذا ان لم اكن مخطئا مكمن العيب الذي اظن وبعض الظن اثم انه ساعد في الخمسين عاما الماضيه
    علي نشر الجريمة وزيادة معدلاتها ..

    رحم الله السودانية والمصري الذي لن يخفف عنه حكم الاعدام اجدع افوكاتو في مصر

    عمر علي حسن
                   |Articles |News |مقالات |بيانات

01-05-2013, 09:33 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    وهكذا تستمر الشتائم من بعض المصريين للسودانيين..
    ومن بعض السودانيين للمصريين..
    في هذه الشتائم يظهر التعميم واضح والكلام فيه متهور..
    وآخر سخرية من بعض شباب المصريين في الفيس بوك عن السودانيين تقول..

    مرسي ما ينفعش يحكم مصر..زي مالكريمات ماتعنفعيش تفتح السودانيين!

    كويس كده يابنات؟؟
    تقعدوا تفتحوا في لونكم بالكريمات لغاية مالأغراب يلاحظوا؟؟!

    ...............
    ..............
                   |Articles |News |مقالات |بيانات

01-05-2013, 09:53 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote:

    اذن جريمة القتل جريمة تفاجي الكل بما في ذلك مرتكبها نفسه في اكثر الاحيان .. والرجل الذي قتل امراته بالقائها من شاهق لو اعيد
    له الخيار لما فعل ذلك او لعجز عن فعله .. ولكن الظروف والانفعال الشخصي دفعاه للقيام بارتكاب جريمته بهذه الصوره .. فهو مثلا
    لم يحملها علي كتفه من الطابق الارضي الي التاسع ليلقيها من هناك .. وربما لو حدث هذا علي الارض لما ماتت الزوجه .. كذلك فانه
    لافرق هنا ان يكونا من جنسيتين مختلفتين فلو كانا من جنسية واحده لحدث نفس الشيء .. المعامل المؤثر هنا انهما زوج وزوجه علي
    خلاف بينهما .. ولا غرابة ان يتزوج المصري سودانيه من بين الخمسة ملايين سوداني (كما سمعت) الذين يقيمون بالقاهرة ويشكلون
    جزءا من نسيجها السكاني ..


    يا سعادة اللواء.. الزول اليله قريت انه بيقول هو مارماها..بس كان عايز يضربها بالسكين قامت هي رمت نفسها من الدور التاسع!
    كان السكين ما قتل!
    لو صح كلامه معناتها خافت من انه يقتلها بالسكين ومن الخوف رمت نفسها من هناك!
    في كل الحالات ده زول مجرم وكذاب لانه كلامه الباقي فيه تضارب..يعني علشان رفضته شال ليها السكين..
    طيب هي لو كانت بطاله..قعد معاها ليه؟

    طيعا اكيد الصحف الرخيصة دي عندها قصد..والمحامين تبعه هايحاولوا يعملوها جريمة شرف علشان يخففوا عليه الحكم ويضيع فيها حق الضحية المسكينه تاني..ولا حول ولا قوة الابالله..

    اكيد في مصريين كتير متزوجين سودانيات..ودلوقتي في الخرطوم بس زيجات ما تتعد بين العمالة المصرية وشابات سودانيات..

    ربنا يخفف الضرر..

                   |Articles |News |مقالات |بيانات

02-05-2013, 08:47 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: مرسي ما ينفعش يحكم مصر..زي مالكريمات ماتعنفعيش تفتح السودانيين!

    تذكرني هذه بالنكته الشايعه قديما في مصر عن مشاجرة وقعت ليلا بين مصري وسوداني استغل فيها السوداني حلكة الليل
    وسواد لونه الذي يمنع المصري (الابيض) من رؤيته بينما هو يراه بوضوح .. فاشبعه لكما وتشليتا والمصري عاجز عن الوصول
    اليه .. فابتهج السوداني وضحك .. فبرقت اسنانه البيضاء واستطاع المصري ان يحدد مكانه ويلكمه قائلا ... ولّع تاني يابن ال ..



    Quote: في كل الحالات ده زول مجرم وكذاب لانه كلامه الباقي فيه تضارب..يعني علشان رفضته شال ليها السكين..
    طيب هي لو كانت بطاله..قعد معاها ليه؟

    القضيه يا استاذتنا ليست جريمة القتل ولا بشاعتها ولا فرص البراءه والادانه .. القضية هي الثقافة المصرية القاصرة عن فهم
    السودان والسودانيين .. هذا ارث لا يلام عليه الجيل الحالي ولا السابق وانما يلام عليه جزء من التاريخ صنعناه نحن ايضا عندما
    ساقت ايد سودانية العبيد الي مصر لحفر قناة السويس وثبتت في ذاكرة مصر هذه الصوره التي توالت عليها صور النوبي الخادم
    والطباخ والبواب .. واسهمت السينما المصريه في ترسيخ هذه الصوره في ذهن المصري البسيط .. الذي لايعرف عن السودان الا
    انه زريبه مجاورة للصعيد المتخلف ويتمتع بتفوق عليه في التخلف ..

    لا يتورع المصري عن البوح عن مكنوناته نحو السودان والسودانيين الذين لا يري فيهم الا انهم كائنات داكنة البشرة يتواجدون
    في الغابة مع الوحوش و(السُبُعَّه) .. وان لمصر الفضل في كل شيء عندهم حتي النيل ..

    هذا امر لم يكن ليهم القضيه لو ان الضحية مصرية .. وكان غيره سيكشف الجهل المريع الذي يعيشه المثقف المصري عن (الجاره)
    السودان .. فهم يفهمون انهم احسن في كل شيء واننا دونهم حتي في الكوره ولون البشره واللهجه ... حكمة ربي .. ثم يقولوا لك
    مصر والسودان (حته واحده) .. بتاعتهم ........

    تحياتي
    عمر علي حسن
                   |Articles |News |مقالات |بيانات

02-05-2013, 10:51 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote:
    مرسي ما ينفعش يحكم مصر..زي مالكريمات ماتعنفعيش تفتح السودانيين!

    -------------------------------------------------------

    تذكرني هذه بالنكته الشايعه قديما في مصر عن مشاجرة وقعت ليلا بين مصري وسوداني استغل فيها السوداني حلكة الليل
    وسواد لونه الذي يمنع المصري (الابيض) من رؤيته بينما هو يراه بوضوح .. فاشبعه لكما وتشليتا والمصري عاجز عن الوصول
    اليه .. فابتهج السوداني وضحك .. فبرقت اسنانه البيضاء واستطاع المصري ان يحدد مكانه ويلكمه قائلا ... ولّع تاني يابن ال ..


    قصة اللون دي كمان قصة عجيبة عندهم..تصدق هم قايلين نفسهم كلهم أصحاب بشرة بيضاء؟؟
    كان يجوا هنا عان يآمنوا!
    وبعدين ياخ حكاية اللون دي معقده العالم ماعارفة ليه..
    اسه قبل سنوات في برنامج في التلفزيون المصري عن اسوان..مقدمة البرناج الله يخيبها علقت لزميلها مقدم البرنامج عن الاسوانيين قائلة..

    والله علي الرغم من سواد لونهم بس قلوبهم بيضا!!
    وهم عادي مستمرين وقاعدين معاهم في الحلقة..
    والموضوع مر عادي..وشيء طبيعي المواضيع الزي دي تمر عادي مادام الجهل موجود..
    علي كل حال اذا هم اساسا سخروا من الصعايدة ومن الفلاحين ومن ناس أسوان ..حاجة متوقعة حدا يسخروا من السودانيين..
    طيب كتير من السودانيين ما برضه بيسخروا منهم وبيستخدموا كلما ت مهينة حدا في تصنيفهم جميعا كمصريين..
    مش مسمينهم اولاد بمبة؟؟

    طيب ده ما برضو عيب كبير في حق الشعب كله..
    اسه معقولة المصريين ديل كلهم يبقوا في لحظة اولاد اشهر راقصة في التاريخ المصري؟؟
    الجهل علي كل حال موزع في كل المجتمعات بدرجات مختلفة..ولا شنو؟؟
    وأحنا ذاتنا تلقي فينا اللونه ماعاجبه لما بقينا كلنا وشوشنا مسلخة بالكريمات وحواجبنا مرسومة بالمسطره والوشم ويدينا زي الاتسلفناها من زول تاني..
    اسه السماحة في كده وين؟؟
    خليك من السماحة ...الرضاء بدرجة لونا وين عندنا؟؟

    ............
    ............
                   |Articles |News |مقالات |بيانات

05-05-2013, 12:53 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: وأحنا ذاتنا تلقي فينا اللونه ماعاجبه لما بقينا كلنا وشوشنا مسلخة بالكريمات وحواجبنا مرسومة بالمسطره والوشم ويدينا زي الاتسلفناها من زول تاني..
    اسه السماحة في كده وين؟؟


    وأسه خليكم من التلفزيون ..امشوا المكاتب ..ومروا بنظرات مراقبة علي البنات منتظرات المواصلات العامه..امشوا الجامعات وغيرها. بنفس العين المتفحصة...
    بتلقوا شنو؟؟
    يتلقوا أغلبيه بتتشابه..في لون الوجه ..في الحواجب وشكلها..وفي لون اليدين..
    وفي منهم بيلبسوا قفازات علشان يدينهم ما تغمقها الشمس محاوله لتقريبها للون الوجه المتسلخ!

    لكن أغرب وأخطر من كده حكاية تكبير الصدر بحقن ضد السعر بتاعة الكلاب!

    ويجي التلفزيون ودعاياته الغبية في أسفل الشاشة..
    معهد فلان الفلاني يوجد به الخدمات الآتيه..
    تفتيح بشرة..تنعيم وتطويل الشعر في مده قياسية!
    ده كلام ممكن يصدقه عاقل؟؟
    لكن السوق وغياب الرقابة مع الجهل تنتشر مثل هذه الاشياء المرعبة..وفعلا مرعبة لان نتائجها وخيمة علي الصحة الجسدية والنفسية وعلي المظهر كمظهر..
    وعلي سبل الحصول علي المادة التي تحقق للفتيات هذا المظهر..

    .............
    .............


                   |Articles |News |مقالات |بيانات

08-05-2013, 09:50 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)


    حدثته واشواقي بكلمات تسابق بعضهاالبعض في لهفة..
    منذ ذهابك عني بالأمس والمنزل صار مملا وكئيبا..في كل ركن احسك وأسمع صوتك موزعا في أرجائه..
    اشتاقك كثيرا يا حبيبي!

    وأنا احبك كثيرا يا مني..افتقدك وكم تمنيت لو حضرتي معي هنا!
    عذبتني كلماته الصادقة الرقيقة
    فطفرت من عيوني دمعات حب وشوق.
    .أحبك كثيرا يا ياسين سأراك بعد غد..
    قلت لنفسي وأنا أقفل خط التليفون ..

    متين الويك اند يجي؟؟
    ..........
    ..........



                   |Articles |News |مقالات |بيانات

08-05-2013, 11:02 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    ولا اعتقد اننا كشعب ينقسم الي فئات مختلفة قد استوعبنا الدرس وإستفدنا من التجربة السياسيةالمره التي ما زلنا نعيشها كابوسا اسود جاثم علي الصدور...

    امتلأ المنبر ببوستات تتحدث عن نجاح العمليات العسكرية للمعارضة تقابلها بوستات من أهل النظام الملتزمين بالدفاع عنه ...بوستات تنكر نجاح العمليات العسكرية وتتهم المعارضة بقتل المواطنين ناسية بأنها أيضا قاتلة للمواطنين ليس في مناطق الحروب فقط بل حتي في الاماكن التي يفترض انها آمنه .. ثم من الذي تسبب اساسا في الحروب وفيما يجري بها؟؟
    وبوستات من اهل المعارضة المسلحة تتهم هي ايضا النظام بقتل المواطنين الابرياء..

