|
|
 دكتور عمـــــاد ياخي ما بدري ( وااا فجيعتك يا بخاري )
|
بخاري ... بالامس فقط اكمل اخوك نزار العام
بذات الزبحة بذات الفجاءة ( ده كلام شنو يا ناس )
الليلة تاني اخوك مات بذات السكتة برضو واقف علي حيلو ..
ويجي صديق يقول ليك ... هسي هسي كنت بتكلم معاهو ( متين مات )
عزة ايضا بالامس اكملت عامها عماد صديقك اخوك جاب صورها في الفيس بووك
شوف الاقدار يا بخاري في اجازتي الماضية كان اخر مرة اشوف فيها عماد في
عزاء اخوك نزار وكان ضاحكا يحدثنا عن التغيير والناس كلها مسلحين ونحنا
لسه بناضل بالندوة والمنشور والهتاف ... يا دكتور عماد ما بدري ياخي ...
ربي الهمنا الصبر الجميل وها هو عماد بكل ذلك الحب والمرح نزفه اليك ياربي
اسكنه مع الصديقين والشهداء
|
|
 
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: معتصم ود الجمام)
|
رسالتان صباح اليوم من تؤام روحي :
الاولي عند الساعة السابعة و 18 دقيقة صباحا نص الرسالة
( باخ نجلاء ولدت )
وكان ردي نصه ( بنت )
فرد علي رسالتي عند الساعة التاسعة وخمسة واربعون دقيقة وكانت :
( تلاتة بنات الجنة عرقيها داير ذيادة
احجز لي معاك في القعدة )
تؤام روحي عماد نم هادئا لن ازعجك بسؤال لماذا رحلت عني
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: elsharief)
|
انا فقدت الباس وورد بتاعى وفقدته معاه قدرتى على النويح
معتصم سيداحمد نبدا من وين ونقول شنو...انا كل سنة بطلع كضابة بقول ماظن يجينا اقسى من اللى فات ..ابكى دم الملم اشلائ..وكل مرة الدنيا بتقول لى كضااااااابة حتشوفى اقسى من اللى فات..فقدان ميرغنى هدانى..رحيل ابوالسيد ابوى هدانى ..عماد ياصديقى ماتبقى لدى شى..جفت عيناى..لكن فجيعتنا الليلة رجعتها الدموع بحر..عدم التصديق الهزيمة الاللم الفقد والاحباط..فى كل لحظة بقول امكن هظار امكن كضب لكن الدنيا علمتنى انو الهظار بتاعها حقيقة..المدخراهو لينا قاسى..اتسربو الاحبة من بين الاصابع مش زى الموية ولكن زى موية النار تحرق جوة العضم مابيطفيها شى..اتشوهنا ياعماد الامين..كنت لى جراحنا طبيب..الليلة منو البعالجنا..منو البصبر خالتى خدرة منو البضاحك هيثم ..عصام..اكرام ..ابتسام..تهانى..منو البصبر اسرتك الصغيرة نجود..عزة..واللسة فى الرحم جاى الشهر الجاى ..منو البصبرنا نحن اسرتك الكبيرة المتفرقة فى الاراضى..منو البصبر عثمان الهادى فردة جناحك ومنو البطبطب على بخارى ونجلاء..منو البضربو ليه عز الليلة لى استشارة ومنو البمشى لى بثينة بت ابراهيم امى ويطمنا عليها فى الغربة...............البيت الضمانا فى جبرة احتوانا فى اللمات والونسة عند الامسيات..احتضنا..الليلة نقص عمود ..عاطف انيس وكل الاصدقاء اللمانا الحوش الكبير فى الامسيات لنستمع ننقض ..او فقط نتكى..
ياسخرية الاقدار..الليلة الصباح انا كتبت اننا زدنا نفر بميلاد كلارا بت بخارى ونجلاء والدنيا بتقول لا اتعادلتو لانى حانقصكم رمز..عماد الامين الفقد الطبيب الصديق الزوج والاب..الابن..والعلامة للبعض لك الحب والرحمة ولنا الحزن والحزن ومزيدا منه..نم هنيئا وسط احبائك نزار سيد.. ميرغنى حمزة.. وسيداحمد الشيخ..وكل رفاقنا السبقوك على جنة عدن..سبتونا نخلة وسط رياح ..عصفور وحيد فاقد جناح..واحزنى ..وواحزن الرفاق عليك يا ابسط انسان
هاجر سيد احمد الشيخ
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: أيزابيلا)
|
الحزن لا يتخبر الدمع ثيابا لكي يسمي في القواميس بكاء ...
