قلنا الخميس والجمعة بنات الشيخ وفي رواية زوبا ومنصور ستات بيوتكم بيهرشوكم ....
السبت مالكم ...
حاتم جبارة عليك الله ونسنا ... مشتاقين لونستك اللذيذة ... ياخي كدي احكي لينا عن البيلم الدومنيكات مع السودان شنو ... ثقافتين مختلفتين ... تماماً ... الجغرافية مختلفة .. التاريخ بعيد من بعضه اللغة الام ما واحدة ... آي يجمعكم الانجليزي كلغة وامريكا كوطن ثاني ... بس ياخي اكيد في مفارقات والمسالة عشان ما تنجح محتاجة لكتير من التنازلات المشتركة ... والبحث عن الارضية الواحدة البتجمع الانسان بشكله المجرد ... تجربة فعلا تشكل تحدي .... كبير ... ياخي ما تحكي لينا وتونسنا ... وكمان ما تنسي المفارقات الناتجة عن هذا الاختلاف ... اللي اكيد بيولد محبة زايدة ....
تعازينا القلبية لنجاة ميرغني في وفاة والدتها جعل الله قبرها روضة من رياض الجنة
قبل دقايق زارني بالبيت العريس صلاح الامين والكوتش الكمندان محمد صديق العريس عريس السرور ويستاهل الواحد يضبح ليهو ولان شبكش رجل غير عادي فقد جاء يحمل كعادته كتاب هدية من قاهرة المعز من مكتبة مدبولي ميدان طلعت حرب العريس مثقف شاب لذلك لا ينسانا من مثل هذه هدايا
الكتاب لصنع الله ابراهيم رواية في 215 من القطع المتوسط وعنوانها الجليد شكراابو سامر وانشاءالله بيت مال وعيال عاتبني صديقي محمد صديق لعدم تعليقي على القصة الاخيرة التي كتبها هنا وفي مربع الرشيد اتمنى ان اقراها ولي عودة
04-23-2011, 06:51 PM
أحمد إسماعيل أحمد إسماعيل
تاريخ التسجيل: 09-10-2009
مجموع المشاركات: 1375
Quote: هل بدأت تشعر بما يحدث؟؟؟خوفك كان عظيماً ....كنت حريصاً أن يكون الأمر طىّ الكتمان ....تنتبه فجأة إلى الطريق الذى ابتعدت عنه اهتماماً وعيوناً حال داهمك خاطر أن تكون الجميلة قد بدأت فى الشعور بالأمر
تعليقي ياكوتش بمثلين من دارفور 1- ما أي نقعة لقيتي تطردي حصانك 2- العندو بخور بنشم
04-24-2011, 05:38 AM
ياسر نجيلة ياسر نجيلة
تاريخ التسجيل: 08-30-2006
مجموع المشاركات: 1798
اللهم ابدلها دارا خيرا من دارها واهلا خيرا من اهلها وادخلها الجنة واعذها من عذاب القبر ومن عذاب النار . اللـهـم عاملها بما انت اهله ولا تعاملها بما هي اهله . اللـهـم اجزها عن الاحسان إحسانا وعن الأساءة عفواً وغفراناً. اللـهـم إن كانت محسنةً فزد من حسناتها , وإن كان مسيئةً فتجاوز عن سيئاتها . اللـهـم ادخلها الجنة من غير مناقشة حساب ولا سابقة عذاب . اللـهـم اّنسها في وحدتها وفي وحشتها وفي غربتها. اللـهـم انزلها منزلاً مباركا وانت خير المنزلين . اللـهـم انزلاه منازل الصديقين والشهداء والصالحين وحسن اولئك رفيقا . اللـهـم اجعل قبرها روضة من رياض الجنة ,ولا تجعله حفرة من حفر النار . اللـهـم افسح لها في قبرها مد بصرها وافرش قبرها من فراش الجنة . اللـهـم اعذها من عذاب القبر ,وجاف ِالارض عن جنبيها . اللـهـم املأ قبرها بالرضا والنور والفسحة والسرور. اللـهـم إناه فى ذمتك وحبل جوارك فقها فتنة الفبر وعذاب النار , وانت أهل الوفاء والحق فاغفر لها وارحمها انك انت الغفور الرحيم. اللـهـم انها عبدتك وابن عبدك خرجت من الدنيا وسعتها ومحبوبيها وأحبائها إلي ظلمة القبر وماهو لاقته . اللـهـم انها كانت تشهد أنك لا إله الا انت وأن محمداً عبدك ورسولك وانت اعلم بها. اللهم ثبتها عند السؤال اللهم انا نتوسل بك اليك ونقسم بك عليك ان ترحمها ولا تعذبها . اللـهـم انها نَزَلت بك وأنت خير منزول به واصبحت فقيرة الي رحمتك وأنت غني عن عذابها . اللـهـم اّتها برحمتك ورضاك وقه فتنه القبر وعذابه و أّتها برحمتك الامن من عذابك حتي تبعثها إلي جنتك يا ارحم الراحمين.
احسن الله عزاءكم في فقدكم الجلل اخي محمد و الاسرة الكريمة.
