|
Re: ملحد سوداني يدعو للتظاهر في الخرطوم (Re: الشفيع وراق عبد الرحمن)
|
[red]خليكم واقعيين يا جماعة إلحاد شنو تاني مع شعب فيه اكثر من 99% من المسلمين .. شعب مسلم فطرة لن يكون علمانياً يوماً .. و إن كان العلمانيون و تابعيهم يحلمون بشبر علماني في السودان فتلك أحلام ظلوط .. بالمؤتمر الوطني .. بحزب الأمة .. بالإتحاديين .. و بي ناس الخلاوي و الدراويش .. بي ناس الله ساكت .. بالشيوعيين ذات نفسهم ستبقى الشريعةفي السودان هي خيار الغالبية .. الغالبية الساحقة و العظمى جداً .. و تبقى كلمة الله هي العليا .. و السودان لن يحكمه الملحدون و الكفرة ..و لو لم تبقى فيه بقية أو روح .. و من أمبارح و الليلة و لي يوم الدين أي أي زول ما عايز شريعة في السودان .. يشوف ليهو ملة علمانية يتلم عليها عشان يكسب زمنو و كدة..
| |
|
|
|
|
|
|
Re: ملحد سوداني يدعو للتظاهر في الخرطوم (Re: عمر ادريس محمد)
|
Quote: إنها ظاهرة غريبة تستحق الانتباه والدراسة |
مرحب يا ود ادريس صاحب البوست بحب يثير المواضيع البترفع ضغطكم وتطلعكم من طوركم وتخليكم تتلفظوا بي زي الالفاظ الفوق الما بتشبهكم دي شاكر مرورك ورفع البوست --------------------- انا كنت قايلك ود جيرانا تشابه البقر علينا
| |
|
|
|
|
|
|
Re: ملحد سوداني يدعو للتظاهر في الخرطوم (Re: الشفيع وراق عبد الرحمن)
|
Quote:
Quote: تراجي سؤال: هل توافقين على فصل الدين عن الدولة (كلياً)، بما في ذلك :
1-إلغاء تدريس التربية الاسلامية في المدارس، واعتبارها مادة (ثقافية- اختيارية) 2- رفع الدعم عن المساجد (كلياً) واعتبارها (جمعيات خيرية) تمول نفسها بنفسها 3- الغاء قانون الاحوال الشخصية والاستعاضة عنه بقانون مدني 4- منع التعدد بالقانون ومعاقبة كل من يتزوج مثنى بالسجن والغرامة وتطليق زوجته 5- منح تراخيص لفتح بارات في الاماكن العامة 6- منع الحجاب 7- ترخيص وتحديد أماكن مخصصة لممارسة الدعارة |
شكرا يا الشفيع
كلامك دا مهم لانه بيوضح فهمك للعلمانيه انا كنت مفتكرك فاهم حاجه ومذاكر وزي ما قاليك اخونا الشايقي انت جيت متأخر كويس انك هاجمت اخونا عادل عبد العاطي لانه عادل احسن زول ممكن يرد عليك عشان تفهم حاجه من المحاضره الحا تاخدها بالله ياعادل براحه علي الزول دا شكله إلا تبداء ليه من ( أ ب ت) ! دي عالم عايشه وين ! انا بستغرب انه شخص عايش في الالفيه التالته فهمه للحياه بالصوره دي اللهم لا نسالك رد القضاء ولكن نسالك اللطف فيه. |
جلال بن النعمان انا يا دوب شفت مداخلتك النزلتها في النص دي وانا عايز منك (بدون) الاستعانة بصديق، عادل او خلافه ، تمر لي على البنود السبعة الذكرتها، بغض النظر عن تعريفها (علمانية/فصل دين عن دولة/دولة مدنية) عايزك تقول تحت كل منها (أوافق او لا أوافق)
| |
|
|
|
|
|
|
Re: ملحد سوداني يدعو للتظاهر في الخرطوم (Re: Omer Mustafa)
|
.......... كتب الشفيع:-
Quote: كلامك هنا أغرب من غريب الحكومة المنتخبة (ديمقراطياً) وعبر الصناديق يتم اسقاطها ديقراطياً وعبر الصناديق عشان المظاهرة تطلع بتحتاج لي (تصريح) الحكومة ما بتدي تصريح لمظاهرة بطالب باسقاطها الحكومة (بالقانون) بتقمع المظاهرة الخرجت بدون تصريح |