عاش متقد ونبيل ...
ذيو ذي اي زميل ...
قابض علي الاصرارة
علي يوم حيأتي جميل ..
كالخضرة في الاشجار
والموية جوة النيل
تعازينا الحارة لاصدقاء وصديقات واسرة الراحل المقيم الدكتور عماد الامين
فقد عظيم لوطن جريح
لك الرحمة والمغفرة د. عماد
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: SHIBKA)
|
يا جماعه والله قطعنو قلبنا دا قطيع من الصباح لا شفناه ولا عرفناه بس حزنا بحزنكم - الله يرحمه ويغفر ليه ويعوض شبابه الجنه - اللهم وسع في قبره مد البصر اللهم اجعل قبره روضه من رياض اللجنه اللهم زد في حسناته وتجاوز عن سئياته ويا اخوان واخوات المنبر البركه فيكم وربنا يصبركم ويصبر اهله ولا حوله ولا قوة الا بالله
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: هويدا شرف الدين)
|
وأعرف ان دمع هتون سال من العيون المضيئة ،
عيون الرفاق والأصدقاء والأهل والأسرة الصغيرة
أعرف أن لوعة فراقه لسعت كل من عرفه من الأهل والصحاب والجيران ورفقة الطريق
نبكيه اليوم بالدمع الهتون ، بدمع الدم
وغدآ صباح جديد
وهم جديد
ومشاوير جديدة
وواجبات
عندما فقدنا راشد فريجون
قلنا الدنيا دي تاني ما ح تكون
كما كانت بوجوده
وما ان كفكفنا دمعاتنا وتآسينا بالمهام
حتى رزئنا ب علي فضل وعمر البوصيري وأبوبكر راسخ
في اوقات متقاربة
وكنا حينها في أشد الحاجة لهم
لبذلهم وعطائهم
وبطن الحزب لا تكف عن انجاب الابطال
فشهدنا بزوغ فجر أمجد وهنادي وبخاري وعماد الأمين
برحيل عماد الأمين يتسع الجرح
وتومض الذكريات الأليمة
تصحى الأحزان القديمة
العزاء انه ذهب راضيآ مرضيآ عنه إلى رب كريم و رحيم
العزاء أن شبابنا أمجد وهنادي وبخاري ونجلاء وهاجر ورفاقهم
سيعاهدون عماد عند قبره الضريح بإلتزامهم بسد فرقته الواسعة
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: منى على الحسن)
|
لماذا ياموت الم نكن كلنا امامك مفتوحوا الصدور...
لماذا كل هذه القسوة ...والقدره الرهيبة علي الايذاء....والغدر
عماد....في اوان لست فيه تصبح الكتابه فعلأ قميئأ....عزرأ عماد انا اكره البكاء....لكنك تعلم كم احبك
القلب موجوع ياصديقي ....لكن الذاكرة مضيئة بوهج تزكاراتك الاخاذ يابديع ...ياانبل من خلق الله....
لماذا هكذا فجاة ....
دون وداع ...
دون اشاره ...
لماذا هذا الوداع الفاتر...
انت تعلم جيدأ نحن لانخشي البيارق ...والمنون...
لماذا بهذا الهدوء ...
كمن يبزق سفه....
تبزق دنيانا...وترحل ...
بكل هذا الهدوء.....
عمادهل تذكر تلك الليله....
ونحن نقطع ذالك الخلا الفاصل بين جبرا والزرائب....ممتلئ النشوي ...نغني مل الحناجر
هاديئا كان اوان الموت .....عاديأتمامأ
هل كانت تلك اشارة...
هل كان ذالك وداعأ...
لماذا لم تقل في حينها ....
تقابلنا بعدها مئات المرات ....
لماذا لم تنبث ببنت شفي ...
من قال ان الرحيل بهذا الهدوء...
اقل المأ....
اخطاءت التقدير هذه المرة ياصديقي ....
كنت دوما نقنعنا...في نقاشاتنا الصاخبة... بذالك الهدوء ...الترتيب والحضور...وانت تحاجج محمد احمد يحي بان السودان ليس كوبا ....وان جيفارا لم يكن سودانيا....وان طريق الثورة السودانية يمضي بالعزم والنفس الطويل...ضد استباق النتائج ونضج الموضوعي..........وهرجلة الفراعة.
