|
|
 افطار بورداب الخرطوم الثانى بفندق فالكون / قمة التحدى / صور و ابهة / البوست الموحد
|
التأم شمل بورداب الخرطوم مساء اليوم فى امسية بهية بفندق فالكون بالخرطوم ، و سجل
الحضور رقما معتبرا مما يجعلنا نرفع لاءات الخرطوم الثلاث :
* لا تجمع بورداب أكبر مننا
* لا افطار بورداب اشهى من افطارنا .
* لا صور افطارات أحلى من صورنا .
و قد شهد الافطار الثانى عدد كبير من قدامى البورداب و اعمدتهم و المحدثين .
و لان وحدتنا هى الطاغية على ما سواها فسيكون البوست موحدا لعدد كبير من الاعضاء
جاءوا بكاميراتهم بما فيهم تبلدينا الذى كان واضحا حرصه على جودة التصوير حتى
لا تأتيه الانتقادات من بين ترابيزه أو مسرحه .
دقائق احلل الصيام و الصور تنزل هبطرش
|
|
 
|
|
|
|
|
|
|
 Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: محمد الكاب)
|
حمور زيادة أسمع نصيحتى وفتوتي وأفطر من بكرة..
صدقني لو أصريت تقفل التلاتين حنجي نعيد لى نضارتك فقط ..
...
وهبة ده بعد التلاتات بالله لسة عندو وش يفطر بيهو ..؟؟
ياخى انت المفروض تصوم ليل نهار ..
...
عصيدة بقال الشهيرة وين فى زحمتكم دى ..؟
ولا الليلة حاولتو تقلدو ناس الدوحة بالكوكتيل ..؟
...
غايتو مناديل الورق دى بتدخلكم المنافسة بتاعت كوستاوي ..
مع الأخذ فى الاعتبار وجود عمار وأنور ، قد يحرمكم من تصدر القائمة ..
...
بالهنا والشفاء
وان شاء الله دائما تامين ولامين
وربنا يتقبل صيامكم و يؤاخي بينكم ويؤلف بين قلوب الانصار منكم والمهاجرين
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: انور التكينة)
|
طارق جبريل
ازيك ياصاحب يابراك
قريت رسالتك للاخ انور وآلمني كثيراً ماحدث لك
للاسف لم اقرأ ما حدث معك ولا أود ان اعرف
ما يهمني هنا هو التحدث الي طارق الذي أعرف انه
أكبر من أي سوء فهم فأرجع لمناكفاتك يا عزيزي
بحق ما بيننا من همٍ وحنين .
أدري جيداً ياطارق مدي شوقك لهذه الشوارع العاملة
كيف كيف . أكاتبك من حوشنا الشمالي اسمع بوضوح
نبيح كلاب مخلوط بنقيق ضفادع الاجواء هذه اجزم
انك تفتقدها فكن بيننا علي الاقل بما ينقله التكينة
واخرون وبل شوقك يامواطن طالما حرمتك البلاد من
أحضانها الدافئة . فعد يابن الطريق .
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: انور التكينة)
|
و رسالة اخرى بالماسنجر من الرائع طارق جبريل ....
و ...
برضو حأرفعها يا طارق و لن نصمت حتى تدخل هذا البوست بمناكفاتك
Quote: حبيبنا انور
ياخي شذييييييييييييييت
ههههههههههههههههههههههه
يا زول مالك داير تجيب لينا اللوم مع زول
تعرف انا لمن يكون زعلان مني زول والله ما بقدر انوم لو ما اتصافيت معاهو
هسي اي زول من اخوانا بورداب الخرطوم يفتكر انا قاصده بالكلام.. ههههههههه
هسي ديل اضرب ليهم تليفون كلهم اصافيهم كيف
مالك عايز تخرب ميزانيتي
هههههههههههههههه
قد لا يتقبل البعض هذا المزاح
عشان كدة انسحبت
رغم انه والله والله العظيم
افعل ذلك وبمحبة كبيرة
وبسعد شديد لمن حاجاتكم تنجح وتنبسطوا
نحن الله كتب علينا الغربة الفقر دي
لكن اهو من على البعد الواحد بيشارك الناس
فرحها وابتهاجها
كل الود لبوردب الخرطوم دون فرز |
حاشاك اللوم .... و منتظرنك
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: انور التكينة)
|
Quote: يا اخى سيبك من قلة لا تستوعب و اعرف ان
الكثرة تدرك مشاغلاتك الحلوة .
