شوقي سليمان تعال علمنا ماسمتك النضال....!!

Quote: لا جديد يا كيكى , بتكرر المداخلات بالكربون لم تتزحزح عن ضلالك قيد انملة ومعتمد على كيمان الناس الاتفقت معاهم على النضال ابو (التقية) وانا ح اسرد ليك ادبيات النضال بتاعكم فى نقاط عشان تانى ما تقدنا بيه فى مداخلة جاية 1- ليس بالضرورة ان يكون المناضل ذو تأهيل اخلاقى , عادى يكذب , يشتم , يحلف يمين بالزور , يتعمد اشانة سمعة الناس 2- يعارض الكيزان جملة وتفصيلا 3- اى زول (جايب دخنة) تسؤل له نفسه الامارة بالسوء مجرد التفكير فى توبيخ احد المعارضين (اتى بكذبة مثلا زى شهيد الاهلية او عمد الى اشانة سمعة شخص زى وائل / محمد ناصر مثلا) يتم تصنيفه ككوز رعديد ما لم يأتى ببديل (تقول لى برضو ماف وصاية) هى غيروها ولا شنو بعدين يا كيكى ياخ سؤال هى وينها المعارضة الخايفين عليها من النقد دى , اى عمل ما عنده ارتباط مع الجماهير يبقى بندق فى بحر , تفتكر اخونا مثلا البيكون عنده فى الصفحة الاولى عشرمية بوست كل عنوان فيهم بيختشى من التانى لفرط السفاهة الفيهم , كيف دة يرتبط مع الجماهير وهو ما قادر يقدم حاجة محترمة تجذب الناس الهنا , ولا التانى بتاع لبس خمسة صاحب الصور المضروبة الممكن يقول ليك القيامة قامت فى رفاعة واتأجلت فى سنار عشان موسم المنقة وبعدها يفتح بوست يتسافه فيه على الزميلات هنا من غير اى مشاكل مع ناسه , اوع يكون هم ديل الانت بتنعم عليهم بالحصانة

Quote: لانو وعلى ما اظن اول مرة كدى تعبرنى ..

(عدل بواسطة محمد البشرى الخضر on 03-07-2011, 08:41 PM)

Quote: ابو الشوق لك التحية واسمح لي اهنيك على طولة البال و سعة الصدر كمان شايفك اخدت راحتك لمن بقيت تسالم و تطايب و تقدم المتداخلين لحدي الباب

Quote: صباح الخير يا مها اولا من أنت ومن أعطاك الحق عشان تقسمي ده شريف وده غير شريف بعدين انا اشعر ان كتاباتك خرجت عن لب الموضوع وتركتي الموضوع الرئيسي وبقيتي تحومي بعيد ركزي يا شابة. على العموم رسالتك وصلت يا حاجة مها.

Quote: وفي نفس الوقت بتطالبوا من ينتقد تصرفات المعارضين اللاأخلاقية أن يعرض صحيفته وسابق نقده للموالين و للحكومة قبل ان يتصدى لنقد تصرف المعارض أو أن يقدم بديلا مصحوبا بالعمل للمعارضة النموذجية الاخلاقية كما يراها ويود أن تكون يا اخوانا كان ياهو تلخيصي الفهمتو من كلامكم صاح قولوا لي عشان نمش خطوة لقدام وكان غلط عشان اعيد القراية

Quote: ود التجاني يا هندسة احييك و انت رافع شعار لن ترتاح يا مساح

Quote: الآن قل لي ما هي الطرق المتاحة لإسترداد حقها قد اكون أنا غلطان فيما ذهبت إليه. انا اهتم جدا بإسترداد حق صفية بس ورونا الآلية والطريقة

