|
|
 ناس الزقازيق ... أجدع ناس (5)
|
صباح الخير ،،، يا وجوه الخير
أصبحنا وأصبح الملك لله وحده ،،،
لم ننتبه لنقل البوست إلى منبر ناس الزقازيق
وقد تفاجأنا بالتحول السريع
نبارك لكم البيت الجديد
عسى أن تنعم به بلادي وأن ينتصر الثوار
|
|
 
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
الغريبة أمست حلمت ورجعت للأيام القديمة
هل تدرون بماذا حلمت ؟؟؟؟؟
لقد كنت يوم أمس في مظاهرة كبيرة بالخرطوم
وكنا نهتف وتطاردنا الشرطة ونذهب بالحواري والأزقة
ونعود مره أخرى وفي أحدى المرات إنحشرت في زقاق وكمان لا مخرج
المدهش طرت في السماء إلى الأفق البعيد وسط حيرت رجال الشرطة
وصحوت من نومي وكنت في الأفق مع شذاذ الآفاق
====================
هذا الحلم أو العقل الباطني رجعني إلى الماضي
لأني كنت رجل مظاهرات وكانت هوايتي قيادة أي مظاهرة
والهروب من العسكر سوف أحكي كيف تم إعتقالنا وكيف تم جلدنافي المرحلة المتوسطة!!!!
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: اساسي)
|
ميسرة صباحك ابيض
تحياتي لاجدع ناس
يعني انت ليك زمن زي ما انت قلت بترفع البوست وتتخارج وتجي تتدقس ما تنقلو
اتلومت لكن يا اجدع زول
على العموم خارج اساسي ده من هنا بجيب ليكم هوا
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: كمال الشادي)
|
صبحكم الله بالخير
المئوية الخامسة مباركة يا ريس...
هي مئوية حتى لو كانت سبعينية أو ثمانينية...
فانما الأعمال بالنيات...
كنا ناويين للمئوية لكن دقسة طاحت بأحلام الكرى...
على أي حال ان فات على محمد عيد أن يحتفل بالسبعينية الرابعة...
فبامكانة افتتاح المئوية الخامسة...
نرحب كذلك بالأخوان أساسي و جمال الباقر...
حبابكم عشرة بلا كشرة و لا كتاحة...
و يا أساسي يافطتك في السلك...
دايما تامين و لامين و سالمين يا أجدع ناس....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: سامي عبد الوهاب إدريس)
|
سلام لكل أهل القبيلة وزوارهم الكرام
الاعزاء .. اساسى ودكتور جمال ...الف مراحب بيكم
ويا دكتور جمال متعودين منك انك دايما بنجى بدرى حتى قبال ناس البيت ( حفلة سيف النصر )
مبروك عليكم جميعا المئوية الخامسة ...
والحوش الكبير ياهو بيت العيلة و اللامى كل الاحباب
| |
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
ما أن ينزوي الليل ويتسرب مودعا الرباط.. وتحمل نسائم الشمال بشارات صباح جديد..
ما أن يحدث تبادل الأدوار هذا إلا ويقودني إلى أهلي وعشيرتي هناك عند تعرجات النيل وهمهماته..
يأتيني صوت أمي في تلك الصباحات الجميلة: قوم يا ولدي عشان تشرب الشاي..
قوم يا عشاي جيب «اللقيمات» من خالتك حُسنة جنب دكان النعيم..
كان صوتا حنينا وهامسا.. كان أول صوت اسمعه عند استيقاظي وآخر صوت اسمعه قبل أن أغفو..
اعتادت أن تمسح رأسي بيدها: الله يغتيك ويعليك ويطرح البركة فيك يا طارق ود حشاي...
طيفها يحاصرني منذ الصباح.. وخلايا الذاكرة تعيد مشاهد لحياة عذبة..
هناك في كنف امرأة أمية أصرت على تعليمنا.. «انا دايرالكم الزين»...
يا ألطاف الله ياخي.. كم هو موجع هذا الرحيل...
الرحمة تغشاك يا بت ابو دية..
لك الحب كله وانت في عليائك مع الصديقين بإذنه تعالى..
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
وحياة الشعب السوداني
في وش المدفع تلقاني
قدام السونكي حا تلقاني
الشعب حبيبي وشرياني
أداني بطاقة عيدية
من غيرو الدنيا وقبالو
قدامي جزائر وهمية
الشعب حبيبي وكياني
ولنهتف تحيا الحرية
الاسم الكامل إنسان
الشعب الطيب والدي
المنو بناضل وبتعلم
تلميذ في مدرسة الشعب
والمدرسة فاتحة على الشارع
والشارع فاتح في القلب
والقلب مساكن شعبية
وديني محل ما توديني
يتم إخواني وأخواتي
أرميني في سجنك وانساني
في سجنك جوه زنازين
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
من مطار الرياض نحييكم
بدينا
جايينك يا نملوز
ان شاء لمن تصبح
نسمع اخبار سعيدة عن ثورة الشعب السودانى
اللى هو حبيبى وشريانى
واللى حا يدينى
بطاقة شخصية
ثورة حتى النصر يا رب
ما اصغرنا , وما اكبر الثوار القابضين على جمر القضية
بى ريحة البمبان , ولون الدم , وطعم الثورة
يا الله تدينا الفى مرادنا , وتوفق شذاذ الآفاق ديل , قادر يا كريم
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صبحكم الله بالخير
دي كانت خميسات جبريلية
بعدت عنك ولما طال بي النوى
بقى لي أسيبك مستحيل
تبقى سيرتك هى الكلام
وتبقى صورتك هى الرؤى الحلوة البعيشها
فى صحوتي أو حتي في عز المنام
Quote: ما أن ينزوي الليل ويتسرب مودعا الرباط.. وتحمل نسائم الشمال بشارات صباح جديد..
ما أن يحدث تبادل الأدوار هذا إلا ويقودني إلى أهلي وعشيرتي هناك عند تعرجات النيل وهمهماته..
يأتيني صوت أمي في تلك الصباحات الجميلة: قوم يا ولدي عشان تشرب الشاي..
|
ينزوي ليل الرباط و يتسرب مودعها...
يتسلل الحزن الى نفس جبريلا...
يتعذب و يعذبنامع سخانة و رطوبة أبو ظبي....
.
.
.
يا خلف الله...
اللهم انزل شآبيب رحمتك على قبر والدتنا عاشه أبو ديه...
Quote: من مطار الرياض نحييكم
بدينا
جايينك يا نملوز
ان شاء لمن تصبح
نسمع اخبار سعيدة عن ثورة الشعب السودانى
|
أما صديقنا منصو فهو يرتدي شورت حصل على مقاس له بصعوبة بالغة...
و يتمشى على شواطيء أوستندا يردد...
فى أوستندا التقيت بي نملوز أنعم به من فاضل صديقى
خرجت أمشى معه للشاطيء ويا لها من ذكريات لصاحبي أكاوي
فكم أكلت معــه الفالوزج وشاهدت الفتيات على البحر تتزحلج...
و عندما يتعب من المشي و قليل من الركض...
يجلس عند أحد المقاهي يشرب الكابتشينو...
و يتابع ثورة شذاذ الآفاق من على البعد...
بين جبريلا و منصور كانت بداية تلك الصفحة و قد جمعت بين نقيضين...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صباح الخير ،،، يا وجوه الخير
اصبحنا وأصبح الملك لله وحده،،،
دعاء اليوم لذهاب الهم والحزن
اللهم إني عبدك إبن عبدك إبن أمتك
ناصيتي بيدك ماض في حكمك وعدل في فضاؤك
أسألك بكل إسم هو لك سميت به نفسك أو أنزلته
في كتابك أو علمته أحد من خلقك
أو استأثرت له في علم الغيب عندك
أن تجعل القرآن ربيع قلبي ونور صدري
وجلاء حزني وذهاب همي،،،،،،
===========================
حكمة اليوم :
عن الفراق،،،
الفراق،،،،،،،،،،،،،
ليس السفر!
