فتحي الضو يقتحم جهاز الأمن والمخابرات
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 24-11-2017, 07:50 AM الصفحة الرئيسية

منبر الشعبية
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

الشعبية نجمة تزين سماء مدينة الخرطوم بحري

07-08-2008, 06:28 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: حسن طه محمد)

    عم "خضر"

    يسكن مقابل مدرسة الصبابي ..شارع المدارس..نحيل الجسم ,,قليل الكلام..دائمآ إما في عمله او داخل بيته..نراه أحيانآ..في أوقات العصر في الحي يمشي وهو يحمل حقيبته البنيه فنعلم أن أحدهم متوعك..فقد كان الرجل من مزاولي مهنة التمريض..أذكر من أبناؤه"علي"..ولإبنه هذا قصص طريفه كثيره جدآ..فقد كان قليل المهارة في كرة القدم الشئ الذي ترتب عليه إختياره في الغالب آخر اللاعبين إذا كان هناك إختيارات بين اللاعبين..ودائمآ كان من يختاره يكون مجبرآ فيتقبله على مضض.. إلا أنه خارج أجواء الكره كان شخصآ مرح للحد البعيد..في مرة دار حوار بينه وبين "ودالنادر" وهي كنيه للأخ "نادر" شقيق أسامه..حيث كانت هناك تقسيمه داخليه بين لاعبي الحي فكان "علي"هو سبب النكسه لفريقه الشئ الذي ترتب عليه هزيمتهم..فما كان من "ودالنادر" إلا أن بدأ معه الحوار التالي:
    إنت يا علي أبوك شغال شنو
    شغال ممرض
    يعني بعالج الناس ..مش كده
    طبعآ ودي عايزه سؤال
    مرات بطعن الناس حقن
    ايوه..ودي عايزه فهم يعني
    طعنو للحقن بارد ولا حار
    ياخي ما جربتو قبل كده
    عشان كده..إنت عارف كان أداك حقنه في راسك الكبير ده..كان عرفت تقفل حتوته ده كويس عشان ما يجيب ليه أقوان زي دي.
    كان العم "خضر" يمتلك "موتر فيسبا" أزرق اللون له صوت مدوي جدآ ..ولذلك الصوت أيضآ قصه طريفه مع "عثمان قميز" جار العم خضر "حيطه بالحيطه" ..ففي مرة من المرات والجو حرارته عاليه جدآ ويبدو أن قميز إستطاع النوم بعد جهد جهيد إلى أن أيقظه صوت "الموتر" فجاء خارجآ من منزلهم بسرعه شديده
    جدآ.
    تطلع" قميز" للعم"خضر" مسافه طويله فسأله عم "خضر":
    في شنو يا عثمان
    يعني ما عارف في شنو
    إتكلم يا زول أنا ما عندي ليك زمن
    ياخي العادم بتاع موترك ده مركب ليه مكرفون
    فرد العم "خضر" ببرودشديد..يا عثمان الواطه حاره وما تسخن بينا الجو ده زياده
    الجو ياخي ما سخنتو إنت بي موترك الأثري ده
    جيب ليك واحد زيو
    أنا ده في كرتله ما بقد فيه
    الحمد لله اللقيت حق الكرتله
    هو لقيت حق الكرتله إنت ..لافي في الحله زي بتاع الكهربا من بيت لي بيت
    نحن بنداوي الناس يا فالح
    ياخي اول حاجه داوي موترك الكوراك ده
    ضحكه عاليه جدآ مننا ..ثم صياح من العم "خضر" (هوي يا ولاد أمشو بيتكم أحسن ليكم..متلمين زي الطير كده..أنا كان قبلت عليكم إلا النيمه دي تاباكم)
    متع الله تعالى العم "خضر" بالصحه والعافيه

    (عدل بواسطة الشيخ سيد أحمد on 07-08-2008, 06:45 AM)

                   |Articles |News |مقالات |بيانات

07-08-2008, 06:49 AM

garjah
<agarjah
تاريخ التسجيل: 04-05-2002
مجموع المشاركات: 4702

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    Quote: ..أذكر من أبناؤه"الفحل"..


    الشيخ

    الفحل ابن يوسف الفحل

    ولكن ابن خضر اظن اسمه علي وربما يكون له ابن آخر باسم الفحل
                   |Articles |News |مقالات |بيانات

07-08-2008, 06:54 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    أخي العزيز جدآ
    "قرجه"
    تسلم على الإطراء..وللحق فإن الوالده "آمنه" لاتفيها الكلمات وإن تغلفت بالثناء والمدح..أطال الله تعالى عمرها
    ولك من الود أكمله
                   |Articles |News |مقالات |بيانات

07-08-2008, 07:07 AM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    سعيد جدا برسالة وصلتني عبر بريدي الالكتروني من أخ و صديق عزيز ، رسالة من الأخ أمير عبد الله قناوي و هو يملك قلم متمكن تمنيت و كثير من زملاء دراسته المشاركين معنا انضمامه للبوست ، أمير درس الطب بالمانيا و عمل و تزوج هناك و قد زار السودان قبل فترة ، تمنياتي أن يشاركنا أمير قناوي برسائل أخرى و نحن في انتظاره:
    Quote: بسم الله الرحمن الرحيم

    الأخ الحبيب والصديق العزيز الحاج حمد

    السلام عليك ورحمة الله تعالى وبركاته

    عثرت على عنوانك الإلكتروني من منتداكم الجميل عن الشعبية في الإنترنت. ولقد كانت الساعات التي قضيتها في المنتدى لقاءا" مع أخوة أعزاء وذكريات حبيبة.

    أخي العزيز مضى عمر منذ أخر لقاء لنا , وبقيت ذكرى أيام الصبا التي لا تمحوها السنين. وأحمد الله إنك لم تغيرك عواصف الأيام , فقد أحسست وأنا أقرأ تعليقاتك ومساهماتك بأنك مازلت "حجوج" الذي عرفناه وأحببناه , أخا" وفيا" ومحدثا" لايمل .

    أخي لك جزيل الشكر على نبذتك عن الوالد رحمه الله والذي كان يكن لك معزة خاصة بين أصدقائنا.

    ختاما" السلام وأطيب الأمنيات لك ولإسرتك الكريمة وللأخوة من أبناء الشعبية , وأخص منهم أخانا الأكبر صلاح محمد عبدالدائم (شكوكو) وإسرته وأخوته الأعزاء.


    أخوك

    أميرعبدالله نصرقناوي

    1 .Waldberger Str

    Reichach 84571

    Germany



                   |Articles |News |مقالات |بيانات

07-08-2008, 06:56 AM

عابدون محمد عابدون
<aعابدون محمد عابدون
تاريخ التسجيل: 30-07-2008
مجموع المشاركات: 2607

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    شكرا ياقرجة على المعلومة بخصوص الاخ صلاح ... والله ايام يازمان ... أتمنى من الله ان يكون بموفور الصحة .... أها ياقرجة عمك محى الدين فى الشارع الوراكم واعتقد انو فى شارع ناس عماد عبد المنعم أخباره شنو لأنو ماعندى اخباره من دهور
                   |Articles |News |مقالات |بيانات

07-08-2008, 07:01 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    الشيخ سيدأحمد ...

    Quote: في شنو يا عثمان
    يعني ما عارف في شنو
    إتكلم يا زول أنا ما عندي ليك زمن
    ياخي العادم بتاع موترك ده مركب ليه مكرفون
    فرد العم "خضر" ببرودشديد..يا عثمان الواطه حاره وما تسخن بينا الجو ده زياده
    الجو ياخي ما سخنتو إنت بي موترك الأثري ده
    جيب ليك واحد زيو
    أنا ده في كرتله ما بقد فيه
    الحمد لله اللقيت حق الكرتله
    هو لقيت حق الكرتله إنت ..لافي في الحله زي بتاع الكهربا من بيت لي بيت
    نحن بنداوي الناس يا فالح
    ياخي اول حاجه داوي موترك الكوراك ده


    الله يِجازي مِحنِك ... إنت عارِف أنا مِن الليلة تاني ما بفتح البوست ده في مكان عام
    والله ضِحِكت ضِحِك لامَن دمعت ... الناس إتلمو قايِلين في مصيبة حصلت لي ...



    يا أخي إنت وِكتين مُمتِع كِده ما كان تدينا فُرصة [ نترجرج ونتدهمم ] معاك في مَوضوع مُذكِرة أوكامبو
    ما علينا ... خليك معانا بِجاي ... حرم ما تجيك عَوجه تب ...

    (عدل بواسطة عزام حسن فرح on 07-08-2008, 07:05 AM)

                   |Articles |News |مقالات |بيانات

07-08-2008, 07:37 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عزام حسن فرح)

    أخي العزيز
    عزام
    سلام من الله تعالى عليك ورحمات وبركات
    مشكور على المرور..إن شاء الله في حوارات كثيره من عدة أشخاص..نتمنى أن تسعفنا الذاكرة لسرد بعضآ منها.
    مرة أخرى شكرآ على الإطراء
    ولك من الود أكمله
                   |Articles |News |مقالات |بيانات

07-08-2008, 07:40 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    الأكرم "قرجه"

    قمنا بالتعديل قبل مداخلتك أتمنى أن تسعفنا الذاكرة..شكري على التوضيح..وتسلم يا رائع
    ولك من الود اكمله
                   |Articles |News |مقالات |بيانات

07-08-2008, 07:51 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    مِن العادات السيِئة - بِالإضافة لِلتدخين (بِانواعِهِ الفرايحِية) وسف التُنباك - إستِخدام خاصِية
    [ رد ] والذي يجوز ، هو أن تستخدِم خاصِية [ أضِـف رد ] لِتأتي مُداخلتِك أسفل الصفحة ... بِكِده الواحِد بِيقدر يِتابِع ... شوف مثلاً ... عزام كتب نص وكان ترتيب النص في الصفحة رقم [19] وبعد يوم يومين وصلت المُداخلات في نفس الصفحة إلى [64] نص/مقال/مُداخلة ... يقوم واحِد ظريف عاوِز يِعلِق على مُداخله عزام ، فسيتخدِم خاصِية [ رد ] فتِتكَوع مُداخلتو وتكون أخدت رقم [20] ... هسِع ظنك البِيقراها ليك مِنو ... ويلقاها كيف ... دي بِتكون لِحقت أُمات طه يا زول ... عاوِز ترُد على مُداخله عزام أمشي آخِر الصفحة وإضغط على [ أضـف رد ] وفي مُربع الكِتابة إستخدِم خاصِية
    [ إقتِباس ] علشان تُضيف كلام عزام العاوِز تعلِق عليهو ... وبرضو أكتُب إسمي في بِداية مُداخلتك كعِنوان وتنبيه إلى المعني والقارئ بِأن هذِهِ المُداخله لِذلِك العزام ...


    ده كلو علشان ما تضيع المُداخلات يا ناس ... في ناس شغاله تَوثيق لِكُل البِنكتِب هِنا ... وبرضو علشان
    ما يضيع الزمن في البحث عن مُداخلات المُتداخِلين ... وكِده يعني ...



    لا حَول ولا قُوة ... هسِع الزُنجي بِيجيني ناطِ ... تقول ألفا

    (عدل بواسطة عزام حسن فرح on 07-08-2008, 08:01 AM)

                   |Articles |News |مقالات |بيانات

07-08-2008, 11:01 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عزام حسن فرح)

    تمرين في ملعب الجهاد

    يبدا "حسن مظلات" بالوصول قبل ساعة من الوقت المحدد لبدأ التمرين..يحمل معه كميه من الكرات والشباك طبعآ لأن هناك تقسيمه ساخنه جدآ..نراقب نحن من على البعد..وبعد برهة تتملكنا الجرأة راكضين نحوه.."يا كوتش أدينا نضقل بالكوره شويه" (هاكم ..لاكين ما تلعبوا في الشمس..ألعبوا هنا في الضل ده"..الظل هو ظل مدرسة فاروق..بعد قليل.."حسن مظلات يتكلم..(هوي يا ولد الشيخ أمشي جيب لي مويه بارده) لأن المنزل مقابل ملعب الجهاد مباشره..في طريقي نحو البيت ..مناكفه ساخنه بيني وبين "خالد سيد فقيري"..تنتهي بذهابنا الإثنان لإحضار الماء البارد,,كل واحد من منزله.
    نأتي راجعين ونبدأ في مداعبة الكرة,,بعد قليل يبدأ اللاعبين في التجمع..ونبدأ نحن في سرد المتغيبين والحاضرين..أحدهم يعلق "ياخي كمال (ود اللاجات) ده أصلو ما بتكلم ..بس شغال في الناس رفس ومدافرة إنت عارف الزول ده يكون من مايرجع البيت شغال سفسفه بس" ..يعلق احدهم والله لاكين لعاب يا خي ما شفت اليوم ديك قفل ليك "هشام شرفي" سلام ملك لمن الكوره قربت تطرشق..
    منو القفلو ده يازول هشام ده لعاب ياخي ..
    لعاب شنو ما عندو غير الهيد"ضربات رأسيه" بتاعو ده
    يظهر بعد قليل "موني" ..تعليق آخر"أها جانا الخواف ده..ياخي ده بخاف من الردم
    منو يازول الزول ده قوي وجسمو مربط تربيطه صاح كان دقيت فيهو إنت البتقع
    ثم بعد قليل يظهر "عزالدين الصبابي ومعه أخوه جمال" ودائمآ ما يكون "عزالدين متقدمآ بخطوات..وتبدأ التعليقات..أها المعلم المنقطا جا..ياخي الزول ده شوات شوت
    اليوم داك شات ليو كوره كانت داير تكسر عربيتنا
    يالشيخ داير تورينا عندكم عربيه
    آي..أحسن من عجلتكم الكحيانه دي
    ويبدأ السجال بيني وبين "خالد" إلى أن يقطعه صيحه قويه من المرحوم"سيف النصر" ياولاد أقعدوا ساكت ولا بدخلكم البيت لاتمرين ولا حاجه
    ثم لحظات من الهدنه والصمت
    يأتي أستاذنا "شكوكو" من على البعد وهو يركض ..فيبدأ الكل في المصافحه..وبعد قليل يظهر"هاشم جولط" من الصبابي وخلفه "هشام شرفي"..ثم "عادل حسين" ,,طارق حسن..سيف حسن يظهر في خطى متكاسله..وأخيرآ يظهر "نجيب".
    ويبدأ التمرين بصافرة من "حسن مظلات" وتمريرات مقطوعه وأخرى مكتمله..وتدور الكرة بين أقدامهم..ونحن في الخارج نتلهف لتسديده من أحدهم حتى تلامس أقدامنا ونداعب المجنونه في فرح طفولي برئ.
    الكرة مقطوعه من "مبارك شطه" وتمريره بإتجاه "سيف حسن" تقطع من "طارق حسن" ومراوغه لأخوه "سيف" تنتج عنها مخالفه مصحوبه بتوتر بالغ من "سيف"وصيحات عاليه..يتدخل "شكوكو" و"عزالدين" وتهدأ النفوس إلى حد ما (والعجاجه لسه في السما) تمريرات وتمريرات..حتى تصل الكرة مرة أخرى إلى "عادل حسين" فيرجعها إلى"شكوكو" إستلام مع دوران ثم بص بيني خطير إلى "عزالدين" يجد نفسه أمام آخر مدافع وهو "كمال" يراوغ وتسديده قويه جدآ نحو المقص..ولكن!!!
    "عبدين" بالمرصاد تألق رائع جدآ في الإبعاد..ونحن خلف الملعب.."نبرطم" (ياخي "عبدين" ده كان واقف هنا إلا تلعبوا بلي..مابخلي ليو كورة تجي..ده شنو الزول ده ياخي..جادي كده كرهنا الكوره زاتو.
    والكره في مساجله رائعه للغايه ومتعه منقطعة النظير والتشجيع على أشده من المتفرجين أمثال "فايز صديق" عليه وعلى موتى المسلمين الرحمه نسأله العلي القدير..
    ثم حوار بين "كمال" و"جمال"
    جمال..يا كمال لمن عز الدين ده يجي ماشي بالكوره لاقيو إنت
    كمال ..ليه ما تلاقيو إنت ..دايرو يهبلني
    أسمع الكلام ياخي ماتقوم نفسنا ساكت
    ياأخوي إنت نفسك قايم من بيتكم
    يتدخل "هاشم جولط" يا جماعه روقو المنقه
    يرد جمال بعصبية..نروق شنو ياخي..إنت ما قادر تمسك شكوكو ده..ياخي من التمرين بدأ لعب ليو بصات تفتح ليها موقف..خلينا بلا روقو بلا هناي
    يا جمال ما عندك مشكله..هسع ده بقفلو ليك
    الكرة هذه المرة عند "ياسر" أبو ورقه" إستلام مع دوران ثم مواجهه للخصم.."جمال" و"كمال" كل واحد يدفع في الآخر لملاقاة "أبوورقه" والصياح في الخارج من المتفرجين..أها أها أها جاكم.. ومن هناك "عزالدين" يطلب الكرة ..ثم صعود لاعبي الوسط"شكوكو" ومن معه ..مدافعين إثنين فقط .. وخمسه مهاجمين..وهجمه مرتده خطرة جدآ "عبدين" متأهب للغايه في المرمى ويواصل في التوجيه"يا جمال ما تخليك قريب لي كمال كده.."يا كمال قابلو ياخي"..وأبو ورقه متقدم بخطى ثابته نحوهم,,والصياح مستمر من المشجعين
    يتبع
                   |Articles |News |مقالات |بيانات

07-08-2008, 12:12 PM

عابدون محمد عابدون
<aعابدون محمد عابدون
تاريخ التسجيل: 30-07-2008
مجموع المشاركات: 2607

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    أها ... كدة صاح ياعزام ؟؟؟؟
    هسة بينى وبينك فى خور
                   |Articles |News |مقالات |بيانات

07-08-2008, 02:30 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    ...

    الشيخ الرطب (( ود سيد أحمد ))
    راجع لتمرين الجهاد .. فقد أرهفت السمع حتى أسمع صافرة
    الكوتش (( حسن مظلات )) فقد أعدتنا الى كينونة الماضي
    بعفر اللحظة وضوء العصر الخجول وقفشات ووشوشات رطبة بين
    زمرة تحابت في الله ..
    راجع ليك بس خليني ألبس (( الترينق )) الأخضر والفنلة
    البيضاء .. وكأننا كنا حينها نتغدي كي يجيء موعد المران
    أرجو أن تستدعي جنح الخيال وسادة للتلقي ففي التفاصيل
    تكمن روعة الناس .

    Quote: ختاما" السلام وأطيب الأمنيات لك ولإسرتك الكريمة وللأخوة من أبناء الشعبية , وأخص منهم أخانا الأكبر صلاح محمد عبدالدائم (شكوكو) وإسرته وأخوته الأعزاء.
    أخوك / أميرعبدالله نصرقناوي

    قريبنا الجميل ألأمير (( أمير ))
    لك نواضر الود
    نشكر للأخ العزيز (( حاج حمد )) هذا النفاج الذي يتحفنا
    كل يوم بقادم جديد .. فكما الدرر تترأ أفواج الرائعين
    تباعا ..
    فيتقرب البعيد .. وتختفي المسافات .. وتسدد الصفوف ونشهد
    روعة التلاقي على محمل من الحروف الندية ..
    تحياتنا لك ولكل الذين حولك
    مع عاطر ودنا ..
    ودعنا نقرأ لك رغم مغالبات الزمن حولك
    التحية عبرك للجماعة في البيت خاصة الكريمة (( والدتكم ))
    والأخوة الأكارم بقياد الفارس (( عصام )) ..
    ودعواتنا لكم بالتوفيق


    ...

                   |Articles |News |مقالات |بيانات

07-08-2008, 03:12 PM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)

    الشيخ سيد أحمد
    Quote: تمرين في ملعب الجهاد

    متابعين للتمرين و ذهبت بخيالي لميدان الصداقة خاصة و ان موقع منزلنا كا وصفت فهو يفتح على ميدان الصداقة و أتذكر جردل الموية الباردة و لما المرحوم كباشي صديق و عثمان بانقا يطلبوا موية باااردة..أيام لها ايقاع و استمتاع بالتمارين و انتظار للكورة متين يشوتوها بعيييد عشان الواحد يمشي يجيب الكورة..متابعين



    لقطة بميدان الصداقة قبل بداية احدى مباريات الدورة التنشيطية للرابطة أغسطس 2007م
                   |Articles |News |مقالات |بيانات

08-08-2008, 04:58 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)
                   |Articles |News |مقالات |بيانات

08-08-2008, 04:59 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    عابدون ...

    أخير بين مُداخلتك ومُداخلتي يكون بيناتُم < خور > مِن تلحق مُداخلتك < جمل الطِريفي >


    عابدون ... والله أنا مُتعَوِد على إسم < عابدين > ... عِلا < عابدون > دي الواحِد يِقرِب
    يِمِش يتوضأ علشان يِنطوقا ... يا أخي شوف ليك إسم نناديك بيهو ... إنت السَيِدة الوالدة
    كانت بِتناديك شنو وكتين كُنت وليد ...
                   |Articles |News |مقالات |بيانات

08-08-2008, 05:30 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    الدفعة
    صلاح أبودية ...
    بـدرالدين ...


    مُربع [12] منزِل رقم [165] تدخُل بِشارِع المُستوصف (شارِع مدرسة الربعه سابِقاً)
    الإسمو شنو ما عارِف تقول < مُستَوصف الرحيبة > وعلى يدك اليمين الشارِع رقم
    [6] البيت الثاني يمين ... هذا منزِل نسيبي [إبراهيم أحمد أمين] زَوج شقيقتي
    وتلفونو الجوال رقمو : 12136105 09


    أتمنى أن تجِدوا فُرصة وتزورُو الناس ديل مع الأولاد وتبقى صِلة لِقِدام ... تجنبوا
    صباح يَوم الجُمعة ... لأن الضِيافة بِتكون < تركين > + < شاي أحمر > + < بلح >
    + < قطيعة بِالاوندي >
                   |Articles |News |مقالات |بيانات

08-08-2008, 07:33 AM

عابدون محمد عابدون
<aعابدون محمد عابدون
تاريخ التسجيل: 30-07-2008
مجموع المشاركات: 2607

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    كانت بتقول عبدون بالرطانة عشان كدة خليك مع دا أحسن ليك
                   |Articles |News |مقالات |بيانات

08-08-2008, 07:58 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    عابدون ... ساجِدون ... راكِعون ...

    لو بِالرُطانة يبقى <أبدون> لآن حرف <العين> ما مَوجود في النوبِية ... هِناك
    في عبري بِنادوني <أسام> لِعدم وجود حرف <الزاي> أيضاً ... إنت قايلني جاي
    مِن كاب الجِداد ولا شِنو ... أنا عجمي نجيضاً قِرش ...
                   |Articles |News |مقالات |بيانات

09-08-2008, 03:45 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عزام حسن فرح)

    "تمرين في ملعب الجهاد"

    "أبوورقه" ينطلق في إتجاه المرمى والمدافعين"جمال"و"كمال" في وضع لا يحسدون عليه..صعود لاعب الوسط"شكوكو" و "عزالدين " يطلب الكرة بإشاره من يده..و"عبدين" في المرمى في ترقب وإنتباه شديد.."أبوورقه" في فنيات عاليه جدآ يراوغ "كمال" ويتجه نحو "جمال" ..وفي لحظة الكل توقع التهديف نحو المرمى ..يمرر تمريره بخارج القدم إلى "عزالدين" يستلم ويهيئ نفسه للتسديد..ولكن "عوض مريه" في سرعه خاطفه يتدخل ويبعد الكره إلى ركنيه.
    الركنيه من الجهه الشماليه الشرقيه بإتجاه مدرسة الشهداء..ينبري لها "أبوورقه" ..رفعه عاليه ..ويلتقط "عبدين"..ثم حوار آخر بين "جمال" و "كمال"
    يا جمال عليك الله خلي بيني وبينك في مسافه بس ماتكون كبيره
    مسافة شنو يازول
    ياخي عشان تعمل لي عمق لمن"أتضرب بي بص" تجي خاشي إنت
    ياخوي بص شنو ..إنت حاوروك عديل كده..لمن وقعت
    ومساجله ساخنه بينهم الإثنين
    يتدخل "عبدين" ياجماعه باركوها .."جمال" إنت خليك آخر واحد وإنت ياكمال خليك قدامو
    الكرة مع "نجيب" في دايرة المنتصف تمامآ..يتلفت يمنة ويسارآ..يجد "موني" يمرر له يستلم بالقدم اليسرى..يحاول التقدم..يفضل الرجوع إلى "عوض مريه" ..بتمريره بالكعب..يستلم ويلمح"عمرالكوارتي"(وهو أحد الذين يجبرك على التصفيق وأنت تشاهده يلعب) يستلم"عمر" بالقدم اليسرى ..يدور حول نفسه..ويمرر إلى "عادل حسين" ..ولكن تدخل قوي جدآ من "فتحي كيته" وإبعاد للكرة..يعقب ذلك صافرة من "حسن مظلات" معلنآ إنتهاء شوط اللعب الأول.
    نركض نحن في هذه الأثناء نحو الملعب لمداعبة الكرة..وعلى مقربة منا مجموعتين يشكلان الفريقين بقرب كل منهم "جردل مويه بارده"..وحوار آخر بين مجموعة "جمال"و"كمال"
    جمال:يا "جولط" لمن الكورة تكون ما عندنا أنزلو شويه
    ما قاعدين ننزل إنت شايفنا طالعين
    ياخي إنت نفسك حار كده مالو
    ياخي خلينا من نظرياتك دي
    يتدخل نجيب..
    مافي مشكله ياجمال ..بس إنتو نظمو نفسكم في الدفاع
    كويس..بس ياجماعه مررو الكورة سريع..ياخي "كيته" قاعد في السهله ..إنتو بس أمشو عليهعديل كده وواجهو..كان ماحاورتو قولو لي إنت كضاب
    كلام غير مفهوم من "كمال"
    جمال:بتبرطم تقول في شنو يا "كمال"
    يازول مافي حاجه..ياخي إنت "عزالدين "ده مش أخوك
    آي
    ياخي إنتو فارزين عيشتكم ولا شنو
    تدخل هذه المرة من "عمر الكوارتي" معليش ياجماعه..بس ركزو شويه
    صافرة من "حسن مظلات"..ودخول اللاعبين
    إستلام من "مبارك شطه" وتمرير إلى "سيف حسن" ..يمرر بإتجاه "عصام بيضاوي" مقطوعه من "جمال" إلى "شكوكو" إلى "طارق حسن" يرجع إلى "كمال" ..كرة طويله بإتجاه "عزالدين" مقطوعه من "شطه" تمريره إلى "نجيب" يتقدم..مع صيحات الجمهور بالخارج ..يمرر إلى "عمر الكوارتي" يراوغ..ويمرر بإتجاه "عادل حسين" يسدد أرضيه زاحفه..هدف جميل جدآ ,,وتصفيق حار من المتفرجين..ومشاده بين "شطه" وفتحي كيته"
    ياشطه أنا ما قلت ليك ماتتقدم
    يعني دايرني أقعد احرسك هنا ولا شنو
    ياخي بطل فلسفه وأسمع الكلام
    ياكيته..إنت كان ثبتت ما كان القون ده جا
    أثبت كيف يعني
    يعني تخلي الرجفي حقك ده..قاعد ترجف زي نار القصب كده
    تدخل من "عاطف خليفه" حارس المرمى ..ياجماعه خير خير ..بس شدو حيلكم
    تلعب الكرة من دايرة المنتصف..تمريرات مكتمله وأخرى مقطوعه..ثم هجمه شرسه جدآ تبدأ من"عاطف خليفه" يمررها إلى "بدر الدين عمر"(كانكرج) يمرر إلى "شكوكو" يدور حول نفسه..يتجه يمين ثم يغير إتجاهه في لحظه نحو اليسار..يمرر إلى "أبو ورقه" ثم يستلم منه مرة أخرى..ثم مرة أخرى إلى "أبوورقه: ون تو جميل جدآ..إستعراض من "أبوورقه" وصيحات عاليه من الجماهير بالخارج..والشمس في لحظات إحتضارها الأولى تفسح المجال للمساء...تمريه إلى "شكوكو" ثم إلى "طارق حسن" .."عوض مريه" يزاحمه مزاحمه شديده..يحاول مروغته فيفشل يفضل الرجوع.. يرجع بالكرة..تقدم للمدافعين.."عزالدين" يطلب الكرة ,,يستلم ويسدد من تمريرة "بدر الدين" ..ولكن "عبدين" كالعاده ..تألق غير عادي وإبعاد إلى ركنيه.
    ضربه ركنيه..كل اللاعبين داخل الصندوق..رفعه عاليه من "شكوكو" تعبر الكرة كل الرؤوس..ثم طيران في الجو..ومقصيه خلفيه رائعه من "شطه" هدف تعادلي جميل جدآ في وقت قاتل.
    يعلن بعدها "حسن مظلات" إنتهاء التمرين بالتعادل..ولكن ,,,صندوق "البيبسي" في الخارج لا يمكن إرجاعه إلى(دكان عبدالقادر) لا بد من فائز..فيحتكموا إلى ضربات الترجيح"
    الضربه الاولى
    عزالدين..يسدد بقوه ,,هدف
    نجيب يسدد بهدوء.. هدف
    الضربه الثانيه
    أبوورقه يسدد..عبدين يصد بأطراف أصابعه لخارج المرمى
    عادل حسين يسدد هدف
    الضربه الثالثه
    المرحوم"سيف النصر" يسدد ..خارج المرمى
    جمال يسدد..هدف
    الضربه الرابعه
    موني يسدد..وعبدين في تألق يمسك بالكره..ونظرات ملتهبه من زملاؤه
    سيف حسن يسدد ..على طريقة البلياردو ..هدف جميل جدآ
    صافرة اخيرة من حسن مظلات تعلن إنتهاء التمرين.
    فترة كانت اروع ما تكون..الكل يتعامل بأريحية مطلقه..تنتهي المشاحنات بمجرد إنطلاق الصافرة..تجدهم كلهم يتحلقون في ود وموده..هو ود ومودة أهل الشعبيه..التحيه لذلك النفر الكريم..وتحيه خالصه لكم أعضاء البوست.
    ولكم من الود اكمله
                   |Articles |News |مقالات |بيانات

09-08-2008, 03:48 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    أستاذنا الجميل
    "شكوكو"
    في إنتظار "التريننق الأخضر والتي شيرت الأبيض"
    تسلم يا رائع
                   |Articles |News |مقالات |بيانات

09-08-2008, 03:53 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    حبيبنا الحاج حمد

    في إنتظار الإجترار لنحلق كلنافي سماوات الذاكرة
    لك كامل الود
                   |Articles |News |مقالات |بيانات

09-08-2008, 05:43 AM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    رسالة من الأخ صلاح عثمان ، و عذرا أخي صلاح في تأخير تنزيل الرسالة لعدة أيام و في انتظار مزيد من مشاركاتك:
    Quote: الأخ / صلاح شكوكو

    تحياتي و أشواقي

    طبعاَ فترة طويلة لم نتقابل و لكن متابع أخباركم عن طريق بوست الشعبية

    وجدت هذه الصورة و كانت في حفل وداعكم بمناسبة سفركم للإمارات على ما أظن كانت عام 1985هـ

    مع خالص تحياتي للإخوان عادل – عماد – شهاب

    و جميع الأهل

    أخوكم / صلاح عثمان




    و يمكن للأخ صلاح شكوكو معالجة الصورة و اعادة تنزيلها لتكون أكثر وضوحا ، مع خالص الشكر للأخ صلاح عثمان.
                   |Articles |News |مقالات |بيانات

09-08-2008, 06:30 AM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الحاج حمد الحاج)

    و رسالة من الأخ أحمد بابكر محمد أحمد
    - الدوحة
    Quote: سلامي لك يا صاحب الدار الحاج حمد وسلامي وتحياتي للجميع خاصةً أخي وإبن حيي صلاح شكوكو والمحسي أبشنب كبير عزام

    طبعاً توقفت فترة طويلة جداً من مشاركاتي المتواضعة في هذا البوست وذلك لسببين أولهما اني أرسلت عدة مساهمات لكنها لم ترى النور حتى الآن رغم أن بعضها كان يحتوي على معلومات تاريخية هامة ويبدو أنها ضلت الطريق ما بين بريدي وبريد الحاج ، والسبب الثاني للمشغوليات الكثيرة لكني لم ولن أحرم نفسي يوماً واحداً من الإستمتاع بالإطلاع على كل ما يرد فيه خاصةً وأن ساحته تعج بفطاحلة الكلمة ومثالاً لذلك وليس حصراً الأخ صلاح شكوكو . طبعاً يا الحاج حمد كلما نفتح البوست ندعو لك عسى أن يجعل الله ذلك في ميزان حسناتك . غير أني لاحظت في فترة قصيرة أن البوست إنحرف بعض الشئ عن مساره وتكلم أحدهم عن شكوكو وهذا ما لا نرضاه فشكوكو نعرفه ولا نريد أن نذكر محاسنه وحسن نشأته ومعشره وصفاء معدنه منذ الصغر لأنه سيكون أحد المطلعين على هذه الرسالة ولا نريد أن نشكره في وجوده . شكراُ لك أخي الحاج على هذا الإبداع بس الرطاني عزام دا جيب ليه مترجم .

    أخوكم

    أحمد بابكر محمد أحمد

    الدوحـة – قطـر

    الخرطوم بحري

    الشعبية جنوب

    مربع 4/5 منزل 58

    دكان خوجلي (رحمه الله)

    ناصيتنا من اليمين الدكتور(رحمه الله)

    والد الكابتن مختار الأمين (الدوحة)

    ومن اليسار ناس سلام والشهيد خوجلي حماد

    الأخ أحمد بابكر سبق و شاركنا بعدة رسائل ، وأكدت للأخ أحمد بابكر عدم استلامي للرسائل و التي قد تكون كما ذكر ضلت طريقها و طلبت منه اعادة ارسالها خاصة التي تحتوي على معلومات توثيقية.
                   |Articles |News |مقالات |بيانات

09-08-2008, 07:08 AM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الحاج حمد الحاج)

    و رسالة من الأخ أحمد بابكر محمد أحمد
    - الدوحة
    Quote: سلامي لك يا صاحب الدار الحاج حمد وسلامي وتحياتي للجميع خاصةً أخي وإبن حيي صلاح شكوكو والمحسي أبشنب كبير عزام

    طبعاً توقفت فترة طويلة جداً من مشاركاتي المتواضعة في هذا البوست وذلك لسببين أولهما اني أرسلت عدة مساهمات لكنها لم ترى النور حتى الآن رغم أن بعضها كان يحتوي على معلومات تاريخية هامة ويبدو أنها ضلت الطريق ما بين بريدي وبريد الحاج ، والسبب الثاني للمشغوليات الكثيرة لكني لم ولن أحرم نفسي يوماً واحداً من الإستمتاع بالإطلاع على كل ما يرد فيه خاصةً وأن ساحته تعج بفطاحلة الكلمة ومثالاً لذلك وليس حصراً الأخ صلاح شكوكو . طبعاً يا الحاج حمد كلما نفتح البوست ندعو لك عسى أن يجعل الله ذلك في ميزان حسناتك . غير أني لاحظت في فترة قصيرة أن البوست إنحرف بعض الشئ عن مساره وتكلم أحدهم عن شكوكو وهذا ما لا نرضاه فشكوكو نعرفه ولا نريد أن نذكر محاسنه وحسن نشأته ومعشره وصفاء معدنه منذ الصغر لأنه سيكون أحد المطلعين على هذه الرسالة ولا نريد أن نشكره في وجوده . شكراُ لك أخي الحاج على هذا الإبداع بس الرطاني عزام دا جيب ليه مترجم .

    أخوكم

    أحمد بابكر محمد أحمد

    الدوحـة – قطـر

    الخرطوم بحري

    الشعبية جنوب

    مربع 4/5 منزل 58

    دكان خوجلي (رحمه الله)

    ناصيتنا من اليمين الدكتور(رحمه الله)

    والد الكابتن مختار الأمين (الدوحة)

    ومن اليسار ناس سلام والشهيد خوجلي حماد

    الأخ أحمد بابكر سبق و شاركنا بعدة رسائل ، وأكدت للأخ أحمد بابكر عدم استلامي للرسائل و التي قد تكون كما ذكر ضلت طريقها و طلبت منه اعادة ارسالها خاصة التي تحتوي على معلومات توثيقية.
                   |Articles |News |مقالات |بيانات

09-08-2008, 07:23 AM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    من المغنين الشباب المجتهدين من الشعبية هشام درماس.

                   |Articles |News |مقالات |بيانات

09-08-2008, 07:43 AM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    كتب الشيخ سيد أحمد :-
    Quote: ولكن ,,,صندوق "البيبسي" في الخارج لا يمكن إرجاعه إلى(دكان عبدالقادر)
    لا بد من فائز..فيحتكموا إلى ضربات الترجيح"


    ثم أردف :-
    Quote: أستاذنا الجميل
    "شكوكو"
    في إنتظار "التريننق الأخضر والتي شيرت الأبيض"
    تسلم يا رائع

    نشكر لك الشيخ هذه المقدرة الوصفية ... فإستنطاق الذاكرة بهذه الحده
    يجعل الذاكرة متوقدة لأنك ببساطة تلامس أتارا كنا نظن أنها ميته وبمجرد
    ملمسك لها تحيا من جديد مترعة بما تحتوي وكأنها كانت في بيات النسيان

    إستدعاء الذكرى وتشخيص الشخصوص حتى بملابسهم الحقيقية إستدعاء بالهيئة
    وهذا اللون يرهق كثيرا أهل المسرح لأنهم قد يأتون بالملابس التي كانت في
    أوان الممثلين أو الممثل به لكن أي لون كانوا يلبسون تبقى مسألة تستعصي
    كثيرا على الإستحضار لأنها تستحضر تكنولوجيا ذاك الآوان ..

    طعم الببسي وكأنه ليس مانشربه اليوم ... وكأن الصورة (( الببسية )) قد
    أستعصت كذلك .. أو إختزلت نفسها في كيوننات اللحظة المستودعة ..
    فكثير من الصور تأبى الحضور إلا برائحتها فمثلا رائحة الضريرة في إستحضار
    لحظة (( طهور )) تأبى أن تأتي مجردة من العطور .. وربما البكاء على
    طهر جاء بمحمل الدم والدمع ..
    من أصعب الوان الكتابة ذاك النوع من الإستحضار الوصفي للحقائق الموجود
    في الذاكرة لأن السؤال يبقى أي نوع من المفردة ستستدعي بها المواقف ؟؟

    لكن تبقى الروعة في التفاصيل التي تقربك نحو المشاهد .. وربما يتابع
    هذا التمارين أناس صامتون في أماكن بعيدة حركتهم حروفك .. فقد هاتفني
    شخص من لندن ورفض ذكر إسمه لكنه إكتفى بأن تحداني أن أتذكره بصوته رغم
    أن صوته قد ربما أصبح ذو قوة وبأس شديد لذا فقد قلت له :-
    (( تكون محمد خوجلي صالحين )) له الرحمة
    لكنه أمهلني حتى مساء اليوم إن إستطعت معرفته .. ولكنني أعتقد أنه من المقربين
    أنذاك أو من الذين شربوا ذاك البيبسسي أو (( البي بي سي ))

    ولكن واصل هذا الإستنطاق
    مع الود
    -----------------
    صلاح الدين عثمان أحمد
    راجع ليك يا أيها الرجل الهمام ففي سمتك كلمات يجب أن تقال
    سلامي لأمنا (( فاطمة بنت محمد )) هذه الإنسانة المترعة بحب الناس
    وللأخوان جميعا والأولاد
    وارجو إرسال الصورة لي عبر بريدي
    [email protected]
    ------------------
    أحمد بابكر
    لك التحية وكل الود
    حتما سأعود لك حاملا عود المسك والعنبر
    فجزالتكم أخي هي ما نفاخر به الآخرين ..
    ولا تبتئس أخي مما بدر من البعض هنا
    وتأكد أننا بذات الكيف القديم ..
    لك التحية وسلامي للأسرة الكريمة
    وكل الذين حولك
    وهذا هو عنواني :-
    [email protected]
    ------------------

    عاطر مودتي وتقديري







    .....
                   |Articles |News |مقالات |بيانات

09-08-2008, 08:17 AM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)

    Quote: من المغنين الشباب المجتهدين من الشعبية هشام درماس.

    التحية للأخ الفنان هشام درماس الذي يسير في الطريق الصحيح
                   |Articles |News |مقالات |بيانات

09-08-2008, 09:20 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)

    بمناسبة الخريف "يومية سكج بكج

    يبدأ الأطفال في التجمع أمام زاوية الشعبيه ..مباشرة امام منزل "سيف حسن" .."وحيد خيري" "حتوته""رشيد حسن" "رشيد مبارك"(كورسجن)"خالد سيد فقيري""نادر عبد المجيد""امين مصطفى""الشيخ سيدأحمد"
    يبدا حتوته في اللعب مع الحوار التالي

    سكج
    وحيد:بكج
    سكج
    بكج
    ثم إنطلاق من حتوته لتلك الخشبه المسكينه..تحلق عاليآ في الهواء ثم تهوي تترنح من الألم

    ثم مرة اخرى
    حتوته
    وداللي
    ؟؟؟؟يمكننا الإستعانه بقرجه هنا
    وداللي
    ؟؟؟؟
    ثم ضربه فنيه..بتعلية قطعة الخشبه المسكينه وضربها بعيد..ولكن..تصطدم تلك القطعه الخشبيه ب"زاهر عبد الرحيم"وهو في طريقه إلى سوق السيد علي...ثم بكاء شديد جدآ وعويل.
    تطلع الوالده "حميده"على صوت البكاء
    في شنو ياولد
    ضربوني بلعبة سكج بكج
    شنو
    آي أي أي
    ياولد قلت شنو
    والله ياحتوته مابخليك الليله
    يتجه "زاهر"نحو منزلهم في سرعه عاليه جدآ
    حتوته في وضع حرج جدآ..ودراما من نوع آخر تبدأ
    يبدأ "وحيد خيري"
    أحسن ليك تمشي بيتكم
    أمشي لي شنو
    والله زاهر ده ..أمه عندها صوت عنج ..محطه واحدة تخلي ليك جسمك ده زي الفشفاش
    يازول انا ابوي عندو..بسطونه خطرة عديل كده
    يتدخل "رشيد مبارك"
    يا حتوته أرحكا ياخي..
    يازول ما ماشي
    يبدأ زاهر في الظهور من إتجاه بيتهم في شارع المدارس..وخلفه والدته أمد الله عمرها
    وشمارات تقيله مننا
    الليله ياحتوته..أحسن ليك تجري..والله الليله ..يزعمطوك زعمطه
    حتوته المسكين ألجمه الخوف فتسمر في مكانه
    تتحدث والدة زاهر
    الضربك منو ياولد
    بصوت متقطع يتخلله البكاء..ضربني حتوته
    حتوته ده شنو
    حتوته ده ..يشير إليه بيده
    ياولد ضاربو مالك
    والله ياخاله أنا بعد قلت ود اللي وردو لي ..ضربت السهم طوالي ..بس ما شفتو
    شنو ..ود اللي ده ولد منو ..وريني ليو
    ياخاله ود اللي ده ما معانا..ده في اللعبه
    لا لا إلا توريني ليو
    تدخل من "نادر عبدالمجيد" في محاولة للتوضيح
    ياخالة ود اللي ده..في اللعبه..يعني مازول معانا
    إنتو دايرين تكضبو ..أكان ما معاكم منادنو لي شنو
    ثم ظهور والدة "سيف حسن"مرة أخرى :
    إزيك يا "...."
    عليك الله شفتي جنس الحقاره دي
    معليش..ياهو حال الشفع
    لكن يضربو بالطريقه دي
    معليش..الضربه تراها ماكبيرة
    في تلك الأثناء يحاول "حتوته"إستمالة زاهر..خصوصآ بعد أن تبين له أن والدته ربما تأبطت شرآ
    يازاهر معليش ياخي
    بكاء و"جعير" مامعليش ولا حاجه
    بديك فردية"فردية تعني عدد واحد بلية لعب"(لنا عوده في هذا المقام بإذن الله
    يازول ماداير
    خلاص بديك مضراب حموري"وهي دلاله على بلية تمتاز بأنها جديده ولونها أحمر"
    أديني ضراب بيضاوي"وهذا يعني أنه يمتاز باللون الأبيض"
    نجح حتوته في إستمالة "زاهر"
    في الجانب الآخر كان هناك حوار بين والدة "زاهر"ووالدة "سيف حسن" في محاولة من والدة "سيف حسن "إحتواء الموقف
    تظهر والدة "خالد سيد فقيري" أمد الله عمرها من على البعد..فتنادي
    يا ولد "خالد" تعالل هناده
    في شنو يمه
    إنتي بتسوي في شنو
    قاعدين نلعب سكج بكج
    شنو
    ياأمي قاعدين نلعب
    تخلي الحله بي هناك وجايي تلعب بي هنا
    ياأمي بي هناك ما في زول..ألعب براي يعني
    إنت ضروري تلعب..وبعدين اللمه دي في شنو
    ده"زاهر" يا أمي قاعدين نلعب قام إتضرب
    إتضرب كيف
    بعد "حتوته"قال ود اللي وردو ليو..قام إتضرب
    شنو
    تنادي والدة "سيف حسن" عليها.. كيفنك إن شاء الله كويسين
    والله الحمد لله
    أم "زاهر" الولد عينو دايره تتقد..شفتي الحقاره دي
    معليش ده ما حال الشفع زي ده أصلو
    فجأة تلتفت أم "زاهر" لتجد إبنها المصاب في حالة إنسجام تام مع اللعب..ثم صيحه منها
    يا ولد وين السمن القلت ليك جيبو
    دقيقه يا أمي النقبض الضقل ده بس
    يا ولد ضقل شنو ده
    يا أمي عليك الله دقيقه
    "حتوته" لا زال يمسك بالخشبات وينادي
    سكج
    ورد من المتنافسين في إنتظار دورهم:بكج
    وتستمر الحياة..بساطة في التعامل..وود من أناس في غاية الود والكرم
    التحيه لأمهاتنا بالشعبيه..والتحيه لذريتهم ..وتحيه لأهل البوست..وفي إنتظار يومية للبلي .
    ولكم من الود أكمله
                   |Articles |News |مقالات |بيانات

09-08-2008, 11:09 AM

garjah
<agarjah
تاريخ التسجيل: 04-05-2002
مجموع المشاركات: 4702

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    تمييز الاسماء المتشابهه

    بدون اي حساسية عرقية كانت امهاتنا يفرقن بين الفاطمتين بفاطمة الزرقا وفاطمة الحمرا

    واباءنا يفرقون بين الحسينين بحسين العربي وحسين الافريقي
                   |Articles |News |مقالات |بيانات

09-08-2008, 12:56 PM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: garjah)

    و مشاركة من الأخ حمدي حمدون بعنوان سلام من الشعبية الحنينة و هي أول مشاركة للأخ حمدي الذي وعد باستمرار رسائله:
    Quote: بسم الله الرحمن الرحيم

    الاخ العزيز / الحاج حمد

    الاسم / يـوسف عبـدالله بـين

    اللقب / (المـفـك) (ثعـلب التحريـر)

    كابتـن نـادي التحريـر كابتـن منتـخب بـحرى

    مـن مـواليد-1952م بـحرى الـديوم

    البـدايـه بـفريق النـيران رابـطه بـرى تـحت قـياده المـدرب الـعم حسـن حسـب الله (الكـجمكـجم) والـد لاعـب بـرى والمـريخ سابـقأ الـتاج حسـن (كجـمكـجم) ثـم انـتقـلنا الـى الشــعبيه بـحرى ولـعبت لـفريق الصـداقـه ولـم يـكن هنـالـك رابـطـه بالشــعبيه فاتصـلو بى الاخـوان بـفريـق الجـوهـره (ديـوم بـحرى) وملعبهم كـان سـوق سـعد قشـره حاليأ فلعبت معـهم 3 مباريات فقـط .

    واخذنى لاعب التحريـر الـدولى محمود سـعيد (جيـمس) الى النادى فوقعت مقـابل كـبايه شـاى فقـط .ثم سـطع نـجمى مع التحريـر فى ظـل العمـالقه سـمير حسـن بابكر حارس المرمى وجيـمس وجـلال النـور وعـلى سـعيد ثم اصبحت كابـتن النادى ثم انتقلت الي نادي حـى العـرب بورسـودان ولعبت معهم دورة واحدة فقـط ورجعت الى التحريـر ثم اخترت للفريق القـومى السـودانى وكان المدرب بانكو اليـوغسلافى الجنسـيه ومسـاعده الكـوتش ابـراهيـم كـبير والمديـر عثـمان الصبى وسافرت مع المنتخب (كينـياـ مصـرـ تونـس )

    وكان بالمنتخب عمالقه مثل زغـبير ـ الطـيب سـند ـ فـوزى المـرضى ـ حـافظ كـورى ـ بشـاره ـ عصبه ـ شـرف ـ مصطـفى النقـر ـ الدحيـش ـ على قـاقرين ـ الفاصل سـانتو ـ عـوض الحاج.

    ثم سـافرالمدرب اليوغسلافـى وجـاء مكـانه سـيد سـليم وسافرت مـع المـنتخب الى مصـر وكان يضـم الهادى سـليم ـ السـر بـدوى ـ سـليمان عبـد القـادر ـ الصـياد ـ سـعد زكـريا ـ سـامى عـزالديـن ـ عبـاس ركــس .

    احترفـت فى نادى اهـلى الفـجبره لمده 3سـنوات (1979ــ 1981م)بالامـارات العربيـه المـتحده.

    وفاتنى ان اذكر اننى مثلت الفـربق القـومى العسـكرى فى دوله قطــر ثم يوغنـدا ثم اثـيـنا ثم سافـرت مع الفـريق العسـكرى الى الصـين .

    اعـتزلت الكرة فـى عـام 1984م ثم سـلكت مجال التـدريب فدربت فـريق الصـداقـه برابـطه الشــعبيه ثم منتخب رابـطه الشــعبيه الفائـز بكاس منطقه بـحرى 1985م ثم هـاجرت الى العـراق وهنالك كنت مـدرب فـريق الجاليـه السـودانيه من 1989 الى 1999م ثم هـاجرت من العـراق الى الاردن حتى عام 2002م ثـم رجعـت الى الوطـن.

    دربت انـديه .....

    الشــعبيه بـحرى (درجه ثـانيه)

    الكـلاكـله القـبه (درجه ثـانيه) ثم الكـدرو (درجه ثالثه ببحرى)ثم سـوبا شـرق ثم اتـحاد العيـلفـون ثم الشـبـيبـه بـورسـودان .

    حصلت على شـهادات تدريب ناشـئـين ثم اوليـه ثم متـوسـطه ثم مـتقـدمـه ثم شـهادتـين وورشـه عمل مـتقـدمـه..

    ملحـوظــه / لـقد حـاولوا تـجنيسـى بالامـارات العـربيه الا انـنى رفـضت ذلـك ..........
    الاخ /الـحاج حـمد محـاوله بسـيط جـدأ فى حـق العـزيز يــوسـف الـمفك
                   |Articles |News |مقالات |بيانات

09-08-2008, 09:52 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    Quote: إنتي بتسوا في شنو؟؟؟
    قاعدين نلعب سكج بكج


    يالشيخ سكجتنا وبكجتنا
    ورجعتنا لمرافيء إختراع اللعبات
    وليس في اللعب بالجاهز عبر الأتاري

    (( نواضر مودتي ))



    ...
                   |Articles |News |مقالات |بيانات

09-08-2008, 01:52 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)





    دي الصورة ياصلاح الدين عثمان بعد ما قربناه ليك
    بقياد نجم بيت المال مولانا(( شرف عبد الله )) .

    وهي بتاريخ 10 / 8 / 1984

    ---
    برضو راجع ليك .. لكن شوية كدا

    ---




    ..
                   |Articles |News |مقالات |بيانات

09-08-2008, 09:45 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)

    ....



    أولا دعني أخ الفاضل صلاح الدين أن أترحم على المرحوم العم (( الأمين مختار )) الملقب بالدكتور .. والذي ظهر في منتصف الصورة حاملا كأس المبارة .. فقد كان العم الأمين مختار والد اللاعب الخلوق والفنان (( مختار الأمين )) من الرياضيين والمتابعين للمناشط الرياضية في بحري والشعبية بصفة خاصة .. له الرحمة والمغفرة ..

    كما أرسل تحية خاصة مضمخة بأريج المودة والتقدير لمولانا المهندس (( شرف عبد الله )) لاعب أبو روف الذي صعد للدرجة الأولى من منطقة أم ردمان حيث كان الكابتن شرف ملء السمع والآفاق .. وهو يتبوأ الآن مكانه كأحد المديرين التنفيذيين بشركة شل بالخرطوم ,, وهو رقم ( 3 ) بين الجلوس من جهة اليمين .. فقد قدم تابلوهات رائعة في ذلك اللقاء مما جعل ذلك الأخ شهاب عبد القادر يعلق عليه متسائلا بكلماته الطيبة (( لو ما كنت ياشرف بطلت اللعب )) ؟؟ رغم أن شهاب لا يظهر في الصورة ربما حضر متأخرا .. كذلك لايظهر معاوية أخي .

    كما تحوي اللقطة لقطات أخرى .. ففي الصورة يظهر الأخ نقد مصطفى نقد شقيق كل من ميرغني والتاج .. الثالث بين الواقفين من اليمين .. وهو من جيل العمالقة والمتميزين الذي لم يستمروا في كرة القدم طويلا رغم أنه كان جناحا أيمن لا يشق له غبار .. له التحية والتقدير من على البعد .

    كذلك يظهر الأخ (( زهير محمد حامد كنه )) في المنتصف على يمين شرف .. ومن هنا نبعث له التحية وهو في نيويورك .. وندعوه للتواصل معنا ..

    سؤال : من هو الطفل الظاهر مستلقيا على الأرض بجانب حارس المرمى ؟؟؟

    ------------------
    الصورة بميدان الدايات .. الذي أصبح الآن داخلية للبنات .. ضمن فريق الميرغني بمربع 6/7
    وتاريخ الصورة عصر الأحد 10/8/1984
    المناسبة : مهرجان بمناسبة سفري للإمارات

    ولي عوده ..



    ..
                   |Articles |News |مقالات |بيانات

09-08-2008, 02:17 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    ..

    <>



    وكدا كمان يا أبو صلاح جردناك من وشاية الواشي
    وخليناك براك .. عشان الحاج يتذكرك ..




    ...
                   |Articles |News |مقالات |بيانات

09-08-2008, 10:26 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)

    ....



    وقوفا :
    داقير – على عيسى – نقد - ضمره – المرحوم الأمين – ياسر – عادل تيله - قريب ناس الدشين – ميرغني مصطفى - الدشين – التاج مصطفى - أسامه – الواشي – صلاح الدين .

