|
|
 Re: خريجوا طنطا اجمعوا هنا (Re: صلاح الدين نزلاوى)
|
بعد التسكع فى المنبر العام وتفقد البوستات الجديدة وذلك من أجل الزيادة المعرفية وزيادة حصيلتى من الشمارات .
يا رباب طبعا المقصود بالشمارات ما ح تعرفيهو وأنا ما عندى أى استعداد لتوزيع المعلومات مجانا
وبالمناسبة لكل الطنطاويين فى الشتات من اراد ان يتعلم اللغة الجديدة التى تشابه لغة الرندوك فالتكاليف لا تقبل إلا بالدولار الامريكى
كل العملات الاخرى مرفوضة .
التحويل الى حسابى الشخصى والخاص والسرى فى سويسرا، وللحصول على الرقم السرى يرجى الاتصال بمديرة مكتبى فى جنييف ، وللحصول على رقم مديرة المكتب فما عليكم إلا بالاتصال على السكرتيرة ، وتجدون هاتف السكرتيرة بكتابة اسمها ولقبها على الباحث قوقل .
مع مودتى
| |
 
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
نواصل ونحن ما زلنا فى محطة الدويم
فى مارس 1975م كان الامتحان يوم يكرم المرء أو يهان
ولقد تخطيت هذه العقبة بشبه جدارة
حيث تم قبولى فى واحدة من أعرق المدارس فى السودان - وهى تتبع لمعهد التربية بخت الرضا -
مدرسة الدويم الريفية الثانوية العامة - سابقا الوسطى
هذه المدرسة تستحق أن يفرد لها بوست كامل وسأفعل ذلك بعد الاستئذان من السيد/ الرئيس الهادى هبانى
( ستعرفون من خلال هذه المحطة لماذا الهادى هبانى هو الرئيس)
استقبلتنا حكومة مدرسة الدويم الريفية استقبالا يليق بمكانتنا
واطلعتنا على القوانين والنظم واللوائح التى ستحكم تواجدنا كمواطنين داخل هذه المدرسة الدولة
كنت بالصف الأول (أ) حيث يوجد نهرين بالمدرسة ، وكنت أجلس أنا وزميلى الهادى هبانى متجاورين فى الصف الثالث
ومن قولت تيت بدأنا دراسة - المدرسة منظمة تنظيم يفوق استيعاب عقولكم فى ذلك الزمان ( ويمكن كمان حسع)
السنة الدراسية فى هذه المدرسة تسعة أشهر -تبدأ من أول يوم 1/7 من كل علم وتنتهى فى 15/9 من كل عام
الزمن مفسم بدقة بالشهر والاسبوع واليوم والساعة والدقيقة والثانية هذا كلام حقيقى وواقعى.
يبدأ اليوم الدراسى الساعة 6:45 صباحا وينتهى 2:30 ظهرا ، ثم نعود يوميا ما عدا الخميس الى حصتا المذاكرة من 6:30 مساءا وحتى 9مساءا
وبالتالى كل ايام الاسبوع انت متواجد فى المدرسة بما فيها الجمعة.
جدول الحصص يبدأ من اليوم الأول .
الانشطة المدرسية كانت كما يلى:
الجمعيات الصباحية
المنازل الرياضية
الانضباط اشد من الضبط والربط فى الوحدات العسكرية
سأواصل بعد قليل
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
نسبة لتعجلى لذكريات طنطا سأقوم بالاختصار فى هذه المحطات
عموما بالنسبة للريفية ساختصر بشدة حتى نفتح لها موضوع جديد
محطات الريفية
نحن فى الصف الأول كان الهادى هبانى كثير المشاركة فى حصة الانجليزى
وكنت انا كثير السرحان فى الحصص
والقانون فى حصة الانجليزى يتطلب وقوف التلميذين للمحادثة باللغة الانجليزية
ولما كان زميلى الهادى كان يرفع يده باستمرار للمشاركة وكانت دائما الفرصة له وانا سارح بكون قاعد الى ان يتم تنبيهى
طبعا نجرى المخاطبة بامتياز ولكن يكون نصيبى الجلد ثلاثة سياط ( الهادى عذبنى)
تخلصت من الهادى فى الصف الثانى.
ونحن فى الصف الثانى اجريت انتخابات حرة مباشرة لإختيار الحكومة الجديدة للمدرسة ، وكان مرشح أحد مرشحى الرئاسة الهادى ، وقدنا حملة دعائية ممتازة ، وفاز مرشحنا الهادى هبانى بالرئاسة، كما فاز بعض اصدقائى بحقائب وزارية ( تلك مؤسسة تحتاج الى كتاب )
عموما اكملناالمنهج المرسوم خلال الثلاثة سنوات بذكرياتها العطرة والتى كونت منّا شخصيات صالحة واجتزنا وزملائى امتحان الشهادة الثانوية الصغرى بجدارة وتم إذاعة اسمى بالراديو مقبولا بمدرسة النيل الابيض الثانوية العليا - داخلية بحر الغزال
يوم الاحد ساتحدث باختصار عن الفوضى التى تعلمناها فى هذه المدرسة والاضرابات ودك الحصص وانواع الغذاءات فى السفرة وكيفية جلب الضفادع ورميها فى صحن العدس ومن ثم الاحتجاج والاضراب
وتقبلوا سلامى وتحياتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
يا جماعة واضح ان خريجوا أو خريجى طنطا ليس لديهم الرغبة فى زيارة هذا البوست والتعليق
وهذا يعود الى :
إما لا توجد رغبة فى العودة الى الماضى وبالتالى هو ماضى غير مرضى عنه.
إما بسبب مشاغل الحياة وهذه على طريقة الزميلة رباب
إما بسبب قلة الاعضاء فى المنبر من خريجى وخريجات طنطا
إما بسبب عدم وجود علاقة بين التقنية الحديثة ومعظم الخريجيين
ولذلك قررت أن أواصل الكتابة فى هذا البوست واترك القراءة الى رباب حتى تستأنس بها فى غربتها ردها الله سالمة واسرتها.
سأقوم ببعض الزيارات فى المنبر العام وأعود للكتابة
تحياتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
يا جماعة واضح ان خريجوا أو خريجى طنطا ليس لديهم الرغبة فى زيارة هذا البوست والتعليق
وهذا يعود الى :
إما لا توجد رغبة فى العودة الى الماضى وبالتالى هو ماضى غير مرضى عنه.
إما بسبب مشاغل الحياة وهذه على طريقة الزميلة رباب
إما بسبب قلة الاعضاء فى المنبر من خريجى وخريجات طنطا
إما بسبب عدم وجود علاقة بين التقنية الحديثة ومعظم الخريجيين
ولذلك قررت أن أواصل الكتابة فى هذا البوست واترك القراءة الى رباب حتى تستأنس بها فى غربتها ردها الله سالمة واسرتها.
سأقوم ببعض الزيارات فى المنبر العام وأعود للكتابة
تحياتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
يا جماعة واضح ان خريجوا أو خريجى طنطا ليس لديهم الرغبة فى زيارة هذا البوست والتعليق
وهذا يعود الى :
إما لا توجد رغبة فى العودة الى الماضى وبالتالى هو ماضى غير مرضى عنه.
إما بسبب مشاغل الحياة وهذه على طريقة الزميلة رباب
إما بسبب قلة الاعضاء فى المنبر من خريجى وخريجات طنطا
إما بسبب عدم وجود علاقة بين التقنية الحديثة ومعظم الخريجيين
ولذلك قررت أن أواصل الكتابة فى هذا البوست واترك القراءة الى رباب حتى تستأنس بها فى غربتها ردها الله سالمة واسرتها.
سأقوم ببعض الزيارات فى المنبر العام وأعود للكتابة
تحياتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
مرة اخرى الى محطة الدويم
اصبحنا شباب
تفوقنا فى الدراسة
تم قبولنا بمدرسة النيل الابيض الثانوية العليا( حاليا كلية الزراعة-جامعة بخت الرضا)
يعنى بإختصار اصبحنا بين ليلة وعشاها ( ليلة وضحاها) والله ماعارف الصاح ايهما، عموما اصبحنا أو اضحينا خرجى كلية الزراعة.
حينما اتينا الى هذه المدرسة كنّا غاية فى الادب والتهذيب ، نحترم الكبير والصغير ، حديثنا كان عذا جم الادب ، منضبطين غاية الانضباط سلوكنا حسنا للغاية مهذبين .
المدرسة الثانوية العليا تختلف تماما عن بيئتنا من كل النواحى كما يلى:
انضباط الى فوضى عارمة
تهذيب الى عدم تهذيب ( قلة ادب )
التزام بالمواعيد الى فوضى ودك حصص
احترام المعلم الى التدخين بل والى تخميس السيجارة مع المعلمين.
عقوبة الجلد والتأنيب الى تحدى الاساتذة والصول والامنتاع عن العقوبة (رجالة)
نشاط اكاديمى مميز الى اهمال بل والخروج اثناء الحصص دون مبالاة
تهذيب المظهر العام الى الخنفس والبهدلة
وا حسرتاه انفرط عقدنا وخرجنا من المولد بدون حمص
وفوق ذلك نختلق المشاكل ( رمى الحشرات فى صحن العدس أو الاسود والقرع ) لنحدث الفوضى فى المدرسة والاضراب
نتحدى البوليس
نقود المظاهرات
تتحول المظاهرات الى سياسة
نرفض نظام الحكم
تسقط مايو
يسقط الاتحاد الاشتراكى
يتم الاعتقال
تزداد المظاهرات
تشارك الجماهير
تمتلىء المعتقلات
نطالب بالافراج
تغلق المدرسة الى اجل غير مسمى
فجأة ووسط هذه الزوابع المتكررة وجدنا انفسنا فى الصف الثالث .
