وطنية فى عين العدو

Quote: ياوليد ماتستعجل بجى واحد هسع يفنها لينا..لكن من الجيد أنو بفكها ليك وهو خارخ التاريخ , يعنى ياتسجل نفسك عضو (كورس) بدار فلاح وتبقى من ناس (تباً لهم)..وتنقز فى أى دلوكة ياأنت كوز...

طبعا يا حاتم كلامك ده صحيح لكن ما على مطلقه

بمعني في ناس اجبروا جبرا على الهجرة ... واقصد بي اجبروا دي انه حياتهم كانت مهددة بصورة مباشرة .. وديل كلامك ده ما بشملهم

وفي ناس وديل السواد الاعظم ... ساقتهم المعايش الجبارة والضنك وتحسين الحال .. فاستغلوا الفرصة دي مع الاسافير الفاتحة دي وركبوا موجة النضال .. عبر هذا المنبر فقط


فديل كومين ما بتلموا

الاول ديل احسن ناس وهم احسن مني ومنك
والتاني ده نحن احسن منهم


وبصراحة عن نفسي اعتقد انه في المتداخلين هنا صديقي عصام جبرالله فقط من يشمله التصنيف الاول بصورة كاملة مع الاعتذار لصديقي جدا ود المشرف ( وده رائ شخصي طبعا )

مافي زول يجي ينبزني لانو البنبذني بنبزو

(عدل بواسطة وليد محمد المبارك on 11-17-2012, 09:58 AM)

Quote: وفي ناس وديل السواد الاعظم ... ساقتهم المعايش الجبارة والضنك وتحسين الحال .. فاستغلوا الفرصة دي مع الاسافير الفاتحة دي وركبوا موجة النضال .. عبر هذا المنبر فقط

(عدل بواسطة محمد حيدر المشرف on 11-17-2012, 10:35 AM)

Quote: تانى حاجة وللمره الألف والكلام ايضاً للأخ كمال عباس أنا بتحدث عن مشاريع وبتحدث عن صور من شطط العمل المعارض أغلبه من أختار المهاجر وولاأتحدث عن ثنائية بره/وجوه...موش كل ماجينا أتكلمنا عن الخارج مشيتو هبشتوا جوازاتكم وأقاماتكم وقلتوا قاصدنا نحن...رجاء راجعو ماكتب هنا..

Quote: أمبارح بس فوتنى دافورى الحلة الأسبوعى...

Quote: يعني نفهم كده انو اخانا الفوت دافوري الحلة ده هو المسؤل عن الفشقة وحلايب واقليم دارفور وانفصال الجنوب ولا العبارة شنو بالضبط ؟ كان الموضوع كده بصراحة الواحد حيفتح بوست هسي في باقي ليلنا ده بتسليم حاتم ومعاه اولاد الدافوري للمحكمة الجنائية فدي مسائل أما لو بتهظر ساي فما في مشكلة ، أما لو بتهظر وما بتهظر وبتفتكر انو حاتم ومن خلال بوست من صوابعينو الحلوين كان ممكن ينقذ البلد من مصائب الفشقة ودارفور والشرق وكجبار وحلايب والجنوب ( فقادر اللي حسنو سوا ) يا قيقراوي .

Quote: يا قيقا انا زاتي جادي بالمناسبة جادي (جداد شديد) وكان ماك عارف أعرف ثم نوم شنو ياخينا والفشقة وحلايب وعيك عيك ما عارفين لي هسي منو الأجحف في حقهم بالضبط ؟

--------

انا عارف .. والله عارف .. وحاتم ذاتو عارف
لكن اشمعنا جاي يذكرنا بانو ما عندنا وطنية اسي دي!؟

لو كنا من الغابات حقاً لما تركت جموع الناس هذا العسكر المأجور يرفل في الخضار باسمنا
....
لكنا كما نبود هجيناً نيئاً لتلاحم الغابات والصحراء

اللخ اللخ

او كما قال سيدي تاج السر جعفر الخليفة طه الريفي


اها قضرت معاك ؟
ياخي مصدع والله ماش انوم
يكون من عدم الوطنية سااااي
الفي شنو!؟

Quote: طرحنا عليو مليون سؤال عن وطنيتو الفاخرة، البتظهر مع اسرائيل بس دي!!

Quote: وااااااشريرى...بقيتو تعتمدو على كلام دينق!!.

