|
|
|
 Re: معقولة ده عرس في السـودان الجعان الفقران السجمان الرمدان!؟ (Re: اماني محمد صالح)
|
ياهشام الكوشه وتبعه الفرقه بتتأجر كده
زفه فرعونيه ياهشام
الزمن ده لمن تجى تعرس تعمل حساب 8 مليون للزفه
تمشى تحجز وتشوف بالفيديو الزفه الانت عايزه
غايتو انا عجبتنى زفة بت خالى لمن جات داخله وكاظم الساهر بغنى قولى احبك
والبنات الصغار جاريات قدامه وبقولو لالالالالا
والعروس من خشم الباب رمت الزهور فى العريس وحاجات تانيه حاميانى 
زفة كاظم دى قالو بي 6
اها عاد زفة رشا دى ولاشئ لباقى الزفات
| |
 
|
|
|
|
|
|
|
|
Re: معقولة ده عرس في السـودان الجعان الفقران السجمان الرمدان!؟ (Re: منال)
|
اختنا العزيزة منال
تحياتي
Quote: ياهشام الكوشه وتبعه الفرقه بتتأجر كده
زفه فرعونيه ياهشام
الزمن ده لمن تجى تعرس تعمل حساب 8 مليون للزفه
تمشى تحجز وتشوف بالفيديو الزفه الانت عايزه
غايتو انا عجبتنى زفة بت خالى لمن جات داخله وكاظم الساهر بغنى قولى احبك
والبنات الصغار جاريات قدامه وبقولو لالالالالا
والعروس من خشم الباب رمت الزهور فى العريس وحاجات تانيه حاميانى
زفة كاظم دى قالو بي 6
اها عاد زفة رشا دى ولاشئ لباقى الزفات |
والله اخوك محتار تمام الحيرة يبدو ان ابتعادى حوالي ال23 سنة عن السودان
سيجعلني تائها عند عودتي للسودان لانى لا زلت احمل صورة السودان الجميل
قبل ان (يغتس حجرو) اهل الانقاذ... ولا ادري كيف ساستوعب كل هذه التغيرات
مع تحياتي للاسرة الكريمة
| |
|
|
|
|
|
|
|
|
Re: معقولة ده عرس في السـودان الجعان الفقران السجمان الرمدان!؟ (Re: المسافر)
|
Quote: ولو كنت مديرا لتلفزيون النيل الازرق لارسلت لها قرار اعفائها عن العمل في شهر العسل
لانها مذيعة غير مؤهلة وطنيا للعمل في مرفق عام يخص شعب السودان
|
الغالي هشام هباني
سلامي لكم في المهاجر
وين تكون مدير التلفزيون وأنت ضد المشروع الحضاري ياخ وهذا جذء من ملامحوا؟؟؟؟
ومن قبلك هنا قالها أخونا صديق الموج . في واحد منهم رفض تعين بتنا الجنوبيه .
قايتوا داء ذمن ...؟؟؟؟
مودتي
شــــــــــــطة
| |
|
|
|
|
|
|
|
|
|
Re: معقولة ده عرس في السـودان الجعان الفقران السجمان الرمدان!؟ (Re: خالد أحمد شطة)
|
Quote: كدا سؤال
العروس وعرفناها شايلنها الجماعة وهى فى قناة النيل الازرق الانا محكن بنات التبخ الفيها
اها العريس منو ....؟؟؟؟؟ |
الأخ قاسم المهداوي
تحياتي - يا زول إنت مالك عايز تجيب لينا كركبه - يعني في البورد دا ما قبل كدا جابو إسمه وقالوا إبن رقم كبير في الحيكومة دي .
ويا الناظر الزولة دي الظاهر تبعت كلام أهلنا القديم داك عشان أهلنا قالوا عرسوهن بالكذب وأمسكوهن بالصيح !!
يعني بعد النزلة من الكوشة الفرعونية دي خلاص رجعت ست بيت عديييييييل
ويعلم الله نحن زمان كان عروستنا بنشيلها في بمبر من بيت التجهيز لبيت البرزة عشان يقطعو رحطها .
وغالباً ما يكون الناس البشيلوا البمبر من أهلنا القريبين وبتكون هناك أغنية تراثية مصاحبة للشيلة دي :-
كوبا كوبا العروس حبوبا - كوبا كوبا العروس حبوبا
يعني لو خلونا نقدم تراثنا دا أقلو يعرفوهو أهل السودان ونقلل التكلفة بدل ستة مليون وثمانية مليون وكمان نطور صناعة البنابر دي . عشان كل عروس حتشيل معاها بمبرها لي بيتها للذكري .
بحيراوي
| |
|
|
|
|
|
|
|
|
|
Re: معقولة ده عرس في السـودان الجعان الفقران السجمان الرمدان!؟ (Re: قاسم المهداوى)
|
Quote: لعروس وعرفناها شايلنها الجماعة وهى فى قناة النيل الازرق الانا محكن بنات التبخ الفيها
اها العريس منو ....؟؟؟؟؟
علشان نفتح نيراااان صياح
وفكرة ومفهوم الانسانية والابداع و قناة المنوعات المن ضمنها الفن كقيمة انسانية !!!
