|
Re: ناس الزقازيق ... أجدع ناس (4) .. (Re: محمد صديق)
|
بيتنا زمااااااااان..
الحبيبين كيفنكم جيت جري من المدرسة لابس الرداء الكحلي والقميص اللبني... وكتين وصلت مربعنا لقيت قندران ابوي واقف.. قلت في نفسي يا ربي يكون كان شاحنلو فتريتة ولا عيش. باقي الحمام أليلي من امبارح ما رميتلو شيتا ياكلو.. والجداد تراهو ياكل في نوار القش مع الغنم في المراح المن تالا ناس أم النصر.. طلعت في الترلة لقيتلكم الفتريتي مشتتة مالي الدنيا... واااااجيدلي يبقالي مع راس القندران بملالي شوال... يعني سبوعين والحمام أليلي ياكل ويحمد ربه.. جريت سلك الباب ودخلت رميت الخُرتايي في عنقريب في البرندة وشلتلي جردل ومقشاشة وأمي صاقعالي: انت متين جيت لامن داير تمرق تاني قلتلا: ماني مارق شي داير احصل اسقي الغنم واشتت العيش للحمام والجداد... باقي الجدادي البُني تكضكض باقيلي دايري تركض خميت يا الحبان الفتريتي وبقيت امشي وأجي لامن مليتلي شوال وتكلتوا جنب المراح أليل الغنم.. وشلتلي طرادة من أمي ومشيت علي موسى بتاع القش وقلتلو: بي طرادة يا عم موسى لكن شوفلي الفيهو النوار فشان الجداد خليتو يكاكي داير يرمي البيض في الزير المكسور في الركن.. عمنا موسى ضحك وربطلي القش وجيت مخمخمو وماشي أغني.. لاقتني خالتي بثينة قالتلي ما شوفتة جمال يجي يجيب القش للغنم ديل.. قلتلا خليتو يلعب في كورة الشراب جنب المدرسة قالتلي: الله يقلعوا الولد دة من هو يرضع في شطري معذبني.... ضحكت ومشيت خليتها.. بالله الغنم ديل شافني بس بقن يكوركن.... ميع ميع ميع ميع وانا صاقعلهن: أصُبرِن اللملا الجردل موية فشان تشربن وتاكلن.. صنقعت علي الغنمايي السوداء وقلتلا: ان بقيتي ما تقلتي شي الشهر دة ابوي بيمسكك يبيعك لي عبد الجبار الجزار.. وأنا طالع حدرت للتيس الكبير.. دخلتلن المويي وشريتلهن البرسيم وجاء الجداد وسطن يكاكي وياكل في النوار لكن الجداد البنيي ما جات طالعي والديك اللحمر وعندو ريشايتين صُفُور واقفلها في خشم الزير يمد في جناحو مع رجلو اليمين ويكاكي زي صفاقين عثمان اليمني وكتين يهيجوا... قلتلو: اييي الخرابي باقيلي ركضت خلها لا تكسر علينا البيض أمش علي التانيات طلعت لي برج الحمام ومليت الكوريي فتريتة... لقيت الضكر البني علي الرقيطة قاعد فوق الصفيحي وشغال يسوي في «غووووووغ غوووووووووغ غووووغ» قتلو أصبر الزغاليل خلاص كبرن وباقيلي أمي آآآبتفويتن الجمعة دي وبعداك أن بقيت داير تدخل علي مرتك أدخل.. صنقعت علي الحمامة الرمادية لقيت معاها الضكر أليلا يغوغي ويرفع وينزل في جناحو ويزغد فيها باقي ليهن تلاتة ايام من شلنا زغاليلم... قلت كدي شتَتلم الفتريتي بالله جوا ينطايروا من الصفايح زي قِطيع الصبيط في حش التمُر... نزلت مشيت شلتلي جردل ومشيت جنب بيت عمنا مكاوي باقي الايام دي يبيضوا في بيتهم مليت جردلي رملة وجيت داخل الأوضة ألتنا فرشت الرملة تحت عنقريبي وسويتها مدورة... امي جات داخلي قالتلي انت قاعد تصوت في شنو.. قلتلا الجدادي البُنيي ركضت وداير أجيبها هني قالتلي: يا ولدي بتوســـخ علينا الاوضة وأخواتك يقومن ينقنقن... قلتلا: يمة البرد هناك وإن بقيت ما شفتلا بُكانا سخن البيض دة آآآبيفقس شي.. بشوفلي دبارة أربطها بيها في كراع العنقريب مشيت نقلت البيض من تحتها في الزير وجبتو ختيتو في الرملة وقبضت الجدادي جبتها ختيتها في الاوضة وقفلت الباب فشان ألقالي دبارة أربطها بيها... ما لقيت غير تِكي قديمي ألت أبوي جيت مسكتها ربطها مع كراع العنقريب المن تالا مخدتي فشان من تصبح وافتح عيني أقوم أتبنها وأشوف إن بقى فقست البيض... ليلي ونهاري من مراح الغنم لي برج الحمام لي الجدادي الراكضي وبالليل وكتين امي تجي تمسحني بالجلسرين وكتين أقولها ماني داير اتمسح.. تقولي: شوف وشك كله مليان قشروب ورجلينك ديل دمهن والله ما تتمسح اشيل الجدادي دي ارجعها للزير وسط المراح... باقي عارفاني مستني متين تطلع السواسيو... اسكت اتمسح بي جلسرين الجن دة وادنقر راسي من العنقريب واقعد اتونس مع الجدادي: باقيلي ليكي مدة ما شربتي.. امشي أملالي كوز صلصة موية واخته جنب راسها وتقوم كدي تنقدني في اصبعي واقعد أضحك.. .....
بيتنا زمان..
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
.. . بالاشارة للاعلان السابق المتعلق بتحديد موعد استدعاء راس المال لشركة اجدع ناس للاستثمار .. نفيدكم بأن اخر موعد لاستلام قيمة الاسهم من المساهمين هو 15 نوفمبر 2011م ومن ثم سيفيدكم مجلس الإدارة لاحقا .. بالاجراء المتبع ..
صالح عبدالرحمن صالح مدير العلاقات العامة والاتصالات الخارجية ..
-------------
للعلم والإطلاع
| |
|
|
|
|
|
|
Re: ناس الزقازيق ... أجدع ناس (4) .. (Re: Tabaldina)
|
صبحكم الله بالخير
جبريلا مصور بارع... يستطيع بكلمات سهلة أن ينقلك بكل حواسك الى المكان و الزمان الذي يريد... من الشمالية الى بيتهم زمان و شواطئ المغرب الجميلة... و فوق كل ذلك طبيب بيطري متمرد على المهنة... و مصم بدأ هاويا ثم محترفا... أظنه وجد نفسه في التصميم... و أكيد أنه يبدع فيه... فشخص بكل تلك المقومات لا بد و أن يكون مصمم متميز... و يمكن أن يكون مصمم عالمي متميز... خاصة ان كان قد صقل تلك الموهبة بالدراسة في المجال... ابداع يا جبريلا....
