Post: #1
Title: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 09:56 AM
 بعض الاحيان اذا ما كانت كلها بجد صعوبه فى فهم معانى كلمات لاعضائنا الكرام هنا
فشنو....
ممكن تفهمونى معناها
زى مثلا فى مره قال لى ناصر البطل
ما تخليني اقوم اتجلي ليك هنا اسه :)
|
Post: #2
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 10:01 AM
Parent: #1
وامس قريت رد لبشير دفع الله بيقول فيه
غايتو يوم المنبر دا بفهق ليهو زول
بفهق ؟؟؟؟؟
|
Post: #3
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 10:04 AM
Parent: #2
وحسى دى قريت لطارق جبريل فى موضوع كلمه
تليشة:
دى مرادف ملحوظه يعنى
:)))))
|
Post: #4
Title: Re: كلمات الاعضاء الغير مفهومه طرفنا ....
Author: نوفل عبد الرحيم حسن
Date: 06-13-2011, 06:02 PM
Parent: #3
سلامات رانيا ... نعلك شديده ولضيضه
بالطريقه دي مفروض كل زول يكتب حاجه .. يقوم يعمل تحت هامش ويشرح هو كتب شنو
الاسلم انك تجتهدي عشان تعرفي العاميه السودانيه بصوره اوسع واعمق
|
Post: #5
Title: Re: كلمات الاعضاء الغير مفهومه طرفنا ....
Author: طارق جبريل
Date: 06-13-2011, 06:03 PM
Parent: #4
Quote: تليشة:
دى مرادف ملحوظه يعنى |
بجبك بي رواقة
|
Post: #6
Title: Re: كلمات الاعضاء الغير مفهومه طرفنا ....
Author: Kostawi
Date: 06-13-2011, 06:58 PM
Parent: #5
الكرمبا
|
Post: #7
Title: Re: كلمات الاعضاء الغير مفهومه طرفنا ....
Author: عمر عبد الله فضل المولى
Date: 06-13-2011, 07:03 PM
Parent: #6
الكترابة
|
Post: #9
Title: Re: كلمات الاعضاء الغير مفهومه طرفنا ....
Author: mohamed hussein
Date: 06-13-2011, 07:21 PM
Parent: #7
سلامات رانيا..
يقال.. مات سيبويه وفي نفسه شئ من حتى..
فحتى تستبين المعاني، أدعوا المذكورين أعلاه للشرح..
بوستك دا شكلو حيعمل محن ..
|
Post: #13
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 07:40 PM
Parent: #9
اهلين محمد
منورنا
لكن سيبوبه دخلنى فى معجم تانى
:)))))))))))
تستبين يعنى تعرفينى
غايتو انتو بتجيبوا الكلام دا من وين عشان امشى ادرسه
:)))))))))))
خليك قريب
|
Post: #15
Title: Re: كلمات الاعضاء الغير مفهومه طرفنا ....
Author: mohamed hussein
Date: 06-13-2011, 08:08 PM
Parent: #13
Quote: تستبين يعنى تعرفينى
غايتو انتو بتجيبوا الكلام دا من وين عشان امشى ادرسه
:)))))))))))
خليك قريب |
مش قلت ليك حيعمل محن ..
رانيا.. بالجد انتي شهادة عربية؟ ..
بالمناسبة.. أهنيك على شجاعتك الأدبية..[/B]
|
Post: #25
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 08:51 PM
Parent: #15
محمد لا ما شهادة عربيه
النكته انى امتحنت مرتين الشهاده
مره المصريه وتنيتها السودانيه
جيت شهر 3 وامتحنت شهر 5
اتقطعت شدددددددددددددديد فيها
لكن برغم ان حاليا عايشه لى 12 سنه فى السودان لكن الكلام دا ما بيلاقينى
هل الحكايه ان طلعت زوله ما اجتماعيه ولا المحيط حقى ما سودانى ميه ميه
دى عوجه والله
حالتى امدرمانيه
|
Post: #12
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 07:32 PM
Parent: #7
الكترابه الهى العجاجه يا عمر
وميرسى على الطله
|
Post: #11
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 07:30 PM
Parent: #6
كوستاوى
صاحبنا هنا وهناك كيفك
لكن الكرمبا دى مش الخضار البيتلف بالمحشى
:))))))))))))))))))))))))))
|
Post: #10
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 07:27 PM
Parent: #5
منتظراك يا طارق ما تتاخر عليك الله
|
Post: #8
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 07:20 PM
Parent: #4
اخى نوفل
الحمدلله بخير وعافيه
لكن والله بجتهد افهم لكن فى حاجات بتغلبنى
بكون حاسه انى فاهما معناها لكن ما قادره اشرحه
زى كلمه بفهق زول
اديتنى احساس بان الزول وقع بالكرسى
وكمان ما اى وقعه
اتفنقل عديييييييييييييييييل
ههههههههههههههههههههههههههههههه
|
Post: #14
Title: Re: كلمات الاعضاء الغير مفهومه طرفنا ....
Author: عاطف عمر
Date: 06-13-2011, 08:00 PM
Parent: #8
عاميتنا السودانية مليئة بالكلمات التي تبدو ( غريبة )
لكن الأمر المدهش أن معظم هذه الكلمات عربية أصيلة
الراحل د. فراج الطيب كان صاحب باع طويل في تبيان هذا الأمر
يقوم بهذا الدور خالياً البروف إبراهيم القرشي
نعم هناك كلمات أضيفت للعامية وأصبح إستخدامها يومياً مثل
داقس
طاشي شبكة
جليتو
....
...
__________
تحياتي وسلامات رانية
أحيي شجاعتك في مطلب المعرفة
|
Post: #16
Title: Re: كلمات الاعضاء الغير مفهومه طرفنا ....
Author: حمد عبد الغفار عمر
Date: 06-13-2011, 08:10 PM
Parent: #14
| Quote: لكن الكرمبا دى مش الخضار البيتلف بالمحشى |
الما عارف يقول عدس
الكرمبا والخردة
كلمتان خفيفتان على اللسان ثقيلتان في الميزان
|
Post: #20
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 08:32 PM
Parent: #16
اخى حمد
احتمال النطق بالكسره والفتحه تخلى المعنى مختلف
لان فعلا فى خضار اسمه كرمب
ومرات بنقول كرمبا
لكن حسى ضفت لى كلمه تانيه ما حليت لغز الاولى
:((((
|
Post: #18
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 08:22 PM
Parent: #14
كده اخفيت الجريمه مش كده يا عاطف
:((((((((((((((((((
|
Post: #27
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 08:57 PM
Parent: #14
اخى عاطف المنقذ
داقس
طاشى شبكه
جليتو
كلمات بعرفها
لكن فى كلمات بطششنى الشبكه فعلا
يديك العافيه يا غالى
|
Post: #17
Title: Re: كلمات الاعضاء الغير مفهومه طرفنا ....
Author: ناذر محمد الخليفة
Date: 06-13-2011, 08:16 PM
Parent: #8
سلام رانية ..
مرة في بوست قريت تعليق :
(فلان دا متسق مع نفسو) !!
