|
|
|
 Re: 9 أبناء و81 نخلة والحاج الهندي (Re: haider osman)
|
سلام للجميع ...
يا الشفيع النظر مية المية ...بس اللقافة ..ـخلي الأخضر بمبي ...
بعدين راجعت المجاميع ...كلها تمام التمام ...ما في كلام ...بس الحليلة شايف عندو راي ...ننتظر ونسمع ...
بالنسبة لمحاولتي ... فبنيتها على المنطق التالي : يبدأ التوزيع من الحدين الأعلى والأدنى بالتوازي ...من يأخذ 1 في الصرفة الأولى
يأخد 81 في الصرفة التانية ...ومن يأخذ 9 في الصرفة الأولى يأخد 73 في الصرفة التانية وهكذا ...وبالطريقة دي ..في كل صرفة
مزدوجة بيطلع نصيب الجميع متساوي ...ولكن بيختل في الصرفة الفردية ...وطبعا آخر صرفة فردية ...ودي اللخبطت الموضوع ...
غايتو لو نفوس الجماعة ديل إتطايبت ...ممكن عادي يعفو لي بعض الفروقات دي ....ول سيد الزيادة يدي سيد الناقصة ..تمر بس
والفروقات تدور في مدى 4 أرطال بالزيادة والنقصان في أقصى حد لها ...4 أخوان ماخدين بالزيادة وبالمقابل 4 بالنقصان ...
تصبحون على حل مشرق كشمس الصباح ...
| |
 
|
|
|
|
|
|
|
 Re: 9 أبناء و81 نخلة والحاج الهندي (Re: haider osman)
|
Quote:
elhilayla
العزيز .....شوف المحاولة ده:-
الاول:
1-11-21-31-41-51-61-71-81
الثانى:
2-12-22-32-42-52-62-72-73
الثالث:
3-13-23-33-43-53-63-64-74
الرابع:
4-14-24-34-44-54-55-65-75
الخامس:
5-15-25-35-45-46-56-66-76
السادس:
6-16-26-36-37-47-57-67-77
السابع:
7-17-27-28-38-48-58-68-78
الثامن:
8-18-19-29-39-49-59-69-79
التاسع:
9-10-20-30-40-50-60-70-80 |
مرحبا بالعزيز حيدر
شرفت وآنست
أجتهادك جميل فلك أجره
سبقك لهذا الحل أخونا الشفيع
راجع التعليق في مكانه وراجع
أيضا المصفوفة التي أضافها الشفيع
في الصفحة السابقة
تابع معنا الحل الصحيح
_______
الحليلة
| |
|
|
|
|
|
|
|
 9 أبناء و81 نخلة والحاج الهندي (Re: الشفيع وراق عبد الرحمن)
|
Quote:
يا زول انا كمان مطمئن انو حلي صاح وبحقق شروطك
وحكاية النخل المتجاور دي ما من شروطك الاولى |
حلك يا الشفيع من الناحية الشكلية صاح
ولكنه لا يحقق شروطي!
لأن المسألة توزيع تركة وليست حل لغز
فضلا عن ذلك فإن الناحية الموضعية لم تراعي
في حلك
والآن أريد منك إجابة محددة علي السؤال التالي:
ماهو المبدأ الفقهي الذي أعتمدت عليه في توزيع الأنصبة؟
برضو أحتفظ لك بحقك في الإجتهاد
يتبع لاحقا ...
_____
الحليلة
| |
|
|
|
|
|
|
|
|
|
9 أبناء و81 نخلة والحاج الهندي (Re: الشفيع وراق عبد الرحمن)
|
Quote:
الحلية سلام
يا زول الاولو شرط اخرو نور
قلت شرطين وحققناهم ليك، عدد الخل وعدد الارطال
انا ممكن اجيب حلين تلاتة بس بي نفس الطريقة
وريني حلي غلط لي شنو، هنا ممكن اعيدو |
وعليكم السلام يا الشفيع
نعم حققت الشرطين
لكن: كيف؟
دا مربط الفرس
صحيح ممكن نجيب حلين تلاتة وأكتر
بس دا بيفتقد الناحية الموضوعية للمسألة
وهي توزيع تركة علي هدي الشريعة الإسلامية
وبعدين ما تنسي الناس ديل هنود وممكن إكونوا متكاجرين
عشان كدا الأخو الأول الأديتو النخلات من الأولي بفرق
ثابت يساوي عشرة حتي الأخيرة 81 يختلف عن الثاني الذي
أتبعت نفس الفكرة ولكن التوزيعتين الأخيرتين جن ورا بعض
ماهو المبدأ؟
ولماذا الفرق 10 وليس 9 ؟
______
الحليلة
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: elhilayla)
|
| Quote: ولكنه لا يحقق شروطي! |
الحليلة يا اخوي شروطك ياها التحت دي
Quote: يريد توزيع التركة بحيث يأخذ كل الأبناء
عدداً متساوٍ من النخيل والتمر |
لو عايز تغيرها مافي مشكلة
غيرها ونحاول ليك تاني
انا فكرت ولقيت طرقة المرعات السحرية هي الطريق الاقصر للحل
وبدي اكتر من حل
لو ضيقت الشروط ممكن نقلص الحلول
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: الشفيع وراق عبد الرحمن)
|
سلام يا حلوين
الحساب فراق الحبايب انا عندي مسالة في اللغة العربية ومطلوب مترجم
كان أبو علقمه مِن المُتقعرين في اللغه وكان يُكثرُ أستعمال وحشي الكلام وغريب اللفظ؛ دخل يوماً على الطبيب، فقال له: إني أكلتُ مِن لحوم هذه الجوازل، فطسِئتُ طسأةً فأصابني وجعٌ بينَ الوابلةِ إلى دايةِ العُنُق. فَلَم يزل يربو وينمو حتى خالط الخلب، فألمت لها الشراسف. فهل عندك دواء؟
فقال له الطبيب :خذ خربقاً، وشلفقاً وشبرقاً. فزهزقه وزقزقه واغسله بماء روث واشربه بماء الماء.