ولا فراق الحبيب!!!
حتىّ الموت ليس فراقا !!!!!!ْ
لأننا سنجتمَع في الآخرة
الفِراق هو
أن يكون أحدنا في الجنة والآخر في النار
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
وصلت والدة الأخ/ عبدالدائم النضيف إلى حضن إبنها
بمدينة جدة وكنا أمس في زيارتهم لتقديم واجب العزاء
ولكن صراحة حال عبدالدائم لم يعجبني فما زالت حالة الحزن
هي المسيطرة على الجو العام ولم أجد لديه أي إحساس للعودة
إلى الحياة الطبيعية وكذلك العودة للكتابة،،،
دعوة للجميع هيا نخرج عبدالدائم من هذه الحالة النفسية
هاتف عبدالدئم
0504609597
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صباح الخير ،،، يا وجوه الخير
أصبحنا وأصبح الملك لله وحده
دعاء اليوم :
اللهم فك قيد المأسورين من شعبي
اللهم خفف عنهم ظلم سجانيهم
اللهم غطي على أخواتي المعتقلات
وأن تحفظ لهم كرامتهم وشرفهم
من بطش الطغاة الجبارين
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
مبروك الجز الخامس من زقازيق الحلميه
من مطار الرياض نحييكم
بدينا
جايينك يا نملو.ز
اكملت بلديه اوستندا استعدادها لاستقبال المنصور
وابنه النابقه احمد والملكه ايثار والملك مجتبى
واحتفالا بتفوق الابن احمد اعدت الاسره النملويه
كوكتيل واعداد برنامج رحله الي مدينه دي باني
على الحدود الفرنسيه التي تبعد عن اوستندا زهاء
ال45 دقيقه بالترام. ويتوقع برنامج حافل بالمرح
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
شاعر الثورة يواصل تداعياته
Hussein Shingrai
أشعل نيرانك
كلمات: حسين شنقراي
سلميه وما عادت
أبدا بتفيد
سكينك في ضراعك
وساطورك في الإيد
متراسهم ديمه
بفلو حديد
وحراسهم بتهاب
الموت تهديد
أبقي مقاسهم
خليكا عنيد
---------
يا شعبا قاسي
كتير تشريد
للصبح بشاير
وهلً العيد
أضرب وقاوم
في غضبك زيد
تمن الحريه
قتيل وشهيد
------
سيد نفسك
ماليك أبدا سيد
أشعل نيرانك
ولهبك قيد
ماكا الشاذ
الخايف رعديد
شعبا فارس
وراكز صنديد
في الآخر تفرح
زي ما تريد
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
يا ديدو أول ما فتحت سودانيزأون لاين لقيت ليك نور مشع كده...
مشيت بسرعة لقيت النور جاي من جهة البوست بتاعنا...
أفتح البوست ألقاك انت جيت اليوم...
ياخي سعيدين جدا بعودتك...
و لو المكنة بتاعتي دي ما قسمت معاك كلمني...
عشان أِشوف لي مكنة تانية...
نسأل الله أن يشفي الأخت هلا أيوب..
و أن يتمم لها العافية و يديمها عليها يا رب...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
Quote: اكملت بلديه اوستندا استعدادها لاستقبال المنصور
وابنه النابقه احمد والملكه ايثار والملك مجتبى
واحتفالا بتفوق الابن احمد اعدت الاسره النملويه
كوكتيل واعداد برنامج رحله الي مدينه دي باني
على الحدود الفرنسيه التي تبعد عن اوستندا زهاء
ال45 دقيقه بالترام. ويتوقع برنامج حافل بالمرح |
تزيد المكاواة دي تاني حبه واحدة بس...
بجي ناطي ليكم في دي باني...
غصبا للظروف..
والحال الياباني...
.
.
.
.
دندنة زول حاقد ضارباهو الرطوبة...
ايههههه بحر الشمال...
و انت الخليج حداك...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير،،، يا وجوه الخير
أصبحنا وأصبح الملك لله ،،،
حكمة الجمعة القادمة :
جمعة توحيد الصفوف
كلمات: حسين شنقراي
الشعب إتوحد صفو
ضد الخانو وليهو سفو
نهبوهو سنين ما إتكفو
والليله عليهم وجه كفو
---------
خلاص الشعب الجاع
ليكم أبدا ما ينصاع
بكره حيطلع إجماع
ويرد البلد الضاع
--------
ما الظلم فيكم شاع
حرك يا ناس أوجاع
نصنا ساكن القاع
والنص التاني إتباع
--------
هب يا شعب إتحرك
لا سد لا كباري تغرك
ضد الباعوكا في سرك
ما تخلي الظالم إضُرَك
---------
قوماك لكفاحنا نداوم
ما تعمل بس متناوم
في حريتك أبدا ماتساوم
ناضل وكافح وقاوم
-------
قاوم بي كل وسيله
أبدا ما تغلب حيله
الظلم بروح في ليله
وتشرق شمس جميله
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
سلام تحيه
ياريت يارشيد تتلب ومعاك ست بيتك والعيال ومعاك نجيله واسرته
اتصلنا من دي باني بالمعلم الزناتي قال هو عايز يجي نهاي قلنا ليه
اجي يالزناتي. .واتصنا بديمه قال لمنصور ياخي انت كترها.
. ,كان يوم لطيف وللوصف يجيك ابوالو صف
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
صباح الخير ،،، يا وجوه الخير
أصبحنا وأصبح الملك لله وهده،،،
دعاء اليوم :
اللهم أرحم عباداً غرهم طول إمهالك
وأطمعهم دوام إفضالك
وتيقنوا إلا غنى لهم عن سؤالك
__________________________________
منقول من موقع الفيس بوك
دعاء البايرات من وحي المظاهرات
وووب البوره مابتنطاق
عريس إنشاء الله
شااااذ أفاق
بس هو يجي
... عريس إنشاء الله
لو جربوع وجرب مره لحس الكوع يعدي معاي فد أسبوع
بس هو يجي
عريس إنشاء الله رباطي
أو مضروب طلقة مطاطي
بس هو يجي
عريس إنشاء الله
لو سجمان
ويومي استنشق البمبان
بس هو يجي ..
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
| Quote: لو جربوع وجرب مره لحس الكوع يعدي معاي فد أسبوع |
... .........
موبالغة عديل كده ... ياريس
والله ضحكتنا من القلب ...
===========================
ولدنا عمر نملوز ...
جايكم ... أكيد ...
ويمكن فكرتي زي اخوي ... ود الزناتي ....
الخليج ده مابمسك ليهو .. اسرة ...
تحياتي لمنص واولاده ...
المرة دي لو منص جه راجع الرياض مع اولادو ... يكون غلطاااااااااااااااااااان ,,,,...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
Quote:
المرة دي لو منص جه راجع الرياض مع اولادو ... يكون غلطاااااااااااااااااااان ,,,,... |
أكـــــــــيد حايجى راجع يا نجيلة ...
تحت تحت كده ... هو خلى بت الشيخ مع الصغار هنا وفلسع ...
يعنى جاى جاى
هو هسه محروس بى نملوز .. لكن بعد يفارقو الا نشوف السى آى ايه يراقبوهو لينا ...
