هل هنالك من يكتب لوسام لاحظوا الفرق ؟

Quote: الأخوان محمد ومهند (والأخوان دي تحتا خطين) هذا البوست يهدف ويبحث عن الحقيقة وبكل امانة واخوية صرفة اخاطبكم اليوم من منطلق مختلف بعض الشئ عن ماتعودتموه من اسلوب الصدمة الshock therapy. فأنا مؤقنا تماما ماانتما الا نتاج للازمة السودانبة الانقاذية وليس سببا فيها فمن خلال اسلوبكما في الكتابة عن النظام وبكل حماسة معددين انجازات تعد في مصاف اخفاقات وبكل المقايس المنطقية لاتخفي علي عاقل من منطلق ذلك استطعت ان اعرف انكما ضحية تربية هذا النظام السئ فحداثة عمركما توضح انكما قد ترعرعتم ونشأتم في كنف الة اعلام الانقاذ وكل البرامج الانقاذية الموجه لغسل العقول اليافعة فتعرضكم لجرعات وشحنات عالية من غث الانقاذ اعمي بصركم وبصيرتكم من ادراك الكثير من الأشياء. اتوجه اليوم اليكم يحدوني الامل الصادق في ان اجد فيكم عقول متفتحة واذان صاغية وقلوبا بعيدة عن اللأهواء والمصالح الضيقة ورخيصة فأمامنا وطن يحترق وسفينة غارقة في يم لجي. انا مدرك تماما ان لكم مصالح عضوية ومتشابكة في بقاء هذا النظام ولكن اخاطب العقل فيكم فأنتم شباب والمستقبل امامكم ولكم مصلحة اكبر واعمق في سودان مستقر عادل خير ديمقراطي وهذه الصفات بأي حال لاتنطبق علي نظام الانقاذ. اليكم هذه الاسئلة المنطقية وانتم غير مطالبون بالأجابة اذا اخترتم ذلك وهدفي من ذلك اثارة العقل فيكم بعيد عن العاطفة والمنطق بعيدا عن الأهواء 1- هل فكرتم يوما وبكل امانة وسألتم انفسكم كم عدد سكان السودان؟ وكم عدد السودانين بالخارج احصائية غير دقيقة تقول عدد سكان السودان 40 مليون نسمة علي الاقل سبعة مليون عايشين في الخارج دا غير 3مليون نازحيين ومشردين بسبب ازمة دارفور يعني ربع السودانيين عايشين ومشردين في خارج السودان هل سألتوا نفسكم السؤال دا لماذا يعيش هذا الكم الهائل من السودانيين خارج السودان ولسنوات طويلة لدرجة تكوين كيانات سودانية خارج السودان لاول مرة في تاريخ السودان وبهذا الحجم. 2- كم عدد الخبرات والكفاءات والتخصصات المهنية النادرة خارج السودان ومنهم من يعيش في المهاجر حتي شارف علي المعاش ومنهم من عاد الي السودان واصطدم بواقع مرير وجو مشحون بالفساد والفوضي وعدم المسئولية وخاصة في المجال الطبي لدرجة لايمكن التعامل معها فحزم حقائبه وعاد مفضلا العودة والموت في المهاجر الباردة وترك وصية دفنه في السودان مسقط الرأس بكل حسرة. 3-كم عدد الاسر وهنا اقصد اسر بحالها يعني ناس قفولوا بيوتهم عدييييل وكسحوا ودي ماحصلت في تاريخ السودان فسفر السودان تاريخيا كان علي النحو التالي: 1- ناس البحر والسفر من اهلنا الرطانة من دناقلة ومحس وحلفاويين والبعض منهم استقر في اوروبا وامريكا وحتي المكسيك منذ الاربعينيات والخمسينيات. 2- السفر للدراسة وغالبا بعثات حكومية لمصر وانجلترا واخيرا امريكا. 3-السفر من اجل العلاج وغالبا لمصر وانجلترا ودا خلاص لمن الواحد يكون جاري كرت اخير ويمكن يجي راجع وغالبا مابرجع. 4-السفر للحج والعمرة وكانوا بيقولو فلان ماشي الحجاز. 5-بعد الحقبة النفطية في السعودية والخليج بدأت ظاهرة الهجرات الاسرية ولأول مرة( الاغتراب). اسر صغيرة غالبا لشباب وعرسان حديثين وتكون الرجعة كل سنة في الاجازة الصيفية. اما في زمن الانقاذ العجيب وكما ذكرت فتغير نمط الهجرة تغيرا ملحوظا اولا اتجه السودانيين الي بلاد وجهات لم تكن مطروقة من قبل مثا امريكا وكندا و1نجلترا ونيوزلندا ومعظم الدول الاوربيه والاسكندنافية ودول البلونكس وبلاد الشناقيط وبلاد الواق واق و استراليا وكل الدول البتنتهي بي ااااان زي الشيشان وقيرعستان وقوقازستان واخيرا اسرائيل ظاتها!!!!! اصبحت الهجرة هجرة جد جد يعني ONE WAY TICKET ما زي زمان لما كان الواحد بيسافر لسبب وبيرجع او سفر لعددة سنوات لتكوين النفس ثم الزواج وبني البيت (هجرة السبعينات والثمانينيات) هجرة الانقاذ دي طفشة عديل فلأول مرة تسمع بفلان ليهو 15 سنة مارجع السودان او 16 سنة مارجع وبعملية حسابية بسيطة ومقارنة مع 17 الانقاذ تعرف السبب . لاول مرة تلقي جميع افراد الاسرة هاجرت يعني الاب والام والابناء ومرات الحبوبات كمان ودي ظاهرة غريبة جدا ومؤلمة خاصة في بلاد الغرب عندما تجد هولاء الاجداد والحبوبات مرغميين للعيش في بلد طيرو عجم وتلقاهم في ظروف نفسية ودبرسة شديدة من كل شي الجو البارد والتعامل البارد والاكل البار وكمان الشاي البارد ال ICE TEA وزي ماقال لي واحد عمنا جد صاحبي ياولدي الشاي البكوليهو تلج دا ماسمعنا بيهو!!!!!!!! والاهم من دا كلو لاول مرة في تاريخ السودان نسمع بكلمة اللجؤ السياسي وتداول هذا المصطلح وبهذا الحجم وكادت كلمة ASYLUM ات تدخل وبكل جدارة معجم ا لمصباح المنير ومختار الصحاح فهلا سألتم انفسكم هذه الاسئلة يوما ما ؟؟؟؟؟. ولنا عودة ومزيدا من الاسئلة!!!