Quote: العالم العربى هو فضاءنا الثقافى والسياسى والأجتماعى ومحط اشواقنا (والماعاجبه الكلام ده يشرب من البحر)!!تخرج الأن شعوبه اثقالها وتنفض عنها الصيغ السلطوية القبيحة التى حولت قصة الوحدة العربية بتبنيها لها أو بقمع أشواقها لمحض خرافة مستحيلة على قدرات هذه الشعوب وأمكانياتها..مشروع قومى جديد و(كرت كرتونه) الأن يخرج للأنسانى الرحب ملتصق بحقائق التاريخ والأرض ورغبة أنسان العالم العربى فى التحرر ووضع بصمته القوية مع باقى شعوب الأرض فى التحرر ومناهضة الأمبريالية والأستغلال وبناء عالم المساواة..تقدم الشعوب العربية الأن لنا أعظم هدية بهذا الربيع العربى الجميل ,شباب ليبيا الأشاوس عند خطوط النار بين خيار الموت والحرية وفى سوريا ومصر الحبيبة وتونس الخضراء..تخضر امانينا ويمتن حبل كادت أن تقطعه ألسنة غلاظ شككت فى أنتمائنا الوجودى وبهتته دون حق...

(عدل بواسطة aydaroos on 11-18-2012, 02:06 PM)

Quote: العالم العربى هو فضاءنا الثقافى والسياسى والأجتماعى ومحط اشواقنا (والماعاجبه الكلام ده يشرب من البحر)!!

Quote: قال لى الناس ديل عورا....طبعاً أنا أحتجيت أنو يتكلم عنكم كزملاء نضال بالشكل ده قام قال لى..هسع سؤال عيدالروس ده ماعوير والأعور منو ضحكات د. المشرف.. هنا خليت الشاى بتاعى فى الطربيزة ومرقته بعد مااديتو أستقالتى من المنبر..

Quote: حاتم الياس من نفس البوست الفوق... ممتع والله يا حاتم ... شكراً ليك .. (لقد صنعت يومي بالإنقليزي) ياخي انا كان قريت كلامك دا قبل كدا نقاشي معاك كان مسارو حا يختلف مادام مؤمن بالقومية العربية.. وتدعو وتحلم بالوحدة العربية .. فكلامك لينا في محلو وبعتذر ليك

Quote: يادينق..يااااادينق..لوسألت نفسك أنت قاعد معانا هنا ليه فى البورد ده, طبعاً حاتتخيل أجابتى زى أجابة الناس البقولوا ليك ماانفصلتو ومامشيتوا والكلام الذى لااتفق معه مطلقاً وأبداً بل بفتكر انو حقك حق أصيل مثلنا تماماً فى أى بقعة من بقاع هذه الأرض المسماة السودان..والناس ديل مافهموا أنك قاعد معانا لأنو المنبر ده موش كمنبر بكرى وأنترنت وكلام زى ده, لكن كمجال تنزوى فيه صور الثقافة السودانية فى شقها العربى ولأنو الكتابة أى كتابة سوى كانت فى نت أو فى كتاب أوبوست تشكل ذاكرة ثقافية فأنت موجود معانا هنا بهذه الذاكرة يعنى ماعندك حته تقبل عليها غير الثقافة العربية التى تلقيناها كلنا وأنت وغيرك معنا تحت شروط ممكن تكون موضوع مناقشة..لكن العروبية مافى معناها السلبى بل كثقافة , دى جواك زى ماجواى وأنت هسع قاعد معانا هنا تحت الشرط الثقافى ده فماتقعد تناطح فى الهوا ساى والله اٍلا تمش تقطع راسك وتشترى ليك راس تانى فأنت ياصديق ياعزيز حالة مثالية ومأساوية عن أنفصال تم على الواقع والأرض وترك ذاكرته الثقافية فى حيرة الى أين تختار اتجاهها. ولم تجد سوى أنك (تكبكب التاريخ وتقول ليهو سويت فينى كده ليه)

Quote: ياعيدروس خلونا من حكاية عروبة حاتم الياس دي ! إذا كان حاتم يعتبر نفسو عربي عرقيا فهذا خياره وإن كان يعتبر نفسه عربي - ثقافيا وحضاريا ولسانيا فهذا أيضا شأنه !'

