|
|
|
 Re: كلمات الاعضاء الغير مفهومه طرفنا .... (Re: mohamed hussein)
|
محمد لا ما شهادة عربيه
النكته انى امتحنت مرتين الشهاده
مره المصريه وتنيتها السودانيه
جيت شهر 3 وامتحنت شهر 5
اتقطعت شدددددددددددددديد فيها
لكن برغم ان حاليا عايشه لى 12 سنه فى السودان لكن الكلام دا ما بيلاقينى
هل الحكايه ان طلعت زوله ما اجتماعيه ولا المحيط حقى ما سودانى ميه ميه
دى عوجه والله
حالتى امدرمانيه
| |
 
|
|
|
|
|
|
|
|
Re: كلمات الاعضاء الغير مفهومه طرفنا .... (Re: رشا بابكر)
|
الرائعه رشاااااااااااااااااا
والله كفيتى ووفيتى معاى
انا نفسى اعرف اى شى عن بلدى
وبلدنا ما زى اى بلد
معبيه بالثقاقات المختلفه فى كل حته وشبر فيها
حتى التقاليد والاعراف فى كل حته ليها شكل ومعنى
كملى جميلك وترجمى لى كلام كوستاوى
مصر يردمنى بالكلام الما فهماه
:))))))))
انا ممتنه ليكى شدددددددددددددددددديد والله
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: عاطف عمر)
|
تسلمي حبيبة
ماعندك اي مشكلة أنا بقيف معاك للأخر
والحل انك تصاحبيني
عشان اغششك والجماعة ما يجيبو خبر
ونغمة شهادة عربية دي يعفوك منها
أحسن لييييييييييك بنفعك
قاموس يا بت
تربية حبوبات
بس كوستاوي ده وريني من ياتو جهه قبلي ولا بحري ولا صعيد
ومعاك معاك عشان ما يتلموا عليك
باكر يجيك ود الصايم ويردمك ردم
والساعة ديك الله اعلم البحصل شنو كدي لي باكر
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: رشا بابكر)
|
يا سلام عليكى يا رشوووووويه
اكيد اصاحبك ويسعدنى وافخر بصوحبتك
لكن حسى حنتراسل كيف ولمن اتزنق اكورك ليك بدون زول يعرف
:))))))))))))))))))))))
والله كوستاوى حسى عمل لى زى امتحان الشهاده
رشقنى كلمتين وطش
الاولى كرمبا والتانيه غلبنى زاتو احفظها
لكن ما طمنتينى كله كله
اتاريكى عارفه الحيحصل شنو
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: تبارك شيخ الدين جبريل)
|
رانية الشيخ اخت اميرة الشيخ ازيك
Quote: لا ما شهادة عربيه
النكته انى امتحنت مرتين الشهاده
مره المصريه |
لوووووووووووب ...
انها لنكته بحق ياقول بشاشا ..
Quote: لان فعلا فى خضار اسمه كرمب
ومرات بنقول كرمبا
|
لا فعلا مصرية .. وجاليه كمان ..
اسمو كروم يا رانيا كرووووم . بالما ..
كرمبا دا كوستاوى وحده لاشريك له ..
ـــــــــــــــــــــ
رنويه خلى روجك رياضية ياخ ما تزعلى !! سمح ؟
دا بوست خستك اسمعى بس ...
| |
|
|
|
|
|
|
|
|
Re: كلمات الاعضاء الغير مفهومه طرفنا .... (Re: tmbis)
|
حالتى اتحسنت شديد tmbis
وبقول شنو ويا زول وكيفينك
:))))))))))))
الجد ان الحوالينى بيستسهلوا يتكلموا معاى مصرى من الجامعه والشغل
او مرات بحس انه بيفضلوا يسمعونى
لمن مشيت الرحله الجامعيه فى قرية ود ابو صالح
وكان عندنا استبيان لنساء القريه
كان بيعاينوا لى بابتسامه جمممممممممممميله وانا بتكلم
لكن ما كنت بعانى انى افهمهم
والكلمه الما بعرفها بيشرحوها لى
ما عملوا زيكم وطلعونى ما بستحق زاتو افهم واعرف معانى الكلمات
وجهلى اثم لا يغتفر
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: رانيه محمد الشيخ)
|
Quote: حسى اسهل ليك يا خالد تسئل دينا ولا تسئلنى
ومالك شايفها غريبه
ما بشبه ولا شنو
:))))))))))))))
امير بعد دا الا يتلب الحيطه |
أنت ما فاهمة الحكاية يا رانية ..