فقال أبو علقمه :أَعِد عَليَّ ويحك فإني لم افهم منك!
فقال له الطبيب:قاتل الله أقلنا إفهاماً لصاحبه! وهل فهمت أنا شيئاً مما قُلتَ أنت؟
اشرحو لينا شرح الله قلوبكم
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: khaleel)
|
Quote:
سلام يا حلوين
الحساب فراق الحبايب انا عندي مسالة في اللغة العربية ومطلوب مترجم
كان أبو علقمه مِن المُتقعرين في اللغه وكان يُكثرُ أستعمال وحشي الكلام وغريب اللفظ؛ دخل يوماً على الطبيب، فقال له: إني أكلتُ مِن لحوم هذه الجوازل، فطسِئتُ طسأةً فأصابني وجعٌ بينَ الوابلةِ إلى دايةِ العُنُق. فَلَم يزل يربو وينمو حتى خالط الخلب، فألمت لها الشراسف. فهل عندك دواء؟
فقال له الطبيب :خذ خربقاً، وشلفقاً وشبرقاً. فزهزقه وزقزقه واغسله بماء روث واشربه بماء الماء.
فقال أبو علقمه :أَعِد عَليَّ ويحك فإني لم افهم منك!
فقال له الطبيب:قاتل الله أقلنا إفهاماً لصاحبه! وهل فهمت أنا شيئاً مما قُلتَ أنت؟
اشرحو لينا شرح الله قلوبكم |
مرحب يا خلي
نحن ناس حساب
لكن للضمان شوف جيرانا ممكن واحد إجازفا ليك
_____
الحليلة
| |
|
|
|
|
|
|
|
|
 Re: 9 أبناء و81 نخلة والحاج الهندي (Re: الشفيع وراق عبد الرحمن)
|
Quote:
لو عايز تغيرها مافي مشكلة
غيرها ونحاول ليك تاني
انا فكرت ولقيت طرقة المرعات السحرية هي الطريق الاقصر للحل
وبدي اكتر من حل
لو ضيقت الشروط ممكن نقلص الحلول |
معقول وأنت بتوجد في الحل
ما كنت خات في بالك إنها
توزيع تركة!؟
وأنا قلتQuote:
نريد الحل هنا بطريقة منطقية حسب منطق المسألة |
حقيقة يا الشفيع حيرتني
______
الحليلة
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: Mohamed E. Seliaman)
|
Quote:
يا الحليلة
مسألة الحبشي والكوكاكولا دي حلوها وللا لسع؟
مغروض فيها شديد والله !