Quote: أهلاً شوقي ومساءك طيب إن شاء الله طول بالك يا شوقي وخليك كوووول علي طوووول ، شنو اللغة الغريبة دي ؟؟ أولاً يا أٍستاذ شوقي أنا مواطنة سودانية ، من أساسيات حقوقي التعبير عن رأئي ، من أعطاني هذا الحق هو نفسه من أعطاك حق أن تدافع عن هذا النظام بالباطل ، أنت تري الفعل وتتحدث عن ردود الأفعال لهذا الفعل . مثلاً في قضية شقيقك عباس ( قضية الإختلاس ) لم تنتظر كلمة القضاء و بدأت بوستك بإتهامات وشتم لجميع من تسبب في هذه الجريمة بدءاً من المستشارة القانونية للبنك والموظفين و المدير . لم أخرج عن الموضوع الرئيسي يا شوقي فحديثك يتناقض مع مواقفك لذلك إستشهدت ببوست ( البنك الإسلامي ) الذي كتبته قبل شهور بسيطه . فهل تتغير المواقف بهذه السرعة !!

Quote: استاذ شوقي تحياتي واحترامي الطرق المتاحة لاسترداد حقها واضحة ياشوقي ..وهى تغيير النظام ومحاسبة المغتصبين زى ماحدث فى تونس من تغيير للنظام والقبض بعد ذلك على الشرطية التى صفعت بوعزيزي تمهيدا لمحاكمتها . لانه بخلاف ذلك لن يدين النظام نفسه ولن يقوم بمحاسبة منسوبيه ان لم يقم بمكافاتهم وترقيتهم .

Quote: أولاً يا أٍستاذ شوقي أنا مواطنة سودانية ، من أساسيات حقوقي التعبير عن رأئي

Quote: زى ما انت شايف افكاره بسيطة

Quote: هلا يا صلعة والافكار فعلا بسيطة وسهلة وواضحة وبلغة الماسمتك الحكاية كلها (مثلث) اضلاعه الثلاثة هي كالاتي.. الحكومة المعارضة المواطن الفاهم و وعي بقضاياه الاساسية والتي يعتقد بانها (رايحة) ما بين الضلعين الاخريين..!! انا كزول( فكر بسيط) كايس عن دور المواطن ده..ومندهش تماما للمواطن البتفرج علي (جدلية الحكومة والمعارضة) كمن يتفرج بعقل رمادي (لووووووول) علي كورة (هلال- مريخ).. يصفق للعبة الحلوة ان انت من سادومبا وممكن يشتم البرنس ان اخطاء (التمرير) ويمتعض من اداء دفاع المريخ ولكن ليس لديه مانع ان يصفق لهجوم المريخ ان شن غارة هجومية ظهرت فيها فنيات هجوم المريخ...!!! كلنا يا ود التجاني لينا دور..هنا اوفي ارض الواقع,,, الوقوف مع القضايا ليس حكرا علي معارضين من نوع خاص ولاينبغي فهو ملك لنا جميعا كشعب سوداني فضل ندعم حراكها بحد ادني وبعدها كل قرد يطلع شجرته الفكرية والايدلوجية ... وقع ليك كلامي البسيط ولا اعيدو ليك... عامل صلعتك الزي مطار القضارف دي وسنتابع

Quote: كلام انشائى بعيد عن الواقع , انا و انت من 15 سنة واكثر ما عايشين حياة مواطنة طبيعية عشان كدة ما ح تقدر تتقمص دور المواطن وتتحدث باسمه وبعدين الجاب البرنس وباكمبا والدحيش شنو؟ وشنو وقع ليك وتلب ليك دى !!! لغة خالتك تراجى دى لو عاجباك للدرجة دى ما تمشى تشاركها فى البوست المرفق لك رابطه فى البوست دة (احى انا)