كناصغار ياصديقي فينا رعونة ...وطيش ...وغرور البرجوازي الصغير ...وجهالة انصاف المثقفين...نستعرض معارفنا ....بصفحات نحفظها من النزعات الماديه ..نمط الانتاج الكلونيلي...اصل العائله...غرامشي والثورة الثقافيه في جنوب ايطاليا....ثوار السندانستافي
نيكاراغوا....كنا صغار ياصديقي ...وكنت اكبرنا سننأ...عقلأ...وتجربة...ونقاء....كنا نتناطح ...صخبأ وضجيجأ...نحتد لاتفه الاسباب ...ونختلف ....وكنت دومأ كونفشيوسنا الحكيم....
كنا دومأ نسمعك...
نحبك ...
ونحترمك...
لكن ان ترحل هكذا...
دون اشاره...دون وداع...
هاانت ترجعنا صغار مرة اخري ...بعد كل هذه السنين....
نبكي كالاطفال...
ونصك اذان الموت بعويلنا الرافض.....
فتسامي ياصديقي هادئأ...ودعنا لحالنا...وستبقي رغم سجن الموت غير محدود الاقامة
وستبقي رغم انف الموت
عـــــــــــــــــــــــــــــــزة
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: سمندلاوى)
|
لا حول ولا قوة الا بالله
انا لله وانا اليه راجعون
اللهم وسع مدخله واجعل قبره روضة من رياض الجنه
اللهم لا تفتنا بعده ولا تحرمنا اجره
واجعل الجنة مثواه مع الصديقين والشهداء
وعزاءنا ان اشرف خلق الله محمد صلي الله عليه وسلم تحت الثري
تغمده الله بواسع رحمته والهم اهله وذوية الصبر وحسن العزاء
انا لله وانا الية راجعون
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: حاتم حمدتو رجب)
|
معتصم....
....
....الا لعن الله غربتنا يا معتصم
الا لعن الله الوحده
نجلس هنا ..انا وحاتم رفيقي...
ولا تحيط بنا الا الجدران الضيقه بدلا من تعازي الاصدقاء
ودموعنا الساخنه خانقه
والحزن ينشب أظفاره فينا كوحش
الحزن وحش
وحش يا معتصم
رحل عنا عمده يا بخارى
رحل عمده يا نجلاء
رحل يا معتصم رحل الحبيب...الزميل...الصديق
الشيوعي بحق وحقيقه..(وما أندرهم)
رحل عماد...الفارس...الضخم بروحه
ولا عزاء
لا عزاء
..........عماد اضحي :بيت بكا" وجثمان..........
الله يدينا الصبر
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: معتصم ود الجمام)
|
علاء عيبر يؤكد لي أن الخبر صحيح
أهاتف هيثم عصام ابوساطور لا احد يرد
يعود علاء مرة أخرى "أنا رسلت اخوي لبيتهم والخبر مؤكد".
أقول له ياعلاء "اتصل على مجاهد"، ويعود مرة أخرى ليقول لي "مجاهد في بيت ناس عماد الآن والخبر صحيح"، كان يلقي محاضرة في الضعين ومات بذبحة.
لم استطيع أن اصدق.
شيء ماء داخلي يرفض الإذعان للحقيقة.
ابحث في قوقل هل هنالك من مات وعاد مرة أخرى
هل يوجد دواء ضد الموت.
أهاتف معتصم عله يكذب الخبر، لكنه يؤكد الخبر "ايزابيلا نزلت بوست تنعي فيه عماد للخرطوم.
الآن كل الهواتف ترد في الخرطوم وتؤكد الخبر.
آمل غريب يمنع عني الدمع لساعات طويلة
هاتفت شيراز ومن صوتها وددت إغلاق الهاتف.
لا ادري ما دار بيننا من حديث.
أبو ساطور من مطار الخرطوم يرد علي قائلاً "نحنا آسي في المطار منتظرين ومعاي عدد كبير من الزملاء ننتظر وصول عماد" حال ناس البيت سيء عشان كده مافي زول منهم جأ معانا.
وبعد ساعات يرد استلمنا جثمان عماد وماشين على البيت.
قلت له بأنني سأتصل لاحقاً وأغلقت الهاتف.