ما فهمتها ... كيف يعني ..!!
يعني الزول بيكون متسق مع زول تاني ولا كيف ؟!
دي شتيمة ولا مديح ولا شنو ؟!
متسق زاتا معناها شنو ؟؟!
جاية من يستسيغ ؟؟!!
|
Post: #19
Title: Re: كلمات الاعضاء الغير مفهومه طرفنا ....
Author: عاطف عمر
Date: 06-13-2011, 08:26 PM
Parent: #17
تحياتي وسلامات ناذر Quote: (فلان دا متسق مع نفسو) !!
ما فهمتها ... كيف يعني ..!! |
إتساق الشخص مع نفسه كما أفهمها هو
" أن يطابق قول الشخص فعله "
أى لا تتناقض رؤاه النظرية مع أفعاله الواقعية
والله أعلم
|
Post: #23
Title: Re: كلمات الاعضاء الغير مفهومه طرفنا ....
Author: Kostawi
Date: 06-13-2011, 08:38 PM
Parent: #19
كجابة كجا كاجة كجاب
|
Post: #21
Title: Re: كلمات الاعضاء الغير مفهومه طرفنا ....
Author: عاطف عمر
Date: 06-13-2011, 08:37 PM
Parent: #17
ولا يهمك يا رانية
أمشي استبدلي كلمة أختي بكلمة أخي
وسوف ألغي أنا الإٌقتباس
ولا من شاف ولا درى
ماعاش الـ يعقدك
|
Post: #24
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 08:44 PM
Parent: #21
اخى عاطف عدلتها تسلم وشاكره ليك انقاذى
:)))))
|
Post: #26
Title: Re: كلمات الاعضاء الغير مفهومه طرفنا ....
Author: عاطف عمر
Date: 06-13-2011, 08:51 PM
Parent: #24
وأنا قد سحبت الإقتباس وعدلت مداخلتي
لكن
ألحقي عدلي مداخلتك الثانية الموجهة لي
وفيها تساءلت إن كان ( ... ) زول ؟؟
تسلمي
|
Post: #22
Title: Re: كلمات الاعضاء الغير مفهومه طرفنا ....
Author: رشا بابكر
Date: 06-13-2011, 08:37 PM
Parent: #17
العزيزة/ رانيــــــا
دخلتي وما سميتي
الكلمات الموجودة عندنا نحن السودانيين
بتملاء مجلدات ،،مثلا المتداول في الجزيرة عندنا
بكون غير مفهموم لناس الشمالية
وحق ناس الشمالية غير مفهموم لناس الغرب وهلم جرا
غايتو أنا جاهزة ليك أي كلام ما مفهوم بالنسبة ليك
أنا جاهزة ع الأقل انقذك من الحيرة الأنتي فيها
بس عاد لو كلمة ما تبعنا اعفيني منها ....اها....قصرت معاك
هسي خليني أوريك شنو يعني ....بفقه وده نطقها الصحيح ....مش بفهق
مثلا لو شايله طفل صغير في كتفك لازم تختي ايدك في رقبتو
وإلا تسمعي الكواريك يا بت...........دايرة تفقهي الولد
المعني تخلعي رقبتو.........كدى فهمتيها ؟
التليشة:
يجيك ولدك زعلان مادي بوزو ..ده بسموهو متلش
أما الكترابة/ الهبوب البتقلع الشجر والبيبان....أها...البيبان دي بي لغة العامه تعني أبواب
تحياتي : رشـــــــــــــــــا
|
Post: #32
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 09:16 PM
Parent: #22
الرائعه رشاااااااااااااااااا
والله كفيتى ووفيتى معاى
انا نفسى اعرف اى شى عن بلدى
وبلدنا ما زى اى بلد
معبيه بالثقاقات المختلفه فى كل حته وشبر فيها
حتى التقاليد والاعراف فى كل حته ليها شكل ومعنى
كملى جميلك وترجمى لى كلام كوستاوى
مصر يردمنى بالكلام الما فهماه
:))))))))
انا ممتنه ليكى شدددددددددددددددددديد والله
|
Post: #29
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 09:01 PM
Parent: #17
ناذر
شاكره على مشاركتك للموضوع باضافة كلمه محيراك
وشاكره تانى لانك اتسببت فى انى عرفت معنى كلمه جديد
لان اخى عاطف شرحها يدى العافيه
|
Post: #83
Title: Re: كلمات الاعضاء الغير مفهومه طرفنا ....
Author: محمد ميرغني خليفة
Date: 06-15-2011, 04:00 PM
Parent: #17
قوله تعالى:" والقمر إذا اتسق" أي تم واجتمع واستوى. قال الحسن: اتسق: أي امتلأ واجتمع. ابن عباس: استوى. قتادة: استدار. الفراء: اتساقه: امتلاؤه واستواؤه ليالي البدر، وهو افتعال من الوسق الذي هو الجمع، يقال: وسقته فاتسق، كما يقال: وصلته فاتصل، ويقال: أمر فلان متسق: أي مجتمع على الصلاح منتظم. ويقال: اتسق الشيء: إذا تتابع.
http://www.listenarabic.com/ar/tafseer-quran84-18.html
|
Post: #28
Title: Re: كلمات الاعضاء الغير مفهومه طرفنا ....
Author: محمد الامين محمد
Date: 06-13-2011, 08:58 PM
Parent: #4
الاخت شهادة عربية؟ ولاناكل باسطة
|
Post: #31
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-13-2011, 09:11 PM
Parent: #28
اخى محمد
ليه لازم يعتبر الزول الشهاده عربيه زول غبى ما بيفهم
وهل دا الاسلوب الصح فى التعامل مع زول بيسئل عن شى جاهل معناه
عموما الجهل ما عيب وما شى بيخجل
البيحزن ان الغير يستهزىء بالجهل دا
|
Post: #30
Title: Re: كلمات الاعضاء الغير مفهومه طرفنا ....
Author: عاطف عمر
Date: 06-13-2011, 09:02 PM
Parent: #1
100%
ولا من شاف ولا من درى
تسلمي يا غالية
|
Post: #33
Title: Re: كلمات الاعضاء الغير مفهومه طرفنا ....
Author: رشا بابكر
Date: 06-13-2011, 09:27 PM
Parent: #30
تسلمي حبيبة
ماعندك اي مشكلة أنا بقيف معاك للأخر
والحل انك تصاحبيني
عشان اغششك والجماعة ما يجيبو خبر
ونغمة شهادة عربية دي يعفوك منها
أحسن لييييييييييك بنفعك
قاموس يا بت
تربية حبوبات
بس كوستاوي ده وريني من ياتو جهه قبلي ولا بحري ولا صعيد
ومعاك معاك عشان ما يتلموا عليك
باكر يجيك ود الصايم ويردمك ردم
والساعة ديك الله اعلم البحصل شنو كدي لي باكر
|
Post: #46
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 08:48 AM
Parent: #33
يا سلام عليكى يا رشوووووويه
اكيد اصاحبك ويسعدنى وافخر بصوحبتك
لكن حسى حنتراسل كيف ولمن اتزنق اكورك ليك بدون زول يعرف
:))))))))))))))))))))))
والله كوستاوى حسى عمل لى زى امتحان الشهاده
رشقنى كلمتين وطش
الاولى كرمبا والتانيه غلبنى زاتو احفظها
لكن ما طمنتينى كله كله
اتاريكى عارفه الحيحصل شنو
|
Post: #34
Title: Re: كلمات الاعضاء الغير مفهومه طرفنا ....