تبلدينا شكرا على المثابرة و الاجتهاد... و التجرد الذي تؤدي به عملك في الشركة و بدون مقابل... رغم علمي أنك تحتاج كل هذا الوقت لتثبت رجلك في عملك الجديد... في هذا المرحلة المفصلية من حياتك... أعلم أنكم في مجلس الادارة تواجهون بكثير من الاحباطات فيما يخص الشركة... لكن أي عمل جماعي تطوعي يحتاج الى الكثير من الصبر... خاصة و أن معظم المشاركين قليلي خبرة في مثل هكذا عمل... بالاضافة الى أنهم لا يملكون الكثير من المال... فقد تكون مساهمتهم في راس المال عبارة عن تحويشة عمرهم... أو مال أدخروه لليوم الأسود و كل الأيام سوداء في هذا الزمان... لذلك أعتقد أنهم يحتاجون الى مزيد من الصبر... و مزيد من الترغيب و التطمين أيضا... لذلك أقترح عليكم أن تمددوا الوقت مع القيام بحملة ترغيبية و تطمينية للأعضاء... هنا و في الفيس بوك وفي كل مكان...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: نزلوه يجيب اتنين حلا وحمار...
بيكون محتاج مساعدة...مش؟؟؟؟؟ |
بي مساعدة و لا من غير مساعدة... حلا و حمار ببقن لكن يا كوتش... أي زول ممكن يجاوب الا الزول الكان في بلجيكا داك... حيجي يقول لي منو القال ليك ما ببقن... حلا و حمار و شقار كمان... شقار دي أنسبوها زي ما عايزين...
انتو وين جلال... مآخد باركينق (موقف) و لا شنو...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
لكن ما غتستوا حجر جاد يا اخوانا خليكم منطقيين شوية انبوبة غاز وبتيخة كمان !!!! والبتيخة , ما اى بتيخة حلا وحمار ده اصلو جاد ولا النبى (نوح)
*بس لكن جاد بتاع السندوتشات بينفع فى المهمة دى زى الفورد الجديدة البتعمل باركنغ برااااااااااااها (زى جلال )
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اهلا صالح تبلدينا اتوقع انو موضوع جذب راس المال العامل لى شركتنا الوليدة محتاج منكم مجهود اكبر , والله يعينكم محتاج شوية نقاش ومداولات محتاج شوية تنوير لخطط عمل قصيرة وطويلة وكمان لازم نعرف انو ظروف الناس المالية بتختلف محتاجين مقترحات عملية لكيفية الدفع مع مراعاة ظروف الناس المختلفة كنت افضل , ان تبدأ عملية الدفع من خلال اجتماع موسع ولأنو الناس متفرقين فى مناطق عديدة والبيقودوا العمل , هم بطبيعة الحال الموجودين بالداخل فان اجتماع جمعية عمومية لعضوية الداخل , كافية لأعطاء الشركة الوليدة وقود دورانها الأبتدائى ومن ثم يتم نشر وتنوير عضوية الخارج , بنقطتين مهمات اولها خطة العمل المقترحة على المدى القصير والطويل مع اقتراحات مرنة تراعى ىظروف الناس فى جذب رأس المال ثم تضاف الى ما سبق رؤى ناس الشركة القاعدين برة على ضوء ما قررتم انتم ناس جوة وبعد داك تدور العجلة على بركة الله بالتوفيق يا حبيب
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
قال ليك فجاءة كدا هفت للولية دي وطار ليها يا قول الجماعة جيت داخل لقيت ليك 3 باكستان بفكوا في الدولاب ...والسرير مافي في شنو يا اخوانا ... ؟ مافي مشكل صديق هذا مدام في بيع اغراض مال انت هي لكن؟ مافي مشكلة فرش ليك مرتبة في الواطة والغرفة الجديدة بتخلص يوم الخميس دولاب سحاب وسرير عجيب والله الدزاين شفتوا في الكتلوج بتاع ايكيا طيب وبي كم؟ اها طوالى جريت على القروش ... ياخي دا شغل عجيب وكمان ممكن نوديه السودان والقال ليك منو انا ماشي السودان انت يا راجل عاوز تموت في البلد الفقر دي ياخ لاكن الامور دي بتكون بالتشاور يعني اسا انا ادفع لي تبلدينا من وين؟ تبلدينا منو قول بسم الله ياراجل ... انت زرعتا لينا تبلدي قسط المدرسة؟ الخروف؟ الشيرنق بتاع الاستراحة لا وكمان النبشرك ما تنسا قسط الصندوق وحق نسجيل الارض مافي حل غير "الباركنج" قلت شنو "بي نهرة"؟ لا لا ماقلت حاجة قلت فورد الجديدة البتتكلم مع الزول ديك ------- سجم خشمي الراجل جنا
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
Quote: جبريلا مصور بارع... يستطيع بكلمات سهلة أن ينقلك بكل حواسك الى المكان و الزمان الذي يريد... من الشمالية الى بيتهم زمان و شواطئ المغرب الجميلة... و فوق كل ذلك طبيب بيطري متمرد على المهنة... و مصم بدأ هاويا ثم محترفا... أظنه وجد نفسه في التصميم... و أكيد أنه يبدع فيه... فشخص بكل تلك المقومات لا بد و أن يكون مصمم متميز... و يمكن أن يكون مصمم عالمي متميز... خاصة ان كان قد صقل تلك الموهبة بالدراسة في المجال... ابداع يا جبريلا....
|
رشا كيفنك ابوي ياخي الله يجبر بي خاطرك هي آهات الحنين يا حبيب نوستالجيا المكان والزمان حين تعود بك الذاكرة الى تلك الأزمنة لا تجد غير الكتابة لتبث شجونك
التصميم يا حبيب قريته بس من منازلهم كمية كتب احضرها لي شقيقي طلحة ونزلت ليك فيها التهاما الغريب في الامر انني درست مادة التصميم في كلية الاعلام هنا في الرباط لمدة عامين بالإضافة إلى أنني اكتب مواد ساخرة في الجريدة ولدي بطاقة صحافة معتمدة هنا والبيطرة راحت في حق الله
Quote: زول بيسمع كنوز محبة وداخل جوة بيت الغنم وقفص الجداد و الحمام ولونو اغبش وكرعينو مشققات
يا جبريلا زمنكم ( الجنى جداد ) كان بكم |
اها شوف كمان ناس الصحافة بتاعين امبارح ديل ما تخليني افتك هنا
يا جلال والله الحكومة كيفتني في كنكوجي
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
السلام عليكم ياناس يا حلوين
يا ود جبريلا يا أخي حكيك حلو حلاة ما معقولة اصلآ !!!
