شوقي سليمان تعال علمنا ماسمتك النضال....!!

Quote: ياعمك... قلنا الكلام في السياسة لمويد الكيزان يحسب علي الكيزان.. حاجاتو الثانية بطريقتو.. الكلام في السياسة عند الشيوعي احسبوها للشيوعي... عند حزب امة احسبوها للامة عند العدل والمساواة احسبوها لعوج الدرب.... هكذا.. وده موقف سياسي وفي عضو حزب جزء من مسئوليته هنا ان يدافع عن هذا الامر ويتحمل كل تبعات خطابه الحزبي...!!

Quote: يا ود التجاني بدل تتهمني وتتفاصح فيني تعال قدم الاطروحات والروية السالت انا منها شوقي دي واقهمني بيها... يا متقتح

(عدل بواسطة عبدالكريم الامين احمد on 03-13-2011, 04:14 PM)

Quote: أه .. كلام نظري ساي!!

برضو شكرا علي مرورك الرمادي يا عمك

Quote: الكلام دة ينطبق على الذين يوصفون بمواقفهم الرمادية نتيجة عدم علم من قبلهم وعدم إحاطة بكل الراهن السياسي السوداني...لكن كثيرين هنا يبدون رماديي المواقف ولكنهم في حقيقة الأمر ينفذون مخططات معينة وهي عدم الكشف عن هوياتهم السياسية الحقيقية حتى لا يجابهوا بحواجز نفسية من قبل عضوية المنبر وحتى يصنفوا على انهم رماديوا الموقف عن عدم معرفة بالصح النسبي...

Quote: إنتو بتدوا نفسكم الحق في حاجات إنتو رافضنها لغيركم ليه؟! هسي البوست دا مش تفتيش نوايا لأخونا أو عمنا شوقي؟؟ إنت رايكـ شنو بالضبط في مسألة التفتيش والتجريم والكلام دا؟

Quote: في ظني بان كل من اجرم في حق هذا السودان ومواطنيه وثبت بالدلائل والوثائق ذلك الجرم فان يجب ان يحاسب في ظل قضاء حر ونزيه ويحفظ لهذا المتهم كل الحقوق الاساسية التي يحققها له القانون...!! والجريمة دي قد تكون واقتصادية واجتماعية وغيره من الجرائم التي يتوقع ان ينبري من وسط هذا الشعب مظاليم يرفعون دعاوي فيها...!!

Quote: .هل صحيح انو ما يتم هنا هو نقاش لتمحيص الرأى والا هو قبقبة و حجر لرأى الاخر؟

Quote: انتي يا سهام عرّفتي جماعة حسب قرايتك ليهم و اخدتي موقفك على هذا الأساس رغم تحفظي على النوع دا من الحكم لكن في النهاية دا تقييمك للأشياء وحكمك عليها ولا أحد يملك تغييره عداك لكن لي أن أسأل وبافتراض صحة تقييمك ووجود ما يعرف بمعارضة المعارضة المتفرغين فقط لمتابعة سقطات المعارضين ويتعامون عن مثيلاتها من الموالاة هل إذا حدثت سقطة من معارض ما و تتبعها احد هؤلاء معارضي المعارضة و زرزره بها بالنسبة ليك هل ستتغاضين عن هذه السقطة كونها حدثت ممن يقاربك الموقف السياسي هل كون هناك من لم يرتب أولوياته بصورة صحيحة -حسب وجهة نظرك - وقام بوضع هذه السقطة على قمة اولوياته ينفي حدوثها بالنسبة لك؟ هل وقوع نفس السقطة - أو اسوأ - من جانب الحكومة وأنصارها مبرر كافي لاعتبارها هامشية لا تستحق التركيز عليها حين وقوعها من أحد المعارضين ؟ نسمع منك ونواصل كان الله هوّن

Quote: معارضة المعارضة هى الفعل الذى يقوم على ترصد أخطاء بعض المعارضين و اسقاطها على كل المعارضة