Author: محمد أبوالعزائم أبوالريش
Date: 06-13-2011, 09:30 PM
Parent: #30
صراحة، إفتكرت صاحبة البوست بتستهزأ، أو بمعنى أصح تقصد الطُرفة. لكن مداخلاتكم وردودها وضحوا لي إني غلطان.
دخول مصطلحات جديدة واقع لازم نتعامل معاهو، لكن هل قصاد كده، يجب إندثار كلمات واصطلاحات موغلة في سودانيتها و(دسمة) التعبير؟
موضوع ذي صلة:
أخطاء في لهجتنا العامية
|
Post: #35
Title: Re: كلمات الاعضاء الغير مفهومه طرفنا ....
Author: سمير شيخ ادريس
Date: 06-13-2011, 10:40 PM
Parent: #34
كيس الصائم
|
Post: #36
Title: Re: كلمات الاعضاء الغير مفهومه طرفنا ....
Author: تبارك شيخ الدين جبريل
Date: 06-14-2011, 03:45 AM
Parent: #35
سجمنا ......
... كركركركر ....
|
Post: #37
Title: Re: كلمات الاعضاء الغير مفهومه طرفنا ....
Author: دينا خالد
Date: 06-14-2011, 04:44 AM
Parent: #36
رانية الشيخ اخت اميرة الشيخ ازيك
Quote: لا ما شهادة عربيه
النكته انى امتحنت مرتين الشهاده
مره المصريه |
لوووووووووووب ...
انها لنكته بحق ياقول بشاشا ..
Quote: لان فعلا فى خضار اسمه كرمب
ومرات بنقول كرمبا
|
لا فعلا مصرية .. وجاليه كمان ..
اسمو كروم يا رانيا كرووووم . بالما ..
كرمبا دا كوستاوى وحده لاشريك له ..
ـــــــــــــــــــــ
رنويه خلى روجك رياضية ياخ ما تزعلى !! سمح ؟
دا بوست خستك اسمعى بس ...
|
Post: #38
Title: Re: كلمات الاعضاء الغير مفهومه طرفنا ....
Author: خالد العبيد
Date: 06-14-2011, 05:11 AM
Parent: #37
| Quote: الما عارف يقول عدس |
بالله سؤال للاخ حمد
هل تعرف قصة هذا المثل ولا لفحتو جبتو هنا ساكت
لو ما عارف تبقى مصيبة
ولو عارف مصيبتين !!
على اي حال ده ايميلي لو ماعارف اكتب لي هنا
[email protected]
|
Post: #39
Title: Re: كلمات الاعضاء الغير مفهومه طرفنا ....
Author: محمد عبد الماجد الصايم
Date: 06-14-2011, 07:19 AM
Parent: #38
خالد العبيد يا عمكـ .. أعمل لينا Cc للعدس دا!!
|
Post: #40
Title: Re: كلمات الاعضاء الغير مفهومه طرفنا ....
Author: حمد عبد الغفار عمر
Date: 06-14-2011, 07:42 AM
Parent: #39
الأخ خالد
تحياتي
Quote: بالله سؤال للاخ حمد
هل تعرف قصة هذا المثل ولا لفحتو جبتو هنا ساكت |
القصة شخصيا ما عارفها لكن شكلها كدا كاربة لازم ترسلا لي بعد ما تصلك رسالتي
وما تنسى عمك الصايم دا لأنو روحو بتكون مشحتفة هسة
|
Post: #41
Title: Re: كلمات الاعضاء الغير مفهومه طرفنا ....
Author: فيصل محمد خليل
Date: 06-14-2011, 08:03 AM
Parent: #40
كرمبا كلمة يستعملها سكان لاتين امريكا
حيمنا لم يعجبهم الكلام
تحياتي
|
Post: #42
Title: Re: كلمات الاعضاء الغير مفهومه طرفنا ....
Author: فيصل أحمد سحنون
Date: 06-14-2011, 08:10 AM
Parent: #41
ياحسافة
|
Post: #43
Title: Re: كلمات الاعضاء الغير مفهومه طرفنا ....
Author: خالد عبد الله محمود
Date: 06-14-2011, 08:29 AM
Parent: #42
| Quote: رانية الشيخ اخت اميرة الشيخ ازيك |
الكلام ده بالجد يا دينا ؟
|
Post: #44
Title: Re: كلمات الاعضاء الغير مفهومه طرفنا ....
Author: محمد عبد الماجد الصايم
Date: 06-14-2011, 08:42 AM
Parent: #43
غايتو خالد دا بقى قلبو خفيف خلاس!!
|
Post: #48
Title: Re: كلمات الاعضاء الغير مفهومه طرفنا ....
Author: خالد عبد الله محمود
Date: 06-14-2011, 08:55 AM
Parent: #44
| Quote: غايتو خالد دا بقى قلبو خفيف خلاس!! |
خالد أنا و خالد بتاع العدس يا عمكـ ؟؟
|
Post: #45
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 08:46 AM
Parent: #43
قولت اصبح عليكم قبال ما اشوف الكركره الحاصله دى
لكن طلعتوا ما متعاونين نهاااااااااااااااااااااائى
|
Post: #49
Title: Re: كلمات الاعضاء الغير مفهومه طرفنا ....
Author: tmbis
Date: 06-14-2011, 09:01 AM
Parent: #47
| Quote: لكن برغم ان حاليا عايشه لى 12 سنه فى السودان لكن الكلام دا ما بيلاقينى |
اطناشر سنة وووين في الحياة دي ..؟
....
|
Post: #50
Title: Re: كلمات الاعضاء الغير مفهومه طرفنا ....
Author: عبدالله ود البوش
Date: 06-14-2011, 09:05 AM
Parent: #49
رانية
سلامات
في البوست اعلاه لو عرفت اطناشر كلمة بس
ليك جايزة عنبلوك
|
Post: #63
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 10:32 AM
Parent: #49
حالتى اتحسنت شديد tmbis
وبقول شنو ويا زول وكيفينك
:))))))))))))
الجد ان الحوالينى بيستسهلوا يتكلموا معاى مصرى من الجامعه والشغل
او مرات بحس انه بيفضلوا يسمعونى
لمن مشيت الرحله الجامعيه فى قرية ود ابو صالح
وكان عندنا استبيان لنساء القريه
كان بيعاينوا لى بابتسامه جمممممممممممميله وانا بتكلم
لكن ما كنت بعانى انى افهمهم
والكلمه الما بعرفها بيشرحوها لى
ما عملوا زيكم وطلعونى ما بستحق زاتو افهم واعرف معانى الكلمات
وجهلى اثم لا يغتفر
|
Post: #61
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 10:12 AM
Parent: #47
صعبتها يا عبدالله لمن بهناك
ممكن الاستعانه بصديق
؟؟؟؟؟؟؟؟؟؟؟؟؟؟؟؟؟
|
Post: #52
Title: Re: كلمات الاعضاء الغير مفهومه طرفنا ....