وبعدين جداتك دي ما حصل نقدتك في عوارتك الفي كراعك ديك ..... يا أخي حاره بشكل
طبعآ دي ناس الصحافة ما بتكون مرت عليهم ( وش اسنانه بره )
| |
|
|
|
|
|
|
Re: ناس الزقازيق ... أجدع ناس (4) .. (Re: عثمان الخير)
|
Quote: مافي مشكل صديق هذا مدام في بيع اغراض مال انت هي لكن؟ مافي مشكلة فرش ليك مرتبة في الواطة والغرفة الجديدة بتخلص يوم الخميس دولاب سحاب وسرير عجيب والله الدزاين شفتوا في الكتلوج بتاع ايكيا
|
حسه في ذمتك ده كلام تجي تقولو هنا... ما جاء في بالك انو ستات بيوتنا ممكن يقروهوا و يقعدوا يزرزروا فينا... أها قول رضخنا للطلبات مجبرين لا أبطال... و علي البشتنة المادية العلينا اتبشتنا زيادة... و قول قبلنا بي نوم الواطه... انت ضميرك بكون مرتاح كده... يا غتيت...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: حسه في ذمتك ده كلام تجي تقولو هنا...
|
شوف ياحبيب كدا براك شرحت المعنى الكان في بطن الشاعر... يعنى يرضيك اتبشتن براي؟ وتيب عارف برضو نحمد ربنا انو ما قالوا نغير الصالون ------ جبرييلا والله تاني تضحك فوقي قريبتك دي اكان تلقاها في البلد
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
سلام عليكم والعيد عليكم مبارك اليومين ديل حكايتكم تشفق فيها غيار عفش ياجلو حاتجيب لينا الكلام حايقولو لي ماهو طاعم زيك قوم غير البوهيه ذاتا والناس العايزه تكسر تلج تكسر بعيد بعيد الدنيا شتاء ونحن مابنقدر على الكسير (في عز الشتي)بطل ياجلا جبريلا يا 15 ميجا بكسل يديك العافيه الله اكبر الله اكبر لا اله الا الله الله اكبر ولله الحمد
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
ايوا والله يا جلال الجماعة ديل البفهمهم منو انو سيدنا ابراهيم حلم فى المنام , انو بيذبح سيدنا اسماعيل قام ربنا قال ليهو , وفديناه بذبح عظيم لنو صدق الرؤيا هسى عليك الله ربنا جاب ليهو سيرة دولاب ولا طرا ليهو كراسى وكنب ؟؟؟!! نحن نضحى بى شتو ولا شنو المشكلة تلقى دولابك القديم مفرتق فى واطة الله دى يجيك الصعيدى يقول ليك , ده ما يسواش حاقة يا ابن النيل من الغيظ تقرب تقول ليهو خليهو فى بكانو ده , ما تشتغل بيهو الشغلة ترجع وتفكر شوية تلقى نفسك بتحنس فيهو حناسة عشان يشيلوا معاهو لا قرش لا تعريفة خوفا من انك تضطر تدفع حق عربية تانى عشان يجدعوا ليك دولابك وكنبك فى الكوشة ده ما عيد (الضحية يا جلال ) لكن الناس ما عارفين الضحية منو ؟؟!!!
* هو انحنا عايزنك لى شنو غير كسير الحطب ؟؟؟!!! مش انتا جاى من (الفاو ) ؟؟؟؟؟!!!!
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
بسم الله الرحمن الرحيم والحمد لله رب العاليمن ..والصلاة والسلام علي اشرف المرسلين سيدنا محمد وعلي اهله وصحبه اجمعين منارات الهدي للضالين ورافعين رايات الدين ...
الحمدلله حمدالشاكرين علي كل مصيبة ...والحمد الله حمد الراضين بقضائه... حمدا يرضيك عنا يا رب العالمين..
الشكر كل الشكر والتقدير الي الاحباب الاخوان ابناء الحوش الذين شاركونا في الفقد الجلل سوء الذين حضرواالي العزاء بامدرمان حي العمدة او بجدة او لذين اتصلوا معزين هاتفيا...او لذين عزوا عبر البوست... لكم الشكر والتقدير احبتي ...ولكم الشكر والتقدير من كل افراد الاسرة...
عثمان الجيلي
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: وكذلك أنا أرحب بعودة الأخ/ ميسرة إلى البوست بعد غياب 72ساعة تقريباً من آخر مداخلة له - لظروف صحية. |
ألف سلامة يا ريس و الحمد لله إن الظروف الصحية بتاعتك لم تتعدى ال72 ساعة عشان المرارة و الشية و الشربوت و كدا بالمناسبة إعتبرنا في العيد نحن خارج الخدمة برضوعشان المرارة و الشية و الشربوت و كدا أما إذا كان تواجدنا مش و لا بد فتحملونا بعلاتنا كما تتحملو السفهاء منا عيد سعيد لك و للأسرة الصغيرة و لكل ناس الزقازيق
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
Quote: عيد سعيد لك و للأسرة الصغيرة و لكل ناس الزقازيق |
عيدكم أحسن من عيدنا يا جلا ربنا يخلي ليك الوالد والوالدة وبلغهم تحياتنا وكل سنه والجميع بخير
وهذه الأيام الجميلة تذكرنا بحضورهم إلى الحج ومداعبة الوالد لحيوانات منى يونس
============================
في مثل هذا اليوم 2نوفمبر خضعت نوال البلول لعملية جراحية كبيرة بمدينة جدة ،،، وكانت في ضيافتنا خلال فترة النقاهة لها منا كل الود ولعائلة عثمان الجيلي الكريمة ،
عام كامل عدى كالريح ولم نشعر به وسوف تمر السنين ولا نشعر بها ، ويخط الشيط وعامل الزمن على أشكالنا ولكن لا نحس بها لأننا لا نشعر بالتغير التدريجي واليوم بابا وماما وغداً جدو وحبوبه ،،،،
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
مساكم الله بالخير
ازيكم يا شينين... يا كافي البلا زول ساكت كده يسال مني و من الريس ميسرة مافي... و الله يا ريس أنا كان ما كنت غايب زيك كنت سألت منك (وش فاتن حمامة)... مشغول شوية يا ريس... لكن مشغولياتي لا هي تبديل عفش و لا حاجه... عفشنا قاعد زي ما ياهوو الحمد لله... لا في زول قال قديم و لا خلاص زهج منو ساكت... و ست البيت مشغووولة لدرجة انها ما قاعدة تقرأ الفتن دي... و هي زاتا ست بيتي رافعة شعار البيت أولا و البيت أخيرا... مجنناني جن...و مطبقة علينا سياسة تقشف صارمة... أسمعي منصور بيقترح نسافر مع بعض بلجيكا.. منصور عندو بيت انت عندك بيت... ان شاء الله في سقط لقط..عندك؟ نجي ماشين في السوق أقول ليها بالله شوفي القميص ده جميل كيف... قميص شنو كمان..انت عندك بيت عشان تشتري قميص... و الله شراباتي دي زي القدمت كده... شرابات شنو كمان العليك انت عندك بيت... لدرجة بقيت متعقد من أي زول عندو بيت... لو واحد صاحبي ساكت ضرب لي تلفون قال لي أسمع انتو قاعدين و لا مارقين... أسمع يا أخوي قبل ما أقول ليك مارقين و لا قاعدين..انت عندك بيت؟ أيوه ليه في شنو؟ لا أبدا مافي حاجه بس نحن طالعين و بنرجع الساعة واحدة صباحا... و لا أقول ليك بنرجع بكره زاتو...أنا ناقصك ياخي... يعني لو جات قالت لي نبدل العفش حأقول ليها عفش شنو كمان انتي عندك بيت... قصة البيت دي مورماني و الله يا جماعة.. عرفنا القدم ليها رافع... البيت ده ليهو شنو؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
من المأثورات كما قال منصور ( شر البلية مايضحك ) ومن الحب ماقتل ومن الحب ماجنن يقال : تقابل الحب والجنون فترافقا ولكنهما إختلفا ففقع الجنون عينا الحب فإحتكما إلى القاضي فحكم القاضي على الجنون أن يقود الحب مدى الحياة فهل هذا الحكم منصف أم ظالم ــــــــــــــــــــــــــــــــــــــ ياأبو الرشد البيت مع التقشف عايز شدان حيل زيادة ، بت حوفي كلامها صاح حتى لو حصلت تأكل من سنامك وتعمل البيت يكون إنجاز وإعجاز
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
من أفضل أعمال الخير في العشرة الأ وائل من شهر ذوالحجة الصوم ، لكن صوم حتى عن الكتابة والمداخلات دي ما سمعنا بيها الصبح البوست في الصفحة الثانية وفي العصر أيضا رجع الصفحة الثانية اطرا ياعصفور حبايبك وأنت فوق حلتنا راحل جابك الصيف من ديارك شايلك الشوق للسـواحل فرح ايامنا الحزينة 00 وللسـلامـة غني واصـــل كان نسيـت موسـمنا ديا في المواسم الجاية واصـل
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
كل ما أحاول أعمل مداخلة أوسأل إسمك والرقم السري لذلك تذكرت الحكمة القائلة رافق كل من أراد الخروج من حياتك إلى الباب وودعه بإبتسامة وتأكد من أنك أغلقت الباب جيدا قلت ياربي البوست تعرف على بعض النوايا وطبق عليهم الحكمة وبدأ يتأكد من الذي يريد الدخول
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
الاعزاء الغالين ناس البوست الحلوين..
