كتب الكاتب الفاتح جبرا المتوفرة بمعرض الدوحة
|
|
 Re: خريجوا طنطا اجمعوا هنا (Re: صلاح الدين نزلاوى)
|
نجوم من طنطا
نجوم الكورة
مصطفى كوتكوكو لاعب كورة وحارس مرمى درجة اولى
محمد الامين عبد الماجد لاعب كورة درجةثالثة
مجدى قرشى هاوى
صلاح نزلاوى محترف
ايمن حسين جعفر تمومة عدد
عدلان تمومة عدد
بعد تموا الباقين
| |
 
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
اخوى نزلاوى وزميل الايام الجميلة تحياتى وسلامى
عايزنك تنزل لينا اجمل ايامك بطنطا وكل واحد يجهز نفسه وبالمناسبة انا سكنت شارع الحلو وتوت عنخ آمون وبيت الطالبات بشارع سعيد اها كل واحد يكتب شارع شقته وبعد داك نجى للنكت وممكن كل واحد يدينا فكرة عن تاثير مصر وطنطا عليه اهو كدة نعمل حاجات جميلة عن طنطا والطنطاوية وذكرياتنا بها
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
نجوم الغناء
طبعا هنالك نجوم غناء جماهيرى ونجوم غناء دكاكينى
نجوم الغناء الدكاكينى
1/ عثمان على
2/ صلاح نزلاوى
3/ عاطف مكاوى
4/ حيدر ابراهيم
5/ اسامة الحلبى
6/ عبدالله عبدالكريم ( طبعا عبدالله يمتلك عود)
وعليكم ذكر الباقين
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
نجوم الشعر
طبعا كلنا كنا شعراء ( شعراء الغربة الاولى)
اشهر شعراء طنطا اظن اسمه امير
واشهر من يحفظ شعر حلمنتيش عاطف مكاوى
واشهر شعر فى الغربة كان شعرى ( ديوان رزاز المطر وديوان حسرات الطلاب) راجع مطبعة ابوالزهيه
| |
|
|
|
|
|
|
|
|
|
Re: خريجوا طنطا اجمعوا هنا (Re: عاطف مكاوى)
|
يا إيمان ويا رباب
كل سنة وانتو طيبيين
بالله لو امكن ورونا الانشطة الثقافية والاجتماعية الدكاكنية عند زميلاتنا الطلبات فى ذلك الزمن الجميل
يعنى احسن واحدة كانت بتقول شعر
واحسن واحدة كانت بتغنى
واحسن واحدة كانت بتقول نكات
ولا كلكم ناس كتب ومذاكرة ( كان سمعنا بيكم اوائل الدفعات)
مع تحياتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
يا مجدى قرشى سلام
يا أخى بسأل عن صاحبنا دكتور ابراهيم حمد وين الراجل دا ؟ فى أى من بلاد الله عائش
لمن لا يعرف ابراهيم حمد هو شقيق الدكتور عمر حمد - طب طنطا
هههههههههههههههههههههه
طبعا ما حتعرفوه لأنو ابراهيم خلف عمر بثلاثة دفعات وابراهيم قدام ناس مجدى بخمسة دفعات
بس انا لقيت ابراهيم فى خامسة طب واتخرج وانا فى ثانية تجارة
تذكر يا مجدى بعد انا قلت راجع السودان ما عاوز ادرس تجارة ، ابراهيم حمد قال لى انت عاوز تدرس شنو
قلت ليهو انا عاوز ادرس طب
قال لى خلاص كمل كلية التجارة واحتمال يودوك الدويم طبيب
اصلو فى السودان الوظائف ما بالتخصص والوظائف بالرغية
وبعدين كانت لنا ذكريات جميلة فى كبسولة( الكبسولة شقة صغيرة ) ابراهيم حمد .
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
قبل يومين يظهر انا مبسوط من حكاية عضوية المنبر دى، وانا فى البيت كنت بغنى او بترنم او بدندن العيال سمعوا وقالوا لى وطى صوتك يا بابا انت قايل نفسك هيفاء وهبى ، قلت ليهم لا انا قايل نفسى عائشة الفلاتية، وقلت ليهم انا كنت فى طنطا بغنى للاستاذ/ محمد وردى وكل الدفعة تكون مبوسطة
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
اللقب: صلاح الدين نزلاوى
: .
عدد البوستات: 51
تاريخ التسجيل: 10-11-2011
محل الاقامة:
:
عنوان مكتبتى بسودانيزاونلاين دوت كم :
FaceBook Page:
Skype Name:
اكلات مفضلة:
الاسم الحقيقى: صلاح الدين نزلاوى محمد
التلفون:
الجامعة/المعهد:
الحالة الاجتماعية: Single
العنوان الدائم:
الفنان المفضل:
اللون السياسى:
النوع: Male
سلام يا استاذ/ صلاح نزلاوي
طبعاً لم نعاصرك
ولكننا سمعنا عنك من المخضرمين الذين عاصروا عصور متنوعة
لكن سؤال بريء كدا، في البروفايل بتاعك ليه عامل (سنقل) مشرك لسه ولا شنو ؟
عاصم فقيري
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
صباح الخير ايها وايتها الطنطاويين بتوقيت الخرطوم
فى مثل هذا اليوم تكون طنطا باردة على ايام زمانا ، اليوم درجة الحرارة فى الصباح الباكر فى شمبات - الخرطوم يحرى 17 درجة.
ومن غير سيوتر ولا بلوفر الناس حايمة،
يظهر البرد صار اشاعة.
يا ناس اروبا وامريكا كيف بردكم بارد ومعتدل
وكيف فطوركم بالفول والطعمية ولا حاجة او حاجات تانية .
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
فى شهر مايو من العام 1983م كانت اول رحلة الى بورسعيد
اسباب هذه الرحلة جاءت بسبب ان الملابس رخيصة فى بورسعيد
ذهبنا فى مجموعة مكونة من شخصى ومحمد الامين واسامة بمبا وآخرون
المهم كانت التعليمات ان نرتدى ملابس قديمة حتى نتركها فى بورسعيد ونرتدى الملابس الجديدة
انا شخصيا اشتريت عدد ثلاثة بناطلين جينز واربعة قمصان
الآخرون ايضا قاموا بشراء ملابس (جينز وقمصان)
انا شخصيا ارتديت عدد (2) بنطلون جينز وثلاثة قمصان
وفعل الاخرون ما هو اسوأ من ذلك ( ثلاثة بناطلين واربعة قمصان )
وعند نقطة العبور عند الرجوع الى طنطا توجد بوابة الجمارك
نزلنا وتم تفتيشنا ولحسن الحظ مررنا من الجمارك بسلام بالرغم من تحولنا من بشر الى شماعات ملابس.
كم منكم خاض مثل هذه التجربة؟
احسبوها كتكلفة ( اسعار الملابس + تكاليف السفر - تذاكر واكل وشرب+ القيام فجرا وتكبد مشاق السفر الى بورسعيد)وقارنوا باسعار صيدناوى الجامعات .
