|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
الناس الموافقة على البرنامج بعد التعديل حتى الحين
حمد
آمنة
الكوتش
و البرنامج بعد التعديل هو
الاحد هاله - ابراهيم - خطاب
الاتنين الكوتش - سحر - تهانى
التلاتاء ليون - هشام - قدورة
الاربعاء حمد - آمنة - ابوهريرة
الخميس علاء - صلاح - طاخ
فى كل اسبوع > يوم من الايام الخمسة اوف ولكن تحت اشراف
نفس المجموعة للتقييم او استمرار برنامج معين للمناقشة
ونبدأ من الاحد القادم ثم الاتنين للاسبوع الذى يليه وهكذا
+ اى اعضاء جدد او عضوية قديمة تم تنشيطها توزع بالتراضى
+ تصويت عم رجب الاسبوعى للمراكز الاولى
فى تعديل ولا نعتمدوا
| |
 
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
بعد انقضاء الاسبوع الاول لعمليات الاشراف بالنسبة للمجموعات و عمليات الدعم الوجستى
ترشيحات طارق الكوتش للاسبوع الاول كالآتى :
1- المجموعات
المركز الاول : مجموعة الثلاثاء ( ليون + هشام )
المركز التانى : مجموعة الاحد ( ابراهيم + هاله )
المركز التالت : مجموعة الاربعاء ( حمد + آمنة + ابوهريرة )
2-الدعم الوجستى
المركز الاول : ابراهيم
المركز التانى : خطاب
المركز التالت : حمد
شروط الترشيح ( التصويت ) :
1- غير مسموح بترشح مجموعتك فى الاشراف او نفسك فى الدعم الوجستى
2- المركز الاول 3 نقاط ، التانى 2 نقطة ، التالت نقطة واحدة
3- ينتهى التصويت يوم الاحد فى كل اسبوع للاسبوع السابق الساعة 11:59 مساء بتوقيت قرنتش
بس الاسبوع الاول استثنائى و ينتهى يوم الخميس بكرة الساعة 11:59 مساء بتوقيت قرينتش
4- تتجمع النقاط وتعلن النتيجة حصريا فقط على تلفزيون عم رجب الذى تعهد بتقديم الجوائز فى مهرجان اسبوعى ضخم
نرجو من الجميع المشاركة كجزء من عملية التقييم
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
نرجع لبرنامج اليوم
نور بيتنا وشارع بيتنا
يوم ما جيتنا ..
يا الهليت فرحت قلوبنا ..
يا الطريتنا الليلة وجيتنا..
نور بيتنا وشارع بيتنا..
كنا فرشنا السكة ورود
لو كلمتنا كان بالجية..
خطوة عزيز ويوم وعود
الخلاك تطرانا شوية..
كل البيت خليتو فرحة
فتحت عيون وقلوب منشرحة..
جيت وإكتملت بيك اللوحة..
أهلاً بيك..يا الهليت فرحت قلوبنا
رايكم شنو نسمع بدون اى تعليق
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
Quote: ترشيحات طارق الكوتش للاسبوع الاول كالآتى :
1- المجموعات
المركز الاول : مجموعة الثلاثاء ( ليون + هشام )
المركز التانى : مجموعة الاحد ( ابراهيم + هاله )
المركز التالت : مجموعة الاربعاء ( حمد + آمنة + ابوهريرة ) |
مجموعة الخميس أثرت عليها الظاهرة الكونية؟؟
ــــــــــــــــ
التحكيم فاااشل
الأحمر السوهاج وين انت؟؟
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
السلام عليكم بالعصر
الزنقة حاصلة
معليش يا بير
..
ود الرضي قال وهو في االثالثة عشر من عمره
بسم الله ابتديت متل البرق لاحت
في الشين والفشل بقينا نتباحت
طال الكان قصير والعالي اتّاحت
والحوبات حليلن ملكتن راحت
..
مالك يازمان شبعتنا وح ووحيح
صدق الدون كضب وكضب العوالي صحيح
غنى هذه القصيدة مجموعة غقد الجلاد فابدعت
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
نقلا عن (ادريس عوض):
بمناسبة يوم الغناء والموسيقي أقدم لكم هذه الأغنية الحديثة
التي (شدح) بها (المغني رجب بتاع الكوتش)
كتاب التقويم السنوي الشعبي
شعر: هاشم صديق
الإهداء
إلى
لينة هاشم
خلي ثغر الشِّدَّة باسم
كففي الدمعة البقت موسوعة
في خد المواسم
خلي جيلك شوفو حاسم
عندي إحساس
- رغم أحزان المراسم-
( إنو باكر بيكي أجمل
وانو باقي الرحلة أسهل
والأماسي الشارقة
من ضلفة عيونك
شوفا أنبل)
(1)
صورة الغلاف
صباحات الوطن
غُمه
عصر كف الحُزُن
أُمة
يتيم قلب البحس
يمه
مات خيل الفرح
مسكين
حَزّ وريدو
حد سكين
وكِت لا ضحكة
لا لمّه
.........