الم يجد الموت غير عماد ليأخذه ؟؟؟
الم يجد الموت غير من كان يمنح الحياة لكثيرين حوله ليأخذه؟
لمن يترك عماد كل هولاء ويرحل.
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: خدر)
|
شكرا لكل الاصدقاء الفقد واحد والفقد كبير
قبل قليل كتبت رقم هاتفي هنا ... اتصل علي شخص باكي دون مقدمات
بكيت معاهو بكينا ... بعد صبرنا بعض قلت ليهو انا ما عرفتا رقمك قال لي
ولا بتعرفني انا صاحب عماد وعاوز زول ابكي معاهو .. وبكينا تاني ... عرفتا انو
عماد ده كنز وضاع ... شكرا منعم شوف عليش خدر ....... كل الاصدقاء دون فرز الحزن واسع
وغريق فعماد كنزنا الذي ضاع
| |
|
|
|
|
|
|
|
|
 Re: دكتور عمـــــاد ياخي ما بدري ( وااا فجيعتك يا بخاري ) (Re: الطيب عبد الرحيم خلف الله)
|
Quote: يا جماعة والله قطعنو قلبنا دا قطيع .. لا شفناه ولا عرفناه بس حزنا بحزنكم -
الله يرحمه ويغفر ليه ويعوض شبابه الجنة - اللهم وسع في قبره مد البصر .. اللهم أجعل قبره روضة من رياض الجنة ..
اللهم زد في حسناته وتجاوز عن سيئاته .. ويا أخوان و أخوات المنبر البركه فيكم وربنا يصبركم ويصبر أهله ولا حولا
ولا قوة الا بالله |
العزاء الحار موصول لأسرته وأصدقاؤه في كل مكان
انا لله وانا اليه راجعون
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: خضر حسين خليل)
|
عارفك موجوع يا معتصم بالرحيل الفاجع ده
من تلفونك بتاع أمس وأنا بفكر في الموت
كفكرة مقابل الحياة كفكرة .
بقيت أخاف يامعتصم تخيل .. بخاف من تلفونات
الاصدقاء ورحيل الاصدقاء ورحيل كل الحاجات
السمحة من الزايلة دي .
عماد مشي بصدقوا وتهذيبوا وتفاصيلوا السمحة
كلها العزاء لاسرته ولصديقنا بخاري واسرته
وهاجر وابوساطور ومحمد الاشرف ودكتور امجد
وكل الناس اللمتهم دروب الحياة بدكتور عماد .
ياخ هذا زمان الفجائع ياصديقي فإحتمل
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: Rawia)
|
| Quote: فجيعة كل شباب جبرة في عماد |
بل فجيعة اهل السودان يا معتصم
مررت علي الحلة في جبرة حيث كنا جيرانا
حيث كانت شلتنا تجلس في مسطبتهم
اسامة معاوية
الفاتح السعيد
اشقاءه
هيثم العربي
لم اجدهم
لعن الله الغربة فقد احاطتهم باحزانها
عصام -الوحيد- الذي وجدته حضنته وبكينا...
صالون عزاء يا معتصم بابه مفتوح للسودان شرقه وغربه شماله وجنوبه
صغار وكبار
عيانين واصحاء
دموع في كل عين زول حاضر
تركت الصيوان خلفي باكيا لرجل جميل.. قد رحل
تابعت وصول الجثمان مع كرفس الا انني لم احضر فقد رحل والدة شخص عزيز آخر
هي أحزان وأحزان
الهم تقبله لديك شهيدا عزيزا فهو أعزنا واصدقنا ..اكرمنا وشبابنا الذي رحل
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: Raja)
|
ياله من حزن
ياله من فقد
واي فجيعة بك نمتحن يا عماد
بكيناك كما لم نبك من قبل
ودعناك وندري انك باق فينا ما حيينا
يا صديقي
يا رفيق دربنا
و انت اشرفنا
و اطيبنا
و انقانا سريرة
لم اكن ادري اني اخبئ دموعي لتبكي سيرتك
و اي سيرة
تلك التي لم يقوى الموت على هزيمتها نزال
وداعا يا حبيبي
وداعا يا صديقي
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: جعفر خضر)
|
بكيت لى بكائكم...ووجعنى شبابه مع إنى ما شفته..
وجعنى رحيله والبلد منتظراه....
وجعتنى حسرة امه....ربنا يقومها بالسلامه..وما يضوقها نار فى عزيز تانى..
