حوار هادئ جدا تنوية: لكل المتداخلين هنا بعيدا عن إسقاطات السياسة والخلافات التي ملينا منها..يمنع العنف اللفظي فقط حدنا الحقيقية العلمية في مسألة السدود والضرورة الاقتصادية ونقاش عن رفضنا للسدود ومباركتكم لها
ممكن يا ميادة؟؟ بما انك قلتي نعم في الاستبيان ...نشوف ليه انتي قلتي ايوا وأنا قلت لأ...ونخلي الحقائق يحكموا فيها غيرنا؟؟
لو رفع البوست أزعجك قولي ما عايزة ...بطلب من بكري سحب البوست
12-28-2010, 06:56 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
ممكن توسع الحوار يا أمر و تخليه بين كل مؤيد لقيام السدود و رافض ليها أنا كنت جاي اصوّت بنعم لقيت شرط النوبة فقط وأنا هافكاست قلت يقوم واحد يحرجني , فخلينا ندوّر معاك هنا لو امكن
أتمني صادقاً أنو الحوار ده يمش لي قدام وياريت برضو يا ودالبشري تورينا انت مع السد لي شنو ؟ معاك في الخطأ الغير مقصود بتخصيص البوست للنوبيين لاعتقادي كذلك انو الموضوع بيهمنا كلنا كسودانيين وان كان المتأثرين بالموضوع ده شعب النوبة ,
المكرفون معاك ياودالبشري مع تحياتي لك ولميادة كمال ولقمر
12-28-2010, 07:18 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
كنت ح اصوّت بنعم مش لأني مع قيام السد تحديدا لكن لأنو الاستفتاء ما فيه خيارات تانية فكرتي ان قضية مثل قيام سد لا يجب ان تعامل كقضية سياسية قيام أي سد دا مشروع فني في المقام الأول له ايجابيات كما سلبيات فالنقاش حوله و تقييمه قبل اتخاذ القرار يجب ان يكون فنيا فقط ما معناة كلامي دا اغفال الجوانب و الآثار الإجتماعية و البيئية بل هي من صميم الشأن الفني و المطلوب دراستها و تحليل النتائج المتعلقة بيها بصورة وافية قبل اتخاذ قرار دي واحدة و التانية وهي الأهم في رأيي صاح السدود المقترحة في اراضي النوبة لكنها ارض البلد كلها قبل ان تكون ارض جزء معين من شعبه و النظرة ليها على الاساس دا هي الخلقت الاشكال و ادت الموضوع بعد سياسي و خلقت صراع في غير مكانه اي مشروع في الدنيا فيه متأثرين حتى لو شق طريق في حلة و الشي الطبيعي و السليم ان يتم تعويضهم بطريقة مرضية لأن الفائدة المتوقعة للمشروع - بعد تأكيدها بالدراسات الفنية - ستعود على الجميع بما فيهم المتأثرين
كلامي كلام عام و ينطبق على قيام اي سد في اي مكان بافتراض اتباع الخطوات السليمة منذ الدراسات و اختيار المنطقة و التعويض و انتهاء تنفيذ المشروع فالرفض لقيام مشروع تنموي ومفيد للبلد كلها مثل السدود لا يجب ان يستند على فكرة مثل انو دي منطقتنا فقط
12-28-2010, 07:08 PM
حذيفه ابراهيم الكباشي حذيفه ابراهيم الكباشي
تاريخ التسجيل: 06-08-2008
مجموع المشاركات: 1884
العزيز القمر بوبا - تحياتي أحي نهجك الموضوعي وأسلوبك الراقي
Quote: بما انك قلتي نعم في الاستبيان ...نشوف ليه انتي قلتي ايوا وأنا قلت لأ...ونخلي الحقائق يحكموا فيها غيرنا؟؟
...نشوف ليه إنت قلت لا? خلينا نسألك - كمتأثر مباشر بقيام السد :ماهي أسباب رفض السد وماهي مضاره? وهل يمكن تلافي السلبيات وإستمرار مشروع السد? في رأئيك ماهي الاسباب غير المعلنة لقيام السد?
وماهي دفوعاتك وتفنيداتك للوجهة القائلة بأن السد سيجلب تنمية ورخاء-للسكان وللبلد بصورة عامة; مياه/كهرباء/الخ ,,,,,,,,,بالمناسبة الإسئلة دي عامة برضو.....
12-28-2010, 07:45 PM
خضر حسين خليل خضر حسين خليل
تاريخ التسجيل: 12-18-2003
مجموع المشاركات: 15087
سلام لصاحب البوست وضيوفه. كان شرط النوبة في بوست التصويت لسببين.. اولا لان معظم قطاعات الشعب السوداني ما شغالين بموضوع السدود وما يجري للنوبين في الشمال. ثانيا لن بعض مؤيدي السدود شككو في ان الغالبية العظمي من النوبيين يرفضون السدود ويروجون الاكاذيب للحكومة لتنفيذ السدود. وبوست الاستفتاء فتح هنا بالتزامن مع فتحها في معظم المنتديات النوبية. وعقبال استفتاء تقرير المصير قريبا.
اما لماذا نرفض هذه السدود فاليكم هذه الفقرة من مقال كتبه المتخصص ومهندس الري الاستاذ المفكر النوبي مصطفي شلبي ضمن مقالات نشرت هنا قبل فترة...
فقرة من مقاله السابع...في هذه الفقرة يتحدث عن فكرة الحكومة لانشاء اربعة سدود الشمال بالاضافة لسد مروي..
الطاقة الانتاجة الحالية للكهرباء تتيح للمواطن السوداني 100 كيلوات ساعة سنويا من الطاقة الكهربائية، وهذه الكمية تكفي فقط لانارة لمبة صغيرة,40 شمعة، 6 ساعات في اليوم لمدة سنة. بعد اكتمال سدود الشمال سيرتفع الرقم الى 220 كيلوات ساعة في السنة، أى أن المواطن سيكون موعود بانارة لمبة أخرى. الانتاج الحالى من الكهرباء يجعل الفرد في السودان من أكثر الناس في العالم افتقارا للطاقة الكهربائية، فمصر مثلا نصيب الفرد فيها يقدر ب (1,300)، ويرتفع ذلك في السعودية الى (6,600)، قطر (16,600,) ، وآيسلندا (28,000)، ويبلغ متوسط استهلاك الفرد في العالم (4,000) كيلو وات ساعة، أى 40 ضعف نصيب المواطن السوداني. هذه الأرقام توضح بعد الهوة بين واقع انتاج الكهرباء في السودان والمتوسط العالمي، أو حتى الاقليمي، فلكي نماثل مصر نحتاج ل4 أمثال سدود الشمال مجتمعة، ولكي نصير مثل السعودية نحتاج الى سدود تساوى سدود الشمال مجتمعة 25 مرة، اما اذا تطلعنا الى المعدل القطرى فسوف نحتاج الى بناء سد في كل قرية ومزرعة في المساحة الممتدة من الخرطوم الى حلفا، وهذا غير ممكن علميا وعمليا وماديا. من ناحية أخرى نجد أن نسبة الكهرباء المنتجة من سدود الشمال عند اكتمالها جميعا تساوى حوالى 20% من مجموع الطاقة الكهربائية المنتجة سنويا، سوف تتناقص هذه النسبة لأن التوليد من سدود الشمال ثابت على المدي القصير ومتناقص على المدي الطويل ليتلاشى بانتهاء العمر الافتراضي للسدود والمقدر ب50 سنة، بينما التوليد من البدائل الأخرى متزايد ولا تحده حدود. فاذا افترضنا أن السودان سوف يحقق متوسط الاستهلاك العالمي في الكهرباء وهو 4,000 كيلوات ساعة، كما تخطط الهيئة القومية للكهرباء في العام 2030، فسوف تساهم سدود الشمال بأقل من 5% من الكهرباء المنتجة. أى أن هذه السدود سوف تحقق انجازا مؤقتا تتلاشى أهميته مع الزمن، بينما تبقي آثاره التدميرية مدى الحياة.
للاطلاع علي مقالات الاستاذ مصطفي...اليكم الرابط ادناه..
مشاريع بناء سدود على نهر النيل لإنتاج الطاقة الكهربائية تشرد آلاف السكان وتقضي على معالم أثرية فريدة
سودانيون وسياح أجانب ينظرون إلى سد مروى في جنوب السودان (أ.ب)
الخرطوم: إسماعيل آدم مشروعات معتمدة ومقترحة من قبل الحكومة السودانية، لإقامة عدد من السدود المائية على نهر النيل، خاصة الشق الشمالي منه، جعلت من هذه المناطق موضوعا لعناوين الأخبار في وسائل الإعلام، بما ظلت تنتجه هذه المشروعات، في الأعوام الأخيرة، من توترات تطورت بعضها إلى صدامات دامية بين الشرطة والمواطنين المناهضين لإقامة هذه السدود، الذين يطلق عليهم في منابر السياسة السودانية، ووسائل الإعلام المحلية، «المتأثرين». وأحصي عدد قتلى هذه الصدامات في فترات مختلفة على ساحة أكثر من سد من هذه السدود بثمانية أشخاص، من بينهم قيادي في حزب المؤتمر الوطني الحاكم وأحد قيادات المؤيدين لمشاريع السدود الذي تعرض للاغتيال. كما تعرض موكب أحد حكام ولاية في شمال السودان أثناء جولة ترويجية لأحد السدود إلى هجوم استهدفه هو شخصيا، ولكنه نجا «بأعجوبة»، حسب شهود عيان، فيما أصيب ضابط كبير في الشرطة في الحادثة إصابة وصفت بأنها «متوسطة». ظلت الأوضاع هكذا توصف بأنها مشحونة بالتوتر منذ عام 2006. وتتضارب في العاصمة الخرطوم التقارير حول عدد مشروعات السدود المقترحة على نهر النيل. وفيما يتداول خبراء في المنابر بأن الحكومة تنوي إنشاء 10 سدود في شمال السودان أغلبها على نهر النيل، يرى آخرون أن جملة السدود المقترحة عددها 23 سدا في كل السودان. وترى الحكومة أن السدود من شأنها أن تغير حياة الناس على شريط نهر النيل، الذين يفوق عددهم المليوني نسمة. وتقول إن حياتهم ستتغير نحو الأفضل، بتوليد طاقة كهربائية إضافية وممارسة أنشطة جديدة مثل صيد الأسماك، ومضاعفة الرقعة الزراعية. ولكن المعارضين يقولون إن سكان هذه المنطقة، سيضطرون إلى النزوح بفعل غمر مياه النيل لعشرات القرى. وتقدر دراسات بأن المتأثرين من هذه السدود يفوق الـ500 ألف نسمة. كما يقول خبراء آثار في السودان، إن المنطقة التي يقيم فيها السكان منذ حوالي 8000 عام، ستفقد المئات من المواقع الأثرية في النوبة القديمة، من بينها أهرامات شهيرة. ويرى المناهضون لهذه المشروعات أنها مشروعات لفرض التنمية بـ«القوة»، ويلمس كل من أتيحت له الفرصة لزيارة مواقع السدود، جدلا مستمرا بين الرافضين لها، والمؤيدين. وتبدو علامات الرفض في شكل كتابات على جدران المنازل. وفي إحدى المناطق المقترحة لإنشاء السدود، رسم على حائط بندقية من طراز كلاشينكوف كتبت تحتها عبارة: «دارفور 2»، في إشارة توحي بأن التوترات التي تحدث بين السكان والحكومة في الشمال بشأن إنشاء السدود على نهر النيل قد تفجر الأوضاع هناك على شاكلة الأوضاع في دارفور المضطربة منذ عام 2003. وهناك تصريحات لقيادات المناهضين تصب في هذا الاتجاه، حيث قال أحدهم في احتفال كبير في الخرطوم إن الأهالي يرفضون تماما بناء السدود، وإن أرادت الحكومة المضي في تشييدها، فإن السكان هناك «على أتم استعداد لتقديم أرواحهم دفاعا عن حقهم المشروع في البقاء على أرضهم للحفاظ على إرثهم وتاريخهم وهويتهم». كما اعتمدت مجموعة نوبية تطلق على نفسها «حركة تحرير كوش» خيار العمل المسلح ضد الحكومة لمنعها من إقامة السدود، ونسب إلى رجل أعمال سابق ومؤسس في حركة تحرير كوش، قوله إن جهودهم ومساعيهم لن تنجح إذا لم يسندها عمل عسكري. وقال أحد قيادات المتأثرين لـ«الشرق الأوسط»: «لقد قتلونا المرة السابقة ولكن لن يتكرر الأمر بسهولة، في إشارة إلى مقتل مواطنين في صدام وقع بين الشرطة ومناهضين لإنشاء أحد السدود في شمال البلاد». وتتهم قومية النوبة في شمال السودان الحكومة بأنها تسعى من خلال هذه المشاريع إلى تبديد قوميتهم، ويستدعون في هذا الخصوص، ما يعتبرونه محاولة «التبديد» الأولى لهم عندما أقامت الحكومة المصرية «السد العالي» الذي يعرف بأنه أكبر سد مائي على نهر النيل على الحدود الجنوبية مع السودان. وقد أدى ذلك إلى تهجير الآلاف من قومية النوبة في السودان جنوب السد، المعروفين بـ«الحلفاويين». وقال عثمان إبراهيم سكرتير لجنة مناهضة سد مقترح على نهر النيل في أقصى شمال السودان باسم سد «دال» في هذا الشأن لـ«الشرق الأوسط»، إن سدود الشمال مؤامرة على «النوبة». وآخر أحداث وتوترات السدود المائية في السودان، أن قامت مجموعة من المتأثرين بقيام سد جديد يبعد نحو 400 كيلومتر شمال الخرطوم، عرف بسد «الشريك» نسبة إلى منطقة «الشريك» الزراعية، باغتيال أحد قيادات الحزب الحاكم، حزب المؤتمر الوطني، وأحد أبناء المنطقة المؤيدين لقيام السد، ليلا داخل منزله. سجل البلاغ في البدء ضد مجهول، ولكن بعد تحقيقات واسعة أجرتها الشرطة السودانية، ألقي القبض على الجناة، وعددهم ستة أشخاص بينهم أفراد من عائلته، ولكنهم من المناهضين لإقامة السد. ولأكثر من أسبوع، ظلت ثماني مناطق أساسية ضمن المواقع التي من المحتمل أن تتعرض للغرق بسبب قيام السد، تعيش أجواء حرب، حيث نشرت الحكومة قواتها المختلفة في المنطقة «من أجل ضبط الجناة والمشاركين معهم من ناحية، ومن أجل حدوث أية اضطرابات محتملة في المنطقة بسبب حادثة الاغتيال بين المؤيدين والمناهضين من السكان»، كما قال لـ«الشرق الأوسط» مسؤول في الشرطة السودانية تحدث حول الأزمة في «الشريك». وبدأ سد الشريك كدراسة عام 1994 من حكومة «ولاية نهر النيل»، شمال الخرطوم، لإقامة السد لتوليد طاقة كهربائية قدرها 60 ميغاوات، لسد النقص في الطاقة الكهربائية في الولاية، على أن يتم تمويل المشروع من ضرائب محلية تفرض على سلعة السكر. ولكن المشروع توقف لسبب ما، طبقا لتعبير دراسة متداولة في الخرطوم حول آثار قيام سد الشريك، وهي الدراسة التي يلاحظ أنها معتمدة، بصورة واضحة من قبل المناهضين لإقامة سد الشريك. وتقول الدراسة إن المشروع أعد بارتفاع منخفض لا يتسبب في غرق المنطقة «من منازل ومزارع»، كما صمم المشروع، حسب الدراسة المتداولة على نطاق واسع، بشكل يحمي جروف النهر من «الهدام»، أي تآكل الجروف بسبب الفيضان الشديد للنهر بالمياه. وفي عام 2006 دفعت إدارة حكومية معنية بالسدود في السودان «وحدة السدود»، وهي تتبع لرئاسة الجمهورية، بدراسة جديدة جاءت بإنتاجية جديدة للسد قدرت بـ 420 ميغاوات مع غمر كلي من محور السد صفر إلى مسافة 86 كيلومترا جنوبا، تشمل قرى ومدنا واقعة بين قرية الطرفاية شمالا، وحتى قرية واوسي جنوب مدينتي البقاوقة والعبيدية على ضفتي نهر النيل. وغمر جزئي يشمل مناطق كدباس والغبش وبربر وغمر الجزر والمزاع حتى محلية «أبو حمد». غير أن دراسات أخرى رسمية متداولة تقول إن السد يتوقع أن ينتج طاقة كهربائية من السد تتراوح ما بين 300 و350 ميغاوات. وعدم وجود رقم محدد للطاقة الإنتاجية يجعل المتأثرين يتشككون في أن هناك أشياء سرية بشأن السد لا يعرفها السكان، حسب قول ياسين عمر حمزة رئيس اتحاد المناهضين لإنشاء السد، الذي تحدث لـ«الشرق الأوسط» حول الموضوع. وقال: «نحن نعاني من عدم وضوح الأمور بشأن السد».
ويرى منتقدو المشروع، أن السد لا يزيد الرقعة الزراعية بل يغمر ما هو موجود، وهو «الأخصب والأجود»، كما يقولون. وطبقا للدراسة المتداولة، فإن المتأثرين بالسد يبلغ عددهم نحو 240 ألف نسمة في مناطق تعتبر ذات كثافة سكانية عالية في الشمال، وسيكون مصيرهم التشرد. وقال حمزة رئيس اتحاد المناهضين لإنشاء السد لـ«الشرق الأوسط» «إن أغلب سكان الشريك ضد هذا المشروع»، ويرون أنه فقط «مشروع تشريد لهم من مناطقهم الأصلية». ويطرح المناهضون للمشروع في الشريك، جملة توصيات في مذكراتهم المرفوعة لعدد من الجهات والمستويات الحكومية، من بينها: إلغاء المشروع تماما، لعدم جدواه الاقتصادية والاجتماعية، وإقامة بدائل تنموية أخرى في المنطقة، مثل إقامة مشاريع زراعية جديدة على ضفتي النهر. ولكن المسؤولين في الحكومة يصرون على إقامة المشروع. وقال والي ولاية نهر النيل الدكتور أحمد مجذوب الذي يعرف بأنه من المتحمسين لقيام المشروع، إن المعمل ماض لإنشاء السد، وإن «أجهزته تباشر الآن عمليات حصر السكان الذين سيتأثرون بقيام السد، تمهيدا لتعويضهم عن الخسائر التي تلحق بهم». ولكن مسؤولا في وزارة المالية السودانية طلب عدم ذكر اسمه، قال لـ«الشرق الأوسط» إن سد الشريك قد لا تجد له الحكومة التمويل في القريب العاجل في ظل استمرار الأزمة الاقتصادية وتأثيراتها على فرص الحصول على قرض من الدول والصناديق التي كانت تنشط في مثل هذه الأنشطة. وأضاف: «سيستمر الصراع على المنابر والورق ولكن التنفيذ سيأخذ وقتا طويلا.. هذا إذا ما سمحت الظروف أصلا بالحصول على التمويل».
وتمضي الدراسات بحذر شديد في منطقة كجبار التي تقع على بعد 350 ميلا إلى الشمال من العاصمة الخرطوم، لإنشاء سد مائي على نهر النيل باسم «سد كجبار لتوليد الكهرباء، وسد آخر باسم دال إلى الشمال من كجبار، قبالة منطقة دال على بعد 100 ميل على الحدود مع مصر». وفي عام 2007، توترت المنطقة إثر وصول فريق حكومي لإجراء دراسات ميدانية حول السد، حيث اعترض المناهضون سبيلهم، واستنفروا قوتهم وخرجوا في مظاهرة غضب، جابت العديد من القرى، ودخلت في صدامات مع الشرطة، أسفرت عن مقتل أربعة أشخاص برصاص الشرطة، وجرح آخرين.
