|
|
 Re: ناس الزقازيق ... أجدع ناس (4) .. (Re: محمد آدم النور)
|
انضموا الى مشروع احمد اسماعيل بتاع السكن الجماعى
بسرعة واطمئنان شديدين
ادفعوا حصصكم المقررة فى شركة الأجدع ناس
واخصوا فى تشجيعكم لها حتى تشب على الطوق
اجتماعكم فى مكان ما , لغرض ما , ولهدف ما
تحوم حوله حمائم النجاح وترفرف فى جنباته اجنحة المستقبل الزاهر
طالما ان فيكم معتصم جعفر
ومعكم ميسرة سيد احمد
وحواليكم زهير الزناتى
فان نتيجتكم الحتمية
هى وليد حمدون
| |
  
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
بدت حفلتنا وبدا تجمعنا
وكانه يخلو من دسم (ستات البيوت )
ولكن الناظر المتفحص
والمتلقى (الحصيف )
يرى فيما يرى
ثيابا من الحرير الملون
واواع من سندس براق
تتحرك فى الكراسى الخلفية
تتعجب من شدة انطلاق وشفافيىة (اسياد البيوت )
فتنتقل اليهم العدوى ولكن على (استحياء)
حتى اذا ما رايت طفلا محمولا على يد طفل لا يكبره الا قليلا
عرفت ان حركة ما , بدات تتخذ من الغرف القصية
ميدانا لها
حتى انك تشعر ان عمار السنوسى وكمال الشادى
يغنيان بلسانين
ويحلقان بجناحين
وصوت السماء عندهما
صوتان
وكاس الرشيد بهما
كاسان
وعبقرى الرباب بهما
اثنتان
ومداخلات منصور فى الأيام الأخيرة
مثنى وثلاث ورباع
ستات البيوت عندنا - تلكم الليلة -
اغرتهما (حد الأغواء )
انطلاقة وانسيابية ازواجهم
فانطلقوا الى غرفهم المغلقة
يفعلون ما نفعل , ويغرفون مما ننهل
حتى ولو فى سقط لقط
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
لو كان عمار السنوسى هو ساحر تلكم الليلة
فان كمال الشادى
كان البعاتى بتاعا عديييييل
ياخى البنى آدم مننا
عبارة عن مخزن
فيهو حاجات كتيييير مرة
وحاجات مثلها فى غاية الحلاوة
انسانى وانا انساك
الحلوة القضيتها معاك
تصير مرة , ونتقاسم مرار البين
انا وياك
خلاص ما تنسى وانا انساك
احى انا منك يا كمال
وانت تغنى ضنين الوعد
ياخى دى مخزنة عندنا فى مكان
لا بتجيهو مطرة ولا بيغشاها الحر
عاملين ليها مظلة يا ربى ؟؟؟
ما ان ينطلق صوت الشادى بها
فاذا بكرفتتى الذهبية , تصبح بيضاء من غير سوء
دى كرفتى دى ولا يد موسى عليه السلام
نجدعها كده , فاذ هى (تلقف ما يأفكون )
كمال انقلب الى بعاتى كما قال الود قيس
اما انا , فشعرت باننى (احمد ولدى ) , وكان ما بابى الكضب
اظننى بقيت قدر مدرار عدييييييل
فلما انتقل بنا الود كمال
الى
لسه بيناتنا المسافة والعيون
واللهفة والخوف والسكون
ورنة الحزن البخافا
ساعتها
رايت
بعينى هاتين
الود باجيو وقد عادت اليه (بكلته )
والود موسى عيسى
يجندل الباكات فى الطرف اليمين
وخيل الى للحظة
ان احمد اسماعيل , انتقل من الكرسى المجاور لوالدته التى شرفتنا فى تلكم الأمسية
انتقل الى حجرها , متخذا من احد اصابعه رضاعة وغشاشة فى آن
ولمحت بياضات شعر خالد محى الدين
وقد كساها سواد زمااااان
ولم اعد قادرا على التفريق بين احمد السنى
وعبد الله احمد السنى
اما قيس جمال الدين
فقد زالت كرشته
واختفت سفته
وبدا لى من بعيد
كرسيان
ابيضان
وكوشة بلون الفوشيا
مدعمة بتطريزات الفضة
واكسسوارت الذهب
ينجعص فى احدهما
زهير الزناتى
وفى الآخر
ابتهاج سليمان
ونحن ومن عجب
لا نبارك لهما لا زواج ولا خطبة
بل نهزهما هزا قائلين
جاكم جواب مسجل , الظاهر فيهو شيك !!!!!!!!!!!!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
يا جماعة وين ناس البوست .... عاملين لينا وجع راس البوست البوست .... وهم ذاتهم عاملين حميل .... والكلام ليك انت يا المنطط عينيك .... احبكم زي ما قال جلا .... الغريبة الاربعة القاصدهم غيابهم من هنا خلانا نشتاق ليهم .... يلا ارجو تلفوني الليلة ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
السلام عليكم أيها الرائعون اينما كنتم على وجه هذه المعمورة
هكذا هم ناس الزقازيق حيثما إجتمعوا واينما إجتمعوا
تجدهم مدهشون حد الدهشة , رائعون قمة الروعة
يجمعهم الحب والود والشوق الدافق
فإنهم ليست مجرد زملاء دراسة فحسب , لا لا فالأمر لديهم غير
فهم إخوة أشقاء لأم إسمها الزقازيق وأب هو السودان
وبهذا الفهم كانت ليلة الخميس الفائتة ونحن نستقبل أخينا وحبيبنا الواد حاتم جبارة
فتنادينا من الرياض , الدمام , الجبيل و القصيم
وكان حوشنا هو إستراحة البال ويااااا لها من راحة بال !!!
تسامرنا وضحكنا وتغنينا ورقصنا وبلينا شوق السنين
وضمتنا جلسة ريد لا شفنا فيها ملل ولا طاف علينا نعاس
بعد نهاية الليلة السعيدة دي ولدي عمر سألني متين الحفلة الجاية يا بابا ؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عثمان الخير)
|
Quote: طالما ان فيكم معتصم جعفر
ومعكم ميسرة سيد احمد
وحواليكم زهير الزناتى
فان نتيجتكم الحتمية
هى وليد حمدون |
دي عملتها كيف يا منصور
ياخي والله كل عمايلك تحير خاصة عملية لمة الخميس الفات من حبة عملتها قبة( السهل الممتنع)
وبخت الشركة التي تعمل عندها يامنصور بوجودك فيها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
هناك عدة ملاحيظ في هذه القيدومة
طبعاً ثبت إنو المكان في سقط لقط
والمكان الفي سقط لقط دخولو من وين و خروجو من وين ما معرووووف
الكراسي من كزام للمناسبات
العدد الأكد الحضور 45
الحضور كان 13
عاطف القوز براهو بي 8 تأكيدات و ما حضر
الناس الجات براها ما محسوبة
بعني زهير ما في الحسااااب
زهير براهو؟؟؟
الزول أبو كرفتة صفراء برضو برا الحساااااب
وكدا!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صبحكم الله بالخير
عجبني في حفلة الرياض الكثير ان لم تكن كلها...
ابتداء من الكرفته الصفراء بتاعت منصور...
و فيونكة أبو الزوز الرابطها في خشمو...
سكسة العجايز...
و كشف البنيات الصغار..
و سؤال ولد عثمان الخير لأبوه عن ميعاد الحفلة الجاية...
و سعادة وليد حمدون و هو يرقص بجوار منصور...
و سعادة منصور و هو يجقلب بجوار وليد حمدون دون حرج...
فرقهم العمر و جمعتهم جامعة الزقازيق و لاحقت بين كتوفهم....
فرفرة موسى عيسى و كأنه كان ينتظر أن يغني له عمار السنوسي (يا اللابس البمبي)...
أبو عمر بدا لي بجلبابه الأبيض الناصع و كأنه يحلق طربا بجناحي ابن فرناس...
وقار خالد محي الدين ذكرني بأيام عصير الجوافه...
توجس حاج الركز خيفة من الكاميرا خشية أن تتسرب منها لقطات للويكليكس....
انتقاءات كيمو الجاهز بين عبقرية الكابلي و أغنيات مصطفى الخالدة...
و الله عجبني و سر بالي...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
الفرق بين العقلية اليابانيه .. والسودانيه
كان هناك سباق تجديف بين فريقين
(السوداني) و (الياباني) ..
كل قارب يحمل على متنه تسعة أشخاص
وفي نهاية السباق وجدوا أنالفريق الياباني انتصر
بفارق رهيب جداً
وبتحليل النتيجة وجدوا أنالفريق الياباني يتكون من
1 مدير قارب
و 8 مجدفين
الفريق السوداني يتكون من
8 مديرين
و 1مجدف
حاول الفريق السوداني تعديل التشكيل ليتكون من
مدير واحد .. مثل الفريق الياباني
وتمت إعادة السباق مرة أخرى
وفي نهاية السباق وجدوا أنالفريق الياباني انتصر
بفارق رهيب جداً
تماماً مثل المرة السابقة
وبتحليل النتيجةوجدوا أن
الفريق الياباني يتكون من
1 مدير قارب
و8مجدفين
والفريق السوداني يتكون من
1 مدير عام
و3مديري ادارات
و4 رؤساء اقسام
و1 مجدف
فقرر الفريق السوداني محاسبة المخطئ
فتم فصل المجدف
* منقول من صفحة ناس الزقازيق الفيسبوكية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
عجيب أمركم يا ناس الزقازيق !!!!
