|
|
|
 Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: طارق جبريل)
|
Quote: ديشكم ذاتو
هسي انا بعد العيد اصوم الستوت ولا الكفارة بتاعة الحليفة دي
ديشكم تاني
|
دكتور
رمضان كريم
وكدا يادوب فطورنا دا ممكن يخش المنافسة رغم انو كان تعبان حبة لانو دعواتكم انقطعت هههههههههههههههه
وبعدين انت طوالي ماشي علي الصيام دا ليه في الكفارة
الاطعام دا مالك فاطيهوا
وعيبو لي ولو ماعندكم مساكين حولوها لينا
بس احلي حاجة في الافطار كانت بشاشة وكرم الاخت نادية السر
وانا شكرتها علي حسن استضافتها للمريخ ايضا وانت عليك تكلم ناس ادارة النادي كل ما عندهم مباراة مهمة يمشوا فالكون
| |
 
|
|
|
|
|
|
|
 Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: naeem ali)
|
| Quote: النبق النبق النبق النبق |
آآآآآآآآآآآآآى ياخ ده الكنت بترقصو أمبارح مش تاكلونا حنق ساى وتقولوا نعيم كان بمدح
- ود جبرين يا سنجك حبابك ورشم زى ما قلت ليك هناك ... اصلو ما تخليم رشام البلا
- ود الموج وحبيب نورة إفرنقعوا عنا ... بلا رابطة بلا جمعية خيرية ... إنتو الإتنين بالذات رمضان ده إن شاء الله يمدو ليكم 60 يوم تانى كان نشوفكم حايمين بى جاى
- التكينة سلامات
- نادية شكراً جزيلاً وتانى كان عزمتنا ما بجى وما تقولى لى ليه ... تمام
- تبلدينا ماخد راحتك على الآخر يا مان ... عفيت منك ياخ ... بالله طارق ده أديهو لكونقرو (الترجمة تك ... واحدة بواحدة)
- دكتورة داليا
- خالد ماسا ... اصبر لى يا حبة
- إنعام بت أمى البركة فيكم واللمة كانت ناقصاكى يا معلمة ... إنتى
فترت من الكتابة يا هووووووووووووى
يلا بلا كتابة بلا بتيخ ... إستراحة وبنرجع تانى
| |
|
|
|
|
|
|
|
|
 Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: فادية اليمني)
|
..
.
Quote: النبي فيك يا تبلديهم كان ما قلت لينا الاسماء
ان شاء الله اسماء الرجال بس (غيظة لود الموج) |
سلامات يا فادية
والله لو جيتى كان تميتى الخياطة بالحرير ..
حليلك وحليل انعام عبدالحفيظ ياخى الزولة دى فرقت معاى
بعدين ناس الموج وطارق ديل لو اديناهم الاسماء
والله المنبر يتملى روابط معجبين انا عارفيين
الناس ديل ( كيس نايلو والهوا شايلو )
خفيفين خفة النشال فى اتوبيسات مصر ..
____________
اى زول ما عارفاهو رسلى لى ماسنجر او مسج
الاسماء بالحبرالسرى .. انا زاتى بخاف منهم
بهددو لى مواقعى وبضربونا بتوماهوك .. ارض جو
يفجرو لى منصاتى ساااى
| |
|
|
|
|
|
|
|
|
 إفطار بورداب الخرطوم ( يوجد شيرنغ) (Re: Tabaldina)
|
يا عمك عايزين نعمل تحقيق مع الزول الجمع الشيرنغ دة
مش كان مفروض يجمعوا قبل الجماعة المصوراتية ديل ما يجوا؟
هسة في داعي لي شيل الحال دة يا تبلدينا!!
أمانة ما أتلوّمتوا
مع تحيات ( حبيب الشناف!
Quote: هووى يا ناس فطور السطوح ديل
حسي جلستنا دى زيكم سحطوكم داك |
يا عمك فطور السطوح دة كان في مقهي في شارع طلعت حرب
بفتح علي سينما ميامي
المقهي إسموا يعقوبيان بكل ما تعني الكلمة من زخم تأريخي
المكان يضم الصفوة من المثقفاتية و الإعلاميين ونجوم الميديا
إختيارنا للمكان كان لمساحتوا المقبولة نوعاً ما قياساً لوضع القاهرة
والسبب الثاني لأننا أعتدنا أن نجتمع فيه مساء كل يوم
والخدمة الممتازة
والسبب الرئيس هو مكان فيه ريحة السودان
بدينا إمكانية إننا نفطر فطور علي الطريقة السودانية
مش مجموعة من كريستالات موية سوبا
يعني عصيدة وبليلة و كركديه وحلو مر
يعني السودان
وام درمان
يعني عشة
وفاطنة
ونورة
دي غير إننا بورداب القاهرة
يعني مافي موارد وناس علي أدِّ حالنا
ما عندنا زول بصرف علينا
بنلم الشيرنغ
لكن بالسترة
تقولي لي شنو وتقولي منو !!