ويرى المسؤولون في الحكومة أن المناهضين لقيام سد كجبار انحرفوا بالقضية من جدواها الاقتصادية والاجتماعية إلى أمور سياسية. ويصنف مسؤولون في الحكومة ومؤيدون لمشروعات السدود مناهضي السد إلى مناهضين سياسيين.. وهم موجودون بيننا وفي الخارج، وفئة واقعة تحت تأثير الترغيب، ومجموعة متخوفة فقط من قيام السد. ولكن عثمان إبراهيم ينفي ذلك جملة وتفصيلا، ويقول: «سدا كجبار ودال يفقدان المنطقة نحو 970 موقعا أثريا في شمال السودان تعود إلى نحو 7 آلاف عام.. سيتم غمرها بمياه السدين». ويسود الهدوء منذ أكثر من عام منطقتي مشروعي سدي كجبار ودال، ولا يلاحظ السكان أي وجود حكومي في المنطقة يشير إلى عمل في اتجاه إنشاء السد، ولكن الحرب حول إنشاء السدين مستمرة بين المؤيدين والمعارضين في الندوات، التي تنظم في الخرطوم ومدن شمال السودان بشأن القضية، وعلى صفحات مواقع الإنترنت التي تهتم بالشؤون السودانية، ومواقع أنشاها المناهضون لهذا الشأن. ولا يقدم المسؤولون في الخرطوم إجابات قاطعة حول مصير هذين المشروعين، حول ما إذا كان العمل فيهما سيستمر أم أنه سيتوقف لأجل غير مسمى، كما هو ماثل الآن. وقال عثمان إبراهيم، من مناهضي إنشاء سدي كجبار ودال، إن معارضة بناء السدين «قائمة على أسباب علمية». ومن قبل، لازمت التوترات، أو ما يعرف في البلاد بـ«عنف السدود»، أو سياسة «نشر التنمية بالقوة»، طبقا للمعارضين، مشروع إنشاء سد مروي على النهر ذاته، لإنتاج الكهرباء بصفة أساسية الذي افتتح الرئيس عمر البشير مرحلته الأولى مطلع العام الحالي. وظل سد مروي محل صراع عنيف بين الحكومة السودانية والمتأثرين بقيامه، تخطت في بعض فصولها المشاحنات الإعلامية، وانتقلت إلى الصدام الدامي، حيث قتل في إحدى الصدامات التي وقعت عام 2006، بين المتأثرين والشرطة، ثلاثة أشخاص وجرح سبعة آخرون. وأحرقت أربع سيارات في مواجهة بين الشرطة، وأهالي منطقة أمري، ضمن المناطق المتأثرة بقيام الخزان، وشهدت الصراعات اعتقالات وسط الأهالي من المتأثرين أفرجت عنهم تباعا.
وبحسب دراسات «وحدة السدود» السودانية فإن الطاقة الإنتاجية لكهرباء سد مروي تبلغ 1250 ميغاوات، تستفيد منها ولايات البلاد المختلفة، من 10 توربينات للتوليد، فيما بدأ الإنتاج أمس من توربينين لإنتاج 250 ميغاوات، على أن يدخل التوربينان الأخريان العمل على مراحل. وبالمناسبة أعلن الرئيس عمر البشير أمام الحشود المحتفلة عن تخفيضات في أسعار الكهرباء بنسبة 25% للقطاع السكني 200 كيلووات ساعة وأقل، و25% للقطاع الصناعي، و30% للمزارعين، وذلك اعتبارا من 30 يونيو (حزيران) المقبل. وينتهي العمل في السد العام المقبل.
وطبقا للدراسات فإن التكلفة الكلية للمشروع تقدر بمليار و800 مليون دولار أميركي، وتساهم الصين في تمويل المشروع بـ520 مليون دولار، فيما تقوم مجموعة من الشركات الوطنية بعمليات تنفيذ بعض المشاريع الخدمية المصاحبة له. وتم تشييد المدن للذين تأثروا بقيام السد وتوفير كل مقومات الحياة الأساسية والخدمات بها، فهناك مستشفى مروي ومطار مروي، وكوبري الصداقة كريمة ـ مروي، وإقامة عدد من الجسور، وسفلتة عدد من الطرق الداخلية المرتبطة بالمشروع ولا يزال للصين دور مقدر في هذا المشروع من حيث التمويل والتنفيذ.
ويقع السد على بعد 350 كلم شمال الخرطوم على جزيرة مروي عند موضع الشلال الرابع، وعلى بعد 27 كلم أعلى النهر من منطقة كريمة كأنسب المواقع بعد عدد من الدراسات العميقة بين خطي طول 32.43 ـ 32.23 شمالا. ويوفر بحيرة سمكية بطول 176 كلم تمتد من الشلال الرابع حتى جنوب منطقة أبو حمد، كما أنه سيعمل على تحسين خطوط الملاحة النهرية ويقلل من خطر «الهدام» على النيل ويساعد في عمليات الري الانسيابي بإدخال طلمبات الري العاملة بالكهرباء التي تزيد قوتها بمقدار ثلاثة أضعاف قوة طلمبات الديزل العاملة بالغازولين والمستخدمة حاليا مما يعنى زيادة المساحات المزروعة. ويعتبر سد مروي من أهم وأكبر المشاريع الاقتصادية التي يتم تنفيذها في السودان خلال تاريخه الحديث، وذلك للأثر الواضح الذي سيحدثه في حياة المواطنين. وتتمحور الخلافات بين إدارة السد والمتأثرين في حجم التعويضات المخصصة للمتضررين ومكان التهجير والتعويضات. وقال الرشيد الأفندي، مسؤول الإعلام في لجنة المتضررين من إنشاء سد مروي لـ«الشرق الأوسط»، إن المهجرين يعيشون أوضاعا صعبة، «من قبلوا بالتهجير ظلموا في التعويضات، ومن رفضوا التهجير ظلوا يتعرضون للغرق». وأضاف: «هؤلاء الذين رفضوا التهجير وتمسكوا بما عرف بالخيار المحلي (التهجير المحلي) يعيشون على الإعانات». ويقول المسؤولون في الحكومة إن الأمور تمضي إلى الأمام. وكشف مسؤول في إدارة السدود أن الدراسات تسير الآن لإعادة تقييم التعويضات بعد أن رفضها السكان باعتبار أنها جرت في وقت بعيد، وتوقع أن يحصل أي شخص على حقوقه كاملا. وتسببت تفاعلات الصراع بين الحكومة والمناهضين لسد مروي في الإطاحة بمسؤولين في الحكومة، من بينهم والي الولاية الشمالية السابق، الذي دخل في خلافات عميقة مع الإدارة التنفيذية للسد حول عملية تهجير السكان المتناثرين، كما أن مشروعات إنشاء السدود، ظلت ساحة معارك من وقت لآخر بين الحكومة والمعارضة. وتتهم الحكومة كلا من الحزب الشيوعي السوداني، والحركة الشعبية لتحرير السودان بتحريض السكان ضد قيام السد، فيما يرد الحزبان أن ما يحدث يجافي حقوق السكان المحليين، ويقول باقان أموم، الأمين العام للحركة الشعبية، في رده على الحكومة في هذا الخصوص إن الحركة تتضامن مع كل المواطنين السودانيين المعارضين لسياسات إنفاذ مشاريع السدود، إلا أنه قال يجب أن يشركوا في الأمر بأخذ آرائهم لأن الأهم مصلحة المواطن وليس المشروع.
ويعطي الدكتور محمد جلال الناشط بين المناهضين للسدود يرى أن سدود النهر «لا فائدة منها»، وقال: «لا تعطينا كهرباء تساوي حجم التضحية»، فيما يقول الأفندي «إنهم يريدون طردنا.. ونشك بأنهم يريدون تحويل أراضينا لآخرين». ويذهب عثمان إبراهيم إلى أن سدود دال وكجبار والشريك ومروي، الغرض منها توفير حماية للسد العالي في مصر. وأضاف إبراهيم وهو قيادي بين المناهضين لقيام سدي كجبار ودال: «لن يقتلونا بسهولة المرة المقبلة، والحكومة ستضطرنا للمقاومة».
ويعتقد الشيخ عبد الجليل النذير الكاروري، عضو برلمان الولايات عن شمال السودان، لـ«الشرق الأوسط»، أن مشكلة السودان، أنه «يطبق نموذج السد العالي في مصر». وقال الكاروري، وهو قيادي إسلامي ومن المناصرين للحكومة، إن السدود التي تقام الآن على نهر النيل «أحادية الفائدة»، تنتج كهرباء بلا زراعة، «ونحن بلاد زراعية، وبالتالي فإن السكان، وهم من المزارعين، يرفضون هذه السدود، ويرون أنها مشروعات غير مرغوب فيها لأنها تهجرهم، وفي الوقت نفسه لا توفر لهم الزراعة». وأضاف: «نحن نحتاج إلى سدود مزدوجة الأغراض، وهذا غير موجود». وفي خضم الجدل، يقول الدكتور أحمد محمد محمد صادق الكاروري المسؤول في مفوضية السدود السودانية، إن وحدة تنفيذ السدود حريصة على حفظ حقوق المواطنين كاملة «غير منقوصة». ............
ودالبشرى(بدون نقطين في الياء) ياخي والله خش قولو كلامك بدون تحسس وبدون مسألة هاف كاست....فالسودان ده كله هاف كاست ايدتو السدود لشنو نعرف...رفضتوها ليه.؟ياخي مرحب بيكم معانا مسألة انو السدود هي تنمية قومية والناس المفروض تضحي ما مشكلة بسمعها منك ..لكن انت مهندس بتعرف كم ميقاواط بتساوي كم من التنمية مقابل الاغراق أسال روحك فيها كمواطن بتلمنا بلد واحدة قبل أي حاجة ....هل في تنمية بتغرق ربع البلد عشان 600 ميقاواط ؟؟بأرضها وإرثها ونخيلها ونشيجها الاجتماعي؟؟ إنت كمهندس سألت روحك مدينة الرياض بالفيرنس بتطلع كم ميقا؟؟..هل انت مقتنع انو السدود كطاقة هي الامثل في بلد زي السودان؟
زحني يا حبوب من البعد السياسي...انا صاحب حق وبعرف غرقي وتضيحتي بالنسبة لتنمية البلد بتسوي كم...وقبل كدة غرقت اها البلد اسفادت شنو؟؟ وهسة حكاية الخيار المحلي للمناصير هل عملية مشرفة للاسباب القامت بيها سد مروي
نحن بنرفض السدود لأنها ما تنمية....التنمية بتستهدف البشر ما بتشردهم ... انتو شايفنها تنمية يبقي ده المحك .....النشوف آخرتا..يا أقنعتونا يا رفضتوا معانا....دي كتيرة علينا يا هندسة؟؟
_ حذيفة الكباشي ياخي عليك فكني من انا اقول ولا مستهدف شنو...أقرا منو الرافع البوست وقال شنو...وشوف لو هو بسيئ لزول قبل كدة......ما تستعجل ياخ...صدقني جاي علي نهضتك الزراعية وكل الانت قلته...فقط ما تفك رايش شمال يمين ميادة دي زولتنا وقبل ما نقول كلمة ثبتنا حاجة واحدة....اي كلمة نبذ ولا لف ودوران انا بطلب من بكري حذف البوست.....فقط نحن بنتناقش حول جدوي السدود والبتشرد الناس تحت بند التنمية
12-28-2010, 08:43 PM
نايف محمد حامد نايف محمد حامد
تاريخ التسجيل: 02-27-2009
مجموع المشاركات: 2725
الشيخ عبد الجليل النذير الكاروري، القيادي بالمؤتمر الوطني يقول إن السدود التي تقام الآن على نهر النيل «أحادية الفائدة»، تنتج كهرباء بلا زراعة، !!
Quote: ويعتقد الشيخ عبد الجليل النذير الكاروري، عضو برلمان الولايات عن شمال السودان، لـ«الشرق الأوسط»، أن مشكلة السودان، أنه «يطبق نموذج السد العالي في مصر». وقال الكاروري، وهو قيادي إسلامي ومن المناصرين للحكومة، إن السدود التي تقام الآن على نهر النيل «أحادية الفائدة»، تنتج كهرباء بلا زراعة، «ونحن بلاد زراعية، وبالتالي فإن السكان، وهم من المزارعين، يرفضون هذه السدود، ويرون أنها مشروعات غير مرغوب فيها لأنها تهجرهم، وفي الوقت نفسه لا توفر لهم الزراعة». وأضاف: «نحن نحتاج إلى سدود مزدوجة الأغراض، وهذا غير موجود».
Quote: حذيفة الكباشي ياخي عليك فكني من انا اقول ولا مستهدف شنو...أقرا منو الرافع البوست وقال شنو...وشوف لو هو بسيئ لزول قبل كدة......ما تستعجل ياخ...صدقني جاي علي نهضتك الزراعية وكل الانت قلته...فقط ما تفك رايش شمال يمين ميادة دي زولتنا وقبل ما نقول كلمة ثبتنا حاجة واحدة....اي كلمة نبذ ولا لف ودوران انا بطلب من بكري حذف البوست.....فقط نحن بنتناقش حول جدوي السدود والبتشرد الناس تحت بند التنمية
يا حبوب
انا ماعارف
انا كلامي كان ولا يزال عبارة عن اسئلة انا بسأل
انا عايز اعرف
لي انا عايز اعرف؟
بي بساطة انا عايز اعرف لأني ما عارف
والحمدلله بديت اعرف
في كم مشاركة مفيدة في هذا البوست
شكرا على البوست
...
12-28-2010, 09:45 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
يا كباشي يا حبوب في حضرة الوطن علينا الاستماع ...انت تتعلم وأنا أتعلم فلا شكر موصول فقط المحبة والاحترام وكيفية أن نبني دولة ....ليس الا ...ليس بيننا شكر
Quote: بي بساطة انا عايز اعرف لأني ما عارف
ياخي انا ذاتي زيك ليه عايزين يغرقونا؟؟للتنمية؟؟انا عندي 200 سؤال لو عايزين يغرقونا ساي سمبلا ياخي انا صاحب حق ممكن أفاوض...؟؟؟
_ لو انت جاي خاشي ساي عشان سألنا ميادة ليه قالت نعم للسدود فتأكد أقلاه في في هذا البوست ميادة عزيزة مكرمة لن أقبل فيها إساءة...مجمل القول الجاي يناقشنا بمنطق في مسألة السدود حبابه غير كدة ما حبابه البوست رفعته عشان ميادة الوحيدة قالت نعم في وجه الجميع حين قالوا لا للسدود
12-28-2010, 10:36 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
سلامات القمر بوبا و كل سنة وانت و ضيوفك بالف خير احتمال طرحى هنا ما يعجب اى زول فيكم. لكن ح اقوله و السلام.
Quote: نحن بنرفض السدود لأنها ما تنمية....التنمية بتستهدف البشر ما بتشردهم
جملتك صحيحة100 %.....لكن عشان نقرر ان مشروع معين مفيد (للشعب كله) او لا...فى حساب بسيط لازم يتعمل. انا هنا ح احاول اشرح الموضوع بصورة بسيطة, ما يجو فطاحلة الاقتصاد يمسحو بى الارض. طيب. ..نبدا اى مشروع عشان نقيمه لازم نحسب فوايده ونخت ليها قيمة (قروش ).و انا عارفه طرحى ما ح يعجب الناس ليه. لانه فى ناس كتار شايفه انو فى حجات ما ممكن تتقيم بالقروش. ود ه صحيح....لكن لازم نحاول. يعنى... مثلا: نحسب كم من الكهرباء ح ننتجها من السد و نضربها فى سعر الكهرباء ونحسب الدخل من الكهرباء فى السنة من السد نحسب كمية الموية المستخدمة للزراعة من السد. و نشوف ح يكون الدخل كم من الزراعة فى السنة. نحسب الدخل من صيد السمك , الدخل ( التوفير) من الحماية من الفيضانات (اذا وجدت), و اى مكاسب ممكن نجنيها من السد و نخت ليها قيمة (قروش) من جهة تانية مفروض برضو نحسب تكلفة السد. و تكلفة السد ما قروش بناء السد بس. ابدا. تكلفة السد تشمل تعويض اصحاب الاراضى الاصليين. و عشان نعرف تكلفة السد الحقيقة لازم تتعمل دراسات تفصيلية لموقع السد. يعنى اثر السد على البئية (حيوانات و نباتات), اثر السد على الناس, على النهر. اى اثر سلبى من النهر لازم نشوف ح نعالجه كيف و نحسب تكلفة علاجه و نضيفها لتكلفة السد.لو كان فلا اثار تاريخية فى منطقة البحيرة, نحسب تكلفة اخراجها و ممكن نعوض اهل المنطقة ببناء متحف (مثلا) قريب من البحيرة و تبقى منطقة سياحية. الناس تجى تتفرج فى المتحف و تقضى وقت جنب البحيرة و يستفيد اهل المنطقة من القروش اللى ح يصرفها السياح من اكل و شرب و اقامة (ده مثل بس للحلول و العلاج للمشاكل اللى ممكن تواجه مشروع كبير ذى ده). مثل تانى تانى لو كان بناء خزان ح يعمل هدام فى منطقة معينة ممكن نحسب تكلفة وضح حجار فى المنطقة دى خاصة لو كان فيها اراضى زراعية قيمة فى النهاية ح يكون عندنا رقمين . الفوائد من السد و تكلفة السد. والقرار فى النهاية (مفروض يكون )بيعتمد على اى الرقمين ده اكبر *. لو كانت الفوائد اكبر....ابنو الخزان. لو التكلفة اكبر...انسوا الموضوع. عشان كده مهما فتحنا بوستات و اتكلمنا ما ح نعرف هل السد ده مفيد ام لا.....لازم نعمل دراسات اولا و لازم تكون من شركات محترمة و عندها سمعة فى نوع الدراسات دى. انا شقت دراسة جدوى مشروع مروى, و اندهشت. غالبا (فى كل الدنيا) الموضوع ما بيتحسم بس بحسابات التكلفة و الربح . لازم يكون فى دعم شعبى و ارادة لبناء مشروع كبير كده. الحكومات بتحاول تقنع اهالى المنطقة بالفوائد (حتى لو بالمبالغة "شوية كده " فيها) . لكن حكومتنا بتستعمل القوة و القهر. و بيموتوا ناس عشان يحاربوا السد. وطبعا دماء الناس ما بنقدر نخت فيها $ و نضيفها لتكلفة الخزان. _____________________________________________ * فى تفاصيل كتيرة (اقتصاد و حساب) لحد ما نصل لرقمين ديل. اهمها ان التكلفة بتتوزع على عمر المشروع (١٠٠ سنة مثلا) و بيوضع فى الحسبان برضو التضخم و سعر الفايدة و كل الحجات دى.
12-29-2010, 07:30 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
هلا اسمارت ...وكل سنة وانتي بألف خير يا اسمارت بالعكس ده الكلام والتساؤلات البتعجب دخولك انتي وود البشرى وكمال عباس مؤشر ممتاز لكون انو في ناس عندها تساؤلات مشروعة وعايزة تفهم الحاصل وده شي مفيد جدا...في النهاية الناس يا تقتنع بوجهة نظرنا أو نحن نبيع الموضوع وخلاص
Quote: نحسب كم من الكهرباء ح ننتجها من السد و نضربها فى سعر الكهرباء ونحسب الدخل من الكهرباء فى السنة من السد
طيب مجموع كهرباء السدين حوالي(تقريبا) وحسب افادة دراساتهم 600 ميقا من دال وكجبار طلعي منها 25% من الوحدات بتكون قاعدة طوالي في حالة باك أب حسب كلام الخبراء يعني 450 ميقا انتاج التساؤل البطرح نفسه...في اتفاقية السد العالي عندنا بند كان بقول انو المنطقة لحدي حدود دنقلا عندها كهربا مجانا....وينه حقنا
Quote: نحسب كمية الموية المستخدمة للزراعة من السد. و نشوف ح يكون الدخل كم من الزراعة فى السنة.