Quote: جبتني راجع يا كمال عباس :) .. وبتفق معاك أي إنسان أو مجموعة في السودان في رأيي حر يقول علي نفسو عربي، أفريقي نوبي، سوداني أو أي هوية تعجبوا .. بس ما يفرض خياراتو علي الباقين وأنا لما قريت كلام حاتم قلتا ليه لو كنتا عارف دي خياراتك كان نقاشي معاك مختلف. وعشان نكون واضحين ، خياراتي انا مختلفة والقومية العربية والوحدة العربية ما بي تمثل أشواق أو خيار لي. باقي كلامك مية مية يا كمال

(عدل بواسطة كمال عباس on 11-18-2012, 06:58 PM)

Quote: انت يا قيقراوى داير تقول انو حاتم ده "عروبى"

Quote: حتى لاتستبد بى روح المشاكسة

Quote: بعدين يا حاتم الأسطوانة المشروخة تبع حكاية أنو الناس العايشة مجبورة ولا حتى إختياراً في بلاد بره وبالتحديد في الدول الغربية، عاملين زي الزول الأيدو في الموية عشان كده ما بشعروا بي قضايا الناس الايدهم في النار، دي بقت حكاية بلا معني، لسبب بسيط فحتى لو سلمنا بمسألة الأيدين الفي الموية البارده كرمز للمهاجرين وبغض الطرف عن ما قدموه لبلدان المهجر خصماً علي أوضاعهم الخاصة وبغض الطرف أيضاً عن ما أخذوه من أمتيازات وراحات وأدتهم "شتيره" زي ما ذكرت في مثالك، يمقمقوا منو زي ما عايزين،مش في أحيان كتيرة يا حاتم الناس بتكون في حوجة لي زول يجيد العوم في البر ؟ عشان يعكس ويوجه عوامتهم وسباحتهم الفي نص اللجة أم أمواجاً متلاطمة ويشوفها من "منطور" مسافة مختلفة ومغايرة تجنبهم الوقوع في الدوامات وتحذرهم من مغبة العوم مع التيار وعروق الدميره ما يجنبهم الكثير من المخاطر والمزانق الشديدة؟ وفي أحيان كثيرة بنلقي المهاجرين لعبو دوراً مهماً وأيجابياً في كثير من القضايا والأزمات في بلدانهم و كان العامل الحاسم في هذا هو بعدهم النسبي عن حيز مجتمعاتهم وأوطانهم،كما أن العكس يمكن أن يكون صحيحاً اذا إعتمدنا فقط علي فكرة التواجد بالداخل كشرط أساسي لتمثل ابعاد المشاكل وتصور حجمها والمشاركة في أمكانية حلها،لا يخفي عليك أن هناك كثيرون في الداخل وقعوا فريسة تمثلات بنية خطاب السلطة في خطاباتهم المناهضة لها دون أن يشعروا وتحضرني في هذه النقطة الحكوة الشعبية من تراث "الدينكا" : تحكي قصة ضفدعين أحداهما يعيش منذ ولادته في بئر عميقة والثاني يعيش في الخارج وفي أحدي المرات كان "ضفدع الخارج" علي عجلة من امره فكان يعدو مسرعاً متقافزاً من هنا لهناك بقفزات كبيرة وعالية نوعاً ما، أسقطته واحدة منها دون أن يشعر في جب البئر حيث يعيش "ضفدع البئر" ولم يكن له من سبيل للخروج منها فرضي بقسمته في العيش مع "ضفدع البئر" الذي رحب بدوره به في مملكة سأمه البئرية الشاسعة وعندما أقبل المساء وبدأ الليل في إرخاء سدول ظلامه الدامس، متزيناً بمصابيحه القليلة من الكواكب والنجوم، إستلقي "ضفدع البئر" علي ظهره في حالة شاعرية يتأمل فيها روعة الظلمة وهدوء الليل، ثم همس لرفيقه وأنيس وحدته الوافد من الخارج: أنظر للسماء في شكلها الدائري كم هي جميلة ورائعة؟ فرد عليه "ضفدع الخارج" بإستغراب شديد: هل السماء دائرية؟ لا..لا..لا السماء دي حاجة كبيرة جداً ومترامية الأطراف الشايفو أنت ده بس هو شكل فتحة حفرة البئر الأنت عايش فيها منذ ولادتك، بالطبع لم يقتنع ضفدع البئر بما قاله ضفدع الخارج واصر علي أن السماء دائرية وصغيرة بها عدد قليل من النجوم، حينها أكتفي ضفدع الخارج وكف عن محاولات إقناعه بأن السماء كبيرة ومترامية الأطراف، عندما أدرك أن لا فائدة من ذلك وفي احدي الليالي والضفدعان يغطان في نوم عميق تفاجأ بصوت قوي يرتطم بسطح الماء القليل داخل البئر وبدون ما يشعروا وجدوا أنفسهم داخل "دلو" البئر وشيئاً فشيئاً يرتفعان نحو الأعلي وعند بلوغهما فتحة البئر قفزا قفزة عالية كانت كافية لتحريرهما من " دلو " البئر ليخرجا للعالم الخارجي الرحب، عندها فقط قام ضفدع البئر بتصديق حجج ضفدع الخارج عندما شاهد بدهشة عظيمة، عياناً بياناً كيف أن السماء كبيرة ومترامية الأطراف تزينها الآلاف من النجوم والكواكب. تخيل يا حاتم لو أن "ضفدع البئر" قابل ليهو طائر قام طار و حلق بيهو فوق السماء، الحيحصل ليهو شنو لمن يشوف البئر الكان عايش فيهو أضيق من جحر النمل ، عليك الله ما تعزلوا الناس العايشين في بلاد بره ينوبكم ثواب السماء الممدودة. مودتي وليد يوسف