وده لتوضيح فكرتى عن المجموعة دى
كبنى ادم عادى من الضرورى ان اطلق بعض الاحكام على ما هو عام
اما ما هو حكم شخصى ترانى اتجنبة بقدر ما اقدر وان حدث فى ذهنى فانا لا اعلن عنه بسهوله
فى الحدود دى لاأجد ان احكم على شىء مذمة
يعنى مثلا ما ممكن يكون قدامى زول قاعد حايم يتجدث بما هو ليس عليه
وشايل ليهو طار يدق فيهو وعامل فيها ابو الوسطية و ناقش كل حاجة
وانو هو مقدده وانه سابق عصرو وجرىء فى طرحه ومافى ما يردعه عن ان يصدح بما يراه حق ويصرف فى الالقاب يمين وشمال
وفى نفس الوقت الظاهر لى انا ان هذا لهو النفاق بعينو
لانو السبب الحقيقى لهكذا تطبيل شخصى بحت
وما يكون عندى حكم عليهو؟؟؟
الا اكون زول ما بقدر يعرف وين الحق ووين الباطل عشان يحكم
ومن ثم يتخذ موقف.

طيب انا ابدا لااتغاضى عن سقطات بعض المعارضين وممارستهم للكذب
او لسوء الحوار مع الاخرين ولكن بتعامل معاهم بشكل مختلف

انو ما اساهم فى بوستاتهم
او اتكلم معاهم بشكل مباشر
او اوصى ناس اقرب ليهم
ليه؟
بحسبها بحساب الربح والخسارة و قصادى ما اعتقده اولوية
منو الح يستفيد اكتر رفع بوستات هؤلاء المعارضين؟
منو البستفيد من تركيز الضوء على مساوىء هؤلاء القله الذين لا يمثلون المعارضة ولا يعبرون الا عن انفسهم؟
منو الح يستفيد من تشوية كل المعارضة بسبب هؤلاء النفر القليل؟؟

هؤلاء المعارضين الكاذبين او السفهاء ما المرجو منهم لقدام ؟
هل كلهم نافعين؟؟؟ والا كلهم ح يكونو حكام؟؟؟

ما عاوزه اعيد مداخلات سابقه
لكن بقول ليك يا ود البشرى نحن لو اقتنعنا انو النى للنار
زول بدخل بوستات الجماعة ديل والا يديهم حجم اكبر منهم ماااافى
ولما الناس تغربلهم ويلقو بوستاتهم واطه
يمكن يستعدلو
غير كده مباراتهم بحجة كشفهم واصلاحهم ما ح تجيب الا نتيجة عكسية
وهى المكااابرة والاصرار على نفس النهج
يا ود البشرى فى ناس هنا من الطرفين
المعارضة ومعارضة المعارضة بكتبو شهرة بس
اها انا موقفى من ديل طالما انهم بفرحو لى الكيزان و بشتتو لى الكورة
ما بصرف معاهم زمن
عشان ادخل فوون فى شباكى

بالمناسبة اساليبى الذكرتها ليك فوق دى فى ناس كده ما بكلف نفسى زاتى
اخاول معاهم

اقول ليك حاجة غريبة يا ود البشرى
والله انا الكيزان زاتهم نادر ما ادخل معاهم
ما عارفه زاتو المقعدنى فى سودانيز دى شنو

Quote: المسالة من وجهة نظري بسيطة الغلطان يتقال ليه انت غلطان وبس غض النظر عن هو واقف وين و شايت كيف كونو الناس تقراك بطريقة مبتسرة وتفسر مواقفك كأنها استهداف لفلان و محاباة لعلان دي مشكلتهم هم افتكر

الغلطان يتقال ليهو غلطان ... كده متفقين تماما
بس خلافنا ياخد على راسو كيف على حسب الحالة

كمان الناس تقراك كيف دى مشكلتها هى برضووو متفقين
لكن مختلفين فى انو الناس من حقها تعبر و توضح قرايتها لموقفك
من غير ما تتهم بأنها عاوزه تسيرك والا تفرض رأيها وكلو برضو
على حسب الحالة

اها على حسب الحالة دى انا بتعنى لى التقدير الشخصى لحساب الربح والخسارة
فى دفتر الاولوية
بالبساطة دى زاتها