نحسبها طوالي ..الموية دي اسمارت موجودة ونهر النيل ده ماشي كان في سد ولا مافي سد...السؤال ممكن يكون المشاريع الزراعية الممكن ترويها السدود دي وينها وياتا... بالمنطق كدة ولاحظي انو من المنطقة وبعرفها جبل جبل ونخلة نخلة..مافي مشروع زراعي ممكن يستفيد من السدود لانو الاراضي الزراعية الموجودة حاليا حاليا حتغرق والباقي جبال..ما عدا سهل كوكا الاقترحته الحكومة وده مشروع زراعي ما ممكن يشيل 50 اسرة بإمتداداتها...خليك من منطقة من دنقلا لحلفا...هذا لا ينفي وجود أراضي زراعية في المثلث النوبي ودي بتعتمد علي المياه الجوفية ما علي السدود.. وثم تساؤل هل الموية البتتخزن دي ذاتا كان في مروي كان في باقي السدود من حصة السودان؟؟الواحد عشان يركب وابور 3 بوصة لازم يجيب تصديق من جهات كتيرة وده يعني بالعربي كدة عشان تسقي خمسة نخلات لازم الحكومة المصرية توافق ليه.
Quote: نحسب الدخل من صيد السمك , الدخل ( التوفير) من الحماية من الفيضانات (اذا وجدت), و اى مكاسب ممكن نجنيها من السد و نخت ليها قيمة (قروش)
هل للدولة قدرة تسويقية اصلا أو للقطاع الخاص نفسه عشان تقدر تستثمر وتجني من الثروة السمكية عائدات...وين مشروع اسماك بحيرة النوبة؟؟؟ووين عائدات الثروة السمكية في سد مروي...وهل المنتجات السمكية في نهر النيل مرغوبة أصلا في اي سوق ؟؟
Quote: حسب تكلفة السد. و تكلفة السد ما قروش بناء السد بس. ابدا. تكلفة السد تشمل تعويض اصحاب الاراضى الاصليين
كلام كويس جدا...تكلفة السد في رقبته دي ما أظن نعرفها كم....لكن خلينا تعويض النخلة الواحدة...متوسط عمر النخلة 30 سنة وانتاجها السنوي في الحالات المتوسطة حوالي 100 جنيه في السنة ....قولي خمسين بس عشان ما تقولي انو في اقزاقريشن 50*30 =1500 وشوفي في كم مليون نخلة وهل الدولة قادر تعوض بالمنطق ده؟؟خليك من البيوت.
حواصل ليك في باقي النقاط... تحياتي
12-28-2010, 09:46 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا امر جدوى انشاء سد دي ما شغلانة دايرني افتي ليك فيها وانا متكي في سريري و بالي في فلم الام بي سي تو دا شغل هيئات و شركات متخصصة في دراسات الجدوى الزي دي بصرفوا فيه سنوات من عمرهم وبياخدوا عليها ملايين مململلة وبغطوا كل الجوانب المتعلقة بالموضوع وبستعرضوا كافة السيناريوهات الممكنة وغير الممكنة قبل يفتوا بجدوى انشاء سد هنا او هناك ومن ضمن ما يضعوه في اعتبارهم التأثيرات المتوقعة على الارض و البيئة و الناس و البدائل الممكنة وما ممكن تسالني عن فايدة الـ 600 ميقا و انت بتقول
Quote: زحني يا حبوب من البعد السياسي...انا صاحب حق وبعرف غرقي وتضيحتي بالنسبة لتنمية البلد بتسوي كم...وقبل كدة غرقت اها البلد اسفادت شنو؟؟
بالطبع ميقاواطات الدنيا كلها ما ح تعوضك فقد نخلة واحدة دي حاجة عاطفية ومتوقعة عشان كدا دراسة الجانب النفسي للمتأثرين كيفية تعويضهم احد العناصر المهمة المأخوذة في الاعتبار قبل اصدار التوصيات بشان انشاء سد انا ما متخصص لكن ممكن اقول كلام عام عن فوائد إنشاء السدود و التوليد المائي التوليد المائي غير انو طاقة نظيفة ما بتزيد من معدلات التلوث هو يعتمد على مصدر ثابت نسبيا عكس التوليد الحراري مية ميتين سنة لي قدام و البترول انسى , العالم اسي شغال في ابحاث الطاقة المتجددة و لسة بدري عليها كتير مخاطر الطاقة النووية عارفة براك دا غير انها شبه مستحيلة لينا حاليا على الاقل
الموية نفسها بعد شوية حتكون اغلى من البترول و لدرجة بسببها ح تقوم حروب و السدود على مجرى نهر نوع من انواع التخزين و السيطرة عليها واهو عندك اثيوبيا و تركيا مثلا كل يوم والتاني مقومين نفس الناس بسيرة السدود
Quote: وهسة حكاية الخيار المحلي للمناصير هل عملية مشرفة للاسباب القامت بيها سد مروي
ايوا دا سبب منطقي جدا ترفض بيه خوض التجربة تاني لكن ما سبب لرفض فكرة انشاء السدود بصورة مطلقة و يخليك تقول
Quote: نحن بنرفض السدود لأنها ما تنمية....التنمية بتستهدف البشر ما بتشردهم ...
قلت ليك شق شارع زلط او سكة حديد في الح يتضرر منو و يشوفوا تشريد سدود العالم العظيمة القامت في الصين وفي امريكا تفتكر ما في ناس اتأثروا بيها ؟ دي مشاريع تنموية لابد تأثر على حياة الناس سلبا و ايجابا واذا كان الايجابي اكبر من السلبي بتحصل التضحيات قرار قيام المشروع من عدمه زي ما قلت ليك في البداية شأن فني بحت ويضع في اعتباره من ضمن العوامل المطلوبة لاتخاذه وضع المتأثرين المباشرين بقيام المشروع وما هو بالقرار السياسي او الكيدي تجربة المناصير مع سد مروي تعيب في الطريقة السودانية الخاطئة في تنفيذ المشروع لكن ليس المشروع نفسه وجدواه - اذا كان تم اثباتها عن طريق دراسات جادة و محترمة
Quote: جدوى انشاء سد دي ما شغلانة دايرني افتي ليك فيها وانا متكي في سريري
Quote: الطبع ميقاواطات الدنيا كلها ما ح تعوضك فقد نخلة واحدة دي حاجة عاطفية ومتوقعة عشان كدا دراسة الجانب النفسي للمتأثرين كيفية تعويضهم احد العناصر المهمة المأخوذة في الاعتبار قبل اصدار التوصيات بشان انشاء سد
Quote: ايوا دا سبب منطقي جدا ترفض بيه خوض التجربة تاني
دي عبارات انت اتفقت فيها معاي بنحاول تستكملها...ونحن يا ود البشري بنسأل الحكومة من سنة 1995 الشفافية...انتو عايزين تعملوا فينا شنو؟؟ و الكلام بتاعك يا ود البشرى بصب في نفس خانة استغرابي للرفض
كدي النشوف ياتو حكومة عندها الشفافية تتفاهم معانا وتملكنا الدراسات....كل الدراسات...من جدوي لإقتصادي لأركلوجي لما بعد التهجير وضمان خمسين عاما من الهجرة كدي أي مسؤول يوريني انا بعد يرحلوني كيلومتر واحد حتكون ارضي الازرعها وين...والارض دي هل منتجة زي ما هي متاخمة النيل ولا كلام ساي
Quote: جربة المناصير مع سد مروي تعيب في الطريقة السودانية الخاطئة في تنفيذ المشروع لكن ليس المشروع نفسه وجدواه - اذا كان تم اثباتها عن طريق دراسات جادة و محترمة
مافي مشكلة يا حبيب...تجربة السد العالي قبل خمسة واربعين سنة وتجربة المناصير قبل سنتين ياها نفس الخلاصة البخليني اصدق الحكومات شنو؟؟؟القصة نتائج ولا كلام ساي؟
12-28-2010, 11:41 PM
Zomrawi Alweli Zomrawi Alweli
تاريخ التسجيل: 08-04-2007
مجموع المشاركات: 3368
استغرب ليه الناس ما عايزة تعرف ان السدود هي لتخزين المياه لمصر فقط ولا فائدة منها للسودان اذا قلنا للكهرباء ماذا استفدنا من الكهرباء المتوفر من سد الروصيرص.
نحن نرفض الصدود لانها تدمر ما تبقى لنا من ارثنا الحضاري المفروض نستثمروه كسياحة فاثارنا يمكن ان تدر علي السودان الكثير ولنا عودة
01-02-2011, 09:51 AM
mayada kamal mayada kamal
تاريخ التسجيل: 08-31-2007
مجموع المشاركات: 8015
Quote: استغرب ليه الناس ما عايزة تعرف ان السدود هي لتخزين المياه لمصر فقط ولا فائدة منها للسودان
ياخي مافي شئ مضيعنا غير نظرية المؤامرة الماسكنها دي من سنة دوو!!!!! السودان يملك ما بين 200-300 مليون فدان اراضي صالحة للزراعة مصر فقط تملك7مليون فدان فقط تلك المساحات الواسعة يحتاج السودان للسدود والخزانات لزراعتها والى جانب الزراعة نحتاج للكهرباء للتنمية والكهرباء والزراعة ترفع معها قدرات اهل المنطقة في مجالات تانية
Quote: اذا قلنا للكهرباء ماذا استفدنا من الكهرباء المتوفر من سد الروصيرص.
السودان دا مليون ميل مربع يعني لا يعقل انو خزان الروصيرص اللي ينتج (15) ميجاواط انو يصل منطقة النوبة في شمال السودان هل يعقل هذا!!!!!! والله الا يرشوها ليكم بي طيارات ههههههههههه يا حبوب كهرباء الروصيرص تمتد بطول 180 ألف كلم
Quote: نحن نرفض الصدود لانها تدمر ما تبقى لنا من ارثنا الحضاري المفروض نستثمروه كسياحة فاثارنا يمكن ان تدر علي السودان الكثير ولنا عودة
الاستثمار السياحي في السودان بعيد جدا ونضحك على انفسنا لو قلنا انو السياحة من الممكن ان تُُدر دخل لانسان المنطقة موووش لمن يبقى المواطن نصيح في صحته وفي تعليمه والخدمات المتوفره ليه يعني السياحة دي حنعمل بيها شنو كان ما المنطقة فيها كهرباء وموية وطرق وشوارع وارصفة وووو.... ولا شئ
12-29-2010, 07:24 AM
mayada kamal mayada kamal
تاريخ التسجيل: 08-31-2007
مجموع المشاركات: 8015
صباحاتك نواضر يا قمر بوبا حبابك وانا على استعداد للنقاش (كان هادي ولا مملطش).. دا على اعتبار اني عااااارفة فلان وفلانه حيجوا بي كبكهم مستعدة معاكم في الموضوع دا من هنا للطيش....
فمرحبا بالنقاش اي كان فانا له
12-29-2010, 07:46 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
صباح النور يا ميادة.... يادوب صحيتو ولا شنو؟؟ عليك الله بس رجاء واحد ....زحينا من ناس ملطشة وكبك وبتاع انا اي زول بجيك بكبكه بملطشه ليك انا ده...انتي ما عندك دعوة خلينا في الموضوع
الموضوع ببساطة انا قمر بوبا قلت رافض السدود في منطقتي وانتي قلتي ايوا ممكن اعرف سر موافقتك للسدود في المنطقة النوبية.
الفوائد شنو؟
12-29-2010, 08:20 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
Quote: الموضوع ببساطة انا قمر بوبا قلت رافض السدود في منطقتي وانتي قلتي ايوا ممكن اعرف سر موافقتك للسدود في المنطقة النوبية.
الفوائد شنو؟
أهلنا في اطراف السودان جميعا وليس منطقة النوبة فقط بيشتكوا من التهميش وبيتهموا الحكومة انهم مهمشين...... وعشان ينتشلوا الناس ديل من الفقر المدقع والتهميش دا لا سبيل لذلك الا بالتنمية الاقتصادية وعشان الاخيرة دي يمدولها ليهم... تعتبر السودود والكباري وخاصة في ميدان الزراعة يتطلب تجهيزا عظيما لموارد الماء,وتعتبر السدود الحلقة الأولى في التجهيز الفلاحي بل والصناعي أيضا مياه السدود يتم الاستفادة من مدخراتها من الطاقة الكامنة,والتي يستغلها البشر-حسب الحاجة-سواء في الري أو تعديل مياه الأنهار لحماية المناطق المجاورة من خطر الفيضانات أو لدعم الجداول و السواقي بما تحتاجه من مياه لتنظيم عملية السقي اضافة الى ماتقوم بتوليده من طاقة كهربائية
واي شخص متوجس من موضوع السدود دا لماذا لا نستفيد من التجربة الاخيرة التي تمت مؤخرا في منطقة مروي وأمري وووو...... ابحثوا عن الفوائد التي جنوها بعيد عن نظرية المؤامرة من الحكومة وووو.......
بتطالبوا الحكومة بي التنمية طيب وروها كيف تنمي مناطقنا البعيدة بدون طرق وسدود وكباري ومياه ووووو.!!!!!!!!
12-29-2010, 09:04 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
ممتاز جدا يا ميادة طيب السد ده لمصلحة المنطقة النوبية بس ولا السودان كله؟؟ هل للكهرباء ولا الزراعة؟؟ علاقة الكباري وشوارع الاسفلت شنو بقيام السد...يعني الرابط بيناتهم شنو...يعني الحكومة ما ممكن تعمل الخدمات ساي للمواطنين ؟؟
Quote: تطالبوا الحكومة بي التنمية طيب وروها كيف تنمي مناطقنا البعيدة بدون طرق وسدود وكباري ومياه ووووو.!!!!!!!!
مافي زول عارض تنمية ولا شارع زلط ولا كبري...نحن بنرفض السدود مافي علاقة
12-29-2010, 09:11 AM
mayada kamal mayada kamal
تاريخ التسجيل: 08-31-2007
مجموع المشاركات: 8015
Quote: السد ده لمصلحة المنطقة النوبية بس ولا السودان كله؟؟
ياخي باااااااالغت لا ضير في انو الفائدة تكون للمنطقة وانسان المنطقة اولا ثم ينعكس بالصورة الايجابية على كل السودان اعتقد انو ما فرقت لو للمنطقة بس ولا للسودان والمنطقة في آن واحد لانو المنطقة تتحسب كجزء من الكل
12-29-2010, 09:23 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: من جهة تانية مفروض برضو نحسب تكلفة السد. و تكلفة السد ما قروش بناء السد بس. ابدا. تكلفة السد تشمل تعويض اصحاب الاراضى الاصليين. و عشان نعرف تكلفة السد الحقيقة لازم تتعمل دراسات تفصيلية لموقع السد. يعنى اثر السد على البئية (حيوانات و نباتات), اثر السد على الناس, على النهر. اى اثر سلبى من النهر لازم نشوف ح نعالجه كيف و نحسب تكلفة علاجه و نضيفها لتكلفة السد.لو كان فلا اثار تاريخية فى منطقة البحيرة, نحسب تكلفة اخراجها و ممكن نعوض اهل المنطقة ببناء متحف (مثلا) قريب من البحيرة و تبقى منطقة سياحية. الناس تجى تتفرج فى المتحف و تقضى وقت جنب البحيرة و يستفيد اهل المنطقة من القروش اللى ح يصرفها السياح من اكل و شرب و اقامة (ده مثل بس للحلول و العلاج للمشاكل اللى ممكن تواجه مشروع كبير ذى ده). مثل تانى تانى لو كان بناء خزان ح يعمل هدام فى منطقة معينة ممكن نحسب تكلفة وضح حجار فى المنطقة دى خاصة لو كان فيها اراضى زراعية قيمة
نرجع لمنطق القروش بالفهم البسيط يعني إذا حسبنا انو الكيلو واط/ساعة في الخرطوم ب150 جنيه بالقديم وإحتياج الاسرة المتوسطة من الكهرباء بالقروش بتساوي خمسين الف قولي السد بطلع الاحتياج ده من المشروع ده وببيعه...وفي مشاريع تانية انتي لمحتي هنا منها السياحة مثلا ودي بنفصلها اكثر لو بتدخل عائدات أكتر من السد في حال حدوث تنمية بسيطة جدا ليها المنطقة بتكون قادرة أنها توفر كهرباء بـ 100 جنيه كيلوواط/ساعة ممكن الناس تصرف النظر عن الاغراق وتشوف وسائل تنمية تانية؟؟في النهاية الموضوع قروش ...المنطقة بوائل تنمية تانية ممن توفر الطاقة دي بالقروش المعروف انو المنطقة من أقدم المناطق الأثرية في افريقيا وهي كلها عبارة متحف طبيعي كبيربقليل من التنمية في المجال السياحي العائد حيكون أكبر تماما من عائدات السد البتكلموا عنها بالنسبة للاراضي الزراعية المنطقة تربتها معروفةمافي مشروع ممكن يشيل السكان الا الحوض النوبيوده مليان بالمصرييين هسة يبقي بدل ده كلو مش الاحسن والافر والاجدي وسيلة تانية بتاعة طاقة.
لو جينا قلنا انو السدين بنتجوا أكس ميقاواط من الكهربا القيمة دي بتساهم في حل اس من فجوة الطاقة الكهربائية في السودان عشان ينعم بيها السودان كلوراجعي المقتبس الجايبه الاخ مدحت فوق
تحياتي
12-29-2010, 09:45 AM
mayada kamal mayada kamal
تاريخ التسجيل: 08-31-2007
مجموع المشاركات: 8015
للكهرباء والزراعة وكله وما ديل بس الكهرباء حتشغل المدارس والمستشفيات والطواحين والوابورات وووو.... الزراعة حشتغل الصناعة وحتفتح فرص عمل وحتقلل عدد العاطلين في المنطقة بمرور الزمن
عملية التنمية هي عملية متكاملة بين مجموعة من العناصر والعوامل تكمل بعضها وغياب واحدة فيهن تعوق عمل الاخرى وبالتالي الحكومة عشان تحقق التنمية في منطقة ما المفروض تعبد طرق وتنشئ كباري لتسهيل حركة الناس والبضائع وتعمل سدود عشان توفر الموية لكل ذلك
المفروض الطلب ياتي من اهلي المنطقة لجذب الحكومة لتنمي المنطقة موووش تناهضو التنمية لو جات لحدي المنطقة
Quote: مافي زول عارض تنمية ولا شارع زلط ولا كبري...نحن بنرفض السدود مافي علاقة
وعشان يعملوا ليكم الزلط والطرق والكباري والمدرسة والمستشفى ونقطة بوليس للامن ووو وينموا الزراعة والصناعة في المنطقة دي كلها بتحتاج لكهرباء والكهرباء احدى مصادرها السدود ومعروف انو اي دولة في الدنيا بتسعى لتحقيق التنمية باقل التكاليف وبالنسبة لينا ما ممكن يجيبوا ليكم الكهرباء من مروي وغيره تكلفتها بتكون اكبر وبالتالي الحيدفع قيمتها اولا واخيرا المواطن وعشان كدا احسن ليكم ولي الحكومة انو تبحث عن مصادر التنمية في داخل الاقليم
12-29-2010, 09:07 AM
هواري نمر هواري نمر
تاريخ التسجيل: 04-29-2009
مجموع المشاركات: 1833
أتمني أن يسير البوست زي ما إنت عايز, ونستفيد كلنا من المعلومات والنقاش وتعم الفائدة للكل؟ بالنسبة لرأي (لا) أو (نعم)...أنا صّوت (لا) و لا كبيــــــرة لإعتقادي البيسط بأن التنمية ممكن أن تتم بعيداً من تشريد الناس وهلاكهم وغرق أراضيهم و زراعتهم و نخليهم وجميع الآثار التاريخية و العالمية , الموجودة في المنطقة. يمكن توجيه هذه الملايين من الدولارات , وأستثمارها في شق قنوات للري وإصلاح أراضي جديدة و قيام مشاريع مروية كبري واقامة محطات لتوليد الطاقة الشمسية. ونحن نحمد الله بأن شمسنا طوال العام ومشرقة وحـــــــرّاقة كمان. وبذلك نضمن توليد للكهرباء... وإضافة اراضي زارعية جديدة و الاستفادة من إستجلاب السياح للمنطقة لمشاهدة الآثار. أما موضوع السدود فلم نستفد منه في السابق ولا الآن..ودونك (المناصير ) الآن و(السد العالي و غرق حلفا) و التهجير الي (حلفا الجديدة) وألآن يموت الناس هناك بالسرطان يعني تهجيـــــــــر و موت....!!!