الصف إتكسر...تموه بالصبر...كان الصبر بتلقى فى جنس اليوم ده...
ولا كان الصبر بطفى جنس الحُرقه دى..
البركه فيكم...
البركه فينا
وإنا لله وإنا إليه راجعون
وربنا يتغمده بواسع رحمته
إقبال
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: بخاري عثمان الامين)
|
رفاقي وأصدقاء دكتور عماد
قلبي يقطرحزنا وأنا الذي لم ألقاه ولم أعرفه عن قرب، فكيف يكون حالكم! يا معتصم هاك كتفي أبكي عليه عبر المسافات! شيراز اعلم تماما ما تقولين في لحظات الحزن نحتاج للتضامن الجماعي وسط من يشتركون معنا في حب ومعرفة من نقصد، بخاري عماد سيظل عائشا معك كلما تنظر لارا فهو حي فيها فلندعو لها بطول اعمل والنجاح
رفاقيليس لي عير العزاء الحار من القلب فأنا حزين مثلكم أرجو أن تبلغوا الأهل والأصدقاء عزائي.
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: Samer Osman)
|
الله أكبر، الله أكبر
أشهد أن لا إله إلا الله،
أشهد أن محمداً رسول الله،
الله أكبر، الله أكبر
لا إله إلا الله
لا اله إلا الله وحده لا شريك له . له الحمد وله الشكر وله الفضل وله الثناء الحسن يحيي ويميت بيده الخير وهو على كل شيء قدير . لا اله إلا الله لا نعبد إلا إياه مخلصين له الدين ولو كره الكافرون ولا حول ولا قوة إلا بالله . اللهم صلى الله على سيدنا محمد خاتم النبيين والمرسلين عليه افضل الصلاة وأتم التسليم .
- اللهم يا رحمان الدنيا والآخره ورحيمهما ارحمنا وارحم أمة محمد رحمة كافة تغنينا عن رحمة من سواك
- اللهم اغفر لحيينا وميتنا وشاهدنا وغائبنا كبيرنا وصغيرنا
- اللهم من احييته منافاحييه على الإسلام ومن توفيته منا فتوفاه على الإيمان اللهم ارحم رحمة واسعة وتغمده برحمتك
- اللهم ارحمه فوق الارض وتحت الارض ويوم العرض عليك . اللهم قه عذابك يوم تبعث عبادك .
- اللهم انزل نورا من نورك عليه
- اللهم نور له قبره ووسع مدخله وآنس وحشته
- اللهم ارحم غربته
- اللهم اجعل قبره روضة من رياض الجنة لا حفرة من حفر النار
- اللهم أغفر له وارحمه واعف عنه واكرم نزله
- اللهم ابدله دارا خيرا من داره . واهلا خيرا من اهله . وادخله الجنة بغير حساب
. برحمتك يا ارحم الراحمين
- اللهم انقله من ضيق اللحود ومن مراتع الدود الى جناتك جنات الخلود لا اله الا انت يا حنان يا منان يا بديع السموات والارض تغمد ( عماد الامين ) برحمتك يا ارحم الراحمين
- اللهم ان كان غير اهل الوصول لرحمتك فرحمتك اهلا لان تسعه
- اللهم اطعمه من الجنة واسقه من الجنة واره مكانه من الجنة وقل له أدخل من أي باب تشاء
- اللهم انه في ذمتك وحبل جوارك فقه من فتنة القبر وعذاب النار وانت اهل الوفاء والحق فاغفر له وارحمه انك انت الغفور الرحيم
- اللهم ان (اخونا عماد الامين) يحتاج الى رحمتك وانت غني عن عذابه فارحمه
- اللهم وارزقه لذة النظر الى وجهك والشوق الى لقاءك
- اللهم ارجع نفسه اليك راضية مرضيه وادخله في جنتك مع عبادك الصالحين
- اللهم انت غني ونحن الفقراء فانت غني ونحن الفقراء فانت غني من عذابه فارحمه
- اللهم ان كان من المحسنين فزد في حسناته وان كان من المسيئين فتجاوز عن سيئاته
- اللهم اجعل دعاء اخوانه سترا بينه وبين نار جهنم
- اللهم اجعل ذريته ذرية صالحة تدعوا له بخير الى يوم الدين
- اللهم ادخله جنتك وكرمك جنات النعيم
- اللهم اني اسالك الفردوس الاعلى نزلا له
- اللهم وابني له بيتا في الجنة واجعله بملتقانا هناك
- اللهم واسقه من حوض نبيك محمد صلى الله عليه وسلم شربة هنيئة مريئة لا يظمأ بعدها ابدا
- اللهم واظله تحت عرشك يوم لا ظل الا ظلك ولا باقي الا وجهك . اللهم بيض وجهه يوم تبيض الوجوه وتسود وجوه اللهم يمن كتابه . اللهم وثبت قدمه يوم تزل فيها الاقدام . اللهم اكتبه عندك من الصالحين والصديقين والشهداء والاخيار والابرار . اللهم اكتبه عندك من الصابرين وجازه جزاء الصابرين .