وين جلا وابو الزوز ... دى ما فاتن حمامه مقشــرة ؟ ( برضو تقول لى البرنس ؟؟ )
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد عيد)
|
Quote: تحت تحت كده ... هو خلى بت الشيخ مع الصغار هنا وفلسع ...
|
الزول ده خليهو براهو كيف ... ياود عيد ...
طبعا انا مجرب ...
حراسة الاولاد اصعب وادق من حراسة ... بنات الشيخ ...
الاولاد ديل بلعبو مان ...تو مان ....
غايتو منص ... بالغ ... اجازة بدون ... بت الشيخ ...
عاوز يخفف وزن الشنط ... بإلغاء بند ... الشاف والطلح
ياجماعة واحد ينادي ...طارق جبريل ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
دعاء اليوم :
اللهم آتنا في الدنيا حسنة
وفي الآخرة حسنة ،،،،،
وقنا عذاب النار،،،،
=========================
يا جماعة بطلوا كلام كتير
منصور حبيبنا لازم بيكون سافر بدون
بت الشيخ لشئ في نفس يعقوب
بس خليكم بعيد وبلاش تدخلوا بين !!!!
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
لا تدع هذا الأجر لغيرك وخاصة في أولادك
• قال أحدهم: "
لا أدع أحدًا يسبقني على تحفيظ الصغار سورة الفاتحة لأنه سيصلي بها طوال حياته"
(ما أرقى هذا النوع من التفكير)
لنعلم أولادنا فنحن أولى بأجرهم
• زرعان يحبهما الله
زرع الشجر وزرع الأثر،
فإن زرعت الشجر ربحت ظلا و ثمرا.
وإن زرعت طيب الأثر حصدت محبة الله ثم البشر..
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
زول ساكت يسأل مني مافي يا كافي البلاء و حايد المحن...
جلا مبسوط جدا من الحكاية دي..
قال لي الناس كلهم يسألو منهم الا انت...
أنا ما كنت منتبه للحكاية دي..
لكن بعد ما لفت نظري حرقتني و الله...
ما حأقدر أقول ليكم غير أمشوا...
يا شذاذ الآفاق...
Quote: • زرعان يحبهما الله
زرع الشجر وزرع الأثر،
فإن زرعت الشجر ربحت ظلا و ثمرا.
وإن زرعت طيب الأثر حصدت محبة الله ثم البشر.. |
ما دام جبت سيرة الزراعة يا ريس...
عندنا قريبا لينا كان بيقرأ زراعة...
قعد في الكلية قدر الله ما يقدرك تعد...
و عندنا حبوبتا لينا الله يرحمها كان لسانا طويل...
كلما يجي في الاجازة تقول ليهو..
انت يا ولدي زراعتك دي لي يوم الليلة ما قامت...
أريتو لو كان كان قرأ الحكمة دي زمان...
كان اتخرج في أربعة سنين بدافع لقيط الحسنات على الأقل...
أول ما اتخرجنا من الزراعة و جينا السودان...
الحاج يقول لي أي زول ولدي اتخرج من الجامعة..
يقوموا يسألوني قريت شنو...
أقول ليهم قريت زراعة...
يقبلوا مني طوالي...
كانوا حاقرين بينا حقارة السنين...
لكن بعد داك اكتشفت انو الرزق ده ما عايز ليهو شهادة...
قدر ما تثابر و تجتهد يوفقك الله و يرزقك...
بنت خالتي دكتورة نجاة تسافر كثيرا..
بحكم عملها مع منظمات زراعية مثل الفاو و غيرها...
و تشارك في كثير من المؤتمرات في كل أنحاء الدنيا...
في كل مرة تمشي لي مؤتمر تلتقي بي واحد مصري ممثل لي بلده...
فكان يتكلما عن حقارة الناس بالزراعيين...
و قال ليها لولا الزراعة لما شاركت في هذه المؤتمرات...
فأصبح كلما يلتقيها في أي مؤتمر يقول ليها...و مالها الزراعة...
ومالها الزراعة يا جماعة...
كتابة يوم الأربعاء دي زي كتابة يوم الخميس...
تكتب كتابة الوحوش غير رزقك ما بتحوش...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
Quote: زول ساكت يسأل مني مافي يا كافي البلاء و حايد المحن...
جلا مبسوط جدا من الحكاية دي.. |
بصراحة يا الرشيد والله أنا مفتقدك شديد
وقلت يا ربي فردتي البترفع معاي البوست كل صباح وين؟؟
ولكن لاقي ليك العذر لأنه بعد الثورة قامت اصبحت الناس ما فاضية
كلهم مشغولين وقلت كثيراً المداخلات وبل غاب ناس كتار خلاص
ده حالتو رمضان ما جا وربك يستر بعد ما رمضان يخش العضم!!!!
بعد داك ننتظر حكاوي ود جبرين ورحلة منصور ،،،،
وناس السودان ديل ما صدقوا لما قاموا حجبوا عنهم الموقع
(حجبوه من عيني - وما قدروا حجبوه)
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
منو القال انك غائب ...
انت موجود ...
لو ماهنا ...
فاني اتلصص يوميا ... الى مربع كاي ...
Quote: وينك انتي يا مطيره تغسلي الشوق في عينينا...
تضمخيني بالدعاش في كل نسيمة...
و الرزاز ينسرب ما بين مسامي للدواخل... فتهتز و تربو...
و تنبت فرح جميل و تغسل حزنا سرمديا عميق...
يا مطيره................يـــــــــا مطيره....
أغسلي الشوق في عينينا.....
وغني غنواتنا القديمة ...
تال القبلة شايف لي برقا لمع
والصيد في الخمايل ياناس اجتمع
قوموا يا أحبة نسترق السمع
ما يطيق القعدة والمايق دمع
و أسمعينا من مدايحنا الرصينة...
بسم الله يــا قديـــر يا عــالي يا كبيـــر
يا جابر الكسير دبرنا يا بصيــــر
بي أحسن التدبير من فضلك الكثير
جود يا كريم بي الخير أنصرنا يا نصير
ويسر لنا العسير |
فانت دايما تعبر عن حالنا ...
عند الطفولة ... والحاضر ... وكمان هترشات وضبابية المستقبل ....
رشيد القوم ... اين ما افتقدته ...
امشي ليهو ... مربع كاي ....
===========================
لا تنسي ان تكمل ...
شلة الانس ... وشلة النكد ...
راصدنك ... بدقة يا خوي ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: Dr.Elsadig Abdalla)
|
صبحكم الله بالخير
عجبوني أولاد جامعة الخرطوم ووقفتهم القوية..
و اصرارهم على مواصلة الثورة حتى يتحقق التغيير...
و بعد تهديدات عبد الرحمن الخضر بلواء الردع...
ها هو البشير يعد المعارضين بالشي بعد أن وصفهم بشذاذ الآفاق...
و كأنه لم يعي أي درس من دروس مصر و ليبيا...
و كأني بهم لا يعلمون أن تهديداتهم تزيدننا يقينا بأن التغيير واجب...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
Quote: بصراحة يا الرشيد والله أنا مفتقدك شديد
وقلت يا ربي فردتي البترفع معاي البوست كل صباح وين؟؟
|
و الله يا ريس شايفك ما مقصر...
يديك العافية...
قايم بالواجب و زيادة...
رغم مشغولياتك الكثيرة و زحمة العمل...
ان شاء الله ما تفقد عزيز يا ريس..زي ما بتقول حبوبتي...
Quote: منو القال انك غائب ...
انت موجود ...
لو ماهنا ...
فاني اتلصص يوميا ... الى مربع كاي ...
|
تسلم يا حبيب...
بلغ عدد قراء مربع كاي 41 ألف...
أنا بجيني شعور ان 40 ألف قراية دي بتاعتك انت بس..
