شوقي سليمان تعال علمنا ماسمتك النضال....!!

Quote: هنا ايضا يا شوقي دي واحدة من الجلاليب الفضفاضة التي تحاول ان تداري بها (زوغبيرك من دورك كمواطن ) والجلوس في منصة الامنيات.. والمعارضة ليس بجسم واحد ولا ينبغي لها ان تكون كذلك.. فهي افراد واحزاب وكيانات جهوية وقوي مجتمع مدني وكل زول شايت في الهدف الكبير وهو ازالة النظام ومافي جهة من الجهات دي لها الحق في احتكار حلقوم وصوت المعارضة في ادواتها وخطابها... واذا فسد حزب من الاحزاب لا يعني ذلك فساد المعارضة... فطالما تتمني انت تكون هنالك (معارضة قوية ) فلماذا لا تعمل ليها علي هذه الامنيات ولماذا تريد الاخرين ان ياتو في قطار الخامسة علي امنياتك وانت جالس وخالف رجل علي رجل وعامل (ميت)...!!

Quote: بس كنت دايرة تفسير من الاخ شوقى حسبى فهمى لكلامه اعلاه فهو مؤيد للانقاذ بغض النظر اذا كانت الانقاذ حسنة او سيئة حتى يستقيم خط سير المعارضة وتاتى بالبديل الاصلح

Quote: الإنقاذ برغم حرائقه هو أفضل من يحكم السودان

Quote: كيكى ياخ لكل انسان قناعات ورؤى تحدد له توجهاته السياسية

Quote: سؤال : هل أنت المرحوم بتاع الجامعة الأهلية ولا تشابه أسماء

Quote: الموضوع من ما تلقى داقي له الطار علي عجب وبيرفع بوستاته خالد العبيد وبيدعمه مثلا عاطف مكاوي...تعرف تماما انه متبنينه الشيوعين. وهذا الموضوع تحديدا متبنينه بعض الشيوعين وبعض الانصار !!و في الانصار حناح بنات الصادق المهدي!! وباقي الكمبارس بتاع الحاج وراق وقطاع الشمال جناح عرمان بالمنبر. شفته غياب خالد كودي وندى مصطفى قايلهم ما هم السايطين الفيلم ده؟؟؟ شوف يا حبيب انا ما عندي شيء شخصي مع ايا من هؤلاء.... لكن بختلف مع طرحهم وختلافي جذري وما بهظر فيه ولافي زول ممكن يجبرني اتحملهم باسم المعارضه ولا اسم اسقاط النظام. انت زول مسكين عديل يا محمد زكريا وربما عديل تنتمي للمدارس القديمه في اليسار وانا لا مسكينه ولا شيوعيه انا تقدميه وعارفه اني فايته الشيوعين ديل بهناك ومافي زول من حقه التنظير حول فهمي ولا ادواتي في مباطحة النظام . ضيقي الافق والعايزين يبقةزا اصنام جدد للشعب في اول اختلاف معهم تجبرأوا وقالوا تراجي امنجيه! هذا ما فعله الابله الحاج وراق من خلال باس ورد عبد المنعم سليمان. اها انا لما تصل الوقاحه لحد هنا ما عندي ليهم غير المكشن بلا بصل! ومحل الرهيفه تنقد!

Quote: انا اقول ليك حاجة السودان ما في اي معارضة إلا تولد من جديد ما في ولا حزب في السودان كلهم ديناصورات يلهثون فقط خلف السلطة حتى قوى الممجتمع المدني تعمل بصورة عشوائية وغير منظمة. يدي على يدك نعمل حاجة منظمة وبمهنية عالية جدا وبوعي شديد حتى تكون نواة لمعارضة ، أما الآن وللأسف الشديد لا في معارضة ولا أحزاب وقع ليك

Quote: أنا ود ام بعلو يا شوقي.. وبي سبب تعليقك ده حا أزايزيك لامن تعرف [ اللزاجة ] الإنت ناذرلها نفسك في البورد ده! وخت في بالك؛ كدي خليتني ندمت إني كنت السبب في تخوير بوست عنك البارح، حسبته كريه! من هسع، ولامن تبطل عولاقك ده، ياني الوراك.. يا شوقي يا ابن سليمان..