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
تحياتى أخى عاصم فقيرى
Quote: طبعاً لم نعاصرك
ولكننا سمعنا عنك من المخضرمين الذين عاصروا عصور متنوعة
لكن سؤال بريء كدا، في البروفايل بتاعك ليه عامل (سنقل) مشرك لسه ولا شنو ؟
|
يا عاصم انت قابلنى دفعة ابراهيم حمد ولا شوقى الحلفاوى ولا السنجك ، يا أخى انا دفعة 1985م
والمخضرمين ديل منو يا عاصم الكانوا قاعدين لليوم داك فى طنطا.
اما حكاية (سنقل) دى بنختها فى البروفايل عشان الزواج التانى ، طبعا المدام ما عندها خبر بعضويتى فى المنبر همها صفحتى فى الفيس بوك
مع تحياتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
فى نهاية صيف عام 1983م شهر سبتمبر اتفقت مع الشلة فى العتبة ( السكن بتاعنا فى طنطا) ان افضل شىء شراء هدوم البرد (ملابس الشتاء) من بورسعيد فما أجملها وما أرخصها، انتشرت الفكرة كإنتشار الهشيم فى النار ( النار فى الهشيم) وسط الطلاب المروقين والمفلسين ، وبدأت الرحلة بالمبيت فى العتبة ( يعنى فى شقتنا) وكنّا حوالى ستة اشخاص ووصايا كثيرة من زملائنا بشراء هدوم البرد لهم ، المهم وصلنا بورسعيد ، وطبعا بقينا خبرة فى الشراء والتهريب .
وبعد المرور على متاجر بورسعيد لفت نظرنا متجرا فخما ودخلنا المتجر ووجدنا بضاعة رخيصة جدا جدا ، المهم اشتريت جاكت رهيب وفعل نفس فعلتى اسامة بمبا ( اسامة على ابراهيم) ، بعد ذلك ذهبنا واشترينا سويترات وبلوفرات لأنفسنا وحسب الوصايا من طرف زملائنا .
وبنفس الطؤيقة السابقة ارتدينا البلوفرات والسيوترات والجاكتات وتحولنا الى شماعات متحركة الى ان وصلنا طنطا .
المفآجاة كانت غير سارة حيث اكتشفنا ان الجاكتات كانت يوزد سكند هاند ( مستعملة) وتم تنظيفها ( دراى كلين) ، وبدأـ التعليقات مرة بانها ملابس مستعملة توزع للفقراء وتارة بانها تعود لموتى اوربا ومرة اخرى بانها تجارة مشروعة ، بلعنا المغصة ولبسنا الجاكتات لزوم القشرة ولفت انتباه الطلاب والطلبات من السودانيين والمصريين باننا ناس قيافة وبرضو ما جابت حقها.
وسنعود ونواصل
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: يا عاصم انت قابلنى دفعة ابراهيم حمد ولا شوقى الحلفاوى ولا السنجك ، يا أخى انا دفعة 1985م
والمخضرمين ديل منو يا عاصم الكانوا قاعدين لليوم داك فى طنطا.
اما حكاية (سنقل) دى بنختها فى البروفايل عشان الزواج التانى ، طبعا المدام ما عندها خبر بعضويتى فى المنبر همها صفحتى فى الفيس بوك
مع تحياتى |
يا صلاح نزلاوي
سلام وتحية
المخضرمين بس نقول منهم طارق العيدروس
بعدين إنت لو إتخرجت 1985 يعني المفروض أنا من المعاصرين لعهدك
لكن ما عارف ليه بقى لي إسمك زي السمعتوا في قصص ناس المرحوم (عماد حسن الصديق) وطارق عيدروس وحسين بشارة
لكن مسألة (سنقل) دي لازم تتخارج منها في ذمتك دا زمن زواج تاني !
أنت رجل تحفظ ذكريات الزمن الجميل وهذا يؤكد وفاءك أو كما قال حسن البصري (من حسن وفاء المرء حنينه للماضي)
أمسك في المدام قوي وخليك موحد في الزواج
مع خالص التحايا والتقدير
عاصم فقيري
| |
|
|
|
|
|
|
|
|
|
Re: خريجوا طنطا اجمعوا هنا (Re: Asim Fageary)
|
يا عاصم فقيرى
Quote: بعدين إنت لو إتخرجت 1985 يعني المفروض أنا من المعاصرين لعهدك
|
أول حاجة نحن اتقابلنا فى طنطا بس انا كنت صغير فى الزمن داك
ثانيا طارق عيدروس وحسين بشارة والمرحوم عمادحسن الصديق هؤلاء زملائى واصدقائى
طبعا طارق انا ما دفعتى انا لمن جيت لقيتو موجود وعندو اصبع زيادة فى يده وحسين بشارة اظنو قدامنا بكم سنة فى مصر وعماد دفعة.
وبعدين قضية الزواج التانى يا عاصم بصراحة أنا ما بخليها ، وكمان ما بنفذها ، يعنى خليها مصدر تهديد لازم يكون عندى ورقة ضغط ولا رايك شنو
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
اسرة وادى النيل
اتذكورنها
اعتقد انها اسست فى كلية التجارة اسوة بالاسر فى جامعة طنطا
نشاطها تركز فى الآتى:
قيام كورسات للطلاب الجدد لمساعدتهم فى اللجاق بزملائهم المصريين ( يس اجنا ما حصلينا كنا شطار)
اعداد وتنفيذ الرحلات السياحية ( شاركت فى رحلة القناطر الخيرية ورحلة اسكندريةوزغت من رحلة الفيوم ورحلة الاسماعلية)
بالله حدثونى عن هذه الاسرة فقد طشت الذاكرة عن مجمل انشطتها الثقافية والاجتماعية
| |
|
|
|
|
|
|
|
|
|
Re: خريجوا طنطا اجمعوا هنا (Re: ايمان بدر الدين)
|
صباح الخير بالسودانى
يعنى يا ناس طنطا ما عندكم ذكريات اجتماعية وثقافية
على الاقل الاعضاء البورداب
ولا يمكن بكرى محدد فرص الاعضاء من طنطا
ولا يمكن ناس طنطا ما عندهم علاقات ودية مع الانترنت
ولا يمكن الشغل والعيال زحموكموما فى وقت لإجترار الذكريات
طيب عاوزين نعرف اخباركم واحوالكم
| |
|
|
|
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
غايتو يارباب انا ما عندى اى مسئولية
ميمى قايمة بالواجب وزيادة ( زوجتى تدعى ايمان )
بس انا ما زلت مصمم أن استنهض الطنطاويون للمشاركة
انا بذكر كانت فى اسر فى الكليات وروابط اقليمية
وكان فى عرب الجزيرة وعرب النيل الابيض
والمحس والدناقلة وناس كردفان وناس دارفور وناس الشرق
وكان هنالك نشاط اجتماعى
عاوزين المشاركة
وعاوزين الحكاوى
يعنى ما ضرورى ايام طنطا
كلمونا عن الزمن القريب
يعنى ما فى مناسبات حاليا ( زواج ، طلاق، ولادة ، سماية ، عيد ميلاد ، نجاح او رسوب فى التعليم، )
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
ريان صلاح الدين نزلاوى
تتشرف بدعوتكم لحضور الاحتفال بعيد ميلادها الثامن يوم الخميس 24/11/2011م
طبعا هى بالصف الثالث اساس
الهدايا العينية ذات القيمة مقبولة