- اللهم اني اسالك في هذه الساعة ان كان في سرور فزد في سروره ومن نعيمك عليه . وان كان في عذاب فنجه من عذابك وانت الغني الحميد برحمتك يا ارحم الراحمين
- اللهم تقبل منه القليل وتجاوز عنه التقصير
- اللهم اجعل أي مرض مرضه كفارة لجميع ذنوبه . واجعل آخر عذابه عذاب الدنيا
- اللهم اني اسالك باسمائك الحسنى وصفاتك العليا وباسمك الطاهر الاعظم ان تتقبل منا دعاءنا بقبول حسن وان تجعله خالصا لوجهك الكريم
- اللهم ثبته بالقول الثابت وارفع درجته واغفر خطيئته وثقل موازينه
- اللهم حاسبه حسابا يسيرا يامن هو ارحم من عباده بانفسهم ومن الام بولدها
- اللهم انه في كفالتك وفي ضيافتك فهل جزاء الضيف الا الاكرام والاحسان وانت اهل الجود والكرم
- اللهم انه في حاجة الى رحمتك وانت الغني في غنى من عذابه فارحمه
- اللهم حرم لحمه ودمه وبشرته عن النار
- اللهم استقبله عندك خالي من الذنوب والخطايا واستقبله بمحض ارادتك وعفوك وانت راض عنه غير غضبان عليه
- اللهم افتح له ابواب جنتك وابواب رحمتك اجمعين
- اللهم اني اسالك يا حنان يا منان يا بديع السموات والارض يا ذا الجلال والاكرام
- اللهم اجعله من الذين اذا احسنوا استبشروا
- اللهم اني اسالك يا ارحم الراحمين ان يكون ممن بشروا عند الموت بروح وريحان ورب راض غير غضبان
- اللهم يا باسط اليدين بالعطايا يا قريب يا مجيب دعوة الداع اذا دعاه يا حنان يا منان يا رب يا ارحم الراحمين يا بديع السموات والارض يا احد يا صمد اعطيه من خير ما اعطيت به نبيك محمد صلى الله عليه وسلم عطاء ماله من نفاد من مالك خزائن السموات والارض . عطاء عظيما من رب عظيم . عطاء ماله من نفاد عطاء انت له اهل عطاء يليق بجلال وجهك وعظيم سلطانك
- اللهم اغفر لهم وارحمه عدد من قالها ويقولها القائلون من اول الدهر الى آخره عدد من احصاه كتاب الله واحاط به علمه واضعاف ذلك اضعاف مضاعفه وكل ضعف يتضاعف من ذلك مضاعفة ابد الابد ومنتهى العدد بلا أمد لا يحيط به الا علمه
اللهم يا جامع الناس الى يوم لا ريب فيه اجمعه بنبينا محمد صلى الله عليه وسلم كما جمعت بين الروح والجسد
- اللهم اغفر له حتى لا يبقى من المغفرة شيء
- اللهم ارحمه حتى لا يبقى من الرحمة شيء
- اللهم ارض عنه حتى لا يبقى من الرضا شيء
- اللهم اغفر له عدد خلقك واغفر له مداد كلماتك واغفر له زنة عرشك واغفر له رضا نفسك برحمتك يا ارحم الراحمين
- اللهم اني اسالك له الدرجات العلى من الجنة آمين . وادخله الجنة آمين آمين واسالك له خلاصا من النار سالم آمين وادخله الجنة آمين .