أتمني يا موسي بأن ترفع لنا بعض الخرائط و الدراسات إذا وجدت لديك كامل إحترامي و تقديري لك و لضيفتك الآخت \ميادة
12-29-2010, 09:34 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: ياخي باااااااالغت لا ضير في انو الفائدة تكون للمنطقة وانسان المنطقة اولا ثم ينعكس بالصورة الايجابية على كل السودان اعتقد انو ما فرقت لو للمنطقة بس ولا للسودان والمنطقة في آن واحد لانو المنطقة تتحسب كجزء من الكل
خليني من بالغت عليك الله يا ميادة....بالغ الزمن ما انا ده انتي قلتي وروا الحكومة ينموا منطقتكم كيف؟؟ هي لو للمنطقة أنا شايف اضرارها اكبر من منافعها....لو للسودان شايف انو السد ده ما بساهم بنسبة تستدعي التشريد في فجوة السودان في الطاقة ككل
12-29-2010, 09:37 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: بالنسبة لرأي (لا) أو (نعم)...أنا صّوت (لا) و لا كبيــــــرة لإعتقادي البيسط بأن التنمية ممكن أن تتم بعيداً من تشريد الناس وهلاكهم وغرق أراضيهم و زراعتهم و نخليهم وجميع الآثار التاريخية و العالمية , الموجودة في المنطقة. يمكن توجيه هذه الملايين من الدولارات , وأستثمارها في شق قنوات للري وإصلاح أراضي جديدة و قيام مشاريع مروية كبري واقامة محطات لتوليد الطاقة الشمسية. ونحن نحمد الله بأن شمسنا طوال العام ومشرقة وحـــــــرّاقة كمان. وبذلك نضمن توليد للكهرباء... وإضافة اراضي زارعية جديدة و الاستفادة من إستجلاب السياح للمنطقة لمشاهدة الآثار. أما موضوع السدود فلم نستفد منه في السابق ولا الآن..ودونك (المناصير ) الآن و(السد العالي و غرق حلفا) و التهجير الي (حلفا الجديدة) وألآن يموت الناس هناك بالسرطان يعني تهجيـــــــــر و موت....!!!
شكرا يا هوراي...لا مزيد ...رؤية اعتقد انها عادلة جدا عام سعيد يا صاحب
12-29-2010, 09:41 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: وبالنسبة لينا ما ممكن يجيبوا ليكم الكهرباء من مروي وغيره تكلفتها بتكون اكبر وبالتالي الحيدفع قيمتها اولا واخيرا المواطن وعشان كدا احسن ليكم ولي الحكومة انو تبحث عن مصادر التنمية في داخل الاقليم
قمر بوبا ميادة تحياتي خلونا نشارك معاكم في النقاش مع الاقتباس اعلاه. تعرفي يا ميادة انو ناس ادارة سد مروي قالوا ان كهرباء سد مروي حتكفي احتياجات السودان وقالوا انهم حيصدروا الكهرباء لدول الجوار.... الكلام ده من مجلة سد مروي...
Quote: في حين تبلغ التكلفة الكلية لهذا المشروع نحو مليار وتسعمائة مليون دولار تشمل تكاليف إعادة التوطين. وعن الانتاج المتوقع من الكهرباء أوضح أن انتاج السودان الحالي من الكهرباء يبلغ 750ميغاواطاً في حين ان السد سوف ينتج نحو 1250ميغاواطاً، تكفي حاجة السودان مع امكانية تصدير الكهرباء الى دول مجاورة.
وقالوا انهم حيوصلو الكهرباء من سد مروي الي القضارف وكسلا وبورتسودان... وعمر البشير قال انو سد مروي نهاية الفقر في السودان... سؤال مع انو نحن اصلا ما طلبنا كهرباء من سد مروي , الاقرب لمروي بورتسودان والقضارف وكسلا ودول الجاور ام المنطقة النوبية شمال السودان... ؟؟؟؟؟؟؟؟!!!!!!!!!!!!!
12-29-2010, 09:57 AM
mayada kamal mayada kamal
تاريخ التسجيل: 08-31-2007
مجموع المشاركات: 8015
Quote: هي لو للمنطقة أنا شايف اضرارها اكبر من منافعها
إسمح لي ما صاح ولك ان تستفيد من تجربة سد مروي ومنطقة امري ووووو...... اهلنا في النوب ما زالوا يرزحون تحت خط الفقر منذ ان وجدو على ارض تلك المنطقة وكانهم أبو التغيير أبحثوا عن اي منطقة اقاموا فيها السدود والخزانات وما وصولوا اليه من تطوير في الخدمات والتنمية وقارنوا بي منطقتكم
Quote: ....لو للسودان شايف انو السد ده ما بساهم بنسبة تستدعي التشريد في فجوة السودان في الطاقة ككل
إنتو انظروا ليها بالفوائد الكبيرة اللي حتعود على المنطقة وانسان المنطقة من وراء انشاء السد بعد ذلك ستجدو انو (الهجرة) والانتقال لمنطقة امنة ستصبح (تشريد حميد) واي تنمية لديها ضريبة فلماذا لا نبحث في هذا الخيار يعني هم كانو مهجرنهم بره السودان ما ياهو من منطقة حتغمرها مياه السد لمنطقة بعيد عن مجرى المياه واهو كله بي فوائده
12-29-2010, 10:40 AM
mayada kamal mayada kamal
تاريخ التسجيل: 08-31-2007
مجموع المشاركات: 8015
هسع لو سالتها السد دة زاتو عاملنو لشنو تقول ليك للرد
غايتو انا متخارج لرغبتك ودعوتك عشان البوست مع بتشيلنا انا والـ ا س ت ا ذ ة فى دى
حاورها ولو اقتنعت تكون اقنعت الشيطان ايضا
أستاذة غضبن عنك يادوت مجاك ولاااااااا كتر خيرك... ولا هي منحة منك طبعا انت ما محترم(باعتبار الشتيمة الوجهتها انت قبل كم يوم لي اهل بيت اخونا علاء الدين يوسف) عشان كدا الاسلوب المحترم الخاطبني بيه اخونا قمر بوبا انت والزيك ما ليكم فيه وما بتفهموه
اعتقد بان هذا البوست سيكون له شأن عظيم فى حال استمرار النقاش بذات المستوى الذى افتقدناهـ كثيراً
وما فهمته بأن قمر بوبا ليس لديه مانع فى ان نشاركه ونشارك الاخت ميادة فى قضية السدود بالمنطقة النوبية وبما انني من الرافضين بشدة اوضح وجهة نظري مع تأكيد إحترامي لوجهة النظر المؤيدة لقيام السدود ...
فنياًً هنالك عدة بدائل والسدود واضح انها أصبحت دقة قديمة ومكلفة للعباد والجماد وقد تصل مرحلة تسميتها بانها بغيضة (كما لدى اهلنا فى حلفا) ثم كيف لا نتعظ ونلدغ من جحر مرتين ... ألم تكن هنالك وعود اعظم من الوعود الحالية قبل قيام السد العالي ؟
أتفق مع الذين يقولون بان مسألة السدود تسيست ... بدليل أن كافة مؤيدي الحكومة مع قيام السدود بصرف النظر عن ايجابياتها وسلبياتها ... والشاهد أن غالبية النوبيين ليست لديهم علاقة تذكر بالسياسة ولكنهم رافضين للفكرة من اساسه
سؤال يا أمر لو أمكن لو كانت الدراسة أجريت حسب المعايير و من قبل بيت خبرة معتمد وذو سمعة طيبة وكانت التوصية بانشاء السد لجدواه الفنية و الإقتصادية و تعهدت الجهات المسؤولة بالتعويض المجزي و تووفير البديل للمتأثرين قبل الشروع في التنفيذ اها وانت كنت من المتأثرين هل ستقبل أم لا
أخ الفاتح حديثك عن ان السدود صارت دقة قديمة غير دقيق في ايران و الصين تجري دراسة انشاء سدود جديدة , وكذلك اثيوبيا و تركيا وبالبحث اكيد ح نلقى كتير من المشاريع إما فكرة او في طور الدراسة او بدأ تنفيذها فعلا
وعن الطاقة الشمسية احدثك وعن تجربة ما وصل لسة مرحلة انها تكون بديل للطاقة الكهرومائية أو الحرارية لسة لازالت كتكنلوجيا غالية جدا وغير فعالة و محدداتها كثيرة في دولة زي السودان وببيئتنا و طبيعة الجو ما حتكون فعالة بشكلها الحالي يمكن بعد ظهور اجيال جديدة او حدوث قفزات ملموسة في تكنلوجيا الخلايا الضوئية افتكر طاقة الرياح رغم بداية انتشارها لكن لسة ما وصل مرحلة انها تكون بديل فعال
مع ازمة الطاقة و المياه العالمية تبقى السدود أحد افضل الخيارات المتاحة كمصادر طاقة وحلول سيطرة على المياه
12-29-2010, 04:39 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: لو كانت الدراسة أجريت حسب المعايير و من قبل بيت خبرة معتمد وذو سمعة طيبة وكانت التوصية بانشاء السد لجدواه الفنية و الإقتصادية و تعهدت الجهات المسؤولة بالتعويض المجزي و تووفير البديل للمتأثرين قبل الشروع في التنفيذ اها وانت كنت من المتأثرين هل ستقبل أم لا
طيب يا ود البشرى معظم الناس البتعترض أصلا بتعترض علي شفافية الحكومة والسلطات تجاه مسألة السدود. في كم جهة نوبية تقدمت بتطلب الدراسات مافي زول استجاب...الحكومة بتلولو الامور بشكل مخيف جدا قبل كدة قالوا الموضوع مسوحات ساي ووكتلوا من الشباب اربعة في مظاهرة سلمية...هي الثقة دي بشتروها ولا بتتبني مع الزمن....الثقة بتتبني مع الزمن والمواقف. قبل كدة مش الحكومة السودانية في زمن عبود قالت انو من بنود اتفاقية السد العالي انو المنطقة ستمد بالكهربا مجانا. ود البشرى أنا مع التنمية وشق شارع زلط وتعويض صاحب البيت تعويض يستحقه ...لكن ما مع التنمية البتشرد الشعوب وتخليها بلا هوية...شارع بيتنا الفي البلد لو الدراسات اثبتت انو فوق منجم ذهب وقالوا لي ارحل وبنعوضك حباب الفائدة العامة ياخ...بمش اسكن مع اعمامي وخلالني في الحلة التانية ...وكتها بكون محتفظ بنشيجي الاجتماعي ويا حبيب لو في الخرطوم ووقع فوق بترول...مرحب بالتعويض. نجي لبيت الخبرة المحترمة عن أي بيوت خبرة وعن أي شفافية نتحدث...ومعايير شنو يا ابوحتوت؟؟؟أسامة عبدالله بقدم تقريره كما ورد في البيان في البرلمان انو حينجز 10% من جسم السد الاول (كجبار)2011م وحاليا العمل جاري كما قال البيان بتاع انقاذ النوبة ومافي جريدة بتقدر تكتب عن الانجاز ده وهو نحن عارفين حاجة؟؟؟وانت يا حبيب تسأل عن تعويض مجزي قبل الشروع في التنفيذ؟؟
يا ود البشري خليك من الطاقة الشمسية وغيرها من بدائل الطاقة...مدينة الرياض دي فيها سد اسمه الشريك ولا ستيت؟؟مش فيرنس وبالبترول؟؟؟؟أهل الـ 970 موقع اثري الحيغرقوا فقط بـ 20 مليون دولار واديها اربعة سنة ونحن صابرين بنبني أكبر محطة كهربا بعائدات البلد ....مش احسن من يشردوا شعب كامل؟؟ياخي نحن قلبنا علي الحكومة ليه تصرف ...ليه قلب الحكومة علي حجر طوااااالي كدة؟
12-29-2010, 05:01 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
من المؤسف جدا أن يصدق البعض حديث الحكومة أن معترضي سد كجبار هم سياسيين يسعون لإجندات خاصة لم أفهم الاجندات الخاصة الا حين قالتها الحكومة هل هؤلاء أتو لأجندات خاصة؟؟يعني بناتنا المرقن ديل كلهم برضو شيوعيات وحزب امة ؟؟؟
المؤس جدا حتي الآن بعض الاحزاب هي التي حاولت تتاجر علي قضية حقيقية،والمؤسف حقا وبدون تردد أن هنالك قضية يمكن للاحزاب أن تصحي الصباح وبعد تشرب الشاي تلقي ليها رزق زي كجبار حتي المؤتمر الوطني تاجر بالقضية وفي الحالتين الضايع انسان يحمل قضية. مواقف الاحزاب كانت ولازالت زي وشها... الحزب الشيوعي: اتذكر بيان هزيل وزي وشه المكرمش ختاه ومشي الامة :السيد الصادق كان عنده موقف كويس وزار كجبار وكت الشهداء ورفض السدود الا قام رجع قال ياخونا السدود دي ممكن تقوم بالتراضي...بنلعب حرّينا نحن معاك يا سيد الصادق؟؟ اللبرالي :عادل عبد العاطي ادانا حقنا علي الاسفير كما يجب....رافضين عديل...شكرا لهم باقي الاحزاب....اديناكم الفاتحة...وتقبلكم الله مع الصديقين والشهداء.
فقط المواطن النوبي والانسان في تلك الديار ظل يقظا ولا زال يقظا...وسيظل ظل يبحث عن مخرج ولا زال يبحث...لم يترك للحقيقة...همه اليومي أرضه وبقاؤها.
شوفوا زي الاعلان ده
سبحان الله لا مشورة ...ولا أي حاجة ودي وظائف مفتوحة في باكستان ...للعمل في كجباروبعضهم يسأل عن جدوي المشروع والشفافية
حيعملوا فينا ايه ....ما عرفت غايتو
12-29-2010, 05:31 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا أمر الحصل في السودان خليه كلنا عارفين الدغمسة - ياقول الريس - التمت و بتم وقلت ليك فوق سبب رفضك منطقي - في رأيي - اذا احتجيت بعدم الشفافية لكن سؤالي الاخير ليك كان عن المبدأ نفسه بصورة عامة هل انت مع التضحية بأرض في سبيل صالح عام لكل البلد ولا لأ؟وافتكر كلامك دا جواب كافي
Quote: لكن ما مع التنمية البتشرد الشعوب وتخليها بلا هوية.
يلا بمنطقك دا الناس الأتأثروا بخزان سنار و مشروع الجزيرة و خزان الرصيرص وتعليته لو كانوا قالوا كلامك دا و اتكلموا عن تشريدهم داخل بلدهم و نزع هويتهم وقدموها على المصلحة العامة للبلد اللمبة ام اربعين شمعة البتولعها اسي لعام كامل زاتها ما كنت لميت فيها
الأخ الكتب بوست الاستفتاء اتحجج بقصرو على النوبيين بأنو باقي الناس ما شغالة بيهم اهو جنس كلامك دا يا أمر البخلي باقي الناس فعلا ما تشتغل بالموضوع , لأنو دوافع رفضكم للمشروع حتى لو طارت الحكومة دي وجو ناس خافوا الله في شعبهم وتجنبوا كل الأخطاء السابقة و سعوا لتنفيذ مشروع ليه جدوى حقيقية و فنية ولصالح عموم البلد انتو - وغيركم - حيرفض يسيب ارضه و نخله و نسيجو الإجتماعي وخوفو من يتشرد (داخل وطنه) و يفقد هويته
12-29-2010, 06:13 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: يلا بمنطقك دا الناس الأتأثروا بخزان سنار و مشروع الجزيرة و خزان الرصيرص وتعليته لو كانوا قالوا كلامك دا و اتكلموا عن تشريدهم داخل بلدهم و نزع هويتهم وقدموها على المصلحة العامة للبلد اللمبة ام اربعين شمعة البتولعها اسي لعام كامل زاتها ما كنت لميت فيها
الأخ الكتب بوست الاستفتاء اتحجج بقصرو على النوبيين بأنو باقي الناس ما شغالة بيهم اهو جنس كلامك دا يا أمر البخلي باقي الناس فعلا ما تشتغل بالموضوع , لأنو دوافع رفضكم للمشروع حتى لو طارت الحكومة دي وجو ناس خافوا الله في شعبهم وتجنبوا كل الأخطاء السابقة و سعوا لتنفيذ مشروع ليه جدوى حقيقية و فنية ولصالح عموم البلد انتو - وغيركم - حيرفض يسيب ارضه و نخله و نسيجو الإجتماعي وخوفو من يتشرد (داخل وطنه) و يفقد هويته
شكرا يا هندسة للباص الراقي ده...علي اليمين آرشافين ممكن يهدف برغم شناته. انت قايل قبل كدة ما غرقنا ولا شنو...حلفا مشت وين...حلفا القديمة لحلفا جديدة اتحولت لمدينة من الامراض المزمنة في بيئة مختلفة وتحت عين الحكومة وتقصيرها حديك فرق واضح اراضي الجزيرة وسنار زراعية وتخلو من آثار....ولما يرحلوهم برحلوهم لحتة فيها طين*....نحن غير يا ابو حتوت. مثلنا والمناصير ممكن مصيرنا يكون خيار محلي.. يا الصحراء أو مكان جديد زي حلفا الجديدة والسرطانات أو نهاجر...كل الإجابات السابقة عملية وجربة وصعبة علينا....خلونا في بلدنا دي...نما موارده كتيره علينا؟؟؟ ناس الجزيرة لو ما كرموهم وناس سنار لو ما شالوا كاس التضحية يبقي فهمي هو نفسه...الدولة قصرت معاهم ثم ياخي غرقنا تلاتة مرات عشان المصرين انت قايل صعبة علينا ناخد غطسة عشان البلد الحبيبة دي؟؟ ياخي بنفداها عديل بس النلقي ناس بعد تضيحتنا بيسووا وبستاهلوا ...النلقي ناس ذاتهم نغرق عشانهم؟؟
12-29-2010, 07:29 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
كويس خالص يا أمر اهو مشينا خطوة لقدام , من كنا في رفض التنمية البتسبب التشريد وفقدان الهوية بقينا في ما في مانع من التضحية لكن النلقى البستاهلها المابستاهل اسي يا أمر اولادو وأحفادو بستاهلو و اجيال حتجي في زمن صعب قطرة الموية اغلى من التسعمية وشوية موقع اثري القلت عليهم بترول مافي , بترول شنو هوا الله ورسوله النضيف وساي دا ح يكون مافي
__________________________________
بعدين آرشافين دا ما تعصر عليه كدا الراجل صانع لعب اصلا قبل ما يكون مهاجم
Quote: إمبراطورية السدود والاستمرارية ________________________________________ لقد تأكد لى أن معاناة النوبيون ماهى إلا نتيجة حتمية لخطأ فى تكوين وحدة بناء السدود- فلقد تكونت بقرار جمهورى حماها من كل مساءلة وبعيداً عن وزارة المالية وتتبع للقصر رأساً. بالطبع توسعت هذه الوحدة باستخدام أعداد رهيبة من البشر ذوى المرتبات العالية والمخصصات المهولة والمكاتب العديدة والنشرات والدوريات الصقيلة ودعوات كتاب الأعمدة إلى موقع السد بطائرات باهظة التكاليف وعندما طالب أحد كتاب الأعمدة كل زملائه بعدم انتقاد هذا الإنجاز العظيم كوفئ بإرساله ملحقاً ثقافياً لإحدى الدول الأوربية. كل هذا يكلف كثيراً ولا موقع له فى ميزانية وزارة المالية والقصر ينفق على منتسبيه كل ما يحصل عليه من أموال ولا سبيل له لإضافة عبء جديد- فأصبحت الوحدة تصرف على نفسها من الأموال المخصصة لبناء الخزان وبما أن الخزان شارف على الانتهاء فكان لابد من إيجاد مصدر جديد ومن هنا أتى الإصرار المريب على الإسراع بتنفيذ سد كجبار حتى تستمر الوحدة فى صرفها البذخى على حساب التمويل الذى يأملون فى الحصول عليه. وما طالب به النوبيون هو الجلوس بهدوء بعقلاء من رجال الإنقاذ ليحكموا بيننا وبين أباطرة وحدة بناء السدود- والنقاط موضوع النقاش هى:- 1. إن منطقة النوبة أقيمت عليها ثلاث سدود(أسوان- السد العالى- مروى) فهل من العدل بناء خزانين آخرين كجبار ودال- التى ستغرق أرض النوبة بتراثها أكثر وتهجر جميع أهلها؟. 2. من ناحية بيئية إن إقامة خمس سدود فى حوالى خمسة عشر بالمائة من طول النهر الإجمالى لن يعطى المياه طول نهر كافى لتجديد نفسه. 3. الثلاث خزانات الحالية تبخر 14 مليار متر مكعب وذلك لأن هذه المنطقة أسوأ مكان لتخزين المياه لحرارة طقسها وجفافها- فهل لدينا فائض ماء لنبخره فى سدود جديدة. 4. لا يمكن أن تغرق تاريخ قبيلة كاملة وتراثها وتهجر أهلها من دون أهل السودان جميعاً. 5. هناك دراسات أشار إليها عالم الرى الفذ المهندس المستشار يحيى عبد المجيد بإمكانية إنتاج كهربائى ضخم بالتنسيق مع أثيوبيا بتكلفة أقل وتبخير أقل فلم العجلة!. 6. حتى سد مروى يشكك يحيى عبد المجيد فى إمكانية إنتاجه للكهرباء بالكمية المعلن عنها بدون إتمام حفر قناة جونقلى- ولا أحد يعرف متى سيتم ذلك إن تم أصلاً. 7. وافق جميع ساكنى حوض النيل على الجلوس لإعادة تقسيم مياه النيل بطريقة عادلة- وحسب اتفاقية 59 فإن أى نصيب يمنح لهذه الدول سيخصم مناصفة من نصيب مصر والسودان فهل إن حدث هذا سيكون لدينا فائض نبخره فى سدود الإمبراطور المزمع بنائها؟. إن موضوع السدود هذا يحتاج لعلماء فى الرى وأخصائيى بيئة ورجال آثار- وحسب علمى فإن الإمبراطور لم يحصل على أى تخصص فى هذه العلوم فى حين البلاد تذخر بهم فكل ما نطلبه من السيد الرئيس هو تشكيل لجنه من هؤلاء العلماء تقرر مصير سد كجبار ولا يتركنا لمزاج شخص واحد.
