|
Re: ناس الزقازيق ... أجدع ناس (5) (Re: ميسرة سيد أحمد)
|
حلة البريستو والجالكسى نوت واولمبياد لندن وتلاتة وتمانين كيلو !!! يمين حاجاتك الملرسلة ليك نملوز , لا بديك ليها لاحاجة اولى بيهن انا , فى استعداداتى المنقطعة النظير , لكاس العالم بتاع الدوحة , 2022 قالوا رمضان يجى , يربط ناس , ويفك معاهو ناس يربط ديلاك , لكن يفك الجالكسى نوت , ايش فائدة صديق طيب مادام بيفك الجالكسى نوت , كان يفك معاهم الجماعة , عشان الواحد يستمتع بى سلطة الأسود ويعرف يقول سلطة اسود بالهولندى هى غايتو قريبة كده من القراصة وتشبه اللنك بتاع الوش الأصفر وعموما , شكر الله الصانع , كان المصنوع شوربة ولا جالكسى نوت لكن فى كل الأحوال , تسعتاشر ساعة والله كتيرة ياخى نحن وصلنا دى يبان دى , الساعة اتناشر اتزحلقنا فى الزحليقة العملاقة لابسين الشواويل , وصلنا نهايتا الساعة واحدة ركبنا الأسبرنغ فلاير , وصلنا منها الساعة اتنين لمن ركبنا الحاجة البتدور ديك يا عمر نملة , وكانت بتمر بينا على الناس القاعدين حوالين الموية وبتهزهزوا قاموا كده صورونا , قامت ايثار لقت نفسها ما ظاهرة فى الصورة قتم نملوز قال ليها نركب تانى عشان صورتك تطلع واضحة قمنا كده ركبنا تانى , قاموا كده صورونا صورة واضحة انقروا ما جينا لقينا ناس الصورة قفلوا !!!مشوا وين الجماعة ديل يا ربى ؟؟؟ لا لمينا فى الصورة الأولى , لا لمينا فى الصورة التانية اها طلعنا برة لقينا الساعة يا دوووووبك , خمسة انتو المغرب ده بيأذن متين , قالوا لسه باقى ليهو ستة ساعات ركبنا المترو , وصلنا محطة القطر , عمر ركب لى اوستند اند زى وانحنا ركبنا لى بروكسل وصلنا تمانية ونص شمس اللذين آمنوا دى , كان دايرة تغيب مالو ؟؟ انكسار ساى ابت تنكسر , عاملة كده زى لمبة التلاجة وحاتكم , استحمينا , وغيرنا هدومنا , وقعدنا فى الأسكاى بى مع ام احمد ومدرار وحجازى واتونسنا زيييييين , قمنا كده فتحنا ليكم الشباك انقروا ما لقينا الشمس لسه قااااااعدة يا زول صوم صومك براك , نحن فى حلة البريستو بتاعتنا دى ونظاراتنا البتسيح لامن ما نفرز النظارة من اضان النضارة الجماعة ينوموا ستة صباحا , يصحوا تلاتة العصر سلطة الروب بتاعتنا يا طلعت قبل الاذان , يا كمان لحقونا ليها فى العشاء وفى كل الأحوال , شكر الله الصانع
* بس لو بتقدر ترسل لى شوية مطرة من مطرة ديبان ديك , بخصم ليك تلاتة ساعات من يوم الصيام بتاعكم اصلى بعرف لى زول شغال مع ناس الأرصاد , لسه نظارته ما فرزوها من اضانو , كل سنة وانتم كلكم طيبين وختوا لينا لنك الوش الأصفر والجو الماطر هنا بالله [email protected]
| |
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
غيرك أشطر كلمات: حسين شنقراي غيرك كان أشطر يا القاعد فينا محكر بي قوة وامن وعسكر ما بي أسم الله الأكبر ------- أعزف أرقص رقصنا أخبط أضرب رصصنا بيعنا وأقبض خصصنا بَيِعْنا هدومنا وملِصنا ------- يا الشايف نفسك ماغيرك قِنع الشعب خلاص من خيرك ظالم مابصحي ضميرك واليله وجب تغييرك -------- رمضان والصيف الحار أشوينا وأحرق يا بشار مهما تولع وتوقد نار ثورتنا وهبت إعصار -------- إعصار ماشي وجاييكا من حكمك لابد قاليكا ياما تضلم سوده لياليكا أهرب بسراع أحسن ليكا -------- أهرب عيد في مكه خلي السودان يتفكه شوف زينك وين ركه ما بتقدر يا قذافي العكه -------- خلاص إنتهي مشوارك باكر بهربوا أنصارك أوزن وشغل أفكارك وشوف الفيها مبارك -------- أهرب خليك فالح سافر وعدي المالح ما لينا معاكا مصالح
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
Quote:
منص ياخوي .. انت رجعت الرياض ولا لسة صايم 19 ساعة في اليوم ... غايتو نحنا سلطة الروووب بنعملا من ... العصر ... عشان الجهجهه ... وضيق والوقت |
يا زول انا مشوى , فى نص حلة البريستو دى قالوا ليك تسعة وستين بالله عليك الله ما مجنون , الزول يسيب مطرة ديبان ديك وزحليقتا يرجع لى حلة البريستو حتى لوكانت تسعتاشر ساعة !!!! وعشان ازيد وجع بطنك , اوريك برنامج الرحلة
بروكسل بتاعت الغيم اوستند بتاعت البحر ديبان بتاعت المطرة وسلطة السود تانى بروكسل بتاعت الغيم فينا بتاعت جبال الألب ميونخ بتاعت الأيانز ارينا بتاعت بايرن ميونخ تانى بروكسل بتاعت الغيم برشلونة بتاعت الكامبنو والدى رامبلا والكاتولونيا سكوير مدريد بتاعت السانتياغو برنابيو والريتيرو بارك تانى برشلونة بتاعت الكامبنو تانى بروكسل بتاعت الغيم (سبحان الله , الغيم ده , مافى كتاحة تزحو من محلتو دى ؟؟؟!!) القاهرة بتاعت الحسين والسيدة زينب وفلفلة وعصير المنجا بالبراطيش حلة لبريستو
* ثم امعانا فى تعذيبك ., من حلة بريستونا دى , حاجزين لى كوستى , نشوف لينا رابطة تلمنا !!!!!!
| |
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
Quote: * ثم امعانا فى تعذيبك ., من حلة بريستونا دى , حاجزين لى كوستى , نشوف لينا رابطة تلمنا !!!!!! |
الدخل الرابطة كوستي مع ...بروكسل بتاعة الغيم شنو ... يا حاقد .... اقعد في حلة البريستو ... ان شاء الله لا سلطة اسود ولا سلطة روب .... ولا حتي دوري ممتاز تلم فيهو ... انت قايل الدوري ... انتهي ....
بعدين ماننسي ... وتلك الايام نداولها بين الناس ... امس كا دورينا ... ولحدي هسه كأس الممتاز قاعد في دواليبنا ...
نقول مبروك ... الكأس شلتوه خلاس ...
اقعد في "حلة الضلع" دي ....
يا جلة ياخي رسل الوش اللصفر ... انت زاتك وش اصفر تعمل بيهو شنو ... شوف ليك وش ... ازرق [email protected]
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
صباح الورد على الفتى الأسمريكا منصور
وصباح النور على البلور للفتى ياسر نجيلة
حمد لله على السلامة والرياض منورة بعودتك والشواية في إنتظارك
الحر عندكم كيف يا ود نجيلة ،،،
أنحنا اليومين دي خفت الرطوبة وقلة درجة الحرارة بنسبة لا بأس بها
الماشي السودان منو !!!!!!
سألتني الوالدة إنت منصور السنة دي ما مسافر !!!!
وما عارفه منصور كان في بلاد الواق واق مع صاحبنا بتاع المارثونات
مداخلات ناس السودان ما زالت معدومة الحظر ما زال قائماً على الموقع!!!
| |
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
شوفو يا أخوانا بالرغم من غبايني (جمع غبينة) الكتيره... لكن ما لاقي لي وقت أجي أفشها فيكم... و بيني و بينكم الحالة الزهايمرية بتزيد في رمضان... يعني أنا كنت عايز أكتب ليكم شنو الصباح ما متذكر و الله... دي حاجة... الحاجه التانية الكلمة تقعد تفتش ليها بالساعات حتى تلقاها... أنا مع ياسر نجيلة...ان شاء الله الرياض تبقى حلة ضلع... يا مفتري..الكامبنو و السنتياجو برنابيو مرة واحدة... أنا كان كلمت مهند ولدي حسه حيقول لي... يا بابا ممكن تخلي عمو منصور ده يتبناني... و أنا حأقول ليهو يتبناك انت ليه..انت صاحبه و لا بتعرفه... خليهو يتبناني أنا ده ان شاء الله بس يوديني ميلانو... عشان أمارس لغتي الايطالية الرهيبة... زي كلمة غراتسي سنيور...عليكم الله ما خطير في الايطالي... أنا عايز أقول شنو... عايز أقول شنو.. عايز أٌول شنو... آآآآآآآآآآآآآ
يا جماعة معليش دوامي انتهى أنا ماشي البيت أتشنقل...
| |
|
|
|
|
|
|
Re: ناس الزقازيق ... أجدع ناس (5) (Re: جلال عثمان)
|
Quote: وصباح النور على البلور للفتى ياسر نجيلة
حمد لله على السلامة والرياض منورة بعودتك والشواية في إنتظارك
الحر عندكم كيف يا ود نجيلة ،،، |
والله ياريس ميسرة ... حرنا " يفسخ " بس مازي حر الرياض ... وكمان رطوبتنا زي بوخ الحلة ... بس برضو مازي رطوبة جدة ...
غايتو ياريس لو الواحد التزم البيت ... والمكتب ... والعربية ... ماعندو عوجة تب .... الكلام مراسيل بنات الشيخ .... تجي من المشوار طواااالي تنشر الملابس الداخلية .... والقميص ....
عاوزين اجازة زي بتاعة منص دي ....
=============================== جلة يا سكر .... الوش وصل
تشكر يا حبيب ... وبختك يا ود جبرين .... كوستي دي الدخلا شنو ... مش نحنا من سنار وسنجة ....