ربنا لا تؤاخذنا ان نسينا او اخطأنا ربنا ولا تحمل علينا اصرا كما حملته على الذين من قبلنا سبحان ربك رب العزة عما يصفون وسلاما على المرسلين والحمد لله رب العالمين
- اسال الله العظيم رب العرش العظيم ان يتقبل مني ومنكم الدعاء ويغفر لموتانا وموتى المسلمين وان يحسن خاتمتنا انه قادر على كل شيء
- اللهم آمين
اللهم آمين
اللهم آمين
اللهم آمين
اللهم اغفر وارحم
--------------------------------------------------------------------------------
البركة فيكم جميعا في الفقد المؤلم
أخواني اخواتي الاعزاء رجاء أن تدعوا بهذا الدعاء صباحاً ومساءاً أسال الله أن يتقبل منكم ويصله هذا الدعاء وهو الشيء الوحيد المطلوب منكم بعد أن أنقطع عنكم عزيزكم عماد الامين والحمدلله على كل شيء
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: Abdel Aati)
|
رحماك يا رب
.. الى عماد الامين
..
صدِقنى بعرفك
هوى اصحابَك
فلَس بابى ..
الكُنت مسوكرو ومروح عِنيه مفتاحو
من الاحزان
رحماك يارب
القاك داخلنى وداعى معاك
كُل نيازكى ..
شُهُبى الفاتو
السيماهُم تخطف بصرى
وكم تحزنى وكم تفرحنى
رحماك يارب
القاك داخلنى وهم َ
سوارك
تتوهطوا فينى بُهو
القلب
رحماك يارَب
.
.
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: معتصم ود الجمام)
|
طائر الموت حوم فوقي و حان الذهاب
ما عارف اعزي منو و لا امسك نفسي كيف من لحظة ما التلفون ضرب اول امبارح و هيثم ابوجاكومة كلمني بالخبر و قال لي اتأكد اول تلفون ضربتو لي عماد عشان اتاكد و اتاكدت
اعزي منو اضرب لي مهيد و معز ، بخاري ، حافظ حسين ، خالد عبدالعزيز ، الهادي ابوسن ، محمد خليفة ،بدر الدين ،شيراز ، وائل ، عثمان الهادي ،فارس ، خالد صديق، اكرم ، ابوساطور ، ، جيتر ، مامون ، عايس ، معتصم ، البلولة ، عمار ، عبدالله الخطيب ، بابكر ، مصعب ، معتز ، حسبو ، نعمات ، .....
انا ضربت لكل الناس دي و كلهم اكدوا ، ياخي انا تعبان شديد ، و تعبت من الموت ، ياخي كل عام تنقصون
فإذا لاقاك بالباب بشوشا و حفي
بضمير ككتاب الله طاهر
انشبي الأظفار في أكتافه و اختطفي
يا معز تاني البرتب معاك عرس الشباب منو ، تتذكر عرس مهيد و عماد ينادي في الشباب و قاعد يلم القزاز و الصحون بعد العرس و يشاغل في بدرالدين
تاني منو البنادينا للفطور في رمضان ، منو البيفطر الأطباء
أكتوبر 2007
معتز شم رسل الأيميل
يوم 2اكتوبر 2007 كتب معتز شم الدكتور عماد الأمين يدعو المجموعة حلوة المجموعة دي , مش لإفطار رمضاني يوم الجمعة القادم الخامس من أكتوبر بمنزله العامر للتفاكر حول الورقتين المقدمتين من خالد وأكرم وبحث التصورات الجديدة والخطوات القادمة إضافة لتناول الإفطار بالطبع (ولا ما كده يا عماد) على الزملاء في فرع الخارج (والمقصود هنا محمد حسبو بعد عودة محمد أحمد اليوم) إرسال باقي مساهماتهم قبل ذلك التاريخ
رد عماد الأمين الاعزاء جميعا يا مرحب بيكم ويامعتز الفطور للصايمين والبقية معزومين عشاء وزملاء الخارج دي لذيذة شفت محن السودان بقت كيف اي حاجة فيها زملاء خارج عموما ح نفتقدهم كالعادة ومرحب مرة تانية
يا بخاري يا ويب لي يا ويب لي يا ويب لي
وين الناس الكانت في رحلة و داع عماد الامين الشهيرة ،