الهدايا النقدية تجاوزا مقبولة وبالذات الحولات المصرفية من خارج السودان مرغوبة لأنها بالعملات الصعبة
الهدايا مثل الكروت والالعاب ستكون مقبولة على مضض
وكل عام وانتم بخير
وعقبال المليون دولار (آسف اقصد سنة)
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: غايتو يارباب انا ما عندى اى مسئولية
ميمى قايمة بالواجب وزيادة ( زوجتى تدعى ايمان ) |
هسى ياصلاح يا نزلاوى كلامك دا نمشى منو وين
دا قدر شوية الذكريات الفى الراس يطيرها
وشايفة فوق عندك شوية كلام عن التهديد وتعدد الزوجات
غايتو ما يحلك منى الا ضيق الزمن
ويا طنطا ليك وحشة
| |
|
|
|
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
Quote: وشايفة فوق عندك شوية كلام عن التهديد وتعدد الزوجات
|
طبعا لو ما ادعيت وعملت تهديدات ما ح اجد وقت حتكون عند اشغال أخرى بالاضافة لغسيل العدة والمكوة
ايمان بدرالدين فتحت بوست عن الزوجة الثانية والقيامة قايمة ، هو الواحد قادر يعيش اولادو عشان يجيب ليهو واحدة تانية
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: طبعا لو ما ادعيت وعملت تهديدات ما ح اجد وقت حتكون عند اشغال أخرى بالاضافة لغسيل العدة والمكوة
ايمان بدرالدين فتحت بوست عن الزوجة الثانية والقيامة قايمة ، هو الواحد قادر يعيش اولادو عشان يجيب ليهو واحدة تانية |
طيب يا صلاح نزلاوي ما أهو إنت كويس
شوية كدا وتكون عضو في جمعية WHO
بالمناسبة جمعية WHO هي إختصار لـ Weak Husbands Organization
| |
|
|
|
|
|
|
|
|
|
Re: خريجوا طنطا اجمعوا هنا (Re: Asim Fageary)
|
| Quote: بالمناسبة جمعية WHO هي إختصار لـ Weak Husbands Organization |
يا عاصم لو اجتهد شوية كان لقيت اسمى فى العضوية وفى الصفحة الأولى
والحقيقة نحن فى عائلتنا الما بخاف من مرتو ما راجل
وسمعت الناس فى السودان وبعض الدول العربية بلقبوا الزوجة بوزير الداخلية ، بس نحن بنقول للزوجة الحكومة
وبعد هذا ارجو اجراء التقييم السليم لشخصى المهاب ( انا الاسد)
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: عاصم لو اجتهد شوية كان لقيت اسمى فى العضوية وفى الصفحة الأولى
والحقيقة نحن فى عائلتنا الما بخاف من مرتو ما راجل
وسمعت الناس فى السودان وبعض الدول العربية بلقبوا الزوجة بوزير الداخلية ، بس نحن بنقول للزوجة الحكومة
وبعد هذا ارجو اجراء التقييم السليم لشخصى المهاب ( انا الاسد) |
تعرف يا صلاح نزلاوي
نحنا لو قايلنهن كدي ما كنا وقفنا معاهن في قضايا المرأة وحقوق المرأة
ديل يخوفن بلاد بحالها
والله يا أخوي إتدجنا جنس تدحجين الواحد كان ماشي مشوار لازم يعرفوا المشوار وين
بقينا ما عندنا خصوصيات ذاتو
نمرق بإذن ونرجع بوقت محدد
عاوزني نطالب بحقوق الرجل وحرية الرجل في الحركة والتعبير عن ذاته وزيارة أصحابه من العذابة وكدا
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
مجدى قرشى نلتقيه فى الصباح ونقول ليهو
سلام وين انت
دائما يرد هكذا
مدبرس
نسأل منه فى المساء نجده فى شبرا الخيمة
مع شلة زراعة عين شمس
مجدى قرشى صاحب علاقات واسعة خارج طنطا
مجدى قرشى وابراهيم حمد جيران فى السودان ( الخرطوم 2)
أول من صرت صديقا لكليهما
وين انتو
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
سأقوم بتنزيل صور منزلى الجديد بعد اجراء تصغير حجمها
استعنت بصديق للقيام بتصغير الصور
اهم ما فى الموضوع ممنوع دخول الاخ هشام هبانى لهذا البوست
عشان ما يقول هذا قصر من ؟ ومن اين له؟ وهذه اموال الشعب السودانى ....الخ
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
سلام ناس طنطا
ألف مبروك البيت الجميل يا نزلاوي إنشاء الله تتهنى بيهو مع عيالك
ولعل من دواعي فخرني وسروري أن أعرف شخص إجتهد ونجح في بناء مسكن مثل هذا
بس طلب خاص : تشرح لينا التكتيك الممكن الواحد يمتلك بيهو بيت
ما بالضرورة يكون زي دا - بس حاجة كدا تضارى من عين الشمس
وبالمناسبة الوصفة لازم تكون في حدود راتب موظف مغترب ( راتب كويس ) كمان
ما تكون حاسد وتبخل لينا بالخطوات الفعالة
تحياتي الحارة لكل ناس طنطا
| |
|
|
|
|
|
|
|
|
|
Re: خريجوا طنطا اجمعوا هنا (Re: نورالدين بابكر بدري)
|
Quote: ألف مبروك البيت الجميل يا نزلاوي إنشاء الله تتهنى بيهو مع عيالك
ولعل من دواعي فخرني وسروري أن أعرف شخص إجتهد ونجح في بناء مسكن مثل هذا
بس طلب خاص : تشرح لينا التكتيك الممكن الواحد يمتلك بيهو بيت
ما بالضرورة يكون زي دا - بس حاجة كدا تضارى من عين الشمس
وبالمناسبة الوصفة لازم تكون في حدود راتب موظف مغترب ( راتب كويس ) كمان
ما تكون حاسد وتبخل لينا بالخطوات الفعالة
|
سلام نورالدين
المشكلة ما فى البناء
المشكلة فى قطعة الارض الدرجة أولى وفى حى راقى وتكون ناصية
التكتيك يبدأ كما يلى
تستحمى وتلبس بدلة وتربط كرفته
وتمشى دوغرى للبنوك الاجنبية
تتكلم نص بالعربى ونص بالانجليزى معاهم
وكمان توضح دخلك ما يعادل بالجنيه السودانى القديم
يعنى لو مرتبك بعادل سبعة الف جنيه سودانى تقول سبعة مليون
اوع تصغّر نفسك
اذا قالوا ليك تشرب شنو
قول شاى بدون سكر
خليك فخيم وواعى
اتكلم شوية عن الدوحة والنهضة العمرانية فيها
وكمان عن البنوك فى الدوحة والتسهيلات البتقدمة لامتلاك فيلا
وأهم حاجة تكون استريت واطه ( يعنى ارض)
يس تكون ناصية وفى حى راقى
ابعد من امبدات والثورات والحاج يوسفات والكلاكلات وما شابههم
ونواصل غدا
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
سلام ايها السادة والسيدات
انا بديت اطلع ممتلكاتى
واضح انو نورالدين لسع بفكر
وعاصم فقيرى غايتو ضمن مستقبل ولدو ويظهر ما مفكر يتملك ( الجاية قدر الرايحة)
الباقيين عندكم ولا لأ.