    جلوسا :
    الحارث – فاروق – شرف عبد الله –( زهير كنه أو مختار الأمين ) – صلاح شكوكو – حماده – ياسر – ( ؟ ) عماد شكوكو

    مستلقين أرضا : على كدمبس ؟؟ والطفل الذي بجانبه (( أمجد شكوكو ))



    ..
                   |Articles |News |مقالات |بيانات

12-08-2008, 03:09 PM

عمر عثمان
<aعمر عثمان
تاريخ التسجيل: 04-08-2008
مجموع المشاركات: 1578

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)

    استاذنا شكوكو

    اليس الجالس اول واحد من اليمين
    اليس هو صديقي عماد محمد زين

    مع الشكر على الصوره الجميله وهي تؤرخ لمكان
    كلنا لعبنا فيه دافوري او عبرنا به الى الدناقله وبحري
                   |Articles |News |مقالات |بيانات

09-08-2008, 02:59 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    أحمد بابِكر ...

    الزول ده والله حِكاية ... خالو عم عبدالرحيم الدُكانو ناصِية ميدان فريق
    النجوم الناصِية الغربِية ... كان ملاذنا أيام الحروب المدرسِية الخميسِية
    وهو في الحقيقة ما كان بِدافِع عني علشان سواد عيني ... لا .. لا أصلو
    ود خالو حسن كان صاحبي وكُنا بِنرجع سوا لِلبِيوت ... ولُبطنجِية شارِع الكرابيج
    ماليين الدرِب وخُصوصاً عِصمت هو وصلاح وناس كُتار طوالي قاعدين في شارِع ناس
    كربوج ده(ما صلاح ابودية) كانو ذوي قُوة لا تُقهر إلا بِالجري ، يتصدى لها
    أحمد بابِكر بِكُل جُعولِية مُتخرطِمه ... والله دايِر أشكِرو ليكُم يا ناس البوست
    لكِن حاميني مِن شُكرو منصبو هِنا في الدَوحة يقوم يفتكِر الحِكاية نِفاق ، خاصةً
    وحُمرتي دي بِيابنها وطوالي حيقول شوف الحلبي ود الـ ؟؟؟ أكيد دايرلو حاجة ...
    أعوذ بِالله مِنك ياخي ... الواحِد في الزمن الأغبر ده ما يقدر يريد ليهو زول لله ...
                   |Articles |News |مقالات |بيانات

09-08-2008, 06:37 PM

عمر عثمان
<aعمر عثمان
تاريخ التسجيل: 04-08-2008
مجموع المشاركات: 1578

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عزام حسن فرح)

    المحسي الاسطى محمد عثمان فضل

    احسبه من اولياء الله الصالحين
    ولا ازكي ع
                   |Articles |News |مقالات |بيانات

09-08-2008, 06:39 PM

عمر عثمان
<aعمر عثمان
تاريخ التسجيل: 04-08-2008
مجموع المشاركات: 1578

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عزام حسن فرح)

    المحسي الاسطى محمد عثمان فضل

    احسبه من اولياء الله الصالحين
    ولا ازكي على الله احدا
    يصافحك بكل الود مبتسما من القلب
    ويمسك بيدك بقوه
    ويقول كلمته المشهوره والتى لا يقولها الا سواه
    عليك الله ازيك
    عليك الله ازيك
    عليك الله ازيك
    يا الله كم حنين هزا الانسان
    ما شعرنا الا انه ابانا
    وحاتم وتاج السر وعثمان واشرف وخالد
    واخواتهم الا مننا وفينا
    اللهم ارحم امواتنا
    واسقى ثمار الحب
    التى زرعهوها فينا
    امين
                   |Articles |News |مقالات |بيانات

09-08-2008, 08:44 PM

عمر عثمان
<aعمر عثمان
تاريخ التسجيل: 04-08-2008
مجموع المشاركات: 1578

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عمر عثمان)

    حاجه عساكر

    عندما كنا نداقش في الدافوري
    قد تتلوي رجل او تنكسر كراع
    وعندها لا بد من عساكر
    بيد خبيرة وحاذقه
    تتحسس مكان الالم
    وتصرخ انت او لا تصرخ
    فالأمر سيان
    وبيتها يمتلىء بناس التمرين
    ودقائق تمر والعلاج اكيد
    جبيرة او رجل تسير معافاة وبحمد الله
    هي البصيره التى لا تقف امامها أجعص كراع مكسورة
    وهي بحق طبيبة عظام ماهره رحمها الله بقدر رحمتها للرياضيين
    هي والده حاجة دقلوه
    واحفادها على والشفيع
    وعماد وهانيء محجوب الجاك
    والاخير هو الرياضي المطبوع
    والاداري المهموم بشوؤن الفريق
    وبيتهم فاتح على ناس جمعه بحر
                   |Articles |News |مقالات |بيانات

09-08-2008, 09:23 PM

Tarig Mohamed Saeed

تاريخ التسجيل: 09-08-2008
مجموع المشاركات: 0

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عمر عثمان)

    الاخوه الاعزاء
    شركاء مراتع الصبا
    ابناء تلك البقعه الطاهره .... الجميله
    التى شكلت وجدان ذلك النفر من ابناءها فاصبحوا متشابهين لحد التطابق كيف لا والمنبع واحد . وتاريخ الالتقاء شبه واحد ( السكن ) .
    تشابهت عند البدء البيوت وكذلك الشوارع وحتى الموائد . تشابه الاباء فى السحنه والمستوى الاقتصادى والثقافى وحتى فى الاعمار . فتشابه الابناء .كان الاب منهم ابا للجميع . وكان الابناء لايجدون مشقه فى نهل الحنان لان اى ام هى اما للجميع .فكانوا ينهلون من اقرب نبع.
    واعتقد ان سر ذلك يكمن فى تزامن بدايه الحى مع بدايه القاطنين . فكانت اعمار الابناء ( البزوره) متقاربه جدا وكذلك اعدادهم
    اخوتى الاعزاء :
    حاج حمد جامع الجمع على هوى الشعبيه ....
    عادل عثمان . عادل على صالح . بدر الدين اسحق (لنا عوده ) . عزام .حسن طه.عبد الوهاب .قرجه . سيد احمد . الفاضل يس .احمد شمس الدين (حنفى ) استاذنا الجليل صلاح شكوكو(باعث نواضر الشوق والود للجميع ).ورفيق الدرب الرائع دوما المهندس عمر محمد عثمان
    نشكر لكم كتاباتكم الرائعه ومحاولات التوثيق الجيده لذلك الحى الرائع وتلك الحقبه الجميله
    وكذلك الاخوه المشاركين عبر البريد الالكترونى الاخ الرائع اسامه سليمان وحمدى حمدون وجمال ابوامنه والبقيه
    الاخ / الحاج حمد
    كانت تلك المقدمه بدايه لانضمامى للمساهمه والمشاركه لتقديم شئ للوطن الصغير الذى اعطانا بلا حدود.. اعطانا معنى الانتماء وعلمنا معانى الايثار والاخاء فهلا نحن موفوه حقه .
                   |Articles |News |مقالات |بيانات

09-08-2008, 08:39 PM

Amgad Karrar

تاريخ التسجيل: 03-07-2008
مجموع المشاركات: 33

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    الاخوه الاكارم ....

    لاالزمن هو الزمن ولا المكان هو المكان...

    الواحد ليهو اسبوع فى ربوع بلادى وبالاخص فى الشعبيه...

    الواحد لمن يقرأ المشاركات بالليل و بشوق يصبح لكى يسترجع الذكريات ويطابق الماضى مع الحاضر يلقى الزمن ولا والمكان غير المكان والانسان غير الانسان....المواطن العادى وغير العادى اثقلت كواهلهم
    الذيادات المتلاحقه فى اسعار السلع اليومى...

    الجار لمن يسلم عليك تقراء فى عيونه تعب الامس ..واليوم..والغد..

    والله الواحد يمشى عشان يفرق مع الاهل يذداد هم وغم على الحال...

    نسأل الله العلى القدير ان يفرج الكرب...
                   |Articles |News |مقالات |بيانات

09-08-2008, 10:03 PM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: Amgad Karrar)

    Quote: الاخ / الحاج حمد
    كانت تلك المقدمه بدايه لانضمامى للمساهمه والمشاركه لتقديم شئ للوطن الصغير الذى اعطانا بلا حدود.. اعطانا معنى الانتماء وعلمنا معانى الايثار والاخاء فهلا نحن موفوه حقه .


    أرحب بالأخ العزيز طارق محمد سعيد و بانضمامه يكون المنبر و بوست الشعبية بصفة خاصة قد كسب انسان رائع و رجل خير و مساهم فعال ، التحية للأخ طارق محمد سعيد و سعادتي كبيرة بوجوده بيننا.

    الأخ طارق سبق و أن قدم مساهمة قدرها مليون جنيه و هي تعتبر أعلى مساهمة و قد قام بالفعل بتسليمها للأخ أسامة سليمان ، شكرا الأخ طارق..
                   |Articles |News |مقالات |بيانات

09-08-2008, 10:08 PM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الحاج حمد الحاج)

    كتب الأخ عمر محمد عثمان:
    Quote: واحفادها على والشفيع
    وعماد وهانيء محجوب الجاك
    والاخير هو الرياضي المطبوع
    والاداري المهموم بشوؤن الفريق
    وبيتهم فاتح على ناس جمعه بحر




    الأخ هاني محجوب الجاك (يسار) و الأخ الشفيع (ابن أخت دفع السيد جيب الله منقستو) صورة حديثة قبل بداية مباراة افرق الرابطة بميدان الصداقة..
                   |Articles |News |مقالات |بيانات

09-08-2008, 10:33 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    ..

    مرحبا بالفارس (( طارق محمد سعيد ))
    مرحبا بك وبقلمك الوضيء
    ومن المؤكد أننا موعودون بتباشير أهل الروعة
    طل جميل يطل بوجودكم
    وغمامات من الود توشح أرجاء المكن
    لكم التحية
    ومرحبا بكم

    ...
                   |Articles |News |مقالات |بيانات

09-08-2008, 11:01 PM

الفاضل يسن عثمان
<aالفاضل يسن عثمان
تاريخ التسجيل: 17-04-2008
مجموع المشاركات: 3278

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)


    كتب: طارق محمد سعيد

    Quote: كانت تلك المقدمه بدايه لانضمامى للمساهمه والمشاركه لتقديم شئ للوطن الصغير الذى اعطانا بلا حدود.. اعطانا معنى الانتماء وعلمنا معانى الايثار والاخاء فهلا نحن موفوه حقه .


    مرحب و اهلين حبابك، طارق ، حقيقة موعدون بقلم شيق و انيق مثل صاحبه في دماثته خلقا و تادبا.محظوظون بورداب الشعبيه، بكسب صديقين<عمر،طارق> في اسبوع واحد.
    اليكم في سبر اغوار الامكنه، وحفر الذاكره لمراتع الطفوله و الصبي و تلكم فترة مشدهون لمعرفتها.

    مودتي.
                   |Articles |News |مقالات |بيانات

10-08-2008, 05:37 AM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الفاضل يسن عثمان)

    و رسالة من الأخ صلاح عثمان (كراكة):
    Quote: الأخ الحاج حمد - صاحب الدار
    ارسل اليك سلامي و تحياتي

    لقد ضلت رساتي طريقها اليكم و ربما كان ذلك من محاسن الصدف رغم ما سببه لي من إحراج حيث لم أضمن رسالتي سلاماً لكم

    أحب أن أعبر عن اعجابي بالبوست و انه المتنفس الوحيد خلال يومي الملئ بالأعمال و الضغوط فيما أجلس و أتصفح هذا البوست و أتنقل بين اخباره واعد بذاكرتي الى الأيام الماضية والذكريات الجميلة في الشعبية .

    من مشاركاتك ربما تكون دفعتي في بحري الثانوية حيث كنت ألقب بـ(صلاح شكله ) .

    أبلغ سلامي للإخوان الدفعة عادل محمد عثمان الذي بالكاد تعرفت اليه فقد ترك الزمن بصماته عليه .

    و أسامة سعد النور و أعزيه في و فاة شقيقة (رحمة الله ) . و تحياتي لجميع الاخوه الاعضاء المشاركين في البوست


    كما لدي الكثير من الذكريات و التي سوف اشاركم بها إذا اسعفني الوقت


    اخوكم / صلاح عثمان أحمد (كراكة )

    شكرا للأخ صلاح و في انتظار مزيد من المشاركات..
                   |Articles |News |مقالات |بيانات

10-08-2008, 05:56 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الفاضل يسن عثمان)

    الأخ طارق محمد سعيد

    مرحبتين حبابك وبيك البوست حينور اكتر ان شاء الله.

    وفي انتظار مشاركاتك القيمة.
                   |Articles |News |مقالات |بيانات

13-08-2008, 11:12 PM

Tarig Mohamed Saeed

تاريخ التسجيل: 09-08-2008
مجموع المشاركات: 0

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: حسن طه محمد)

    الاخ / حسن طه
    تحياتى
    وشكرا على ترحيبك الحار ...
    وانشاء الله ربنا يقدرنا على المشاركه الفعاله والمفيده فى هذا البوست الرائع
    مع مودتى
                   |Articles |News |مقالات |بيانات

10-08-2008, 09:00 AM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    توفى امس الشاعر الفلسطينى الجميل محمود درويش فى امريكا بعد اجراء عملية جراحية على قلبه المعطوب بحب الوطن وبحب الانسانية وبحب البسطاء فى كل مكان.
    لقد مرّ محمود درويش العام الماضى بالشعبية. ومكث فيها ساعات فى ضيافة الشاعر والمحامى الاستاذ كمال الجزولى فى بيته فى الهجرة.
    شكرآ لمحمود على شعره. وعلى روحه التى تخلدت فى كلمات شعره اللذى هو من نفس الرحمن مقتبس، ومن جذور عميقة فى تربة الانسانية والخلق الابداعى الجميل.
    اهدى الشعبية التى مرّ بها الشاعر وعبرها الى الهجرة، وهو كان فى هجرة دائمة، واهديكم هذا المقطع من "جداريات".
    الرحمة لروح عم محمود وكل الاعمام والاباء والامهات فى الشعبية وفى كل مكان فيه انسانية ما زالت محتفظة بنقائها وتواضعها وتماسكها وتضامنها

                   |Articles |News |مقالات |بيانات

10-08-2008, 11:56 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    ياخي جننتنا جِن ... وإنت تعال مالا كُل صُورك مُدنقِر فيها وجايه نُص ... إتْ الرايِحلك شِنو النكوس معاك ... ولابِس أحمر وشِعاركُم نجمة ... على الطلاق بِالتلاته ... أسمع الطلاق ده ... أنا بعد عُمري ده كُلو أكان رِكِبني جِن ودقو لي ظار ما بلبس أحمر وأقدِل بيهو بين خلق الله كدي وكمان طاقِية حمرا ... ... عيب عليك في السِن ده ... يِطلع مِنك كُلو ده ... أحمر يا شِويعي ... أها الطمبلون اللابسو لونو شنو إنشاءالله يكون أخضر ...




                   |Articles |News |مقالات |بيانات

10-08-2008, 12:00 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    عادِل عُثمان ...

    ياخي ما نجضتنا نجاض ... ما تزِح لينا صورة أحمد هارون ده مِن وشنا كدي ولا كدي
                   |Articles |News |مقالات |بيانات

10-08-2008, 04:05 PM

عمر عثمان
<aعمر عثمان
تاريخ التسجيل: 04-08-2008
مجموع المشاركات: 1578

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عزام حسن فرح)

    يا سلام
    صاحبي طارق وصل

    يا سلام صديق الطفوله والشباب

    ليس لدى مدحا احسن من مدح الاعرابي لود الفزاري

    جيتك بامتثال صاحبى المتمم كيفي
    طارق ثبات عقلي ودرقتي وسيفي
    مطمورة غلاى
    مونة خريفي وصيفي
    سترة حالى في جاري ونسايا وضيفي

    مرحب طارق محمد سعيد جنابو

                   |Articles |News |مقالات |بيانات

10-08-2008, 05:04 PM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عمر عثمان)

    الصورة التي يتحدث عنها الأخ عزام هي للأخ صلاح أبو دية يوم مباراة (الطمبلة) الشهيرة.
    نكتة:
    طبعا عزام أشار لنكتة حكيتها للجماعة في بوست تاني عن مباراة الهلال و المريخ الآخيرة و التي انتصر فيها المريخ بهدف هيثم طمبل ، قالوا في هلالابي بعد المباراة ساق ولدو و مشى الترزي قال ليهو داير افصل للولد دا قميص و طمبلون
                   |Articles |News |مقالات |بيانات

13-08-2008, 12:47 PM

Tarig Mohamed Saeed

تاريخ التسجيل: 09-08-2008
مجموع المشاركات: 0

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عمر عثمان)

    الاخ/ عمر
    كنت دوما ظلى المجسم كما كنت كنت لك دوما ظلا
    وبيننا تفاصيل المشاوير القبيل ..
    والحكايات القديمه ..
    ما بين مدرسه الخشب .. وسوق الشعبيه
    وجنينه فنوس . . وحوض جنينه فنوس ..
    ومزرعه الكداريك .. وعمك عبدالعال .. وعمك صالح ..
    وحله اللاجات ...ولبن حله اللاجات من مزارع كافورى على تلك القوارير السمان كما اولاد اللاجات
    ومشاوير فقاسه كليه الزراعه شمبات ونحن نحمل تلك الكراتين الفارغه بعد عمل الفراغات الدائريه على اجنابها.. وفى سباق مع الزمن ومع الاخ علاء محشيه
    وحوض الجامعه . ونادى الزوارق ..
    ومحاولات اصدار الجريده الحائطيه بنادى الشعبيه مع الاخ اسامه / سليمان وبعض الاخوه..
    وفريق النجوم (غير نجوم الشعبيه ).. وفيصل يس
    وفريق المارد والمرحوم معاويه عريبى (عوعو ) ..
    ومشاويرطاحونه سوق الشعبيه .. وبرسيم البهايم ..وعيش الحمام .فهناك عند الزمن الجميل لم يكن هناك نفاج ولكن كان الجميع يسكنون فواج افواج حيث القاطنين والجاين من البلد والبهايم وبيت الحمام والكلب وبيت الجداد
    وتمارين العصريه وقوون المغربيه بالقرب من دكان عمك عباس .. والتعريفه وربع العيشه ومويه الجبته
    وقدوم عمك السر حسين او عمك سعد كيلانى او عمك عبد الرحيم حاج عمر لتحصيل رسوم الجمعيه الخيريه..
    وصياح خالتك النعمه او فاطنه المحسيه وست البنات للمساعده فى ترتيب مخزن الجمعيه للنساء حيث المناقد والحلل ...
    والزاويه وعمك المرحوم محمد عثمان فضل ( المحسى)..
    ومحاولات بناء النادى جوار الجامع ...
    اخى عمر
    اعرف مقدرتك الفائقه على وصف تفاصيل تلك المشاوير والحكايات والصور والقدره على التوثيق
    واعلم انك تملك زاكره حديديه
    فهلا اتحفتنا بالكتابه عن تلك الفتره
    مع مودتى
    اخوك طارق
                   |Articles |News |مقالات |بيانات