يا ربي ده ياهو كان الوداع ، لي ما في كان فرصة تانية نمشي البيت نودعوا ، ما داير حاجة كثيرة بس فرصة نودعوا
لو كنت عارف انو يوم المؤتمر ده مع عثمان الهادي و بخاري كان اخر يوم كنت قعدت شوية ، امكن كان سقت فطرنا في سودان تكل ، امكن كنا نادينا الهادي ابوسن و مشينا محل الفطور
خالد عبدالعزيز: تاني منو البضحك معاك ، ويشاغلك انت و ندي ، تاني تهم بي منو يا خالد
يا عبدالمنعم
منو تاني يماسك الاطباء ، و يفكر معاهم ، منو يتكلم باسمهم و يطمنوا ليهوا
يا خليفة انا و انت و معتز واب و عبدالله و معتز و حسبو قاعدين راجين شنو بره ، عشان الناس تموت تخلينا و لا نموت نخليهم ، ياخي حقنا البسيط في انو نبكي هنا منزوع مننا ،
يا حسبو : عماد الكان بيقول لي انو حسب وده ما فيو زيو بس يروق وو يقعد في الواطة ، و يضحك و يقول هو مبسوط بيك و فرحان بي كتابتك ايما فرح
بلولة : تتذكر و انا راقد مع جدي في المستشفي ، عماد جاي مع نجود قبل ولادة عزة ، زعلان كيف ما كلموهو انو نحن في المستشفي ، قال لي بمشي و بجيك راجع ، و اول صباح كان معاي
يا خالد صديق ااااااااااااااااااااااااااااااااااااااااااااااه ه ه ه ه ه ه ه ه ه ه ه
يا عماد شهيتني في المنية سيفي يهفو الي ضجعة في القراب
السلام عليك حبيب الجميع
السلام عليك اثير الجميع
السلام عليك الي ابد الابدين
| |
|
|
|
|
|
|
|
|
|
Re: دكتور عمـــــاد ياخي ما بدري ( وااا فجيعتك يا بخاري ) (Re: Salih Merghani)
|
صالح ميرغنى
ذهب المعلم والناصح المسئول عن الجميع ولا أحد يسأل عنه
غادرنا وارتحل الى حيث هدؤ وسكينه........
دونما وداع او حتى اشاره
أذكر فجأة بوضوح شديد كل ضحكاتى معه...وكل جلساتنا الجاده وغيرها
وتتقاذفنى منذ الأمس أمواج من ذكريات ولا أكاد أرفع برأسي قليلا احتى أغوص مرة ثانيه وانا انتحب لفراق زميل صديق حبيب وقريب من الكل.....
مشغول بالآخرين عن نفسه...وتائه عن عماد باحثا عن الوطن...والحزب....والناس......
صالح.....
عماد.....فهمتنى دايره اقول شنو وأذكرك بشنو صاح؟؟
بخارى...........ز
كم أذكر ذاك اليوم جليا كالأمس بالطبع......
وأذكر كل الأيام الأخرى التى أضحت فى خاطرى الآن لحيظات تمنيت لو طالت..........
.............الله يرحمو ويرحمنا بالصبر......
الله يرحمو ويرحمنا بالصبر....
| |
|
|
|
|
|
|
| |
Maawya Hussein
بخاري عثمان الامين
انعام حيمورة
أيزابيلا
Ishraga Mustafa
محمد مكى محمد
Amjed
elsharief
احمد سردوب
hanouf56
Abuelgassim Gor
SHIBKA
هويدا شرف الدين
أبو ساندرا
رأفت ميلاد
محمد حيدر المشرف
ABU QUSAI
ماضي ابو العزائم
عواطف ادريس اسماعيل
مصطفى كدفور
شكرى سليمان ماطوس
MOHAMMED ELSHEIKH
فدوى الشريف
NASIR ALI
محمد عبد الماجد الصايم
كمال ادريس
سمندلاوى
سلمى الشيخ سلامة
الزنجي
الرفاعي عبدالعاطي حجر
جعفر محي الدين
doma
Shiraz Abdelhai
منعمشوف
بركات بشير نجار بشير
عليش
خدر
الطيب عبد الرحيم خلف الله
Hadeer Alzain
خضر حسين خليل
Ehab Eltayeb
Rawia
rosemen osman
GamarBoBa
ياسر بيناوي
اسعد الريفى
Raja
HAMZA SULIMAN
محمد اشرف
أبوبكر أبوالقاسم
Egbal Elmardi
الطيب شيقوق
Sidgi Kaballo
بهاء بكري
Samer Osman
إسماعيل التاج
Abdel Aati
khatab
فيس بوك
تويتر
انستقرام
يوتيوب
بنتيريست