    ثم جاء نبأ موت عبد العزيز الحلو في عدة بوستات لنفس المجموعة يقابلها بوستات نكرات من نفس مجموعات معارضة النظام وكثرت البوستات فإحترنا وتساءلنا..فالنفرض عبد العزيز الحلو مات..والموت حق ومن يحارب يعلم انه قد يموت وقد يحيا..هل يعني موت عبد العزيز موت الحركات المسلحة؟؟
    هل يعني ضياع القضية؟؟
    هل يعني كل ذلك الغضب من المعارضة والمحاولات المستميتة بنكران خبر موته..هل يعني ان موت عبد العزيز يعني موت التنظيم كله؟؟

    مازلنا نقدس الرجل الواحد فلم تختلف في ذلك الحركات المسلحة من الاحزاب والمنظمات السيسية كثيرا..

    ..............
    ..............
                   |Articles |News |مقالات |بيانات

09-05-2013, 04:44 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    موووووووني

    مالك علي يا بت أمي

    عايزاني أرمي كريماتي بالشباك ولا شنو

    غايتو إنتي المسؤولة لو رميتهم والناس

    ما عرفتني بعد كدة ..

    عموما صباح مشرق ..

    صباح الفيرآندلفلي ..
                   |Articles |News |مقالات |بيانات

09-05-2013, 11:34 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عواطف ادريس اسماعيل)

    Quote: موووووووني

    مالك علي يا بت أمي

    عايزاني أرمي كريماتي بالشباك ولا شنو

    غايتو إنتي المسؤولة لو رميتهم والناس

    ما عرفتني بعد كدة ..

    عموما صباح مشرق ..

    صباح الفيرآندلفلي ..






    مرحب طوفي شرفتينا بعد طول غياب...
    والله قصة الكريمات قصة ..البنات شرايين وشها بقت ظاهرة من تحت جلدها بسبب استعمال الكريمات وكلها استعمالات قايمة علي الدعاية في السوق..
    والسوق زي ماعارفة قايم علي القروش وبس!
    وبعدين مالوا اللون العندهم؟؟
    غايتو كل زول بي همه..
    هنا السوق والبنات مهووسات بكريمات ضد التجاعيد..هنا بيعجزوا يا عواطف بدري الواحده عمرها خمسة وعشرين سنة تظهر كأنها في الاربعين من عمرها
    والهوس التاني بيجيهم قبل الصيف..عايزين كريمات ودهانات تخليهم سمر..يعني يكونوا في الشتا لونهم أبيض وفي الصيف برونزي وضاع الخريف بين الإتنين!
    لكن في كل الحالات الكريمات في السوق تحت اشراف وزارات الصحة مصنعة هنا كانت أو مستوردة..لذلك مافي خوف شديد زي التركيبات العجيبة بتاعة السودان..

    ...........
    ...........

    خلصتوا علي شنو في موضوع الزوجة الشينة الاولي والزوجة السمحة الثانية؟؟




                   |Articles |News |مقالات |بيانات

10-05-2013, 08:25 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    ربما كان علي بكري سحب الايقونات التي نستخدمها عند فتح البوست لأول مرة..
    لأن إستخدامها اصبح غير مرشدا بل مضللا للقاريء..

    .........
    .........


                   |Articles |News |مقالات |بيانات

13-05-2013, 08:31 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    يا بكري الزول العايز يقبض الحشرة في الدعايات بتاعتك دي زغلل عيونا..

    .......
    ........

    مسكين المواطن السوداني في بلده وفي خارجه..قيمته تضيع مع من ليس له ضمير وما أكترهم..
    قتلت الدكتورة..ثم تم اتهامها في شرفها دون إعتبار لحرمة الموت ودون خوف من رب العباد!

    ثم تقرر تشريحها آملين في أن يصلوا بذلك لنتيجة تنتهي تماما من "شرفها" وسمعتها..
    لعلهم بذلك يجدون العذر للمجرم زوجها في قتلها في مجتمع ترتفع فيه جرائم الشرف ويجد القاتل فيها كل التعاطف..
    الذي سيقوم بالتشريح مصري...فأين الحياد مع هذا الكم من الإتهامات وإساءة السمعة؟؟
    هل يمكن ان يشارك في التشريح أطباء غير مصريين؟؟

    ................
    ................

    مسكينة فقدت حياتها وبدلا من إدانة المجرم فقدت سمعتها بعد ذلك..
    اللهم إنتقم لعبدتك من كل من ظلمها وعوضها دار الدنيا بدار افضل في الآخرة الباقية..

    ............
    ............
                   |Articles |News |مقالات |بيانات

13-05-2013, 09:56 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: ربما كان علي بكري سحب الايقونات التي نستخدمها عند فتح البوست لأول مرة..
    لأن إستخدامها اصبح غير مرشدا بل مضللا للقاريء..


    فتجد ايقونة "عاجل" في أغلب الحالات لاتأتي بخبر مستعجل أو خبر مهم!

    ثم تجد ايقونة "الكتاب" المفتوخ أمام بوست.. عند فتحه تجد مقالا تظن أن كاتب البوست سيقوم ينقاشه او التعليق عليه..
    لكن علي الأغلب لا يوجد شيء من ذلك ويضيع البوست بما فيه وسط مولد سودانيزلونلاين!
    ثم تجد في كثير من الأحيان أيقونة "خبر" في بوست سبق أن تناولوه الآخرين من قبل ربما تناولا موجودا في نفس الصفحة..
    الا ان فاتح البوست قرر أن خبره أكثر أهمية علي الرغم من أنه نفس الخبر..
    والحقيقة أيضا أن الأغلبية العظمي هنا مشغولة بالكتابة ناسية او متناسية أهمية القراءة..

    ...............
    ...............




                   |Articles |News |مقالات |بيانات

13-05-2013, 10:48 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    منى ،
    ألفين سلام،
    الأيقونات التي تحدثتِ عنها لا أتذكرها على الإطلاق وأنا أبتدر موضوعا جديدا،
    ربما التفتُ إليها مرة واحدة مستخدما الوجه الأخضر إياه، ليس ذلك وحسب، بل لا تلفت إنتباهي
    في عناوين بوستات الآخرين،
    عموما ، أعذريني لو يوم أشرَّت شمال بأيقونة ولفيت يمين داخل البوست.


    رغم بُعدي برسل سلامي.
                   |Articles |News |مقالات |بيانات

15-05-2013, 06:07 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: محمد المرتضى حامد)

    Quote: منى ،
    ألفين سلام،
    الأيقونات التي تحدثتِ عنها لا أتذكرها على الإطلاق وأنا أبتدر موضوعا جديدا،
    ربما التفتُ إليها مرة واحدة مستخدما الوجه الأخضر إياه، ليس ذلك وحسب، بل لا تلفت إنتباهي
    في عناوين بوستات الآخرين،
    عموما ، أعذريني لو يوم أشرَّت شمال بأيقونة ولفيت يمين داخل البوست.


    رغم بُعدي برسل سلامي.


    تصدق ناس كتيرة ماعارفاها موجودة؟؟

    مازال في إعتقادي أن عنوان البوست عندما يكون واضحا بكلمات مهتمة بالمعني هو أمر كافي لموضوع وشكل البوست..
    عاجل للفت النظر تصبح بعد يومين غير ذات معني وإري أن فائدتها أكتر في بوست عمره يوم أوساعات..

    ................
    ................

    وبعدين انت وين؟؟
    إنت ما شايف الناس بتتفرق كيف مرة بي موت ومرات بسخف الظروف؟؟

    ...........
    ............


                   |Articles |News |مقالات |بيانات

15-05-2013, 07:17 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    وبعدين من يوم ماعملوا إمكانية لناس الفيس بوك المشاركة بالتعليقات علي مواضيع البوستات والتي تظهر في أسفل الصفحة..
    ونحن نواجه بأسئلة غريبة!
    مرة... أليس بعد مني خوحلي؟

    ومرة أخري ألم يحن موعد مشاركتك؟؟
    ومني خوجلي أساسا ما فاهمة القضية شنو ويحلوها كيف!

    ...........
    ...........

    سلام يا بكري..
                   |Articles |News |مقالات |بيانات

15-05-2013, 08:07 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    ويشغل الموت بالنا جميعا بدرجة أو أخري حتي ونحن ندعي غير ذلك..
    فمن ذا الذي يود أن يغادر من دنيا وعالم يعرفه الي عالم لم يعرفه من قبل ولم يرجع منه أحد ليعطينا فكرة عنه؟؟
    ........
    ........
    الا أن الحال يختلف عند البعض في الدول الأروبية..
    فالمساعي الجادة تبحث عن طريق يحقق فيه المريض بأمراض مستعصية الحق في اختيار الموت حدا لآلامه!
    هذه المساعي تقابلها مساعي أخري لرفض هذا الحق..فاليأس اساسا ضد الإنسانية والإنسانية تحتاج للتفاؤل والصبر..
    ويستند هؤلاء في قولهم علي أشياء مختلفة..منها الإيمان بالرب الذي وهب الحياة..
    ومنها أكتر أن عديد من الحالات الميئوس منها تم شفاؤها ورجعت لممارسة الحياة بعد ذلك..
    ومنها إحتمال التشخيص الخطأ..

    والتخوفات من مثل هذا القانون هو أنه يفتح لأبواب أخري قائمة علي وجوده..
    فوجود القانون يعطي الفرصة لأن يتطور أكثر ويينتج فقرات تسعي لمزيد من الحقوق في هذا المضمار حتي يكاد يشبه الإنتحار..

    ........................
    .......................

    يموت الناس في السودان دون إختيارهم..بينما هنا يريد بعضهم الموت بإختيارهم!


                   |Articles |News |مقالات |بيانات

23-05-2013, 05:53 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    والنظر للأشياء والمواضيع من زوايا مختلفة يخلق نوع من الفهم الهادئ للأشياء وهذا ما أحاول تعلمه في مشوار حياتي فأفلح أحيانا وأخيب في أحايين أخري كثيرة!

    ما شاهدته أمس هدم كل محاولاتي السابقة في تفهم الدوافع وراء التفجيرات التي يقوم بها بعض المسلمين تحت شعارات الجهاد وأقواها الله أكبر..
    عندما أذيع خبر قتل الجندي في احد مدى جنوب لندن في هجوم مباغت نتج عنه ضرب وذبح له تسمرت في مكاني استمع للخبر.ثم واصلت المشاهدة في رعب لشاب يحمل في يده ساطور وسكين ومغرق كله بالدماء
    يتحدث في تعصب وهياج شديد عن اسفه لأن تري النساء والاطفال هذا المنظر ثم يطالب في كلمات واضحة بأن يزيح اهل هذا البلد حكومتهم لأنها سبب كل البلاوي!

    قيل ان الشابين والذين ام إطلاق الرصاص عليهما والذين سيحقق معهما قريبا..كانا في حالة هستيرية من الصراخ والهتاف الديني ذكر بعض الشهود انها كانت كلمات دينية تطلق بهستيريا كما كانا في حالة أصرار لأن يراهم الجميع. في شاشة التلفزيون وفي أرض الواقع..
    وفي مثل هذا كانا إنتحاريون شاركا الذين يفجرون اجسادهم من اجل تفجير الآخرينلإيصال رسالتهم .. نفس فكر الجهاد والإستشهاد!

    لا أدري كيف يستطيع انسان قتل انسان وخاصة ذبحه ولا افهم كيف يقتل الشخص ليأكل قاتله كبده كما حدث في سوريا؟؟

    .............
    .............

    ليس هناك ما يقال اكثر من إني مرعوبة..والجميع مرعوب والدنيا كلها ما عادت آمنة!!!



    [/B
                   |Articles |News |مقالات |بيانات

23-05-2013, 07:27 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: ومني خوجلي أساسا ما فاهمة القضية شنو ويحلوها كيف!

    استاذه .. هل سمعت بالتناضح العكسي Reverse osmosis هولاء الشباب يتعاملون معنا كمياه
    مالحه .. يدفعونها لتكون حلوة مستساغه ..