Quote: وذلك لأن هذه المنطقة أسوأ مكان لتخزين المياه لحرارة طقسها وجفافها- فهل لدينا فائض ماء لنبخره فى سدود جديدة. 4. لا يمكن أن تغرق تاريخ قبيلة كاملة وتراثها وتهجر أهلها من دون أهل السودان جميعاً
الفكرة واضحة جدا...مصر لديها خيارين....الاطماء أو التبخر...فالانسب لها التبخر ولا يتأثر السد العالي بالاطماء أكثر من ذلك حسابات مصر ان المنطقة النوبية يجب أن تحمي السد العالي من الاطماء....والناس فرحانة بكم ميقاواط بس لدرجة ان السد العالي نفسه صار مهدد...والدليل علي ذلك اتجاه مصر لانتاج الكهرباء من المصادر النووية.... السؤال البسيط...لو السد العالي باقي لماذا اتجهت مصر للطاقة النووية؟؟؟ المابتعرفه الناس انو أنهارنا غير انهار العالم بتحمل طمي وفي الفيضان بترسب وبأثر علي جسم السد...حتي لو بعد 50 سنة
12-29-2010, 06:29 PM
كمال عباس كمال عباس
تاريخ التسجيل: 03-06-2009
مجموع المشاركات: 17141
....... لم أقرأ أي رد مقنع يتناول جدوي قيام سدي منطقة النوبة? كيف يوافق البعض علي تهجير وتشريد إهالي المنطقة وتدمير تراثها وآثارها وإغرا ق أراضيها الزراعية الخصبة مقابل سد لايساهم في زيادة الرقعة الزراعية وذلك بإعتراف أهل الجلد والرأس في الإنقاذ نفسها:
Quote: ويعتقد الشيخ عبد الجليل النذير الكاروري، عضو برلمان الولايات عن شمال السودان، لـ«الشرق الأوسط»، أن مشكلة السودان، أنه «يطبق نموذج السد العالي في مصر». وقال الكاروري، وهو قيادي إسلامي ومن المناصرين للحكومة، إن السدود التي تقام الآن على نهر النيل «أحادية الفائدة»، تنتج كهرباء بلا زراعة، «ونحن بلاد زراعية، وبالتالي فإن السكان، وهم من المزارعين، يرفضون هذه السدود، ويرون أنها مشروعات غير مرغوب فيها لأنها تهجرهم، وفي الوقت نفسه لا توفر لهم الزراعة». وأضاف: «نحن نحتاج إلى سدود مزدوجة الأغراض، وهذا غير موجود».
والكاروري طبعا ليس معارضا ولايستهدف أسامة عبد الله وإدارة السدود سياسيا كما أنه لاينتمي لنوبة المهجر!! ... تدمير الاراضي الزراعية مقابل توليد كهرباء .......ـطيب ألم تقول إدارة السدود أن سد مروي سيحل مشكلة الكهرباء في القطر كله? .....
Quote: تبلغ التكلفة الكلية لهذا المشروع نحو مليار وتسعمائة مليون دولار تشمل تكاليف إعادة التوطين. وعن الانتاج المتوقع من الكهرباء أوضح أن انتاج السودان الحالي من الكهرباء يبلغ 750ميغاواطاً في حين ان السد سوف ينتج نحو 1250ميغاواطاً، تكفي حاجة السودان مع امكانية تصدير الكهرباء الى دول مجاورة.
لماذا إذا تقام سدود أخري مادام سد مروي يغطي كامل إحتياج البلد? ? واللا إدارة السد كذبت وضخمت مردود سد مروي بقصد التكسب السياسي? الخلاصة: إدارة السد والحكومة لا تتمتع بأدني قدرمن الشفافية والصدق ....... - أضرار السد - تهجير السكان وتشريدهم -تدمير الزراعة وإغراق الاراضي الخصبة - دمار أثار وإرث الوطن! -فقدان كمية من حصة السودان من المياه بسبب التبخر! الخ - الفائدة توليد كهرباء - ودي قلنا لاداعي لها طالما أن سد مروي يفي بالحاجة هذا إذا صدقت دراسات وبحوث وتصريحات إدارة السدود?!! ........إسئلةلماذا لاتجلس الحكومة مع أهل المنطقة وتفتح ملفاتها بشفافية وتستمع لمخاوفهم ومعرفة مسببات إعتراضاتهم? ............ حاشية أنا لاأرفض فكرة قيام سدود بشكل مطلق فأنا مع مشروع سد مروي وذلك مع مراعاة - دعم فكرة الخيار المحلي للمناصير وتعويضهم وإيفاء الحكومة بوعدها بزيادةالرقعة الزراعية لأهل المنطقة وتوسيع الري وعدم التفريط في مكتسبات المنطقة- لصالح الاستثمار الأجنبي - - ترقية الخدمات ومعالجة السلبيات التي صاحبت تجربة السد.....
(عدل بواسطة كمال عباس on 12-29-2010, 06:34 PM) (عدل بواسطة كمال عباس on 12-29-2010, 07:12 PM)
12-29-2010, 07:02 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
شكرا قمر بوبا على الرد المفصل. ح اجيكم تانى بكى بورد عربى. الان عاوزه بس اقول حاجتين ١ـ شكرا ود البشرى. اى كلمة قلتها هنا انا اتفق معك فيها تماما ٢ـ انا اقدر تمام انزعاج اهل المنطقة. و عارفه برضو ان الحكومة ما ح تعمل دراسات محترمة و حقيقية . وعارفه انها ح تكون ابعد ما يكون من الشفافية. و ده اللى ح يخلينا نتكلم ساى من غير ما نكون عارفين بالضبط الحاصل شنو ٣ـ انا شغالة (من حوالى ٦ سنوات.. .ضمن مشاريع اخرى) فى مشروع بناء سد فى كلفورنيا. انا ضمن فريق فيه مئات المهندسين و الاقتصاديين و العلماء عشان نقرر فى النهاية ح نبنى السد المعين فى كلفورنيا ام لا. صرفنا ملايين الدولارات. و لسه ح نصرف. لكن ما فى زول بيقدر (الان) يقول انه الموضوع ده مجدى (بضم الميم) ام لا. . ٤ ـ السدود (عموم) خيار كويس جدا لانتاج الطاقة و لتنظيم المياه عموما.. .خاصة فى منطقة جافة ذى السودان. لكن اذا كانت الدراسات بيقول ان الطمى ح يملا الخزان, يبقى ما فى فائدة. و اذا كانت تكلفة الخزان اعلى من عوائده يبقى برضو ما فى داعى ليه. لكن القول بان اى حاجه من الحجات دى ح تحصل قبل عمل دراسات من جهات محترمة بيقبى ذى ضرب الرمل و التنجيم.
سلام قمرنا المنير و الجميع موضوع السدود ده بقدر ما هو شائك ، بقدر ما هو بسيط !! اهلنا في الشماليه و خاصة في المناطق اللي حا تتاثر مباشرة لا يمكن أن يرو خير في بناء السدود مش لو أنتجت كهرباء : لو أنتجت قمحا و وعدا و تمني لانها مساله مرتبطه بالميلاد و بالارض و بالذكريات و بحاجات ما بتتوصف و لا بتتوزن عشان تتعوض !! في نفس الوقت باقي الناس في السودان الشقيق دايرين الكهرباء ما تقطع و بالنسبه ليهم قرايبنا الرطانه ديل ممكن يمشو أي حته تانيه و مافي سبب للكركبه العاملنها و التنميه الواقفين في وشها دي !!
مسالة السدود دي ذكرتني أيام الهجوم الأسرائيلي علي لبنان : صحبي لبناني سني أيام الحرب كلها يسب و يلعن في حسن نصر الله : دخلت معاه في نقاش طويل حول الموضوع و ما توصلنا لنتيجه !! بعديها بزمن رسل لي ايميل فيهو صور لمنشات و كباري و أماكن كتيره قبل الحرب و صور لنفس الأماكن بعد الحرب مخربه و مدمره : كلامو كان إنو نحن كعرب - ما يسمعنا بشاشا - كل الشايفينو إنو إسرائيل مبلوله و نحن مبسوطين لكده ، لكنهم ك لبنانيين ما شايفين غير البل الحصل لبلدهم !!! افتكر المساله هنا نفس الفكره : اختلاف العيون بيؤدي لاختلاف الرؤيه !! لكن لمن الموضوع يكون عن تنميه - و السدود علي علاقه بالتنميه - الناس ممكن تقعد - زي قعدة ناس سمارت في كاليفورنيا - و يشوفو جدوي المساله و لو فيها فائده للمواطنين و يشوفو طريقه لتقليل الضرر علي المتاثرين و جبر ضررهم !!! المشكله في كده إنو الحكومه لا بتخاف من الله ، لا بتخاف من زول و بكضبو زي ما بتنفسو : سد مروي ده لمن كانو بتكلمو عنو : قالو حا يكفي و نصدر الكهرباء و أنا متذكر الكلام ده كويس جدا لانو كنت بفكر في مسالة تصدير الكهرباء دي بتم كيف : الشاهد إنو مافي شفافيه من جهة الحكومه و ما في ثقه عند الناس في وعود الحكومه و مصداقيتها فيما تقول !!
------------- أري أن يخضع الموضوع كلو لدراسه مستفيضه من جهات مختلفه و محايده لتحديد الفائده الحقيقيه المجنيه من السدود و إذا تقرر الإنشاء يعوض اهلنا في الشمال حتي يرضو .
Quote: B]أى أن هذه السدود سوف تحقق انجازا مؤقتا تتلاشى أهميته مع الزمن، بينما تبقي آثاره التدميرية مدى الحياة.
هل هذا الكلام ينطبق على خزان سنار مثلا وقد دار جدل طويل عند انشائه كما جرى رفضه من مواطنى المنطقة وجرى رفض مشروع الجزيرة معه ايضا واضطرت الحكومة الأنجليزية للأستعانة بالشيوخ والزعماء لإقناع الناس بجدوى المشروع هل ينطبق على سد الروصيرص وهو لا يزال ينتج الكهرباء للعاصمة؟ هل ينطبق على جبل أولياء؟
مشكلة هذه السدود أن من بناها هو الإنقاذ..ولو بناها الحزب الشيوعي أو أي حزب آخر لسمعنا مئات القصائد من محجوب شريف وغيره تمجد هذا العمل...
12-30-2010, 08:19 AM
حسين نوباتيا حسين نوباتيا
تاريخ التسجيل: 06-06-2008
مجموع المشاركات: 2473
Quote: لو كانت الدراسة أجريت حسب المعايير و من قبل بيت خبرة معتمد وذو سمعة طيبة وكانت التوصية بانشاء السد لجدواه الفنية و الإقتصادية و تعهدت الجهات المسؤولة بالتعويض المجزي و تووفير البديل للمتأثرين قبل الشروع في التنفيذ اها وانت كنت من المتأثرين هل ستقبل أم لا
محمد البشرى سلام..
بالجد سؤال ممتاز من الناحية النظرية وساحاول الاجابة عليه من منطلقين نظري وعملي لتكتمل الرؤية..
صيغة السؤال من منحى نظري به جزء من الجواب او الحل ! كيف؟ لان السؤال يعترف ضمنيا بان اخذ مشورة وموافقة السكان الاصليين لمنطقة ما مزمع قيام مشروع ما قد يسبب لهم اضرار " ايا كانت نوعية هذه الاضرار" هو شئ اساسي في انشاء المشروع بمعني ان قبولهم بالمشروع او رفضهم للمشروع هو حق اصيل لهم كما ان مفاضلتهم بين التعويض وما يحسبونه خسائر يرجع لتقديرهم هم سوى اثمرت هذه المفاضلة او المفاصلة عن تعويضات اكبر او عن رفض تام لقيام المشروع ببساطة لانهم دون غيرهم المتضررون.. بمعني ان قرار التضحية يجب ان ياتي منهم هم دون وصاية او مصادرة لهذا الحق من قبل كيان اَخر.. بالذات لو كانت هذه المشاريع تنموية وليست مشاريع مصيرية عدم قيامها سيسبب كوارث لمجموعات اخرى..
هذا بخصوص مبدا القبول والرفض فهو حق مكفول للجميع افراد وجماعات خاصة لو كانت له مسوغات وحجج في عيون الرافضين.. من ناحية نظرية ايضا لو رات حكومة ما انشاء مشروع ترى فيه فائدة عامة تتطلب تضحية جزء كبير من القاعدة العامة المستهدفة بفوائد هذا المشروع الي اي مدى تتمسك هذه الحكومة بفرض هذا المشروع في حالة عجزت عن اقناع هذا الجزء الكبير ؟؟ هل اشعال حرب مثلا ساعتها سيكون موازي للفائدة المرجؤة من هذا المشروع ؟؟ هل تضمن نجاح المشروع بعد اكتماله في بيئة معادية قد تتسبب في احداث اضرار لهذا المشروع؟؟ بالطبع انا اتحدث عن مشاريع كبيرة يمكن ان تغير في تركيبة السكان والتركيبة المناخية الخ ..وليس مد طرق عرضية تحتاج لقص امتار من منزل هذا اوذاك؟؟
السؤال المهم هل لحكومات الدول الصلاحية في تنفيذ مشاريع بهذة الضخامة ضد رغبة السكان الاصليين؟؟ ميثاق الامم المتحدة لحماية السكان الاصليين يجيب (((بلا)))..
حتى في الحكومات المستمدة شرعيتها من الشعب تتخلي عن المشاريع ذات النفيعة المثبتة خوفا من ((لا)) ميثاف الامم المتحدة لحماية السكان الاصليين كما خوفها من فقدان دعم قواعدها الجماهيرية التى اتت لتنفذ تطلعاتها (الجماهير) وليس رغبات افرادها (الحكومة)
اذن الاجابة علي سؤالك من ناحية نظرية تكون (نعم) يحق لسكان اي منطقة جغرافية ذات جذور تاريخية وثقافة او لغة محددة رفض اي مشاريع تعتقد انها تهدد وجودها او تغيير في تركيبتهااو تساعد في طمس ملامحها الثقافية بغض النظر عن الفوائد المرجؤة لكل او جزء من سكان تلك الدولة-
وانا هنا اتحدث عن حكومات ديمقراطية ذات شفافية..
ساعود لدواعي الرفض العملية واسبابها لاحقا..
الشكر للجميع على هذا الحوار الهادي المثمر..
(عدل بواسطة حسين نوباتيا on 12-30-2010, 08:25 AM) (عدل بواسطة حسين نوباتيا on 01-01-2011, 06:58 PM)
12-30-2010, 09:53 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
تحية خالصة لكل المتداخلين الجدد الشفيع شوشتا ندي أمين الما دكتور ولا اي حاجة بركات الشريف حسين نوباتيا.. تشكرات
خلوني لو سمحتوا اقسم الادوار شوية عشان الفائدة تكون حقيقية...ونخلص زي ما قلنا لنتيجة علمية ومنطقية بالنسبة لود البشري واسمارت تساؤلاتهم لازالت تحتاج الي إجابات أكبر وحنستمر في الرد معاهم كمال عباس الرجاء المواصلة فيما تقوم به من تحليل لمواد متاحة. حسين نوباتيا وجودك مطمن جدا خاصة انو قرايتك موضوعية باقي الشباب برضو يواصلوا بنفس حماسهم
الاخ بركات الشريف تحياتي
Quote: مشكلة هذه السدود أن من بناها هو الإنقاذ..ولو بناها الحزب الشيوعي أو أي حزب آخر لسمعنا مئات القصائد من محجوب شريف وغيره تمجد هذا العمل...
في البداية قلنا عايزين نطلع بنتيجة منطقية...في مشاريع حتقوم وفي ناس حتتهجر...معناه في قضية السد العالي لما وافق عليه عبود ما كانت الانقاذ في السلطة...نحن مشلتنا مع الحكومة اللولوة وعدم الشفافية...انا ما زول سياسي ولا عندي قضية بحزب ولا بحكومة...أنا صاحب أرض وبفتكر عندي قضية
_ ميادة ؟؟؟عييييك لامن نسيتك ذاتو
12-30-2010, 10:00 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
ود البشرى مسألة ليه مدحت عمل استبيان للنوبيين فقط أنا بشوفه منطقي جدا من وجهة نظري انا لسبب لانهم بالجد الليهم حق القبول والرفض...لو لاحظت لمداخلة الدكتور أمين قال باقي السودان ده داير كهرباء ما فرقت بالنسبة ليهم شديد جاية من وين ولا ماشة وين....أكثر حاجة ممكن يقولوها في خطاب عام شكرا للتضحية والسلام.
(غايتو بقيت افتش ليك علي الياء البدون نقط...ياخي في سرعة الطباعة انا بستعمل ابو نقطتين)
12-30-2010, 10:47 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: ـ انا اقدر تمام انزعاج اهل المنطقة. و عارفه برضو ان الحكومة ما ح تعمل دراسات محترمة و حقيقية . وعارفه انها ح تكون ابعد ما يكون من الشفافية. و ده اللى ح يخلينا نتكلم ساى من غير ما نكون عارفين بالضبط الحاصل شنو ٣ـ انا شغالة (من حوالى ٦ سنوات.. .ضمن مشاريع اخرى) فى مشروع بناء سد فى كلفورنيا. انا ضمن فريق فيه مئات المهندسين و الاقتصاديين و العلماء عشان نقرر فى النهاية ح نبنى السد المعين فى كلفورنيا ام لا. صرفنا ملايين الدولارات. و لسه ح نصرف. لكن ما فى زول بيقدر (الان) يقول انه الموضوع ده مجدى (بضم الميم) ام لا. . ٤ ـ السدود (عموم) خيار كويس جدا لانتاج الطاقة و لتنظيم المياه عموما.. .خاصة فى منطقة جافة ذى السودان. لكن اذا كانت الدراسات بيقول ان الطمى ح يملا الخزان, يبقى ما فى فائدة. و اذا كانت تكلفة الخزان اعلى من عوائده يبقى برضو ما فى داعى ليه. لكن القول بان اى حاجه من الحجات دى ح تحصل قبل عمل دراسات من جهات محترمة بيقبى ذى ضرب الرمل و التنجيم...SMART
Quote: و السدود علي علاقه بالتنميه - الناس ممكن تقعد - زي قعدة ناس سمارت في كاليفورنيا - و يشوفو جدوي المساله و لو فيها فائده للمواطنين و يشوفو طريقه لتقليل الضرر علي المتاثرين و جبر ضررهم !!! المشكله في كده إنو الحكومه لا بتخاف من الله ، لا بتخاف من زول و بكضبو زي ما بتنفسو : سد مروي ده لمن كانو بتكلمو عنو : قالو حا يكفي و نصدر الكهرباء و أنا متذكر الكلام ده كويس جدا لانو كنت بفكر في مسالة تصدير الكهرباء دي بتم كيف : الشاهد إنو مافي شفافيه من جهة الحكومه و ما في ثقه عند الناس في وعود الحكومه و مصداقيتها فيما تقول DR.AMIN!