اقسم بالله اول فتحت البوست اثناء الافطار كان
اكثر سؤال قابلنى من البورداب : اها طارق جبريل قال شنو ؟
و حين تأخر ردك لجأ عمر صديق و احرون لتضريب فروق
الزمن .. و بكونوا لسه بفطروا ... و احتمال طارق يكون فى
التراويح ....
انت اكبر من ان تستجيب لهذه الاصوات النشاز ...
تعال يا اخى و مرجوعة فى مسماها |
دكتور طارق
رمضان كريم
ياخ والله كنا عاوزبن نضرب ليك لكن ما لقينا الرقم
وزي ما قال انور انت حبيبنا وما ممكن تسيبنا
| |
|
|
|
|
|
|
|
|
 Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: خضر حسين خليل)
|
والله يا ناس الخرطوم حيرتونا شديد
هسة نحن من قبيل نرفرش في البوست تقول عندنا فيه عود
طيب يا جماعة هسة نحن دايرينكم
تفرزوا لينا ديل من ديلا
لانوا شايف فاكس الأستاذ صديق الموج
المدير العام ومنسّق الروابط في سودانيز أون لاين
وهو الآن بصدد تكوين رابطة فلانة البرتكانة
المنبثقة في إطار قانون التوالي
هذا وقد أكتملت كافة الإجراءات الرسمية
وتم إعتمادها من قبل الجهات المختصة
ــــ
وفي معرض حديثه ذكر الأستاذ صديق الموج أن الأسباب الرئيسة لإنبثاق رابطة فلانة البرتكانة
هو التعتيم الأخباري الذي ظل يمارسه الاخ انو التكينة مصوراتي الإفطار
وانا بدوري أقدم رقاع الدعوة لبعض الشخصيات
التي لم تمارس الشفافية الإعلامية هنا
لتقريب وجهات النظر!!!
وعلي هامش الفاكس
سألت الأستاذ صديق الموج عن فلانة البرتكانة
فلم يدلي بأيي تصريحات صحفية في هذا الشأن
وقال أنها مفاجأة ستعلن في حينها
حبيب نورة
سكرتير رابطة فلانة البرتكانة!
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: حبيب نورة)
|
Quote: ــ
وفي معرض حديثه ذكر الأستاذ صديق الموج أن الأسباب الرئيسة لإنبثاق رابطة فلانة البرتكانة
هو التعتيم الأخباري الذي ظل يمارسه الاخ انو التكينة مصوراتي الإفطار
وانا بدوري أقدم رقاع الدعوة لبعض الشخصيات
التي لم تمارس الشفافية الإعلامية هنا
لتقريب وجهات النظر!!!
وعلي هامش الفاكس
سألت الأستاذ صديق الموج عن فلانة البرتكانة
فلم يدلي بأيي تصريحات صحفية في هذا الشأن
وقال أنها مفاجأة ستعلن في حينها
حبيب نورة
سكرتير رابطة فلانة البرتكانة! |
حبيب يا سكرتير البخت....غايتو فوله ما تنبلا فى خشمك ده!!!
ياخى مس اتفقنا اول شى تنزل الاسماء وبعدين نشهر الرابطه؟
طيب يا شباب:
اولا الاسم المؤقت للرابطه هو رابطة معجبى فلانه شبه البرتكانه..
ثانيا نحن مازى طارق جبريل حساسين وكده تطردونا مانمشى يوقفنا بكرى برضو مافارق
تطردونا من الباب نجىكم من الشباك ،شفتو نحن من فصيلة (ضبان الحريم).
لوبتعرفو زرزور الويكه البنهروه يطير متر ونص ينزل تانى داك بس ديل نحن.
وبعدين خايفين نقوم ننشن من بعيد نجلى..