صادق العزاء للاخت نجاة و خالد و اسامة وياسر بالرياض هاتف
نجاة 00249928213078
ياسر 0564353622
04-24-2011, 08:42 AM
منصور عبد الرازق منصور عبد الرازق
تاريخ التسجيل: 05-03-2009
مجموع المشاركات: 2360
التعازى القلبية الصادقة للزميلة نجاة ميرغنى فى وفاة والدتها وموسى عيسى البركة فيكم ووصل تعازينا للأسرة بالأنابة تهانينا لى شبوكش بالزواج ربنا يجمعكم , مع ست بيتك التى اخترت , فى بيت السعادة والتفاهم قبل ما تعرس يا شبوكش , تلفونك ما بيرد بعد يوم تسعة وعشرين , يا ربى فى امل ؟؟؟
04-24-2011, 08:46 AM
جلال عثمان جلال عثمان
تاريخ التسجيل: 09-13-2008
مجموع المشاركات: 1735
رحم الله الوالدة حواء ونسأله سبحانه ان يغفر لها ويرحمها ويحسن قبولها ويجعلها في جناته العلى مع الصديقين والشهداء .... خالص التعازي للاخت نجاة ميرغني وكل افراد الاسرة انا لله وانا اليه راجعون البركة فيكم وفي زريتها اخي موسى ...
04-24-2011, 03:22 PM
ميسرة سيد أحمد ميسرة سيد أحمد
تاريخ التسجيل: 09-13-2008
مجموع المشاركات: 3175
ازيكميا اجدع ناس تعازينا للاخت نجاة ميرغنى والاسرة للفقيدة الرحمة اللهم ارحم قرفة واسكنه مع الصدقين والشهداء الموت حق لكن زى ما بيقولو ما بتوالف قبل اسبوع اتوفى د. حاتم عوض بلسعودية فى ابها فى نفس اليوم المفروض يصل فيهو السودان للحاق باسرتو وحاتم ده متزوج د. نهلة ابوبكر خالد جارتنا وصديقتنا امكن ناس القصيم يكونو بيعرفوهم اب لى 3 اطفال اكبرهم 5سنوات واصغرهم شهرين ما عندو سبب غير انه نام وما قام ازعجتكم بلتفاصيل بس صدقونى متالمة جدا للاسرة دى وللشاب الخلوق حاتم اللهم ارحمة واغفر له يا رب
04-25-2011, 06:41 AM
زهير الزناتي زهير الزناتي
تاريخ التسجيل: 03-28-2008
مجموع المشاركات: 12241
باع جورج هارشين من جنوب افريقيا مزرعته الى شركة تنقيب بعشرة جنيهات على انها غير صالحة للزراعة وحين شرعت الشركة لاستغلالها اكتشفت وجوووود اكبر منجم للذهب على الاطلاق واصبحت الشركة مسؤولة عن 70%من انتاااج الذهب في العالم.
في احدى ليالي عام 1696م اوى الخباز البريطاني جوفينز الى فراشة لكنه نسي اطفاء شعلة صغيرة بقيت في فرنه وقد ادى هذا الخطا الى اشتعال منزله ثم منازل جيرانه ثم الحارات المجاورة الى ان احترقت نصف لندن ومات الالاف من سكانها فيما يسمى بالحريق الكبير ولكن جوفينز نفسه لم يصب بأذى.
في عام 1347م دخلت بعض الفئران الى ثلاث سفن ايطالية كانت راسية على سواحل الصين وحين وصلت هذه السفن الى ميناء مسينا الايطالي خرجت الفئران ونشرت الطاعون في المدينة ثم في كامل ايطاليا وكان الطاعون قد قضى على نصف سكان الصين في ذالك الوقت ثم ايطاليا ثم انتقل ليشمل بلدان اوربا جميعها فقتل ثلث سكانها خلال عشرة سنوات****** يا ساااااتر
وهذه أخطاء عن بعض اكبر الأخطاء في عالمنا الإسلامي:
تذكر بعض المصادر ان بريطانيا اختلفت مع البابا وكانت بريطانيا كا ثو ليكيه - وكرد انتقامي - حرم البابا زواج البرياطانيين الامر الذي اوقع الملك في حرج مع شعبه وللخروج من هذا المأزق طلب من حكام دول الطوائف في الاندلس ارسال بعض المشايخ حتى تتحول بريطانيا الى دولة مسلمة ولكن اخواننا تقاعسوا عن الذهااااب وارسال المشايخ حتى وصل الخبر للبابا فرفع التحريم واصلح الخطا ***** تخيلو اخواني بريطانيا التي لا تغيب عنها الشمس مسلمه!!
