|
|
 Re: بالمستندات: فضيحة أخلاقية بدوري الأبطال بطلها الهلال السودني ... (Re: nadus2000)
|
السلاااااااااااااااام عليكم 
ممكن نثري البوست دة بي مقتطفات من مقالات أحمد محمد أحمد في ذات الموضوع ؟
شكراً لإتاحة الفرصة
رزاز الحروف
الكرامة..الكرامة!
07-25-2011
* من يريد أن يتحدث عن الكرامة ويؤكد أن ناديه له كرامته ..وأنه ضد الفساد والرشوة،وشراء ذمم اللاعبين عليه أن يشمر ساعد الجد وأن يبحث معنا عن حقيقة تلك المعلومات الخطيرة التي نشرها موقع عربي شهير في خبر خطير تم سحبه سريعاً..لكنه موضوع في بعض المنتديات نسبة لأهميته وخطورته.
* والمعلومات التي وردت بالموقع اكدت تورط ناد كبير في فضيحة اخلاقية بشراء ذمم اللاعبين من اجل الظفر بالنقاط وان مدرب الفريق هو المتهم الاول بالمحاولة التي نظن أنها اتت أوكلها..أو على الاصح الجريمة التي تمت عن طريقه.
* والنادي الذي يقدم على مثل هذه الخطوة بكل قبح وشجاعة في آن واحد لابد ان يكون صاحب سوابق مماثلة او تجارب في التزوير مكنته من اكتساب الخبرة.
* والمعلومات الاخطر ان الوكيل استلم مبلغ الف دولار فقط من اجمالي عشرة آلاف قبل اللقاء مع وعد بتسليم المبلغ المتبقي بعد المباراة وبعد التأكد من عملية (البيع المباشر).
* لكن الجماعة (غنجوا) وعملوا رايحين وما دايرين يدفعوا باقي القروش.
* ولان الوكيل عن طريق مدرب الفريق المعني وهو للامانة مدرب (حربي) اي انه مدرب شفت لانه تجرأ على هذه الخطوة التي يمكن ان تنتهي من مهنته نهائياً..
* المهم ان الوكيل وحسب المعلومات التي تم نشرها تعرض الى ضغوط من اللاعبين وتهديدات بالقتل لان اللاعبين احسنوا عملية البيع ولم يحسن الوكيل عملية الدفع ..
* والوكيل مسكين ومظلوم (ما غنج) بالقروش،لكنه شرب مقلب الجماعة واصبح موقفه صعباً ومحرجاً ومهدداً بالقتل..
* والوكيل البائع تم نهبه بواسطة المشتري بطريقة ليس بها ذرة من الأخلاق ....وهذا ليس مستغرباً لان كل الموضوع عبارة عن فساد وعدم اخلاق وضد التنافس الرياضي الشريف
* وبالتأكيد فإن الوكيل ظل يعشم بحل مشكلته مع الوعود التي ظل يتلقاها (بنديك قروشك بكرة..لا بعد بكرة..) وما شابه من عبارات الغش والخداع.
* لكن الوكيل لا يستطيع ان يصبر لانه مهدد بالقتل من اللاعبين الذين شعروا بانه يريد ان ياكل (عرقهم) وثمن النقطة الغالية التي قدموها للفريق الخصم بفضل مجهودات البيع المباشر التي قاموا بها..
* وهذه بالتأكيد فضيحة اخلاقية تكشف ان الشعارات في الرياضة مجرد واجهة وان من يتحدث كثيراً عن الكرامة بعيد عنها كل البعد.
* وتؤكد ان بعض الاندية التي تصل الى مراحل متقدمة مثل مجموعات دوري ابطال افريقيا لا تصل إليها عن طريق التنافس الشريف داخل الملعب ولكنها تصل اليها بالفساد الذي يتمثل في شراء المباريات ..
* وهي وسيلة قذرة و########ة يسعى البعض اليها لتلويث سمعة البطولات الافريقية..وتحقيق نتائج كاذبة.
* ومن يشتري اللاعبين بالتأكيد يشتري الحكام ويدفع لهم للحصول على النقاط خاصة من لا يثق في فريقه اذا كان فريقه يضم عناصر الصف الثاني وبقايا التسجيلات ..
* لكن رغم الفساد ودفع الاف الدولارات للاعبين والحكام فان ذلك لا يمنح الأندية التي تمارس هذه الاساليب البطولات لان الغش يمكن ان يفيد في تحقيق التعادل وفي الفوز او التأهل الى مرحلة جيدة لكنه لا يقود صاحبه الى الانجاز لان عدالة السماء موجودة والله يمهل ولا يهمل..
* لذلك لا تستغربوا ان بقيت الاندية التي تلطخ سمعة البطولات بفسادها وغشها بدون اي انجاز خارجي مدى الحياة
* وبما ان الهلال جزء من مجموعات دوري ابطال افريقيا وتهمه كثيراً سمعة المنافسة لان كل حرف قبيح يكتب عن الفساد في البطولة يمكن ان يمسه ويصل اليه..
* ولاننا ندرك ان الهلال لا يمكن ان يستخدم مثل هذه الاساليب ولان طرف الصوت وصل اليه كما يقولون فلابد ان يكون لادارته موقف واضح للحد من مثل هذه الاشاعات او تأكيد نظافة البطولة من هذه الممارسات..
* وبصراحة فان الهلال لا يشرفه ان يكون احد اندية دوري الابطال ما دام ان هناك من يسعى لفساد المنافسة،خاصة ان الازرق عرف عبر تاريخه الطويل انه ناد صاحب قيم ومبادئ واخلاق.
* ان كرامة الهلال اصبحت على المحك ويجب على ادارته ان تصعد هذا الموضوع الى اعلى الجهات لانه تضرر من نشر الاخبار المسيئة التي لا يستطيع احد ان ينكر مدى صحتها،او اثباتها..
* ولاننا تابعنا موقفاً قوياً من الاخوة في اعلام الهلال عندما سمح مجلس المريخ لحارس مرماه عصام الحضري بالمشاركة على الرغم من سفره دون اذن مجلس الادارة وعودته فجر يوم اللقاء..برفضه القاطع لمشاركة هذا اللاعب التي اعتبروها اهانة للمريخ وتمس كرامته وهيبته..فان ذات الاعلام مطالب بموقف موحد وقوي لاثبات براءة النادي واكتشاف النادي المذنب ولو تمت الاستعانة بقوات محاربة التلاعب في نتائج المباريات (ام بي سي تو) او (ام بي سي اكشن).
* لقد اثبت الاخوة في الهلال ان (الكرامة ) فوق كل شيء وان ناديهم ناد يلعب للكرامة والاخلاق والجمال،وليس لديهم اي استعداد لافساد هذه السمعة بالاساءة الى البطولة التي يشارك فيها ناديهم..
* لذلك نتوقع منهم موقفاً قوياً ونتوقع من ادارة البرير ان تتبنى مشروع نظافة بطولات الكاف حفاظاً على الكرامة الافريقية لان الهلال اكثر من مجرد نادي يشارك ويلعب ..
* ولكنه ناد يتعب من اجل ان تسود الاخلاق في الوسط الرياضي الافريقي.