    قال لي احدهم احيانا نراك قادما من كوكب اخر او عشت في عالم اخر

    اعطيهم ولا تخافي .. وجودهم ليس استمرارا لوجودنا .. ولا نسخا له .. بل هو وجود متجاور ومعزز
    لاحساسنا بهم واحساسهم بنا

    عمرعلي حسن


    خارج النص ... كنتي وين غايبه
                   |Articles |News |مقالات |بيانات

23-05-2013, 09:16 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: خارج النص ... كنتي وين غايبه


    هي ولا انت ؟ يا خال المنبر غيرك كوووووووووووووم رماد . انت فاكر ساي؟
                   |Articles |News |مقالات |بيانات

23-05-2013, 09:23 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote: اعطيهم ولا تخافي .. وجودهم ليس استمرارا لوجودنا .. ولا نسخا له .. بل هو وجود متجاور ومعزز
    لاحساسنا بهم واحساسهم بنا


    هيييييييييييييع خالي انا بقوم بهز وبدق كراعي تااااااااااااح نامن الغبار يعكل في السماء

                   |Articles |News |مقالات |بيانات

23-05-2013, 09:31 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote: انا بقوم بهز وبدق كراعي تااااااااااااح نامن الغبار يعكل في السماء

    نان ياخال ده ما ياهو ذاتو البخليهم يزازو بينا ويقولو العجايز ديل عندهم جنس كلام .. في القاموس ما تلقاهو

    (انت ذاتك زي اخيتك غاطس مالك؟)

    عمر علي حسن
                   |Articles |News |مقالات |بيانات

23-05-2013, 09:28 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    وبعدين يا خال شيقوق شوفناه معاك..
    حايم وين ماعارفة..

    (عدل بواسطة Muna Khugali on 23-05-2013, 09:40 PM)

                   |Articles |News |مقالات |بيانات

23-05-2013, 09:28 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    تكرار

    (عدل بواسطة Muna Khugali on 23-05-2013, 09:38 PM)

                   |Articles |News |مقالات |بيانات

23-05-2013, 09:29 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    سعادة اللواء ظهر؟؟
    الف حمدلله علي السلامة..
    كنت في السودان ولا شنو؟؟
    دقايق نوزع الشربات فرحا وإطمئنانا..
                   |Articles |News |مقالات |بيانات

23-05-2013, 09:40 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: (انت ذاتك زي اخيتك غاطس مالك؟)


    انت فاكرنا نحن سائبين سااااااااااااى ؟ الوليدات ديل بملوا عيني او طرف عين اخيتي؟
                   |Articles |News |مقالات |بيانات

24-05-2013, 12:01 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote:
    وبعدين يا خال شيقوق شوفناه معاك..
    حايم وين ماعارفة..

    الان يتم ترسيمك خالة بالتساوي مع مع الخال الطيب .. وقد تساويتما في البحث المضني عن خاللكم الزايع دون ان تعرفا
    له اثر او خبر .. وخالكم قدس الله سره حين يختفي لا يعرف له احد طريق جره الا اذا عاد وظهر من نفسه ..

    هو الما بخلي الواحد يختفي شنو ؟؟؟

    عمر علي حسن
                   |Articles |News |مقالات |بيانات

24-05-2013, 12:07 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: انت فاكرنا نحن سائبين سااااااااااااى ؟

    هيييييييييييييييع خالي الضرس ... انهر واتضرع .. والبقول سيك ميك نمعط ليك شنبه تشت .. قال سايبين قال ..

    عمر علي حسن
                   |Articles |News |مقالات |بيانات

24-05-2013, 12:26 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: كنت في السودان ولا شنو؟؟

    باقي ليك ده شبه زول كان في السودان ؟
    يا خالتو البسي النضاره كان ما شايفه كويس .. السودان ذاتو كان عندنا في عرس البنيه ..

    دي زوغه فَتَر وقلة مروه .. مرقنا منها الحلا بله .. ولحقها الخال بي تلفونه الجلاكسي اب
    فاتحة تشفي المعنعن ..

    تحياتي وما تغيبو
    عمر علي حسن
                   |Articles |News |مقالات |بيانات

24-05-2013, 09:01 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: الان يتم ترسيمك خالة بالتساوي مع مع الخال الطيب


    هلا هلا يا ام العروض - بعد دا ألبسي حجولك واقدلي سااااااااااااااي امانة ما وشحوك باعظم الاوسمة

    انت فاكرة الخال دا بكشح الوشاح ساي؟
                   |Articles |News |مقالات |بيانات

24-05-2013, 09:08 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: الان يتم ترسيمك خالة بالتساوي مع مع الخال الطيب .. وقد تساويتما في البحث المضني عن خاللكم الزايع دون ان تعرفا
    له اثر او خبر .. وخالكم قدس الله سره حين يختفي لا يعرف له احد طريق جره الا اذا عاد وظهر من نفسه ..

    هو الما بخلي الواحد يختفي شنو ؟؟؟


    بيتهيألي أحسن من باب التغيير اكون عمتكم..يعني انتو خيلاني وانا عمتكم..

    قلتو شنو؟
                   |Articles |News |مقالات |بيانات

24-05-2013, 08:50 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote: انت فاكرنا نحن سائبين سااااااااااااى ؟ الوليدات ديل بملوا عيني او طرف عين اخيتي؟


    كلموا بالله يالطيب..



    يكون فاكر ساي!

                   |Articles |News |مقالات |بيانات

24-05-2013, 09:06 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: هيييييييييييييييع خالي الضرس ... انهر واتضرع .. والبقول سيك ميك نمعط ليك شنبه تشت .. قال سايبين قال ..


    هيييييييييييييع انت فاكر خالك خاتيك ساي ؟
                   |Articles |News |مقالات |بيانات

24-05-2013, 09:44 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    في اخبار الصباح ..سمعت ان مطار هيثرو قد تم إقفال بعض مدرجاته..
    وان احد الخطوط البريطانية انزلت الركاب منها بعد إستعدادها للسفر..
    ثم اعلنت مقدمة نشرة الأخبار بأن السبب الإقغال غير معروف حتي تلك اللحظة!
    زادت ضربات قلبي..خاصة ان الاخبار حملت لنا الكتير في اليومين السابقين عن الجندي الذي تم قطع راسه بالساطور..وصورت منظر ذلك المهووس المرعب
    فخورا بما فعل حتي وهو يتحدث بهستيريا عن إنتقامه..تلك الأخبار جعلتني افكر في إحتمال وجود عمل إرهابي خاصة ان نفس الأخبار حدثتنا عن قبض لسلطات المختصة علي كل أهل المهووسين حيت لم يتم إستثناءء اي قريب أو صديق صغير في السن او كبير..رجل أو أنثي فكل من له علاقة بمهووس يعتبر مهووس أيضا!
    سرحت أثناءها في كيفية شعور أهل المقتول تجاه المسلمين..قطعا لن يستطيعوا ان يميزو بين من قتل إبنهم وبين أي مسلم معتدل يخاف علي الارواح ولا يقتلها..
    وفكرت فيمن يذهب اليوم المعة الي الصلاة في الجامع..لابد ان هناك من خرج بقتوي تبيح عدم الذهاب الي الجامع في هذه الأيام المخيفة!
    ثم رجعت المذيعة لتعلن سبب قفل المطار وهو اشتعال نار في احد محركات الطائرة!
    خبر مثل هذا ياسادتي قبل الإرهاب كان سيجعلنا نسخط علي المهندسين الذين سمحا للطيار بالإقلاع ولم يلاحظوا العطل أو إحتمال حدوثه..
    الا أن الإرهاب وأشكاله وسوء وقعه علي الجميع جعلنا نحمد الله علي نيران المحركات ثم علي عدم حدوث حريق ثم نزيح النظر عن لتلفاز ونحن في حالة إرتياح مؤقت!

    تري مالذي جعل الشابين يدخلون الإسلام بعد ان تركا الدين المسيحي؟؟
    قطعا ليس بحثا عن سلام أكثر..وذلك للطريقة التي يتبعوها في إسلامهم..واقصد القتل وقطع الرقاب !

    فماهو السبب؟؟
                   |Articles |News |مقالات |بيانات

24-05-2013, 09:49 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote: بيتهيألي أحسن من باب التغيير اكون عمتكم..يعني انتو خيلاني وانا عمتكم..

    ما بتجي يابت الخليفه .. لاعندكم مضوي ولا علي .. ولا نحن عندنا خوجلي .. كمان العم دشن والخال حنين .. وكمان العم ماببقي عم عمه
    لكن الخال ببقي خال خاله .. زي ما انا والطيب عاملين ..

    حسه كان بقيتي عمتي وقلت ليك (يابت الخليفه) ماكان شترتيني بي كعكول خليتي دمي يشخب .. لكن كده والله عسل علي قلبك يا خالتو

    عمر علي حسن
                   |Articles |News |مقالات |بيانات

24-05-2013, 10:00 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: ما بتجي يابت الخليفه .. لاعندكم مضوي ولا علي .. ولا نحن عندنا خوجلي .. كمان العم دشن والخال حنين .. وكمان العم ماببقي عم عمه
    لكن الخال ببقي خال خاله .. زي ما انا والطيب عاملين ..

    حسه كان بقيتي عمتي وقلت ليك (يابت الخليفه) ماكان شترتيني بي كعكول خليتي دمي يشخب .. لكن كده والله عسل علي قلبك يا خالتو

    عمر علي حسن


    ياخ كيف الكلام ده؟

    صحيح ما عندنا مضوي لكن عندنا علي..
    سمح انتو ماعندكم خوجلي..لكن إحتمال عندكم الفحل..وده ممكن بدل خوجلي..

    إنت ليه صحي في معظم الحالات أهل الأم أقرب وأحن من أهل الأب؟؟

    ده ما سؤالي ده سؤال ست نور بت يحمد..وأم الحسن بت عباس

    وبعدين يا خال انت ماشايف الحبايب كتار يبنادوني بت الخليفة كلهم بحبهم جدا وزول فيهم حصل ليه لانت خايف منو مافي..
    ولا كيف؟

                   |Articles |News |مقالات |بيانات

24-05-2013, 09:57 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote: هيييييييييييييع انت فاكر خالك خاتيك ساي ؟

    امانه خالك ماراسي .. وبضرّي عيشه بلا هبوب .. وخلي الدايرنا يجينا

    عمر علي حسن
                   |Articles |News |مقالات |بيانات

24-05-2013, 10:15 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: وبعدين يا خال انت ماشايف الحبايب كتار يبنادوني بت الخليفة كلهم بحبهم جدا وزول فيهم حصل ليه لانت خايف منو مافي..
    ولا كيف؟

    ديل يا خالتو ضامنين الامان لانه ما فيهم واحد انتي عمتو .. والا لو الله قدره وناداك بت الخليفه كان جابوكم في التلفزيون المقابلاهو
    ده لا مخلية حريقه ولا قطّيع روسين ...

    عمر علي حسن
                   |Articles |News |مقالات |بيانات

25-05-2013, 08:03 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    صباح الخير أهل لحظة ...
    .. ..............
    ................

    إن ظننت أنك قد خرجت من وطنك لمكان أكثر أمانا..ثم تحول ظنك إلي يقين فأنت قطعا مخطيء!
    فالبلاء الذي أخرجك من وطنك إمتد بعده بلاء أفظع لينالك بشكل مباشر وكذلك غير مباشر..
    بعد توالي أحداث التفجيرات في الاعوام السابقة ..وبعد إنتقال الشكل الإرهابي من مرحلة إستخدام الأسلحة الغير نارية لمرحلة قطع الرؤوس..
    فإن الخطر علي المجتمع الإسلامي وكل من يدين بالإسلام من كل العالم الغير مسلم أصبح قويا..فمشاعر الكراهية والحقد تنامت وتزايدت..
    اصبح الإسلام في خطر أكبر وبلتالي المسلمين..
    تزايدت مكالمات البلاغات عن الكراهية والعنصرية بإحدي الكنائس من (6) مكالمات في اليوم الي (150) كلها ضد المسلمين!!!

    ...............
    ...............





                   |Articles |News |مقالات |بيانات

25-05-2013, 08:17 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    ومن ناحية أخري..
    قامت السلطات المختصة بالأمن بالقبض علي أحد الأشخاص بعد أن إنتهي من مقابلة تلفزيونية مع البي بي سي
    حيث تحدث خلالها ان المخابرات البريطانية كانت قد حاولت تجنيد مايكل قاتل الجندي للتجسس ثم رفض مايكل للتجنيد!