كسر سيف الحنان
نصلو
ونبضات الأمان
كملو
تقول وجع البلد
جَنّ
ومن كل الخشوم
طلعت
مع شايي الصباح
أنّه
(2)
رمضان
رمضان كريم
الصام يصوم
القام يقوم
سمح الصيام
تقوى القيام
ومن دون
تصاديق أو رسوم
الحال كعب
السوق صعب
الزيت غِلا
والعيش تِغا
وجانا البلا
(الفقري) ده.
ناساً تصوم
كل يوم تعوم
فوق الفواكه
والفطاير واللحوم
لازّه الكروش
نافخه الجضوم
وناساً عضام
لابسين هدوم
ورِجلين حفا
وساعة الفطور
(لُقمه) وملاح
حبة تمُر
(جك) للعذاب
(جك) للهموم
(جك) للأسى
وموية وكفا.
... ... ... ...
رمضان كريم
قول يارحيم.
(3)
الفطر
ياتو عيداً
جانا قادل
والحلق ما فيهو
غَصّه
وكلو دمعه
وكلو وحّه
وكلو قرصه
ليها قصه .
كم (خليفة)
دسّ من عينّا
الرغيفة ؟!
وكم إمام
باع وجعنا الغالي
في سوق الكلام ؟!
وكم (غُلام)
ساقنا زي زفّة هوام
وطاش وكضّب
في منصه ؟!
وكم (شريك)
باس جرحنا
في أي مِحْنه
وضاق عَرَقنا
وتفّ حسه.
... ... ... ...
كلو عيداً
زار ولفّ
والفرح مسكين
وهاجد في محّفه
(السادة) سادرين
في النعيم
والشعب دايخ
وراسو لفّ.
... ... ... ...
إلا عيدنا
أكيد وجاي
ماكان عذابنا
رخيص وساي.
الأمل زاد المسارب
الشمس ترجع
تبارز في المغارب
الجموع تصحا وتْصارع
الوطن مربوع
وفارع
الفعل ما بيبقى
ماضي
ديمه بتْنفّس
(مضارع)
راسو مرفوع
في المنصة .
(4)
الأضحى
ضحيتّ
وكان كبش الضحية
خروف وهم
جركانة زيت
من رف خَبَل
ورسمْت في ورقه
البصل
ودبّرت في الأحلام
فحم.
عيدين وانا (الحاج)
المهرول
بين (صفا) الكعك
المحال
و(مروة) الشوق
للحم .
كلو عيد وانا زفّه
في الغيظ والأذية
راجي عيداً
ألقى فيهو الفرحه
واقع
والمباهج أبجدية.
حُرية في شفق
الصباح
وسُترة في الأيام
هدية
...
كلو عام
وانتو (شاهد)
ما ضحية .
(5)
اكتوبر
يا اكتوبر
جيت مشتاق
حضنك رقراق
ذكّرت الناس
الألم العام
الغضب النام
الحق ينضام
الصوت معبور
السيف مكسور
والساقية تدور
... ... ... ...
وانحنا زمان
(للشمس النايره
قطعنا بحور
حلفنا نموت
أو نلقى النور
وكان في الخطوة
بنلقى شهيد
بي دمو بيرسم
فجر العيد
وما اتراجعنا )
... ... ... ...
يا أكتوبر
هلّيت فِي اللّيل
نقّرت وترنا
تبّيت حفيان
بي غبني فتحت
لقيتك خيل
سلامك حار
وغناك بِندار
في الحال صَحْصَحْت
واتذكرت
القسم الغالي
وصية وذِمّة
وهموم الناس
وعذاب الكلمة.
اتهجيت
من لفحة لهبك
اسم الشارع
ومعنى الشارع
واتعلمت دروسك
(ماضي)
(مضارع)
يا نبض أمبارح
وراجع فارع .
اتعلمت أدوس
الجمرة
واعيش بالحسرة
وافك الشفرة.
واتوترت
جروح وصدام
من كل مسام
الشجن العام
لا نَقْنَقْتَ
ولا اتجرّسْت
ولا اتفكيتْ
من ريد الأمه
ولا اتبريت
من شرف الذمه
وِلبِستَ الريح
طاقية وعمه.
وأصبحت كبير
بهوية وهمه .
(6)
رجب – أبريل
ضُفرك محنن
بالسكن
نومك مقطّع
بالمحن
غيظك كِبر
جرحك رطن
ويبست شفايفك
يا وطن .
في عيونك
إندلع الشقا
وسرح الجفاف
ضِهْب الفرح
من دمعتك
وأنْشقّ
من غيظك
شِدَر نخل الضفاف
فلّوكا في لهب
الظروف
مدّوكا في إبر
الكفاف
كل البيوت
صبحت سجون
كل الحدود
قامت جدار .
وراها معزول
الزمن
ومن فوقها
مكتوف النهار
وزي كلو ليل
لو طال وجال
تتململ الشمس
العظيمة
وبكره الفَجُر
إنتظار
دمدم هديرك
ياوطن
صحّا العباد
قلعت شوارْع
الحِلّه
تيبان الأسى
نفضت غُبار
زمن الحداد
ورفعنا
صيوان الأسف
وطلينا
بالشمس السواد
وعَبَرْنا
فوق موج الغبينة
وفينا مات
زمن (التصحر
والجفاف)
إتْفتّح القلب
النعس
واتفجّر الصوت
البخاف
واتشقق الأسفلت
وقام فرح الشوارع
ومن مسام كل الأرِض
طلع الهتاف
طلع الهتاف
طلع الهتاف.
