|
|
|
 Re: ناس الزقازيق ... أجدع ناس (4) .. (Re: محمد آدم النور)
|
يعنى هسى هدية عناب
بنطلون جينز مفستن
وهديتى انا محيراكم
الأستيكة , ان شاء الله تمسحوها بيها سيئاتكم
المكابح , ياربى دى الفرامل العدييييل ديك يالرشيد ؟؟؟
ما تديها للزول الماقادر يوقف التيارة دا
لغاية ما زولنا زح بعيد
* اركيوها وتعالوا لينا يوم الخميس , وحيبوا معاكم فستان عناب المجنزر
هى قصدى البنطلون المفستن
- والله تجيبوا لى بتى بنطلون (مبشتن) علا اكلم ليكم امها
| |
  
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
يعنى هسى هدية عناب
بنطلون جينز مفستن
وهديتى انا محيراكم
الأستيكة , ان شاء الله تمسحوها بيها سيئاتكم
المكابح , ياربى دى الفرامل العدييييل ديك يالرشيد ؟؟؟
ما تديها للزول الماقادر يوقف التيارة دا
لغاية ما زولنا زح بعيد
* اركيوها وتعالوا لينا يوم الخميس , وحيبوا معاكم فستان عناب المجنزر
هى قصدى البنطلون المفستن
- والله تجيبوا لى بتى بنطلون (مبشتن) علا اكلم ليكم امها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
يا سلام يا احمد اسماعيل ياخي جلال كردمان زول جميل ما يستاهل .... نسال ربنا انه يتولاه بعنايته ويشفيه .... وربك قادر علي كل شئ ....
النضيف بتنا دي عايزين ليها حفلة عديل .... يعني جبجبة عشان كده حا نهدي ليها ربةالخميس في جدة وحقو نجيب اربعة شمعات ونطفيها ليها في الحفلة والهدية بالدي اتش إل .. النضيفة هينة ولا هينة ....
يا جماعة الكوتش ده قولو ليهو يتصلح معانا ياك دي ما بتنفع معانا ... بعدين مسالة البنطلون دي اتكررت كم مرة الظاهر فيها سر ..... لازم نشوف المحقق كنن ....
حاتم جبارة طبعاً بيكون اتحرك من بلدهم البعيدة ديك من هسه ...
يا ناس الهلال الفاتح علي بشير قال ليكم الهلال يمرض ولكن لا يموت ... بس كورة أمبارح دي الله يسألني مباراة نموذجية مفروض تدرس في أكاديميات كرة القدم .... لعب الهلال كنموذج للأخطاء الممكنة وغير الممكنة في كرة القدم ... وكل العيوب المعروفة وغير المعروفة لفريق كرة قدم .... اما فريق الترجي فالنموذج المعاكس طبعاً عدا رعونة المهاجم الكاميروني ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
اولا
مليون مبروك الشمعات الاربعة
وعقبال
الف الف
من السنوات الجميلة
زيك يا جميلة
ثانيا
الشوق مطر ليكم كلكم
منصور
الرشيد
جلال عثمان
الريس
ابو عناب ود سيد احمد
الزناتي خليفة
ود جبريل
القمندان محمد صديق
احمد اسماعيل
محمد ودعيد رضي الله عنه وارضاه
حاتم باجيو
كل ناس الحوش
وطبعا لا يمكن ان
ينتهي الشوق
دون ان يشمل
ياسر نجيلة
ويعرج على
الاستاذ جلا
ثالثا
مرحب
بحاتم
في الرياض
وزيارة مبروكة انشاءالله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
بسم الله
إحتفالاً بي الفاتيكاني دا
الشيرنق كم؟؟؟
عارفين الغنا ملح
و الفنان عندو خيارات في اللبس
يمكن يلبس كاشوال
أو ممكن يلبس فل سوت
وكل الألوان نحنا عارفنها...و عارفين حيغني شنو
بس الماعارفنو العضة و الشراب حيكون شنو؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
رش ياااااااخ
تحليلك و لا الجزيرة الرياضية بلص
| Quote: أحمد اسماعيل عليهم الهوت دوغ... |
أمسكو الزول دا.... واحد يمشي معاهو السوبر ماركت
يمشي يمسك ليهو الدوغ قاعد في الشمس
Quote: زهير بيحاول يقنع سامي يجي معاهو...
عشان خايف يجي شايل الشربوت في القطر يقومو يمسكوهو و يبعدو من البلد... |
هو مش بتاع النكتة البتقول واحد من الناس بتاعين الجلسة ديك رسلوهو يجيب عشا و بتاع
و قالو ليهو القروش كلها عملتها لينا عشا؟؟؟
عشان كدا أقترح إنو سامي دا ما يجي اللمة دي عشان ما يتهموهو بالباطل
| Quote: كمال الشادي رغم انو فنان الحفلة لكن كلفوهو بالبيض المسلوق... |
يا رش
بفتش في الرابط العجيب بين الغنا كفن و سلق البيض برضو كفن؟؟؟
عايز أجد حاجة لي صاحبي في مسألة البيض المسلوق
بس إحترت ...أتمنى المساعدة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
موسى عيسى اتاريهو قاعدلو فوق راى !!!
ردمنى ليك بى جنس تأكيدات , لمن انا آمنت زاتو
انه العمل فى صمت
قيس جمال الدين , اهتم بى امر الجبجبة , فاعد لها (عدتها وعتادها )
آآآآآآآآآى ده الشغل يا دكتور
العشاء لن نفصح عنه حتى يقص حاتم جبارة وناسنا الكبار (والد ووالدة احمد اسماعيل مع والدة محمود محمد آدم ) شريطه التقليدى
ساعتها سيعلم المرجفون فى الأرض
اى منقلب سينقلبون
قال شيرنغ قال !!!!!!!!!!!!!!!!!!!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اما امر الأستراحة وملعب مبارة العبور
فان جلال عثمان , غاطس الآن فى دياجير القوقل ايرث
حكمته باااااالغة
موسى عيسى شكك فى استراحة جلال فى الأول
لكنه وبعد ان انجز زيارة تفقدية
للملعب المقترح
بصم باصابعه العشرة
وسيأتيكم خبر الملعب والأستراحة
لجظات قليلة قبيل ظهر هذا اليوم
واذ ا استدعى الأمر
لا نمانع ان تكون بعد الظهر
* قلت لى اسمها راحة البال يا جلال ؟؟؟
قال شيرنغ قال !!!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
قرقرقرقرقر او كما قال بشاشة ربنا يطراهو بالسلامة ويجينا زيارة تانية في هذا البوست عشان في ناس تقوم جارية ....... المهم ما علينا سامي راجي التاكيد من الحكومة المحلية ..... بعداك راجيهو تأكيد مني ..... شفتو الآية أتقلبت كيف ..... يا جلا يا بتاع سلق البيض ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
Quote: اما امر الأستراحة وملعب مبارة العبور
فان جلال عثمان , غاطس الآن فى دياجير القوقل ايرث
حكمته باااااالغة |
شنو شنو شنو؟؟؟؟
دياجييير
و الله صحي حكتو بالغة
أقطع لساني من لغاليغو إذا جوز اللوز ديل فاهمين المعنى
دياجير دي مش أحسن يشوفو الشيرنغ كم؟؟؟
يا رش
عندك مختار الصحاح أو المصباح المنير سلفة لأصحابي ديل؟؟؟
بالمناسبة الزول المحتفى به أو الدومنيكاني ما عليهو بكلمة دياجير
Quote: لجظات قليلة قبيل ظهر هذا اليوم
واذ ا استدعى الأمر
لا نمانع ان تكون بعد الظهر |
طيب ما تخلو الدياجير دي تجي في الأول
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
كدى قبل ما نحاول تبرد بطن الجماعة ديل
نعرج بيكم على (حفنة ) التاكيدات المدهشة دى
انجزها موسى عيسى فى صمت وأناة , يحسد عليها زى ما قلت ليكم
27-الصادق ابوسكين
28- وليد آداب
29- عصام احمد محمد , قال جاى برااااهو , والآولاد وين , ما عارف !!