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير
ما عارف أمبارح اتعشيت بي شنو و لا اتسحرت بي شنو... لكن مزاجي بتاع الكتابة بتاع حزن كده... يا ربي اتعشينا و لا اتسحرنا بي دمعة...أبدا ما كان في دمعة... يكون الحزن ده سببو الفول بتاع العشاء...يعني بلاده و حزن... فقلت أحسن أختاكم لحدي ما المزاج يستعدل... كفاية جبريلا كل مرة بيجي يفشها هنا... رغم انها قاعده تعجبني فشة جبريلا... لكن قلت مافي داعي يبقى عليكم جوع و عطش و حزن كمام (أنا قاصد ناس الرياض)... أما بالنسبة ليك يا نجيلة يبقى ليك زلييييييييط و حزن....
Quote: وبقيت ألعب لعبة نط الحبل باستخدام الحبل السري!!!!! وبقيت أنطط وأغني قمر شمس نجوم كواكب هواء ... واحد اثنين ثلاثة هيييييييييييييييه .... |
غايتو يا نجيلة تستاهل أوسكار على الخيال الجامح ده.. ان شاء الله تكون جامح دي عجبتك... خيالي قدر يستوعب كل الكلام الخيالي أعلاه... لكن قدر ما حاولت حتة المكيف الصحراوي دي غلبتني...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
Quote: لكن قدر ما حاولت حتة المكيف الصحراوي دي غلبتني... |
السبب ماانت السبب الفول البتسحر بيهو ... اسهل حته في القصة يا رشا ياخ ...
كدي جيب ليك مكيف ... اي حجم واي سعة ... وشغلو في الصحراء .... الجو كيف .... " وتيب " وزلوووط وصف الجو داخل بطن امو ... الهوا زي مكيف في الصحراء .... وعطلان " ماببرد"
بعدين ياشباب الكلام ده منقوووووووووول ... بتصرف رمضاني مني ... عشان نحفظ حقوق " زلووووووووط"
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
Quote:
الكلام مراسيل بنات الشيخ .... تجي من المشوار طواااالي تنشر الملابس الداخلية .... والقميص ....
|
الكلام البى صيغة جمع المؤنث السالم ده اخير ليك تمسحوا بسرعة والسطر البعده ده ياهو البيخليك تلعب نط حبل بالحبل السرى زااااتو
* نط الحبل السرى دى , قلبتا فيها الهوبة عديييييل ياخى عجبتنى جنس عجب شديدتك دى , فى رمضان ما بتخليها نصيحتى ليك , نقص البعر شوية
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صباح الخير ،،، يا وجوه الخير
تحية الصباح نهديها للشاب الخلوق ياسر ود نجيلة
كل سنة وأنت بألف خير وعقبال ما تكون جد وتلعب مع أحفادك
وتكون حكاوي ناس زلوووط ما خلصت
بس إنت واصل وأنحنا بنط الحبل معاك
حتى لو كان بالحبل السري أو الجهري
| |
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
رمضان كريم للجميع
تحياتي للناس دون فرز
ياسر نجيلة كل سنة وانت بالف خير ، عمر مديد
بوستيكم ده شكله ما بيتقري في رمضان ....
تحياتي لمحمد صديق ياسر نجيلة الرشيد بابكر ميسرة سيد احمد طارق جبريل جلال عثمان (اها السنة دي العمرة كيف) منصور عبد الرازق عمر نملة ياخي ما راجي تلفونك ...
| |
|
|
|
|
|
|
Re: ناس الزقازيق ... أجدع ناس (5) (Re: زهير الزناتي)
|
والله يا ابوالزوز سويتها واضحة عديل كدة مشتاقين ياخ ... وبالله ما تخلي وش الكتاب دا ياخدك من المعجبين اما بخصوص العمرة وخلافه فالسنة دي ماتنسونا من صالح الدعوات بالله والعيال راجينك بالله تعال سوقهم معاك .... آخر دوام لي يوم العيد بعد العاشرة ص وكان ما مصدقني أسأل منصور ... شاف بى عينه مافي زول قال ليهو .
اها وبمناسبة تحياتك ... انا زاتي والله
Quote: تحياتي لمحمد صديق ياسر نجيلة الرشيد بابكر ميسرة سيد احمد طارق جبريل جلال عثمان (اها السنة دي العمرة كيف) منصور عبد الرازق عمر نملة ياخي ما راجي تلفونك ... |
وعمر نملة دا مافي طريقة الزول يشكروا الا يمشي ليهو عديل كدة ويقالدوا زين لما ضلعوا ططقطق .... شكرا يا ابوالطيب ولما اجيك ان شاء الله ويا منصور بالله الاجازة الجاية شوف ليك "روت" تانية ما تزاحمنا في الزول دا بالله مع جزيل شكري يا مرسال الشوق الكلك زوق.
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير
Quote: وطلع كل شي فيني إلا نخرتي ... قلت لاحولا أهو ده الانا كنت خايف منه!!!! الدكتور استدعى الطاقم الطبي عشان يطلعو نخرتي... حاولوا المرة الأولى ... والثانية مانفع... وبعد ثالث محاوله طلعوها (الثالثة ثابتة...) |
تنشنت بينا و قطعت قلوبنابالخلعة و الضحك يا ظلوط لكن... خفت الدكتور يقوم يقطع ليك نخرتك مع الحبل السري.. بركة البقت التالتة تابتة... و مرقت كلك بي نخرتك... كان تكون لي يوم الليلة تنخنخ....
| |
|
|
|
|
|
|
Re: ناس الزقازيق ... أجدع ناس (5) (Re: جلال عثمان)
|
صباح الخير ،،، يا وجوه الخير
دعاء الصباح :
يا الله يا كريم يا أول يا آخر يا مجيب
يا فارج الهمّ، ويا كاشف الغمّ،
فرّج همي ويسّر أمري
وارحم ضعفي وقلة حيلتي
وارزقني من حيث
لا أحتسب يا ربّ العالمين
| |
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
التحية لأبو الزوز و العودة الجميلة... و الله يا أبو ميار عارفين مشغولياتك... لكن جيتك دايما فيها الاضافة الكبيرة.. و كنت عايز أكسر ليك تلج أكتر من كده... لكن خفت تطير تلجه باااااااارده تفطرني...
و تحياتي يا جلجل... ان شاء الله بس يكون الحذاء الرياضي عمل عمايلو... ما تبقى بس بروباقندا بتاعت تلاته يوم و خلاص... لكن بالله أسمح لي أسألك سؤال فني...
كيف بيكون الحذاء بنكهة سلطة الأٍسود...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صبحكم الله بالخير
مالكم..صايمين و لا شنو.... زنق معاكم؟ . . . ما كنتو عاملين لي فيها فلاته.... . . وييييييييين زلوط اليوم... . . و وين صاحبنا بتاع حلة الضلع... الاجازة طارت ليهو في راسو... و لا لسه فيهو باقي غمام...قال مغيمة قال... هاك شوف الشوربة دي.... . . وين دعاء الصباح بتاع الريس... اللهم تقبل منا صيامنا و قيامنا... دي احتياطي امكن الريس ده اليوم ما يجي... . . جلال ما متوقعه يجي يومين وراء بعض.... الا لو أبو الزوز عمل فيهو حسنه.. و جاء ساق ليهو العيال العمره...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
Quote: وين دعاء الصباح بتاع الريس... اللهم تقبل منا صيامنا و قيامنا... دي احتياطي امكن الريس ده اليوم ما يجي... |
عارف يا رشيد القوم مما دخلت العمل ووقع عليها حمل كبير في الشغل
لم أستطع حتى المداخلة والدوام على نهايته قلنا نشوف منو الموجود
لقيت الناس كلها صايمة،،،،
اللهم تقبل صيامهم وقيامهم ،،،
| |
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صباح الخير ،،، يا وجوه الخير
اللهم أفتح بيننا وبين قومنا
أعجبتني قصيدة حسين شنقراي
صرخة في وادي عبقر
كلمات: حسين شنقراي سأظل أصرخ في الملأ إني ضعيف قد هدني طول النوي قدماي أرهقها الرصيف وربيع العمر يسري إليك كما النسيم له خفيف وتتساقط الأيام مني كأوراق الخريف فإنسراب العمر يمضي مهدرا أيامي نزيف وعكفت أمسح أدمعي أرجو لقاكِ ولا أمَل وظللت مشنوقا علي حبل الأمل يامن تهيمني هواكِ وشفني مذ كان نخل الحب ينبت في الجبل --------- قد كان نهر الحب ينفح بالسنا يمشي بين الضفتين ولا يدري من أنا ضاقت أماني وأمالي ضاعت والهنا كانت أمامي مرت من هنا ألام فراقٍ لا تحتمل يا فجر روحي وهناي ما العمل وأظل مشنقا علي حبل الأمل --------- قد صافحت كفك كفي ومشي بعيدا ثم أرتحل وظللت أرمق ذاك القوام الفارع والكفل نورا في الخدود ونارا في المقل آه من فؤادِ أوقدته فإشتعل --------- كان لقاء عابرا وأنقضي كل في حاله قد مضي ما زال بذاكرتي عالقا ما إضمحل مذ كان نخل الحب يتبت في الجبل --------- ولقد تهيمني هواكِ وشفني مذ كان ورد العشق ينبت في الجبل مذ كان ضوء الحب يسطع في زحل مذ كان مذ كان
| |
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
الخبر الاكيد قالوا الخرطوم اترشت ساريتين تبقبق لي الصباح ما تفشت هاج فحل ام صريصر والمنايح بشت وبت ام ساق على حدب الفريق اتعشت
قال ليك مطرة للصباح في الخرطوم... الكتاحة بدت مع أذان صلاة العشاء... و البرق عبادي والسماء شاااايلة لمن مضلمة... و بينما الجميع في انتظار ما ستسفر عنه الكتاحة... قبل أن يتوجهوا الى المساجد لصلاة العشاء و التراويج... اخذت ألسنتهم تلهج بالدعاء...فالوقت وقت دعاء... رمضان ...و ما بين الأذان والاقامة...و ساعة نزول الغيث... فكلها أوقات يستجاب فيها الدعاء الصادق باذن الله... و كل يدعو بما يشاء و على حسب موقعه من الاعراب... و لكني أظن أن غالبيتهم اتفقوا على هذا الدعاء... اللهم ادفع عنا الغلاء والوباء والبلاء والمحن يا الله....
