|
رحبوا معنا بحفصه خالد المحرب شكرا ياريس
|
حفصه خالد المحرب الهوايه الكتابه طموحات المستقبل ولوج عالم الصحافه من اوسع الابواب
الابنه حفصه كتابه وعندها مواضيع كتار سوف ترونها قريب جدا لديها الرغبه ان تكون صحفيه ونحن كاسره صغيره ندعمها دعم غير محدود اتمنى لها مستقبل باهر البيان بالعمل فى الايام القادمه من خلال منبر سودانيز اون لاين انشاء الله والشكر كل الشكر للاخ الريس بكرى ابوبكر مهندس سودانيز اون لاين الذى منحها العضويه
|
|
|
|
|
|
|
|
Re: رحبوا معنا بحفصه خالد المحرب شكرا ياريس (Re: خالد المحرب)
|
Quote: حفصه خالد المحرب الهوايه الكتابه طموحات المستقبل ولوج عالم الصحافه من اوسع الابواب
الابنه حفصه كتابه وعندها مواضيع كتار سوف ترونها قريب جدا لديها الرغبه ان تكون صحفيه ونحن كاسره صغيره ندعمها دعم غير محدود اتمنى لها مستقبل باهر البيان بالعمل فى الايام القادمه من خلال منبر سودانيز اون لاين انشاء الله والشكر كل الشكر للاخ الريس بكرى ابوبكر مهندس سودانيز اون لاين الذى منحها العضويه |
اتشرف بان اكون اول المرحبين بحفصة بت شيوخ العرب الاكارم
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: SHIBKA)
|
افو افو افو ما بتدوني خبر
زحوا زحوا خلوا لي الفسحة خلوني اقدل صقرية في فسحة بت الرجال حباب ست الكلام اللذيذ الصافي حباب بت خير الرجال الفي واجبو دايما وافي حباب وضح الشموس الفي النميم بتكافي اهلا بيك يا لوحة البحب مو جافي
الليله الصعيد طلقن نسايمو البارده ذكرنى أم ضمير عند الحفائر وارده الزوله الفى مشيها لى ايدها تالاّ وفارده كتفتنى بى قيد هواها ومنى قامت شارده حباب ناسْ البطاح البى نَمٌهُمْ نوقهمْ فـارده ناس الكـلامْ الصُحْ أبآنْ نصيحةً بـارده جيتكْ يا الحبيبْ نِتْلَمْ مِنْ جديدْ بعدْ الحِليله الطاردة دُقْ القـرافْ آآآزولْ النَمٌـة شارده ووارده
حباب بت خالد اخوي موسوعة الشعر معروفه من زمناً قديم خابرها قاري حـروفه الخلى الحروف في حلقي تب مكتوفه نماتي جنب حرفك بلقاها ما مشيوفه
مرحبتين حباب زينة البنات بت خالد الفرح والكره والله ليك بتقالد شرفتى الديار والدنيا قالو مساند
هيييييييييييع كع
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: نادر النور آدم)
|
Quote: باب بت الشيوخ ست النبا والشكرة حباب بت الأسد سيد النهي والأمرا أبوك سيد الكرم سكينو دايما حمرا في منبرنا نتمناك تضوي لينا زي القمرا
|
ابوهمسه اللزوم الخاتى قولة مايل طربان ديما لى ضبح السمينه وشايل الد م الكتير فى بيتو دايما سايل وجار لى توبو يقدل ابعرضا سابل
شكرا الاخ نادر النور ادم
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: الطيب شيقوق)
|
Quote: مرحبتين حباب زينة البنات بت خالد الفرح والكره والله ليك بتقالد شرفتى الديار والدنيا قالو مساند
هيييييييييييع كع |
ات سيد الجلد والراس لكن بعدا حقو نخلى الكتابه لى الاولاد يكتبو عن القضايا المهمه انا وانت قاعدين نبرطع ساهى فى حوش بكرى برا قيد ولا رايك شنو هييييييييييييع
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: الشامي الحبر عبدالوهاب)
|
Quote: لف مراحب بالابنة حفصة في المنبر واكيد حتكوني اضافة ممتازة للمنبر فانت من اسرة السيف والقلم
تحياتي اخونا خالد وفي انتظار الابنة حفصة |
مرحب شيخ الشامى كتب جدها د ابوحريره قال ايدى نصيحه زى ايد جدى وايدى على البجيب الريبه ما بتودى ايدى بتكتب الفكر المال ومجدى ويدى بتخل الوكر الحديدو بجضى
نتمنى لها ان تكون اسم لامع فى عالم الادب والصحافه مافى شى صعب ابدا
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: الكباشى عبد الله الرقيق)
|
Quote: لأستاذة حفصة بت ود المحرب
مرحب تراحيب المطر
اهلأ يك في دار ابي سفيان هذا العصر الرجل الخلوق بكري ابوبكر
وشكرأ للصاحبابي الأصيل خالد المحرب . |
شكرا اخونا الكباشى عبد الله الرقيق الزمن بقا زمن لغة وكلام واقناع وتوصيل المعلومه والدفاع عن الاخرين بالقلم انشاء الله حفصة عندها رغبه ان تكون كذلك شكرا على الكلام الجميل
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: معتصم دفع الله)
|
Quote: رحبتين حبابك أبنتنا الجميلة حفصة .. وأنت بوردابية أصيلة وجزء من بورداب الرياض .. بإسمهم جميعاً أرحب بك .. مع كل المنى بالتوفيق في حياتك الدراسية .. وأن نراك صحفية كبيرة يشار لها بالبنان ..