أشكرك على حضورك الجميل دايما...
Quote: ا تنسي ان تكمل ...
شلة الانس ... وشلة النكد ...
راصدنك ... بدقة يا خوي ...
|
شغال في التكملة...
بعض الأجزاء عايزه تشطيب...
حأنزلها حتى لو كان ما تشطيب ديلوكس...
وأكمل الباقي ان شاء الله قبل رمضان...
عشان بعد داك نخلي الشمار و نتفرغ للعبادة...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
سلام ياناس الزقازيق ..
زرت الزقازيق فى رحلة قصيرة للقاهرة فى العام 94 وسجلت زيارة
لحبيبنا وود جيرانا دكتور الصادق عبدالله فى شقتة جوار معرض حجازى
وبعدها اخذنى الدكتور الى شقة اخرى مجاورة لشقتة بها مجموعة من زملائة من الطلبة
السودانيين ، حيث قضينا وقت ممتعا ..
اخونا الرشيد أعتقد أنك شقيق طارق ودكتور مأمون وابو السيد
طارق دى دفعتى فى المدرسة وصديق قديييم ...
تحياتى ليك ولكل اسرة بوست الزقازيق ..
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: مزمل خيرى)
|
Quote: اخونا الرشيد أعتقد أنك شقيق طارق ودكتور مأمون وابو السيد
طارق دى دفعتى فى المدرسة وصديق قديييم ...
تحياتى ليك ولكل اسرة بوست الزقازيق .. |
أهلا بيك يا مزمل شرفت البوست...
أيوه أنا شقيق طارق و أكيد نكون التقينا في أركويت...
كلما أشوف اسمك أتذكر أخونا خيري الأمين مربع 61...
كنت أدخل أقرأ البوست بتاع سامرية عن أركويت...
و كنت تلقيت دعوة من أخونا لطفي للدخول و الكتابة هناك...
تابعت و واظبت على القراية و لكني لم أكتب...
سعيد جدا بحضورك هنا و البيت بيتك متى ما حضرت...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
عبثا حاولت أن أقنع نفسي بأن اليوم هو الجمعة و ليس السبت...
فبعد جولة خارج البيت مساء البارحة تمنيت لو أن اليوم الجمعة...
تعبت تعب شديد ذكرني بأعتاب الخمسين بعد ما نسيتها أو اتناسيتها...
أو بالأحرى غشاني بنطلون الجينز الكنت لابسو...
كانت جولة بين عدة مولات انتهت بما يعرف بالمارينا مول...
هذا المول رغم حبي الشديد ليهو الا انه فيهو عيب كبير...
فيهو عدد كبير جدا من المرايات...
و مريات أظنها من النوع البيظهر الكرش و بيغير الشكل كمان...
يعني تطلع من البيت مقتنع انك سمبتيك و شباب و رياضة...
بس دخلتك المول تقوم مراياتو العجيبة دي تكبرك و تظهر ليك كرشك...
تحلف تقول أنا تاني بيني و بين الأكل برزخ زي ما قال واحد صاحبنا...
أنا و الأكل لا نلتقيان...
في نهاية اللفة الأولاد يقولو ليك يا بابا نمشي صالة المطاعم...
تنسى كل حاجة..تنسى الكرش و تقعد تلهط...
تعبت تعب شديد جيت رميت نفسي و نمت..
صحيت صليت الصبح بعد جهد جهيدو نمت تاني...
ضرب المنبه عملت طناش...
لكزتني ست بيتي عدة لكزات لم استطع طناشها...
رغم انها صحتني أمبارح الجمعة قبل صلاة المغرب خلعتني...
قالت لي قوم اتأخرت على الشغل...
قربت أنط لي في أقرب بنطلون و قميص و أقوم أمشي الشغل...
قلت ست بيتي دي يا اما تكون حريصة على اني ما أتأخر على شغلي...
و لا تكون تكون عايزه تتخارج مني...
و عشان ما أدي فرصة لي زول أنا رجحت التفسير الأول...
أها أنا من قبيل قهوة وراء قهوة و برضو مافي فايدة...
يا جماعة أعتاب الخمسين دي لا بينفع معاها بنطلون جينز و لا تي شيرت...
أعتاب الخمسين ياها أعتاب الخمسين...
أحسن الواحد يقبل بالأمر الواقع...
و الجاتك في بنطلون جينزك .....سامحتك...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صباح الخير ،،، يا وجوه الخير
أصبحنا وأصبح الملك لله وحده،،،
نهدي تحية الصباح للإبن سيدأحمد عبدالدائم سيدأحمد
والذي حضر إلى هذه الدنيا يوم أمس ليلاً .
نهني الوالدين بهذا المولود ونتمنى أن يكون خير خلف لخير سلف
وألف مبروك وجعله الله من العابدين التائبين والحامدين.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
مازال شاعر الزقازيق حسين شنقراي
يصدح بما توجد به خواطره،،،
7:55am Jul 15
الله يعينك
كلمات: حسين شنقراي
يا شعبا خاضع
وساكت لي حينك
صامت وكاتم
والله يعينك
وين النخوة
ووين دينك
في الدقوا بناتك
وإغتصبوا عوينك
أمرق سيفك
وطرق سكينك
ضد النهبوكا
وسرقوا سنينك
-------
يا شعبا ساكت
وبس راضي
صابر وصبرك
حاصل فاضي
مستقبل أسود
وضاع الماضي
كيف قبلان
وتوافق بتراضي
أقبض وأحكم
وحكمك قاضي
-----------
متين ح تثور
ياشعب براكا
عايش مندسي
وقاعد في ضراكا
شبابك مرقوا
بناتك كنداكه
وصبحك أسفر
ليه ترضي مساكا
أبريل وأكتوبر
ثورات في غناكا
تشيلك عزة
وتمسح في أساكا
-------
قوم أمرق
أملا الشارع
ماتخلي شبابك
وحدو يصارع
مدير وغفير
سواق ومزارع
هبوا وثوروا
وطولكم فارع
قوتكم وحدتكم
للظلم تقارع
وخلي الإنقاذ
لسمومك جارع
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
تحياتى واشواقى يا شباب
ايوا , مراقبة الأولاد , اشد وطاة و كأنها المن تومان
حتى اسالوا نملوز
الكوكتيل بتاع ندى نملوز الأكلناهو فى دى بان
على الحدود الفرنسية
طعمه لغاية هسى فى خشمى
نملوز كمان كان عاوز يرمى باقى سلطة الأسود
الزول عمل كده عاوز يفكها
لقانى خطفتها مع الطعمية , وفضينا شنطة هدوم جلال الرياضية المرسلها ليهو نملوز
وشنطتك يا جلال , بعد ماكانت مليانة جزمة وملابس رياضية بمواصفان عمر نملوزية استاندرد
بقت طعمية وجبنة وسلطة اسود ومكرونة بالباشميل
جزمتك ملحوقة يا معلم
لكن سلطة الأسود , لغاية قبل يومين شايلانى
ندى نملوز
سلطة اسود فى ديبان على الحدود الفرنسية ومع المطر والزحليقة العملاقة !!!!
ما بالغتى معانا ياخ
* كان شفتو ياسين نملوز وعيسى نملوز والطيب نملوز , بيعرفوا يقولوا قراصة (بالهولندى )
تصدقوا !!!!!
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
Quote:
ولدنا عمر نملوز ...
جايكم ... أكيد ...
ويمكن فكرتي زي اخوي ... ود الزناتي ....
الخليج ده مابمسك ليهو .. اسرة ...
تحياتي لمنص واولاده ...