حلها ممكن يحل بعض ألغاز البورد |
أهلا بيك محمد الحسن سليمان
معقول ما تابعت معانا المولد دا؟
الحل ورد من أكثر من شخص
لكن ما دام الحبشي بهمك نديك
حاجاته تامة:
يسكن الحبشي المنزل الثالث ذو اللون الأحمر ،يحب شرب الكوكا
كولا، يدخن سجاير أبو نخلة وطائره المفضل ود أبرق
راجع الحل في الصفحات السابقة
أيدك معانا
_____
الحليلة
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: صديق_ضرار)
|
hi Hamad as you solved the problem and the result " hence by substitution in (5) p = 1, or p = 8 and consequently n = 15 or n = 0, m = 24 or m = 32" , let's check if this is correct answer, so by returning to the problem we see that we have been given that the total cost of the trip is cost only 40. so u have come with # of kids is 15 or 0 so if we multiply # of kids with a cost of the kid ticket = the total # of kids who are in the bus " 24*0.25=6 or 32*0.25=8* " the same thing applying for men and women as well so men " 1*6=6 or 8*6=48" , for women " " 15*2= 30 or 0*2=0" so if we add the cost of the # of kids+ cost of # women + cost of # men is not equal to the total cost of the trip which costs only 40
هذا الرد من أخينا محمد عبده من الفيسبوك
أعتقد أنه رد جدير بالإشادة
وهو موجه للأخ حمد حماد الجراري
| |
|
|
|
|
|
|
|
|
|
مو محمد من الفيسبوك ومسألة دكتورالسنوسي (Re: Mohamed E. Seliaman)
|
Moe Emam 9x=3^x -------(1 3^2(x)=3^x x=3^(x-2) ------(2 Substitute x in equation #1 (3^2)(3^(x-2) )=3^(3^(x-2)) 3^x=3^(3x-6)------------------(3 The above is mathematically correct logarithmic property x=3x-6 X=3
هذا الرد من أخينا مو إمام من الفيسبوك
أعتقد أنه رد جدير بالإشادة
_____
الحليلة
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: بشير أحمد)
|
Quote: إني أكلتُ مِن لحوم هذه الجوازل، فطسِئتُ طسأةً فأصابني وجعٌ بينَ الوابلةِ إلى دايةِ العُنُق.
فَلَم يزل يربو وينمو حتى خالط الخلب، فألمت لها الشراسف. فهل عندك دواء؟ |
الجوازل : مفردها جَوْزَل , وهو فرخ الحمام
الطسأة : التخمة
الوابلة: طَرَفُ رأس العَضُدِ والفخِذ
دايةِ العُنُق : فقرات العنق
الخِلْبُ، : حِجابُ القَلْبِ
الشَراسيفُ: أطراف الأضلاع التي تُشْرِفُ على البطن
===================================
انى اكلت من لحوم هذه الحمائم ، واصابتنى التخمة فأصابني وجعٌ بينَ طَرَفُ رأس العَضُدِ والفخِذالى فقرات العنق.
فلم يزل يربو وينمو حتى خالط حِجابُ القَلْبِ ،فالمت لهاأطراف اضلاع البطن .
=========================
كده عندك ليه علاج .... من عندى يشوف ليه سفن اب بالروب.
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: بشير أحمد)
|
Quote:
دقيقة بالله ...
شكر خاص للاخ/الحليلة
والاخ الشفيع وراق
والمعذرة يا جماعة انا لسع قاعد في الصفحة الاولي وقاعد ارد كلما القي فرقة. |
يا بشير
مشيت كاب الجداد والا شنو؟
يا خ ما تبقي لينا حكم
تحياتي
_____
الحليلة
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: elhilayla)
|
الحليلة
ما معقول كده ياخي
انا كت قايلك فهمت الحل بتاعي
انا ما اهبت في الشرح ومن البداية قلت ليك الحل طويل
شوف الشكلين وتابع الالوان
اخونا اكبر هو صاحب اللون الاصفر الفاتح (1، 11، 21، وانت ماشي)
واخونا خان هو صاحب اللون الاصفر الغامض(2، 12، 22، وانت ماشي )
واخونا لطيف هو صاحب اللون الازرق الفاتح (3، 13، 23، وانت ماشي)
.
.
.
واخيرا اخونا غلام هو صاحب اللون الماقنتا (9، 10، 20، وانت ماشي)
كده المفروض تكون واضحة
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: الشفيع وراق عبد الرحمن)
|
صباح الخير
في حاجة قلناها في المنبر قبل اربعة او خمسة سنوات وقام العوض بحلها لا مانع نقولا تاني
مصنع ينتج كرات لتنس الطاولة واي كرة وزنها اوقية واحدة
انتج في يوما ما عشرة كراتين ولكن هناك كرتونة واحدة كان وزن كل الكرات التي بها اتنين اوقية
استعمل الميزان مرة واحدة واعرف الكرتونة التي بها الكرات زائدة الوزن
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: khaleel)
|
سلام ياخليل
نشيل من الكرتونة الاولى كرة واحدة ومن التانية كرتان والتالتة تلاتة كرات وهكذا
ونوزن الكرات ... المفروض مجموع اوزان الكرات يكون 55 لكن لانو في كرتونة وزن الكرة فيها 2 اوقية يبقى الوزن حايكون اكتر من 55
نقوم نطرح اجمالي وزن الكرات ناقصا 55 والنتيجة هي رقم الكرتونة الوزنها زائد :)
ـــــــــــــــــــــــــــــــــــــ
تبا لعمر الفاروق :)
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: الشفيع وراق عبد الرحمن)
|
يا الشفيع
واضح انك ما قاعد تتابع تعليقاتي عليك
لأنك مصر انك صاح
والدليل انك زغت من سؤالي:
ماهو المنهج الذي اتبعته في التوزيع
باجابتك علي هذا السؤال تصل
بنفسك للنتيجة التالية:
الحل الذي اعتمدت عليه لم
يراع قواعد الشريعة الإسلامية
معليش ما لقيت وقت لإدراج الشرح
والفكرة التي تعتمد عليها المسألة
يا زول حكاية تحديك انا عفيتك منها
وعندنا سؤال للجميع:
في مسألة التركة السابقة
بكم طريقة مختلفة يمكن
الحصل علي تسع مجموعات
متساوية في عدد اشجار النخيل
ومجموع الثمر (بمعني 9 نخلات
والثمر 369 رطل؟
الحل يجب ان يكون مبني
علي قواعد رياضية لا لبس
فيها ( اختيار المجموعات عشوائيا
غير مقبول)
_____________
الحليلة
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: elhilayla)
|
تحياتي ياهشام عثمان
Quote: اليكم المسالة الاعجوبة فافتونا ياهل الزكر:
IF 1=5
2=25
3=325
4=4325
5=?