30- مكى عباس - جية وتأكيد كامل الدسم
31- عبد المنعم عبد الله - جية وتأكيد فوقو حباية كرز
32- صديق ابولكيلك - جية مع تأكيد طيبة وحنان كاسيهو , زى القمر مدور
33- عماد عثمان - جاى براااااهو , موسى عيسى عارف لى شنو , لأنو عماد اصلا ما يزال برااااهو
34- الباشمهندس حمدان , بتعرفو زول قرا هندسة فى الزقازيق غيره هو ومعاهو نزار الشقلينى ؟؟؟؟
35- دكتور احمد الفيصل , تاكيد جية لمن سحر العيون بكحيلو
36-دكتور مطيع الحورى - ما اظن الاقى مثيلو هو الوحيد فى جيلو
37- محى الدين عابدين - وسط الزهور متصور
38- دكتور حسن اسماعيل (الفيل ) , جاى من النعيرية المجاورة وجهه الصبوح ومنور
* قال شيرنغ قال !!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اما العشاء
فلا فيهو باسطة
ولا بيض مسلوق
ولا سلطة اسود
ولا بنطلون جينز مفستن
الجديد فى الأمر
انو العشاء جاييينا من بعيد
بعيد خالص
ناس قالو جايبو معاهو دكتور حسن الفيل من النعيرية
وما بين قائل ان سامى وزهير يحضرانه معهما من مكان ما ( ما بين الجبيل والخبر )
لمن طلل بين (الجدية والجبل - مكان قديم العهد طالت به الطيل )
وبعضهم وصلت به التكهنات الى ان عاطف القوز , جايبو معاهو من بريدة القصيم
العشاء فى ضهرية عربية عاطف , والمقعد القدامى قاعد فيهو صلاح على صالح منجعص
ياخى فى ناس قالوا شافوا حاتم جبارة زاااااتو
شاحن معاهو العشاء من لاس فيجاس !!!!!
* قال شيرنغ قال
38- عاطف محمد احمد الشهير بعاطف القوز - ما اخلاه من تأكيد
(ليس فيه اى نكهة (بيض )مسلوق يا الرشيد ومحمد عيد) !!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
سلامات يا ود آدم 000 شنو ياجلا مجليني كدة
ياخي نحن من قدامى المغتربين أقدم مننا إلا ناس الشادي ويمكن ميسرة ومنصور
ودفعتنا الذين أتو معتمرين ناس موسى عيسى ومن شايعهم
بعد ده كلوا مانكون تفتيحة ونفرق بين الألف ووتد الخيمة
ولا عشان ناس دار ورى ، وينك يا خليل المرة دي كسلا راس ، ماتخاف يازهير
حنوصيه على جماعتكم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
والله ضحكت جنس ضحك فى دياجير دى يا جلا
حتى كدت ان استلقى على قفاى
ويقع منى صحن البروستد بروفة العشا
بس برضو ما حا اقول ليكم العشاء شنو ومن وين
قال شيرنغ قال !!!!
* اها , كنت قد جهزت الجلابية البيضاء المكوية مع مستلزماتها
لحفلة العبور الخميسية القادمة
ولكن اتصال قيس ا لأخير صباح اليوم وتكرمه بشرح خطة اللعب المحتملة
التى تعتمد على الهجوم الكاسح من كل الأطراف
قلبت خياراتى راسا على عقب
فلكل خطة ادواتها
ووجود كل من دكتور حسن الفيل والشاب الصغير عبد الله احمد السنى فى التشكيلة
يجبرنا على تعديل تكتيكات ميشو الفاشلة
تمت اقالة ميشو بناء على توصية الدكتور قيس جمال الدين
وعند ترزى البدل وبائع الكرفتات الفى مول (الفاتح النقر )
الخطة الناجعة لمهرجان اهداف متوقع
محور واحد بس كفاية علينا يا جماعة
دكتور الفيل ده لمن يجيك بالشمال
وعبد الله احمد السنى ده من اليمين
يا يوم الخميس ما تعبت معانا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
يا يوم بكرة ما تسرع تخفف لي نار وجدي
بس المحيرني انو فطومة بنت ابراهيم دي مع منو !!!!
سجل سجل يا تاريخ عبدالرب الرسول اداب ينداح لتمثيل الزقازيقاب
كجناح ايسر عائلي بالجبه و العمة والشال .
بس وصيتة لازم يعرف مصدر العشاء و مواصفاته لكي ياكد من عدمه .
المداخلات متاحة للمعنيين بالأمر فقط !!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
يعني ياجلا نقول اذا انت جاي بالطريق الدائرى الجنوبي فشنو ياحبيب
قبل ماتصل مخرج 18 تقوم تمسك الخدمة "يعني ال سيرفس رود" وطوالى الى ان يقابلك كوبري اعلى الطريق الدائري
تعدي من تحت الكوبري بتقوم تجيك على يمينك محطة بنزين تحت الانشاء
يعني المباني اكتملت وكذلك ماكينات البنزين والديزل راكبة ... بس لسة ما اشتغلت ...
اها بعدها طوالى تلف يمين ..... يعني برضو الطلمبة دي حا تكون على يمنك واستراحة نوفا على يسارك
اها شارعك دا طوالى نهايتو بعمل معاك T ودي والله ما اشرحا ليك
قبل ال T دي ياحبيب استراحة البال بتكون على يدك الشمال ف شنو ....
اوعك تجي يوم الخميس
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
و الله يا جلا فاتني استعراض ناس الرياض ده...
يجب أن أقر بأن الجهاز الاعلامي بتاعهم جيد....
لكن الجهاز الفني عندي فيهو شوية شك...
مش لو جابو الفاتح النقر...
لو جابو مورينهو زاتو برضو عندي فيهو شك...
جلال جاب لينا خريطة بتاعت ساتلايت لي استراحة في سقط لقط....
يعني شنو حسه أنا ممكن أجيب ليكم خريطة بيت جدي في الكوه...
حسة نص الناس ديل بيكونو غيرو رأيهم من الاستراحة البعيده دي....
جلال بيكون صدق كلام منصور اني جاي الحفلة قام حجز استراحة قريبة لي أبو ظبي....
بعدين العشاء شكلو مجهجه كده...
أديناكم اقتراح ما قبلتوهو...
أها نصيحتي لي باقي الناس المصرين يجو الحفلة...
أحسن ليكم تجيبوا معاكم ساندوتشات طعمية زي بتاعت حفلة أبو عركي...
غايتو ان شاء الله كمال الشادي يقدر يعرف الطريق ويجي الحفلة....
و لو ما عرف الطريق و ما قدر يجي...
حقو جلال يعمل دي جي و منصور يرقص بي بدلتو اللونه شنو ما بعرفو....
و أهم حاجة...