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صبحكم الله بالخير
تمشي و تجي بعد يومين و برضو تلقى آخر مداخلة ليك... حاجه عجيبة و الله... ناس السودان ما قادرين يدخلوا... و جلال صايم.. منصور ده لسه صايم و لا شنو...
درجات الحرارة التي بلغت الخمسين و تجاوزتها قليلا.. لا شك أنها تؤثر كثيرا في رجل على أعتاب الخمسين... و لا شك أن المفاصل و العضلات ما عادت قادرة على التحمل... فالانتقال من مكان بارد جدا الى جو حار جدا و بالعكس له نتائج سلبية... أما الرطوبة فحدث و لا حرج.. و بما أنني و صديقي أبو الزوز نعيش في مكانين يقعان في خط طول واحد... و ربما خط عرض أيضا فلا شك ان رطوبة أبوظبي تشبه رطوبة الدمام... و بما أنه معروف عن رطوبة أبو ظبي أنها تجعل الخمسيني يبدو و كأنه ستيني... فلا أستغرب ما آل اليه مظهر صديقي بالدمام. فلقد بدا لي مثل خمسيني و هو الذي احتفل بعيد ميلاده الثلاثين منذ أيام... هذا غير الكسل الواضح في نشاطه الاسفيري... و الذي يعلله هو لانشغاله بأمور أخرى أعتقد جازما بأنها غير حقيقية...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صباح الخير ،،، يا وجوه الخير
أصبحنا وأصبح الملك لله وحده،،،
اللهم أجعل أحباءنا يعودون إلينا ولو
تجاوزا الخمسين وكانت الرطوبة لحدي الركب
عارف يا رشيدي الخميس والجمعة الناس معذورة فيها بعدم التداخل
ولكن مسافر القاهرة ومعي الأولاد يوم الأربعاء القادم وربما تكون المداخلات
أكثر صعوبة الله يحنن ليك قلوبهم ويتابعوا حمل الرسالة ،،،
وناس السودان صاروا محرومين من البوست كمان ندعوا ناس الخارج لسد الفرقة
| |
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
العجين المر شعر هاشم صديق يوليو 2012
سكيتى السحابة السمرا من قيسان ولي قِبلة سما أمدرمان . ........... يوم الجمعة صلّينا دعينا المطرة شان تنزل جات المطرة بالبمبان .
.......... اتحرّينا لي رؤية شهر رمضان اتفاجئنا بي رمضان كان حاضر . مَرّ الحول وما فاتنا كان واقف وكان حارِن تقول حردان . ............ تمام حولاً ونحنا تملّي ناس صايمين وماعارفين . ما حللنا صوم بي تمرة ما بلّينا بي حلومر حلق نشفان . ............ شن الصوم وشن الرؤية يا ( عشمانة ) كان عزّ القِرِش في اءلايد واتقدّد جِلِد جُزلان ؟! ............ لا زِرّيعه لي الآبري لا عجالي لي شرموط لا ( تيبار ) عجيناً مٌر ولا في عصيدة بي ملاحاً لذيذ ويسُر .......... لا في بليلة في حلة ولا تمراً كُبار في كورة يتبلا. ........ لا فحماً ولا ملحاً ولا قِرشاً يجيب شيتاً من الدكان . .......... اتشققنا لّما نشفنا واتقلّينا لما نجِضنا واتفتفتنا لما كملنا وأسيادنا السُمان (كيزان ) . .......... قرصنا الجوع مرقنا هتفنا ضد والينا ضد خانقنا ضد كاتلنا كان صوت الوجع عالي وكان نقحي الجروح مسموع ضحكوا علينا ناس ( كاكوما ) و ( ود برهوما ) قالوا علينا أحسن لينا ( لحس الكوع ) سبحان الخلق أشتات ديل ناس الشرف ناصل وناس أصل الخجل مجدوع . ........... صعاليك البلد حاكمين أشراف الوطن صاغرين يمرقوا غلابة للبمبان وتتكندك سما أمدرمان والفراجة و (المهراجا ) بس لابدين . ........... سمح والِينا لما يفور ولما يثور علي منصة ويهز الايد كمان تجديد في أصل ( العرضة ) والرقصة يهيج فينا وكمان يدينا كم حصة عشان كوركنا من جوعنا كسرنا الخوفة والرصة طلعنا هتفنا مرقنا دفرنا زي سيلاً نتر دفَاق و بقينا وصرنا عند الوالي متآمرين كمان شماسة ضد الدِين وناس عُملا و( شذاذ آفاق ). ........... مسكينة يا عشمانة قالوا تقاطعي حسه اللحمة كان حمرا وكان بيضا تحاربي طماطمة حُمرة عين وتبعدي من البيض حت ءان بيضة أو بيضتين دحين قبال كلامهم ده كنتي مقاطعة اسرائيل أو الكفار ؟ كنتي بتاكلي يا عشمانة ديمة سخينة أو كافيار ؟! ......... مسكينة يا عشمانة يا حيرانه جاتك حسه نار كُربه . حتي الكهربا شوف عينيك سماع اضنيك جن ضَرَبا ووقدت نار كمان قَدَلَت رافعة النخرة واتنفَشَت تقول سد مروي ءاتْلبّش بجن حبشي ونازل ظار ............. شنو الخلوهو ما زادوهو ؟ غير نَقَص العُمر والحيل شنو السابوهو ما قطعوهو كان حتي الوطن قصوهو من مليون صبح كم ميل ؟!! ......... ( وا أسفاك (1) يا عشمانه من ناس ديك و ( وآ أسفاي من ناس ديل ) ناس ( المؤمن الطعّان والفاحش واللّعان ) تقول ( القُدوة ) ما كانت ( رسول الله ) ولا المسلم لسانو تُقَا وحديثو نبيل . .......... ديل يا زولة ما قارين صِحاف خُلفا ولا عارفين منو ( العُمَرين ) ولا دارين شنو ( الأخلاق ) ووين ( موقع ) شتايم الوالي عندالله كان الشعب شحادين وكوم عُملا و ( شذاذ آفاق ) والبهتف في وش الوالي كان تَشّاهو جمر الجوع أحسن ليهو ( لحس الكوع ) وبكون ( مدفوع ) وزول عولاق ............. يا عشمانه ( رغم السيف ) ورغم القيد راية العزّه ما بتندّلا تظل مرفوعة زي رأس الوقف جبار ولمس النار ما رمّش ولا اتذلاّ ............ وكان ألفين ورا الأسوار هناك ثوار بجيبو التار ويقولوا ( نعم ) لكلمة ( لا ) . ............ بكره قريبه يا عشمانه نتماسك نقيف في وش لصوص الدين ربيعنا العربي ما مخنوق ولا مسروق ولا تلجين ولا تلحين ربيعنا العربي من ابداع شباب مغبون حمم طالع جحيم فارع من بركان غضب مجنون .......... نشوف بكره منو البلحس عديل الكوع ومنو الواقف وراس مرفوع
* الخمسين الوحيدة البعرفا ان , ياها بتاعت الكوتشينة اى خمسين تانية مسئول منها صاحبا البقولا تمشى وتجى بالسلامة يا ريس
| |
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
صبحكم الله بالخير
يا ريس اجازة سعيدة ان شاء الله... بالله سلم لي على عبد الهادي الحلواني الفي باب اللوق... و أسماك النيل بتاع باب اللوق برضو... و ما تنسى تبلغ خالص أشواقي لي فلفلة... و أشرب لي معاك شاي في جروبي... و أغشى معاك مكتبة مدبولي اتفرج لي على الكتب الجديدة... و أدخل لي معاك سينما في كريم 1 أو 2. و بعد ما تطلع أمشي أشتري لي معاك ساندوتشات فول وفلافل من آخر ساعة... و عليك آخر وصية... لو مشيت الاسكندرية.. و جيت ماشي بي جليم... عليك أدخل لي تكة بتاع جليم... و ما تعمل أي حاجة غير انك... تجضم لي مكرونة بالبشامل... حااااااااااااااارة من الفرن.....
و جبنا سيرة الحاجات عشان ليه... عشان نعرف قيمة رمضان بالنهار ايه...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
البارح بعد ناس الفريق ما هجعوا عاودنى طاعونى المطول وجعو يا ابو الشيخ مطارده العريب النجعو ما بتقبالي زي القدمونى ورجعو
دوباى القبيلة ... وغنايا .. سيد المســدار والنمــّة عازف ربابة الوطن شيخ العرب ... عمر المهــدى عيد ســـعيد ... وعمر مديد
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صباح الخير ،،، يا وجوه الخير
اصبحنا وأصبح الملك لله وحده،،،
اللهم أعطنا خير هذا اليوم ،،،
Quote: يا ريس اجازة سعيدة ان شاء الله... بالله سلم لي على عبد الهادي الحلواني الفي باب اللوق... و أسماك النيل بتاع باب اللوق برضو... و ما تنسى تبلغ خالص أشواقي لي فلفلة... و أشرب لي معاك شاي في جروبي... و أغشى معاك مكتبة مدبولي اتفرج لي على الكتب الجديدة... و أدخل لي معاك سينما في كريم 1 أو 2. و بعد ما تطلع أمشي أشتري لي معاك ساندوتشات فول وفلافل من آخر ساعة... |
صدقني يا رشدي أنفذ ليك الوصية دي واحده واحده
الواحد لسع ما عمل برنامج زي بتاع منصور ،،،
وكمان أنا مستهدف الإسكندرية بعد القاهرة وأجلس
على البلاج مع الشمسية بس ما بنزل البحر علشان هو مالح شديد
وموية البلح بتزيد سرعة إيقاع بروز الصلع للرجال كبار السن
يا منصور بوصيك تبقى عشرة مع الرشيد علشان البوست ده ما يحتل كتير
يقوم بكرى أبو بكر ينهي خدماته علشان التدهور الحاصل ،،،،
الفنانين محمد عيد ونجيلة قفشاتكم الجميلة لازم تصاحب البوست
قبل العيد وبعد العيد،،،،
| |
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
عمر ود المهدي ... كل سنة وانت طيب ...