إن كان ما عندكم الرماد كال حماد
والعندو ما يدس يورينا
وطبعا انا بسألو من اين لك هذا ؟
وما فى واحد ولا وحدة تقول لى من اين لك هذا ؟
لأنى انا عارف عملت شنو
ومودتى لكم جميعا
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: سلام نورالدين
المشكلة ما فى البناء
المشكلة فى قطعة الارض الدرجة أولى وفى حى راقى وتكون ناصية
التكتيك يبدأ كما يلى
تستحمى وتلبس بدلة وتربط كرفته
وتمشى دوغرى للبنوك الاجنبية
تتكلم نص بالعربى ونص بالانجليزى معاهم
وكمان توضح دخلك ما يعادل بالجنيه السودانى القديم
يعنى لو مرتبك بعادل سبعة الف جنيه سودانى تقول سبعة مليون
اوع تصغّر نفسك
اذا قالوا ليك تشرب شنو
قول شاى بدون سكر
خليك فخيم وواعى
اتكلم شوية عن الدوحة والنهضة العمرانية فيها
وكمان عن البنوك فى الدوحة والتسهيلات البتقدمة لامتلاك فيلا
وأهم حاجة تكون استريت واطه ( يعنى ارض)
يس تكون ناصية وفى حى راقى
ابعد من امبدات والثورات والحاج يوسفات والكلاكلات وما شابههم
ونواصل غدا |
صلاح نزلاوي يا غتيت
ياخي ليك ألف تحية وتحية
وصفتك دي أكان عندي دقن ما تنفع خلي يكون ما في دقن ومافي حاجات تانية
بالمناسبة دي تحضرني نكتة قديمة
واحد سكراااان فل
سأل ليهو واحد جنب نفق الجامعة قالي ليهو
لووو سمحت .. يا بنييي .. العم
وصصصف لي .. طريييق الهلتون
الراجل قال ليهو .. تمشي بي تقاطع شارع الجيش - القيادة العامة
وتلف يمين يلاقيك مقر ناس النظام العام .. وتمشي طواليي تلقى القصر الجمهوري
وبعدوا مكاتب مكافحة المخدرات علي شمالك تشوف مبنى الهلتون
الراجل قال ليهو باللله .. هسي وصفك دا كان شارب لي لبن بمشي بيهو .. خلي يكون شارب لي عرقي
أشواق ربع قرن من أخر مرة إستمتعنا فيها في أجواء طنطا
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: ريان صلاح الدين نزلاوى
تتشرف بدعوتكم لحضور الاحتفال بعيد ميلادها الثامن يوم الخميس 24/11/2011م
طبعا هى بالصف الثالث اساس
الهدايا العينية ذات القيمة مقبولة
الهدايا النقدية تجاوزا مقبولة وبالذات الحولات المصرفية من خارج السودان مرغوبة لأنها بالعملات الصعبة
الهدايا مثل الكروت والالعاب ستكون مقبولة على مضض
وكل عام وانتم بخير
وعقبال المليون دولار (آسف اقصد سنة) |
للتذكير
اليوم معزوميين
التورتا جبل
والكيكة انجليزية
والشاى باللبن
وكمان فى فواكه
وبالمناسبة امكن نجيب فنانة
الحكاية معناة ح تجر
الصرافات والتحاويل السريعة (speed cash) اربعة وعشرين ساعة
الحقوووووووووووووووووووونا
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
المصريين شابكننا مصر والسودان حته واحدة
يوم فى طنطابعض الطلاب مشو يشتروا من بقالة
المصرى شبكم مصر والسودان حته واحدة
فى النهاية حصلت مشكلة مع التاجر مصرى
قام قاليهم مصر والسودان مية حته
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
أول ايامنا ونحن برالمة فى طنطا
كانت الاسئلة المطروحة علينا فى الشارع المصرى هى:
الساعة كم؟
عندكو تاكسى فى السودان؟
دمكو لونو احمر زى دمنا؟
يا ترى ماذا كانت الردود
انا كان ردى كما يلى
الساعة كم ؟ واحدة ونص وخمسة إلا ربع
دمكو لونو احمر زى دمنا؟ لا دمنا لون اصفر
عندكو تاكسى؟ لا يابابا احنا عندنا حمير زيكم كدا
هههههههههههههههههه
طيب ورونى انتو كنتو بتردوا إزاى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
يا أهل طنطا قد فرق بكم الزمان وشتتكم فى ارض الله الواسعة
يعنى ضرورى لمن نكون احنا صحينا من النوم بكون فى ناس عاوزين ينموا وبكونوا فى ناس لسع الدنيا مضلمة عندهم وبكونوا فى ناس فطروا وناس بتغدوا
يعنى لازم البوست دا يكون فوق
ادونا من زمنكم حبة
انا ماشى احتفل بعيد ميلاد ريان
طبعا نقصنا الحاجات لزوم التوفير
وزى ما عارفين ما وصلتنا مساعدات ( الأصح هدايا) دولارية ولا يورية ولا ريالية.
ح نجيب طماطم بدل التفاح ( والله كمان الطماطم غالية)
طيب نجيب شنو ؟
نجيب تورته برضو غالية
نجيب كيك برضو غالى
نخليهو ما ممكن
خلاص لقيتها نعمل لقيمات وشاى لبن
وتصبحوا على خير
| |
|
|
|
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
صباح الخير
كل عام وانتم بخير بمناسبة العام الهجرى 1433هـ
طبعا بفتش فى البوست نصف ساعة
لقيتو فى الصفحة الثالثة وفى آخرها
يعنى يا ايمان ما فى زول عاوز يتحمل المسئولية ويخلى البوست فوق
غايتو من الاحد الى الخميس مسئوليتى والباقى عليكم
| |
|
|
|
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
رأيت كما يرى النائم عجايب
اشتعل الرأس شيبا
وتقدم العمر بهم
واصبح شباب طنطامن الجنسين كهول
فعلت الغربة بهم ما فعلت
وفعل العمر بهم ما فعل
واضح منهم من بلغ التقاعد الاجبارى
ومنهم من بلغ التقاعد الاختيارى
ومنهم من ينتظر
صدقوا أو لاتصدقوا
أعرف منهم من صار له حفدة ( جد) واعرف منهن من صار لها حفدة ( حبوبة)
ولو ما شايف الزعل حيصل بالذات زميلاتنا كنت كتبت ان بعضهن صرن لهن حفدة حفدة
واللبيب بالاشارة يفهم
.
.
.
.
