مجموعة ذكريات يا خطاب تمر الآن مثل شريط الجزيرة الاخبارى ... ياالله ... شلليات صداقات ... احترام ... مواضيع جادة مخلوطه بالمزح .... من علوم لآداب مرورا باقتصاد نهارا اسكول و الداون تاون ليلا .... رحلة البحث عن العشاء
جلسات وجلسات بين المعمار لاستقبال الطلاب الجدد الى اعياد الميلاد فى حضور فنان الجامعة عمر خليل اخو البعيو( متذكرنوا )
المقص و المقصات و التزاحم و الخفه القتلة الحتة دموع المشوكشين و المشوكشات
المشاغلات للناس الخالطين ( احمد غازى نموزج + عز الدين محمد خير + عبادى ) و الضرب بالحزام عند العوده للبركس
تتخيلوا عبادى كان دائر يرمينى من الطابق التالت بداخلية عطبرة ب بسبب ولا اقول ليكم تعالوا يوم السبت لعمكم رجب ...........................
شكرا ليون على هذا الموضوع ومنتظرنك الاسبوع القادم للآكشن
الأثر القاتل للبنشات.. بعض البنشات وساحاول اتذكرها.. وصلت لحد أنها تُسمى بأسماء مرتاديها .. كمثال مجموعة من الكراسي وسط الدائرة كانت خاصة بمجموعة الربيت الجايننا من 87 و86 و85 .. وتوجد بنشات أخرى يقول ليك فيها ده بنش فلان وفلانة ..
Quote: الأكشن كان قصة ضابط الأمن.. والكيس الما يتسمى داك..
تكون الحبكة الدرامية ما وقعت ليهو !! .. تعليق بسيط انا كنت مستمتع شدييييد والله يا ليون الونسة جميلة وبعدين المواقف حلوة . وكويس انك متذكر التفاصيل .. انتو الاكستنشن بتاع المكتبة ما عندكم ليهو حكايات ؟؟ ايام زنقة الامتحانات بكون عامر زي سوق البصل
عمكم رجب متخفى قرر يا تسمعوها يا تستخدموا مفاتيح الكمبيوتر لاغلاق الصوت لكن الاغلاق من مفاتيح الاغنيه من خلال البرنامج لالالا .... والدائر يشوف عم رجب يجينا يوم السبت بدرى
ابكوا بس
01-05-2010, 06:22 PM
حمد محمد احمد حمد محمد احمد
تاريخ التسجيل: 11-12-2008
مجموع المشاركات: 1196
Quote: تعليق بسيط انا كنت مستمتع شدييييد والله يا ليون الونسة جميلة وبعدين المواقف حلوة . وكويس انك متذكر التفاصيل
ده بس من روعة وعبق المكان
Quote: انتو الاكستنشن بتاع المكتبة ما عندكم ليهو حكايات ؟؟ ايام زنقة الامتحانات بكون عامر زي سوق البصل
لا الاكستنشن ده خليهو براهو .. فعلا عايز ليهو يوم كامل ياخي ده البي اسمو قرينا ونجحنا.. غبارو داك لما تجي ماشي في الخشب كرب كرب .. لي هسه عالق في نخرينا
01-05-2010, 06:49 PM
حمد محمد احمد حمد محمد احمد
تاريخ التسجيل: 11-12-2008
مجموع المشاركات: 1196
الاكستنشن ارضيتو زي البنطون خشب وكمان الناس ما بمشو فيهو برراحة حتى البنات .. جوطة شديدة انا الذكرني بيهو كيس الاسمو ايه ده القلتو قبيل لانو في الكستنشن عادي اكياس الاسمو ايه ده طايرة في الهوا
Quote: الأكشن كان قصة ضابط الأمن.. والكيس الما يتسمى داك..