وكانت فرصة مشابهة قد سنحت للمسلمين في معركة بلاط الشهداء قرب بواتيه في فرنسا ففي هذه المعركة كرر المسلمون نفس الخطا الذي وقع في معركة احد وتراجعوا لحماية غنائمهم من جيش شارلمان فتوقف الزحف. من كتاب اكبر الاخطاء في التاريخ للمؤلف البريطاني نايجل بلندن
04-25-2011, 10:17 AM
ميسرة سيد أحمد ميسرة سيد أحمد
تاريخ التسجيل: 09-13-2008
مجموع المشاركات: 3175
اللهم ارحم دكتور حاتم وصبر عائلته واسرته اما ارسنال , فوجع لى قلبى عدييييل والله يا حاتم لكن صدقنى , رغم النقد الكتير الممكن نوجهه للأعبين وارسين فينجر فان , 20فى المية بس من التوفيق اللاقيهو مانشستر لو لقيناهو نحنا فمافى فريق اجدر مننا بالبطولة الأنجليزية وعدم التوفيق امبارح , ما ارسنال براهو ومعاهو ابو الهل كمان ياخى ابت تدخل عدييييل والحكمين امبارح ناسين كروتهم فى البيت نعمل شنو ؟؟؟ الله غالب
امتحانات الأساس كيف يا ابو الزوز واحمد اسماعيل ؟؟؟
04-25-2011, 11:07 AM
منصور عبد الرازق منصور عبد الرازق
تاريخ التسجيل: 05-03-2009
مجموع المشاركات: 2360
نرجو من جميع الزقازيقاب الوقوف معنويا مع اخونا وزميلنا وحبيبنا رفيق البوست (المعتزل اعتزال مؤقت ) عمر نملوز وذلك بألتصال التلفونى عليه اخو نملوز الكبير ,ستجرى له عملية نقل كلى قريبا اذ ابتلاه الله بفشل كلوى مزمن مازال عمر واخوته فى مراحل الفحوصات , لتحديد هوية المتبرع من بينهم ومن الجائز جدا ان يكون المتبرع عمر نفسه فى كل الأحوال نتمنى لعمر واخوه وكل افراد اسرته بلوغ الصحة والعافية باذن الله عند تحديد المتبرع , واكتمال الترتيبات فان الأحتمال الكبير , ان تتم العملية فى دوحة قطر يلا يا زقازيقاب قطر , انكربوا وانتو ما بتتوصوا ويلا يا زقازيقاب كل الدنيا , اردموا الزول ده محادثات هاتفية وارفعوا من معنوياته واتلمسوا احتياجاته , المعنوية قبل المادية يا حلوين وكونوا مستعدين دوما انتو مافى زول قادر يصحى ابو بكر حامد ده ولا شنو ؟؟؟
04-25-2011, 11:21 AM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
Quote: نرجو من جميع الزقازيقاب الوقوف معنويا مع اخونا وزميلنا وحبيبنا رفيق البوست (المعتزل اعتزال مؤقت ) عمر نملوز
تسلم يامنص .... وقلوبنا مع الولد الراقي نملوز ودعواتنا ان يمن الله بالشفاء على اخوهو وان شاء الله تنجح العملية انا بالذات توقع منى تلفون "يوماتي" ياعمر .... فقد مررت بنفس التجربة حيث تمت زراعة كلى لاخي الاصغر "سيد" وبعد الفحوصات والذي منه ... تم اختيار اختي الصغري وقد كان عمرها حينها 20 سنة و"لفقت" كليتها من كل النواحي وقد تم اجراء العملية لهما بمستشفى الملك فيصل التخصصي بالرياض في 25/05/2005 ... ولو ان الأمور كانت مثل السابق لنصحتكم بإجراء العملية بها ... ولكن يقيني ان العملية يمكن ان تتم وبنفس الكفاءة بل واحسن بكثير في قطر حيث تتوفر كل الامكانيات في "مدينة حمد الطبية" ولي تجربة هناك ايضاً .... المهم ياحبيب الشاب والشابة ديل في اتم صحة وعافية .... دعواتي لهم ولاخوك بدوام الصحة والعافية ...
04-25-2011, 12:21 PM
ميسرة سيد أحمد ميسرة سيد أحمد
تاريخ التسجيل: 09-13-2008
مجموع المشاركات: 3175
Quote: نرجو من جميع الزقازيقاب الوقوف معنويا مع اخونا وزميلنا وحبيبنا رفيق البوست (المعتزل اعتزال مؤقت ) عمر نملوز وذلك بألتصال التلفونى عليه اخو نملوز الكبير ,ستجرى له عملية نقل كلى قريبا اذ ابتلاه الله بفشل كلوى مزمن مازال عمر واخوته فى مراحل الفحوصات , لتحديد هوية المتبرع من بينهم ومن الجائز جدا ان يكون المتبرع عمر نفسه
بإذن الله الجميع سوف يكونوا على قدر المسؤولية
وربنا يتمم العملية بخير ونجاح ,,,,,
04-25-2011, 12:22 PM
جلال عثمان جلال عثمان
تاريخ التسجيل: 09-13-2008
مجموع المشاركات: 1735
يا محمد عيد ما تكتح ياخي.... طبعا يا حماده لا يخفى على فطنتك اني زول متلقي حجج... زول قاعد براهو و منتظر ليهو أي واحد يجي بالليل عشان ينضم معاهو... شاغلتك من كم يوم كده في الفيس بوك...لكن فتحت لي... مشتاقين...
04-25-2011, 06:03 PM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
يا حماده تجنب أبو الزوز و جلا في الفيس بوك فانهم يودون الى التهلكة... يدردقوك و بعدين يتغابو فيك العرفه... أنا بالنهار مثلي مثلك تمنعني مشغوليات و سرعة النت من الدخول المحبب... و بالليل تتحسن سرعة النت و لما أجي بلقى الدار خلاء... الليلة جيت بفتش لي في سهرة كااااااربه كده...
الاف التهانى والتبريكات لوئام عثمان الجيلى باحراز مجموع 243 درجة ورزان عمر المهدى ولابنة بدرية احمد صديق اداب والهام دوليب زراعة
ما ملاحظين كل المتفوقات بنـات .. اتمنى انو الممتحنين للشهادة السودانية من الابناء يكونو كلهم اولاد عشان فرق التلاتة سنين ديل بيكون فى صالح الجميع ..... وانتم ادرى ..