اولاً كل عام وانتم بخير ...
حج مبرور للاخوان الحجاج...( بالمناسبة لكل الحجاج من ناس الحوش ال ما بعـــدي علي جدة وباب شريف بكون حجوا ناقص وبتالي عليه ان يذبح خروف في المطار القديم...ولو ما صدقين اسالوا شيخنا ميسرة او الشيخ حسن ابو علي )
العزيز ...ميسرة كل عام وانت بالف خير ...فعلا عدي عام علي عملية المدام ...وكما قال الشاعر...
يمضي العام بعد العام ... وتسقط بيننا الايام..
هكذا تتسرب الايام من عمرنا كما يتسرب الماء بين الاصابع...
احمد اسماعيل ان شاء الله سوف اطوي ليك هذه الصفحة قبل نهاية العام ...لاني مشتاق متي اطوي هذا العام.. لان هذا العام كانت ايامه صعبةجداعلي...ولعلك تشهد في الايام القليلة الماضية فقدت الوالد رحمة الله عليه.. وشهدت ماشهدت في هذا العام والحمد لله...وان شاء الله سوف اسبق الجميع لطي هذا الصفحة...وكل عام وانت بخير ..
عثمان الجيلي
| |
|
|
|
|
|
|
Re: ناس الزقازيق ... أجدع ناس (4) .. (Re: عثمان الجيلي شيخ محمد)
|
جمعتكم مباركة واليوم هو يوم الترويه للحجاج
ربنا يتم حجهم بيسر وسهولة وخاصة بينهم ياسر نجيلة
نتوقع تدني شديد في مستوى التداخل اليومي
لظروف العيد ،،، ولكن كل من يجد فرصة ليحاول
كل عام وانتم بخير،،، والسنة القادمة كل واحد عنده بيت كارب
مع تغير كامل العفش.
| |
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
عيدكم مبارك و صباحكم خير و أحياكم الله و أبقاكم جميعا و حفظكم و ذريتكم من كل سوء و كرب....
لقيت نفسي قريب قلت أختف رجلي أجي أتفقدكم... لقيتكم معيدين في حلة ورا... الجابني صباح العيد قلت أعيد على منى أختي صوت و صورة... فهي حبيسة المستشفى في تايلاند حيث تستشفي هناك...عافاها الله و شفاها... دخلت على السكايب بعد ظبطت العمه و قمت بالاتصال عليهم هى و أختي ستنا... ما أن رأوني حتى أجهشوا بالبكاء.... قلت أكيد بسبب حبسة المستشفى و البعاد من الأهل في العيد... و أول مرة يعيدوا بعيد عن السودان و عن البيت... تأثرت كثيرا لذلك و حاولت جاهدا اخفاء دموعي... و لكنهم قالوا لي بالعمة دي بس أبوي الخالق الناطق... و عشان كده أجهشوا بالكاء و أنا كنت قايلهم مشتاقين لي أنا... قلت هي حاجة من تلاتة حاجات... يا أكون أنا بقيت خطير في لف العمة... يا أبوي كانت عمته مبشتنه... و لا كمان و دي كتر حاجة خايف منها... اني أكون عجزت و بقيت أشبه أبوي... قلت من شابه أباه فما ظلم عشان أطمن نفسي... مش أحسن من أكون بقيت أشبه محمد عيد (وش معيد).... كل عام و انت بخير يا أبا مصطفى و شكرا على تلفونك الجميل.... و الشكر موصول للصديق أبو الزوز على التلفون...
كل سنة و انتو طيبين....
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا رشدي ياخي ربنا يدي مني العافيةوالصحة وتعود سالمة لبيتها .... ببركة هذا اليوم المبارك .. بس حكاية العمة دي الانا مستغرب ليها لمن ابوك كان في سنك انت كنت في الجامعة يعني فعلا بقيتوا كبار يا ناس بطلوا التشبب والتصغير ده انت قايلين روحكم قدرنا ولا شنو .. اها الواحد لمن يبقي قدرك والكوتش محمد صديق ... غايتو غير عمم وجلاليب ما بلبس واليوم كله في الجامع .... تحياتي للعزيزة حوفي ... والاصدقاء امنية ومهند .. والجميع بالف خير
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباح العيد وكل عيد وانتم طيبيين
اكلتوا اللحمة وشربتوا الشربوت
وزرتوا الجيران والحبان وناس المغرب كمان
عيدية خالصه لأختنا منى اخت الرشيد ،
ربنا يكتب ليها السلامة والصحة المستدامة
،،،،،،،،،،،،،،،،،،،،،،،،،،،،،،،،،
اليوم يرمي حجاج بيت الله الحرام الجمرة الكبرى
الشيطان الأكبر وليرمي كل من شيطانه الأكبر
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
مساكم الله بالخير
أشكر الأخوان ميسرة و محمد عيد و الابن زهير على دعواتهم الصادقة لأختي منى... كنت عايز أضرب لي منى تلفون أقول ليها بختك دعوات من اتنين قريبين من الحرم... و واحد تفصله مسافة مقدرة عنه...و كان من المؤلفة قلوبهم... و دي ذكرتني قصة الحاجه السألوها قالو ليها انتي يا حاجة عندك أولاد... قالت ليهم بالحيل...اتنين مغتربين و واحد في ليبيا... و المغترب عند الحاجات زمان لا الشغال في الامارات و لا الكويت و لا حتى قطر... المغترب عندهم الشغال في السعودية... لأن الشغال في السعودية ده البودي العمره و الحج... لكن بتاعين الامارات و قطر و الكويت ديل شن طعمهم...
جاييكم راجع للحمة و الشطوط....اششششششششحححححححححح....