أميرة دي أنا كفيلها في البورد ده و أي زول يجي من طرفها لازم يكون عندي خبر !!
* اسه الواحد لو دق ليها خروج نهائي مالو ؟؟ 
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: دينا خالد)
|
دندش
بتعرفى الوحش
والله شكله حيتبرأ منى بعد البوست دا
لكن فى الكرومب دقستى
امشى قوقل وكليكى على اميج واكتبى فى السيرش كرومب بيجكى صورته ولو كتبتى كروم بتجيكى عربيه
اها كان انا جليت عمو قوقل برضو طشه
:)))))))))
بالنسبه للشهاده ما انا امتحنت السودانيه ودى الدخلت بيها الجامعه
المصريه كانت غشوه ساى
لكن ياقول بشاشا دى كيف يعنى
عيونى انا
الزعل دا ما تبعى بنووووووووووووووب
وسعيده بمشاركتك يا سكره
لكن ما وريتينى انتى منوووووووووووو
ولا امشى اسئل الوحش
:)))))))))))))
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: رانيه محمد الشيخ)
|
الاخت العزيزة رانية
سلام
صدقي ما انت براك
كتار هنا ماعارفين المصطلحات خاصة في الفترة الاخيرة ومع ظهور لغة الراندوك
احييك على الشجاعة دي.. وياريت الناس تكون اكتر جدية معك زي الاخت رشا
Quote:
يا خالد
يعنى مالينا فى الفايده نصيب ولا شنو
عايزين نعرف القصه نحنا زاتو
نرسل ولا ما مسمووووووووووووح؟؟؟؟
|
الاخ خالد
سلام
اها الليلة كيف.. ترسلها ووب.. ما ترسلها ووبين
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: abdelgadir mustafa)
|
زمان كان عندي شغف عجيب عشان اعرف الامثال الشعبيه ومعانيها ومناسباتها الاتقالت فيها
لما مرات اسمع مثلا زي : المشتهي الحنيطير يطير .. او تاكل الحمد رمد ( بكسر الحاء والميم والراء والميم )
لازم امشي افتش واسأل اي حبوبه عشان اعرف قصة المثل ومعاني الكلمات
اها شويه شويه كده بقيت اشفت زول في الشله بعرف عاميه سودانيه دا طبعا بعد اضافة اني اصلا ام درماني وام درمان هي بوتقة العاميه السودانيه
ما بطال ماشه كويس ههههههه
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: نوفل عبد الرحيم حسن)
|
نوووووووووووفل
ازيييييييييييييييك يا راجل
بركه الامس ما جيت
كان عاطف بيسئل عليك شدددددددددددديد
:)))))))))))))
فى الجامعه كان عندنا ماده اسمها رولر اكستنشن
لحسى ما فاهما كان مضمونها شنو
المهم فى مره كان فى اسايمنت عن الامثال الشعبيه مع شرح وافى وكافى ليها
طبعا ما مفروض احكى ليك حالتى لانك حتكون اتوقعتها
لكن اظرف مثل عجبنى حق ...عقربين فى الحيط ولا بتين فى البيت
خخخخخخخخخخخخخخخخخ من زمن ونحنا متضهدون حليلنا
:)
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: رانيه محمد الشيخ)
|
Quote: اعتقد الصحيح :
تاكل الحمض ربض
والله اعلم |
سلامات خالد
غايتو اهلك في ام درمان بنطقوها زي ما انا كتبتها .. اظن مقصود بالكلمة السم
احتمال تكون الحمض اقرب للصواب اذا كان الكلمه جايه من حميض او حنظل
ربض دي ما عرفتها .. ياريت لو جيت قربت لي المعني شويه ..