وحدث ما حدث بعد ذلك
نواصل
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
مواصلة محطة الدويم والخول الى محطة مصر
كنت قد التحقت بالصف الثالث الرازى ( علمى احياء) بالرغم من نصيحة المدرسة بالالتحاق بالرياضيات تخصص ، ولما كنت ارغب فى دراسة الطب مثلى ومثل أى شخص آخر قررت ولوحدى ان التحق بالميساق العلمى احياء تبع جريجور مندل ، ولم تكن لى أدنى المؤهلات الاكاديمية ، كل ما لدى اننى امتلك بعض من الذكاء والشطارة فى الرياضيات حيث كنت مواظبا على هذه المادة بحكم ارتياحى لها.
امتحنا الشهادة السودانية فى مارس 1981م وتفوقنا على انفسنا ، حيث احرزنا درجات ممتازة لم تدخلنا الى كلية الطب وهى الرغبة الأولى ، البوكسنج كان مرتفعا قليلا الطب 240 درجة انا احرزت 216 درجة ، عليكم الله ما قربت ، حسع مالو لو كان قبلونى ، انا ما إجتهد بعد دك الحصص ولعب الكورة خلال ساعات اليوم الدراسى وجبت مجموع قدر دا والله ما قصرت لكن مكتب القبول ما عندو نظر ، الناس الجابو المجموع ديل ما دكوا حصص ولا شاغبوا كان أولاد ناس بحضروا الحصص وبذاكروا يعنى الظروف كلها معاهم .
طبعا وعلى حسب محدودية ثقافتى ومعرفتى بالدراسة الجامعية ( كنت اعرف فقط جامعة الخرطوم) وبالتالى ومع الفشل الذريع قررت أن اعيد السنة واجتهد أو ادخل الكلية الحربية مصنع الرجال وعرين الابطال وكانت مضمونة (واسطة قوية)، فجأة ظهر السمانى جارنا العزيز والذى يدرس فى الجامعة - كلية الزراعة- (عين شمس) وسألنى عن نتيجة الامتحان وأخبرته بأننى نجحت ولكن مكتب القبول حجب عنى القبول وحرمنى من أن اكون طالبا جامعيا ، فقررت أن اعيد السنة وأغير من سلوكى وان التزم التزام الطالب الاكاديمى ، فرد على وكان رده وجد هوى فى نفسى ( قال: من الافضل ان تقدم اوراقك للبعثات المصرية، وسوف يتم قبولك فى الجامعات المصرية ، وسترى فاتن حمامة على الطبيعة اما سميرة سعيد فيمكنك مقابلتها بسهولة ويسر ) واضاف انك سترى بلدا جديدة وحضارة جديدة وتختلط مع بشر من دولة اخرى وستضيف لنفسك ثقافة جديدة وستذهل حينما تزور مصر ، فقط ما عليك إلا ان نستخرج اورنيك التقديم (استمارة التقديم باللغة الجديدة) كما ابلغنى أن الدراسة مجانا (حلو) وان الحكومة تمنحك مرتب شهرى وووووالخ- الفكرة راقت لى خاصة واننى سأبحث عن سميرة سعيد تلك الفتاة التى طالما اعجبت بها وأولعت بها حبا ، كما أننى سألتقى بفاتن حمامة ونبيلة عبيد (حسع انا ما شى ادرس فى الجامعة ولا ماشى اطارد الفنانات) ، المهم عملت كل الاجراءات وأصر السمانى ان كتب جميع الكليات حتى لا افقد فرصة الذهاب الى مصر وقد كان ، وودعنى وسافر الى القاهرة ووعدنى بالانتظار.
تم قبولنا بكلية التجارة جامعة طنطا ، وقبل ان نشد الرحال الى طنطا فجأة ظهر إعلان لدراسة الطب فى روسيا، دار فى ذهنى حديث السمانى عن الثقافات الجديدة والبلاد المتحضرة ورغبتى فى دراسة الطب ، طوالى تقدمت من جديد للمنح الروسية ، وبدأ الطلاب مغادرة السودان الى مصر فى شهر نوفبر 1981م ، بعد ثلاثة اسابيع ظهر إعلان فى البورد امام مكتب القبول يحتوى على عدد خمسة وسبعون طالباأو اكثر ووجدت اسمى بين هؤلاء الطلاب وكان اكثرهم من كلية الزراعة جامعة الخرطوم ، هذا الاعلان به تهديد ووعيد للطلاب المذكورين الذين تخصصوا فى ضياع فرص القبول للآخرين ، حيث تم قبولهم بالداخل والخروج ، وتم تحديد يوم للحضور الى مكتب القبول وإل سنفقد كل فرص القبول ةتتخذ اجراءات قانونية ضدنا.
بدأت ارتجف واصبحت اسعى وافتش عن الوساطات لتخرجنى من هذه الأزمة ، اخبرت شقيقى ( موظف فى مجلس الوزراء ) أن يلحقنى وينجدنى ويفزعنى، وقد كان ووجدنا الواسطة ، كان هدفى ان ارجع الدويم سالما ولا عاوز جامعة فى الخارج ولا الداخل ، المهم تم استدعائى الى مكتب القبول وبعد الهرشة الجامدة تم تخييرى بالذهاب الى طنطا أو الانتظار سنة كاملة والذهاب الى روسيا، فأجبت على الفور ( على كيفكم) ، طبعا ما داير أخش فى أى مشكلة لذلك تركت لهم الخيار ، فرد واسطتى وهو مراجع قانونى بأن الاسرة ترغب فى ان اصبح محاسبا قانونيا وفى المستقبل افتح مكتب للمراجعة والاستشارات المالية أو نحو ذلك من الحديث وكل ما أذكره(نزلاوى وشركاه محاسيون قانونيون).
تم توجيهى باستلام تذاكر السفر فورا والقيام الى طنطايوم الاحد ، فعلت ذلك ولكن ليس فى ذات التاريخ بل فى يوم 24/12/1981م أى بعد شهر من سفر الطلاب.
وصلت مصر ولم أجد فرق الاستقبال وكان يوما مشهودا ذكرنى بالفليم العربى (عادل امام ) رجب فوق صفيح ساخن
من وين يودى على فين
والى اللقاء فى الحلقة القادمة
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote:
سلامات
يا رباب الكارب
حلقة اليوم بعتذر عن كتابتهالظروف خارجة عن الارادة
على ان اواصل غدا
وصيتى ارفعوا البوست
ما تنسوا |
فى انتظار مزيدا من الحكى يا نزلاوى
وماشاءالله على الذاكرة الحديد
| |
|
|
|
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
مرحبا بالاخوة الزوار
مرحبا بكم جميعا
بالامس كنت اعانى من الآم عينى الشمال لذلك ذهبت الى طبيب العيون ، ولحسن حظى كانت طبيبة ، فمنحتنى العلاج الناجع ، واوصتنى ان اقلل الجلوس امام شاشة الكمبيوتر وبالتالى سأكون مضطرا الى الكتابة فى شكل روشتات طبيةحفاظا على عيونى ، ولاننى اعتقد ان عيناى جميلتان فقد اصابهم الحسد ، اذن وجع العيون ليس من التقدم فى السن بل أحدهن علقت على سواد عيونى عند ما كنت اقدم محاضرة عن ادارة مخاطر الاستثمار بالنقد الاجنبى بالاكاديمية .
عموما ربنا يكتب لى السلامة وينجينى من عيون الحاسدين .
سأعود وأواصل
| |
|
|
|
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
التحية الصباحية لكل الطنطاويين والطنطاويات
طبعا وكما تعلمون كلمة طنطا تعنى بالعامية المصرية (الخالة)
ومن المعروف لدينا أن الخالة والخال ابلغ حنية
وبالتالى طنطا لها حنين نحونا ولدينا المزيد
صباحكم عسل
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
محطة مصر
محطة السكة حديد فى القاهرة تسمى محطة مصر
وصلنا مساءا وكان بمعيتى أحد الشباب المصرى سودانى (جالية حلفاوى) كنّا رفيقى فى الرحلة ، حيث قدم لى خدمات جليلة فى وادى حلفا، أمسكت بتلابيبه واستنجدت به ، فأصر أن اذهب معه دارهم ( شقتهم)ومن بعد ذلك يدلنى على فندق ، فذهبت معه ووجدت والده رجلا طاعن فى السن واخوته واخواته، فلما دخلنا القينا التحية ولكن انشغل اهل الدار بعودة ابنهم وتركونى قائما حتى انتهت قبلاتهم لابنهم الذى غاب عنهم شهرا بجنوب الوادى ، وبعد قليل وأمامى سألوا رفقيقى عن هوية الشاب الذى هو انا ، وعرفهم بأننا اصدقاء ، المهم اكرمونى غاية الاكرام وودعتهم واخذنى محمد الى العتبة ونزلت ضيفا لمدة ليلة فى فندق خمسة سرارير فى الغرفة - فندق بغداد -
ولقد رويت لكم عبر الاخ ابوسنينة قصتى مع هذا الفندق.
والى لقاء آخر
تسلموا يا حبايبنا
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
وين ناس طنطا
حدثونا عنهم
وعن اخبارهم
معقول كلهم رحلوا عن هذه الدنيا
ألا توجد ليهم اخبار سارة أو حزينة
أليس لهم اولاد او بنات متفوقين اكاديميا او ثقافيا
أليس لهم نشاط ثقافى او اجتماعى
هل دورة الحياة انتهت بالنسبة لهم
والله بس ذكرتونى ايام البرد الشديد فى طنطا - بيات شتوى -
والله لو ما خايف منكم كان حكيت حكاوى عنكم لكن بس المانعنى قضايا التعويض وخايف الفيلا تروح شمار فى مرقة وما تحوق تعويض اول قضية .