بصراحة نقلة نوعية ونقلة كبيرة جداً
لحفلات الاستقبال وقد حاولنا سابقاً عملية
التوثيق بالفيدو ولكن لم نستطع ،،،
تجمع جميل وحفلة راقصة وهجيج حتى الثمالة
مبروك عليكم يا ناس الرياض هذا التجمع الرائع
لكن ما سكتوا ليناالخشامة ناس هناي !!!
بس يا ربي حفلات التخرج من الغربة حتكون كيف ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
الناس وصلت يا ميسرة يعملو وصلة وينقلوا منها الحفلات لايــف ...
ناس الرياض فايتتنا بالعدد بس ... لكن ( تقنيــا" ) ما بقدرو علينا ..
شوف ناس نجيلة يا دوب بتعلموا فى الوشوش القامزة ...
غايتو اخير من الرشيد يوم واحد ما نزل ليهو وش ( مندهش ) ..
| |
|
|
|
|
|
|
|
|
 Re: ناس الزقازيق ... أجدع ناس (4) .. (Re: عبد الدائم سيد أحمد)
|
صبحكم الله بالخير
من أمبارح بالليل فكرت في موضوع قلت الليلة لازم أكتب عنه...
و كل ما ألقى لي فرصة مع نفسي أقعد أرتب في الكلام و أفتش على المفردات....
أستلف لي عبارات من هنا و هناك لزوم التجميل و كده....
قبل ما أنوم راجعت الفكرة في راسي و دبجت المقال أو المداخلة...
صحيت الصباح فتشت لي المداخلة دي في راسي سماء أرض ما لقيتها...
العقل الباطن لقيتو اتفرمت كلو بالليل و مافيهو أي حاجة....
قلت مافي داعي أستعجل و لا في داعي أكتب أي حاجة...
لأنه ربما أتذكر الموضوع فجأة و أجي أبراكم بيهو...
و حتى هذه اللحظة ما قدرت أتذكر الموضوع و فقدت الأمل في تذكره....
| Quote: غايتو اخير من الرشيد يوم واحد ما نزل ليهو وش ( مندهش ) .. |
عشان كده ما لاقي لي وش مناسب يا ديدو...
و لا أي علامة من العلامات الموجودة دي....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
الرشيد اعترف اساساً ما عندك موضوع .... بعدين ياخي الموضوع عايز التعب ده كله .... ياخي قول اي حاجة واتكلم في اي حاجة البوست ده ما زي قفة الحلبية بيشيل اي حاجة .... بقت بس علي موضوعك النسيته ..... والله حاجة عجيبة .... ياخي زول يصحي لينا محمد صديق ده .... ولا كمان الريس ميسرة ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
Quote:
لأنه ربما أتذكر الموضوع فجأة و أجي أبراكم بيهو...
و حتى هذه اللحظة ما قدرت أتذكر الموضوع و فقدت الأمل في تذكره.... |
الم تعرف السبب يا صديقى ..؟؟
اعتقد انك ربما دخلت فى دوامة بسبب ما يتردد فى اوساط ناس الزقازيق هذه الايام ...
ابتداء من شربوت وليد حمدون ... ومرورا بهجيج ناس الرياض والرؤوس المصّلحة الظاهرة فى الفيديو
... وانتهاء بتلك اللبانة العجيبة التى يصر ابو الزوز فى الفيديو على التمطق بها وهو بدعى الرقص مع الشباب ...!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
مساء التفاؤل والناس الحلوه
وكمان أنا صاحي يا ابو الزوز بس
البصحي لينا بريش منو (الإنترنيت)
قبل أيام قليلة بالصدفة تحصلت على هاتف
واحد زقازيقي دفعتنا - تجارة - إختفى عن الإنظار
لأكثر من عشرين عام ولم نجد له أي أثر فتحت معه خط
وجلست أحاوره لكثر من نصف ساعة وذكرت له تاريخه كاملاً
الراجل لم يتعرف علي وكان يسكن معنا في شقة سفن آب
وقلت له أنت من عرفتي بزوجتي الحالية وتزوجتها عن طريقك
الراجل يظهر كبر ونسى !!!! الغريبه إنها مرتبطه معه بقرابه بعيده
وحينما كشفنا له عن أنفسنا بكي الراجل كثيراً وأدخلنا في أظافرنا
إنه عبدالحي إسحق إدريس خريج كلية التجارة 1986 والغريب إنه حالياً
يسكن مدينة الرياض يا منصور وكمال الشادي وكان ساكن معاكم ومعانا
في زقازيق الخير
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
يا ناس سلام .... انا الليلة زعلان من شنو ما عارف .... بس قلت لازم اجي اسلم عليكم .... ربنا يرحم ياسر الشفيع والتحية لحاتم ومصطفي شايفك حاتم هندستو ومصطفي استذته بياتو معيار يا سعادتو .... بس تصدق يا حاتم صديق حرف واحد ما قدرت اقرا فيها ياخي عيوني الليلة مطششة كله كله .... يكون من الزعل ....لكن أكيد حا تكون قصيدة في منتهي الروعة .... لانها من نظم انسان رايع ... ويكفي انك جايبها يا كونش (انعل ابو التلج) ........
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
يا زهير ربنا يشيل عنك الزعل والتطشيش
بس مداخلاتك عايزه ليها مساسقة سطوره طوال شديد
راعوا للناس كبار السن علشان الجري والأشواط الطويلة
دي ما بنقدر عليها.
ناس الرياض بردو شويه ،،، نزلوا لينا شوية صور
============================================
جدة منظرة وصول حاتم جبارة معتمراً صباح يوم الجمعة
وبعدين محتارين ندخل معاهو مكة كيف ،بركاتك يا شيخ جلا
إذا ركب معانا في نقطة التفتيش ممكن يتمكسوا معانا
ويقولوا بتحملوا ركاب ، دخول مكة للحاج فقط وليست للعمرة
يا حاتم جبارة جيب معاك شهادة قيد من جامعة الزقازيق لإثبات
العلاقة معانا!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
رحم الله الاخ ياسر الشفيع الدكتور الشاعر واسكنة فسيح جناته
توثيق جميل يا كوتش وكويس انك محتفظ باشياء زى دى
اين حاتم صديق الان لن نسمع عن اخباره ابدا" فى هذا البوست
ويا كوتش كبر الخطوط نيابة عن مصطفى محمد الحسن
بانزال القصيدة كتابة فى البوست
،،،،
الصور دى وين يا زهير
وحاتم ده جاي شغل ولا جاي فسحة و زيارة لمدن السعودية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
اليوم الخميس ....
نوم ... وجكة ... وشاي بخبيز ....
انت يا النضيف ... تقنية شنو الأنا عاوز اتعلمها حسع ...
ياخي انت نسيت ... صفحتي بتاعة اليوميات ...
لما كنت بنزل ليكم ... الوروووود وهي ضاحكة وماشه ومعاها الكاركاتيرات ...
وطيب ....
ياخي انا بس كان رايح لي الوش الضاحك ده ما كنت عارف بجيبيهو من وين
وكتر خيرو طارق جبرين ... فكاهو لي بضبانتو
ولو تكسبو فيني اجر كمان وترسلو لي الوش بتاع الولد اللابس اصفر وبضحك "ويتشنقل" على قفاهو ويضرب بيدينو وكرعينو
تكونو ماقصرتو معاي تب
=========================
حاتم جبارة عملها ظاهرة ... وطلع في المنطقة الشرقية
الدمام .... حاجة تمام ...
ومعه الوجيهان زهير وسامي ...
بس يازهير وسامي الزول ده شبعان من الفاست فووود
بالله ابعديهو من ماك ... وكنتاكي ... بيتزا ...
اهروهو ... ملحات وكسرة ... سااااااااااي ....
وذكرتوني اول يوم زوجتي رشا جاية من السودان جديدة لنج ...
قمت وصيت على الغداء من واحدة اسمها أم رحاب - اشهر سودانية تعمل اكل سوداني
وقمت فرحان جيت داخل البيت وشايك المحاشي والملحات والطبايخ والكسرة الماخمج
وزوجتي المسكينة تاكل وتحدر لي ...
قمت قلت ليها ... مالو الأكل ماعجبك ... والله الأكل ده ... وصيت عليهو مخسوس ... عشانك
قالت لي: ياخي انا مهريه بيهو العمر كلو ... تقوم تجيبو لي في اول يوم ...
مالو كنتاكي وماك والبيتزا ....
طبعا فهمت سريع غلطتي .... وقاعد اكفر عنها لليوم ...