،،،،،
تمنياتنا للحبيب عمر نملة واخيـــه بدوام الصحة والعافية وانشاء الله وبأذن الله حنسمع عنكم اخبار طيبة وقلوبنا معاكم رقم عمر ببلجيكا 0032493409406
04-26-2011, 08:01 AM
زهير الزناتي زهير الزناتي
تاريخ التسجيل: 03-28-2008
مجموع المشاركات: 12241
احكي لكم قصة اعلان النتيجة حصرياً ئ(مؤقتاً) لناس البوست :
فتحت علي جهاز المكتب تلفزيون السودان لحضور المؤتمر الصحفي منذ الساعة التاسعة رغم الاعلان بان المؤتمر الصحفي سيكون في تمام الساعة الحادية عشر صباحاً ... وللاحتياط فتحت قناتي النيل الازرق والشروق ...كل ذلك تحسباً لمفاجآت التلفزيون والوزارة ... بالفعل بعد الحادية عشر بحولي عشر دقائق بدا المؤتمر الصحفي ... وفي حسابنا ان عشرة دقائق ما (بيناتنا) عكس كل الامم ... وذلك حتي نغرس قيمة رخص الزمن في اذهان التلاميذ الصغار ...فكل شئ في بلادنا غالي عدا الزمن ... المهم بدايات المؤتمر الصحفي لم تكن ثرثرة من الوزير واركان حرب وزارته او خلناها كذلك في وقت كنا وآلاف الاسر في انتظار ان يعلن النتيجة .... بعد ان بدا مدير تعليم محلية الخرطوم السادي في اعلان اسماء تلاميذه المتفوقين ...(علي اكتر من مهله علي قول المصريين) .. قررت ان احضر ما تبقي من المؤتمر الصحفي في المنزل .. وكنت علي ثقة بان هذا المؤتمر بهذه الطريقة لن ينتهي قبل الرابعة عصراً بعد عشر دقائق من تحركي من المكتب اتصلت علي ابتهاج في البيت ... عرفت ان ثلاث محليات تم اذاعتها في هذه الدقائق العشر .... اسرعت حتي اكون في الوقت المناسب ... وجدت ميار وامها في حالة ترقب وتوتر ...ابتهاج تربط راسها بعصابة حمراء ... كاخوان ابو دجانة طرف الدفاع الشعبي ... وميار علي السرير المقابل تجلس القرفصاء اقل توتراً ... اما حنا ومزن لم يكن علي محياهم اي نوع من التعبير ... وهذا الثنائي تحديداً يدهشني ببرود يبز برود الانجليز ... لم استطع الجلوس ... دخلت وخرجت ما لا يقل عن المائة مرة... وجدت طوة مغطاة ...عليها اكل لم يستوي .... اكلت منه وعرفت لاحقاً بان حشيت فراخ نصف استواء مع مربى .... تذكرت موسي عيسي الذي ترجاني البارحة ان ارسل له رقم جلوس ميار حتي نعرف النتيجة قبل المؤتمر الصحفي ... الا اني رفضت حتي لا افسد لحظة الترقب والانتظار .... في تلك اللحظة ادركت عمق الخطا الذي ارتكبته خاصة وان الضغط يكاد يتجاوز معدلات 46 و 88 .... حينما بدا مدير تعليم كرري اذاعة الاسماء ... كنا نشاهد كل الاسماء المدونة علي الورقة دون ان نري اسم ميار ... مع الثوالث راينا اسم زملائها في المدرسة ... معين ومي ... في تلك اللحظة اتصل الاستاذ عصام من ادارة المدرسة وهو يؤكد لي ان ميار ستتم اذاعتها بعد قليل وقد احرزت 275 .... مع الخوامس ... هدات نفسي قليلا ... الا ان المذيعة وفي حركة ########ة منها ... اعلنت انتهاء محلية كرري لتعود مرة اخري وتعيد المايكرفون للاستاذ ... من المدهش انه تلعثم في قراءة اسم ميار ثم في زهير وبعدها لم نسمع سوي صيحاتنا .... تلقينا التهانئ والتبريكات من كل انحاء العالم ... من ناس الزقازيق والاهل ...والي الآن لم نسمع كلمة مبروك من حنا ومزن ... من المؤسف حقاً ان ناكل حلاوة النجاح وحدنا ... في تلك اللحظة افتقدنا الاهل والاصدقاء ووفود المهنئيين ... لم نسمع طرق الباب حتي الآن ... فكل التهانئ امااسفيرية او اثيرية ... يا للغربة ... ووحشتها ... تاخذ منك اضعاف ما تعطيك له .... فهل تقدر محبة الناس بثمن ... لا اعتقد ... الم يقل امل دنقل
أترى حين أفقأ عينيك، ثم أثبت جوهرتين مكانهما.. هل ترى..؟ هي أشياء لا تشترى وما لا يشتري يتعدد في حياة المرء ... ولا يدرك ذلك الا بعد فوات الاوان ... او كما قال حميد : ايه الدنيا غير لمة ناس في خير او ساعة حزن
في المساء ونحن جلوس علي التلفزيون ...ومنفعلين مع الهواتف والتبريكات ... قال حنا ببروده المعتاد (( هسه انتو فرحانين كده عشان الخامسة ... طيب لو جات الاولي حا تعملوا شنو )) لم يجيب عليه احد ... ولم يوضح له احدنا ماذا تعني هذه النتيجة ... في هذا التوقيت ... فهي فرحه في زمن عز فيه الفرح .... وفي مكان لابد ان تصطاد فيه الافراح بصبر صياد ... وعزيمة فارس من القرون الوسطي ... غداً سيكبر ويعرف معي ان ينجح ابنك رغم كل الظروف المحيطة ...
04-26-2011, 08:57 AM
زهير الزناتي زهير الزناتي
تاريخ التسجيل: 03-28-2008
مجموع المشاركات: 12241
اها يا الحبان اخونا طارق جبريل والله زعلان زعل شديد ... قال غاب مافي زول فقده ... اها غايتو شدوا حيلكم الزول ده قال لي قشه ما تعتر ليكم ... والزول البيقول الكلمة دي معناها رمي طوبتكم ... بس ما اظن جبريلا يعملها ... لانه معزتنا جواه كبيرة ... والريدة ماليه الجوانح ... آي ممكن يزعل .. ويعتكف .. بس اعتذارنا ليهو واجب عشان يجي راجع ... وهو من الناس المهمين في البوست ده انا غايتو قلت ليهو يمكن الناس ديل ما عايزنك تجي هنا ... عايزين يتونسوا معاك بتحت تحت عشان بيخافوا من كلامك الكتر .. ويجيب ليهم مليص الاضنين من الحكومات ... غايتو البيزعل طارق جبريل ده الا مرتو هارشاهو عديل ... اها اي عايزين نعرف المهروشين منو والما مهروشين منو ....