Quote: حااكون لحوحة شوية بس دايرة تفسير خصوصا الكلمة بالاحمر

Quote: هلا يا شوقي وده كلام ايجابي وممكن يودي لينا الكورة لقدام.. وانا بقترح انو نبدا من الفضاء الاسفيري في سودانيز ونوقف اولا (المد الانقاذي) وعدم دعم ومساندة خطابهم وما نعمل ليهم دروة...لو موافق معاي علي الجزئية دي فاخوك حيكون متحمس ومتحمس جدا للعمل معاك ومع اي زول هنا للمساهمة في عمل معارض نقلل فيه جميعا (الاخطاء والسلبيات في الخطاب المعارض في سودانيز) او في اي حتة تاني... ندين الخطاب الشين والكعب ده بيد وباليد الثانية نضرب الكيزان من شايعهم ضرب غرائب الابل.. فهل موافق علي هذا (الاوفر)..

Quote: الإنقاذ لديها بعض التجاوزات الخطأ وهناك بعض أنواع الفساد

(عدل بواسطة عبدالكريم الامين احمد on 03-02-2011, 09:34 AM)

Quote: دخلت هذا البوست علي توقع مني بان الاخ شوقي كتب كلام سابق وفي هذا البورد وتريد اخي عبدالكريم مناقشته فيه ,, ولكني وجدته بوست استجواب للاخ شوقي بل ومحاولة تجريمه اذا كان ينتمي للانقاذ !! ارببأ بك يا كيكي ان تحاكم الناس علي افكارهم لان رائت كثير مما تكتب وتدعو الناس لاستعمال عقبلهم بدل سجنه .. سلامي للجميع ..

Quote: حمدو في بطنو معقوله بس يا كيكي تفتح بوست لشوقي ؟؟؟!!!!!!!!!!!!!!!

Quote: ولايزال البوست ليله يحبو..

Quote: الاخ محمد عبد الرحمن أتمنى أن لا تكون فهمتني غلط

Quote: تعليقي على الحتة بتاعة النضال بدون نبذ و خروج على النص و اضفت ليك بدن كذب و تدليس غير قرايتك لمواقف شوقي التي تراها مؤيدة للإنقاذ هل تراه على خطأ في نقده للنبذ و الخروج على النص ؟

Quote: انا لا اتفق معك في هذه الجزئية الإنقاذ حزب ليه إنت تضيع وقتك في تحجيم الإنقاذ ياخ الوقت البتحجم بيهو دعه إنطلق بيهوا إنت وتجاوز الإنقاذ ، ماذا تعني بمساندة خطابهم واي دروة هذه انا شخصيا اي حاجة صاح بشيد بيها من الإنقاذ ولا غيروا وأي حاجة غلط بشجبها من الإنقاذ ولا غيرو . إذا كنت بصدد عمل معارض ناجح لا تلتفت للإنقاذ في هذه المرحلة التفكير يكون فقط في عمل معارض ناجح وكسب مصداقية عامة الشعب صدقني لو فكرت في تحجيم الإنقاذ وده الشئ البتعمل فيهو المعارضة الآن باكاتك راح تتجهجه

Quote: لا يا كيكي الاقصاء ما كويس والنقاش هو البوصل الناس لنتائج واقعية

Quote: والدهم حسن سليمان الله يرحمه حيا او ميتاعاش في منطقة اربعة وعشرين القرشي وكان من اميز رجال المنطقة هناك وهذه الاسرة كان معروف عنها الكرم والشهامة والى يومنا هذا