أضف هذه لمعلوماتك : يتم إسقاطها عبر ضغوط الرأي العام بالإستقالة أو عبر حجب الثقة من قبل الجهاز التشريعي !! وكما قلت (الدساتير الديموقراطية تحظر الدعوة لإسقاط الحكومات الديموقراطية عبر السلاح أو بإستخدام العنف ولكنها لاتمنع التظاهر السلمي لإجبار الحكومة علي الاستقالة أو الضغط علي الجهاز التشريعي لحلها !) هذه هي الحقيقة فإن كانت غريبة عليك فهذالايعني إنها ليست من أبجديات السياسة !! ثانيا حق التظاهر والتجمع يكفله الدستور السوداني بلا تقييد !! الدستور ترك الحق مرسلا ولم يقل علي أن ينظم ذلك القانون !! كلامك هذا يدينك ويدين حكومتكم:
Quote: عشان المظاهرة تطلع بتحتاج لي (تصريح) الحكومة ما بتدي تصريح لمظاهرة بطالب باسقاطها |
وحتي ولو فرضنا أن المسيرة تحتاج لتصريح فهذا لاعلاقة بالحكومة ويفترض أن يصدر التصريح من جهةغير سياسية - الشرطة - وجهاز الشرطة في النظم الديموقراطية مهني وحرفي ومحائد مثله مثل الخدمة المدنية !! من واجبه أن يعامل المؤتمر الوطني كما يعامل حزب الامة . وعليه فقط حماية التظاهرة وحماية المنشات الخاصة والعامة ومنع الشغب !! ....... هذه أبجديات ياشفيع !! ومع هذا فهذه ليست القضية الخلافية القضية الخلافية هنا هي ربط الدعوة المطلبية للتظاهر بالالحاد ! ..... أما موضوع مشروعية الدعوة لإسقاط الحكومة عبر الاحتجاج والتظاهر أوعدم مشروعيتها ومناقضة الدعوة للعلمانية للدستور فهذه موضوع حوار وأخذ ورد وأدلة وأسانيد !! بس أنشاء تكون راجعت الدستور وتأكدت من الاتي
Quote: الدستور يعتبر الاعلان العالمي لحقوق الانسان جزء مكمل للدستور والاعلان العالمي لحقوق الانسان يكفل حق تبديل المعتقد والفكر !! - والدستور الذي تقول أنه إسلامي ينص علي كفالة رئاسة المسيحي والمراة والمساواة بين الرجل في الحقوق الاقتصاديةوالإجتماعية والسياسية - الدستور السوداني- دستور مرن - غير جامد - قابل للتعديل ومن حق عادل أن يتظاهر ويدعو لتعديل الدستور بما يتماشي مع أفكاره - الدستور يكفل حق التظاهر بلا أي تقييد قانوني |
..........
| |
|
|
|
|
|
|
Re: ملحد سوداني يدعو للتظاهر في الخرطوم (Re: كمال عباس)
|
Quote: أضف هذه لمعلوماتك : يتم إسقاطها عبر ضغوط الرأي العام بالإستقالة أو عبر حجب الثقة من قبل الجهاز التشريعي !! |
يا زول انت بتتكلم عن حكومتنا دي ولا حكومة تانية الحكومة دي رئيسها بينتخبوا الشعب، وجهازها التشريعي بينتخبوا الشعب عشان تسقطها اما انك تسيطر على البرلمان بي انتخابات، او تنتظر الدورة القادمة وتترشح ما قابلني في الدستور انو الراي العام يضغط على الحكومة ويجبرها على الاستقالة عايز تعمل فوضى واضرابات ومشاكل، الحكومة القانون بيديها حق قمعك وبالمنطق كده، اذا الشعب انتخب الحكومة ديمقراطيا وبشفافية، كيف يثور عليها ويجبرها على الاستقالة؟
Quote: (الدساتير الديموقراطية تحظر الدعوة لإسقاط الحكومات الديموقراطية عبر السلاح أو بإستخدام العنف ولكنها لاتمنع التظاهر السلمي لإجبار الحكومة علي الاستقالة أو الضغط علي الجهاز التشريعي لحلها !) |
وانت لسه بتكرر في كلامك الغريب هل تقصد بالحكومة (رئيس الجمهورية)؟ لانه في النظام الحالي لا توجد حكومة لتنال ثقة البرلمان، والحكومة يتم تعيينها بواسطة رئيس الجمهورية ولا يحلها الا هو واذا بتقصد الرئيس فيمكن تنحيته بواسطة البرلمان في ظروف خاصة جدا واظن باغلبية ثلاثة ارباع، يعني برضك تحتاج للاغلبية دي عشان تعزلو