04-26-2011, 09:34 AM
الرشيد بابكر الرشيد بابكر
تاريخ التسجيل: 01-24-2009
مجموع المشاركات: 5002
Quote: حضرنا ولم نجدكم ،،، مكتوب على باب السلع بفحمة
يا ريس من سوء حظي اني في الوقت داك أنا كنت شاخر حامد... كنت قايل محمد عيد حيسهر شوية و لكن بعد عدة رفريشات تبين لي أن الرجل انسحب... فقضيت ما تبقى من السهرة بين مربع كاي و تبريكات ميار الزناتي... يا ريس الليلة كان جيت جيب معاك طبشيره... عشان نحن ضربنا باب السلع أسود...
عمر نملوز كان متابع و ما مستمتع... ضربت ليك ساعة المساء فرد الجناح لملم مصابيح النهار... و ناجيتك و ما رديت...
موسى عيسى...من لقى أحبابه ياخي...
جلا...بعد بكره الخميس... ما عندك باقي كرت تقدمني بيهو مسافه مقدره...
محمد عيد...أسمع كلامك....
04-26-2011, 10:24 AM
منصور عبد الرازق منصور عبد الرازق
تاريخ التسجيل: 05-03-2009
مجموع المشاركات: 2360
انا شخصيا , لمن زهير وابتهاج قرروا انو ميار تبقى فى السودان وحيدة لأكمال سنتها الدراسية لم اهضم ذلك القرار , الذى صنفته (قاسيا ) , فى حقها , وفى حقهما كذلك قبل ذلك التصنيف , انا اساسا , لم اقابل هذه الميار , الا مرة واحدة , وعلى عجل كمان هذه البنت , لا تعبر ملامحها الدقيقة , عن ما تحمله من صبر وجلد لمن فى السودان بنتونس , انا وزهير وابتهاج , فى بيتهم الذى كان فى آخر الدنيا نواحى نهايات شارع الوادى وقال لى انو ميار , تقوم بغسل وكى ملابسها براها قلت دى فرية ساكت , ومكنة ما قسمت معاى , لكنى اكلتها ومشيتها ايام حفلة ابو عركى , كان الغرض من جية ناس زهير وابتهاج اصلا , استقبال هذه الميار , وهى قادمة من السودان بعد ان اتمت سنتها الدراسية لمن شاكلت زهير على قراره بتاع انو ميار تكمل سنتها فى السودان براها وقال لى انو هى من اختارت ذلك , اتذكرت كلام الغسيل والمكوة , وضميت كلام زهير لتصنيفى الأول كمان زهير قال انو ميار تعرضت لبعض الضغوط من طاقم اساتذتها فى المدرسة , عشان تكمل السنة وتمتحن معاهم والضغوط دى , قابلها تخيير كامل من زهير وابتهاج لميار , انها تختار ما تراه مناسبا فاختارت ان تتم سنتها , بعيدا عن والديها واخوانها واخواتها (انا ما انتابنى اى نوع من الأستغراب لسلوك حنا ومزن البارد ) فتخيير زهير وابتهاج لميار , واعطاءها كامل الحق فى اختيار وين تقرأ ووين تمتحن بعيدا عن قرار الغربة الذى اتخذه والداها ده ياهو البرود زاتو جابو ليك البت معاهم من السودان بسرعة شديدة جواز راح وجواز اتلقى , عربية انسرقت وعربية اتلقت , اقامة عملوها واقامة ما عملوها الجماعة جو و(سكنوا ) لو بتتذكروا , قبل ما يسكنوا وقبل ما يسكنوا كويس تانى قاموا خمخموا ليك البنية الحليوونة دى , ورسلوها السودان عن طريق البحرين وحاة الله ما معاها اى زول الا ابو بكر حامد , استقبلها فى الأتوبيس ومشى معاها المطار امتحنت وجات راجعة عن طريق الرياض وصادفت حفلة ابو عركى قدر ما نقابلها , البت ميار نعسانة ما بتنعس كيفن , ما قاعدالا فوق راى لكن !!!! قلت لى المذيع اتلعثم فى ميار وكمان اتلعثم فى زهير طبعا مستحيل اساسا ما يتلعثم فى (الزناتى ) يا بت ميار , انتى بت زى الورد , الله يحفظك ويخليكى مزن وحنا , مستغربين لأحتفاءنا مع ابويك بيكى برودهم ده , برود ثقة فيكى ومعرفة بيكى ابوك وامك , حتى لو كانو عاملين فيها مدينك خياراتك التامة الا ان توتر الدنيا والآخرة , انفجر عندهم ساعة (نتيجتك ) خامسة الخرطوم عرفناها عليك الله , قاعدة تغسلى وتكوى براكى ؟؟؟!!!
* لرزان عمر المهدى , وضحى احمد اسماعيل , واريج حسن , ووئام عثمان الجيلى , وبت بدرية وبت الهام , نرفع القبعات ونوصل التبريكات , وعقبال بت موسى عيسى فى الشهادة الكبيرة , ومحاسن عمر بت زينب التيجانى كمان
04-26-2011, 10:45 AM
محمد آدم النور محمد آدم النور
تاريخ التسجيل: 05-03-2009
مجموع المشاركات: 1993
Quote: جلا...بعد بكره الخميس... ما عندك باقي كرت تقدمني بيهو مسافه مقدره...