ما تنسوا حاتم جبارة...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا سلاااااام علي ناس الرياض..
حلاوه بطعم ناس جده..
الظاهر أي مدينه في السعوديه..
مطعمه بحلاوه زقازيقيه وباصاله سودانيه مافي زيها..
رش وجلا.. عشا شنو يا جماعه..
نحن حنكون في عالم تاني.. لا نجوع ولا نظمأ..
حاسي انو الدياجير دي كلمه زي الجوكر..
يجوز استخدامها محل أي كلمه في الجمله..
قلت لبت شيخي الأعجمي..
ناس الرياض عاملين حفله بمناسبه زيارتي جايين ميه زول..
قالت لي.. You are joking..
هسي دي ما دياجير منها..
موعدنا.. استراحه المخرج 18..
ولو سقط لقط..
أحبكم بعمق..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا جلا بعد الفترة دي كلها لو ما تثقفنا غذائيا
بنكون طلعنا صفر معك الواحد
بس الله يجيبك عشان أم عمر توريك البيان بالعمل
كبسة أو بيتزا أو المقلوبة وغيرها والتحلية بالبانكيك وأصابع زينب
ومن السندوتش البيرقر وكمبو دجاج أو لحم وممكن سبايسي
أو النقانق البتسأل عنها دي عملناها شاطر ومشطور وبينهما النقانق
ومش كدة وبس إبتكرنا ليها طريقة تحضير ماركة أم عمر ، أنت بعيد مايخالف
نوريها أخونا موسى عيسى ويعلمك بيها
وزي ما قال صاحبنا للهمباتي ( أنا ما من النوع البقولو ليه أوقف ويقيف أنا
من النوع البقولو ليه أوقف بتحكر)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: مبارك جادين)
|
اكتبى يا خديجة .... مبارك جادين 41
انتو ما ملاحظين القائمة ما بتضم ولا واحد من ناس علوم
يا ربى ناس علوم ما بغتربو ولا شغل البوليس عاجبــم ....
بركة يا بركة الشفناك طيب
فى الاول قول لي رقمك 00249123026261 شغال ولا حكايتو شنو
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: مبارك جادين)
|
بسم الله الرحمن الرحيم
أتى الريس أو لم يأتي
Quote: قلت لبت شيخي الأعجمي..
ناس الرياض عاملين حفله بمناسبه زيارتي جايين ميه زول..
قالت لي.. You are joking..
هسي دي ما دياجير منها.. |
غايتو يوم الخميس دا الله يستر منو ساكت
بالمناسبة يا المحتفى به
بت الشخ بتاعتك دي زاتها عندنا تعتبر من الدياجير خلي كلامها!!!!
لكن السؤال إنت تعاملت معاها في الأول كبف وهي ديجور؟؟؟؟
Quote: نحن من ناس دار ورى يا جلا وأنتم ناس دار صباح
لكن برضو وراك ولو طالت علىّ الدياجرو |
أحمد إسماعيل
ناس ورا و ناس صباح واحد
النقانق و ال ك ل ب الساخن تعبر عندنا زي زولة الدمنيكاني داك
لكن الشاطر و المشطور و بينهما طازج دا نحن أسيادو (اللغة العربية دي بتاعتنابإستثناء صاحبي)
بس الطازج دا ما يكون الحاجة الذكرتها ليك فوق ديك
Quote: حضور اخير
قبل النوم |
ود جادين شوقنا ليك ردم ردم
كلامك الفوق دا معناهو ماشي تداجر
غيابك الكتير دا معناهو كنت في الدياجير صاح؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: انتو ما ملاحظين القائمة ما بتضم ولا واحد من ناس علوم
يا ربى ناس علوم ما بغتربو ولا شغل البوليس عاجبــم .... |
ديل الصفوة
ديل الإنتقائيين زاتم
قال ليك ديل زي ناس كشا مشا العزمو غدا جا عشا؟؟؟؟؟
ديل حتى البوليس عندهم زبط و ربط
ديل عندهم أهم خمسة حاجات في البوليس تلاتة
الضبط و الربط
ما داير أعصر عليهم لأنو هم هنا شوية
Quote: بركة يا بركة الشفناك طيب
فى الاول قول لي رقمك 00249123026261 شغال ولا حكايتو شنو |
و الله دا كل تلاتة أيام رقم جديد
بعدين نحن زاتو ما لاقينو
دايرو يجيك بالساهل كدا
أقيف في الصف
أو خت ليك طوبة لزوم نعرفك إنت حاجز
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صباح الخير ،،، يا وجوه الخير
صباح الخير ،،، على منى الخير
وكمان منى يونس ذاتو ،،،
تحية للناس الحلوين ناس الرياض وما جاورها
والبجهزوا لأهل العريس زيارة مدينة الرياض
بالله كربو السيرة شديد ،، وإستقبلوا الناس ديل بالعديل والزين
وعقبال ناس جدة يتكحلوا بعودة باجيو لفريق الهلال ،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
لكن استيكتكم طلعت استيكة سلكتف جدا يا كوتش
عندها خيار وفقوس حتى فى المسح
عموما انا لا شغال بيها ولا حاجة
تمسح التمسحو , وتدبل العاوزة تدبله
يمين يا مبارك جادين , مشتهينك عدييييل
يىخى انا ما شفتك تانى من يوم سمك عوضية ياخ
ده كلام ده
فى حفلتنا الديجورية بتاعت بكرة
نفتقد احمد عجوز
كان راس حربة معتبر
لمن احمد عجوز كان معانا , الخطة دى ولا كنا بنشتغل بيها
هجوم كاسح من قولة تيت
كنا مرات , بنلعب بدون حارس مرمى ياخ
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
الحاج الدومينكاني دة حا يورطكم مع المطوفين
في ايام خلت كان عنده جزمة خضرا كدة
وهو زول كسلان في قصة المكوة دي
المهم قام خلاني طلعتة وفتح الدولاب وقشر ليك بي قميصي ولفح ليك معاهو شراب ابيض مطرف ومشى الاتحاد
جيت انا لقيتو قاعد ومرتاح قعدنا وراهو انا وعشة صلاح بت زراعة
زولكم نظام بيخت امشاطه ويرفع الجزمة
طلع الشراب مقدود
عشة صلاح قالت ليه يا حاتم القميص مكوته سنينة والجزمة شرط لكن الشراب المقدود دة شنو
قام قاليها: دة شراب جبريلا
قامت ردت عليه: أجي يا حاتم هسي اللابس الشراب منو فيكم
هسي دة زول يستقبلوه 100 زول
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اعلام المريخ ده
اعلام مضلل بشكل
يحاول ان يوحى للقراء من غير (ساكنيها )
ان الأستراحة فى سقط لقط
زى ما قال اخونا الذى بابى ظبى
استراحة البال (وراحته)
على بعد خمسة دقائق من بيت ناس عيسى موسى
وثمانية دقائق من بيت ناس جلال
وتسعة دقائق من بيت ناس موسى الراجل
واتناشر دقيقة من بيت ناس احمد اسماعيل
وخمسة وعشرين دقيقة من بيت ناس احمد السنى
وخمستاشر دقيقة من بيت ناس حاج الركز (هى قصدى بيت ناس عفاف )
وستاشر دقيقة من بيت ناس عبد المحسن دفعة (الزول الهظارو بااايخ داك )