وهل ينطبق ذلك على اقلامهم
هل هرمت عن الكتابة وتقاعدت
نحن فى انتظار الردود
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: عيد ميلاد بلقيمات وشاى باللبن
مافى احسن من كدة يا نزلاوى
|
والله يا رباب كان ممكن تكون زلابية بدل اللقيمات
وبعدين اللقيمات اساسا اسمها لقمة القاضى
وبالبلدى بنقول لقيمات
وبعدين يا رباب نحن الايام دى فى برد
يعنى اللقيمات أحسن
منها نشبع ومنها عيد ميلاد
وان شا الله ما حدش حوش
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
يا ست البوست عيلك الله خليك معانا شوية
رباب قالت بس بعاين بعيونى
ود مكاوى فتح ليهو كم بوست ومعنى ذلك الدائر مشغولة
ناس الخليج الظاهر لسع مضيوفين بالحجاج
وناس السودان من الواضح ما عندهم حق تفعيل النت
طبعا دا بالنسبة للأعضاء فى المنبر
الغير اعضاء شكلهم كدا لافى العير ولا فى النفير
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
قصة قصيرة
طبعا بحكم الغربة والبيئة الفقيرة التى انحدر منها وفى جلسة ونسة فى القاهرة مع بعض الاصدقاء المفتحين
من جامعة عين شمس ، ذكروا ان المحلقية الثقافية ( السفارة) تمنح الفقراء من الطلاب منحة اضافية تتراوح من خمسة جنيه الى عشرة جنيه وان هذه المنحة محاطة بالتكتم ، وشروط هذه المنحة احضار شهادة فقر
وعلمت ان اولاد العاصمة المثلثة ( الخرطوم وامدرمان وبحرى ) ليس لديهم حظ فى ذلك ولكنهم وبحكم تفتيحتهم ومعرفتهم بخبايا الامور استفادوا من هذه المنحة حيث استخرجوا شهادات الفقر من الاقاليم القريبة منهم.
وطبعا المقصود بالفقراء هم اولاد الاقاليم وبالطبع هم اشد فقرا
سألت من اين تستخرج شهادة الفقر
قالوا من المجلس البلدى وذلك بعد ان تثبت لهم انك فقير وبحضورك شخصيا
المهم عند رجوعى للسودان ذهبت الى المجلس البلدى
وبسهولة ويسر استخرجت عدد من شهادات الفقر والفقر المدقع .
وللتأكيد بأن الشهادة ما مزورة قمت بختمها بخاتم المجلس وخاتم المديرية
وللمزيد من التأكيد وحتى أحصل على منحة الفقر ذهبت الى مكتب العلاقات الثقافية وختمتها بختمهم مع التوصية الشديدة للحصول على هذه المنحة
بعد ذلك هدانى تفكيرى بان اقوم بتوثيقها فى وزارة الخارجية حتى تكتمل العملية
ذهبت الى وزارة الخارجية وطلبت منهم توثيقها
ردوا بأن رسوم التوثيق تبلغ عشرون جنيها سودانيا أى ما يعادل 32.5 جنيه مصرى ، وكمان لو اشتريت بيها شاى ماركة عباد الشمس تصبح تعادل خمسون جنيها مصريا .
عزّت لىّ العشرون جنيها وصرفت النظر عن توثيق الخارجية
المهم عدنا الى مصر الحبيبة
وتقدمت الى سفارتنا بشهادة الفقر المدقع الصادرة من مديرية النيل الابيض ( من أشد المديريات فقرا) ومن عاصمتها الدويم ( أشد مدن السودان فقرا ) فقررت سفارتنا العزيزة بأننى لا استحق اعانة اضافية .
فقمت بالهياج والكواريك واحدثت ضوضاء فى السفارة شدت انتباه المرحوم محمد سعيدمعروف ( المستشار الثقافى) فدعانى الى الدخول الى مكتبه
وسألنى عن سبب الهياج والكواريك فقلت له والله انا تعبت معاكم انا لفيت وتعبت علشان احضر هذه الشهادة التى كلفتنى ما كلفتنى من جهد تخلله سفر واحضار الشهود والتوثيقات كل هذا التعب ومافى اعانة زيادة ، فقام مشكورا بمنحى عشرة جنيه مصرى وصدق بمبلغ خمسة جنيه اضافية ( وانفرجت اساريرى ) وقمت بواجب الشكر وحفظ الجميل للسفارة.
استمرت هذه المنحة حوالى اربعة أشهر وتم ايقافها عن الكل والسبب اتضح ان كل الطلاب السودانيين فى مصر احضروا هذه الشهادة وبالبريد خلال بلوغنا شهر يناير 1983 توقفت المنحة تماما ، ولم أفلح فى استرجاعهاحتى يومنا هذا.
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
هواياتى فى مصر ( أكل الكشرى)
طبعا لأول مرة اتذوق طعم الكشرى المصرى كان فى العام 1982م وتقريبا فى شهر مارس
وكنت حينذاك فى زيارة الى بعض الاصدقاء فى القاهرة ، وقرروا أن نذهب الى وسط البلد ونتغدى كشرى ، فى الحقيقة منت مستاء اشد الاستياء من هذا المقترح ، وحيث كنت امنى نفسى بوليمة افضل قوامها فرخة معتبرة لضيافتى ، ولكن جاءت الاقدار كذلك ، المهم تشعبطنا فى الاتوبيس وذهبنا الى وسط البلد ، وكان ميدان التحرير وقتذاك كله كبارى علوية ، المهم ذهبنا الى مكان بيع الكشرى ( كشرى الحرير) وجلسنا وطلبنا الكشرى ، بالرغم من اننى كنت كاشى ( يعنى كنت معتقد اننى لا استطيع تذوقه) ولكن بعد سكبت فيه الشطة والصوص والدمعة وبدات فى الاكل كان مذاقه جميلا فاحببته منذ ذلك اليوم ، ولم أفوت اى فرصة فى تناول الكشرى عند ذلك المكان او اى مكان اسمع به كشرى ممتاز الى يومنا هذا فاصبح اكل الكشرى احد وجباتى المفضلة
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
ولآن وانا ازحف ببطء نحو الخمسين عاما
قضيتها متجولا بين دنقلا والدويم والخرطوم وطنطا وعمان والدوحة وجدة ومكة والمدينة وصنعاء وابوظبى ودبى والمنامة والشارقة والكويت وبيروت والرياض ودمشق وفرانكفورت وباريس ، رايت فيها ما سرنى وما اساء لى .
