اعتـراف صريـح : أنا شيـوعـيـة ظـلامـيـة ... وبأحـب كـوز مسـتـنـيــر

Quote: اختنا الكريمة يا هو ده السودان ، جمعكم الله على خير.

Quote: الاخت سناء. عبابيرنا وين؟ دينق.

Quote: أخت سناء لك التحيه ومعاً لبناء مجتمع تتسع صدور أفراده لكل ألوان الطيف السياسي والعرقي والديني نحن مجتمع متباين متعدد الأعراق والثقافات والأديان والأفكار وهذا الطيف الجميل شكل طوال الحقب الفائته شكل هذا السودان هذه التعدديه أصبحت مصدر ضعف لنا بدلاً من أن تكون مصدر قوة وتفرد ... فلتتسع قلوبنا وصدورنا لبعضنا البعض حتى نتمكن من المضي قدماً بهذا الوطن ولننسى كل آلام وأحزان وجراحات الماضي وراء صدورنا ... مؤونة عام من الود

Quote: لك التحية ومعا من اجل ذلك السودان...وطن يتسع للجميع

Quote: بت العم سناء جعفر... من أبي الحسين سلامات ندية... هو حقيقي زي ما قال شاعرنا السر عثمان الطيب... وطن واحد .. وطن واعد وطن واعـــد .. بغنِّيلو موحَّد .. والمصير واحد..بغنِّيلو وطن من كسلا للفاشــر ** وطن من نمولـي لي حلفا وطن بالوحدة يتعافــى ** ربوعــــــــــو تعمهــا الإلفــة يقيف ناهض على حيلـو

Quote: ألأخت/سناء ما أروع السودان........كنا لا نعرف نفرق بين ألأجناس ...ونفرق بين المسلم والمسيحى.......... أصدقائى كانوا مسحيين...عاطف دينق جابريل ونعيم جون عبدالمسح وكانوا بفطروا معانا فى رمضان حياة جميلة مافيها إنت منو ولا شنو.... السودان يسع الجميع إسماعيل محمد أحمد عباس.....................أم درمان

Quote: انت المداخلة دي كتبتها وين ؟؟؟ زي المواعيد دي انت في العربية واقف في عز الزحمة ولسة ما وصلت البيت ...

Quote: حاشية : سنوية ... معليش اوع نكون طلعنا برة ظلامياتك

Quote: الاخت سناء. ما بتعرفي العبار وعبابير في حالة الجمع. العبار هو إناء خاص يتم به شراب ألذ المشروبات.

Quote: اعتراف رقم (5) ... جدي قال امنجي .. ما بيعرف غير يمشي ويجي ... في دروب الانكسار ... مهمته المقدسة .. يكتب للجماعة تفاصيل مفصلة .. مدنكلة .. مدبجة ... عن احوال الكبار .. والعاب الشفع الصغار ... الليلة اصبح جدي محتار ... ما لاقي كلام يتقال في التقرير البيولد الدولار ... فكر ... فكر ... فكر ...وفي النهاية اختار ... جدي كتب تقرير عن حبوبتي ام الجهال ... قال انها زولة ممغوسة وشايلة للحكومة التار ... وانها بتحرش الثوار ...بتولد الاخيار وتقتل الاشرار ... وانها اخطر عميل عرفته الامصار ... اوصى بسجنها وضربها بالنار ... كانت ضربة معلم بسيف بتار ... ربج جدي وقبض الدولار ... خلص من حبوبة ست التار ... وعرس ميمونة العمرها فوق العشرة بسبعة قصار ... ولسة مشاكل الحوش ما خلصت ... بس انا نعست وباحكي ليكم الباقي بكرة

Quote: يا ربي احنا ماشيين على وين ؟؟؟

Quote: واصلي إبداعك .. وكل واحد فينا حيلقى نفسو في لوحتك الواقعية.

Quote: إنتِ عارفة يا سناء في ساعات كده الواحد لازم يصرخ ويخرج ما في دواخلو أكيد حايرتاح شديد وكمان يريح معاهو الناس وإعترافاتك فيها محبة وحنية فيها شعور بالإنسانية , تسلمي يا سناء وشكراً .

Quote: سناااااااااااااااااااء يارائعه ان شاء الله مانصحى ونقول اللهم اجعله خير ولك عبق التحايا مجدى

Quote: انت ما مجنونة جن عديل وجنك مصرم في فتيل وبالع حبوب المسكنة..*

Quote: الناس العايزيننا نحس إنهم جايين من دنيا تانية عاشوا معانا في حوارينا، ودرسوا معانا في نفص الفصل ... وإتشابكت يدينا وإتلاقت في صحن الطلس المليان فول. ....... وفجأة قالوا ده مسلم .. وده كافر .. وده زانداوي .. وده غرابي .. ده بيجاوي. مش ياهم نفسهم "مرقص" و"لوال" الكنا بنتنافس في الفصل في الأكاديميات ... وفي الفسحة في حب الهلال والمريخ؟

Quote: تحياتى سناء لقد اسعدنى البوست ده كثيرا

Quote: نوع الكلام بريح الكيزان المجرمين ود نوع اختلاف الرأي لايفسد للود قضية والكلام الفارغ دا عشان كدة جوك الكيزان يتجارو مهللين ومبشرين شوفو الناس الفوق الردايين ليك كلهم مطبليين للنظام الانقاذ الحساب والقصاص لكل المجرمين مطلب اساسي ولا لتميع الصراع بمثل هذه المواضيع وشوفتي ليك في كوز مستنير ولو انت ظلامية تبقي ماشيوعية اساسا!!!!!!!!

Quote: وطن ما فيهو قبليـــــة ** ولا نزعــــــــــــة إنفصاليــة وطن زنجيتو عربيـــــة ** وعروبتو السمــــــرا زنجيــة

Quote: التحية لصديقي ود الحسين ، والتحية لكل المعتدين بانفسهم المستقلين برايهم الذين يترفعون على الحقد الاعمي او التطبيل الاجوف ، والتحية لكاتب او كاتبة البوست .

Quote: تعرفي يا سناء تحياتي لك ولهذا الحوش السودان وعسانا نصوغ حياة ملئها الحب كما في الحوش أما اعتـراف صريـح : أنا شيـوعـيـة ظـلامـيـة ... وبأحـب كـوز مسـتـنـيــر أقول ليك انت جميلة في كل حالاتك بس خليك كدا مودتي

Quote: يا سلالالالالالالالالالالالالالالالالالالام

Quote: يا سلالالالالالالالالالالالالالالالالالالام