تحياتي أبوأحمد ومثلها لأم أحمد والأولاد .. |
ابوعمر حفصه عيناها الناطق الرسمى بدلى وبدل عفاف مع بورداب الرياض سوف تتحدث بالنيابة عن وزيرة الداخليه السيده امها ونيابة عن نايب وزيرة الداخليه اللهو انا المسيكين دا شكرا ابوعمر ولك التحيه ياسيدى
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: خالد المحرب)
|
أخى الكريم/ خالد المحرب (شيخ العرب)
مرحب كتير بحفصه كاضافه جديده للمنبر ونتمنى لها تفاعل ناجح ومفيد ونحن فى انتظار اضافاتك انشاء الله
رغم فرحى وفخرى بقدوم ابنتك الى المنبر الا انه لايضاهى فخرى واعتزازى بك كأب يقدم ويستقبل ابنته عضوا معه فيالك من أب يعتز به الكل ويا لفخرنا وفخر اسرتك كامله وابنتك بوالد مثلك وانت خير مثال يمكن أن يقدم الى الكل الاباء والابناء والبنات ولك ودى
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: عبد الله كسلا)
|
Quote: حبتين حباب حفصة بت شيخ شيوخ العرب ...
يلا سني قلمك (كيبوردك) وتعالي ... كلنا راجينك ...
إن شاء الله تكوني كتَّابة زي أبوكي ده ...
ربنا يحفظكم الاتنين .. ويخليكم لبعض ...
حبابك ألف ... |
الاخ عبد الله ود كسلا الوريفه الشاربه من الطيبه ديما انشاء الله تشوف كلام جميل فى م######## شتى حفظك الله من كل سوء تحياتى
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: Deng)
|
Quote: لكن بعدا حقو نخلى الكتابه لى الاولاد يكتبو عن القضايا المهمه انا وانت قاعدين نبرطع ساهى فى حوش بكرى برا قيد ولا رايك شنو هييييييييييييع |
لالالالالالالالا احسن نكون معاهم عشان نعلمهم مفردات ناس زمااااااااااان
هههههههههههههههههههها
مسنوح
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: هالة الأقرع)
|
Quote: يا مليون مرحب يا حفصة و الله
أنا قدامك بشوييييييييييييييييييية
و سعيدة جداً بتعريف العم خالد عنك
و منتظرنك يا عزيزة
شكراً عم خالد
لكما التحيّة
كل الود و الإحترام |
الابنه هاله كيفك اها جبنا ليك بت قدرك عشان تعملو ليكم شلليه شكرا على الترحييب وبعدين ات الجابك فوق هنا شنو ولا انا ماشفتك ات عارفه يا بتى اصعب حاجه انك تفط زول فى الرد زى الزول الجاهو ضيف وما قام بى واجبو كلامى نصيحه لانك انت زى حفصه موكد تحياتى
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: الطيب شيقوق)
|
Quote: حفصه خالد المحرب الهوايه الكتابه طموحات المستقبل ولوج عالم الصحافه من اوسع الابواب
الابنه حفصه كتابه وعندها مواضيع كتار سوف ترونها قريب جدا لديها الرغبه ان تكون صحفيه ونحن كاسره صغيره ندعمها دعم غير محدود اتمنى لها مستقبل باهر البيان بالعمل فى الايام القادمه من خلال منبر سودانيز اون لاين انشاء الله والشكر كل الشكر للاخ الريس بكرى ابوبكر مهندس سودانيز اون لاين الذى منحها العضويه |
حبابة عشرة بت اخوي في الحوش
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: سيف عبد العزيز)
|
Quote: أخى الكريم/ خالد المحرب (شيخ العرب)
مرحب كتير بحفصه كاضافه جديده للمنبر ونتمنى لها تفاعل ناجح ومفيد ونحن فى انتظار اضافاتك انشاء الله
رغم فرحى وفخرى بقدوم ابنتك الى المنبر الا انه لايضاهى فخرى واعتزازى بك كأب يقدم ويستقبل ابنته عضوا معه فيالك من أب يعتز به الكل ويا لفخرنا وفخر اسرتك كامله وابنتك بوالد مثلك وانت خير مثال يمكن أن يقدم الى الكل الاباء والابناء والبنات ولك ودى |
الاخ سيف شكرا على الترحيب وشكرا على الاشاده ياسيدى وكلامك اكيد دافع وبفتح الشهيه طول اليوم نحن كبشر نتاثر بالكلمه الجميله والعكس ايضا لك شكرى اخى الحبيب ونسال الله ان تدوم المحبه والموده كتر خيرك
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: Hassan Makkawi)
|
