|
|
|
 Re: في زيارة خاطفة .. منى خوجلي في الخرطوم (Re: Giwey)
|
نعومة كيفنك , شوفتي الغتطاطة بتاعت مني خوجلي دي كيف ؟ مش زينا اي زول هسع
عرفني جاي للسودان وانا لسع قاعد في الرياض .
عموماً إجازة سعيدة لمني خوجلي وربنا يجمعنا جميعا بين اهلنا وفي بلدنا بالخير
والسعادة والرفاهية وكذلك يجمعنا بـ بورداب الخرطوم .
| |
 
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: bayan)
|
Quote: يا بختكم بمنى...
شنو يا منى الخيانة دي؟
شهر 12 كيف |
والله مافي خيانه..
لكن قلت كده أمر بي جاي قبال ..أزور ضريح المحجوب حيث يرقد الأحباء قبل أن أسافر لمصر المؤمنه بأهل الله..
شوقتي كيف؟
لكن كان ربنا كتب لينا عمر شهر 12 تاني بجي وبقابلك.. وننسق كلنا مش رحله للخرطوم بس..كمان رحله لعطبره وتانيه للشماليه
وتالته لنيالا.. وبس كفي لنهاية السنه دي!
واسه الفيضانات غايتو مغرقه البلد وفي الأيام الجايه ماشيين نزور الضحايا محل ما الله يهون لينا..ما عندنا أي شيء غير
نمشي نقول ليهم قلوبنا معاكم..واننا مشاركنهم آلامهم!
| |
|
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: هاشم أحمد خلف الله)
|
Quote: نعومة كيفنك , شوفتي الغتطاطة بتاعت مني خوجلي دي كيف ؟ مش زينا اي زول هسع
عرفني جاي للسودان وانا لسع قاعد في الرياض .
عموماً إجازة سعيدة لمني خوجلي وربنا يجمعنا جميعا بين اهلنا وفي بلدنا بالخير
والسعادة والرفاهية وكذلك يجمعنا بـ بورداب الخرطوم . |
زياره خاطفه دي زي حركات الممثلات والممثلين!
زمان لما نسمع اخبار زي دي نسرح بخيالنا..
تتذكر زمان لما يقولوا .. الفنانه فلانه صممت فساتين الفيلم الفلاني عند مصممها فلان؟
أنا زمان كنت قايله مصممها ده ملكها هي بس..يعني مافي اي زول في الدنيا يستفيد منه غيرها
مأجراهه فور لايف!!
ولا كمان الناس البيقولوا عليهم بيزنس مان وقاموا ناس الجندر عملوا ثوره في المصطلحات
فظهرت الومان بدل المان حيث توجد المرأه!
هم دول البيخطفوا..الزيارات وغيرها!
والخطف عندهم غليا بيكون منهجي وله خطه متكامله..
يعني يخطف فكره البيزنس..
بعدين يعمل حركات علشان البيزنس يكون حقه..
وبعدين يخطف رجله لغاية المطار..
ويصل يخطف الشغلانه تماما!
ده لو الطياره ما اتخطفت!
المهم يا هاشم تلفوني عند عماد وعادل ومنتظراكم..
وعلي فكره أنا ركبت الطياره بوم السبت المساء..بس سبحان الله وصلت لندن يوم الأربعاء
صباحا من غير وحياتك ما نمر علي اي بلد تانيه..لو شاطر تعرف كيف!!
| |
|
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: انعام حيمورة)
|
يا جماعة كل القصة منوية دي بتاعت مفأجات ...
وانا حنست لما فترت عشان تجي هنا وبتلفون صباحي جميل استقبلت صوتها من مطار الخرطوم
الف حمد لله على السلامة
البرامج جاهزة ناس الخرطوم استعدوا .. لكن المرة دي لازم نحاسب على الزمن عشان منى لما ترجع ما تشيل حسنا .. سامعين يا ناس وديدي وناجي وكابو ..
هاشم ... انا زيك كدة ما بعرف اعمل مفأجات .. قبل التفكير زاتو بكون كلمت الناس
قوي .. يلا نشوفك بعد كدة صاااح
بيان خلي منى تمشي وانتي تعالي براك عشان يكون برنامجنا ملان ..