    وفي نفس الوقت تم التأكيد بأن الحريق بالطائرة لم يوجد ما يثبت انه فعل متعمد او فعل ناتح من الإرهاب ..
    كان قد تم بالأمس القبض علي شخصين مسلمين بعد إنزالهم مع المسافرين من الطائرة بعد بداية لحريق بها..
    ..................
    ..................



                   |Articles |News |مقالات |بيانات

25-05-2013, 08:17 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    ومن ناحية أخري..
    قامت السلطات المختصة بالأمن بالقبض علي أحد الأشخاص بعد أن إنتهي من مقابلة تلفزيونية مع البي بي سي
    حيث تحدث خلالها ان المخابرات البريطانية كانت قد حاولت تجنيد مايكل قاتل الجندي للتجسس ثم رفض مايكل للتجنيد!

    وفي نفس الوقت تم التأكيد بأن الحريق بالطائرة لم يوجد ما يثبت انه فعل متعمد او فعل ناتح من الإرهاب ..
    كان قد تم بالأمس القبض علي شخصين مسلمين بعد إنزالهم مع المسافرين من الطائرة بعد بداية لحريق بها..
    ..................
    ..................



                   |Articles |News |مقالات |بيانات

25-05-2013, 06:31 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote:

    استاذتنا (المرسمة) خاله ..
    هل للحكم علي الغير من اغياره معيار ثابت .. ام انه لا يقوم الا علي الرؤية المرتبطة بالمصلحه ..

    يكتشف الغربيون كل يوم جديدا يدعم صدق الاسلام ودقته العلمية ورؤاه الاجتماعية الثاقبة وسعة مساحات العدل في قوانينه واحكامه ..
    ولكنهم بمعايير مصالحهم وسبل تحقيقها لا يجدون في الاسلام والمسلمين اداة نافعة لهم .. فيتقربون من اليهود وقد كانوا الاقسي في
    ابادتهم .. وحينها لم يتحرك منهم احد للقول بان من صنعوا افران ابادة اليهود مجرمي حرب تجب مطاردتهم ومحاكمتهم .. ولكنهم
    وجدوا ضالة احتاجوا اليها للسيطرة علي الثروات العربية عند حكام امتد طموحهم الي ازالة اسرائيل (أُمّ الذين احرقوهم) ....

    ما اريد قوله وانت تملكين الاف الادلة المماثلة .. ان الامر ليس اسلاما ..

    هل كانت الملكة فكتوريا اعظم ملوك بريطانيا في التاريخ مسلمة وهي توقع فرمانات الاعدام دون محاكمة ولو صورية علي النبلاء
    والخدم والمقربين فتقطع رؤؤسهم بفأس الجلاد في وحشية لم يعرفها الاسلام ؟ وهل كان الغربيون ملائكة وجيوشهم تنشر الرعب
    والظلم في افريقيا واسيا وتحرق القري وتملأ الاحراش بجماجم الرجال والنساء والاطفال .. لمجرد انهم وُجدوا في طريقها .. وهل
    دخل عمر بن الخطاب بيت المقدس الا سائرا علي قدميه وخلفه بغلة يركبها خادمه ومرافقه الاوحد ؟

    وهل قام التطرف الا علي اثر الظلم الغربي الذي سلب فلسطين من ديار الاسلام .. ثم توسعوا هم في نشره ودعم المروجين له ..

    الليل الحالك الذي يعيشه العالم صنعه الغرب ثم ملأوا الدنيا صراخا بآلتهم الاعلامية ليقنعوا العالم بالخطر الاسلامي .. وهو خطر
    علي اوروبا والولايات المتحدة الامريكيه دون بقية العالم المتنصر او المجوسي .. اين الارهاب الاسلامي من امريكا اللاتينية
    وكندا واسيا بما فيها دول الاتحاد السوفيتي السابق المسلمه واستراليا ونيو زيلنده ومعظم افريقيا ... افلا ينظرون الي صنائع
    ايديهم واموالهم وفكرهم الذي صنع كل ما يحيونه من وهم ورعب و(خلعه) حتي اصبحوا لاهم لهم الا محاربة الحجاب وراهبات
    كنائسهم لا يكشفن شعرهن منذ عهود سابقة للاسلام والي الابد ............. ويخشون ارسال اللحي وقد سبقونا بها فلم يكن بينهم
    رجل لايطلق لحيته ..

    الامر ابعد من الارهاب .. وانما هو تمهيد صهيوني لابادة عرقيه ودينية .. وقد انطلي عليهم .. وعلينا .........

    ولن يزيد المسلمين خصوصا الشباب منهم هذا الضغط والتوجس والوهم الا ارتماء في اتون التطرف الذي لم يبتدعه الاسلام ..
    قال تعالي (وباءوا بغضب من الله ذلك بانهم كانوا يكفرون بايات الله ويقتلون النبيين بغير الحق ذلك بما عصوا وكانوا يعتدون)
    هل قتلنا النبيين قبلهم ؟؟؟

    عمر علي حسن
                   |Articles |News |مقالات |بيانات

27-05-2013, 03:29 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote:
    ما اريد قوله وانت تملكين الاف الادلة المماثلة .. ان الامر ليس اسلاما ..


    يا سعادة اللواء..
    بالطبع الأمر ليس إسلام ولا أي من الأديان السماوية الأخري..
    وبما أنه ليس دين سماوي فهو ليس من الله!
    فمالذي يسعد الله في قتل وقطع بالساطور لرأس أي إنسان؟؟
    لكن ما تؤمن به أنت وأؤمن به أنا وأغلبية مسلمة (هكذا أتمني) شيء وما يقومون به فعل له تفسير آخر ومنطق مجنون وتفسير أكثر جتونا فعل آخر!!
    ديننا الذي نؤمن به كأشخاص أسوياء أصبح في خطر..ولا أكذبك القول..لا افرح كثيرا ولا أرقص طربا إن قيل لي أن فلان قد دخل الإسلام..
    ليس كفرا مني بالإسلام والعياذ بالله بل هو خوفا من نوعية تشبه ذلك القاتل المهووس!
    قرأت من قبل مقالات تحدثنا عن كيفية تجنيد الشباب الذي يجاهد في سبيل وطنه وفي سبيل أرضه..
    ورأيت كيف ينقسم المسلمون في الجهاد الي إثنين..
    أحدهما يجند ويستقبل لاموال وهو في مكانه لتنفيذ عمليات التجنيد..والإخر يتلقي الأمر منه لينفذ لعمليات الإرهابيه..
    يموت المنفذ ويطل من جنده ومن دعم كل العمل بالمال آمنا مستقرا إن لم يكشف أمره!

    وفي ذلك لنا عوده..
                   |Articles |News |مقالات |بيانات

27-05-2013, 04:59 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote:

    الليل الحالك الذي يعيشه العالم صنعه الغرب ثم ملأوا الدنيا صراخا بآلتهم الاعلامية ليقنعوا العالم بالخطر الاسلامي .. وهو خطر
    علي اوروبا والولايات المتحدة الامريكيه دون بقية العالم المتنصر او المجوسي .. اين الارهاب الاسلامي من امريكا اللاتينية
    وكندا واسيا بما فيها دول الاتحاد السوفيتي السابق المسلمه واستراليا ونيو زيلنده ومعظم افريقيا ... افلا ينظرون الي صنائع
    ايديهم واموالهم وفكرهم الذي صنع كل ما يحيونه من وهم ورعب و(خلعه) حتي اصبحوا لاهم لهم الا محاربة الحجاب وراهبات
    كنائسهم لا يكشفن شعرهن منذ عهود سابقة للاسلام والي الابد ............. ويخشون ارسال اللحي وقد سبقونا بها فلم يكن بينهم
    رجل لايطلق لحيته ..



    إذن أين ومتي بدأ ضياعنا وشكلنا المفلس تجاه أي حضارة وأي تقدم؟؟
    كيف نستمر في لوم الغير وفي عدم لتصدي لخباثاتهم؟
    لماذا نحن ضعفاء وسذج وفي نفس الوقت تعج انفس العديد منا بالإرهاب؟؟
    اللحية ماهي الأ مظهر مؤقت..الآن شباب المجاهدون الآن يرتدون الفيستات التي ليس بها أكمام ويطيلون شعورهم كالهيبيز في الستينات من القرن الماضي..
    يحملون الأوشام في الظاهر من أجسادهم..كلها مظاهر خادعة لإعطاء مظهر خادع..فاللحية تعتبر تأكيد علي حالة الشخص المتطرف دينيا!

    بالطبع بيننا محبجات يؤمن بأمر الحجاب وعندهم راهبات يؤمن بواجبهن داخل الكنيسة..هن وهبن نفسهن للكنيسة ولا ينتشر لبسهن بين النساء خارج الكنيسة..
    القضية الآن ليست في مظهر الحجاب ذاته بل في الصورة التي يراها الغير في دين من ترتدي الحجاب..
    سمعنا أحاديث مترددة بقوة عن ضرب نساء ورجال في مدن مختلفة بلندن..وخلع الحجاب بالقوة عن عدد من النساء وضربهن..كل ذلك لم يذكر في الإعلام
    لا أجزم بحدوته ولا أستبعده..ولكن في نفس الوقت وصلت للعديد من المسلمين رسائل ترجو النساء بعدم الخروج للشوارع تحذيرا مما حدث ومما قد يحدث!

    فمالذي يا تري يجعل الغير فجأة من أهل هذا المجتمع يتهجم علي المسلمات ؟
    في نظرهم..الحجاب والدين والإرهاب واحد ويقف وراء الإرهاب ويجب الإنتقام منهم قبل أن يتفحل الأمر أكثر..
    انت وأنا وآخرون لنا تحليلاتنا المختلفة..هذه التحليلات لن يصدقها المواطن العادي هنا لأننا لا نستطيع إثباتها لهم..هي مجرد ترديد لشعارات بالنسبة لهم
    ويبقي ما حدث وإستخدام اسم ذو الجلال أثناء قطع الرأس هو الدليل القاطع عندهم علي أننا جميعا إرهابيون!
    اعتقد أن اي تحليل للماضي وللأحداث السابقة مهم..لكننانعيش في عالم اليوم..وأغلبية الأحياء من أبناء هذا اليوم..بودون ويرغبون
    في حياة تقوم علي الحاضر وليس علي الماضي البعيد..

    ................
    ................

    يا سعادة اللواء..الصهيونية التي هي شماعتنا في كل الاوقات لا أطردها من التحليل ولكني أركز أكثر علي كيف يمكننا الخلاص من الإرهاب
    وإدانته..
    كيف يستطيع أئمة الجوامع وشيوخ المسلمون هنا مع كل الشخصيات القيادية من المسلمين صناعة موقف معتدل بالفعل وليس بالإدانات الباهته؟؟
    كيف يمكنهم ان يقفوا ضد الإرهاب بالوقوف أمام خلايا المتطرفين حائطامانعا من تجنيد الشباب..
    يهمني إعتدال خطابهم الديني وشرح تعاليم الدين دون صريخ..
    يهمني أن يهتموا بأبنائنا وبجوهر الدين أكثر من سعيهم لتطبيق الشريعة علي المسلمين هنا..فالشريعة بداية ونهاية تقصد العدل في جوهرها وقوانين هذا البلد قد حققت الكثير منه..
    يهمني خلق مجتمع يحافظ علي دينه ويحترم دين الغير دون تجبر ودون إكراه..وياليتهم يكونون جزءا في صناعة القرار السياسي..
    وليس في عزلة خاصة أنهم هم يعيشون هنا أجيالا عديدة..

    نرجع لقضية التجنيد كما قرأت عنها..

    ...............
                   |Articles |News |مقالات |بيانات

27-05-2013, 07:15 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    صدقت يا استاذه
    ولكنني لم افصل القضية عنا نحن المسلمون غير الارهابيين .. وقلت ان ما أراده الصهاينة انطلي علينا وعلي المجتمعات الغربيه ..
    صحيح أن اداءنا في هذ الجانب ضعيف .. ولكن تقويته تحتاج لجهد قد لايستطيع المسلمون وحدهم القيام به .. ولن يهم الغرب ان
    يسهم في تدعيمة ...

    كأني ايضا اصدق ان التشدد البالغ في المظاهر الاسلامية لا بد من تخفيفه .. ولابد من تخفيف لهجة الخطاب الاسلامي .. ولكن
    كيف .. فالازهريون لن ينزعوا الكاكولة وهم يدينون الارهاب .. والاسلامويون الاخرون لن يختارو اسلوبا لمخاطبة الناس غير
    ال howling الذي يتعلمونه في فن الخطابة ..