ونقول نصبر شوية عليكم
الصبر مفتاح الفرج
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
ابو صلاح
سلامي وتحياتي لك وللاسرة الصغيرة والكبيرة
والله ياابوصلاح متابع كل ماتكتب وياله من شجن
بس والله صباحك عندنا ليل والعكس صحيح نقول
نحصلك ونجدع ليك كلمة كلمتين نلقاك ضربت النوم
الله يجمع شمل الجميع ويقرب البعيد.
بس بالمناسبة دي عاشرتك كل العمر ولم اسمع بانك
مولود في دنقلا والله ياابو صلاح كنت مفتكرك مولود
في شندي فوق ولا الحي التامن (في الدويم)
لكن طلعت قريب النميري وعبود .
اقتراح بسيط مادام بتعاود البوست دا كل صباح
ماتعمل لينا حكمة اليوم او نكتة اليوم وخاطرة اليوم (او احكي لينا نكتة البلولوم) اوع تكون نسيتا
عشان البوست دا يعيش في مدة اطول في دار اخونا بكري ابوبكر
ولك ودي وللاشواق عودة .
| |
|
|
|
|
|
|
|
|
|
Re: خريجوا طنطا اجمعوا هنا (Re: Magdi Algorashi)
|
والله اذا كنت بعرف الزغرودة كنت زغرت
اليوم شرفنا جميعا اخو الاخوان مجدى قرشى عبدالرحمن
بالمناسبة لمن لا يعلم بعد وصولى الى طنطا وانا برلوم كتب رسالة الى الاخ السمانى عباس ( زراعة عين شمس) أعلمه بوصلى وطبعا هو الشخص الوحيد الذى اعرفه فى مصر ، كان الرد شفاهة عبر مجدى قرشى ( هو ابن خالة السمانى) ومن يومها اصبح كفيلى الشرعى فى جمهورية مصر العربيةوولى أمرى فى طنطا .
اما نكتة البولولوم فهذه عندما سمعناها استغرقت وقت طويل لانها تبدا بشحن حاوية 80قدم وحتى وصولها الميناء ومن ثم التفريغ حتى نصلل الى الزجاجة الفارغة الصغيرة وتنفيذ الامر برميها فى البحر فاحدثت الصوت (بولولوم) عند امتلائها بالماء وتفريغ الهواء
ههههههههههههههههههههههههههه
والله يا مجدى مشتاق كتيييييير ليكم
وطبعا ما زالت زكريات كبسولة د/ ابراهيم حمد عالقة فى الذهن خاصة حلة القوانص .
هل تذكر حينما أطلت سميرة سعيد على القناة الاولى وتصدح بصوتها الشجى وجمالها المفرط ، حينها قال ابراهيم بس تقعد وتتفرج فى خلقة الله دى ، ومن يومها احببت سميرة سعيد وقررت الارتباط بها ولكن هيهات هيهات ، والفرق شاسع ما بين الواقع والفكرة ، بس الحب أعمى.
| |
|
|
|
|
|
|
|
|
|
Re: خريجوا طنطا اجمعوا هنا (Re: Magdi Algorashi)
|
يا جماعة تذكرون الباعوض فى مصر
مرة ومعى محمد الامين ومتوكل احمد ارباب استأجرنا شقة شمال غرب كلية التجارة فى وسط المزارع وباجرة زهيدة وكان ذلك فى بداية سنتنا الثانية، مكثنا شهر واحد فقط فى هذه الشقة ، واضطررنا تحت ضغط الباعوض الى الانسحاب الى داخل طنطا ، هل منكم من عايش مثل هذه التجربة فى طنطا
تحياتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: مرحبا بالاخوة الزوار
مرحبا بكم جميعا
بالامس كنت اعانى من الآم عينى الشمال لذلك ذهبت الى طبيب العيون ، ولحسن حظى كانت طبيبة ، فمنحتنى العلاج الناجع ، واوصتنى ان اقلل الجلوس امام شاشة الكمبيوتر وبالتالى سأكون مضطرا الى الكتابة فى شكل روشتات طبيةحفاظا على عيونى ، ولاننى اعتقد ان عيناى جميلتان فقد اصابهم الحسد ، اذن وجع العيون ليس من التقدم فى السن بل أحدهن علقت على سواد عيونى عند ما كنت اقدم محاضرة عن ادارة مخاطر الاستثمار بالنقد الاجنبى بالاكاديمية .
عموما ربنا يكتب لى السلامة وينجينى من عيون الحاسدين .
سأعود وأواصل |
صباح الخير يا صلاح
اولا تبرا وتستبرا من كل مرض وانت صغير والله
وشكرا لمتابعتك واهداءنا هذة الذكريات الجميلة
وبالله لو بتذكرنا نحن لما كنا برلومات او اى قصة كدة قولها لينا يا نزلاوى ومتين لاقيت ايمان بدرالدين مثلا فى طنطا وبعدين نجرر الونسة ههههههههه
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
سلام عليكم يا ناس طنطا
علكم طيبين
بقيتو ناس نقول ليهم صباح الخير
وناس نقول ليهم مساء النور
وناس نايميين
وناس الشمس انتصفت ليهم
وناس بشربوا فى شاى العصر
وناس ما جايبه خبر
وناس العيشة خلتها ما جايبة خبر
وآسفاى من ديل والزى ناس ديل
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
| Quote: وبالله لو بتذكرنا نحن لما كنا برلومات او اى قصة كدة قولها لينا يا نزلاوى ومتين لاقيت ايمان بدرالدين مثلا فى طنطا وبعدين نجرر الونسة ههههههههه |
يا ايمان صباح الخير أو مساء النور او سلام حسب التوقيت المحلى عندكم
اول حاجة علشان نبدأ صاااااااااح
انتو لمن جيتوا طنطا برلومات نحن كنّا برالمة فى مدرسة النيل الابيض الثانوية،
وبعدين انا شخصيا لمن جيت طنطا كنت صغييير، وكنت مسكين .
طبعا انتو السناير ونحن برالمتكم عشان كده بذكركم كلكم .
طبعا حسب ما سمعنا طنطا ما كان فيها بنات ، فقط ثلاثة طالبات ، بس قالو لمن انتو جيتو البلد نورت والثوب السودانى ظهر ، يعنى مرة واحدة كده قالو جيتو زى كم وعشرين طالبة (عينى باردة).
أهم مافى الموضوع يا ايمان علشان اتذكر صورتك قمت استخدمت الباحث قوقل ونجح فى الحصول على صورتك بس فى الوقت الراهن ، بس طوالى صورتك وانت يافعة فى ثمانينيات القرن الماضى حضلات الى ذهنى فورا وتذكرت ، يا ربى كم كانت ايام جميلة .
يا ايمان ٍسأجمع ذاكرتى واكتب لك عن تاريخ أول لقاء ببناتى فى طنطا وانت واحدة منهم وسأذكركم بالاسم الرباعى حتى تعلمى جيدا إن صلاح نزلاوى ذلكم الشخص الوفى لبناته وزميلاته وابنائه وزملائه .
وتحياتى لجميع اعمامى واخوالى وعماتى وخالاتى الذين زاملتهم فى طنطا بمختلف مراحل اعمارهم.
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
صباح الخير بالتوقيت المحلى لمدينة الخرطوم
يرجى من الجميع اعادة التحية حسب التوقيت المحلى لمدنهم
اليوم سؤال مهم
من منكم وقف فى طابور الجمعيات الاستهلاكية ( مجمعات النيل ، مجمعات الاهرام)
وذلك بغرض شراء فراخ الجمعية
معلومات اساسية
كيلو فراخ الجمعية اعتقد عشرون قرشا
ماركة فراخ الجمعية - برازيلية
الحالة : مجمدة ( انتاج كم شهر حتى وصولها الجمعية) لا طعم لها لحمها كالخيوط
ــــــــــــ
الفراخ الطازج او الطازة
الفرخة حية ترزق يتم وزنها ، سعر الكيلو سبعون قرشا
ماركة الفراخ - مزارع مصرية
الحالة: جديدة لنج طعمها خطيييير لحمها هش وحلو المذاق
عاوزين نعرف منو الكان بياكل فراخ الجمعية ومنو الكان بياكل الفراخ الطازة.
| |
|
|
|
|
|
|
|
|
|
Re: خريجوا طنطا اجمعوا هنا (Re: ايمان بدر الدين)
|
ايمان سلامات
اول حاجة عاوز اتعاب مقابل ادارة هذا البوست
ثانيا بالله انتو فى شقة السبعة بنات كنتوا بتاكلوا فراخ الجمعية .
والله انا كنت فاكر نحن برانا البنقيف فى الصف بتاع الفراخ
وللحقيقة الفرخة ما كانت بعشرين قرش ، كانت فقط بتسعة قروش
هههههههههههههههههههه
تحياتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: ايمان سلامات
اول حاجة عاوز اتعاب مقابل ادارة هذا البوست
ثانيا بالله انتو فى شقة السبعة بنات كنتوا بتاكلوا فراخ الجمعية .