وخمسة وستين دقيقة وقت الزحمة من بيت ناس الفاتح على بشير
وسبعين دقيقة بدون زحمة من بيت ناس كمال الشادى
وستين دقيقة بس من الحتة الحا نختطف منها حاتم جبارة (كانوا متوا ما بوريكم ليها )
قال سقط لقط قال !!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
مشتاقين يا طارق جبريل ياخ
تعرف قبل يومين اتصلوا بى ناس منتدى سورى
وقالوا لى صاحبك ده شارينا شرة بعدما حندكنا وسيل لعابنا بى حكايات المغرب والطيب صالح اللذيذة
وعدتهم اكلمك ولا ارسل ليك ايميل , لكن عارف مكنتنا بقت ما مكنة زمااان
احييييييي انا لو المغرب دى كانت قريبة وختفت سكاكاتك ديل عشان تشوف صاحبك
امبارح حذرته من بشتنة الشرابات المخرمة دى
زولك ما حتته بعيدة
حايتحرك من الليلة بالليل وينجم شوية فى فرانكورت وبعد داك يجينا لازى
زولك جاى خبير اجنبى قال ليك بتاع (حصين )
قلت ليهو حصينا عوجة واحدة ما عندهم
انت بس لم خواجاتك ديل عليك
لو كنت معانا , كان تمت الناقصة ياخ
* قميص مبارك جادين كان نضيف ومكوى , ما ترسلو لى ان شاء الله بالفاكس ياخ !!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
منص يا حبيب
والله عارف نفسي متلوم معاكم بهناك
ياخي الوقت ممحوق عدييييل كدة
وانا ذاتي داير انتهي من الحلقات حقت الطيب صالح دي رحمه الله
لانه عايز ابدأ لي «مصيبة» جديدة
الدومينكتني دة ما مضمون يا زول
عشرتنا ليها 25 سنة ولي هسي مقالبه ما بتنتهي
الزول دة بيكون جايي لي نعاج ما حصين
ياخي واحد مغربي كرهني قميص ود جادين
كلما البسه يقول لي اديني ليه لمن خليتو مكوي في الدولاب
بس الحمد لله ود جبارة دة ما معانا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
وتاكيدات اخرى وردتنا من لاعب زقازيقى يعمل تحت الأضواء
هو اخونا عثمان الخير الجدى
40- عبد الرحمن صالح شريف -تربية
41- عبد الله بشير - تجارة
42- هشام النعيم - تربية
43- محجوب حسن ربيع -تربية
اما اخونا الدكتور محجوب الطاهر منقة فقد اتصل على عثمان الجدى متمطقا وشاكيا من زحمة العمل التى قد تتسبب فى عدم مجيئه
ولكنه وعد بان يبذل قصارى جهده حتى يقنع احد الزملاء بان يحل محله فى وردية الدجاج بتاعت الليل ديك
ويجينا راكب الظلط من مدينة الرس التى هى على بعد اربعمائة من الكيلومترات
ما قلت ليكم الحاج الدومنيكانى ده سره باتع
عشان الدومنيكانية تآمن
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
وتاكيدات اخرى وردتنا من لاعب زقازيقى يعمل تحت الأضواء
هو اخونا عثمان الخير الجدى
40- عبد الرحمن صالح شريف -تربية
41- عبد الله بشير - تجارة
42- هشام النعيم - تربية
43- محجوب حسن ربيع -تربية
اما اخونا الدكتور محجوب الطاهر منقة فقد اتصل على عثمان الجدى متمطقا وشاكيا من زحمة العمل التى قد تتسبب فى عدم مجيئه
ولكنه وعد بان يبذل قصارى جهده حتى يقنع احد الزملاء بان يحل محله فى وردية الدجاج بتاعت الليل ديك
ويجينا راكب الظلط من مدينة الرس التى هى على بعد اربعمائة من الكيلومترات
ما قلت ليكم الحاج الدومنيكانى ده سره باتع
عشان الدونيكانية تآمن
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
العشاء - تمام
الربة والجبجبة -تمامين
الحضور والتأكيدات - زيدوا العشاء يا جماعة
الكراسى والترابيز والأستراحة - فى دياجير القوقل ايرث
الموية - رااااااقدة
البيبسى والميرندا والثفن اب -- بالكوم والردوم
الشاى والقهوة - لمن غلط
البهجة والمسرة - عقبالكم
عدى فات - اول واحدة
ضنين الوعد - ما عارف نلقى ليها وكت ولا لا
اشتقت ليك ساعة المسا فرد الجناح - الما بقدر على نخجيها يبقى مارق
من الجبيل - سامى عبد الوهاب
من الخبر -زهير الزناتى
من الرس- دكتور محجوب الطاهر
من المزاحمية - الفاتح على بشير
من الخرج - قيس جمال الدين
من النعيرية - دكتور حسن الفيل
من بريدة - دكتور خالد محى الدين وعاطف القوز
من البكيرية - صلاح على صالح
من جدة - رقم صفر الزعيم الغامض الذى لا يعرف حقيقته احد
من الرياض - زقازيقاب يسدوا عين الشمس
* ما قال بجى مالو ما جا
بجى بجى بجى !!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: وخمسة وستين دقيقة وقت الزحمة من بيت ناس الفاتح على بشير
وسبعين دقيقة بدون زحمة من بيت ناس كمال الشادى
|
و بما ان كيمو الجاهز و الفاتح علي بشير ساكنين في نص البلد...
معناها الاستراحة في سقط لقط...
سبعين دقيقة ...عشرة...مممممم صفر معاك معانا الواحد...
وجدتها...يعني ساعة و عشرة دقايق...
أنا حسه لو طلعت من أبو ظبي بصل استراحتكم دي في تلاته ساعات...
دي مش سقط لقط و بس..دي أسقط من لقط زاتو...
سقط لقط يا أخوي... ما تاكلنا حنك...
يعني عشان عملتها بالدقايق...
لكن برضو مجبور أقول ليكم اعلامكم جيد...
و فنانكم روعة...
و ضيوفكم حلوين...
بس استراحتكم في سقط لقط....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
درجة الحرارة اليوم عندنا 36 درجة مئوية (فوق الصفر)...
فوق و تحت الصفر لي ناس أوروبا و كندا و أمريكا...
الحاجة دي بتهمهم كتير...
نحن في درجة 36 دي البرد كتلنا...
طبعا مقارنة بي أسبوعين خلو...
حيث كانت درجة الحرارة بين 48-51...
و رطوبة تكاد تتجاوز الـ100%...
حسه 36 درجة دي تخليني أقوم من صباح الرحمن...
ألبس عدتي بتاعة الرياضة و أنطلق...
طيب يا منصور ما دام الجو اتصلح عندنا..
ياخي ما تجو تعملوا حفلتكم دي عندنا...
برضو حنطلق عليها نفس الاسم..حفلة ناس الرياض بأبو ظبي....
و نحجز ليكم في قصر الامارات الجاب ليكم كيمو صورتو في الفيس بوك....
مش أحسن ليكم من الاستراحة الفي سقط لقط دي....
و نخلي كيمو يغني دويتو مع حمزه سليمان...
و نجيب ليكم شروق أبو الناس كمان لو عايزين...
و نعشيكم العشاء الما خمج...
و نجيب ليكم الباسطة السودانية...
و الشامبيون رااااااقد هنا...