كل خميس لازم كنتاكي او بيتزا او ماك .... الخ
ذكرتوني لما نرجع السودان اجازة ...
الجماعو يقومو اتقطعو ويعملو ليك ... الدجاج
وانت تكون قرفانو مع اغاني كابلي ...
غايتو قصة الذئب والبجعة دي ... بتكون طوالي لافة ...
والناس مامنتبه ليها ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
يا سلام عليك يا ريس
بتنكت الناس الحلوة دى من وين
عبد الحى اسحق
لى منو سنين
مع انى كنت على اتصال بيهو هنا فى الرياض
ايام وصولى الأولى لها
حتى مرة جانى لغاية بيتى
لكنه اختفى بعد ذلك , وفقدت اثره
تلفونه بسرعة يا ريس
ايامكم ساكوبيس يا ناس الشرقية
زهير وابتهاج وسامى والأمريكانى اب جلابية ده
يا كوتش , مجرد صورة هذا العمل الأدبى (ذو القوة الثلاثية )
ومجرد احتفاظك بمثل هذه المخطوطة النادرة
يدل على معدنك
* قلل من الرحول الكثير ياخ حفاظا على مثل هذه المخطوطات (على الأقل)
ولا اقول حاجة , قالوا فى بيت فاضى جنب كبرى شمبات
ينفع معاك ؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
صبحكم الله بالخير
ياسر نجيلة مبروك الوشوش الخضراء ياخي...
و سعيدين بعودتك الى مداخلاتك الطويلة الدسمة...
عقبال البانوراما بتاعتك التي كنا ننتظرها بفارغ الصبر....
لما فيها من ظرافة و لطافة و تنوع جميل....
يا كوتش القصيدة ما واضحة بالنسبة لي حتى و أنا لابس النضارة...
الاخراج و الخطوط و الرسومات غاية في الروعة...
زول بيعمل حاجات زي دي في الزمن داك يا ربي حسه بيعمل شنو...
رحم الله الأخ و الصديق الراحل ياسر الشفيع.....
أبو الزوز حاسب أحسن يطق فيك عرق...
و بعدين انت لا حمل الزعل و لا بتقدر عليهو...
بلوفاتك و كتاوتك كلها ما مظبوطة من زمان....
جات سرقة العربية على العليك لخبطت ليك بلوفاتك زيادة...
و برضو تآكل لي في الفاست فود...
أعمل حسابك يا صديق....
يا منص يا حبيب...
عينك للفيل...تضرب لي ضلو...
محمد عيد يا حبيب الروح...
تعال ياخي ان شاء الله تكتب في السياسة...
بدل ما تمشي تشتكينا لي ناس وش الكتاب....
حأتصل بي ياسر عشان يوريني كيف بيعملوا الوش الأخضر...
عشان أنزل ليك واحد...
جلا دايما في البال...
لكن الخميس ده طوالي بتذكره خصوصا زي الوقت ده...
لأنه كلما أطلب منه يوصلني مسافة مقدرة ما كان بيقصر معاي....
لكن يا جلا انت قايل المسافة المقدرة دي بقيسوها بالكيلومترات بس...
قبل ما أكتب الكلام ده كله دفعتني شفافية أبو الزوز لأن أكتب ليكم بشفافية...
المزاج كان ما ياهو..مزاج زهج مش زعل...
قمت ضلمت ليك الكون من حولي و صريت وشي و تصاعدت أنفاسي...
أذن الظهر قمت صليت و شربت لي كباية شاي لذيذة...
و رجعت أكتب لقيت الغيوم انغشعت...
قلت سبحان الله يعني بين الزهج و الانشراح بضعة ركعات...
و كباية شاي....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: قبل ما أكتب الكلام ده كله دفعتني شفافية أبو الزوز لأن أكتب ليكم بشفافية...
المزاج كان ما ياهو..مزاج زهج مش زعل...
قمت ضلمت ليك الكون من حولي و صريت وشي و تصاعدت أنفاسي...
أذن الظهر قمت صليت و شربت لي كباية شاي لذيذة...
و رجعت أكتب لقيت الغيوم انغشعت...
قلت سبحان الله يعني بين الزهج و الانشراح بضعة ركعات...
و كباية شاي.... |
بين اليقظة والاحلام
بين اجفان تقول للنام
اريت النوم يزورني اليوم
انوم لو ليلة في كل عام
و بيني بينك المسافة
شوف كل الأشياء هي ملكك
تزهج ،تنشرح، تزعل، تصر...إلخ
حتى الشفافية القالها الزول الماعندو موضوع داك
برضو هي ملكك
دائماً خليك منعنش
بالمناسبة ممكن تعمل ليك لمة براك في سقط لقط و تكون منعنش للآخر
أنا مرتبط معااااك دائماً بيوم الخميس
و أتساءل هل تكون محتاج لمسافة مقدرة
أم أنا الذي أحتاجها؟؟!!!
بالرغم أن الذي بيني و بين نفسي
كبري الفتيحااااااب
آخر الصفحة:
للعلم الجمعة و السبت تعتبر عطلة رسمية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صباح الخير ايها القوم .... فعلا يا رشدي حكاية المزاج دي كلها لحظات وممكن يرجع ....
الإنسان من السهولة يزعل ومن السهولة مزاجه يتصلح .... انا غايتو كده ...
لو واحد لاقاني وعاين لي شديد بس بقوم بتعكنن ... واسب والعن واقرب اشاكل الزول
...لكن لو زول تاني لاقاني ... واتظارف معاي ممكن باقي يوم كله يبقي الستا ....
علي العموم كباية الشاي لمن يكون مظبوط خطيرة وتعادل أشياء أخري ما في داعي لذكرها
هنا عشان ما تبقي لبانة زي لبانة زولنا في حفلة الرياض الغايظة محمد عيد .......
بس ما تعملوا براك ... يعني اتخيل لي المسالة حا تتطلع معاك بالخسارة .... شوف المعادلة التحت دي :
تغسل البراد .. وتولع البوتجاز وتكب الموية وتخت البراد في النار ... تغسل الكباية ... تمشي تفتش
الشاي وين ... بعدين السكر ... تفتش المصفي ... اها الهبهان ولا النعناع وين .... تقوم تنتظر النار تفور
تخت الشاي ... تصفيه .... بعد ده كل حا تطلع بكباية شاي .... يتخيل شاي بخمسمية جنيه من ست شاي ولا بريـال
لغير الناطقين بها من اليماني .. احلي وأجمل
حا تقولوا لي طيب ما تشرب الشاي من ست بيتك .... لا يا جماعة يفتح الله .... الا دي .... قولوا ليه . ولا اقول ليكم
سمح القول في خشم سيده ... وعشان ما تبقي قطيعة وتقولوا لي شايل حال مرتك في الاسافير .... بس الأمه داعي عليهو
يشرب شاي عندنا .... كل ما أمر بالتجربة دي أقول اكيد الليلة الحجة ما دعت لي ولا زعلانة مني ... اها اقوم أتصل
بيها اسلم عليها واقول ليها يا حجة بالله ألحقينا بدعوة مستعجلة ....
يا رشدي رايك شنو اها لقيت موضوع ولا ما لقيت ..... يلا طلع ليك كم موضوع من الموضوع أعلاه ... وإنداح لينا ياخي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
سلامات يا ناس
| Quote: .... ربنا يرحم ياسر الشفيع والتحية لحاتم ومصطفي شايفك حاتم هندستو ومصطفي استذته بياتو معيار يا سعادتو .... بس تصدق يا حاتم صديق حرف واحد ما قدرت اقرا فيها ياخي عيوني الليلة مطششة كله كله .... يكون من الزعل ....لكن أكيد حا تكون قصيدة في منتهي الروعة .... لانها من نظم انسان رايع ... ويكفي انك جايبها يا كونش (انعل ابو التلج) ........ |
يا صديق ...سلام
رسالتى لابتهاج انشاء الله تكون وصلتها؟؟
حاتم مهندس من زمان ...ومصطفى استاذ برضو من زمان.
اما القراية الما قدرت عليها دى انا عارف ليه ما اتقرت ...لكن لو جيت بى هناك حتلقاها واضحة.
بالمناسبة شكرا على التلج.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
Quote: يا كوتش القصيدة ما واضحة بالنسبة لي حتى و أنا لابس النضارة...
الاخراج و الخطوط و الرسومات غاية في الروعة...
زول بيعمل حاجات زي دي في الزمن داك يا ربي حسه بيعمل شنو...
رحم الله الأخ و الصديق الراحل ياسر الشفيع.....
|
يا حبيب مشتاقين ...طولنا منك ما عارف ليه؟
الملف ده محتاج انو يتضغط ..الحجم الهو بيهو ما بينزل ولما تعمل
ليه تصغير بيظهر بالشكل ده...بنعمل على ضغطو وحننزلا تانى بشكله الواضح.
اعتقد انو حاتم ما قاعد يعمل اى حاجة ولو كان بيعمل ما اظن فى زول حيشوف هو
عمل شنو ...سأزوره قريبا لمعرفة احوالو وابداعو.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
مساكم الله بالخير
عندما كنت في غياثي كنت قد تعرفت الى أمام مسجد هناك...