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
المسار رقم اربعة , هكذا قال لى العامل (الذى لم اتاكد من جنسيته ) وهو يستلم خروفى السواكنى المدوعل , ما عرفت نفسى فى مطار ولا مسلخ ولا حلقة سباق سيارات , قمت من نومى مبكرا يوم العيد الثانى , اصريت على ان يصطحبنى احمد ومجتبى وحجازى ومدرار , ومع ان المسافة مابين حظيرة الخرفان التى اشتريت منها خروفى الحبيب , والمسلخ ابو مسارات ده , ما بتزيد عن ميتين تلتمبة متر , الا انى اصريت على نركب الخروف فى (البرادو ) , وتمنيت ان يبعر خروفى او (ي###### كما قال حجازى ) حتى امارس ابوتى فى احمد واقول ليهو نضف البعر يا ولد , هو كمان لو الواحد فقد لذة العيد ولمته , كمان ما يمارس ابوته ولا شنو , ممارسة الأبوة وكون انك تعمل كبير جزء اساسى من طقوس العيد عند الكبار , ولأنى ما ضامن الكرشة والمصارين من الأساس يدونى ليها ولا يغنو لى بدلها (حجبوهو من عينى ) , فانا كنت مركز على البعر , لأنو احمد ده كان قلت ليهو نضف الكرشة احتمال انو يقوم ساكينى واااارد , باااااع جميلة مارسها خروفى العزيز وهو يحتل الجزء الخلفى من البرادو بشكل كامل , لا بل وان خلفية البرادو اتسعت على السيد خروف كلما تضيق على مدرار وحجازى ومجتبى المكومين على حواف كرسى النص وهم يكادون يجلسون معى فى كرسى السواق , ايوا والله ,سايبين البرادو كوللللها وقاعدين معاى فى كرسى السواق , مشيت بيهم انا بالدرب التحت , البعيد , مستمتعا بخروفى وبصوته الجهور , ومستمتعا اكثر بتعليقات صغارى الذين ما رأوا خروفا الا فى افلام الكرتون اغلب الظن , لما وصلنا المسلخ تخلييت انا عن مقعد القيادة لأحمد لأن مهمة البحث عن باركنج تبدو له غاية فى السهولة بالمقارنة مع مهمة متابعة خروف يساق الى الذبح , هسى الخروف ده كان ###### يا بابا ما حا ي###### لينا العربية , عربيتك هى يا ابن ال###### ؟؟ مالك والا ؟؟ نزل الخروف وقد ###### بالفعل , يا لك من خروف (جدع ) وود قبايل كمان , يا احمد بركنج العربية ونضفها وتعال لينا فى مسار رقم اربعة , تعال يا ولد , معاك قروش , فتش جيوبه احمد وقال لا , هو المطلوب اذن , تنضف العربية براك بعد ان خطر ببالى انو ممكن يستعين على قضاء حوائجه بالقروش وخاصة ان البنغالة مالين البلد , ذهبنا نتتبع خروفنا , المسار رقم اربعة لونه برتقالى , عليكم الله ده لون مسار يضبحو فيهو خروف مدوعل زى ده ؟؟!!
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
تابعت المسار رقم اربعة , بلونه البرتقالى , وكل راسمالى رقم برتقالى من اربعة ارقام , يبدو ان المسارات ملونة بالوان عديدة و منها الأخضر والأحمر والبرتقالى والأزرق والأبيض كمان , لو كان الخيار عندى لأخترت الأزرق , عاد هى جنس زحمة وجنس هردبيسة , موية طايرة وموية نازلة , كرتونة طالعة وكرتون ماشة وكرتون جاية , مسارات ما تديك الدرب , وخلق مبحلقة تحاول قراءة ارقام غاية فى الصغر معلقة غلى آذان الخرفان , التى منها المدوعل الزى حقى ومنها الضعفان الكملان من لحم الدنيا , عاد كملان من لحم الدنيا دى الليلة بالذات ما حبابها , ايوة نعم جارين نحاول نكمل لمنا ده بالريجيمات الما نافعة دى , لكن الليلة الكملان من لحم الدنيا لا بينفع معانا لا بينفع معانا , صغارى الذين اختاروا النزول معى خوفا من مساعدة احمد فى تلقيط البعر , كانوا يتقافزون حولى كمن يمشى على زجاج , مركزين على الواطة ال######انة المليانة دموم , وعلى الجو المليان زفر , اكتر من تركيزهم على متابعتى , ما خايفين يضيعوا فى الزحمة زى خوفهم من انو ما يت######وا اولاد ال###### ديل , لو كان بيدى , كان طرطشت ليهم الدم السايح ده عشان اما تانى ما يقولوا دايرين خروف او كمان لو عاوزينو يمشو يجيبوهو براهم , انضميت انا لجوقة المبحلقين , ولكن البحلقة ما براها والبحلقة خشم بيوت كمان , المفروض توصى على خروفك وتشوف ليك بنغالى يتابعوا ليك ويجمع ليك من الكرش والمصارين ما لذ وطاب , حقك وحق غيرك كمان لو داير , ولكن البطرى السودانى واقف ليهم بالمرصاد , بيطرى سودانى , طيب ما منغا ياخ , يا زول ما بتعرف طارق جبريل , طارق جبريل شنو ياخ الزول ده صغير , ما بتعرف ابو ذر ياخ ولا كمان حاتم جبارة , قرب يقول لى حاتم جبارة بتاع فنيلتك , طيب اها طمنا على الفشفاش ياخ , لمن دخل سكينتو فى الكبدة والكلاوى , انا لما قلت آآآآخ بصوت عالى , الفشفاش ما قلنا حاجة , لو حصلت الكبدة والكلاوى معناتا الا اشترى لى خروف تانى ولا كمان ام العيال ممكن عاااادى تشكك فى خروفى المدوعل ده وتعتبرنى زول تيوس سااااى , يمين بالله شفتوا اقرن املح بتاعت الرسول صلى الله عليه وسلم ديك , يمين ده خروفى زاااااتو , لكن شن فائدة القرون واللون البيج بدون كبدة وبدون كلاوى , دكتورنا زينة وحالف ما يدلينا , كبدتنا زينة وحالفين ما بنرميها , لمن الزول افرج عن كبدتى وكلوتى ما قربت ازغرد , مش رقمك الف وستمية وخمسة , ايوا ياخ ولونى برتقالى كمان , يادوووووبك قلبى رقد , وصادف ان كان جزارى المتابع , من ابناء اليمن السعيد , الله يكفيكم شر عبد الله صالح ياخ , خفت للحظة الا يكون من انصار الربيع العربى , ما هذا التهور يا منصور , اتراهن على كبدتك وكلاويك وخرفك مرة اخرى , اما يكفيك انك خرجت من امتحان رفيق طارق جبريل منتصرا ؟؟!!قررت ان احفظ لسانى فى خشمى وان الجا لأستخدام لغة (الكنجالات) , فانها كما قالوا تقلل النقاش , وهى القادرة على جعل الكمونية ممكنة والمصارين نضييييييفة , يمين بالله معركة اخير منها الأنسحاب , هم هسى ما لقوا العيد ده يكون الا يوم عشرة ذو الحجة , اشمعنا عيد الفطر يعنى يوم واحد شوال , بعدين الضحية دى المفروض تكون قبل عيد رمضان , دى برمجة منحازة ودار افتاء ضعييييفة وما شايفا شغلها , ولما زولك ابو يمن ادانى خروفى المدوعل فى مجرد كرتونة , كرتونة خفيفة كمان لى درجة انو احمد شالا برااااهو ووداها العربية التى وجدتها خالية من اى بعر , قربت اشاكل احمد تانى واقول ليهو , القال ليك نضفها منو , يعنى الواحد بمشى المسلخ معاهو خروف يملأ الدنيا صياحا بصوت بااااااع الجهور , يجى راجع بى كرتونة حتى البعر ما يلقاهو ؟؟!!!!