Quote: انا ما قلت ودخالتى يا كيكى عشان تعطف عليه ابدا اقنعه..الولد كويس بس داير نفض ودى على راى الميكانيكية.. ما داير اقول ليكم صغير فى السن لكن ما كبير لما لحق عهد الشارلستون والون مان شو.. لكن انا مبسوط جدا لكل ما يجرى هنا... انا ما حا اتدخل الا فى حاله واحده مع انى اثق تماما انه ما حايصلها لانى مقتنع جدا بحسن تادبه كما اعرفكم دايما ما يسبق عفوكم ذنب اخوانكم الصغار.. ود خالتى كلام اعمامك ده ما ترميه واطه ابدا... بل تبصره بعينى صقر،واقراه بحب ،قطعا سوف تصل الى بر آمن. فانا اعرفك واعرف مقدار تجربتك تماما وما داير اقول ليك

Quote: هلا يا العوض وليك رد مع الاعتذار للاخوة اعلاه..\ ايووه يا العوض الانتماء للانقاذ جريمة وتاييد الانقاذ هي ايضا جريمة اخري اكبر حسب اعتقادي.. وان ثبت بان شوقي واو غيره منتمي للانقاذ او مويد لها فيجب قبقبته ومسالته عن كل المظالم والجرائم التي قامت بها الانقاذ علي المستوي الشخصي او علي المستوي العام في السودان... لانو يا العوض ما ممكن ياتي من اقصي المدينة من يصفق لسلطة (تمنع حرية الفكر وتقتل) ويتجول ويدعم هذه السلطة في محفل به (قدر من الحريات) ثم تتركه دون (مرازة) ... هل يستقيم ذلك يا حاج

Quote: المفروض انت كمعارض ما ليك اي دعوة بالزول البعارض الإنقاذ

Quote: الكذب و التدليس و الشتيمة وغيرها نقائص انسانية مفروض رفضها يكون مطلق أيا كان موقف صاحبها نقدها بدون تقديم بديل لمعارضة الحكومة لا يخرجها من دائرة النقائص أو يبررها و يجعلها سلوكا مقبولا مثالك بتاع نافع ببساطة تقول ليه يا نافع كلامك صاح لكن انت ما مؤهل للنقد دا لأنو شفناك مبادر وذو باع فيما تنتقده هنا ما عايز اظلمك وواقراك غلط يا كيكي لكن هل انت تدافع عن الكذب و التدليس كوسيلة مقبولة لمعارضة الظلم ؟ أم ترى ان لا غضاضة في تفويتها و عدم الوقوف عليها طالما جائت من معارضين (شرفاء) و في اطار نسب الموبقات للنظام ؟

Quote: وازيدك من الشعر كم بيت كده (حتي المعارضة التي تسلك هذه الوسائل) لا تمثلني ولا اعتقد بانها هي المعارضة (فقط).

Quote: بما ان شوقي سليمان محامي يسعي لاظهار الحقيقة دوما ، أضف بوست شوقي سليمان لمحور النقاش هنا ، حتي نعود !!البنك الإسلاني السوداني وذبح صغار الموظفين لصالح كبار الموظفين

Quote: يا ممراح حقو تختم البوست وتشوف لينا (نيو براقراف) خلاصتي كالاتي بعد الاطلاع علي الاوراق والمستندات اتضح لنا انه يعاني من اربعة صلايب جبهة اسلامية

Quote: يا مها سؤال : إنتو قضية صفية تركتوها خلاص تجابه مصيرها وقررتوا تقبلوا علي ولا الحاصل شنو .

Quote: اسع انا قائل روحي جيت في حمامة مع السلامة وظللت جوك الغمامة . . كيكي سلامات وشوقي سلامات وكذلك الحضور . . انا بعرف اسرة اخونا شوقي سليمان كلهافردا فردا عدا شوقي لم التقيه نسبة لصغر سنه على ما اعتقد او ربما يكون خارج البلاد من زمن طويل ... اترددت في صغر السنة من حكاية الخنفس والشارلستون والريحة الكارينا لووووووووول اسرته من الاسر العريقة والمحترمة جدا وهي اسرة ختمية على ما اعتقد وكلهم مهذبين وراقين ويجبوروك على احترامهم والدهم حسن سليمان الله يرحمه حيا او ميتاعاش في منطقة اربعة وعشرين القرشي وكان من اميز رجال المنطقة هناك وهذه الاسرة كان معروف عنها الكرم والشهامة والى يومنا هذا واتمنى من الاخ شوقي الا يضل الطريق ويطلع العالي ويتدلى بالدقداق