(7)
رأس السنة
أشتل
على الحجر الورِد
واخدع أناملك يا برد
بي غُنيه
عن ريداً بجي
وأسرح
مع العام الجديد
مستني (للخضر النبي)
يبكي الأسف
من وهمي
ويرتج الجدار
ويمشي الملح
بي دمعي للزمن البوار.
واهبط
من الزمن الجميل
متدلّي
في بير الغبار
واعزف
على الوتر الجريح
شجن المعارف
ووحّة الريح
في المدار.
... ... ... ...
رأس السنه
ويبدأ الزمن
نفس الزمن
زايف لزِج
يعتب جواد الرحلة
في شوك الصخور
ويتْهدّ حيل
عصب السرج
واسمع
صدى العام القديم
مترامي في الزمن
الجديد
- الحب مجرّح بالكذب
- نهر الصِدّق
جف ونضب
- عِشْق السلام
شجن الحرب
- مات الشرف
والسيف رجف
... ... ... ...
آخر السنة
ضاعت حروف كلمة فرض
وغابت شمس معنى العرِضْ
... ... ... ...
الهوامش:
1/ اختصرت القصة
في ورد الكآبة
واستويت بي فرسي
في جبل الغلابة
أستظل بالريح سقف
وانقش على (الهبباي)
حرف
واحصد عجاج الرحلة
واتوسد ترابا
.........
صدقيني الليل جواد
والدنيا غابة.
2/ أتجاهل حنيني إليك
أخاف يمكن يجيبني إليك
وأنا الضايق جمر غيرك
أشوف
شيتاً عصرني عليك
تقول مطراً هطل
دقّاني في السكة
جريت بي حيلي لي بابك
أقول أتضارى وادفا
أقول يمكن بنية اصيلة
زي خيلاً دفر بي زفة للفّة
وجيت كايس أمان حضنك
ودار عينيك
أخاف منك، وأنا العاشقك
وباقي عليك.
3/ الصاباحات والمسرة
النسايم سابحة حرة
الرسايل كلو مرة
الأماني صبية خضرا
الورود زاهيات وحمْرا
الشوارع ليها نظرة
الحُزُن بقطارو مرَّ
وإنتِ أسمع ألف مرة.
الغلاف الخلفي
سمعت الرادي
قال الشعب
قلت الرادي
حسه يقول
- حال الشعب
عسير وصعب
... ... ... ...
لقيت الدنيا
قايمة قيامه :-
الشتّامه
الحّكامه
الفهّامه
النضّامه
اللملالمه
الجضّامه
والكوراك.
... ... ... ...
ناس (مولانا)
ناس (سارتانا)
ناس (سيّدنا)
ناس (ديجانقو)
و(الله معانا)
ناس ( كللمبو)
ناس (كوجاك).
حتى (إمامنا)
صار (رأس حربة)
و(البهلوله)
لا عب (باك).
سيجار (هافانا)
كيف (الورطه)
اصبح زانه
(كيف) الشعب
صار (تمباك)
وكان فكرت
أو صنقعت
أو حللت
قبل المرقه
تبقى عميل
يحابي دخيل.
وكان ذاكرت
جرح الناس
وقلت الجايه
تبقى (خلاص)
لا (أوكامبو)
لا (حجاج)
ولا (رجراج)
أنحنا القاضي
بس للوالي
والداسونا
والحُراس
يكنكشو فيك
نياب واليك
من مغرب
شَمِس بلدك
وحتى بزوغ
صياح الديك.
... ... ... ...
وانت شنو؟!
في (نظرة) ديكا
أو عين ديل
غير انك
(ضعيف صوتك)
(صغير اسمك)
يسير موتك
فطورك عك
عشاكا هوان
... ... ... ...
وإنت منو ؟!
لا في (العير)
ولا الإمكان
ساعة الأزمة
تصبح (في)
بعد الأزمة
تصبح (كان)
... ... ... ...
وانت عجيب
نبيل وغريب
ما بتخون
عروق عزمك
شرف بلدك
تفتش نجده
من (لاهاي)
ولا نصروك
كبار بلدك
وكت باعو
البشاير ساي
أخير تختار
بدل تحتار
يا جبار
رغم الوعسة
والإعصار
بدل تبقى
خانة (كان)
أبقى دوام
تمام في (صار)
... ... ... ...
إنت (الواعي
ما بوصوك)
ولا بملوك
ولا بْغُشُوك
ولا بقودوك.
................
يا جبار
يا إعصااااااااار.
رقم الإيداع
ألفين وعشرة
أبقو عشرة
على الوطن
رغم المحن
الطابعون
دار صابرين
الطبعة الألف
القرن الواحد وعشرين.
هاشم صديق
نوفمبر 2009م
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
ما هي علاقة جامعة الخرطوم بالموسيقى ؟؟
..