طيب ده لو آكشن تكون عملية عبادى الكان دائر يرمينى من الطابق التالت شنو
ما عارف شكلك كده > اقول ليك حاجة ارسل ليك عم رجب المتخفى عشان يساعدك و تكتبوا لينا الآكشن بالحبر السارى > وااك
ليون ياخ شكر رجعتنا لاحلى الذكريات ومنتظرين المزيد لليوم و الايام القادمة
تخريمة
ابراهيم شفت الشغل بتاع عمك رجب المتخفى ده طبعا بجيب ليكم الهابط متخفى بمزااااج تانى ، ده غير انتقالى الى العولمة من عرض صور الاصدقاء الى عمليات الصوت عن طريق تسجيل المهاتفات وعرضها متخفى وطبعا حتكون مليااااانة شمااااااار يعنى تفتح صوت الكومبيوتر اوب تغلقه اوبين ... ناس هاجر كباشى ديل ياربى حيعملوا شنو ؟ ( عرفتو هاجر كباشى ده منو ؟ )
ما دمنا نجتر من عبق الذكريات اهديكم قصيدة المبدع هاشم صديق " اجترار" مع انها طويلة وكنت عايز اخد ليكم منها مقطع مقطعين لكن والله كل مقطع اجمل من التاني فاعذروني واشكروني:
Quote: إجترار
عندما كنت غريرا .. وصغيرا ..كنت مفتونا "بجيفارا" "وسولارا" "وجومو" "ونزار"
كنت مبهورا "بسارتر" "ونيرودا" "ولوركا" "وابطال اليسار"
كنا في الحي نطالع من جدار لجدار
الشعارات التي كتبت بليل ضد اثام "الطواغيت" الكبار
كان ضؤ الشمس يشرق من قصيده أو شعار
كنت مفتونا "بفاطمه" و "صلاح" "غابة الأبنوس" و"الهبباي" و"الطير المهاجر" و "يامريا"
بعد انقضاء الاسبوع الاول لعمليات الاشراف بالنسبة للمجموعات و عمليات الدعم الوجستى
ترشيحات طارق الكوتش كالآتى :
1- المجموعات المركز الاول : مجموعة الثلاثاء ( ليون + هشام ) المركز التانى : مجموعة الاحد ( ابراهيم + هاله ) المركز التالت : مجموعة الاربعاء ( حمد + آمنة + ابوهريرة )
2-الدعم الوجستى المركز الاول : ابراهيم المركز التانى : خطاب المركز التالت : حمد
شروط الترشيح ( التصويت ) : 1- غير مسموح بترشح مجموعتك فى الاشراف او نفسك فى الدعم الوجستى 2- المركز الاول 3 نقاط ، التانى 2 نقطة ، التالت نقطة واحدة 3- ينتهى التصويت يوم الاربعاء فى كل اسبوع للاسبوع السابق الساعة 11:59 مساء بتوقيت قرنتش 4- تتجمع النقاط وتعلن النتيجة حصريا فقط على تلفزيون عم رجب الذى تعهد بتقديم الجوائز فى مهرجان اسبوعى ضخم
نبدأ بفذلكة تاريخية ولوجستية ( فذلكة دي شنو ؟ ! ) الموسيق والغنا في السودان بدا من زماااان كل الاعراق والقبائل السودانية بتنوعها عندها فن وموسيقي البلد غنية جدا الوازا في النيل الازرق الكرنق في جبال النوبة المردوم والنقارة للبقارة الشاشاي البطانة الطنمبور في جميع انحاء السودان وتخصص فيه اهل الشمال اغاني الدلوكة والسيرة اغاني التمتم اغاني الدينكا والنوير والشلك والباريا وديل برضو عندهم طنبور اغاني الحكامات طنبور الشرق والقبائل البجاوية الموضوع كبيير نرجو الدعم اللوجستي
01-06-2010, 05:48 AM
الخطاب مساعد الماحي الخطاب مساعد الماحي
تاريخ التسجيل: 08-09-2009
مجموع المشاركات: 576