طبعاً يا رش...مشيت كسلا يوم الخميس و جيت أمبارح لأنو كان عندنا يومين إجازة بتاعت ناس (حطب النار) شم النسيم (Eastern Holyday) و الذهاب إلى كسلا ليومين تخيل معي كمية المعنويات الأنا لقيتها و الأنت قاعد تبحث عنها في الصندوق التكافلي بتاع ناس الزقازيق على أي حال نحن في الموعد
04-26-2011, 11:20 AM
جلال عثمان جلال عثمان
تاريخ التسجيل: 09-13-2008
مجموع المشاركات: 1735
Quote: جلا...بعد بكره الخميس... ما عندك باقي كرت تقدمني بيهو مسافه مقدره...
هو يالرشيدالزول بقول ليك راسي واجعني تقوم تربط ليهو رجلو....!!!
والله دي حساده ساي الراجل سمع اذني قسم مكنة صاح في كسلا لمن
شفقت عليه ...ما قلتو نوبة تاني تجوا بهناك !!!احييي يا بري .
Quote: طبعاً يا رش...مشيت كسلا يوم الخميس و جيت أمبارح لأنو كان عندنا يومين إجازة بتاعت ناس (حطب النار) شم النسيم (Eastern Holyday) و الذهاب إلى كسلا ليومين تخيل معي كمية المعنويات الأنا لقيتها و الأنت قاعد تبحث عنها في الصندوق التكافلي بتاع ناس الزقازيق على أي حال نحن في الموعد
عشان تعرف حاجة الواحد فيكم بس يومين يعديها مساسكه بين كسلا
و الفتيحاب طيب ناس حليمة بنت ابراهيم القاعدين في السلع و لا
الرياض بالسنين ليهم الله , علشان كده يا ابو الصحب الاسبير واجب شرعي..
قولت لي كسلا كيف ؟؟؟؟؟
04-26-2011, 03:19 PM
ميسرة سيد أحمد ميسرة سيد أحمد
تاريخ التسجيل: 09-13-2008
مجموع المشاركات: 3175
إذا نطقت عزفت كل سمفونيات العصر على شفتيها إذا صمتت جاء نسم الليل يسأل تجمع طهر الأرض بين كفيها وبراءة الكون بعينيها فتشت في معاجم اللغة كثير علي أجد وصفاً ينصفها *************** تقتل همي بإبتسامة وتضع كفيها على وجنتي كأجنحة حمامة تراقبني حيناً وتراقب القمر حيناً آخر
سألتها ؟؟؟ فقالت أسأل الليل
04-27-2011, 06:41 AM
أحمد إسماعيل أحمد إسماعيل
تاريخ التسجيل: 09-10-2009
مجموع المشاركات: 1375
اللهم انا نسألك خير هذا اليوم فتحه ونصره وبركته وهداه ونعوذ بك من شره وشر مابعده اللهم بك أصبحنا وبك أمسينا وبك نحيا وبك نموت وإليك النشور ، اللهم فاطر السماوات والأرض عالم الغيب والشهادة رب كل شيء ومليكه، أشهد أن لا إله إلا أنت أعوذ بك من شر نفسي ومن شر الشيطان وشركه اللهم إنا نسألك العفوة والعافية في ديني ودنياي وأهلي ومالي
04-27-2011, 06:55 AM
ميسرة سيد أحمد ميسرة سيد أحمد
تاريخ التسجيل: 09-13-2008
مجموع المشاركات: 3175
شرف الشرقية الوجية موسي عيسي في زيارة قصيرة ... ونتوقع عصر الغد العمدة احمد اسماعيل .... اها يا جماعة الحقوا شية الجمعة في الكورنيش وهذه دعوة للجميع ... قدامكم الليلة وبكره في انتظار الجميع
04-27-2011, 07:02 AM
أحمد إسماعيل أحمد إسماعيل
تاريخ التسجيل: 09-10-2009
مجموع المشاركات: 1375
تحياتي للأخ عمر نملوز وتمنياتي لأخوه الشفاء العاجل وكامل اصحة والعافية ونعوذ بعزة الله وقدرته من شر مانجد ونحاذر وألف مبروك لابنائنا المتفوقين ميار بنت الأخ زهير والأخت إبتهاج وإبن الزميلة بدرية صديق وإبن الزميلة إلهام الدوليب ووئام عثمان الجيلي ورزان عمر المهدي وأريج بنت دكتور حسن إسماعيل وضحى وعقبال الشهادة الكبيرة لبنتنا /عهود موسى عيسى ومحاسن عمر بنت ست بيت عمر/ زينب التيجاني
04-27-2011, 07:19 AM
أحمد إسماعيل أحمد إسماعيل
تاريخ التسجيل: 09-10-2009
مجموع المشاركات: 1375
نشكر الأخوة المهنئين عبر الإتصال أو من خلال موقعنا الجمبل هذا الأخ عبد الدائم النضيف ، الريس ميسرة ، الأخت زينب التجاني والأخ جلال عثمان وموسى عيسى والرشيد بابكر ومحمد عيد ومعاوية عبيد الصائم ومشاعر بدوي ومبارك جادين وموسى الراجل ومحمد ادم النور ومنصور عبد الرازق ربنا يديم التواصل والإلفة وعقبال النجاح في المستقبل.