شاب جميل الطلعة باسم الوجه حلو الكلام تنجذب اليه و لا تنفر...
توثقت علاقتي به...و كان كثيرا ما يدعوني لتناول الشاي أو وجبة العشاء...
فكنت أصلي معه العشاء ثم ندخل الى منزله الملحق بالمسجد...
أعجبني كثيرا تفقهه في الدين و علمه و طريقته في طرح الأفكار...
و كنت أقول له حرام تكون شغال امام في مكان مثل غياثي...
فمثلك ان انشغل بالدعوه لكان مكسبا حقيقيا للدعوة و الدعاة...
كنا ننتحدث في أمور شتى منها ما له علاقة بالدين و منها ما هو في الشأن العام...
حدثني مرة عن أنه من أبرز علامات هذا الزمن اعتداد المرء برأيه...
حيث يعتبر كل انسان نفسه أعلم الناس و ان غيره لا يفقهون شيئا....
لذلك أصبح لا يتفق الناس حول شيء ما...
و ان النقاشات التي تدور بينهم في أي مواضيع لا تفضي الى نتيجة...
و برامج مثل برنامج الاتجاه المعاكس هو النموذج الأكثر تعبيرا عن هذا الحال...
أما نحن السودانيين فأظن أننا الأكثر اعتدادا بآراءنا بين كل شعوب العالم...
فلا يمكن أن يتفق سودانيان حول أمر ما و ان كان في غاية البساطة...
و حتى لا أكون مثل غيري من الناس فأنا أعترف بأنني ايضا أتصف بنفس الصفات...
فالسوداني يلقي باللائمة على الآخرين و يستثني نفسه...
هذا موضوع آخر و لكني عرجت عليه في معرض عدم استثنائي لنفسي...
أنا و كل السودانيين لا نتفق و لا نستطيع الاتفاق على شيء...
لنا الكثير من المميزات الجيدة و لكن ليس من بينها الاتفاق أو التوافق...
و ربما يكون هذا سبب خلافاتنا الكثيرة و تفرقنا الى مليون جزء...
و أن أعتقد جازما بأن الأميريكان و الأوروبيون قاموا بدراستنا جيدا و علموا هذا...
ثم وظفوه ضدنا في تأجيج الصراعات التي تدور بيننا...
و التي هي في رأي لولا تعنتنا و اعتدادنا بآراءنا...
لكنا قد توصلنا الى حلول مرضية لكل مشاكلنا التي تزداد يوما بعد يوم...
و هذا احدى الأسباب التي جعلتني أقف بقوة ضد تعاطي للسياسة هنا لعلمي اننا ليس من شيمتنا التوافق...
أنا أعتقد أنه من أهم الأشياء التي يجب أن تناقش هنا و في أي مكان...
ان كنا حقيقة نريد أن نؤسس لوطن جديد و لمستقبل جديد و لعالم جديد...
لنناقش و بموضوعية ما هي الثوابت الأساسية التي يجب أن يتفق حولها كلها الناس...
هل هو الدين أو الوطن أو الديموقراطية أم الثلاثة معا...
و ما هي المعادلة الأمثل أو السحرية التي يمكن أن تحقق ذلك...
و لكن قبل كل ذلك هل نستطيع أن نترك اعتدادنا برأينا و نشعر بقيمة ما يقوله الآخرون...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
دى مداخلة دى ولا حبوب لقاح يا ود يا زهير !!!!
اما مداخلة الرشيد البعد حبوب لقاح زهير
فهى فياجرا عديييييل
اها , شهيتونى الكلام الما انكتب
مش اخينا الأسمو محمد الأمين ده قال كده
يا ريتنى لو اقدر اقول فيك الكلام (الما انكتب )
وافرد صباح حسنك وشاح
يمسح عذاب عمرى المسطر باللهب
بديت يا رش بالمزاج
محمد صديق طبعا زول مزاجه (سابقه)
من اول حرف تعرف مزاجه شنو
قدرة كباية الشاى يا زهير على استعدال المزاج
قدرة تخيلية سااااكت
انا مثلا , الشاى عندى اذا شربته , يذهب مباشرة الى مكانه الطبيعى
المعدة يعنى
هل للمعدة دخل فى المزاج يا اخوانا ؟؟؟؟
هسى كدى النسالكم , هو مركز المزاج ده قاعد وين
انا قايلو فى الراس
الشاى عند ناس زهير مثلا , يا ربى بيمشى للرأس ولا شنو ؟؟
النظرية دى ضد قانون الجاذبية
لذا فان يقينى ان السيد شاى , زول معدة ساااااى , على الأقل عندى انا
الا غايتو كان شاى ابتهاج ده براهو
زمان الكوتش حكى لينا عن شاييها المقنن , لمن مشينا واتأكدنا من انو مجرد اشاعة مغرضة
لو ما ياسطة السوريين الجمبهم , انا زااااتى كان ضربت لى امى الله يرحمها (تلحقنى بواحدة مدنكلة )
دعوة طبعا , ومال انتو قايلنها هى حا تلحقنى بى شنو يعنى ؟؟؟
اها ده عن زهير وشاييهو الما لحق حتى يخت فيهو الهبهان
لكن امام المسجد بتاعكم يا الرشيد , ما بتلقى زيو الا فى غياثى
وعدم قدرتنا على الأتفاق , سببها لا يعدو ان يكون لعدم رغبتنا فى ذلك
امبارح كان عندى اجتماع يخص منظمة من منظمات المجتمع المدنى (فى طور ولادة )
فيهو تلاتين زول
كلهم جايين (عشان يقضوا امرا كان مفعولا )
فكان كل كلامهم من شاكلة , دعنا قبل الولوج لى سياسة بسمارك الداخلية , دعنا نتحدث عن سياسته الخارجية
كلهم جايين مركزين على سياسة بسمارك الخارجية , مذاكرينها وواضعين ليها الخطط ومحددين اهدافهم من بدرى
سياسة بسمارك الداخلية , التقول ما ادوها ليهم , يشيلو ويزحزحوا فيها من قدامهم لامن وقعت (من طاولة النقاش )
وحاة نظرى , عفصوها ومشوا من فوقها زى الماحصل حاجة
وفى النهاية لقيتهم ليك كوللللهم ساقطين حتى فى سياسة بسمارك الخارجية الهم عاملين ليها اسبوتنغ , ومذاكرينها كمان
قضوا قرضهم , ووصلوا لى هدفهم , وبقينا مارقين
زى ما دخلنا طلعنا وحاتك , تركت ليهم الجمل بما حمل
ورجعت لى ست بيتى انصاص الليالى , قربت اقول ليها قومى سوى لى شاى
تانى اتذكرت انو الشاى عندى , علاقته مع الجاذبية الأرضية , سمن على عسل
ما زى شاى زهير داك
فاكتفيت , من الغنيمة , بالأياب
* صباحاتك زى اللبن الحليب يا كوتش
كان الرحول بيطلع درر , عندى ليك بيت تااااانى !!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
و الله يا ناس الزقازيق عليكم جنس غتاته...
التقديم لللوتري بدأ و قرب ينتهي و ما تكلمونا...
يعني عاملين فيها ما شغالين بيهو و ليس من أولوياتكم...
يولولكم الحرامي...
بدا اللوتري و ما زلت في ترددي القديم...
حسه أنا بعد دا أمشي أعمل شنو في أمريكا...
أنا و الله لا بقدر علي غسل الصحون و لا توزيع البيتزا...
كرعيني ديل براهم بقو ما شايلني...
ما بقدر أقعد الليل و النهار أوزع في البيتزا...
غسيل العدة ده ما بنعرف ليهو و لا حصل يوم غسلنا عده (وش غامز بس ما أخدر)....
و لا بقدر أسوق لي تاكسي في البلد الكلها مسدسات دي...
كل ما تلم ليك مية دولار يجو جماعة يشيلوهم منك...
و كان ما دفعت يضربوك طلقة في نص راسك...
غايتو كده وووب و كده وووبين...
لكن حنقدم عشان بعدين ما تبقى لينا ندامة...
أحسن حاجة تقدم و تقوم تفوز بالللوتري...
و تمشي تعمل كل الاجراءات و تبقى خلاص شايل عفشك و ماشي ...
تجي تقول ليهم هوي أنا ما عايز بلدكم...
طيب مالك مضيع فرصة لي زول عايز يمشي...