================== ريسنا ميسرة ... تمشي وتجي بالسلامة ... اجازة سعيدة ....
=================== غايتو مصاحبة الكبااااااااار ديل متعبه .... الفرق جيلين مابين اعتاب الثلاثين واعتاب الخمسين ....
=======================
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير كل سنة و انت طيب يا ود المهدي... عمر مديد تحقق فيه كل الآمال و الطموحات... مع موفور الصحة و العافية...
رمضان ماشي بسرعة شديدة ياخي... هكذا قلت لصديقي السوري الذي يعمل معنا فنظر الي نظرة... خلت انه سيلطمني بعدها ثم قال لي مين آلك (قالك).. يا أخي أنا حاسس و كان الباقي مية يوم... يا راجل بتبالغ... شو يعني عامل حالك بتحب رمضان يعني... و الله بحبه.. و لا أبالغ اذا قلت ليك رمضان أحب شهور السنة بالنسبة لي.... أنا و الله بحب رمضان..و جوع رمضان و عطش رمضان... و سهيان رمضان و سهتان رمضان و نسيان رمضان... و انفاعلات رمضان و شغل رمضان و سواقة رمضان... و أكل رمضان كمان...
صاحبي نادر كان ماشي اجازة السودان... قلت ليهو ياخي ما كان تاخد اجازتك آخر رمضان.. و تكون اجزت و حضرت العيد مع أولادك و أهلك... قال لي انت مجنون في زول يأجز في رمضان... كيف آخد اجازتي في رمضان وهي السنة ما ياها رمضان و الاجازة... يقصد ان رمضان كمان اجازة...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صباح الخير ،،، يا وجوه الخير
اللهم فك أسر أهلنا بالسودان
وأفتح البوست لناس جلا والآخرين
Quote: سيد المســدار والنمــّة عازف ربابة الوطن شيخ العرب ... عمر المهــدى |
ود المهدي الدود النتر صحا المرافعين خوف
شيخ دار جعل ،،،،،
كل سنة وأنت طيب وعقبال مائة شمعة
| |
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
كترة النضم..في رمضان الدخل العضم...
لأبو مهند الجرساني...
أول حاجة ما تؤاخذوني في الكلام المكعوج و الجمل الما مرتبة و الحروف الناقصة..
اليوم بدأ من الصباح زي الورد... درجة الحرارة أقل بي درجتين من أمبارح.. و أمبارح كانت خمسين بس ما أكتر... السحور أحمد الله متسحر و شارب لي تلاتة كبابي موية... لدرجة اني تميت صلاة الفجر بي قدرة قادر مع أبو الشهيق... البطن متروسة للآخر... أنا بعد ما أجبروني أولادي أمشي الحديقةأمبارح... و أجري جرية خلت بعدها أني لا محالة هالك... قررت يكون منهجي في الأكل التخفيف ثم التخفيف... و لكن لم تمضي سويعات حتى نسيت كل ذلك... دخلت المكتب و قلت للشمس باي باي أشوفك بعدين الساعة اتنين... قعدت بي مزاج في الكمبيوتر... بعد نص ساعة جوني ليك جماعة من مكتبنا الرئيسي من قسم التصميم... لما شفتهم توجست خيفة و قلبي أكلني... مالكم يا جماعة الخير مالكم.. عايزين نشوف المواقع و نتأكد ان التنفيذ حسب التصميم.. جوش و رون كانو نايرين و عندهم استعداد يلفوا لي بكره... من الأسماء طبعا عرفتو علاقتهم بي رمضان شنو... نزلت معاهم الموقع... الدرجتين بتاعت الحرارة رجعوا زي ما هم... قلت لي جوش شكلك صايم كده عشان يفهم انو نحن في رمضان... و يخفف شوية في التفتيش... بعد ساعتين في الشمس قال لي خلاص عشان انت صايم... رجعت المكتب اتمنيت لو كنت جيت لابس توب... كان بليتو ليك بالموية و قعدت تحت المكيف...
الله يصرف الخواجات...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
Quote:
لله يصرف الخواجات... |
يعنى الله يفكهم يعنى ولا شنو الخواجة لمن تفكو , بيطلع ليك , فلبينيين , وحبشى , وتلاتة سودانيين الفلبينيين , من يوم الأسانسير داك , يشوفوك , يقوموا جاريين الحبشى , قاعدين نرسل ليه رسائل التهنئية بتاعت رمضان التلاتة سودانيين , صايمين , وبطونهم متروسة موية , وجارين فى الحديقة امبارح مع عيالهم وريقهم ناشف انتا جوك كم خواجة اتنين ولا اكتر اتنين فى تلاتة بستة , زائد اتنين فى اتنين بى اربعة , ومعاهم اتنين احباش ديل ما بقوا دستة يا زول يا زول احسن تخليهم مصمومين كده , لو فكيتهم , ولا صرفتهم نكفيهم عصيدة من وين ؟؟؟ اللهم لا تصرف الخواجات
* اذا انتا ابو مهند الجرسانى فانا ابو احمد القال الروب هييييييييييييييع
| |
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
مساء الخير ،،، يا وجوه الخير
اليوم ده كله في القنصلية المصرية علشان التأشيرة
ولم أفلح لكثرة المراجعين وخاصة الفلسطينين والذين منعوا من دخول
مصر بعد أحداث سيناء،،، وموظف السجم قفل الشباك الساعة 11:30 وقال الدوام خلص
وما عارف أن الدوام في السعودية يبدأ بعد الظهر ، أجل السفر وعدنا الججز مساء الخميس
وبكرة من الساعة 8 صباحاً نذهب نقيق في الطابور ،،،
في حاجة محيراني لو سافرة بالخطوط المصرية تسافر بدون تأشسيرة وتأخدها في مطار القاهرة
ولو سافرت بالخطوط السعودية لن تسافر بدون أن تأخد تأشيرة الدخول ،،، مفارقة عجيبة وطبعاً
آخر سفر للقاهرة تمت إعادتنا من مطار جدة لعدم حصولنا على هذه التأشيرة
طبعاً أخونا فلاتي في رمضان أحب الصيام جداً وأكثر عبادة أجيدها في بقية الشهور هي الصيام التطوعي
وآمنا أن أفوز على نملوز وأحصل على صيام سيدنا داوؤد . كان يصوم يوم ويفطر يوم
بين وبينكم أنا عايز أجر معاي مجموعة على هذه العبادة وعلى رأسهم منصور - من السعودية -
ومن أبو ظبي - الرشيد - ومن السودان اخونا جلا
| |
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
وانا ذاتي جرني معاك بالله ياريس ..... رمضان شهر عظيم وحكمة مشروعيته وحسب تجربتي الشخصية (صوموا تصحوا) قال ليك ياريس السكري العامل لينا هاجس دا وبعد تقرطع جك الآبري كلوا ... وتمعس ليك 3 طرقات قراصة 6 انش ومعاها التحلية وكل ذلك ود الكلـــــب دا ما يتعدي 150 وهي حسب تصنيف الجمعية الامريكية معدل كويس (ويجي الرشيد يقول ليك الله يصرف شنو كدا) سجمي يا الرشيد اسى 150 دي كان مشيت بيها لى دكتور مصري كان اداك انسولين عديل كدة انت ما تصرف ديل ما شايفهم معذبين الريس دا كيف؟ تمشي وتجي بالسلامة ياريس واجازة سعيدة ان شاء الله بس دي اخر مرة لانو المشروع بتاع منصور والواد نملوز دا عايزين نعمل ليه جمعية عمومية واللستة بتاعتنا حتكون متوالية ... مش كدا يا بتاع الكوزين انت
انتو طارق جبريل اعتكف ولا شنو؟ ولا متضامن مع الكوتش
| |
|
|
|
|
|
|
Re: ناس الزقازيق ... أجدع ناس (5) (Re: جلال عثمان)
|
صبحكم الله بالخير
الليلة من الصباح قمت طاري الكوتش... و الله يا كوتش مفتقدنك بشده...
Quote: انتا جوك كم خواجة اتنين ولا اكتر
|
اتنين بس لكن شفتهم عشره عشره...
Quote: اذا انتا ابو مهند الجرسانى فانا ابو احمد القال الروب هييييييييييييييع
|
هلا.. هلا... دي الفراسة و لا بلاش...
Quote: وبينكم أنا عايز أجر معاي مجموعة على هذه العبادة وعلى رأسهم منصور - من السعودية -
ومن أبو ظبي - الرشيد - ومن السودان اخونا جلا
|
يا سلام عليك يا ريس دائما تدعو الى الخير... بس عليك الله ما تعصر علي شديد في الصيف...
Quote: وتمعس ليك 3 طرقات قراصة 6 انش ومعاها التحلية وكل ذلك ود الكلـــــب دا ما يتعدي |
3 طرقات 6 انش يا مفتري... مفروض نلحقك أولمبياد لندن دي تشارك في رمي الجله... يا جله...
Quote: سجمي يا الرشيد اسى 150 دي كان مشيت بيها لى دكتور مصري كان اداك انسولين عديل كدة انت ما تصرف ديل ما شايفهم معذبين الريس دا كيف؟
|
الله يصرفهم بأه...