Author: د.محمد حسن
Date: 06-14-2011, 09:19 AM
Parent: #45
آل لي يا خرونق
|
Post: #64
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 10:42 AM
Parent: #52
يا دكتور محمد
دا زاتو عايزه ليها شرح
انت قايلنى مصريه ولا شنو
|
Post: #60
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 09:59 AM
Parent: #43
حسى اسهل ليك يا خالد تسئل دينا ولا تسئلنى
ومالك شايفها غريبه
ما بشبه ولا شنو
:))))))))))))))
امير بعد دا الا يتلب الحيطه
|
Post: #90
Title: Re: كلمات الاعضاء الغير مفهومه طرفنا ....
Author: خالد عبد الله محمود
Date: 06-15-2011, 04:54 PM
Parent: #60
Quote: حسى اسهل ليك يا خالد تسئل دينا ولا تسئلنى
ومالك شايفها غريبه
ما بشبه ولا شنو
:))))))))))))))
امير بعد دا الا يتلب الحيطه |
أنت ما فاهمة الحكاية يا رانية ..
أميرة دي أنا كفيلها في البورد ده و أي زول يجي من طرفها لازم يكون عندي خبر !!
* اسه الواحد لو دق ليها خروج نهائي مالو ؟؟
|
Post: #59
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 09:53 AM
Parent: #42
حسى يا فيصل الحسافه فى شنو
:(((((((((((((
هو اى زول هنا فى المنتدى عاااااااااااااااااااااارف اى شىىىىىىىىىىىىىىىىىىىىىىىىىىىىىىىىىىىىى
كان مفروض بكرى مع اجراءات التسجيل يعمل اختبار معلومات عامه عشان ما يزعلكم
|
Post: #58
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 09:47 AM
Parent: #41
اخى فيصل
شكرين ومهللين على التفسير
يديك العافيه
|
Post: #57
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 09:43 AM
Parent: #39
ود الصايم
انت زعلان منى ولا شنو
تجى مارى بقدامى وحتى السلام ساى ما تجاملنى بيه
:((((((((((((((
|
Post: #56
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 09:41 AM
Parent: #38
يا خالد
يعنى مالينا فى الفايده نصيب ولا شنو
عايزين نعرف القصه نحنا زاتو
نرسل ولا ما مسمووووووووووووح؟؟؟؟
|
Post: #55
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 09:38 AM
Parent: #37
دندش
بتعرفى الوحش
والله شكله حيتبرأ منى بعد البوست دا
لكن فى الكرومب دقستى
امشى قوقل وكليكى على اميج واكتبى فى السيرش كرومب بيجكى صورته ولو كتبتى كروم بتجيكى عربيه
اها كان انا جليت عمو قوقل برضو طشه
:)))))))))
بالنسبه للشهاده ما انا امتحنت السودانيه ودى الدخلت بيها الجامعه
المصريه كانت غشوه ساى
لكن ياقول بشاشا دى كيف يعنى
عيونى انا
الزعل دا ما تبعى بنووووووووووووووب
وسعيده بمشاركتك يا سكره
لكن ما وريتينى انتى منوووووووووووو
ولا امشى اسئل الوحش
:)))))))))))))
|
Post: #54
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 09:25 AM
Parent: #36
لالا ما سجمكم
سجمى خشمى انا القال ما بيعرف
:))))))))))
كيفك
|
Post: #53
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 09:21 AM
Parent: #35
قالوا ما كيس
حقيبه الصايم
:)))))))))))))
مرحب بيك
|
Post: #51
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 09:16 AM
Parent: #34
اخى محمد
شكرا على اللينك
وان شاء الله حقراه بتمعن شديد
لكن بالجد لغتنا السودانيه ما لغه سهله وفى كتير متوغلين جوا البلد وبرضو فى كلمات ما بيعرفوها
زى ما قالت رشا لكل مكان لغه ومصطلحات خاصه بيه
|
Post: #62
Title: Re: كلمات الاعضاء الغير مفهومه طرفنا ....
Author: Abdlaziz Eisa
Date: 06-14-2011, 10:24 AM
Parent: #51
الاخت العزيزة رانية
سلام
صدقي ما انت براك
كتار هنا ماعارفين المصطلحات خاصة في الفترة الاخيرة ومع ظهور لغة الراندوك
احييك على الشجاعة دي.. وياريت الناس تكون اكتر جدية معك زي الاخت رشا
Quote:
يا خالد
يعنى مالينا فى الفايده نصيب ولا شنو
عايزين نعرف القصه نحنا زاتو
نرسل ولا ما مسمووووووووووووح؟؟؟؟
|
الاخ خالد
سلام
اها الليلة كيف.. ترسلها ووب.. ما ترسلها ووبين
|
Post: #65
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 10:52 AM
Parent: #62
ووووووووووووينك يا عبد العزيز
سايبنى من امس يلطشوا فينى كده
بركه الجيت
انا خلاص نسيت الموضوع زاتو عن شنو
انى قاعده ابرر وارد على الاستنكار
البركه فى رشا وعاطف وفى زول تانى برضو اسمه طار منى
|
Post: #66
Title: Re: كلمات الاعضاء الغير مفهومه طرفنا ....
Author: محمد عبد الماجد الصايم
Date: 06-14-2011, 11:03 AM
Parent: #65
الله لا جاب زعل يا حبيبة!
بعدين ست البوست ملحوقة
خلينا نشوف المشمّعين ديل!!
|
Post: #68
Title: Re: كلمات الاعضاء الغير مفهومه طرفنا ....
Author: خالد العبيد
Date: 06-14-2011, 11:15 AM
Parent: #66
| Quote: نرسل ولا ما مسمووووووووووووح؟؟؟؟ |
رانية وضيوفها العزاز
شايف العدس جاب دخل!
اي زول مسموح ليه يعرف
رسلي ايميلك
اي واحد عايز يعرف قصة المثل الممسوخ ده يرسل لي هنا
[email protected]
__________________________
ود الصايم ايميلك مافرزتو رسل لي تاني
|
Post: #72
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 12:03 PM
Parent: #68
هوااااااااااااااا حرسل ليك يا خالد
حالتى كمان اضفتك فى ماسنجر
:))))))))
|
Post: #71
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 11:59 AM
Parent: #66
بركه الطمنتنى يا ود الصايم
تسلم يا ذوق
:)
|
Post: #67
Title: Re: كلمات الاعضاء الغير مفهومه طرفنا ....
Author: abdelgadir mustafa
Date: 06-14-2011, 11:06 AM
Parent: #65
استاذه رانيه
سلامات وفعلا صعوبات كتيره جدا فى فهم كتير من المصطلحات السودانيه
بس انتى حالتك متاخره خالص محتاجه دروس تقويه عشان تصلى مرحله فهم مصطلح مثل =انى الليد دا فولايتى دفنتها طقاها نكتا اكلا=
واصلى بتصلى باذن الله
لك الشكر
|
Post: #69
Title: Re: كلمات الاعضاء الغير مفهومه طرفنا ....
