الشعبية نجمة تزين سماء مدينة الخرطوم بحري

مرحبا Guest
اخر زيارك لك: 03-19-2024, 05:44 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
منبر الشعبية
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-31-2008, 10:41 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Amgad Karrar)

    ضرب جرس الجوال و الاسم الظاهر أمجد عبدون ، و كان الحوار التالي:

    الحاج: عليكم السلام وينك يا باشمهندس
    أمجد : و الله الواحد الظاهر لما يدوهو الباسوورد بختفي هههههههه.
    الحاج: الظاهر كده انت و الشيخ سيد أحمد مما أخدتو الباسوورد تاني ما شوفناكم و خاصة صاحبك الشيخ قبل الباسوورد كان يوميا يشارك عن طريق الايميل بتاع.
    أمجد : و الله مشغوليات كتيرة جدا.
    الحاج: انت الظاهر سفرك قرب.
    أمجد : ايوه مسافر يوم السبت.
    الحاج: عشان كده المشغوليات.
    أمجد: أنا ضارب ليك قلت يمكن عندك وصية للسودان.
    الحاج: و الله ما في حاجة غير السلام و تسجل لينا انطباعاتك عن الشعبية و تدعمها بالصور اذا ممكن.
    أمجد: ان شاء الله خاصة ح اكون اغلب الوقت في الشعبية عشان اتابع موضوع البناء ، و ح اديكم الأخبار أول بأول.
    الحاج: ربنا يكتب السلامة و اجازة سعيدة و سلم على كل الناس في الشعبية..
    أمجد: مع السلامة..
    تمنباتي للأخ أمجد عبدون بأن يقضي اجازة سعيدة و ممتعة ، لكن ما دام فيها بناء الله يعينك..
                  

07-31-2008, 11:35 PM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Amgad Karrar)

    فريق الشعبيه:

    تسال العديديين عن فرقة الشعبيه هنا في البوست، وذلكم موضوع قديم جديد ، قديم لانه بداء مع بدايات البوست في ظني ، و جديد لانه هناك عمل بداء ينتظم و يعطي ثماره، ايضا في ظني.
    حضرت عدة تدريبات للفريق و الذي يقوده الان عاطف منصور بمساعدة معاز خليفه، و مجموعة الاعبيين جزء بسيط من الشعبيه، مثالا، المغداد نجل الاستاذ< محمد حسن صالح> جار ناس اسامه سليمان.
    ادارة الفريق برئاسة، ابراهيم مختار وهو ضليع في العمل الاداري، شفتو فرقة الفلاح الحاقريين بيها دي، عندها ثلاث اداريين ينتظمون في مجلس الفريق، الاخريين هما مجدي سعد و اسامه كنه يسكن المنزل المجاور لناس حبيب من جهة الغرب، بالاضافة للنشط دوما عباس ضرار شقيق يسن ضرار حلة الهدف.و كذلك سيف الفحل اللاعب السابق و الاداري الحالي.
    ترتيب الفريق في روليت المنافسه < الدرجه الثالثه> الثلاث الاوائل و بينهما يكون سنترليق الصعود للدرجه الثانيه.
    عملا بمقولة الهزيمة يتيمه الاب وللنجاح مليون اب، هناك التفاف حول الفريق للصعود، نتمني ان يستمر حتي في حالات الهزيمه.
    تناقشت معهم حول السبل الانجع لدعم الفريق دون الحاح بجلب علم و زي وماشابه،لديهم تركيز الان للصعود نثريات ترحيل و حوافز للاعبيين و المدرب، المتابعة جيده في مثل ذالك امور.
    تبقي مسالة تباعد اعضاء البوست في المنافي المختلفة معضلة في ذالك،



    نواصل.


    قوس:

    اتمني اقامة طيبه لامجد عبدون في اجازته بالسودان.
                  

08-01-2008, 03:27 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الفاضل يسن عثمان)

    الجزء الثالث من مشاركة الأخ عماد الدين عثمان أحمد - جدة:

    Quote: أسرة السربندي الكروية
    كما ذكرت في الجزء الأول فان من أشهر الأسر الكروية في حي الشعبية أسرة السربندي ، و قد قدمت للكرة السودانية ثلاثة أشقاء امتازوا بالموهبة و النبوغ الكروي العالي مما مكنهم من الوصول الى فرق القمة و من ثم الى المنتخبات الوطنية ، و تحدثنا عن عاطف منصور و نادر منصور نواصل الحديث و هذه المرة عن اللاعب عمار منصور:
    2/ عمار منصور:

    بدأ برابطة الدناقلة بفريق الزهرة و انتقل بعدها لفريق أشبال المريخ و تم تصعيده للفريق الأول بناء على طلب الخبير الألماني (هورست)..أدى مع المريخ موسم ممتاز و استطاع الدخول بسرعة لقلوب جماهير المريخ و التي تنبأت له بمستقبل باهر ، بل رشحه الكثيرون لخلافة دكتور الكرة السودانية كمال عبد الوهاب..لم يستمر كثيرا مع المريخ بالرغم من امتلاكه لمهارات عالية و متعددة و ربما يرجع ذلك لطيبته و مثاليته الزائدة..

    التحية لأبناء منصور السربندي الذين عطروا ملاعبنا الكروية بالفن الكروي الأصيل..


    الشكر للأخ عمادالدين عثمان و هناك مشاركات أخرى للأخ عمادالدين
                  

08-01-2008, 08:55 PM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    بقالة سوركتي:

    البقالة تقع علي شارع الشعبيه بالنص بمنزل ناس جمال و معتصم و معاوية و بكري موسي، يديرها شقيقهم الاصغر ابراهيم موسي.
    ملتقي لابناء الشعبيه فيها يتواعدون و منها ينطلقون و لابد من المرور عليها عند الرجوع.
    كرام هم ال موسي سوركتي،سباقون لفعل الخير دون احراج لصحبه، بشوشون عندما يسمعون بان احدهم عاد من الغربة يهرولون اليه مرحبيين به.والدهم امد الله في ايامه مازال ببشاشته متابطاء راديوه و علي اذاعة لندن.كل المناسبات تقام في المسجد الذي خلفهم< الرحمه> تجد ابناء ذاك المربع بهمه و نشاط يخدمون الضيوف كانهم هم اصحابها، ففي هذا المربع شي من حته،حته الزمن الجميل عندما كان ينهرك ابن الجيران في وضعك او تصرفك الخاطي،فهو مثل اخيك الاكبر و ليس عليك الا الاحترام.
    او ذاك المختار عبد الصمد< يسكنون في الركن الشرقي لبيوت ناس عادل محمد عثمان> يصبر هذا و حامل اوراق ذاك للتوسط في توظيفه، قد جبل علي فعل الخير منذ كنا صغار كان يعيش معنا بجسده و عقله هناك لا يعرفه احد سواه. رغم تقادم السنون مازال هذا المربع كما تركناه في طيبوبة و حميمة اهله و ساكنيه.
                  

08-02-2008, 06:33 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الفاضل يسن عثمان)

    الأخ قرجه

    "تشطب كلوة الفريق"

    أكيد كان المقصود اللاعب الخلوق "هشام" ود الهجره ,,,كثيرون كانوا يشبهونه بأبوورقه...وبالرغم من انه لعب حتى وصل إلى الأملاك أيام مجدها لكنه لم يستمر كثيرآ بعد ذلك نسبه لضعف نظره.
                  

08-02-2008, 06:44 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    عم "خير الله"

    نسأل الله العلي القدير أن يتغمده وأموات المسلمين بالرحمه والمغفره

    مهندس في سمكرة وبوهية السيارات..أبرول "كحلي" وسيجاره على اليد اليسرى وإبريق الشاي على مقربه
    منه ...قليل الكلام ..قدرة هائله على تعديل هياكل السيارات بدون أدوات هندسيه..والأغرب هو مزج الألوان بدون إدخال أي من أدوات التكنلوجيا الحديثه.
    اللهم أغفر له وأرحمه وأسكنه مسكن الصديقين والشهداء.
                  

08-02-2008, 06:55 AM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    بس

    يا الشيخ

    فعلا اسمو هشام

    تذكرته امس فقط

    Quote: ,,,كثيرون كانوا يشبهونه بأبوورقه...وبالرغم من انه لعب حتى وصل إلى الأملاك أيام مجدها


    يعني اشهاري لتوقيعي ووضعي لاختام الجهاد اطلقت اللاعب في سماء الاحتراف



    صدقني عندما شطبته كنت متاكد من ان الجهاد لن يستفيد منه

    رغم ان حسن كان يظن ان شراء كدارة اديداس قد تغير راي هشام


    تحياتي اخي الشيخ
                  

08-02-2008, 06:48 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الفاضل يسن عثمان)

    سبق و أن أشرت للاتصال الهاتفي مع الأخ خضر عثمان و خضر أفادني بأنه استغرب لاتصالات هاتفية مع عدد من أولاد الشعبية لم يلتقيهم منذ سنوات طويلة مثل (كضلو) و حسين عبد الحليم بالاضافة الى آخرين من أوروبا و قال : لم أعرف السبب الا بعد ان علمت من الأخ حسين عبد الحليم بموضوع البوست و هو لم يطالعه حتى الآن و لكن وعد بذلك و بأن يشارك بالكتابة خاصة أن الأخ خضر عثمان صاحب قلم رائع و أنا قلت ليهو خلال المحادثة : غايتو يا خضر أنا قلت للناس خضر دا كان من أحسن الناس البكتبوا أيام المدرسة لكن هسع ما عارف نساها و الله لسع بيكتب كويس ،عشان كده لازم تجي و تكتب عشان نتأكد..
                  