04-27-2011, 09:06 AM
محمد آدم النور محمد آدم النور
تاريخ التسجيل: 05-03-2009
مجموع المشاركات: 1993
أحمد إسماعيل ألحق صاحبك في الشرقية بالمناسبة عندما تشكر حاول بقدر المستطاع ما تذكر أسماء أشكر في سرك فلان و فلان وذلك حتى لا يتحسس الآخرون الذين لم يبادرو بالتهنئة أنهم قصروا معاك أنا طبعاً من الآخرون...حتى و لو ظهر إسمي الفرحة فرحة...وهي ليست فرحتكم وحدكم و التهاني و التبريكات مثنى و ثلاث و رباع لأبناءنا ربنا يديم علينا نعمة المحبة
04-27-2011, 11:18 AM
سامي عبد الوهاب إدريس سامي عبد الوهاب إدريس
تاريخ التسجيل: 11-15-2005
مجموع المشاركات: 1509
مواطنون دونما وطن مطاردون كالعصافير على خرائط الزمن مسافرون دون أوراق .. وموتى دونما كفن نحن بغايا العصر كل حاكم يبيعنا ويقبض الثمن نحن جواري القصر يرسلوننا من حجرة لحجرة من قبضة لقبضة من مالك لمالك ومن وثن إلى وثن نركض كالكلاب كل ليلة من عدن لطنجة ومن طنجة إلى عدن نبحث عن قبيلة تقبلنا نبحث عن ستارة تسترنا وعن سكن....... وحولنا أولادنا إحدودبت ظهورهم وشاخوا وهم يفتشون في المعاجم القديمة عن جنة نظيرة عن كذبة كبيرة .. كبيرة تدعى الوطن
04-27-2011, 09:43 PM
ميسرة سيد أحمد ميسرة سيد أحمد
تاريخ التسجيل: 09-13-2008
مجموع المشاركات: 3175
يا ريس القصيدة جميلة... لا أعرف متى كتبت القصيدة... و لكنها بمثابة تحريض منذ ما يربو على ال30 سنة... آتى أكله الآن فاندلعت الثورات في كل أرجاء الوطن العربي...
04-27-2011, 10:02 PM
ميسرة سيد أحمد ميسرة سيد أحمد
تاريخ التسجيل: 09-13-2008
مجموع المشاركات: 3175
يا وطنى المصلوب فوق حائط الكراهية يا كرة النار التى تسير نحو الهاوية لا أحد من مضر .. أو من بني ثقيف أعطى لهذا الوطن الغارق بالنزيف زجاجة من دمه أو بوله الشريف لا أحد على امتداد هذه العباءة المرقعة أهداك يوماً معطفاً أو قبعة ********** يا وطنى المكسور مثل عشبة الخريف مقتلعون نحن كالأشجار من مكاننا مهجرون من أمانينا وذكرياتنا عيوننا تخاف من أصواتنا حكامنا آلهة يجري الدم الأزرق في عروقهم ونحن نسل الجارية لا سادة الحجاز يعرفوننا .. ولا رعاع البادية ولا أبو الطيب يستضيفنا .. ولا أبو العتاهية إذا مضى طاغية سلمنا لطاغية
04-27-2011, 10:21 PM
ميسرة سيد أحمد ميسرة سيد أحمد
تاريخ التسجيل: 09-13-2008
مجموع المشاركات: 3175
مسافرون نحن فى سفينة الأحزان قائدنا مرتزق وشيخنا قرصان مكومون داخل الأقفاص كالجرذان لا مرفأ يقبلنا لا حانة تقبلنا كل الجوازات التى نحملها أصدرها الشيطان كل الكتابات التى نكتبها لا تعجب السلطان ********** مسافرون خارج الزمان والمكان مسافرون ضيعوا نقودهم .. ########وا متاعهم!! ضيعوا أبناءهم .. ########وا أسماءهم .. ########وا انتماءهم ########وا الإحساس بالأمان فلا بنو عدنان يعرفوننا .. ولا بنو قحطان ولا بنو ربيعة .. ولا بنو شيبان
يا وطني .. كل العصافير لها منازل إلا العصافير التى تحترف الحرية فهى تموت خارج الأوطان
04-27-2011, 10:28 PM
الرشيد بابكر الرشيد بابكر
تاريخ التسجيل: 01-24-2009
مجموع المشاركات: 5002
يا ريس نسأل الله أن لا تستمر هذه المتوالية... يبدو اننا نستشرف عصر جديد... و سيكون صندوق الانتخابات هو المحك... أرجو أن يصبر عليه السياسيون... فالشعوب ملت من أن يأتي أحدهم كل مرة على ظهر دبابة و يدعي انه مخلصهم... ثم يذيقهم الويلات بعد أن يشعره الكرسي بأن البلاد ملكه وحده... فيتفرد وحده بالعرش و يتلاعب بمصائرها أيضا... أنا أفضل صندوق انتخابات حتى و ان أتى بمن يخالفنا الراي...
04-28-2011, 07:00 AM
ميسرة سيد أحمد ميسرة سيد أحمد
تاريخ التسجيل: 09-13-2008
مجموع المشاركات: 3175
يأتي الخميس و كاني بالخميس الذي سبقه كان قبل يومين... الا أنه يوم محبب لا شك في ذلك مهما كانت السرعة التي يأتي بها... يوم محبب و ان كانت السواقة فيه لثلاثة ساعات ممله... يوم محبب و ان لم يقم أي منكم بتوصيلي لمسافة مقدرة... و ان كنت أجزم انه لا سماحتكم و لا أخلاقكم تسمح لكم بتركي وحيدا في الشارع... و لا ما هيك يا المنطر عينيك...