مش أحسن من كان يمشي و يشتغل سواق تاكسي و يقوموا يدوهو طلقة في نص راسه...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: خلعنى قميصــــك اللى من زمن الانتخابات ده يا ميسرة
هسه دى صورة تنزلها ..... |
بالله يا عبدالدايم زمن الإنتخابات كانت في كروش قدر دي
والصورة دي توصية من حاتم جبارة ،،،
=====================================
وبعدين يا شباب أنحنا زمان تركنا الكورة
برغم من حبنا القديم للهلال ،،، وما سمعت أخبار الكورة
إلا بعدما فتحت البوست وشاهدت الصورة الصلعة المنزله عبدالدايم
هسع الكورة إنتهت كم وأصلاً الخروج قد خرجت من موقعة أم درمان
والمنتظر الكورة السودانية تتحسن بيتعب كتير ،
بعد أن أحرز السودان عام 70 تقريباً كأس أفريقيا - بالصدفة -
والمريخ كأس بطولة افريقيا - بالحظ -
أما كاس دبي وكاس جوبا وسيكافا والمحمولة حواً ووو (خزعبلات لا مكان لها من الإعراب)
لم نفعل شئ منذ زمن جكسا وكمال عبدالوهاب وآخرون ،،،
إذا لم ينصلح لحال السياسي تموت الدولة في جميع إنشطتها (الإقتصادية والرياضية)
وكمان حتى الأخلاقية!!!!!!
أحسن تشوفوا اللوتري بتاع الرشيد !!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote:
والمريخ كأس بطولة افريقيا - بالحظ -
أما كاس دبي وكاس جوبا وسيكافا والمحمولة حواً ووو (خزعبلات لا مكان لها من الإعراب) |
يا ريس ... انشاء الله بس الناس تجيب واحد ولو ... بالحظ ...!!
او واحد لا مكان له من الاعراب ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
يا ريس ... انشاء الله بس الناس تجيب واحد ولو ... بالحظ ...!!
او واحد لا مكان له من الاعراب ...
======================================
يا محمد عيد والله القصة ما تبخيس للمريخ أو حتى الفريق القومي
الكاسات الحقيقة إلى السودان أحرزها (الفريق القومي واحد والمريخ واحد)
منذ تأسيس الدولة ولعب معنا الحظ والتوفيق وهذه حقيقة والحمد لله
وبدليل مافي تاني فريق أحرز أو حيحرز كاس بسهولة إلا بالبونية - زي بتاعة البرير كده -
هذه هي الحقيقة المره والمؤلمة ،،،،،،
على الرغم من أنحنا من علم الخليخ الكورة وساهمنا في كثير
من الفرق العربية ورفعنا شأنها ولكن العلة الحقيقة ما زالت كامنه جوانا
وسوف تظل ولو فلح المريخ وسقط الهلال!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
استفزوني المريخاب و على رأسهم الحبيب محمد عيد...
فقمت من الصباح دبجت لي مداخلة طويلة ردا عليهم...
متحدثا عن علل الكرة السودانية و كيفية الخروج من الأزمة...
و التزمت الروح الرياضية التي نتميز بها نحن الهلالاب دونا عن غيرنا...
ثم بعد أن فرغت من المداخلة قررت أن لا أنشرها..
رغم انها لم تخرج عن الروح الرياضية...
فلقد وجدت ان كل ما كتبته معلوم لديكم و تم تناوله من قبل عدة مرات...
و فطنت أيضا لما يحاول أن يجرجرنا اليه الآخرون...
في محاولة جادة منهم لايهامنا بأننا فاشلون..
و بالرغم سوء الأداء في الأمتار الأخيرة و الذي نقره و نعترف به...
الا أن الهلال أصبح من ضمن أفضل أربعة أندية أفريقية...
في ظل التدهور الذي أصاب كل شيء في الوطن فان هذا يعد انجازا...
و يجب أن يستعدوا جيدا في المرة المقبلة لكي يتقدموا على من كان أحسن منهم الآن...
يجب أن نحتفل بهؤلاء الشباب لما بذلوه من جهد و عرق...
ان كان المركز الرابع أفريقيا يفرح المريخاب...
و يجعل صحفهم أكثر توزيعا و رسامي الكرياتير و الفوتوشوب عندهم أكثرأبداعا....
و تتحسن المؤشرات البيولوجية لمشجعيهم...
فان هذا يفرحنا أيضا طالما اننا ننظر بايجابية لفريقنا...
و نفخر بتقدمه في جدول الترتيب القاري...
دون أي مقارنة بناديهم...
حيث لا مقارنة البتة...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
| Quote: و التزمت الروح الرياضية التي نتميز بها نحن الهلالاب دونا عن غيرنا... |
والله يالرشيد لو كتبت دونا عن ... ريسنا الأمين البرير ....
كان الــــ 10/10 بتاعة زهير دي .... ثنينا عليها كلنا ...
=====================================
مبروووك عليكم المركز الرابع .... فعلا انجاز كبير للهليلاب .....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote:
الله يالرشيد لو كتبت دونا عن ... ريسنا الأمين البرير ....
كان الــــ 10/10 بتاعة زهير دي .... ثنينا عليها كلنا ... |
يا نجيلة .. الكاف بيفكر يدى الجماعة كاس الروح المثالية ...
ده برضو ما بيتحسب يل ريس .. كاس خارجى ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
Quote: يا نجيلة .. الكاف بيفكر يدى الجماعة كاس الروح المثالية ...
ده برضو ما بيتحسب يل ريس .. كاس خارجى ؟؟؟ |
والله ياود عيد ...
اخلاق اخوانا ... ابصم عليها بالعشرة ... باستثناء الريس بتاعم الذي جر الإدارة كلها .... لكي يستقيم المعني وللمصداقية ...
ولذلك :كأس الروح المثالية والصبر ده ... حقهم بدون منازع ....
بس اذا اضيفت له كلمة ... خارجي .... اشك شكا كبيرا...
في احراز اي شئ مقرونا بكلمة .... خارجي ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
Quote: والله يالرشيد لو كتبت دونا عن ... ريسنا الأمين البرير ....
كان الــــ 10/10 بتاعة زهير دي .... ثنينا عليها كلنا ...
|
نعتبر ال 10/10 دقت في العراضه المره دي يا نجيلة...
على أي حال أنا بديك 10/10 في الوشوش الخدره دي...
الأمين البرير وصل الى راس الهرم الهلالي بماله...
و للأسف ان الرياضه في السودان ما زالت تحتاج لأمثاله...
اقصد من يملك المال بغض النظر عن القدرات الأخرى...
هذا هو قدرنا و واقعنا شئنا أم أبينا...
سينحى البرير جزاء لسقطته و أتمنى أن من يأتي بعده يملك ما هو أكثر من المال...
أقلها الأخلاق...
سيذهب البرير و يبقى الهلال دائما من أفضل أربعة أندية أفريقية...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
والله يا رشدي نفس الحكاية حصلت لي ... لكن قمت لبدت قلت يمكن الخلل في جهازي
ويجوني اولاد دفعته موسي وجلا يشيلوا حالي .... اها اتاري اللنك ضارب من اساسه
وطلع زي وارغو ماسورة .... المهم في إنتظار اللنك الجديد ....
بالمناسبة جلا المرة دي الجمعة والسبت جروا معاهو
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
يا سلام على الجو هذا الصباح...
ضباب لم تستطع الشمس بكل جبروتها أن تجد لها منفذ من خلالة...
و برودة لذيذة..مسطحات خضراء و أشجار تمسحت أوراقها بقطرات الندى...
زهور باسمة و نوافير...حسان يركضن بايقاع مموثق و رجال...
هذه أبو ظبي التي أحبها...
ده صباح يخلي الواحد يستلف كلمات حميد دي و يهديها ليكم..
ياناس طيابة
بغلبكم
بنصاح ضراعكم
وقلبكم
بكفاح صراعكم
وحزبكم
برياح شراعكم
أحبكم
بسماح شعاعكم
ألبَّكم
لصباح ينور
دربكم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صباح الخير ،،، يا وجوه الخير
| Quote: في داعي لكلمة "شماته" ياريس ميسرة تدخلها في دعاء الصباح .... |
صباح الخير يا ود نجيلة ، أنتم وصيفاب ما أعداء
مشينا لحدي النكات بتاعتك ديل ولكن ما ضحكتنا زي
نكاتك بتاعة زمان ،،،
هات من الدسم القديم ،،،
كمال الشادي زارنا على خفيف حتى الشاي ما شربه
وكمان أخونا جلا حالف ما يدخل إلا بعد دخول موسى عيسى
يا ريس معتصم مشاقييييييين كتير
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: سلامات يا ناس
Quote:
الرسومات :حاتم صديق البشير :علوم
تصحيح من مصطفى محمد الحسن :
الرسومات :ناجى عبدالرحيم (تجارة)
وناجى ود الحلة الجديدة كان حكاية وكوم من الابداع
ليتنى عرفت اين هو الآن ؟؟(حأسأل منو فى بوست ود المهدى)
كان مفروض يشارك بالرسومات حاتم صديق إلا ان مزاجه المتقلب أراد غير ذلك. |
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
مكالمة من صديق أو ايميل أو حتى رسالة SMS قادرة على أن تغير من نفسيات الواحد...
فتلفون منصور المطول أمس الأول رفع من معنوياتي...
رغم دخول الشبيحة أثناء المكالمة و كادوا أن يفسدوا علي استمتاعي بها..
و الشبيحة هم مهند و أمنية أو سموهم البلاطجة ان شئتم...
فهم عندما يدخلون الى البيت بعد العودة من المدرسة يجعلوني في غاية التوتر..