المرة دي لو منص جه راجع الرياض مع اولادو ... يكون غلطاااااااااااااااااااان ,,,,...
|
كلامك فيه نظر يا نجيلة يا اخوى
الواحد بقى , زى العاوز يجرى , لكن رجلينو مربطات
اوروبا حاجة مختلفة ده حقيقى
لكننا يبدو قد كبرنا على (المعافرة من جديد )
الكلام يصلح لمن هم فى سن احم ولدى
لمن تسمع تجربة نملوز , فى البدايات والأنخراط فى سلك الحياة الأوروبية
فيها نضال ومعافرة , عاوزة ليها زول تاشرات
المشكلة انحنا بعد ما وصلنا العشرينات دى , المعافرة دى ماااا بنقدر عليها
الموضوع ده عاوز ليهو رجعة مطولة
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
احداث السودان
وارهاصات الثورة فيه
قالت لى -ضمن ما قالت -
ان الحوجة للتغيير , حوجة حتمية
الكلام يبقى عن ثمن ذلك التغيير
والله ان قلبى مع من يتصدون لأحداث ذلك التغيير
وهو فى مراحله الأولى
استغرب لمن يرددون ان الشعب غير متجاوب حتى الان
فى الانتخابات الأخيرة
لم يسجل الناس حتى اسماؤهم , للتغيير السياسى
هذا وهو مجرد تسجيل اسامى
لاغير
حتى اللذين سجلوا اسماءهم , عندما تكشفت طبيعة العملية الأنتخابية , وانها عملية احادية لا منافسة فيها
زاد عدم تجاوبهم , واشاحوا بوجوهم عنها غير عابئين
واضح اننا محتاجين الى تغيير اساسى , هياكلنا الاساسية , تم تدميرها والعبث بها
الناس ما يزالون فى مواقع الفرجة , الفرجة السلبية
مع انهم يعرفون انهم فى امس الحاجة لتغيير اساسى
ما يزال الخوف من كلفة التغيير , هو الحاجز الأساسى لأحداثه
الناس محتاجة تحسب , وتعرف ان كلفة استمرار الأنقاذ , اعلى بكثير من كلفة كنسها وتغييرها
واكثر ما يخافه الناس , هو كلفة (التشفى والتغابن والتضاغن )
الأنقاذ دمرت نفوس الناس , ولم يبق بيت , الا وله (ثار انقاذى )
انشروا ثقافة التغيير الأيجابى , مع المساءلة والمحاسبة المؤسسية
طمئنوا الناس من ان غرض الثورة , ليس ثارا شخصانيا بايتا , وانما هو تغيير الى فضاءات ارحب
انشروا ثقافة الأمل , وقدموا نماذج التغيير المؤسسى المقارن
الثورة فى نفوس الناس , نحتاج الى من يساعدهم على تفجيرها
الشرطة مننا , والجيش حتى ولو دجن , فهم ابناؤنا ,
معركتنا يجب ان تكون مع المؤتمر الوطنى كحزب ليس له اى بعد جماهيرى
البعد الوحيد للمؤتمر الوطنى , هو بعد المصلحة والفساد
لتكن معركتنا ضد المصلحة الضيقة , وضد الفساد المستشرى
من يقول عنا اننا شذاذ افاق , لا يستحق ان يكون ريئسا لنا
ومن يقول ان التغيير دونه لحس الكوع , لا يستحق ان يتحدث باسسمنا
التغيير عملية مستمرة , نريد ان يكون راينا فيمن يحكمنا , هو المحدد الرئيسى كل اربع سنوات حكم
نريد تداولا سلميا للسلطة , لا حجر فيه ولا اقصاء
نريد ان ترجع اموال الناس , للناس , ونريد ان نفصل بين الحزب , والدولة
الحزب والدولة عندنا مولود سيامى محتاج فصل
والفصل عاوز عملية
والعملية هى التغيير
ساهموا فى احداث التغيير كل بما يليه
والنغيير عاوز تحضير , والتحضير داير زمن , والزمن عاوز صبر
وعاوز مثابرة
نحن بعيدين
ليس لنا الا ان ندعو , ونشدد على الدعاء ونخلص فيه
اللهم ساعد طلائعنا فى احداث التغيير المنشود
اللهم آميييين
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
مثلى .. مثل من يحاول ان يبيع الماء فى حارة السقايين
أصــعب شىء ان تحاول العزف على قيثارة رجل هو صانعها ..
والأكثر صعوبة .. ان تلون بريشتك على لوحة صاحب الجاليرى ...
عبد القادر بابكر ( قدورة ) الفنان وصاحب الانامل الذهبية ...
معذرة .. ان حاولت التنطع واهداءكم لوحة فنية ...
فأنت من علمنى وحبب الىّ النقش على حوائط الجمال
قدورة .... عيد سعيد وعمر مديد
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
Quote: التغيير عملية مستمرة , نريد ان يكون راينا فيمن يحكمنا , هو المحدد الرئيسى كل اربع سنوات حكم
نريد تداولا سلميا للسلطة , لا حجر فيه ولا اقصاء
نريد ان ترجع اموال الناس , للناس , ونريد ان نفصل بين الحزب , والدولة
الحزب والدولة عندنا مولود سيامى محتاج فصل
والفصل عاوز عملية
والعملية هى التغيير
ساهموا فى احداث التغيير كل بما يليه |
غايتو في المقطع ده ... خسوسا
قربت البس بنطلون جينز الرشيد ... وامشي السودان اشارك في الساحة
سلم قلمك يامنص ...
ودايما رائع وانت تكتب من ماليزيا او الرياض ... او حتي محتضنا شنطة سلطة الاسود والطعمية ...
والباشميل ...
تسلم ياولد يامايونيز ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
حالنا حال يا ياسر نجيلة يا اخوى
انا وانتا والبعيدين كلهم البرا السودان
شغالين بى نظرية اضعف الأيمان
قلوبنا مسروقة مع الفتيان الأشاوس , والجندريات الكنداكات
الفعل بتاع ايقاد الشرارة , هو الفعل الصعب الحقيقى فى كامل العملية بتاعت التغيير المنشود
والشرارة اوقدت , يعنى الشغل الصعب تم انجازه
البشير وجماعته , اثبتوا بما لايدع مجالا للشك , انهم فى وادى , غير الوادى الفيهو الأمة كلها
انهم مشغولون بمشاكلهم الشخصية
ليت اوكامبو لم يتابعه كل هذه المتابعة
لقلنا له اذن , فرتق يا معلم , طوبة ما تعتر ليك
وخلى لينا سودانا ده , نحاول لملمة طوبه المتناثر والمشتت
هذا البشير , له لسان مستفز , لشعبه اولا , ولشعبه ثانيا , ولشعبه اخيرا
كل الطواغيت , تتلخص عندها الأمور آخر الأمر , فى نظرية مفادها , انا او الطوفان
اما من رجل رشيد يقول له انك , حتى ولو كنت مبرا من كل عيب
فأن عمرك الأفتراضى , كحاكم , انتهى , وصلاحيتك كولى أمر , ولت وانزوت
كن رحيما وعاقلا , وافسح لشعبك الطريق , ولملم معك وانت فى طريق الزوال والافول
كل عاطلى المواهب , وحراس الصولجان , وممنى الأكل على كل الموائد
النظرية البسيطة الما دايرة ليها اجتهاد بتقول
لو لقيت احوال البلد ما ماشة , ومعترسة , ومشاكلها تتوالد مشكلة اثر اختها
اعرف ان جرابك قد خوى , او ان طريقتك ما عادت هى الطريقة المثلى , او انك ما عدت الشخص المناسب لقيادة السفينة
فرتق يا اخى , ولا غور واتلهى , وافسح الطريق , لى ناس جداد , لأفكار جديدة , لى طريقة حكم مختلفة
لو كنت اعظم الناس , واعلمهم , واحسنهم , واعدلهم , وانظفهم , واتقاهم
مع ذلك , فانت لا تصلح حاكما دائما , هذه طبيعة الأشياء , لا دائم الا وجهه الكريم
يعنى انتا حا تكون احرف من (سيدا) ؟؟؟؟
حسى ننادى ليك غارزيتو ؟؟!!!