Quote: انتو طارق جبريل اعتكف ولا شنو؟ ولا متضامن مع الكوتش |
جبريلا في السودان.. عمل كونكشن في أبو ظبي... رسل لي رسالة قال لي مطاركم زي موقف الكلاكلة... قلت مطار أبو ظبي زي موقف الكلاكلة... مطار الخرطوم يكون زي شنو... عالم حاقده خلاص...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صباح الخير ،،، يا وجوه الخير
اللهم تقبل صيامنا وقيامنا ،،،،
سكان مدينة جدة 10% بتدأ حياتهم بعد الساعة العاشرة صباحاً ونصف السكان تبدأ حياتهم بعد صلاة الظهر لأن الناس تنام بعد صلاة الفجر اليوم مشيت من الساعة 8 صباحاً إلى القنصلية المصرية ووجدت السيرة طويلة في الشارع ذكرتني أيام عمرة نميري الناس كان يا تمشي تشتري العيش قبل صلاة الصبح أو تمشي السفارة السعودية تحجز ليها مكان أو تمشي تخت ليها حجر في صف محطة البنزين ،،،،
قبل الساعة التاسعة فتحوا لينا الأبواب وتقاطرنا إلى الداخل ووقف في صف التأشيرة ووجدت موظف الأمس وتقدمت بأوارقي وقلبها ذات اليمين والشمال وقال لي سوداني ، أيوه يا باشا سوداني ومن الزقازيق كمان ،،، قال لي يا أخي السودانين ما عليهم تأشيرة ،،، صعقت ياخي إنت متأكد من الكلام ده ،،، ياخي أنا رجعونا قبل كدة من مطار جدة بالخطوط السعودية الراجل قعد يقلب في الورق القدامة وكأنه غير واثق من كلامة وعاد لي بالإيجابة النهائية
ما فيش تأشيرة للسودانيين يا بيه ،، طيب أنا أمبارح كنت عندك وسألتني من الجنسية وأعطيتني الفورمة للتعبئة وقلت لي تعال بكرة ،،، الحصل شنو بالليل ؟؟؟؟؟ يمكن يكون إتفاق البترول بين الشمال والجنوب ذي ما نزل الدولار تغيرت التأشيرة ،،، عجيب
يعني تعبنا بتاع أمبارح وتغير الحجز وخسارة مبلغ محترم ،،، كله طلع فشوش البركة في أجر رمضان،،،
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
نفسي يا ريس أدخل سفارة أوروبية و لا السفارة الأمريكية... و يقولو لي انت سوداني... ياخي السودانيين ما عندهم تأشيرة...
الحاجة دي كيفتني جدا لما مشيت قطر... أول مره أمشي لي بلد غير مصر زمان و ما أعمل تأشيرة... في مطار الدوحة وجدت معاملة لن أنساها أبدا... معاملة غاية في الاحترام و التقدير... دفعت الرسوم و أخدت التأشيرة و دخلت... و في زمن قياسي...
بحاول أغير الشغل يا ريس من باب التغيير.. لما تطول في مكان واحد بتشعر بالملل... رسلت لي واحد السيرة الذاتية بتاعتي بالايميل... كلمني بالتلفون قال لي انت عندك جواز أمريكي... قلت ليهو لا عندي جواز أخدااااااااااار.... جواز سوداني.. قرب يقول لي بلو و أشرب مويته... الجواز غير انه بيفتح ليك البوابات و المطارات يا ريس... الجواز بقى C.V كمان....
البركة في مصر البتدخلنا بدون تأشيرة يا ريس... الله يخلي المصريين...
و الله يصرف الخواجات...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صبحكم الله بالخير
اليوم الخميس الريس يا يكون في القاهرة أو في الطريق اليها... امنياتنا بقضاء اجازة سعيدة ليك و العائلة الكريمة... و لو لقيت ليك فرقه ما تنسانا من من صالح المداخلات و الدعاء... و أنا و الله لو ما الريس وصاني على البوست ده ... و قال لي أبقى عليهو عشرة... مزاجي بتاع اليوم ده ما مزاج بوست... مزاج بتاع شكلة في الشارع شكلة في المكتب... شكلة مع ضلك...شكلة مع أي حاجة أو أي زول... عشان كده أحسن حاجة مفروض أعملها اني أقعد استغفر بس... لحدي ما يا يتصلح المزاج أو ينتهي اليوم على خير...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
حاولت اجيب ليك حاجة تفرحك يا رشيد القوم ... لكن انا زاتي محتاج ... لضل عشان اشاكلو ....
روحي محرقاني ... ولكن اعرف السبب ... لاني منتظر مباراة مريخ هلال يوم 18 القادم ... غلبهم لينا في الدوري ... الــ بالصدفة دااااااااك .... وقون بشة لسه ... حايص لي ...
====================== الريس ... اجازة سعيدة ....
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
Quote: روحي محرقاني ... ولكن اعرف السبب ... لاني منتظر مباراة مريخ هلال يوم 18 القادم ... غلبهم لينا في الدوري ... الــ بالصدفة دااااااااك .... وقون بشة لسه ... حايص لي ... |
يعني ممكن يكون أول أيام العيد...
و الله يا ياسر أخشى عليك يبوظو ليك عيدك...
مش عشان الهلال بقى خطير و ما بيتقابل... لكن لأن أقوانهم الصدفة بقت كتيره خلاص.... أنت عارفني أنا هلالابي... لكن قون كاريكا في أهلي شندي ده.. لو قالو ليهو هاك عيدو ألف مرة حيجلي القون... طبعا الكوتش لو قرأ الكلام ده حيزعل مني... الكوتش شايف انو كاريكا ده لاعب فلته بس محتاج شوية تركيز... عشان كده يا ياسر يا أخوي حراق روحك ده... شوف ليهو فكي.. ناس ساكواها ديل ما بيعملوا ليك حاجة...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صبحكم الله بالخير
و في الليلة الظلماء يفتقد البدر... بغياب الريس ميسرة أًصبحت المهمة صعبة خلاص... و البوست ما فيهو بركة... كدي نديك دعاء الصباح لحدي ما نرجع ليكم باقي اليوم...
اللهم انك عفو كريم تحب العفو فاعفو عنا.
الدعاء ده مهم في العشرة الأواخر يا جماعة... ما تقعدوا تقولوا اللهم اجعلنا مثل صلاح ادريس... و تبقى عليكم زي قصة صاحبنا الجاتو ليلة القدر... و قال ان شاء الله أبقى زي ادريس صلاح بدل صلاح ادريس... الصباح قام لقى كارو واقف قدام البيت...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
دعاء اليوم من قاهرة المعز
اللهم انك عفو كريم تحب العفو فاعفو عنا.
هذا الدعاء وصى به رسول الله صلى الله عليه وسلم السيدة عائشة
في العشرة الأخيرة من رمضان لأنه دعاء ليلة القدر فأكثروا منه لعلكم
تصيبوا فيها يوم وتصحبوا من المحظوظين ،،،
وهذا الدعاء ذكركم به قبلي أخوكم الراجل الكلس الضكران راعي الأولا (الأولى)
حارس البوست الكبير فنان الكلمة تمساح الدميرة العشاري
الدود النتر صحا المرافعين خوف
نقول أسمه ولا الهوى بقسمه
عفيت منك يا رشيد القوم
| |
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
التحية للريس و هو يطل علينا من قاهرة المعز... شكرا يا ريس على الكلمات الطيبة...
كنت منقسما ما بين أمنياتي و توقعاتي... فيما يخص مباراة البرازيل و المكسيك في نهائي أولمبياد لندن... فلقد كنت أتمنى من كل قلبي فوز البرازيل... فأنا عاشق لكرة السامبا و متابع لها و لدورياتها و كل منتخباتها... و لكني توقعت فوز المكسيك بعد مشاهدتي لهم وهم يطيحون بالفرق الواحدة تلو الأخرى.. حتى بلوغهم النهائي الحلم أمام البرازيل... الفريق المكسيكي فريق يمتاز بالسرعة و القوة و الاصرار... فواجهوا البرازيل التي كانت ترزح تحت ضغط وسائل الاعلام العالمية و البرازيلية... فبدوا غير قادرين على اللعب بعد الهدف المفاجيء للمكسيك في الدقيقة ألأولى... و لكنه لم يفاجئني فالبرازيل قد تلقت أهداف مماثلة في معظم مبارياتها... و ذلك لأن المدرب في رأي لم يحسن الاختيار في خط الوسط و الدفاع... و أرى أن ثنائي الوسط روميلو و ساندرو كانا اختيارا غير موفق... كذلك المدافع خوان لاعب انتر ميلان قوي البنية بطيء الحركة... بينما لا غبار على خط الوسط الهجومي و الهجوم... و هو الخط الذي أحدث الفارق و بالمهارة فازت البرازيل في كل مبارياتها... حتى عرفت المكسيك كيف توقف الثنائي نيمار و أوسكار و كسبت الرهان...
مبروك للمكسيك الفوز المستحق و هاردلك للسامبا التي أحزنتنا...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
عاد دى حالة يا اخواننا ؟؟
يعنى ناس السودان هم الكانو منشطين البوست ...
ولا رمضان الجاء حار بره السودان المرة دى ..
ولا تكتيكات ابو الزوز ( غارزيتو عصرو ) هى السبب فى اليباب ده ؟؟
اولا لا بد من تسجيل تحية وامتنان لفارسى الحوبة ... الريس والرشيد الذين يقاتلان مهما قل عدد جنودهما
كمان تحية للريس واسرته وامنيات بقضاء عيد سعيد بارض الكنانة
Quote: نفسي يا ريس أدخل سفارة أوروبية و لا السفارة الأمريكية... و يقولو لي انت سوداني... ياخي السودانيين ما عندهم تأشيرة...
|
يا حبيب دى ما احلام زلوط زاتها ( وامال ياسر نجيلة مبارى الزول ده مالو ؟؟ )
احكى ليك قصة ( برضو ممكن للمرة الـ 514 ) بس طالما البوست فاضى وجلا ما بيشوفو كدى النتفسح
قبل حوالى عشرة سنوات امكن ولا اكتر شوية طنت عامل جولة عمل فى بلدان شرق ووسط افريقيا ..
وقمت جهزت تأشيرات من قنصليات كل الدول واخدت منهم بروشورات وعناوين اهل التجارة والبيزنس هناك لمساعدتى
من ضمن تلك الدول كانت تنزانيا التى قابلت قنصلها العام بمدينة جدة وقدم لى مساعدات كثيرة وتفضل باعطائى تأشيرة الدخول
المهم عند نزولى من الطائرة داخل مطار دار السلام فوجئت بمنعى من الدخول واحتجازى بغرفة مجاورة مع عدد من الافارقة المرحلين
من حرب التوتسى والهوتو برواندا . بل تم اتهامى بتزوير تأشيرة الدخول لتنزانيا
وكان السبب اننى سودانى والسودان دولة داعمة للارهاب ويجب للحصول على تاشيرة دخول استلام طلب ومراجعته ف ى الـ head quarter
قبل شهر على الاقل من الزيارة المزمعة .