والله انا كنت فاكر نحن برانا البنقيف فى الصف بتاع الفراخ
وللحقيقة الفرخة ما كانت بعشرين قرش ، كانت فقط بتسعة قروش
هههههههههههههههههههه
تحياتى |
هيا نزلاوى
نحنا كنا بناكل الطازجة وكمان بجيبوا لينا فتحية بنت ام سعيد ما كنا بنمشى للجمعية هى بتمشى تجيبوا من بتاع الفراج وبنضفوهوا ليها بس الفرخة واحدة لينا كووووولنا السبعة بنات مع رز
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
| Quote: نحنا كنا بناكل الطازجة وكمان بجيبوا لينا فتحية بنت ام سعيد ما كنا بنمشى للجمعية هى بتمشى تجيبوا من بتاع الفراج وبنضفوهوا ليها بس الفرخة واحدة لينا كووووولنا السبعة بنات مع رز |
برضو ما بصدق
الحكاية دايرة اثبات
انا بصدق اولاد ابوسنينة لأنو كان فعلا بجيبوا الفراخ الطازج واللحمة .
لكن انتو يطرشنى ما سمعت يوم عندكم فراخ طازج.
السمعتو عنكم كل خييييير ، قالوا كنتوا بمتخصصين ماجى ( مرقة دجاج واظنها مرقة دجاج مجمد) بتطبخوا بيها البطاطس ، وكمان سمعت قالوا الطاطس ثلاثة يوم فى الاسبوع ويوم فراخ مجمدة ويوم عدس ويومين صيام ( الاثنين والخميس) .
والكلام دا موثق والمستندات والوثائق مكتوبة باعتراف اخواتنا وزميلاتنا فى طنطا
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
الاخت / ايمان
السلام عليكم
احببت ان اعرف عن تاريخ السودانيين والسودانيات فى طنطا ما يلى
من هم أول من أدخل الويكة والشرموط الى طنطا
من هم اول من أدخل الكسرة والعصيدة الى طنطا
انا شخصيا اكلت العصيدة مرتين وكانت هدية من زميلاتنا ( حنان ، وكوثر ، وامانى) حيث كانت شقتهم فى نفس العمارة التى اسكن فيها.
والغريبة كانت فى رمضان .
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
سلام ابو صلاح
طبعا ذي ماقلت ليك نحاول نحصلك نشوت لينا
كلمة كلمتين معاك نلقاك ضربت النوم
تذكر ياابو صلاح فرن ام رضا في كفر عصام
كان حكاية بالنسبة لنا حكاية قمة الدعابة
كانت ست لئيمة وطويلة اللسان ولها قفشات
مع كل الاخوان الذين يرتادون ذاك الفرن
ولها موقف مضحك جدا مع الاخوان ابراهيم حمد والاخ زيدان
والموقف في اللقاء القادم بعد مايصحي ابو صلاح من النوم
نوم العوافي .
ولنا عودة
| |
|
|
|
|
|
|
|
|
|
Re: خريجوا طنطا اجمعوا هنا (Re: Magdi Algorashi)
|
صباح الخير يا مجدى بتوقيت كلفورنيا
يا مجدى انت عارف ان البوست دا المتابعينو صغار السن حتى ست البوست من صغار السن
لما تحكى عن ابراهيم حمد وزيدان وخليفة والسنجك والمرحوم مندليه ومحمد حسن وراجى وعماد وكرنجة ارجو منك توضيح مهم بأن هؤلاء كانوا اعمامنا نحن وبالنسبة للسادة المتابعين يمكن يكونوا فى حكم ابائهم ان لم يكونوا جدود لهم .
مع تحياتى للاسرة فى الغرب الاقصى الامريكى
ورد الله غربتكم
طبعا الدعوة دى يا مجدى انا عارفك ما بتقول آمين
خلينا نعكسها ونقول ربنا يلحقنا بيكم
آآآآآآآآآمييييييييييييييييين
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
صباح الخير بكل التوقيتات المحلية والاقليمية والدولية
يطيب لى ان اشكركم وجميع المتابعين لمحطاطى
ويؤسفنى ان اتوقف عن الكتابة لظروف السفر
كما اعدكم ان اكتب اليكم واشارككم فى جميع البوستات خلال رحلتى متى ما سنحت الفرصة
باباى بكل اللغات المعتمدة فى الامم المتحدة ونزيد اللهجات السودانية والرطانة
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: برضو ما بصدق
الحكاية دايرة اثبات
انا بصدق اولاد ابوسنينة لأنو كان فعلا بجيبوا الفراخ الطازج واللحمة .
لكن انتو يطرشنى ما سمعت يوم عندكم فراخ طازج.
السمعتو عنكم كل خييييير ، قالوا كنتوا بمتخصصين ماجى ( مرقة دجاج واظنها مرقة دجاج مجمد) بتطبخوا بيها البطاطس ، وكمان سمعت قالوا الطاطس ثلاثة يوم فى الاسبوع ويوم فراخ مجمدة ويوم عدس ويومين صيام ( الاثنين والخميس) .
والكلام دا موثق والمستندات والوثائق مكتوبة باعتراف اخواتنا وزميلاتنا فى طنطا |
نزلاوى بطل تلفيق نحنا كنا اكثر برلومات مقدقدنها
حتى فتحية كانت بتجى لابسة ليك البوت كدة واللبس اخر قيافة ومن النكات الحلوة انو رباب الكارب يوم كان عليها تكتب مع فتحية الحاجات بتاعة الاسبوع كتبت فرخة كل يوم وسلطة اها فتحية كانت بتقول ليها لا اصلو الفرخة لازم تتوضب وبتاخد وقت وبعد ما خلصت من كل شىء قالت ليها مع السلامة بالفرنساوى قامت قالت لى هيى يا ايمان اللحقينى فتحية بتتكلم فرنساوى ولابسة بوت واخر شياكة ونحنا ما بنعرف نجيب فرخة بتتوضب ههههههه
مساك وصباحك الف خير يا نزلاوى وما تطول السفر
| |
|
|
|
|
|
|
|
|
|
Re: خريجوا طنطا اجمعوا هنا (Re: ايمان بدر الدين)
|
Quote: حتى فتحية كانت بتجى لابسة ليك البوت كدة واللبس اخر قيافة ومن النكات الحلوة انو رباب الكارب يوم كان عليها تكتب مع فتحية الحاجات بتاعة الاسبوع كتبت فرخة كل يوم وسلطة اها فتحية كانت بتقول ليها لا اصلو الفرخة لازم تتوضب وبتاخد وقت وبعد ما خلصت من كل شىء قالت ليها مع السلامة بالفرنساوى قامت قالت لى هيى يا ايمان اللحقينى فتحية بتتكلم فرنساوى ولابسة بوت واخر شياكة ونحنا ما بنعرف نجيب فرخة بتتوضب ههههههه
|
فراخ كل يوم
والله ان هذا لشىء عجيب
يا ايمان اسمعى واقرى هذه النكته وشاهديها فى الفيلم المصرى (نسيت اسمو) ( محمود يس وفاتن حمامة)
قالوا واحدة جابو ليهم فراخ او بط ، وقامو بذبحو ، ولمن نضفوهو قامت قالت لى بتها ، تعالى يا بنت خودى الريش وشتتيهو قدام الباب فى الشارع عشان الناس تشوف انو نحن بناكل فراخ هههههههههههههه
يوم واحد ما شفنا زبالتكم فيها ريش الفراخ ولا شارع شقتكم ولا شمينا ونحن ماشين فى شارعكم ريحة الفراخ
وبعدين حكاية البوت واللبس الفيافة كدى خلينى منها ، ما شفناكم جيتو بالاسكيرت والبلوزة وملفلفين بالتياب والصقط كاتلكم ، كتر خير الساقوكم صيدناوى الجامعة واشتريتو حاجات البرد الرخيصة ، البلوفر الاحمر والبيجى والبنى المحروق ، ما تخلينى اطلع المتخبى ، نحن ما عارفين ما استعدلتو ودخلتو عالم الموضة والازياء الراقية إلا فى سنة ثانية ،
ومن الاسباب الرئيسية لوقوفكم فى طابور الجمعية لشراء الفرخة المجمدة ام تسعة قروش الانفاق على الملابس الفاخرة وتعلم اللغات الاجنبية،
قالوا يايمان سألو عادل امام
تحب تاكل فراخ ولا لحمة
قال ليهم فرخمة
هههههههههههههههههه
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: مع تحياتى للاسرة فى الغرب الاقصى الامريكى
ورد الله غربتكم
طبعا الدعوة دى يا مجدى انا عارفك ما بتقول آمين
خلينا نعكسها ونقول ربنا يلحقنا بيكم
آآآآآآآآآمييييييييييييييييين |
طبعا يا جماعة الخير
كان عندى رغبة قوية ازور كل دول العالم
مرة وانا فى مهمة عمل مصرفية بباريس ( فرنسا) جلسنا وبعض الاخوة السودانيين المغتربين هناك ودار حديث متشعب ، ولكن ونحن نقارن بين عواصم افريقيا وموقع الخرطوم من المقارنة ، طلعت الخرطوم زى الخرتوم ، فتبرع احدهم بانه يسكن فى لندن منذ زمن واتى الى باريس يزور صديق وزميل دراسته والذى هو موجود فى امريكا ، سأله عن امريكا ودعاه الى ترك اروبا والاستقرار فى امريكا ، فرد عليه لا والله لندن جميلة وما أظن امريكا تلحقها، فرد صديقه قائلا تعرف الفرق بين باريس وامبدة ، فقال لهم نعم بل لا توجد ولا تصح المقارنة ، فقال له ذاك هو الفرق بين اروبا وامريكا ( اظن امريكا دى جنة الله فى الارض وناس ايمان وعاطف وجدى وعبدالله عبدالكريم واحمد الشاذلى وآخرون غاطسين وماشا معاهم آخر حلاوة وطحنية وباسطة كمان ).