Author: نوفل عبد الرحيم حسن
Date: 06-14-2011, 11:32 AM
Parent: #67
زمان كان عندي شغف عجيب عشان اعرف الامثال الشعبيه ومعانيها ومناسباتها الاتقالت فيها
لما مرات اسمع مثلا زي : المشتهي الحنيطير يطير .. او تاكل الحمد رمد ( بكسر الحاء والميم والراء والميم )
لازم امشي افتش واسأل اي حبوبه عشان اعرف قصة المثل ومعاني الكلمات
اها شويه شويه كده بقيت اشفت زول في الشله بعرف عاميه سودانيه دا طبعا بعد اضافة اني اصلا ام درماني وام درمان هي بوتقة العاميه السودانيه
ما بطال ماشه كويس ههههههه
|
Post: #70
Title: Re: كلمات الاعضاء الغير مفهومه طرفنا ....
Author: خالد العبيد
Date: 06-14-2011, 11:50 AM
Parent: #69
اعتقد الصحيح :
تاكل الحمض ربض
والله اعلم
|
Post: #75
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 12:27 PM
Parent: #70
وفى الحالتييييييييييين انا ضااااااااااايع
:<
|
Post: #74
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 12:18 PM
Parent: #69
نوووووووووووفل
ازيييييييييييييييك يا راجل
بركه الامس ما جيت
كان عاطف بيسئل عليك شدددددددددددديد
:)))))))))))))
فى الجامعه كان عندنا ماده اسمها رولر اكستنشن
لحسى ما فاهما كان مضمونها شنو
المهم فى مره كان فى اسايمنت عن الامثال الشعبيه مع شرح وافى وكافى ليها
طبعا ما مفروض احكى ليك حالتى لانك حتكون اتوقعتها
لكن اظرف مثل عجبنى حق ...عقربين فى الحيط ولا بتين فى البيت
خخخخخخخخخخخخخخخخخ من زمن ونحنا متضهدون حليلنا
:)
|
Post: #78
Title: Re: كلمات الاعضاء الغير مفهومه طرفنا ....
Author: نوفل عبد الرحيم حسن
Date: 06-14-2011, 02:01 PM
Parent: #74
Quote: اعتقد الصحيح :
تاكل الحمض ربض
والله اعلم |
سلامات خالد
غايتو اهلك في ام درمان بنطقوها زي ما انا كتبتها .. اظن مقصود بالكلمة السم
احتمال تكون الحمض اقرب للصواب اذا كان الكلمه جايه من حميض او حنظل
ربض دي ما عرفتها .. ياريت لو جيت قربت لي المعني شويه ..
Quote: نوووووووووووفل
ازيييييييييييييييك يا راجل
بركه الامس ما جيت
كان عاطف بيسئل عليك شدددددددددددديد |
رانيه وعاطف .. أمس حصل شنو وراي ؟ اعترفو سريييييع
غايتو ما بطلع من احتمالين .. اما لخبطوا في اسمي اما فهمتوا تعليقي الاول بصوره مختلفه وبعيده عن حقيتها
كدي وروني شعكبتو ياتو واحده من الخيارين ديل عشان ارجع ليكم برواقه وكده
|
Post: #73
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-14-2011, 12:07 PM
Parent: #67
حسى اقول يا منو يا عبد القادر
جملتك القولتها بتدى احساس ان الزول بيرزعوا فيه بونج وشلاليت
بالغته معاى
اواصل شنو
انا حسى بفتش فى اليمرقنى
:)))))))))))))))
|
Post: #76
Title: Re: كلمات الاعضاء الغير مفهومه طرفنا ....
Author: عاطف عمر
Date: 06-14-2011, 12:35 PM
Parent: #1
يا رااااااااااانية
ما شافوهم بسرقوا
شافوهم بتحاسبوا
ما تخلي ( الأمس مستور )
_________
نوفل يا عزيز
رانية بتحب تخلى الناس يصاحبوا بعض
ما تودي كلاما لبعيد
|
Post: #77
Title: Re: كلمات الاعضاء الغير مفهومه طرفنا ....
Author: د.محمد حسن
Date: 06-14-2011, 01:14 PM
Parent: #76
هريطيق
والدليل
ودالباوقة
|
Post: #79
Title: Re: كلمات الاعضاء الغير مفهومه طرفنا ....
Author: حاتم محمد حاج المهدي
Date: 06-14-2011, 02:30 PM
Parent: #77
أها يا أخوانا الحصل شنو في موضوع العدس !!
|
Post: #80
Title: Re: كلمات الاعضاء الغير مفهومه طرفنا ....
Author: تاج السر محمد حامد
Date: 06-14-2011, 06:58 PM
Parent: #79
القلشوب
الساسوى
العتنيبه
أها يارانية أختى شن قولك ..
تاج
|
Post: #81
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-15-2011, 01:33 PM
Parent: #80
الرد 15
عاطف
انا ماقولتش حاجه
:))))
دكتور محمد
حمتنع زاتو اعرفها لعدم الاحراج
حاتم
دقيقه اشيك على الايميل واجى اوريك
تاج السر
هو فى قول بعد قولك
لكن للضمان
القلشوب هو زول قلشو مش
:)))))
|
Post: #82
Title: Re: كلمات الاعضاء الغير مفهومه طرفنا ....
Author: محمد يوسف الزين
Date: 06-15-2011, 01:52 PM
Parent: #81
شخصياً..ما مطلوب مني اشرح للحناكيش أي "كلام" أو "رندوق" اذا جا في نص كلامي
|
Post: #84
Title: Re: كلمات الاعضاء الغير مفهومه طرفنا ....
Author: طارق جبريل
Date: 06-15-2011, 04:24 PM
Parent: #82
لي زمن أحوقص جنب البوست دة
لامن صادتني الفلايت
|
Post: #86
Title: Re: كلمات الاعضاء الغير مفهومه طرفنا ....
Author: HAIDER ALZAIN
Date: 06-15-2011, 04:38 PM
Parent: #84
صاحبنا هشام شكمة (15 تكنولوجيا ) الجزيرة مسلط ووشو كلو عضلات زي ما قالت تونا ست الشاي
جات حنكوشة شهادة عربية تشرب فرنساوي جنبنا ونحن واقعين الجبنة السادة رخت اضانها
عمر كنور شابكنا : شلت ليك الفرار كسرت كُراع الخروف لمن مخروقتو كبت البوالة شووو
اها ابوي جاب الخيشة والكسارة ركز الفرار وقال لي اتخارج مفرض تسلخ جلافي ما تقدقد الجلد
ولا تكسر المخاريق الصُلب دا عاوزينو يتركن في الفريزر شهر كدة
|
Post: #87
Title: Re: كلمات الاعضاء الغير مفهومه طرفنا ....