08-02-2008, 07:31 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    قعدت ياعزام مبارى كلامك دا لما ودانى الخور ... يازول انت كفاية عبد الوهاب خليتو فى الاحتياطى بعد ماكان لاعب اساسى ...
    طيب خلينى اشرب لى كباية شاى وارجع لى كلامك دا تانى
    الاحباب شكوكو وحسن وبدر الدين والفاضل برجع ليكم بس خلونى اخلص من عزام دا ... اصلو مريخابى وماحيطول معاى كتير هسة بديهو القاضية الفنية وارجع ليكم
                  

08-02-2008, 01:19 PM

Ashraf Abdel-Muty
<aAshraf Abdel-Muty
تاريخ التسجيل: 06-06-2008
مجموع المشاركات: 178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عابدون محمد عابدون)

    Quote: ترحيبي الشديد بالاخ طارق محمد سعيد،لانو ماشاءالله، طارق بيجضم اي حاجات تكون في مجال اهتمامه
    لعب مدافعا للمارد كان لا يشق له غبار، دخل الجيش حتي حسبنا بان الانقلاب القادم مدبره طارق بلاشك،و نجح كذلك في ادراة الاعمال فطبقت شهرته الجزيره و اريافها، عيني بارد عليك اخي طارق


    الاخ الفاضل بالجد كلامك فى محله

    Quote: عيني بارده عليك اخي طارق


    بس فى دى اختلفنا خليها سخنه شويه عشان نلقى معاه طريقه


    لك كل الود

    سلامى للحاج حمد الغالى
                  

08-02-2008, 01:52 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Ashraf Abdel-Muty)




    Quote: سلامى للحاج حمد الغالى

    و تحياتي لك أخي أشرف عبد المعطي
                  

08-03-2008, 12:33 PM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    تدحرج:

    تدحرج البوست بعيدا قلنا نمد اليد و نرجعوا مكانه الطبيعي. منتظريين الخواطر تهب.
    لان الشعبيه هواها همريييييييييب






    مودتي
                  

08-03-2008, 02:58 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    كتب أبوقرجه :
    Quote: الله يبارك فيك يا استاذنا
    فعلا ابوعرام ...ومدّلع علينا دلع شديد الامر الذي يثير حفيظة وعداء شقيقته الكبرى
    اسال الله العلي القدير ان نلتقي قريبا يا صلاح


    الأخ العاطر (( أحمد أبوقرجه ))
    لك كل الود .. نقيا صفيا ..
    تحية كاملة الدسم .. وخالية من الكولسترول

    وينك وين أيامك ياجميل ؟؟
    نهفو لخواطر في الركن القصي من أدراج الذاكرة .. نناديها من خلال التداعي لعلنا نرحل بها ومعها أخي الى مراتع بعيدة تقرب إلينا أياما مترعات بالمودة وحسن الصلات ..
    وكم يكون رائعا مجرد أن تذكر الشخوص مجردة من كل زيف .. (( عبدين محمد الحسن )) فمن أجل هذا الرجل أحببنا كل سكك حديد السودان ... أما الأستاذ (( محمد خيري فضل خيري )) فمن أجله أحببنا اليمن وصعده وأب وماجورهما .. أما (( حسن مظلات )) فقد أحببنا من أجله سنجة ولذا ورناها في أوان زواجه وإقترانه .. أما (( محمد مرحوم )) فقد حبب إلينا العيلفون وأهلها بل جعلنا نتشيع للتحكيم الذي إمتهنه هاويا ... أما (( هاشم الجولط وعصام شرقاوي وهشام شرفي وموني وعوض مريه والفقيد ( عاطف ) والمرحوم (( سيف النصر )) فإشراقات متناثرة في دفتر ذكرياتنا .. أما (( عزالدين الصبابي )) فهو قلادة ود تزين صدورنا ..

    أسماء كثيرة تتداعى لنا في اللحظة لكن دعني أترك لك ما تبقى منها مستنفرا فيك ذاكرتك العطرة لإستدعاءها الى سطح اللحظة .. علنا نجول بها في خواطرنا سياحة وسباحة نبيلى الى شاطيء الوجدان ,,

    أما أنت ففي دائرة الإصطفاء والصفاء عندنا .. ففي سجاياك أخي ما يجعلنا فخورين بأن نقاسمك ذكرياتنا التي نتوق إليها من خلال شخوصها .. فمع أمثالك نعرف قيم الأشياء ونعرف كيف كان الصغار أنذاك كبارا بفكرهم الجميل وكيف أن مراقي التقعل فيهم كان أكبر من سنين أيامهم الغضة ..
    دعواتي للجميع بكمالات الصحة والعافية
    ودعوات لك ولآفراد أسرتك بالسعادة والهناء
    وجعل الله مواسم الفرح متمددة بينكم ..
    وسلم على (( أبوعرام )) أخو البنات
    وسلامي لكل الذين حولك
    وسلام للأخ مصطفى
    عاطر مودتي لك يا أيها الرجل النبيل



    ..
                  

08-03-2008, 04:38 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)

    عاطف عبد الله بين (تيتو):
    عاطف بين هو أخ يوسف (المفك) و يأتي في الترتيب بعد يوسف و منعم و كمال ، و عاطف لاعب كرة فنان و عرفته ملاعب الشعبية و بحري مهاجم من طراز خاص يلعب الكرة بفن و كان يعيبه فقط ضعف بنيته مما كان يعرضه لضرب المدافعين و كان يجيد اللعب في الهجوم و لكن في نفس الوقت فهو لاعب جوكر ، فعند الحوجة يمكن أن يلعب حارس مرمى أو مدافع أو لاعب وسط و رغم أن (تيتو) لاعب موهبة الا أنه لم يلعب في الفرق الكبرى و ذلك لأنه كان يلعب الكرة كهواية خالصة و بمتعة شديدة و لم يكن يهتم لأن يمارسها من أجل النجومية..بالاضافة الى كرة القدم أحب عاطف الصيد سواء كان صيد الطيور أيام (النبلة) و كان يرافق دائما اسماعيل أبونامة في رحلات الصيد و بالاضافة الى ذلك أحب صيد السمك و كان يقضي كثيرا من وقته و هو يمارس هذه الهواية و كانت السنارة لا تفارق يده.. التحية للأخ عاطف (تيتو)..



    صورة حديثة للأخ عاطف بين (تيتو) و يجلس على يساره الطفل حسين ابن صلاح أحمد صباح الخير
                  

08-03-2008, 07:55 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    عزام حسن فرح قام بتجديد صورة البروفايل بصورة حديثة و وجيهة


    (عدل بواسطة الحاج حمد الحاج on 08-03-2008, 10:24 PM)

                  

08-03-2008, 07:57 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    Quote: أمانةً عليك هسِع بدرالدين إسحاق بِقدر على جِنِس ده ... شوقو ...


    يا خال ...
    ياخوى انا والله موضوع تقنيات الكىبورد ده بديها ليه زهرة بنت اختك بتطقطقها فى دقائق ..

    يا دفعة عليك الله حســـى المريخابى فى بوست الشعبية ده غيرى انا منو ..كلهم داسنا تقول عضوية الروتارى والليونز ...

    بعدين المعايير المزدوجة ده شنو الزول ده ماأعلن ولاء سياسى عديل كده وقال انو هلالابــى ليه ما شالو عدة الشغل حقتو ..غايتو امريكا ده الله يجازيها ..

    وصحبك طوالى قام كاتب لينا بالحبر الســرى عامل فها ( إرسين لوبين )) مــش اسمو كده يا عزام...


    حليل وهبة الجوه القليب متحكر وسنأن قلمو فوق البوست متكسر
                  

08-03-2008, 08:09 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    Quote: عاطف بين (تيتو)



    الشاب الخلوق عاطف

    قبل ايام التقينا بمعية اخ كريم ...

    بدأ فى الاطراء على عاطف بصورة اسعدتنى ان يكون من ابناء حينا من يتصف بهذه الخصال الحميدة ..

    يتمتع بهدوء غريب يجذبك الى ان تستمع اليه ...

    كيف لا وهو ابن شعبية الخير .

    التحية والتجلة لكل اهل بيتهم
                  

08-03-2008, 10:41 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    من رجالات الشعبية
    المرحوم العم حمدون خليل أبو زيد:
    المرحوم حمدون خليل أبو زيد و الد الأخوان خليل و خالد و حمدي و مجدي و ثلاث بنات ، كان العم حمدون عليه الرحمة كبير مع الكبار و شاب مع الشباب و صغير مع الصغار ، الابتسامة و الضحكة لا تفارق وجهه ، كان من أوائل الذين عملوا بوزارة الحكومات المحلية ، و كان نشيطا في العمل العام و خدمة الجيران في مناسباتهم و في كل المناسبات تجده يعمل بهمة لخدمة الضيوف و التأكد من الاستعداد الكامل للمناسبة ، الابن الأكبر خليل يعمل حاليا بالسعودية و مجدي مقيم بألمانيا و هو من الذين يجرهم الحنين للسودان كثيرا ، أما خالد و حمدي بالسودان و هما يسيران في درب الوالد في خدمة الحي في كل المناسبات ، اللهم أرحم العم حمدون و أجعل البركة في أبنائه..
                  

08-04-2008, 04:38 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    بالله يابدر الدين انت المريخابى الوحيد هنا والله مسكين ... طيب لما عارفين نفسكم اقلية الجابركم شنو ياجماعة ماتضم نفسك لمجموعة التنوير بدل البتسووا فيهو دا وطبعا حيكون الفاتك كتير لكن مامشكلة ممكن نلحقك لركب الحضارة برضو.... أها كدة كيف هسة مع الحبر دا
                  

08-04-2008, 04:44 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    بدرالدين إسحاق ...

    عشان تآمِن إنو جيناتنا النوبِية تحمِل صِفات نادِرة بِقُدرات ذِهنِية عالِية
    [ زهرة ] بِت أُختي مِثال حي بِطرفِكُم ، على ما أوردتهُ ... لا والله الحِكاية
    ما تعالي مِن فراغ ... فما ذُكِر المحس إلا ذُكِرت التقَوى والصلاح وشاهِدي ضرائِح
    بحري و< طبقات > ود ضيف الله ... شوف ... عِرق عجمي تَولى أمر نشر دين الله
    بَين أصحاب أهل لُغة القُرآن الكريم ، الذي جاء بِلِسان عربي مُبين ... طبعاً
    < مُبين > بِالنسبة لِلأعراب السود(انِيين) ... وإذا أرِدت أن تُحافِظ على نقاء
    هذا الجين المحسي لِتنتقِل بِهِ الكنداكة [ زهرة ] فألحِقُها بِفصل تعليم اللُغة
    النوبِية بِالنادي النوبي بِالخُرطوم ... فلا يكفي دُعاءِك لها بِصلاح أمرِها ، فقد
    فعل ذلِك سيِدُنا نوح علَيهِ السلام لأجل إبنِهِ يافِث ولم يفلح الأمر معهُ فغرِق مع
    الغارِقين ... لِذا دُعاء + تعليم نوبي = جين عجيب ... خُصوصاً إذا علِمنا أن
    مآل السودان سيعود لأهلِهِ الأصلِيين ... إلى الرطانة ... في الشرق والغرب
    والجنوب والشِمال ... المسألة مسألة وقت فقط .. . السؤال هُنا هل أهل مكة
    سيرضََون بِالآيِبين الذين إمتزجوا بِالعِرق النوبي والنوباوي والبِجاوي والغرباوي
    وقبائِل أهل الجنوب ... والله ذكاءُك ظهر في إستِشرافُك لِلمُستقبل ، فزواجُك مِن
    أُختي وإنجابُك مِنها الكنداكة [ زهرة ] ضَمِن لك الإستِمرار والسِيادة على المدى
    الطويل ...

    ـــــــــــــ
    الله يِحِلنا مِن ألوان عابِدون ... الشئ أعمى مسكو عُكاز ... الألوان عِرفتا فِجتا
    يا عابِدون ... لكِن إختِيار اللَون زاتو ما شغلة طويلة ... هسِع في ذِمتك ده لون
    تكتِب بيهو ... لونك ضرص لي عيوني وزغلل أضاني ...

    (عدل بواسطة عزام حسن فرح on 08-04-2008, 04:57 AM)

                  

08-04-2008, 08:48 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عزام حسن فرح)

    الله يِحِلنا مِن ألوان عابِدون ... الشئ أعمى مسكو عُكاز ... الألوان عِرفتا فِجتا
    يا عابِدون ... لكِن إختِيار اللَون زاتو ما شغلة طويلة ... هسِع في ذِمتك ده لون
    تكتِب بيهو ... لونك ضرص لي عيوني وزغلل أضاني ...
    ----------------------------------------------------------------
    العكاز دا مسكتنى فيه انت ... اها لو ماعلمتنى باقى الحاجات بركب الطيارة مخصوص عشان اجى اورى بت ابراهيم بيت البكا بتاعك عشان تجى تشيل معاك الفاتحة.. اها شن قولك يالعريس
                  

08-04-2008, 05:14 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    المؤسِس) الحاج حمد ...