شكرا الخطاب هاك الموية رش براحة ما تطمبج الحته .. اهم حاجة في الغنا غنا الوسط فناين كتار قمم فنانين جيل وسط وفنانين جيل جديد لنج وفنانات قمم ( نموذج عائشة الفلاتية ) ولحدي ما تصل للفنانات الليلة ناس هاجر وسميرة دنيا كل هذه الاجيال التي ابدعت واثرت الساحة الفنية ولا ننسى الشعراء فلهم كل الاحترام وهم يسكبون احاسيسهم ومشاعرهم ويلمسو فينا اوتار طالما ظلت ساكنة .. الخطاب قصيدتك يا سلاااام عليها ويا سلام على القالها
01-06-2010, 06:14 AM
الخطاب مساعد الماحي الخطاب مساعد الماحي
تاريخ التسجيل: 08-09-2009
مجموع المشاركات: 576
الوالد كان يتنقل كثيرا في انحاء السودان ( ساتكلم عن الموسيقى الشعبية من وجهة نظر مشاهدة شخصية ) مناطق الدلنج و الفولة في غرب السودان الاعياد لها نكهه خاصة في تلك المناطق يحتفل بها كل قبيلة حسب الفلكلور الخاص بها ونحن اطفال ومعي اولاد عثمان دينق مجوك من قبيلة الدينكا ومعي طارق وعبد الظاهر كودي ابو راسين من النوبة هؤلاء كانو اصدقائي عندما نسمع النقارة ( في الاعياد غالبا ) نجري لنشاهد الرقص والغناء على الطبيعة ( اوكابيجال لو اوكابيجال ) كما يقول الدينكا بمعني يلا نمشي وهو دليل على الترحال والبقارة عندما اتى نميري الفو له شعر : الديزل ده حلى بي المنقة الشايلة النوار ده عملتو كيف يا نميري ... يتبع
01-06-2010, 06:13 AM
ابراهيم محمد الحسن ابراهيم محمد الحسن
تاريخ التسجيل: 11-08-2006
مجموع المشاركات: 8154
لا بعدك بفرحني لا قربك بريحني في الحالتين أنا ضايع ما لاقي اللى ينصفني أقول أنساك أفوت لي دنيا ما دنياك يسرح قلبي في ذكراك تاني الشوق يرجعني أتعب و أشقى برضي معاك في الحالتين أنا ضايع و مالاقي البينصفني سنين والحزن مالكني ،، لمن قلت أنسى هواك أشوف غيرك ينسيني لقيتك انت في قلبي ،، انت زاد دربي ،، بعدك ما بفرحني،، قربك ما بريحني،، في الحالتين انا ضايع ومالاقي البينصفني ،، أتخاصمنا كم مرات واتراجعنا كم مرات أتعاهدنا ننسى الفات نطوي الماضي في صفحات صفحة جديدة ما تكمل ترجع تاني تجهلني لا بعدك بفرحني
01-06-2010, 06:22 AM
ابراهيم محمد الحسن ابراهيم محمد الحسن
تاريخ التسجيل: 11-08-2006
مجموع المشاركات: 8154
- ياسر محمد احمد 87 مدنية - الخير احمد آدم 88 مساحة ( عضو عقد الجلاد ) - سامى عبد الرحمن 88 مساحة ( عازف جيتار ويلقب بسامى لاست ) - عمر خليل ( اخو البعيو 87 مساحة ) خريج الفنون الجميلة ومقلد من الدرجة الاولى لمصطفى سيد احمد وله ظهور تلفزيونى مميز
خليكم قراب عمكم راجب راجع ليكم عشان يكلمكم عن الغناء و الاغانى و الفنانين داخل الحرم الجامعى بطعم الذكريات
صباحاتك عديله..عديله عليك عديله ان كان قصيره ان كان طويله عديله عليك.................. والله حالي بقي زي الشافع الجاري ورا ابوه البتونس مع صاحبو وما جايب خبرو!!!! لا قادر يلحقو....ولا قادر يسمع الونسه!!! والله يا حمد وامنه الاسبوع دا برضو الا تترسو لي انا شويه الزمن البلقاهو ما بكفيني للاستمتاع بحصاد كل المجموعات...الله يعينكم الكوتش:براءه اختراع :ليف تجعل المنبر مولع! بس لو ما كنت!!!!!!!
