|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
كما إن مستوي دفاع فريق الهلال مستوي ضعيف جداً لا يقوي علي الصمود أمام القوة الهجومية الضاربة لفرق مثل الصفاقسي أو الفتح المغربي ، فضلاً عن الإستهتار والمستوي المتدني جداً لحارس الهلال المعز محجوب ، كذلك ضعف ردة فعله وثقل وزنه ، وذلك واضح في الكرة الرأسية السهلة التي أرسلت فوقه في مباراة الإتحاد وإصطدمت بالقائم وعادت إليه ، فقد أصيب فيها بالشلل التام ولم يقوي حتي علي مد يده أو القفز الي أعلي ، ولكن وقف متفرجاً ولحسن حظه أتته الكره حيث كان يقف وغيرها من الهنات في مباراة الجيش ، ويلاحظ أيضاُ عدم الأنسجام وإنعدم التفاهم بين أفراد خط الدفاع وحارس المرمي ، أيضاً البطئ الشديد للمدافعين مقارنة بالسرعة الهائلة لهجوم الصفاقسي والفتح.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
لاعبي الهلال أنفسهم أعتبرو الوصول لهذه المرحلة إنجاز في حد ذاته وهو عامل نفسي هام جداً وهو عامل يوثر دائماً عليهم ، ويقف دونهم والتقدم الي مرحلة العودة أو الظفر بالكأس ، كما إن الزخم الإعلامي المبالغ فيه من بعض من المحسوبين علي الصحافة - وهم كثر- له أثر سالب أيضاً ويتمثل ذلك في تصوير اللاعبين وكأنهم ملائكة تمشي علي الأرض وكأنهم خيرة اللاعبين علي مستوي العالم الأمر الذي يثبط من همة اللاعبين ويقف دونهم وتقديم المستوي الذي يجعلهم يحققون الحلم المفقود الذي تتعطش له خزانة نادي الهلال خالية الوفاض من أي حصاد خارجي!
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: عبدالله كع)
|
Quote: ياااااااااااااا عبد المنطلب مالك مُصحينا ياخي ... ده اسمو شلوت في البوز !!
وحاتك كلامك كلو في محلو .. بس في امل بسيط - شويه حراره قلب وشووووووووووية غيرة - ممكن نكسر الحاجز الامازيغي ده لنا الله |
كععععععععععععععععع،،،
سلام معليش صحيناكم ، لكن أخير الناس تصحي بدري بدري بدل تقعد تفتل في حبال رملة وتبني في الموج قصور آمال ، وبعدين تقعدو في عضعيض الأصابعين وتبقو في آآآآآآآآآخ وإإإإيخ. ولا كيف؟
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Omar Bob)
|
الصفوة عبدالمطلب مسكاقمي فرصة الهلال في هذا العام ان يشيل كأس الكنفدرالية كبيرة لان الفريقين حيقابلهم الهلال ليسوا بافضل منه إذا كان الفتح او الصفاقسي إذا استمر الهلال بنفس الحماس الذي شاهدناه في مباراة الاتحاد الليبي في ام درمان ولكن هل الهلالاب سيقتنعوا بهذه البطولة اذا شالوا كأس الكنفدرالية الهلالاب وصفوا كأس الكنفدرالية بانه كأس الجعانين والمجاعة والجعرانية وكأس الترضية وكأس من لا حول له ولا قوة وبطولة الضعفاء وصفوه وقالوا فيه ما لم يقله مالك في الخمر أها إذا اتوفقتم وشلتوا الكأس دا حتقولوا عليه نفس الكلام !!!!!!!!!!!!! وهل حتعترفوا بان المريخ شال الكأس دا قبلكم ؟؟؟؟؟؟؟؟؟؟؟؟
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: الهلال لا يقل بأي حال عن الصفاقسي او الفتح الرباطي
لا ننكر عيوب الدفاع لكن لكل فريق ثغرات ....
واذا كان ضعفنا في الدفاع فقوتنا في الوسط والهجوم
وبقليل من التركيز الدفاع نفسه قادر على الصمود
امام اعتى الفرق ... ولا نخشى منازلة الصفاقسي او الفتح
فقط ما نخشاه العووووووووووووووارض |
الكأس بمشي لي البستحقو بي عوارض ولا بدونها ، بعدين الدفاع مش فيهو عيب بس ، الدفاع ده شوارع طولية وعرضية وإتجاهين ماشي وجاي ، ووراهو حارس المشي غالبو أبطئ من أبو القدح ، وردة فعله توقف القلب عديل ، بعدين الدفاع الضعيف بيكتل الثقة في الفريق كلو ، يعني أحسن المهاجمين لو دفاعهم (فتة) ما يقدرو يعملو أي حاجة ، ده غير إنو المرحلة الجاية لا تحتمل أخطاء دفاعية خاصة مع مهاجمي الكرة المغربية والتونسية عموماً والصفاقسي علي وجه الخصوص لأنهم بيمتازو بسرعة فائقة والفريق يجيد الإرتداد السريع إعتماداً علي سرعة اللاعبين.
علي كل حال لو الهلال عايز ينافس علي المركز التالت من الأفضل إنو يجهز الحارس البديل من هسه ، عشان بعدين (ما يقعدو جنب الحيط ونسمع الزيط).
أنا بؤولكو أهو!!
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: سلام يا اخي الكريم...
والله لو كان الامر تاريخ ....اتفق معك تماماً..
اما لو كان الحديث عن المستوى الان...فقد تفرجت علي كافة مباريات المجموعتين
وبي امانه الهلال افضل من يلعب كره قدم في المجموعتين((من وجهة نظري) ..وافضل من الصفاقصي بوضوح..
يتطلب الامر قدراً من توفيق الله تعالى اولاً...ولكن الفريق الحالي مميز جداً ويستحق البطوله..