    إت عارِف الحُسُد الفي النِسوان عجيب خلاس ... بِت إبراهيم بِريدا لي كلو (ده) وريدي ليها
    برضو كلو (داك) مِن نزلت صورتي - بِسم الله ماشاء الله عين الحسود فيها عود - إنطلق فيها
    نار ... وقنبت بس تسوي في جِنس ده
    (الرسول) أكان تسحبا
    (عنقريب النبي) أكان تشيلا
    (تصل بيتو) أكان تلغيها
    هيا مره في شنو ... الصورة الجديدة مالا ... قالت الرِويس مُطاول بِالحيل والنخره ماليه
    الوش والأضان كُبار والضحكة مو مُؤدبه كِده يعني ... عليك الله يا ود حمد ده ما حسد ساي
    كدي ... شوف بِالله المره الما مِننا دي بِتسوي في شنو ... وآخر المتما قالت لي القميص
    الكاروهات بِتاع أولاد صُغار ... عيب عليك في السِن ده يِطلع مِنك كُلو ده ... سُبحان الله ...
    وإستيف مِكوين في الهُروب كان بِيرضع وقِت درع في جِتتو قميص كاروهات ... حُدُس ساي ...
    بِالله دي الكتبتا فيها 23 قصيدة و145 دوبيت ... شكيتكُم على الله يا بنات حوا ...


    إت بدرالدين وأبودية ... فيهُم حُدُس برضو ولا شِنو يا خوي ... الصورة مرت فيهم ساي كدي
    تلقاهُم هسِع النوم غالِبُم ... البركة ...

    (عدل بواسطة عزام حسن فرح on 08-04-2008, 05:16 AM)

                  

08-04-2008, 06:24 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عزام حسن فرح)

    و رسالة من الأخ شمس الدين ساتي (المحسي):
    Quote: سلامات
    الحاج حمد والإخوة الريخاب.
    أوقفوا هذا المسمي عابدون عند حده. وبعدين شابكننا أغلبية أغلبية
    كرهتونا البلد هربنا منها. جينا نقرأ شيء مفيد جاء عابدون شبكنا أغلبية وبطاطس
    وكمان باللون القبيح ده. وبعدين إنتو عملتو لي شنو في الإشتراك . أنا من
    كترة التسخين
    ولعتا عديل كده.بعدين المحسي الشاعر (بلوعة) عزام ده مدور بالعربي بشدة حتي إنني
    تعبت من متابعته. النصيحة إنه المرة ليها حق تغير من الصورة.سأحاول الوصول اليك
    الأسبوع القادم وأول ماسأفعله . إخبار الحرم المصون ببيت البكا العملتو وبيوت الشعر
    التي سكبتها هنا.حضر الجبنة ( م، جبان)
    بالله كان عندك أغنية كدن تكار ( ثابت عبد الرحيم تبد) نزلها هنا (
    الكلام ده لغير الناطقين
    بالعربية) أمثال شكوكو وحسن طه وكدة
    ياعادل علي صالح
    بدل ماتخليني قاعد زي البسكويت أخير تكلم لي صاحبك بكري يديني باسويرد
    عاشت جزيرة سمت . ولانامت أعين عابدون

    --
    المحسي
                  

08-04-2008, 06:37 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عزام حسن فرح)

    العم "سيد فقيري صبري"

    يسكن مقابل ملعب الجهاد..أولاده ...سراج,,المرحوم بإذن الله "سيف النصر",,بهاء الدين "بهوي قيافه",,عبدالرحيم "برعي" ,,خالد "نميري" ,,محمد آخر العنقود,,وله من البنات واحدة,,زوجته الوالده الفضلى حاجة "ست النسا".
    برنامج ثابت للعم "سيد فقيري",,الصباح حوالي السادسة والنصف,,الدراجه أمام المنزل بعد خمس دقائق على الأكثر يتحرك نحو محله في حي الدناقله,,ثم العوده للغداء في تمام الثالثه تمامآ,,لي معه قصص طريفة ,,فما يفصلنا هو جدار من البلك فقط .. يعني حيطه بالحيطه ,,وطبعآ فارق السن كبير جدآ جدآ ..الرجل متعه الله تعالى بالصحة والعافيه في مقام والدنا رحمة الله تعالى عليه وعلى أموات المسلمين.
    من القصص الطريفه مع عم سيد,,أنه كان عندما يأتي للمنزل في وقت الغداء دائمآ ما يجدنا أمام المنزل حيث شجرة النيم الوريفه أنا وأولاد الحي..في مرة جاء متأخرآ بعض الشئ وببراءة وشقاء الطفوله أخبرته"تعرف يا عم سيد إنت لو عندك عربيه زي أبوي ما كنت إتأخرت,,إشتري ليك عربيه ياخي أحسن ليك من العجله الكحيانه دي" طبعآ مع سخونة الجو وطول المشوار الذي سلكه رد علي بلهجه محسيه خالصه "شوف الشايقي ده كمان ..تقول لي أركب عربيه..إنت مفروض تركب ليك نخله بدل عربيتكم دي" ..كان إبنه "خالد" يسمع في الحوار وظل ساكتآ,,لكنني لم أتركه فأخبرته " هسه إنت كان داير تفسح أولادك ديل تركبهم كيف في العجله الكحيانه دي..ولا أقول ليك خلاص خليهم يجوا يتفسحوا معانا بي عربيتنا",,فرد بتعليق ظريف جدآ بلغة المحس"شوف الشايقيه بعد فرك الويكه بقوا يتكلموا في العربيات,,عربيه تكسر راسك دي".
    متع الله عمنا سيد فقيري بالصحه والعافيه
                  

08-04-2008, 07:23 AM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    Quote: نهفو لخواطر في الركن القصي من أدراج الذاكرة .. نناديها من خلال التداعي لعلنا نرحل بها ومعها أخي الى مراتع بعيدة تقرب إلينا أياما مترعات بالمودة وحسن الصلات


    شقيقي

    صلاح

    لا تنسى نجيب ( نجيب أحمد صالح ) ذلك الانسان ...هل تذكر سيارته الفورد تخيّل يا صلاح ان تلك السيارة كانت تحمل ثلاثة عشر لاعبا ومعهم بعض الاداريين في رحلات طويلة أذكر أننا ذهبنا بها يوما للعب ضد فريق المقرن العريق حيث كان يلعب جمال محمد خير ابوالريش وعند نزولنا منها لمحنا ابتسام لاعبي المقرن بخبث يعنون الدفسيبة في السيارة الصغيرة ....فعلا تطايب القلوب هو الذي مكن هذا العدد الكبير من السيارة الصغيرة.

    ولنا عودة بمشيئة الله
                  

08-04-2008, 07:27 AM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: garjah)




    يا عزام

    الشنب يقيف فوقو الصقر بارتياح

    ما شاء الله
                  

08-04-2008, 08:13 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4557

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: garjah)

    سلام يا شباب !!

    Quote: بالله يابدر الدين انت المريخابى الوحيد هنا والله مسكين


    عابدون !!

    أنا وبدر الدين فى المريخ أخوة...

    نعشق النجم ونهوى ..

    وموضوع الكورة ده أحسن نخلى ...

    لغاية ما نعرف السلطان ده وادينا وين..؟

    ــــــــــــ

    السلطان: الأستاذ محمد يوسف عبدالله/ وزير الثقافة والرياضة
                  

08-04-2008, 08:26 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4557

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح أبودية)



    ياريس !!

    تحية طيبة طولنا منكم!!

    فى طريقة بكرى يعمل لينا الباب ده شعار للبوست..؟

    على فكره يا دفعة:

    ده بيت ناس متوكل أحمد على دفعتا وشقيق خوجلى أبوالجاز ومحمد فريد
                  

08-04-2008, 08:29 AM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    Quote: ,,زوجته الوالده الفضلى حاجة "ست النسا".


    فعلا انسانة فاضلة يا الشيخ

    تكن محبة خاصة لاقران المرحوم سيف النصر و عندما تلقانا كنا نحس بتقديرها الكبير لنا لها التحية

    نرجو الله العلي القدير ان يمتعها والعم سيد بالصحة والعافية
                  

08-04-2008, 08:59 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: garjah)

    شمس الدين ود عمك ساتي

    طيب قلت (غير الناطقين بها)

    كيف سيكون الوضع لوكان غير الناطقين بها فاهمين لها؟

    ومن هنا نشد من أزركم لنيل الباسوورد وانت أهل له.

    ويا بكري أبو بكر المحسي شمس الدين ساتي أحق الناس لينال شرف العضوية.
                  

08-04-2008, 09:13 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: garjah)

    ناس سامر لاي

    الإسم غريب جدآ ولا أدري حتى الآن سبب التسميه,,يمكننا هنا الإستعانه بصديق ونطلب مداخلة الأخ "قرجه" للتوضيح ..بعض الأسئله تظل مختمرة في الذاكرة ومن ثم تطل في إلحاح طلبآ للتوضيح.

    منزلهم مباشره أمام بوابة مدرسة الشهداء ,,يفصل بينهم وبين منزل"قمبيز" ود الحاجه "بت الأزرق" رحمة الله عليها وعلى موتى المسلمين بيت واحد,,مجموعه ما شاء الله من الشباب قويي البنيه,,كل حياتهم وهبوها للحديد..أول "موتر" عجله" رأيناه وشاهدناه عندهم,,أول حافلة ركاب "نيسان يورفان" شاهدناها
    عندهم,,أول حافلة خمسه وعشرين راكب أيضآ شاهدناها عندهم,,مع الحديد وللحديد,,لهم عالم خاص بهم,,تصريح دخوله أن يكون لديك علاقه نسب أو مصاهره مع الحديد,,أربعه شباب أكبرهم "هشام" ثم "مجدي" ثم "يحيى" ..ورابعهم سقط سهوآ من جدار الذاكره.
    التحيه لهم
                  

08-04-2008, 10:11 AM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    الشيخ

    دائما كنت انطقها

    سامي الرأي

    لا ادري ان كنت صحيحا في ذلك
                  

08-04-2008, 09:46 AM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: garjah)

    العم:قصوده

    العم عبد المقصود والد الاخوان ، رافت و عبود، و التوام حسن و حسين جناحي فريق الفلاح الشهيران.
    و حرمه المصون <فاطمة قابله شهيره و مدرسه في القابلات علي شارع المدارس>
    و العم قصوده صديق الكل صغير و كبير ، ممطيا دراجته الشهيره ، يداعب هذا ، و يقف متفرجا اذا وجد game بللي مسخن بين ابناء الحي دونما حرج.
    فالفنان فنان لا يحده ساتر للتعبير عن فنه، و مقدر الفن يغرف من نفس البضاعه كذلك.
    فالعم قصوده بالاضافة لعمله في مصلحة البريد ، يعمل ايضا في سينما الصافيه مساءا.
    فالكل يعرفه بمهنته تلك، الشمباته و ابناء المزاد و الصافيه و الشعبيه.
    عند مصادفته راجعا للمنزل من دوامه الصباحي، يسالونه الصبيه< الفليم الليله شنو > يرد ببششاتة المعهودة، ناصحا بالحضور لمشاهدته. و انفسهم الصبيه يصيحون سابيين عند اي مقطع حميمي او وشوشة.
    رحلوا من الشعبيه الي شمبات ، فهم من اوئل الناس الذين باعوا منازلهم للاستفاده من فارق السعر ماديا. < منزلهم مجاور لمنزل نزار متوكل من الجنوب و يفتح علي منزل ال شاطر و عادل دوله>.
    انقطعت اخبارهم منذ ذاك الرحيل ، فالعم قصودة كان ابا للكل و لديه عشرة مع ساكني الشعبيه قبل بناء الشعبيه ، فهو بحراوي حتي النخاع .لازالت دراجته محمله بكيس الخضار من الخلف تداعب خيالي، فصناعة الحياة مهنة ليس يقدر الكل علي امتهانها.
    التحيه للعم قصودة و ابنائه اينما كانوا.