ولا كـــــــــــــيف ؟؟؟؟ |
بالفعل اسم البعل العريس مهم جدا في الهيصة دي حتى نتعرف على خيوط الموضوع العجيب!
| |
|
|
|
|
|
|
|
|
|
Re: معقولة ده عرس في السـودان الجعان الفقران السجمان الرمدان!؟ (Re: عماد الشبلي)
|
سلاااام
البحيراوى
وهبانى
لو ممكن سؤال ....؟؟؟
موضوع الشيل والعتالة دا انتهى ؟؟؟
اقصد الزولة دى لم ترجع النيل الازرق ( القناة ) برضو فى شيل وعتالة
ولا كما كانت من قبل ...؟؟؟
علشان انا عايز اسقف الموضوع دا على الشيل والعتالة الهنا ؟؟؟
لو فى شيل وعتالة تانى اسيب السقف مفتوح للسماء
ولو ماف اسقف على كدا ؟؟؟؟
سؤال ما منطقى على ما اعتقد
قاسم المهداوى
| |
|
|
|
|
|
|
|
|
|
Re: معقولة ده عرس في السـودان الجعان الفقران السجمان الرمدان!؟ (Re: Abd-Elrhman sorkati)
|
الحبيب عبد الرحمن سوركتي
تحياتي
Quote: شيء مهم الناس ما أنتبهت ليهو ،،،،، الجماعة الشايلين العروس علي المحمل هم أعضاء فلرقة أورباب بتاعة ناس
أستيفن ،،،،، كيف فاتت عليهم الدلالة دي وقاموا بحمل العروس ،،،،،،،،،،،،
|
فعلا والله لامر مخجل ان يعمل انسان ليقوم باداء دور حقير يسيء اليه
ماقبل دريهمات لا يقمن صلبه............ ولكنها سايكلوجية الانسان المقهور وواقع الله ما بترفع!
مودتي
| |
|
|
|
|
|
|
|
|
|
Re: معقولة ده عرس في السـودان الجعان الفقران السجمان الرمدان!؟ (Re: هشام هباني)
|
سلام يا مهداوى وهبانى..Quote: علشان انا عايز اسقف الموضوع دا على الشيل والعتالة الهنا ؟؟؟
لو فى شيل وعتالة تانى اسيب السقف مفتوح للسماء
ولو ماف اسقف على كدا ؟؟؟؟ |
تسقف شنو يا زول !!! شيلو السقف برة,,,
العروس مذيعة النيل الأزرق دللت تماما على جهلها وسطحيتها وكان من الممكن أن تزف
نفسها بأى طريقة أخرى غير هذه,,,
أخريات تم زفافهن بطرق أخرى غريبة لكن المصيبة أكبر فى المذيعة ومقدمة البرامج
والشخصية العامة التى وضعت نفسها فى موقف قبيح جدا يناقض تماما مفاهيمنا عن
كيف يجب أن تكون مقدمة البرامج والمذيعة..
هشام هبانى لو الموضوع دا بس عمل فيك كدا أنصحك ما تمشى السودان أبدا أو بالعدم
خلى معاك طقم فيوزات وطقم لساتك إحتياط عشان العندك حا يطيرو من المطار,,,,
فهنالك سترى العجب العجاب وما أتيتم به قليل وليس أفرغ منه إلا عقل نفر تيتى دى...
تحياتى..
| |
|
|
|
|
|
|
|
|
|
Re: معقولة ده عرس في السـودان الجعان الفقران السجمان الرمدان!؟ (Re: هشام هباني)
|
Quote: .زفه فرعونيه ياهشام
الزمن ده لمن تجى تعرس تعمل حساب 8 مليون للزفه
تمشى تحجز وتشوف بالفيديو الزفه الانت عايزه
غايتو انا عجبتنى زفة بت خالى لمن جات داخله وكاظم الساهر بغنى قولى احبك
والبنات الصغار جاريات قدامه وبقولو لالالالالا
والعروس من خشم الباب رمت الزهور فى العريس وحاجات تانيه حاميانى
زفة كاظم دى قالو بي 6
اها عاد زفة رشا دى ولاشئ لباقى الزفات |
هذا هو الواقع الحقيقي للمشروع الحضاري وما الزفة الفرعونية وإستجلاب كاظم الساهر
وأصالة نصري إلاّ نتاج للعمل الدؤوب الذي قامت به وزارة التخطيط الإجتمــاعي ضمن
برنامجها : إعادة صياغة الإنســـان الســـوداني.
شكـــــراً لك هشـــام هبــاني. ___________
| |
|
|
|
|
|
|
| |
هشام هباني
قاسم المهداوى
abubakr salih
Hadeer Alzain
Hassan Makkawi
المسافر
خالد أحمد شطة
البحيراوي
Abd-Elrhman sorkati
عماد الشبلي
أيمن الطيب
أسامة عبد الجليل
فيس بوك
تويتر
انستقرام
يوتيوب
بنتيريست