طيب سؤالي للاخوة ودالبشرى واسمارت وأمن...هل عدم الشفافية من الحكومة في رأيكم سبب مقنع للرفض ولا نساعد الموضوع بجكة؟؟ خليكم من سد مروي امس القريبة دي في الانتخابات الفاتت عصام ميرغني النزل في البرلمان قال سدود مافي في برنامجه الانتخابي الوالي قال مافي سد حيقوم لو في زول معارض واحد المؤتمر الوطني برضو قال عديل كدة الامر متروك لموافقتهم...وحين يتساءل الناس عما يجري لا أحد يجيب
12-30-2010, 11:27 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
ادناه كلامي في نفس البوست ردا على تساؤلك الأخير يا أمر
Quote:
Quote: وهسة حكاية الخيار المحلي للمناصير هل عملية مشرفة للاسباب القامت بيها سد مروي
ايوا دا سبب منطقي جدا ترفض بيه خوض التجربة تاني لكن ما سبب لرفض فكرة انشاء السدود بصورة مطلقة و يخليك تقول
وكررتو تاني هنا
Quote: وقلت ليك فوق سبب رفضك منطقي - في رأيي - اذا احتجيت بعدم الشفافية
ليه ؟ لأنو تقريبا اتفقنا سمارت و الدكتور و انا انو الفيصل في موضوع زي دا هو الدراسة المتكاملة التي لا تترك اي ثغرة او جانب ما تغطيه و في النهاية القرار فني فقط لا كسب سياسي للحكومة إذا قام السد أو كسب سياسي - أو من اي نوع - إذا خلصت الدراسة لعدم جدوى قيام السد وكررنا اكتر من مرة حتة القائم بالدراسة يكون بيت له خبرة و سمعة بالتالي غياب الشفافية في اصغر جزئية يكون مصيبة كبيرة و سبب اكتر من كافي لرفض المشروع
لكن الحجة المن أمس دي يا أمر في قولة ( ارضنا ) وكونو دا السبب البتم بيه رفض المشروع حتى الاسباب التانية المذكورة جاية من باب تفتيش هلال تاني - يعني اولريدي الفكرة مرفوضة جملة وتفصيلا و القصة تفتيش مبررات فنية ليها زي ما انا ما ح اقدر اقبل كلام الحكومة عن جدوى قيام السد ما لم تدعمه بوثائق وتصل للنتيجة دي بعد نقاشات وافية من اهل الاختصاص كذلك الاسباب المذكورة من الرافضين بالنسبة ليست مقنعة تماما لنفس السبب - غياب الشفافية
استاذ حسين مداخلتك حمتني الشغل عديل الليلة محتار فيها من الصباح فعلا في جانب مهم جدا لا يمكن التغاضي عنه, وفي نفس الوقت المسائل الإستراتيجية التي تمس كل البلد هل من المنطق أن يعود القرار فيها لمجموعة محدودة دونا عن كل اهل البلد حتى لو كانت المجموعة دي (اصحاب الأرض) على الرغم من ميثاق الامم المتحدة اسمح لي اعود للتعليق عليها بعدين
12-30-2010, 11:47 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
تمام يا ود البشرى انتهينا من نقطة انو الرفض ممكن يكون اسبابه الشفافية ثانيا وجوب دراسة
Quote: لكن الحجة المن أمس دي يا أمر في قولة ( ارضنا ) وكونو دا السبب البتم بيه رفض المشروع
يا حبيب.. الميزانية المرصودة للمشروع 800مليون دولار..هل تعتقد إنو المبلغ ده كافي للتعويض ؟؟؟خليك من جسم السد...يعني لو التعويض سيد الشي بالحسابات المنطقية لانتاج النخلة لسنين انتاجها افتكرت انو عايزة في الحبة الواحدة مليون والحكومة قالت لا 200 ...الناس تقول لا ما بنبيع (أرضنا) ولا يقولوا يعبروا شنو؟
نجي لنقطة ثالثة اطمع في تثبيت رأيك فيها هل لو أخذنا في الإعتبار تجربتنا كنوبيين مع السد العالي وحال انسان حلفا الجديدة...يعني تكرار المأساة وارده...والمخاطرة ممكن تكون سبب رفض برضو؟
12-30-2010, 12:57 PM
Mubarak kunna Mubarak kunna
تاريخ التسجيل: 11-14-2006
مجموع المشاركات: 499
Quote: زي ما انا ما ح اقدر اقبل كلام الحكومة عن جدوى قيام السد ما لم تدعمه بوثائق وتصل للنتيجة دي بعد نقاشات وافية من اهل الاختصاص كذلك الاسباب المذكورة من الرافضين بالنسبة ليست مقنعة تماما لنفس السبب - غياب الشفافية
والمعادلة دي معطوبة ومتعسفة ياود البشري !! كيف? أولا مافي داعي للحديث - عن رفض مبدأ سدود مائية كهذا علي الإطلاق أو بتعميم جزافي .. الحديث هنا عن رفض سدود مناطق النوبة تحديدا و وفق الظروف والملابسات المعينة التي تقام فيها ثانيا نجي لطرف المعادلة الاول:
Quote: ما ح اقدر اقبل كلام الحكومة عن جدوى قيام السد ما لم تدعمه بوثائق وتصل للنتيجة دي بعد نقاشات وافية من اهل الاختصاص
سبب رفضك لكلام الحكومة عن جدوي قيام السد لأنه غير مدعوم بوثائق وأسانيدمقنعة وإنعدام الشفافية هو أكثر من كاف لرفض أهل المنـطقة للسد - سيرفض أهل المنطقة السد لأنه سيغرق أراضيهم الزراعة ويهجرهم ويدمر أثار المنطقةمن دون أن يساهم في خلق رقعة زراعية جديدة هذا فضلا عن عدم تقديم أسباب مقنعة وحيثيات وافية يعني دفاق موية علي سراب !! ويبقي يامحمد طرف معادلتك التاني
Quote: كذلك الاسباب المذكورة من الرافضين بالنسبة ليست مقنعة تماما لنفس السبب - غياب الشفافية
مربوط بالطرف الأول وغير مستقل عنه .. أرتباط الأسباب بالنتائج !! والمقدمات بالخواتيم ..... ........ كيف تتوقع من مواطن أن يصدق إدارة السدود التي أعلنت جهارا نهارا أن سد مروي سيغطي أحتياجات البلاد من الكهرباء وتأتي نفس الإدارة لتقيم سدودأخري ? كيف يتعامل الناس بثقة مع حكومة تتعامل مع قضية السد بمنظور المكاسب السياسية لا الجدوي الاقتصادية ولا البعد الإجتماعي? أقرأ في
Quote: الانتخابات الفاتت عصام ميرغني النزل في البرلمان قال سدود مافي في برنامجه الانتخابي الوالي قال مافي سد حيقوم لو في زول معارض واحد
تلاحظ الوالي أعلي سلطةبالولاية يربط قيام السد بالموافقة والإجماع وعصام ميرغني يقول مافي سدود ? ........ والكاروري يقول السد آحادي الفائدة يدمر الزراعة ويهجر المواطن المعتمد علي الزراعة!! ...
Quote: لماذا إذا تقام سدود أخري مادام سد مروي يغطي كامل إحتياج البلد? ? واللا إدارة السد كذبت وضخمت مردود سد مروي بقصد التكسب السياسي? الخلاصة: إدارة السد والحكومة لا تتمتع بأدني قدرمن الشفافية والصدق ....... - أضرار السد - تهجير السكان وتشريدهم -تدمير الزراعة وإغراق الاراضي الخصبة - دمار أثار وإرث الوطن! -فقدان كمية من حصة السودان من المياه بسبب التبخر! الخ - الفائدة توليد كهرباء - ودي قلنا لاداعي لها طالما أن سد مروي يفي بالحاجة هذا إذا صدقت دراسات وبحوث وتصريحات إدارة السدود?!! ........إسئلةلماذا لا تجلس الحكومة مع أهل المنطقة وتفتح ملفاتها بشفافية وتستمع لمخاوفهم ومعرفة مسببات إعتراضاتهم?
...... الخلاصة : الطرف المطالب بتقديم حيثيات وأسانيد مقنعة والشفافية وتقديم دراسة جدوي وبحوث تبين فوائد السد علي المنطقة والقطر وتوضح كيفية معالجة أوجه القصور وتلافي الأثار السلبية - هو الحكومة وإذا لم تفعل الحكومة فهذا أكثر من سبب كافي للإعتراض والرفض !! ........
(عدل بواسطة كمال عباس on 12-30-2010, 02:13 PM) (عدل بواسطة كمال عباس on 12-30-2010, 10:45 PM)
12-30-2010, 05:20 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: سيكون اجمل حوار اذا تواجد معكم خبراء فى المصادر المائية وخبراء من البنك الدولى
وأضيف هنا : يا ريت لو فى بورداب من منطقة أمرى يجوا يدونا التجربة المستفادة من سد مروى إن كان سلبا أو إيجابا ،، ويا ريت الأخ قمر بوبا ينزل هنا الإيميل بتاعه عشان الناس ما أعضاء يقدروا يواصلوا هنا فى هذا البوست الهام جداَ .
وبعدين شايف فى ناس ذكروا هنا ضمن الفوائد المتوقعة من هذه السدود أنها ستؤدى إلى نهضة زراعية ،، فقط أريد أن أقول لهم هنا بأنه ليس من ضمن أهداف هذه السدود ( كجبار ودال ) شق ترع لإقامة مشاريع زراعية ،، أنهما فقط لتوليد الكهرباء ( 250 كيلوواط لكل منهما ) وهذا هو المعلن ،، وتخزين المياه لجمهورية مصر العربية وهذا هو الغير معلن ،، فياريت النقاش يكون محصور فى هاتين النقطتين
بوبا سلامات وبوست فى العمق تماما
ماهر
12-30-2010, 04:02 PM
nabielo nabielo
تاريخ التسجيل: 04-17-2002
مجموع المشاركات: 3227
شكرا قمر بوبا قيل الكثير والكثير عن فوائد ومضار السدود واود ان اطرح بعض النقاط هنافى شكل اسئلة: 1/ إذا خيرنا بين تنمية مستدامة وتنمية محدودة الأجل ذات عائد وقتى سريع وتنقلب الى كارثة وعبء اقتصادى على الوطن فى المستقبل فايهما تختار؟ 2/ ما قيمة الفاقد من البخر سنويامن السدود فى المنطقة النوبية وكيف نعوض تلك الخسارة؟ وما هى البدائل؟ 3/ ايهما أفضل للنوبة وللسودان: انشاء سدود لا تتجاوز عمرها الإفتراضى عن خمسين عاما وتصبح بعدها عبئا اقتصاديا ام التركيز على التنمية المستدامة كتطوير السياحة فى منطقة غنية بالآثار والتى ستكون عائاتهافى تطور مستمر؟ 5/ لماذا تخاف الحكومات من الإستثمار السياحى للنوبةوتتجاهله وتركز على تدمير النوبة بالسدود؟ نريد إجابة واضحة ومقنعة. 6/ ماذا استفاد النوبيون الذين تم تهجيرهم من مياه السد العالى المخزنة (وهى مياه مصرية بالكامل) فوق فى ارض سودانية بدون مقابل منذ 45 عاما؟ 7/ ما المانع فى البدائل المثالية والتى لا تؤذى النوبة مثل الطاقة الشمسية وطاقة الرياح وعائدات السياحة والتى تعتبر أكبر مصادر الدخل لدول كثيرة مثل مصر التى جنت قبل عامين حوالى 24 مليار دولار من السياحة؟؟؟؟ 8/ المياه التى ستخزن خلف كل هذه السدود من مروى والشريك وكجبار ودال هى مياه مصرية حسب تصريحات المسؤولين وهناك مواد فيديو وتصريحات صحفية كثيرة فى هذا الشأن فى هذا المنتدى والسودان لن يستفيد من هذه السدود إلا فى توليد الطاقة الكهرومائية والتى لن تغطى تكلفة بناء تلك السدود وهى ديون على كاهل الشعب السودانى ( خزان مروى وحده كلف مليارى دولار). كما ان انتاج سد مروى لم يدخل حتى الآن فى الشبكة القومية ووقع السودان اتفاقا مع اثيوبيا لشراء كهرباء أرخص بكثير من كهرباء سنار ومروى مجتمعة!!! إذا ما الفائدة من بناء سدود لأنتاج كهرباء أغلى من الكهرباء المستوردة من اثيوبيا؟ إن اصرار الحكومة على بناء السدود وراءه قصد واضح هو القضاء على الجيب غير العربى الوحيد الذى يعتبرونه خطرا على قيام امبراطورية عربية اسلاموية على ضفاف النيل وهو مخطط وحلم قديم للحركة العالمية للإخوان المسلمين الذين يحلمون بانهيار النظام المصرى فى يد الإسلاميين ويمتد نفوذهم الى السودان وتنهار كل الدول المجاورة امام الزحف العربى الإسلاموى ومن خلفه ترليونات العرب والتكنولوجياالصين الرخيصة والطامعين الإقليميين من تركيا الى ايران وروسيا البعيدة... المسألة اكبر من سدود واكبر من السودان ... انه مخاض يؤذن بتحولات خطيرة فى المنطقة...
نورالدين منان
12-30-2010, 05:16 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
الأخ مبارك كنة تحياتي اتمني مثلك أن يمر علي البوست خبراء في مجال الطاقة الكهرومائية،قبله اتمني أن يمر أشخاص وخبراء في كل المجالات المعنية حقوق الانسان : يفهمونا حقوقنا شنو ولا نحن رافضين باي سنس بس وبالتجربة بس؟ الآثار : يفرتقوا المنطقة من ناحية الدراسات الاركيلوجية وقيمة الارض الحقيقية التنمية : يورونا التنمية دي ذاتا كدة سمبلا علي حساب مجموعة بشرية صغيرة لصالح المجموعات الكبيرة ولا ساي...وهل التنمية فيها اخلاقيات ولا كسر وابني ساي الزراعة : المحاصيل الممكن تتزرع شنو في ظل التغيير المناخي والواطة البقت مزاجها مختلف...وهل في اراضي زراعية غير الحتغرق دي؟؟الممكن يحصل شنو في حالة الهجرة. الاقتصاد:يجاوبوا لينا علي أهم نقطة...هل كجبار ودال مشروعات مجدية وعندها تيرن أوفر بتنعكس بالارقام علي اقتصاد البلد ومنتظرين برضو آراء المختصين حول تمويل السدود بقروض وما يترتب علي ذلك وفي كم سنة ممكن المشروع يكون سدد القرض وهل بعد داك في فائدة من المشروع؟؟
شخصيا كمتضرر قرأت لكم هائل من الخبراء في المجال ولم أجد ما يقنعني بفائدة واحدة لقيام كجبار ودال...نحن ما رفضنا ساي رفضنا حتي اللحظة مسبب. أرجو من الاخوة نبيلو ومدحت للفائدة العامة وضع روابط مقالات المختص في الطاقة الكهرومائية أعتقد اسمه مصطفي عكاشة
12-30-2010, 06:43 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
Quote: ثيقة السؤال من منحى نظري به جزء من الجواب او الحل ! كيف؟ لان السؤال يعترف ضمنيا بان اخذ مشورة وموافقة السكان الاصليين لمنطقة ما مزمع قيام مشروع ما قد يسبب لهم اضرار " ايا كانت نوعية هذه الاضرار" هو شئ اساسي في انشاء المشروع بمعني ان قبولهم بالمشروع او رفضهم للمشروع هو حق اصيل لهم كما ان مفاضلتهم بين التعويض وما يحسبونه خسائر يرجع لتقديرهم هم سوى اثمرت هذه المفاضلة او المفاصلة عن تعويضات اكبر او عن رفض تام لقيام المشروع ببساطة لانهم دون غيرهم المتضررون.. بمعني ان قرار التضحية يجب ان ياتي منهم هم دون وصاية او مصادرة لهذا الحق من قبل كيان اَخر.. بالذات لو كانت هذه المشاريع تنموية وليست مشاريع مصيرية عدم قيامها سيسبب كوارث لمجموعات اخرى..
Quote: اذن الاجابة علي سؤالك من ناحية نظرية تكون (نعم) يحق لسكان اي منطقة جغرافية ذات جذور تاريخية وثقافة او لغة محددة رفض اي مشاريع تعتقد انها تهدد وجودها او تغيير في تركيبتهااو تساعد في طمس ملامحها الثقافية بغض النظر عن الفوائد المرجؤة لكل او جزء من سكان تلك الدولة-
حسين نوباتيا
Quote: استاذ حسين مداخلتك حمتني الشغل عديل الليلة محتار فيها من الصباح فعلا في جانب مهم جدا لا يمكن التغاضي عنه, وفي نفس الوقت المسائل الإستراتيجية التي تمس كل البلد هل من المنطق أن يعود القرار فيها لمجموعة محدودة دونا عن كل اهل البلد حتى لو كانت المجموعة دي (اصحاب الأرض) على الرغم من ميثاق الامم المتحدة اسمح لي اعود للتعليق عليها بعدين
محمد البشرى الخضر
حول موضوع الاراض و رضاء اصحابها. عاوزه اول حاجه اقول : انا شخصيا ضد اخد ارض اى زول غصبا عنه. لو عاوزين نعيش فى البلد دى بصورة كويسه و مكرمين مفروض نحفظ للناس حقوقها و كفانا ضيا ع الجنوب الان. لكن.... فى مصطلح اسمه Eminent domainو هو ان الحكومة تاخد ممتلكات الناس الخاصة من دون رضاهم لكن بدفع التعويض للعادل ,اذا كان الاخد ده فيه مصلحة عاملة. اكرر....دون رضاكم لكن بدفع تعويض عادل. و لازم الحكومة تثبت ان المشروع فيه مصلحة عامة. "تثبت" دى كمان ما معناها يجى زول من الحكومة يحلف. "تثبت" دى انو الحكومة تصرف قروش على شركات محترمة تعمل الدراسات دى. القانون ده (بمسميات مختلفة) موجود فى انجلترا, نيوزلندا, ايرلندا, استراليا, جنوب افريقيا و كندا. و طبعا فى ....ست الاسم , الولايات المتحدة الامريكية. موجود برضو فى فرنسا, ايطاليا, و تقريبا كل العالم. و اتمنى انو الموافقين على السد بس لانهم من مناصرين الحكومة (فى الصاح و الغلط) ما ينتهزوا كلامى ده فرصة للنيل من اصحاب الحق. لانى (و كلنا) عارفين ان حكومتنا ما ح تعمل دراسات وافية و ما ح تعوض الناس تعويضات عادلة.
ح ارجع بعد شوية ___________________________________________ دكتور امين....