مش أحسن من شربوت زهير...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: وسبعين دقيقة بدون زحمة من بيت ناس كمال الشادى
وستين دقيقة بس من الحتة الحا نختطف منها حاتم جبارة (كانوا متوا ما بوريكم ليها )
قال سقط لقط قال !!!! |
في الحفلات عموماً
و اللمات و المناسبات بتاعت الأعراس
دائماً العريس بيجي قاطر العروس و يبدأ الفنان في الصوله بتاعتو
أغرب مناسبة بتاعت ناس الرياض
المحتفى به جاي قبل الفنان يعني ما في صولا و لا يحزنون
وهو زاتو المحتفى دا قبل ما تجيبوهوه من الحتة بتاعتكم
أدوهو شراب ما مقدود بس ما يكون أبيض
زول زي دا يستقبلوهو 100 نفر؟؟؟
دي كيف يادو جبريل
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
الريس بتاعنا الذى فى جدة
عنده تلاتة تلفونات
وايميلين
كلهم ما بيردوا
ومحمد عيد مختفى
وجمال السنوسى فارش عشان الهلال
واحمد السيد رحل الرياض
والساوث مول فيهو احتفالات اليوم الوطنى
المستقبل اذن للرياض
تعالوا لينا الليلة فى سقط لقط
تجدوا ما يسركم
* وانا بجهز فى البدلة بتاعتى , ست بيتى قالت لى , انت قايلو عرس ولا شنو
يلا معانا عشان ستات البيوت كوللللهم يآمنوا
بما فيهم الدومنيكانية
جلال عثمان
ما اتفاهمنا فى خطة التوثيق ياخ
صور ثابتة ومتحركة بالله
الثرى دى مافى داعى ليهو هسى
خليك حنين ياخ
قال سقط لقط قال !!!!
* زيدوا العشاء يا جماعة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
(16)
كانت أصيلة حبلى ذلك النهار بجينات سودانية..
خلقت فرحا كبيرا لـ«عرس الطيب صالح»...
تقاطر القوم من أصقاع الدنيا ليشهدوا على فرح سوداني عند خاصرة الأطلسي..
تبارى الجميع في نقد وتفنيد روايات شيخ الطيب...
كنت أجلس مقابلا له تماما... ورحت اتتبع حركاته وسكناته... كان كعادته متواضعا حد العجب..
كأن القوم يتكلمون عن رجل آخر ليس هو...
على المستوى الشخصي أعجبتني كلمة السفير صلاح أحمد محمد صالح.. شدت الناس صدق كلماته وبساطتها..
قال إنه سبق الطيب صالح إلى إذاعة البي بي سي... وعلم من أحدهم أن هناك سودانيا أتى لينضم لهيئة تحرير الإذاعة
قال: وجدت قرويا كث الشعر يمشي متمهلا ويدور حول نفسه فقلت في نفسي «الله يستر»..
ثم أضاف: كيف وصل هذا الفتى إلى هنا... من أتى به إلى هذا العالم؟؟ الرجل قروي من أخمص قدميه حتى خصلات شعر رأسه..
كانت القاعة تضج بالضحك والتصفيق من كلمات سعادة السفير..
وكان شيخ الطيب مسترخيا ويشارك القوم الضحك...
فند صلاح أحمد محمد صالح حياة شيخ الطيب في بداياتها في لندن والعوالم التي جعلت منه كاتبا روائيا عالميا..
قال: الطيب كان مسكونا بقريته عند منحنى النيل... رغم تأقلمه السريع مع أجواء لندن إلا أنك دائما ما تحس بهذا الحنين إلى عالم القرية التي أتى منها..
كان يساوره إحساس عميق بالذنب بأنه تخلى عن عالم جميل دون سبب واضح...
تحدث أفذاذ كثر عن شيخ الطيب.. وضحك الناس من كلمات محمد إبراهيم الشوش: قد يكون الطيب صالح روائيا كبيرا لكن لا اعتقد أن يكون بهذه الوسامة..
أكملت أصيلة مهرجانها على إيقاعات «حمى االطيب صالح»..
كنا نحس بالفخر تلك الأيام... بل أتت علينا ساعات كان يملأنا شعور أننا «نغمة من دقات قلب الكون نفسه»..
خُتم المهرجان بحفل ضخم أقامه عثمان العمير رئيس تحرير الشرق الأوسط حينها على شرف الطيب صالح..
ثاني يوم عادت المدينة إلى «صياديها» وعدنا نحن إلى الرباط ومعنا شيخ الطيب...
****
علم شيخ الطيب أن والدي ووالدتي معي في الرباط...
فطلب شيخنا الطيب صالح قراصة بالويكة... فكانت الحاجة عشة بت ابو دية رحمها الله له بالمرصاد..
اكل حتى غاصت انامله بين الويكة والقراصة.. وجيئ بالشطة والبصل الاخضر..
شبع وارتوى ثم جيئ بالشاي بالهبهان والقرفة.. وحينها انفرجت اسارير شيخنا الطيب
فتحاور هو وجبيرين ود الطيب والدنا اطال الله عمره.. لم يتركوا شيئا للصدفة طرقوا كل شئ
كانت ذاكرتهم تختزن كما هائلا لتلك القرى عند منحنى النيل... تحدثوا عن النخيل والمنقة والبرسيم وحتى انواع الحمير
كان شيخ الطيب مسرورا بليلة عند منحنى النيل وبكل طقوسها... لكن على بعد مرمى حجر من الاطلسي
كنا انا وشقيقي طلحة شهودا على هذا الالق في شقتي.. واسعفتنا آلة التسجيل تلك الليلة فخرجنا بكنز من شيخنا الطيب
فيه مجموعة من الدرر... كان الرجل على سجيته وتلك (الكفتيرة) التي امامه حاصرتها بت ابو دية مرات ومرات حتى لا يمل الرجل جلسته بيننا
كانت والدتي رحمها الله قد درست سنتها الأولى في مدرسة الدبة الزولية حين كان جدنا ود ابو دية يعمل في البوليس في مركز الدبة..
تحدثا هي وشيخ الطيب عن تلك الفترة وذكرياتهما هناك... خصوصا وهو تربى في تلك القرية.. كان حديثا نابعا من القلب..
تناقلوا فيما بينهما أُسر وأنساب تلك البقاع وميزات ذلك الزمان... كان الطيب صالح مسرورا كون الوالدة شاركته ذكريات مراتع الصبا تلك..
ثم دلف يفند ذكرياته مع الوالد في مدرسة مروي الأولية حيث درسا... وكيف كانت جامعة لأفذاذ المنطقة..
وراحت الذاكرة تُخرج مخزونها من الشخوص في ذلك الزمن وتلك المدرسة الرائدة.. وكانت سيرة محمد عمر بشير حاضرة وآخرون كثر..
حين انتبهنا للوقت كانت الخامسة والنصف صباحا... خرج شيخ الطيب مسرورا وقال لي: بالله ي ولدي شوفتة الونسة دي سمحة كيفن.. ياخي ثقافة شنو ومهرجان شنو ههههههه
بعدها غادرنا الرجل الى لندن وكتب عن تلك الليلة:
(((أصلاء واقحاح))) وادخلتنا تلك الجملة في حرج كبير...
صورة من تلك الليلة الجميلة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
ياجلا ناس الرياض اصيلين من أصيلة ذاتها
ناس الرياض حاضرين في لمات الخرطوم
وحاضرين في الدمام وحاضرين في ابو ظبي وفي بحر الشمال ولو مكذبنا أسأل نملوز
وحاضرين في الخرج
ولمة جدة القريبة دي خمسة حضور من الرياض
لذلك نحن ننفخ ولو وزننا ريش
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
ناس الزقازيق... أجمل ناس..