Quote: ولاالوطنية الأتكلمنا عنها وفندناها وورينا سياقاتها كانت بالطريقة الجبتوها هنا...

Quote: ياخضر سلامات ياخ..وانا أسف لم أرحب بك لكننى أعلم تماماً بأنو الموضوع مابيهمك كتير, المهم اراك حزين نوعاً ما ماخالس يعنى وأنت ترى الحوارات تتجه لمسارات غير التى كنت تتوقعها..كما تعلم باننا لسنا محاورين فقط لهؤلاء الأخوة الثوريين الأسفيريين وهم يمضون خلف بوستاتهم ويعلقون خيوطهم على سقف طموحات تستشرف الوهم أكثر من ان تكون لها صلة بالواقع الموضوعى وأنت تعرف ووأنا اعرف وغيرنا يعرف أن شرط الواقع الداخلى المعاش والمحسوس أصدق أنباءاً من (البوستات) عليه نحن نقدم خدمة طيبة لهم فى ملء الفراغ وتزجية الوقت السياسى. ونزورهم مثل صديقنا الذى زار الصديق ,فى اصقاع كندا البعيدة ونشاهد معهم من النافذة المغلقة جرافات الجليد وهى تهوى على كثبانه بينما سودانيز أون لاين مفتوح كفتحة التدفئة على عقل يكدح كدحاً فى الأحلام السياسية واشباحها وبوصف ماشاء له من طيب الوصف, ونحن ايضاً معهم فى الولايات المتحدة الأمريكية نهبط ونعلو مع توتر الأنتخابات وطموح الشاب اوباما الذى يعطى بصيص ضؤ من زيت يتحشرج فى الروح وبالكاد يمسد فلايت المهاجرين الجدد فى أن الغد قد يكون (ملون) زى الغابة والأبنوس. وسودانيز اون لاين تقذف لنا بالمثير والجديد من أنماط معارضة كأنها صنعت فى والت ديزنى من خيال الرسوم المتحركة نوفر ايضاً لهم مادة تشبه الواقع العالق فى منتصف برزخ (يتلولح) بين سدوف الأمكنة وتحتار اٍن كان مايقال محض هذيان أم قول سياسى ينشق خارجا من خطاب الجنون كما قال فوكو..أما أحبابنا أهل الهوى ناس طال عمرك فلله درهم من رجال ... أنا أنحاز للهنا..حتى ولوكان الـــــ(هنا) نقيضى وضدى لأن أبواب الوعى لم تغلق وتوضع مفاتيحها فى حرز الغيب ولأن ملامح الصراع السياسى نشكلها نحن ونتحارب حولها نحن وسؤال التغيير وكيف يكون الغد تنتنازع على أجابته أيضاً نحن وهذه الـــ(نحن) لاتعنى ابداً صيغة أنسجام وأنما (بنية تناقض وصراع) نمضى وتمضى بنا يومياً... هل يمكن أن نهديهم زيدان...وهو يغنى (باب النت وأنسده) !