كم من فريق قوي خرج من بطوله يستحقها... |
سلام وإحترام
لو شفت كورة الهلال مع الجيش وإتفرجت في دفاع الهلال ، حتقتنع تماماً إنو دفاع زي ده ومهما توفرت ليهو قوة في الوسط والهجوم يستحيل تعتبرو فريق يحقق بطولة ، ده كلام عقل والكلام ده حيمشي ويجي وحتشوف الكارثة اللي حيتسبب فيها دفاع الهلال.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: ليه بس يا ود الجمري .. ذمااااااااااااان ونحنا ( اطفال ) ذمن الكدارات بسوها بجلد تيس و الكورة بودها النقلتي .. فرحنا ليكم بي كأس .. شنو يا ربي ؟؟؟ ايواااااااااااااا ما نديلا .. هو الزول ده حي ؟؟
يا زول حمدع السلام |
إنا لله ، من الزمن داك تاني ما فرحتو؟
بالله يا كع حتي الفرح نجيبو ليكم نحن؟ والله حقو الزول ينزل ليك أغنية عود لينا يا ليل الفرح داوي القليب الإنجرح ، خليهو يفرح مرة يوم طول عمرو ناسيهو الفرح .... وكده!!
ههههه.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: يا محمد: تحليلك ده مبني علي مشاهدة الصفاقسي والفتح الرباطي في هذه البطوله؟ ولا فقط علي تاريخ الكره التونسيه والمغربيه؟ ان كان مبني علي مشاهده قول لي انت شفت ياتو مباره للفريقين عشان نحلل معاك ونشوف انو الهلال السوداني والاتحاد الليبي عندهم فرصه ولا لا |
التحليل ده مبني علي مشاهدة دفاع الهلال بقيادة المعز بطة وأخوانو بصفة خاصة مباراتو مع الجيش اللي فاز فيها الهلال ، دفاع زي ده ما دفاع بطولة.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: ولكن هل الهلالاب سيقتنعوا بهذه البطولة اذا شالوا كأس الكنفدرالية الهلالاب وصفوا كأس الكنفدرالية بانه كأس الجعانين والمجاعة والجعرانية وكأس الترضية وكأس من لا حول له ولا قوة وبطولة الضعفاء وصفوه وقالوا فيه ما لم يقله مالك في الخمر أها إذا اتوفقتم وشلتوا الكأس دا حتقولوا عليه نفس الكلام !!!!!!!!!!!!! وهل حتعترفوا بان المريخ شال الكأس دا قبلكم ؟؟؟؟؟؟؟؟؟؟؟؟ |
حمزاوي المتوهج،،،
كيفك؟
والله دي مشكلة كبيرة ، يعني شايلنو مشكلة ، طايرين مشكلتين. الله كريم بس.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: مساكين السبيعاب الفريجاب العواطلية ما عندهم شغلة غير الهلال حيفوز لا ما حايفوز حا يشيل الكاس ما حا يشيلو وفي نفسهم يقولو ان شاء الله ما يشيلو حقد وحسد بس
انت يالفريجاب اتفرجو بس وشوفوا الفن واللعب الازرق والكاس ازرق بس بلوا رؤوسكم |
المرحلة بتاعة الكاسات دي مرينا بيها زمممممممممان ، وراسنا بنبلو بس إن شاء الله الكاس يجي بس. بعدين الكاس دايرنو ليكم ، عشان الكتوف تتلاحق ونحس بقوة المنافسة والندية.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
الصفقاسي علي الرغم من الهزيمة فقد تقدم بهدف السبق وسيطر علي معظم فترات المباراة ، ذلك علي الرغم من أن الفريق يفتقد لسبعة من عناصره الأساسية لعامل الإصابة أو الإيقاف ولتخلف عدد منهم في تونس حيث فضل الجهاز الفني عدم اصطحابهم لرغبته في التركيز في مباراة هامة له في الدوري المحلي ، كما إن الترجي ومن خلال كل تلك المعطيات قد فضل أن يتخلي عن المركز الأول لرغبته في منازلة الهلال السوداني ليكون عبوره للنهائي ممهداً.
هجوم الترجي وبصفة خاصة الجانب الأيمن يتمتع بسرعة فائقة ، كما أن الفريق بصفة عامة يجيد التحول السريع بفضل قوة وسرعة خط وسطه وفعالية الهجوم.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
علي الجانب الآخر إستطاع نادي الترجي التونسي العبور الي المباراة النهائية مع مازيمبي بعد أن تغلب علي ضيفه النادي الأهلي المصري بهدف في الدقيقة الأولي من عمر المباراة أثر ركنية تم تحويلها بالراس لتصل الي مهاجم الترجي الذي حولها بيده داخل المرمي فشلت محاولات شريف إكرامي في إبعادها ، وهو نفس السيناريو الذي تكرر بالقاهرة عندما أحرز الأهلي هدفاً باليد لم يره الحكم ، علي الرغم من ذلك قدم الترجي مباراة قوية إستحق بها الفوز كما ان الأهلي وعلي الرغم من طرد لاعب أساسي له " محمد بركات" استطاع أن يكتم أنفاس مناصري النادي التونسي. وكانت المباراة الأولي بالقاهرة قد إنتهت بفوز الأهلي بهدفين لهدف.
صب الجميع غضبهم علي مدرب النادي الأهلي حسام البدري عندما قام بإستبدال النجم أبو تريكه بالاعب شهاب الذي لم فلح في تعديل النتيجة علي الرغم من الهجوم الضاغط الذي شنه النادي الأهلي في العشر دقائق الأخيرة من عمر المباراة.
الترجي استحق النتيجة رغم خطأ الحكم القاتل بالنظر للأداء القوي الذي قدمه أمام العملاق الأهلي.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
تعمد لاعبو الترجي التونسي - خاصة في شوط اللعب الثاني - أضاعة الوقت والتمثيل بالسقوط علي الأرض ومحاولة إستفزاز لاعبي الأهلي وقد نجحو في ذلك عندما فقد النجم محمد بركات أعصابه وأعتدي بالضرب علي لاعب الترجي أمام الحكم فلم يتردد الأخير في إشهار البطاقة الحمراء ، كما إن المسئولين عن إرجاع الكرة بعد خروجها من الملعب تعمدو عدم إرجاعها بل وإخفائها في معظم الأحيان مما ساعد في توتر فريق الأهلي ، وتعمدت الجماهير التونسية التشويش علي حارس الأهلي شريف إكرامي ، يذكر أن جماهير الترجي في القاهرة قامت بالإعتداء علي رجال المطافي والأمن بالإستاد مما دفع السلطات المصرية لإعتقال عدد منهم لكن تدخل الرئيس التوتسي لدي نظيره المصري أدي للأفراج عنهم ، وقد قابل مسئولو النادي التونسي ذلك بإستقبال رائع لبعثة الأهلي كما سمحو لجماهير النادي الأهلي المرافق لناديه الي تونس وعددهم خمسمائة مشجع بالدخول مجاناً لحضور المباراة.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
بعض الهلالاب كان تعليقهم إنو أحسن يقابلو الصفاقسي من هسة عشان لو قابلوهو في النهاية المغصة بتكون أكبر.