وكان ان تم احتجازى لمدة 18 ساعة مع الهاربين من الحرب ومجرميها ايضا ...
علا انا كنت اكبر زلووووووط ...
Quote: روحي محرقاني ... ولكن اعرف السبب ... لاني منتظر مباراة مريخ هلال يوم 18 القادم ... غلبهم لينا في الدوري ... الــ بالصدفة دااااااااك .... وقون بشة لسه ... حايص لي ...
|
يا زلوط عندى احساس حلو
انشاء الله يصدق وربنا يدينا الفى مرادنا
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير
كنا في مطار اسطنبول في طريقنا الى الخرطوم... تأخرت الطائرة التركية 7 ساعات و نحن ملطوعين بالمطار... تجمع الركاب و ذهبنا الى ادارة الخطوط التركية بالمطار... تعالت الأصوات الغاضبة أمام المكتب و أعتذر الأتراك عن التأخير... و أفادونا بأن سبب التأخير هو سوء الأحوال الجوية بالخرطوم... فقلنا ليهم يا جماعة طيب ودونالأي فندق بدل راميننا كده في صالة المطار... تماطل الأتراك كثيرا في مسألة أخذنا الى فندق المطار... فتجمع الركاب مرة أخرى و كانت الأصوات أكثر غضبا هذه المرة... واحد من الركاب و هم كلهم سودانيين قال للموظفة نحن ما عندنا حقوق يعني... الموظفة التركية اتحامقت و قالت ليهو ياخي ما عندكم حقوق عايز تعمل شنو... قام صاحبنا طلع ليها الجواز الأمريكي و واحد تاني طلع جوازه البريطاني... أنا و بت الشيخ وقفنا وراء و قعدنا نتفرج... لأننا لو طلعنا جوازنا الأخدر المسألة بتتعقد أكتر... بعد شوية الأتراك رجفو رجفة شديدة و اتكبكوا فينا... و قاموا دخلونا ليك استراحة المطار مع بوفيه مفتوح و مجانا...
و الحكاية دي كلها قلناها ليه...
عشان نعرف نرد علي زلوط باييييه....
Quote: ما جوازنا اللخدر .... هو مربط الفرس ....ومنبع سعادتنا ... وفخرنا ... كدي تاني يجي واحد يعيبو لينا .... وخاصة الريس ميسرة ... ورشا ....
دمتم ... جعية الدفاع عن الخدار السوداني .... عنهم زلووووووط |
و تقول لي برضو الجواز الأخدر يا زلوط...
و طالما انت براااك قلت جوازنا مربط الفرس.. يبقى كلامك صاح... يا هو مربط الفرس... و عندي اقتراح تغير منبع دي تخليها مانع...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
أصل الحكاية ... غنـــاى زمان قال ... الموز روا .. قايم سوا وواحد تانى غازل العنبة الرامية فوق بيتهم والشاغل الليمونة والبرتكان ولون المنقه ... انحنا فاكهتنا ... حاجة تانية فاكهة كل المواسم ... ياخ ده جنينة كامله واحده من جناين توتى ولا الباوقة ... ياااخ ده جناين الشاطىء ذاتها طارق جبريل يااااخ كل سنة وانت طيب
| |
|
|
|
|
|
|
Re: ناس الزقازيق ... أجدع ناس (5) (Re: محمد عيد)
|
صبحكم الله بالخير
لما أعاين لي صلعة جبريلا و باقي الشعر المشيب ده... أقول بالله الزول ده يكونوا جابوا ليهو كرتونة شمع... لكن بيكون طفوهو ليهو أولاد أخوانه و أخواته...
كل سنة و انت طيب يا جبريلا... عمر مديد مليء بالنجاحات و التوفيق... مع وافر الصحة و العافية...
ديدو حمدا لله على سلامتك... و مشتاقين ياخي...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
سنة ياود جبرين ... كل سنة وانت ومن تحب ... بألف خير ...
============================= ديدو ... والد جدو .... رمضاان كريم .. ونتمني ان تكون عودة ... دائمة ... البوست محتاج ليكم ...
============================= ياشباب ما في اي اخبار عن ... مريخ ....................... هلال
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
Quote: ياشباب ما في اي اخبار عن ... مريخ ....................... هلال
|
خوفي عليك من قون طايش يخرب عليك عيدك... أنا كلمتك لكن انت ما بتسمع كلامي... و أديتك مثال و قلت ليك قون كاريكا في أهلي شندي... و عندك كورة الهلال مع جزيرة الفيل أمبارح... فريق كامل جديد و بعد ده فازوا 3/صفر... قون واحد طايش ممكن بت الشيخ تخفف عليك شوية.. لكن قونين طايشين ديل الا تسوق الأولاد وتخلي ليك البيت...
| |
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
Quote: ياشباب ما في اي اخبار عن ... مريخ ....................... هلال |
يا حبيب ... هااك الاخبار وكمان من عندهم
يعنى باختصار ناس حاحا وتفاحة كملو الشغل بتاعهم
والجماعه خلصوا مع الحكم من بدرى وقاموا يرمونا باتهاماتهم ...
تماما كما حدث قبل سنتين مع حكم زيسكو الزامبى الذى اشتروه وهم خارج المباراة
باختصار الحكم تم تشفيره ( والله اعلم ) لكن برضو الله قادر واقدر من كل عمل سوء
********
دبدو ... حمدا لله على السلامة
و... نــوّرت ( على قول الـ mbc )
| |
|
|
|
|
|
|
Re: ناس الزقازيق ... أجدع ناس (5) (Re: محمد عيد)
|
Quote: خوفي عليك من قون طايش يخرب عليك عيدك... أنا كلمتك لكن انت ما بتسمع كلامي... و أديتك مثال و قلت ليك قون كاريكا في أهلي شندي... |
هو ده المخوفنا ... يارشا نحنا نلعب التسعين دقيقة في خط تمنطاشر بتاعكم ... ويجي واحد طايش منكم ... يشوتها بساق كراعو ... وتدخل ... ولا واحد كرعينو الاتنين شمال ... وتلقاهو طول المباراة تايهه تظبط معاهو شوته ... يجيبها فينا ... غايتو جنس حظوظ ...
لكن صدقني المرة دي جابوها لي من الكنترول .... مع ليلة القدر
ابشر بالخير ياود عيد ...
====================== ديدو ... اخبارك كيف مع ... جدو ....
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير
مع السهر الشديد بتاع رمضان... و الذي تصل فيه ساعات النوم الى تلاتة ساعات... و هن زاتن تلاتة ساعات مجهجهات... و بعد داك تجي الدوام من 8 صباحا... تقعد في المكتب و تجتهد ايما اجتهاد عشان تفتح... قلت مافي داعي و طلبت اجازة يومي الأربعاء و الخميس.. على أمل ان اليوم السبت اجازة و معاها أيام العيد... كانت تكون حاجة ما تخلص..لكن ليس كل ما يتمناه المرء يدركه.... اليوم للأسف الشديد أنا شغال و قاعد في المكتب منتظر جرس البيوت... المهم الأربعاء و الخميس و الجمعة قضيتهم سهر بالليل و نوم بالنهار.... لدرجة اني كنت ما بقرب للكمبيوتر الا للشديد القوي... اجازة شاملة كاملة..كان نفسي أكون فيها مع زهير في الحرم... وصيتو يدعو لي في العمرة.. قام ضرب لي من هناك و قال لي التلفون ده للتوثيق عشان تعرف اني دعيت ليك... الأيام دي شغال ألقط ساكت في دعوات الأحباب بظهر الغيب... و قبل ما أمشي لي قدام باالله يا جماعة ما تنسونا من صالح الدعاء... ضرب لي شيخ صديق الكان معاي في الغربية بتذكروهو.. قلت ليهو يا شيخ صديق ما تنساني من صالح الدعاء... ضربت لي أبوي أمبارح قلت ليهو ما تنساني من صالح الدعاء.. قال لي اليوم الختمة بتاعتي و يوم الجمعة كمان لازم تكبر البياض... قلت ليهو البياض بعد الاستجابة ان شاء الله يا أبوي...عايزين نضمن أول... و الله رغم التعب الناجم عن السهر الشديد في رمضان... الا انني شعرت بقمة الراحة النفسية خلال هذا الشهر الكريم... و تمنيت لو يستمر رمضان شهرا آخر... أو لنستمر في التقرب الى الله فيما تبقى من العام و العام الذي يليه... حتى يأتي رمضان القادم ان شاء الله و نحن أكثر قربا لله...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
لنجعله يوما للفرح و تجاوز الأحزان...
و لندعو للأعزاء الذين فقدناهم ونترحم عليهم...
العيد بدونهم له طعم مختلف و لكننا لن نقول الا ما يرضي الله...
نذكرهم و ندعو لهم بالرحمة و المغفرة...
و نظهر فرحنا و سرورنا شكرا لله على أنعمه التي أنعم بها علينا...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
سلام تحيه مبارك العيد اليوم هو 45 رمضان مما تحسبون اي حوالي 600 ساعه تقريبا من الصوم بس من غير انصهار نضارات وذهب العطش وبرد الجو لانو طوال الشهرالجو اوربي بس المصيبه انو اوستندا متعريه ومابتفيد كل محاولات غض النظر. تحيه خاصه للرشيد والريس ونجيله للمدوامه على الكتابه. وسلام كتير لبركه في عاصمة السودان جوبا الجميله. وزيادة تشجيع للبطل جله وعايزين صوره قبل وبعد. وسلام لناس السودان الحجبوهم وخاصه للكوتش الصديق. طبعا اول مره تخطي حسابات المخطط الكمبيوتري منصور قال ايه يعدي عشره ايام في اوربا ويصوم رمضان في الرياض الخاليه من الروض والجو الجميل ونقول الجاتك في رمضانك ماسامحتك. وسلام كتير للعيد ماقاصد عيد الفطر قاصد محمد عيد. وسلام لحاتم جباره والسهيلي وكل الافورامريكان ولاافرودومينكان ولابو الزوز وسامي والجميع وماانسى ناس الدوحه وكل الناس المتابعبن والشاديين وكمان جلا وموسى عيسى وود المهدي ووداسماعيل ولناس المغرب عيد مزيان لود جبرين ولكل الثريات وتحيه العيد الورديه لديمه الجميل سلام تحيه
| |
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
باقي لمباراة مريخ هلال 30 دقيقة ...