Quote: ثانيا حق التظاهر والتجمع يكفله الدستور السوداني بلا تقييد !! الدستور ترك الحق مرسلا ولم يقل علي أن ينظم ذلك القانون !! كلامك هذا يدينك ويدين حكومتكم: |
اذا كنت تقصد (حق التجمع السلمي) الوارد ضمن حق تكوين الاحزاب، فده من الطبيعي ان ينظمه قانون، والقانون اجازه نفس البرلمان وبالمنطق كده كيف يكون في حق تظاهر بدون ما ينظمه قانون، من يحدد خط سير المظاهرة؟،من يتحمل مسئولية اي انفلات بها، من يتحمل انضباط افرادها؟
Quote: وحتي ولو فرضنا أن المسيرة تحتاج لتصريح فهذا لاعلاقة بالحكومة ويفترض أن يصدر التصريح من جهةغير سياسية - الشرطة - وجهاز الشرطة في النظم الديموقراطية مهني وحرفي ومحائد مثله مثل الخدمة المدنية !! من واجبه أن يعامل المؤتمر الوطني كما يعامل حزب الامة . وعليه فقط حماية التظاهرة وحماية المنشات الخاصة والعامة ومنع الشغب !!
|
ما زلت بتحكي في افلام هندية يا كمال انا بجاريك نفترض انو الجمهور مثقف وواعي جدا ومشى قدم طلب لمظاهرة سلمية تطالب باسقاط الحكومة لشرطة حرفية جدا والشرطة وافقت والمظاهرة خرجت بكل ادب وسلمت البرلمان طلب لسحب الثقة من الحكومة البرلمان استلم الطلب ورفض اها بعدين؟ الجمهور استمسك بي رايو واعتصم حول البرلمان والحركة اتعطلت والاشغال اتعطلت وحركة الدولة وقفت وقاامت الشرطة ادخلت والبمبان والعصايات دورن
عشان كده يا اخوي الدستور واااضح انت يا جمهور عندك فرصة واااحدة بكل ديمقراطية وشفافية اختار الجهاز التشريعي والتنفيذي بكل دقة عشان ما تجي تندم ومافي طريقة تغير الا بعد انتهاء الدورة
Quote: ومع هذا فهذه ليست القضية الخلافية القضية الخلافية هنا هي ربط الدعوة المطلبية للتظاهر بالالحاد |
تم فك الارتباط، وليراجع في مكانه يا شيخنا
Quote: ومناقضة الدعوة للعلمانية للدستور |
يا زول الدستور واااضح وما بحتاج ترجعني لي قوانين حقوق الانسان الدستور نص على حرية الاعتقاد بكل وضوح، كما نص على تطبيق الشريعة في الشمال
| |
|
|
|
|
|
|
Re: ملحد سوداني يدعو للتظاهر في الخرطوم (Re: الشفيع وراق عبد الرحمن)
|
الاخ الشفيع
Quote: يا زول انت بتتكلم عن حكومتنا دي ولا حكومة تانية الحكومة دي رئيسها بينتخبوا الشعب، وجهازها التشريعي بينتخبوا الشعب عشان تسقطها اما انك تسيطر على البرلمان بي انتخابات، او تنتظر الدورة القادمة وتترشح ما قابلني في الدستور انو الراي العام يضغط على الحكومة ويجبرها على الاستقالة عايز تعمل فوضى واضرابات ومشاكل، الحكومة القانون بيديها حق قمعك وبالمنطق كده، اذا الشعب انتخب الحكومة ديمقراطيا وبشفافية، كيف يثور عليها ويجبرها على الاستقالة؟ |
فعلا هذا الكلام يحتاج لعقلية ديموقراطية حتي تستوعبه ولا عجب أن يستعصي علي أنصار الشمولية والاقصاء ! ........ نعم الشعب يثور حتي علي الحكومة التي إنتخبها نا هيك عن حكومة فوقية وإنقلابية !! الشعب يثور علي الحكومة المنتخبة إذا خرقت الدستور وإذا عرضت الوطن والمواطن لكارثة لايمكن تفاديها !! فقد ثار الرأي العام الامريكي وأجبر نيكسون علي الاستقالة ! وعشان كدة هناك في الديموقراطية الية أسمها فصل السلطات وضبطها وإذا فشلت فهناك دوما خيار التظاهر والاضراب والعصيان المدني ! وكتب