يا جماعة، بعد مرور أسبوع على البرنامج،، أقترح نقيم التجربة و ندرس (أبعادها)،،،،
من عندى،، الإيجابيات: 1. إقبال جماهيرى و commitment من المشاركين 2,عامل التحضير و التفكير فى البرامج،، 3. فى حاجات كدة بتطلع من بيت الكلاوى 4. روح حلوة و مرحة (وشوية بكا) كدة ما بطال،، 5. الصفحات ماشاء الله بتقلب زى الهوا،،،، 6. قولوا إنتو بئى،،،،،
Quote: ولما مشيت جبت الفيديو ،، لقيته فعلا هو عمر خليل ،،
التحية له اينما كان
مره من المرات كان فى جلسة فى المعمار علا ما اعتقد عيد ميلاد هشام عبد العال اها الجكس بتاع الكليات الاخرى جايب ليك شئ برتكان وشئ تورته وموزعهم وديك يا الصحانة شئ اصفر و شئ ابيض اها ظهرنا ليك انا وعمر حسين و المر مع بعض قادمين من جهة البركس والعشاء كملوهوا ناس عادل امين و الحنفى شمس الدين و اشرف منير > اها قعدنا ليك فى النجيلة الباااااااااردة و البطن خاااااااااالية المر : الكوتش قوم حرك العب ده قبل عمك عمر خليل يظهر عمر حسين : ظهورو هين ... كعب الواطة المرضانه
لحظة وظهر عمك عمر خليل بصحبة طلال خليل والعود يتحرك شمال و يمين من اثر الريح جلس ومباشرة : ها هى الارض تغطت بالتعب
Quote: الإيجابيات: 1. إقبال جماهيرى و commitment من المشاركين 2,عامل التحضير و التفكير فى البرامج،، 3. فى حاجات كدة بتطلع من بيت الكلاوى 4. روح حلوة و مرحة (وشوية بكا) كدة ما بطال،، 5. الصفحات ماشاء الله بتقلب زى الهوا،،،، 6. قولوا إنتو بئى،،،،،
1 - تبادل الايام بعد موافقة جميع اطراف التبادل 2 - ممكن الناس تواصل فى مواضيع الحلقة السابقة لنفس المجموعة بس برضو باشراف نفس المجموعة 3 - الناس ما تلتزم و الايجابيات الانت ذكرتيها بسهولة تمشى الخور 4 - .....
01-06-2010, 09:04 AM
Amna Mohamed Arh Amna Mohamed Arh
تاريخ التسجيل: 03-03-2009
مجموع المشاركات: 1372
قبل ما ادخل في برنامجنا بتاع الليلة بقترح انو يتم التعديل في البرنامج ويكون فيه يوم اوف عشان الناس تقيم الاسبوع ونشوف المواضيع الممكن الناس نتواصل فيها الاسبوع البعدو وكمان الناس المزنوقة تقدر تتابع وتواكب الحاصل
رايكم شنو..؟؟؟
01-06-2010, 09:08 AM
Amna Mohamed Arh Amna Mohamed Arh
تاريخ التسجيل: 03-03-2009
مجموع المشاركات: 1372
بعد جزء من الراوند ظهر ابو هريرة ولم تظهر امنة ...يتبع كنا ونحن ننظر لهؤلاء الرجال الحفاة العراة وهم يلهجون باغاني بعضها نعرفة ونفهمه وبعضها لا يضربون الارض بحماس والعرق يتصبب منهم ويرفعون اياديهم الى الاعلى زغاريد النساء تعطر المكان وتزيده اشتعالا ننظر اليهم باعيننا البريئة ونرجع بيوتنا لنقلدهم هذا تور ( مجوك ) وذاك مردوم ...يتبع
01-06-2010, 09:16 AM
حمد محمد احمد حمد محمد احمد
تاريخ التسجيل: 11-12-2008
مجموع المشاركات: 1196
امنة الحمد لله على سلامتك البطارية خلصت ولا لسع .. هالة مرحب بيك من اسرة الاربعاء ومن عم رجب الما بنعرفو والالتزام ما ضروري 100% يعني شوية كده وشوية كده شيل ده عن ده يرتاح ده من ده ده غنا مصري
01-06-2010, 09:19 AM
حمد محمد احمد حمد محمد احمد
تاريخ التسجيل: 11-12-2008
مجموع المشاركات: 1196
ذهبنا الى منطقة الكرمك ثقافة جديدة وفن جديد الانقسنا قبائل لها تراثها والوازا هي موسيقاها تلك الانابيب الطويلة تصدر اصواتا مختلفة والعصي تقرع وهي على الكتف النساء هناك بعضهم بملابس وقبائل ام بررو التي تعتمد على رعي الابقار لها فنها الخاص الطبيعة الجميلة تساعد هؤلاء القوم على الابداع جبال الانقسنا الخضراء طول العام الهواء النقي الذي يطيل العمر الطيور الصادحة طول النهار وحين تجتمع اخر اليوم لتذكر الخالق الالوان الجميلة للطيور واللامعة مع ضوء الشمس كان طلبة الفنون ياتون الى هناك لرسم الطبيعة الغنية في الكرمك وقيسان هنا هو منبع الفن وهنا هو منبع الشعر