حاجيكم بعد المرارة .... اقصد المباراة
عشان ابارك للمريخاب ... أو ... الهلالاب ... يباركو لي ....
==================== نملوز ياعسل ... رمضانك كريم ... جايكم للعيد ... بعدين .....
| |
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
مضى رمضان سريعا و انقضت أيام العيد بسرعة البرق... و عدنا الى مكاتبنا و جلسنا وراء أجهزة الكمبيوتر... نتمغى و نتمطى و نتثآءب متمنين لو كانت أيام العيد زي زمان... من حيث العدد بالدرجة الأولى و المضمون بالدرجة الثانية... فلا شك انني أفتقد كثيرا أيام العيد التي كانت تمتد لأربعة و خمسة أيام... هذا من حيث العدد أما المضمون فلقد كنا نقسمها مثل المرارة... اليوم الأول بعد ما نخلص من ناس الحله نعيد على أعمامي و عماتي، خيلاني و خالاتي القراب.... ده اذا كان العيد عيد خرطومي و الذي يختلف كثيرا عن عيد الكوة... اليوم الثاني نعيد على ناس أم درمان... و اليوم الثالث على ناس بحري... و اليوم الرابع على من لم يشمله اليومان الأول و الثاني... اليوم الخامس على الأقارب الذين يسكنون في أماكن بعيدة ... و بما ان الجسد كان ما زال شابا و لا يعرف مشاكل أعتاب الخمسين... فان أكثر ما يعاني و يتضرر من هذا البرنامج المزحوم هي جلابية العيد الجديدة.. و التي تغسل في نهاية كل يوم لتلبس في اليوم التالي... لنظهر كل يوم في جلابية العيد الجديدة.... خمسة أيام من الكعك اللذيذ و الحلوى و العصيدة و التقلية و الشعيرية... و البيبسي كــولا...والبيزيانوس... و طـــــــه القرشي..... و هيجان المصران.....و شوفي لي معاكم حبتين بوكسيدوم.... و الله كانت أيام سعيده..ربي مناي تعيده... نسعد فيها تاني...نعيد فيها الأماني...
آآآآآآآآآهههمممم اليوم ده حينتهي بتين...
| |
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
اليوم الخميس والناس خلصت العيد
ونزلت الشغل إلا ناس السعودية يبدأ دمهم يوم السبت
وانحنا كمان ما زلنا نمارس الإجازة
اليوم دخلت البوست متخفياً ووجدته في الصفحة الثانية
نحاول ان نرفع روحه المعنوية
| |
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
كل ما كنت أمني نفسي به في يوم العيد... هو أن أكون حاضرا في الصلاة في الصف الأول و بجانبي ابني مهند... ثم العودة لبث التهاني و التبريكات لست بيتي وابنتي أمنية... و أن أجتمع و عزابة حلتنا حول مائدة الافطار الكاربة التي أعدتها ست بيتي... حيث تختلط القفشات و القهقهات مع النعيمية و التقلية و الشعيرية... ما عايز أديها كوز و أقول السكسكانية كمان... كل هذا قد تحقق بفضل الله علي و لكن مع آلام ظهر شديدة كادت أن تبوظ البرنامج... مساء يوم الوقفة أقنعني أبنائي أن أشاركهم اللعب في لعبتهم التفاعلية... و التي يكون اللعب فيها بتمثيل حركة الجري و رمي الرمح و غيرها.... بعد عدة حركات شعرت بالتعب و مضيت الى حال سبيلي... تلك الحركات جعلتني أعتقد بأنني قد عدت الى أيام المدرسة العسكرية... فقمت بحركة مفاجأة شعرت على اثرها بأن ظهري قد انقسم الى نصفين... أسرعت الى التلاجة حيث مخزوني الاستراتيجي من الفولتارين.... و تناولت 75جرام دفع واحدة ثم خلدت الى النوم... قمت باكرا لصلاة الفجر و لكني عجزت عن الذهاب الى المسجد فصليت بالبيت... عندما عدت كان مهند قد جهز نفسه للذهاب الى صلاة العيد... لبست جلابيتي و وضعت البطيخة على رأسي (العمه) كما يسميها مهند... و خرجنا الى الصلاة.. و لكني في منتصف الطريق اشتدت علي الآلام فما عرفت أن أرجع أو أمضي... قررت أن لا أخذل مهند و تحاملت على نفسي حتى وصلت المسجد... صليت بصعوبة شديدة و عدت الى البيت و أنا أتصبب عرق... جاملت العزابة و هم ينعمون بالافطار عندنا... ثم تناولت جرعة مقدرة من الفولتارين بعد ذهابهم... و بقيت مره أقعد و مره أرقد و مره تغلبني القراية... و كملت اليوم الأول دون أي تغيير في البرنامج... ثم قضيت تاني أيام العيد مستلقيا طول اليوم... داوت تالت يوم ثم وجدت نفسي غير قادر على الجلوس لفترات طويلة... فبقيت يومي الأربعاء و الخميس بالبيت في اجازة مرضية...
و بريتكم البري ده كلو ليــــه... عشان تعرفوا سبب غيابي ايــــه....
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
قال نجيلة
Quote: التعليق بعد صيام .... الستـــــوت ...
|
ورينا بديت الستوت بتين... عشان نعرف التعليق بتين...
و قال له نملوز...
Quote: التعليق بعد صيام .... الستـــــوت ... رمضان بس |
مره نملوز ضرب لي الساعة 11 و نص بالليل.. قال لي يا الرشيد نحن لسه ما فطرنا... مع رمضانكم ده يا عمر اتخيل لي ما عليكم ستوت... لكن صاحبي بتاع الرياض الاتمقلب داك عليهو ستوت... عارف ليه... عشان يآمن...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
Quote: لكن صاحبي بتاع الرياض الاتمقلب داك عليهو ستوت... عارف ليه... عشان يآمن... |
انتا فى دااااا ولا فى واحد صاحبنا صلى العيد فى مسجد قــــباء افتكرو المسجد النبوى بالمدينة المنورة
ــــــــــــــ الصاحب حديث العهد بالسعودية له اجر الاجتهاد مسجد قباء يقع جنوب المدينة المنورة بحوالى 5 كيلو
| |
|
|
|
|
|
|
Re: ناس الزقازيق ... أجدع ناس (5) (Re: جلال عثمان)
|
سلام تحيه اول ايام العمل بعد اجازة حافلة قضينها بالرحاب الطاهرة بين مكة المكرمة والمدينة المنورة هي دي بين مكه والمدينه خطه نملوز لقطع هذه المسافه جريا وبصحبه سياره وكاميرا واتوقع ان اقطعها في فتره تتراةح بين 7 الي 10 ايام وسوف تكون الشركه الراعيه شركه منصور واتوقع هذا المشروع بعد التحضيرات الجاريه الان لقطع مارثون اوستندا المقام يوم 30/09/2012 وسلام تحيه
| |
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
بالهنا والسرور العيد عليك مبروك يا ست النجيمي الفي العقل مشبوك قدمك للمجاربو بيودر ام سمبوك زولك غير نعال بيفتر بيجيه الشوك عيدكم مبارك ويعود عليكم بالخير واليمن والبركات خسارتنا فادحه بعدم المتابعه رغم انه سالنا عن الناس الحايجيبم العيد ولم نجد رد واذا بنا بعد ضياع الهنا بسنه نعرف انه قد فاتنا الكثير دعواتنا لكل المعتمرين وزوار المسجد النبوي بقبول الاعمال ولنا بان نلقاهم في فرص اخرى لكم كل المني ومن العايدين الفايزين وربنا يعوده علينا مرات ومرات والجميع بصحه وعافيه
| |
|
|
|
|
|
|
Re: ناس الزقازيق ... أجدع ناس (5) (Re: عمر المهدى)
|
وما زال مسلسل صيام الستوت ... جاريا
انا سعيد لسببين ... الاول : عشان قربت اخلص الستوت ... والتاني : عشان بدت طلتكم تهل علينا في البوست ... والتالت : عمودة ولدنا رشا ... وظننت ان اختفاؤه مثل ناس الفيس بوك ... وليس آلام ضهرة ... ألف كفارة عليك يا ولدنا ... وهناك وصفتان للعلاج : الاولي : خفف وزنك ... حتي لو اضررت ان تذهب اوستد لعمر في اجازة طارئة ... الثانية : لو اوستيد بعيدة امشي الرياض لولدنا جلة ... والثالثة : خفف الفولتالين ... وتوجد عشبة ايرانية مجربة 100% حاوصفها ليك ...
=========================== اودعكم بطرقتين .... الاولي : سلامي لناس جدة .... كلهم الثانية : النضيف والريس ضمن ناس جدة ... والثالثة : زهير الزناتي ... انا زعلان منو ...
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير
اليوم آخر أيام الستوت بفضل الله علينا... نسأل الله أن يتقبلها منا...
يبدو اني محتاج لي منبه يكون صوته قوي شديد... أقوى من المنبه بتاع التلفون البعتمد عليهو يصحيني كل يوم... أو كمان أمشي أشوف لي شقة جمب ساعة بق بن في لندن..يعني أسكن في البرلمان البريطاني... و لا كمان بالعدم أشوف زول بالايجار يجي يصحيني كل يوم الصباح... أمبارح سديت اضنيني من كل الأصوات التي تصدر من هنا و هناك... و طنشت كل حركة تأتي حتى تلك التي تأتي من الشارع.. و ظبطت منبه الموبايل على الساعة الرابعة صباحا كالمعتاد... عشان أقوم أشرب الموية، و القهوة و أهبش شوية و كمان أبلع حبوبي بتاعت وجع الضهر... و نمت نوم نومة أهل الكهف و دي التسمية الوحيدة التي تناسبها... فتحت عيوني لأول مرة عند الخامسة و النصف صباحا.. حيث لا صبح و قهوة و لا شاي و موية و لا حتى حبوبي... و لا كمان ساندوتش الشاورما الكارب بتاع زهرة لبنان الكنت عايز أجضمو... الصباح قلت لي ست بيتي نمت نومة فوتت علي السحور و الصلاة... قالت لي أفطر صوم بكره... لما قالت لي كده اشتغل في الجمب اليمين من دماغي منبه القهوة... و في الجمب الشمال منبه ساندوتش الشاورما الكارب... لكن قاومت كل المنبهات دي و قلت ليها ده آخر يوم بالنسبة لي... و الجعلي بقضي يومو خنق..حتى من غير شاورما....و لا قهوة... و ها هو اليوم يمضي حثيثا نحو نهاياته علما بأن الساعة الآن التاسعة صباحا... و بدون شاورما كــــــاربة من زهرة لبنان....