Quote: وانت لسه بتكرر في كلامك الغريب هل تقصد بالحكومة (رئيس الجمهورية)؟ لانه في النظام الحالي لا توجد حكومة لتنال ثقة البرلمان، والحكومة يتم تعيينها بواسطة رئيس الجمهورية ولا يحلها الا هو واذا بتقصد الرئيس فيمكن تنحيته بواسطة البرلمان في ظروف خاصة جدا واظن باغلبية ثلاثة ارباع، يعني برضك تحتاج للاغلبية دي عشان تعزلو |
الحكومة في النظام الرئاسي= الجهاز التنفيذي وعلي رأسه رئيس الجمهورية !! وكتب
Quote: اذا كنت تقصد (حق التجمع السلمي) الوارد ضمن حق تكوين الاحزاب، فده من الطبيعي ان ينظمه قانون، والقانون اجازه نفس البرلمان وبالمنطق كده كيف يكون في حق تظاهر بدون ما ينظمه قانون، من يحدد خط سير المظاهرة؟،من يتحمل مسئولية اي انفلات بها، من يتحمل انضباط افرادها؟ |
ينظمه القانون إذا كان مقيدا !! فهمت ? ولكن حق التجمع السلمي مرسل وغير مقيد في الدستور وأي محاولة لتقيده تعد غير دستورية !! راجع ذات المادة التي كفلت حق التظاهر تجدها في الشق الاخر قد كفلت حق قيام أحزاب سياسية ولكنها قيدته بالدستور ! ......... Quote: زول الدستور واااضح وما بحتاج ترجعني لي قوانين حقوق الانسان الدستور نص على حرية الاعتقاد بكل وضوح، كما نص على تطبيق الشريعة في الشمال |
ولو أطلعت علي الدستور لما قلت هذا الدستور هو الذي أعتبر الاعلان العالمي لحقوق الانسان جزء مكمل للدستور لا أنا !! ......... راجع عموميات الدستور فهو أمر يحتاج لقليل من التمحيص والتركيز إن لم تكن متخصصا في علم له علاقة بالدستور والمواثيق الدولية وراجع النظم والمؤسسات الديموقراطية والحقوق والواجبات ونظام فصل السلطات والاجهزة والمؤسسات التي يفترض أن تكون محائدة وقومية......
| |
|
|
|
|
|
|
Re: ملحد سوداني يدعو للتظاهر في الخرطوم (Re: كمال عباس)
|
ونعود للسيد الشفيع والذي يزعم بلاسند :- Quote: كنت تقصد (حق التجمع السلمي) الوارد ضمن حق تكوين الاحزاب، فده من الطبيعي ان ينظمه قانون، والقانون اجازه نفس البرلمان وبالمنطق كده كيف يكون في حق تظاهر بدون ما ينظمه قانون، من يحدد خط سير المظاهرة؟،من يتحمل مسئولية اي انفلات بها، من يتحمل انضباط افرادها؟ |
الحديث في الدساتير والنظم لايكون هبتلي وبصورة جربندية ! قلنا أن المادة أربعين لم تقيد أو تقنن حق التجمع السلمي وأن النص مرسل والمرسل لايقيد بقانون وهاك كزيادة خير رؤية الاستاذ علي محمود حسنين
Quote: ثالثاُ : انه وفقاُ للماده 40 من الدستور فان حق التجمع السلمي مكفول لا يقيده قانون . فالفقرة 40-1 تكفل حق التجمع السلمي و قيام الاحزاب و النقابات . و قد قيدت الفقرة 2 من المادة 40 قيام الاحزاب و النقابات بقانون و ابقت حق التجمع السلمي دون تقييد باي قانون . و لم يكن في السودان أي قانون يطلب التصديق علي تسيير المواكب السلميه و لكن صدر اخيراُ تعديل في قانون الاجراءات الجنائيه يتطلب ذلك الاذن لمزيد من التقييد للحريات للتحكم في العمليه الانتخابيه . و ذلك التعديل قطعا يخالف احكام الماده 40 من الدستور ويقع باطلاُ لا يُعتد به |
.
