|
|
 أبقو رقاق يا جماعة أنا عضو جديد
|
يا جماعة انا عضو جديد وداير أشرب معاكم شاي المغربية لو ما عندكم مانع ونتونس شوية كدة عن اخبار البلد وهموم الشعب السوداني لو ما عندكم مانع
|
|
 
|
|
|
|
|
|
|
|
Re: أبقو رقاق يا جماعة أنا عضو جديد (Re: bayan)
|
تحياتي لكم جميعآ الرائع أسعد الزول القيافة أنت بحار ولأ شنو.
أخونا الجريفاوى والهى أنت مننا تب ما دام دفعة عماد وصاحب عصام.
دكتورة بيان العلماء ورثة الأنبياء ويا أهلآ ومرحب بيك واتشرف بيكم كثير.
| |
|
|
|
|
|
|
|
|
 Re: أبقو رقاق يا جماعة أنا عضو جديد (Re: Saifeldin Gibreel)
|
٭٭ سيف الدين جبريل ٭٭
انسان حنون ملئ بالمشاعر والاحاسيس الدافئة
يحترمك كانسان ويجبرك علي احترامه منذ اللحظة
الاولي لحديثك معه.
هادئ هدوء الواثق من نفسه في كل تصرفاته لا ولم
تهزه اعاصير الحياة وقد اعجبني فيه اعتزازه
وتقييمه للوقت فهو لا يضيع ثانية واحدة دون عمل شئ
مفيد مثمر ، يحب المغامرة التي تجعله يري الجديد والمفيد
يضحك من قلبه ويبكي من قلبه انه سيف الانسان الجميل الذي
قد يعطي بلا حدود لعطائه ، ويحب بلا حدود لهذا الحب
ولكنه ابدا لا يعرف ان يكره او يحقد علي انسان فهو دائما
متسامح حتي فيمن يخطئ في حقه يسامح بلا حدود ،
سيف ممن ينامون وضميرهم مرتاح وممن يضعون راسهم في الوسادة
وهم مقتنعون بانهم متوكلون دوما علي الله .
سيف صاحب قيم ومبادئ يحترمها وتحترمه لانه لم يخذلها يوما في احترامه لها
في كل مايقوم به ،، سيف يعشق الوطن وينام ويصحو علي حب الوطن وذكرياته
هناك مع الاحبة والاصدقاء ..
سيف لك مني كل الحب ياوطن الحب في زمن اللا حب .
| |
|
|
|
|
|
|
|
|
|
Re: هلااااااااااااااااااااااااااااا (Re: Saifeldin Gibreel)
|
الله يخليك كلنا بنحب العناقريب ومويه الزير
كنتكت دى نحن خشينا ليها مدرسه عديل كدا حتى قدرنا نطقناها
عشن الامريكان بتاعين الاختصارات عارفين خشمنا معوج قلوا لينا قولوها سى تى ct
دكتور ياسر الصيدلى صاحب الرشيد بتاع هارفورد ولا منو
| |
|
|
|
|
|
|
|
|
|
Re: هلااااااااااااااااااااااااااااا (Re: عشة بت فاطنة)
|
فرح أخوي ياسر دة طبيب بشري عمل المعادلة هنا فى سان فرانسيسكو.
الوليد والهي أنا كنت فى الكورة أو التيوة لما أكون تعبان بشوتا ضفاري فأنا هسي شايت ضفاري.
أبو قوتة أنا درست فى المانيا لكن ما مشيت بعيدأحتمال مشبهني على أخوي أسمو فخرالدين محمد جبريل درس فى الهند,وعلى فكرة أنا من أعزة أصدقائي عبد المقيس كان رئيس اتحاد الطلأب السودانيين فى الهندوصديق الطفولة والصبأ رعد الزبير المحينة وكنا بنلعب التيوة مع بعض وأنا كنت الكابتن بتاعو يعني كنت لعاب.
عشة بت فاطمة أسم له رنين وموسيقى خاصة أتغنى به اين ما زهبت وأين حط بي الرحال أتوقف لأتصل وأسمع صوتها أنها أمي الحنونة عشة بت مصطفى.فألف مرحب بيك وحبابك عشرة ليك ولي المعاك.
| |
|
|
|
|
|
|
| |
Saifeldin Gibreel
صديق الموج
ASAAD IBRAHIM
الجريفاوي
bayan
فرح
abuguta
عشة بت فاطنة
الزنجي
فيس بوك
تويتر
انستقرام
يوتيوب
بنتيريست