للذين يدّقون طبول الحرب0000 ويطربون

Quote: يا أمير جابر حاأّوجه ليك بعض الآسئلة وأنت ممكن تحتفظ بالاجابة لنفسك أو تكتبها هنا.المهم هو موقفك مع نفسك. ليه أى واحد عايز يحارب حكومة المركز يستخدم أرض الولاية ومواطنيها؟ الحركات المسلّحة الدارفورية ممكن تقول لى بيحاربوا فى جنوب كردفان ليه وما بيحاربوا فى دارفور؟ سلفاكير بعد ما أوصلناهم للقصر الجمهورى, وفصل الجنوب, وقال أنه الحرب بتاعة النوبة معاهم كانت نفير.وفى النفير الواحد ما بيدفع تمن المساعدة..ومشى.. ممكن تقول لى سلفاكير عايز شنو من الولاية تانى؟و أنه الحركة الشعبية فى الولاية لسه ماشة وراه ليه؟ ياسر عرمان مّرّكز على الولاية وبيستخدم أنسانها ليه؟ فاروق ابوعيسى صّرح فى الصحف السودانية وقال أنه بعد سقوط النظام هو حيوقف الحرب فى جنوب كردفان فى ساعة واحدة.يعنى كلام صريح وواضح.أبناء الولاية يتحّملوا مسئولية طموحات الغير ليه؟ حارب أبناء الولاية مع الجنوب لربع قرن تقريبا وطلعت الولاية (بكتاب المطالعة الاسمه المشورة الشعبية)تفتكر فى أى سبب مقنع يخليك تثق فى حركة سلفاكير أو أى حركة غيرها وتحارب معاهم؟ أعملها برآك وشوف النتيجة.. لكن حكاية الحرب بالوكالة وبالمجاملة والخجلة والمضايرة دى جابت أجلنا.ونحن الان فى حالة خطرة جدا. وهديك المنطقة أشتعلت.وبنحارب بعض بوعى ودراية أم لا. الكلام دا يرضى مين اذا كا ما بيرضى رب العالمين؟