Quote: زي قعدة ناس سمارت في كاليفورنيا
ما عارفه ليه... لكن شميت ريحة تريقة. و حاساك بتضحك هسي و بتقول: بالله شوف الفرحانة دى. hay, just kidding, man
المشكلة شائكة وعميقة ولا يسهل تناوله عبر منبر اسفيري، ولكن لا بأس من تناوله في سبيل ايصال فكرة ان هنالك اجماع من اغلبية اهل المنطقة المعنية بقيام السدود فيها ترفض وتناهض بشدة قيام السدود في مناطقهم بوضوعية مؤيدة بدراسات وبحوث .. ولي في البداية ان اوضح بانه ولا يمكن أن يرفض أي عاقل قيام مشاريع تنموية لها أن تنهض بالمنطقة، ولكن لكل مشروع ظروفه وملابساته وجدواه ومخاطره ، ويحتاج إلى دراسات متأنية تأخذ بكل الجوانب، وتقارن وتفاضل وتتواصل مع الجهات ذات العلاقة للتدارس واتخاذ المناسب بالتوافق مع المعطيات المؤيدة أو الرافضة . باعتبار أن الغاية المفترضة هي الرقي وتنمية المنطقة.
وما حدث في محيطنا الاجتماعي من خلافات بسبب طرح فكرة قيام السد بمنهجية غير عاقلة وغير مدركة لعواقب الأمور كان سببا مباشرا في عرقلة مسيرة النماء في مناطقنا النوبية . وأرادت السلطات أن ترسم صورة غير حقيقة في أذهان المجتمعات السودانية لتصفهم تارة بالغباء وتارة أخرى بالعمالة وما اليها من تهم بعد أن فشلت في استخدام القوية الجبرية في منطقة آمنة لم يألف أهلها حمل الأسلحة النارية حيث كان سلاحهم الحجة والمنطق . ولكن السلطات رفضت التعاطي بأسلوب التحاور بالمنطق لعلمهم التام بان كفتهم هي الخاسرة .لان مسعاهم لقيام السدود في المنطقة لم تكن مؤيدة بدراسات تؤهلهم بإقناع أهل المنطقة بجدواها . وبالرغم من أن السلطات اتخذت من الخطوات ما تعدت بها على حقوق أهل المنطقة كان للمناهضين مواقف واضحة تنادي السلطات بطرح مشروع قيام السد في مناطقهم للجان بمشاركة أهل المنطقة و المناهضين منهم و تحت رقابة جهات أكاديمية تعد دراسات الجدوى . و الفرصة مازالت متاحة للتدراس والتفاكر حول جدوى قيام السدود في المناطق النوبية مع أهل الشأن وليس بالسطوة والجبروت .
ولي أن أتناول في مداخلة قادمة بعض الأخطاء أو التصورات الخاطئة التي لازمت جموع المعارضين ..أو المناهضين لقيام السدود في المناطق النوبية ..
12-30-2010, 10:33 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: عاوزه اول حاجه اقول : انا شخصيا ضد اخد ارض اى زول غصبا عنه. لو عاوزين نعيش فى البلد دى بصورة كويسه و مكرمين مفروض نحفظ للناس حقوقها و كفانا ضيا ع الجنوب الان. لكن....
شكرا اسمارت
Quote: خلصنا من هذا البوست الى فهم ان النوبيين لا يرفضون قيام السدود كفكرة .. ولكن انعدام الثقه وعدم الشفافيه فى الطرح ...والتجارب السابقه هى التى جعلتنا نقف ضد قيام السدود لانها لاتعنى تنميه بل هدم وخراب
شكرا لدن
Quote: قيل الكثير والكثير عن فوائد ومضار السدود واود ان اطرح بعض النقاط هنافى شكل اسئلة: 1/ إذا خيرنا بين تنمية مستدامة وتنمية محدودة الأجل ذات عائد وقتى سريع وتنقلب الى كارثة وعبء اقتصادى على الوطن فى المستقبل فايهما تختار؟ 2/ ما قيمة الفاقد من البخر سنويامن السدود فى المنطقة النوبية وكيف نعوض تلك الخسارة؟ وما هى البدائل؟ 3/ ايهما أفضل للنوبة وللسودان: انشاء سدود لا تتجاوز عمرها الإفتراضى عن خمسين عاما وتصبح بعدها عبئا اقتصاديا ام التركيز على التنمية المستدامة كتطوير السياحة فى منطقة غنية بالآثار والتى ستكون عائاتهافى تطور مستمر؟ 5/ لماذا تخاف الحكومات من الإستثمار السياحى للنوبةوتتجاهله وتركز على تدمير النوبة بالسدود؟ نريد إجابة واضحة ومقنعة
شكرا منان
Quote: وما حدث في محيطنا الاجتماعي من خلافات بسبب طرح فكرة قيام السد بمنهجية غير عاقلة وغير مدركة لعواقب الأمور كان سببا مباشرا في عرقلة مسيرة النماء في مناطقنا النوبية . وأرادت السلطات أن ترسم صورة غير حقيقة في أذهان المجتمعات السودانية لتصفهم تارة بالغباء وتارة أخرى بالعمالة وما اليها من تهم بعد أن فشلت في استخدام القوية الجبرية في منطقة آمنة لم يألف أهلها حمل الأسلحة النارية حيث كان سلاحهم الحجة والمنطق . ولكن السلطات رفضت التعاطي بأسلوب التحاور بالمنطق لعلمهم التام بان كفتهم هي الخاسرة .لان مسعاهم لقيام السدود في المنطقة لم تكن مؤيدة بدراسات تؤهلهم بإقناع أهل المنطقة بجدواها .
شكرا ولياب... يا عمنا تحياتي وشكرا للتوضيح ___ ميادة كمال : خاطبت بكري لحذف أي كلام فيه اساءة ليك....بكري ما قصر...اتمناك طيبة وأيدي السدود زي ما انتي عايزة فقط تأكدي انو زول غيرك مافي زول قال نعم..ونأسف لأي رايش وصلك من البوست والاحترام كله ليك
شكرا جزيلا مدحت ونبيلو...شكرا جميلا ماهر محمد صالح وانت صاحب ارض اكتر مننا تحياتي كمال عباس بعقلك الراجح وموقفك الواضح الخلاصة: لا شيئ يجعل حتي اللحظة يجعلنا نؤيد السدود بل نقول بأعلي صوتنا ...لا لسد دال لا لسد كجبار لكم مني التقدير والاحترام...نلتقي علي ذلك الوطن ونفترق عليه...اشكركم جدا ..وكل عام وسوداننا وانتم بألف خير ...والسلام عليكم
لا لدال ولا لكجبار
____إنتهي البوست____
12-30-2010, 10:35 PM
Mannan Mannan
تاريخ التسجيل: 05-29-2002
مجموع المشاركات: 6701
عقلاء النوبة لن يرضوا بالسدود لمعرفتهم السابقة بخطر السدود.. السودانيون لم يقفوا مع النوبيين أثناء كارثة السد العالى فعندما قاد النوبيون اولى المظاهرات ضد نظام عبود فى الخرطوم وكانوا يهتفون: أرقين أرقين ولا برلين... ينعل .... يا عبود حلفا دغيم ولا لبنان... خشم القربة تطلع (...كم) يا ... وكان ناس العاصمة يستهزئون من تلك المظاهرات ويضحكون على اللكنة النوبية (هلفا دقيم) (هشم القربة) الخ... كان هذا هو رد افندية العاصمة المثلثة الناعمين والحالمين والذين كانوا يعتقدون ببساطة انها مجرد برابرة وعاوزين يعملوا هيصة...والآن وبعد أكثر من اربعين عاما يقفون موقف المتفرج السلبى!!! تبا لكم يا نخب السودان... ايها المشوهون... هكذا تضيع بلادكم .. ارضا وانسانا وثروات... تضيع كنوزكم الأثرية التى بإمكانها ان تجذب لكم العالم... من اموال واستثمارات وسمعة طيبة بدلا من سدود الدمار... إقرأوا عن السدود وكيف انها صارت كوارث طبيعية... مصر الآن تصرف مئات الملايين لصيانه السد العالى وتتعرض لمخاطر الزلازل وارتفاع مستوى المياه الجوفية خلف السد وتشقق الأبنية والطرق وعدم وصول الطمى الى الدلتا جعل البحر يأكل أرض مصر كما ان عدم وصول الطمى الى اراضى مصر جعل اعتماد مصر على المخصبات الكيماوية اعتمادا كليا وتسربت الكيماويات الى مياه الشرب وصارت تهدد حياة الشعب المصرى بالأمراض الخطيرة... السدود هى جريمة فى حق الأجيال القادمة بينما السياحة هى مصدر دخل متزايد ومتنام ولا يلحق ضررا بالأرض والإنسان.. الاحظ ان الكيزان لا يردون على هذه النقطة الجوهرية لأنها تهزم دعاويهم... انهم يكرهون السياحة ويكرهون النوبة لأن انتعاش النوبة من خلال السياحة يشكل خطرا على افكارهم التدميرية... يخافون من فتح ابواب النوبة امام السياحة العالمية لاعتقادهم بأن الغرب سيجلب التحلل والكفر وما أكثر الخراب والتحلل الذى حدث فى عهد التوجه الحضارى,,, شكرا قمر بوبا على هذا الخيط النوبى الراقى..
نورالدين منان
12-30-2010, 10:49 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: طيب سؤالي للاخوة ودالبشرى واسمارت وأمن...هل عدم الشفافية من الحكومة في رأيكم سبب مقنع للرفض ولا نساعد الموضوع بجكة؟؟
في رايي إنو سبب مقنع جدا للرفض !!
لا أظن إنو في عاقل ممكن يخش في أي نوع من الأتفاقات مع من لا عهد له سوي صغر الموضوع أم كبر : و نحن هنا بنتكلم عن مراتع الصبا و أرض الأجداد و بنتكلم عن حكومه لا عهد لها و لا ذمه ، the stake is too high عشان الناس تخش مع الحكومه دي في أي نوع من أنواع الأتفاقيات البتطلب شفافيه و مصداقيه ...
------------- نرجع ليك السؤال يا موسي إنت و باقي الأخوان اليدهم في النار : لو الحكومه قعدت و اتفقت معاكم علي تعويض و التزمت بدفعو مقدما قبل أي انشاءات أو تهجير : بتوافقو ولا لا !!!
12-30-2010, 11:10 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: نرجع ليك السؤال يا موسي إنت و باقي الأخوان اليدهم في النار : لو الحكومه قعدت و اتفقت معاكم علي تعويض و التزمت بدفعو مقدما قبل أي انشاءات أو تهجير : بتوافقو ولا لا !!!
في المرحلة الحالية لأ ما بتثق في اي حكومة ...حتي لو قالت تعويض النخلة الواحدة مليون دولار...تصدق؟؟ في أزمة ثقة
ثم لو في ثقة ياخي حنقول ليهم ما بايعين...كجبار دي جنة الدنيا وباريس لا تسوي عندي جناح بعوضة ....سكنت فيهم الاتنين ما بايعين يا دكتور ...شن قولك؟؟؟
12-30-2010, 11:33 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: في المرحلة الحالية لأ ما بتثق في اي حكومة ...حتي لو قالت تعويض النخلة الواحدة مليون دولار...تصدق؟؟ في أزمة ثقة
ثم لو في ثقة ياخي حنقول ليهم ما بايعين...كجبار دي جنة الدنيا وباريس لا تسوي عندي جناح بعوضة ....سكنت فيهم الاتنين ما بايعين يا دكتور ...شن قولك؟؟؟
إذن يا موسي انتو ما جايين لحوار !!
و ده البخلي الحكومه تعمل ليكم : التجاهل التجاهل التجاهل يعني حتي لو ثبتت فائدة المشروع للبلاد و العباد و كان في تعويض مناسب و ماخدنو مقدما : برضو ما عايزين ؟! النقاش في شنو إذن ؟
-------- هذا البوست فتح ليبقي : سالتك بالله ما تحذفو : لي مليون سنه ما إتداخلت لي في موضوع مهم و الناس بتتناقش فيهو بروح طيبه زي بوستك ده !!
12-31-2010, 04:48 AM
حسين نوباتيا حسين نوباتيا
تاريخ التسجيل: 06-06-2008
مجموع المشاركات: 2473
Quote: وفي نفس الوقت المسائل الإستراتيجية التي تمس كل البلد هل من المنطق أن يعود القرار فيها لمجموعة محدودة دونا عن كل اهل البلد حتى لو كانت المجموعة دي (اصحاب الأرض) على الرغم من ميثاق الامم المتحدة اسمح لي اعود للتعليق عليها بعدين
هل تعني اقامة استفتاء "لكل اهل" البلد ليبدوا رايهم في المشروع المعني ؟؟ الاشكالية هنا في كلمة (كل اهل البلد) لانها لا تستوي الا اذا اعتبرنا سكان الشمال الرافضين للسدود مواطنين اجانب - ااكد لك عدم وجود قانون او منطق يعطي لحكومة او شعب او شعوب اخرى مجتمعة او برلمان او برلمانات لدولة او دول متعددة الحق في "فرض" مشروع " تنموي" يضر اصحاب الارض المزمع انشاء المشروع عليها لسبب بسيط منطقي واخلاقي الا وهو اختلال وحدة القياس فلا يمكنك ان تقييس "فوائد" لجزء من السكان مهما صغر او كبر الجزء "باضرار" جزء اخر من السكان دون موافقة هذا الجزء المتضرر - ومن هنا اتت روح ميثاق الامم المتحدة لحماية السكان الاصليين .. التشديد على كلمة تنموي هي المفتاح للخروج من هذه الحلقة - الاختلاف يحدث لو ان طابع المشروع مصيري عدم انشاءه سيحدث ضرر ذات طابع كارثي (لكل) السكان..
Quote: فى مصطلح اسمه Eminent domainو هو ان الحكومة تاخد ممتلكات الناس الخاصة من دون رضاهم لكن بدفع التعويض للعادل ,اذا كان الاخد ده فيه مصلحة عاملة. اكرر....دون رضاكم لكن بدفع تعويض عادل. و لازم الحكومة تثبت ان المشروع فيه مصلحة عامة. "تثبت" دى كمان ما معناها يجى زول من الحكومة يحلف. "تثبت" دى انو الحكومة تصرف قروش على شركات محترمة تعمل الدراسات دى.
الاخت اسمار - انا سلامات.. مصطلح Eminent Domain يطّبق على مواطنين افراد او مجموعات صغيرة وهو يعطي الحكومات الذكرتيها وحكومات اخرى الحق في مصادرة املاك اشخاص للمصلحة العامة مع التعويض العادل والاخ محمد ذكره في بداية مداخلته.. اما حالتنا هنا خاصة بظاهرة اكبر لا يتضمنها هذا المصطلح بل هي عرف دولي يندرج تحت ميثاق الامم المتحدة - وفي الحالة الامريكة اتي داعما لموقف الهنود الحمر وحقوقهم المعترب بها اصلا بعدد من القوانين الامريكية والتي سمحت لهم بانشاء محميات خاصة لهم وبموصفاتهم الخاصة وحين تحتاج الحكومة الامريكية لمد طريق او عمل اي مشروع قد يتداخل مع محميات الهنود الحمر تكون القولة الفصل للهنود الحمر واظنك ست العارفين .. موضوع السدود لمالاَته على الانسان - الحيوان - الارض - المناخ - بالاضافة للثقافة - التاريخ - اللغة - الاثار في حالتنا يندرج تحت .. United Nations Declaration on the Rights of Indigenous Peoples
والذي اتى فيه (((Concerned that indigenous peoples have suffered from historic injustices as a result of, inter alia, their colonization and dispossession of their lands, territories and resources, thus preventing them from exercising, in particular, their right to development in accordance with their own needs and interests,
Recognizing the urgent need to respect and promote the inherent rights of indigenous peoples which derive from their political, economic and social structures and from their cultures, spiritual traditions, histories and philosophies, especially their rights to their lands, territories and (((resources,
Quote:
------------- نرجع ليك السؤال يا موسي إنت و باقي الأخوان اليدهم في النار : لو الحكومه قعدت و اتفقت معاكم علي تعويض و التزمت بدفعو مقدما قبل أي انشاءات أو تهجير : بتوافقو ولا لا !!!
امين الامين شكرا على السؤال الدغري ..
الاجابة لا - لان الموضوع بالنسبة لنا لا يقاس بالمقابل المادي وليس كما قلت او "بسّطت" انت ان الموضوع ذكريات وحنين لمكان الخ بل هو اكبر بكثير وسارد على هذه الجزئية ضمن الاسباب العملية التى تستدعي رفض كل سكان الشمال لهذه السدود..