Quote: بقترح انو يتم التعديل في البرنامج ويكون فيه يوم اوف عشان الناس تقيم الاسبوع ونشوف المواضيع الممكن الناس نتواصل فيها الاسبوع البعدو وكمان الناس المزنوقة تقدر تتابع وتواكب الحاصل
رايكم شنو..؟؟؟
اول حاجة انت كنت غااااااااااااطسة وين يا نة
تانى حاجة : الجمعة اوف ( عدم ظهور سارة و عمر موسى حتى الآن ) + ممكن الناس تناقش و تقيم وممكن ده يكون موضوع بحد ذاته لاى مجموعة فى يومها اذا قرروا ذلك + اى انقطاع من واقع التجارب بجهجه الموضوع + راجعى مداخلات سابقة فى نفس الموضوع ( هاله + ابراهيم + حمد + الكوتش ) + منتظرين المناقشة من الجميع عشان نصل لشكل نهائى
تخريمة التصويت مهم وده برضو جزء من التقيم
01-06-2010, 09:47 AM
Amna Mohamed Arh Amna Mohamed Arh
تاريخ التسجيل: 03-03-2009
مجموع المشاركات: 1372
قصة اغنية..نوّر بيتنا..كنا فرشنا السكة ورود ....لو كلمتنا كان بالجية
بقلم :سراج الدين مصطفي البلابل غنائية تنسجم مع تطلعات الوجدان ..لأن (حياة) هي حياة اخري من التجاوز..و(هادية) هي كهدؤ موسيقي رجعنالك...و(أمال) هي ذلك الخيط الرفيع الذي ننتظره
ان يتناسج مرة اخري ليعيد رتق ما أنفتق في ثوب هذه الغنائية الفارعة..ولن أقول عن (بنات طلسم)غير إنهن ما زلن طلسماً عصياً علي التفكيك والتكرار ..لأن تجربة البلابل الغنائية ما زالت حاضرة بكل وسامتها وأناقتها وإحتشدت باغنيات حفرت فينا عميقاً..لذلك من البديهي أن يظل عطرهن رغم الغيابات.. أغنية نوّر بيتنا..هي واحدة من تلك الأغنيات ذات الطعم واللون المغاير في تجربة البلابل مع بشير عباس ..وهي حالة وجدانية قائمة بذاتها عبّرت عن مشاعر شاب في ذلك الزمان هو صلاح حاج سعيد..ورغم أن تفسيراتنا للأغنية كانت تمشي علي هوانا ولكنها في اصلها وحقيقتها عبرت عن عاطفة مكغايرة ..هي عاطفة الأبوة ميلاد الجمال: ويحكي صلاح حاج سعيد(وإبني جمال يخرج الي الدنيا ويصرخ صرخته الأولي معلناً عن حضورة في هذه الحياة . كانت الفرحة تملأ جوانب البيت والزغاريد تتناثر لتشيع في البيت بهجة وسعادة غير عادية.. انا فرحتي كانت أكبر وأشمل ...لانني شاعر أري الأشياء واتحسسها بشكل مغاير ومختلف..وبنبض الشاعر تهاطلت علي الحروف فكتبت في تلك الليلة : نور بيتنا وشارع بيتنا يوم ما جيتنا .. يا الهليت فرحت قلوبنا .. يا الطريتنا الليلة وجيتنا.. نور بيتنا وشارع بيتنا.. تلك الكلمات كتبتها وأنا في لحظات النشوة تلك بقدوم إبني جمال..وتداعت معها أطياف الشعر: كنا فرشنا السكة ورود لو كلمتنا كان بالجية.. خطوة عزيز ويوم وعود الخلاك تطرانا شوية.. كل البيت خليتو فرحة فتحت عيون وقلوب منشرحة.. جيت وإكتملت بيك اللوحة.. أهلاً بيك..يا الهليت فرحت قلوبنا..
Quote: الطبيعة الجميلة تساعد هؤلاء القوم على الابداع
نعم واظن اغلب الابداع فى السودانية من صناعة هذه الطبيعة
انا تجولت فى اغلب اقاليم السودان ولكل منطقة سحرها
يعنى مثلا الشمال مع النخيل الذى يصارع قسوة الحياة > تجد الحنية فى غناء الشمال متمثل فى الام ( بتذكرك يا يمة ساعة الناس يجونا من البلد )
الغرب ذهبت الى الابيض و كادقلى مع ايقاع سريع فى الحياة يظهر من الحان عبد القادر سالم وعمر احساس مع عبق نسمات الحب ( اللورى حلا بى دلانى فى الودى + مقتول هواك يا كرفان مقتول هواك انا من زمان )
الشرق الحرية تشرفت بالذهاب الى بورتسودان الحنية مرتين و الى كسلا الجمال مره ( بورتسودان يا حورية من قلبى ليك الف تحية )+ ( القاش شمس الصيف و القيف بعاين القيف )
الجنوب الحبيب لم ازره ولكن شاهدته من خلال اغانى نور الجيلانى >
يلا ودع قوم سيب الخرطوم قوم قوم قوم بارحا سافر جوبا يا مسافر جوبا ..............