* وظننا ان اعلامه الذي قاد الحملة ضد الحارس المصري بحجة الكرامة والاخلاق سيكون له موقفه الواضح من هذه المهزلة والفضيحة.
* وهوووي يا ناس..كرامة الهلال فوق كل حاجة..؟
* ولا كيف ياهمشري؟!
بقايا مداد
* كرامة الهلال لا تقبل النقاش ..مثل الكاش لا يقبل النقاش!
* هسه النادي البقولوا عليهو ده لو دفع الباقي للاعبين والوكيل مش كان اخير بدل الفضائح دي..!
* نقطة في دوري الابطال مقابل عشرة آلاف دولار..!
* يعني تخطي دور المجموعات بكلف كم؟!
* في اندية تعبانة ساي زي المريخ..من معسكر لي معسكر وصرف خيالي ..
* ولو اشتغل المريخ بي نظام (ابو عشرة) وخلى المعسكرات الكتيرة بتاعتو كان وفر الكتير.!
* لكن (كرامة) المريخ فوق كل شيء يا عالم.
* يا الناس تغلب بي المجهود في الميدان يا بلاش.
* التحية للاخ علي همشري علي عمر محمد الذي يقف دائماً مع الهلال وفي كل الظروف
* عندما كان الارباب رئيساً للهلال فان علي همشري علي عمر محمد كان مع الهلال..وعندما اصبح البرير رئيساً فانه لم يغير موقفه.
* التحية لهمشري الذي ظل يتعرض للاستهداف رغم الاخلاص في العمل.
* عندما التقط همشري صورة تذكارية مع الحكم المالي كوليبالي في مباراة الهلال والافريقي بتونس..استغل البعض هذه الصورة وكتبوا حديثاً يمس همشري وسمعة الهلال.
* اذا كان اعلام الهلال اعترض بقوة على مشاركة الحضري مع فريقه المريخ واعتبر ذلك مساساً بكرامة النادي فماذا يمكن ان يفعل عندما يكون الموضوع له علاقة بالسمعة والاخلاق..
* بالتأكيد لن تتوقف الآلة الاعلامية حتى يكشف هذا النادي المتآمر الذي يريد ان يفوز على الاندية بالمال..
* ان الهلال نادي الحركة الوطنية والخريجين لا يعرف الرشوة ولا يقبل ان يكون في بطولة بها لاعبين يبيعون انديتهم.
* نرجو التعامل مع الموضوع بحكمة وهدوء،لان الانفعال ليس من مصلحة الهلال ويمكن ان يجعله من الاندية المتهمة بهذا السلوك.
* صحيح اننا نعرف كرامة الهلال وسمعته لكن الافارقة ديل في ناس كتار فيهم ما عارفين..
* عشان كده الدفاع عن الهلال اصبح واجبنا جميعاً.
* وكما حرص اهل الهلال على كرامة المريخ لابد ان يحرص المريخاب على كرامة الهلال.
* المهم مافي زول يمرق الكلام لي برة وندفنه قبلنا هنا..!
* بالذات ناس الجرائد..خلوا الموضوع ده قبلكم..عشان سمعة الهلال ومافي زول يفكر يتهم الازرق العاتي صاحب الكرامة والهيبة ونادي الخريجين الأوائل بهذه الأساليب القذرة.
* اخيراً تم اكتشاف فائدة كبيرة للصفر الدولي الشهير الذي ظل يلازم الهلال لان الادارة يمكن ان تعتمد عليه اذا تم اتهام النادي بالفساد او حامت حوله الشبهات..
* طوالي قولوا للناس: الهلال ده لو كان بشتري ..كان شال ليهو كاس جوي.
* برضو كلام عقل..!
* نحنا معاكم بالنصائح والخطط حتى نثبت كرامة الهلال لانها تهمنا..! وبرضو في ناس بقولوا ما عندنا وطنية.. الله يسامحكم!
* ده موضوع ما فيهو لعب ولن نقبل تصفية الحسابات مع الهلال على حساب سمعته وكرامته.
* والكرامة خشم بيوت..!
===============================
الحل الودي أفضل لتغطية فضيحة الهلال!
* هدد الزميل علي همشري بمقاضاة الموقع العربي الذي كتب الخبر الذي اساء سمعة الهلال،وكل من كتب عن الخبر..وقال في موقع منتدى الهلال امس انه كلف المحامي الذي بدأ في الإجراءات الرسمية.
* وبما انني واحد من كثيرين كتبوا عن هذا الخبر فأتوقع مقاضاتي من همشري دون غضب او زعل او تأثير على علاقة الزمالة التي تربطنا به وان كنت لا اعرفه على المستوى الشخصي.
* كما ان سلامة موقفي من الموضوع تجعلني مطمئناً للغاية لانني لم اتهم الهلال بشراء مباراة انيمبا ولم اقل ان همشري من دفع الف دولار لوكيل اللاعبين النيجيري..
* لان هذه المعلومات قدمها موقع عربي مرموق ومحترم وكتب معلومات دقيقة يجعلنا نميل الى تصديقها..وبالتالي ان كان لهمشري شيء فليفعله مع الموقع الذي نشر الخبر وليس مع الذين علقوا عليه.
* والحديث عن مقاضاتنا لن يخيفنا ولن يثنينا عن تناول هذا الموضوع حتى يثبت همشري براءته ويسترد كرامة الهلال التي اهدرت بفضيحة مجلجلة.
* وان فعل ذلك مرحباً بالحكم الذي سيصدره القضاء العادل حتى وان وصل السجن..!
* السجن ذاتو (للرجالة) وعلى الاقل الواحد يخوض ليهو تجربة جديدة ويوفر ليهو قرش قرشين من المرتب..!وفي احتمال الواحد يبقى شاعر جوه السجن يالف قصيدة قصيدتين..!
* لكن ان اراد همشة نصيحتنا له ليس خوفاً من تهديداته ولكن لمصلحته الشخصية ومصلحة الهلال ان يلغي فكرة المقاضاة لانها ربما تكون في غير مصلحته..
* اما اذا كانت في مصلحته فانه لن يكون بطلاً والهلال لن يصبح بعدها نادياً يعتمد على عرق لاعبيه لان ذلك هو الاصل في كرة القدم.
* اما الخطر الحقيقي في عدم اثبات البراءة خاصة ان الموقع العربي الشهير لن يتردد في صرف اموال طائلة حتى يثبت صحة خبره الذي سحبه سريعاً ربما لاعتبارات خاصة بين البلدين (السودان ومصر)!
* ان كل ما يثار عن هذا الموضوع يعتبر مرمطة حقيقية لسمعة الهلال،وكرامته التي سكت عنها اعلام النادي..كأن الامر لا يهمهم ومن كتب منهم اتحفنا بالحديث عن نادي الخريجين والانشاء التي ليس لها موقع من اعراب هذه الفضيحة..
*
بقايا مداد
* من يشتري لاعبي الفريق الخصم يشتري الحكام ايضاً.
* ومن ينتصر بانصاف النجوم على فريق افريقي قوي ومعروف ربما يكون قد استعان بحكم بياع.
* لكن المحصلة دائماً صفر..!