بعدين لو راجعت السائد هنا بتلقى فى تعميم مخل واحكام مطلقة غير مفيدة
من كل الاتجاهات ...يعنى هسه فى مجموعة هنا مارست نفس ما تضررت منه وتراه سالب
فى صمة خشمك يقولو ليك ما تعمم و ما تطلق احكام علينا
و يجو يجمعوك و يطرحوك و يحكمو عليك بالمؤبد
المخرج الواحد لينا كلنا والله هو حسن الانصات
بمعناه التام نسمع و نعقل كلام بعض
ثم نستعد للتفاهمات
____________________________________
والله يا اخوى انا الايام دى جادة جدا بفكر انو لازم تكون عندنا دراسات
عن الشخصية السودانية وثصتها مع الانتصارات الشخصية
لانو مخرجنا الاساسى من كل أذماتنا
هو ان نتسامى فوق الذاتى والشخصى فى القضايا الو طنية العامة
والانا عندنا مرتفعة بشكل قاعد يصيبنا فى مقاتل
انا احسن ما اواصل فى النقطة دى كتير لانو عالم كان بسكت تانى

Quote: بتخيل لي دا وكت مناسب عشان نرفع البوست دا فوق!!

Quote: صدق يا كيكي بل شعرت بالأسف للحصل لكن طريقة المعالجة و الغتغتة خلتني - ما بقول شمت - لكن زادت يقيني بما أؤمن به قولة يا أمنجي دي لو اتقالت - وبتتقال فعلا - لزول غير منتمي او من ناس الضفة الأخرى كانت الأمم دي مرت عليها مر الكرام لو ما كان ادوها كوز موية كمان بس وجعني بالجد حمور و الجاتو في صمة خشمو - او على الأصح في فتحة خشمو ما فضل ليه إلا يبكي وتحت بند توحيد الجهود و لاصوت يعلو و بتاع حقو الشخصي يضيع او ينتظر زوال الإنقاذ ثم ياخ الحبيب كان يعمل خاطر لخالو البروف على الأقل

Quote: وياريت يااخ تلحقني السوق في موضوع حمور ده.. فانا مافي شووف الحاصل ده

Quote: واتمني من عقلاء الكيانات دي قفل هذا الملف حتي لا تسير به الركبان الاسفيرية اسبوعين ويضيعو علينا الانضباط الانتفاضي الذي يشهده المنبر اليومين ديل

المنبر على نفس الدرجة من الأهمية
وشايف انو سلوك فلان يتحمل توابعه فلان نفسه لا غيره
وازيدك من الشعر ان الآراء اعلاه لن تتغير لو كان المعنيين من الجانب الآخر

اسي الله يسألك الرمادي ما أخير و موقفه أوضح و أنصع

Quote: الجاتني في سمعتي سامحتني. او كما قال بقال لبنات خوجلي ذات مطايبة.

IMG]http://www.sudaneseonline.com/db/attention/010_Smile.gif[/IMG
-----------------

محمد عادل ده لو جانا هنا في الدوحة دي
جوازتناغايتو الا نجددها في السفارة البنغالية

Quote: الرمدنة ياعمك بس لو ختت الحكحكة في الكيزان مافيها اي عوووجة... بس شيل اباريق الكيزان لعععععع لووووول

Quote: دا اس الخلاف -انت شايف انو الموضوع يتلم لأنها ما أولوية وكدا على إنتفاضة المنبر -شايف انو استمرار الموضوع في العلن سيؤدي لنقد سلوك الأفراد اصحاب الخلاف و يُحسب على التيار المعارض ككل - رغم الحديث عن عدم وجود جسم موحد للمعارضة

Quote: You do not have permission to access this document. oops ... I think you got lost or maybe the server hiccuped We'll return to you our Site Main Page and you can try again from there. Or click here to go to the main Main Page Main Page

Quote: الكلام دة تلخيص جيد ويحكى بدقة قصة فتحك لهذا البوست (المهرجان) بحق احد الاعضاء