Quote: - وقبل الخروج من المنزل عليك أن تقرأ أذكار الصباح ودعاء الخروج من المنزل - تقرأ دعاء السفر وجميع سور الجهاد في سبيل الله - اجمع اطفالك جميعا وأمهم وأحضنهم جميعا وودعهم وداع حار جدا لأنوا احتمال كبير جدا وبعد خروجك في هذا الصباح الباكر قد لا تعود لهم إلا بعد سنة أو أكثر كما حدث مع زميلكم عباس إن كنتم لا زلتم تذكرونه . - لا تنسى أن توصي زوجتك على أطفالك وإن كان هناك فائض فلوس أن تضعه في يدها يعنى بإختصار أن تكتب وصيتك. - وإنت خارج يجب أن تلغي نظرة على جميع من حولك أطفالك زوجتك الشارع الجيران لأنك قد لا تعود مرة اخرى إلا بصحبة المتحري لتفتيش منزلك. - ما تنسى تشيل معاك غيار حتما ستحتاجه.

Quote: المقتبس أعلاه من حديث شوقي سليمان لموظفي البنك الإسلامي السوداني ، ما عرفت الموظفين ديل ما شايلين معاهم قنابل ولا مدافع رشاشة ! ( ماثمتك )النضال عند شوقي سليمان كالآتي : ( يجمع ما يروق له من أدوات النضال إذا ظُلم أحد قريبه و ( يطرح ) الباقي !! يقسَم المواقف بين معارض للحكومة + معارض للمعارضة = نوع فريد ونادر من أنواع معارضة كـلب السُرة

Quote: متابعة باهتمام شكرا امبراطور الاسافير كيكي التفكيكي وانت تدير حوار بكل مهنية وطولة بال وادب الاختلاف . وللاخ شوقي التحية .....والاحترام

Quote: ذلك.... لانك راجل محترم

Quote: بعد الاطلاع علي الاوراق والمستندات اتضح لنا انه يعاني من اربعة صلايب جبهة اسلامية

(عدل بواسطة doma on 03-03-2011, 11:51 AM)

Quote: والبوست في جزئيات منه ينظر للاطروحات التي يستند عليها (ناس المساطب الوسطي) في تاييدهم (الجزئي) للانقاذ الذي يمكن ان يتحول الي (تاييد اعمي) في احيان كثيرة...

(عدل بواسطة عبدالكريم الامين احمد on 03-06-2011, 08:58 PM)

Quote: كل من لديه راي في اداء المعارضة علي مستوي المنبر ويعتقد بانه ايضا معارض فليقدم البديل... وحارب الانقاذ بما يراه مناسب ويليق.. ولكن لا يوبد الانقاذ ويعمل معها في خندق واحد ويتبني اطروحاتها ويتلصق في ود باوقتها او في عصام دهبها او مكاشفيها.... دي فكرتي

Quote: ديل برضوا شخصيات تمجد هذا النظام المجرم وفي نفس الوقت يدعون الحياد. في معظم الحالات لا يفتحون بوستات ولكنهم يساعدون الكيزان في مواقفهم بهذا البورد. دي أمثلة سريعة طبعا.

Quote: عشان كدة من وجهة نظري الخطاب كلو لازم يتغيير وقبلو لازم تتغير الرموز الفقدت الثقة والأهلية في مخاطبة الناس ، لابد من دماء جديدة وطريقة مغايرة للكلام مع الناس ..، الثورات النجحت السبب الرئيسي فيها أنها كانت عامة وخطابا السياسي ما موجه ودي التميمة الماقادرة تلقطا معارضتنا ..أو هكذا أدعي ..