هامش:
طبعا نحن زرنا وشوفنا ( افريقيا وآسياو أوروبا ) يعنى اجزاء من هذه القارات ، لكن امريكا دى ما شوفناها يا ربى تكون كيف؟
اللهم الحقنا باخواننا واخواتنا فى امريكا
لقد كنا معهم فى نفس الجامعة ونرغب ان نكون معهم فى نفس البلد
اللهم لا تحرمنا رفقتهم
اللهم اجمعنا بهم فى امريكا لا فى السودان
ولا تفرقنا بعد ان تجمعنا
واجمع اخواننا واخواتنا فى اروبا والحقهم بنا فى امريكا
وفى امريكا اجمعنا فى احسن واجمل مدينة
ولا تسلط علينا الكشات الامريكية ويسر لنا القرين كارد
آآآآآآآآآمين
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
اليوم تذكرت الاخ يحيى خالدأو بالاحرى الدكتور يحيى خالد ( حلفاوى).
أين هو ؟
آخر مرة التقيته فى طنطا عام 1991م اعتقد فى شهر يونيو حينما زرت مصر لأول مرة بعد التخرج فى عام 1985م وكان حينها خريج اكمل دراسته ، أصّر على استضافتى وارغمنى بالمكوث ليلتين فى طنطا حيث كانت آخر زيارة الى طنطا .
من كان منكم لديه معلومات عن المدعو يحيى خالد فعليه الاتصال بنا بأى وسيلة .
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
سلام عليكم الربع
العريبى انطلق لسانة يا ايمان ورباب والله شكلى على حملة سحب الباسورد منه باسرع وقت
دة شنو دخلووووووو لا خلى شمالية ولا جزيرة بكرة والله يطلع ليكم من جوبا
والله يا ود نزلاوى عسل عديل ................ حقوا نخنتك فى منبر حرررر مع ناس الزقازيق اجدع ناس .. لانو ناس طنطا فى بيات شتوى
ايمان اختة فاتحة ليها ىبوست بهناك شوية وبمشى ادجدع فية واعمل ليها لقافة شيقا ....... بس طولى بالك يا بنت عمى
حاجة رباب اخبارك والاهل كلهم
الطنطاوية همتكم معانا ومع اخوانا نزلاوى
والله اسالو منى صلاح نزلاوى صوت ما عندى والكلمة بعد تعب شديد طلع منى المهم برجع ليكم تانى وعمر الشقى بقىى
| |
|
|
|
|
|
|
|
|
|
Re: خريجوا طنطا اجمعوا هنا (Re: Yousif A Abusinina)
|
اتضح لى بما لايدع مجال للشك أن كل الطنطاويين والطنطاويات بما فيهم ست البوست ايمان خوتهم خوت قرقر .
عاملين لينا فيها اجتماعيين وعندهم ولاء للمعرفة القديمة وعندهم ذكريات جميلة فى طنطا ، لكن الفيكم اتعرفت .
استثنى يوسف ابو سنينة ذلك الرجل القامة والذى لديه ود لجميع من كان فى طنطا .
استثنى رباب الكارب لأنها اعترفت بأن فقط تتابع وتقرأ ما نكتب وقالت انها مشغولة مع العيال ، مع انو يا رباب المكنة دى ما مشت فينى ، انت لمّا اتزوجت نحن ما فكرنا فى العرس يعنى يحتمل تكونى مشغولة بالاحفاد مش بالعيال ،
صاحبت البوست مشغولة بمشاكل الزواج الثانى وبعد شوية حتفتح بوست عن الزواج الثالث والرابع ، ونست مشاكلنا فى الزواج الأول ، نحن وحلانين فى الزواج الاول يا ايمان عاوزين مساعدة (مصاريف المدارس والجامعات كتيرة علينا) خلينا من ذوى الدفع الثنائى والثلاثى والرباعى افتحى بوستات عن كيفية تربية العيال وطرق ترشيد المصاريف ( يعنى متى ناكل فراخ ومتى ناكل لحمة خلال العام وهكذا)
مع تحياتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
خطير يا نزلاوى
اول مرة اعرفك كنت بتتبع الزبالة الخاصة بشقة السبع بنات ( دا اسم فلم يا برعى).
عليك الله يا نزولاى صحى عاوز نصائح رباب فى تربية العيال يا اخى والله انت اكبر ماكر ونصاب فى الدنيا
والله ممكن موضوع ايمان راس السوط وصلك .............. هههههههه
وبكرة يا خبر ببلاش
| |
|
|
|
|
|
|
|
|
|
Re: خريجوا طنطا اجمعوا هنا (Re: Yousif A Abusinina)
|
Quote: والله ممكن موضوع ايمان راس السوط وصلك .............. هههههههه
وبكرة يا خبر ببلاش |
سلام يا ابوسنينة
انا موضوعى هين (ضغط وسكرى) يعنى طبيا ما فى طريقة للدفع الثنائى او الثلاثى او الرباعى وكمان ماديا الحال من بعضو.
بس انا خوفى على ايمان زاتاوبقية اخواتنا.
الله يستر
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
طبعا فى هذه الفقرة سأكون صريحا ، وارجو ان لا يؤخذ حديثى فى غير محله، اولا بدأت أشعر بأن زملائنا وزميلاتنا من هم اعضاء فى المنبر اختاروا المثل البقول لو كان الكلام من فضة فالسكوت من ذهب _ وعلى اساس هذا المثل التزمت الغالبية بالسكوت وحازت على الذهب من عيار 24 وآخرين اختاروا المثل البيقول لو كان بيتك من قزاز (زجاج) ما تجدع (تطقع) الناس بالدراب (الحجارة).
بس نحنا ما راغبين فى الذهب (الدهب) ولا بيوتنا من قزاز .
يا عالم دايرين نعرف اخباركم فى الغربة وفى البلد .
وكمان عاوزين نعرف البقى يتكلم انجليزى لبلب منو لأنو نحنا لسع بندافر ولسانا تعبان ( عاوزين لينا كورس مخاطبة فى لندن عن طريق دعوة من جمعية الاخوة أو الصداقة السودانية البريطانية) ويا ريت الكورس ما يكون ستة اشهر او سنة يعنى سنتين كدا وفل اسكولارشب معقولة ومنها كمان فسحة وراحة ، الحكاية دى متكولة على الناس الفى يوروب ومساعدة ناس امريكا ما بناباها.
تخريمة
واحد عامل فيها خواجة بتكلم انجليزى لبلب سألوهو :
حساس بالانجليزى شنو
قال ليهم سنسيتيف ( sensitive )
سألوه حشاش بالانجليزى شنو
قال ليهم شينشيتيف.
وكل كريسماس وانتو صقطانين
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
يا جماعة بدون خجل وبدون محاباة نرجو الاجابة على هذا السؤال باختيار الشخص المناسب:
من هو انشط طالب (شاب) إجتماعى فى طنطا خلال الفترة من 1975-1990م
1/ صلاح الدين نزلاوى
2/ صلاح الدين نزلاوى
3/ صلاح الدين نزلاوى
رجاء الاختيار بدقة من هؤلاء الاشخاص المذكورين والتقيد باختيار شخص واحد .
مع خالص مودتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
يا جماعة بدون مجاملة وبدون محاباة نرجو الاجابة على هذا السؤال باختيار الشخص المناسب:
من هو افضل طالب (شاب)ثقافيا فى طنطا خلال الفترة من 1975-1990م
1/ صلاح الدين نزلاوى
2/ صلاح الدين نزلاوى
3/ صلاح الدين نزلاوى
رجاء الاختيار بدقة من هؤلاء الاشخاص المذكورين والتقيد باختيار شخص واحد .
مع خالص مودتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
يا جماعة بدون مجاملة وبدون محاباة نرجو الاجابة على هذا السؤال باختيار الشخص المناسب:
من هو أوجه طالب (شاب) فى طنطا خلال الفترة من 1975-1990م
1/ صلاح الدين نزلاوى
2/ صلاح الدين نزلاوى
3/ صلاح الدين نزلاوى
رجاء الاختيار بدقة من هؤلاء الاشخاص المذكورين والتقيد باختيار شخص واحد ،آسف لم استطع انزال صور المرشحين لعدم معرفتى بتصغير حجم الصورة وساستعين بصديق لإنزال صور المرشحين الثلاثة .
مع خالص مودتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
ستكون هنالك اسئلة عن عدد من المناشط الاكاديمية والغنائية والشعر والنثر والجوالة والاسر والشقق السمحة وامهر الطباخين وخلافها، فقط نرجو الدقة فى الاجابة .
كما يسرنى ان أنوه الى أن هنالك جوائز نقدية بالعملات المختلفة حسب المقر الدائم للفائز مقدمة من رابطة خريجى طنطا بالبنوك والمؤسسات المالية السودانية والاجنبية داخل وخارج السودان .
تخريمة:
وكمان يا ايمان قيمة الجائزة قد تؤهل الفائز ليكون من جماعة الدفع الثنائى ( ناس مثنى وثلاث ورباع) .
إن شاء الله الموضوع دا ما يموت ، نشوف همتكم ومشاركاتكم
| |
|
|
|
|
|
|
|
|
|
Re: خريجوا طنطا اجمعوا هنا (Re: Magdi Algorashi)
|
صباح الخير
العزيز الغالى / مجدى قرشى
Quote: مافي خيارات ياصلاح ؟
الاجابة الصحيحة نمرة اربعة
مع تحياتي |
يا مجدى طبعا الاجابة صحيحة 100%
بس ما ذكرت اسم الفائز
مع العلم أننى فى حيرة ما بين هؤلاء:
ايمن حسن جعفر
عبدالله عبدالكريم
يوسف ابوسنينة
عادل حسن مرسى
مجدى قرشى
صبرى الحاج اوكير
شوقى الحلفاوى
المرحوم مندليه
اميل لويس
ابراهيم حمد
معتصم الزيدابى
ابراهيم شداد
طلعت
محمد يوسف
عزالدين صديق صديق
وآخرين
وبرضو يا مجدى ديل كلهم باستعينوا باستخدام البدل والكريمات والروائح العطرة .