    ونحتاج كذلك ان ندخل الي ادمغة الغربيين ونغير ما بها وان يقبلوا منا ما نقبل منهم فاللحي والحجاب ليست الا امثلة قصدت ان اقرب
    بها الصورة الي ذهن القارئ .. وليست حكما جوهريا ..

    عمر علي حسن

                   |Articles |News |مقالات |بيانات

27-05-2013, 10:53 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    ماكان للقاعة الصغيرة ان تحتمل كل ذلك العدد من الرجال والنساء والذين قدموا لتقديم العزاء في أحد أقرباء أحد أفراد الجالية....
    جلست النساء في صف طويل نصف دائري ومن خلفهم جلست أخريات دون حفظ لنظام الصف..فبجانب ضيق المكان..رغب بعض منهم في الونسة والتي تحتاج للقرب من الآخرين بشكل مختلف..
    ونفس شكل المجلس كان للرجال فصلت طاولات إرتصت فوقها أشكال من البليلة ولقمة القاضي وغيرها من أشكال الفطائر مع الشاي والقهوة والمياه عن صفوف النسوة..
    ................
    ................
    جلست هي في مقعد حركته من مكانه ليأخذ شكل الدائرة مع مجموعة من النساء الأخريات..جلسن يتبادلن الحديث في صوت بدا خافتا في بدايته الا أنه سرعان ما زاد وإرتفع مع حماس الموضوع..
    وقفت هي توزع البليلة في أطباق صغيرة رصتها أمامها علي الطاولة..ممسكة بيد علي طرف ثوبها وباليد الأخري علي معلقة التوزيع الكبيرة..توزع في الأطباق وهي تدعو وتصر علي أن يأكل منها الموجودين..

    والله بليلتي دي حلوه تعالوا اتناولوها..كرامة يا أخوانا...

    يأتي بعض من الرجال يبادلها الإبتسام والشكر وهو يتناول الطبق الصغير ليتجه بعدها الي مقعده مع باقي الرجال..
    ...............
    ...............
    وفي الناحية الأخري من طرف الطاولة.. وقفت الفتاة الصغيرة تدور بصينية مليئة بأطباق الرز باللبن والبليلة ومديدة البلح علي الجلوس من النساء..تناولت أحدي المعزيات منها طبقين..وضعت أحدهما علي النافذة خلفها بينما إحتفظت بالآخر في يدها...
    سرعات ما بدأت في إلتهام ما بالطبق وهي تعلق في صوت واثق.
    والله الرز باللبن سمح..ثم أضافت داعية من تجلس بجوارها لتأكل منه ..
    شيلي منه يا هناية!

    ردت هناية..آآي أكلت منو قبيل اول ما جيت..لاكين عجبتي المديده..تداخلت معهن الجالسة من الخلف متسائلة.
    .أنتو يا خوانا الشي المتل البليلة ده شنو؟

    تقصدي بليلة القمح؟؟

    ردت قائلة وهي تمد و ترفع وجهها الي أعلي وترسل نظراتها تجاه الطاولة مشيرة الي احد الأصناف عليها

    لالا.. ما بليلة القمح..التانية العاملة زي العصيدة ديك..شايفها؟؟ الجنب اللقيمات؟

    فردت الأخري وهي تركز نظراتها في نفس الإتجاه لمدة لحظات بغية التأكد..
    بري ما بعرفها..صجي دي شنو؟؟!

    إنتي يا سعاد..
    ثم في لهجة مفاجأة..
    إنتي سمعتي بعقد.....؟؟؟
    ............
    ...........

    وأستمر العزاء حتي الوقت المقرر له ليذهب بعدها كل المعزيين في دروب مختلفة ..









                   |Articles |News |مقالات |بيانات

28-05-2013, 00:10 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    وهذا المسلسل المستمر الخاص بالشتائم منذ فترة في منبرنا هذا قد فاق عديد من المسلسلات في مفاجآت البوستات الأخري اللاحقة له..

    متي ينتهي؟؟
    الله أعلم..
    علي ماذا ينتهي؟
    الله أعلم!
    ولكن عندما ينتهي نكون قد أصبحنا علي ثقة تامة بأن الدمار قد أصاب النفوس بدرجة ليس من طريق لإصلاحها!


                   |Articles |News |مقالات |بيانات

28-05-2013, 09:25 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote:
    صدقت يا استاذه
    ولكنني لم افصل القضية عنا نحن المسلمون غير الارهابيين .. وقلت ان ما أراده الصهاينة انطلي علينا وعلي المجتمعات الغربيه ..
    صحيح أن اداءنا في هذ الجانب ضعيف .. ولكن تقويته تحتاج لجهد قد لايستطيع المسلمون وحدهم القيام به .. ولن يهم الغرب ان
    يسهم في تدعيمة ...




    نعم هذه حديث صحيح 100% فهم أيضا لهم جانبهم في المسئولية..
    لكني كثيرا ما أتسائل هذا الجانب من تحملهم او تسببهم لما يحدث..كيف قوي ولماذا قوي؟؟
    لماذا يضيع وقتنا في الفقر وقضاياه وما ينتج عنه بتفقير أكثربينما يستفيد هم من وقتهم في تعمير الحياة؟؟
    حتي من نظرة أعداد المسلمون في العالم..ألم يكن من المفروض أن نكون قوة لا يستهان بها من ناحية تكاتف في العدل والحب بدلا من
    التفرق وسياسة الإرهاب؟؟
    لماذا نحن مشغولين أكثر بشراء الأسلحة..بتكوين المليشيات وقتل الأبرياء أكثر من تحقيق نظم العدالة الإجتماعية؟؟
    لماذا يكون الدين عندنا إسلوب إرهاب ليس ضد الأجنبي فقط بل ضد أبناء الوطن وبشكل اوسع وممتد ومنتشر؟؟
    ثم ما هي الصهيونية؟؟
    تعدينا مرحلة الصهيونية الغربية طالما نحن أنفسنا نقتل ونحرق ونبيد بشكل مباشر..
    أعتقد أن العالم محتاج بشكل مستمر لتغيير تعريفاته القديمة او تعديلها لتوائم المراحل المختلفة في تاريخه..

    في الواقع تحيرني التعريفات للآخرين في وقت نعجز فيه عن تعريف أنفسنا تعريف حقيقي يعبر عن مرحلة الخنوع والضعف او الديكتاتوريات المتواليه علينا..
    ................
    ...............

    صباح الخير سعادة اللواء..أسعد جدا بالنقاش وتبادل الحوار مع شخص في قامتك..

    .
                   |Articles |News |مقالات |بيانات

28-05-2013, 03:17 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote:
    في الواقع تحيرني التعريفات للآخرين في وقت نعجز فيه عن تعريف أنفسنا تعريف حقيقي يعبر عن مرحلة الخنوع والضعف او الديكتاتوريات المتواليه علينا..

    مني خوجلي

    خالتو
    اتفرجي علي الرد الصحيح القاطع ... وقد جاء منك مباشرة
    هكذا نحن ... اتلفنا الجدل منذ عهد علي وعثمان ابن عفان كرم الله وجهيهما ...
    وانا شخصيا يائس من العوده الي طينة المسلمين الذين ملأوا الارض علما وحضارة ...


    Quote:
    وهذا المسلسل المستمر الخاص بالشتائم منذ فترة في منبرنا هذا قد فاق عديد من المسلسلات في مفاجآت البوستات الأخري اللاحقة له..

    متي ينتهي؟؟
    الله أعلم..
    علي ماذا ينتهي؟
    الله أعلم!
    ولكن عندما ينتهي نكون قد أصبحنا علي ثقة تامة بأن الدمار قد أصاب النفوس بدرجة ليس من طريق لإصلاحها!


    مني خوجلي


    عمر علي حسن
                   |Articles |News |مقالات |بيانات

28-05-2013, 09:41 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    مصر في رعب وفي حيرة من أمرها!

    هو النيل بتاعهم علشان ياخدوه؟؟

    هم الجماعة في إفريقيا هاياخدوا النيل بس كده علي كيفهم؟؟

    ..................
    ..................

    والله غايتو مقدمين البرامج ديل مرات تحف بشكل..
    كأنه مصر مافي إفريقيا..وكأن دول حوض النيل هي كل إفريقيا!
                   |Articles |News |مقالات |بيانات

29-05-2013, 02:25 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    وعلي الرغم من كراهيتي لكل من يدعم ويؤويد هذا النظام الفاشي..
    الا أنني لم أستطع منع دمع حزن طفر من عيوني عندما رأيت بعض البسطاء يصرخون فرحا لرؤية الجيش يدخل منطقتهم..
    لم يكن فرحا مني ان تطفر دموعي..ولم يكن فخرا بالجيش..بل كان إحساسي بخوفهم هم المواطنين البؤساء من حالة الحرب ومن نتائجها المرعبة.
    ..............
    ..............

    تذكرت صديقاتي حين حدثنني عن الحرب وكيف دمرتهم تماما..عن القنابل التي تسقط عليهم فتقتل معظم الأسرة ليجري الباقي منها مع من تبقي من الجيران ليصبحوا
    ليس فقط نازحون في داخل بلدهم..بل لاجئون في جدود المجاور من البلاد..
    تذكرت شول وهي تسافر بالعربات وعي الأرجل بين مختلف المعسكرات في كينيا ويوغندا للبحث عن اطفالها الموزعين بينهم!
    تذكرت تلك الأعداد من النساء والأطفال وقد تكوموا تحت 7 شجيرات في لبدو جنوب دارفور راغبين في حماية القوات اللإفريقية ولا شيء يقيهم من حرارة الشمس
    او من البرد..ثم تلك الأعداد من الاطفال والنساء وقد شاركت الفئران اجسادهم السكن داخل تلك العشه من البلاستيك بينما الرجال لا يجدون مكانا سوي عتبة تلك العشه!

    لذلك اتفهم تماما خروج المواطنين ليس تأييدا بل رغبة منهم في الحماية حتي وان كانت ممكن سومهم الجوع وساقهم للمعاناة!

    من يفرح بالحرب ومن يتحملها؟؟


    (الصور منقولة من بوست والاستاذ واصل علي)

    Kershola_05292013c.jpg Hosting at Sudaneseonline.com




    Kershola_CHILDREN.jpg Hosting at Sudaneseonline.com


    KersholaWOMEN.jpg Hosting at Sudaneseonline.com


    ..............


    .
                   |Articles |News |مقالات |بيانات

12-06-2013, 12:31 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    حيوا معى الدكتورة امال فضل الله نجاحها نجاح لكل المراة السودانية
    حيوا معي العالمة السودانية حياة عبدالمجيد المهدي
    أول طبيب سودانى بكندا يتحصل علي جائزه الابداع والتميز
    عمر عائس مات ..درة شباب الجامعة..هندسة ميكانيكا 87-92
    منتدى حواري مع د. محمد جلال هاشم في لاهاي الجمعة 14 يونيو
    (البوشــيرت) مجموعتي القصـصـيـة الأولى..تنشر الشهر القادم إن شاء الله
    مظاهرة امام السفارة السودانية بواشنطن فى ذكرى شهداء كجبار يوم 14 يونيو
    عااااااجل .... دعوة لكل الأحزاب ومنظمات المجتمع المدني والطلاب

    ............
    ............

    ورجعنا بعد غياب لنجد عناوين المنبر كما هو مقتبس أعلاه..
    نصفها أخبار ترد الروح وتبعث علي الأمل..
    بعضها يصر علي آلية تعبير أعتقد أننا سنتستمر في إستخدامها ما تبقي لنا من عمر دون ان نحقق بها نجاحا كبيرا...
    وآخرها بدأ خطوة كان يجب ان يستمر عليها حين بدأت قبل حقبتين من الزمن...لو كان فعل لكان وضعنا الآن مختلف!!

    ...........
    ...........

    تلك المرأة الشبه عارية في دعاية في اعلي صدر المنبر .مازالت في نفس وزنها علي الرغم من التمارين التي تقوم بها
    طوال فتحنا لصفحات المنبر!

    ...........
    ...........