ناس الزقازيق... أحلي ناس..
ناس الزقازيق... أجدع ناس..
وناس الزقازيق... أكرم ناس..
ديل أهلي..
وديل ناسي..
وديل خلاني..
أهلنا الأمريكان لمن ينبسطوا بيقولوا..
What a night!
ويالها كانت من ليله..
دي المناظر لحدي التوثيق ما يصلكم..
أولا.. الحفله ما في سقط لقط.. (قصرت معاك يا منص)..
الأبنوسي ألرائع.. بيحنس الأمريكان.. عليكم الله كان ما جيتوا حفلتنا..
جلال.. عمده كبير.. مازال بيلحم مع الوجيه سامي..
قيس.. انقلب بعاتي..
كمال الشادي.. ابداع بدا بالكابلي والختام مصطفي..
موسي عيسي.. حريف في الكوره وأشياء أخري.. بس شوفوا الشريط..
أحمد السني.. النقزي حق حفله الزقازيق داااك.. بس ياهو..
عصام جلي.. بقي ما بيشاكل..
موسي الراجل.. مدرب كوره كبير..
أحمد اسماعيل.. ما قايلك بتاع بهجه قدر ده..
خالد محي الدين.. مازال وجيه..
د. مطيع.. الرزانه دي طلع وراها مدفن..
د. أحمد الفيصل.. الجنا ماشاءالله.. طباعه بالكربون..
أحمد السيد.. تيمان أنا وهو.. في الصلعه طبعا..
أما حاج الركز.. فيقولون انو من غير فافي حاجه تانيه..
عثمان الجدي.. ياها نفس الالفه حقت زمان..
محسن دفعه.. يازوووول.. السعوديه نفعت معاهو تمام..
الزناتي.. قال ماخد ازن عام من ابتهاج..
وليد حمدون.. جاتو قطايع من السواقه ومن الرقيص..
نصر الدين.. قرب ينط من الدور الأول..
الصادق.. ما تلموه مع جلي وأحمد السني..
مدثرأبايزيد.. يا نسمه لطيفه علي الروح..
مكي.. يا ضنين الوعد ياخي..
حبيب الله كدام.. ياخوي ماقدر دا..
د. أحمد المصطفي.. يازول الحفله فاتتك..
وليد اداب.. الأصفر الفتان..
عماد.. جا براهو..
هوي.. كان نسيت زول.. الأعصاب كانت بايظه..
المحتفي به.. سخن في اللفه الأخيره..
بعد الشريط انتهي...
هييي يكا..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
وكانت ليلة من ليالي الزمن الجميل بحق
التقينا فيها بإخوة لم يفارق حبهم قلبنا فاشتعلت جزوته حين رؤيتهم ....
تقالدنا .... تسامرنا .... فرحنا .... ضحكنا
وفي حضرة من اهوى ...
تخونك دائما الكلمات
والصور اصدق إنباء من الكلمات
الا ان اوسكار الحفل قد فاز به الود د/قيس ....
مهداة للواد جبرييلا ....
بأن صلعة حاتم كانت شعرة معاوية وقد ذهب معاوية بشعرته .
بلاوي غايتو ... بفتها ليكم شوية شوية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
ناس الرياض آخر جمال .... لسه ما كتبنا عن ناس جدة وجمال ناس جدة .... لسه ما هضمنا عشا الثاوث مول .... جونا ناس الرياض بما لم يأت به الأولين .... منصور .... موسي .... جلال .... ثلاثي خطير أقام أجمل حفل زقازيقي أشاهده حتي الآن وأحلي لمة وأحلي ناس .... حقيقي يا ناس الرياض الجاور السعيد يسعد ... من هنا أعلن حبي لكم وإنضمامي لكم .... والجيمس جاهز ... بس قولوا عوك .... يا سلام علي الود الهريب الأمريكي ... الدومنيكاني ... حقيقي يستحق أن تولم له الولائم .... ويتقاطر إليه الناس زرافات ووحدانا ... رغم الصلعة التي قضت علي الأخضر واليابس إلا إنه لا زال شباباُ وأخضر القلب ... رقض وغني مع الجميع كما الأيام الخوالي ... عينا باردة ... شكراً لناس الرياض نفر نفر ... وإذا كانت جدة غير ... أكيد الرياض غيرين ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
عزابة تربية ... سامي وعثمان الخير ... ويظهر أقصي يمين الصورة وليد آداب .... والله زمن يا وليد ..
شرامة تجارة .. . السني وعبد الله وبرضو وليد أكثر وضوحاً
حبيب الله كدام
حتاهو حت
نصر الدين كريبة .... دفعة ناس نصر الدين ووليد ديل أكتر ناس شفوت جو الزقازيق .... الغريبة برضو دفعة البروف موسي عيسي وجلي كانت حضور لمنافسة شفوت معهد تجاري .... من رحمة ربك علي الزقازيق انه الدفعتين ديل ما أتجايلو ... ولا كان لي يوم الليلة ما أتخرجنا ...
وكمان يظهر في الصورة جكس موسي الراجل كان أنضف جكسي في الحفلة بس للأسف أخوهم خرتهم وفرض نفسه علي وسائل الإعلام لكن برضو لازم ننصرهم علي هذا التهميش ...
غايتو وليد حمدون وقيس .... العمائل العملوها في الحفلة دي ... لا بتتحكي لا بتتقال ... يعني بدون تعليق عموماً في إنتظار الفيديو لمشاهدة الفضائح .... بالله عاينو لي قاعد كيف ود ناس وآخر تهذيب ... السن برضو ليها احكامها ... والتقلة بعد ده واجبه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
اولاد دفعة ....وآخر أنسجام ... بالمناسبة الصور ملطوشة من الفيس بوك وبكاميرا وليد حمدون .... يعني لسه الباقين ما نزلوا الصور
الرهيب .... حاج الركز من غير فافي ... الوجيه خالد محي الدين ... ونصر الدين كريبة .... من أجمل لقطات الحفل .... جمعت مختلف الكليات .... ومختلف الأجيال ... تؤكد انه الزقازيق هي التآلف والتعايش ... والحب الذي لا ينضب ...
واحد حاقد قال خالد محي الدين الوجيه سابقاً ... برضو مع كمال الشادي كانو الأوجه في الحفل ... وجبارة لو ما الصلعة كان نافس ... بس آخ راحت عليك .....
د. احمد المصطفي .... ياخي ما شفناك في الحلبة ليه ياخي مرة واحدة ما كان بتعمل ليك حاجة ... علي العموم خيرها في غيرها ...
صورة تانية فيها خالد محي الدين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
يا سلام وسلام وتانى وتالت
بس داير اقول مليون شكر لرئيس المراسم منص والبواسل( ابوعمر - موسى عيسى - قيس - جلال - مدثر - )
والكواسر ( سامى - زهير - خالد محى الدين - كريبه- وليد )
ليله ولا اروع منها لمه بصلعه رهيبه ومحدقه بود الشادى
بالله طلعنا فلايت ليها عشرين سنه فى ضهرنا ولا بصير اقدر من عمار
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي الراجل)
|
صباح الخير ،،، يا وجوه الخير
صباح جميل بوجه الزقازيق الحلوه
صباحكم عسل يا ناس الرياض يا أجدع ناس
لمتكم جميلة وكاربه وجمعت كثير من الوجوه المختفيه
بعد ده المحتفى به ينزل مكة للعمره ؟؟؟؟؟؟؟؟؟
| Quote: يا جماعة الريس ميسرة اليومين ديل بيعوس في شنو .؟ |
يا زناتي بنعوس في مكة المكرمة دي بس ما عمره ، زي ما إنت عارف
عمل ، نحن في طور التأسيس لشركة جديده وعمل خاص كبير علشان كده
شركاؤنا مقرهم مكة المكرمة وكثير ما ارجع من مكة بعد الساعة الثالثة
صباحاً ووجب علينا القيام في مواعيد المدرسة والعودة للشغل القديم
وكمان السن ليهو حكمو، التعب واصل النخاع.