كل سنة وانتوا طيبين
أرجو أن يتسع صدركم لنا
يديكم العافية
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: طارق جبريل)
|
شكرا لاسرة فندق فالكون علي الاستضافة
وشكرا لهم مرة اخري
علي الاستجابة لرغبة الهلالاب
واعداد الموائد (بيضاء) تسر الناظرين
وجلسنا بارتياح علي الكراسي البيضاء
وفطرنا بمزااااااج
ونشكر ادارة الفندق ايضا لنجاحهم في (محو آثار)
افطار لاعبي المريخ في مساء الجمعة يوم المباراة ( ثلاثية الابعاد)
وكان الافطار مناسبة سعيدة للالتقاء بعدد من الاخوة والاخوات البورداب لأول مرة
كما تجددت سعادتنا بلقاء الاخوة البورداب الذين توثقت علاقاتنا بهم
شكرا لكل من ساهم في ان يكون الافطار واللقاء بهذا المظهر الانيق
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: حمور زيادة)
|
Quote: آود جبرين ما تبقى بوم ..
الشي ده فطور بندر يا جنى
يختولك الصحيحين في قدامك تاكل ما تاكل جب زي سن الدقاقة يا زول يجروهو من قدامك و يرمولك التاني تقول بياض وداعية.
ده شيتن ما بتعرفوهو ..
شن تعرفو انتو بلا القداحة ام ملاحا يجغجغ و عصيدة ترجف زي البابور القاطم مسامير.
عافي منك يا بت السر أكان ضوقتينا اكل الهوتلات .. عافي منك دنيا و اخره.
|
ود زيادة
الصحاني اليدفريهن وتاني يشيلوهن الكونشبر ديل آآآبينفعن يا الحبيب
الشي ان ما بقيت غتست اصابعينك فيهو لا نصو شن طعمه
فشان كدة فطوركم دة قاطع اللهجي
بس لا يبقى عيدكم زيو كدي لا فيهو منين لا كعكي لا قرقوش
الواطة في خشمكم كان كدي
انت يا ود زيادة ان جنيت البنيات المتل المشرق والمطوطي ديل مِنِن
انا باقي راجي ود الموج يجيبلي أترن عاد اقعدلكم للجوعير
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: طارق جبريل)
|
يا زول اصابعين شنو النغتسن لنصهن ؟ ات قايلو فطور حش التمر وله غدا زولن سادي البوغه ؟
اكل البندر ده لا يغلت عليك لا يوسخ ايديك .. تاكل و تتمسح في الجنبك لا ريحي لا زفاري ..
ات خليك في غتيس الاصابعين و الشاي التقيل الياكلوهو بالمعلقة داك زي شحم الجلندي.
البنيات يا زول امانه مي قنديل اب راس عدييييييييييل.
ديل ضيفات من الفايس بوك إليل غريبة داك.
يا زول اي وحيدة فيهن كان ضحكتلك عاد الا تركب الجريدة في نص النهار يا زول.
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: طارق جبريل)
|
حمور زيادة ... الزول البريدو
Quote: البنيات يا زول امانه مي قنديل اب راس عدييييييييييل.
ديل ضيفات من الفايس بوك إليل غريبة داك.
يا زول اي وحيدة فيهن كان ضحكتلك عاد الا تركب الجريدة في نص النهار يا زول. |
على قول الشاعِر :
سمحه وضوقا لبن صهبا ودخلا مبسط ...
شفيتا ريل وكفيتا خيل وطولا موسط ...
مِن قود رُبتا لِتاتاي مشيها إتقصت ...
حسيت قلبي فارقني وكبدتي إتقصت ...
والله لمتكُم سمحه بِالحيل ... أكان ما رمضان كُتْ غنيت فوقِن جت
| |
|
|
|
|
|
|
| |
عمار محمد ادم
الطيب شيقوق
الفاتح الجنيد
عبدالله كع
Kostawi
معاوية عوض الكريم
almogira alemam
naeem ali
بكري الخير
طارق جبريل
عمر صديق
انور التكينة
شول اشوانق دينق
فادية اليمني
ادهم عبد الرحمن نصر
حبيب نورة
Mustafa Mahmoud
محمد عبد الماجد الصايم
خضر حسين خليل
سيف بخيت موسي
Deng
عبود عبد الرحيم
ابراهيم بقال سراج
حمور زيادة
صديق الموج
عزام حسن فرح
محمد البشرى الخضر
الملك
انعام حيمورة
فيس بوك
تويتر
انستقرام
يوتيوب
بنتيريست