.............المناضل علي محمود حسنين يطالب الجماهير بالمشاركة في الم...للانسحاب من البرلمان
| |
|
|
|
|
|
|
Re: ملحد سوداني يدعو للتظاهر في الخرطوم (Re: الشفيع وراق عبد الرحمن)
|
Quote: راجع عموميات الدستور فهو أمر يحتاج لقليل من التمحيص والتركيز إن لم تكن متخصصا في علم له علاقة بالدستور والمواثيق الدولية |
كمال يا اخوي انا نوع الكلام (الاستفزازي) ده ما بحبه واذا كل زول متخصص في مجال طلب مننا ما نخوض في المجال ده، نقعد في المنبر ده نتفرج ساااي، لانه المنبر لا يناقش مواضيع (هندسة الاتصالات) وصدقني مريت على المواد وهي في (غاية) الوضوح وما لقيت اي تناقض بين الكلام الكتبته ليك سابقا يخليك تقول كلامك ده ده كلامي:
Quote: اذا كنت تقصد (حق التجمع السلمي) الوارد ضمن حق تكوين الاحزاب، فده من الطبيعي ان ينظمه قانون، والقانون اجازه نفس البرلمان |
ودي المادة 40:
حرية التجمع والتنظيم
40ـ (1) يُكفل الحق في التجمع السلمي، ولكل فرد الحق في حرية التنظيم مع آخرين، بما في ذلك الحق في تكوين الأحزاب السياسية والجمعيات والنقابات والاتحادات المهنية أو الانضمام إليها حمايةً لمصالحه.
(2) ينظم القانون تكوين وتسجيل الأحزاب السياسية والجمعيات والنقابات والاتحادات المهنية وفقاً لما يتطلبه المجتمع الديمقراطي. وبالفعل وحسب الدستور، حق التجمع السلمي ورد ضمن حق تنظيم الاحزاب، ولو كان المشرع عايز يخليهو (حق) منفصل، كان أفرد ليهو مادة أو فقرة (خاصة) ومن الصيغة واضح انو تسلسلي، يعني تجمع سلمي ثم حرية تنظيم ثم تكوين احزاب اذن التجمع السلمي المقصود هنا بكون في مكان (مخصص) كدور الاحزاب، لانه المادة لم تشير كما ذهبت انت لتسيير مظاهرات او مسيرات
Quote: ثانيا حق التظاهر والتجمع يكفله الدستور السوداني بلا تقييد |
من وين جبت (حق التظاهر)؟؟؟؟؟؟؟؟ ووين وردت كلمة (تظاهر)، هل توجد مادة اخرى غير التي اشرت اليها يا كمال اذن كلامك وكلام حسنين عن تسيير المواكب off point ولا يسنده الدستور
Quote:
Quote: يا زول الدستور واااضح وما بحتاج ترجعني لي قوانين حقوق الانسان الدستور نص على حرية الاعتقاد بكل وضوح، كما نص على تطبيق الشريعة في الشمال
|
ولو أطلعت علي الدستور لما قلت هذا الدستور هو الذي أعتبر الاعلان العالمي لحقوق الانسان جزء مكمل للدستور لا أنا !! |
أها اطلعت على الدستور وجبت ليك المادة الخاصة بحرية العقيدة
Quote: حرية العقيدة والعبادة 38ـ لكل إنسان الحق في حرية العقيدة الدينية والعبادة، وله الحق في إعلان دينه أو عقيدته أو التعبير عنهما عن طريق العبادة والتعليم والممارسة أو أداء الشعائر أو الاحتفالات، وذلك وفقاً لما يتطلبه القانون والنظام العام، ولا يُكره أحد على اعتناق دين لا يؤمن به أو ممارسة طقوس أو شعائر لا يقبل بها طواعية.