الله يا (صلعة) (يو ريلي ميد ماي ديي (واضحك الله سنونك وفجاة كده يضحك صلعتك)..!!
يا زول ده كلام شنو ده..؟؟
انا ما اتكلمت الا باسمي انا وبسسسس...وبعبر عن الراي بتاعي ...!!
عاوز تسحب مني حق (المواطنة)..؟؟
وانت يا احمد قايلني عايش في كبسولة ولاشنو..؟؟
لا يا صديق الزمن القبيل... عايشين في جوه نبض الناس وبنوم وبنصحي بهموهم وحياتنا خارج الحدود لا تعني بان حبلنا السري من البلد انقطع وخلاص حصل لينا استلاب (خليجي امريكي) وتغيير جينات وتغيير ادمغة وتغيير وجدان.. لااا يا صلعة كلام زي ده يقولو زول (بلادي بلادي)
مش يقولو زول طليعي ذو صلعة تاريخية زيك كده (لوووووووول) ...
البرنس وباكمبا ويور دي جات في اطار (الامثلة) عشان الحكاية تقع ليك لاني شايف عامل (حميل) من الموضوع الاساسي وهو الدور الاساسي للمواطن
ولو بقيت انت ما مواطن (كلمنا عشان نشوف شغلنا معاك)...
و(قع ليك) دي لو اتحسسست منها فاني اعتذر واعتبرها مسحوبة ياااخ ولكن مافي حاجة وااااحدة تخيلني امشي لبوست تراجي الجبتو انت ده ماافي
لانو ده الراي بتاع تراجي ويمثلها هي وانا شن خصااااني يا زول هوووي

Quote: عايشين في جوه نبض الناس وبنوم وبنصحي بهموهم وحياتنا خارج الحدود لا تعني بان حبلنا السري من البلد انقطع وخلاص حصل لينا استلاب (خليجي امريكي) وتغيير جينات وتغيير ادمغة وتغيير وجدان.. لااا يا صلعة كلام زي ده يقولو زول (بلادي بلادي) مش يقولو زول طليعي ذو صلعة تاريخية زيك كده (لوووووووول) ...

Quote: يا زول انت بصحك؟ تكون فاكر يا كيكى انك اول ما تمشى السودان الناس ح يعرفوك ويقولوا دة كيكى بتاع الفيس بوك وسودانيزاونلاين ياخ بلد مستخدمى الانترنت فيها لا يتجاوز 6% من عدد السكان وفقط حوالى 62% من ال (6%) بيتصفحوا سودانيزانلاين ولو جاملناك شديد بنقول انه 50% منهم بيقراؤا بوستاتك , بنطلع ب حوالى 700 الف , بس ديل الممكن تقول بيقدروا ليك انك عايش جوة نبض الناس وبتنوم وتصحى بهمومهم , قوم لف ياخ انتهى مرورى بهذا البوست

Quote: كيكى , يا اااا كيكى (كلمنى زى مابكلمك كدة) وبلاش كلام طلاب شعبة الدراما دة البيان بالعمل , عشان تتحكر جوة النبض بتاع الناس زى مابتقول تبيع البرادو , تخلى التلت معاك , خش بيه فى تاتا ولا حاجة من الحاجات الرخيصة دى التلتين توقفهم فى السودان فى بعض الاستثمارات ليعود ريعها على مشاريع الخدمات الضرورية فى قريتكم ودهاشم مثل دعم تعليم ابناء وبنات ود هاشم , مشاريع مياه ود هاشم والعمل بجدية فى ادخال الكهرباء ليقراؤك مواطنى ود هاشم فى الفيس بوك زى ما قال البشير ياخ باختصار كدة عشان الحاجات تبقى كويسة يا زول انت بصحك؟ تكون فاكر يا كيكى انك اول ما تمشى السودان الناس ح يعرفوك ويقولوا دة كيكى بتاع الفيس بوك وسودانيزاونلاين ياخ بلد مستخدمى الانترنت فيها لا يتجاوز 6% من عدد السكان وفقط حوالى 62% من ال (6%) بيتصفحوا سودانيزانلاين ولو جاملناك شديد بنقول انه 50% منهم بيقراؤا بوستاتك , بنطلع ب حوالى 700 الف , بس ديل الممكن تقول بيقدروا ليك انك عايش جوة نبض الناس وبتنوم وتصحى بهمومهم , قوم لف ياخ انتهى مرورى بهذا البوست

هلا ياصلعة وشنو يااخ ما بدري يا خليفة وكده

Quote: وفقط حوالى 62% من ال (6%)