ههههه ، جرسة مبكرة شديد.
غايتو الصفاقسي عملها ظاهرة ، بعد كان متقدم بهدف ومسيطر علي المباراة ، في الآخر عملو مجانين وخلو الفتح يعبر وهم تقع ليهم السمينة ، وعشان المدرب عمل فيها مجنون وخلي سبعة لاعبين أساسين في تونس ، علماً إنو فيهم لاعبين موقوفين ومصابين لكن معظمهم تعمد عدم إحضارهم بحجة مضحكة وهي إنو أمامه مباراة هامة في الدوري المحلي . "الكلام ده قولو لي زول ما عندو حديدة".
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: التحليل ده مبني علي مشاهدة دفاع الهلال بقيادة المعز بطة وأخوانو بصفة خاصة مباراتو مع الجيش اللي فاز فيها الهلال ، دفاع زي ده ما دفاع بطولة. |
يعني افهم من كلامك ده انو انت باني تحليلك ده من مباره وحيده شاهدتها للهلال. وانك لم تشاهد الفتح ولا الصفاقسي وعليه انت لا تدري ان كان دفاعي الصفاقسي والفتح ليس اسوأ من دفاع الهلال ام لا؟ وحارسي الصفاقسي والفتح ليس ابطأ من حارس الهلال ام لا؟ الجدول ده يوضح موقف الفرق الاربعه التي صعدت لنصف نهائي الكونفدراليه عشان نقارن بينهم
من الجدول واضح انو: 1/ اكثر فريقين جمعو نقاط هم الهلال والفتح 2/ اقوي خط هجوم هو الاتحاد يليه الهلال 3/ اقوي دفاع هما الصفاقسي والاتحاد يعني اذا كان النهائي يقاس: ا/ بقوه الفريقين ككل فالنهائي سيكون بين الهلال والفتح ب/ وان كان يقاس بالقوه الهجوميه فقط فانه سيكون بين الهلال والاتحاد ج/ وان كان يقاس بالقوه الدفاعيه فقط فان النهائي سيكون بين الصفاقسي والاتحاد اذا قلنا انو الفريق القوي ككل له نسبه 40% لوصول النهائي والفريق صاحب اقوي دفاع له نسبه 30% والفريق صاحب اقوي هجوم له نسبه 30% تصبح نسبه وصول الفرق الاربعه للنهائي كالاتي: الهلال = 70% الاتحاد الليبي=60% الفتح الرباطي = 40% الصفاقسي التونسي = 30%
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Sayed Bekab)
|
الاخ محمد تعرف قبل شهر بعد مافازوا على الفريق المالى فتحت بوست وقلت ليهم ماتفرحوا كثير الكاس حق الصفاقسي وباين كلامنا ماحيقع واطة وامس قالوا لاعبى الصفافسي قبضوا مكافاة الوصول للنهائى بالتشجيع الشفناهو امس ده فى مباراة الاهلى والترجي الله يستر من تكرار قصة كمال ترباس القال مشيت اشرب موية جيت لقيتها ستة .
Quote: وانا ايضا اقول الصفاقصي فاتيكانات قديمة
|
صديقى خليل والله اول ما انتهت مباراة الصفاقسى والفتح طوالى اتذكرتك وقلت ياربي خليل تكون حالتو كيف ؟ ده مش ياهو الصفاقسى العامل ليك قلق البطولة كلها وكنت تتمنى خروجه هسع بقى فاتيكانات قديمه يازول اركز ساااى والكوره حاضرنها معاك ومعاى هارون واميرة الشيخ
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: معاوية محمد الحسن)
|
الأخ معاوية
أنا ماعارف قصدكم شنو يا مريخاب
هل تريدوننا أن ننسحب ونقول لي ناس الصفاقصي نحن خايفين منكم تعالوا شيلوا الكاس إنتو ما تصبروا لمن يوم المباراة يجي وبعدين تعالوا اتكلموا
ويومها عندكم خيارين
1- يا إما تجو تباركوا لينا (وإنشاء الله هذا ما سيحدث) 2- أو تجوا تكملوا شمماتتكم (وهذا لن يحصل بحول الله )
أما عن الهلال فإننا نراه بغير عيونكم ونرى فيه أشياء أنتم لا تروها نحن نرى أن إصرار لاعبي الهلال نابع من إصرارنا نحن جماهير سيد البلد ونرى أن مدرب فريقنا من خيرة مدربي كرة القدم في أفريقيا
وأصبروا واليوم كلو بقى زي الساعة
الصادق
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Hassan Senada)
|
قصدكم انا عارفو يا حسن سنادة
Quote: قصدنا معروف يا الصادق انو الكاس لثلاثى شمال الافريقى وطيش البلد على قولك باى باى خلاص وغدا
لناظره قريب |
بالتأكيد لن أجزم على شيء في علم الغيب يا حسن سنادة إلى من سيذهب هذا الكأس أما بالنسبة لعقدة شمال أفريقيا والتوانسة بالذات فهذه عندكم أكثر
وزي ما قلت يا حسن سنادة
غداً لناظره قريب لو إنتو صبرتوا نحن بنصبر لي غداً دي
الصادق
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: الصادق صديق سلمان)
|
Quote: يعني افهم من كلامك ده انو انت باني تحليلك ده من مباره وحيده شاهدتها للهلال. وانك لم تشاهد الفتح ولا الصفاقسي وعليه انت لا تدري ان كان دفاعي الصفاقسي والفتح ليس اسوأ من دفاع الهلال ام لا؟ |
دفاع الهلال بشكلو الحالي وبالنظر لي طريقة تمركزو وإنعدام التفاهم والثقة في المعز هو سبب قوي للتحليل ومؤشر واضح علي ما يمكن أن يحدث في المرحلة المقبلة ، ومفهوم بداهة أن دوري الأربعه الحسابات فيه تختلف إختلاف كبير جداً عنه في مرحلة المجموعة حيث أمكانية التعويض دائما ما تعطي الأمل في المواصلة علي غير الحال في مرحلة دور الأربعة.