Author: HAIDER ALZAIN
Date: 06-15-2011, 04:43 PM
Parent: #86
اها بت الشهادةى العربية على التعترها ما حفظت الا في كلمة فرار وجات من ورانا تسال هشام شكمة:
سلامو عليكم .. مرحب
معليش سمعتكم بتتكلمو لكن صراحة عاوزة اسالك فرار يعني شنو؟ الكلمة دي زي سمعتها كدة وكنت عرفتها لكن صراحة اتلخبطت
هشام شكمة : ما بتعرفي الفرار؟
يابت خليك جادة انتي من وين؟
انا من الامارت
|
Post: #88
Title: Re: كلمات الاعضاء الغير مفهومه طرفنا ....
Author: HAIDER ALZAIN
Date: 06-15-2011, 04:50 PM
Parent: #87
هشام شكمة : من الاماراااااااااااات يعني امارتيية تبع بن مكتوم
لا لا ما تفهم غلط انا صودانية اباً عن جد بس اول مرة اجي هنا البلد دي
هشام : ااااه فهمت يعني علاقتك بينا جواز سفر ؟
ممكن تقول كدة
|
Post: #89
Title: Re: كلمات الاعضاء الغير مفهومه طرفنا ....
Author: HAIDER ALZAIN
Date: 06-15-2011, 04:53 PM
Parent: #88
هشام شكمة :يازولة نحن تحت الخدمة .. الفرار دا جزء من الفلكور السوداني الشعبي بتستخدمه العروس السودانية كمكمل لزينتها زيو وزي حاجة بيقولوا عليها الكفية .. الكفية في الشعر والفرار بيكون
بالجنبة كدة مربوط زيو وزي جنباوية العمانيين - خنجرهم اب راسيين داك - فهمتي؟
أأأأأأأي فهمت شكرا ليك
الله يعافيك
|
Post: #91
Title: Re: كلمات الاعضاء الغير مفهومه طرفنا ....
Author: HAIDER ALZAIN
Date: 06-15-2011, 04:58 PM
Parent: #89
بعد تلاتة يوم ونحن معانا هشام شكمة راكبين الدفار ماشيين حي الدباغة
جاتنا البت لابسة شبط دبابة بس عاااالي شديد فردة خضراء والتانية برتقالية واسكيرتو لف-
قالوا طالعين موضة الزمن دااك .. جاتو بالشباك وهاجمتو.. ياوحش ياشرير يا ما انساني
انا بكهرك بكرهك يا متوحش تضحك فيني بنات الداخلية يا سادي يا متنمر!!
|
Post: #93
Title: Re: كلمات الاعضاء الغير مفهومه طرفنا ....
Author: حاتم محمد حاج المهدي
Date: 06-15-2011, 05:24 PM
Parent: #84
Quote: لي زمن أحوقص جنب البوست دة
لامن صادتني الفلايت
|
حليل زمن كنت بتلقط في الواقود وتحوقص في الكدمبس..
لامن صادك الساسوي !!
|
Post: #85
Title: Re: كلمات الاعضاء الغير مفهومه طرفنا ....
Author: على محمد على بشير
Date: 06-15-2011, 04:37 PM
Parent: #82
انتوا يا اخوانا تاعبين نفسكم مع خالد دا فى شنو ؟
انا ح احكى ليكم قصة العدس فى البوست دا
يلا الموافق يرفع يده
|
Post: #92
Title: Re: كلمات الاعضاء الغير مفهومه طرفنا ....
Author: عبدالمجيد الكونت
Date: 06-15-2011, 05:18 PM
Parent: #85
خليك في وهدبتك يا تتقي الصبر وقوي المرتق
|
Post: #94
Title: Re: كلمات الاعضاء الغير مفهومه طرفنا ....
Author: على محمد على بشير
Date: 06-15-2011, 05:45 PM
Parent: #92
| Quote: خليك في وهدبتك يا تتقي الصبر وقوي المرتق |
عربى دا يا افندى انتا ؟ 
|
Post: #96
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-15-2011, 05:55 PM
Parent: #94
الرد 24
هو انت كمان يا على بره الشبكه
بركه الما بقيت براى
|
Post: #97
Title: Re: كلمات الاعضاء الغير مفهومه طرفنا ....
Author: عبدالمجيد الكونت
Date: 06-15-2011, 06:48 PM
Parent: #94
| Quote: عربى دا يا افندى انتا ؟ |
انت ياعلي ما سمعت النصري يغني
انا الجاييك متتق بالصبر ما كنت قايل في طوافي عليك اعاني
ولا ما سمعت حميد يقول
انفتق المرتق من صفحة والموية الجات دافرة قوية
يارانيا كربي مرتقك بتودري الوهدبة
|
Post: #95
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-15-2011, 05:51 PM
Parent: #92
الرد 23
محمد يوسف
هو ما طلب هو مساعده بتكون واكيد ما اجبار
لو ما فسرت مافى زول حيزعل منك
طارق
ومالك تحوقص
ما تجى داشى طوالى توووووووشك
حيدر
حسى ما عرفنا فرار هو شنو
:))))))))
حاتم
دى رطانه ولا شنو
على
انا ما رافعه يدى من قبببببببببببببببيل مالك ما شايفينى
الكونت
وهدبتك عدددددددددديل كده
|
Post: #98
Title: Re: كلمات الاعضاء الغير مفهومه طرفنا ....
Author: رشا بابكر
Date: 06-16-2011, 10:01 AM
Parent: #95
صباح الخير/ رانية
امبارح قلت ليك بكرة محضرة ليك كيمان
تعرفي الحاجات دي وده شرط الصحوبية
وعشان ما تكوني ملطشة للناس هنا يلزمك تدقي الدلجة
وتطلعي منتصرة وفايزة
ممنوع الأتصال بصديق
ومطلوب منك بالميت كدى %50
بسم الله نبدأ
الحاجات دي شنو؟؟؟؟
الرَّحط
القُرْقَاب
الرَشْمَة
التِيلة
الشريفي
الفرج الله
النَطُع
__________________
الِورِد
السَعِيِّة
القلِيبة
النَّفاج
البَرَجُوب
السرْحة
السِّعن
العنبلوك
المُرحـاكة
التَبرُوقة
المُتْرار
التُكل
السّهلة
السلُّوكة
الفَتريتة
___________________
التِّيوا
المُنقلة
الصًّج
يُتبْع لاحقاً
ختي الرحمن في قلبك.... الزمن : علي راحتك
واتأكدي في ناس هنا ح يكتبو اسمهم ويسلمو الورقة
مع تمنيات التوفيق والنجاح
ونتلاقى بعد ما تخلصي
|
Post: #99
Title: Re: كلمات الاعضاء الغير مفهومه طرفنا ....
Author: نوفل عبد الرحيم حسن
Date: 06-16-2011, 10:11 AM
Parent: #98
لقيتك حبوبه بس يا رشا بابكر هههه
حيدر الزين يا شرير وصاحبك ذاتو ما آدمي لووووول
|
Post: #100
Title: Re: كلمات الاعضاء الغير مفهومه طرفنا ....
Author: عاطف عمر
Date: 06-16-2011, 10:41 AM
Parent: #98
رشا بابكر
وأنت كذلك مطلوبة هنا عشان ما ( تبرلمي ) رانيا المسكينة دي
اللداية
الدوكة
السحارة
التيبار
أم تكشو
أم شعيفة
الوقاية
العد
الضريسا
تموت تخلي
الشلوخ المطارق
|
Post: #101
Title: Re: كلمات الاعضاء الغير مفهومه طرفنا ....
