صاحب البوست المكاشفي ومتداخليه الاكارم صباحكم زين ,,,
النوبة والذكر موجودة في الشيخ حمد النيل .... كان كل جمعة من عصر بدري بتشوف موكب النوبة ماشي في خور أبوعنجه قاصد ضريح الشيخ حمد النيل , وفي الخاطر عم النور بجبتوا المرقعة ..... كان نص أمدرمان بتمشي عصر الجمعة لضريح الشيخ حمد النيل للنوبة والذكر ... في الميدان ده نفسوا كان بكون في جانب منو مصارعة جبال النوبة
كان مشهد فلكلوري سوداني فيهوا أصالة ما عادية .... ده الشي المن ما قمنا لقيناهوا
**
ياريت الناس ديل يحترموا أنو دي ملامح السودانيين الثقافية , وده أسلام غالبية مقدرة منهم أسلام صوفي لا شرك ولا عبادة قبور كل الناس ديل ما مشركين ولا بمشوا يعبدوا الأضرحة دي الناس بتمشي محبة وإجلال للشيوخ ديل .... ولو السودانيين بانفتاحهم وفكرهم المتسامح ما عترضوا أنو الناس تجي بافكاره الوافدة بكامل الحرية تمارس اعتقاداته البتراها في دينه ..... ما أقل أنو الناس ديل يحترموا عادات الناس ومعتقداتهم في دينهم ...
ده غير أنو البلد الفيها مكفيها ......... بالجد ما ناقصة ياريت يأجلوا شوية أنهم يدخلوا أهل السودان الكفار للأسلام
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست