هجـير القريفـة

Quote: حبيبنا الجميل الله يديك العافية اسمح لي أخطرف شوية: سودان جديد وأنا عندي عيد بتمنّاه من زمن الرشيد لكني وا أسفاي ما جالي عيد ولا عدت أنا من جديد واحسرتي هيّجت فيني البانجديد والأركويت والنيل نخيل تنبت جديد والوحدة أعلنت الوعيد وأنا ما داير أعيد قولي الزمان ذاك المجيد سئمت على قولك يا لبيد شن فايدة الدنيا أم وعيد وقتين تشيل مِنّي النشيد يا منقو ما بس كان تجود ما تركب الراس العنيد خليني أردد للنشيد وارجع أقول الدنيا عيد كان حيرجع الخليل بس من جديد ويا عازة تبقى نغمة حلوة للنشيد الغربة ما حارة وصعيبة يا وليد بس شن نسو هوي يا وليد أقسمنا بالقسم الغليظ قولة نعود لكن أسف هل من جديد بيقولوا سودانّا الجديد ياخي رجّعونا محل بعيد نعيش تخلف من جديد بدل تقولوا لي الجديد البفرق الأم والوليد وبجيب كمان غُصّة نشيد لا بيُزْدرد ولا ترجِّع تستفيد