13-08-2008, 12:55 PM

Tarig Mohamed Saeed

تاريخ التسجيل: 09-08-2008
مجموع المشاركات: 0

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عمر عثمان)

    الاخ/ عمر
    كنت دوما ظلى المجسم كما كنت كنت لك دوما ظلا
    وبيننا تفاصيل المشاوير القبيل ..
    والحكايات القديمه ..
    ما بين مدرسه الخشب .. وسوق الشعبيه
    وجنينه فنوس . . وحوض جنينه فنوس ..
    ومزرعه الكداريك .. وعمك عبدالعال .. وعمك صالح ..
    وحله اللاجات ...ولبن حله اللاجات من مزارع كافورى على تلك القوارير السمان كما اولاد اللاجات
    ومشاوير فقاسه كليه الزراعه شمبات ونحن نحمل تلك الكراتين الفارغه بعد عمل الفراغات الدائريه على اجنابها.. وفى سباق مع الزمن ومع الاخ علاء محشيه
    وحوض الجامعه . ونادى الزوارق ..
    ومحاولات اصدار الجريده الحائطيه بنادى الشعبيه مع الاخ اسامه / سليمان وبعض الاخوه..
    وفريق النجوم (غير نجوم الشعبيه ).. وفيصل يس
    وفريق المارد والمرحوم معاويه عريبى (عوعو ) ..
    ومشاويرطاحونه سوق الشعبيه .. وبرسيم البهايم ..وعيش الحمام .فهناك عند الزمن الجميل لم يكن هناك نفاج ولكن كان الجميع يسكنون فواج افواج حيث القاطنين والجاين من البلد والبهايم وبيت الحمام والكلب وبيت الجداد
    وتمارين العصريه وقوون المغربيه بالقرب من دكان عمك عباس .. والتعريفه وربع العيشه ومويه الجبته
    وقدوم عمك السر حسين او عمك سعد كيلانى او عمك عبد الرحيم حاج عمر لتحصيل رسوم الجمعيه الخيريه..
    وصياح خالتك النعمه او فاطنه المحسيه وست البنات للمساعده فى ترتيب مخزن الجمعيه للنساء حيث المناقد والحلل ...
    والزاويه وعمك المرحوم محمد عثمان فضل ( المحسى)..
    ومحاولات بناء النادى جوار الجامع ...
    اخى عمر
    اعرف مقدرتك الفائقه على وصف تفاصيل تلك المشاوير والحكايات والصور والقدره على التوثيق
    واعلم انك تملك زاكره حديديه
    فهلا اتحفتنا بالكتابه عن تلك الفتره
    مع مودتى
    اخوك طارق
                   |Articles |News |مقالات |بيانات

11-08-2008, 00:39 AM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    ....


    نجيب مصطفى نقد :-

    إسمه الحقيقي عبد الكريم .. ولقبه (( بقدون )) غادر الى ليبيا منذ نحو ثلاثين عاما .. ولم يعود للسودان طوال هذه المدة .. إنقطعت أخباره عن أهله منذ ذلك الحين .. رغم أن بعض القادمين من ليبيا يؤكدون أنه بخير .

    شكل غيابه حالة من الهم لدي أسرته الطيبة .. فأخوانه (( نقد – ميرغي – التاج )) كابدوا كثيرا للوصول الى أي قادم من ليبيا عله يكون يحمل بعض أخبار لهم .. وفي كل مرة كان الجواب أنهم إلتقوه في بعض مدن ليبيا .. وأنه بخير .. لكن ذلك لا يروى ظمأ النفوس .

    ولعل الزمان قد تغير طوال هذه المدة الطويلة حيث توفي الوالد (( مصطفى نقد )) مؤذن مسجد زاوية المربع 9/7 حيث يقطنون .. ثم لحقت به زوجته المرحومة الخالة (( شريفة )) وهكذا غاب الرجل عن القلب والخاطر .. وتبقت الأشواق في قلوب أخوانه وإخوته والجميع يتوقون لمشاهدة هذا الأخ الغائب في مدن الرحيل والأغتراب .

    ولعل الصورة متكررة بأشكال مختلفة في كثير من ألسر في حينا .. ونحن حينما نكتب عن هذه الشخوص نسهم في وضعهم في دائرة الضوء ونعرف بهم .. فلعل أحد الذين يزورون هذا البوست التوثيقي من أهل ليبيا .. ينقل لنا ولأهله المنتظرين على لظى الجمر خبرا يخمد شوق اللقيا وأمل العناق الذي طال .. أو ربما يرد خبر يبعث الطمأنينة في قلوب كلت من كثرة الترقب والإنتظار .





    ...
                   |Articles |News |مقالات |بيانات

11-08-2008, 00:51 AM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    Quote: بمناسبة الخريف "يومية سكج بكج

    يبدأ الأطفال في التجمع أمام زاوية الشعبيه ..مباشرة امام منزل "سيف حسن" .."وحيد خيري" "حتوته""رشيد حسن" "رشيد مبارك"(كورسجن)"خالد سيد فقيري""نادر عبد المجيد""امين مصطفى""الشيخ سيدأحمد"
    يبدا حتوته في اللعب مع الحوار التالي

    سكج
    وحيد:بكج
    سكج
    بكج
    ثم إنطلاق من حتوته لتلك الخشبه المسكينه..تحلق عاليآ في الهواء ثم تهوي تترنح من الألم

    ثم مرة اخرى
    حتوته
    وداللي
    ؟؟؟؟يمكننا الإستعانه بقرجه هنا
    وداللي
    ؟؟؟؟
    ثم ضربه فنيه..بتعلية قطعة الخشبه المسكينه وضربها بعيد..ولكن..تصطدم تلك القطعه الخشبيه ب"زاهر عبد الرحيم"وهو في طريقه إلى سوق السيد علي...ثم بكاء شديد جدآ وعويل.
    تطلع الوالده "حميده"على صوت البكاء
    في شنو ياولد
    ضربوني بلعبة سكج بكج
    شنو
    آي أي أي
    ياولد قلت شنو
    والله ياحتوته مابخليك الليله
    يتجه "زاهر"نحو منزلهم في سرعه عاليه جدآ
    حتوته في وضع حرج جدآ..ودراما من نوع آخر تبدأ
    يبدأ "وحيد خيري"
    أحسن ليك تمشي بيتكم
    أمشي لي شنو
    والله زاهر ده ..أمه عندها صوت عنج ..محطه واحدة تخلي ليك جسمك ده زي الفشفاش
    يازول انا ابوي عندو..بسطونه خطرة عديل كده
    يتدخل "رشيد مبارك"
    يا حتوته أرحكا ياخي..
    يازول ما ماشي
    يبدأ زاهر في الظهور من إتجاه بيتهم في شارع المدارس..وخلفه والدته أمد الله عمرها
    وشمارات تقيله مننا
    الليله ياحتوته..أحسن ليك تجري..والله الليله ..يزعمطوك زعمطه
    حتوته المسكين ألجمه الخوف فتسمر في مكانه
    تتحدث والدة زاهر
    الضربك منو ياولد
    بصوت متقطع يتخلله البكاء..ضربني حتوته
    حتوته ده شنو
    حتوته ده ..يشير إليه بيده
    ياولد ضاربو مالك
    والله ياخاله أنا بعد قلت ود اللي وردو لي ..ضربت السهم طوالي ..بس ما شفتو
    شنو ..ود اللي ده ولد منو ..وريني ليو
    ياخاله ود اللي ده ما معانا..ده في اللعبه
    لا لا إلا توريني ليو
    تدخل من "نادر عبدالمجيد" في محاولة للتوضيح
    ياخالة ود اللي ده..في اللعبه..يعني مازول معانا
    إنتو دايرين تكضبو ..أكان ما معاكم منادنو لي شنو
    ثم ظهور والدة "سيف حسن"مرة أخرى :
    إزيك يا "...."
    عليك الله شفتي جنس الحقاره دي
    معليش..ياهو حال الشفع
    لكن يضربو بالطريقه دي
    معليش..الضربه تراها ماكبيرة
    في تلك الأثناء يحاول "حتوته"إستمالة زاهر..خصوصآ بعد أن تبين له أن والدته ربما تأبطت شرآ
    يازاهر معليش ياخي
    بكاء و"جعير" مامعليش ولا حاجه
    بديك فردية"فردية تعني عدد واحد بلية لعب"(لنا عوده في هذا المقام بإذن الله
    يازول ماداير
    خلاص بديك مضراب حموري"وهي دلاله على بلية تمتاز بأنها جديده ولونها أحمر"
    أديني ضراب بيضاوي"وهذا يعني أنه يمتاز باللون الأبيض"
    نجح حتوته في إستمالة "زاهر"
    في الجانب الآخر كان هناك حوار بين والدة "زاهر"ووالدة "سيف حسن" في محاولة من والدة "سيف حسن "إحتواء الموقف
    تظهر والدة "خالد سيد فقيري" أمد الله عمرها من على البعد..فتنادي
    يا ولد "خالد" تعالل هناده
    في شنو يمه
    إنتي بتسوي في شنو
    قاعدين نلعب سكج بكج
    شنو
    ياأمي قاعدين نلعب
    تخلي الحله بي هناك وجايي تلعب بي هنا
    ياأمي بي هناك ما في زول..ألعب براي يعني
    إنت ضروري تلعب..وبعدين اللمه دي في شنو
    ده"زاهر" يا أمي قاعدين نلعب قام إتضرب
    إتضرب كيف
    بعد "حتوته"قال ود اللي وردو ليو..قام إتضرب
    شنو
    تنادي والدة "سيف حسن" عليها.. كيفنك إن شاء الله كويسين
    والله الحمد لله
    أم "زاهر" الولد عينو دايره تتقد..شفتي الحقاره دي
    معليش ده ما حال الشفع زي ده أصلو
    فجأة تلتفت أم "زاهر" لتجد إبنها المصاب في حالة إنسجام تام مع اللعب..ثم صيحه منها
    يا ولد وين السمن القلت ليك جيبو
    دقيقه يا أمي النقبض الضقل ده بس
    يا ولد ضقل شنو ده
    يا أمي عليك الله دقيقه
    "حتوته" لا زال يمسك بالخشبات وينادي
    سكج
    ورد من المتنافسين في إنتظار دورهم:بكج
    وتستمر الحياة..بساطة في التعامل..وود من أناس في غاية الود والكرم
    التحيه لأمهاتنا بالشعبيه..والتحيه لذريتهم ..وتحيه لأهل البوست..وفي إنتظار يومية للبلي .
    ولكم من الود أكمله


    بس لو عرفنا يا الشيخ (( سكج بكجك )) سموها دا ليه كنا إرتحنا
    لكن برضو أعمل لينا جولة جديده .. ومقطع تشريحي مسرحي جديد
    مع الود


    ....
                   |Articles |News |مقالات |بيانات

11-08-2008, 04:27 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)

    أستاذنا "شكوكو"

    سر التسميه أعتقد أنه أحد ثقافات تلك الفترة التي كانت تمتاز بكثرة الألقاب والرموز المبهمه..ولعل هذا مدخل يمكننا أن ندلف من خلاله للتعرض لظاهرة الألقاب التي تمتاز بها الشعبيه.
    تمريرة بينيه للأرباب "حاج حمد" ,,رجاء للحاج حمد بالإستلام بدون دوران مع الإحتفاظ لبرهة في التناول,, ثم التمرير وفي إنتظار إزاحة الغموض الذي يكتنف الكثير من الألقاب.

    ولكم من الود أكمله

                   |Articles |News |مقالات |بيانات

11-08-2008, 06:30 AM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    Quote: تمريرة بينيه للأرباب "حاج حمد" ,,رجاء للحاج حمد بالإستلام بدون دوران مع الإحتفاظ لبرهة في التناول,, ثم التمرير وفي إنتظار إزاحة الغموض الذي يكتنف الكثير من الألقاب.

    موضوع الالقاب موضوع يحتاج للكثير و قد سبق أن فتح الأخ صلاح شكوكو بوست كامل عن الالقاب ثم أعقبه الأخ منير في هذا البوست بالكتابة عن بعض الالقاب في الشعبية و أسبابها..سكج بكج هل من يعرف معنى لها؟ شكرا الشيخ سيد أحمد و متابعين لكتاباتك الرائعة
                   |Articles |News |مقالات |بيانات

11-08-2008, 08:23 AM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    ارحب بالاخوة الاعزاء
    طارق محمد سعيد
    وعمر محمد عثمان
    والاخوة من وراء الكواليس
    صلاح عثمان (كراكة). الزمن غير ملامحنا يا صلاح. والذاكرة صارت مثل غربال.
    واحمد بابكر

    وأرجو أن يواصل الشيخ سيد احمد هذه المقاطع واللوحات الدرامية اللذيذة.
    تشبه الدراما الاذاعية ( حكايات من حلتنا) .
    وهذه الحياة. الناس والامكنة.

    العم خضر على يا الشيخ كان ممرض او مساعد طبى. وكان الى جانب ذلك طهّار. طهّار الصبية.
    يا للرعب!
    شوف الطيارة ديك!
    و جب تحز الموس الجلد المخدّر.
    وترى لون القطن الابيض يختلط بلون الدم الاحمر القانى.
    (جدع). (راجل تمام).
    وتنهال التهانى وتنطلق الزغاريد فى حوش النسوان.
    منذ الآن ملك أنت متوج على عرش ذكورة وهمي. ومطاع الأمر.
    تمتلئ جيوب عراقيك بالنقود، معدن وورق.
    وتمتلئ مثانتك، بخيط طويل مائى فضى من الرعب والألم الحارق.
    ولكنك راجل يتحمل الألم.
    ومسئول منذ الآن عن البيت وعن البنات.

    يا لتقسيم العمل! واكتشاف النار!
    عوسى لينا كسرة.
    ارمى لينا حرف قراصة.
    اخبزى رغيف فى فرن البوتاجاز.

    وهكذا...
    وهكذا...
                   |Articles |News |مقالات |بيانات

11-08-2008, 09:34 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: Adil Osman)

    عزيزنا "عادل عثمان"
    سلام من الله تعالى عليك ورحمات وبركات

    طبعآ معلومة أن العم "خضر" كان "طهار" بجانب عمله كممرض متوفرة لدينا,, ولكن للأمانه تملكني شئ من التوجس في ذكرها ..رغم أني حين مطالعتي لها من خلال مداخلتك ..لم أجد فيها ما يوحي بالحياء والتوجس.
    التحيه للعم "خضر" ولكل أهل الشعبيه ..وتحيه لشخصك الجميل
    ولك من الود أكمله
                   |Articles |News |مقالات |بيانات

11-08-2008, 04:14 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    في < سكج بكج >

    قال عون الشريف في قاموسِهِ ، صفحة 109
    بكق : كلِمة سودانية نوبِية وهي [ خشبات صفيرة تُوضع في الفجوات لِتسِد الفراغ في الساقِية ]

    وفي صفحة 472
    سكج : كلِمة سودانِية تعني عرج ومِن معانيها مُعَوج غَير مُستقيم ، فيُقال سوكج

    وإجتِهاداً مِني (هسِع بِجي ناطي ... إتذكرت ما رفدوه ... البركه) إستُبدِلت (قاف) بكق بِـ(جيم) لِتستقيم مع سكج ولُعبه [ سكج بكج ] مُكَونه مِن عِصى خشبِية صغيرة وتنتهي اللُعبة بِأن يعتلي المُنتصِر ظهر المهزوم ، فيترنح الحامِل بِثُقل المحمول فيعرُج في سيرِهِ ...

    أها كيف ما فقري ... تقولي علوج



    التعديل علشان أنا مُخَير في الشئ البكتِبو ما خساكُم

    (عدل بواسطة عزام حسن فرح on 11-08-2008, 04:16 PM)

                   |Articles |News |مقالات |بيانات

11-08-2008, 04:41 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عزام حسن فرح)

    كتب عزام :-
    Quote: سكج : كلِمة سودانِية تعني عرج ومِن معانيها مُعَوج غَير مُستقيم ، فيُقال سوكج


    والحقيقة أنني كتبت هذه السطور قبل مشاهدة مداخلة عزام الجميلة وفوجئت بأن في كلام عزام
    بعض من عزمنا .. فعزمنا أن ندرجها كما هي لأن ماكان أولى مما سيكون ..

    سكج بكج :-
    تخريج أجتهادي ..
    لعبة سكج بكج لعبه شعبية أدواتها البيئة المحلية مثل كثير من الألعاب .. حيث تعتمد على بضع أعواد يتم التعامل معها من خلال أصوات معينة تقود الى حساب الربح والخسارة .. والفوز والهزيمة .. ولما كانت الخسارة تعني إذلال المهزوم بيد المنتصر من خلال إنزال جزاء معين يرد على شخصية المهزوم كما هو الحال دائما في الألعاب البيئية الشعبية فإن الفوز يتسم بالنصر على كل الأحوال والخسارة تتسم بالخذلان والحسرة ..
    لذا فإن الفائز يفرض شروطه على المهزوم وقد تكون تعسفية بحيث أصبح الشرط مشوارا ( إمتطائيا) على ظهر المهزم بما يشبه (( شدولك ركب في مهرك الجماح )) .. وقد يأتي من خلاله المعتلي بعض حركات تشبيهية في حق المهزوم وكأنه يشبهه بأنه (( حمار )) وذلك من خلال حركات صبيانية إنفعالية بالأقدام بتحريكها للخارج والداخل مع صوت يأتي بتواطوء من اللسان مع بعض الضروس الجانبية التي تحدث صوتا مع قدرا من المشقة النفسية والحركية على المهزوم وهو في حالة كونه (( المركوب )) وهذا المركوب يختلف عن الملبوس في القدم وهذا سيأتي الحديث عنه فيما بعد .
    المهم أن الإسم إشتقاق من كلمتي (( السك زالبكاء )) والسك هو المطاردة من خلال العدو و(( البكاء )) وهو حالة المهزوم فيما يشبه البكاء وكأن الإسم كان في الأصل (( السكاك والبكاي )) ولأن كثير من الكلمات تنتهي بحرف (( الجيم )) مثل (( صرج )) وهي الحركة مع الصرير والتفويت ومثلها ( حلج )) وهذه من الدوران اللا منتهي للشيء .. وتدرج أي سار على مراحل متأنية ومنتظمة .. و ( سكجه )) وهو الشخص الذي يعرج بصورة منظمة وبتتابع عند مشيته .. و ( خج ) بمعنى رج الشيء بقوة - وكذلك (( كج )) أي عمل له عملا يخرجه عن إلفه الطبيعي والمعتاد الى إفساد دوره - ورغم أن بعض الكلمات هنا كلمات في أصلها من الفصحى لكنها أضحت من فرط إستخدامها الشعبي وكأنها شعبية بحته .. ومن ذلك كلمة (( الفيته )) بمعنى إلتقيته ..
    فالشاهد أن كلمتي السك والبكاء أصبحتا إسما واحدا ينتهى بهذا الحرف الإنتهائي لكثير من الأسماء .. ولنا شواهد في في النهايات السودانية الخاصة مثال ذلك جمع بعض الكلمات في السودان بحيث نقول (( هلالاب .. مريخاب - مورداب - الخوجلاب )) أو أن ننهي ذات هذه الكلمات بحرف الياء عند النسبة الى شخص بأن نقول (( هلالابي – مريخابي - مردابي )) وكأن الباء قد أصبحت من أصل الكلمة ..