جامعة الخرطوم تلك الحبيبة
كل الفنانين غنو في الجامعة
وردي
محمد الامين
عركي
كابلي
مصطفى سيد احمد
شرحبيل
كل الحفلات التي كانت في الجامعة ستظل عالقة
اول السنة يكون دائما استقبال للطلاب الجدد ووداع للخريجين
وتكون فترة دسمة بالموسيقى والفن
ثم تاتي الاسابيع الثقافية
ياسلام
مرة في طب . ومرّة في شمبات
مرات تكون في حفلتين سوا
مثلا
واحدة في تربية بي ابو عركي
والتانية في علوم بي شرحبيل
الواحد يحتار يمشي شنو ويخلي شنو
..
يوم كنا مفلسين انا واخي زعزوع عليه رحمة الله
وكانت في حفلة بي شرحبيل في صيدلة
حضرناها وكان معنا اخوهو شغال ( بحار )
وكان دي اول مره اقابل فيها واحد شغال بحار
بعد الحفلة ادانا خمسة جنيه عشان نركب تاكسي ونرجع البركس
لم نركب التكسي
وركبنا بص طب ووفرنا القروش لنشرب بها ليمون بزنس
..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
قامت السكرتارية الثقافية بالجامعة بفتح فصل للموسيقى
كان السكرتير الثقافي الاستاذة فاطمة ارباب
الدكتور صلاح الدين محمد الحسن كان عميد معهد الموسيقى عمل الاختبار
دخل الفصل 36 بنت و14 ولد
كنا انا وزعزوع من ضمن الطلبة
..
الدراسة في فصل الميوزك تبدا الساعة 7 مساء
كان سامي عبد الرحمن بتاع مساحة معانا
وغادة كدودة وهند وهيفاء قاسم وماجدولين النور من معمار
...
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
Quote: ياسلام
مرة في طب . ومرّة في شمبات
مرات تكون في حفلتين سوا
مثلا
واحدة في تربية بي ابو عركي
والتانية في علوم بي شرحبيل
الواحد يحتار يمشي شنو ويخلي شنو |
حمد:
لمن ترجعو قريب الصباح للبركس، وتلقوا (الدايات) نايمين
عشان يصحو لمحاضرة الصباح، بتعملو شنووووو؟؟
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
Quote: لمن ترجعو قريب الصباح للبركس، وتلقوا (الدايات) نايمين
عشان يصحو لمحاضرة الصباح، بتعملو شنووووو؟؟ |
اول حاجة يا حاج بنبدا بالبرالمة داخلية اربعات
وباعلى صوت نبدأ في الازعاج
ترت ترت برلومنا قرد
البرلوم الشين جابوك من وين
ثم نلتفت لناس اقتصاد
كوم رماد ولا اقتصاد
اولاد وبنات سكرتيرات
ثم ناس اداب
ثم ناس علوم
بعضهم يقوم بكشح الموية
اما الداية فهي برة السنتر
كلية اوضة وعنبر
..
ما كنا قاعدين ننوم
وبع ده بنحصل لكشر 7
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
Quote: بعضهم يقوم بكشح الموية
اما الداية فهي برة السنتر
كلية اوضة وعنبر |
من ابداعات هندسة الشهيرة >
تتى التتى الترتى يقرص فينا النمتى
عرقك كاب بنزف ممزوج بالغبار وانت تموج وتهتف آى ده الشغل ده الشغل
يا داية يا داية لا سفة من الكيس لا تشربى سجارة
اقتصاد القاعده بره قاعده لى انا للمضرة يا حماده اديها جرة شيلة من الدورى برة
مصطفى يا مصطفى انا بحبك يا مصطفى
مرتضى يا مرتضى انا بحبك يا مرتضى
اسكول جنوب السنتر صلاة النبى فوقو كلية اوضة وبمبر صلاة النبى فوقو
الدومة قالو رئيسه صلاة النبى فوقو عضة اضانى كديسة صلاة النبى فوقو
انحن قرب السنتر صلاة النبى فوقنا كلية مالية السنتر صلاة النبى فوقنا
انحن رغم سمستر صلاة النبى فوقنا الجكس فينا مكسر صلاة النبى فوقنا
كوم تراب ولا الآداب ... جردل مخروم ولا العلوم .... الكانون ولا القانون
جزمة باتا ولا الشمباتا ....
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
يا طارق فصل الميوزك كانت فيهو حاجات طريفة
طبعاكانت هناك محاضرات صولفيج غنائي
ومحاضرات عملي
بعد ما مشينا شوية في النوتة
جابو اساتذة من المعهد الفاتح حسين جيتار
صلاح درويش عود
صلاح محمد الحسن بيانو
عثمان النو باص جيتار
وكل واحد في ناس الفصل يعزل الالة المناسبة معاهو
وفعلا اخترنا
قام الاستاذ الدكتور صلاح قال في زول ما عزل ليهو الة
قامت بت كدودة قالت انا يا استاذ
قال ليها انت عاوزة شنو
قالت ليهو درمز مافي يا استاذ !!
فضج الفصل بالضحك
لانو فعلا مافي طالب عزل الدرامز وهي تريد ذلك ( مع العلم ان اغلب عازفين الدرامز رجال )
...