فكل واحد عايز يحكي ما حدث له في المدرسة...
لا يهم ان كنت اتكلم في التلفون أو لا...
فيجب أن أسمعه ثم أعود الى مكالمتي...
فطلبت منهم أن ينتظروا حتى أنهي مكالمتي مع عم منصور...
عمو منصور أبو مجتبى هكذا عرفه مهند...
أما أمنية فعرفته بأبو مدرار...
و لكنهم اتفقوا على ان عمو منصور ده ما مكن يصبر لحدي ما نحكي ليك الحكاية دي...
ربما يكون منصور قد شعر بي و أنا أقطع في الكلام و اتمتم...
لكنه لم يشعر بالشبيحة و هم يحاصروني من كل جانب...
سعدت جدا بمكالمتك يا منص...
كما و سعدت بايميل من الأخ و الصديق معاوية يحي...
و الذي أكد فيه متابعته للبوست...
سعيد أنا بهذا التواصل..
و محظوظ لأني في قلوبكم و عقولكم...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلامات يا ناس
Quote: قد يختلف معي الكثيرون منكم و ربما يستغربون ربطي بين الاثنين...
أي بين البوست و الشركة...
هذا الأمر يشمل كذلك الجمعية و غيرها من الأمور...
|
انا ما بستغرب...
وبقول انو كلامك 100%....
من يوم اتأكل التور الابيض ...واختلفنا فى جدوى وعدم جدوى المنبر...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
دعاء يوم الخميس
بِسْمِ اللّهِ الرَّحْمنِ الرَّحِيمِ
الحَمْدُ للّهِ ِ الَّذِي أَذْهَبَ اللَّيْلَ مُظْلِما بِقُدْرَتِهِ ، وَجأَ بِالنَّهارِ مُبْصِرا بِرَحْمَتِهِ ، وَكَسانِي ضِيأَهُ وَأَنا فِي نِعْمَتِهِ .
اللّهُمَّ فَكَما أَبْقَيْتَنِي لَهُ فَأَبْقِنِي لاَمْثالِهِ ، وَصَلِّ عَلى النَّبِيّ مُحَمَّدٍ وَاَّلِهِ ، وَلاتَفْجَعْنِي فِيهِ وَفِي غَيْرِهِ مِنَ اللَّيالِي وَالاَيّامِ بِارْتِكابِ المَحارِمِ وَاكْتِسابِ المَآثِمِ ،
وَارْزُقْنِي خَيْرَهُ وَخَيْرَ ما فِيهِ وَخَيْرَ مابَعْدَهُ ، وَاصْرِفْ عَنِّي شَرَّهُ وَشَرَّ مافِيهِ وَشَرَّ مابَعْدَهُ .
اللّهُمَّ إِنِّي بِذِمَّةِ الاِسْلامِ أَتَوَسَّلُ إِلَيْكَ ، وَبِحُرْمَةِ القُرْآنِ أَعْتَمِدُ عَلَيْكَ ، وَبِمُحَمَّدٍالمُصْطَفى صَلَّى اللّهُ عَلَيْهِ وَاَّلِهِ اسْتَشْفِعُ لَدَيْكَ ،
فَاعْرِفِ اللّهُمَّ ذِمَّتِي الَّتِي رَجَوْتُ بِها قَضأَ حاجَتِي ، ياأَرْحَمَ الرَّاحِمِينَ .
. اللّهُمَّ اقْضِ لِي فِي الخَمِيسِ خَمْساً : لايَتَّسِعُ لَها إِلا كَرَمُكَ ، وَلايُطِيقُها إِلا نِعَمُكَ : سَلامَةً أَقْوى بِها عَلى طاعَتِكَ ،
وَعِبادَةً اسْتَحِقُّ بِها جَزِيلَ مَثُوبَتِكَ ، وَسِعَةً فِي الحالِ مِنَ الرّزْقِ الحَلالِ ، وَأَنْ تُؤْمِنَنِي فِي مَواقِفِ الخَوْفِ بِأَمْنِكَ ،
وَتَجْعَلَنِي مِنْ طَوارِقِ الهُمُومِ وَالغُمُومِ فِي حِصْنِكَ ، وَصَلِّ عَلى مُحمَّدٍ وَاَّلِ مُحَمَّدٍ ،
وَاجْعَلْ تَوَسُّلِي بِهِ شافِعاً يَوْمَ القِيامَةِ نافِعاً ، إِنَّكَ أَنْتَ أَرْحَمُ الرَّاحِمِينَ
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
قال ليك شيخ خليفة أمير قطر كان بتجول بأحياء السودان، قابلو واحد مسكين، شحدو كرامة لله،
شيخ قطر قاليو انتظر لحدي ما امشي قطر هسع ما عندي قروش شايلها معاي، وشال اسم وعنوان المسكين،
شيخ قطر لما رجع قطر قام رسل مليون دولار وأداها للبشير ليوصلها للرجل المسكين،
البشير قام نادي على عثمان محمد طه واد اهو 500 ألف دولار عشان يوصلها للمسكبن،
على عثمان نادي والي الخرطوم وسلمو 500 ألف جنية سوداني ليوصلها للمسكين،
الوالي سلم معتمد محلية الخرطوم 250 ألف جنية ليسلمها للمسكين،
معتمد المحلية اعطي رئيس اللجان الشعبية 100 ألف ليسلمها للمسكين،
رئيس لجنة الحي نادي الرجل المسكين وقال ليهو:" أمير وشيخ قطر بقول ليك ألله يدينا ويديك ....؟؟؟؟؟"
استاذ سال تلاتة مساطيل: بعد تمشي البيت بتعمل شنو ؟؟؟
الاول قال: بصلي وامشي لأحمد بتاع البنقو
والتاني قال: بقرأ قرآن وامشي لأحمد بتاع البنقو
التالت قال انا بصلي وأقرأ قرآن ...
الاستاذ قال ليهو عفارم عليك .. شاطر .. اسمك منو !!
قال ليهو ما انا احمد بتاع البنقو ....
عارفم كنات قديمة ... بس الليلة الخميس ...
لزوم مشاركة ... عشان شركة الزقازيق تدور من جديد ...
غايتو طارق جبريل ... بالغ معاي عديل كده
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
صليت الفجر حاضر...
جيت نزلت الأولاد للمدرسة...
مشيت عملت الرياضة الصباحية...
و أنا راجع من الرياضة غشيت أحمد بتاع البنقو...
لكن ما لقيتو...
قالوا لي في أستاذ مزرزرهم (وش أخدر ضاحك و بدور)...
تصور يا نجيلة النكات جديدة بالنسبة لي...
يا تكون نكاتك قديمة شديد...
يا أكون أنا جديد لنج (برضو وش أخدر بدور)....
الحبشية الشغاله معانا متحمل شناتا غصبا عني...
لكن عندها حاجات تانية ما بتتبلع...
مرات بقوم أمشي أجيب طعمية من محلات الكلحة الأردنية المشهورة...
بقوم أحشي لي منها ساندوتش مع السلطة و المخلل حاجة ما بتخلص...
بفضل باقي كتير...
أجي ألقى الحبشية خاتاهو لينا في الغداء...
قلت ليها انتي قايلاني زهير الزناتي و لا شنو (وش غامز)...
ده كلو هين ...
مرة بعد ما جابت لي الشاي الصباح..
هفت لي آكل تسالي...
قمت جبت ليك تسالي جابو لي واحد صاحبي مصري وقعدت آكل فيهو...
بقت كل يوم تجيب لي شاي الصباح و معاهو كورة تسالي...
أنا عشان ما أتشاكل معاها بقوم أتخيله كرواسون...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: يا تكون نكاتك قديمة شديد...
يا أكون أنا جديد لنج (برضو وش أخدر بدور)....
بقت كل يوم تجيب لي شاي الصباح و معاهو كورة تسالي...
أنا عشان ما أتشاكل معاها بقوم أتخيله كرواسون...
|
اكيد يارشيد انت ...
ياقريت مع التلاتة أولاد ديل ...
يا انت أحمد بتاع البتقو ... زاتوووووووووووو
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
| Quote: أنا عشان ما أتشاكل معاها بقوم أتخيله كرواسون... |
صباحاتكم ندية يا شباب ولا يخفى على فطنتكم كم افتقدناكم
الرشيد قايتو كل يوم يمر على مكانتك عندي بتكبر كيف .... نعم الرجال انت
زول حبوب شديد .... لكن موضوع حبشيتكم دا لو كنت انا او بالعدم ابوالزوز امر حسموا ساهل كيف
غتات نحن ياخ ...
تقوم ياحبيب تشتت ليها قشر التسالي في اركان البيت الاربعة "واربعين"
وتطلب منها تلقطو حبة حبة ويمنع بتاتا استعمال "اني هوفر" اور ايفن مكنسة يدوية
وان لم تنفع هذه الوصفة تقوم تعمل ليها الطعمية عصير وتكتر "الشطة"
اها تاني ما بتجيب ليك اي حاجة الا تسألك في الاول.