موضوع دسم > شكرا مجموعة الاربعاء
اين انت يا علاء الدين ؟
01-06-2010, 09:36 AM
الخطاب مساعد الماحي الخطاب مساعد الماحي
تاريخ التسجيل: 08-09-2009
مجموع المشاركات: 576
Quote: بقترح انو يتم التعديل في البرنامج ويكون فيه يوم اوف عشان الناس تقيم الاسبوع ونشوف المواضيع الممكن الناس نتواصل فيها الاسبوع البعدو وكمان الناس المزنوقة تقدر تتابع وتواكب الحاصل
انا موافق على الكلام دة بهدف تقييم الاسبوع المنصرم والتصويت والمواكبة لكن اوف دي ما معناها الناس ما تدخل .. معناها كل الناس تدخل عشان تقيم وتعلق وتصفق وكمان بعض الناس نفسهم ما يقوم الاسبوع كلو .. هل من مؤيد؟؟
الايجابيات الذكرتيها يا هالة ما بالساهل الواحد يتخلى عنها و لو كان الالتزام صعب .. دي ممكن تتسهل بزيادة معدل الدعم اللوجستي (زي لما تجي حفلة والعرسان يجوا في اخر 5 دقايق .. بكون المعازيم اتلموا واتونسوا واتعشوا يعني 5دقايق من العرسان كافية لاكتمال البهجة) هل من معارض؟؟
يبقى بعد كدة الناس تحاول تدخل (العوضيات ) الاخرى المنقطعة او التي تكتفي بالقراءة يا اخوانا البيت دة ما بيتنا .. ونحن اهلو.. ونستاهلو (على وزن الكاس كاسنا .. ونحن اهلو .. ونستاهلو)
صالح عبد لسيد أبو صلاح ابن حي المسالمة كان له مع كل قصيدة قصة ومناسبة ومنها أغنية (بدور القلعة) والقلعة أحد أحياء مدينة أم درمان العريقة الذي يزدان بحسانه في مناسبات الأفراح حيث كانت الحفلات التي يحييها المطربون ويرافقهم فيها الشعراء كثيرا ما تتحول إلي مناطق إلهام للشعراء حيث يحرك جمال الفتيات في الشعراء زخات الإلهام وعجلة الإبداع . وحى القلعه الشهير فى ام درمان تغزل فيه الام درمانيون زمنا طويلا ..باغنيات ما زالت باقيه يترنم بها جيل اليوم مثلما تغنوا لحى الاسبتاليه والمسالمه والمورده وابوروف وبيت المال تخليدا لسكان هذه الاحياء البشوشين الطيبين .. والشاعر ابو صلاح كتب اغنيه بدور القلعه فى احدى المناسبات بهذا الحى العريق ..حيث ان حفلات الزواج فى تلك الايام كانت الفتيات فيها يجلسن على السباته (البساط ) وليس على الكراسى كأيامنا هذه فى اتجاه معاكس للفنان والضيوف وكان فنان الحفل فى تلك الليله هو فنان الحقيبه المعروف والمشهور كرومه .. وكان الشاعر ابوصلاح من بين الحضور ..وكان كداب الشعراء فى مثل تلك المناسبات ان يقف منزويا فى ركن قصى حتى تتاح له فرصة مراقبة كل الحفل ومشاهدة الحسان وحتى يتمكن من وصف ما يشاهده ويعكس ذلك عبر قصيده تكتب فى اجمل حسان الحفل .. وبينما الفنان كرومه يقدم فاصله الغنائى فى الحفل قال العريس لاحدى الحسناوات ان الشاعر ابو صلاح موجود فى الحفل ..ولربما تكونى محظوظه فيكتب فيك قصيده يصف فيها جمالك .. واشار لها العريس فى اتجاه الشاعر ابوصلاح ... ويبدو ان الحسناء لم يعجبها حال شاعرنا ابو صلاح اى الشكل العام .. فعلم من العريس ان الحسناء لم يعجبها شكله .. وعلى وجه الخصوص شكل عينيه وكان الشاعر ابو صلاح لها بالمرصاد فاخذ يخاطبها فى صمت شارحاً لها حال عيونه فقال :