Quote: يعني هسه يا عمدة نصيحتك لي انا اني امشي كلام محمد عادل ده في حقي لامن نظام الانقاذ يسقط بعد داك اجي ادافع عن نفسي ؟ يا عمدة دحين الكلام ده ما اعوج ؟ اها كان انقاذ الجن دي قعدت تاني سنة .. سنتين .. تلاتة انا يفضل معلق فوقي اتهام زي ده في منبر بيقروهو الملايين ساي كدي ؟ الكلام ده ما شايفو مضر ؟ انا لا عضو حزب لا بمارس نشاط سياسي منظم .. ما عندي غير كتابتي و قلمي ديل الجا محمد عادل اتهمني فوقم. في رأيك البيضعف النضال ضد الانقاذ محاولة الناس انها تبرئ نفسها من اتهامات محمد عادل وله انو اتهامات محمد عادل تضعف مصداقية الناس ؟ هسه كدي انا بياتو وش تاني اكتب لي راي سياسي بعد ما محمد عادل ختاها لي علنا كدي اني بمشي اعرض رواياتي في السفارة وبجي هنا ادعي النضال. ده مش ياهو اغتيال الشخصية ؟ ما تمشي يا عمده عليك النبي. وتعال وريني. اسكت و اخي الاتهام ده معلق وله اطالب ( و تطالبو معاي ) محمد عادل انو يثبتو. ياخ بس عشان خاطر انو سمعتي ما تتجرح ساي باي زول عايز يكتب اي كلام. عشان خاطر كلمة حق يمكن اكتبا يوم و يقراها زول و يقول ده شنو كمان الجايي يقول لينا كده و هو في مصر بيمشي السفارة و يعرض رواياتو فيها. وله كيف يا عمدة ؟

Quote: ياجماعة دى امة يفتحوا ليها سفارات هسة دة ما بهتان راسه عديل , الكيزان يازول الان فى موقف قوة بيحكموا فى البلد من كم وعشرين سنة ما بيحتاجوا للتقية وختف الالوان ولذلك اتهاماتك للمجموعة البتنتقد الاعوج اى كان مصدره بشيل الابريق للكيزان فهذا هو التطرف والارهاب الفكرى بعينه

(عدل بواسطة عبدالكريم الامين احمد on 03-15-2011, 12:37 PM)

Quote: عندك نقاش في الاراء والحوار الجاري هنا ده بجزئياته الكثيرة مرحب.. ولكن ما تقعد تشبكني حرية راي وتكميم وكيكي فعل وكيكي ترك والحقو والكلام الما جايب تمن كيبورده ده...

Quote: الرمدنة ياعمك بس لو ختت الحكحكة في الكيزان مافيها اي عوووجة... بس شيل اباريق الكيزان لعععععع لووووول

Quote: سهام .. ياخ كوت ود البشرى الفرحانه بيهو دا أنا قلتو فوق!!

يبقى تاخد واحد من نفس الرد

Quote: كلام كيكى ده منسجم تماما مع موضوع البوست اصلو ما فيهو تشتيت كورة

Quote: مسألة ان اسكتو اسكتو فلا صوت يعلو فوق صوت المعركة اظنه خطأ.

Quote: من الواضح يا كيكى قومة النفس عليك , ويبدو انك ما متعود على نوع كلامى دة , فانت ترى نفسك دايما فى خانة البيقبقب الناس وما على الاخرين الا الاشادة او يكمموا افواههم

يا زول ده كلام شنو ده..؟؟
مالك عاوز تجيب لي سمعة وتطلعني رباطي اسفيري وماسك عكاز وبهبت في البشرية دي البوردابة دي من مطرف..؟؟ لا يا صلعة ده راي وده نقاش وجدل ياااخي
وبعدين بصراحة نوع خطاب شوقي البناقشو في البوست ده انا مهتم بيهو وده ما اول بوست لي في نفس الموضوع ده.. بوستات كثار فيها نفس النقة وافكار ابو الاشواق كانت خير نموذج لمناقشة هذا الموضوع....!!
والمنبر ده يا احمد تجاني ارض مفتوحة وعشان كده مافيهو (دلع) ووالزول يتخيل لو فتح موضوع مهم كان امره ياتي باشادة او يرضي الجميع.. فالقصة سوق كبير للاراء والافكار والمواقف وعلي الكاتب ان يتوقع ويتعود علي اي راي مخالف (وكما وصفه الخبير عثمان النعيم بانه تمرين شاق للديمقراطية)... فبالله يا ابو صلعة ادينا مساحة صغيرة كده بتاعة اننا ناس بنفهم وما متضخمين ذاتيا وما بتكتب هنا عشان كايسين صفقة من زول... بل راي بنفكو في الهواء الطلق ده وبنرجي الله في كريبة الاسفير للنقاش والمداولة

Quote: هسه موضوع تقريب وجهات النظر مع كيكي ده انا ما واقع لي. كدي شيل الوجهات دي و امشي بيها على مصطفى محمود شوف ترجع بشنو.