Quote: وهناك وصفتان للعلاج : الاولي : خفف وزنك ... حتي لو اضررت ان تذهب اوستد لعمر في اجازة طارئة ... الثانية : لو اوستيد بعيدة امشي الرياض لولدنا جلة ... والثالثة : خفف الفولتالين ... وتوجد عشبة ايرانية مجربة 100% حاوصفها ليك ...
|
الأولى دي بتاعت تخفيف الوزن الدكاترة بروني بيها بري شديد... مره الدكتور أداني برنامج غذائي لتخفيف الوزن فيهو خمسة وجبات... بت الشيخ و الشغالة بتاعتنا قالوا لي خلي الدكتور ده يجي يعمل ليك الأكل الكتير ده... فلقيت نفسي مجبر على البرنامج العادي الاجباري بتاع بت الشيخ و الشغالة... لكن لما مشيت الدكتور من يومين شعرت ان الميزان كان مرتاح شوية... ما زي كل مرة بطلع فيهو.. لقيت نفسي نازل تلاتة كيلو في رمضان.. 30 يوم بي تلاتة كيلو...نعمل قسمة طويلة.. أربعة معاك الواحد... ننزل الصفر و نقسم على ستة فيها الخمسة... يعني ملا مهند يخرج من الجامعة أنا بكون بقيت سمبتيك... و الله ما بعيد...
أما أوستندا انت عارف براك أنا قاعد أهاتي بيها لي تلاتة سنين... الله بس يكفينا شر العوارض... أنا من ناحية جاهز..فأنا جاهز... بس أولوياتي ملخبطة لخبطة عدوك...
الفولتارين بهدلني بهدلة... بيتعب المعدة بشكل عجيب.. بس كمان مفيد جدا لآلام الضهر... ألحقني بالدواء الايراني ينوبك ثواب... و لا أقول ليك خلينا نشوف البرنامج بتاع تخفيف الوزن ده ماشي وين...
أعذروني على المداخلة القصيرة دي... أصلي أمبارح نايم من غير ساندوتش الشاورما...
| |
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
غريبة .... الليلة جيت مشتاق للبوست ده ... قلت ياخي عندي مزاج كتابة وأعيد علي الناس الما بتجي بهناك الريس ميسرة وياسر نجيلة وعمر نملة ... بالذات عمر نملة ده ياخي طولت منه ، بالله اجي القي ليك اللوم كوم .... والله فعلا القلوب شواهد .... اول حاجة كل عام والجميع بخير ... وعيدية خاصة للثلاثي الذي لم ألتقيه في اي مكان آخر في هذه الأسافير وثورات التكنولوجيا المختلفة ... بعدين نجي نشوف الحاصل شنو ...
| |
|
|
|
|
|
|
Re: ناس الزقازيق ... أجدع ناس (5) (Re: زهير الزناتي)
|
بعد غيبة جينا نقول كل عام و الجميع بالف خير
نسال الله ان يتقبل من الجميع الطاعات و يقدرنا
علي اللحاق بركب الفائزين بصوم الستوت الحقيقة
لكم وحشة و سبب الغياب السفر لارض النجاشي و للحبان
في البلد في زيارة سعدنا بقربهم و استمتعنا بحبهم
و العذر لكل الحبان الذين لم تسعفنا الاجازة القصيرة
اوي بالتواصل معهم و لكن لكم علي في العيد الكبير ان
كان لنا عمر سوف نرد الدين .
و التحايا للاجلاء من الزقازيقاب المرابطين علي جمر البوست
و لكم التحية يا ريس و نجيلة و ابو الجل و نملة الجميل و
لا ننسى رشيد القوم و كل من ساهم في بقاء اسم الزقازيقاب
اكرر شكري .
| |
|
|
|
|
|
|
Re: ناس الزقازيق ... أجدع ناس (5) (Re: موسي عيسي)
|
زهير الزناتي ... وموسي عيسي ... مرة واحدة
الواحد من الخلعة قريب يشرب ... شاندوتش الشاورما بتاع رشا ...
================================= يارشا ... انا زمان لما كنت كبير زيكم .... كان ضهري معزبني عذاب السنين .. عملت كل حاجة ... الا العملية ... والحال من بعضو لما فيني عماني صديق عمل وصف لي نبته ايرانية توجد في سوق الايرانيين في العطارات اسمها ... ميميه ... هم بعرفوها قول ليهم الميمية بتاعة العظام .. حاجة كده عاملة زي حلاوة شيل الشعر بتاعة النسوان ... انا جادي مابضحك ... طيب عامله زي الصمغ السائل ... اها كدي وضحت يا منصور ... واعرف منهم استعمالها كيف .. تاخد قطعة صغيرة قدر حباية الفول المصري - في الليل قبل النوم - وتذوبها في شوربة او حليب دافي ... وتشرب (لو غم عليك الوصف اتصل) وليس كل يوم مرتين في الاسبوع او ثلاثة فقط اقل من شهر ... شوف النتيجة ... اكيد حتمشي عمرة مخسوس عشان تدعو لي ... دي وصفة رشا فقط ... بدون بياض ... الباقي يرمي بياضو ... عشان يتم الشفاء ...
تحياتي ... لباقي اهل جدة ....
======================= زهير الزناتي ... برضو .... زعلان منك ... المرة دي زعلة صغيرونه ...
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
نجيلة يا خاين .... انا ضهرى و رقبتى ما قربو يتكسرو ما وصفت ليا الميمية مالك من زمان ...
Quote: حاجة كده عاملة زي حلاوة شيل الشعر بتاعة النسوان |
غايتو بوصفك ده جبريلا آآآآول واحد حيستعملها ...
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
تحية وتحيات تحية للريسين ميسرةو معتصم تحية لعمر نملوز في بلاد الفرنجة تحية لموسى عيسى وجلال ومنصور ومحمد عثمان ودفعة وعفاف ساكني الرياض السعودية التحية لناس جدة عيد وديدو ودهب والريس ميسرة ومنى (نظام كسير ثلج للريس ) التحية لعموم ناس السعودية الزناتي وبهجة وسامي وود الجعلي وسامية اسماعيل وصلاح علي صالح ودكتور خالد محي الدين وطبعا عمر طب التحية لجلا والكوتش ومعتصم (جاء ذكره مرة اخرى كسير ثلج برضو يا جلا ) ونادر فاروق الياس رجاء الطيب ورفعت سعيد سالم التحية لناس الامارات نجيلا وانجاله والرشيد ونجاة وانجالهما وطارق بيطرة التحية تحيات لود المهدي التحية تحيات لحاتم جبارة والسهيلى ود.الصادق عبدالله
التحية طبعا لطارق جبريل
| |
|
|
|
|
|
|
Re: ناس الزقازيق ... أجدع ناس (5) (Re: مبارك جادين)
|
Quote: نجيلة يا خاين .... انا ضهرى و رقبتى ما قربو يتكسرو ما وصفت ليا الميمية مالك من زمان ...
|
حووولا ... غايتو خرف الناس الصغار ده كعب خلاس ... يا خوي انا ماضربت ليك تلفون قلت ليك اركب تعال لي انا بوديك المستشفي الايراني عندنا ... ولو ماعالوجوك بوديك دكان العطارة الايراني الجمب المستشفي ... قمت لويت لي خشمك وقلت لي "سوري ... انا بتعالج في المستشفي السعودي الألماني" اها يا خوي ... قدام الناس ديل ... لولسة حاسي بحاجة اركب تعال ... وحات الخوة اسبوعين بس ... لو ماخليت رقبتك تتلفت زي الربوت الآلي ...الوش الضاحك اللخدرالوش الضاحك الاصفر
================================
ود جادين ... الشوق والتحايات ماتحرمنا من طلاتك ... وتلغرافاتك ... ================================ طارق جبرين .... رد على التلفونات ما تتغاتت ... غايتو اليوم بخلص الصيام ... اجهز لي من بكرة ... انا مازعلان منك لكن زعلان من ..... زهير الزناتي ....
| |
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير
أمبارح خلصت الستوت بفضل الله علي و نسأله القبول... اليوم قمت من الصباح أكابس للقهوة و الشاي و اللنش بوكس... ياخي الصيام ده مريح للبطن و الدماغ و للزمن كمان... يعني في رمضان و من بعده الستوت تقوم تمشي الحمام و تجي تلبس تمرق... حسه القهوة و الفطور و اللنش بوكش بتآخد زمن مقدر... و الواحد لازم يصحي قبل تلت ساعة من المواعيد بتاعت رمضات... حقو الواحد يرجع يصوم تاني... و يستمتع بالنومة بتاعت التلت ساعة دي أحسن...
Quote: قمت لويت لي خشمك وقلت لي "سوري ... انا بتعالج في المستشفي السعودي الألماني"
|
بالله قال ليك كده...و معاها لوية خشم كمان... دي ما كلمتني بيها... و لا صحي انت من ما حجيت بطلت الشمارات... لكن دي حاجه مهمة كان ممكن تكلمني و تصوم تلاته يوم... المهم زي ما اتبوبر عليك ديدو ده.. انت كمان اتغاتت عليهو... و أقول ليك حاجه كمان خليها في سرك بس... الزول ده ما ظنيتو عايز الميمية دي لي وجع الضهر و الرقبة... من وصفك ليها ده أنا أشك في نواياهو...
قال السعودي الألماني قال...
| |
|
|
|
|
|
|
|