بس أنا خلقة الله بدون رتوش .
والظاهر عليك يا مجدى نظرك صعف
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
يا جماعة بدون مجاملة وبدون محاباة نرجو الاجابة على هذا السؤال باختيار الشخص المناسب:
من هو افضل طالب (شاب) يجيد نظم الشعر فى طنطا خلال الفترة من 1975-1990م
1/ صلاح الدين نزلاوى
2/ امير تاج السر
3/ رفعت محمد سليمان
رجاء الاختيار بدقة من هؤلاء الاشخاص المذكورين والتقيد باختيار شخص واحد .
مع خالص مودتى
| |
|
|
|
|
|
|
|
|
|
Re: خريجوا طنطا اجمعوا هنا (Re: عزالدين عباس الفحل)
|
الاخ / عزالدين
كل سنة وانت طيب
اخبار الاخ علوبات لا أملك منها شىء ولا ادرى اين موقعه الآن ، مع خالص تحياتى له اينما وجد.
اما الاخ / رفعت سليمان (ود بورتسودان) فقد اطلقت اشاعة قبل سنتين بانه توفى الى رحمة مولاه ، وقبل ستة أشهر اتصل بى من مقر اقامته فى المملكة العربية السعودية ، يعنى (قام بعاتى) رقم هاتفه الجوال 00966545059125
خالص مودتى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
اول حاجة تعال هنى يا صلاح نزلاوى شابكنا سنة 90 و 91 عامل فيها ولد صغير امشى كدى انت من زمن حفروا البحر وجيت قبلنا واتخرجت بعدنا وانا بقرا فى مداخلاتك دى واضحك لمن اقع ما خليت تيابنا الفى البرد داك الما بغبانى اها اتحداك عاد شوفته كنا بنلبس تياب حلوة كيف مع الاكسسوارات والجزم امات كعب ديلك والشنط تباعها وهاك يا الشعر ابوقصة اها بتذكر نحنا دفعتنا دى جابت التوب موضة كيف؟
اها البنات الجابوهم بعدنا كانو شىء شىء شىء عجيب من قطر كريمة وعلى صدناوى وميدان الساعة وهاك يا اسكرتات وجزم وبلوفرات وشرابات شى مخرم وشى سادة وشالات ونحن برضو لازمين التوب ما فارقناها تب لمن البرد كتلنا شر قتله
اها جيتك لمثنى ومثلث ورباع باقى عندى زولة لى مضيومةراجلها تزوج عليها اعلامية كانت صاحبتها جاتها قالت ليها خلى زوجك يشغلنى قامت لطشتوا منها وتزوجته اها الاعلامية ماتت فى بلد عربى و زولتنا ما جايبة خبر اها ناس كانوا معاهم فى كنانة اتصلوا عليها بسألوا من بيت البكاء ردت عليهم زولتنا قالوا ليها انتى حية قالت ليهم اياى حية قالوا ليها بركة والله عايزين نجى نعزى فيك قايلنك موتى طيب زوجة فلان راجلك الماتت منو قالت ليهم كدى استنوا امكن معرس والمرة ماتت وانا ما عارفة ضربت لاهله قالوا ليها صاح اها يا جماعة ده ما موضوع كبير وبستاهل بوست و ما تنسوا الزولة قريبتى شديد والزولة قريبة منى شديد
نجى لموضوع الانجليزى والبتكلم باتقان طبعا اى مهاجر فى امريكا وانجلترا قعد فيها خمسة سنوات لازم يكون اجاد اللغة حتى لومن الشغل او المدرسة او الشارع وهذا اضعف الايمان اها نحن تمينا 15 سنة بعداك قيس وقرض على كده
يا نزلاوى
نجى لدعم الابناء والتربية طبعا زولتكم اسست مع اخرين الجالية السودانية بواشنطن الكبرى ومنظمة المرأة ومنظمة الاسرة والتجمع الوطنى وما عارف شنو داك اها من ضمن المواضيع التى ناقشناها باسهاب موضوع التربية وعملنا ندوة جيبنا فيها باحثة اجتماعية وعنوانها
كيف نسير بابنائنا وبناتنا سن المراهقة بسلام ممكن اجيب ليك منها مقتطفات والتوصيات قصرت يا نزلاوى ؟
اها نجى لموضوع الفراخ والله كنا بناكل فراخ منضف بس فرخة واحدة مع رز ولسبعة بنات وكمان بجونا ضيوف ياكلوا معانا دى المحيرانىي لى هسة كيف د كان بيحصل
اها نجى للزكريات واسمح زول والنكات والبرلمة ونترك المواضيع دى لي قدام وانهى الكلام الكثير دا عشان ما تقولوا ايمان ما شغالة بالبوست ورباب لاقين ليها العذر انها بتقرا بس غايتو جنس انحياز للبربوا العيال اها نحن بندرسهم فى المدارس قصرنا يا جماعة مع العيال !!!!
جيتكم للنكته
ايمان عامله فيها بتعرف بتتكلم مصرى يجى اى زول مصرى يدق الباب ينادوا ليهو ايمان بى جاى بى هناك ايمان تدق المصرى وتعوج فى لسانها يوم ولد جيرانا المصرى صغير كده طفل دق الباب عايز يارجعوا ليهو الدروس مرة سكينة مرة شادية مرة منى اها جنن ليك الجماعة شبكم ليك تسميع يا ابلة اها يمسكوا الكتاب يسمعوا ليهو ينسى بيت الشعر يبتدى يخمن اها الجماعة بقوا يقولوا ليهو ما تخمن لكنه ما عرف معنى تخمين نادونى ليهو يا ايمان وريهو ما يبدا بكلمة ويقيف يعنى ما يخمن نوصلها ليهو كيف قلت ليهو
ما تنقرش اها الجماعة ضحكوا ليك كدة لما ماتوا من الضحك
ما تنقرش برضو يا ايمان قلت ليهم بعرف ليكم كلمة غير النقر تعنى يخمن دى ما فهمها اعمل شنو غير اقول ما تنقر اى ما تنقرش
هههههههههههه
| |
|
|
|
|
|
|
|
|
|
Re: خريجوا طنطا اجمعوا هنا (Re: ايمان بدر الدين)
|
على الطلاق عافى منك ياإيمان يا بتى
دا شنو كاتبة ليك سبع صفحات حته واحدة كدة
حرّم طنطا جابت
ذاكرة حديدية صلاة النبى فيك
Quote: وانا بقرا فى مداخلاتك دى واضحك لمن اقع ما خليت تيابنا الفى البرد داك الما بغبانى اها اتحداك عاد شوفته كنا بنلبس تياب حلوة كيف مع الاكسسوارات والجزم امات كعب ديلك والشنط تباعها وهاك يا الشعر ابوقصة اها بتذكر نحنا دفعتنا دى جابت التوب موضة كيف؟
|
هى دفعتكم بتتنسى ، والله دفعة ردت لنا الحياة وخلتنا نشعر بالاطمئنان .
تعرفى يا ايمان نحن كنا بنخاف لمن كنا اولاد بس ، أول ما جات دفعتكم بقينا نظهر رجالتنا امام المصريين ونحمى بناتنا وكنّا نديهم العين الحمرا لزوم انتو تشوفونا تطمئنوا وراكم رجالة يا جدعان.
بعدين يا بتى يا ايمان انا معترف بانى اصبحت شاب فوق الاربعين فى هذه الايام ولكن فى طنطا كنت اصغر طالب وطالبة بالاضافة الى الوجاهة خاصة بعد ما البس الجاكت بتاع بورسعيد الـ used .
والحق يقال والله انا كنت واحد من المعجبين بدفعتكم خاصة وانتم ترتدون الثوب السودانى ، لكن بعد ما جات الدفعة البعدكم والله لفتوا انظارنا وبقينا نرمى فى الكلام لكن ما جابو خبرنا علموا طناش لمن قنعنا(غايتو قسمة ونصيب) .
| Quote: اها جيتك لمثنى ومثلث ورباع |
وانا مالى ومال الموضوع دا ، علاقتى بيهو شنو ، هوى يا ايمان نحنا عايشين تحت ضل الحيط وزوجتى جنها انترنت ومرات بتدخل سودانيزاون لاين ، اظنك فهمتى
Quote: نجى لموضوع الانجليزى والبتكلم باتقان طبعا اى مهاجر فى امريكا وانجلترا قعد فيها خمسة سنوات لازم يكون اجاد اللغة حتى لومن الشغل او المدرسة او الشارع وهذا اضعف الايمان اها نحن تمينا 15 سنة بعداك قيس وقرض على كده
|
اها نحن الرماد كال حماد ولا شنو ، هسع انا بعرف انجليزى لكن واحتك لمن يكون عندى اجتماع مع الخواجات بتعبونى لكن والله اخوك بتعبن زى ما بتعبونى .
اقتراح: يرجى عمل صندوق خيرى من المواطنين الامريكان من اصل سودانى ينتمى لجماعة الطنطاويين ويخصص لتحسين لغة التخاطب لشخصى وممكن تجيبونى امريكا يعنى لمدة سنتين وماتنسو تجيبوا عيالى فى الاجازات ، أهو الواحد لازم يضحى بسنتين من عمرو عشانكم.