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
| Quote: هياكلنا الاساسية , تم تدميرها والعبث بها |
كذا مرة قلت ليكم منصور دا بديك باص والله سيدا ولا حتى ميسي يقعدوا يصفقوا بس
اها قلتا لي دمروا هياكلنا وعبثوا بها ... ياخ ديل دفننونا شاسي بس ... عارفكم عارفنها لكن برضوا بحكيها ليكم تاني
قال ليك واحد سايق ابوهو موديهو الدكتور ... عندهم جار شليق شلاقة جلا بس لاقاهم وتم الحوار التالي
- شنو ياخ سلامتو الحاج مالوا
- لا والله النظر بقي تعبان ... موديهو اعمل ليه نظارة
- يازول كدي اقول ليك حاجة نجرب ليه نظارة ابوي المرحوم امكن تلفق .... ولفقت
تاني يوم لاقاهم ماشين الدكتور ...
- شنو ياخ ... خير ياجماعة
- والله الحاج دا السنون انتهت وماشي اعمل ليه طقم
- لا ياخ طقم المرحوم قاعد ... امكن يلفق ..
فما كان من جارهم الا قال له ... اسمع انت ابوك المرحوم دا دفنتوهو شاسي بس
************
ذلك ما فعلته الانقاذ بالسودان يا منصور ... خراب وفساد وتدمير على مستوي كل القطاعات
فلا زراعة ولا صناعة ولا غيرها ... وكل ما يتشدقون به من انجازات تمت بقروض على رقبة وطننا وشعبنا
فإن لم تكسر رقبته سوف تفقهه فقه .... ورغم ذلك لا يسلم شعبنا الابي من السنتهم القذرة ... ومنهم علينا كأننا شحادين ببابهم
لعنة الله عليهم ... فقد اهلكوا الزرع والضرع ... وحانت ساعة الخلاص ان شاء الله ..
************
عاين
بالله ما تملأ لينا الحاجات ريحة سلطة أسود
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
كتب محمد الهادي في نادي القصة القصيرة
كلام جميل جداً ،
1:44pm Jul 17
كان لقاؤهما فى تلك البقعه جوار النيل كرنفال فرح تعشقه كل الموجودات
حولهما طيور البحر واسماكه اشجاره ونخيله اما النجيل الذى يجلسان عليه
فكان الاكثر سعادة فحين يتناجيان تداعب اصابعهما اطرافه الناعمه كما تداعب
ام حنون خصلات صغيرها مناجاتهما هديل حمائم تعيش فى سلام تعلمت منهما الطيور
لغة الحب فتصادق النسر مع زغب الحمائم مالت الاشجار على بعضها من الوجد حتى
الاسماك كانت تتراقص على سطح الماء وتنظر الى الصياد باستهزاء . اصاب ابليس
الحسد فبذر الشك فى قلب الحبيب فتحولت حياتهما الى علامات استفهام اين انتى ؟
واين كنتى؟ ومن هذا ؟ وما تلك؟ اخنلفا فى كل شئ واتفقا على تحطيم هذا الحب النبيل
فهجم الصياد على السمك وانتصم الشجر متباعدا واثر الطير الرحيل ولم يسلم من قسوة اياديهما
النجيل ليموت حلم جميل.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
Quote: Quote: هياكلنا الاساسية , تم تدميرها والعبث بها
كذا مرة قلت ليكم منصور دا بديك باص والله سيدا ولا حتى ميسي يقعدوا يصفقوا بس
اها قلتا لي دمروا هياكلنا وعبثوا بها ... ياخ ديل دفننونا شاسي بس ... |
سلام يااا كرام ويااا سلام وياااسلام على المتابعة والجمال في الكلام
وإن شاء الله دايما تامين ولامين
يا جلال هو السودان فضل فيهو هيكل بقى زي حكاية
الولد العندو ضعف نظر ومخلوق من غير أذنين وابوهو عايز يجيب ليه
نظارة ! الولد الشليق قال لابوهو لو جبتو ليه النظارة يعلقها وين
بالظبط السودان الجزء التحتاني من الشاسي بتاعو إتفصل فلو جبنا
عجلات نركبها وين
إنقلاب الإنقاذ في 1989 ( الدولار كان = 17 جنيه سوداني
بعد 22 سنة في 2012 ( الدولار أصبح = 6000 جنيه
خلال 22 سنة الجنيه تضاعف 17/6000 = 353 مرة يعادل 35300%
إذا في السنة الجنيه تضاعف 22/353 = 05و16 مرة يعادل 1605%
إذا في الشهر الجنيه تضاعف 12/16 = 34و1 مرة يعادل 134%
إذا في اليوم الواحد يتضاعف 4و1 ÷ 30 = 05و مرة = 5%
هذا مؤشر واحد من عشرات المؤشرات التي توضح مدى سوء إدارة البلاد
وأنك لا تستطيع أن تقيّم بأنك ربحان في أي عملية بيع في السودان
ومن ذلك جات عبارة (البايع خسران) وذلك من التضخم الهايل في السودان
وليس هناك أي معايير للقياس والجنيه أعلاهـ يثبت ذلك
كما قال محمد عيد ياحليل أيام الفريني وعجل الحديد والطرادة واللحلوح وعضان الفيل
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
صبحكم الله بالخير
انشغلت كثيرا في الأيام الفاتت..
انشغال حرمني من التداخل و الكتابة هنا...
كنت أتابع و أقرأ كلما تسنى لي ذلك...
و قريت مداخلات منصور المتمسحة بعبق جو بلجيكا و زهور بلجيكا..
اللغة الرفيعة ذكرتني ببيت الشعر الشهير...
عيون المها بين الرصافة و الجسر جلبن الهوى من حيث أدري و لا أدري..
و أنا هنا أٌقصد تأثير الجو على المزاج و اللغة...
لو بقى منصور حتى نهاية الصيف لكتب كتابات مؤثرة جدا...
أنا رغم مزاجي السيء و الجو السيء و كل شيء سيء حولي...
أحاول أن أتخيل نفسي حيث يوجد منصور و أكتب من وحي ما سأتخيله...
دعوني أعمل تخريمة أحي فيها الريس ميسرة القابض على جمر البوست...
و أحي جلال عثمان و الذي يأتينا كلما عثر علي (شاسيهو)...
و ليس طايوقه مثلما هو الحال مع صديقي الكوتش...
و التحية لنملوز و هو يقوم بتجهيز عدة جلال الرياضية...
و يعطرها كما كان يفعل العاشقون قديما...
و لكنه يعطرها بأريج سلطة الأسود وفوح المخلل..
و يرسل معها سي دي لأغنية..
ست العينين عطر الأٍسود لو شفت عيونها ريقك بينزل...
أتخيل جلال و هو يركض في شوارع الرياض و بطنه بتصوصو بفعل رائحة الأسود...
التحية لأبو عمر و تحليله الاقتصادي الذي ذكرني بخسارات قديمة...
لقد نكأت جرحا قديما يا أبو عمر...
الله يقطع الصرف و سعر الصرف و موية الصرف و يصرفنا عنها ويصرفها عنا...
لو لم أجد سببا واحدا لثورة الشباب هذه لحرضتهم مدفوعا بخساراتي تلك...