رحلة نصف قرن من الزمان
كان فيها اصدقاء واحباء
كان فيها اعداء
كنت فيها ودودا مع الجميع
رحلة فى كل محطاطها ذكريات لا تنسى
جمعت فيها الصداقات والاخوة والمال
كانت أجمل محطة هى امدرمان
حيث تزوجت
وكانت اجمل محطة هى عمان
حيث انجبت ألاء
وللقصة بقية
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
نواصل محطات الحياة
اما اجمل المحطات كانت قرية وقتذاك تسمى اقجة
تقع على نهر النيل الى الشمال من دنقلا
الان اصبحت جزءا من المدينة
كانت فيها الطفولة
وبحكم بذرتنا النوبية
كنت نوبيا ثقافة وانتماءا
كانت اجمل ايامنا
ايام الاعياد
وايام حصاد الفول والقمح
وايام حصاد التمر
عرفنا النوريج ( النوريق)
تعلمنا حش البرسيم
تعلمنا كيف نحصد المنقة
تعلمنا زراعة الخضروات
ذهبنا الى المسيد
حفظنا جزء عمّ
ثم ذهبنا الى المدرسة الأولية
وكانت بداية التعليم النظامى
وكنا نحن غير نظاميين
وللقصة بقية
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: وسلام مربع لأخينا نزلاوى
الأيامات دى أنا فى السودان الشقيق
لكين ما عارف لى درب لى أى زول والله عشان نصله
والزمن ممحوق
جرى شديد والله |
أهلا بالأخ الشقيق ابا ذر
البلد ترحب بيك
بس انت قول عاوز منو
ونحن بنوريك الدرب
طبعا الموضوع دا بكلفك شوية
وزى ما عارف الظروف الايام دى صعبة
حتى اسأل رباب الكارب
حتقول ليك الناس ديل حالتهم حالة
عيد الميلاد سوهو باللقيمات وشاى اللبن
نحن فى الانتظار
تخريمة
الاخ ابوذر انت من انهى بلد
علشان نتأكد بلدكم شقيقة ولا لأ
| |
|
|
|
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
نتابع المحطات يا رباب
ما زلنا فى محطة اقجة - دنقلا
كنا نذهب الى المدرسة راجلين (كدارى)
وتبعد المدرسة الاولية عن دارنا حوالى ثلاثة كيلو متر
كان الزى المدرسى حينذاك جلابية وعمة
كانت المدرسة اربعة فصول مثل فصول السنة
كنّا لا نجيد اللغة العربية فهى لغة اجنبية بالنسبة لنا
كانت لغتنا الأم هى الرطانة
فوجدنا قرارات حازمة بالمدرسة وتم تنبيهنا لها من أول يوم
أهمها ممنوع التخاطب بالرطانة
العقاب الجلد أول مرة
آخر سلم العقاب الفصل من المدرسة
التزمنا بالتوجيهات إلا قليلا
فاصابنا الجلد
مرت الايام والسنين فاصبحنا ناطقين باللغة العربية
حتى اكملنا الصف الثانى وتحولنا الى نظام جديد وزى مدرسى جديد
كانت هنالك صعوبة فى قبول الزى المدرسى الجديد
كان خارج عن عاداتنا وتقاليدنا
ولكن لا بد مما ليس منه بد
كان يعجبنى شرب الكركدى الحار بدلا من الشاى
وكنت اشتاق الى المدرسة لكى اشرب الكركدى
كنت احب سندوتش الفول ، هو تغيير من التركين والكداد والوريق
كانت المدرسة تعج بابناء الفلاليح ( جمع فلاح)
وكنا لا نقول فلاحين بل نقول فلاليح
وهم سودانيون من أصول مصرية
لكنهم كانوا غالبية سكان المدينة
وفى مرة من المرات وبالرغم من انى كنت مجتهد واى قدر من الذكاة ، كانت الحصة إملاء
وجائت كلمة لكن فكتبتها ( لا كن )
وكنت انطق ثمانية ( تماينة) وكنت انطق الدنيا ( الدينا)
وهكذا كان حالى الى اكملت الصف الرابع بمدرسة دنقلا الأولية
ملاحظة
سافرنا الى الدويم فى العام 1972م وكنت فى بداية الصف الثالث
وتم الحاقنا بمدرسة بخت الرضا - نهر على عبداللطيف ومكثنا ثلاثة أشهر حيث عدنا الى دنقلا مرة أخرى
وفى خلال تلك الفترة التقيت بزميلى الهادى هبانى وكان صديقى فى هذه الفترة القصيرة.
الحلقة القادمة
نستكمل مشوار محطة دنقلا
وبعدها ننتقل الى محطة الدويم
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
طبعا كالعادة
الوقت انتهى
زمان فى المدرسة التلاميذ فى نهاية اليوم الدراسى بقولو البيوت ... البيوت
وعندما تقرر ادارة المدرسة لأى سبب انهاء اليوم قبل نهاية اليوم الدراسى ونحضر الى بيوتنا (منازلنا)
كنّا نسأل لماذا اتيتم مبكرا ( ليه جيتوا بدرى)
كنّا نرد طلقوناأو فكونا
وكلمة طلقونا أو فكونا كانت تستعمل على نطاق واسع وسط الاهالى كما يلى
يا ولد طلّق البهائم( يعنى فك الحبل من رجل البهيمة)
يا ولد طلّق الحمار ( يعنى فك الحبل من رجل الحمار)
الآن حان وقت الإقلاع ( على وزن لغة المطارات)
لقائى بكم غدا احبتى
لنستكمل محطات فى حياتنا
تصبحون على خير
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
صباح الخير
صباح الذكريات
سنواصل اليوم مشوار المحطات وستكون متسلسلة وارجو ان تكون طريفة وغير مملة
ما زلنا فى محطة دنقلا - اقجة
حيث كان السواد الأعظم من الناس فقراء كحال أهل السودان فى ذلك الزمان
نعم كانوا هناك اغنياء ولكن بعدد اصابع اليد
ولكن لن تعرفهم ، كان يرتدون نفس ملابس الفقراء ويأكلون نفس طعام الفقراء
حيث لا بديل متوفر للمبوسات او المأكولات
اضف الى ذلك خوف الاغنياء المتوارث منذ المهدية من مصادرة املاكهم
حيث حدثنا جد والدى عن قصص فى زمن المهدية لم يتطرق لها تاريخ السودان
ظلم فى ظلام
والله هذا الشعب السودانى منكوب منذ زمن بعيد
المهم عدنا الى مدرسة دنقلا الأولية
حيث اكملت الصف الثالث والرابع
بعدها اصبت انا واشقائى بحمى التيفويد
ولم يتوفر علاج لهذه الحمى سوى الادوية الخافضة للحرارة بالاضافة الى القرض وزيت السمسم وبعض الادوية البلدية
طبعا ناهيكم عن اقجة فدنقلا المدينة لم تعرف شبكات مياه الشرب والكهرباء حتى العام 1973م.
تصدقوا كان يمر جدول مياه بوسط المدرسة لكى يوفر ماء الشرب.
كنا نشرب المياه مباشرة من الجداول وذلك بالإنبطاح على حافة الجدول وبفمك مباشرة الى الجدول كما تفعل الحمير وبقية الدواب.
نهضت والدتى أطال الله فى عمرها واقسمت بأن لا نمكث بعد شفائنا يوما واحدا فى اقجة، وبالفعل بعد شهر شددنا الرحال الى مدينة الدويم
وعبر الطريق البرى كانت الرحلة شاقة وتأخذ اربعة ايام وباللوارى.
نذكر الباجة وابوضلوع ( رمال لاتسطيع العربات المرور فيها إلا بمساعدة البشر ( المساعدية) وبالصاجات.
مناطق الانجمام
القولد ، الغابة، التمتام ، ام الحسن، بوحات .
وصلنا امدرمان فى الصيف ، واسقبلنا بعض الأهل الذين كانو على علم بقدومنا بواسطة التلغراف
تذوقت طعم الميرندا أول مرة وحقيقة كانت جميلة - بس انشرقت -
نودع هنا هذه المحطة والتى بها الكثير الكثير من الذكريات فيها ما يمكن كتابته مستقبلا .