* يبدو ان الزميل علي همشري لديه دفوعات قوية تؤكد براءته مما نسب اليه من اتهامات تشير الى مشاركته في التلاعب بنتيجة مباراة الهلال وانيمبا النيجيري..
* وهذه الدفوعات جعلته يقرر حسب منتدى الهلال امس تقديم شكوى ضد الاهرام التي نشرت الخبر الفضيحة ثم قامت بسحبه سريعاً..
* والشيء الذي يحيرنا بماذا سيبرر همشري ارساله مبلغ الف دولار لوكيل اللاعبين النيجيري قبل المباراة بايام؟
* ام ان الاسم الذي ظهر في الايصال المالي (علي همشري علي عمر محمد) ليس اسمه ام انه مجرد تطابق اسماء..؟
* واذا كانت الحكاية تطابق اسماء فكيف يتطابق الاسم ومكان الاقامة معاً..؟
* بعدين همشري دي صراحة الواحد ما سمع بيها في الهلال الا مع علي همشري..!
* عرفنا اسم ثلاثي يكون مطابق لكن خماسي..يطرشنا..!
* وهل نسي همشري ان رقم هاتفه (حسب الاهرام) موجود بطرف كاتب الخبر..؟الكلام ده ما كلامي..الكتب الخبر قال كدع..وانا مالي!
* كلها اشياء تتطلب من همشري ان يراجع موقفه جيداً قبل ان يقدم على خطوة الشكوى التي تحدث عنها ضد الصحيفة.
* اما الشكوى ضد من كتب عن الموضوع فاعتقد انها مجرد محاولة للارهاب والكباب.
* وان اقدم عليها لن تفيده في شيء.
* كيف يحقق الهلال انتصاراته؟ سؤال ربما تطرحه احدى الصحف في مسابقات رمضان؟
* ربما تكون هنالك خيارات على طريقة: اختر الاجابة الصحيحة.
* ونتوقع من الخيارات: عن طريق الحكام، بواسطة الحظ، عن طريق همشري،كل ما ذكر صحيح!!
* الاجابة واضحة..وما فيها سادومبا طبعاً!
* هسه لو دفعتوا الباقي العلكيم ده مش كان اخير...من الفضائح دي..!
* زول يتفقوا معاهو على عشرة يدوهو واحد وياكلوه في التسعة!
* كان تاكلوا الواحد وتدووه التسعة...
* لكن يا فردة عمليتك ما ظريفة وحركتك ########ة!
* الواضح ان من اتفق مع الوكيل النيجيري تعامل معه بعدم احترام حتى انه قنع من استلام بقية ثمن البيعة.
* والدليل انه فجر (اللغم) بطريقة عليّ وعلى اعدائي..!
* لان من اوصل المعلومة الى الصحفي المصري لابد ان يكون الوكيل النيجيري،وليس مصدر اخر.
* نقطة غالية زي دي معقولة تكون بي الف دولار بس،لي نقطة موية اصلا..؟
* اثبت اعلام الهلال انه يحرص على كرامة وسمعة المريخ اكثر من حرصه على كرامة وسمعة ناديه..
* لان هذا الاعلام ظل يدبج المقالات عن كرامة المريخ بسبب الحضري (لمن قلنا لي نفسنا ديل ما ناس الهلال بتاعين تزوير اتنين واتناشر الشهير)!
* اما الان فانهم لا يتحدثون عن كرامة الهلال مع الخبر الذي يتحدث عن السمعة والكرامة الجد..
* الجماعة سكتوا ساي..ونسوا حاجة اسمها كرامة كلو كلو..!المرة دي ما شايلين مادة الكرامة ولا كيف..؟!
* ما بنخليهم..لانهم لو كانوا لقوا الفرقة دي في المريخ..كان رحلنا عديل من البلد دي..!
=================================
رزاز الحروف
أحمد محمد أحمد
طيبة أهل المريخ وخباثة الأهلة!
07-28-2011
* العنوان أعلاه لا يعني أن كل أهل المريخ طيبون وليس كل الاهلة خبثاء.
* وفي البلاغة يمكن ان تذكر الكل وانت تقصد الجزء وهذا ما قصدناه من العنوان..!
* لكن الواقع يقول ان اغلبية اهل المريخ يتعاملون بطيبة ومثالية تعتبر خصماً عليهم في بعض الاحيان يمكن ان تكون سبباً في الاساءة اليهم والتقليل من شأنهم.
* والواقع يقول ان اغلبية الاهلة يعانون من خباثة زائدة في التعامل مع المريخ لذلك يعملون ليل نهار لتدميره وتلطيخ سمعته..رغم حقيقة المريخ التي يعرفها الصغير والكبير بانه نادي الشرف والشرفاء..لا بيع لا شراء..ولا تزوير كمان.
* نقول ذلك بناءً على المعلومات التي تحدثت عن شراء الهلال لمباراته امام انيمبا بواسطة وكيل لاعبين وصحفي شهير..
* وهي معلومات اقرب الى الصحة من الكذب لانها جاءت في موقع عربي شهير دعم خبره بمستند مالي عبارة عن مبلغ الف دولار ارسله الصحفي الى وكيل اللاعبين المعروف كجزء من قيمة البيعة الفضيحة التي لطخت سمعة السودان.
* لكن على الرغم من ذلك فان المريخاب تعاملوا بمثالية مع الموضوع،ولم يتوقفوا عنده كثيراً،رغم فداحته وخطورته وما حمله من تلطيخ لسمعة وكرامة الهلال ..
* مع ان الاهلة لو وجدوا مثل هذه المستندات او شموا رائحة خبر فقط لقامت الدنيا ولم تقعد..ولألفوا الروايات والحكايات والقصص ونسوا تماماً ناديهم وتفرغوا للاساءة الى المريخ واستغلال مثل هذا السلوك القبيح.
* وابلغ دليل على ذلك الخبر الذي نشرته صحيفة جزائرية بناءً على معلومات خبيثة من الخرطوم،فقد كان المسعى واضحاً من مجموعة تناصب المريخ العداء حتى تلوت سمعة النادي الكبير..
* حينها وجد الاهلة الفرصة في المريخ وما زالوا يكتبون عن تلك القصة المفبركة رغم انهم يعلمون من الذي قام بتأليفها..
* ولماذا نذهب وقبل ايام تفرغ اعلام الهلال للكتابة عن موضوع الحضري،واصبح البعض ينظر لنا ويتحدث عن ان الحضري اهدر كرامة المريخ .
* وبعد ان وصلت الكرة الى ملعب المريخاب مقشرة عبر الموقع العربي الذي فضح الهلال ولم نفضحه نحن، صمت المريخاب تماماً.
* ولان الاهلة وجدوا المريخاب آخر طيبة في التعامل مع الفضيحة المحمولة جواً التي مست سمعة وكرامة النادي..قاموا بهجمة (منظمة) ضد المريخ امس عبر صحيفتي عالم النجوم وحبيب البلد اللتين تناولتا اخباراً الغرض منها اشانة سمعة المريخ وربما تبرير ما فعلوه مع انيمبا النيجيري..