    مودتي
                  

08-04-2008, 09:06 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    صلاح ابو دية ...
    انا اقرب ليك من بدر الدين .. الزول دا هناك فى آخر الدنيا ...
    ياصلاح فى موضوع السلطان دا انا بعد مرات قاعد اتكيف من شداد دا لكن فى موضوع الهلال انا اظن انه غلطان وحتى جمال الوالى بتاعكم قال كدة ...
                  

08-04-2008, 09:11 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    انت ياشمس الدين برضك صهيونى ؟؟؟ أها إنشاء الله مايدوك باسورد اصلو وماتقعد تكسر تلج لى عادل بى هناك لانو عادل هلالابى شوف ليك زول تانى
                  

08-04-2008, 09:28 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عابدون محمد عابدون)

    Quote: أها إنشاء الله مايدوك باسورد اصلو


    يا صديقي عبدون

    رغم صهيونية شمس الدين لكنه يستاهل باسوورد

    فتحته ليه بوست مخصوص ودعمكم مطلوب

    واخونا بكري ان شاء الله ما حيقصر.
                  

08-04-2008, 10:20 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: حسن طه محمد)

    Quote: ناس سامر لاي

    الأخ الشيخ سيد أحمد
    الاسم هو اسم حقيقي للأخ و الصديق سامرائي علي أحمد البدوي و السامرائي تعني المحارب الجسور و يطلق على الأخ سامرائي اسم سامي اختصارا و البعض يظن ان الاسم مركب سامي الرأي ، الأخ سامي بعد المرحلة الثانوية التحق بالهيئة العربية للتنمية الزراعية بعد أن نال كورسات في مجال التصوير و العمل المكتبي و هو ما زال يعمل هناك..التحية للأخ سامرائي و لاخوته..
                  

08-04-2008, 10:39 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    حبيبنا الحاج حمد

    سلام من الله تعالى عليك ورحمات وبركات,, جزيل شكرنا على التوضيح ,,,دهشتي في أنني لم أعتقد أن سطور مفكرتك تمتد لحدود تلك المناطق.أتمنى أن يكون هناك موضع قلم لإدراج إسمنا.
    لك من الود أكمله
                  

08-04-2008, 10:38 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    إلى المدعو / شمس الدين ساتي ...

    ياخي إمي نايني ... كُل خميس هيد دا جو شمس الدين ... ياخي سو فاكي ... بعد السُكر والقُهوة
    يِكملو مُش كِده ... الدُنيا أول شهر ... بعد شوية شُنقِر دامو ... تعال خلِصنا شتي لكشيتا ...
    أصلو بعد الإسبوع الأول مِن الماهِية ببقى عامِل زي أُسُر وِرجا فينا كاسِركا كاسينا ...

    (عدل بواسطة عزام حسن فرح on 08-04-2008, 10:42 AM)

                  

08-04-2008, 10:51 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    عابدون ...

    خلاص الدايِر تعرفو بوريك ليهو ... ما في عادي لِلتهديد ...



    ثقيل ...



    إت الزول قايِلني ساكِن في سعد قِشرة ولا شنو
                  

08-04-2008, 11:30 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عزام حسن فرح)

    Quote: إلى المدعو / شمس الدين ساتي ...

    ياخي إمي نايني ... كُل خميس هيد دا جو شمس الدين ... ياخي سو فاكي ... بعد السُكر والقُهوة
    يِكملو مُش كِده ... الدُنيا أول شهر ... بعد شوية شُنقِر دامو ... تعال خلِصنا شتي لكشيتا ...
    أصلو بعد الإسبوع الأول مِن الماهِية ببقى عامِل زي أُسُر وِرجا فينا كاسِركا كاسينا

    يا جماعة أنا ما قلت ليكم شوفوا لينا مترجم الرطانة ديل كترو و اذا دعت الظروف ح استعين بواحد يشتغل معانا بأجر اضافي..
                  

08-04-2008, 12:26 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    أصلو ما حتلقى واحِد مِنكُم بِيعرِف لُغتنا ... كان واحِد والله حلانا مِنو وريحنا
    عربي بيعرِف رُطانة المحس والله لم نُصاب بِضربة مِنذُ خراب سوبا إلا بِظهور < وهبه >
    وإجادتِهِ لِرُطانتا ... كان مُصيبة وحلت علينا ... ربُنا ده ما كريم ... بِسم الله
    الرحمن الرحيم والله والله حاسي إنو بِعايِن لي هسِع ودايِر يِخُش جوه الشاشة ...
    أخير النمرُق ، يكون عِندو جان ولا ظار كمان ...
                  

08-04-2008, 12:59 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    يا ناس تقولو لي أنا ما ود شِيوخ ... علي الطلاق بِالتلاته الشوم الإسمو < وهبه >
    هسِع قفل مِني السماعة ... إتصل بي ومسح بي الواطه مسِح ... قلت ليكُم لابِد جنب
    الشاشة وكُنت حاسي بِعِويناتو الأربعة دايره تاكلني ... شكيتو على الله ... البركه
    الفات ... ده لو كان لِهسِع قاعِد ما كان نجضني نجاضه ...
                  

08-04-2008, 01:04 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    ما في عادي لِلتهديد
    ----------------------------------
    عافى منها
                  

08-04-2008, 01:17 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    ياحسن ياخوى انا إقامتى جديدة بقبلوها ؟؟؟؟

    ذكرتنى بى نكتة قديمة قالوا زمان واحد جاب مرته لى ابوظبى ولما عمل ليها الاقامة قال ليها أها بعد دا خليكى قاعدة فى البيت واوعى تقولى عايزة امشى السوق لأنو القانون بيقول انو الزول العندو اقامة جديدة مايمشى فى الاسواق لمدة سنة واخونا طبعا عارف شمشرة النسوان وحيكلموها بى سوق الدهب والعدة وقال يعمل حماية لنفسه على الاقل لمدة سنة واها الموضوع كان ماشى كويس لغاية مايوم فى مناسبة بتاعة عرس وساق مرته وداها بيت العرس واتلمو طبعا النسوان وهاك ياشمشرة وكلام عن الدهب وسوق الدهب وسوق العدة اها وقامت صاحبتنا قالت ليهم انا كلامكم دا كله لسة مادخلت فيهو لأنو إقامتى لسة جديدة وماتمت السنة طبعا النسوان استغربوا من الكلام دا ولما عرفوا لعبة صاحبنا ماتوا من الضحك وطبعا بوظوا ليهو الخطة بتاعته وكشفوا اللعب .....

    أها ياحسن هسة شمس الدين دا خليه يجك برة الميدان كدة لما يعمل لياقة .. ياخى دا لو جا داخل حيطردنا برة ...
                  

08-04-2008, 02:18 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                  

08-04-2008, 02:30 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Adil Osman)

    يا عبدون

    يا اخي خلي شمس الدين يدخل عشان يريح حاج حمد شوية من الايميلات.

    القصة حلوة بس ما وريتنا الحاجة دي اكتشفت القصة متين يعني بعد مرور كم من الزمن

    ان شاء الله الاكتشاف يكون جاء في نهاية السنة عشان خاطر صاحبنا الممكون.
                  

08-04-2008, 03:19 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: حسن طه محمد)




    يا عادل الأغنية أداء و لحن و موسيقى تمام ، لكن الرطانة ديل بالكتابة ما مريحنا كمان تعمل ليهم دعم بآغاني..
                  

08-04-2008, 04:17 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    خلاص ياحسن المرة دى وعشان خاطرك حندعم ترشيحك للزول دا بس قول ليهو رطانة هنا مامعانا .. رتان ان اقارا ممنوعا
                  

08-04-2008, 04:39 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    ياناس هناك ولدكم محمد حسن داوود موجود بمدينة العين ويمكن الاتصال به على الرقم 00971504933294 وطبعا ياشمس الدين محمد حسن برضو كان معانا فى الاميرية2 مع اخونا عبد الكريم والموجود حاليا كمستشار قانونى فى دبى ...
                  

08-04-2008, 05:29 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عابدون محمد عابدون)



    يا شباب سلامات وبركة الشفتوني طيب .. معليش غبنا منكم .. كنت في غزوات خارجية .. لكين قالوا تطلع من بيتك حزين تلقي الفرح وين .. أها جيناكم راجعين ، والعرجا لمراحها ..

    وأرحب ترحيبآ حارآ بالأخ العزيز عابدون ، والذي شايفو نازل مسخن سخانة شديدة وخلي البوست عجاجه لاوي .. الشي شنو يا عابدون إنت قايلو ميدان الصداقة واللا شنو؟؟ ..
    إن بقي كدي شمس الدين ساتي القال إنو ولع من التسخين خلوهو قاعد بره .. لأنو لو أدوه باسويرد حيحرق لينا البوست حريقة .. شمس الدين خليك مولع غادي غادي ..

    ويا جماعة ما معقول ياخي عبدالوهاب أخونا ينطرد قدامنا كده ونحن ساكتين .. ده ظلم والله .. يا عادل علي صالح ياخي ما تستخدم نفوذك ياخي..

    وبعدين هوي ياهلالاب هوي اعملوا حسابكم ، لأنو سيد البوست أناشايفو سكت ليكم كتير ـ هسه يقوم يوريكم العين الحمرا وينزلكم كلكم .. الزول ده إنتو ما عارفينو أكبر مريخابي واللا شنو؟؟ .. مافي واحد بينافسه في المريخية إلا أحمد جك ..

                  

08-04-2008, 05:11 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    ياشكوكو انا لسة منتظرك فى موضوع فريق الزهرة والمرحوم سوسو الاب الروحى للفريق وقتها
                  

08-04-2008, 06:35 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عابدون محمد عابدون)

    Quote: وبعدين هوي ياهلالاب هوي اعملوا حسابكم ، لأنو سيد البوست أناشايفو سكت ليكم كتير ـ هسه يقوم يوريكم العين الحمرا وينزلكم كلكم .. الزول ده إنتو ما عارفينو أكبر مريخابي واللا شنو؟؟ .. مافي واحد بينافسه في المريخية إلا أحمد جك ..