من قال لك أني لا أدري؟ أم هو مجرد إستنتاج؟ صحيح أنا ذكرت أن تحليلي إعتمد علي مسألة جوهرية وهي ضعف دفاع الهلال ، لكن هذا لا يعني بالضرورة أن حال الفرق المنافسة ليست في الإعتبار ، وعلي كل حال فهجوم الصفاقسي وخاصة في الجهة التي سيلعب فيها خليفة أو بوياً هي نقطة قوة للصفاقسي خاصة مع نزعة خليفة الهجومية والتي قد تكلف الفريق الكثير إضافة الي ضعف البنية الجسمانية وبطي الأخير مقارنة بمهاجم الصفاقسي.
أما عن وسط الهلال ، فلو تمت الإستعانة بهيثم مصطفي فستكون الكارثة الحتمية لأسباب سأعددها لاحقاً.
ونواصل......
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: تصبح نسبه وصول الفرق الاربعه للنهائي كالاتي: الهلال = 70% الاتحاد الليبي=60% الفتح الرباطي = 40% الصفاقسي التونسي = 30% |
يعني فريق الهلال حيخرج الفريق التونسي من المنافسة؟ طيب لو أصلاً القصة نسب مئوية ومقارنات وبس ، المفروض المقارنة تمشي لي أبعد من كده ونشوف الهلال ونتائجو مع الأندية التونسية أو المغربية فالكل يذكر الترجي مع الهلال التي فاز فيها الترجي علي أرضه وتعادل مع الهلال بهدفين بإستاد الهلال في الواقعة التاريخية المخجلة التي علقت بأذهان الكل عندما أجبر الطيب عبدالله الترجي علي اللعب الساعة الثانية ظهراً في أمدرمان وكان وباء السحائي قد فتك بالكثيرين آنذاك وكانت درجة الحرارة قاربت الخمسين ، الإ إن النتيجة أتت علي غير التوقع حيث تأثر لاعبو الهلال بذلك ولم يتحملو سخونة الجو وتعادلو بهدفين لكل.
ماذا عن مازيمبي الذي صرع الهلال بخماسية علي أرضه ووسط جمهوره؟ هذه العمليات الحسابية تحسب علي الهلال لا لصالحه ، علي كل الحادي والثلاثين من الشهر الجاري ليس ببعيد ، ولا يستطيع أحد أن ينكر الرعب الذي أصاب الهلال بعد أن إتضح أن الصفاقسي هو المنافس له في طموح الصعود.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: الاتحاد الليبي الفتح الرباطي لصفاقصى التونسى
الحبيب محمد انشاءالله الثلاثى يصلوا النهائى مافى مشكلة بس الصفراب يتغلبوا جوا وبرا |
هلا بالحبوب حسن
عارف الصفاقسي عملها ظاهرة شديد ، بعد كان متقدم واحد صفر علي الفتح ومتفوق عليهو في الأداء جا في النهاية خسر إتنين واحد ، مش كده وبس خلي عدد كبير من الأساسيين في تونس بحجة إنو عندهم مباراة مهمة قادمة في الدوري المحلي ، وده كلو لأنو عايزين يقابلو الحمام الميت ويغنجو بالسمينة ، ولو شفت تعليقات التوانسة في مواقهعم الإلكترونية تلقاهم متفقين علي كده ، إنو حيطتهم القصيرة ولقوها وحتما صاعدين للنهائي عبر بوابة زريبة العيش التخميسية.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: تحليلات من مباراة امس ...... |
الطريقة اللي بيلعب بيها هجوم الصفاقسي لا قبل لخليفة وبويا وأخوانهم بها ، كما إن المعز أبو طلعة مشاترة لو إستمر في طلعاتو الماكوكية القاطعها من راسو دي ، تأكد شريط ما زيمبي حيتكرر بالكربون ، الهجوم التونسي يتمتع بسرعة فائقة ، ومهارة عالية جداً ، وجرأة شديدة في الأختراق والتقدم بالأطراف والعمق ويمتلك حلول فردية يتمتع بها كل خط الهجوم بلا إستثناء ، كما أن خط الوسط يجيد الإلتحام القوي وإستخلاص الكرة والمزاحمة الملحة ، وله قدرة فائفة علي إرسال التمريرات غير المتوقعة من كل الإتجاهات.
غايتو لو جمعة لعب أخير ليكم من "المعز بطة .......الغالباهو النطة"!!
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: الاخ محمد تعرف قبل شهر بعد مافازوا على الفريق المالى فتحت بوست وقلت ليهم ماتفرحوا كثير الكاس حق الصفاقسي وباين كلامنا ماحيقع واطة وامس قالوا لاعبى الصفافسي قبضوا مكافاة الوصول للنهائى بالتشجيع الشفناهو امس ده فى مباراة الاهلى والترجي الله يستر من تكرار قصة كمال ترباس القال مشيت اشرب موية جيت لقيتها ستة .
|
أخونا معاوية ،، كيفنك وهلا بيك.