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
سلاااااام يااهل الدرا
والله قلتا اجى عقاب الليل ده اقص البلد وارجع
ذاكرتا الفاتنى على خفيف وشايفة ناس الليون وهشام اتحفونا بيومهم جد ممتع
وياكوتش انا مواااافقة على التشكيلة
انا لاقية ابارى الكوتش والدكتورة تهانى؟(ابارى من بيرة)
الباقين كلكم ازيكم بدوون فرز
بجيكم بكرة ان شالله
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: علاء الدين محمد بابكر)
|
هاك يا علاء الدين من الكوتش > رش الموية بس قدام الدكان >
مرة واحد اسمه عزوز راح اشتغل عامل عند ميكانيكي....
وفى يوم قال عزوز لصاحب الورشة أنا اعرف عمدة الحي.....
صاحب الورشة ما صدق....
لكن بعد يومين فعلا مر العمدة قدام الورشة وسلم على عزوز سلام حار جدا
صاحب الورشة أعجب بعزوز وشغله مشرف على الورشة ....
وبعد يومين عزوز قال لصاحب الورشة أنا اعرف الوزير
قال له : لا دي صعبة جدا
وفعلا بعد يومين مر الوزير قدام لورشة وسلم على عزوز سلام حار جدا......
صاحب الورشة أتجنن وقال لعزوز : يا ولد يا عزوز أنا بزوجك بنتي وتمسك الورشة مكاني ....
وبعد يومين قال عزوز لصاحب الورشة أنا اعرف أوباما ؟؟
ولكن صاحب الورشة قال هذي كبيره مره وبلاش تتفشخر علي .....
عزوز قاله تعال نسافر وتشوف ؟؟
وفعلا سافروا أمريكا ووقفوا قدام البيت الأبيض وعزوز قال شوف الشباك الأبيض، راح أطلع بعد شوية أنا وأوباما ونقول لك هاى.
وفعلا بعـد شويـة عزوز طلع هو وأوباما ...
وبعد خمس دقائق صاحب الورشة أغمى علية وراح المستشفى !!!
ولما فاق سأله عزوز :- أغمى عليك عشان شفتني أنا وأوباما ؟؟؟
صاحب الورشة قال له لا ....
أنا أغمى علي عشان أنت و أوباما واقفين في الشباك عدَّا من قدامى اثنين أمريكان يسألوني مين اللي واقف جنب عـزوز داك؟؟
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
سحروز يا بير
تسلمى و فعلا حيكون قروب رهيب خصوصا لو د تهانى ادتنا شوية من زمنها
وبعدين عشان ننافس فى المراكز الاولى لازم نبنى استراجية ذات ابعاد سباعية
لكن تعرفى بالجد خطاب البير بفرق معاى البير ماساهل خصوصا لما يكون فى مدينة الجنينة
اها بالنسبة لحتة الرقى فالفضل برجع لعمك رجب خصوصا عندما يخلط
البرلومة فى النادى الجغرافى ....
يا حليلو ناوى السفر لايوجد فديو لها بحوزتى وبنفس المواصفات >
فقط صوت وكمان خفى > آده رجب وآدى حكمته ، نعمل شنو !
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
كانت الواطة بالليل، وكنا نحنا ماشين بالجنبة اليمين
من شارع النيل،
الجنبة التانية من الشارع كان في جماعة ماشيين عكسنا
وبيعايونو في النيل، كانت الواطة عندهم بالنهار(الظلط كان كبير شوية)، الكلام دة
في التمانينات ونحنا راجعين من المذاكرة، للبركس،
قام سألني واحد: انت النيل دة ماشي من الحبشة لحدي (الحلبة)
لو دايرين نمشيهو عكس نعمل شنو؟
قلت ليهو جواب السؤال دة خليهو لناس اليوم الحار في القرن الواحد وعشرين
قطع شك عندهم ليك جواب..
الغريبة لمن دخلنا بوابة البركس الفاتحة غرب علي مستشفي العيون لقينا
الشمس دابة دارة تغيب..
قلت ليهم والله الزمن دة مباالغة عديل..
دخلنا البركس وسألنا تاني..ما اصل كلمة بركس...
دي يااااك ساي.