* فقد كتبت عالم النجوم تصريحاً على لسان رئيس حي العرب طه فكي نفى فيه بيع مباراة فريقه للمريخ ودافع عبر التصريح عن مدير الكرة النور باشري بانه لا يمكن ان يبيع المباراة.
* فمن الذي قال اساساً إن النور باشري باع المباراة للمريخ،ومن اين جاءت الاشاعة التي أطلقتها عالم النجوم ونفتها بطريقة ذكية على لسان رئيس حي العرب..
* وهي محاولة خبيثة من الصحيفة التي تدعي انها صحيفة مفتوحة للرأي والرأي الآخر مع ان صفحاتها مفتوحة فقط لما فيه اساءة للمريخ.
* اما حبيب البلد فقد ادعت انها صاحبة السبق الصحفي بمعرفة نتيجة مباراة المريخ والموردة لانها كانت (مبيوعة)..
* ولم تتردد الصحيفة في ان تكتب في ما نشيتها الاول( الوصيف طلع تفتيحة..منع قوون من بث الفضيحة) في اشارة الى عدم نقل المباراة تلفزيونياً..
* فكيف عرفت حبيب البلد ان الموردة باعت المباراة التي لم يشاهدها احد من الصحيفة..
* ان المريخ اكبر من الاساءات التي توجهها الصحف الزرقاء اليه ..وبدلاً من الخطرفة وشتل الاخبار الكاذبة ونشر الشائعات عليهم ان يردوا على الموقع العربي الشهير..
* وأن يقدموا لنا مبرراً واحداً يجعل صحفي هلالي يحول مبلغاً مالياً لوكيل نيجيري قبل ملاقاة الفريق النيجيري..
* لكنهم على الرغم من ذلك يتطاولون على الزعيم واعتقد ان العيب في المريخاب الذين يصمتون ويغرون بصمتهم الاهلة على التطاول مع ان امثالهم يفترض ان (يشوفوا ليهم جحر ) هذه الايام خجلاً من كرامة السودان التي اهدروها..
* لكن الاختشوا ماتوا..!
بقايا مداد
* عالم النجوم لا تختلف كثيراً عن حبيب البلد..والصحيفتان معاً تريدان ان تزيد التوزيع على حساب الاساءة الى المريخ.
* يطلقون الاشاعات ويروجون لها ثم يدعون الانفراد بالاخبار المسيئة..يعني شطار خالص..!
* اذا كان المريخ يفوز بشراء الاندية كما يفعل النادي اياه لما فقد الدوري الممتاز سبع مرات في ثمانية اعوام؟
* واذا كان المريخ الذي يتصدر المنافسة حالياً يشتري المباريات لابد ان يكون قد اشترى مباراة الهلال...؟ ولا انتو كنتو غالبين ونحنا ما عارفين.
.
.
* وقد بدأ الاهلة وضع العراقيل امام المريخ بالكتابة عن شراء مباراة حي العرب حتي يجعلوا لاعبي السوكرتا يبذلون كل ما عندهم لاجل الفوز وتبرئة ذمتهم.
* انتو قايلين لعيبة حي العرب زي لعيبة انيمبا ولا شنو..!
* كل اناء بما فيه ينضح..!
* بي الف دولار بس يا مفترين.
* ده تعادل في دوري الابطال ولا في دوري روابط الناشئين..؟!
* تشتروا وما دايرين تدفعوا..!
=================================================================
حكم مالي ..الهلال غالب طوالي!
07-30-2011
* منذ أن أعلن الاتحاد الأفريقي عن اختيار حكم (مالي) لمباراة الهلال والرجاء التي لعبت امس ادركت ان مهمة الرجاء ستكون صعبة،ليس لان الهلال سيشتري الحكم المالي ولكن لان الهلال محظوظ مع حكام مالي..!
* ففي مباراة الافريقي كان الحكم من مالي وهو الشهير كوليبالي الذي ازدادت شهرته بعد ان التقط صورة مع الزميل علي همشري،للذكرى والتاريخ حتى لا يضيع حق همشري الادبي في علاقاته الافريقية الجيدة التي تحسب لمصلحة الهلال..
* وما زاد من تفاؤلي بان الهلال فائز فائز وصول همشري المفاجئ للخرطوم في اجازة قصيرة لمدة 48 ساعة انجز خلالها بعض المهام ..ثم عاد بعدها الى مقر عمله ..
* وعندما يكون الحكم من مالي وتأتي رياح همشري فان ذلك يعني قمة التفاؤل..والشاكي يراجع الحكم حسب كم مرة فاول..!
* لكن بكل صراحة فان الحكم المالي اخجلنا بوقوفه مع الهلال وانحيازه السافر مع ان هلال اوتوبونج لا يحتاج الى حكم يمنحه ركلة جزاء وهمية تساعده على الفوز ..
* والهلال لا يحتاج الى رجل راية يرفع رايته مع كل هجمة للرجاء ويخفيها عندما تكون الهجمة للهلال..
* ومثل هذه الاساليب لا تشرف السودان وتحرجنا مع الضيوف خاصة ان مثل هذا الاسلوب به اهدار للكرامة التي يحرص عليها الهلال..
* وتؤكد ان كل ما حدث من اخطاء تحكيمية وظلم على الفريق المغربي لا علاقة له بالهلال او وكيل لاعبين ولا علاقة بالزميل علي همشري الذي اصبح محل اهتمام مستمر..
* وكل السبب في ذلك صورة له مع كوليبالي وايصال مالي بمبلغ الف دولار فقط قد يكون ذهب كمساعدة وعمل خير لاحد الاخوة النيجيريين..
* وان كان همشري خدم الهلال في شيء خلال مباراة الامس فهو حضوره وتحفيزه للاعبين وليس الحكم ..
* وبعد الفوز الذي حققه الهلال امس نستطيع التأكيد على ان اي مباراة يديرها حكم مالي للفرقة الزرقاء فان نتيجيتها ستكون محسومة..
* ومع حكام مالي الهلال غالب طوالي..مع التحية للزميل همشة الصعب.
بقايا مداد
* الزميل علي همشري (كراعه) خضرة على الهلال.
* مشى تونس اخد ليهو صورة مع الحكم المالي ..الافريقي حقو راح!
* رسل ليهو ايصال بس فيهو اسمه لي نيجيريا قبل مباراة انيمبا ..الكورة انتهت تعادل طوالي.
* هسه جا الخرطوم قعد يومين وسافر..الهلال غلب..!
* دولاراتك ..عفواً ..بركاتك يا شيخ علي همشري!
.
.
* عندما يتحدث الانسان كثيراً عن امانته واخلاقه فإن ذلك معناه ان امانته واخلاقه بهما خلل..
* وعندما يتحدث خصم عن شراء خصمه للمباريات ويطلق مثل هذه الاشاعات فانه يعبر عن سلوكه وما يفعله.
* وعندما يتحدث صحفي مريخي عن وجود تحويلة بقيمة الف دولار من صحفي الى وكيل لاعبين فانه لابد ان يكون صادقاً في حديثه.
* وعندما يكتب صحفي من خارج الحدود عن شراء فريق لثلاثة لاعبين دون ان تكون له مصلحة في كتابة مثل هذه المعلومة الخطيرة لابد ان يكون صادقاً ايضاً.