والى المحطة القادمة
الى المدنية
الى التحضر
الى الكهرباء
الى المواسير
الى السينما
الى دورة الألعاب الأولمبية
الى الاستاد
الى الايسكريم والدندرمة
الى والى ....
والى لقاء
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: نودع هنا هذه المحطة والتى بها الكثير الكثير من الذكريات فيها ما يمكن كتابته مستقبلا .
|
والله انا ذاتى ما فهمت مستقبلا دى
بدأنا بخمسين سنة
تانى فى مستقبل
كما أرجو تدوين ملاحظاتكم لبعض الكلمات مثل ( ألانجمام) تعنى الاستجماممهكذا
وبرضو معذورين
لأننا لسنا عرب كما ندعى
نحن ننحدر من جينات أوربية وليس كما يدعى البعض نحن افارقة
فى النهاية عجم
والعاقبة عندكم فى المسرات
تحياتى
| |
|
|
|
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
شكرا ليك يا رباب
انا فى البداية قلت لأيمان بعد اذنك انا سأستولى على هذا البوست ، وعزمت على ذلك ومن غير انتظار لمواقتها المضمونة قمت بالاستيلاء عليه، وبدأت احكى عن بعض المواقف فى تلك الايام الخوالى ، وما فى واحد ولا واحدة شجاعة تداخل معى فى الحكاوى الطنطاوية ، فقررت ان اسرد محطات فى حياتى من خلال البوست بما فيها محطة طنطا .
نواصل
| |
|
|
|
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
Quote: والى المحطة القادمة
الى المدنية
الى التحضر
الى الكهرباء
الى المواسير
الى السينما
الى دورة الألعاب الأولمبية
الى الاستاد
الى الايسكريم والدندرمة
الى والى ....
والى لقاء |
وصلنا الى محطة مدينة العلم والنور
وكان ذلك فى نهاية صيف عام 1973م
حيث كانت المدنية والتحضر
واجهتنا فى البداية مشكلة التخاطب
فكان لساننا يخرج العربى مكسر ومبهدل
الامر الذى جعلنا اضحوكة فى المدينة
علما من الناحية الاكاديمية كنّا ممتازين فى الكتابة بالغة العربية وباسلوب افضل من أهل المدينة الذين يجيدون التخاطب.
يعنى بالضبط زى حالة اللغة الانجليزية السودانيون يجيدون الكتابة ويتلعثمون فى المخاطبة
طبعا دا زمان ، وين هسع الناس عاشت فى امريكا واوربا وبقوا خطيرييين ( ان شاء الله حالنا)
المهم كان اول مالفت نظرى لمبة الكهرباء القلوز ومفتاحها واضائتها
حيث كنّا فى ما ضينا نستخدم اللمبة ام مليم ومرات الفانوس ( ولأنو ببقبق كان استعماله خفيف) واخيرا فى المناسبات كانت تستخدم الرتائن (جمع رتينة)
نرجع الى الكهرباء
اتذكر ذلك اليوم جيدا حيث جلست بالقرب من مفتاح لمبة الكهرباء وبدأت (on &off) طوال اليوم وانا فى حيرة من امرى ، لا يوجد جاز ولا قيطان ولا كبريته كيف ان هذه المصيبة تضىء ومن غير دخان ولا بقبقة. صراحة موضوع الكهرباء موضوع طويل لأنو نهايته معى كانت صعقة كهرباء وربنا لطف.
اما الجانب الاخر فكانت الماسورة ( الصنبور) والله كنّا نستغرب المويه بتجى من وين ، بل مرة غرست ماسورة فى الحيطة عشان تجيب موية ( والله فهم)
والعجب الدش ( الحمام)
وبالمناسبة كانت ثقافتنا من الفاكهة ( المنقة والبرتكان والبلح واليوسفى )
فى الدويم لقينا التفاح والكمثرى والعنب والبرقوق والموز والاناناس والدليب والقنقليز وتمر هندى ( العرديب) والقضيم .
هسع الكلام دا فضايح ونشر غسيل ، ولا حديثا يذكركم بماضى حالكم المرير .
يا جماعة غير رباب فى متابعين ؟
ردوا
أو اقطع المحطات واعود فورا الى محطة طنطا واتحدث عنكم بما أحفظه خاصة وانى كنت عليم بمواقفكم وبرلمتكم وحكاوى استقيتها من دبايب طنطا وعجائز طنطا ، أحسن لكم ان تسردوها طواعية لا كرها.
رباب خلى بالك الى لغتى العربية وتطورها يوما بعد يوم
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
أنا الاستيك
أنا القلوى
أنا حامض خطييييير نووى
الناس عملوا مس كول
ورسائل على الموبايل
طلبوا أن أكتفى بمحطاتى
ولأسباب منزلية والعيال كبرت
وطبعا العيال من صغار مفتحين
اعتذروا عن قصص برلمتهم ومواقفهم الطريفة.
اما انا سأواصل السرد ( حلوة دى) للمحطات
عسى يستفيد منها القارىء الكريم
ويعمل حسابو للمستقبل ( ان تبقى لكم مستقبل)
نسيت أقول صباح الخير
صباح الفل
صباح الياسمين
صباح الورد
هذه تصبيحات راقية تعلمتها فى طنطا من زملائى وزميلاتى ( حلوة زميلاتى دى) المصريين والمصريات.
نواصل بعد قليل
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
من حسن حظى أن والدتى من مدينتى امدرمان والدويم
الدويم اصبحت المقر الدائم
امدرمان خصصت لقضاء جزء من الاجازة ( حسب الحالة المادية)
استقرينا فى الدويم
التحقت بالصف الخامس - نهر النجومى
ومن حسن حظى تواجد الهادى ادريس هبانى بذات النهر والصف فهو دفعتى
بخت الرضا أو معهد التربية بخت الرضا
عبارة عن مجموعة مدارس ابتدائية (7مدارس) فى منطقة واحدة.
وتضم معهد اعداد المعلمين - مدارس ابندائية.
وتضم معهد اعداد المعلمين للمرحلة الثانوية العامة.
وتضم ثلاثة مدارس ثانوية عامة(الوسطى)
وتضم اعداد المناهج والكتب
بخت الرضا زاخرة بالانشطة الثقافية والاجتماعية والرياضية.
المسرح شغال فل تايم
الرياضة واداراك النشاط الرياضى اهتمام لا استطيع ان اصفه إلا بدورة الألعاب الاولمبية، ولذلك كان ناس الدويم متقدمين على الامة السودانية.
العبد لله كان محظوظا وربّ ضارة نافعة ( اتذكرون حمى التيفويد)التى تسببت فى هذه النقلة النوعية.
المهم هذه قطرة من فيض عن بخت الرضا.
كان نهر النجومى مختلطا(بنات وأولاد)
الكنبة ( المقعد) يسع تلميذين.
كان حظى ان أكون فى كنبة مع التلميذة زميلتى بالصف وتدعى حنان.
طبعا أنا معقد لا أفهم هذا الوضع ولا أقبله بحكم ثقافتى البدوية الريفية الاقليمية المتخلفة .