خسارات رغم ان السنين قد مرت عليها و سقطت بالتقادم...
وقزمت الأرقام بفعل التضخم و تطور الحياة...
الا أنها ما زالت تمثل 60% من ونستي عندما أنفرد بي زول أمه ما راضيه عنو...
و يقع في يدي و أروي ليهو قصص بكون رويتها للمره ال514...
و أٍسعد كثيرا عندما أجد ضحية جديدة..شخص يسمعني لأول مرة...
أستخدم كل ما علمتنيه الحياة من تعابير الوش و الصوت...
مره أعلي و مره أوطــي و مره أقطب و مره أبتسمو مره تغلبني القراية...
.
.
.
.
رمضان كريم عليكم جميعا...
تصوموا و تفطروا على خير...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
تحية كبيرة للقابضين على جمر البوست وتحية خاصة للأخ الرشيد
ورمضان كريم وكل سنة وأنتم طيبون وتصوموا وتفطروا على خير
نسأل الله أن يجعلنا ممن يصومون رمضان إيمانا وإحتسابا
وأن يتقبل الله عملنا في رمضان وأن يغفر لنا ماتقددم من الذنوب
إنه نعم المولى ونعم النصير
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
عندما تحين المناسبة يتذكر الإنسان أشخاص
لهم قلبه علامة و لهم في وجدانه مكانة
فيدعو لهم
اللهم بلغهم رمضان و هم في أحسن حال
اللهم اجعل التسامح غذاء قلوبنا
و المحبة علاج نفوسنا و التقوى بلسم جروحنا
و الرحمة سكن أرواحنا 0
و كل عام وانتم احبتي الزقازيقاب بخير و رمضان كريم
نسال الله ان يعينكم علي صيام يومه و قيام ليله وعتق
رقابكم من النار يا كريم
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: موسي عيسي)
|
صبحكم الله بالخير
روحانيات...
اليوم أول يوم عمل في شهر رمضان...
بعد أن نجحت في امتحان الجمعة مع اجازة الأولاد...
أعتقد انني سأجتاز امتحان اليوم في الشغل بسهولة...
خاصة و أن أبواب الروح مشرعة للتسامي و التصافي و التسامح...
تدخل كلها عبره مرة واحدة فتشعر بزلزال روحي و ليس مجرد قشعريرة...
زلزال ينفض و يعيد ترتيب الدواخل مرة أخرى...
عادات...ضارة
أول يوم رمضان و سهرة رمضان...
سهرات رمضان لا تتفق مع الدوام...
لذلك أعتقد ان في رمضات مفروض كل واحد يسكن في بيت براهو...
كل واحد على حسب ظروفه...
الأولاد في اجازة نسكنهم براهم...
ست بيتي عايزه تحضر السهرة تسكن براها...
و أنا بصراحة السهر ده بقى ما بينفع معاي....
زي التقول أنا في أعتاب الخمسين...
..
..
..
نعسان لدرجة اني شايف الكيبورد طشاش...
فلو جات كلمة كده و لا كده سامحوني...
نعسه عايزه ليها كباية قهوة كااااااربة...
قهوة تفتح الروح ضلفتين...
..
..
..
بمناسبة تفتح الروح ضلفتين دي...
نديكم رائعة جمال حسن سعيد...زوله...
.
.
زولة تفتح الروح ضلفتين
تخشك … وتمرقك …
عــــــادي ..
تخشك … وتمرقك … ما بتقفل الباب من وراها …
بل تساسق بين شفقتك … وحرقتك …
ما بتأذنك …
ما روحها نفاج غربتك …
هذي البنية … الساكنة أسرار فكرتك …
هي الشايلة … حســـــك وسترتك …
زولة … كما النورس تجــي …
تنزل شواطي الإلفة والزمن الشفيف …
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
Quote: رسلت ليك رسالة رمضان عن طريق نجاة
|
ما مقبوله...ما مقبولة...
و عندك مهلة أربعة و عشرين ساعة ترسلها لي أنا...و الا...
أحسن نديك العين الحمراء من حسه...
عشان ما بكره ما تجي تقول لي رسلت ليك رسالة العيد عن طريق أمنية...
و بعد بكره تقول لي باركنا ليك الحجه عن طريق مهند...
لحدي ما يصل عن طريق مساي...
مساي دي الشغالة بتاعتنا...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
يا منص...ياخي رفعت نورالدين بيسلم عليك..
ضرب لي تلفون أمبارح لومني و لومك لوم السنين...
قال لي انت و منصور قاعدين تلموا في الدراهم و الريالات دي...
أصلو ما بتتذكروا ترسلوا لي حتى SMS...
لا عيد و رمضان و لا أي حاجة...
غايتو من حسن حظك ان أمبارح أول يوم في رمضان...
و مسكت نفسي من الشمار...
قربت أقول ليهو منصور ده قريب منك...
يعني كان كوركت قلت يا منصور...
امكن يرد عليك مجتبى من وراء الحيطه...
لكن اتعوذت من الشيطان الرجيم و مسكت نفسي...
لكن قطع شك بعد رمضان ما حأقدر أمسك نفسي...
و حأكلمه...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صباح الخير ،،، يا و جوه الخير
يبدو أن رمضان هذا العام حار ليلاً ######ن جاف نهاراً
كل الدنيا تتحدث عن سخانة الجو يا ترى حصل تعديل في البيئة
وهل الإنسان له دور في إرتفاع معدلات الحرارة ،،،
جدة زحمة ورطوبة مكة لا يوجد بها موطئ قدم المدينة كتلة من النار
الرياض قيل لا تسأل عنها فإنها مصدر اللهيب،،،
ربنا يتقبل صيامكم وقيامكم ،،،،،
============================================
أمس تفرجت على برنامج أغاني وأغاني والسر قدور
الحلقة كانت وفاء وتقدير للفنان نادر خضر ،،،
لقد تألمت سابقاً لفراقة ولكن يوم أمس كان الجو مشحون
بالحزن الشديد وإكتسى البرنامج سواداً على سواد
ولقد شعرت بالحزين الدفين مع دموع مقدمي البرنامج
والمشاهدين،،،
الذين أحيو ذكرى الفقيد فقد أكرموه ،،،
الله يرحمة ويغفر ليهو،،،
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
| Quote: ما عارف تلفون شغالتهم كم ؟؟؟!!! |
قلت أرسل ليك تلفون شغالة ناس رفعت قبل ما تركب الطيارة...
عشان تقوم بالواجب و تبارك ليهو الشهر....
لكن اتذكرت ان رفعت ما عندهم شغالة...
بفتش ليك تلفون اشراقة قبل الطيارة ما تقوم...
و كان ما لقيتو برسل تلفون شغالتنا...
رسل ليها مباركتي و مباركة رفعت...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
سلام تحيه
اوستندا بروكسل.دي باني.كنوكا.دي هان.زي بروخا.بلانكن بيرخ. امستردام. باريس. ميلان. لوزان.ميونخ.كولن.فيينا.مدريد. برشلونه. شهود على المتعه والاستمتاع.
في اتصال مع عمو مصهور زي مابيقول ايسانور قال انا الان في صف الجوازات قلت ليه طيب ماتصوم كم يوم معانا قال انا مالي ومالكم اصوم 19 ساعه بالله عليك
مالك ومالنا طيب نسخه من الكلام دا مرسله لكل المطارات والسفن وان شاء الله تلقى درجه حرارة الرياض 99.7. طيب عشان سلطه الاسود لو ما عشان المدن والمطارات
واقول ليك حاجه انا البكلم رفعت الاسد
ورمضان طويل
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
غايتو لمن الزول يكون بيحاجج ساى ... ظاااااهر عليهو ...