* وعندما يصمت النادي الذي يتم اتهامه بالفساد بعد اهدار كرامته فان صمته يبقى دليلاً على صحة الاتهام.
* اما قصة اعلام الهلال الذي يكتب قبل كل مباراة للمريخ انه اشترى المباراة(بتأليف الروايات) تبقى لعبة مكشوفة.
* الفيك بدر بيهو..!
* ما زلت مصراً على ان اعلام الهلال لو وجد فرصة الخبر الذي نشره الموقع العربي الشهير ضد المريخ لكان المريخاب الان يتزاحمون في صف العمرة وتأشيرة السفر لمصر.
* وموقف المريخ من فضيحة الهلال ربما تعبيراً عن الوطنية ورغبة في سترته بعد الخبر الفضيحة الذي مس كرامة السودان.
* عندما يسافر الحضري بدون اذن فإنه يهدر كرامة المريخ،وعندما تكتب مواقع عربية عن شراء الهلال للاعبي الخصم فان ذلك ليس به مساس بكرامة الهلال.
* لو فاز الهلال ببطولة افريقيا ستكون بلا قيمة،رغم ثقتنا التامة بان (اسلوبه) لن يحقق له انجازاً..
* لكن قولوا الهلال فاز بالبطولة..فهل سيفرح جمهوره باللقب وكل افريقيا تتهمه بالفساد واضعاف المنافسة بشراء اللاعبين.
* داخل العربة البوكس وفي وجود الشخصية المعروفة تم الاتفاق حسم نتيجة اللقاء.
* أسوأ مافي افريقيا التحكيم الذي اصبح مرتشياً،ويتحكم في نتائج المباريات على حسب مزاجه.
* من لم يشتر اللاعبين عن طريق الوكيل يشتري الحكام بواسطة القيادي المرافق.
* هذا ما يحدث في افريقيا..لكن من يمارس هذه الاساليب القذرة لن يحقق انجازاً وسيظل يخرج (صفر) اليدين.
* قد تساعده العشرة الاف دولار او الالف في انتصار او تعادل لكن كل اموال الدنيا لن تضعه في المقدمة.
* من لم يجد وكيلاً يعينه يجد حكماً يعيده.
* البيع خشم بيوت..!
* واضحة..وفاضحة!
====================================================================
المريخ ينتصر بعرق لاعبيه!
07-31-2011
مطلوب محاسب للهلال!
* كل حاجة ماشة في زيادة..الزيت واللحمة..والطماطم..البطيخ ذاتو سعرو زاد!!
* لكن في حاجة واحدة بس سعرها ما زاد..عرفتوها؟
* بيعها كان بي عشرة الف..بقت بي الف..!
* ارخص حاجة الزمن ده التعادل..!
* خاصة في نيجيريا..قال ليك ممكن تشتري كم تعادل بي كم الف بس..!
* التعادل..ده اكلة نيجيرية على ما اعتقد..!
* اسالوا همشري..عندو صحبه وكيل نيجيري..بعرف الاسعار كويس!
* لو كنت مكان مجلس الهلال لاعلنت عن حاجتي لمحاسب شاطر صاحب خبرة..!
* الهلال يصرف مبالغ مالية على دوري ابطال افريقيا،وعشان الحساب ما يفلت ويضيع ساي حقو يتعاقد مع محاسب يورينا تأهل الفريق لي دور الاربعة بكلف كم..؟
* المنصرفات كتيرة طبعاً..دايرة ليها زول شاطر يحسب كويس..!
* منصرفات لاعبين ومنصرفات حكام ..طبعاً اقامة الحكام بتكون على النادي المضيف..ونحنا قاصدين الاقامة ما حاجة تاني..عشان ما تفهمونا غلط.
* الشغلة فيها منصرفات طاقم تحكيم لي كم كورة ومراقبين وايجار عربات وبكاسي..ودعوات ونثريات دولارات!
* والحسابات لن تكون صعبة لان كل شيء في الهلال يتم بالواضح..المنصرفات معروفة ومافي حاجة بتدفع تحت التربيزة..ولا انا غلطان..؟
* ممكن المحاسب يستعين بي همشري..علاقته كويسة مع مجلس الهلال وعندو كل المعلومات..
* والله همشري حيرنا بي علاقات مع الحكام ومجلس الادارة..زول علاقاته واسعة خلاص.
* المهم لو المحاسب داير ايصالات..انا غايتو عندي ايصال بتاع بند صرف..!
* في حاجات كده ما عندها ايصالات..لانها من اليد لي اليد،ما زي التحاويل.
* لكن منصرفات من اليد لي اليد ممكن تتعرف برضو من غير ايصال.
* يعني لمن تلقى زول مجتهد في شغله ..تعرف طوالي انو الجماعة صرفوا عليه كتير ..!
* على سبيل المثال،رجل الراية التاني لمباراة الهلال والرجاء..لمن تشوفه جاري..بديك احساس انه مكلف.
* البركة في الكاف..بحفز تمام.
* ما زي رجل الراية الاول...ما كان مجتهد شديد!
* مرات الاجتهاد براهو ما بكون مقياس..لانو في ناس بي اقل مجهود ممكن تدخل قروش كتيرة.
* زي لمن تلقى ليك مستشار قانوني كده..بكون قاعد في مكتبه لو فتح خشمه ساي بي قروش..الزول كمان ما قرا زمان وتعب..!
* برضو ممكن تلقى ليك حكم..بي صفارة واحدة بس ياخد قروش كتيرة ومن غير جري..!خبرة ساي.. بعرف يطلع الكورة لي بر الامان.
* عشان كده حافز الحكم بكون اكبر من حافز رجل الراية..ولو كان جاري الكورة كلها ورافع رايته.
* الخبرة كمان ليها دور..وكل شيء ليهو تمن.
* كيلو اللحمة بقي بي كم..؟!
.
.
* عاد انيمبا للمنافسة بقوة بعد فوزه المفاجئ امس على القطن الكاميروني بارضه ووسط جمهوره.
* وفوز انيمبا اكد ان الهلال فريق قوي ويمكن ان ينافس على لقب البطولة الافريقية،ولا كيف يا همشري؟
* لكن الذي يحيرنا كيف فشل انيمبا في هزيمة الهلال بنيجيريا وهو الذي فاز بعيداً عن قواعده على القطن.
* الظاهر انيمبا وسط جمهوره ما بعرف يلعب كويس..!
* برضو سبب منطقي..!
* واحتمال قدام الهلال بعض لاعبيه ثلاثة او اربعة خذلوه لكنهم عادوا الى مستواهم امس.
* عوامل كثيرة تتحكم في مستوى اللاعب الافريقي والبعض يؤثر عليهم وكلاء اللاعبين.
* النادي الذي يتم اتهامه بالفساد يجب ان يلجأ الى القانون حتى يحافظ على كرامته.
* اما من يصمت على مثل هذه الاتهامات فانه يلوث سمعته واي انتصار يحققه سيكون مشكوكاً فيه.
* كل هدف يحرزه ساكواها يذكرني بذلك اليوم الجميل الذي حرق فيه فشفاش الجماعة..
* الاعتماد على المال لتحقيق الانتصارات وسيلة ########ة لا تليق بالاندية التي يتحدث اعلامها عن السمعة والكرامة.