    والله أعلم




    ....


    ..




    ...

    (عدل بواسطة صلاح شكوكو on 11-08-2008, 08:25 PM)

                   |Articles |News |مقالات |بيانات

12-08-2008, 04:23 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)

    "مباراة في البلي"

    البلي: عبارة عن كرات زجاجيه صغيرة ..لها العديد من الألوان..إلا أنني لاحظت أن اللون الأسود لم يكن حاضرآ في مبارة بلي ,,وربما كان هناك لون أسود لكنني لم أشاهده.

    يبدأ الصبيه في التجمع في مساحه خالية إلى حد ما..يقوم أحدهم برسم "مثلث" على الأرض ويسمى هذا بلغة المحترفين الدارجه"اللين" توضع فيه كرات زجاجيه للمشاركين"بليات",,ثم يقوم أحدهم برسم خط مستقيم على بعد من ذلك المثلث ..يمثل ذلك الخط نقطة الرمي الأولى ..حيث كل لاعب يضع مشاركته داخل المثلث ويمسك بيده "ضراب" وهو كنايه عن ضربه للكرات المسكينه داخل المثلث و ضرابات المتنافسين.

    عليك أن تتجنب في رميتك الأولى الإصطدام بأي ضراب آخر لأن ذلك يعني أنك ستكون آخر القادمين في رحلة العودة نحو مثلث الكنز..بينما يمكنك الإصطدام وضرب ماتشاء من"ضرابات " المتنافسين في رحلة العوده نحو "اللين".
    تجمع الصبيه "ياسر صديق" "خالد سيد فقيري" "الشيخ سيدأحمد" "حتوته" "رشيد مبارك" "تاج الدين أبوالريش" "علي حسين العربي" "زاهر " هذا بالإضافه إلى بعض الشباب وليس الصبيه على مقربه من هذا الجمع.

    بدأت المباراة ,,قام "حتوته برسم اللين وخط الرمي وإصطف الكل في بالقرب من اللين وبدأوا في الرمي:
    حتوته..أمك أنا حاأاجي الاول
    رشيد..ياخي الضراب ده ما دسيس..طافوشي خلاص"طافوشي ..تعني أنه لا يمكن السيطرة عليه من فرط سرعته"
    خالد سيد فقيري..يرمي ومحاوله لابأس بها
    يرمي الكل ومن ثم تبدأ رحلة العودة.

    رشيد ..ياحتوته..إنت طافوشي كده مالك ما تخليك ثبوته"ثبوته أي تحلى بقدر من الثبات وعدم الخوف"
    حتوته..إنت مالك
    زاهر..يبدأ في اللعب حين جاء دوره..فيبدأ في التلذذ بالصيد والكل في إمتعاض شديد فقد كان الصبي "فنان في القنص..إلى أن رمى برميه أوقعته داخل اللين..وهذه لها إجراء خاص من الناحيه التحكيميه:
    أولآ عليك أن تترك "ضرابك" داخل اللين" وهو بذلك عرضه للإبعاد من داخل "اللين" ثم قنصه من أحد المتنافسين..فسوف يعمل المنافس على ضربه"ضربه فنيه" بحيث تمكنه تلك الضربه من إبعاده خارج "اللين" لمسافه قريبه تمكنه من قنصه والقضاء عليه.
    دورة اللعب عند "حتوته" وهو أحد الماهرين..حين يهم بالبدء يناكفه "زاهر":
    ياحتوته ما تتمطى
    أنا مابتمطى
    أعمل شخيت"الشخيت ..يعني الخط الذي لا يمكنك تجاوزه حين ترمي "بليتك"
    أها شخت شخيت
    ولكن "حتوته نفسه يقع في الفخ ويسجن داخل أسوار "اللين"
    دورة اللعب الآن مع "خالدسيد" وهو لاعب غير متمكن للغايه..يبدأ في النظر والتركيز الشديد نحو"اللين" ..يرمي "ببليته" أعلى ثم يلتقطها ويواصل التحديق في "اللين" وحتوته و زاهر في توتر بالغ
    ياخي ما تلعب ياخي
    يتجاهل خالد
    ثم مرة أخرى ..ياخي بتسوي في شنو ياخي
    ياخي بقنطر في "اللين" ..وقاعد أعمل "كاشوفي" (كاشوفي,,تعني إستكشاف).
    يطلع العم "عبدالرحيم" من منزله:ياولاد خلو الجوطه دي
    صمت ..ثم معاوده مرة أخرى للعب..يرمي "خالد" وضربه موفقه تطيح ب"حتوته"خارج الأسوار اللينيه"وصيحة تشفي من اللاعبين الذين تم إقصاؤهم..وتشجيع شديد:
    يا خالد براحة ..عاين الضراب ده مقنطر كيف
    حتوته..ياخي ما تقفلو..يا رشيد أحسن ليك.
    يركز خالد مرة أخرى ثم يرمي ليطيح ب زاهر أيضآ خارج الأسوار..تصفيق وصياح عالي من المتابعين
    ثم خروج عم "عبدالرحيم" مرة أخرى ..صمت وهدوء ..لازال "عمك" يرسل النظرات شذرآ..ثم يعود للداخل
    لا زال دور اللعب عند خالد..وزاهر وحتوته على مقربه منه ينتظرون رصاصة الرحمة..وداخل "اللين" عدد ثلاث "بليات" تمثل كل واحد فيهم بالإضافة لرصيد كل من فيهم من غلة المهزومين.
    يفكر خالد أيهم أفضل أن يرمي بإتجاه المتنافسين أم بإتجاه"اللين" فيفضل المتنافسين..ثم يرمي بإتجاه "حتوته" فيصيب"ضرابه" في مقتل..فتبدأ "الخرخره" وهي تعني عدم الرضا والمجادله على الباطل.
    حتوته:يا زول إنت إتمطيت
    يازول ما إتمطيت
    وحوار عالي جدآ وصياح ..ينتهي برضوخ حتوته وقبوله للإنهزام وتسليم غلته إلى خالد برميها على قارعة الطريق ..في إشارة واضحه لعدم رضاؤه.
    في تلك الأثناء يبدأ زاهر بالتشويش والحرب النفسيه:
    يا خالد إنت زول "حمبره" ساي..صادوفي ساي "صادوفي تعني الصدفه"
    يجيب خالد ..منو ده يازول انا قاصودي "قاصودي تعني أنه يقصد ذلك"
    تنتهي المباراة بفنيه رائعه من خالد تكفل له التربع على عرش "البلي" لتلك الجوله ..هذا مع وعيد وتهديد من المتنافسين الأشد بالأخذ بالثار في جولات أخرى.
                   |Articles |News |مقالات |بيانات

12-08-2008, 06:04 AM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    Quote: "مباراة في البلي"

    البلي: عبارة عن كرات زجاجيه صغيرة ..لها العديد من الألوان..إلا أنني لاحظت أن اللون الأسود لم يكن حاضرآ في مبارة بلي ,,وربما كان هناك لون أسود لكنني لم أشاهده.

    طبعا يا الشيخ من اهم الأدوات في اللعبة الضراب و قد يكون من الزجاج لكن بحجم أكبر من البلي و قد يكون من الحديد (بلية) و قد يكون بلية كبيرة الحجم و بيقولوا عليهو (الداندلك) دا طبعا لما يدخل اللين زي الجات كشة المحلية للناس الببيعوا في الواطة بكش ليك البلي كلو..و مرات اللاعبين بعملوا خرخرة و يقولوا لصاحب (الدندلك) يا زول ما تلعب بسهو دا (بترنش) لينا البلي و قصدوا بالترنشة بكسر البلي من الاطراف و برجع ليك..
                   |Articles |News |مقالات |بيانات

12-08-2008, 08:10 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الحاج حمد الحاج)

    حبيبنا حاج حمد

    سلام من الله تعالى عليك ورحمات وبركات

    بالنسبه لكرة الحديد التي تفضلت بذكرها ..كان لدينا إسم آخر نطلقه عليها..فقد كنا نسميها "الجلة" ...ولا أدري من هو الذي بادر بتسميتها ذلك الإسم ..ولكن يبدو لأنها تجلجل الأرض حين تبدأ في الزحف نحو "اللين".

    تخريمه:

    في شكل "نظر" ونظر تعني أنك عندما يكون "ضرابك"داخل "اللين" لا يمكنك أن تمارس نفس طقوس الرمي الأولى ..لا بد لك من أن تنتصب واقفآ ثم تضع "الضراب" بمحازاة طرف العين ثم تقوم بالرمي..وهناك "خرخرة" كثيرة جدآ في هذا المقام..لأن بعض اللاعبين يركلون "الضراب" بأقدامهم لحظة سقوطه.
    إن شاء الله ما كنت خرخار يالحاج؟
    ولك من الود اكمله
                   |Articles |News |مقالات |بيانات

12-08-2008, 09:15 AM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    Quote: يكون من الحديد (بلية)


    الجله : هو الضراب الذي يقود اللعب
    وهو معدني له ثقل يمكنه من التدحرج الكاسح
    وهو بمقاييس مختلفة ولا أدري سر القبول به
    طالما أنه يتنافي مع العدالة في وجود كم كبير
    من (( الخرخرة )) .
    وكلمة (( خرخرة )) رغم أنها تستغل في ذاتها
    إسما غير محبب إلا أنها تحتاج الى تبيين لأنها
    في ظاهرها تعني عدم القبول بصيغة الإحتجاج المتكرر
    لأن خرخرة مركبة من جزئين هما ( خر ) والتاء للتأنيث ..

    أجمل ما في هذه اللعبة (( الكاو ) أو (( الكول ))
    وهو مساندة لاعب لزميله ليتخذه جسرا للوصول الآمن
    الى كومة البلي .. أو يتخذه مطية للوصول الى لاعب
    آخر للإستلاء على مكسبه الذي ظفر به ..


    ...
                   |Articles |News |مقالات |بيانات

12-08-2008, 09:31 AM

بدر الدين اسحاق احمد
<aبدر الدين اسحاق احمد
تاريخ التسجيل: 29-03-2008
مجموع المشاركات: 17114

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)

    Quote: لا حَول ولا قُوة ... هسِع الزُنجي بِيجيني ناطِ ... تقول ألفا



    والله يا دفعة اول مداخلة شفتها فى البوست ...

    وانشاء الله كان ما بحبك يعضينـى الجمل فى رقبتى ...

    يا زول قول بسم الله بس نديك ضهرنا نمشى نحضر لينا مؤتمر بتاع ارهابيين كم يوم القاك فتحت ليك مدرســة .. وقاعد تزين فى رؤوس اليتامى ولاد الشعبية .

    وبرضو (( حليل وهبة الجوه القليب متحكر ....واقدل ياورل ))
                   |Articles |News |مقالات |بيانات

12-08-2008, 09:40 AM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    Quote: حبيبنا حاج حمد

    سلام من الله تعالى عليك ورحمات وبركات

    بالنسبه لكرة الحديد التي تفضلت بذكرها ..كان لدينا إسم آخر نطلقه عليها..فقد كنا نسميها "الجلة" ...ولا أدري من هو الذي بادر بتسميتها ذلك الإسم ..ولكن يبدو لأنها تجلجل الأرض حين تبدأ في الزحف نحو "اللين".

    ايوه نحن كمان بنسميها (الجلة)..
    من لغة البلي : تكس يتناش ياخد صراحو..و الله شنو؟
                   |Articles |News |مقالات |بيانات

12-08-2008, 10:19 AM

بدر الدين اسحاق احمد
<aبدر الدين اسحاق احمد
تاريخ التسجيل: 29-03-2008
مجموع المشاركات: 17114

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الحاج حمد الحاج)

    Quote: كانت تلك المقدمه بدايه لانضمامى للمساهمه والمشاركه لتقديم شئ للوطن الصغير الذى اعطانا بلا حدود.. اعطانا معنى الانتماء وعلمنا معانى الايثار والاخاء فهلا نحن موفوه حقه .



    يا سلام يا طارق

    الف حمداً للسلامة من السفر عبر الايميلات ...

    والله الشعبية وهلها فرحانين بيك ...

    انت بالذات مطلوب منك توثيق كامل لفريق المارد

    وخاصة شارعكم من الاول ومرورا بزاويتكم ( مسجدكم ) ماشاء الله

    الف مرحب بيك والبوست متوشح بالورود لمقدمكم الميمون .


    وصــية حارة وفى السهلة :

    اعمل حسابك من زول رطانى بيقولو ليــه ود فرح ...
                   |Articles |News |مقالات |بيانات

12-08-2008, 11:25 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    بدرالدين إسحاق ...


    Quote: وبرضو (( حليل وهبة الجوه القليب متحكر ....واقدل ياورل ))

    أنا بقدِل ... ورل ورل عِلا مُصنقِر في سودانيز ... أها عُشاركُم داك هسِع وين ... ما أهو بِتاوِق زي الضب ... حرم أكان قاعِد لِهسع كان أُكامبو إستعان بِملفاتو الكان قاعِد يفتح فيها الصباح الصباح


    Quote: اعمل حسابك من زول رطانى بيقولو ليــه ود فرح ...

    أعمِل حِسابك الأيام دي أي واحِد بِهبِش الرطانا في السودان بِصُنف مُعادي لِلسُكان الأصلِيين ... يا طارِق الزول ده دايماً كلامو معاي حار عارفني بفَوت ليهو حديثو معاي ... أصلو يا خوي الزول نسيب والنسيب عين شمِش ... والله لو ما معاهو المحس الرهائِن ... كُنت كُنت طـ ...... أحي
                   |Articles |News |مقالات |بيانات

12-08-2008, 01:53 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)



                   |Articles |News |مقالات |بيانات

12-08-2008, 02:14 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    سمِح بعد ده يا عادِل عُثمان سوي لينا < اللين > ...

    كان أحرف واحِد في < البلي > عبدالعظيم الدقش ، كان حِكاية غير معقولة ...
    لِدرجة أن الناس كانو بِتلمو يشاهدو زي ما بِشاهدو تمرين المُجاهِد ... وأيضاً
    كان حريف في كُرة القدم بِصورة غير إعتِيادِية ... وفي البِلي كان مُحمد الدقل
    مِن الخطرين ... الزول خم مِنا جِنس < بلي > أقصُد طبعاً < بِلي > القزاز ...
    والله إنت ... طوالي جاري < للبلي > داك ... مِحنك ...
                   |Articles |News |مقالات |بيانات

12-08-2008, 02:34 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    هاك يا عزام. ( لين) لكن حديث شوية.. البللى عندكم كيف فى الدوحة؟

                   |Articles |News |مقالات |بيانات

12-08-2008, 02:55 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    حرم مِن كتره نجاطو حاميني المرقه ... مصيبه وإندرعت فينا يا خوي ...


    لينك زلظ ...
    عِلا مو غلط ...
    بس ؟؟؟؟ وخلط ...
                   |Articles |News |مقالات |بيانات

12-08-2008, 04:26 PM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عزام حسن فرح)


    العزيز عادل عثمان


    جنس البلي الشفناه في الصورة ما شفناه

    يبدو انو الخواجات برضهم كانو بيلعبو بلي


    تحياتي لك يا فنان
                   |Articles |News |مقالات |بيانات

12-08-2008, 06:13 PM

Adam Mousa
<aAdam Mousa
تاريخ التسجيل: 15-09-2007
مجموع المشاركات: 1668

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: حسن طه محمد)

    ياناس الشعبيه سلام..قلنا نمر ونحى وكدا...










    تخريمه
    ______________________________________
    تحيات خاصه للاخ عزام والاخ صلاح شكوكو...
                   |Articles |News |مقالات |بيانات

12-08-2008, 06:29 PM

بدر الدين اسحاق احمد
<aبدر الدين اسحاق احمد
تاريخ التسجيل: 29-03-2008
مجموع المشاركات: 17114

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: Adam Mousa)

    اخونا عادل

    سلام كتير

    البلى وصدقنا ( مع انو بلى خواجاتى )

    كمان الميس ( الا مو ميس الهنا )

    بعدين انت مالك مقل كده فى الكتابة وطوالى شايل قوقل واطه ده فى جيبك كديه جيب لينا بيتنا عشان افرج الشباب فى البيت عليه ...وتانى كان تقدر جيب لينا ( ام الصلص ) .

    ما ملينا العين والاذان منك حتى الان .
                   |Articles |News |مقالات |بيانات

12-08-2008, 08:59 PM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    بدر الدين مخاطبا عادل عثمان:
    Quote: بعدين انت مالك مقل كده فى الكتابة

    عادل زول كتاب لكن مشغولياته حرمتنا منه و المشاركات البسيطة التي يقوم بها رائعة و غالبا ما تكون ارفاق صورة تزيد من حيوية المشاركات..التحية للأخ عادل ، مع رجاء سرقة وقت لمزيد من المساهمات..
                   |Articles |News |مقالات |بيانات

12-08-2008, 09:20 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    آدم موسى ...

    يا حليلك ... الولد محمد (الدًَرت) عزام بِقى ليك صورة بُروفايِل ... والله مِحن
    ما تشوف طريقة لأبو ... ولا ما سِمعت يا خوي بِالحقوق الفِكرِية ... الحاجة دي فقرِية ... مو صقرِية ... بِندور تجيب نقدِية ... ولا الشغلة يا خوي بِقَت ذندِية
                   |Articles |News |مقالات |بيانات

12-08-2008, 09:53 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    Quote: تخريمه
    ______________________________
    تحيات خاصه للاخ عزام والاخ صلاح شكوكو...