الصفاقسي يا معاوية عملها واضحة شديد ، وكلهم بيضحكو لي هسة علي المغاربة اللي ما فهمو القصة ووقعو في الفخ ، الصفاقسي قصد الهلال عديل وخطط يلقاهو قدامو وقد كان ، في رأيك الصفاقسي قاصد شنو بالحركة الجبـــــــــــانة دي؟ الجمهور التونسي شرس جداً ، في القاهرة ضربو العساكر وكسروهم لحدي ما دخلوهم السجن ، وفي تونس عذبو شريف إكرامي بالليزر في عيونو ، قربو يعمو الود.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: الأخ معاوية أنا ماعارف قصدكم شنو يا مريخاب هل تريدوننا أن ننسحب ونقول لي ناس الصفاقصي نحن خايفين منكم |
الاخ الصادق تحياتي طيب يعنى شنو لو انسحبتوا من الخوف يعنى الانسحاب بسبب الخوف جديد عليكم مش قريب ده انسحبتوا من قدام وفاق سطيف من الخوف بعد مافاز عليكم فى استادكم ولحتى الان منتظركم لمباراة الرد,
خلاص لو ماعاوزين تنسحبوا بعد تخلصوا مباراة الصفاقسى امشوا على الجزائر العبوا مباراة الرد مع وفاق سطيف
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
الأخ محمد عبد المطلب تحيه طيبه وخلينا نحسب معاك الشهر الماعندكم فيهو نفقه ده تعرف من مانزلت مشوار الصفاقسي من يوم أمس أنا منتظرك تنزل مشوار الهلال لكن والله ما عارف مالك جليتو كدي غايتو نجيبو ليك (بعد خروج الهلال من دوري الأبطال على يد الإسماعيلي بالهزيمة ذهابا وإيابا 0 - 1 و 1 - 2 على التوالي) نشوف نتائج الهلال وكيف تأهل في الكونفدراليه هذا العام لهذه المرحلة داخل أرضه
مع كابس يونايتد 5 - 0 مع أس فان 4 - 2 مع دوجوليبا 2 - 1 مع الإتحاد الليبي 2 - 0
خارج أرضه
مع كابس يونايتد 1 - 3 مع أس فان 0 - 0 مع دوجوليبا 2 - 0 (الهلال مهزوم) مع الإتحاد الليبي 1 - 2
يالله واصل التحليل والوصول للنهائي بين الصفاقسي والفتح كل الود
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: تعادل فريقا الأمل والهلال بدون أهداف في المباراة التي جمعت بينهما (الأربعاء 20 أكتوبر ) على ملعب إستاد عطبرة في ختام مباريات الأسبوع الثاني والعشرين . وقد جاءت المباراة قوية وسريعة من الفريقين وقدم فيها لاعبو الفريقين مستوى مميز خصوصاً في الشوط الأول الذي شهد صراعاً عنيفاً بين اللاعبين في وسط الملعب حيث تبادل الفريقان السيطرة على منطقة المناورة . ولعب دفاع الأمل بقيادة أنور كباشي وعمار رمضان مباراة كبيرة وتصديا لمعظم هجمات الهلال كما أن خط وسط الأمل اعتمد على تقفيل مفاتيح اللعب في الهلال وعدم ترك مساحات أمامهم . ولم يشهد هذا الشوط فرصاً خطيرة على المرميين باستثناء انفراد بكري المدينة وتسديدة مهند الطاهر . الشوط الثاني جاء بنفس وتيرة الشوط الأول من حيث اللعب المفتوح وتبادل الهجمات بين الفريقين وارتفعت وتيرة الأداء بمرور الزمن ووجد لاعبو الفريقين عددا من الفرص حيث أضاع كل من خليفة وكاريكا ومهند عدة فرص للهلال فيما قاد فريق الأمل عدداً من الهجمات المرتدة التي شكلت خطورة كبيرة على مرمى المعز . وتواصل الأداء بهذا الشكل حتى أعلن حكم المباراة الفاضل ابوشنب عن نهايتها بالتعادل السلبي ليرتفع أصحاب الأرض برصيدهم للنقطة 27 في المركز السادس فيما احتفظ الهلال بالمركز الثاني برصيد 55 نقطة . |
وتيييييييييييييب؟
الكلام ده كده ما كويس والله!!
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: يحى الشريف)
|
سعادة المستشار الكابتن محمد (منقة )
Quote: مع المعز لا يوجد مغص. |
يازول كتلتني من الضحك لكن يامحمد ياخي راسنا اصبح صغير قدام ناس السعودية والناس هنا ماعندها شغلة غير كرة القدم نقول ليهم علمناكم الكورة يقولوا لينا فتناكم فيها واخر تريقاتهم قالوا : السودانيين عملوا دوري وقالوا اول يوم راحة هههههههههههه شفت كيف التريقة بكسل الشخصية السودانية . . انا شامم ريحة في البوست دا يخوف
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: وليد عبد اللطيف)
|
الأخ محمد عبد المطلب
Quote: بعدين نظرية شهر ونفقة والكلام ده غايتو ما شايف ليهو مناسبة ، هي وينها النفقة ووينو الشهر ظاااااطو؟ |
ياخوي والله دي مناكفه اخويه وعفويه وما ظنها فاتت حدود الأدب، وبيأكدها إني بديت مداخلتي ليك بي
Quote: الأخ محمد عبد المطلب تحيه طيبه |
لكن علي العموم أمسحها لي في وشي ده ياخ أصلا أنا لي ست سنين في المنبر ده وعمري ما إتزاعلت مع زول في المنبر ده ولا تورت نفس زول
وبعد أن وضحت لي عنوان ومقصد البوست بتأسف ليك على حرف البوست واصل وإعتبر كأن شيئا لم يكن وتأكد سنتابع معك
كل الود
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: كمال حسن)
|
Quote: محمد عبد المطلب سلامات مشكور علي اهتمامك ومتابعتك لي مشوار سيد البلد الافريقي |
سلام وإحترام يا أحمد خضر
يا أحمد والله حكاية سيد البلد دي لما أقراها أموت من الضحك ، ده شنو ده يا أخوانا ، سيد بلد شنو كمان؟ يعني حتي الكورة فيها سيد وغير سيد ولا المقصود شنو؟ لأني بصراحة ما قاعد أفوت التسميات الغريبة دي ساكت كده ، علي كل حال إن شاء الله سيد البلد والبلاد المجاورة يجيب ليهو كاس عشان الناس دي حشاها يبرد.