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
الناس الموافقة على البرنامج بعد التعديل حتى الحين
حمد
آمنة
سحر
الكوتش
و البرنامج بعد التعديل هو
الاحد هاله - ابراهيم - خطاب
الاتنين الكوتش - سحر - تهانى
التلاتاء ليون - هشام - قدورة
الاربعاء حمد - آمنة - ابوهريرة
الخميس علاء - صلاح - طاخ
فى كل اسبوع > يوم من الايام الخمسة اوف ولكن تحت اشراف
نفس المجموعة للتقييم او استمرار برنامج معين للمناقشة
ونبدأ من الاحد القادم ثم الاتنين للاسبوع الذى يليه وهكذا
+ اى اعضاء جدد او عضوية قديمة تم تنشيطها توزع بالتراضى
+ تصويت عم رجب الاسبوعى للمراكز الاولى
فى تعديل ولا نعتمدوا
ــــــــــــــــ
بعد انقضاء الاسبوع الاول لعمليات الاشراف بالنسبة للمجموعات و عمليات الدعم الوجستى
ترشيحات طارق الكوتش للاسبوع الاول كالآتى :
1- المجموعات
المركز الاول : مجموعة الثلاثاء ( ليون + هشام )
المركز التانى : مجموعة الاحد ( ابراهيم + هاله )
المركز التالت : مجموعة الاربعاء ( حمد + آمنة + ابوهريرة )
2-الدعم الوجستى
المركز الاول : ابراهيم
المركز التانى : خطاب
المركز التالت : حمد
شروط الترشيح ( التصويت ) :
1- غير مسموح بترشح مجموعتك فى الاشراف او نفسك فى الدعم الوجستى
2- المركز الاول 3 نقاط ، التانى 2 نقطة ، التالت نقطة واحدة
3- ينتهى التصويت يوم الاحد فى كل اسبوع للاسبوع السابق الساعة 11:59 مساء بتوقيت قرنتش
بس الاسبوع الاول استثنائى و ينتهى يوم الخميس بكرة الساعة 11:59 مساء بتوقيت قرينتش
4- تتجمع النقاط وتعلن النتيجة حصريا فقط على تلفزيون عم رجب الذى تعهد بتقديم الجوائز فى مهرجان اسبوعى ضخم
نرجو من الجميع المشاركة كجزء من عملية التقييم
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
أنا طبعا ما كنت مركز خالص في حتة البرنامج بعد التعديل ،،
وما كان عندي طريقة أفكر في الموضوع ،،
ومجهز ال Medical
بس،،
| Quote: الاحد هاله - ابراهيم - خطاب |
طالما في هالة وخطاب ،،
وبيسدوا الفرقة ،،
موافق ..
Quote: فى كل اسبوع > يوم من الايام الخمسة اوف ولكن تحت اشراف
نفس المجموعة للتقييم او استمرار برنامج معين للمناقشة
ونبدأ من الاحد القادم |
| Quote: في تعديل ولا نعتمدوا؟ |
اعتمدو ،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
الكوشت،،،
Quote: 1- المجموعات
المركز الاول : مجموعة الثلاثاء ( ليون + هشام )
المركز التانى : مجموعة الاحد ( ابراهيم + هاله )
المركز التالت : مجموعة الاربعاء ( حمد + آمنة + ابوهريرة )
2-الدعم الوجستى
المركز الاول : ابراهيم
المركز التانى : خطاب
المركز التالت : حمد |
المجموعات:
المركز الاول : مجموعة الخميس (علاح وصلاء)
المركز التاني : مجموعة الاحد مجموعة الثلاثاء (ليون وهشو)
المركز الثالث: مجموعة الاحد (هالة وهومي)
اما الدعم اللوجستي:
المركز الاول: عمو رجب
المركز التاني: حمد
المركز التالت : خطاب
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح مختار)
|
الحاج
Quote: قام سألني واحد: انت النيل دة ماشي من الحبشة لحدي (الحلبة)
لو دايرين نمشيهو عكس نعمل شنو؟ |
يقولون مصر (هبة النيل)
يعني هبه(اللي هي مصر) بنت النيل
فالنيل مؤجر بحيره في الحبشه و بيمشي يزور بتو الرحلوها بعد الزواج
لو عايزو يمشي عكس
بي بساطه
جيب الحلبه محل الحبشه.
| Quote: ..ما اصل كلمة بركس... |
هو سلسلة الإستراحات القصيره المتصله(انجليزي يا رجب)
لإن الطالب يأخذ فيه استراحه طويله
قد تمنعه احيانا من الإستمتاع ب break المحاضره.