اي خدمة يا حبيب
حاج ياسر .... مشتاغون يعلم الله
ماتنسانا من صالح دعواتك وتلفوناتك وكان الامور اتيسرت والله هون بنقابلك كان في منى كان في عرفات
ويالله تقبل حجتي قبال اقوم من فجتي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
Quote: حاج ياسر .... مشتاغون يعلم الله
ماتنسانا من صالح دعواتك وتلفوناتك
وكان الامور اتيسرت والله هون بنقابلك كان في منى كان في عرفات |
ولدنا الحبيب جلال ...
نسأل الله ان نتقابل ...
===========================
جلة ... فتشني وسط البعثات السودانية ...
اوعك تدور على وسط بعثات الخمسة نجوم .... ناس دبي
حجي السنة دي ... قشاش
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
اهلنا بقولو قل المعروض جفا لكن ماجفا
الحجاج ربنا يتم ليهم ونحن في الانتظار
والمضيعين ناس يلاقوهم والطاعم لك الموده
في الحوش الجوه قلنا زمن كايس اراضيهم
فتش لي درب الريد عشان اوصل واراضيهم يامرسال
موضوع الااراضي ياشاغل الافكار سلمتو قلبي وسار ومعليش نفكها فيكم
قد تجد هوى لدى البعض من مرتادي الصالون وقد ترجع الغايبين
مرسال .... رسايل الشوق
الشاعر اسماعيل حسن
الصداح / صديق احمد
يا مرسال رسايل الشوق
انا الضهبان زمن
كايس اراضيهم
وصف لى درب الريد
عشان اوصل واراضيهم
تعبت كتير
ويا ما سالت ما خليت
ناس عابرين
وكان زى حالى محتارين
يهزوا الراس وما عارفين مرافيهم
وحاتك انت يا مرسال
بحب واحدين
وما عارف دريبن وين
وبرضو كمان وحاتك انت
ما بعرف اساميهم
تجينى حروف من المجهول
واكتب برضى للمجهول
رسايل تحكى قصة زول
يحب الطيف
يسافر فى هجير الصيف
ومشتاق يلاقيهم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
صبحكم الله بالخير
جاء مهند يستعرض معلوماته و المامه بآخر الأخبار...
فسألني انت يا بابا صحي محمد القدافي مات...
قلت ليهو أسمه معمر...أيوه مات...
كانت مجرد مطالب شعبية بالاصلاح...
فأعمته القابه و نياشينه و صولجاناته و تعالى على شعبه...
ليس ذلك فحسب بل أطلق أفراد أمنه و كتائبة ليقتلهم كالكلاب...
لم يراعي حرمة لامرأة أو طفل أو شيخ...
توعدهم بأن يطاردهم زنقة زنقة...دار دار...
فأجبرهم على حمل السلاح فحاربوه...
قاتلوه دار دار..حارة حارة...
حتى وجدوه مزنوقا في أنبوب تصريف...
و عندما حاصروه خاطبهم بنفس التعالي (خير شو في)...
قالوا له من أين يأتي الخير و أنت قائدنا...
ثم أطلقوا عليه الرصاص في رأسه و بطنه...
لا أستطيع أن ألومهم على ذلك..
فالرجل لم يترك لهم مجال للصفح و التسامح...
تباينت مشاعري باديء الأمر عندما رأيتهم يفشون غلهم فيه...
و عندما أطلقوا عليه الرصاص...
بين متعاطف معه رغم ما فعله بالشعب الليبي...
و بين ارتياح لانطواء صفحة من صفحات الديكتاتوريات العاتية في أفريقيا...
و لكني رغم رحيل القذافي و طغمته أعتقد أن الوضع في ليبيا ما زال خطرا...
أتوقع أن تشهد ليبيا انفلات أمني رهيب...
و مخاض عسير حتى تؤتي الثورة أكلها...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
عندما أحضر قناة الجزيرة لعدة ساعات أشعر بالتوتر الشديد...
فهي تجعلني أشعر بأن العالم مكانا قميء لا يمكن العيش فيه...
فأهرب الى أغنية أو قصيدة تعيد ثقتي في الجمال...
و أنا بعد هريتكم بليبيا من الصباح...
قلت أصلح غلطتي بقصيدة..
بس ما يجو الناس الما بيحبو الشعر يقولو لي...
جيت تكحله عميته...
القصيدة قام صديقي حمزة سليمان بتلحينها لحنا رائعا...
ان أردتم الاستماع اليها فعليكم الهجرة الى مربع كاي...
انا لا اهدى حبيباتى ورودا
بيد انى طاعن فى الورد
اننى اهدى حبيباتى بكاءا
ممعنا فى اللحن
اهديهن حزنا اسمر القسمات
اورثنيه جدى
كان جدى يتقن الالواح
يمتهن القراءه لا الزراعه
كان بعد تفرق الجيران
يستدعى هواجسه
ويفترف القصائد
فى الخفاء
ما على سلمى انسكبت ولم اكن الا انسكابا
اشهرت نجماتها سلمى
اضاءت فى احتباس الشعر بابا
ما على سلمى
على
اذا انسكبت على سواها
ظامئا
وسالت عن حضن وماء
غير انى حين جائتنى
مع الق المساء
طفقت اضحك
ثم اهديها بنفسجتى
واغنيتى المخباه
انتظارا للمساء
انا لا اغنى للنساء
فقط لسلمى
انا يهيؤنى رفيقا كى يلائم
ما يهم الطقس منى طقس سلمى
وانا اشيد حديقة
من فل تنوراتها
وعبير سلمى
ثم ادعوكم
لنرتشف المساء
على شواطىء
نهر سلمى
ثم نضحك
ثم نذهب
فى المساء
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
سبحان من أعز المؤمنين المستضعفين
بقدرته ،،، وأذل الطغاة والجبارين بعزته
اللهم زلزل عرش كل طاغية جبار
وكل ديكتاتور قهار
سبحانك ،،،
تعز من تشاء وتذل من تشاء
بيدك الخير
إنك على كل شئ قدير
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
اكتوبر واحد وعشرين .... صرخة شعب ... وبداية ربيع الثورات العربية
واكتوبر واحد وعشرين ... مولد أجمل ازهار حديقتنا ... وحديقة آل الزناتى ( هاليفا ) ...
ابتهاج ... عيد سعيد وعمر مديد .... والتحية لأبو الزوز والاحباب الصغار
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
اكتوبر واحد وعشرين د ى
معظمنا , لم يحضرها اساسا
او حضرها طفلا صغيرا
يعنى ليس لنا معها اى ذكريات فعلية
ولكنا نحسها فى عظامنا , ونتحسس مجراها عندنا كما الدماء
ما السر فى ذلك يا رب
اعتقد انها اول تعبير معاصر , لتوق الشعوب الى عنفوانها وحرياتها
كما ان لكتوبر هذه , ارث حماسى وتعبيرى لا يماثله اى ارث آخر
انه ارث لا يبلى ولا يقدم , ما ان يردده عقلك الباطن , الا وتتحسس مكامن الثورة عندك
ثورة على نفسك
ثورة على وضعك وحالك
ثورة على طرائق التفكير
ثورة على واقع الأحوال
وثورة على مآلات المحال
حيث انها -اى اكتوبر - هى اول ثورة فى التاريخ
يركب صانعوها - وباصرار غريب -
عربة فائقة السرعة , تمشى وتنحدر على عجل
ولكن الى الوراء والخلف
ما احوجنا الى اكتوبر جديد
حقيقة الأمر
ما احوجنا الى شهور سنة جديدة
فيها من اكتوبر , روحها الوثابة وعقلها المستيقظ
ولنجهز قبلا
عربتها , بعد ان نلغى فيها , تروس الرجعية وانصار العودة للوراء
ونستبدلهما , بمتاريس الجماهير , وآليات حكم التعدد , واخلاقيات الرأى الحر
الذى يترك لرأى الآخر , ذات مساحة الأحترام
ثم يشكلان معا , قوة دفع لرأى الجماعة والغالبية
لا يصدها ولا يقف دونها , الا رأى جماعة اكبر
* كان اكتوبر فى امتنا منذ الأزل
كان خلف الصبر والأحزان يحيا
صامدا منتصرا , حتى اذا ما الصبح اطل
اشعل التاريخ نارا واشتعل
كان اكتوبر فى غضبتنا الأولى
مع المك النمر
كان اسياف العشر
وبدم القرشى , حين دعاه القرشى
حتى انتصر
| |
|
|
|
|
|
|
|
|
 Re: ناس الزقازيق ... أجدع ناس (4) .. (Re: عمر المهدى)
|
ازيكم 00
وشكرا تاني يا بكري لانك سمحت لي بكلمة مرور جديدة
بس قررط على كدا لاني عايزة اتواصل مع احبابي الزقازيقين
وتاني حاجة حمدلله لي على السلامة من بلد كان اسمه السودان
والله ما عرفت اي حاجة في الشارع حتى الانسان ملامحه اتغيرت 00 يا للهول !!!!!