    تعرف يا منير الجماعة ديل أنا ساكت ليهم ساكت و بقيت زي سيد البيت الجوهو ضيوف و اتشاكلو ما يقدر يقيف مع واحد و لازم يقعد يحجز أنا هسع واقف اتفرج و بيني و بينك الهلالاب ديل صبرت ليهو كتير ، حقو اتصل بي أحمد جك يجي يرد عليهم.



    أحمد عبد الباسط المشهور ب (جك) و هو لا ينافس على مريخيته.
    center>


    من طرائف أحمد (جك) التي تؤكد على تعصبه للمريخ:
    في زواج أحمد جك و عند بداية الجرتق جات واحدة حاجة من خالاتو شايلة ليها هلال عاوزة تربط على جبهة احمد العريس قام أحمد قال ليها : يا حاجة زحي الزفتي دا طبعا الحاجة اتفاجأت و قالت ليهو : يا ولدي ما عاوزة أربط ليك الهلال رد عليها جك: هلال أنا على الطلاق هلال ما بتربط علي جبهتي و كانت المفاجأة للجميع أن أدخل يده في جيبه و أخرج نجمة من الذهب الخالص و قال ليها يا حاجة نحن بنريط دي و انفجر الجميع ضاحكين و الحاجة فاتحة خشمها و ما عارفه لي هسع مالو ما عاوز يربط الهلال و شرحوا ليها بعد شوية براحة و اكتفت بتصفيق يديها دلالة على (العجب) التحية للمريخابي الأصيل أحمد عبد الباسط (جك) و لك أخي منير.
                  

08-04-2008, 09:14 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    أها يامنير طالما جيت قولت ادخل احمدل ليك السلامة قبل ما أمشى أنوم ... أها انا من بعيد بعيد كدة كنت متابع موضوع رحولك ... أها انشاء الله رحلت ليك فى بيت كبير يشيلنا لما نجيك اجازة ... قولت ليك الحاج طلع صهيونى .. والله كلام انا لو كنت عارف كنت ارسل ليهو رسالة مفخخة عشان نضرب مصادر الخيانة فى عقر دارهم ...
    أها بعد كدة يامنير استلم الوردية انا ماشى انوم ...
                  

08-04-2008, 09:36 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    عبدون محمد عبدون :
    Quote: ياشكوكو انا لسة منتظرك فى موضوع فريق الزهرة والمرحوم سوسو الاب الروحى للفريق وقتها


    راجع ليك أخوي عبدون .. لكن مزنوق شوية
    بس حبيت أأكد ليك عودتي للأخ المرحوم (( سوسو ))
    له الرحمة

    كما أود أن أرحب بالأخ المستشار القانوني
    عبد الكريم محمد الأمين ..

    والتحية للأخ (( شمس الدين )) لأننا مازلنا
    متحمسين لموضوعك ..

    أما عبد الوهاب فقد أوشك إن شاء الله بالعودة


    عاطرات الود

    ..
                  

08-04-2008, 10:07 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    سبحان الله مِن أول يوم حبيت عادِل عُثمان كِده طوالي ... بدون أسباب ... الأن
    بعد أُغنِية < سبريه > بقي الحُب مؤسس وراسِخ ... أهو شهِد شاهِد مِن عِندُكُم بِالفن
    النوبي ... يا سلام ... يا سلام ... يا سلام ...

    ـــــــــــ
    بلاغ
    أنا والمُستشار حسن طه واقفين في مطار الدَوحة مِن الساعة [8] مِساء اليَوم الإثنَين
    04/08/2008م وحتى الساعة [15ر11] لإستِقبال عِزالدين مُحمد عُثمان ... الطائِرة القطرِية
    القادِمة مِن السودان الشقيق وصلت بِحمدالله ولم يصل زولنا ولم يتصِل ... إنشاءالله المانِع
    بس يكون خير ... والله رُبع الماهِية إشترينا بيها ذُواده الضِيافة وبِت إبراهيم فرشت مِلايات
    العيد ومرقت كبابيهو ... يا أخي أنا حتى أخدت لي إجازة [3] أيام يَوم لِلإستِقبال ويَوم
    لِلقطيعة ويَوم لِلوداع ... هسِع التلاته أيام دي أسوي بيها شنو ... أمشي بيها وين ورُبع
    الماهِِية راح في الزُواده ... جاكِ بلا يا بِت إبراهيم
                  

08-04-2008, 10:27 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عزام حسن فرح)

    Quote: والله رُبع الماهِية إشترينا بيها ذُواده الضِيافة وبِت إبراهيم فرشت مِلايات
    العيد ومرقت كبابيهو ... يا أخي أنا حتى أخدت لي إجازة [3] أيام يَوم لِلإستِقبال ويَوم
    لِلقطيعة ويَوم لِلوداع ... هسِع التلاته أيام دي أسوي بيها شنو ... أمشي بيها وين ورُبع
    الماهِِية راح في الزُواده ... جاكِ بلا يا بِت إبراهيم

    قرار
    يقوم المستشار حسن طه و فورا باصدار مذكرة توبيخ للأخ عز الدين محمد عثمان لعدم اتصاله واتخاذ الاجراءات اللازمة لارجاع ربع ماهية عزام و معالجة موضوع فرش ملايات العيد و الاعتذار لبنت ابراهيم..
                  

08-04-2008, 10:51 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    بحمد الله وفقت ادارة البوست في توفر خدمات ترجمة و بعد دا يا رطانة خموا و صروا الترجمة فورية تنافس (أنيس و عبيد) ، رسالة من الأخ خالد شمس الدين (المترجم):
    Quote: الاخ العزيز حاج حمد
    ناسف على طول الغياب اليوم شايف بورد الشعبية معتق بشذى الرطانة وابناء نوبتى اسياد البلد الاخ حاج حمد بسرعة حنترجم رطانة الاخ عزام وممكن تعتبرنى مترجمك الخاص لانى سوكودوى اصلى بس مولود فى الشعبية
    نجى للترجمةإلى المدعو / شمس الدين ساتي ...

    1-ياخي إمي نايني ... كُل خميس 2-هيد دا جو شمس الدين ...3- ياخي سو فاكي ... بعد السُكر والقُهوة
    يِكملو مُش كِده ... الدُنيا أول شهر ... بعد شوية4- شُنقِر دامو ... تعال خلِصنا شتي لكشيتا ...
    أصلو بعد الإسبوع الأول مِن الماهِية ببقى عامِل زي5-( أُسُر وِرجا فينا كاسِركا كاسينا
    الترجمة:
    1ياخي ده شنو
    2 بتمشى وين
    3 ياخي متين حتجي
    4 قروش تك
    5 النعامة الدافنه راسه ...... كلو بره
    تحياتى للجميع

    اخوكم خالد شمس الدين
                  

08-04-2008, 10:36 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    المُذكِرات هسع خلا ... كدي حدِثو لي بِت إبراهيم ... عشان التلاته أيام دي !!!
                  

08-04-2008, 10:56 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    شمس الدين ... يا جبان ... [ النعامة الدافنة راسا ... كلو بره ] أكان راجِل
    ترجِما زي الناس أو هُسن تيقما ياخي
                  

08-05-2008, 04:56 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)
                  

08-05-2008, 05:52 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    ...

    يوسف موسي (( سوسو )) :-
    إشتهر بإسم سوسو ولا نملك سببا لذلك فقد يكون الإسم سابقا لمقدمهم للحي .. ويعتبر سوسو الأب الروحي لفريق الزهرة بحي الشعبية جنوب (( مربع 8/9 )) أي محمية الجهاد الحالية .. وقد كان الفريق أحد فرق رابطة الشعبية .. ولعصمت هذا أخوين أحدهما يدعى (( عصمت )) والآخر يدعى (( ياسر )) إن كان إسم ياسر صحيحا .. لكن الأخ أبو قرجة يمكن أن يكون قادرا على تأكيد الإسم بحكم الجوار ..
    كان يوسف هذا (( سوسو )) مدافعا .. مشهود له باللعب العنيف وكان كما الكثيرين يعتبر الأب الروحي للفريق .. وكان يجمع في دفه كونه لاعبا أنه كان (( سكرتير الألعاب )) وهذه من وظيفة قديمة تعني الشخص المسؤول عن حفظ الكرات والقمصان الخاصة باللعب والدفاتر والمكاتبات الإدارية .. لكن (( سوسو )) لم يكن مختصا بهذا فقط فقد كان يقوم بكل شيء يتصل بالفريق مثل التسجيلات وجمع الإشتراكات ونحو ذلك فقد كانت دارهم دارا للفريق الذي كان يدعى الزهرة .
    وإستطاع فريق الزهرة أن يسجل بعض اللاعبين من مناطق أخرى مثال (( إبراهيم – نسيب المرحوم أبو آمنه حامد كحارس للمرمى )) والتاج وهو شخصية تسكن بجوار منزل المرحوم (( حافظ )) حرس مرمى المارد .. ومن بين من تم تسجيلهم شخصي - قبل الإنتقال لنجوم الشعبية - وشخص آخر يدعى محمد مرحوم من العيلفون .. وهو الآن حكم درجة أولى معروف ..
    أما (( سوسو )) فقد كان رغم ما تبدو عليه من مظاهر القوة والخشونة فقد كان مرحا للحد الكبير .. وكان يحب القفشة وبارع في وصفها .. وذو صلاة إجتماعية متمددة .. علاوة على أنه شخصية ودودة وله حضور طيب بين أصدقاءه .. الذين كانوا كثر .. وأذكر منهم الطيب عبد السخي وهو الآن بدولة قطر .. وعبد الحميد .. ومجيد الحلبي الذي كان حارسا للزهرة بجانب نجيب (( بقدون )) الذي تغيب من مدة طويلة بليبيا وإنقطعت أخباره عن أهله رغم أن بعض الأخبار تقول أنه بخير ..
    ومن اللاعبين الذين لعبوا بالزهرة (( طه الشايقي - حسن قسم – مدثر – محمد كركب – وشخص آخر يدعى صلاح كان قربا للأخ محمد عثمان قيله .. وقد كان يتميز بالسرعة الفائقة وكان قناصا .
    وبالعودة الى شخصية الأخ سوسو فقد توفى بجمهورية مصر العربية التي ذهب إليها للعمل حيث عمل (( ميكانيكيا )) هناك وقد حالفه التوفيق حيث كان .. ثم كانت وفاته هناك طاويا معه صفحة من صفحات الحي .. كانت تتسم بقدر كبير من التآخي الجميل .
    لكنني في غمرة هذا السرد السريع ربما أكون قد تجاوزت محطات كثيرة بسبب طول الفترة وتراكم أتربة السنين ..

    وشكرا للأخ العزيز (( عبدون محمد عبدون )) الذي أعطى دفعة للبوست من خلال إجتراراته البعيدة وتداعياته الجميلة ,,
    وياليت هذه الجزئية تكون قداحة للأخ الحبيب (( ابوقرجه )) لمواصلة الإجترار لهذا الجزء الجميل من الحي .. بدءا بالأخ نجيب أحمد محمد صالح .. الشعير بيانكو ,, وفي معيته نسيبة نورين وشقيقة كمال ..