|
اها يا كمال الم ينص الدستور على (حرية العقيدة) بكل وضوح، وهل هناك حوجة للرجوع لقوانين حقوق الانسان؟
| |
|
|
|
|
|
|
Re: ملحد سوداني يدعو للتظاهر في الخرطوم (Re: Barakat Alsharif)
|
الشفيع كتب
Quote: من وين جبت (حق التظاهر)؟؟؟؟؟؟؟؟ ووين وردت كلمة (تظاهر)، هل توجد مادة اخرى غير التي اشرت اليها يا كمال اذن كلامك وكلام حسنين عن تسيير المواكب off point ولا يسنده الدستور ......... (1) يُكفل الحق في التجمع السلمي، |
يقولوا تور يقول أحلبوه !! حق التجمع السلمي دا المقصود !!right of gathering وأظنك تعلم هذا جيدا !! وهي ذات المادة التي بموجبها صدر تقنين تسيير المواكب والمظاهرات ...في الدساتير تسمي حق التجمع السلمي ......... فالتظاهر تجمع سلمي !! يعني الجهة المسيرة ممكن تطلق علي تجمعها - موكب / مسيرة/ تظاهرة/أو مظاهرة .......... والتجمع ذاتو ممكن يكون متحرك أو ثابت /ندوة والغريبة ناسك أنفسهم لم يصل بهم الغلاط والمماحكة درجة إنكار إن حق التجمع يعني ضمن ما يعني تسير موكب أو تظاهرة ! ولو رجعت للتظاهرات التي تقوم بها الجهات المرضي عليها بالوطن ستجدها تصدق بموجب هذه المادة !! ويبقي كلامي والاستاذ علي محمود في الصميم= حق التجمع بكل تفرعاته لا يحتاج لأذن لأنه حق مرسل ! تقول
Quote: أها اطلعت على الدستور وجبت ليك المادة الخاصة بحرية العقيدة .: حرية العقيدة والعبادة 38ـ لكل إنسان الحق في حرية العقيدة الدينية والعبادة، وله الحق في إعلان دينه أو عقيدته أو التعبير عنهما عن طريق العبادة والتعليم والممارسة أو أداء الشعائر أو الاحتفالات، وذلك وفقاً لما يتطلبه القانون والنظام العام، ولا يُكره أحد على اعتناق دين لا يؤمن به أو ممارسة طقوس أو شعائر لا يقبل بها طواعية. اها يا كمال الم ينص الدستور على (حرية العقيدة) بكل وضوح، وهل هناك حوجة للرجوع لقوانين حقوق الانسان؟ كويس أنك معترف بأن حق الأعتقاد والالحاد والردة حق دستوري وأن دستوركم يبيح الالحاد ( بس النقـطة فيها غلاط علي الرغم من وضوحها عشان كدة أحلت لمادة تانية _) |
وطبعا كلامك وأعترافك دا سينسف كلامك التاني دا
Quote: للجنوبيين الآن دولة منفصلة، ومن يدعو لدولة علمانية/ملحدة فليذهب هناك |
......... عموما يدك معانا لازالت هناك مادة في القانون السوداني - تحاكم علي الردة - ياللا همتك طالب معنا بالغاءها لأنها تعارض الدستور مثلها مثل مواد وقوانين أخري وجه الدستور بتعديلها لتتماشي مع دستور 2005 ...... ياشفيع الحوار والجدل والغلاط في مشروعية التظاهر والمطالبة بالعلمانية دا سجال وحوار صحي وحضاري لأنه يعمق الديموقراطية ويجعل من النقاش أسلوب لحسم الخلافات..... دا كويس ....المهم يا أخ شفيع هنا هو رفض الطريقة التي تناولت بها قضية الالحاد والتي جاءت خصما عليك وأستعدت الناس عليك وصورتك بصورة المتطرف والارهابي ........أستفد من هذه التجربة والدرس وتعاطي مع الاختلاف والخلاف بصورة غير منفرة ولا تسعدي الناس دونما ضرورة ........