الابنة حفصة خالد المحرب .. مرحب بيك والمنبر يتنظر قلم جديد وكلام جديد أتوكلي على الله وستكتشفي أن أحسن طريقة لتطوير الكتابة هي الكتابة على الهواء الطلق وتلقي ردود أفعال المتداخلين معاك .. وهكذا حتى تجدي مكانك الذي يحقق الحلم.. والاماني لك بالتوفيق والنجاح
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: محمد عبد الماجد الصايم)
|
مرحبتين حبابك واليوم السعيد الليلة جابك ،،، هذا الشبل من ذاك الأسد ،، مرحب بك الاخت حفصة ونتمنى أن نرى تقاسيم قلمك بين صفحات سودانيز وأكيد سنستمتع بالقراءة كما نستمتع بقراءة كلمات الأستاذ خالد المحرب شيخ العرب ونحن في إنتظار سيل إبداعك ،،، والدار دارك وحباب بت شيخ العرب ،،،
تحياتي : ياسر العيلفون
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: ياسر السر)
|
Quote: رحبتين حبابك واليوم السعيد الليلة جابك ،،، هذا الشبل من ذاك الأسد ،، مرحب بك الاخت حفصة ونتمنى أن نرى تقاسيم قلمك بين صفحات سودانيز وأكيد سنستمتع بالقراءة كما نستمتع بقراءة كلمات الأستاذ خالد المحرب شيخ العرب ونحن في إنتظار سيل إبداعك ،،، والدار دارك وحباب بت شيخ العرب ،،،
تحياتي : ياسر العيلفون |
الاخ ياسر العيلفون الفنان الجميل شكرا سوف تمطر المنبر حفصه بشى جميل انشاء الله شكرا وكتر خيرك
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: محمد عبد الماجد الصايم)
|
Quote: حبابكـ مليون يا حفصة .. شرفتي البورض
_ غايتو يا أرباب بطنكـ غريقة خلاس!! |
ود الصايم الباسوريد جانا الدغش ابصلعه ماقصر ربنا يجزيه خير لكن والله تعبت جنس تعب افو الزول بقضى ضيفو لكن انا ناسى بغديهن والعشا عن حفصه يا زول انا ماعارف الحاصل شنو جنبى معشق نمره 5 وماشى ياخ فترت كفاك
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: Mohamed Abdelgaleel)
|
Quote: حفصة خالد المحرب .. مرحب بيك والمنبر يتنظر قلم جديد وكلام جديد أتوكلي على الله وستكتشفي أن أحسن طريقة لتطوير الكتابة هي الكتابة على الهواء الطلق وتلقي ردود أفعال المتداخلين معاك .. وهكذا حتى تجدي مكانك الذي يحقق الحلم.. والاماني لك بالتوفيق والنجاح |
الاخ محمد عبد الجليل شكرا ونرجو ان تشرفنا حفصة فى كتاباتها والله العتاله اتعبتنى جنس تعب
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: Al-Shaygi)
|
Quote: ألف مليــــــــون مرحب الشيخة حفصة بت شيخ العرب... أتمنى أن يطيب لك المقام في حوش بكري العامر... وإنشاء الله ربنا يوفقك وتحققي طموحاتك ونشوف كتاباتك في أكبر الصحف. |
السنجك الله يعلى مقدارك ياسيدى امين ربنا يحقق امانى اولادك وبناتك انت كمان لك التحيه شكرا جزيلا
| |
|
|
|
|
|
|
Re: رحبوا معنا بحفصه خالد المحرب شكرا ياريس (Re: سيف الدولة كامل)
|
Quote: زحوا زحوا خلوا لي الفسحة خلوني اقدل صقرية في فسحة بت الرجال
حباب ست الكلام اللذيذ الصافي حباب بت خير الرجال الفي واجبو دايما وافي حباب وضح الشموس الفي النميم بتكافي اهلا بيك يا لوحة البحب مو جافي
الليله الصعيد طلقن نسايمو البارده ذكرنى أم ضمير عند الحفائر وارده الزوله الفى مشيها لى ايدها تالاّ وفارده كتفتنى بى قيد هواها ومنى قامت شارده حباب ناسْ البطاح البى نَمٌهُمْ نوقهمْ فـارده ناس الكـلامْ الصُحْ أبآنْ نصيحةً بـارده جيتكْ يا الحبيبْ نِتْلَمْ مِنْ جديدْ بعدْ الحِليله الطاردة دُقْ القـرافْ آآآزولْ النَمٌـة شارده ووارده
حباب بت خالد اخوي موسوعة الشعر معروفه من زمناً قديم خابرها قاري حـروفه الخلى الحروف في حلقي تب مكتوفه نماتي جنب حرفك بلقاها ما مشيوفه
مرحبتين حباب زينة البنات بت خالد الفرح والكره والله ليك بتقالد شرفتى الديار والدنيا قالو مساند
هيييييييييييع كع |
حباب بت المحرب البي الكتابة جديرة
وامك من زمان جدودها لبسو حريرة
يا بيت البطانة المن رفاعتا لا ريرة
وبيك حتما بكون البورد كتابته منيرة
| |
|
|
|
|
|
|
|