    مع عاطر الود
                  

08-05-2008, 06:20 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)


    الأخ حاج حمد

    بالنسبة لقراركم :

    المتهم برئ حتي تثبت ادانته

    وبما أن حيثيات أسباب عدم حضور المتهم لم ترد الي محكمتنا حتي اللحظة ، فقد أصدرت محكمتنا قرار بالبراءة قابل للاستئناف .

    وللمدعي عزام حق الاستئناف في خلال مدة أقصاها 24 ساعة من تاريخه.

    الأخ عزام:

    البركة في الكابتشينو.

    والتلاتة أيام دي تكون تعويض لبت ابراهيم وعيالها.

    ربنا بريدهم .

    الاخ شمس الدين:

    انت قدمت الطلب ولا نحن بننفخ في قربة مقدودة.

    وابشرك عبدون وعد بدعمكم .
                  

08-05-2008, 07:12 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    دعمناهو خلاص ياحسن يدعمو قطر
                  

08-05-2008, 08:34 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عابدون محمد عابدون)


    يا عبدون

    يدعمو قطر ... تدعمو ترلة المهم يدوه باسوورد

    والا "الصهيوني" دا حيموت عديل كدا

    ونبقي في حالة فراش.
                  

08-05-2008, 08:10 AM

عمر عثمان
<aعمر عثمان
تاريخ التسجيل: 08-04-2008
مجموع المشاركات: 1583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    تم نزولي سالما لارضي واحبابي ناس الشعبيه
                  

08-05-2008, 09:43 AM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عمر عثمان)


    مراحيب:

    مرحبا و حبابك <عمر عثمان> اضافة حقيقيه لبوست الشعبيه، قلم ضخم و مضمخ بزمن جميل.






    مودتي اليكم.
                  

08-05-2008, 10:25 AM

عمر عثمان
<aعمر عثمان
تاريخ التسجيل: 08-04-2008
مجموع المشاركات: 1583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الفاضل يسن عثمان)

    اخي الفاضل الفاضل
    بيت يسن وفاطنه
    وبرندة الديوان
    كم جلسنا
    وكم كانت فاطنه امنا كلنا
    لعبنا الهارت كل النهار
    وبكل صياح الدامه عندما ياكلهاطارق محمد سعيد
    او طارق دلدوم
    وما شعرنا الا بكل الالفه من عمي يسن
    وخالتنا فاطنه
    بيت عامر بكل الحب
    جمعناومعاويه موسى
    ومعتصم موسى
    وكثيرون
                  

08-05-2008, 10:46 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)


    مجرد إشارة مشفرة :-
    ....

    Quote:
    عبدالوهاب علي الحاج : إستعادة باسبورد
    شمس الدين ساتي : تسجيل جديد




    ...
                  

08-05-2008, 10:49 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    يازول بسرعة ياتو عمر عثمان ؟؟؟
    اهلا وسهلا بيك ومنور ياعمر
                  

08-05-2008, 02:08 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عابدون محمد عابدون)

    و رسالة من الأخ خالد شمس الدين:
    Quote: سلامات ياغالي
    ترجمة فورية
    شمس الدين ... يا جبان ... [ النعامة الدافنة راسا ... كلو بره ] أكان راجِل
    ترجِما زي الناس أو هُسن تيقما ياخي
    1 اقعد ساكت ياخي
    الاخ عزام يعنى عايز تخلني امله ليكم البورد
    أُسُر فى أُسُر والشغلة مش ناقصةأُسُر وبالمناسبة دي بتزكر انه كجين أُسُر علمناها لكثير من شباب الشعبية
    و تحياتي لكم احبتى
    خالد
                  

08-05-2008, 02:34 PM

عمر عثمان
<aعمر عثمان
تاريخ التسجيل: 08-04-2008
مجموع المشاركات: 1583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عابدون محمد عابدون)

    عمر عثمان شخص بسيط من ناس الشعبيه ويحفظ الود كل الود للشعبيه واهلها
    والشكر لكبيرنا بمكانته الحاج حمد والذي جعل هذا التلاقي الاسفيري ممكنا جمع بين منير في السويد
    وعادل في كوفنتري والفاضل في بريطانيا وشكوكو في ابوظبي واسامه وبدر الدين وطارق في السودان
    والمستشار في قطر وغيرهم من ابناء الشعبيه في دول الشتات
    شكرا اخي الحاج حمد
                  

08-05-2008, 03:56 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عمر عثمان)

    مرحبتين اخي عمر عثمان

    يلا سنن اصابعك علي الكيبورد
                  

08-05-2008, 05:42 PM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: حسن طه محمد)


    كتب عبدون:

    Quote: يازول بسرعة ياتو عمر عثمان ؟؟؟
    اهلا وسهلا بيك ومنور ياعمر


    < عمر محمد عثمان رحمه> الشقيق الاصغر لزميل البوست عادل محمد عثمان،يسكنون في المربع الدهشة 8/9 . دهشة لان ذاك المربع مازال ساكنيه يألفؤن بعضهم بعفويه مرحه و مراح في الكرم.
    و عمر نابغة مثل اشقائه و ارتدي نظارة منذ سن باكر كدليل نبوغ اتم تعليمه في ظني بسوريا. نتذكره جيدا فصداقتي لشقيقهم الاصغر خالد البيعو، جعلتني قريبا منهم، فمن عمر تعلمنا ما هي البوسته ذاك ال package المصري الذي ياتي يوم الخميس في المكتبات و به الصحف و المجلات و الدوريات المصريه المختلفه. فهو قاري نهم فتلك موهبه نادره، تتواجدعند واحد في كل مائه الف سوداني فنحن من المائه الالف لكن عمر مختلف. مرحبا عمر و حللت سهلا.


    مودتي لكم
                  

08-05-2008, 06:02 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الفاضل يسن عثمان)

    مرحبا الأخ عمر محمد عثمان
    أرحب بالأخ عمر محمد عثمان حاج رحمة و أقول ليهو سعيد جدا بنيلك لعضوية المنبر و أنت أهل لذلك ، و أؤكد لكم أن عمر سيكون واحد من الذين يثرون هذا البوست ، و الحمد لله فان أعداد أعضاء المنبر من أبناء الشعبية قد زاد مما سيزيد من حيوية البوست و تنوع المواضيع و الأفكار و وجود أعمار مختلفة سيكتب كل واحد عن فترة جميلة عاشها بالشعبية و درس فيها بمدارسها..أكرر ترحيبي بالأخ عمر و بانضمامه أفقد للمرة الرابعة أحد المشاركين عن طريق الايميل الخاص بي و لكن العزاء أن مشاركته الآن ستكون طازجة أكتر و من الفرن للمستهلك..
                  

08-06-2008, 06:04 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عمر عثمان)

    ياعمر انا سألت لأنو كنت قايلك عمر عثمان ود الكورى حلة ناس المرحوم كباشى وناس عادل اسماعيل وراشد وعادل ابكروق ... مرة تانية اهلا وسهلا بيك
                  

08-05-2008, 06:03 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    لِعِناية المُستشار / حسن طه ...

    بِالرابِط أدناه ، مَوقِع لِضبط حجم الصورة :
    http://online-image-resize.kategorie.cz/
    بعد دِخولك لِلمَوقِع ، إضغط على ... Browse قُم بِإختِيار الصورة المحفوظة على جِهازِك ، وبِالضغط علَيها ستنتقِل تِلقائِياً إلى المَوقِع ، ثُم إضغط على خِيار Resize image إنتظِر بُرهة ... ثُم تحرك إلى أسفل الصفحة ، ستجِد الصورة قد ظهرت بِعِدة أحجام ، قِف بِمؤشر الماوُس داخِل الصورة المُناسِبة … وبِزِر الماوُس الأيمن (وأنت داخِل الصورة المُختارة) إختر حفظ بِإسم Save Picture As وأحفظ الصورة في المكان الذي ترغب فِية ...

    ولإستِخدامِها في البروفايِل أو كصورة مُلحقة بِمقالك ... بعد فتح مُربع الكِتابة في أعلى صفحة
    المنبر ستجِد خِيار [ تحميل الصور ] بِالضغط علَيهِ ، سينفتِح لك صفحة جديدة إضغط على خِيار
    ... Browse لِجلب الصورة التي تم تصغيرُها والتي حفظتها في جِهازك ، بِإختِيارك الصورة المطلوبة
    بِالضغط علَيها ستنتقِل إلى مُستطيل التحميل ، إضغط على [ تحميل ] ، ستنتقِل بِعد ذلِك إلى
    صفحة جديدة بِها خِيارَين :
    (1) كود يُنسخ بِأكملِهِ لإستِخدامِهِ كمُرفقات مع مقال.
    (2) كود يُنسخ بِأكملِهِ لإستِخدامِهِ في البروفايِل.

    بعد نسخ الكود المطلوب ، عُد لِمُربع الكِتابة بِواسطة سهم الرجوع بِأقصى يسار الصفحة ، عِندما تصل إلى صفحة الكِتابة ، قُم بِلصق ما نسختهُ





    وهذا مِثال لِتصغير الصورة وحِفظها وإستِخدامِها في مقال بِالبوست (صورة أبني مُحمد الدَرت قبل
    إكمال الحِلاقة)

    يا سَيِدي المُستشار ، إذا لم يُعالِج شرحي أعلاه مُشكِلة إنزال الصُور ، بقترِح ... تنسى المَوضوع ده
    نِهائِياً ...

                  

08-05-2008, 09:13 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عزام حسن فرح)




    الخال عزام انت يا زول ما قلنا ليك الحلة ده فيها استاذ واحد اسمو شكوكو

                  

08-05-2008, 09:16 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    الخال عزام اقعد ساى
    الحلة ده فيها استاذ واحد بس
    اسمو شكوكو

    (عدل بواسطة بدر الدين اسحاق احمد on 08-05-2008, 09:21 PM)

                  

08-05-2008, 09:24 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    والله مِحنك يا بدرالدين يِتحجوبا ... هسِع الكِتابة البِجارو وراها دي نتلتها مِن وين
    الشئ دبيب ... شكيتك على الله ... وبعدين شكوكو إبداعو بِذكِرني بِالخليل جا مِن
    عبري ما بِيعرِف البير مِن العير في لُغة الوسط ، وبعد شِوية كتب [ تم دورو ودَور ]
    شُعراء أُم دُرمان إستعجبوا وحسدو عديل كدي ... شكوكو كتاااب بِلُغة السماء علشان
    جيناتو خُلِقت فيهو [ ... فِي أَحْسَنِ تَقْوِيمٍ ] ... وينسحِب الأمر فينا كذلِك
                  

08-05-2008, 10:54 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    ....
    عمر عثمان :-
    Quote: عمر عثمان شخص بسيط من ناس الشعبيه ويحفظ الود كل الود للشعبيه واهلها
    والشكر لكبيرنا بمكانته الحاج حمد والذي جعل هذا التلاقي الاسفيري ممكنا جمع بين منير في السويدوعادل في كوفنتري والفاضل في بريطانيا وشكوكو في ابوظبي واسامه وبدر الدين وطارق في السودان والمستشار في قطر وغيرهم من ابناء الشعبيه في دول الشتات
    شكرا اخي الحاج حمد

    بكل لغات الدنيا نرحب بك ..
    ولعنا نسمع خطوات القادم الجديد تتداعي بثقة وثبات كبيرين
    فمرحا لك بين هذه الكوكبة النيرة من المبدعين
    وفي ظننا أنك ممن سنشير لهم بالبنان

    لك التحية كيفما تكون وحيثما تكون وحيثما تريد
    المهم أنك في دوائر المودة ترفل

    لك نواضر الود
    (( أدخل باليمين ))

    بدر الدين اسحاق احمد
    Quote: الخال عزام اقعد ساى
    الحلة ده فيها استاذ واحد بس
    اسمو شكوكو

    الأخ العزيز (( بدر الدين ))
    لك التحية ..
    ولعلك ممن يحسنون الظن بنا ...
    فأنت تضعنا بين الثريا** ونحن الى أهل الثرى أقرب ..
    وما نحن إلا تلاميذ في حضرة هذا الوجود الجميل
    وكل يوم نتعلم معنى جيد
    فبكم نعرف قيم التعاضد والإستواء في الصفوف
    ومعكم نحس قيمة الإنتماء لكينونة الرقعة بجغرافيه وجودها
    على كوكب الأرض ..