| |
|
|
|
|
|
|
Re: ملحد سوداني يدعو للتظاهر في الخرطوم (Re: كمال عباس)
|
Quote: يقولوا تور يقول أحلبوه !! حق التجمع السلمي دا المقصود !!right of gathering وأظنك تعلم هذا جيدا !! وهي ذات المادة التي بموجبها صدر تقنين تسيير المواكب والمظاهرات ...في الدساتير تسمي حق التجمع السلمي ......... فالتظاهر تجمع سلمي !! يعني الجهة المسيرة ممكن تطلق علي تجمعها - موكب / مسيرة/ تظاهرة/أو مظاهرة .......... والتجمع ذاتو ممكن يكون متحرك أو ثابت /ندوة والغريبة ناسك أنفسهم لم يصل بهم الغلاط والمماحكة درجة إنكار إن حق التجمع يعني ضمن ما يعني تسير موكب أو تظاهرة ! |
يا زول كان حلبت التور ولا خليتو، كلامك غير صحيح ما يحدث الآن، ان كنت لا تعلم، اذا اردت قيام ندوة في دار حزب فبتكتفي فقط باخطار الجهات الامنية بمكان وزمان الندوة (ده هو التجمع السلمي) واذا اردت قيام مظاهرة او مسيرة سلمية فيلزمك تصديق من الجهات الرسمية، يشتمل التصديق على مسار المسيرة والجهة المنظمة وتعهد والتزام الجهة المنظمة بتحمل كامل المسؤولية عن المسيرة وعن اي اضرار تنتج عنها
Quote: للجنوبيين الآن دولة منفصلة، ومن يدعو لدولة علمانية/ملحدة فليذهب هناك |
الكلام ده يا كمال كان رد على من ينادي لاسقاط الحكومة وتطبيق دستور علماني بدل الشريعة التي اقرها الدستور في الشمال وما عارف انت نسفته كيييف؟ بالعكس هو بينسجم تمام مع مادة حرية الاعتقاد الفردية
Quote: عموما يدك معانا لازالت هناك مادة في القانون السوداني - تحاكم علي الردة - ياللا همتك طالب معنا بالغاءها لأنها تعارض الدستور |
أتفق معك تماماً، وجود مثل هذه المادة يتعارض مع حرية الاعتقاد
Quote: ياشفيع الحوار والجدل والغلاط في مشروعية التظاهر والمطالبة بالعلمانية دا سجال وحوار صحي وحضاري لأنه يعمق الديموقراطية ويجعل من النقاش أسلوب لحسم الخلافات..... دا كويس |
ايضاً بتفق معاك وعصرتك دي خلتني اتثقف شوية واطلع على الدستور
Quote: المهم يا أخ شفيع هنا هو رفض الطريقة التي تناولت بها قضية الالحاد والتي جاءت خصما عليك وأستعدت الناس عليك وصورتك بصورة المتطرف والارهابي ........أستفد من هذه التجربة والدرس وتعاطي مع الاختلاف والخلاف بصورة غير منفرة ولا تسعدي الناس دونما ضرورة |
أشكرك واتقبل نصحك وأعلم انها (جرعة حارة) نتجت من التعاطي من الشحن والحرب الاعلامية، وبالتأكيد ستكون هناك (شظايا) تطيش هنا وهناك، وانقل لك هنا استدراكي الذي اوردته لاخونا ع الواحد: أنا ليست لدي أي مشكلة مع الحاد أخونا عادل ع العاطي، وهو زميل وأخ عزيز في البورد، وليس بيناا الا الاحترام ولكن، أظن أن الكثيرين منكم لديهم مشكلة مع هذا الأمر هي (حرب اعلامية) وكل من يجد (سلاح) يستخدمه، والضرب (تحت) الحزام من المسموح به سؤال: لماذا انشقت (الجبهة العريضة)؟ ولماذا (ابعد) حسنين من ينادون بالعلمانية؟ واجاوبك: لان حسنين (قرأ) الشارع (مظبوط) وانا الآن بستخدم في نفس السلاح
وهل تعلم لماذا كانت دايماً تسقط قائمة التحالف في انتخابات جامعة الخرطوم؟ لأن بها الشيوعيين أغلب الناس بتقول (لا أصوت للائحة بها شيوعيين)