الريس منصور زعيم الحفلات جوالاتنا بتكون مقفلة في إجتماعات (ل،س)
أصلوا ناس الجبهة الديمقراطية دائماً بيطالبوا بقفل الجوالات .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
Quote: زقازيقاب يسدو عين الشمس
|
يا نضيف من ماقال الأخ منصور الأخ حاتم جاي الرياض
اوّل حاجة بوستينا إشتعل بكيفية إستقبال ناس الرياض من
السودان وأبوظبي وجدة والمغرب والفيس بوك ومنصور وخلال أقل من اسبوع
وصلونا ناس الخرج وناس القصيم والجبيل والدمام
غريب أمر هؤلاء الزقازيقاب والله يشعروك بأن الدنيا كانت ممكن تبقى جنة
لو عمرانة بالزقازيقاب ومن شايعهم لكن لله في خلقه شئون
عندما شدى الشادي رجعنا 25 سنة لذلك العهد والذي وصفه الأخ
عماد عثمان بأنه عهد ماليه مثيل ، الغريب أنك لا تعرف مين أكثر زقازيقية
تقول موسى عيسى يظهر لك زهير او منصور اوالريس او جلا او الرشيد او الكوتش
او 000او إلى أن إلتقينا بوليد حمدون ونصر الدين ودكتور خالد وحاتم جبارة
فكان الإبداع والتفرد والجمال إلى أن تهنا في زحمة مشاعر في ليلة لاتنسى
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
جبريلا.. بالله لقيت التسريحه كيف وشقه الشعر؟
مش خطيره؟
اتأخرت بينا الطياره في الاقلاع من مطار فرانكفورت..
السبب.. الراوت ماشي باليونان.. والجماعه مفلسين..
ما عندهم مراقبين كفايه يوجهوا الطيارات..
أتقول السودان بس..
انتابتني حاله من القلق.. قلت هسي الشباب يكونوا راجيني..
والا أنا راجيهم ما عارف..
المهم بعد ساعتين بالتمام أقلعت بينا الطياره..
قلت اخد لي نومه أصلح اللياقه.. عشان عارف الجماعه متعبين..
وصلنا مطار الرياض حوالي العاشره مساء..
ناس الجوازات.. حركتهم تقيله..
اتمحركوا فينا زييين التقول ما عارفين عندنا بارتي..
خلصنا اجراءاتنا وشلنا عفشنا.. وعلي الفندق..
دخلتنا الفندق.. لقينا شاب أسمر مهندم وسيم..
تبدو عليه مراسم الراحه..
لابس فوول سووت داكنه اللون..
وقميص أيضا داكن.. به خطوط طوليه لونها بني يقرب الي الحمره..
ولفت نظرنا من بعيد.. انو يرتدي ربطه عنق ذهبيه تميل الي الصفار..
أضفت علي اللبسه بريق ساطع انعكس علي وجهه الأسمر..
فازداد ضياءا علي ضياء..
جالس وحده في قلب قاعه الفندق..
يحتسي قهوه أو شاي..
وأمامه صحن جاتوه.. تبدو عليه اثار معركه حاميه ا########س..
ما ان دخلنا الي قاعه الفندق.. حتي نهض واقفا..
وأخذني بالأحضان.. فذهب عني كل تعب الرحله..
وتمنيت لو هكذا أظل..
هسي يجي يقول ليكم.. شفتو من بعيد بصلعتو..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
باقي الصور .. يا ناس الرياض ....
لمة جميلة ... بجمال تآلفكم الجميل ...
منزلين صور بدون منصور وموسي عيسي ... وكمال الشادي زاتوووووووووووووو
وبقية الشباب المبدعة ....
راجينكم ... بالحوش هنا ...
غايتو محسودين عديل كده ... تحصنو ...
سامي الوجيه ... تعال دبي ... عشان نشوف لفة العمه على الطبيعة
والله زماان ياشباب ...
======================
النضيف ...
والله حجة سريعة وعادية بدون نجوم ...
الوصول المدينة المنورة تاريخ 2011/10/29
والرجوع رابع يوم في العيد طوالي تاريخ 2011/11/10
ان شاء الله ....
دعواتكم ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
حبيبنا طارق جبريل ...
برغم من أن لعبك بقي مشتت شديد ...
ولكن متابعين ... قلمك الرصين ...
هسع لو لميت كل حاجاتك الحلوة دي
في البوست الذي فتحته سابقا عن الهامة الطيب صالح
لكان امتاعنا متواصلا ...
وكان البوست ارشفة ومرجعية ... لا يغفل عنها المهتمين وهم كثر ...
===================
كلو مقبول منك ....
معاك تعودنا شحتفه الروح ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
نكتة مهداه لطارق جبرين ...
شايقية دايرة تمشي الحج
قالوا ليها الحج بعشرة مليون
قالت ليهم في شان شنو .. انا ذاتي ما عندي ذنوب قدر دا
ويا جلا سمعت بالنكتة دي ...
جماعة راكبين في بوكسي كاشف
شوية كده ... جنوبي منهم دق للسواق قائلا:
اقيف يا سول ... آدم بتآء الدكان وقع
السواق وقف وعاين مافي شي
داير يمشي تاني دق ليهو:
قلت ليك اقيف ... آدم بتآء الدكان وقع
الراجل رجع خلف عشان يشوف الوقع
لقى العادم بتاع الدخان وقع ^___^
اصحي ياكمال الشادي:
واحد طلق زوجته وعرس واحدة تانية من اول وجديد
لاقاهو صاحبو بعد شهرين وقال ليهو : سامع أنو مرتك دى اطيب من الفاتت
فرد التعيس: بكتير .. تصور انها ساعات بتغسل العدة معاي
ودي عشان ولدنا رشيد القوم:
مسطول عنده ببغاء
مرة كبسوا عليهو ضيوف وما عنده التكتح
قال للمرا: تعرفى ما عندنا حل غير نضبح الببغاء القاعد بلا شغلة دا
نعمل منو شية جمر وشية صاج وشوية كباب والراس نخليهو لى باكر
الببغاء قال ليهو عليك الله قبال ما تنسى .. تعال أحلبنى وأعمل ليهم رز باللبن
كما لايخفي عن الباحثين في المنبر أن النكات منقولة من بوست : نكات .... نكات
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
نجيلة شكرا على النكتة الظريفة....
و ان شاء الله حجا مبرورا و ذنبا مغفورا...
تمشي و تجي لأولادك بالسلامة..كما ولدتك أمك...
بس ما تمشي تطبق كلامي ده حرفيا و ترجع ليهم كما ولدتك أمك...
لكن ياخي الحج ده حق الحكومة و لا لقيت ليك حملة بتاعة أولاد ناس...