لانو انا قلت لحبيب البرتكانه القاصدنها اظن اسمها شول اشوانق
خلاص نسميها كده قال لى:
يازول شول ده راجل وجنوبى كمان...اها خفت من اقتسام الرابطه مع اخوانا
ديل وتقوم تتعثر رابطتنا فى تنفيذ احد البرتوكلات يقوم بوكى مون ما يحلنا...
قام هو قال لى لا ياخى تكون حنين دى؟
قلت ليه ياخى ده صاحبى وجعلى كمان نقوم نسمى الرابطه يعمل لينا
خروج من هناك بعد عمل خروج نهائى من هنا ويجى يطعنا..
غايتو يا انور التكينه السويتها رقدت
ياخى الحقنا بالاسماء عشان نسمى الرابطة دى ونبدا شغلنا
اها منتظرنكم...
حاشية:
لكن ماتقولى لى يا شبه البرتكانه!!!!
يا السمحه بت الكلب،،،،
صديق الموج رئيس الرابطه...
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: صديق الموج)
|
Quote: ياخى مس اتفقنا اول شى تنزل الاسماء وبعدين نشهر الرابطه؟
طيب يا شباب: |
الأخ صديق الموج رئيس رابطة فلانةالمجهجهانة
تحية طيبة
نحن رأينا في القسم الإعلامي أن نبادر لإعلان تكوين الرابطة
وبالتالي فتح باب العضوية التي ستصبح قصراً علي بورداب الخارج
يعني ناس الخرطوم يشموها قدحة
وبعدين بمناسبة حلول عيد الفطر المبارك
نعلن عن جوائز قيمة تعلن في حينها
ومن ضمنها توب حرير ربطة[
وشبشب مسمار حنان بلو بلو
وبلاوز أفراح عصام
وبنطلون لبني
وطرحة الخرطوم الحاج يوسف!!
Quote: يازول شول ده راجل وجنوبى كمان...اها خفت من اقتسام الرابطه مع اخوانا
ديل وتقوم تتعثر رابطتنا فى تنفيذ احد البرتوكلات يقوم بوكى مون ما يحلنا |
يازول سيبك من شول!!
عشان ما يجي يشبكونا قسمة الطرحة
عشان الطرحة دي لو أتقسمت بتطير فيها رقاب وبتنجلد فيها ... آب
أهااااااا
منتظرين الصور
وترفق معها الأسامي مجتمعة إلي لجنة الفرز
برئاسة ود شيقوق !!!
والله وليُ الشيقوق!!
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: الملك)
|
| Quote: ومن ضمنها توب حرير ربطة |
حبيب نورة..ياخى كده بتعوقنا والدنيا قبايل عيد..
وانت عارف نوع ناس فلانه المعذبانا دى توب الحرير وكتين تربطوا
بالله التقول ربطوا ليك فى حلقومك..
اول شىء هى من نوع الناس الخصرهم بكون ماخد ليه شهقة لى جوة..
وووووووووووووب وتانى وووووووب والروب كمان..
انت قايل الرابطه نحن عاملنها من هين..
اين صديقى المنبثق لامحاله طارق جبريل؟؟
انور التكينة رويحتنا بقت فى الطقاق الحقنا بالاسماء
قدام كل شخصية...
الرابطه دى فارت واتدفقت،،،
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: صديق الموج)
|
Quote: حبيب نورة..ياخى كده بتعوقنا والدنيا قبايل عيد..
وانت عارف نوع ناس فلانه المعذبانا دى توب الحرير وكتين تربطوا
بالله التقول ربطوا ليك فى حلقومك..
اول شىء هى من نوع الناس الخصرهم بكون ماخد ليه شهقة لى جوة.. |
يازول وكيلك الله لو شفت البت فلانة البرتكانة
وهي قادلة بي التوب الربطة الحرير
والشبشب المسمار
علي اليمين تشهق جوة وبرة
وبعدين جماعتك ديل
كان طارق جبرين
وكان مصوراتي الرابطة الما شايف شغلوا دة
هسة في داعي يعطلوا أعمال رابطة منبثقة قانونياً
ومتوفرة ليها كافة وسائل الممارسة الديمقراطية
هم ما سمعوا بي التداول السلمي للبرتكان
يعني يا مصوراتي
صورتك الخايف عليها
نحن ما خايف علينا!!