Author: محمد يوسف الزين
Date: 06-16-2011, 11:55 AM
Parent: #98
حيدر الزين بعد ما احتل البوست البت اتجهجهت زيادة
|
Post: #102
Title: Re: كلمات الاعضاء الغير مفهومه طرفنا ....
Author: HAIDER ALZAIN
Date: 06-16-2011, 12:11 PM
Parent: #101
نوفل وعابد
رانيا دي قربت اقول ليها مرقنبو قرنبو
هسع لو جات كنور وقابلتها عمتنا ماسكة اصبعها شبكتها ليك جرحتني ساسوية فوق التندل تتصرف كيف ؟!
|
Post: #103
Title: Re: كلمات الاعضاء الغير مفهومه طرفنا ....
Author: رانيه محمد الشيخ
Date: 06-16-2011, 12:38 PM
Parent: #102
ازززززززززيكم اولا
وانا جايه من سخانه ما عالم بيها الا الله ثانيا
ادونى تكه وبجيكم اشوف الحاصل دا
الحكايه قلبت امتحان عددددددددددددددددددددديل
:(((((((((((((((((
|
Post: #105
Title: Re: كلمات الاعضاء الغير مفهومه طرفنا ....
Author: نوفل عبد الرحيم حسن
Date: 06-16-2011, 12:46 PM
Parent: #102
دي ذكرتني نكته قويه ايام المدرسه الثانويه .. كنا قاعدين كالعاده في مقاعد خط 100 غرب في آخر الفصل
الشله كلها مشاغبين ومطوفشين ونهائي ما فيها زول عاقل
واحد من زملاني كان ملخوم بشي تحت الدرج وفجأه اتكلم مع دخول المعلمه وصنة الفصل .. قال : جابا ولا جرابا ؟ والفصل كلو ضج بالضحك
الاستاذه طوااااالي جات لحدي عندنا وسألتو يعني شنو جابا ولا جرابا ؟ لما احتارات في غتاتو سألتني انا
بديت اشرح ليها : في زول ختف منو مسطره وجري الفصل التاني وهو ما كان منتبه عشان كده قام سأل .. جابا ولا جرابا ؟
|
Post: #106
Title: Re: كلمات الاعضاء الغير مفهومه طرفنا ....
Author: توفيق عبد المجيد
Date: 06-16-2011, 01:28 PM
Parent: #102
.ود اللحد : المكان الذي يوضع فيه الجثمان داخل القبر.
الضانقيل : الطوب الاحمر.
الصارقيل : دودة صغيرة تعيش في الطين تستخدم كطعم لصيد الأسماك.
المساير : الجزء الامامى للشعر فى المشاط.
القرقريبة : تصنع من السعف وتستخدم في العواسه.
السعن : جلد يستخدم في حمل الماء او اللبن.
الصاج : قطعة من الحديد توضع على اربع حجارة وتعاس عليه الكسرة و الحلومر.
الكشف : المشاركة المادية فى المآتم و الافراح.
القدوم : آلة نجارة لقطع الاخشاب
نقلا عن كتاب العامية في السودان للبروف| عون الشريف قاسم
الدار السودانية للكتب
انصح الجميع بالرجوع اليه فهو فعلا كنز
|
Post: #104
Title: Re: كلمات الاعضاء الغير مفهومه طرفنا ....
Author: Gaafar Ismail
Date: 06-16-2011, 12:44 PM
Parent: #101
رانية وضيوفها
يقال فلان ما عندو الدقعا ...يعني ما عندو التراب ..يعني فقير جدا
الدقعا كلمة عربية فصحى( الدقعاء) معناها التراب
تحياتي
|
Post: #107
Title: Re: كلمات الاعضاء الغير مفهومه طرفنا ....
Author: توفيق عبد المجيد
Date: 06-16-2011, 02:13 PM
Parent: #104
http://www.singacity.net/vb/showthread.php?t=2995
Quote:
أيها الإخوة الأعزاء هذه بعض الألفاظ العامية السودانية
التي جمعها الدكتور
عون الشريق قاسم طيب الله ثراه وهي مجموعة في كتابه
قاموس اللهجات السودانية
فجزاه الله عنا الف خير.
ما عليك شئ : معليش
على شأن: عشان وعلشان
لأي شئ هو : ليشنو
هذه الساعة : هسع
بلا شئ : بلاش
هي وهو لك : هيلك وهولك
أي شئ هو : شنو
الزيادة
تشبط : تشعبط
سلطّ : تسلبط
سمّر : سمكر
عنق : عنقرة
لوح : لولح
طوح : طوطح
القلب
ضج : جضّ
زواج : جواز
نضج : نجض
ملعقة : معلقة
الحذف
ولد : ود
بنت : بت
امرأة : مرة
نصف : نص
انت : ات
قلت : قتّ
كنت : كتّ
فرد :فد
إبدال الحروف
جعيص : جعيس
كظم : كضم
جأر : جعر
سأل : سعل
فقأ : فقع
انفقأ : انفقع
أين : وين
أديته : وديته
آمين : يامين
حبلت المرأة : حملت
منبر : بنبر
بهته : بهطه
ثلاثة : تلاته
حديث : حديس
تلعثم : تلعسم
جحش: دحش
جيش : ديش
حمزة : همزة
وجه : وش
خديجة : خجيجة
دجاجة : جدادة
حطّ : خت
زغرد : زغرت
انشدح : انشتح
ذنب : ضنب
زهري : ظهري
سرّة : صرّة
ذكر : زكر
ذمّه : زمه
شمس : شمش
رخيص : رخيس
سبق : صبق
رفض : رفد
ظل : ضل
ظهر : ضهر
بقر : بغر
وقت : وكت
قتل : كتل
إسماعيل : سماعين
فاطمة: فاطنة
جنب : جمب
والأمثال كثيرة مثل :
الأسد : اللسد
كتابه : كتابو
وقت : وكت
لعن : نعل
ارتمى : اترمى
غطس : غتس
نأتى للمعاني الدارجية :
اجي لفظ تستعمله النساء تعبيرا عن الدهشة
أوكشه : اصلها تركي وتعنى كعب الحذاء وأيضا الشيء
المبتذل والأمر القذر
أ’مبو : لفظ يخاطب به الأطفال يعنون به الشرب والماء
وهى من الكلمة القبطية أممبو بمعنى اشرب
أ’مبوح : صوت البقر
اندراوه : انجذاب واضطراب
أهيف : الجنيه وفى الأصل الدينار
أها : لفظ قبطي بمعنى نعم ( حرف جواب )
همبريب : نسمة من الريح منعشة
هلس : الدنيء الحقير
جاط : ازعج واحدث فوضى والجوطة بمعنى الازعاج ولعلها
من جاظ
( اختال وتكبر في مشيه فهو جوّاظ )
خجّ : هزّه وحركه من جنب إلى جنب
خشلعة : اصلها شخلعة وتعنى تبذّل وتثنّي وخلاعة
خمج : بمعنى فسد
فرندقس : فوضى وخروج على المألوف
شعشع : الشارب – ألم به سكر خفيف
شطح : جاوز الحد
شفته : لصوص العصابات
شقيش : اصلها شق وتعنى صدعه وفرقه
شوبار : الفروع والشوائب الأكثر التفافا التي تتفرع
من سيقان الزرع
دزّ : ساق امامه
دنقر : انحنى وطأطأ راسه ( يقولون في العراق دنكر
بنفس المعنى )
ويا حليل العراق وان شاءالله ما يدنكر ( دى من عندى )
زتت : تباهى وتكبر
|
للفائدة العامة
|
Post: #108
Title: Re: كلمات الاعضاء الغير مفهومه طرفنا ....