وخلوني ابدا مداخلتي 00
بتهنئة بهجة بسنة عمرية جديدة مليئة بالفرح في وجود
خالي وصديقي الجميل ابو الزوز واصحابي ميار وحنا وانا((بتشديد النون ))وصاحبنا كلنا سلفادور دالي 00
وكمان اسمحولي انه اهنئ صديقتي رحاب جريس واكيد ناس الزقازيق فرع الرياض بيعرفوها جدا لانها
منتمية لينا كتييير 00 فكل سنة وانت طيبة يا رحاب 00
وثانيا 00
تهنئه بمناسبة 21اكتوبر 00 هبة شعبية سلمية اكدت بعدين البعد الديمقراطي كممارسة شعبية
وبعد اللاعنف وقدرته على قيادة التحول الديمقراطي 00
والتحدي الاكبر الطرحته الثقافة الديمقراطية 00 واللي جاء اوان فهمها واستيعابها وبثها على كافة المستويات 000 00
ولكم مني حبل ود ممدود 00
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
مساء الخيرات حضرت مع أكتوبر ليلاً لنتسامر
باسمك الأخضر يا أكتوبر نغني
الحقول اشتعلت قمحاً ووعداً وتمني
والكنوز انفتحت في باطن الأرض تنادي
باسمك الشعب انتصر
حائط السجن انكسر
والقيود إنسرلت جدلة عرسٍ في الأيادي
كان أكتوبر في أمتنا منذ الأزل
كان خلف الصبر والأحزان يحيا
صامداً منتظراً حتى إذا الصبح أطل
أشعل التاريخ ناراً واشتعل
كان أكتوبر في وقفتنا الأولى مع الملك النمر
كان أسياف العشر
ومع الماظ البطل
وبجنب القرشي حين دعاه القرشي
حتى انتصر
وتسلحنا باكتوبر لن نرجع شبراً
سندق الصخر حتى يخرج الصخر لنا ماء وخضرة
وندق الأرض حتى تنبت الأرض لنا مجداً ووفره
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
اسمك الظافر ينمو في ضمير الشعب ايمانا وبشرا
وعلى الغابة والصحراء يلتف وشاحا
وبأيدينا توهجت ضياء وسلاحا
فتسلحنا بأكتوبر لن نرجع شبرا
سندق الصخر ..
حتى يخرج الصخر لنا زرعا وخضرا
ونرود المجد..
حتى يحفظ الدهر لنا إسما وذكرا
بسمك الأخضر يا أكتوبر الأرض تغني
الحقول اشتعلت قمحا ووعدا وتمني
والكنوز انفتحت في باطن الأرض تنادي
بسمك الشعب انتصر ..
حائط السجن انكسر..
والقيود انسدلت جدلة عرس في الأيادي
كان أكتوبر في أمتنا منذ الأزل
كان خلف الصبر والأحزان أحيا..
صامدا منتظرا حتى إذا الصبح أطل
أشعل التاريخ نارا واشتعل
كان أكتوبر في نفضتنا الأولى
مع المك النمر
كان أسياف العشر
ومع الماظ البطل
وبجنب القرشي
حين دعاه القرشي حتى انتصر
بسمك الأخضر يا أكتوبر الأرض تغني
الحقول اشتعلت قمحا ووعدا وتمني
والكنوز انفتحت في باطن الأرض تنادي
بسمك الشعب انتصر ..
حائط السجن انكسر..
والقيود انسدلت جدلة عرس في الأيادي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
أناشيد ثورة اكتوبر
قسما قسما .. يا أكتوبر
نحمي شعارك .. ونجني ثمارك
ونرفع راية الثورة الغالية ..
عالية ترفرف فوق الساريه
عليها شعار الثورة الأكبر
وجهو الناير .. ناضر وأخضر
ولسه بنحلف يا اكتوبر
لما يطل .. في وجهنا ظالم
بنحمي شعار الثورة نقاوم
بنبني صفوف .. تتحدي وتهتف
لما يعود الفجر الحالم
يا أكتوبر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
أبدأ يومك بابتسامة...
و ان استطعت ضحكة...
بل قهقهة...
فليس هنالك ما يستحق التكشير في هذه الدنيا...
و هي ليست بدار سعادة مطلقة أو شقاء مطلق...
هي بين هذا و ذاك...
يوم جيبك مليان و يوم فاضي...
يوم أمورك في العمل تمام و يوم مخستقة...
يوم تكون الأمور بينك و بين ست بيتك سمن على عسل...
و يوم عينك ما تشوف الا النور...
يوم تكون كل الأمور منسابة و رايقة و جميلة...
و يوم تكون كلها ضدك...
عربيتك ما تدور من الصباح...
تدور العربية تمشي تكب بنزين تلقى نفسك نسيت المحفظة في البيت...
تمشي الشغل تلقى ستين مشكلة في انتظارك...
لكن أن تقابل كل ذلك بابتسامة فهو لأمر مهم...
فباستطاعة الابتسامة أن تغير كل شيء...
تغير المود و تغير الحال و تغير المحال أيضا...
ابتسموا تبتسم لكم الحياة....
صباح الخير
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا رشدي القصيدة مبالغة ... حقيقي تستحق الأحتفاء ... فهي تشبه قصائد كبار الشعراء ...
رحم الله مصطفي سيد احمد ... بكل صراحة لا يعجبني الشعر إلا اذا كان مجوداً وهذه القصيدة
من وجهة نظري فهي الأحلي والأجمل ..... وفي إنتظار أن نسمعها مغناة .... لتبهج أيامنا ...
الريس ميسرة تشكر علي المرور رغم المشاغل الأشواق بلا عدد أمنياتنا لك بالتوفيق
ويا ناس الريس ميسرة اليومين ديل محتاج لدعواتكم بالتوفيق ... وربنا يفتحها عليه
شقيق يقبل ... غايتو يا ريس لو الرزق ده يجي بالنيات الطيبة بتكون أغني زول في
الدنيا ... عشان كده نقول ليك ربنا يديك قدر نيتك ونية البت مني والحلوين ...
محسنة ومنذر وصديقتي الجميلة مشكاة ...
ياسر نجيلة ... ربنا يقبل الحجة مقدماً ... والحج القشاش أجمل وأحلي بس تكون
وحداني مافي مسئوليات مصاحبة ... لو البت الشيخ تزعل ولا ترضي ... مشاوير زي
دي الواحد عايز ياخي يشقي فيها براهو ... بدل يشقي لنفرين ... بعدين الواحد
رغم الجكات والتعب والاكل الكعب ومشي الكداري بيرتاح شوية من شيل الأنبوبة
وعتيل الموية ... وكمان جابت ليها صليح لمبات ... اللهم أرزقنا بحجة مع
ود نجيلة ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
الرشيد ود بابكر
ما عاوز ولا يمكن ما محتاج اقول انو بالنسبة لى
زى الأخ الشقيق الذى لم تلده امى
عشنا وتخاوينا معا سنين عديدة
فى الزقازيق وبعدها
منذ ان انتهى عقد مقاولتهم الفى السلع
كنت اشعر تجاهه بقلق شديد
لابد انكم لاحظتم , ان انتاجه ايام السلع
رغم المشغوليات العملية
كان متسما بالغزارة والتنوع
انتاجه ايام العطالة
اختلف فى الكم , وان لم يختلف نوعا وتنوعا
فرحت انا وابتهجت , لقدرته على الحفاظ نوع وتنوع انتاجه
ووجدت له العذر فى تناقص انتاجه الكمى
مهما يكن البنى آدم , فان عدم وضوح الرؤية فى مسائل اساسية زى اكل العيش
تسبب له قلقا من نوع ما , قد يظهر او قد لا يظهر
الرشيد بابكر , نجح بموده العالى وتفاؤله , فى ان يخفف عنى انا موجة القلق التى شعرت بها تجاهه
حتى ساورنى احساس باننى انا المبالغ وانا الذى لا اعطى الأشياء حجمها الحقيقى
يفترض ان ينزل الرشيد الى عمله الجديد خلال هذا الأسبوع
سينتهى قلقى عليه باذن الله , ساعتها
ولكننى انتظر منه انتاجا بمواصفات كمية تشابه مواصفات ايام السلع
سبحان الله , الأنتاج صنو الأستقرار ورفيق البال الرايق
الله يديم عليك روقة البال , يا الرشيد يا ودبابكر وعلوية
اردمنا ياخ , ردمنا جن , وطل علينا من مكتبك الجديد
وما تنسى تضرب لى عبد الله الهندى بتاع السلع , يبدأ ليك وظيفتك
بى دعوة جديدة
| |
|
|
|
|
|
|
| |
منصور عبد الرازق
طارق جبريل
زهير الزناتي
عبد الدائم سيد أحمد
أحمد إسماعيل
محمد آدم النور
الرشيد بابكر
ميسرة سيد أحمد
ياسر نجيلة
محمد عيد
محمد صديق
كمال الشادي
جلال عثمان
عمر المهدى
عفاف علي ميرغني
فيس بوك
تويتر
انستقرام
يوتيوب
بنتيريست