واها شفت الستة في المية ديل بس هم يااهم زااااتهم المستهدفهم (ابو الكيك) وشغال معاهم بمكنة (شعبة الدراما) كونهم في محيط مرمي الادوات الاسفيرية التي تسمح للراي بتاع كيكي ان يصلهم ويتفاكر معاهم
ويقنع نفر نفرين ما ممشكلة ولكن المهم (الحراك) وحلوة الحراك دي.. المهم الحراك الاسفيري يكون مهتم
وناشط وفاعل ومنتج لحلول ونقاشات تهتم بقضايا الناس الثانين الحتي الماعندهم انترنت...!!!
وكيكي ما ناقي براهو بل هناك ناس كثاااااار ناقين في الاسفير وفي ارض الواقع (ولكن المهم انو يكون في نقة تحرض الناس علي قضاياهم ومظالمهم تحت شعار (الكوز ما ينوم)...)...
وبعدين ياخي ما تختزل لي القصة في ودهاشم دي بس فالهم متجاوز ود هاشم لكل قري السودان ومدنه وكراكيره
ولو بقت علي ودهاشم قريتي الحكاية هينة جدا.. كهربتها يعلم الله واصلة ليها ثلاثين سنة ونيف والبرادو ده ببيعو وبربعو بشتري لي (مركب صيد) وبسمك النيل الازرق ده بس ف ستة شهور اخلي ليك ودهاشم دي امارة موناكو بس.. ولكن يا صلعة القصة اكبر من كده وبكثير وده وطن كااااامل مخطوف من الدقانة والحرامية
فعشان كده جيب ايدك علي ايدي علي ايد ناس كثار ثانين عاوزين خير للبلد ده والله كريم ...وده جزء ولو قليل من الدين الفي رقبتنا علي الشعب العلمنا ده ياااخ وبموارده ضربنا (اسبيشل) في ايامات الاثنين وشربنا لبن في المين.. واها في لحظة الشعب ده محتاج لينا مالك ياخ عاوزنا ننفنس لووووووول

وتحياتي واطالبك ان تعود الي البوست وتتفتش معاك صحبك شوقي يجي راجع يواصل

Quote: احمد التجاني ياخي الامام الخميني كان بدير الثورة الايرانية من المنفي وراشد الغنوشي وغيرهم وصالح سليم كان بحكم النادي الاهلي من لندن تسعة شهور قاعد هناك خلال السنة

Quote: حتى هذه اللحظة ما في اي علامة بتقول عندنا معارضة يقولوا عليها وقدر الفي دي فنيلة ما تغيرها

(عدل بواسطة عبدالكريم الامين احمد on 03-10-2011, 07:50 AM)

Quote: حكاية انو ماعندنا معارضة ده اول شي انا بختلف معاك فيهو ومن الضروري نثبت فهم مشترك وبحد ادني حتن بعدين لو عاوزين نصل لاتفاقيات بنكون منطلقين من ارضية (صلبة) وثوابت عشان ما نقوم سداري ساااكت.. بالتاكيد وعلي ارض الواقع هنالك معارضة ومعارضة تاريخيا انطلقت ضد هذا النظام ومنذ اليوم الاول وقدمت في ذلك تضحيات وشهداء ومعذبين ومشردين ومقطوعي الارزاق... وقدمت ايضا وثائق مكتوبة ومبذولة عن كل القضايا التي تهم السودان في كل المجالات السياسية والاقتصادية والاجتماعية وغيره من الاشياء التي تهم المواطن بجهد في معظم ادبياتها هو جهد في ظني علي المسوتي النظري جهد منهجي وبه مثابرة واضحة وايضا علي مستوي التنظيمي والاجسام المعارضة في تكوينتها ان كان ذلك في شكل احزاب او قوي مجتمع مدني او ناشطين كافراد ولهم في ذلك صولات وجولات ومعارك وحروبات مات من مات وبقي من بقي لا يزال يصارع من اجل قضايانا الاساسية كمواطنين... لذا وجب تثبت هذا الحق والوفاء يتوجب ان نقول كلمة (صدق) في حق كل سوداني اصيل قال لا في وجه من قال نعم في وجه هذه السلطة الغاشمة....!! بجيك للمحورين الباقيات