Quote: لابد انك لاحظت خلال غيابك أن أعوان النظام دعاة الغرق تمددوا في الفترة الماضية توهما أن المناهضة شمسها في أفول ولابد من استناح الفرصة للترويج لمشروع الدمار بجرأة لا تعرف الاستحاء!! ولذلك من المهم التذكير دون ملل ولا توقف أن الغرق ليس من متطلبات التنمية في مناطقنا بل هو نكبة جديدة أكبر من نكبة البرامكة في بغداد العباسيين!! معلومة لفتت نظري وهي موضوع الحوض النوبي لأنه في الواقع يبدأ من جبال النوبة حتى شمال السودان وجنوب ليبيا؛ ولو تذكر قبل سنوات عندما قررت ليبيا إنشاء النهر العظيم انزعجت مصر من احتمال نضوب مياه الحوض الجوفي وأرسلت وفدا علميا عالي المستوى بقيادة مهندسين من القوات المسلحة المصرية لدراسة الحوض فوجدوا انه يجدد نفسه بأمطار جنوب كردفان ودارفور ولا خوف عليهم ولذلك قررت عدم إثارة أي اعتراض على [النهر العظيم]. لكن ما أثرته مهم لأن التحكم في استغلال المياه الجوفية تتطلب سياسة رشيدة بقيادة فنيين في حين المتأسلمين يتعالملون مع القضايا بالولاء وليس الكفاءة مثلما فعلوا مع الحامداب وكجبار ودال والشريك إلخ ضاربين عرض الحائط بأهل المنطقة لدرجة إبعادهم من أطراف أراضيهم كما حدث للمناصير. لابد من تجهيز مذكرة واضحة تعبر عن مخاوفنا وأمانينا للتنمية في منطقتنا وألا ننساق وراء مناوراتهم التي أطلت برأسها من جديد باتصالات فردية من طفل القصر المدلل مصطفى لمحاولة التعامل الجزئي مع موضوع الخزان الكارثة. وما كان له أن يتمكن لو أن لجنة المناهضة صاحية وتجتمع بانتظام ولا تسمح لأهل السلطة والموالين أن يتعاملوا مع أفراد في لجنة المناهضة في الشمالية والخرطوم خارج الإطار المؤسسي لفركشتنا. ويتواصل النضال سآد آشا الخرطوم في 15نوفمبر2007
12-31-2010, 05:14 AM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
خواطر في يوم السدود العالمي.. آن أوان اليقظة أعزائي، بالأمس كان 13 مارس وهو يوم السدود العالمي.. والغرض منه ليس تمجيدها والترويج لها وانما تنبيه الناس وحشد الجهود أينما يراد إقامتها لمراعاة النتائج المترتبة على إنشائها على السكان والبيئة في المدى القريب والبعيد. هذا ما دفعني لإعادة قراءة كل المداخلات في مختلف المواقع الالكترونية السودانية ومراجعة كل ما نشر في الصحف المطبوعة لأنني ما زلت حبيسة في البيت، لا خيار غير التأمل في مختلف الآراء حول السدود ومستقبل منطقتنا ومصيرها أرضا وسكانا والتعقيب عليها إجمالا. في هذه المراجعة اتضح لي أن جميع المداخلات تتفق في حاجة المنطقة للتنمية والتباين في وجهات النظر هو في كيفية تحقيقها، لذلك رأيت تصنيفها في مجموعات رئيسية على أساس قبول الإغراق أو رفضه لكي أتمكن من مناقشة فحواها لتوضيح وجهة نظري في مجمل المواقف: أولا: هناك مجموعة ترى ان تنمية المنطقة تتطلب اقامة خزانات لتوفير الطاقة والمياه لمختلف الأغراض، واننا لا ينبغي ان تستعبدنا فكرة الحفاظ على الآثار، التي وصفها أحدهم بالأحجار عديمة القيمة إمعانا في الاستهانة بها، لأن الناس لأن الأحياء حاليا أولى بالرعاية. وقد شارك في الدعوة لقبول الخزانات بعض الزراعيين ومهندسين الري والاقتصاديين وآخرين. لا تثريب عليهم لأن امبراطور السدود تعمد إخفاء المعلومات والدراسات المتعلقة بخزانات الشمالية حتى لا يراها أهل المنطقة ويعرفوا أن الخبراء أوصوا بعدم إنشائها في الشمالية بل في أعالي النيل الأزرق لستنباط4 إلى6 أضغاف خزانات الشمالية مع الميزات الأخرى كقلة السكان المتاثرين، وعمق المجرى لحجز الطمي لحماية الخزانات كلها من الروصيرص حتى السد العالي.. في النهاية قام بيت الخبرة يتلخيص ما توصلوا إليه في تقييمهم لمواقع الخزانات ومثال ذلك كتبوا عن دال ما يلي: (1) الطبوقرافيتا المحيطة بالموقع ارتفاعها ضئيل للغاية (2) حوض التخزين ضحل والهدر بالتبخر عالي للغاية (3) قاصر على استنباط الطاقة وليس للري أو للحماية من الفيضانات او لتنظيم مجرى التهر. (4) السكان المتاثرين عددهم كبير. (5) ضياع كبير لكل أشجار النخيل والأراضي الزراعية والجدول أدناه يوضح المقارنة بين الخزانات التي قام بيت الخبرة بدراستها [عتمادا على تقديرات إدارة السدود لعدد السكان] 1-1. اسم الخزان: ماندايا Mandaya 1-2. الارتفاع بالمنر: لغابة 260متر 1-3. الطاقة التصميمية: 2400- 2800ميجاواط 1-4. الاستنباط سنويا: 16-18 ألف جيجاوات/ساعة 1-5. عدد السكان المهجرين: صفر- الف نسمة ============================ اسم الخزان: دال الارتفاع بالمنر: 45 الطاقة التصميمية: 700-800ميجاواط الاستنباط سنويا: 6-7 ألف ميحاواط/ ساعة عدد السكان المهجرين:10 الف -20الف نسمة ============================ اسم الخزان: كجبار الارتفاع بالمنر: 20 الطاقة التصميمية: 108-300ميجاواط الاستنباط سنويا: 3-4 ألف ميحاواط/ ساعة عدد السكان المهجرين:5 الف -10الف نسمة ============================ غير أن إميراطور السدود قذف بتوصيات بيت الخبرة الذي كلفه بالدراسة عرض الحائط وشرع في تنفيذ مخططه فاستصدر أمرين جمهوريين الأول ليتولى أمر سدود السودان بكامله، والثاني لتمليك امبراطوريته اراضي الشمالية!! وخلافا لتوصيات الدراسة بدأ سريعا بالفعل فأتى بمن يتفق معه من المهندسين وغيرهم وسارع بالبدء في بناء خزان الحماداب وانهال على المعترضين ضربا وتقتيلا مهما كان سبب احتجاجهم. بعد ذلك واصل مخططه بارسال العاملين والمعدات وقوة الحراسة للشروع في إقامة كجبار ودال رغم أنف الناس وباستهانة بلغت درجة رفض البقاء في الاجتماع مع ممثليهم ولو لتنويرهم بحجم المأساة التي سوف تلم بهم!! لكن حتى إذا اعتبرنا أن الحامداب أصبح أمرا واقعا لابد من التساؤل: لماذا الإصرار على أعراق الشمالية يإقامة اربعة خزانات فيها دفعة واحدة: (الحامداب/ كجبار/ دال/ الشريك) وهي المنطقة التي لم تلتـئم جراحها بعد من غرق السد العالي حتى اليوم؟ [يتبع] سعاد إبراهيم أحمد الخرطوم في 14مارس2008
12-31-2010, 07:42 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
سلامات للجميع .. تعرفو النقاش دا ممكن يكون المحوري فيهو عدة اسئلة بعداك الزول يبني على اساس اجاباتها موقفو من السد دا او اي مشروع تنموي على الاطلاق 1- حق الحكومة المعينة في انتهاك حق مجموعة من الافراد لاقامة مشروع متعلق بالصالح العام للمجتمع 2- حق المجتمع - و من ضمنه هولاء الافراد - في التأكد من أن هذا المشروع يخدم الصالح العام (ليس باكثر من مضاره بل بافضل نتائج ممكنة عند المقارنة مع البدائل) و قدرة الحكومة على هذا الاثبات Being serving the BEST public interest not just the public interest 3- التعويض العادل لمجمل الافراد المتضررين . الاجابة على الاسئلة دي هي البتخلي الزول يحدد موقفو من موضوع بناء السد
أختنا سمارت لفتت النظر لمفهوم مهم في القانون و هو التملك القسري : Eminent domain او زي ما بيسمهو في اوربا باسم اقرب للعدالة الشراء الاجباري : compulsory purchase و دا بيخت قاعدة الاساسية في التعويض و هي fair market value القيمة العادلة في السوق كحد ادنى للتعويض و بعداك بتشجع المحكمة الحكومة على دفع تعويض اعلى و دي عرفوها بانو السعر الممكن يدفعو المشتري الراغب في الشراء من البائع غير الواقع تحت تأثير اي ضغط .. و دي مش بتتحسب بالطريقة الحسب بيها قمربوبا فوق سعر النخلة و دايرر يتجاوز فيها اي اكساغيريشن بل بتتحسب باعتبار ال most profitable use للملكية المنزوعة. و في الاول و الخر سلطة تحديد قيمة التعويض هي سلطة قضائية و ليست تنفيذية او تشريعية (و دا حكم المحكمة الامريكية العليا) فما في حاجة اسمها الحكومة تقلع بيتك و تحدد ليك التعويض كم عشان تديك ليهو انتا و الحكومة بتمشو المحكمةو القاضي هو البيحدد ال fair market value بعد ما هو يتأكد بالاساس انو المشروع دا بيخد ال best public interest يعني مافي حاجة اسمها وحدة تنفيذ السودو هي الخصم و الحكم و التنمية و كلو .. و عشان كدا المهندسين بتاعين كالفورنيا ديل صابين معاهم سمارت و بيصرفو في الملايين عشان يثبتو القصة دي
12-31-2010, 07:39 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: و دي مش بتتحسب بالطريقة الحسب بيها قمربوبا فوق سعر النخلة و دايرر يتجاوز فيها اي اكساغيريشن بل بتتحسب باعتبار ال most profitable use للملكية المنزوعة. و في الاول و الخر سلطة تحديد قيمة التعويض هي سلطة قضائية و ليست تنفيذية او تشريعية (و دا حكم المحكمة الامريكية العليا) فما في حاجة اسمها الحكومة تقلع بيتك و تحدد ليك التعويض كم عشان تديك ليهو
عليك الله زحنا من مسألة المحاكم دي يقوموا يحكموا علينا بالجلد بدل التعويض بالجلد والنوبة كلها تكورك ووواي يا أمي.
_ محزن أمر هذه البلاد يا أمجد...صرنا نبحث للعدالة في خشم البقرة
بوبا ،، مع كامل أحترامى لخياراتك ،، ولكنى أرى بأن هذا البوست من أهم البوستات التى تتحدث عن الهم النوبى الحالى والمستقبلى ،، لأننا مقبلون فى أعتقادى إلى وضع لا يعرف مداه إلا الله إذا ما أصبح هذين المشروعين فى حكم الواقع ،، إننا فى كامل السكّوت وجزء كبير يقارب الـ 80% من المحس سيختفى من الوجود وسيذرونا الرياح شذرا مذرا إلى عالم مجهول .
لذا بالعكس أننا نطالب أن يتطور هذا البوست إلى شىء قريب من وثيقة تقدم إلى الحكومة والجهات المهتمة بهذا الشأن لإستخلاص النقاط الهامة الواردة فيها وهو كثيرة جداَ ،، هنالك متخصصون كثيرون لم يأتوا بعد هنا ،، إن رأيهم مهم جداَ على الأقل للذين يؤيدون أقامة هذين السدين .
فمن فضلك دع هذا البوست يسير إلى منتهاه .
ماهر
12-31-2010, 07:28 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
سارة علي سنة جديدة وسعيدة عليك وعلي كل الاهل...شكرا للمرور تصدقي بكري رسلت ليه رسالة يشيل بعض المداخلات المزعجة ويغير العنوان شال المداخلات وما غير العنوان...مسالة يثبت البوست انا ما عشمان ولا فكرت فيها...انتي قايلاني تاج السر الملك ولا شنو
أبقي طيبة
12-31-2010, 07:45 AM
Amjed Amjed
تاريخ التسجيل: 11-04-2002
مجموع المشاركات: 4430
Quote: محزن أمر هذه البلاد يا أمجد...صرنا نبحث للعدالة في خشم البقرة
سيد الرايحة يا باشمهندس لكن خليني اختلف معاك بالعكس مسألة المحاكم دي يفترض انها تكون اول مطالبنا ، انو يكون في جهة محايدة تجاوب على اسئلتي التلاتة الفوق دي و تحدد ضرورة السد من عدمهت و فائدتو من عدمها و تحدد تعويضات اهلنا دي ... و ما افتكر في احسن من القضاء .. المشكلة انو النظام القضائي في السودان ذاتو ما عارفو عامل كيف كيف ، و انو هل بيقدر و يقبل يتعامل مع قضية زي دي و طبعاً الكلام دا ذاتو بيدخلنا في حوش استقلالية السلطات و ... الخ
12-31-2010, 08:15 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: المشكلة انو النظام القضائي في السودان ذاتو ما عارفو عامل كيف كيف ، و انو هل بيقدر و يقبل يتعامل مع قضية زي دي و طبعاً الكلام دا ذاتو بيدخلنا في حوش استقلالية السلطات و ... الخ
تعرف يا أمجد بالذات ناس القضاء ديل ما ممكن يحسموا أي حاجة ياخي سؤال بسيط موجه للأجهزة العدلية...أين ملف شهداء كجبار ديل اسمهم الخصم والحكم...خلينا نحتكم ونتمسك بعدالة القضية والرفض ..
12-31-2010, 08:27 AM
Amjed Amjed
تاريخ التسجيل: 11-04-2002
مجموع المشاركات: 4430
السلام عليكم جميعا,, من أجمل البوستات في خواتيم 2010 حوار راقي وموضوعي جدا,,
حقيقي بستغرب كيف الحكومه بقلب جامد عايزه تغرّق حضاره عمرها سبعه اَلاف سنه, عشان كم ميغاواط كهرباء !!!!!!! بدل ما تتبناها وتروّج ليها وتبرزها للعالم وتستفيد وكل البلد من عائداتها !!! لأنه حقيقي منطقة النوبه ما زي أي منطقه تانيه من حيث الأهميه التاريخيه, والاثار اللي هي ثروه في باطن الأرض وعلي ظهرها في انتظار الرعايه والتنقيب والعرض !
سؤالي للإخوه المتابعين للقضيه, سعادة السفير نور الدين منان ,حسين نوباتيا, قمربوبا وسمارت وكل البقيه: في حال تعنّت الحكومه وإصرارها علي قيام السدود رغم رفض ال Natives للمشروع, هل في جهه دوليه, ممكن الموضوع يترفع ليها برمته؟ (ده باعتبار المنطقه محميه من قبل اليونسكو)
يعني زي فكرة أبيي اللي اترفعت للاهاي للبت فيها مثلا؟
12-31-2010, 07:48 AM
هواري نمر هواري نمر
تاريخ التسجيل: 04-29-2009
مجموع المشاركات: 1833
مداخلة بالجنبة كده: تستحضرني واقعة حصلت في (فرنسا) تقريباً.. فقد فكرت البلدية إقامة (ناطحة سحاب) و المكان المفترض كان (مقهي) قديم وقديم جداً, و يدخل ضمن الآثار القديمة...عندها وقف (المواطنون) ومنظمات المجتمع المدني ورفضو إقامة هذه (البناية) مكان هذا الصرح التاريخي.لآنه يمثل لهم تاريخاً و آثراً قديما ...وأن بإمكان إنشاء (البناية) في أي مكان آخر! وفعلاً حمكت لهم(المحكمة) في صالحهم.... المحكمة ..المحكمة و ليس . الحكومة أو البلدية وبقي (المقهي) في مكانه..*
- ايضاً لو تتذكرون موقف الفنان (محمد منير) في مصر, عندما كانو يريدون إقامة كورنيش أمام معبد ابوسنبل...علي ما أعتقد ــــــــــــــــــــــــ**
بالرجوع إلي مداخلة (أمجد)..وفيها ذكر للقضاء ــ و لكن هل إدارة السدود في السودان أو وزارة الطاقة أو المالية, سوف تمتثل لقرار المحكمة. أم أنهم يتبعون للقرارات السياسية و السيادية من رأس الدولة مباشرة, يعني اقلع يعني أقلع...وسد يعني سد... وفي ألاخر يكبرون و يهللون بأنهم بنو أكبر إنجاز و ينالون عليه الآوسمة. _____ * و **: من الذاكرة فقط.
12-31-2010, 08:41 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
طيب من الذاكرة برضو يا هواري في تظاهرة قامت في بكين لمنع قيام مقهي (استاربكس) المعروف في ساحة صينية ترمز للاستقلال... يعني المسألة لما تخش في تاريخ وشخصية الشعوب بتبقي صعبة....حتي لو كانت علامة تجارية
_ انت وأمجد مالكم مثاليين كدة الليلة....محكمة شنو وقضاء شنو...ياخ شفت عمرك بلد فيها وزارة الري والموارد المائية براها وفي وزارة ولا وحدة تانية اسمها هيئة تنفيذ السدود؟
12-31-2010, 08:08 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
و ده البخلي الحكومه تعمل ليكم : التجاهل التجاهل التجاهل يعني حتي لو ثبتت فائدة المشروع للبلاد و العباد و كان في تعويض مناسب و ماخدنو مقدما : برضو ما عايزين ؟! النقاش في شنو إذن ؟
-------- هذا البوست فتح ليبقي : سالتك بالله ما تحذفو : لي مليون سنه ما إتداخلت لي في موضوع مهم و الناس بتتناقش فيهو بروح طيبه زي بوستك ده !!
يا دكتور أمين غير الروح الطيبة ياخي بقي لينا شنو في الدنيا...أي حاجة فقدناها...حتي الجنوب مشي والشمال ماش يغرق...الناس بدل عن نقتها...التبقي ماهلي كرريقته زي ما يقول حميد
الكرريقة (الكري) تعني الراكوبة برضو حميد زاد ليها حرفين زيادة من عنده كما فعل ابن أختك..حمور زيادة وهو بالمناسبة وينه يشيل وشنا ويخلينا نغرق كدة
بالمناسبة أنا مقتنع بحاجة واجة واحدة...انت لو ناقشتنا في السدود حتلحقنا امات طه....لانو انت نوع الناس البقول داير حقي من نخلاتكم الوراك ليها عبدالحكيم...الله لا كسب حكيم تولا
12-31-2010, 08:48 AM
هواري نمر هواري نمر
تاريخ التسجيل: 04-29-2009
مجموع المشاركات: 1833
Quote: انت وأمجد مالكم مثاليين كدة الليلة....محكمة شنو وقضاء شنو...ياخ شفت عمرك بلد فيها وزارة الري والموارد المائية براها وفي وزارة ولا وحدة تانية اسمها هيئة تنفيذ السدود؟
يا قمرنا والله لا مثاليات و لا شئ!!ههههههه انت عارف رائي في الموضوع ده شنو؟ * وقلتها لالا و لا كبيرة وللنهائية. بس أهو بنواصل حتي أخر شئ مع الناس اللسع (مع) قيام السد ده.
__ * لو تتذكر قصة المشروع في أخر الثمانينات...(جاد غريب مقلد) في ارقو السرارية. ولاد عمي كلهم دخلو السجن في القصة دي.
12-31-2010, 09:03 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
نمشي الصلاة ونجي نكمل الحوار - وليس المناظرة - وشكرا يا أمر على رفع تتر الختام و المواصلة في البوست بس عايز اقول حاجة أنا ما بناقش هنا بفرضية أني (مع) قيام السدود المعنية نقطتي الرئيسة - ويمكن ما أحسنت التعبير عنها كويس - إني شايف قرار قيام مشروع تنموي و استراتيجي يؤثر في حياة الناس سلبا أو إيجابا لا يحسم بمنطق (مع) أو (ضد) بل بالدراسة الفنية الوافية - تشمل كل الجوانب وعلى ضوء التقديرات و الموازنة بين المنفعة و الضرر و لا تحصر اي منهما - أي المنفعة و الضرر على المتأثرين المباشرين فقط و بالطبع الشفافية الكاملة من الجميع
الشكر للأساتذة حسين و كمال و نبيلو وخالد و من قبل لأمر على الإضاءات وعلى طولة البال و الصبر على اسئلتنا ووجهات النظر المختلفة
12-31-2010, 09:27 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
يا ود البشرى جمعتك مباركة وكل سنة وانت واهلك واسرتك بألف خير تأكد تماما انو مافي مناظرة ولا أي حاجة تأكد تماما انو انا سعيد لوجودك ووجود كل الاخوان والاخوات الشايفهم للمرة الاولي بناقشوا قضية كادت تكون منغلقة علي النوبيين المتأثرين بالسدود سعدت جدا لمرور الجميع الذين خارج دائرة التأثير وتضامنوا معنا في هذا البوست بشكرك لإنك قدرت تعمل اختراق كبير في البوست ونقلتنا من دائرة الخاص للنوبيين للعام السوداني تحياتي يا مان
12-31-2010, 10:00 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
أماني الأمين كل سنة طيبة ياخي...وجمعات مباركات وكدة حتي الآن قضية أن تحمي المنطقة بواسطة اليونسكو لم يحدث في نداءات تمت لان تكون الارض محمية تاريخية...لم يحدث أي آكشن نتمني أن يعرف اهل السودان بقيمة تلك الارض...خاصة انها هي مكون رئيسي لكثير من شعوب السودان
تحياتي
12-31-2010, 10:39 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
زى ماقالت سارا, ياريت لو بكرى يثبت البوست دة فوق , لأهمية القضية المطروحة , وقدرة المشاركين على الخروج بالطرح من أمر يخص النوبيين إلى أمر يتشارك فيهو الجميع, طريقة النقاش الهادئة والعلمية , ممكن تخرج بحقائق وحسابات منطقية قد تقنع عددمن المناوئبن لقيام السدود أو تزيد عددهم.
سلامو لـ آمر وكل المتداخلين.
12-31-2010, 12:26 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
حتي الآن أخلص لهذه النقاط 1.يمنع من الناحية الحقوقية المس بأي مجموعة بشرية في سبل رزقها وبل في ثقافتها ونسيجها الاجتماعي الا برضاها. 2.يجب علي الحكومات أن تتفاوض مع شعوبها في مصيرها ومن حق تلك الشعوب أن تقول نعم -لا 3.لا عاقل حتي الآن يمكن أن يطالب بقيام سدي دال وكجبار 4.الارض النوبية مكون رئيسي لشعوب السودان ولها قيمة تاريخية ويجب أن تبقي 5.التنمية هي تنمية للبشر لا لتشريدهم 6.ضرورة تبصير القضية للآخرين ويجب أن تكون معلومة لكل السودانين 7.الناتج من مجمل الطاقة لن تساهم في حل أزمة الكهرباء في السودان بشكل عام 8.لا شفافية من الحكومة وعلي الناس الرفض وفقا لسياسات الحكومة...وعلي الناس الرفضمهما كانت النتائج 9.المنطقة يمكن تنمية بعض القطاعات فيها مثل السياحة والزراعة لتكون المصدر الاول للاقتصاد 10.أخيرا لا مكان لدال ولا لكجبار بتلك الحيثيات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
GamarBoBa
محمد البشرى الخضر
خضر حسين خليل
حذيفه ابراهيم الكباشي
كمال عباس
Medhat Osman
نايف محمد حامد
smart_ana2001
Zomrawi Alweli
mayada kamal
هواري نمر
الفاتح شلبي
ندى عثمان حسن
أمين محمد سليمان
حسين نوباتيا
Mubarak kunna
nabielo
Mannan
welyab
خالد العبيد
سارة علي
Amjed
فيس بوك
تويتر
انستقرام
يوتيوب
بنتيريست