WHAT IS THE ANSWER!! |
لو جاتني في امتحان طوالي ح اكتب دون ان يطرف لي جفن:
تساوي 1
لانو عندك مُعطي
IF 1=5
وح اخد نمرة كاملة.
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: elhilayla)
|
Quote: * يسكن اليوغندي مجاورا للبيت الأزرق .
* مدخن سجائر بحاري لديه جار يحب شرب البيبسي كولا.
* يملك السوداني الطائر عشوشة.
* البيت الأخضر على الجانب الأيسر من البيت الأبيض.
* يسكن مدخن سجائر بحاري مجاورا لمن لديه قمرية.
* يحب الحبشي شرب الكوكا كولا .
* الرجل الذي يسكن في البيت الأوسط يشرب السفن أب.
* يدخن الصومالي سجائر أبو قندول.
* الشخص الذي يشرب سجائر أبو نخلة طائره المفضل ود أبرق.
* يسكن التشادي في المنزل الأحمر
* مالك المنزل الأصفر يدخن سجائر برنجي .
* يسكن اليوغندي في المنزل الأول .
* مدخن سجائر لايف يحب شراب الإسبرايت
* الرجل الذي لديه زرزورة يسكن مجاورا لمن يدخن سجائر برنجي
* مالك البيت الاخضر يشرب الميرندا. |
مسالة حلوة جدا
شخبطتا لي ورقتين ؛والحل زي حل الشباب فوق يا الحليلة
هييع قدوم احمر طلع نصيب الصومالي.
_____
سؤال بالجنبة يا الحليلة :إتا من الحليلة حقتنا الجنب الكاملين؟
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: بشير أحمد)
|
تحياتي اخي ابراهيم فضل الله
Quote: شكرا لصاحب الخيط على الرياضة الذهنية ...
وشكرا للمتداخلين ....مسألة هشام أتفق فيها مع العوض وسمارت والسنوسي ، وفعلا لو الواحد ما ركز شوية
يلقى نفسو شغال قسمة وضرب على الفاضي ...قوة الملاحظة هي المفتاح وليس المعادلات ... |
ح تدور في حلقة مُفرغة من المعادلات
وفي الاخر تشتغل بالاحتمالات.
قلت لي الصومالي طلع بي قدوم احمر!!!
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: elhilayla)
|
الحليلة سلام يغشاك ويلقاك طيب ياخي
انا والله ما ماخد الموضوع تحدي
تسلية فقط وتبادل معلومات
انا قلت ليك من الاول الحكاية عندها علاقة بالمربعات السحرية
وده موضع طويييل قد يحتاج لبوست منفصل
شوف الحل التحت ده باستخدام تقنية المربعات السحرية
ولو بتلاحظ المجموع ثابت من كل الاتجاهات بما فيها احد الاوتار، التاني برضو مفروض يظبط ما عارفه فلت كيف
وتحياتي يا غالي
| |
|
|
|
|
|
|
|
|
|
Re: 9 أبناء و81 نخلة والحاج الهندي (Re: الشفيع وراق عبد الرحمن)
|
Quote: 9x=3^x -------(1
3^2(x)=3^x
x=3^(x-2) ------(2
Substitute x in equation #1
(3^2)(3^(x-2) )=3^(3^(x-2))
3^x=3^(3x-6)------------------(3
The above is mathematically correct logarithmic property
x=3x-6
X=3 |
محاولة خاطئة من الناس التحت
واحد يورينا Moe Emam اخطأ وين
| |
|
|
|
|
|
|
| |
الشفيع وراق عبد الرحمن
elhilayla
ibrahim fadlalla
khaleel
Mohamed E. Seliaman
بشير أحمد
فيس بوك
تويتر
انستقرام
يوتيوب
بنتيريست