Quote: الشعب نام ليها في الخط تماما. لازم تعمل نقد ذاتي وتعرف

Quote: هل انت عاوز اتفاق علي (معارضة باليات علي ارض الواقع) ولا معارضة باليات عبر خطاب هنا في اسفير (الله اكبر ده).. لانو كلو بفرق وكلو ليه سكتو...؟؟؟

Quote: هلا يا شوقي.. ان كان الشتم لا يعيد حقوقهم فياتري يا شوقي ما الذي سيعيد حقوقهم..؟؟ دي الجزئية الناقين فيها احنا صفحتين ونص..

Quote: السودان به اكثر من 40 مليون نسمة الحلول يجب أن لا تكون فردية واستعادة الحقوق يجب أن تكون لكل الشعب السوداني عشان كده انا بقول الشتم لا يستعيد الحقوق فقط الاهداف الواضحة والخطاب الواضحة ما ممكن تقول يجب أن تغيير النظام عشان كم واحد عذب او قتل او فصل في كل البلدان تحدث التجاوزات والاخطاء .

Quote: في الوقت الراهن أن ما شايف اي جهة منظمة تستطيع تغيير النظام ، تعرف معناها داير ليك ذي عشرة سنة كده عشان ترجعوا لي صفية دي حقها.

Quote: فهمت من كلامكم انت وكيكى (لو كنت غلطان صلحونى) انه معارضة الكيزان تجب ما قبلها وعدو عدوى صديقى

Quote: انت تقريبا فهمتنا...فهمتنا (او كما قال بن علي) بس في شوية توضيحات.!!(حكاية عرض صحيفة كتابات سابقه ونقد قديم دي ما جزئية اساسية ومهمة من النقة المدورة دي علي الاقل في ظني انا) ركز لي علي بديلا للمعارضة النموذجية كما يراه او يود ان يراه.. فالكل هنا بقول هو معارضة وداير فيرشن بتاع خطاب معارض بمواصفات معينة... اوووكي المنتظرنها شنووووووو..؟؟؟

Quote: كلنا عارفين انو فى معارضين حقيقى لاعبين غلط شديد لكن هم ما اعداءنا الحقيقيين فى المرحلة دى لكنهم اعداءنا فى مرحلة قادمة

Quote: عشان كدا يا كيك اي زول كذاب افاك بذئ يحاسب اول باول عشان يكون في تيم مغبش ساي على الاقل

Quote: ياكيكي هلا ما قلت ليك ما بتقدر على كاتبي المفضال أبو الأشواق ؟ مويتو غريقة ياخ ولو قدرت عليهو البحر حايقوم ليهو شنب قلنا ليك الزول آدفايزر..آدفايزر.. يصيف ليك العجب العجاب حاتفضل تحفر في التراب ولسه برضو تجيك تراب . وما حتقدر بجيك راجع بعد إسبوع .

(عدل بواسطة عبدالكريم الامين احمد on 03-11-2011, 12:00 PM)

Quote: لانو يا عمك التغيير البنحلم بيهو ما تغيير (اشخاص) وما العشم انو يمشي البشير ويجي حاتم السر او ياسر عرمان او الصادق... العشم انو تمشي حاجات وتجي حاجات..