Author: المكاشفي الخضر الطاهر
Date: 06-16-2011, 08:51 PM
Parent: #107
التسوي كريت في القرض تلقاهو في جلدها
كسرة : غايتو المثل دا انا عندي مثل مبسوط منو خالص وهو ينطبق على كثير من الناس
كسرة : انبه الاخوان في امثال كدا وكلمات تخرجنا من اللياقة والذوق نرجو ان نبتعد عنها بقدر الامكان ،، بعدين في امثال نسجوها الناس ساكت وماعندها اساس بس قعدوا مجموعة نسجو امثال وجابو ليها قصص من خيالهم لا علاقة للواقع فقط لإشباع نقص فيهم ،، وغايتو ما قادر اوصل وجهة نظري الا كدا والفهم يفهم والما فهم بطريقتو واعزروني ان خرجت من القارب بدون جبل
|
Post: #110
Title: Re: كلمات الاعضاء الغير مفهومه طرفنا ....
Author: حاتم محمد حاج المهدي
Date: 06-16-2011, 09:37 PM
Parent: #108
| Quote: واعزروني ان خرجت من القارب بدون جبل |
عاذرنك تااااااب
|
Post: #109
Title: Re: كلمات الاعضاء الغير مفهومه طرفنا ....
Author: رشا بابكر
Date: 06-16-2011, 09:10 PM
Parent: #107
عاطف كيفك
أنا جيت وجاهزة لي امتحانك
بس ده في صالح رانية
لكن ما عليك
اللدايا____ دي البختو عليها الدوكة لي عواسة الكسرة
أو اي حاجة تطبخ وهي عبارة عن حجرين أو اربعة وفي وسطها النار طبعاً حطب
الدوكة___مصنوعة من الفخار سوداء ملساء لعواسة الكسرة
السحارة___ صندوق من الخشب مزخرف لحفظ الملابس وبعض الحاجات
التيبار___ يا حليلو الزير __أحلى موية والنُقاع للشاي
الوقاية___ مصنوعة من القماش مبطنة مستديرة دي للست الجبنة تتربع فيها
العـد___ البيــــــــــر يا عاطف البير
الضريسا __ عشب دقاق فيهو شوك ناعم يمسك في اي حاجة كنا بنخاف منها
الشلوخ مطارق__ دي مطارق ود عيسي.....ناحيتنا ود عيسى ده كان بجي
كل يوم سوق السبت والتلاتا ويجيبو ليهو البنات يشلخن (الزول الشلوخو مطارق البي نارو لي أنا حارق)
المطارق تلاتة شلخات عمودية علي كل خد
يا حليلن اماتنا عذبوهن
أها يا عاطف
عندك كلام
الحاجة العايزة اقولها
أني يشهد الله لا قريت ولا شفت كتاب العامية لعون الشريف ابدا
من أنا طفلة لقيت الجدة لامي/ أمنه بت بابكر ود الطاهر عليها رحمة الله
عبارة عن معجم وكنت أي كلمة اسمعها أسأل معناها شنو
وبعد وفاتها ورثتّ هذا المخزون الثقافي للوالدة صفية بت أحمد ( بت الجَيِّد ) أطال الله عمرها
والجَيِّد يعني الجنيه الأنقليزي الأول
عشان كدى من نحن اطفال عرفنا وحفظنا كل كلمة وجميع المسميات
ده كل الحاصـــــــــــــل تربية حبوبات
تحياتي .............عاطف
|
Post: #111
Title: Re: كلمات الاعضاء الغير مفهومه طرفنا ....
Author: عاطف عمر
Date: 06-17-2011, 12:07 PM
Parent: #109
Quote: عاطف كيفك
أنا جيت وجاهزة لي امتحانك
بس ده في صالح رانية
لكن ما عليك
اللدايا____ دي البختو عليها الدوكة لي عواسة الكسرة
أو اي حاجة تطبخ وهي عبارة عن حجرين أو اربعة وفي وسطها النار طبعاً حطب
الدوكة___مصنوعة من الفخار سوداء ملساء لعواسة الكسرة
السحارة___ صندوق من الخشب مزخرف لحفظ الملابس وبعض الحاجات
التيبار___ يا حليلو الزير __أحلى موية والنُقاع للشاي
الوقاية___ مصنوعة من القماش مبطنة مستديرة دي للست الجبنة تتربع فيها
العـد___ البيــــــــــر يا عاطف البير
الضريسا __ عشب دقاق فيهو شوك ناعم يمسك في اي حاجة كنا بنخاف منها
الشلوخ مطارق__ دي مطارق ود عيسي.....ناحيتنا ود عيسى ده كان بجي
كل يوم سوق السبت والتلاتا ويجيبو ليهو البنات يشلخن (الزول الشلوخو مطارق البي نارو لي أنا حارق)
المطارق تلاتة شلخات عمودية علي كل خد
يا حليلن اماتنا عذبوهن
أها يا عاطف
عندك كلام
الحاجة العايزة اقولها
أني يشهد الله لا قريت ولا شفت كتاب العامية لعون الشريف ابدا
من أنا طفلة لقيت الجدة لامي/ أمنه بت بابكر ود الطاهر عليها رحمة الله
عبارة عن معجم وكنت أي كلمة اسمعها أسأل معناها شنو
وبعد وفاتها ورثتّ هذا المخزون الثقافي للوالدة صفية بت أحمد ( بت الجَيِّد ) أطال الله عمرها
والجَيِّد يعني الجنيه الأنقليزي الأول
عشان كدى من نحن اطفال عرفنا وحفظنا كل كلمة وجميع المسميات
ده كل الحاصـــــــــــــل تربية حبوبات
تحياتي .............عاطف |
رشااااااااااا يا ( خطير ) غيثني
جننتي العامية جن
ما شاء الله عليك
عيني باردة
ويا حليل زمن الحبوبات كنز الحكمة
حقيقي فوق الإمتياز بمراحل
وحقيقي أنت كنز للعامية
نصيحة يا رانية
أمسكي في رشا قوي
_________
تحايا وكثير شكر وامتنان العزيزة رشا
|
Post: #112
Title: Re: كلمات الاعضاء الغير مفهومه طرفنا ....
Author: محمد عبد الماجد الصايم
Date: 06-28-2011, 09:27 AM
Parent: #111
النجيضة شنو؟
|
|