    الزول الجميل (( آدم موسى ))
    بكل ذرات أديم الأرض نحيك
    وبكل هالة الترحاب التي تلتقي بك قاصدين أحييك
    وبكل ما قدمته لي من عون أحييك
    وأدرك أنك دائما ماتكون في مكمن الجمال
    مرحبا بك في دوحتنا بالشعبية.

    -----------

    (( ياجماعة منير وين )) ؟؟

    نواضر الود


    ...
                   |Articles |News |مقالات |بيانات

13-08-2008, 04:07 AM

الشيخ سيد أحمد
<aالشيخ سيد أحمد
تاريخ التسجيل: 14-07-2008
مجموع المشاركات: 2619

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)

    الحلو مر "الآبري"

    مشروب سوداني خالص ..خليط من أشياء عديده ..تمر و"فتيريته" ومجموعة بهارات يتصدر قائمتها "الشمار" ..يعمل على زيادة "جينات" التحمل في نهار رمضان مقاومآ للظمأ..رغم ان اليقين في الصبر والجلد وإحتساب ساعات الصوم لوجه العلي القدير..ولكن جرت العاده ألا يخلو منه بيت في رمضان ..ومن إفتقد في مائدته "الحلو مر" ساعة الإفطار فقد إفتقد شيئآ عظيمآ.

    يبدأ النسوة في التحضير "للعواسه" هذا بعد ان يتفقوا على أن يكون التجمع في منزل إحداهن ..وغالبآ ما تبدأ طقوس "العواسه" بعد الإفطار..ويجب أن تكون المده التي تسبق رمضان كافيه.زحتى يتسنى لهم التحضير للأشياء الاخرى "تنشيف البصل" "دق الشرم...." .

    كان أغلب صبية الحي يحاولون أن يتجنبوا الظهور في تلك الفترة لأنها تمتاز بكثرة"المراسيل" ..فيكون التنبيه قبل وقت كافي
    يا ولد الشيخ
    آي يا أمي"متعها الله تعالى وأمهات المسلمين بالصحه والعافيه"
    بعد الفطور أمشي ودي لي الجردل والحله دي ناس "مسرة" (عليها وعلى موتى المسلمين نسأله الرحمه والمفغرة)
    يا أمي الحله دي كبيرة ما بقدر أشيلها براي
    يا ولد أسمع الكلام ده
    كويس يمه

    أولآ تحمل الجردل "جردل الطلس" مزخرف بهلال يتوسطه نجمه..ولا أدري حتى الآن كيف تم الجمع بين الهلال والنجمه"المريخ" في إناء واحد.؟.؟وهي دلاله على إمكانية التوافق والإتفاق في بعض الأحايين.. في طريقك نحو نقطة التجمع يلمحك بعض من الصبيه وأنت تحمل ذلك "الجردل"اللعين"
    شايل الجردل زي المرة كدة
    يازول أحسن ليك..أنا كان جيتك هناك بكسرك
    عند وصولي مدخل االمنزل الذي سيجتمع فيه مجلس"العواسه" ياتي إبن صاحب البيت"عبدو" خارجآ
    أهلآ يالشيخ لأدخل ياخي
    الخاله قاعده
    قاعده آآي
    "كو كو كو" طرق للباب
    إنت منو
    أنا الشيخ..أمي قالت لي أودي الجردل ده ليكم
    أدخل ياولدي
    دخول بخطى متثاقله
    اهلآ ياولدي امك قاعد تسوي في ملاح الغدا ولاشنو
    آآي
    أقعد أفطر معانا
    شكرآ ياخاله بس ماشي أجيب الحله
    ضحكه من "عبد الحي" إبنها
    بتضحك مالك
    ياخي إنت جايب ليك جردل وماشي تجيب "حله" إنت بتاع عده
    نظرت إليه نظرة مليئة بالغيظ وفضلت السكوت لوجود والدته
    طيب يا خاله انا ماشي وجاي تاني
    طيب ياولدي
    عند وصولي للبيت
    ياولد مالك
    يا أمي ياخي أنا براي شايل جردل زي بتاع الترمس..وهسه كمان دايرني أشيل لي "حله" ياخي انا مابشيل ولا بودي أي حاجه
    ياولد في شنو
    ياخي خليهم يجوا يعوسوا هنا ده
    نحن ماعاسوا عندنا رمضان الفات
    ياخي خليهم يجوا تاني
    قوم ياولدي أمشي بس ودي ال"حله " دي وتعال
    أحمل للحله اللعينه..ماشي بخطى مسرعه
    هاك ياخاله
    شكرآ ياولدي
    إنتهت رحلة النقل والإنتقال للمعدات"العواسيه"
    جلوس على قارعة الطريق..وبعد برهة خروج أحده بواحد من أكبر "جرادل" بحري..المسكين يئن ويترنح من ثقل الحموله..الشئ الذي دفعني لضحك هيستيري
    مالك يازول
    مالي..ماهسه قاعد تقول لي زي النسوان شايل الجردل..إنت الشايلو ده مسدس
    يازول أحسن ليك
    ياخي أمشي ياخي..جردلكم الكبير الشين ده
    يطلع أخوه الكبير ..صمت من كلانا
    بدأ النسوة يتقاطرن نحو منزل "العواسه" ..وتجمع الصبيه في الخارج امام شجرة النيم الوريفه..وتردد لصدى ضحكات النساء من الداخل أجواء حميمه تؤكد على عمق الترابط الإجتماعي لأهل الشعبيه.
    ثم بعد قليل ياولاد تعالو "قرضو" كان دايرين,,دخول مجموعه مقدرة من الصبيه..وأصوات "الصواني" و"الجرادل" في عراك متواصل..ونحن في رحلة"القريض" اللذيذه مبحرين.
    بعد برهه..تنادي إحداهن:
    يا ولاد تعالوا بي هنا
    نمشي بخطى متثاقله
    كل واحد يشيل جردل امو ..يللا
    ثم حوار بين صاحب الجردل الكبير ووالدته
    يا أمي ياخي الجردل ده تقيل ياخي
    معليش ياولدي نحن بجونا ناس كتار عشان كده لازم "الآبري " يكون كتير
    يا أمي خلي واحد يشيل معاي
    أحدهم"يبرطم" إنت جايب ليك جردل قدر ده لي شنو
    يا ولد شيل وخلي الفصاحه دي
    يبدأ أخونا بحمل "الجردل..ومعه انين..وبعد جهد يستطيع السيطرة عليه
    أحدهم يعلق..إنت كان تقسمو
    إنت مالك ومالي
    ينتهي اليوم وتنتهي الطقوس ..وتنقضي الساعات..ولا ينقضي شهر التوبه ..اللهم بلغنا رمضان.
                   |Articles |News |مقالات |بيانات

13-08-2008, 06:38 AM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    سعيد اليوم بانضمام قلم أنيق لكتاب البوست و قد سأل عنه زملاء الدراسة لأنهم يعرفون قدرته على تطويع الحرف ، ينضم الينا اليوم الأخ العزيز الدكتور أمير عبد الله قناوي برسالة أرجو ان تكون مقدمة لغيرها:
    Quote: الأخوة الأفاضل أبناء الشعبية الغراء

    من عرفت منكم ومن لم أعرف

    لكم مني التحايا من على البعد. بعد أن دخلت بالصدفة لهذا الموقع قبل عدة أسابيع أصبحت كلما سمحت الظروف أستمتع بإسهاماتكم الرائعة والتي أعادت الذاكرة لأيام ماضت وأمسيت أذكر قول الشابي : كم من عهود عذبة في عدوة الوادي النضير فضية الأسحار مذهبة الأصائل والبكور .... وهذه الكلمات ترجمان لما يجيش في الصدر من حنين لأيام الصبا , أيام الحياة البسيطة , الخالية من هموم العيش , المليئة بالبراءة والنقاء.

    وكما قال الحاج إبن حمد (مؤسس علم الإجتماع بأهل الشعبية) في مقدمته فقد تميزت الشعبية بمزايا جمة , أميزها العلاقات الأسرية و التكافل الإجتماعي المنقطعي النظير , فكان الأب أبا للجميع وكانت الأم أما للجميع.

    أخوتي الأعزاء , أولاد الدفعة صلاح محمد صلاح , بدرالدين إسحاق وعزام حسن فرح لا تستطيع الكلمات أن تصف لكم سروري بلقائكم وإن كان ينقصه عناق الأخوة وتصافح الكفوف المفعمة بالأشواق. الأخ صلاح إلتقيته آخر مرة في عرس أخينا سيدأحمد صبير شقيق ود دفعتنا تاج السر محمد الحسن وهو أحد تاجي السر (+ تاج السر فضل) الذين جمعهما الإسم و الجوار والحب الأخوي الصادق. وكانت هذه المناسبة كما قلت آخر لقاء بصلاح فقد عدت لألمانيا بعد إنتهاء الإجازة. والأخ بدرالدين إسحاق قابلته في شمبات , أيضا" قبل مدة طويلة وأذكر أنه كان سايق موتر وبمناسبة الموتر أعجبتني جدا" القصة التي رواها أحد الأخوة في البوست عن جارهم الذي خرج غاضبا" بعد أن أيقظه صوت موتر جاره من نومة الظهرية وسأله ساخرا" : إنت عادمك ده ركبت ليهو مكبرات صوت ؟.

    أما أخونا عزام فأظن أن آخر عهدي به كان إمتحانات الشهادة الإبتدائية فقد مضت به الأيام إلى مدرسة السكة حديد مع أخوانا ناس حمود (محمد إبراهيم حامد) وآخرين ومضت بنا الدنيا إلى الأميرية 2. وما أعجب له أنو عزام طلع محسي ومتبحر في اللغة النوبية ( أو كما يحاول إيهامنا بذلك).

    وبمناسبة الأيام والقدر الذين يذهبان بالمرء حيث لايدري فأنا الآن في ألمانيا وقد تزوجت بعد الدراسة بألمانية (مسلمة والحمد لله) ورزقت بإبنين سامي وأحمد وأسكن وأعمل في مقاطعة بافاريا (الفيها بييرن ميونخ).

    قبل أن أنسى أود أن أشكر الأخوين منير عبدالرحيم وعادل عثمان لمسهاماتهم الرائعة في أسلوب قصصي تنساب معه الخواطر إلى زمن جميل قد ولى. أرجو منهما المواصلة. والتحية للأخ صلاح شكوكو صاحب القلم الرفيع.

    الأخوة الأحباب أحملكم سلامي لكل من إلتقيتم من أولاد الدفعة والمدرسين الأجلاء ولكل من زاملنا وجاورنا من أبناء وبنات الشعبية.

    والقائمة التالية بأسماء من تذكرتهم من أولاد دفعتنا في مدرسة الشعبية جنوب الإبتدائية ومن زاملونا فيها , أرجو إكمال من نسيت أسمائهم :

    أبوبكر حسن أحمد ــ أبوبكر خالد ــ أسامة أبودية ــ أسامة الغزالي ــ أسامة فؤاد ــ التاج مصطفى ــ التيجاني عبدالصادق ــ

    الفاتح إدريس (اللتش) ــ الفاتح صديق ــ الفاتح عبدالغني ــ المرضي أبنعوف ــ السموءل أحمد (إبن الناظر) ــ أنور (أخو أستاذ ضرار) ــ أيمن بله ــ أيمن حمزة ــ بدرالدين إسحاق ــ بدرالدين الأمين عبدالله ترير ــ بدرالدين عثمان مرغني (النقر) ــ بدرالدين عمر ــ بكري عباس ــ تاج السر فضل بشير ــ تاج السر محمد الحسن صبير ــ حاتم حسن العوض ــ حسن (سوسيوة) ــ حسن الطيب ــ حسن عطا المنان ــ حمدي عبدالغفار ــ حيدر عباس ــ خالد إبراهيم علي ــ خالد عبدالسلام ــ خالد عبدالله عثمان غبوش ــ خالد محمد نور ــ رشاد محمد عبدالفتاح (رحمه الله) ــ سامي مبارك ــ سيف الدين الشيخ ــ سيف اليزل ــ شاكر إسماعيل (رحمه الله) ــ شاكر سرور ــ شهاب مرسي ــ صبري إسماعيل ــ صديق الوسيله ــ صلاح الطيب حمدتو ــ صلاح حسين برسي ــ صلاح محمد الحسن ــ صلاح محمد صلاح ــ صهيب حسن يوسف ــ طارق الريح مناع ــ عادل السر ــ عادل النحاس ــ عادل بابكر عبدالرحمن ــ عادل حمد النيل ــ عادل عبدالكريم علي شرفي ــ عادل محمد عباس خطاب ــ عاطف السنهوري ــ عاطف عبدالرحيم ــ عاطف عبدالمجيد محمد قناوي (كوية) ــ عبدالعال علي حسن ــ عبدالعظيم عبدالحليم ــ عبدالقادر حسن خليفة ــ عبدالوهاب أحمد عبدالفادر (عبرة) ــ عثمان عبدالعظيم ــ عزام حسن فرح ــ عصام الدين الملك ــ عصام عبدالعزيز ــ عصمت إدريس ــ عماد أحمد علي (عبيديه) ــ عماد محمد عبدالدائم (شكوكو) ــ عوض الشيخ ــ عوض محمد سيد دياب ــ عوض محمد عبدالوهاب ــ فخرالدين عبدالجليل ــ كمال الدين الشيخ ــ كمال عبدالله برشام ــ لؤي شوقي ــ ماجد أبايزيد توفيق (كي) ــ متوكل أحمد علي ــ مجدي حسن العوض ــ مجدي عبدالله صالح ــ محمد إبراهيم حامد (حمود) ــ محمد إبراهيم حسن نمر ــ محمد إبراهيم حموري ــ محمد حسن كردفاني ــ محمد خالد ــ محمد سليمان صالح (حندوره) ــ محمد شبر ــ محمد طاهر ــ محمد عبدالرحمن علي ــ محمد عبدالرحيم (عري) ــ محمد علي (الحلفاية) ــ محمد حسن عبدالباقي (الحلفاية) ــ محمد مرسي ــ محمود حسن ــ محي الدين عبدالله دراج ــ مصدق ياسين ــ مصطفى سليمان ــ معاذ عبدالله ــ معاوية علي كزام ــ معتصم (عبيديه) ــ معتصم حماد ــ معتصم سليمان صالح ــ ممدوح نعيم ــ نائل حسن ــ ناجي نجيب درياس ــ نادر حمزة ــ نادر منصور ــ نجم الدين عبدالله ــ هاني .... (دهبه) ــ نزار (إبن عم السموءل) ــ ياسر حامد إلياس ــ ياسر محمد النضيف ــ يحي (الألفه في سنة أولى)



    أخوكم أمير عبدالله نصر قناوي 12ـ8ـ2008
                   |Articles |News |مقالات |بيانات

13-08-2008, 06:39 AM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    ...

    عبد الوهاب
    شمـس الدين

    كنيكـا جبنا
    إيقلا أوكفي


    ..
                   |Articles |News |مقالات |بيانات

13-08-2008, 06:52 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)

    Quote: نادية تمام بس ضيوف الحلقة لم يكونوا عند حسن ظنها..


    الاخ العزيز حاج حمد

    الشعبية ولادة والحمد لله

    هل عرفت الأستاذة نادية؟؟

    هي بنت العم عثمان مختار

    وهي من الأهل

    وشقيقة كل من الاخوان محمد وصلاح ويوسف

    ومن بنات الشعبية وعلي ما اعتقد انها سبق لها التداخل في بوست الشعبية

    ومنزلهم بالشارع خلف منزلنا
                   |Articles |News |مقالات |بيانات

13-08-2008, 04:45 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    سعادة المُستشار / حسن طه ...

    يِعميني أكان شُفت جِنس دردقتك دي ... كسِر يا خوي التلِج ما أصلو في النِهاية مويه


    ــــــ

    أمير قِناوي ...

    كان هو وعادِل بابِكر يتنافسان في < الأول > حاول سَيِد عبدالقادِر ولم يفلح في مُزاحمتِهِما
    مِن القلائِل الذين إتفق الأغيار علَيهِ ... أحبهُ الكُل ... أحببتهُ جِداً ... لم يعلِموننا أن
    نُعبِر عن هذا الإحساس حينذاك ... وحتى اليَوم ... لِذا أول درس لقنتهُ لأبنائي أن نقول
    لِمن نُحِن < إني أُحِبُك >

    أغلب دُفعتي تتفاجأ < بِمحسِيتي > ومرد ذلِك < فاطمة المصرِية >
    خالتي ، شقيقة والِدتي ، كانت مُعلِمة في < عشمانه > لم تستطيع أن تتحدث إلا بِاللهجة
    المِصرِية ، لم تُحاوِل خِلاف ذلِك ... وقِصة هذِهِ اللهجة المِصرِية ... كان جدي لأُمي يعمل في
    سِكة حديد عطبرة في عهد الملِك فاروق الذي كان حينُها ملِك مِصر والسودان ... نُقِل
    إلى مِصر ، نقل إداري ، أتم أمر النقل ، ثُم عاد لِمَوطِنِهِ < عبري > لِلزواج ، فعثر على
    جدتي في < صُلِب > ، تزَوجها وسافرا إلى مِصر التي أنجب فيها أُمهاتي (خالاتي) وأخوالي
    ودرسوا هُناك ، وبعد تخرُج والِدتي مِن كُلِية المُعلِمات ، أعادها جدي إلى < دلقو المحس >
    لِتدريس المرحلة الإبتِدائِية ، فتزَوجها والِدي ... هذا الشرح تأخر حوالي [35] سنة ...
    لا بأس ، فكُنت أدري أنني سأشرح ما غَمُض فيهِ لِمن إستعجب ذات يَوم ... وقد حان الوقت
    لأفعل ذلِك ... في عام 1989م أي بعد [25] سنة مِن مَولِدي ، قُمت بِشِراء المنزِل الذي نشأت
    فيهِ والِدتي بِمِصر (حُلوان) ... إدعيت تاريخِية المنزِل بِالنسبة للأُسرة وكُنت أُخفي النيه
    الإستِثمارِية فيهِ ... لا يزال يقبُع في آخر شارِع الحديقة اليابانِية ، ويُقابِل جامِعة حُلوان

    (عدل بواسطة عزام حسن فرح on 13-08-2008, 06:42 PM)

                   |Articles |News |مقالات |بيانات

13-08-2008, 06:15 PM

Munir
<aMunir
تاريخ التسجيل: 11-02-2002
مجموع المشاركات: 10094

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عزام حسن فرح)


    Quote: (( ياجماعة منير وين )) ؟؟

    الأخ العزيز صلاح شكوكو .. موجودين والله ـ بس الواحد يقول عندما يجي بي جاي يجيكم شايل الفرح والجية تكون بمزاج .. لكين المزاج يجي بوين مع امواج البورد المتلاطمة والخيل المجقلبة بي غادي ..