    (عدل بواسطة Muna Khugali on 13-06-2013, 12:37 PM)

                   |Articles |News |مقالات |بيانات

12-06-2013, 06:29 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote:
    تلك المرأة الشبه عارية في دعاية التإنسان رخيص في اعلي المنبر .مازالت في نفس وزنها

    وين الغيبه ياخالتو .. الدار بلاك خلا ..ظننت انك مسافره في شغل او اجازة .. وتوقعت المجايب التي تسعد المتلقي .. ولكنك ذكرتني
    بالمغترب الذي اهدي صديقه مصحفا بعد ان وزع كل الهدايا ولم يجد ما يهديه لهذا الصديق الذي رد قائلا كتاب الله اعظم هديه لكن الفيك
    اتعرفت ..

    يعني راجعه بعد الغيبه دي كلها تقولي المرأه في صدر المنبر وزنها ما نقص .. .. هو النقص شنو ؟ ما كل شيء زايد .

    عودا حميدا

    عمر علي حسن
                   |Articles |News |مقالات |بيانات

12-06-2013, 07:36 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)


    منى بت الخليفة

    ازيك



    Quote: وين الغيبه ياخالتو .. الدار بلاك خلا ..ظننت انك مسافره في شغل او اجازة .. وتوقعت المجايب التي تسعد المتلقي .. ولكنك ذكرتني
    بالمغترب الذي اهدي صديقه مصحفا بعد ان وزع كل الهدايا ولم يجد ما يهديه لهذا الصديق الذي رد قائلا كتاب الله اعظم هديه لكن الفيك
    اتعرفت ..

    يعني راجعه بعد الغيبه دي كلها تقولي المرأه في صدر المنبر وزنها ما نقص .. .. هو النقص شنو ؟ ما كل شيء زايد .


    افو افو افو يا خال - يعني بقيت تغفلني وتجي متلهم محل القضيم ات فاكر خالك غافل ؟
                   |Articles |News |مقالات |بيانات

12-06-2013, 08:11 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote: وتجي متلهم محل القضيم ات فاكر خالك غافل ؟



    انت خايفني اخم الهدايا وما تلقي غير المصحف ؟.. يابا انا جيت لقيت خالتك قاعده مع بتاعين الرجيم .. طوالي عرفت ليك الفيها

    عمر ععلي حسن
                   |Articles |News |مقالات |بيانات

12-06-2013, 08:23 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: طوالي عرفت ليك الفيها


    خالتي دي هدية ورضية ما بتفرز العنكوليب من العدار بتمضغ ساي
                   |Articles |News |مقالات |بيانات

13-06-2013, 12:13 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    وين الغيبه ياخالتو .. الدار بلاك خلا ..ظننت انك مسافره في شغل او اجازة .. وتوقعت المجايب التي تسعد المتلقي .. ولكنك ذكرتني
    بالمغترب الذي اهدي صديقه مصحفا بعد ان وزع كل الهدايا ولم يجد ما يهديه لهذا الصديق الذي رد قائلا كتاب الله اعظم هديه لكن الفيك
    اتعرفت ..

    يعني راجعه بعد الغيبه دي كلها تقولي المرأه في صدر المنبر وزنها ما نقص .. .. هو النقص شنو ؟ ما كل شيء زايد .

    عودا حميدا

    ____________________________________________

    سلام يا سعادة اللواء وبركة بالشوفة..
    السفر الزمان بنهرب منو بقي مؤجل لاجل يأمل لنفسه بأن يكون قريبا!
    اما هدايا الحجاج علي حسب زمان خالص فخليها براها واحسن ذاتوما يجيبوا هدايا فأزواقهم وااااااااااااااحدة من سوقهم الواحد..
    كما إنه في مشكلة سبيس يعني مكان مافي لاي من تلك الاشياء الفاقع ولامع لونها..
    يبقي أحسن يلموا قروشهم عليهم!
    .................
    .................
    أما بالنسبة للمرأة العارية في صدر المنبر ..فما ممكن انا اكون مدبرسة وماعارفة أنزل وزني وبفتش لحاجة تقنعني أكتر بسرعة النزول أجي القي الإعلان الفشنك ده؟؟

    قصة والله!




    أها انت أحوالك كيف؟؟

    قربت أجي اكتب علي بابكم بالفحم..
                   |Articles |News |مقالات |بيانات

13-06-2013, 12:43 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: قربت أجي اكتب علي بابكم بالفحم..

    ليتك تعلمين يا خالتو ان استخدام الفحم في الكتابه علي الابواب هو الاستخدام الوحيد الباقي .. الفحم الايام دي الا يولعو الجليل الرحيم ..
    وتكتبي بيه حضرنا ولم نجدكم يكتبها ليك لم نجدكم ويشفط الباقي .. الله يضيقها علي الضيقها علينا

    انا ذاتي لو حضرت فلن اجدكم .. لذلك نوفر الفحم
    عمر علي حسن
                   |Articles |News |مقالات |بيانات

13-06-2013, 10:39 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    انت خايفني اخم الهدايا وما تلقي غير المصحف ؟.. يابا انا جيت لقيت خالتك قاعده مع بتاعين الرجيم .. طوالي عرفت ليك الفيها

    _________________________________________

    والله خالتكم قاعدة تتخيل في سيناريوهات الموية في مصر!
    طيب الزراعة هايعملوا فيها شنو؟؟
    خليك من الزراعة موية الإستخدام اليومي في البيت هايعملوا كيف معاها؟؟
    يعني يرجعوا زي زمان يكوركو من اول الصباح..

    إنتي يا ست ياللي في الدور الخامس..
    أقفلي الحنفية وخلي عندك ذوق من فضلك!

    ترد هنية من الأدوار العليا..
    ذوق أيه ياعديمة الذوق..مين قالك أنا فاتحة الحنفية؟؟
    الهي ينفتح راسك ونخلص كلنا منك!

    ثم يأتي صوت نسائي ثالث غاضب النبرات..
    اتهدوا سيبونا نرتاح شوية..ويعدين انت يا ست هانم إنتي..كل يوم هاتغسلي وتخلصيلنا المية؟؟

    ده غير البواب المسكين والشتايم الصباحية..

    إشمعني يعني لقيت ميه تغسل عربية شقه 1؟؟
    إنت من بكرة تغسل السلالم وتدور علي ميه من أي حته..
    جاتكم البلاوي تاخدو أكل وتاخدو فلوس ومافيش شغل..

    ..............
    ..............
    لكن كلو كوم وفكرة صلاح كوم تاني!
    صلاح خلاص هايهاجر..يالسودان..ياإثيوبيا!

    (عدل بواسطة Muna Khugali on 15-06-2013, 12:04 PM)

                   |Articles |News |مقالات |بيانات

13-06-2013, 01:51 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    افو افو افو يا خال - يعني بقيت تغفلني وتجي متلهم محل القضيم ات فاكر خالك غافل ؟

    ___________________________________________________


    اها يا شيقوق انت ذاتك ما بتظهر الا مع خالك..صح ولا لأ؟

    بركة انت كمان ظهرت..

    يا خوانا الحلو مر أخباره شنو؟؟

    شمسنا تشرق 3 صباحا وتغرب قريب ل 10..

    أريد حلا!
                   |Articles |News |مقالات |بيانات

17-06-2013, 01:04 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: ليتك تعلمين يا خالتو ان استخدام الفحم في الكتابه علي الابواب هو الاستخدام الوحيد الباقي .. الفحم الايام دي الا يولعو الجليل الرحيم ..
    وتكتبي بيه حضرنا ولم نجدكم يكتبها ليك لم نجدكم ويشفط الباقي .. الله يضيقها علي الضيقها علينا

    انا ذاتي لو حضرت فلن اجدكم .. لذلك نوفر الفحم
    عمر علي حسن


    ذلك كان زمنا مختلفا!

    والكتابة بالفحم علي الباب تناسب تصميم بيوتنا ..لازم تمر علي الحوش قبل ما تصل داخل المنزل..
    لو كتبنا علي ورقة لازم نرميها في الحوش..
    وللهواء يشيلها من الحوش ..وكن ما شالها يجي أصحاب البيت داخلين يفتكروها ورقة طايرة ساكت وما يقروها..
    ونضيع نحنا الزوار مع ضياع الرسالة!

    .........
    .........

    هو ذاتو مافي زول كان بيكون شايل ليه ورقة ولا قلم..
    لكن ياربي كان بيجيب الفحم من وين؟؟
                   |Articles |News |مقالات |بيانات

19-06-2013, 12:43 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    تعرض قناة الشروق الفضائية بشكل مستمر "مسرح علي الهواء.".
    تناقش كل حلقة قضايا إجتماعية مختلفة..
    هو قطعا مسرح مهم وموفق يحاول الجميع فيه مناقشة قضايا مهمة يشارك فيها الجمهور بأراءه المختلفة..
    ..........
    ..........
                   |Articles |News |مقالات |بيانات

19-06-2013, 02:59 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    أن لم تشارك الجماهير او القاعدة الجماهيرية بإختلاف فئاتها في مناقشة قضاياها
    وإقتراح حلول لها ثم في قبول او رفض تلك الاقتراحات وايضا تقديم مزيد من المناقشة فيها..
    فإنه يصبح من الصعب خلق توعية او توازن في وعي الافراد والمجتمعات..وخاصة تلك التي تتمسك بقيم بالية او بقيم لم تعد تناسب تتطور الحياة...
    يعتبر المسرح علي الهواء أحد وسائل التوعية لتلك القاعدة الجماهيرية..

    فتحية لهم وهم يقومون بأدوارهم تحت شمس حارقة في مناطق تعج بالجماهير لتوصيل رسالتهم القيمة..

    ............
    ............
                   |Articles |News |مقالات |بيانات

19-06-2013, 04:18 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    مسرح علي الهواء ناقش اليوم بشكل بسيط ومباشر قضية تأخر الزواج عند المرأة من ناحيتين..
    الاولي تعني بها وبحقوقها ..
    والآخر يعني بنظرة المجتمع الذكوري للمرأة التي تأخرت في الزواج وايضا لحقوقها التي يجب ان تستمتع بها او لاتستمتع بها..

    ..........
    ..........
    ثم ناقش المسرح قضية عمل المرأة في الخارج بعد ان استحال عملها في الداخل لعدم توفر فرص عمل..

    .............
    .............

    أعتقد أنني سأواظب علي مشاهدة هذا المسرح الذي لم تقف عدم وجود ميزانية مادية له من تأدية عمله المتوقع منه..
    مسرح علي الهواء هو احد وسائل التغيير الإجتماعي وفي هذا اقوي من اي منظمة مجتمع مدني تهتم بشأن النساء في داخل الوطن..او هكذا ازعم!َ

    .......................
    .......................
                   |Articles |News |مقالات |بيانات

19-06-2013, 07:27 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    والفتاوي التحفة المهينة للدين قبل الإنسان مازالت تنهال وعلينا نحن خاصة "النساء"

    فبعد تفسير آيات الدين بما يرضي المفسرين ولا يرضي اكثرية من النساء وعديد من الرجال..
    تفتقت قريحة بعض من يرتدون عمامة علي رؤوسهم وتسكن غشاوة في بصيرتهم عن عدد مهول من الفتاوي
    المخجلة..آخرها سمعتها وكانت بالنسبة لي كالنكتة السخيفة في غباءها..

    فبجانب الكرسي الذي لا يجب علي النساء الجلوس عليه..هناك ايضا من يري أن نزول المرأة للبحر حرام!
    نعم حرام..ليس لانها ترتدي مايوه فهذا أمر آخر..
    وليس لانها تكشف عن جزء من ساقها عندما ترفع قليلا طرف ملابسها حتي لا تبتل وهي تسير علي شاطيء البحر..

    الحرمة يا سادتي ناتج من أن البحر مذكر!

    يعني معقولة الست المحترمة ترمي نفسها في حضن البحر المذكر؟؟

    ...........
    ............
                   |Articles |News |مقالات |بيانات

20-06-2013, 12:31 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: الحرمة يا سادتي ناتج من أن البحر مذكر!

    يعني معقولة الست المحترمة ترمي نفسها في حضن البحر المذكر؟؟


    البحر رجل !