ولمن يكون كايس ليهو شكلة بدون سبب .. بيقول للناس انا ما قادر اساهر وداير افرز عيشتى ...
ولمن يحس انو العندو ده تعب بيشبه تعب الناس الفى اعتاب الخمسين ... بيكون بيكابس فى حاجة تفك خرمة صيام اول يوم ...
أهـــا ... ولمن يقوم يجرجر فى الزول داااك الفاطر فى الطيارة ( وأصلو صيامو فى الفجــة الجاى منها دى ما مقبول )
خاصة انو كمان ما اهتم بوصل الارحام وطنش المرور على الخال جوكونى عويدى الشعير برفعت نور الدين وتنا اشراقة بت ناس الشافعى
مع انو لو قال لعمر نملة يوصلوا ... كان بى جكــة واحده وصل بيهو الطرف الآخر من اسكندنافيا النرويجية ..
أهــا ... لمن الزول داك القاعد فى امارات زايد فوق حلة بريستو 50 درجة مئوية يقعد يسويها للزول الجاى فى الطيارة وفاااطر ( شرعى )
ويقعد يقول ليهو هاك تلفون شغالة ناس اشراقة .. ويجيب ليهو شمار شغالة ناس معاوية يحى القالو كانت دايرة تدق مرتو .. وكمان شمار الحرامى القالو نط
فى بيت ناس جلا وقعد يكوس للتلفون الجالاكسى نوت القلعو صاحبنا من زول مل بقولوا ليكم ( حرصا على مصادرنا ) .
طيب ما يعنى الزول ده يقول انو متجرس عديل ..
ياخ طيب ما تقول رمضان دخل فى العضم ..؟
ياخ ما فيها حاجة .. الريس ذاتو قال ليكم الحرارة فى مكة 55 والرطوبة فى جده 155 ..
طيب شنو الجرسة ..
انتو تعالو ..
الزول ببقى معذور فى الصيام بعد سن كم ؟؟
رمضان كريم .. تصوموا وتفطروا على خير
كالعاده اول تلاتة ايام ما تآخذونا ... بس اختــونا ساى ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
غايتو محمد عيد ختاها ليكم واضحة .... لكن من باب حسن الظن اظنو بقصد الناس العلي اعتاب الخمسين
اختوهوا ياخ وخلوا الزول دا يفضا لينا بالله بحكم انو نحن لازلنا نحبو نحو العتبة .
المهم عجبني الشمار المشتت عموما ... لكن شمار "الجلاكسي نوت" داير يشرقني عديل
بالله تقول اشتروهو مع بهارات رمضان ... يا ولدنا والله عندنا جنس "بليلة حمص" حلاتا ياخ مع شمارك دا
ادعوا بالخير لشيخي منصور ان يحفظه الله في حله وترحاله وان يصل في امن وسلامة الى "حلة البريستو"
كنت عاوز اقول ارض الوطن لكن خفت من لسان الرشيد ... والغئب الحاضر ابوالزوز وترأت لي جملة "انعل ابو التلج ذاتو"
المهم الدعوات الفوق دي شملت مع شيخي الحوار الغلب شيخو الولد الرائع "نملوز" عليكم الله كان ما حوار غلب شيخو
شفتو ليكم زول بيصوم 19 ساعة صائم ديمة ... والله الليلة اكسر تلج لما تبردوا تلطيف اجواء قل ليك
المهم وتعبيرا عن التشجيع الما عادي والتوجيهات بتاعت نملوز ... قال ليك تم انقاص الوزن عدد/2ك بالتمام والكمال ... حيث وصلنا لمستوي 83ك
والحمد لله ... وبدأت التمارين الرمضانية "الجادة" واهم مافيها الاشراف من ذوي الاختصاص
مافي حاجة مزعلاني غير عدم لحاقي ب اولمبياد لندن
كل سنة وانتوا طيبين وجعلنا الله واياكم من عتقاء الشهر الكريم
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: جلال عثمان)
|
صبحكم الله بالخير
تالت أيام رمضان و الأمور ماشه تمام و الحمد لله...
متبعين استراتيجية لحدي حسه بعتبرها استراتيجية ناجحة...
بالرغم من اني ما بحب السمسرة في نهار رمضان...
لكن يا جماعة بصراحة العايز يعرف الاستراتيجية بتاعتي لازم يدفع...
و الوسطاء يمتنعون....
واحد أخونا تلقاهو خشمو ناشف و عامل زي الدلقان...
اتكل من طربيزه لي طربيزة و من حيطه لي حيطه...
تتكلم معاهو الكلمة يتمها ليك بعد تعب...
الكلمة الواحده خليها الجملة...الجملة يسل روحك فيها...
تسأله تقول ليه كيف رمضان معاك في تالت أيامه...
يقول ليك الشهر ما دام مرت فيهو تلاته أيام خلاص انتهى...
الشهر من ناحية بينتهي ..لازم ينتهي...
لكن انت بي طريقتك دي..ما بينتهي بي أخوي و أخوك....
Quote: مافي حاجة مزعلاني غير عدم لحاقي ب اولمبياد لندن
|
ما دام بقيت تعرف تعمل الوش الأصفر البيضحك ده...
ممكن بالراحة نلحقك الأولمبياد...
و معاك طارق جبريل و ياسر نجيلة...
ياسر نجيلة نخليهو تخصص 100 وش أخدر...
و جبريلا 400 وش أخدر...
و انت للأصفر الثلاثي...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
حكمة اليوم :
أعقل الناس من ترك الدنيا قبل أن تتركه،،،
وأنار قبره قبل أن يسكنه،،،
وأرضى ربّه قبل أن يلقاه،،،
وصلّى الجماعة قبل أن يُصلى عليه،،،
أكرمكم الله برمضان اليوم وبلغكم رمضان القادم
حتى تقولوا كفانا من حب الفانية،،،
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
============================================
| Quote: مافي حاجة مزعلاني غير عدم لحاقي ب اولمبياد لندن |
ياحبيب ياسكر ولا تزعل ولا حاجة ...
احتياطيا كده ... سجلناك في دورة الألعاب العربية بالدوحة نهاية السنة ...
استعدادا لاولمبياد ... ريو دي جانيرو 2016 ..... شد حيلك
وخلي ولدنا نملوز يجري وسط الصبيان ...
وفي شواطئ اوستيد ... مع النسوان الصايمات ... من الملابس ...
يا جلة ياخي ماترسل لي لنك الوش الأصفر ...
[email protected]
الطلب جادي جدا .....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
تقبل الله صيامكم ،،،
هذه الأيام من أجمل العبادات
الإكثار من الترحال إلى مكة المكرمة
وزيارة بيت الله الحرام والتمتع بالجو الروحاني
ومشاهدة جموع المعتمرين وهي ترتدي الثوب الأبيض
فتبدو مكة مدينة الثلج باللون الأبيض المترامي على ا لرغم من الحرارة
حقاً أيام لها إيقاع لن تتكرر بسهولة ،،،
| |
|
|
|
|
|
|
| |
ميسرة سيد أحمد
اساسي
جمال الباقر
إحسان عبد العزيز
كمال الشادي
الرشيد بابكر
ياسر نجيلة
عصام دهب
جلال عثمان
سامي عبد الوهاب إدريس
محمد عيد
طارق جبريل
عمر نملة
منصور عبد الرازق
عبد الدائم سيد أحمد
Dr.Elsadig Abdalla
مزمل خيرى
أحمد إسماعيل
موسي عيسي
فيس بوك
تويتر
انستقرام
يوتيوب
بنتيريست