العيون النوركن بجهرا غير جمالكن مين السهرا يا بدور القلعه وجوهرا
هذا كان مطلع القصيدة عن عيونه فكان لابد ان يتجه الى عيون الحسناء ويرى جمالهن ويصف نظراتها بطعنات السيوف فى قلبه فقال :
السيوف ألحاظك تشهرا للفؤاد المن بدرى انهرا اخفى ريدتك مرة و اجهرا نار غرامك ربّك يقهرا يا بدور القلعة و جوهرا
ثم اخذ الشاعر يصف فى مظهر الفتاة الذى بهره بالرغم عن ما قالته عنه وعن عيونه الحوصاء فرد علي الاساءة بأجمل الاوصاف فقال :
الصدير اعطافك فتّرا النهيد باع فينا و اشترى الشعر اقدامك ستّرا رقيصيبو قلوبنا البعترا يا بدور القلعة و جوهرا ***** عالى صدرك لخصرك برا فيه جوز رمان جلى البرا الخطيبة و ردفك منبرا يا بدور القلعة و جوهرا
وختم القصيدة يقول بأن هذه الجلسة ستكون ذكرى خالدة فى نفسه والابداع الذى قام به العازفون فقال :
جلسة يا ابو الحاج اتذكّرا و رنّة الصفّارة اتفكّرا وهبة بى مزيقتو اتحكرا كم طرب افكارنا و اسكرا يا بدور القلعة و جوهرا
Quote: انا موافق على الكلام دة بهدف تقييم الاسبوع المنصرم والتصويت والمواكبة لكن اوف دي ما معناها الناس ما تدخل .. معناها كل الناس تدخل عشان تقيم وتعلق وتصفق وكمان بعض الناس نفسهم ما يقوم الاسبوع كلو .. هل من مؤيد؟؟
خطاب يعنى الاوف حسب مقترحك وحسب المشاهدة و المشاركة مفروض يكون فى يوم من ايام مجموعة ما > السبت - الخميس > مما يسبب ربكة لكن ممكن اقترح يكون كل اسبوع فى يوم مختلف يعنى الاسبوع القادم السبت ولكن تحت اشراف مجموعة السبت الاسبوع الذى يليه الاحد وبرضو تحت اشراف مجموعة الاحد وهكذا واليوم الاوف ده للتقييم و استمرار اى موضوع مهم ولم يأخد حقه من المناقشة وده بيكون من خلال عمليات التصويت التى هى حكرا على تلفزيون عمكم رجب
فن الشمال يا سلااام على الدلوكة تخلي جلدك يقوم صوفة صوفة وتحس بالرجفة في دواخلك وتتمولص وتنجلد وانت ماعارف ( هاشمية بس ) عندما يصدح المغني نسد الساحه ونشيل مفتاحه ونروح للباوقة اللذيذ تفاحه ومشيت للعمده قال لي ما بيمضى طريت الزول الحماني الغمده حرقنا حريقة وبقينا سليقة حراقا شين شالو بالمزيقة .. ترى الصبيان وكل واحد عاجباهو نفسو يرفع العكاز عاليا ويقفز في عنان السماء مظهرا ما حباه الله له من قوة .. الكوتش عم رجب ده اكل معانا شية
01-06-2010, 10:27 AM
حمد محمد احمد حمد محمد احمد
تاريخ التسجيل: 11-12-2008
مجموع المشاركات: 1196
انا معاك يا كوتش بس مجموعة سحر دي ط ا خ ود تهاني مشغولين جيب لي سحر واحد وشيل منها واحد يعني ممكن تدخل انت بدلا من ط ا خ وط ا خ تجيبو مع علاء لانهم دفعة وتانيا علاء وصلاح ممكن يشيلو اليوم كويس
فى كل اسبوع > يوم من الايام الخمسة اوف ولكن تحت اشراف نفس المجموعة للتقييم او استمرار برنامج معين للمناقشة ونبدأ من الاحد القادم ثم الاتنين للاسبوع الذى يليه وهكذا + اى اعضاء جدد او عضوية قديمة تم تنشيطها توزع بالتراضى + تصويت عم رجب للمراكز الاولى