Quote: جنن ليك الجماعة شبكم ليك تسميع يا ابلة اها يمسكوا الكتاب يسمعوا ليهو ينسى بيت الشعر يبتدى يخمن اها الجماعة بقوا يقولوا ليهو ما تخمن لكنه ما عرف معنى تخمين نادونى ليهو يا ايمان وريهو ما يبدا بكلمة ويقيف يعنى ما يخمن نوصلها ليهو كيف قلت ليهو
ما تنقرش اها الجماعة ضحكوا ليك كدة لما ماتوا من الضحك
|
بمناسبة انقر (يضم القاف) واحد من دفعتنا ( آدم من سنار) اظنه طلب من الشغالة فى الصباح امر ما لا اذكره وذهب الى الجامعة وعند عودتنا سألها :
يا ام سماح ماذا فعلت بطلبى
ردت ام سماح قائلة له ماذا طلبت
فقال لها: إبيل (قبيل) أولتلك (قلت ليك)
تقاطعه ام سماح : أيه يعنى إبيل
يرد : إبيل ، إبيل ،أبيل
هى تسأل أيه يعنى إبيل أيه يا بنى أيه يعنى إبيل
وهو يرد : إبيل ، إبيل ،أبيل مع استخدام لغة الاشارة
تكورك ام سماح يا استاذ صلاح والنبى تعال فهمنى
فحضرت ووجدت صاحبنا شابك ليك فى ام سماح إبيل ، إبيل ،أبيل
فقلت لها ابيل بمعنى من شوية او من الصبح او من زمان بس مش أوى
طبعا دى كانت ترجمة لايف
والى لقاء آخر
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
كل سنة والطنطاوية بخير
كريسماس سعيد
وسنة حلوة على الجميع
ويا نزلاوى ما ناسياك وجاياك ولازم تجى امريكا دى ونتم الضحك والونسة لكن لو تعبت من الشغل اوعك تدعينى وتقول ربنا يجازى البقى لى سبب وجابنى للتعب والشغل الكثير وحار ده دعوتك باقى مستجابة وانا زولة كبرت وكدة وما بستحمل المرض والعرض
| |
|
|
|
|
|
|
|
|
|
Re: خريجوا طنطا اجمعوا هنا (Re: ايمان بدر الدين)
|
إيمان سلام عليك حسب التوقيت المحلى عندكم
| Quote: ولازم تجى امريكا دى ونتم الضحك والونسة لكن لو تعبت من الشغل اوعك تدعينى وتقول ربنا يجازى البقى لى سبب وجابنى للتعب والشغل الكثير وحار |
عاد ده كلام
انا اقول ليكم جيبونى سياحة وتعليم وزيارة للأولاد فى اجازتهم ، عاوزين تشغلونى ، والله بصراحة انا عاوز طرطيبة على حسابكم واى اقتراح آخر غير مقبول ، واذكرى يا ايمان الحسنة بعشرة امثالها ، يعنى انا مشروع حسنات.
ودمتم
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
العم نزلاوى
والخالة ايمان
كل سنة وانت طيبن انشاء الله ولجميع الاهل والطنطاوية .............الشغل جات صغر قلنانلحق السوق ما دام ما لحقنا مثنى وثلاث ورباع = تسعة
والله مشاء الله عليك يا ايمان البركة ساكت اتكلمتى تسكتى العريبى دا ما صدق ادوه باسورد
والله يا ايمان تصدقى متنمنى متين ارجع السودان واقابل العربى التعبان دا لانو الله شخصية مميزة ومن غير مجاملة فى كل شى .
المهم ما بقدر ازيد اكثر من كدة لانى مشغول وبجى صادى تانى
| |
|
|
|
|
|
|
|
|
|
Re: خريجوا طنطا اجمعوا هنا (Re: Yousif A Abusinina)
|
Quote: والله مشاء الله عليك يا ايمان البركة ساكت اتكلمتى تسكتى العريبى دا ما صدق ادوه باسورد
|
سلام ابو سنينة
وسلام بتى ايمان
بعد الترحيب الحار بيكم فى داركم
عاوز اقول وما قادر اقول
ولا أحسن أقول وافيش غبينتى قبال ما تجينى غيبونة على قول اخونا محمد عبدالله الريح (حساس محمدحساس)
أول حاجة انا بحبكم لأنى متأكد من حبكم لى ، كل الظواهر تدل على ذلك
يا يوسف يا ود ابو سنينة ده انا لحم اكتافى من فراخكم ، بس انا زعلان شديد ، عارف ليه ، لأنو إيمان قالت كانو بياكلو فراخ طازجة وانا ما عندى خبر - يا ربى يكونوا أكلوا كم فرخة فى طنطا - والله لو كنت عارف الموضوع ده كنت عملت حيل عشان اشاركم فى اكل الفراخ لكن يا خساااااااااااااااارة ، وما ممكن نقول الجايات اكتر من الرايحات
يا ريت لو كان بكرى ابو بكر ادانى الباسورد من زمن طنطا.
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
Quote: العم نزلاوى
والخالة ايمان
كل سنة وانت طيبن انشاء الله ولجميع الاهل والطنطاوية .............الشغل جات صغر قلنانلحق السوق ما دام ما لحقنا مثنى وثلاث ورباع = تسعة
والله مشاء الله عليك يا ايمان البركة ساكت اتكلمتى تسكتى العريبى دا ما صدق ادوه باسورد
والله يا ايمان تصدقى متنمنى متين ارجع السودان واقابل العربى التعبان دا لانو الله شخصية مميزة ومن غير مجاملة فى كل شى .
المهم ما بقدر ازيد اكثر من كدة لانى مشغول وبجى صادى تانى |
يا ابو سنينة ويا نزلاوى
خالتكم ايمان بتسلم عليكم وكل سنة وكلكم بخير
اها شوفت يا ابو سنينة العربى دا فور البوست دا كيف والجماعة بس يقروا ليه ما يقروش على وزن تنقر ش وكده
ههههههههه
بالله واصلوا فى النكات كل واحد ينهى حديثه بنكتة زى حقتى وحقة نزلاوى وبعدين ارججعوا للحكى وتفاصيه بتلقوا ليكم كم حكاية كدة وقصة ونكتة بالله رسلوا لبكرى عشان البوست ما يتأرشف
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
صباح الخير
وكمان صباح الخير بالانجليزى والفرنسى والالمانى والاسبانى والصينى وكل اللغات الحية
دا عشان ناس طنطا افرنقعوا فى بلاد الله الواسعة
فى ناس غائبة
مطلوب الظهور ولو بالتحية
واللبيب بلاشارة يفهم
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
| Quote: وكمان صباح الخير بالانجليزى والفرنسى والالمانى والاسبانى والصينى وكل اللغات الحية |
التحيات الطيبات بكل ما انزل الله من لغات للجميع والطنطاوية خاصة
مازال اهل طنطا فى ثبات عميق
الخالة رباب ...........الشاغلك شغالنا اظهرى لو باحم
شكرى للخالة ايمان على تقبلها وسعة صدرها لبجاح نزلاوى الثقيل على حبوبتى الله يرحمها
العم صلاح نزلاوى بتمنى لو كان الباسورد معها من فترة والله نحن فى الفترة القصيرة ما قادرين نلاحقوا لوكان معك الباسورد من زمان كان اعضاء المنبر بقى بكرى لوحدة وبس
على العموم منور يا عم نزلاوى
| |
|
|
|
|
|
|
|
|
|
Re: خريجوا طنطا اجمعوا هنا (Re: Yousif A Abusinina)
|
يا ود ابوسنينة
الناس ما نايمة كلهم مشغولين بالسياسة والبورد مولع نار ، موضوع حركة العدل والمساواة اكثر من من عشرين بوست ، الناس فى شنو ونحن فى شنو ، بس انطبق علينا مثل المهدية ( الناس فى شنو والحسانية فى شنو) .
نحن بس حنكون عشرة على بوست اختنا ايمان ما يختفى ويتراجع الى الصفحات الاخيرة ، لأنو اصبح ملاذنا.
وحندور البوست بشدة فى الايام الجاية احتفالا برأس السنة ونشوف السهرة وين والنادى السمح وين والفنان الزين وين والعشاء المكرب الما خمج وين.
مع تحياتى
| |
|
|
|
|
|
|
|
|
|
Re: خريجوا طنطا اجمعوا هنا (Re: Yousif A Abusinina)
|
ايمان بدرالدين
ازيك
وكيفنك والعيال
ذكرت فيما سبق انكم فى امريكا بلد العجائب بتشتغلوا لمن زيتكم يطلع ، يعنى كم ساعة فى اليوم ؟
لأنى انا ناوى الجيه ليكم ، بس أهم حاجة الشغل يكون خفيف والعائد كبيييير يعنى لزوم الفسح والزيارات طبعا بالطائرات ، وييك اند فى نيويورك واحد فى نيوجرسى واحد فى نيو اورليانز وآخر فى نيومكسيكو وكمان نيو كلفورنيا ونيو تكساس وكل النيوهات الفى امريكا .
تحياتى
نيو ود نزلاوى
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
سلامات
يا ايمان
ارجو ان تخبرينى عن من طلب استمرارية هذا البوست ، لانى وحسب حالة الضعف التى تعريتى فى التعامل مع التقنية المتطورة ، طلبت من الاخ بكرى ان يستمر هذا البوست للربع القادم ، ولكن وجدت رسالتى تختلف عن رسائل الاخوة حيث ان رسائلهم فى طلباتهم باستمرار مواضيعهم يكون تحتها خط بلون بلو (ازرق) ويمكنك عمل كيلك عليها ، اما رسالتى فلا تستطيع ان تعمل عليها كليك ولا يحزنون ، المهم انا عاوز اعرف رسالتى هى السبب ام انت قمت بالواجب عشمان اعتقد اننى ابو العريييف ( بكسر العين) .