الناس البي مسنجر الداخلي ... تحياتكم حا تصل ...
| |
|
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: abubakr)
|
Quote: المرة دي الطيارة طارت
حمدلله ع السلامة
اها المطرة تاني ما حتقيف |
أمس يا أبو بكر زرت الشباب في المقر الخاص بتجميع وغسل وفرز الملابس الخاصه بحملة وليد دارفور...مجهود خراقس يا ابوبكر
وشباب كرث انسانيته وطاقته وزمنه علشان يقدم حاجه مفيده لأهله في دارفور..
لقيت حبال عسيل مليانه وكراسه مكدسه عليها الملابس..وأكياس مليانه في الغرف وكل بقعه بالمقر الواسع..
ناس بتغسل وناس بتلم في اكياس وناس بتحاسب وناس بتخطط لبكره يعملوا شنو تاني جديد..بس كانوا خايقين المطره تنزل علي
الملايس ..تضيع مجهود الغسيل ومعاها يضيع وقت الترحيل..
وكنت محظوظه أقعد بينهم اسمع نقاشهم وحماسهم.. واشوفهم بيؤدوا واجبهم الأخلاقي بحماس عظيم واخلاص..
| |
|
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: طارق الأمين)
|
Quote: انعام سلام
مني معزومه بروفه الهيلاهوب
عصر الاتنين 16 سبعه 2007
ومحل ماانتي عارفه |
وأنا عارف ...
لأني ... وعلى ذاك المكان مهرت بطاقات
تعارف وجددت آخريات حاول أن يهزمهن الزمن ,
قضيت أسعد اللحظات , إلتقيت بأجمل الناس ,
تشجيت لأطرب أنغام , تدوالت فى أخصب حوار ,
أكلت أحلى الشؤاءآت المغروسة فى شطة المودة
وملح الأرض ... أو هكذا طارق ... بإختصار .
فأحجزوا مقعدي شاغرا ... ولا تضعوا عليه وردة ,
بل جملوهو بزحامكم الإنساني المبين حتى يشعر بإنه
يحتوي على إنسان .
بختك ... منى ... وأنت فى وطنك وبين أهلك ... وفى
سياق { التأهيل } لأمر أكثر إسعادا ... تمنياتي لك
بوقت سعيد وبرفقة آلقة .
شكرا إنعام ... وكالعادة ما بتقصري ... تسلمي
مع مودتي
| |
|
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: HAYDER GASIM)
|
اها يا شباب..
عتريس جاكم..
اخيرا وصلنا الخرطوم الحلوه بناسها وذكرياتها ولفات شوارعها ونيلها..
قال شنو؟
الجو أوروبي!!
سمح العندنا داك شنو؟
حيةغيم يا حلوين داسها بجواها كتمه خلتكم تفرحوا كده؟
علي كل حال انا الجو ماشغاله بيه اليبقي زي ما يبقي أنا في الخرطوم حبيبتي وبينكن يا غاليين خليها الغمامه تقعد ولا تسبح بعيد!!
انا فرحانه وشفن أمس حوالي 15 منكم في مناسبه وكنت محظوظه..وصلت بالنهار والمناسبه بالمساء..
ربنا بيحبني موش؟
وهو يوم واحد...لكن عملت فيه حاجات كتيره..والنوم زاته نسوس بيه شنو مع ونسة الحبايب والأهل..
ضحكه واحده في الوطن وانت قاعد تحت مكيف ولا تحت راكوبه ما مهم..بالدنيا..
أها بجيكم راجعه..
شكرا أولا ليكم وعلي أمنياتكم لي باجازه سريعه اسافر بعدها لقاهرة المعز..عاصمة مصر المؤمنه
لحضور زواج ابنة اختي..ثم ارجعلحكي عن خرطومنا وجمالها ومآسيها المخيفه..وعن أمل مازال يراود القلوب..
شكرا نعومي..
| |
|
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: غباشي)
|
بحكم متابعتي للمشاركات في الموقع حاولت الربط بين الزيارة الختفة
دي وبوست مني شهر قبل الزواج
والله يا ربي دي شطارة ساي مني
عموما حمدلله عالسلامة
العزيز السمؤل سعيد جدا باللقياء حتي وان كانت علي صفحات هذا الموقع
رجاء تحياتي للوالد استاذ بدر الدين (من صالحوب)
اسال الله ان يكسوه بثوب من العافية
سلاماتي برضو للاخوة سعادته اب رحمة وبقية العقد
محمدخير
| |
|
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: Mohamed Kheir)
|
Quote: شكرا أولا ليكم وعلي أمنياتكم لي باجازه سريعه اسافر بعدها لقاهرة المعز..عاصمة مصر المؤمنه
لحضور زواج ابنة اختي..ثم ارجعلحكي عن خرطومنا وجمالها ومآسيها المخيفه..وعن أمل مازال يراود القلوب.. |
بالله تحتلي لي لما يجي شهر 12 وانا اجي
حيث اول شتاء لي منذ سنوات طويلة..