    لذلك ممنوع علي النساء الإرتماء في أحضانه..
    الا أن فضيلة الشيخ صاحب الفتوي لم ير مانع من ان يرتمي الرجل في أحضان البحر الرجل!

    .................
    .................

    صرخت الام وهي تلطم بكفيها علي وجهها بعد أن أخبرتها إبنتها أنها إتأخرت لأنها "نزلت البحر"

    فضحتينا وها تفضحينا لسه أكتر يا مريم يا بنت عطية!
    نزلتي البحر؟
    روحتيلو وما همكيش إنه البحر راجل؟
    رميتي نفسك في حضنة يا سافلة؟؟
    إستني لما ييجي أبوكي ويدبحك علي مساخرك..

    بعدها راحت أمها في بكاء ونشيج وهي تعدد..
    يا فضيحتي وسط أهل البلد..
    ياخوفي من غضب ربنا..
    ياسواد ليلي مع الشمات..
    ضيعتي مستقبلك ########تينا..
    ياريتك كنتي غرقتي ورحمتينا من الفضيحة..

    ................
    ................
                   |Articles |News |مقالات |بيانات

20-06-2013, 05:57 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: البحر رجل !

    البحر مذكر .. والنيل مذكر .. وكان المصريون يقدمون له عروسا كل عام .. ولا شهريار يعني !
    طيب ماذا لو فهمها الشيخ المفتي كذلك .. او لو فهمتها الحاجه ام مريم عطيه كذلك .. وساءها ان تذهب
    ابنتها السافله اليه وتلقي بنفسها بين ذراعيه .. هي فوضي يا استاذة ؟ ..

    انا لست مع المفتي .. ولكني مع ام مريم .. فهي حره في بنتها وكيفية تربيتها .. وهي مثلي تفهم ان البحر
    ابن ستين .. وجالس منذ خمسة الاف سنه ينتظر عروسة مثل مريم ..

    ثم من اين استاذتنا مني تاتون بهولاء المشائخ الاناتيك لتستفتوهم في الفارغه والمقدوده ؟.. فيتركون الثوب
    والفستان والحزام .. والحذاء (بلاش الباقي) كله مذكر وملتصق بجسد المرأة التصاقا دون ان يقول له احد
    تلت التلاته كم .. ويجروا للبحر البعيد داك ليلصقوا به الفسوق والفجور والحرمه ...

    استغفر الله العظيم

    عمر علي حسن

    ______________
    رمية تماس
    نحن الرجال لانلقي بانفسنا في احضان البحر الرجل .. ولكننا نلقي بها في المويه وهي انثي .. في اباحية لا
    ينكرها الشرع ولا يستطيع اجعص شيخ ان يفتي بحرمتها الا اذا كان متسخا وريحته طالعه وغير متوضئ

    بس
                   |Articles |News |مقالات |بيانات

20-06-2013, 09:56 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote:
    ثم من اين استاذتنا مني تاتون بهولاء المشائخ الاناتيك لتستفتوهم في الفارغه والمقدوده ؟.. فيتركون الثوب
    والفستان والحزام .. والحذاء (بلاش الباقي) كله مذكر وملتصق بجسد المرأة التصاقا دون ان يقول له احد
    تلت التلاته كم .. ويجروا للبحر البعيد داك ليلصقوا به الفسوق والفجور والحرمه ...


    اسه ده كلام ده يا سعادة اللواء؟

    ياخ ديل قاعدين زي الهم علي القلب..
    في مصر أكوام أكوام..وفي السودان في كوم..
    ده غير المنتشرون علي وزن السائحون..
    وبعدين عاملين في فتاويهم زي الكوميديين يعني تسمع وتضحك وبس!

    قال البحر مذكر قال!
    بس برضو سؤالك فاليد جدا معقولة اسه في ناس بيصدقوهم؟؟

    ............
    ............
                   |Articles |News |مقالات |بيانات

20-06-2013, 10:29 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote:
    قال البحر مذكر قال!
    بس برضو سؤالك فاليد جدا معقولة اسه في ناس بيصدقوهم؟؟

    ............


    أيوه..تصدق في؟

    أما التحف البيتصلوا ويسألوهم ديل شنو؟؟

    وفي برنامج علي الهواء كان الشيخ ....يرد علي اسئلة السذج الذين لا يخطون خطوة في حياتهم الا بعد استشارة الشيوخ..

    لو سمحت يا شيخنا ..سمعنالك كلام بتقول فيه انه البحر مذكر..اي أنه في حكم الرجل..لذلك لا يجب علي النساء الدخول فيه..
    رد الشيخ وهو يخفض من عيونه قليلا بينما يمد رقبته الي الأمام كالذي يود أن يسمع بتركيز أكبر..

    أيوه صحيح..فين سؤال حضرتك؟؟

    ياتري النيل برضو زي البحر؟؟ مذكر يعني؟؟

    رد في صوت عالي وحاد محذرا..

    ايوه طبعا زيو..زيو ونص كمان..
    إياك تنزلي فيه..حرام ثم حرام ثم حرام!

    استغفر الله العظيم من ذنوبكم يعني أيه اللي هايخلي البحر مذكر والنيل لأ!

    .............
    .............





                   |Articles |News |مقالات |بيانات

20-06-2013, 10:51 PM

فضل الصادق
<aفضل الصادق
تاريخ التسجيل: 26-09-2009
مجموع المشاركات: 878

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)


    الريح بالخارج باردة جداً تعوي علي أذني كما الذئب الجائع ، الجيران ينظرون عبر شرفات دورهم للطارق الغريب ذو الملمح المشاهد ، ركنت عربتي صفاً من بين السيارات علي أمل أن ترتاح هي من زمجرةٍ بدأتها منذ الصباح ، المفتاح في يدي صار ثقيلا جداً كعمود من الرخام ، الذهن يعمل في كل الاتجاهات يقلب الأشياء ،قيل أن أحدهم في حين غرة قد قفل الباب ، ليتنا كنا في بيوتنا في مدينتنا الهادئة ذوات الأبواب المشرعات .

    هذه هي ضغوط ما نعانيه هنا ، ملمح صغير جداً مما نتقلب فيه من شقاء ، توصد في وجوهنا أبواب للأمل ، قلوب بلغ منها التعب مبلغ يستوي فيه إحساس الألم وإحساس الأفراح.

    صبراً يا هذا علي ضنك تطاول ليله ولابد من أن يسفر الصباح.

    -----
    سلامات يا أستاذة ولتسمحي لي فتح هذه الطاقة فهي تخفف حمل تنوء به الراسيات .

    (عدل بواسطة فضل الصادق on 20-06-2013, 10:52 PM)

                   |Articles |News |مقالات |بيانات

21-06-2013, 00:29 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: فضل الصادق)

    Quote:
    الريح بالخارج باردة جداً تعوي علي أذني كما الذئب الجائع ، الجيران ينظرون عبر شرفات دورهم للطارق الغريب ذو الملمح المشاهد ، ركنت عربتي صفاً من بين السيارات علي أمل أن ترتاح هي من زمجرةٍ بدأتها منذ الصباح ، المفتاح في يدي صار ثقيلا جداً كعمود من الرخام ، الذهن يعمل في كل الاتجاهات يقلب الأشياء ،قيل أن أحدهم في حين غرة قد قفل الباب ، ليتنا كنا في بيوتنا في مدينتنا الهادئة ذوات الأبواب المشرعات .

    هذه هي ضغوط ما نعانيه هنا ، ملمح صغير جداً مما نتقلب فيه من شقاء ، توصد في وجوهنا أبواب للأمل ، قلوب بلغ منها التعب مبلغ يستوي فيه إحساس الألم وإحساس الأفراح.

    صبراً يا هذا علي ضنك تطاول ليله ولابد من أن يسفر الصباح.

    -----
    سلامات يا أستاذة ولتسمحي لي فتح هذه الطاقة فهي تخفف حمل تنوء به الراسيات .






    غرباء نحن دون ادني شك في هذا العالم!

    نسير كالخيالات بين الآخرين هم لا يشعرون بنا وكذلك نحن لا نشعر بهم الا بقدر الصدفة التي قد تحدث أمرا..
    أصوات المارة والعربات وتقاطع الإشارات كلها حياة ضاجة بالحركة والحياة..الا اننا نسير فيها وكأنها لا تعنينا..نحن خارج قلب المشهد..حتي قلوبنا التي كانت هناك لم تعد أيضا هناك تماما..كل شيء في حياتنا بجانب تردده وحيرته..صار مؤقتا!
    ...................
    ...................
    قالت لي..

    اسمعي..ايه رأيك نمشي السودان عن طريق مصر شهر 12؟؟
    في وقت ما في الماضي القريب كان ذلك يعني لي الكثير..ايام في مصر.ثم أخري أطول منها في الخرطوم.
    سأذهب للحسين ثم السيدة زينب إن اصرت امي..سأزور أهلي واتجول في الأسواق لأختم جولاتي بالمطاعم والمقاهي..ثم في كل خطوة اخطوها أضحك حتي يفرح كلي..
    مجانين ولاد ستين ك ل ب المصريين..يحبوا النكتة وما يتلفتوا ليها..ياربي أم محمد مرت البواب حاصل عليها شنو؟؟
    كانت تجلس علي الحصيرة وأو علي السجاده وأمامها براد الشاي والسبرتاية النحاسية ..

    ما تيجي يا ست مني اعمل لك قهوة من اللي بتحبيها ..تعالي والنبي خمسة..تعالي خلينا نضحك شوية!
    قيل ان لا شيء اصبح متاحا. فقط هو ورجاله الذين يخترعون الفتاوي.
    قيل أن الخضار لم يعد له نفس طعم الخضار والبامية بعشرين جنيه..وإنه الناس زادت فقر فوق فقر..
    كما إنه ام محمد لملمت حصيرتها ومعها السبرتاية!
    .
    وفي الخرطوم ياسلام كنا نلاقي الاهل والجيران والصحاب...ثم نجلس طويلا بجانب النيل والذي لا يهمني ان كان مؤنت او مذكر ..فقط يهمني انني احبه لدرجة العشق واري فيه بداية الحياة وإستمراريتها..حياة لا نستمتع بها الا بجواره..
    كنت سأفرح بشتاء الخرطوم الحار..ثم بسائق الركشة وهو يرتدي جاكت جلدي في ياقته فرو ثم في قدمية "سفنجة"..ولا أدري لماذا يبرد سائق الركشة من صدره
    ولا تبرد قدميه!

    الا ان كل ذلك لم يعد له معني مبهج الآن..فالقلوب اصابها الجمود والمدن لم يعد لها طعم..والفلس قتل الجميع والشكاوي لا تقل عن تلك التي تسمعها بمصر...
    والسودان كله هاجر مدنه وقراه ومن لم يقدر علي الهجرة الخارجية استقر في العاصمة ...

    الرقص حرام..الباليه ممنوع..
    لعب البنات في كرة القدم خطأ كبير..
    ثم في رأيي..


    ان مصر والسودان زفتة واحدة!

    ..............
    ..............
    إزيك يا فضل صادق..نورت البوست جدا..أرجو ان تعتبر لحظة لحظتك
    تعال خفف معانا..

                   |Articles |News |مقالات |بيانات

21-06-2013, 05:14 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12501

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    بت الشيخ سلامات ..

    كنت بسمع فيروز ... ( هدير البوستة ) ... و أخريات ...

    وفتحت لحظة من فضلك ... وقريت كلام شيخ ( البحر ) إياه ...

    قلت في سري ... يا ربي ده ياهو نفس البحر القالت فيهو فيروز ...

    شايف البحر شو كبير كبر البحر بحبك

    شايف السما شو بعيده بعد السما بحبك

    كبر البحر وبعد السما بحبك يا حبيبي

    يا حبيبي بحبك

                   |Articles |News |مقالات |بيانات

21-06-2013, 10:56 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: يحي قباني)

    Quote: بت الشيخ سلامات ..

    كنت بسمع فيروز ... ( هدير البوستة ) ... و أخريات ...

    وفتحت لحظة من فضلك ... وقريت كلام شيخ ( البحر ) إياه ...

    قلت في سري ... يا ربي ده ياهو نفس البحر القالت فيهو فيروز ...

    شايف البحر شو كبير كبر البحر بحبك

    شايف السما شو بعيده بعد السما بحبك


    مرحب ود قباني...