مافي واحد يجي يقول ثكنه و بتاع
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
تحليل إحصائي ،،
بتقييم تجربة الإسبوع المنصرم * ،،
من ناحية تحريك البوست بالمشاركات من الأعضاء ،،
والمتابعة من غير الأعضاء ،،
نلاحظ إنه الحركة عادت للبوست 4weel drive
(الله يستر من عين هناي داك ،،)
وبمسح سريع ،، نلاحظ الآتي :
مجموعة الأربعاء 30/12/2009 :
عدد المداخلات 119 - صفحتي 87 - 88
مجموعة الخميس 31/12/2009 :
عدد المداخلات 176 - صفحات 88 - 89 - 90
مجموعة الجمعة 1/1/2010 :
عدد المداخلات 23 - صفحة 90
وطبعا ترجع قلة مداخلات ذلك اليوم ،،
لأنه (قروب) سارة المشرفة ما كانت فاضية ،،
ومشت الكوفير من الصباح ،،
مجموعة السبت 2/1/2010 :
عدد المداخلات 99 - صفحتي 90 - 91
مجموعة الأحد 3/1/2010 :
عدد المداخلات 181 - صفحات 91 - 92 - 93
مجموعة الإثنين 4/1/2010 :
عدد المداخلات 154 - صفحتي 93 - 94
وده معظمة دعم لوجستي ،، بالإضافة لمجهودات سحر من المجموعة ،،
مجموعة الثلاثاء 5/1/2010 :
عدد المداخلات 139 - صفحات 94 - 95 - 96
إنتهى ،،
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: ابراهيم محمد الحسن)
|
شكرا ابراهيم ونتمنى الاستمرار
وتحليل مفرح
وياريت تتبعه و الآخرين الاعضاء الكرام بالتصويت للمراكز
الاولى بكل شفافيه وذلك بعد انقضاء الاسبوع الاول لعمليات
الاشراف بالنسبة للمجموعات و عمليات الدعم الوجستى
و ترشيحات طارق الكوتش للاسبوع الاول كانت كالآتى :
1- المجموعات
المركز الاول : مجموعة الثلاثاء ( ليون + هشام )
المركز التانى : مجموعة الاحد ( ابراهيم + هاله )
المركز التالت : مجموعة الاربعاء ( حمد + آمنة + ابوهريرة )
2-الدعم الوجستى
المركز الاول : ابراهيم
المركز التانى : خطاب
المركز التالت : حمد
شروط الترشيح ( التصويت ) :
1- غير مسموح بترشح مجموعتك فى الاشراف او نفسك فى الدعم الوجستى
2- المركز الاول 3 نقاط ، التانى 2 نقطة ، التالت نقطة واحدة
3- ينتهى التصويت يوم الاحد فى كل اسبوع للاسبوع السابق الساعة 11:59 مساء بتوقيت قرنتش
بس الاسبوع الاول استثنائى و ينتهى اليوم الخميس الساعة 11:59 مساء بتوقيت قرينتش
4- تتجمع النقاط وتعلن النتيجة حصريا فقط على تلفزيون عم رجب الذى تعهد بتقديم الجوائز فى مهرجان اسبوعى ضخم
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: ابراهيم محمد الحسن)
|
Quote: هو سلسلة الإستراحات القصيره المتصله(انجليزي يا رجب)
لإن الطالب يأخذ فيه استراحه طويله
قد تمنعه احيانا من الإستمتاع ب break المحاضره. |
هو مكان تقضية ال:
breaks (الإستراحات) ونطقت بالعربي (بيريكس أو بركس)
break معناه فواصل بين فعلين (استراحة) أو (سكون) to become unusable
وفي فترة قبل ان يتحول داخلية لطلاب الجامعة
كان (سكن) للجيش،
والسماهو (سكن) كان الدغ عشان كدة قال (ثكن)
| Quote: مافي واحد يجي يقول ثكنه و بتاع |
ثمح!!
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hisham Magzoub)
|
هشام
Quote: لكن قيس المولاريه بتاعة الكلام
عشان تحدد التركيز |
عشان كدة طلبنا من الاعضاء الكرام :
التصويت بعد انقضاء الاسبوع الاول وتعمم لكل الاسابيع لعمليات
الاشراف بالنسبة للمجموعات و عمليات الدعم الوجستى > كتقيم
وشروط الترشيح ( التصويت ) - اعداد عمكم رجب :
1- غير مسموح بترشح مجموعتك فى الاشراف او نفسك فى الدعم الوجستى
2- المركز الاول 3 نقاط ، التانى 2 نقطة ، التالت نقطة واحدة
3- ينتهى التصويت يوم الاحد فى كل اسبوع للاسبوع السابق الساعة 11:59 مساء بتوقيت قرنتش
بس الاسبوع الاول استثنائى و ينتهى اليوم الخميس الساعة 11:59 مساء بتوقيت قرينتش
4- تتجمع النقاط وتعلن النتيجة حصريا فقط على تلفزيون عم رجب الذى تعهد بتقديم الجوائز فى مهرجان اسبوعى ضخم
وكانت >
* ترشيحات طارق الكوتش للاسبوع الاول كانت كالآتى :
1- المجموعات
المركز الاول : مجموعة الثلاثاء ( ليون + هشام )
المركز التانى : مجموعة الاحد ( ابراهيم + هاله )
المركز التالت : مجموعة الاربعاء ( حمد + آمنة + ابوهريرة )
2-الدعم الوجستى
المركز الاول : ابراهيم
المركز التانى : خطاب
المركز التالت : حمد
* ترشيح آمنة للاسبوع الاول كان كالآتى :
1- المجموعات:
المركز الاول : مجموعة الخميس (علاح وصلاء)
المركز التاني : مجموعة الثلاثاء (ليون وهشو)
المركز الثالث: مجموعة الاحد (هالة وهومي)
2- الدعم اللوجستي:
المركز الاول: عمو رجب
المركز التاني: حمد
المركز التالت : خطاب
مساعدة : ممكن تضع نوع الموضوع + عدد المداخلات ( كم و كيف )
+ التشويق + عدد المشاركين + عدد المشاهدين ....الخ فى تحديد المراكز الاولى
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
ازيكم بالليل يا ناس الخميس
Quote: 1- كيف يمكن لقطار ان يسير ذهابا و ايابا بين مدينتين بسرعته القصوي
و بدون توقف بحيث يتمكن الركاب من الصعود و النزول في المحطات.