i like

Quote: رأيكم شنو بلاهى نندرش فى النقاش ده دون اطلاق احكام شخصية (انا متأكدة ما مقصودة يسوء نية فأنت يا ود التجانى بعيد عن هذا انشاءلله لاتموت لا تفوت)

(عدل بواسطة عبدالكريم الامين احمد on 03-15-2011, 10:15 PM)

Quote: والله يا احمد التجانى انتى راشى كيكى ده رش انا من قبيل ماسكة خشمى قلت الجماعة ديل اصحاب ودفعة اسكتى ومن متين ليك انتى كمان بتعملى فيها جودية فى الاسافير لكن عاد شوف عينى فاولاتك كترت

والله يا سهام قرايتى اليومين دى اتجهجهت شديد بسبب كم حاجة كدة (1- اميمة (اهلها معانا) 2- دورى الابطال الاوروبى (مابخليه والقراية تطير) 3- البوست المخستك دة
وانا عايز اتخارج قبل الصيف لانى خلاااص زهجت شديد , تحياتى لمجتبى وخليه يلحقنى بنقلات تدريبية نعدى بيها الزمن بدل الضائع من مباراة العلم دى

(عدل بواسطة عبدالكريم الامين احمد on 03-16-2011, 05:33 AM)

Quote: هلا يا صلعة.. وبكلامك ده تيقنت تماما الان بانك راكب البوست ده سرررررررج ولافح من طرف بدون التامل فيما قيل..المعارضة البتقول هي ديمقراطية من حق اي زول ان يرفضها او ينقذ كذبها ويعريها بل في النظام الديمقراطي من حقك ان لاتصوت لها وتحرض الاخريين ضد خطابها وتسهم في اسقاطها....ولكن المعركة السياسية معها تظل معركة (موجلة) طالما هنالك حكومة تبطش وتسرق وتقتل.. موجلة علي مستوي الازاحة من السلطة ولكل انسان الحق في نقد فكرها وايدلوجيتها ولكن ليس خصما علي النضال ضد السلطة الغولية... وكانك تنادي بان يتوقف النضال حتي يتم فلترة كل الواقع المعارضاتي من الكضبابين ومن بعدها الالتفات الي الكيزان.. والله دي نظرية القذافي ما سبقك عليها...

Quote: ولماذا نحارب اللااخلاق عند المعارضة وندعم اللاخلاق الحقيقية التي يحسها البني ادم في روحه وفي بيته وفي وطنه..

Quote: اما الان والان نحن نعمل من اجل يأتى هذا اليوم اليوم الديمقراطى

Quote: ولماذا نحارب اللااخلاق عند المعارضة وندعم اللاخلاق الحقيقية التي يحسها البني ادم في روحه وفي بيته وفي وطنه..

Quote: الرمادي الحقيقي سيد الإسم ينتقد اللاأخلاق. نقطة سطر جديد فقط اللاأخلاق, هكذا مطلقة بدون تحديدها وتحجيمها بنسبها بإضافتها لأي كيان / جماعة / حزب / هيئة/ سجم رماد .. إلخ وليست له اولويات في ذلك فيؤخر نقده لفلان الآن لأن فلان وطني و على عاتقه مهام جسيمة . إلخ

Quote: لمعارضة البتقول هي ديمقراطية من حق اي زول ان يرفضها او ينقذ كذبها ويعريها بل في النظام الديمقراطي من حقك ان لاتصوت لها وتحرض الاخريين ضد خطابها وتسهم في اسقاطها....ولكن المعركة السياسية معها تظل معركة (موجلة) طالما هنالك حكومة تبطش وتسرق وتقتل.. موجلة علي مستوي الازاحة من السلطة ولكل انسان الحق في نقد فكرها وايدلوجيتها ولكن ليس خصما علي النضال ضد السلطة الغولية... وكانك تنادي بان يتوقف النضال حتي يتم فلترة كل الواقع المعارضاتي من الكضبابين ومن بعدها الالتفات الي الكيزان..

Quote: ولماذا نحارب اللااخلاق عند المعارضة وندعم اللاخلاق الحقيقية التي يحسها البني ادم في روحه وفي بيته وفي وطنه..

Quote: لا ادرى كيف تبلورت لديكم فكرة ان النضال والاخلاق يتعارضان او نؤجل احدهم لدفر الاخر لانه فى راى المتواضع النضال عبارة عن حزمة اخلاق نؤمن بها لدرجة التضحية من اجلها