تسلم يا حبيب.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: محمد عبد المطلب سلامات مشكور علي اهتمامك ومتابعتك لي مشوار سيد البلد الافريقي
ممكن اسلم علي صديقي كمال حسن علي يا كمال التاجر لمن يفلس بفتش دفاترة القديمة كسير راس شديد شلنا كاس الكؤس البكاء علي الاطلال
وكمان الكورة لمن تفك بتبقي في اللسان وعلي صفحات الجرايد |
يا أحمد خضر سلام جاك تاني
عارف قريت مداخلتك مرتين تلاتة غلبني أعرف إنت شايت علي وين؟ يا خوي إنت معانا ولا مع غانا؟
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: يازول كتلتني من الضحك لكن يامحمد ياخي راسنا اصبح صغير قدام ناس السعودية والناس هنا ماعندها شغلة غير كرة القدم نقول ليهم علمناكم الكورة يقولوا لينا فتناكم فيها واخر تريقاتهم قالوا : السودانيين عملوا دوري وقالوا اول يوم راحة هههههههههههه شفت كيف التريقة بكسل الشخصية السودانية |
كيفك ياوليد
عارف يا وليد وبي أمانة كورة السعودية فعلاً كورة بمعني الكلمة وفيها مواهب والله مبالغة ، لكن قصة الكسل دي يا وليد غايتو السعوديين ديل خامننا ساكت ، من الصعب نحكم عليهم كسلانين ولا لا؟ خاصة بالنسبة لي ما عايشتهم عن قرب ، لكن إتخيل لي مستوي البلد الإقتصادي ما بوريك لو هم كسلانين ولا لا لأنو الجيل الحالي أي حاجة لقوها جاهزة ، فما عارف أيام كانو فقرانين كانو كيف؟
علي كل حال أعتقد الناس بتتريق علينا لأنو عارفين طيبة السودانيين ، لكن لو السودانيين هناك وروهو وش تاني إحتمال الناس دي تغير رأيها.
ولا كيف؟ تفتكر المعز بطة ممكن ينستر مع الصفاقسي؟ ولا جمعة؟
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
Quote: الكاس لهلال السودان |
نننتظر ونشوف ، الهلال بهاتي بي كاس أو بطولة خارجية من متين؟ ياخي دي ولادة حبل عديل ، الكاس جا؟ ما جا؟ أها ما بقيتو تلاتة؟ أها ان شاءالله إتحليتو بالسلامة؟ وييييك ووواك!! والله المريخ ظاتو بملاهاتكم دي ولد قبليكم ، الله يجيو الكاس ده وترتاحو وبطنكم تبرد ، بس بالشايفو ده وحال المعز بطة الغالباهو النطة : (( آي داوت إت)).
والله حال الهلال وهو نفسو إتقطع عشان يجي راجع ليهو بي كاس عامل زي لوري الطوب القديم وطالع ليهو في حتة عالية وكلو ما يقرب يصل يجي مدردق من فوق وتاااااااني يدوهو دفرة وتااااااني يطلع يطلع يطلع وررررررررررررب يجي متدردق من فوق ....وهكذا!!
علي كل حال الخبر اللي بي فلوس حيبقي بلوشي قريب.
الله يحلكم بالسلامة.
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
قلنا نجيب ليكم خبر يطمنكم شوية ، الترجي يفوز علي الصفاقسي في الدوري المحلي تلاتة واحد:
Quote:
الترجي الرياضي ـ النادي الصفاقسي (3 ـ 1) واقعية الترجي تمنحه فوزا مستحقا ملعب رادس – جمهور متوسط العدد الأهداف: المساكني دق 42 وخليفة دق 47 وإنيرامو دق68 للترجي وهاشم عباس دق 58 للصفاقسي. الإنذارات : زياد الدربالي والمساكني من الترجي والبرقاوي وكمون من الصفاقسي. الترجي الرياضي : وسيم نوارة (بن شريفية) – أيمن بن عمر – محمد بن منصور – زياد الدربالي – صيام بن يوسف –روجي توندبا – خالد القربي – يوسف المساكني – صابر خليفة – خالد العياري ( الدراجي) – مايكل إنيرامو (الباش طبجي). النادي الصفاقسي : جاسم الخلوفي – مامان يوسوفو – فاتح الغربي – أمين عباس - حمدي رويد - هاشم عباس – وسيم كمون - شاكر البرقاوي – كمال زعيم – حمزة يونس – دومنيك داسيلفا (أغبا) تابع الترجي الرياضي انتصاراته وحقق الفوز الخامس على التوالي ليعود إلى الانفراد بالصدارة. ويدين الترجي الرياضي بانتصاره إلى واقعية خط هجومه فالفريق لم يضع فرصا تذكر وتقريبا فإن كل كراته المؤطرة تحولت إلى أهداف كما أن لاعبيه لم يقوموا بهفوات تذكر. ودون أن يقدم الفريق مستوى فنيا رفيعا خاصة خلال الفترة الاولى فإنه حقق الاهم وانتصر على «الابيض والأسود» التونسي قبل ترويض حامل اللونين في الكونغو نادي مازمبي. أما النادي الصفاقسي فلم يقدر على الانتصار للجولة الثالثة على التوالي وانقاد إلى الهزيمة الأولى والسبب قد يعود إلى الطريقة المعتمدة التي حدت من خطورة الفريق الهجومية وكل ما حققه خلال المباراة أنه فك مناعة دفاع الترجي الذي قبل أول هدف هذا الموسم. مستوى ضعيف لئن لم تسجل بداية المقابلة فرصا واضحة تذكر فإن أول عملية لهجوم النادي الصفاقسي صنعت الحدث الاول ففي الدقيقة العاشرة كان السينغالي داسيلفا يتهيأ للتصويب قبل أن يسبقه بن يوسف ولمس الكرة وفي محاولته تفادي الركنية أصيب الحارس نوارة وتم تغييره