2- ما هو الجزء من القطار الذي يكون في حالة إياب عندما يكون القطار ذاهبا. |
1- اذا كان اول القطار فى مدينة و آخره فى المدينة التانية
2- آخر القطار
الجائزة سريع سريع
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
نرجع لموضوع البركس وذكرياتو:
النشر..كانت مكاتب مطبعة النشر
طابقين وشبابيكها علي النيل
بدينا سنة في شهر 11
والشتاء الزمن داك بيبدا من عشرة..
الواحد لأول مرة يكتشف معني كلمة (زمهرير)
النشر تمتاز بشيئين :
قربها من السور الخارجي
وملاصقتها لسينما النيل الأزرق..
وطبعا السينما دي لحقت امات طه..
كنا يا ندخل السينما الدور التاني اولاد ناس بالباب،
لكن في فترة الشتاء بندخل بالبطاطين،
او ندخل من سطوح (النشر)
سطح الغرفة 21 في النشر مواجه الشاشة ويمكنك
مشاهدة الفيلم كاملا ملح..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
صباح الخير بالليل يا ناس الخم يس
(مع انو لو لخمناهو يس دة بجهجهنا معاهو)
عندكم مسابقة ممكن اشارك؟؟
شكراً
اسئلة صلاء:
Quote: - كيف يمكن لقطار ان يسير ذهابا و ايابا بين مدينتين بسرعته القصوي
و بدون توقف بحيث يتمكن الركاب من الصعود و النزول في المحطات.
2- ما هو الجزء من القطار الذي يكون في حالة إياب عندما يكون القطار ذاهبا. |
1-الحركة بين مدينتين مافي اي مشكلة يمشي باقصى سرعة وما يقيف اصلو ..
لكن لما يصل عند المدينتين يتوقف والناس تنزل وتركب عادي.
2- الجزء البكون في حالة اياب هو دخان القطر
اسئلة علاح:
Quote: قام سألني واحد: انت النيل دة ماشي من الحبشة لحدي (الحلبة)
لو دايرين نمشيهو عكس نعمل شنو؟ |
ملاحظة بسيطة قبل الاجابة.. النيل بيجري ما بيمشي
استفهام بسيط قبل الاجابة : دايرين نمشيهو عكس شنو؟؟ عكس تيارو واللا عكس مشوارنا النحن ماشينو واللا عكس شنو؟؟
anyhow .. بنمشيهو من الحلبة للحبشة لو قاصدين عكس اتجاه جريانو
ولو عكس حروفو بنمشيهو اللين
ولو عكس مشوارنا بنرجع الخرطوم
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
عندنا واحد صاحبنا، زيادة في الملح (مافي داعي للأسماء لأنو مهندس كبير حسي)
امعانا في الملح، كان ساكن في غرفة الملح
وفيها بلكونة في الناحية الشمالية، خاتي فيها سرير ويتفرج
علي الفيلم هو وراقد،
المشكلة الواجهتو انو في شجرة فيها فرع كبير مغطي منو جزء من الشاشة..
جا هو يوم الجمعة (كان ساكن بحري)
جا ومعاهو منشار واتشعلق في الشجرة وقطع الفرع واتحول السرير الي مكان
رائع لمتابعة الأفلام (ملح)
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
علاء
Quote: يا كوتش والله افك لي طوبة بفوق للمبة المنورة بيتكم دي اكسرها ليك..
تعرف انا بحب اعمل خلفية غنا علي مزاجي انا وبكتب.
لكن رجب دة ماعارفين نسوي معاهو شنو.. |
الصفحة ده اتلحست خلاص > انت بس قول لى دائر
تسمع شنو فى الصفحة القادمة
اما اذا دائر عمك رجب يظهر
عشان تتحكم فى الصوت من
البرنامج ممكن
اها لو ما دائر رجب يشتغل
اوتماتيك اها ده برضو ممكن
بس ادعم بصوتك عمك رجب فى الانتخابات
القادمة وبعداك حدد دائر شنو
______
بالجد ذكريات البركس جميلة
وحنكون معاك > انت واصل
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
سكنت في البركس في (النشر) ثم (القرشي) في الغرفة 21 بقية سنيني بالبركس..
الحياة بالبركس تبدأ بعد الساعة حداشر بالليل بعد أن نتطمن انو كل (الجكس) دخلو القفص..
في زمنا كان مواعيد قفل داخلية البنات الساعة 11 مساء..
البرنامج يتفاوت ما بين الهجوم الليلي علي السفر،
أو اللعب:
في الناحية الشمالية الشرقية للبركس في ملعب تنس، وملعب اسكواتش، وحوض السباحة
البرنامج الليلي يكون بالقفز فوق سور الملاعب،ولعب الإسكواش، والبريك بالسباحة في
انتظار دورك في اللعب..
يستمر هذا البرنامج حتي اذان الصبح، وبعدها نرجع لغرفنا للنوم..
| |
|
|
|
|
|
|
| |
علاء الدين محمد بابكر
حمد محمد احمد
الخطاب مساعد الماحي
صلاح ليون
ابراهيم محمد الحسن
Amna Mohamed Arh
Hisham Magzoub
فيس بوك
تويتر
انستقرام
يوتيوب
بنتيريست