04-28-2011, 09:11 AM
زهير الزناتي زهير الزناتي
تاريخ التسجيل: 03-28-2008
مجموع المشاركات: 12241
الرشيد عامل كمين ...بس المنطط عيونه ده اكيد جلا يا سلام ياخي امبارح قضينا سهرة جميلة علي كورنيش الخبر مع موسي عيسي واسرته .... لغاية الساعة تلاتة صباحاً اكيد ما جبنا سيرة جلا
04-28-2011, 09:43 AM
محمد آدم النور محمد آدم النور
تاريخ التسجيل: 05-03-2009
مجموع المشاركات: 1993
Quote: و ان كنت أجزم انه لا سماحتكم و لا أخلاقكم تسمح لكم بتركي وحيدا في الشارع... و لا ما هيك يا المنطر عينيك... و ان كنت أجزم انه لا سماحتكم و لا أخلاقكم تسمح لكم بتركي وحيدا في الشارع... و لا ما هيك يا المنطر عينيك...
إنت قاعد تشحد من صندوق التكافل الأجتماعي و لا قاعد تشحد في ناس البوست البشوف حالتك تقول زي شايل ليك ورقة في جامع و واقف تتكلم بعد آداء الصلاة المفروضة بالنسبة لصندوق التكافل زي الصناديق بتاعت تبرع للمسجد الله يوصلك بالسلامة بالمناسبة رصيدي فنَّش!!!
04-28-2011, 09:53 AM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
Quote: بحضرة من نهوى و في رحاب الهوى الشرقي و بجمال اهلها
الشرقية و اهل الشرقية استضافونا و نعم الضيافة
اليوم الجو حار شوية... والمشوار طويل كما تعلمون... فقلت قبل ما أمشي أشوف الغداء الجايبو معاي من أبو ظبي ده... و الست بيتي ساهرت فيهو الليل كلو.. أجي أقعد شوية في المكان الساااقط ده... و ان شاء الله صاحبي الوصلني مسافة مقدره يوم الخميس... يجي يرطب معاي شوية... بس تعال لابس تقيل يا صاحبي... الجليد نازل بغزاره هنا...
ملحوظة... ما تنسى الجونتيات كمان...
04-30-2011, 02:19 PM
زهير الزناتي زهير الزناتي
تاريخ التسجيل: 03-28-2008
مجموع المشاركات: 12241
يا سلام علي عيد ميلاد الابنوسي الـ29 ... عيد ميلاد سعيد ... عمر مديد .... صحة حديد كل سنة وانت طيب .... بالله يا ابنوسي احكي لينا اول مرة تحتفل بعيد ميلادك متين ....
04-30-2011, 03:08 PM
ميسرة سيد أحمد ميسرة سيد أحمد
تاريخ التسجيل: 09-13-2008
مجموع المشاركات: 3175
مبروك صلاح الامين .... آسيا ربيع ... بيت مال وعيال ... انتظروا صور الزواج حصرياً ... فقد كان مهرجاناً ... غني فيه كل من .... نجم الدين الفاضل ... الاطرش ... سيف الجامعة .. جلال الصحافة ... كمال ترباس .... حمد الريح .... سميرة دنيا ... اما من جاء للمشاركة ولم يسمح له الوقت بالغناء .... عبد القادر سالم ... حنان بلوبلو ... حنان السجانة ... علي السقيد ... فرقة زوجة شرحبيل ... القلع عبد الحفيظ - عامر الجوهري - حسين شندي .... الطيب مدثر .... وجاء ود الامين بعد نهاية الحفلة لارتباطه بمناسبة اخري .....
مبروك يا شبكش ... مبروك آسيا.....
04-30-2011, 03:16 PM
زهير الزناتي زهير الزناتي
تاريخ التسجيل: 03-28-2008
مجموع المشاركات: 12241
أن توفق عريسنا السمح صلاح الأمين وعروسته الجميلة أسيا،،،، في حياتهم الجديدة وأن تؤلف بين قلوبهم إلى أبد الآبدين يا أرحم الراحمين ،،، يا ذو الجلال والإكرام
05-01-2011, 07:54 AM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
Quote: يا سلام علي عيد ميلاد الابنوسي الـ29 ... عيد ميلاد سعيد ... عمر مديد .... صحة حديد كل سنة وانت طيب .... بالله يا ابنوسي احكي لينا اول مرة تحتفل بعيد ميلادك متين ....
Quote: كل سنة وانت طيب يا منصور عقبال الــ 50 شمعة الباقية ..
طبعا يامنص نحن بمبارك ليك ونتمني ليك طولة العمر ... بغض النظر عن حسابات العمر ....
سلام لاجدع ناس وطبعا التهاني بالجملة لجميع الاعزاء وكل سنة ومنصور بخير والاسرة الكريمة وكل طيور الزقازيق ربنا يديم الافراح الفديو دا مفروض يكون هنا طبعا لكن ضل طريقه الي مهرجان صلاح الامين فعذرا اصدقائنا .... خالص الود
05-02-2011, 06:32 AM
زهير الزناتي زهير الزناتي
تاريخ التسجيل: 03-28-2008
مجموع المشاركات: 12241
الحرب خلاص إنتهت؟؟؟؟؟ طيب التعويضات كم؟؟؟؟ لأنو أنا عندي زي 8 أبراج دمرتها الحرب غايتو كان دايريني أصوَّت ليكم لي صالحكم إل تدوني بالتقيل و السلام عليكم و رحمة الله و بركاته
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير الزناتي
أحمد إسماعيل
ياسر نجيلة
موسي عيسي
منصور عبد الرازق
جلال عثمان
ميسرة سيد أحمد
Hatim Gubara
زينب التجاني
عبد الدائم سيد أحمد
الرشيد بابكر
محمد عيد
معاوية عبيد الصائم
مشاعر بدوي
محمد آدم النور
سامي عبد الوهاب إدريس
محمد صديق
فيس بوك
تويتر
انستقرام
يوتيوب
بنتيريست