ببن شريفية الذي كان مطالبا بالحذر باعتبار أن النادي الصفاقسي تميز بسرعته في الهجومات المعاكسة ولكنها افتقدت الخطورة. ولعل القاسم المشترك بين الفريقين أنهما فشلا في رفع النسق خلال بداية المقابلة فالترجي الذي لعب بثلاثة مهاجمين لم يجد الحلول على الأطراف لأن طريقة 5-3-2 التي اعتمدها منافسه لم تترك للاعبيه مجالا للتحرك كما أن صابر خليفة وخالد العياري لا يملكان مواصفات الجناحين القادرين على التسرب وصنع الفارق كما أن الظهيرين بن عمر وبن منصور لم يوفرا الحلول. اما النادي الصفاقسي فإن تفكيره كان موجها الى تأمين الجوانب الدفاعية في المقام الأول ربما لإيمانه بأن العامل البدني قد يؤثر في منافسه. التصورات التكتيكية كانت طاغية مما أثر في مستوى اللعب وجعل الفرصة الواضحة تكون نادرة باستثناء تصويبة العياري من داخل مناطق الجزاء التي مرت عالية وفضلا عن رأسية حمزة يونس في الدقيقة 32 بعد ركنية من زعيم غير انه لم يؤطر كرته وهي عملية تكررت في الدقيقة 36 لكن أمين عباس لم يكن أفضل تصرفا من يونس. ووجد الترجي الرياضي صعوبات في صنع اللعب في ظل التغطية الممتازة لدفاع النادي الصفاقسي مما جعل الفريق يميل نحو اللعب المباشر باتجاه مايكل إنيرامو أحيانا أو صابر خليفة الذي يتحول في بعض الفترات إلى مهاجم ثان. ونجح الترجي في افتتاح النتيجة في الدقيقة 42 فبعد تمريرة طويلة نحو مايكل استفاد المساكني من تفكك محور دفاع منافسه وراوغ عباس قبل أن يسدد كرة قوية محرزا الهدف الأول. إثارة خلال الفترة الثانية لم يتحسن مستوى المقابلة فنيا ولكن الإثارة كانت في الموعد بعد أن وفق الترجي في إضافة الهدف الثاني سريعا إثر تمريرة ممتازة من المساكني نحو صابر خليفة الذي سدد كرة قوية من داخل مناطق الجزاء في الدقيقة 47. وساعد الهدف المبكر الترجي الرياضي على السيطرة على مجريات اللعب مانحا اللاعبين فرصة القيام بعمليات فرجوية ولكن النادي الصفاقسي أعاد الامور إلى البداية. فقد نجح هاشم عباس في تعديل النتيجة بعد مخالفة من زعيم ونجاح رويد في خداع دفاع الترجي الذي توقع أن يكون هناك تسلل وبعد تردد أعلن الحكم شرعية الهدف في الدقيقة 58 وقبل ذلك نفذ زعيم مخالفة مباشرة مرت جانبية بقليل. الهدف جعل الحماس يكون اكبر خاصة وأن كمون اقترب من التعديل بعد تصويبة قوية مرت عالية ولكن الترجي تميز من جديد بنجاعته حين وفق في إضافة هدف ثالث وذلك بعد ارتكاب أمين عباس مخالفة على صابر خليفة في منطقة 18 مترا ليتحصل الترجي على ضربة جزاء نفذها مايكل بنجاح . واقترب النادي الصفاقسي من تذليل الفارق إثر تنفيذ سريع للمخالفة فانفرد أغبا بالحارس بن شريفية الذي تألق أمامه. الفريقان لم يرفعا من النسق ولم يقدر الصفاقسي على تهديد مرمى الترجي من العمليات المركزة وكانت الكرات الثابتة من زعيم مصدر الخطر الوحيد وخاصة في الدقيقة 84 حين نفذ مخالفة نحو حمزة يونس غير أن رأسيته وجدت بن شريفية ويمكن القول أن النادي الصفاقسي مر بجانب الحدث هذه المرة فرغم أنه لعب بالتشكيلة المثالية إلا أنه لم يستفد من وضعية منافسه الذي غير تركيبته الدفاعية هذه المرة ولكنه صمد من جديد ليكون الترجي الفريق الوحيد دون هزيمة إلى حد الان في البطولة.
|
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: Mohamed Abdelmotalib Hassan)
|
الملاحظ إن الصحف التونسية لا تتحدث عن مباراة الصفاقسي أمام الهلال ، علي عكس الإهتمام الذي يجده لقاء الترجي بمازيمبي الكنغولي ، وهنا أبرز العناوين التي تصدرت بعض الصحف التونسية:
Quote: حرص على تحقيق الانتصار الأولويــة للهجـــوم و22 لاعبــا في تربــص مفتوح
|
Quote: غدا في مواجهة النجم الساحلي هل يراهن مراد محجوب على خطة 4ـ3ـ3؟
|
Quote:
اليوم وغدا مواصلة بيع تذاكر مباراة الإفريقي والنجم
|
Quote: بادين التلمساني النائب الأول لرئيس الترجي الرياضي:
علمنا بحضور مبعوثي بعض الأندية الأوروبية عن طريق الصحف |
Quote: التحضيرات لمباراة مازمبي ورحلة لوبومباشي مبعوثا الترجي الرياضي يسافران يوم الإثنين إلى الكونغو والإقامة بنفس الفندق |
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: ahmed khidir)
|
حبيبنا محمد عبد المطلب
Quote: يا أخونا كمال
سلام وإحترام
العفو يا راجل ، والله أنا ذاتي فهمت مداخلتك كمداخلة عفوية ومناكفة عادية جداً ، بس الظاهر ردي إتفهم بالطريقة دي لأني حبيت "أدورك" شوية زي ما بيقولو ، أبداً مداخلتك مافيها حاجة غلط ولا فايت حاجة ، فما تاخد علي خاطرك يا كمال وواصل مداخلاتك.