    وفيروز هي البحر عند هدوئه وإنسياب مياهه في سهولة ورقة..

    تعبنا نحن معشر النساء والرجال ذوو الفهم والوعي الكبير..
    نحن مستهدفات في الجهل اكتر حتي من الحيوانات المفترسة..
    لماذا يكرهون المرأوة؟؟
    لماذا يحتقرون إنسانيتها في عقلهم الباطن وايضا في أحاديتهم وأفعالهم؟؟
    هل هي التربية الخطأ والعاجزة؟؟
    هل هي عقد مروا بها أثناء حياتهم؟؟
    فالجهل هنا تعدي بمسافه اي جهل في حياتنا الحديثة حتي نجد عذرا لأنتشار نوعيته!

    ...........
    ...........

    هل إنتهت الإحتفالات والمهرجانات ببلسم؟؟
    أو حتي هدأت قليلا؟؟

    شكرا علي فيروز فقد ارجعتنا حتي ولو الي حين للدنيا وعذوبتها..
                   |Articles |News |مقالات |بيانات

21-06-2013, 11:49 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: لماذا يكرهون المرأوة؟؟

    لا والله ياخاتو .. ده كله حب .. وانا شاهد ..

    المفتي المنفخ جضيماتو بالكلام الما ورد في كتاب ولا سنه ده .. كان سمع الشريط ده الا يخت ليك الكاكوله
    حقتو في الواطه ويشوتها ليك فوق الحيطه ويقول ليها يا هادمة اللذات يا مفرقة الجماعات .. قاتلك الله

    الناس ديل اساليني منهم انا .. الواحد قاعد النهار كله يشرك ليه لي كلمه تمرق الفي بطنه وتخليه يصهلل

    دحين يابت الخليفه ما عارفه ليك فضائيه عايزة مفتي عصري يجيب ليهم السيره دي بدون ما يسألوه ..
    أنا جاهز ومستعد اورد ليهم الاسئله كان ما عندهم زول يسأل .. خليهم بس يجربوني .. كان ما خليتهم ليك
    البحر ده ما يجو جنبه .. رجال علي حريم

    عمر علي جسن

                   |Articles |News |مقالات |بيانات

21-06-2013, 02:30 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: لا والله ياخاتو .. ده كله حب .. وانا شاهد ..

    المفتي المنفخ جضيماتو بالكلام الما ورد في كتاب ولا سنه ده .. كان سمع الشريط ده الا يخت ليك الكاكوله
    حقتو في الواطه ويشوتها ليك فوق الحيطه ويقول ليها يا هادمة اللذات يا مفرقة الجماعات .. قاتلك الله

    الناس ديل اساليني منهم انا .. الواحد قاعد النهار كله يشرك ليه لي كلمه تمرق الفي بطنه وتخليه يصهلل

    دحين يابت الخليفه ما عارفه ليك فضائيه عايزة مفتي عصري يجيب ليهم السيره دي بدون ما يسألوه ..
    أنا جاهز ومستعد اورد ليهم الاسئله كان ما عندهم زول يسأل .. خليهم بس يجربوني .. كان ما خليتهم ليك
    البحر ده ما يجو جنبه .. رجال علي حريم



    أنت شوفت سمح شيوخنا السودانيين ديلك في المقابلة التلفزيونية بيتكلموا كيف؟؟
    لالا ديل أخير تنتظر بيهم رمضان..وتراهو الشهر الكريم ما هو بعيد شي!

    التقول رمضان عملوه للنساء بس!

    إنت يا سعادة اللواء..
    حضر أسألتك ونحنا بنعمل قناة هنا كان ما ردوا علي تلفوناتنا..
    علي الاقل نحنا لما نتصل ما بنقفعد نقول ونكرر

    آلو..ايوه السلام عليكم..
    آلو..ايوه السلام آلو..ايوه السلام عليكم...
    آلو..ايوه السلام عليكم..
    آلو..ايوه السلام عليكم..

    ايوه سامعنكم..وعليكم السلام

    وما هايسمعوا مننا نوع السؤال المكرر ده منذ أن انزل الله قرآنه الكريم..
    وإفتتح التلفزيون السوداني محطته ثم إنتشر وانتشر ايضا الهاتف ثابتا كان ام متحرك..

    ألو..عندي سؤال..

    لو يا شيخنا كنت صايم وفجأن نسيت وشربت جغمتين موية..وإتذكرت في التالته إني صايم وطوالي نزلت الكوز من خشمي..
    هل يكون صيامي صحيحا؟؟
    اذا لم يكن ..
    كيف يكون القضاء علي هذا اليوم..علما نسياني تم الساعة 4 مساءا!

    صايم وين؟
    في السودان ولا في الأمارات؟؟



                   |Articles |News |مقالات |بيانات

21-06-2013, 02:42 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12501

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: هل إنتهت الإحتفالات والمهرجانات ببلسم؟؟
    أو حتي هدأت قليلا؟؟

    شكرا علي فيروز فقد ارجعتنا حتي ولو الي حين للدنيا وعذوبتها..

    لا تنتهي مثل هذه الاحتفالات ...

    نجاح بلسم محطة مهمة في حياتنا ...

    كيوم ولادتها ...

    الله يحفظهم جميعا ... فهم من يعطون معني للحياة يا مني ...
    ________________________________________
    عندي حالة من المزاجية اسمع فيها فيروز دائما ...

    لن انسي حينما شاهدتها علي المسرح من سنوات قليلة في مدينة مونتريال الساحرة

    كنا نجلس في اول صف امام المسرح مباشرة ... في دهشة كاملة ...

    انا ومجموعة من الاصدقاء ذهبنا من تورنتو في جو شتوي شديد القسوة ...

    مكثنا 4 ايام في مونتريال ...

    لا اخفي عليكي سرًا يا مني ...

    في شموخ تلك المرأه سر ... لا ادري ماهو ... ولكنك تجلسي امامها في رهبة لا اذكر انني مرت بمثلها من قبل ...

    غنت اعطني الناي وغني ...

    وغنت ما غنت لفلسطين و لبنان ...

    ومن أجمل ما غنت

    يا مينا الحبايب يا بيروت

    يا شط اللي دايب يا بيروت

                   |Articles |News |مقالات |بيانات

21-06-2013, 02:46 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12501

للتواصل معنا

FaceBook
تويتر Twitter
YouTube


Re: لحظة من فضلك! (Re: يحي قباني)

    Quote: لو يا شيخنا كنت صايم وفجأن نسيت وشربت جغمتين موية..وإتذكرت في التالته إني صايم وطوالي نزلت الكوز من خشمي..

    صديقي ( جِلّي ) يا مني ...

    رجل ساخر و داهية ...

    كان يقول ليك

    بالله في اجمل من الحلومر في رمضان ...

    تجي الساعة ( 2) حرااان من برّه ... وعطشان

    تفتح التلاجة وانت ( ناسي ) ...لاحظي ناسي دي ...

    وتمسك كوز الحلومر السااااقط ...

    و بق ..بق ...بق

    ما تتذكر انك صايم الا لما تصل لي نصو ...
                   |Articles |News |مقالات |بيانات

21-06-2013, 09:41 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: يحي قباني)

    Quote: صايم وين؟
    في السودان ولا في الأمارات؟؟

    يا خالتو .. الزول ده بي صحو ؟ الصائم في الامارات نظامه غير نظام الصايم في السودان ؟ .. وانا حسه علي الهواء ؟ ..

    النهارده سمعت قصة واحد قالوا بيخاطب الجماهير .. قال ليهم شاف الرسول مجتمع مع اتنين كبار كده عشان موضوع العدل
    والمساواه .. وهو يكير .. والجماعة يكبروا .... سالت نفسي طيب الرسول عليه الصلاة والسلام قعد مع سيدنا علي او سيدنا
    عثمان ؟ .. ما قدرت اتذكر .. او ربما الحصل بيناتهم اقل من الحصل من العدل والمساواة مع الجماعة الاتنين القالهم ديل ..

    كمان قيل لي انه اخ مصري حلف في لقاء جماهيري برضه انه شاف الرسول بيصلي وراء د. مرسي .. ايوه وراهو .. والعالم
    يرضو تكبر مع الخطيب الكذاب ده ..

    بعدين يا جماعة .. كده ما أفتكر الحل بله حيحلنا ...

    دخل احمد ديدات يرحمه الله في حوار مع القس جيمي سواقرت Jimmy Swaggart فطفق القس سواقرت يستدرجه بالاسئلة
    عن الرسول سائلا اين يوجد الان فقال ديدات انه صلي الله علية وسلم ينعم الان بجوار ربه .. فساله عن حفيديه الحسن والحسين
    ولماذا وكيف قتلا وهما حفيدا من يجلس بجوار الله ولماذا لم يطلب الرسول من ربه الذي يوجد بجواره ان يحميهما ... فقال له ديدات :
    لقد سأله .. فانتشي القس وسال ديدات وماذا فعل الله من اجل حبيبه ؟؟ فرد ديدات بثبات ورباطة جأش ودرايه :
    HE cried ! .. and told his prophet : I failed to protect my own son , Jesus , how would I protect
    .your grandsons

    وفي زماننا سال احد العوام احد شيوخ الفتوي ان كانت صلاته خلف امام الكعبه من التلفزيون صحيحه .. فاجابه الشيخ
    (الصحي صحي) .. طيب يابني ما تجيب لك بطانيه سودا وتغطي بيها التلاجة وتحج بالمرة ...

    قال ايوه سامعنكم..وعليكم السلام .. السَلَمية التوضبكم واحد واحد ...

    عمر علي حسن
                   |Articles |News |مقالات |بيانات

21-06-2013, 09:59 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: يحي قباني)

    Quote:
    صديقي ( جِلّي ) يا مني ...

    رجل ساخر و داهية ...

    كان يقول ليك

    بالله في اجمل من الحلومر في رمضان ...

    تجي الساعة ( 2) حرااان من برّه ... وعطشان

    تفتح التلاجة وانت ( ناسي ) ...لاحظي ناسي دي ...

    وتمسك كوز الحلومر السااااقط ...

    و بق ..بق ...بق

    ما تتذكر انك صايم الا لما تصل لي نصو .



    بالله شوفت ماما عملت فينا شنو؟؟
    الناس جايين من السودان قالت ليهم ما تجيبو حلو مر مافي زول بيشربه..
    والحقيقة هي بس الما بتشربو!

    ..............
    ..............
    واسه انا زولة نساية جدا لكن في رمضان ده اصلو ما بنسي..
    ذاكرة لئيمة خلاص..
    لا بنسي أشرب في رمضان ولا بلقي قروش واقعة في الأرض زي الناس!

                   |Articles |News |مقالات |بيانات

22-06-2013, 01:04 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote:
    وفي زماننا سال احد العوام احد شيوخ الفتوي ان كانت صلاته خلف امام الكعبه من التلفزيون صحيحه .. فاجابه الشيخ
    (الصحي صحي) .. طيب يابني ما تجيب لك بطانيه سودا وتغطي بيها التلاجة وتحج بالمرة ...

    قال ايوه سامعنكم..وعليكم السلام .. السَلَمية التوضبكم واحد واحد ...

    عمر علي حسن






    زولك ده ياسعادة اللواء عامل زي صاحبتنا البتفتح المسجل علي القرآن وتقول نزلت القرآن صدقة علي أمواتها!

    الناس دي بتستهبل ولافعلا عقلها بيقول ليها كده؟؟

    ............
    .............

    عندنا فتاوي طتيرة وأسئلة دينية..

    نجيبها؟؟


    ...............
                   |Articles |News |مقالات |بيانات

23-06-2013, 12:01 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    الليلة في بوستات كتيرة عن نجاح الأبناء..
    قررت أن اشارك الجميع الفرحة وعندما انتهيت من عدد منهم وتوجهت للباقي..
    لم اجدا ايقونات اضف رد..ده يكون من شنو ياربي؟؟

    المهم حتي يتحسن الوضع نبارك للجميع نجاح ابنائهم..

    ........
    ........

                   |Articles |News |مقالات |بيانات


[رد على الموضوع] صفحة 8 „‰ 9:   <<  1 2 3 4 5 6 7 8 9  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de