* كرة القدم لعبة تعتمد على التنافس الشريف في المستطيل الاخضر ومن لا يستطع ان ينافس عليه ان يلزم داره بدلاً من ان يلوث المنافسات بالاساليب القذرة.
* ونحمد الله ان شعب المريخ يعرف تماماً ان فريقه لا يمكنه ان ينزل الى هذا الدرك وانه لو اراد ان ينتصر بالمال..فان (الدولارات راقدة)!
* لكنها الاخلاق والكرامة والسمعة تمنعه من ذلك،والمؤسف ان البعض يعتقد ان الاخلاق تعني عدم سفر اللاعب الا بإذن من ادارته.
* اما عملية البيع والشراء والرشاوى فانها لا تمس الكرامة..بل تعتبر شطارة!!
* المريخ يفوز بي عرق نجومه..وغيره يعتمد على تحويل الرصيد.
* الجماعة نسوا (الكرامة) ولا شنو..؟
=============================================================
المريخ مستهدف دائماً!
08-03-2011
بقايا مداد
* اعلام الهلال الذي اكثر من الكتابة عن سمعة وكرامة المريخ بسبب الحضري لماذا صمت امام الفضيحة التي نشرها موقع الاهرام ولماذا لا يدافع عن براءة ناديه؟!
* صمت الاعلام فيهو شي يحير..يجعلنا نشك في صحة المعلومات.
* لكننا سنرد الدين للهلال والوقوف بجانبه في هذه القضية وسنكتب عنها يومياً حتى نرد كرامة الهلال وسمعته..؟
* هي سمعة الناس لعبة يا ناس الاهرام..؟!
* سنظل نطارد الموقع ونكتب عن الموضوع حتى تظهر براءة الهلال الذي لا يمكن ان يعتمد على شراء اللاعبين لتحقيق التعادل..!
* وتصعيد القضية الى اعلى الجهات عين العقل حتى يندم كل من شكك في سمعة الهلال ويسف التراب..
* حتى اذا كان الخبر صحيحاً فان نشره في موقع ينتمي الى بلد شقيقة (طريقة ما حلوة منكم يا ناس الاهرام)!
* المشكلة أن كاتب الخبر الزميل احمد شامي معروف في مصر بالمصداقية وانه لا يكتب الا بعد ان يتحرى عن المعلومة ومدى صحتها..!
* والمشكلة الاكبر في المستندات.. والايصال المالي..؟
* مافي مشكلة لكن ممكن نقول إن همشري حول القروش دي صدقة قبل رمضان للفقراء في نيجيريا..
* المهم لازم الناس تتفق وتشوف حل للفضيحة دي بي اي طريقة..!
* وبكل صراحة ننصح ادارة الهلال او على الاصح الزميل علي همشري ان يكمل بقية المبلغ الذي تم الاتفاق عليه مع الوكيل النيجيري،ان كانت الرواية صحيحة (حسب ماجاء في الموقع)!
* الحمد لله ان احداً لم يكتب عن شراء الهلال لثلاثة من لاعبي الرجاء المغربي في اللقاء الاخير لان ذلك كان سيدعم موقف موقع الاهرام.
* صحيح ان هنالك من اتهم طاقم التحكيم المالي ورجل الراية الاول على وجه الخصوص بالانحياز الى الهلال واحتساب ركلة جزاء ظالمة لكن ذلك بلا قيمة..
* التنويع برضو كويس..من مصلحة الهلال،مرة لعيبة ومرة حكام!
* لكن التركيز على الأخبار الضارة باللاعبين فقط يضر النادي وسمعته،الهلال برضو نادي كبير وعندو كرامة.
* وكرامة الهلال يجب اثباتها في القانون والانتقام من موقع الاهرام الذي نشر الخبر..!
* الزمن ده ما في حاجة بتندسه!
* همشري في الخرطوم..الحمد لله ما جا قبل مباراة القطينة..هسه الكلام كان جاب كلام.
* كرامة الهلال فوق الشبهات..ولا كيف..؟
* أين جبهة الدفاع عن الازرق العاتي..ساكتين ليه؟
* الظاهر العطش حاصل..!
===================================================
الفيك بدر بيهو..!
08-04-2011
* يشتكي اعلام المريخ باستمرار من اهدار خط هجومه للفرص والسوانح السهلة التي يجدها في المباريات..
* ومن حق مهاجمي المريخ الآن ان يشتكوا من اهدار اعلام المريخ لتمريرة موقع الاهرام الجميلة والمتقنة امام مرمى الهلال..!
* تمريرة هي الاجمل..لكننا لم نحسن استغلالها..ولو وجدها حاحا..لعمل منها عصير تفاح..!
* مهاجم المريخ يهدر هدفاً يمكن ان يعوضه ولكننا نهدر الان هدفاً لن يعوض ابداً..!
* ده قوون بالثابتة يا جماعة..! * بالتكالة الواحد ممكن يجيبو...لكن يا خسارة..!
* عموماً الفرصة ما زالت متاحة لاحراز الهدف وقطع الالسن الطويلة،وعلينا ان نسارع في ترجمتها الى هدف يدمر ويفضح الجماعة.
* 377 دينار بحريني تساوي الف دولار امريكي..!!
* المعلومة اعلاه لم نكن سنعرفها لولا مجهودات الزميل علي همشري في اغاثة المحتاجين بنيجيريا الشقيقة.
* بس عندي سؤال كده ممكن يكون غبي شوية( 377 دينار بحريني بتساوي كم في مالي..) برضو الف دولار ولا زيادة شوية.
* احتمال المشوار يكون اقرب..والقروش تكون اكتر..!
* اعلام الهلال الذي تحدث عن تعمد المريخ لعدم تلفزة مباراته امام الموردة بطريقة خبيثة وعن فوز المريخ على حي العرب بطريقة اخبث..لماذا صمت تجاه اتهامات موقع الاهرام..؟
* نية اهل المريخ طيبة..وسمعة المريخ زي موية سوبا وصافي..نقية ما فيها شوائب ولا وكيل نيجيري بايع..!
* الراحل ده زنبو شنو يا جماعة..كان فرحان وقال يساعد الجماعة في الفوز قبل رمضان..دي اخرتها يا رمضان..؟
* الكتابة عن المريخ ملحوقة يا جماعة،يعني لو كتبت عن المريخ بغلب..انتو ركزوا مع اديكو وخلونا نركز مع الناس الما بدفعوا ديل..!
* قولوا المريخ اتغلب والممتاز طار..لا قدر الله،لكن شنو يعني،ما فيها مشكلة..المشكلة في سمعة البلد دي..
* في الناس الما بتجيب كاس ولا بتسدد دين الناس..!
* الواحد برضو ما يظلم الحمام..يمكن منتظرين سعر الدولار ينخفض شوية..وبعد داك يدفعوا.
* اول مرة اشوف لي زول يشتري وما داير يدفع..؟!بتحبوا الملح..!
