عاجل .. (مضحك) .. توجد صور ..

Quote: كلامك دا يا تمبس بالواضح معناهو يا بنات المعيار إتشطرتو على منال في كلامها الشين وغضيتو الطرف عن كلام شين آخر بيتقال في حق بنات وخالات وعمات وأخوات وزميلات كان في هذا المكان أو خارجه وإنك كنت متوقع من بعض الكاتبات تسليط الضو أو الوقوف على مثل هذه الظاهرة .. أو الظواهر .. المتكررة .... (إلى آخر العبارة) كلامك معناهو كدا يا تمبس "على الأقل بالنسبة لي" وتوضيحاتك البعديهو كل واحد أكثر غموضاً من القبلو وإقحامك لموضوع المعيار وكاتباته في هذا الموضوع الحساس غير مفهوم بالنسبة لي حتى الآن أو ممكن تقول: ما عايزة أفهم زاتو إنت ربطت بين الموضوعين ليه! وأتمنى إنك ما تتوقع حاجة إنت ما متأكد من إنها حصلت فعلاً ولا لأ عشان الموضوع ما يبقى فريق المناضلين وفريق الما مناضلين لأنو بنفس الفهم دا أنا دي - وكواحدة من الكاتبات القصدتهم إنت ديل - حصل في أكثر من مرة وقفت عديل ضد إساءات إتعرضت ليها نساء أقف منهن على الضفة الأخرى فكرياً وسياسياً لمن الإساءات دي جاتهم من ناس معسكري أن الفكري والسياسي أو المناضلين يا قولك وأقرب مثال بيان وميادة ما حصل سكتا أو غضيت الطرف عن إساءة أخلاقية إتوجهت ليهن وعيني وقعت عليها البيحصل بي وراي دا ما عندي فوقو يد يعني إنت توجه مداخلتك لكاتبات المعيار المعدودات بالأصبع وجايب فيها تخريجات غريبة جداً ولما أستوضح تقول لي تاخدي المسألة بشكل شخصي؟ تمبس .. الشينة منكورة وطول ما فينا روح بنرفض الإساءات للنساء سواء كنا بنعرفهم أو ما لينا بيهم علاقة، كنا مختلفين أو متفقين معاهم فكرياً الموضوع ما دايماً بيكون مناضلين X ما مناضلين لأنو في قيم إنسانية بتلمنا مع بعض قد تسقط معها أحياناً مسألة إنتو من وين ونحن من وين ..