Quote: بعدين ليه نحن ما نكون ديموقراطيين ونتيح لكل عضو تمجيد او الوقوف إلىى جانب من يريد

Quote: الا تتفق معي أن هذه حرية شخصية في أن يختار الشخص من يعتقد أنه انسب حسب وجهة نظره حتى يأتي من يقنعه بأجندة اخرى وواضحة بأن من تؤيده يسير في طريق خطا والدليل كذا وكذا وعليك أن تؤيد هذه الفكرة عشان كذا وكذا ، المساطب الوسطي يا كيكي فيها الملايين أو قول السواد الاعظم الخطاب الواضح الممنهج هو الشئ الوحيد عن طريقه تستطيع جذبه نحو فكرة مختلفة قد تكون الافضل لهم.

Quote: وكلامك الفووق ده خطير جدا يا شوقي.. ولانو فيهو ابتزال لماهية الديمقراطية ومحاولة تلبيسها ما لاتلبس علي الاطلاق.. كيف تسمي من يساند قامعين حريات الاخريين بانها ديمقراطية..؟؟ وعشان نكون فعلا ديمقراطيين مفروض حرية التعبير دي نطالب بيها هنا في الموقع وعلي ارض الواقع ضد الكيزان ولمن تجي الديمقراطية الحقيقية في ارض الواقع تعال قول رايك بكل حرية وفوووق راس كل زول ولكن بصورة تحترم حق الاخريين في قول رايهم...!! ولكن ان تعبر عن راي يمجد (القتل والقمع والتعذيب) وتسمي هذا ديمقراطية فهذا امر عجيب وغريب ولاشنوووووو..!!

Quote: وهنا يا شوقي مختلفين تمام الاختلاف.. ومافي شي يدعو للانتظار حتي ياتي شخص او حزب من اقصي المدينة حتي يوريك حقك ووين.. وطالما انت شايف بلدك يتفكك ويتمزق وينهب الانتظار لزومو شنووووو..؟؟ وليه في الاساس انا كمواطن عندي دوري مهما كان حجمه او تاثيره انتظر حزب او اي زول تاني يجي يقنعني.. طالما ان حاسي بالظلم وحاسي بالقضية الاساسية بتاعتي وبتاعة اهلي وبتاعةوطني والهابشاني انا في روحي دي

Quote: المشكلة أن المواطن لا ينظر بمنظارك وقد ما يكون شايف اي نهب ، وصدقني الشعب لو كان شايف الإنت شايفوا ما كان انتظر كل الوقت ، التوجيه والإقناع شئ طبيعي لتحويل البوصلة

Quote: اما انا فجابتنى مداخلاتك البتورم مصران اى زول مش لانها ضد قناعاتى فقط لانى بحس مرات بتنظر من هو كاتب البوست فان كان انقاذى ذدت عنه وان كان من مناضلى الكيبورد كما تسموهم تشوت ضده وهذا عيب كبير.. بختك ود خالتى اشتهرت مش قلت ليك عمك ده ما بديك عوجه!!

Quote: المشكلة أن المواطن لا ينظر بمنظارك وقد ما يكون شايف اي نهب ، وصدقني الشعب لو كان شايف الإنت شايفوا ما كان انتظر كل الوقت ،

Quote: يا مها سؤال : إنتو قضية صفية تركتوها خلاص تجابه مصيرها وقررتوا تقبلوا علي ولا الحاصل شنو .

Quote: مثلا قضية صفية انا ادين قضية إغتصابها وبشدة لكن ادين الآلية التي اتخذت لإرجاع حقها المفقود، ولي وجهة نظر في أن هناك طرق يجب أن تتبع لإستعادة حقها الضائع قد تكون وجهة النظر هذه صحيحة وقد تكون خطأ. وبفتكر الردود في هذه الحالة هي يجب أن تكون نقد الاسلوب ، وليه دائما إذا لم تتفق وجهات النظر طوالي الزول يطلع امنجي وغير شريف الخ.