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
صبحكم الله بالخير
خروف سواكني مدوعل... و عربية برادو مبعور فيها... يعني الخروف بعر فيها... و مسارك برتقالي... طيب تلفونك السوني اريكسون ما بترد عليهو مالك... ضربت ليك زي ألف و خمسمائة مرة قدر رقم خروفك المدوعل ده... أنا زاتي مشيت المسلخ اليوم و معاي أمنية و مهند... أمنية بعد ما شافت الخروف المسكين يذبح أمامها قررت أن تصبح نباتية... و أن لا تأكل لحم بعد الآن... الا البيرقر...عشان البيرقر لذيذ...و كمان الهوت دوغ لحما كان أم دجاجا... و لم تكف عن تذكيري بأن أتصل بعمو منصور عشان يجي يتغدى معانا... حتى ظننت أنها ستورثني أياه... أرفع تلفونك يا عجوز...التلفون ده بيجيبوهو عشان يردو عليهو...
اتفضلوا معانا عشاء يا جماعة....
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: اتفضلوا معانا عشاء يا جماعة.... |
أنحنا يا الرشيد عزومتنا لازم تكون غداء عشاء ما عايزين
الغداء فيهو شية ومرارة نية ، وكمان شربوت والذي منه
عدل العزومة وأنحنا معاك.
والله يا منصور مع خروفك المدولب المدبلغ ده لو معا عملتوا ليكم
شربوت في نفس المستوى بيكون خروفكم ده طلع فشنك ساكت
السنة دي فاتكم شربوت منى يونس
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
من برامج العيد الدسمه ادركت نهايه لقاء حسين خوجلي مع عبد القادر الكتيابي وعلقت معي آخر قصايده آخر زمن وحبيت اهديها لمن يستمع اليها دامت ايامكم اعياد
آخر زمن ..!!
عبدالقادر الكتيابي ــــــــــــــــــ
...آخر زمن ..!! يا دنيا آآآآآهـ .. آخر زمن .. مين كان بصدق لو زمان ـ حكو ليهو بالمحن البقن ؟؟!! كل الخلوق اتغيرت .. كل الحقايق .. كل شي .. ما باقي غير داك السما و هادي الأرض ـ مَدَّ المدى الـ ما اتغيرن .. كبرت مدن ـ وكأنما كانت بيوت ـ مخفية في بطن الأرِضْ نشرت نشور .. بين يوم وليلة و سيل نفوس ماجت تجوس جواها في صورة بشر .. وهي ما بشرْ !!! آخر زمن .. يا دنيا آآآه ؟؟ آخر زمن ... مين كان بصدق لو زمان شاف شَمْسْ تطلع شان تغيب بس !! وانتهى اليوم والسلام .. وين الضحى ؟ وين العصير ؟ وين المغيرب و قُبَّة الليل والْحُجا .. ؟ كيف دنيا كاملة بتختفي وتجي دنيا غير ؟ وين الحلم ..؟ طلعت شَمِسْ .. غابت شمَسْ..راح العمير .. زيَّ الهوا الشايلو الهوا ..! زي حَلْمة كانت في منام !! كيف اختلف طَعَمَ الطَعَمْ ؟ كيف اختلف حتى الكلام ؟ !! بقى من زَبَد .. مهما كِتِرْ .. ما فيهو خير !! ما فيهو حبَّة من الصِدِقْ .. مع اِنو ما بين القَلِبْ واَصْل اللسان يا دوووب ـ أقلَّ من الشِبِر أو قول شبير !! لكن بتوحل فيهو خيل .. رايات ملوك .. أقدار رجال .. حتى اللِّحى .. حتى الكُبار .... وكأنه ما في رقاد شبر .. و كأنه ما في سؤال نكير ..!! حتى الجمال ! الكان محال .. غرَّز معاهم في الوحل .. راح الغنا وراح الشعر .. آخر زمن يا دنيا يا آخر زمن .. مِحَنَكْ تهد حيل الخيال .. و مروة الروح والبدن زي الكأنو بدون وعود وبدون رعود .. وبدون برِقْ ـ صبَّتْ علي كل الأرِضْ مطرة فِتَنْ .. دخلت على كل البلود ..كل البيوت .. و الدم رخص .. يا دنيا يااا.. آخر زمن .. يا دنيا هل دنية زمان ..كانت وهم ..؟؟ أم حلمة كانت في منام .. ؟؟!! آخر زمن .. يا الله بس حسن الختام .. !!
| |
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
مساءكم فل يا شباب
البيئة تؤثر على ثقافة الشعوب
من أغرب تهاني العيد وصلتني الرسالة التالية على الموبايل
من العايدين بدون زين العابدين
وعيدكم مبارك بدون حسني مبارك
وعيد كافي ووافي بدون معمر القذافي
وعيد بلا حسد بدون بشار الأسد
================================
القائمة دي ناقصة يا جدعان!!!!
| |
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
بدأت وفود الحجاج التدفق الى مكة المكرمة
بعد أن قضوا أيام التشريق بمنى للمتعجل
ولغير المتعجل يغادر يوم عداً
تعلقنا بثقافة هذه البلد حيث ترتبط حياتنا
في هذه الأيام ببرنامج الحج والحجيج إذ بلغت ايام
الإجازة لمعظم القطاع الخاص (9) كاملة بدأت بنهاية دوام
الأربعاء السابق وتنتهي صباح السبت القادم أما القطاع الحكومي فحدث ولا حرج
دفعني إلى ذلك يوم امس ليلاً في اتصال هاتفي مع عائلة الرشيد فوجئت بأنهم يستعدون
ليوم غداً الذهاب إلى العمل ،،،
تغير حياتنا هنا أنسانا بعض الحقائق وإعتبرنا الناس كلها يشبهونا في كل شئ
حقيقة البيئة تؤثر في ثقافة الشعوب.
| |
|
|
|
|
|
|
Re: ناس الزقازيق ... أجدع ناس (4) .. (Re: محسنة ميسرة)
|
صبحكم الله بالخير
بينما الجميع يستمتعون برابع ايام العيد انا في ثاني ايام العيد.... شكرا يا ريس ليك وللأخت منى على الإتصال... استسلامي المبكر لنوم بعد يوم مرهق حال بيني و بينكم.... ان تعمل في ثالث ايام عيد الأضحى فهذا لا شك مفسد لطعم العيد... و ان تجد نفسك تكتب باستخدام كيبورد المنبر فلا شك انه امر جديد لي... فلقد وجدت نفسي في مكتبي الجديد امام كمبيوتر غير معرب...
ديل كم سطر... كفايه كده....