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: العوض المسلمي)
|
هذا لقاء جميل ورائع .. التقيت بورداب الخرطوم من قبل أكثر من مرة ، وفي كل مرة يزدادون توهجا ...
التقيت ولأول مرة عبد الوهاب ورأيت عمار وجها لوجه والتقيت الشاب المشحون بالثقافة حمور ، ومنه تناولت رقم هاتف صديقي الذي لم ألتقيه منذ العام 1977 ، وكان هذا إحدى حسنات اللقاء .. والتقيت الولد الجميل ناجي الملك ، وهوملك بحق ..
التقيت ابني إبراهيم بقال ، وهو شعلة من النشاط ونهر من الإلفة .. التقيت المديرة نادية السر ، شابة رائعة ، ولطيفة ، تتعامل بمستوى خمسة نجوم .. قابلت ابني صالح تبلدينا ، صديق كل البورداب ..
قابلت ( المكاتل ) أحمد حنين ، وقد رافقني زمانا في رياض الخير ولم أجد منه إلا الخير .. ومن بورداب الرياض التقيت الشاب المحترم سيف الدين بخيت ، وقابلت صديقتي إشراقة حيمورة وابنتها سلمى وهنّ من أهلى وعشيرتي ..وكنت برفقة المهندس سيد أحمد قدورة وهو جار في الحي ورفيق في الغربة .. والتقيت الكثير من الناس الطيبين العوض المسلمي ، غلامابي ، زينب الشفيع ، وعمر الماحي ، وكثيرين ربما أن ذاكرتي أسقطت بعضهم..
وافتقدت الشقيقة انعام عبد الحفيظ ووددت لو أن حسين ملاسي كان هناك ..
| |
|
|
|
|
|
|
|
|
|
Re: افطار بورداب الخرطوم الثانى بفندق فالكون / قمة التحدى / صور و ابهة / البوست الموحد (Re: محمد عبد الماجد الصايم)
|
..
.
سلام
تحياتنا للحضور والجمع والصور ..
والله نفسي انسدت من كلام طارق جبريل
الود دا ما قايلو حساس للدرجة دى !!
والله ادهم حلف هو كان بناوشك من البوست السابق
وقالها بس ما خت تعبير الزول البضحك ..
بعدين داير تتحسس تانى مع منو ؟؟
ما تقول لى معاى انا ..
ياخى بطل حركات الوليدات دى ؟؟
يمين ما حصل جات لمه الناس ما ذكروك انت والموج
بالخير وفى دعواتكم المخيفة ..
يعنى يدلعوك .. ولا شنو ؟؟
___________
يا انور انت حسي خليت لينا محل ننزل فيهو صور
غطيت الناس بالطول والعرض ..
ماشاء الله خليفة بقال ..
| |
|
|
|
|
|
|
| |
انور التكينة
محمد صباحى
قاسم المهداوى
انعام حيمورة
حبيب نورة
فيصل محمد خليل
james
محمد الكاب
الطاهر ساتي
الرشيد حسن خضر
Shawgi Sulaiman
مزمل خيرى
SHIBKA
محمد نجيب عبدا لرحيم
معاوية عوض الكريم
عبدالوهاب علي الحاج
محمد البشرى الخضر
ALGARADABI
محمد عمر الفكي
محمد العوض
خضر حسين خليل
ناصر احمد الامين
محمد عادل
يوسف محمد يوسف
saif massad ali
سيف بخيت موسي
Kabar
صديق الموج
الخير محمد عوض
عمر صديق
الملك
فتحي الصديق
العوض المسلمي
elnawrani margan
ودقاسم
Yassir Tayfour
قلقو
فيصل نوبي
صالح عبده
داليا حافظ
أبو الحسين
محمد عبد الماجد الصايم
Dr.Elsadig Abdalla
almogira alemam
فيس بوك
تويتر
انستقرام
يوتيوب
بنتيريست