    عزام :
    Quote: وبعدين شكوكو إبداعو بِذكِرني بِالخليل جا مِن
    عبري ما بِيعرِف البير مِن العير في لُغة الوسط ، وبعد شِوية كتب [ تم دورو ودَور ]
    شُعراء أُم دُرمان إستعجبوا وحسدو عديل كدي ... شكوكو كتاااب بِلُغة السماء علشان
    جيناتو خُلِقت فيهو [ ... فِي أَحْسَنِ تَقْوِيمٍ ] ... وينسحِب الأمر فينا كذلِك


    أخي العزيز (( عزام ))
    صاحب المفــردة المقعــدة على نبرة السكـون
    مهما تجافل الحــرف شــدا وكيفما كان ويكون
    فأنت أقدر الناس رسما لهدبة العين والجفـون

    روعتكم أخي عزام تحجب عنا رؤية روائع الآخرين
    فأين نحن ممن يستأنسون الحرف طوعا لكي يكون
    فتحن كمن يتأنق أمام معلميه ليروا فيه غرسهم النبيل
    فما إشرئبت حروفنا تطاولا إلا في حضرة سكونكم المهيب
    ففي مراتع الجمال يزدهي الجمال بالجمال ..
    وتداعب الأغصان كل غراسها .. حتى الأشواك ترنو للحنين

    (( والعود في أرضه نوع من الحطب ))
    وكلكم عود ولا حطب ..

    وما هذا الألق إلا من روعة منظاركم للأمور ..
    نضر الله مآقيكم وسدد رميكم..

    (( عبدون سوقنا ))









    ...

    (عدل بواسطة صلاح شكوكو on 08-05-2008, 11:04 PM)

                  

08-06-2008, 04:29 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الشكر الجزيل للاخ صلاح شكوكو على التفصيل الضافى الكافى بالنسبة للمرحوم (سوسو) وفريق الزهرة أها وياناس الحلة ديك ناس قرجة صلاح لعب ليكم باص فى المكان الصحيح وانا على ما أذكر إنو الميدان اللى فى نص حلتكم واللى بيفصل بينكم وبين ناس شكوكو كان هو ميدان الزهرة ودائما كان تمارينهم هناك وهسة انا شايف الميدان راح فيها ومكانه فى جامع جميل مبنى بصورة ملفتة وعلى ما أظن انو ملحق معاهو روضة او خلوة على ما اذكر ودى فرصة برضو تكلمونا عن الموضوع دا ..... وبعدين حلتكم دى عندى دفعة قديمة فيها وهو الاخ صلاح عوض وانشاء الله يكون فى أحسن أحواله وفيها ابو النسب الاخ العميد عماد عبد المنعم ومحمد الموجود بالسعودية حاليا واخوة اعداء لعبنا ضدهم ايام فريق الزهرة والجهاد ناس فرنجية وعز الدين الصبابى
                  

08-06-2008, 05:39 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عابدون محمد عابدون)

    الحاجه " آمنه" أبو الريش

    والدة الأخوان "عماد" "جمال" "عزالدين" "نجم الدين" "عوض" "تاج الدين"..يقع المنزل في الجهة الخلفية لشارع المدارس..كانت الحاجه تشتهر ببيع "الفسيخ" بعد ان تقوم بجلبه من جبل أولياء..لدي حوار دائمآ معها حين أذهب للشراء..وبعد طرقي للباب يكون الحوار التالي:

    السلام عليكم
    حاجه أمنه: عليكم السلام..إنت منو

    أنا الشيخ يا حاجه أمنه
    حاجه أمنه: أدخل ياولدي

    ياحاجه أمي قالت ليك أدينا فسيخ بي "ريال"
    إنت ياولد ده وكت فسيخ هسه
    أنا قالوا لي جيبوا وبس
    إنت أمك دي قايله أبوك بلقى القروش دي في الواطه..كل يومين جايين دايرين فسيخ
    يا حاجه عليك الله أدينا لانو مستعجل أنا
    مستعجل لاحق شنو
    ماشي الكوره
    الكورة التكسر كرعينكم دي..كان إنت كان "عزالدين"
    يا حاجه قولي "تاج الدين" عزالدين ده أكبر مني
    كلكم سجم في سجم كان إنت كان هم..إنت هسه فطرت ولا لسه
    يا حاجه فطور شنو الوقت بدري لسه..أنا يادوب شربت الشاي
    أقعد أول حاجه أفطر
    يا حاجه أنا ما داير فطور..إنت ما عندك فسيخ ولا شنو

    يظهر "نجم الدين" خارجآ من الغرفه
    يا نجم الدين عليك الله قول لي أمك تدينا الفسيخ..عندنا مباراة مع ناس التيمان وقرجه في ميدان الجهاد
    يرد نجم الدين..تصدق أمبارح أنا ومعاي "وحيد" الصيني إتعشينا في "مارلبورو" وما قال لي
    يا نجم الدين عليك الله يكلموا ليك شنو ياخي..ما حاتجي تقضيها لينا كواريك ساي
    والله يالشيخ انا ما بكورك إلا لمن زول يغلط في الباص
    خلاص خلاص ..كلم أمك خليها تدينا الفسيخ ده عشان نمشي

    تظهر الحاجه مع إبريق الشاي قائله:
    يا ولد الشيخ كان ما شربت الشاي ده ما بتطلع من هنا..إنت داير أمك تقول علي بخيله
    خلاص أنا بشيل الشاي معاي
    يشيلك النمل..شاي شنو البتشيلو ده..إنت ما نصيح ..أقعد بس ..جيبو البنبر ده
    رشفه كبيره من الشاي..ولسعه حاره لان الشاي ساخن جدآ
    يا حاجه ياخي الشاي ده حار
    يا ولد دايرني أبرد ليك الشاي كمان..أشرب بس..الليله كان ما شربت الشاي ده مافي ليك طلعه من هنا
    خلاص يا حاجه لغاية ما أشرب الشاي ده إنت جيبي الفسيخ عشان ما أتأخر
    بالله شوف الولد ده..إنت مستعجل أصلك ماشي تلعب في الهلال
    عليك الله ياحاجه إنت بتعرفي الهلال كمان
    كيفن ما بعرفوا ..هو كان إنت الماقمت من الواطه بتعرفو
    تلقيك عرفتي بعد "عزالدين " سجلو في المورده..والله يا حاجه أنا كان محلو أمشي الهلال بس ..موردة شنو ياخي..إنت يا حاجه خليتي يتسجل في المورده عشان يجيب ليك السمك للفسيخ
    بالله شوف الشايقي الفصيح ده..إن شاء الله تبقى تلعب في المورده إنت كمان
    منو أنا كان جابو لي ناس المورده عشان يلعبوني معاهم أصلو مابلعب
    عليك الله كورهة شنو العليكم...أمشي إنتهو أول شي من حش التمر
    عليك الله ياحاجه أدينا الفسيخ خلينا نمشي
    أخيرآ إستلمت الفسيخ ..مع السلامه ياحاجه آمنه..تاني ما تأخرينا بالله
    أمشي يا ولد..إن شاء الله تجيب ليك قون بعد الفصاحه دي

    متع الله الوالده "آمنه" بالصحه والعافيه..لم ألتقيها قرابة العشرون عامآ..فقد كانت مثال ولله المثل الأعلى..للجود والكرم
                  

08-06-2008, 05:47 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عابدون محمد عابدون)

    أخي عزام

    الشكر الجزيل علي الشرح المفصل

    اذا لم أنجح فلكم العتبي حتي ترضي

    وساستعين بصغيري المجتبي

    فانا في البيت املك اللابتوب اسما وهويملكه حرفة

    ما أروع أن تكون تلميذا لابنك الصغير

    وما أروع ان نتعامل مع صغارنا بمبدأ ال ًًًًWIN-WIN
                  

08-06-2008, 06:07 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    يسلم المجتبى الاستاذ للاستاذ
                  

08-06-2008, 09:07 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    سيد أحمد
    Quote: والدة الأخوان "عماد" "جمال" "عزالدين" "نجم الدين"
    "عوض" "تاج الدين"..يقع المنزل في الجهة الخلفية لشارع المدارس....


    لك التحية والتقدير أخي سيد أحمد
    والتحية عبرك للخيرين أبناء المرحوم محمد خير
    (( ابو الريش )) ولوالدتهم الطيبة
    أمدها الله بمدد العافية

    (( يايتك أخي سيد أحمد لو كتبت لنا عن الأحباء
    الذين هم في دائرة معرفتك منهم حسب تعاطيك بينهم
    نجم الدين" "عوض" "تاج الدين
    فكل له نكهته الخاصة وطعمه الجميل ))

    أما جمال فلبعدة بعد عن خاطركم وأما عماد فلا أظنكم
    نعرفه بحكم أنه كان ببورتسودان بسلاح البحرية
    ولآ اظنك تعرفه إلا معرفة العابر وأغلب الظن أنك لم تلتقيه
    إلا جزالة وكثير ود .

    وللمعلومية : لهما شقيق كان يدعى سيف توفى
    منذ أمد بعيد له الرحمة والمغفرة ...

    عاطرات الود


    ...
                  

08-06-2008, 09:50 AM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)


    عزام:

    تسلم يا رائع ، كمية استفادت من الارشادات لتحميل الصور، و بكري معقد الشغله خالص، لكن مع شفوت الشعبيه تهون التعقيدات.
    لك مودتي .
                  

08-06-2008, 11:29 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الفاضل يسن عثمان)

    أستاذنا الجميل

    "شكوكو"
    سلام من الله تعالى عليك ورحمات وبركات
    أراك كاتبتني بإسم الوالد "رحمه الله تعالى عليه" وهي قلاده تزيننا في كل حين..نسألك وكل الإخوة الدعاء له بالرحمه والمغفره.