فذهبت الى مشرف الصف وكان الاستاذ والمربى الجليل على ما أعتقد يوسف هبانى شقيق الهادى ، طلبت منه ان اجلس مع احد التلاميذ.
ولما كانت لغتى العربية لا تساعدنى فقد افهمته خطأ ، وذلك بتذكيرى للتلميذة وتأنيثى للتلميذ، فلما علم باننى اجلس مع تلميذة استغرب فى طلبى ، انقذنى فى هذه اللحظة معلما من دنقلا ففهم الحديث وشرحة للاستاذ.
حالوا اقناعى بأن هذه المدرسة مختلطة ولا بد من الخضوع للقانون، فطلبت نقلى الى نهر آخر فرفض الطلب.
عموما لم اتعود الى الجلوس مع البنات لفترة حتى بأت الثقافة والمدنية والتحضر تسرى فى شعيرات مخى الى أن تطورت الى انسان متحضر.
صادفتنى مشاكل كثيرة وسط التلاميذ وبالذات محاولاتهم محاكاتى أو طلبهم بأن انطق بعض الكلمات ، ولكن ولأننى نبيه تغلبت على لسانى خلال سنة دراسية واصبحت فصيح اللسان.
للإختصار اكملت الصف الخامس والسادس وكانت أيام جميلة لم أرى مثلها فى مدارس السودان الأولية أو الابتدائية- فبخت الرضا دولة مستقلة داخل جمهورية السودان لها اعيادها الخاصة ولا تمت بصلة الى وزارة المعارف او وزارة التربية والتعليم لاحقا.
حلوة وزارة المعارف دى مش كدا.
ما قلت ليكم منكم من بلغ الخمسين والستين والمعاش وما صدقتونى.
والى اللقاء فى حلقة قادمة
فى محطة الدويم
خالص مودتى وعرفانى للذين ساهموا فى تغيير ملامحى الفكرية والثقافية والاجتماعية آنذاك.
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
من حسن حظى أن والدتى من مدينتى امدرمان والدويم
الدويم اصبحت المقر الدائم
امدرمان خصصت لقضاء جزء من الاجازة ( حسب الحالة المادية)
استقرينا فى الدويم
التحقت بالصف الخامس - نهر النجومى
ومن حسن حظى تواجد الهادى ادريس هبانى بذات النهر والصف فهو دفعتى
بخت الرضا أو معهد التربية بخت الرضا
عبارة عن مجموعة مدارس ابتدائية (7مدارس) فى منطقة واحدة.
وتضم معهد اعداد المعلمين - مدارس ابندائية.
وتضم معهد اعداد المعلمين للمرحلة الثانوية العامة.
وتضم ثلاثة مدارس ثانوية عامة(الوسطى)
وتضم اعداد المناهج والكتب
بخت الرضا زاخرة بالانشطة الثقافية والاجتماعية والرياضية.
المسرح شغال فل تايم
الرياضة واداراك النشاط الرياضى اهتمام لا استطيع ان اصفه إلا بدورة الألعاب الاولمبية، ولذلك كان ناس الدويم متقدمين على الامة السودانية.
العبد لله كان محظوظا وربّ ضارة نافعة ( اتذكرون حمى التيفويد)التى تسببت فى هذه النقلة النوعية.
المهم هذه قطرة من فيض عن بخت الرضا.
كان نهر النجومى مختلطا(بنات وأولاد)
الكنبة ( المقعد) يسع تلميذين.
كان حظى ان أكون فى كنبة مع التلميذة زميلتى بالصف وتدعى حنان.
طبعا أنا معقد لا أفهم هذا الوضع ولا أقبله بحكم ثقافتى البدوية الريفية الاقليمية المتخلفة .
فذهبت الى مشرف الصف وكان الاستاذ والمربى الجليل على ما أعتقد يوسف هبانى شقيق الهادى ، طلبت منه ان اجلس مع احد التلاميذ.
ولما كانت لغتى العربية لا تساعدنى فقد افهمته خطأ ، وذلك بتذكيرى للتلميذة وتأنيثى للتلميذ، فلما علم باننى اجلس مع تلميذة استغرب فى طلبى ، انقذنى فى هذه اللحظة معلما من دنقلا ففهم الحديث وشرحة للاستاذ.
حالوا اقناعى بأن هذه المدرسة مختلطة ولا بد من الخضوع للقانون، فطلبت نقلى الى نهر آخر فرفض الطلب.
عموما لم اتعود الى الجلوس مع البنات لفترة حتى بأت الثقافة والمدنية والتحضر تسرى فى شعيرات مخى الى أن تطورت الى انسان متحضر.
صادفتنى مشاكل كثيرة وسط التلاميذ وبالذات محاولاتهم محاكاتى أو طلبهم بأن انطق بعض الكلمات ، ولكن ولأننى نبيه تغلبت على لسانى خلال سنة دراسية واصبحت فصيح اللسان.
للإختصار اكملت الصف الخامس والسادس وكانت أيام جميلة لم أرى مثلها فى مدارس السودان الأولية أو الابتدائية- فبخت الرضا دولة مستقلة داخل جمهورية السودان لها اعيادها الخاصة ولا تمت بصلة الى وزارة المعارف او وزارة التربية والتعليم لاحقا.
حلوة وزارة المعارف دى مش كدا.
ما قلت ليكم منكم من بلغ الخمسين والستين والمعاش وما صدقتونى.
والى اللقاء فى حلقة قادمة
فى محطة الدويم
خالص مودتى وعرفانى للذين ساهموا فى تغيير ملامحى الفكرية والثقافية والاجتماعية آنذاك.
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
فوق
فوق
نرغب فى المداخلات
نرغب فى تعليقاتكم فيما اكتب
ان شا الله تعليقات سلبية
ما فى أى حرج
بس انا شجاع
ما بخاف من الماضى
وبعيش الحاضر
وبعمل للمستقبل
تانى المستقبل يا صلاح
باااااااااى
(حلوة بااااااااى دى)
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
فوق
:::
:
فوووووووووووق"
ذكرياتنا فوق
ارفعوا هذا البوست
عاوز زول يحرس البوست دا
ليس مجانا ، ندفع مرتب مغرى
من يجد فى نفسه الكفاءة فليتقدم بطلبه مشفوعا بالسيرة الذاتية
أهم حاجة يكون عندو خبره فى السهر والمراقبة
سلام
| |
|
|
|
|
|
|
|
|
|
Re: خريجوا طنطا اجمعوا هنا (Re: كمبورة)
|
صباح االخير
ويوم سعيد
طبعا سأغيب عنكم يوم الجمعة والسبت
أحرسوا البوست
بعد قليل سأواصل المحطات
بس بعد اذنكم اتحاوم فى المنبر شوية واجيكم
دقائق (سودانية)
| |
|
|
|
|
|
|
| |
صلاح الدين نزلاوى
ايمان بدر الدين
عاطف مكاوى
Asim Fageary
Rabab Elkarib
Research In Motion BlackBerry 9300(1600x1200).JPG)
نورالدين بابكر بدري
أبوذر بابكر
كمبورة
فيس بوك
تويتر
انستقرام
يوتيوب
بنتيريست