Quote: نوووووووووووفل
ازيييييييييييييييك يا راجل
بركه الامس ما جيت
كان عاطف بيسئل عليك شدددددددددددديد |
رانيه وعاطف .. أمس حصل شنو وراي ؟ اعترفو سريييييع
غايتو ما بطلع من احتمالين .. اما لخبطوا في اسمي اما فهمتوا تعليقي الاول بصوره مختلفه وبعيده عن حقيتها
كدي وروني شعكبتو ياتو واحده من الخيارين ديل عشان ارجع ليكم برواقه وكده
| |
|
|
|
|
|
|
|
|
 Re: كلمات الاعضاء الغير مفهومه طرفنا .... (Re: طارق جبريل)
|
صاحبنا هشام شكمة (15 تكنولوجيا ) الجزيرة مسلط ووشو كلو عضلات زي ما قالت تونا ست الشاي
جات حنكوشة شهادة عربية تشرب فرنساوي جنبنا ونحن واقعين الجبنة السادة رخت اضانها
عمر كنور شابكنا : شلت ليك الفرار كسرت كُراع الخروف لمن مخروقتو كبت البوالة شووو
اها ابوي جاب الخيشة والكسارة ركز الفرار وقال لي اتخارج مفرض تسلخ جلافي ما تقدقد الجلد
ولا تكسر المخاريق الصُلب دا عاوزينو يتركن في الفريزر شهر كدة
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: HAIDER ALZAIN)
|
اها بت الشهادةى العربية على التعترها ما حفظت الا في كلمة فرار وجات من ورانا تسال هشام شكمة:
سلامو عليكم .. مرحب
معليش سمعتكم بتتكلمو لكن صراحة عاوزة اسالك فرار يعني شنو؟ الكلمة دي زي سمعتها كدة وكنت عرفتها لكن صراحة اتلخبطت
هشام شكمة : ما بتعرفي الفرار؟
يابت خليك جادة انتي من وين؟
انا من الامارت
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: HAIDER ALZAIN)
|
هشام شكمة :يازولة نحن تحت الخدمة .. الفرار دا جزء من الفلكور السوداني الشعبي بتستخدمه العروس السودانية كمكمل لزينتها زيو وزي حاجة بيقولوا عليها الكفية .. الكفية في الشعر والفرار بيكون
بالجنبة كدة مربوط زيو وزي جنباوية العمانيين - خنجرهم اب راسيين داك - فهمتي؟
أأأأأأأي فهمت شكرا ليك
الله يعافيك
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: HAIDER ALZAIN)
|
بعد تلاتة يوم ونحن معانا هشام شكمة راكبين الدفار ماشيين حي الدباغة
جاتنا البت لابسة شبط دبابة بس عاااالي شديد فردة خضراء والتانية برتقالية واسكيرتو لف-
قالوا طالعين موضة الزمن دااك .. جاتو بالشباك وهاجمتو.. ياوحش ياشرير يا ما انساني
انا بكهرك بكرهك يا متوحش تضحك فيني بنات الداخلية يا سادي يا متنمر!!
| |
|
|
|
|
|
|
|
|
|
Re: كلمات الاعضاء الغير مفهومه طرفنا .... (Re: عبدالمجيد الكونت)
|
الرد 23
محمد يوسف
هو ما طلب هو مساعده بتكون واكيد ما اجبار
لو ما فسرت مافى زول حيزعل منك
طارق
ومالك تحوقص
ما تجى داشى طوالى توووووووشك
حيدر
حسى ما عرفنا فرار هو شنو
:))))))))
حاتم
دى رطانه ولا شنو
على
انا ما رافعه يدى من قبببببببببببببببيل مالك ما شايفينى
الكونت
وهدبتك عدددددددددديل كده
| |
|
|
|
|
|
|
| |
نوفل عبد الرحيم حسن
طارق جبريل
Kostawi
عمر عبد الله فضل المولى
mohamed hussein
عاطف عمر
حمد عبد الغفار عمر
ناذر محمد الخليفة
رشا بابكر
محمد الامين محمد
محمد أبوالعزائم أبوالريش
سمير شيخ ادريس
تبارك شيخ الدين جبريل
دينا خالد
خالد العبيد
محمد عبد الماجد الصايم
فيصل محمد خليل
فيصل أحمد سحنون
خالد عبد الله محمود
عبدالله ود البوش
tmbis
د.محمد حسن
Abdlaziz Eisa
حاتم محمد حاج المهدي
تاج السر محمد حامد
محمد يوسف الزين
HAIDER ALZAIN
على محمد على بشير
فيس بوك
تويتر
انستقرام
يوتيوب
بنتيريست