* هل صحيح ما سمعناه بان هنالك تحركات واتصالات لاقناع الموقع بتقديم اعتذار عن الخبر ونفيه..؟ * واذا صحت المعلومة هل سيكون الاعتذار والنفي تأكيداً على عدم صحة الخبر..؟
* الطريقة الوحيدة التي تحفظ ماء وجه الهلال وتعيد اليه كرامته وسمعته هي مقاضاة الموقع العربي الشهير والمطالبة بتعويض مادي كمان..!
* ويا همشري لازم تشتكي..!
* الكرامة ما عندها تمن.. لكن التعادل بي حقه بجي..!
* بس انا زعلان عشان كرامة الهلال..!
* الناس ديل ما قصروا مع المريخ ووقفوا معاهو في مشكلة الحضري ولازم نرد الدين..!
* هسه لو سددت الدين مش كان اخير..!
* تسعة الف دولار ولا سمعة الهلال تنهار..!
* كرامة الهلال على المحك..!
=========================================================
رذاذ الحرف أحمد محمد أجمد :
مباراة مثل غيرها..!
فهمونا..قصة الايصال!
* ونحن ايضاً حريصون على سمعة الهلال وكرامته واثبات براءته من اتهامه بالفساد،ونريد اثبات ان تعادله مع انيمبا النيجيري تم بعرق لاعبيه وليس عن طريق شراء ثلاثة من لاعبي الفريق الخصم بواسطة الوكيل الزعلان..(حسب موقع الاهرام)!
* ونتفق تماماً مع الاخوة في الهلال الذين طالبوا بابراز المستندات التي تؤكد تورط الهلال في هذه الفضيحة..
* لكن الشيء الذي نستغرب له ان الذين يطالبون بابراز المستندات الان،ويتحدثون عن الامانة والاخلاق وعدم رمي الناس بالباطل،هم انفسهم الذين ظلوا يتحدثون عن المريخ بالسوء ويتهمونه بشراء اي مباراة يفوز فيها واخرها مباراة حي العرب وقبلها مباراة الموردة..واحتمال كمان مباراة الهلال ذاتو..!!
* المهم ما علينا من المواضيع الهامشية ومناكفات (مريخ هلال) التي لا تنتهي لأننا الآن امام قضية وفضيحة كبرى بطلها الهلال(حسب موقع الاهرام)..
* ونريد ان نعمل سوياً لاثبات براءة الهلال من هذه الاتهامات،رغم ان اغلبية الهلال (عاملين رايحين) وهذا يمنحنا انطباعاً غير جيد بصحة الخبر الذي نشره الموقع العربي الشهير..
* وبما اننا نريد ان ندافع عن (كرامة) الهلال نرجو ان يمنحنا الاخوة في الهلال (طرف خيط) يؤكد براءة النادي من الاتهامات..
* واول ما نطالب به ان يفهمونا قصة الايصال ومبلغ الالف دولار الذي تم ارساله بواسطة الزميل علي همشري الى الوكيل النيجيري..
* وبصراحة كده..انا قدر ما فتشت لي سبب اقول عشانو همشري رسل القروش لي نيجيريا قبل الكورة ما لقيت..!!
* لكن بما ان الاهلة يؤكدون براءة ناديهم وعدم تورطه في مثل هذه القضايا الاخلاقية فبالتأكيد لديهم سبب مقنع وقوي يجعلهم يبررون ارسال المبلغ الى نيجيريا خاصة ان المعلومات أكدت أن هنالك تسعة آلاف دولار كان يفترض ان يتم ارسالها للوكيل بعد المباراة ولم تذهب اليه وان عدم الايفاء بالوعد مع الوكيل هو الذي جعله ينفجر غضباً ويجاهر بالصفقة..
* لذلك فان أول الخطوات التي تؤكد براءة ابو الهل هي شرح قصة الايصال المالي ولماذا ارسل همشري المبلغ الى الوكيل النيجيري قبل المباراة..
* ولو السؤال ده صعب معناها نحنا عرفنا حاجة..وممكن نسكت عشان نلم الموضوع..ومافي زول من برة البلد يعرف..!لانه دي فضيحة عديل كده..!
* اها يا همشري نسكت ولا تورينا رسلت الالف دولار لي نيجيريا ليه..؟
* واحد يورينا يا عالم عشان نقفل الموضوع ونشوف غيره..؟!
* بالمناسبة: امكن اكون عارف لكن عامل فيها رايح..!
بقايا مداد
* جاء في الانباء (تحت تحت) ان الكاف اختار الحكم الجزائري محمد بنوزة لمباراة الهلال والقطن الكاميروني..
* وهذا الاختيار من شأنه ان يرفع درجات التفاؤل وسط انصار الهلال..لان بنوزة كراعة خضرة..
* الغريب ان اسم هذا الحكم لم يظهر في موقع الكاف ولم يتم الإعلان رسمياً عنه حتى مساء أمس ..
* لكن على الرغم من ذلك فقد وجدنا الامس بطرف احد قادة الهلال...!
* ورقم التلفون برضو في..!
* المرة دي ما بتاع همشري..!
* وهكذا هو الهلال..تواصل مع كل ابناء العرب والقارة السمراء..!
* الهلال لا بيع لا شراء لا فساد..الهلال تواصل اخاء محبة..!
* الحكم الجزائري بنوزة صاحب اسم كبير لكن قراراته احياناً تجعلك تصاب بالدهشة ..مثل كوليبالي ورجل الخط التاني
* من يقول ان الايصال الذي نشره موقع الاهرام مزور،ليدافع عن موقف الهلال وفي ذات الوقت يطالب بالمستندات التي تثبت تورط الهلال في فضيحة انيمبا..
* نقول له لماذا تمنح نفسك حق التأكيد على ان الايصال مزور دون ان تمتلك دليلاً على ذلك ثم تطالب بابراز المستندات التي تثبت تورط الهلال.
* ولمن يدعي تزوير الإيصال،أستطيع ان اؤكد له على المستوى الشخصي ان ايصال التحويل المالي من البحرين الى الوكيل النيجيري غير مزور..
* والدليل موجود بطرفي،وبدل الايصال ايصالين كمان..!
* الايصال الاول استلمه الراسل من الصرافة عند التحويل،والثاني استلمه المستلم او المحول اليه المبلغ عند الاستلام..!
* وبما ان نشر اي من الايصالين لا ينفي تهمة التزوير التي يطلقها البعض،لان النشر لو كان دليلاً على عدم التزوير فان الايصال لم يظهر في شاشة التلفاز ولكن نشره موقع عربي محترم..
* اما الجهة التي يمكن ان اقدم لها الايصالات،وهي جهة قادرة على اثبات ان كانت الايصالات مزورة او غير مزورة هي المحكمة فقط ..
* واذا تم تقديم شكوى ضدي كما اسمع من البعض فقط فإن الإيصالات التي تدافع عن سلامة موقفي موجودة..
* وهنالك صورة ضوئية للموقع الذي كتب الخبر قبل ان يتم سحبه..!
* ومن اراد ان يذهب الى القضاء عليه ان يذهب بدلاً من ان يحاول ارهابنا عبر المنتديات والصحف بتهديدات الشكوى..!
* نحنا اصلاً كتلنا رقبة...ما تشتكوا لو دايرين تشتكوا..سجن سجن غرامة غرامة!