    هذه أول مره أدرك أن للإخوة الأعزاء أبناء المرحوم بإذن الله "أبوالريش" أخ يدعى سيف توفاه الله تعالى منذ أمد بعيد..وهي معلومه أعتقد أن الكثيرين لا يعلمون بها.
    أما بخصوص "جمال" فقد كان آخر عهدنا به عندما كان يتعاطى المجنونه "كرة القدم" في ملعب الجهاد..إحتوته أسوار الغربه بين جدرانها منذ أمد بعيد..وأعتقد أنه لم يكن محظوظآ أو لم يولي الكرة إهتمامآ كبير لذلك كان الطلاق بائنآ بينه وبينها.
    أما "عماد" فقد ظهر منذ فترة في سماء الشعبيه بعد فترة فيها من الطول ما ولد في نفوسنا شئ من الجهل لشخصه وشخصيته..لكن ما لبثت طلاسم شخصيته تنزاح حتى كشفت عن روح مرحه..حاضرة البديهه..محبه للكل.
    إبن جيلنا هو "تاج الدين" رغم أنه يكبرني بسنوات لكننا لعبنا وتصادقنا لفينة من الزمن..إلى أن فرقت بينا سبل الحياة... لكنه لا زال في خاطرنا أحد الذين يتلبسهم الأدب والخلق الرفيع والكرم.
    التحيه مرة أخرى لأهل بيت والدنا "أبو الريش" عليه من الله تعالى رحمه ومغفره ندعو ونبتهل..وتحيه لك يا أستاذنا الجميل..إن أكثر ما يدهشني هو الحضور القوي للذاكره بالرغم من طول السفر"ماشاء الله "
    ولك من الود أكمله
                  

08-06-2008, 02:43 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    Quote:
    أراك كاتبتني بإسم الوالد "رحمه الله تعالى عليه"
    وهي قلاده تزيننا في كل حين..
    نسألك وكل الإخوة الدعاء له بالرحمه والمغفره.


    وودت كثيرا أن أكون أبي ..
    ولآن أن الكينونة صيرورة فإن ماكان أولى مما سيكون وماهو كائن ..
    فهم ( الساس والراس ) .. وما نحن إلا من معينهم دفقة ..

    (( فكن حامل لواء أبيك ))

    له الرحمة في مرقده الطاهر كما لوالدي مثل ذلك
    وهالات من الرحمة ترفرف على رووحيهما .

    والرحمة والمغفرة لموتانا وموتى الجمع الطيب بيننا
    ولكل المسلمين والمؤمنين ..

    لهم الرحمة والمغفرة



    (( ولا شكر على واجب ))



    ...
    ...

    (عدل بواسطة صلاح شكوكو on 08-06-2008, 03:10 PM)

                  

08-06-2008, 05:12 PM

عمر عثمان
<aعمر عثمان
تاريخ التسجيل: 08-04-2008
مجموع المشاركات: 1583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)

    كتب المبدع الشيخ سيد احمد

    تلقيك عرفتي بعد "عزالدين " سجلو في المورده..والله يا حاجه أنا كان محلو أمشي الهلال بس ..موردة شنو ياخي..إنت يا حاجه خليتي يتسجل في المورده عشان يجيب ليك السمك للفسيخ

    يا زول يا رائع تعرف كيف تنقل التفاصيل اليوميه الجميله الى ابداع
    كنا كذلك ترسلنا الوالده حرم علي موسى رحمها الله الى حاجه امنه لشراء الفسيخ وكانت بينهما مودة خاصه
    وحاجه امنه ابوالريش لها مقوله مشهوره بعد تركت بيع الفسيخ حيث تقول
    البيت ضفروهو
    والفسيخ خلوهو

    لها الانحناءه ولمولانا عزالدين الصبابي
                  

08-06-2008, 04:28 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    ابودية...
    عليك الله سلم لى على الاستاذ وقول ليهو فى زول من الزمن القديم اسمه عابدون بيسلم عليك والكلام دا امانة توصلها....
                  

08-06-2008, 07:13 PM

عمر عثمان
<aعمر عثمان
تاريخ التسجيل: 08-04-2008
مجموع المشاركات: 1583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عابدون محمد عابدون)

    المحسي الاسطى محمد عثمان فضل
    ينحدر من جزيرة نلوتا عند اقصى الشمال
    حيث اهلنا المحس
    ونلوتا حسب اجتهادي
    تتكون من مقطعين
    نلو وتعني الاحلام
    وتا تعني بلاد
    وبذا تكون نلوتا
    هي ارض الاحلام
    وما اروع النوبيين في اسمائهم وبلدانهم ويسمون ارض الاحلام
    قبل ان يولد احمد بهجت بالاف السنين او تظهر امريكا للوجود
    كان محمد عثمان فضل المحرك لكل نشاط اجتماعي او اسري
    ابا للجميع
    تقابة للصلاة
    وشايا ولقيمات في صلاة الفجر لقاريء القران
    وغرباء المسجد
    رحم الله ابونا التقي النقي
                  

08-06-2008, 08:11 PM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عمر عثمان)


    كتب: عمر محمد عثمان

    Quote: المحسي الاسطى محمد عثمان فضل
    ينحدر من جزيرة نلوتا عند اقصى الشمال
    حيث اهلنا المحس


    دا حين يا عمر هذا والد الاكارم< تاج السر، المرحوم حاتم، و الحريف اشرف، و عثمان وخالد> الذين يسكنون المنزل المقاصدكم في المربع المدهش. و لا تشابه علي البقر.

    تسال اخر:
    هناك احد النوابغ يسكنون الي الخلف من المسجد ظني ان اسمه< عبد العزيز> لديه شقيق لعب في المارد لفترة مع ناس طارق محمد سعيد، فالاسرة عريقه من نواحي شندي.هلا اشرت الينا بهم، فتلك المنازل خارج شبكتي تماما.




    مودتي.
                  

08-06-2008, 08:24 PM

عمر عثمان
<aعمر عثمان
تاريخ التسجيل: 08-04-2008
مجموع المشاركات: 1583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الفاضل يسن عثمان)

    الاخ الفاضل
    طبعا اليوم اخوك عمر نبطشي عندو خرصانه بتاعة خوازيق للصباح


    سيدي الفاضل انت تسأل عن ناس كباشي الامين واخوانه
    طبعا كباشي دفعتي انا وطارق محمد سعيد
    اخوانو عصام دفعة عادل
    وعبد العزيز دفعة خالد
                  

08-06-2008, 11:34 PM

عمر عثمان
<aعمر عثمان
تاريخ التسجيل: 08-04-2008
مجموع المشاركات: 1583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عمر عثمان)

    كتب اخي عابدون
    (ياعمر انا سألت لأنو كنت قايلك عمر عثمان ود الكورى )
    لم تذهب بعيدا فنحن اسرتين متداخلتين ومتحابتين ككل ناس الشعبيه
    وعبرك احيي عمر عثمان ود الكوري واخوانه عبد الرحيم والدكتور عدلي وسعادة العميد
    وبالمناسبه بشري اخوي وعبد الرحيم عثمان متزوجين اخوات يعني عدلا

    وهل يا عابدون بيتكم في الشعبيه جنب ناس عصام ابوزيد

    (عدل بواسطة عمر عثمان on 08-09-2008, 06:27 PM)

                  

08-07-2008, 04:34 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الاخ عمر ..
    أولا اعتذر عن الرد المتأخر لأنو أخوك لحد الساعة حداشر وبكون جر البطانية ... أها نحن بيتنا فى حى الصديق وتقريبا زى شارعين جنوب ناس عصام ابوزيد وأنا من ونستك مع الشباب هنا فهمت آنو انا بالنسبة ليك ديناصور قديم وعشان كدة يمكن ناس المدرب نورد الدين ومعاذ خليفة والشباب ديل يكونوا دفعة بالنسبة ليك ... أها لو عندك طريقة لى ود الكورى دا يجى يشارك الناس بى جاى تكون ماقصرت ....
                  

08-07-2008, 04:49 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عابدون محمد عابدون)

    أستاذنا الجميل "شكوكو"
    سلام من الله تعالى عليك ورحمات وبركات
    جزاك الله تعالى خير الجزاء ..نسأله تعالى أن يتقبل دعاؤك ..وان يفتح علينا وإياك وكل المسلمين في الدارين..ونسأله الرحمه لوالدنا"عبدالدائم" ..اللهم أرحم المؤمنين والمؤمنات ..المسلمين والمسلمات الأحياء منهم والأموات

    ولك من الود اكمله
                  

08-07-2008, 05:12 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    الأكرم "عمرعثمان"
    سلام من الله تعالى عليك ورحمات وبركات
    جزيل شكري على هذا الإطراء..إن الذاكره تحوي الكثير من الأحداث..أتمنى أن أوفق في طرحها بصوره مقبوله..ولعلك تتفق معي في أن نشأتنا كلنا في ذلك الحي ولدت لدينا قناعه بأن عليك ان تراقب سلوكك ..فإن ماتقترفه من أخطاء يمكن أن تعاقب عليها من أي فرد يكبرك عمرآ..ولا يمكنك الشكوى لأنك ستعاقب مرة أخرى..إن هذا هو أجمل مايميز الشعبيه وأهلها البسطاء...حتى حينما تلعب الكرة مع من هم أكبر سنآ..فإنك تحفظ لفارق العمر تقديره وهيبته.
    التحيه للحاج حمد وهو يدير عقارب الساعه نحو أجمل لحظات عمرنا..وتحيه لأستاذنا الجميل "شكوكو" مستودع الذكريات الذي لا ينضب..وتحيه لك أخي "عمر"
    ولك من الود اكمله
                  

08-07-2008, 05:59 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: الشيخ سيد أحمد)

    Quote: و رسالة من الأخ خالد شمس الدين:


    أخي الأصغر

    وسليل المرحوم نوارة الشعبية شمال

    والدنا جميعا " شمس " له الرحمة والمغفرة

    وابن الاسرة الشقيقة

    خالد شمس الدين

    سررت كثيرا بوجودك بيننا في هذا البوست.

    واصل ويا ريت تكتب للاخ بكري ابو بكر ليكون لنا حظوة مشاركتكم المباشرة.

    لك خالص الود والتحايا.

    ما هي اخبار عزيزنا احمد عز الدين بكندا .
    له سلامنا وتحياتنا.
                  

08-07-2008, 07:25 AM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: حسن طه محمد)

    الاخ العزيز

    عبدون

    صديقك صلاح عوض فضل المولى يسكن مقابل لنايعمل بحارا ومقر عمله الرئيس هو أثينا باليونان

    لك التحية يا قديم



    اخي الشيخ

    ابدعت في كتابتك عن الام حاجة آمنة ...انت عارف يا الشيخ البيربي الرجال هن امهاتنا فيكفي الاباء السعي للقمة عيش شريفة لابنائهم.


    اخي عمر عثمان

    حبابك في هذه الساحة

    (عدل بواسطة garjah on 08-07-2008, 07:40 AM)

                  


1 صفحة 27 „‰ 110:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de