النتيجة النهائية انا مبسوط لاستمرارية هذا البوست يا ايمان . لأنو فى مواقف كثيرة تستحق ان نقف عندها خاصة فيما يتعلق بتعلم اللهجة المصرية، وعاوزك تورينى المرادف لكمة انقر بالمصرى واذا ما نقرتيش انقر بالمصرى انا حانقر ليك الكلمة المرادفة لكلمة انقر بالمصرى.
فهمتى حاجة يارباب
هههههههههههههههههههههههه.
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
واضح لقد بلغتم من العمر عتيا
واصابكم الكبر والشيخوخة
واضح انكم خايفيين من الكتابة عن الماضى والحاضر لوزم الخرف المتأخر الواحد او الواحدة منكم يقول كلام الطير فى الباقير بلغة اكلونى البراغيث
فهمتوا حاجة؟
ولا انا
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
صباح الخير
قرارات هامة
بهذا ووفقا للمادة صفرين تلاتة اصفار من اليمين من لائحة خريجوا طنطا ووفقا لسلطاتى التى خولت بها شخصى واخترعتها من عندى أصدر القرارات التالية :
استدعاء ايمان بدر الدين فورا للمثول امامى نحن صلاح الدين نزلاوى فورا عند صباح هذا اليوم بتوقيت مدينة طنطا، وما يهمنا ان كانت الدنيا ليل ولا نهار مكان اقامتها.
لفت نظر العضو رباب خليل الكارب لعدم مطالعتها بما نجود عليكم بالكتابة.
تحذير المرطب يوسف ابو سنينة وانذاره لعدم المشاركة منذ العام السابق.
وسنصدر قرارات بشأن الاعضاء الباقون خلال 72 ساعة اذا لم يجمعوا هنا.
صدر تحت توقيعى وخاتمى
نحن صلاح الدين نزلاوى
المشرف العام
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
| Quote: يا ايمان عبد الحميد دفعتكم ولا دفعتى |
نزلاوى انت متشبك فى دفعتى ساكت انت كبير وكبير هنا احسن ليك عارف ليه لانك كبير فى كل شىء القلب والمودة لكل طلاب طنطا وكبير خبرة
اما عبد الحميد برضوما فعتى اظنه اكبر مننا بدفعة واحدة ههههههههههه
| |
|
|
|
|
|
|
|
|
|
Re: خريجوا طنطا اجمعوا هنا (Re: ايمان بدر الدين)
|
ايمان وصلاح
تحياتي
بمناسبة الكبر والقدم
كنت في وداع اخونا دكتور الشامي محمد احمد في طنطا في 82 وكان
الحضور كل من الاخوان السنجك وماندلي وابراهيم حمد وكرنجة
وخليفة نوري ودالجمل وامير تاج السر وعتباني وقباني ومجدي محمداني وجمع
من الحضور ودار ناقش ومغالطات بين الشامي والسنجك وماندلي
ايهم اقدم واعرق في طنطا فقال الشامي مخاطبا مندلي تذكر اول ماوصلنا طنطا
شارع البحر كان تراب وناس مديرية الامن كانوا بختو التلفزيون قدام تقاطع شارع
البحر مع شارع النادي فرد اخونا السنجك ذاكرا اول وصول ليه لطنطا نزل في دوار العمدة
ولا توجد شقق للا يجار والله اخوكم لمن سمع كلام الدبايب دا فكرت في المخارجة
يالها من ايام وذكريات وناس ذي العسل .
| |
|
|
|
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
Quote:
سلام لطنطا وناسها
وهاكم خبر بمليون جنيه
عماد حسن الصديق حي يرزق
لقد تاكدت من ذلك خلال زيارتى لمدينة وادمدنى حديثا جدا
رجعت من هناك الاسبوع الفات |
يا سلاااااام علي الخبر
يا رباب لاقيتيه فيس تو فيس؟
وهل هو بخير ؟ ... أى تعافي من المرض القديم؟
--------------
يوم ١٤ ديسمبر لمحت واحدة تشبهك في مطار فرانكفورت وبعد دقائق بحثت عنها ولم أجدها
ثم تحركت علي القيت الخاص بالطائرة المتجهة للخرطوم وبحلقت كثيراً في السودانيات ولم أجدك
فهل كانت الشبيهة أنت ؟
| |
|
|
|
|
|
|
|
|
|
Re: خريجوا طنطا اجمعوا هنا (Re: عاطف مكاوى)
|
Quote: يا سلاااااام علي الخبر
يا رباب لاقيتيه فيس تو فيس؟
وهل هو بخير ؟ ... أى تعافي من المرض القديم؟
--------------
يوم ١٤ ديسمبر لمحت واحدة تشبهك في مطار فرانكفورت وبعد دقائق بحثت عنها ولم أجدها
ثم تحركت علي القيت الخاص بالطائرة المتجهة للخرطوم وبحلقت كثيراً في السودانيات ولم أجدك
فهل كانت الشبيهة أنت ؟ |
خبر بى مليون بس ملايين ويا سلام على بوست طنطا البفرحنا ويجمعنا ويلاقينا تحياتى لمجدى ورباب وعاطف ونزلاوى والجميع
والحمد لله على سلامة عماد وحياة عماد يا ناس طنطا
| |
|
|
|
|
|
|
|
|
|
Re: خريجوا طنطا اجمعوا هنا (Re: ايمان بدر الدين)
|
يا سلااااااااام
يا أصدقاء
حقيقة هذا خبر بمليارات
أرجو إفادتي بوسيلة إتصال بالصديق العزيز/ عماد حسن الصديق
ولولا ذلك الخبر الذي يا عهاطف مكاوي والذي سمعته منك وأكيد أتاك أنت أيضاً بالخطأ
فقد كنت سألتقيه العام الماضي وأنا في السودان
لكن رجاء منكم ورباب أن تفيدوني بوسيلة إتصال به
فالرجل صديق عزيز لي
ودمتم
عاصم فقيري
| |
|
|
|
|
|
|
|
|
|
Re: خريجوا طنطا اجمعوا هنا (Re: Asim Fageary)
|
Quote: سلام لطنطا وناسها
وهاكم خبر بمليون جنيه
عماد حسن الصديق حي يرزق
لقد تاكدت من ذلك خلال زيارتى لمدينة وادمدنى حديثا جدا
رجعت من هناك الاسبوع الفات |
أكاد لا أصدق
ما زلت اتصل على الاخ معتصم وهو يسكن الدروشاب لآبلغه هذا الخبر المفرح جدا
ويا رباب شكرا لك ولأخبارك السعيدة
هل لديك المزيد عن عماد
ارجو تزويدنا بها
همسة عتاب
ليه يا رباب تزورى السودان وتفطينا
| |
|
|
|
|
|
|
|
|
|
Re: خريجوا طنطا اجمعوا هنا (Re: صلاح الدين نزلاوى)
|
سلام عاطف, صلاح, ايمان
انا لم التقى عماد وجها لوجه
لقد بدأت رحلة التاكد من صحة خبر وفاته من عدمها فى آخر اجازتى القصيرة
وذلك عن طريق زميلنا عبدالعزيز قسم الله (شبين الكوم) الذى دلنى على صاحب مكتبة الثقافة الجديدة محمدعزالدين
الاخير وعماد كانا يعملان سويا, قابلت محمد الذى نفى الخبر ووعدنى بتوصيلى بعماد
توفق الرجل مشكورا بتوصيلى بصديق وجار عماد بمارنجان حلة حسن تحدثت مع الاخير وكنت فى طريقى للمطار
وقد اكد لى انه وعماد كانوا مع بعض لحدى امبارح على حد قوله وانه بخير
اوعدكم جميعا بان اواصل رحلتى الى ان نتحدث جميعا الى زميلنا عماد ونطمئن على صحته
ادونى فرصة زمنية قصيرة
يا عاطف انا فعلا كنت فى مطار فرانكفورت يوم 14 ديسمبر خسارة ما لاقيتك
ويا صلاح الجايات اكتر
تحايا كتيرة
رباب
| |
|
|
|
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
Quote: سلام عاطف, صلاح, ايمان
انا لم التقى عماد وجها لوجه
لقد بدأت رحلة التاكد من صحة خبر وفاته من عدمها فى آخر اجازتى القصيرة
وذلك عن طريق زميلنا عبدالعزيز قسم الله (شبين الكوم) الذى دلنى على صاحب مكتبة الثقافة الجديدة محمدعزالدين
الاخير وعماد كانا يعملان سويا, قابلت محمد الذى نفى الخبر ووعدنى بتوصيلى بعماد
توفق الرجل مشكورا بتوصيلى بصديق وجار عماد بمارنجان حلة حسن تحدثت مع الاخير وكنت فى طريقى للمطار
وقد اكد لى انه وعماد كانوا مع بعض لحدى امبارح على حد قوله وانه بخير
اوعدكم جميعا بان اواصل رحلتى الى ان نتحدث جميعا الى زميلنا عماد ونطمئن على صحته
ادونى فرصة زمنية قصيرة
يا عاطف انا فعلا كنت فى مطار فرانكفورت يوم 14 ديسمبر خسارة ما لاقيتك
ويا صلاح الجايات اكتر
تحايا كتيرة
رباب |
اهلا يا رباب وتسلمى على الاخبار الحلوة دى عن عماد والحمدلله على سلامته
| |
|
|
|
|
|
|
| |
صلاح الدين نزلاوى
Rabab Elkarib
ايمان بدر الدين
Yousif A Abusinina
عزالدين عباس الفحل
عاطف مكاوى
Asim Fageary
فيس بوك
تويتر
انستقرام
يوتيوب
بنتيريست