بقلم السر قدور: من أغنياتي التي قدمها الفنان الكاشف ثلاث أغنيات ارتبطت بمواقف طريفة الأولى كانت أغنية ( الشوق والريد ) وكان ذلك في بداية الستينات .. وكان الشعر الحديث قد أصبح موضة بين شباب الجيل الجديد وقد ظن أولئك أننا نحن الذين نكتب بالأسلوب التقليدي نعجز عن مجاراتهم في هذا الميدان ... فكتبت أنا عدداً من القصائد المرسلة بعضها بالفصحى وبعضها بالعامية .. وذات صباح كنت أجلس مع الفنان الكاشف في المحل المجاور لجريدة " صوت السودان " حضر إلينا المرحوم أحمد سنجر وهو يحمل صحيفة يومية ولوح بالجريدة في وجهي ثم شن علي هجوماً عنيفاً واتهمني بالعجز والتقليد الأعمى واستنكر أن أساهم في إفساد الشعر بهذه البدع .. ولكي يشارك الكاشف في النقاش طلب أن نقرأ له القصيدة وعندما قرأتها له دافع عنها دفاعاً مجيداً وقال أنها شيء جديد في شعر العامية . وهنا صرخ فيه العم سنجر .. طيب يا إبراهيم روح غنيها لو فالح .. وانتهى الجدل بهذا التحدي ومن الطريق إلى أم درمان ونحن في العربة طالب مني الكاشف أن أقرأ عليه القصيدة مرة أخرى .. وقرأتها ثم قرأتها مرتين وعندما وصلنا إلى جوار سينما أم درمان حيث أسكن أوقف العربة . وقبل أن أنزل قرأت له القصيدة للمرة الرابعة .. ثم وضع رأسه على عجلة القيادة وأسمعني القصيدة كاملة .. وقال لي مع السلامة .. وفي اليوم الرابع من هذا الموقف كان الكاشف يغني في حفلة ساهرة في المسرح القومي الأغنية الجديدة ( الشوق والريد ) إستجابة لتحدي صديقه الشاعر أحمد سنجر رحمهما الله
فى كل اسبوع > يوم من الايام الخمسة اوف ولكن تحت اشراف نفس المجموعة للتقييم او استمرار برنامج معين للمناقشة ونبدأ من الاحد القادم ثم الاتنين للاسبوع الذى يليه وهكذا + اى اعضاء جدد او عضوية قديمة تم تنشيطها توزع بالتراضى + تصويت عم رجب الاسبوعى للمراكز الاولى
ياخ غنية الشوق و الريد> عندما يصدح بيها سامى المغربى بتمشى مكان تانى > بفتشها واجيبها ليكم عشان يشتغلوا متتابعين مع بعض وهم متخفيين عشان يا تسمعهم مع بعض يا تقول باااص
بعد انقضاء الاسبوع الاول لعمليات الاشراف بالنسبة للمجموعات و عمليات الدعم الوجستى
ترشيحات طارق الكوتش كالآتى :
1- المجموعات المركز الاول : مجموعة الثلاثاء ( ليون + هشام ) المركز التانى : مجموعة الاحد ( ابراهيم + هاله ) المركز التالت : مجموعة الاربعاء ( حمد + آمنة + ابوهريرة )
2-الدعم الوجستى المركز الاول : ابراهيم المركز التانى : خطاب المركز التالت : حمد
شروط الترشيح ( التصويت ) : 1- غير مسموح بترشح مجموعتك فى الاشراف او نفسك فى الدعم الوجستى 2- المركز الاول 3 نقاط ، التانى 2 نقطة ، التالت نقطة واحدة 3- ينتهى التصويت يوم الاربعاء فى كل اسبوع للاسبوع السابق الساعة 11:59 مساء بتوقيت قرنتش 4- تتجمع النقاط وتعلن النتيجة حصريا فقط على تلفزيون عم رجب الذى تعهد بتقديم الجوائز فى مهرجان اسبوعى ضخم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الخطاب مساعد الماحي
صلاح ليون
حمد محمد احمد
علاء الدين محمد بابكر
Hisham Magzoub
ابراهيم محمد الحسن
Tahani abdalla Attia
Amna Mohamed Arh
فيس بوك
تويتر
انستقرام
يوتيوب
بنتيريست