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صباح الخير ،،، يا وجوه الخير
اليوم رابع أيام العيد وسوف يغادر آخر
الحجاج مشعر منى وتعتبر اليوم هي النفرة الأخيرة
أخبار حجاج ناس الزقازيق
الحاج ياسر نجيلة اكمل حجته وسوف يغادر اليوم عائد الى اولاده
الحاج عصام دهب قام بأداء الشعيرة هذا العام وكل عام ربنا يقويك
الحاج ابراهيم سليمان - قون تجارة - يؤدي مناسك الحج هذا العام ورقم هاتفه0545769061
عائلة الريس معتصم بالحج وكذلك نسابة الاخ كمال الشادي ربنا يرجعهم بالسلامة
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلامات يا ناس
Quote: الحاج ابراهيم سليمان - قون تجارة - يؤدي مناسك الحج هذا العام ورقم هاتفه0545769061
|
تحياتى يا ريس وعيدك سعيد
لنا مع ابراهيم ذكريات جميلة ...وهو متخرج وجاى من تونس...احتضنا انا وشاويش ومصطفى وامتدت
العلاقة وما زالت ....هاتفنى قبل ايام من مكة .
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
مساكم الله بالخير
يا ود المهدي فاتتني الحلقة بتاعت الكتيابي لأني كنت شغال... و فاتتني سهرة الدلوكة عشان كنت نايم... و سهرة ترباس عشان كنت بذاكر مع أمنية... في رأيك كده أكون طلعت بي شنو من العيد ده... ما تقول لي اللحمة و الشطة و الشربوت (وش بكاوي في جبريلا)....
لكل الحجاج نقول ليهم حجا مبرورا و سعيا مشكورا... ياسر نجيلة كان ما الحج بتاعو سريع ما كان قصر في تجارة لن تبورا... لأنه بطبعه تاجر ضل طريقه الى الوظيفة... ان شاء الله ما تكون نسيتنا من صالح الدعاء يا حاج ياسر... عليك الله شوف الزمن ده اتغير كيف... حاج ياسر و حاج حاتم و حاج عصام... ديل حجاج و لا روضة براعم الأمل...
صوت هاديء و دافيء و حنين بعد أن رديت على رقم سعودي... و كان ديدو اللذيذ... ديدو ده قاعد يخجلني و الله... طوالي يسأل مني و عن أحوالي... شكرا يا ديدو على تلفونك الجميل...
و كذلك رد علي منصور بعد أن كل متني... قال ما سمع التلفون... أنا استغربت... أنا عارف انو خروف مدوعل + شطة + شربوت = طه القرشي.... لكن تقل الأضان ده جديد علي... حكم...
مافي زول فقد جلال يا جماعه... تغيير عفش من أيكيا... و خروف سته سلندر V 6... مع فتحة سقف و مشغل DVD... لو كان أدوهو الكمونية كان يكون فل أوبشن....
Quote: بالنسبة لى : ده كلام جديد ...ومُفرح.مبروك شغلك تالتة العيد. |
تتبارك ما تتشارك يا حبيب... أنا في الحقيقة بديت قبل ثلاثة أيام من العيد... و جانا العيد بخيت و سعيد... و رجعت الشغل تالت يوم... أولادي قالوا لي ليه يا بابا تشتغل تالت يوم في العيد... قلت ليهم أنا لو قالوا لي أشتغل يوم العيد زاتو ما عندي مانع...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
يا كوتش معقولة يمر العيد وما نسمع صوتك ... غايتو فينا واحد بقي جافي والتاني بقي مافي
وانت مافي اي حاجة مافي .... كما قال عبقري الاغنية السودانية فرفور في واحدة من خرديداته
صاحبك صلاح الامين معيد في السودان ....
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
امس يوم طويل خلاس بعد رمي الجمرات ... جري لطواف الوداع ومنها الساعة اثنين صباحا لمطار جدة الاقلاع 4 صباحا اديت الجواز والتذكرة للكاونتر ضرب الكمبيوتر وببساطة قال لي ياحاج سفريتك دي .. اتأخرت للساعة7 صباحا ياخوي الاخرا منو ما نحنا نتيجة للضغط جدولنا السفريات انت ارجع السكن تاني وتعال الساعة 7 البرجع منو ,,, وبعدين منو القال ليكم اخرونها بدون اعلامنا وموافقتنا ياحاج ... انت من حقك ترجع سكن الحجاج لحدي اخر ذي الحجة انا بضحكة ######رية ...من حقي اقعدفي ضيافة الخطوط السعودية لحدي ماتسفروني مع الاحتفاظ بكامل حقوقي ... المهدورة ياحاج ... ده كلام شنو والله انا عندي تذكرة م}كدة ... وعاوز الساعة عشرة اكون في بيتي في دبي والا حتضيع على حاجات كتيرة والجغلبه حصلت ... اختصر ليكم ودخلوني اول حاجة مكتب المدير المناوب ومنها صالة الفي أي في والله باكل واشرب من جدة وانا هسع في الرياض ... نفس صالة كبار الشخصيات FULL BORD اكلت يمكن خمسين وجبة اما الشاي والقهوة والعصائر ... زي بعر خروف منصور الفي البرادو وقريت كل الافاتني في البوست ... واخواني الحجاج المساكين قاعدين في بلاط جدة
عموما جايكم ... شايف نادو السفرية
================================= يالرشيد لو ما دعواتي كارااااربة البشغلك 3 يوم في العيد
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: يالرشيد لو ما دعواتي كارااااربة البشغلك 3 يوم في العيد |
يا حاج ما عندنا أدنى شك... بركة الوصلت الى أولادك بالسلامة... بعد ما تورت نفس ناس الخطوط السعودية.. و كملت البعر حقهم...سوري... قصدي الساندوتشات حقتهم... حسه ده لو كان حاج فضل السيد كان رجع السكن بدون نقاش... و لما رجع قالوا ليهو الطيارة فاتتك و دفعهوهو حق تذكرة تاني و قالوا ليهو تعال بكره... ما قلت ليكم الزمن اتغير... الحاج ده غير انو اسمه ياسر... لكن نجيض ما شاء الله عليهو... عشان تآمنوا انه ضل طريقه للوظيفة...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صبحكم الله بالخير نصبحكم اليوم مع يحى فضل الله.... يارفيق الهجعة والليالي النجعة في شرود النجمة والقمر الصديقك مين صديقك
إلتقطني ياصديقي .. في الدروب الما بتجيبك دفيِّ حضنك بالأغاني .. كلما يضهب طريقك وأمسك الجمرة البتوقد بين رمادك وبين حريقك رافق الدمعة البتعرف شاسع الحزن البيعيقك لو فضل في العمر خطوة وسع الأحلام وأهرب منو ضيقك لبراح في الشوق بيتاوق من شبابيك غربة حبيبك
ياخي سيبك من متاهات في الخواطر .. المشاوير التشاتر ياخي سيبك .