مع تحياتي وودي وجمعتكم مباركة
| |
|
|
|
|
|
|
Re: ملحد سوداني يدعو للتظاهر في الخرطوم (Re: الشفيع وراق عبد الرحمن)
|
Quote: حددتم تواريخ بعينها للتحرك منها 26 يناير ولم يتحرك الشعب حددتم تاريخا آخر 30 يناير، ولن استبق الأحداث ولكن لن يحدث شئ إذن الشعب الذي تتحدثون باسمه لا يشاطركم اطروحاتكم |
عفواً اخي ممكن توريني متين انا صفية دي حددت تاتريخ بعينه انا ما زلت اؤكد على ان الشعب سيثور ان لم يكن اليوم بعده او غدا بدلالاتها الرمزية
سيثور الشعب السوداني ، ان كان من تلقاء نفسه او نتيجة اثر محركات كثيرة من بينها دور القيادات وسياسات الجكومة سيثور الشعب
ولنا لقاء حينها
تحياتي مرة اخرى
| |
|
|
|
|
|
|
Re: ملحد سوداني يدعو للتظاهر في الخرطوم (Re: Barakat Alsharif)
|
نقطة نظام انا أختلف مع كل اطروحات الأخ الشفيع بخصوص دفاعه عن الأنقاذ الجاثمة على صدر الشعب السوداني وأقولها له متى ما سنحت لي الفرصة لا للطغمة وهو يعرف توجهي المعلن ضد الأنقاذ من اول بيان وحتى تزوير الأنتخابات الأخيرة ولكني وانسجاما مع توجهاتي ودعوتي للبرالية والحوار الحر والبعد عن الشتائم اقف مع الشفيع ضد الذين ارادوا توجيه الأساءة لشخصه وليس مقارعة فكره واشكر للشفيع التقاضي عنهم واهمالهم واحي كل المتداخلين الذين بادلوا الشفيع احتراما باحترام. وعلى رأسهم الزميل المحترم الراقي اخي كمال عباس
| |
|
|
|
|
|
|
Re: ملحد سوداني يدعو للتظاهر في الخرطوم (Re: الشفيع وراق عبد الرحمن)
|
Quote: يا زول كان حلبت التور ولا خليتو، كلامك غير صحيح ما يحدث الآن، ان كنت لا تعلم، اذا اردت قيام ندوة في دار حزب فبتكتفي فقط باخطار الجهات الامنية بمكان وزمان الندوة (ده هو التجمع السلمي) واذا اردت قيام مظاهرة او مسيرة سلمية فيلزمك تصديق من الجهات الرسمية، يشتمل التصديق على مسار المسيرة والجهة المنظمة وتعهد والتزام الجهة المنظمة بتحمل كامل المسؤولية عن المسيرة وعن اي اضرار تنتج عنها |
ولو فى ملحد دعا للتظاهر لمناصرة ضحايا الهجوم الإسرائيلى على غزة؟
هل يستجاب له؟
ولاّ يجيب تصديق فيهو "تعهد وإلتزام بتحمّل كامل المسؤولية" حتى بعد داك يستجاب له؟
... المهم ....
| |
|
|
|
|
|
|
Re: ملحد سوداني يدعو للتظاهر في الخرطوم (Re: الشفيع وراق عبد الرحمن)
|
Quote: أشكرك واتقبل نصحك وأعلم انها (جرعة حارة) نتجت من التعاطي من الشحن والحرب الاعلامية، وبالتأكيد ستكون هناك (شظايا) تطيش هنا وهناك، وانقل لك هنا استدراكي الذي اوردته لاخونا ع الواحد: أنا ليست لدي أي مشكلة مع الحاد أخونا عادل ع العاطي، وهو زميل وأخ عزيز في البورد، وليس بيناا الا الاحترام ولكن، أظن أن الكثيرين منكم لديهم مشكلة مع هذا الأمر
|
| |
|
|
|
|
|
|
Re: ملحد سوداني يدعو للتظاهر في الخرطوم (Re: Shawgi Sulaiman)
|
Quote: واذا بتقصد الرئيس فيمكن تنحيته بواسطة البرلمان في ظروف خاصة جدا واظن باغلبية ثلاثة ارباع، يعني برضك تحتاج للاغلبية دي عشان تعزلو |
بالله يالشــفيع تجيب لينا الحالات دي
وكمان معاها صلاحية الرئيس في حـل البرلمان ( كما حدث أبان المفاصلة )
| |
|
|
|
|
|
|
|