الى شرطة أمن المجتمع ... أقبضوا على ديل ... ولكن

Quote: هن بنات سودانيات من أسر سودانية وقليل من جنسية أخرى لديهن ظروف اجتماعية ومادية مختلفة لن تصدق إلا اذا سمعت وشفت بعينك ليس قصدهن الرزيلة ويتمنين العفة ولكن هذه هي ظروفهن وهذا هو قدرهن في ظل غياب الرعاية الاجتماعية فماذا يفعلن بطلعن بالليل بعد الساعة سبعة مساء ولغاية الساعة 11 بالليل بتقيف الواحدة أو الأتنين على الأكثر في طرف الشارع كأنها منتظرة المواصلات (لكن في الغالب بتكون واحدة) في كامل الشياكة والعطر والميك أب ولو متزوجة (بي حنتا ودخانا) ومعها شنطة يد متوسطة الحجم فيها (عدة الشغل) بتجي انت بي عربيتك بتقيف آآآي بتقيف طوالي مادام انها واقفة براها وبالليل خلاص الموضوع بقى مفهوم هنا المشكلة الأولى اللي هي البنات الما بنات ليل بقن ما بقدرن يطلعن ينتظرن المواصلات براهن ... لازم يطلع معاها زول يقيف معاها لامن تركب عشان لو طلعت براها ... مليون عربية ح تقيف ليها وستين كلمة فارغة ح تستمع ليها وعندي قصة في الموضوع دا بحكيها ليكم (بس ذكروني) عشان عامل السن وكدا أها نرجع لبنات الليل تقوم انت تقيف (سواء هي أشرت ليك أو لا) غالبا هي ما بتأشر عشان ما يطلع ليها واحد شهم وعايز يعمل خير يوصلا انت تقيف هي تركب يبدأ الكلام ماشة وين ؟؟ تجيب : ماشة قريب لي واحدة صاحبتي لكن مشوار ما ضروري انت تسأل : يعني ممكن تجليه تجيب : ممكن (انت برنامجك شنو) (برنامجك شنو) تشمل الآتي 1- في العربية (نوعين) 2- في بيت أو شقة خاصة بيك 3- في بيت أو شقة توفرا هي ليك (مدفوعة التمن طبعا) 4- على الماشي بسعر ـ 5- على أزيد شوية من الماشي بسعر تاني 6- مبيت ـ بسعر أعلى وفي جميع الأحوال تدفع أول (عشان أولاد الحرام ما خلو لأولاد الحلال حاجة)