حأكون فرحانة بيه وفرحانة بيك...
بانعام...
| |
|
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: د.محمد حسن)
|
الاخت العظيمة انعام حيمورة
نناشد الاخت منى خوجلي بحسها الانساني العميق ان تقف على حجم المأساه التى يعيشها اهلنا جراء السيول والامطار وتاتي باقتراح للاعضاء تدعو فيه الاعضاء في كل بقاع الدنيا على تجميع كمية من الملابس والاتصال بشركات الطيران للمساهمة في نقلها الى السودان مجانا لتسلم هناك للجنة من بورداب الخرطوم لتقوم بتوزيعها باسم اعضاء المنبر العام .
لا مانع لدى هنا في مسقط بصفتي مسئول الشئون الاجتماعية لنادى الجالية للعمل وفقا لما يتم الاتفاق عليه .
معزتي
| |
|
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: انعام حيمورة)
|
السلام عليكم ..
احلى حاجة الزول يعمل بوست يوم الخميس يمشي الجمعة يجي السبت يلقاها منور بيكم !!
والله نحن سعيدين جدا بمنى سعادة لاتوصف .. ناهيك عن الاشواق واللقاء الجميل بيها ..
باين البرامج ذاتها بتشم ريحة منى ذي ماقالت ليكم يوم الخميس لاقيت اغلب ناس الخرطوم
وكان يوم في قمة الروعة بوجودها ...
اهة البوست دا غايتو نعقد نغيظ بيه الجماعة ناس بيان وهاشم وعمنا ابو بكر وكدة ...
طارق الامين من قبل ما ارجع لمنى دعوتك مجابة ..
اهة ببجيكم
| |
|
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: انعام حيمورة)
|
Quote: شكرا أولا ليكم وعلي أمنياتكم لي باجازه سريعه اسافر بعدها لقاهرة المعز..عاصمة مصر المؤمنه
لحضور زواج ابنة اختي..ثم ارجعلحكي عن خرطومنا وجمالها ومآسيها المخيفه..وعن أمل مازال يراود القلوب..
|
يعني فكيتي السر...عكس الهواء يا مني...؟ وبوست زواجك مشي وين؟
وانا اشيل واوصي في نفسي...عشان السر...كان سرا طيب الله يطراه بالخير...
والناس تشيل وتكتح وواحدين يهججوا وواحدين متضايقين وواحدين فصلوا فساتين زفاف
اجازة سعيدة وربنا يتم علي خير...بدون سر..
| |
|
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: انعام حيمورة)
|
| Quote: عمرو كمال ... دا يا منى صديق خرطومي جديد |
تشكرى يا ذوق
وانا بعرف منى من السنة الفاتت، كانت متضامنة اثناء مظاهرات ومحاكمات السكر والبنزين
ما فارقت محكمة الخرطوم شمال لحظة واحدة........ وده جزء من حتى ، طبعا.
ياريت نشوفها الاجازة دى
وتحياتى لمنال
| |
|
|
|
|
|
|
|
|
|
Re: في زيارة خاطفة .. منى خوجلي في الخرطوم (Re: غادة عبدالعزيز خالد)
|
غادة ..
جية منى لها نكهة وطعم خاص .. انا بفتكر هي البتخلقهم .. وبتلم الناس بصورة عجيبة
عشان كدة بنصحك تنسقي معاها واجازتك تكون معاها والعجب كمان لو ماما جارة جات معاها اهة رايك شنو .. اعرف ود ماما جارة لك لاني لمسته .. ربنا يخلينا كلنا لبعض ..
نتلاقى في ساعة خير
| |
|
|
|
|
|
|
| |
انعام حيمورة
Giwey
هاشم أحمد خلف الله
bayan
Muna Khugali
abubakr
Mohamed Abdelgaleel
Ahmed El Gasim
السمؤال بدرالدين
عاطف عمر
HAYDER GASIM
ابراهيم بقال سراج
AmroKamal
أحمد الشايقي
غباشي
السوباوي
د.محمد حسن
الطيب شيقوق
انعام عبد الحفيظ
فاروق حامد محمد
essam&amal
غادة عبدالعزيز خالد
فيس بوك
تويتر
انستقرام
يوتيوب
بنتيريست