    وعلي العموم أود أن أعود ومرة أخري نتفاكر في ما يمكن تقديمه للشعبية كعمل ملموس يكون ضربة بداية لتضافر الجهود والسير بالعمل خطوة خطوة لرفعة الشعبية ..

    شكرآ لك علي سؤالك عن شخصيتي الضعيفة ..

                   |Articles |News |مقالات |بيانات

13-08-2008, 08:03 PM

عمر عثمان
<aعمر عثمان
تاريخ التسجيل: 04-08-2008
مجموع المشاركات: 1578

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: Munir)

    هل تتذكرون طعمية عم شريف
    غفير مدرسة الخشب
    الجو بارد شتاء
    والطعميه حاره ولذيذه
    والعيش توست طازج

    من اين هو عمك شريف
    هل من ديوم بحري

    ونوبته في ليالي رمضان
    والعيد
    الله يرحمو
                   |Articles |News |مقالات |بيانات

13-08-2008, 10:44 PM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عمر عثمان)

    المبدع عوض أحمودي من سكان الشعبية:
    لم اكن أعرف أن الفنان عوض أحمودي تزوج من الشعبية و سكن بها و علمت بذلك من الأخ عماد الدين عثمان الذي ذكر لي أن عوض أحمودي سكن الشعبية بعد زواجه منها و أقام علاقات و صداقات بها و أصبح من المشاركين في الاجتماعيات ، و كتب الصحفي الزبير سعيد عن عوض أحمودي:
    - عوض أحمودي من مواليد مدينة الهلالية و بدأ حياته الفنية مغنيا و أجيز صوته عام 1993م و يعتبر مرجعا في الغناء السودانيو هو صاحب رؤى نقدية نافذة جدا ، و لم يكن عازفا ماهرا على آلة العود بالصدفة ، كما لم يصبح ملحنا متميز الا لآنه يتمتع بموهبة عالية و احساس عميق و له مقدرة متفردة في التعامل مع النص الشعري فهما و تلحينا.، و أكبر دليل على تفرد تجربة عوض أحمودي مع التلحين أن الفنان الكبير أبو عركي البخيت قد بدأ جادا في التعامل معه كملحن و ذلك من خلال أغنية (مطر الغنا) للشاعر محمد آدم سلوم..



    الفنان عوض أحمودي



    الفنان عوض أحمودي و العازف الفنان محمدية

    شكرا للأخ عماد الدين عثمان أحمد - جدة على هذه المعلومات و المشاركة القيمة.
                   |Articles |News |مقالات |بيانات

14-08-2008, 06:30 AM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    Quote: والتحية للأخ صلاح شكوكو صاحب القلم الرفيع.

    رفع الله مقامك .. وجعلك من الموفقين ..
    تحياتي صادقة للوالده الكـــريمة
    ولكل الأهل كلما رفعت سماعة الهاتف
    لتجد قدرا من الحنان ..
    ولا تنس أن تبلغ أهل امتداد ناصر
    إمتداد ودنا لهم

    لك التحية وللنواضر الذين يتحلقون حولك



    ..
                   |Articles |News |مقالات |بيانات

14-08-2008, 11:30 AM

الفاضل يسن عثمان
<aالفاضل يسن عثمان
تاريخ التسجيل: 17-04-2008
مجموع المشاركات: 3278

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: صلاح شكوكو)



    كتب: عمر محمد عثمان

    Quote: هل تتذكرون طعمية عم شريف
    غفير مدرسة الخشب
    الجو بارد شتاء
    والطعميه حاره ولذيذه
    والعيش توست طازج


    تلك ايام الطفولة لا تنسي، اكراما للعم شريف، كنت قد كتبت عنه و ايامه الخوالي و الدف علي صدره الضخم في صباحات العيد و نحن اطفال نتجول معه في ترحاله بفرحه لا حدود لها، قد تنسينا حتي كيفية رجوعنا الي منازلنا .هناك غفير ايضا شهير بنفس المدرسه من اهالي حلفا ظني اسمه<احمد> و لديه صلات رائعه مع ساكنة الشعبيه.


    مودتي
                   |Articles |News |مقالات |بيانات

14-08-2008, 06:42 PM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الفاضل يسن عثمان)
                   |Articles |News |مقالات |بيانات

14-08-2008, 07:20 PM

عمر عثمان
<aعمر عثمان
تاريخ التسجيل: 04-08-2008
مجموع المشاركات: 1578

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الحاج حمد الحاج)

    ما بين بيت ناس عادل عوض
    وبيت ناس شرقاوي
    الهسع اشتراهو عوض عثمان مرسي
    سكن صحفي كبير له عمود يومي
    متخصص في الشؤون الدوليه

    الله يرحمو مات

    نسيت اسمو
                   |Articles |News |مقالات |بيانات

14-08-2008, 09:12 PM

عمر عثمان
<aعمر عثمان
تاريخ التسجيل: 04-08-2008
مجموع المشاركات: 1578

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: عمر عثمان)

    كتب طارق محمد سعيد وهو يحكي عن نسوان حلتنا وجمعيتهم
    وذكر حيث المناقد والحلل وسبحان الله مسكتا ورقه وقلم وكتبتا

    حيث المناقد والحلل
    وصحون كبار
    ساعة الناس يتلموا
    في ساعة فرح
    او ساعة حزن
    والفاطنات كتار
    بت المحس
    وبت بابكر
    يا سلام على امي بت الختر
    ويا سلام زينب الماهله
    الما بتعاتب في كتر
    وسيدة مرسي
    وبت امدرمان سعاد
    وامي الحرم
    طارق طريت ناسا حنان
    طريت حاجه امنه
    وكتين عصر
    تكنس
    تضاير
    في الحفر
                   |Articles |News |مقالات |بيانات

14-08-2008, 10:10 PM

الحاج حمد الحاج
<aالحاج حمد الحاج
تاريخ التسجيل: 29-03-2008
مجموع المشاركات: 4605

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الفاضل يسن عثمان)

    Quote: .هناك غفير ايضا شهير بنفس المدرسه من اهالي حلفا ظني اسمه<احمد> و لديه صلات رائعه مع ساكنة الشعبيه.

    العم أحمد هو غفير مدرسة البنات و عرف ب (أحمد توت) و ترجع التسمية لاهتمامه بمراهنات توتو كورة في ذلك الوقت و هو محسي توفى قبل فترة عليه الرحمة و قد أقام علاقات اجتماعية طيبة مع سكان الشعبية و كان معروف بتعليقاته الظريفة في سوق الشعبية و أثناء مباريات الرابطة.
                   |Articles |News |مقالات |بيانات

15-08-2008, 07:40 AM

بدر الدين اسحاق احمد
<aبدر الدين اسحاق احمد
تاريخ التسجيل: 29-03-2008
مجموع المشاركات: 17114

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: الحاج حمد الحاج)


    - - -

    الحقونا يا ناس الشعبية ...
    الحاج حمد
    عزام
    شكوكو
    يارب وهـــــبه بفكر فى شنو ...

    حليل وهبه الجوه القليب متحكر وسنأن يراعو فى البوست متكسر

    ترمــــــــــه :
    اقدل يا ورل
                   |Articles |News |مقالات |بيانات

15-08-2008, 08:14 AM

بدر الدين اسحاق احمد
<aبدر الدين اسحاق احمد
تاريخ التسجيل: 29-03-2008
مجموع المشاركات: 17114

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    Quote: : الأخوة الأفاضل أبناء الشعبية الغراء

    من عرفت منكم ومن لم أعرف

    لكم مني التحايا من على البعد. بعد أن دخلت بالصدفة لهذا الموقع قبل عدة أسابيع أصبحت كلما سمحت الظروف أستمتع بإسهاماتكم الرائعة والتي أعادت الذاكرة لأيام ماضت وأمسيت أذكر قول الشابي : كم من عهود عذبة في عدوة الوادي النضير فضية الأسحار مذهبة الأصائل والبكور .... وهذه الكلمات ترجمان لما يجيش في الصدر من حنين لأيام الصبا , أيام الحياة البسيطة , الخالية من هموم العيش , المليئة بالبراءة والنقاء.

    وكما قال الحاج إبن حمد (مؤسس علم الإجتماع بأهل الشعبية) في مقدمته فقد تميزت الشعبية بمزايا جمة , أميزها العلاقات الأسرية و التكافل الإجتماعي المنقطعي النظير , فكان الأب أبا للجميع وكانت الأم أما للجميع.

    أخوتي الأعزاء , أولاد الدفعة صلاح محمد صلاح , بدرالدين إسحاق وعزام حسن فرح لا تستطيع الكلمات أن تصف لكم سروري بلقائكم وإن كان ينقصه عناق الأخوة وتصافح الكفوف المفعمة بالأشواق. الأخ صلاح إلتقيته آخر مرة في عرس أخينا سيدأحمد صبير شقيق ود دفعتنا تاج السر محمد الحسن وهو أحد تاجي السر (+ تاج السر فضل) الذين جمعهما الإسم و الجوار والحب الأخوي الصادق. وكانت هذه المناسبة كما قلت آخر لقاء بصلاح فقد عدت لألمانيا بعد إنتهاء الإجازة. والأخ بدرالدين إسحاق قابلته في شمبات , أيضا" قبل مدة طويلة وأذكر أنه كان سايق موتر وبمناسبة الموتر أعجبتني جدا" القصة التي رواها أحد الأخوة في البوست عن جارهم الذي خرج غاضبا" بعد أن أيقظه صوت موتر جاره من نومة الظهرية وسأله ساخرا" : إنت عادمك ده ركبت ليهو مكبرات صوت ؟.

    أما أخونا عزام فأظن أن آخر عهدي به كان إمتحانات الشهادة الإبتدائية فقد مضت به الأيام إلى مدرسة السكة حديد مع أخوانا ناس حمود (محمد إبراهيم حامد) وآخرين ومضت بنا الدنيا إلى الأميرية 2. وما أعجب له أنو عزام طلع محسي ومتبحر في اللغة النوبية ( أو كما يحاول إيهامنا بذلك).

    وبمناسبة الأيام والقدر الذين يذهبان بالمرء حيث لايدري فأنا الآن في ألمانيا وقد تزوجت بعد الدراسة بألمانية (مسلمة والحمد لله) ورزقت بإبنين سامي وأحمد وأسكن وأعمل في مقاطعة بافاريا (الفيها بييرن ميونخ).

    قبل أن أنسى أود أن أشكر الأخوين منير عبدالرحيم وعادل عثمان لمسهاماتهم الرائعة في أسلوب قصصي تنساب معه الخواطر إلى زمن جميل قد ولى. أرجو منهما المواصلة. والتحية للأخ صلاح شكوكو صاحب القلم الرفيع.

    الأخوة الأحباب أحملكم سلامي لكل من إلتقيتم من أولاد الدفعة والمدرسين الأجلاء ولكل من زاملنا وجاورنا من أبناء وبنات الشعبية.

    والقائمة التالية بأسماء من تذكرتهم من أولاد دفعتنا في مدرسة الشعبية جنوب الإبتدائية ومن زاملونا فيها , أرجو إكمال من نسيت أسمائهم :

    أبوبكر حسن أحمد ــ أبوبكر خالد ــ أسامة أبودية ــ أسامة الغزالي ــ أسامة فؤاد ــ التاج مصطفى ــ التيجاني عبدالصادق ــ

    الفاتح إدريس (اللتش) ــ الفاتح صديق ــ الفاتح عبدالغني ــ المرضي أبنعوف ــ السموءل أحمد (إبن الناظر) ــ أنور (أخو أستاذ ضرار) ــ أيمن بله ــ أيمن حمزة ــ بدرالدين إسحاق ــ بدرالدين الأمين عبدالله ترير ــ بدرالدين عثمان مرغني (النقر) ــ بدرالدين عمر ــ بكري عباس ــ تاج السر فضل بشير ــ تاج السر محمد الحسن صبير ــ حاتم حسن العوض ــ حسن (سوسيوة) ــ حسن الطيب ــ حسن عطا المنان ــ حمدي عبدالغفار ــ حيدر عباس ــ خالد إبراهيم علي ــ خالد عبدالسلام ــ خالد عبدالله عثمان غبوش ــ خالد محمد نور ــ رشاد محمد عبدالفتاح (رحمه الله) ــ سامي مبارك ــ سيف الدين الشيخ ــ سيف اليزل ــ شاكر إسماعيل (رحمه الله) ــ شاكر سرور ــ شهاب مرسي ــ صبري إسماعيل ــ صديق الوسيله ــ صلاح الطيب حمدتو ــ صلاح حسين برسي ــ صلاح محمد الحسن ــ صلاح محمد صلاح ــ صهيب حسن يوسف ــ طارق الريح مناع ــ عادل السر ــ عادل النحاس ــ عادل بابكر عبدالرحمن ــ عادل حمد النيل ــ عادل عبدالكريم علي شرفي ــ عادل محمد عباس خطاب ــ عاطف السنهوري ــ عاطف عبدالرحيم ــ عاطف عبدالمجيد محمد قناوي (كوية) ــ عبدالعال علي حسن ــ عبدالعظيم عبدالحليم ــ عبدالقادر حسن خليفة ــ عبدالوهاب أحمد عبدالفادر (عبرة) ــ عثمان عبدالعظيم ــ عزام حسن فرح ــ عصام الدين الملك ــ عصام عبدالعزيز ــ عصمت إدريس ــ عماد أحمد علي (عبيديه) ــ عماد محمد عبدالدائم (شكوكو) ــ عوض الشيخ ــ عوض محمد سيد دياب ــ عوض محمد عبدالوهاب ــ فخرالدين عبدالجليل ــ كمال الدين الشيخ ــ كمال عبدالله برشام ــ لؤي شوقي ــ ماجد أبايزيد توفيق (كي) ــ متوكل أحمد علي ــ مجدي حسن العوض ــ مجدي عبدالله صالح ــ محمد إبراهيم حامد (حمود) ــ محمد إبراهيم حسن نمر ــ محمد إبراهيم حموري ــ محمد حسن كردفاني ــ محمد خالد ــ محمد سليمان صالح (حندوره) ــ محمد شبر ــ محمد طاهر ــ محمد عبدالرحمن علي ــ محمد عبدالرحيم (عري) ــ محمد علي (الحلفاية) ــ محمد حسن عبدالباقي (الحلفاية) ــ محمد مرسي ــ محمود حسن ــ محي الدين عبدالله دراج ــ مصدق ياسين ــ مصطفى سليمان ــ معاذ عبدالله ــ معاوية علي كزام ــ معتصم (عبيديه) ــ معتصم حماد ــ معتصم سليمان صالح ــ ممدوح نعيم ــ نائل حسن ــ ناجي نجيب درياس ــ نادر حمزة ــ نادر منصور ــ نجم الدين عبدالله ــ هاني .... (دهبه) ــ نزار (إبن عم السموءل) ــ ياسر حامد إلياس ــ ياسر محمد النضيف ــ يحي (الألفه في سنة أولى)

    أخوكم أمير عبدالله نصر قناوي 12ـ8ـ2008



    والله روعـة يا امير
    ان تكون بخير ...
    مكتمل الاسرة...
    تنعم بنعمة الولد ...
    متفوق فى حياتك المهنية ...

    قطعا تظل المساحات مشغولة فى الذاكرة بفترة الطفولة والشعبية جنوب وشارعكم ...
    ماشاء الله رصيت الفصل كما هو وفقا لترتيب الجلوس لو من الذاكرة نقول ما ياك التانى حقنا ولو من صورة تستدعى بها الذاكرة برضو نقول ماشاء الله الذاكرة حديدية ...

    اسماء من ذاكرة امير ...

    صهيب حسن يوسف ... اسامة غزالى ...

    يحي الالفه ... ساكن خلف ناس مجدى كنه فى مربع 4/5

    والله زمان يا امير ...

    سعيدين بيه طلتك البهيه ...

    تشكر يا الحاج حمد لميت اولاد الشعبية
                   |Articles |News |مقالات |بيانات

15-08-2008, 08:20 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    بدرالدُنيا ...

    بقدِل ورل ورل ...
    لا القدله عيب ولا الورل بِتشنف ...

    وهبه بِفكِر = مُصيبة جاياناأو دايِر يتصلت على مِسيكين ويعمِلو < دِراسة حالة >

    (عدل بواسطة عزام حسن فرح on 15-08-2008, 08:24 AM)

                   |Articles |News |مقالات |بيانات

15-08-2008, 09:33 AM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: الشعبية نجمة تزين سماء مدينة الخرطوم بحري (Re: hajhamad)

    Quote: الحقونا يا ناس الشعبية ...
    الحاج حمد
    عزام
    شكوكو
    يارب وهـــــبه بفكر فى شنو ...
    حليل وهبه الجوه القليب متحكر وسنأن يراعو فى البوست متكسر


    الأخ العزيز (( اللذيذ )) بدر الدين
    يكفي أنك بدر

    الزول دا أكييييد عايز يدخل (( أوكامبو ))
    في موضوعه الذي بلغنا به حتى مجلس الأمن
    والدول الصديقة .. دائمة العضوية والموقوته منها ..
    وقيل لنا (( كنيكا جبنا )).

    وياليت الأخ وهبة يجمع لنا في هذه السعة كما من المفاجآت
    الجميلة التي سيطربنا ويمتعنا بها .. فمن كان في الأصل ليس
    عضوا يدندن بالأمل الطروب فما بالنا بمن هو عضو موقوف
    عن الحروف ..
    ألصبر يعقبه الحصاد

    ----------------
    وين الحلوين ؟؟؟

    أسـامه سعد النور
    عـادل على صــالح

    ولهم نقول روحوا هن أنفسكم ساعة من خلال الإطلاله علينا
    وندرك حجم إنشغالكم ولكن .. إختلسوا لنا بعضا من اللويحظات
    القليلة لنسمع نبض (( خط 100 غرب )) ونعرف أخبار الإنديز
    والمسيسبي .. وحالكم هناك ..

    نواضر الود


    ...
                   |Articles |News |مقالات |بيانات

1 صفحة 28 „‰ 110:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de