يا ناس الرياض و الله لمه خلتني أتحسر على اني شغال في الامارات...
بالرغم من أن الصور التي نزلت ما بتشبه اداءكم الاعلامي قبل الحفلة...
الصور جميلة ولكنها لم تغطي الحدث تغطية جيدة...
كلنا أمل في أن تكون الصور التي لم تنزل بعد أشمل و أوسع تغطية...
لولا معرفتي بالتطور التكنولوجي الذي حدث في مجال التصوير و الكاميرات...
لحسبت ان الكثير من اللقطات قد تلفت بسبب انعكاس الضوء من الصلع الكتيره في الحفلة...
و لكن هذا أمر مستبعد بسب التطور التكنولوجي كما أسلفت...
كنتم كلكم نجوم و منورين رغم ظهور علامات تقدم السن السبعة و التي تحتاج لكريم أويل أوف يولاي...
ملاحظتي على الحفلة انه و بالرغم من الاعلان المكثف...
الا أن الصور تقول بأنكم و في اللحظات الأخيرة تسللتم خفية من ستات بيوتكم....
و لم تصطحبوهم معكم الى سقط لقط...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: النضيف ...
والله حجة سريعة وعادية بدون نجوم ...
الوصول المدينة المنورة تاريخ 2011/10/29
والرجوع رابع يوم في العيد طوالي تاريخ 2011/11/10
ان شاء الله ....
دعواتكم ... |
ما فاهمين حاجة؟؟؟؟؟
إنت يا زول زاير مقابر؟
ما سمعت بأن المثل الجداوي البيقول
الحضر للعمرة أو الحج ولم يزور ناس جدة
حجته ناقصة!!!!
يا سيدي ندعو ليك بإكمال الحج والعمره
بكل يسر ومقبول بإذن الله ،،،
ولكن عدم حضورك إلى جدة غير محتمل ولا يطاق!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: يا سيدي ندعو ليك بإكمال الحج والعمره
بكل يسر ومقبول بإذن الله ،،،
ولكن عدم حضورك إلى جدة غير محتمل ولا يطاق! |
هون عليك يا ريس ...
والله انتو في البال ..
ولكن الخيار كان صعب بين اداء مناسك الحج
في هذا الوقت الضيق ....بظروف العمل
وبين زيارتكم ...
واقرب حجز وجدته فاضي هو يوم رابع أيام العيد بعد انتهاء الجمرات مباشرة
وهو يوم خميس
على ان انتظم في الدوام يوم الأحد باذن الله
حقكم محفوظ يا ناس جده ...
وحنجيكم مخصوص ... بخشم الباب ...
بس رضاكم ودعواتكم ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
شايفك يا طارق جبريل فى المنبر بهناك بتهدى للناس القمصان ...
اها تعال اهديك المشاعر و ( القميص ) بتاع موسى عيسى داا.....
بالله رايك شنو مش احلى من قميص رشاد نميرى ....
اصلن يا موسى انتــا ما بتشبه ناس تجارة المفروض اقلاهو تكون فى اداب .... وساكن جمب استاد الهلال كمان .....
ما داير اقول يا ناس احمد اسماعيل اتعلمو من الزول ده ...
لكن عاوز الفت نظر جلا .. عليك الله القميص ده لونو شنو ... بمبى ولا وردى ولا خاتف لونين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
Quote: الا أن الصور تقول بأنكم و في اللحظات الأخيرة تسللتم خفية من ستات بيوتكم....
و لم تصطحبوهم معكم الى سقط لقط... |
ختفتها ختف
العزوبية شر
جابو الشفع على السريع
يا نجيلة
من حسة أعتبر حجتك ناقصة
| Quote: عاوز الفت نظر جلا .. عليك الله القميص ده لونو شنو ... بمبى ولا وردى ولا خاتف لونين |
طبعاً لا تعليق
كما ذكرت في الفيسبوك
إجتمعت كلمات الناطقين و اللابسين بغيرها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
ولا يخفى عليكم
ان الود الأسمرانى
الكان منتظر الود الدومنيكانى
فى لوبى الشيراتون
مرتديا الفل سوت الداكنة
والقميص الداكن المخطط بخطوط حمراء
وبكرافتة ذهبية
قاااااعد ينقز فى الاستراحة الفى سقط لقط ديك
ولد دا
يا صوتها لما , لما سرى لما !!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
ولا يخفى عليكم
ان الود الأسمرانى
الكان منتظر الود الدومنيكانى
فى لوبى الشيراتون
مرتديا الفل سوت الداكنة
والقميص الداكن المخطط بخطوط حمراء
وبكرافتة ذهبية
قاااااعد ينقز فى الستراحة الفى سقط لقط ديك
ولد دا
يا صوتها لما , لما سرى لما !!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
كنت اراقب عمار السنوسى وهو ينتقل من اغنية الى اختها
خيل لى للحظة , انه يعانى من خياراته
يراقب تفاعلنا مع ما يغنى
فتزداد حيرته
هو يعرفنا من الحفلة السابقة
لذا فانه كان يلمس اوتارنا الهائجة
لمسا سحريا مموسقا ومرتبا
كانه (آس يجس عليلا )
واظن ان عمار السنوسى
بلغ مبتغاه وغايته عندما وصل الى
يا سقاة الكأس من عهد الرشيد
ماعارف سحر الأغنية دى جاها من وين
من الكاس الما قادرين نشيلو ده
ولا من الرشيد ؟؟؟
عندما كنا نردد هذا المقطع ترديدا هارمونيا
وعمار يواصل شدوه الصداح
تأكدنا تماما , اننا فى سقط لقط ؟؟؟
وات اباراتى , ويا له من تجمع زقازيقى فاخر
يا حاتم جبارة !!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
يا ريتك لو شفتا معاى
وليد حمدون يا جلا
شاب زقازيقى , متدفق وشفاف
كنت اظننى لا لاعرفه
انا لم اصادفه الا فى الفيس بوك
منذ فترة قليلة جدا
ولكن لحظة دخولى الى سقط لقط
وبتدفقه وشفافيته وتلقائيته
خيل الى انه دفعة عبد الدائم النضيف
او كمان حاتم جبارة وطارق جبريل
ياخ الزقازيق دى !!!!!!!!!!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
لو قلت ليكم ان التجهيز لهذا اليوم
لم يكلفنا اى مجهودات تذكر
فستجدون صعوبة فى تصديقى
ولكنها الحقيقة
اكبر مجهود بذلناه كان هو الدعوة والكتابة فى هذا البوست
او فى وش الكتاب
غير ذلك , مشاورات تلفونية فقط
كلما تذكر احدنا تفصيلة ما من التفاصيل
واحد جرس تلفون , واعتبر الموضوع منجز
لما يكون معاك موسى عيسى واحمد اسماعيل والود جلال
والبعاتى قيس جمال الدين
تجهز بدلتك ذات اللون الغامق , وكرفتتك الدهبية ساااااى
وتبقى مارق
قال شيرنق قال ؟؟؟!!!
| |
|
|
|
|
|
|
| |
محمد صديق
الرشيد بابكر
محمد آدم النور
منصور عبد الرازق
أحمد إسماعيل
زهير الزناتي
ميسرة سيد أحمد
عبد الدائم سيد أحمد
موسي عيسي
جلال عثمان
Hatim Gubara
طارق جبريل
ياسر نجيلة
محمد عيد
فيس بوك
تويتر
انستقرام
يوتيوب
بنتيريست