|
ياخي تسلم ياحبيب وياها دي المحريه في الصفوه الجد جد دوّر ياحبيب علي راحتك لأنو والله كل واحد فينا قاعد في بلدا طيرها عجمي، وبنحتاج مرات لي تدوير نطلع بيهو من (لوسمحت و آسف وسوري دي)
تخريمه أحمد خضر صاحبي القديم ياخي كيفنك والله مشتاقين يا حبيب ياخي انا ما راجيك مالك مكبر اللفه خلينا نسمع منك
| |
|
|
|
|
|
|
Re: نهائي الكونفدرالية : الصفاقسي والفتح ، والكأس صفاقسي. (Re: وليد عبد اللطيف)
|
غضب شديد في النادي الصفاقسي وإحتمالات بإقالة المدرب الفرنسي حسب صحيفة الشروق التونسية عدد اليوم السبت االثالث والعشرون من أكتوبر:
Quote: بعـــــــــــــــــــــــــــــــــد هزيمة النادي الصفاقسي أمام الترجي: لوشنتــــر على كـــف عفريـــت.. الأحبـــاء غاضبون والهيئة تتحرّك
حالة من الغليان والغضب الشديد يعيشها أحباء النادي الصفاقسي بعد الهزيمة الثقيلة التي تكبدها فريقهم يوم أول أمس الخميس أمام الترجي التونسي (3/1) ومما زاد في غضبهم الطريقة التي لعب بها النادي الصفاقسي أمام فريق منقوص من ألمع عناصره ومنهك القوى بعد المباراة البطولية التي أجراها أمام الاهلي المصري ومما اثار استغراب الأحباء وكذلك الفنيين الطريقة الدفاعية التي توخاها لوشنتر باعتماده على لاعبي ارتكاز (البرقاوي وكمّون) فضلا عن 5 مدافعين قارين ومما زاد الطين بلة اعتماد لوشنتر على «المحاباة» قبل اختياره للاعبين فأقحم العائدين من الاصابات و«المرضى» مع تجاهله لأبرز اللاعبين الذين بإمكانهم توفير الاضافة بل رمى ببعضهم فوق المدارج على غرار اليحياوي وتوري وتدخل العملية في نطاق فلسفته التي لم يجن منها النادي الصفاقسي في المباريات السابقة الا السراب فخسر كأس السوبر الشمال افريقي وخسر عديد النقاط في البطولة الوطنية. عديد الاحباء الغيورين المعروفين بغيرتهم على ناديهم واتزانهم وواقعيتهم في معالجة الأمور نذكر منهم على وجه الخصوص نزار الجمل ومحمد علي البدوي ومحمد المصمودي وسعيد القلال ورفيق الحرقافي وحمادي اللواتي ومحمد بودوارة وخالد الجلالي وسفيان عبيد ولطفي البجاوي وعادل السميري والحبيب بن عمر وأكرم بن سعيد الذين عبروا لنا عن احتجاجهم عن الوضع الذي عليه النادي الصفاقسي بسبب تعدد النكسات والعثرات في صفاقس وخارجها معبرين في نفس الوقت عن تشكراتهم للهيئة المديرة على ظروف الراحة التي وفرتها للاعبين فأدخلتهم قبل مباراة الترجي في تربص مغلق بأحد النزل بضواحي العاصمة لمدة خمسة أيام حتى ان أحدهم قال: حتى برشلونة لا تفعل ذلك فالحضور البدني والذهني كان غائبا ولا وجود لفريق في حجم واسم النادي الصفاقسي. لوشنتر هو السبب وأخطاؤه بالجملة أحباء النادي الصفاقسي أكدوا لـ«الشروق» ان الاطار الفني وخاصة لوشنتر لم يكن في حجم المسؤولية المناطة بعهدته وقام بعدة أخطاء لا يمكن المرور عليها مرور الكرام فهو متشبث بالاسماء ويقدم العاطفة على العقل ومن أخطائه اقحام اللاعب كمال زعيم في مباراة الترجي بالرغم من عدم جاهزيته باعتباره لا يزال عائدا من اصابة وكان عليه (اذا كان راغبا في تشريكه) ان يقحمه في الدقائق الاخيرة للمباراة. وأجمع الأحباء على أن لسعد الدريدي كان الأولى بمركز كمال زعيم على الأقل في مباراة أول أمس كما استغرب الاحباء اصرار لوشنتر على اقحام حمدي رويد في التشكيلة وهو العائد من عملية جراحية وكان الافضل ان يعطي الفرصة مجددا للشاب محمود بن صالح. كما أكد الأحباء والفنيون ايضا على ان تغييرات لوشنتر لم تكن في محلها خاصة لما كان منهزما بـ(2/0) فأخرج مهاجما وعوضه بمهاجم آخر (أغبا مكان دومينيك) وكان عليه ان يعزز خط هجومه بمهاجم آخر واعطاء الأولوية للاعب الشاب معز علولو منذ بداية الشوط الاول وخلاصة القول فقد أكد الاحباء على ان اختيارات لوشنتر كانت فاشلة على طول. وضع حدّ لهذه المهزلة الأحباء المذكورون آنفا يطالبون بإلحاح شديد بوضع حد لهذه المهزلة وأن يسحبوا ثقتهم من المدرب لوشنتر الذي بان جليا أنه لا يملك شيئا في جرابه وأن النادي الافريقي على حق حين أطرده في نهاية الموسم الماضي وأكد الأحباء على ضرورة رحيل لوشنتر حتى لا تحصل الكارثة ويصبح الفريق يلعب من أجل تفادي النزول. وعلى الهيئة المديرة الحالية ان تتحمل مسؤولياتها وتتخلى عن هذا المدرب وكما يقولون«في المال ولا في الأبدان» او من «فم البير ولا من قاعو». من البديل؟ سألنا أحباء النادي الصفاقسي عن البديل ومن يقترحونه كمدرب عند رحيل لوشنتر فأكد بعضهم على تعيين وقتي لمدرب الآمال فتحي الدرقاع بمعية المدير الفني يوسف البعتي ريثما يتم العثور على مدرب كفء من الافضل ان يكون من أوروبا الشرقية. كما اقترح البعض الآخر المدرب يوسف الزواوي او العودة الى المدرب غازي الغرايري. وفي انتظار ما ستسفر عنه الايام القادمة من تقلبات وقرارات فإن الاحباء يطالبون مبدئيا بسحب «البطاقة البيضاء» (la carte blanche) من لوشنتر. لوشنتر على كف عفريت كل المسؤولين الذين اتصلنا بهم عبّروا لنا عن غضبهم الشديد من تصرفات لوشنتر وعن طريقة لعبه وأكدوا لنا ان الهيئة أنذرت هذا المدرب في أكثر من مناسبة وحمّلته مسؤولية أخطائه المتكررة ومكنته من أكثر من فرصة للتدارك لكن دار لقمان بقيت على حالها وقد طفح الكيل وحان الوقت للتفتيش عن البديل. ماذا قال الناطق الرسمي? اتصلنا صبيحة أمس بالناطق الرسمي للجمعية السيد عماد المسدي الذي وجدناه في حالة غضب قصوى وروينا له طلبات الأحباء والهفوات المتكررة للمدرب وتعامله مع اللاعبين بالمحاباة فوجدناه شاعرا بالوضع ومتأسفا شديد الأسف عما حصل مؤكدا ان الهيئة شاعرة كل الشعور بالمسؤولية وقد يبقى الوضع على ما هو عليه حتى يوم الاحد القادم موعد مباراة النادي الصفاقسي والمستقبل القابسي وإن الهيئة ستجتمع في بداية الاسبوع القادم لاتخاذ القرار المناسب لكن ذلك لم يمنع المسدّي من الهمس في أذني، مشيرا إلى ان الوقت قد حان لرحيل لوشنتر وإن كلّف الهيئة ما كلفها. |
| |
|
|
|
|
|
|
|