Quote: يا كيكي في هذه المرحلة تغيير الاشخاص ضروري جدا وخلينا نبدأ بالأحزاب الكبيرة 1- يتنحي السيد الصادق المهدي وتعيين دماء شابة على أن يكون الصادق المهدي اب روحي للحزب 2- يتنحى السيد محمد عثمان وان يكون اب روحي للحزب 3- يتنحي السيد محمد ابراهيم نقد وأن يكون فقط اب روحي للحزب 4- يتنحي السيد حسن الترابي ويكون اب روحي للجبهة الاسلامية

Quote: استاذ شوقي تحياتي ياخي ماعارف انت مصر على حكاية معارضة منظمة لتغيير النطام دي ليه ياخي والله والله النميري ماشالتو معارضة منظمة مظاهرة عفوية بدات يوم 26 مارس فى جامعة امدرمان الاسلامية تحولت بعد داك لباقى السودان وبعد تسعة ايام نميري كان فى خبر كان , بن على ماشالتو معارضة او احزاب منظمة شوية احتجاج على حرق مواطن انتقل لثورة رمت بن على فى جده مبارك ما شالوه حزب التجمع او الوفد المنظمين . واحد اسمه وائل غنيم من دبي حرك الشباب فى مصر عبر الفيس بوك جدع مبارك واسرته فى شرم الشيخ وهذا مايخشاه نظام الانقاذ واى نظام اخر حاليا ودمت

Quote: ومن الذي سيحاسب؟

Quote: ولكن من حقي اطالب واعمل حتي علي تغيير عمر البشير لانو رئيس دولة انا مواطن فيها وجاء ركب في راسي بالغصب والزندية.. واراك يا شوقي تستهجن رئيس حزب يدير شوون اعضائه فقط ولا يدير شوون كل البلد لمدة طويلة

Quote: والسبب الرئيسي في مكوث عمر البشير طوال هذه الفترة في السلطة هي دكتاتورية روؤساء الاحزاب

Quote: وانت يا ابو الاشواق لو داير الامنية دي تتحقق تمشي تخش الاحزاب دي كلها ودير تغيير من الداخل ...!! فاي نقة زي دي بتكون نقة (هلامية) وتحشر في اشياء لا ناقة ولا جمل بها...

Quote: يا سهام ويا كيكي احنا متفقين على ان المعارضة ما جسم واحد - صاح كدا وفي نفس الوقت بتطالبوا من ينتقد تصرفات المعارضين اللاأخلاقية أن يعرض صحيفته وسابق نقده للموالين و للحكومة قبل ان يتصدى لنقد تصرف المعارض أو أن يقدم بديلا مصحوبا بالعمل للمعارضة النموذجية الاخلاقية كما يراها ويود أن تكون يا اخوانا كان ياهو تلخيصي الفهمتو من كلامكم صاح قولوا لي عشان نمش خطوة لقدام وكان غلط عشان اعيد القراية

Quote: الناس المتخصصة فقط فى مبارات المعارضين الكذابين او الايوقيين والا السفهاء ديل بخلونى اتسأل ما الحكمة المرجوة وما الهدف؟؟؟

Quote: هلا يا سهام وده سؤال مهم واساسي وياريت نلقي ليهو اجابة تشفي غليلن

Quote: هلا يا بييير وتحياتي ومن امس جالسين القرفصاء ومنتظرين الاجابة من جماعات (معارضة المعارضة) حتي نري ماذا هناك ولكن يبدو بان الدوائر مشغولة.. وعموما سنتابع وسنكون في الانتظار حتي يحلو النقاش

Quote: وبعدين يا شوقي رجاء اخوي انك ترتقي بلغة الحوار وخلينا كلنا نحترم محاورينا اتفقنا او اختلفنا معهم..والسؤال موجهة لجماعة معارضي المعارضة وفل استووووووب ..!! والاخت الغالية سهام كتبت راي ولم تمارس ما وصفتها بهالذي علينا جميعا ان نساهم في ادارته بتقدير ووعي واحترام ...ولاشنو..؟؟؟ فهذا لا يليق يا شوقي علي اقل في هذا البوست

Quote: هلا يا ابو الاشواق.. وياخي ده كلام جميل كويس انو الزول بنتقد المعارضة ويقول في امرها بققم..!! ولكن المشين والغريب في الامر انو الزول القال بقممم ده لو مشيت في اقرب راكوبة كيزانية بتلقاهو (عاصر الفراش الكيزاني) وبوزع شاي وما تقدر نفرقو من بني كوز... ودي المشكلة والحكاية الجابت البوست ده ....؟؟؟