* لكن موقفنا في السليم..وفي ساحات القضاء العادل نلتقي بإذن الله ليأخذ كل نصيب ما اقترفت يداه.
* حرصنا على (كرامة) الهلال الذي تم اتهامه بالفساد وشراء لاعبي الفريق الخصم يفرض علينا ان نكتب باستمرار عن هذا الموضوع..
* كما ان سمعة الهلال تهمنا..ولا كيف يا جماعة.!
* ويا همشري لازم تورينا قصة الالف دولار المشت للوكيل دي كان عشان شنو؟ ومافي زول يقول لينا انه همشري ما ملزم يوضح لينا..لانو الحكاية بقت فيها سمعة وكرامة واتهامات بطالة..
* لو رسلتها صدقة ذاتو..قول،لانو الاعمال بالنيات..وانت عملت العليك..اها ورينا صدقة ولا ما صدقة..؟!
* لو كان رشوة..اسكت ساي وما تقول حاجة..!
ونواصل ....
|
|
 
|
|
|
|
|
| العنوان |
الكاتب |
Date |
| بالمستندات: فضيحة أخلاقية بدوري الأبطال بطلها الهلال السودني ... | الكباشى البكرى | 08-23-11, 07:05 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | على محمد على بشير | 08-23-11, 07:24 PM |
 Re: بالمستندات: فضيحة أخلاقية بدوري الأبطال بطلها الهلال السودني ... | على محمد الخير | 08-23-11, 07:44 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | د.محمد حسن | 08-23-11, 08:00 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | الكباشى البكرى | 08-24-11, 03:40 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | خالد العطا | 08-23-11, 08:03 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | على محمد على بشير | 08-23-11, 08:47 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | الكباشى البكرى | 08-24-11, 03:25 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | الكباشى البكرى | 08-24-11, 03:13 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | الكباشى البكرى | 08-24-11, 03:18 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 08-24-11, 04:03 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 08-24-11, 04:38 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | سامى عبد الوهاب مكى | 08-24-11, 06:14 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | khaleel | 08-24-11, 06:57 AM |
 Re: بالمستندات: فضيحة أخلاقية بدوري الأبطال بطلها الهلال السودني ... | صبري طه | 08-24-11, 07:14 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | هشام المجمر | 08-24-11, 08:47 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد البشرى الخضر | 08-24-11, 09:07 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | nazar hussien | 08-24-11, 09:17 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد عبدالله الطندب | 08-24-11, 10:42 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | Tarig Sidahmed | 08-24-11, 09:47 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | Yassir Tayfour | 08-24-11, 10:54 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد عبد الماجد الصايم | 08-24-11, 10:57 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | سامى عبد الوهاب مكى | 08-24-11, 11:04 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد عبد الماجد الصايم | 08-24-11, 11:12 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | يوسف الدفينة | 08-24-11, 12:25 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | المكاشفي الخضر الطاهر | 08-24-11, 11:12 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | سامى عبد الوهاب مكى | 08-24-11, 11:40 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | abas | 08-24-11, 11:45 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | mekki | 08-24-11, 11:53 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | سامى عبد الوهاب مكى | 08-24-11, 11:55 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | سامى عبد الوهاب مكى | 08-24-11, 11:59 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | وليد محمد المبارك | 08-24-11, 12:09 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | فايزودالقاضي | 08-24-11, 12:19 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | د.محمد حسن | 08-24-11, 12:53 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | فايزودالقاضي | 08-24-11, 01:06 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | dardiri satti | 08-24-11, 01:37 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | على محمد الخير | 08-24-11, 10:13 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | خالد درق | 08-24-11, 10:44 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | mekki | 08-25-11, 10:41 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | سامى عبد الوهاب مكى | 08-25-11, 10:49 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | الكباشى البكرى | 08-25-11, 12:15 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | khaleel | 08-25-11, 12:16 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | الكباشى البكرى | 08-25-11, 12:24 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد البشرى الخضر | 08-25-11, 04:38 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | الكباشى البكرى | 08-25-11, 05:54 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد البشرى الخضر | 08-25-11, 06:33 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | الكباشى البكرى | 08-25-11, 06:59 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | nadus2000 | 08-25-11, 08:07 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | nadus2000 | 08-25-11, 08:10 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | Omar Bob | 08-25-11, 08:53 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | nadus2000 | 08-25-11, 09:17 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | Omar Bob | 08-25-11, 09:50 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد البشرى الخضر | 08-25-11, 10:02 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | Ahmed Alrayah | 08-26-11, 01:06 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | Ahmed Alrayah | 08-26-11, 02:08 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 08-26-11, 03:31 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | حيدر بشير | 08-26-11, 06:08 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | Kabar | 08-26-11, 06:47 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد البشرى الخضر | 08-26-11, 09:01 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | الكباشى البكرى | 08-26-11, 11:49 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد البشرى الخضر | 08-26-11, 12:00 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | الكباشى البكرى | 08-26-11, 12:10 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد البشرى الخضر | 08-26-11, 12:24 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | طلحة عبدالله | 08-26-11, 12:10 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | طلحة عبدالله | 08-26-11, 12:33 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | عثمان جلال الدين | 08-26-11, 02:31 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | Omar Bob | 08-26-11, 10:29 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | Ahmed Alrayah | 08-27-11, 00:22 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | nadus2000 | 08-27-11, 02:31 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | Medhat Osman | 08-27-11, 02:57 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | برير اسماعيل يوسف | 08-27-11, 03:16 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | mekki | 08-27-11, 07:27 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 08-27-11, 11:07 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | Omar Bob | 08-28-11, 01:09 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | Ahmed Alrayah | 08-28-11, 06:25 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | Ahmed Alrayah | 08-28-11, 06:54 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 08-28-11, 08:31 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 08-28-11, 07:23 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 08-30-11, 01:10 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد البشرى الخضر | 08-30-11, 01:31 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | بدرالدين كاجوري | 08-30-11, 02:58 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | Ahmed Alrayah | 08-30-11, 03:28 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 08-30-11, 03:52 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 08-30-11, 06:48 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد البشرى الخضر | 08-30-11, 07:49 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | MOHAMED EL-BEELI | 08-30-11, 01:47 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 08-30-11, 03:52 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | nadus2000 | 09-08-11, 04:18 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 09-08-11, 05:08 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | nadus2000 | 09-08-11, 05:47 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | أحمد محمد عمر | 09-08-11, 10:16 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | أحمد محمد عمر | 09-08-11, 10:48 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | أحمد محمد عمر | 09-08-11, 11:01 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 09-09-11, 01:09 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | nadus2000 | 09-09-11, 01:01 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | أحمد محمد عمر | 09-10-11, 07:19 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | نادر الفضلى | 09-10-11, 09:33 AM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد البشرى الخضر | 09-19-11, 12:37 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | الكباشى البكرى | 09-19-11, 09:02 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | محمد البشرى الخضر | 09-19-11, 09:58 PM |
| Re: بالمستندات: فضيحة أخلاقية بدوري الأبطال بطلها الهلال السودني ... | Ahmed Alrayah | 09-20-11, 05:49 AM |
|
| |
فيس بوك
تويتر
انستقرام
يوتيوب
بنتيريست