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
موسى عيسى معيد فى السودان يا رشا
ويا نجيلة عجبنى ليك ... اقول ليك تعال المطار من بدرى على الاقل نقعد نتونس سواء او تجى البيت نحضر سهرة الدلوكة الفاتت الرشيد وبعد داك اوديك المطار .. قلت لى احسن اجى من ناس البعثة اها لو سمعت كلامى ما كنا اخرناك قدر دااا ... حمد الله على سلامة الوصول
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
اصلو ما واقعة لى قعدة ترانزيت مطار الرياض بتاعتك دى ياحاج انت فاكر البلد دى سايبة ولا سايبة يعنى جدة وابيتها , كمان جابت ليها تسكع فى مطاراتنا كمان عموما انت قابل السندوتشات الأدوك ليها دى , عاملينها ناس الخطوط السعودية ؟؟؟ فى ضمتك دى , ما شميتلك فيها ريحة بعر ؟؟؟ وتيب !!! على العموم حجتك مبروكة , وان كان يلزمك تستفتيلك فيها شيخا كبير عن اكل السندوتشات فى مطار مدينة ما , دون المرور على اهلها ومدى جواز ذلك عصام دهب وابراهيم سليمان كمان حجتكم مبروكة والعيد مبارك ليكم كولللللكم
* العيد فى رفاعة لو فيهو برضو بتيخة حلا وحمار , وانبوبة غاز اسهل منو حجة عصام دهب الكل سنة دى
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
اللهم نسألك خير هذا اليوم فتحه ونصره ونوره وبركته وهداهـ ونعوذ بك من شره وشر مابعده اللهم بك أصبحنا وبك نحيا وبك نموت وإليك النشور اللهم نعوذ بك من شر أنفسنا ومن شر الشيطان وشركه اللهم نسألك العفو والعافية في ديني ودنياي وأهلي ومالي
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
الشكر موصول للجميع بدون فرز ... للمتابعة والسؤال عنا ... ايام الحج وبعد الرجوع من الحج ... والمباركة عبر الهاتف أو البوست كلكم ان شاء الله من حجاج السنة الجاية ...
مداخلة سريعة من البيت بالشارقة ... بعد نوم 3 أيام متواصلة ...
============================ شكر خاص لولدنا عثمان الجيلي ... لسؤالة عنا بالهاتف ومتابعة سفرنا برغم ظروف وفاة والدة ...
النضيف دايما نضيف ... وناس جدة غير عشان كدة حنخصص ليكم زيارة مباشرة ... الريس ميسرة وحرمة المصون ان شاء الله ماعدمناكم ...
وطبعا حبيبنا رشيد القوم ... والمتابعة اللصيقة .. ربنا يبعد عنك الهم والغم ... والجزع والخوف والحزن ويعطيك الأمن والأمان والاستقرار ... قولو آمين ...كلكم ...
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
ما تـقـســى كلمات: شاعر الزقازيق حسين شنقراى
علًى ياغالى ما تــقســـى و لا بــتطول الزمن تنسى ولو فييا الحزن أمـســـى تكون الزكرى هى المرسى و ألاقي الفرحة فى همــسه --------------- متيـــن تغمـرنى أنفاســـك وأكون يا سيدى من ناسك عزيز و العزة تاج رأسك يشع برق السنون ماسك والقمر يا روحى مقياسك ومحال تلفــاهو بــى لمــسه و علىً يا غالى ما تــقسـى -------------- يا زينة شباب الحــىً يا حبة سواد عـييـنى تعال بالله شوف البىً تعال إنت وتعال لـىً و بــس تـعال هــــسه أسالم أنامـلك الخمســه وأدوب يا إنت فى اللمسه وحرام الريده تـنـدســـه وعلىً يا غالى ما تقسـى ولا بطول الزمن تنسى
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
انتو الليلة الخميس ؟؟؟
موسى عيسى بالسودان ولم يحدد مكانه حتى الآن
اى معلومات عنو حتفيدنا ...وكذلك صلاح الامين.
طارق جبريل اعلن عن وصولو مبكرا...ونعمل على حشد وفد كبير
بس منتظرين جلا يجى من كسلا ...وزهير من (السوق).
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
الاعزاء الغالين ...ناس الحوش الطيبين
كل عام وانتم بالف خير وربنا يحقق الاماني الطيبة... وتقبل الله من الحجاج...
الاخ ياسر نجيلة الف حمدلله سلامة الوصول وتقبل الله....
الاخ موسي عيسي ...الف حمد لله علي السلامة...وان شاء الله تقضي اوقات طيبة بين الاهل والاحباب...
في هذا المساء تلقيت محادثة من الكسلاوي الرائع...الاخ ابراهيم سليمان وهو الآن بالمدينة المنورة ( حاج ) وبسلم علي كل افراد الحوش وبعتذر لعدم تمكنه دخول جدة لانه مرتبط بالفوج سوف يغادر من المدينة الي كسلا ...
ابراهيم هذا الرائع الجميل لمن لم يعرفه ـ واخص بذلك الاجيال اللآحقة من ابناء الزقازيق ـ
اولاً : رياضي وكان حارس مرمي تجارة زمن كانت تجارة محتكرة كاس الكليات ثانيا: رجل مبتسم دائما اجتماعي جدا ...كسلاوي الي النخاع ...يعشق كسلا وكما عادة ابناء كسلا كما عهدناهم حنونين لبعضهم
من هنا احي الاخ ابراهيم سليمان واقول ليهو حجاً مبرورا وذنبا مغفورا...
كذا منذ ايام قليلة تلقيت محادثة من اخونا الكسلاوي هاشم احمد السيد ـ تربية علوم الزقازيق ـ كانت محادثة طويلة وجميلة جدا استحضرنا فيها كثير من الذكريات الجميلة والاشخاص الحلوين من ابناء الزقازيق...
ليهم التحية جميعا...
محمد صديق ليك خالص التحايا ...ويااخي كفارة للولد عرفت اليوم فقط الف سلامة ليهو ...باين عليه مآخذ شوية من ابوه...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
مساكم الله بالخير
ما بين رياح الخماسين و واحة عنيزة و حائل... و أهمية موقع الوطن العربي الاستراتيجية منها و التجارية... و أنا معاقب بالمذاكرة مع أمنية في مادة الاجتماعيات... و التي كنا نسميها جغرافية الوطن العربي... و بين لمحات من مباراة السيليساو مع الفراعنة... انتابتني رغبة ملحة بفتح البوست... فأطلت علينا هذه البطاقة الجميلة و التهنئة الحبيبة... فأطلقت أمنية واااااو من القلب... و أكثرت من الأسئلة حتى تهرب من المذاكرة... و أكثرت من الاجابات لأن الزهج بلغ بي مبلغا عطيما... شكرا يا حمادة على التهنئة الجميلة... و على البطاقة الرائعة...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
ثنائي النغم...
ليكم خالص التحايا والود...
الرشيد كل عام وانت بالف خير وربنا يديك طولة العمر في طاعته...
كده قولينا دي الشمعة 60 ولا 65 قالوا المرجعية الاكيدة عند محمد عيد مادام هو عارف تواريخ الميلاد ومتذكرة قبل كل الناس...
ليكم الف تحية ودائما بتشكلوا تناغم وهارموني جميل علي مسرح كل الاحداث...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
فنانا محمد عيد نفذ ما كنا ننادي به
حيث وجدت التهنئة لرشيد القوم على الفيس بوك
وكمان على البوست بتاعنا هنا وهذا ما نادينا به كثيراً
أدخل هنا وهناك وأكتب نفس الموصوع وخلي الناس تشاركك
ونكون غطينا كل المواقع الألكترونية الخاصة بنا
شكراً محمد عيد ، ويا هو ده الشغل
| |
|
|
|
|
|
|
|